THE DEPENDANT BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

THE DEPENDANT BY Tochhong Ruata

Unread post by Ngaia » September 25th, 2016, 7:32 pm

THE DEPENDANT.
(Guns, Money, Sugar & Sex)

"Hei hi i unaupa Henrya anih hi, Henry hei hi Mosesa anih hi aw, Thla 5 in Mosesa hi a naupang zawk nangin a lian zawk a, In u buai duhlo mai rawh u, Miriami hi in duat hle tur ani" tiin kapa chuan a ti duam duama, ka ngawi renga, ka nuhrawn leh kan Inlengte in bekbawr vel chu ka en renga...Ka nu hrawn chu nute sanțha lam deuh hmel fai deuh veng mai hi ani a, sam kir buk laih ani bawk, ka nu hmel ka mitthla a ka pa in ka nu aia athlan chhan tur awm ka hrethiam phak lo hrim hrim, ka nu chu engkawngah mah a tluk lo tih ka hrechiang khawp mai... Ka unaupa tura ka pain min hrilh Henrya chu keiaia hniam leh sa pan lam deuh niin Aizawl naupang tih takah a fai veng reuha, anu (ka nu hrawn) nen chuan an mitmeng zim san chu a in ang hle bawk, en mai pawn naupang harh leh luhlul hmel apu hliah hliah bawk.. Kan nau hmeichhia Miriami chu hmelțha kirker deuh hi ani a, kum 9 lek ala ni thung, naute lem akenga asam akhuih sak hlarh hlarha, a zai rat rat bawka, kan veng chu nise ka pawh thlaksak ang a, ka tlanchhe daih ang, țap par chungin min rawn um ngei anga, nuam ka ti leh khawp ang...

Kum 12 ka hmang meka, Ka nu leh pa hi kum 4 ka nih laiin an ințhena, ka pa hi Truck Driver zu heh tak ani a, a zin vahna lamah tuna ka nu hrawn nen hian an inchhara ka nu chu a sazu meidawh san ta ani..Ka nu chhungte hi Khawchhak lam Burma ah an awm veka, kapa chhungte erawh kan khua-ah an awm thung.. Ka Pi leh Pu min duat em em tute chu an boral ve ve tawha, ka patea leh ka ni teho chu kan khuah an la awm bawk.. Ka nu in min hmeithai puia, Hmeithai fapa harh leh sual ve tak, ngamloh nei ngailo ka ni a, ka thil tihsual ah kut min thlakin min vaw țhin mahse na tih vangin ka țap eih ngailo.. Ka mittui hi ala tlak ngai ka hre miahlo bawk.

Kan khua ah chuan ka rualpui leh kei aia upa zingah pawh min ngamlo tu an awm sup mai, sual tur hrim hrima siam ka ni aniang insual te hi ka zir lemlo, ka thiam nghal em em mai bawka.. Kan tet zual lai deuh Kum 10 leh 11 kan nih laiin kan khua ah U Kapa kan tihmai khawchhak mi thingzai Kungfu thiam rawn awmin kungfu naupang ho min zirtir țhina, Chungte vang chuan kungfu posi te hi ka bei ang thei viau nghe nghe.. Ka sualpui tharuma ka hnehloh te pawn min hnek duk chur mahse ka tlawm ve ngailo, min thlah hun hun ah ka bawh leh chat nghal mai zel țhin. Chungte vang pawh chu aniang min sual țha duhlo nge min sual duh vaklo ka intih champ phah em em țhin. Hmeichhe naupang inti no deuh hi ka ngei em em ringawta, an thil kenlai chhuhsak ka ching țhin hle bawk, ka hmeichhe chhaih ve dan ani deuh ber.. Mahse Hmeichhia kut ka thlak ngailo hrim hrim, min kek betin min chum awng awng mahse ka nui mai mai țhin.. Hmeichhe sual nih ka duh lova, Hmeichhe vel ka hriat chu ka sualpui ngei ngei țhin..Chuvangin hmeichhe ho chuan min nel ru ve viau țhin hlauh thung.. Mahse an Teaset te laksak ka chin avangin min hnaih ngam chiah lemlo.. Kan veng bikah ho ka nei țhina, ka hote chuan min hlauh tlawn țhin hle, Khawiah mah keimah aia lal an awm ka duhlo ani bur mai.. Chu zia chu ka neih tlat vang aniang keimah aia u leh keimah aia fing deuh chu ka kawm peihlo hrim hrim bawk.

Ka nu aboral tak avangin ka pa unaute hoin min enkawl peih si lova ka pa min hruai thlak tir tawp mai ani..Ka pa te hian Zu an zuar a, Kan In hi In țha tak chu nilo mahse a rualpawl tawk vel niin achhawng ani nghe nghe, Keini unau chu inhnuaiah kan riaka, kan awm leh awmloh an ngaihtuah ngai tawh si lova, kan leng ru daih țhin.. Zan dar 11 ah te kan haw țhina.... Ka awm ațanga kan len chhuah hmasakna ber zan chu ka thlen zan ani nghal nghe nghe..Zanriah kan eikhama, Henrya nen thleng kan senga, Henryan thleng a sila keiin hmun ka phiatfaia, kan tihfaih zawhah Inhnuaiah kan chhuka, khum 2 lo awmah chuan ahran ve ve in kan mu dawn a, Henrya chuan a homework nge mawni a ziak zung zunga ngawi rengin ka lo en a... "Mosia (Min koh dan ani a hetiang hlir hian kan ziak tawh ang) Pawl engzat nge i nih?" min ti a, "Pawl 5" ka ti bung nghuta... "Keipawh, Kan sikul ah rawn lut ve daih rawh, anuam lutuk" a ti leh maia, ka ngawi renga, ka mithla ah kan sikul tual zawla kan in um kual vel lai chu a lang uai uai a.. "Leng ang hmiang?" tiin a lehkhabu chu a khup sawk sawk a,.. "Khawiah maw?" ka lo ti vata.. "Kan pukah.. bengchheng lo la" tiin Inhnuai kawngkapui kalhna chu a hawng ru dak dak a.. tichuan thawm dim deuh chuan pawnah kan chhuak ta a.. kawmah kalin thenawmte inhnuaiah kan kal tlang phei leha.. Step lo awmah chhuakin kawngpui lamah kan chhuak chho zui ta nghala..Chak zetin kan tlana, thu ve tawk kan thlan hnuah Kawn lo awm ațang chuan kan penga hmun fal deuh laiah hian Culvert tura an tih humpipe hi alo let deuh ruma, A piah mai chu thlanmual alo ni tawha.. Pipe zinga hla ber hek deuh chhung ah chuan mei de va va hi ka hmua.. kan pan hnaia..

Naupang 4 hi anlo awma, meizial an lo zu khu laih laih a, "I va tlai ve kan tlai tawh hrim hrim, hei hi tunge?" tiin keini aia lian deuh thau lam deuh sam buk deuh hian alo ti khar khara.. "Ka unaupa anih hi, Mosia" awlsam deuh chuan a ti a.. "Pawisa ka neilo, ka kal velo mai ang" Henry chuan a ti zawm leh zata... "I neih loh chuan kan nei bik hlei nem...naaa zanin chu kallo mai ang u" an ti sap sap a..Tichuan pipe chhungah chuan kan țhu ta țhama,..

"I unaupa chu kan pawlah a telve duh ami?" Pathaua chuan a ti a, "Ka hrelo, Mosi i tel ve duh em kan pawlah" Henry chuan minti a.. "Eng pawl maw?" ka ti maia,.. "WAR (We Are Roar)" pathaua chuan alo ti vata, enge a awmzia pawh ka hre chuanglo.. "Kan pawla i tel dawn chuan pawisa Rs 2 i thawh angai" Henry chuan a ti a,.. ka ngawi renga.. "mei i zu ngai em?" min ti a... "aih zu ngailo" ka ti a.. ka la zulo tak taka.. "Kan pawla tel chuan an zu vek tur ani bawk" An ti leha.. ka la ngawi renga.. "Naktukah i tel duh leh duh loh kan hre dawn nia.. Kan pawla tello chu kan chhan ve ngailo" Pathaua chuan a ti a.. ka nui ringawta.. a inti huai hmel hle mai... "nia ka lo ngaihtuah dawn nia, mi chhan ka duh ngailo" ka tive hmaka... an ngawi țhapa.. "I insual tawh ami?" Pathaua chuan min en kal chung chuan a tia.. "aw.. sual tawh e" ka tia ka en let ve ram ram bawka.. "duhtawk rawh u, Mosia a tel theilo anih chuan keipawh ka bang mai ang, unau kan ni si" Henry chuan alo tive bawka.. Naupang dang chu an meng fak fak hlawma...reife hnuah Pathaua chuan "hmmm.. tel ve mai rawhse.. mahse Rs.2 chu pe ve tho rawhse" ala ti hrama.. Henry chuan "Ka thawh hnem tawh em kha, Zauva chu i inti thu thei lutuka" a ti bai bai a.. midang ho chuan "nia" anlo ti ve bawka.. Lungawi hmelloh deuh chuan "anih leh mai" a ti ta nge nge a..

Chutiang chuan WAR inti pawl ah chuan ka telve ta a..Pathaua kha Ramzauva niin Zauva an ti țhina, a awmloh lai chuan Zaudula an ti kher țhin.. Pakhat chu Vantea niin hmelfel kirkerh deuh hi ani a, an hausa hle bawk, Pakhat leh chu Hmaisawl deuh beng parh va mai nui heu heu reng mai Mza ani a, Pakhat leh chu Fela ani thung, a țawng thei zat zat hle bawk.. Chulo 1 dang awm leh chu Sanjua an ti maia Vai fa niin amizo hming chu Hmangaiha ani daih thung.. Apa chu Thingpuidawr siam ani nghe nghe.. Mizo nupui nei ani bawk.... Zan 3 kan inkawm chinah chuan kan innel tlang tawh hle, Mahse meizial ka zu ve thei țhak lo..Mahse Zialbung ka hmu sei thei ber thung.. Kapa Sikret ka ruk sak țhina, an lawm thei khawp mai.....

Zirtawp zan ani a, Kar khat ka la awm tlinglo deuh, Cinema en turin kan kal dam dam a, Henry an anu pawisa a trick sak a, Rs 20 lai lehnghal..Cinema hall kan thlenga pawisa an khawn khawm liam liama, Sanju leh Vantea bak midang nei an awmlo a, Zaua chuan "Kei Sanju, Vantea, Henry leh Mosia chiah kan lut thei a, Fela leh Mza chu hruai luh kan tun dawn nia" a tia, ticket la turin akal nghal nalha.. mi anlo tam kher mai.. a inhnawh talh talh a, a pil ta daiha.. a hnuah thlan tla phungin a rawn chhuaka ticket 5 a rawn phawrha.. min sem diat diata..Tichuan Vantea leh Mza an inkaia, Zaua leh Fela an inkai bawka, Gate lam kan pan ta a.. Gate ah chuan minlo checka.. Ticket nei chu kan lut maia, țhiante kai erawh an tang ta tlat mai, an dil chiam pawn an lut thei ta silo, Zaua leh Vantea chuan an rawn luh san ta ringawta.. ka khawngaih ang reng hle.. Enter The Dragon flim kan ena.. Cinema ka vawikhat enna ani bawka hmuhnawm ka ti kher mai..Kan enzo kan chhuak chu ka mit a fai nasa hle bawk..

"Zau, Sawmpuia te țhian ho kha an lo kala, Mosia hi velh an tum" Fela chuan alo ti vata, Zaua chuan nui deuh pah chuan "Engvangin maw?" an vel awmlo e mai" a ti bai bai a.. "Ka hrelo, A mengrum an ti ringawt" Mza chuan alo tive bawka.. "A ho e maia.. kal ang" Zaua chuan a tia.. Kan kal ta dam dama.. Kawnga bur leh parcel lo awmte chu ka pet deuh țhuai țhuai a... kan cinema en chu kan țhiante chu an hrilh nak nak bawka....Kan veng kan thleng țep tawh, hmun fal lai deuh culvert lo awm bulah chuan rualkhat hi an lo țhu a,.."Saw Sawmpuia te chu" Fela chuan a ti sapa.. "Tuman en suh u, kan kal tlang dawn nia" Zauva chuan alo ti ve bawka.. Ngawi reng chuan kan kal zela.. An zawn kan thlen chuan "Zauva hetah lokal teh u?" Mipakhat hian a rawn tia.. ka țhiante chu an dinga.. "Enge kan hman hmawh asin" Zauva chuan a ti bui bui a.. a pan hnai nghal bawka..

"In țhianpa thingtlang mi khan vawiin ah Rda alo melh rum ani maw?" An zinga hotu hmel ber chuan alo ti a..Ka pan hnai phei ve ta a.. "Melh rum awmlo e mai, a hrim hrimah chutiang mai mai vanga inkoh pen a nep lutuk" Zauva chuan a tive ngata.. "Ho lo..." "ho.." tiin an in dinchilha.. an chal leh chal a insi țepa..Henry chuan "Zau aho emai, kal ang..." tiin Zauva chu a rawn pawt sawna.. "Zauva min ngam ve alaw"Saawmpuia chuan a tia,..."Keiman ka ngam che, tumaw min velh tum tupa kha?" tiin Zauva hma ah chuan ka va ding ve ta hmaka..

Mak ti hmel deuh chuan Henry chuan min en hehaw a.. "Nang hian min ngam a maw?" Sawmpuia chuan a tia, Kei aiin a lian zawk Zauva nen an intiat tawk khawp mai... "aw.. keimah hian ka ngam che" ka tive leh hmaka.. "Yes.. ngam leh ngam... Fer fait (Fair fight ) in aw" Midang chuan anlo tia, an tam zawk hle... "Awle... Min cho ve bawka, thlanmual ah kal ang, tumah inchhan awih loh" Sawmpuia chuan a tita a.. Thlanmual lam pan chuan kan kal ta dam dam a..Kalkawngah chuan "I hneh dawn ami?, Zauva pawn a hneh lo ania" Henry chuan a ti sar sara.. "Ka hrelo.. ka tlawm chuang lovang" ka ti ve hmaka.."Hlau miah suh, ka la cho lutuk" Zauva chuan alo tive bawka.. Thlanmual chu kan thleng taa.. An darh sang sanga.. Sawmpuia nen chiah chuan kan inhmachhawn ta a..

Posi ala kual nalh vel hle mai, Kungfu thiam hmel deuhin a zuang vel thauh thauha.. Ka kut ka hum ruh a, Min rawn pet chu a ke ka man saka ka pawt vaka.. chumi pah chuan a bekah ka hnek sak chawk a.. ka thlah nghala.. a sen nghal ap ap a.. Min hnek tumin a rawn vai leh fua a.. ka kun zauhva.. a hnar kawnah tak ka hnek ri no chak maia.. a dak awrh a.. hnung lamah a tlu ri dawpa.. "Mosi bawhzui rawh," phur zet chuan Henry chuan alo tia.. min bial ,,tuau tuau mai bawka.. "tho rawh" tiin a nak ah ka chhuih zawta..a eu leh zzawka...,keiin ka pet zawt zawt bawk a,... Chutah Zauva chuan min țhelh ta a..."a tawk... a tlawm anih khu" a tia.. a țhian te ho chuan an kaitho nghal vata, ahnarthi chu a baw hak hak a.. .."hawng mai rawh u" Zauva chuan a tia an kal ta dam dama... "Insual i van thiam ve, Kungfu i thiam ami?" Zauva chuan min tia.. kan, bukah chuan kan țhua.. kan nui ham hama.. Zan a rei ta bawk nen kan hawng darh zui ta nghala..

A tawp mai dawn emaw kan tih laiin alo la tawp awzawng lo.. A tuk Inrinni zan ah kan buka kan awmlai chuan Sawmpuia u an tih mai, Keimahni aia lian Kum 14 mi tawh hian min rawn zawnga.. ka awm mai mai chu min rawn chhuih ta zawt zawt a.. "Nizan ah ka nau in ringlo lai i hnek vel elaw" a ti a.. Zauva chuan "U Zual i hre sual Anih chu.." tiin dan alo tuma, Zauva chu a hnek zui leh nghal maia.. Ka tho vata.. "eh eh e.. mi inringlo lai ka sual ngailo" tih leh a tukhum lama hnek chu ka rual nghala..a rawn leh hawi leh lai tak chu ka lo hnek nghal zawt zawta, a dak awrh awrha.. a țhiante chuan minlo man beta.. ka tal chhuak vata.. min manbet tupa chu ka hnek ri leh chawka, a kun nghal ngaih ngaiha.. kan thawm hraiin kan piaha awm tlangval ho chu an rawn kal vata min rawn țhelha.. "Zuala tinge mi awm mai mai i rawn khawih ringawt le" tiin an hau ta neka....Hemizan ațang hian kan awmna vegah chuan Kungfu thiam larin ka lar taa.. Kan rualpui pawl dang hotu deuh chu ka ngam fai vek bakah Kum 14 chin ho ami pawh ka sual deuh nual bawka.... Ka țhiante chuan min tlukloh en deuh vek tawh..Veng dang naupang nen an intihbuai pawn min rawn pun țhina, Mahse ka kal duh ngailo...Kan veng țhenawm chiah ah Huaideuha an sawi Saieka an tih chuan min cho thu hi a sawi fo maia.. khawi hmunah pawh ka cho hi a ti leh țhin a..Ka nui mai mai țhin....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2016, 7:33 pm

Zan khat chu TV en tur zawngin kan lengkual a.. Kan veng thenawm a Pu Zatawna te In kawtah kan țhut lai chuan Saieka te chu an rawn kala.... "Tunge Mosia chu?.. insual i thiam viau ami?.. Dosavunga hnuaiah black belt ka zir tawh asin" tiin ka hma chiah ah hian a rawn dinga.. Cher sang lam deuh hmelchhe deuh mai hi ani nghe nghe.. "Chutiang engmah ka zir velo, Mahse min ngam chuan ka ngam ve tho che" ka tia, ka țhut ngaiin ka țhu renga.. "Min ngam Maw?" a ti ha a, an nui dar dara.. "aw..ngam" ka tia.. "Hetah lo Sikul tualah kal i la" an tia.. kan zui ve nghala.. Zauva chuan "Kungfu a thiam tak tak ania, i hneh loh chuan ka rawn pui ang che" a rawn ti su su a..ka nuia "Ngailo" ka lo ti a.. Sikul tual chu kan thlenga, min din hual țhapa.. "Tumah in chhan awih loh" Zauva chuan a tia,..."Nia, min chhan chhan chu ka hnek hrep ang" Saieka chuan ati ve bawka.. kan inveh ta țhem țhema.. Kung kick chuan mi rawn kick vei zauh zauh a, an lo e ham ham țhina..ka tawlh zela remchang ka zawngran a.. min kick țhelh a insiam rem hma chuan ka bawh thuta anak nemah chuan ka pet ri ta thlawrh a, a eu zawka, ka bawhzui leh nghala.. minlo kuah chata kan in elh ta ngar ngara... Min keuh tluk tum chuan ka ke a thai țhina, ka la sawn hman zel sia. chutah a țan loh nalam zawk ke chu ka kalh thuta hnung lama ka elh ngheka kan pai nawk nawk a, chhuat charah chuan kan tlu ta dawpa.. a chung zawkah ka țang vata.. ka hnek nghal zawt zawta.. a hmai chu a kutin a dang nangin ka hnek fuh nual tho.... "i tlawm em?" ka ti reng bawka.. reife hnuah "awle.. ka tlawm e." a ti ta hrama.. Ka tho va.. ka kai tho nghala... "Min cho tawh reng reng suh, In boss Dosavunga kha ka zirtir anih kha" ka ti deuh ngata ka țhiante chu an nui ham hama.. Inti champ deuhin kan venglam panin kan haw ta nal nala.. Kan tlukna lamah khan ka kiu leh ka khup ka sawhna ve deuh nghe nghea.. ka kiu phei chu a pilh nuau nghe nghe..

Saieka ka hneh tih an hriat hnu phei chuan ka lar hle tawh, Krismas vuak vet lai pawn sualpui tur ka hmu deuh reng țhin..Ka sikul kalna ah pawh min hlau deuh vek tawh a homework ka ti ngai lova min tihsak tu ka nei reng țhin.. Kan pawlah chuan hotupa berah min dah bawka, Zauva chu huaisen ve deuh ni mahse ngamloh a nei hnem deuh bika.. Chuvangin kan pawl chuan min ngai hotu zawk ani.. Kan pawl member pawh kan pung chak tawh khawp mai, Kan bukte ah pawh kan leng tawh barlo.. Meizial zuk an ching hlawm em em a, ka zu ve duh miahlo thung.. Sanju pa hi pa fel deuh mai ani roh a, kan țhian ho chu eng eng emaw min tih tira pawisa min hlawh tir țhin.. An in ah chuan kan ngam em em mai bawka... Board an neia kan pen laih laih țhin...

Kum 13 ka nive ta reng mai, ka pumrua a lian bawk nen tleirawl pangngai ang maiin min ngai hlawm tawh,....Kid ka ngah tual tuala, haw tu pawh ka ngah ve viau taawh bawk, Henry nen chuan Unau piang hmun ang maiin kan in ngaia, Engtik lai pawn kan inzui reng țhin.. Kan zirlai lamah kan tițha peihlo mai pawha..Mother Bank kan tih mai kan nu pawisa lak kan chin bakah asen chi an thuruk kan ru chhuak zauh zauh țhin bawka, Chungte chu Tlangval henah kan hralh țhin... Chutiang chuan hun kan hmanga.. Dawr lian vak lovah kan lut huka thil lei tur ang deuhin mi pakhatin a biak buai laiin mi dangin engemaw an lo paipawn zauh ta țhina.. kan huaisar țhin hle...Bazar puiah pawh chutiang chuan vai dawrah te kan ti țhina..Vai ho phei chu kan hlaulo khawp mai.. Vai chhang kawt pawisa dil leh an chhang laksak kan ching hle bawk..

Zan 1 chu khua a chhia in boruak a hnawk churh mai a, Sanju teh inah kan awm țhapa Eng a awmlo lehnghal, Sanju nu hi ruhseh nei niin khawchhiat lai hian a che thei lova, a țhu kawm ngal zela..Chumi zan pawh chuan eng awmlaiin board kan pen a, Kan ri ham hama Power Supply arawn tawp thuta, Batti an lo nei silo, Sanju, Henry leh Fela chu lei turin Sanju pa chuan a tira... kan lo nghak țhap a.... An rei phian maia.. kan veng kawn dawr awmna hi Sanju pa dawr an in ninghal bawk ațang hi chuan a va hla deuh hleka.... Trek atla ri dum dum reng bawka...chutia kan țhut thap lai chuan Fela chu hmanhmawh deuh hian a rawn lut rawk rawk a..

"Henrya....Hen...Henrya an vit" a raw ti hlawp hlawpa.. "Engmaw?" tiin kan ding suauva.."Henrya U Zuala'n a rawn vit ringawt.. Pi Puii dawr kawta kan din laiin" a tia. a thusawi tawp lam chu ka hre hman bar tawhlo.. kawngka chu ka nam hawng rawka ruah sur buan buan hnuaiah chuan kawn lam panin ka tlan ta nal nala...

Pi Puii Dawr kawt-ah chuan min an lo awm laih laiha.. Henry chu an lo zawn meka.. "Naua (kan inkoh dan)..Naua" ka ti a, ka sawi nghal nawk nawka.. A dul leh a kawr vel chu thisen hlirin a khat a, a thang hum hum bawka.. Pi Puii te In lamah zawk chuan an zawn luta.."Mosi,..ana lutuk..." a ti khur dar dara.. "a nak sir deuh an hupna chu thisen a rawn baw zur zura.."taxi zawng vat ru"ka ti tuar tuara.... "Police ko phawt ang" ti tawk anlo awm bawka.. "Naua... Tunge?" ka tia.. a rawn meng diar diara.. "U...Z..Z..Zuala" a ti thei țawka.. "Heila Motor chu le" an tia.. ka pawm nawlha minlopui vat bawka, Motor ah chuan kan lawnpuia.. "Sanju ka nute lo va hrilh teh" ka tia..Zauva nen Damdawiin lam kan panpui ta nghala..

Rin aiin alo vit thuk lo hlauha.. an țhui sak nghala.. Kawra thisen kai nuau chungin Damdawiin kawtah chuan ka țhu ngawi rana.. Zauva pawh chu che changlo chuan a ngawi ngal bawka.. Ka nu leh pa an rawn thlenga.."Enge a an?" an rawn ti vata.. Zauva chuan alo sawi nghal zung zunga.."In leng dawk dawk reng ringawta in heti dawn reng asin... Tunge vit tu?" ka nu chuana ti hlak hlaka, a thinrim hmel hle bawk.. "Ka hrelo" Zauva kheuh zauh pah chuan ka tia.. "in hrelo maaw?" an ti ha hlawma.. "aw hrelo" Sanju te inah kan awm lai ani" tiin Zauva chuan thil awmdan chu a sawi a.. "Police ah ka zualko dawn khawp" Kapa chuan alo tive mek bawka..... Khuma an mut fel hnuah ka nu leh pa chu an luta.."Tinge i sawi mai loh" Zauva chuan a tinghal vata, "Phuba kan la thei nang... Midang pawh kah an hre tur anilo" ka ti hmaka.. Chutih lai chuan Sanju pa ho in midang chu an rawn thleng ve chaih hlawma... Kan thil tum chu Zauva chuan alo hrilh nghal vata..Henrya lo harh hnuah pawh kan lo hrilh nghala.. a ni pawn "Zan ania a thim bawk sia, a lu a tuam tlat sia kan hrelo" a tive tlata.. Police lam pawn tihdan an hre vaklo...

Kar lovah Henry pawh a dam ve ta der mai, Mahse kan lenchhuah an khap avangin room ah kan tawm chawta kan țhiante an rawn leng zawk țhina...... Zuala chu kan enthla reng bawka...Zan khat chu In a kan awm laiin Fela leh Zauva hi an rawn luta, "U Zuala sawlai ah sawn kan hmu, a ruiin ka hria" Zauva chuan a tia.. Ka tho tharha, Zauva chuan min zui nghala, "tumah rawn kal ve suh u" kan tih avangin tumah an rawn kal ve ngam lova..Zauvan a hmuhna lam chu kan pan nghal nal nal a... Kan veng leh vengdang in rina kawr lengkir sang deuh mai awmna lai ah hian kan va um phak ta a..

"U zual lo dingte" Zauva chuan a tia.. a rawn hawia "Enge Zaute" Dam diai chuan alo tia.. "Henry kha tinge i vih a..?" tih leh hnek ka rual nghala.. A pai țuang țuanga.. khamah chuan a tla ta daih.... "ehe...kan tia.." kan thlir zui nghal vata, Mahse a sang ema kan hmu phaklo hrim hrim.. "Kal ang..Kal ang tuman min hmulo...I sawi chhuah loh chuan ka sawi chhuak dawnlo" Zauva chuan a rawn tia a.. ka hreh khawp mai.... Mahse tih theih nei heklo.. ka kal ve ta nghala... Kan va thlen chuan "Enge chanchin?" an lo ti vata.. "Kan va um phak lo, Veng dangah a leng dawn aniang" Zauva chuan a ti maia.. an sawi zui nak naka.. Kut la thlak ve ngei an chak thu an sawi sap sap hlawma.... An haw hnuah pawh ka rilru a nuam theilo,.....Ka muhil mai theilova, Zuala tla lai chu ka mitthlaah ala cham renga..

A tuak ah Ruang an chhar thu leh Zuala ruang anih thu kan hre zui ta a.. Kan țhiante chuan "In va um phaklo kha amak reng ani, khamah alo tlak daih vang kha aniang" an ti sam eta.. kan nui ve maia.. Zauva chu engmah awmlo ang maiin a awm thei, Kei erawh nuamlo tihna riau ka nei thung..Kar aliam, thla aliam hnuah ka reh ve deuh chauha.. ka taksa pawn a tuar hman hle..."Zau, tinge hrehawm ti ang pawn i awm miahloh" ka tih chuan "A ho e.. kan tih tlak pawh ani hlei nem..i hneka, a pai nawk nawka a tla thla mai a lawm, Rui lose a tla tawp nang a hrim hrim in ar ka phil ngun tawhah engahmah ka ngailo" a lo ti sam eta...Kum 13 mi lek niin tual kan that chu ani deuh der tawh.. Police record ah pawh Henry chu naupang khawlaia vih tuar hmasa ber angin an ziak nghe nghe bawk..

Kum 14 kan tling chho chu kan aw pawh a lawi ve rut tawh, Sikul kan la kai hram hram a. Kei phei chu Top 10 ah ka lang ziah lehnghal.. Ka thiam theilo hranlo, mahse ka ngaihsaklo ve em bawk ani.. Hetih lai hun ațang hian Petrol hnim leh Ganja zuk kan ching țana nuam kan tive hle, hmeichhe chhaih nuam kan ti țan hle tawh bawk... Kei hmeichhe ngaina lo ta chuan ka chhaih velo ani maia, ka țhiante ho chuan an lawm ve viau tawh..... Zan khat chu kan veng kawnah kan țhu khawm lat lat a.. kan venga tlangval insual hrat ber nia an sawi U Kima chu a rawn kala, ka țhu mai mai chu "Mosi insual i hrat an ti ka beng mai ang che, nang ve mai mai hi insual hrat reng reng suh" tiin min nem deuh salh salh reng maia.. ka ning ru tawh viau.."U Kim khatia in tih in tih bik kha a nuamlo ve tho ania," Henry chuan alo tia.. "Nang kha Muan huri fapa i nih kha, ka beng mai ang che" a ti kher mawle.. ka sa phata.. ka ding a... "Kal ang u... a țha dawnlo tawp" ka tia..Hetih lai hian ka lian in ka sang ve tawh hle, U Kima pawh ka tiat reng tawh, tleirawl luh lul lai tak kan ni.. "Engmaw i sawi, nang khan... I inti pa deuh elaw" U Kima chuan ka bana man pah chuan a ti a... "Aa U Kim khatia intih kha ka duh miahlo ania, Ka nu chung chang hi i sawi tur pakhat mah a awmlo" Henry chuan ding pah chuan a rawn ti a, "Eee In unau chuan min sualrawn ula ni mai lawm, i pa ho ho pawn" a ti leh hrama.. a ding tuah tuah a.. ka kut a chelh chu ka phih thla lawpa.. "Sual rawn kher a ngailo, keiman ka ngam lutuk che alawm.. Kan aia u te in nia kan ti duhlo mai mai che a.." ka ti ta hmaka.. ka jacket ka phelh a, Fela ka pe nghal hmaka.. " E min cho maw, Zawng fa lubawk" tiin a in hlim sek ve nghala.. Pawsi kan laa.. min rawn hnek thut maia ka lo thle sawn hman nangin ka bek chu a ri chawrh tho.. ka pai deuh țiang bawka.. ka ding leh vata min rawn khawih zui a tum lai chu ka lu in a dulah ka lo su zawta a ek uk a. hnung lama a tlu khu luiha..ka bawh zui nghala.. min lo man beta, tlangval puitling tha nge nge a chak deuh min lehthal vata.. min hnek zawt zawt a.. ka indang seng meuhlo..Pa ho an rawn thlenga min țhelh a.. ka thinrim lutuk chu ka sen vekin ka hria.. ka mit a bui luk bawka.....Ka insualpui ka hnehloh vawi 1 na ani bawk nen ka tha na lutuk chu ka ngawi reng ringawt mai ani... "Naupang i kum zat aia tam mi ka sual tawh, min ti mai mai suh" tiin min kawk vela.. "Kan la hria ang chu...țhelhtu awmloh hunah" ka ti ve hmaka... "Naupang te te ngawi rawh" pa hoin min tih takah chuan ka ngawi ta hrama..

U Kima ka hnehlo chu ka la na bawk a niang ka hmuh hmasak berah ka cho leh hrim hrim ang ka ti rilru nauh nauh renga..Mahse hun remchang ka hmu theilo.....Ka hmuh remchan lai hian midang an awm ve ziah bakah hmun lun lai tak ani ziah bawk... Chutiang chuan rilru na deuhin thla 2 zet ka awm hman tihah Sunday zan ah hun țha ka hmu lehta hlauh a.. Krismas dawn hnaih ani a, Sanju pa dawr chhakah Meizial zuk ruk an duh avangin mei kan chhema, kan ti ti laih laih a..Chutih lai chuan Sanju pa te chu an rak ta teng tung mai, kan tlan thla vata.. U Kima leh a țhiana Ronalda Chuan Sanju pa chu khawih an tum alo nia.. "Enge in pawi kan sawi, hetia min tih ?" Sanju nu chuan alo ti pang panga.. "Vai mai mai haw daih rawh, Khawi pawisa chu min pe rawh" U Kima chuan a lo ti mek bawka..

"Pa Dur, pe miah suh, khatiang dawihzep ho kha" ka ti hmaka.. "Nia, kan awm chhung chuan i pe tur ani lo" Zauva chuan thingfak keng chung chuan alo tive bawka.. "Nauva engmaw i sawi, ka hnek leh hrep mai ang che" tiin min rawn pan pheia.. "Kan hlap tlu tawp teh ang" Zauva chuan alo ti ve bawka.. "Zauva.. keimaan kan sual leh ang e.. Tuman min țhelh hauh suh u" ka ti ve ngata.. "eh ee eee" in sehruh teuh chung chuan a rawn tia.. kawngpuiah ka tawlh chhuaka.. min rawn hnek leh thut a ka lo hrelawk xtawh bawk nen ka kun zauha, ka kuttum a thlawk chhuak ve nghal zawka, a bek ah a ri chawka, lehlam ka vai zui lehnghal vata a ri leh chawka a pat dat dat a.. Chutah min bawh tumin a rawn ban phei chu ka lo mana a inrin loh laiin Judo style in ka lo theh tlu ta dawp maia..a huk duta..ka bawh zui duh tawhlo a remchang lai lai ah ka chhuih zawt zawt a, A țhianpa chuan min rawn man beta, ka țhian ten an lo bawr ve nghal vata.. Kan veng tlangval insual hrat leh hnawksak zet mai 2 chu kan hnek thi tasung maia.. Pa ho an rawn thlen meuh chuan a vung luk hman tawha.. chanchin an hriat chian hnu phei chuan Sanju pa Pu Badura pa zaidam mizopa ang maia tlawmngai kut thlak an tum avangin Police hnenah an dah zui ta daiha.. Keini pawh kan mawngah min hlap nek bawka.. Ni 2 chhung chu ka țhu țha theilo...

Kum aliama.. Kum 16 kan hmang ve der tawh....High School kan kal țan tawh a, Ruih hlo tih ka ching chho ve țan hle bawk, Denrite hnim te Damdawi ruih te, Zu in te kan ching chhova, Insual zeuh zeuh kan la ching hle bawk, Tattoo chhut kan uar em em bawka, thiam leh thiam lovin Mza'n min chhut sak țhin..Gospel Campingah te kan lut ve țhin ngeia mahse engmah kan ang chuanglo, Kan chhungkua pawh kan che nawi sawt viau, ka pa zu ngawl vei rui reng mai chu kan enkawl ani ber, A zaidam hrim hrima aphun nawi ngailo, ka nu erawh ala țek țha thei viau thung. Kapa chu Zu a in nasat luat vangin vawi 10 chuang damdawiin ah kan luhpui tawha, Mahse a dam dek deka a in leh nghal zel bwksi, a chhe tawlh tawlh ani ber.. Ka nu lah a inchei parh em em reng ringawta, Town Bus driver leh taxi driver ten an ngam em em reng ringawt mai ani.. Chutiang vel boruakah chuan keini unau lah VDP in min hlap loh leh Police Custody ah min dah leh zawk zawk fo mai bawka, Sikul ațanngin Vawi 6 suspend ka tawk tawh a, High School 3 ah ka kut kual tawh bawk.. Kawhmawh bawl ching viau mah i la Ka examna ah ka tichhe ngai chuanglo, abik in Maths, English leh Hindi te ka thiam zual, Cinema en kan hrat bawka Hindi phei chu kan țawng zuah zuah thei..

Ka pa damloh laia kka nu awmdan chu kei a fahrawn tan chuan ngeiawm duh tak ani, Ka rilru hrethiam niawm takin Henry pawh chuan a nu chu a zilh ru fe fo țhin tih pawh ka hre ru reng.. Kei hi kapa fabik ka ni a, Anni 2 erawh ka nu fa bik an ni nangin pa hran ve ve anla ni zui, Thisen khat nilo fa 3 enkawltu nih chu ahahthlak ve maithei.. Nikhat chu kan Sikul bang chu ka nu leh kapa an lo awm lova, Miriami chuan rawng alo bawl karh karh a.. "Mami khawnge midang" ka tia, "Apa kha a luaka damdawiin ah an kalpui" a ti maia, nidangah pawh an kalpui fo tawh ngaih țhatlohna ka nei lemlo, Mami chu rawng ka bawlpuia.. Kan farnu neihchhun ani bawka kan duatin kan chhan em em ringawt mai ani.. Chaw ei kan peih vek tawh inleng kan la nei a, an zu in lai chu kan nghaka, kan țhenawmpa Pu Saihnuna fapa U Sawma a rawn luta, "Henry i pa a zual a in unauin Damdawiin ah phei turin an ti cheu anih chu" a rawn tia.. kan insiam sawk sawka kan kal zui ve nghal mai a..

Kapa chu a lo meng peih lo, Oxygen an pe a, minlo en reng a, zawite te in a phuna "a be duh che aniang?" an tih vangin ka zuk kun hnaia "Min ngaidam rawh aw" tih zawng hi alo sawia.. a mittui a luang ngiai ngiai bawka.. Engmah ka sawilo engvanga chu chu sawi nge anih ka hrethiamlo..Rei vaklo hnuah chuan a chatthla ta mai renga. Ka nu țap nasat zia kha ka la hre reng țhin.. Kapa chu kum 40 mi lek niin a boral ta rengmai. Nu ka nei tawh lova, Pa ka nei tawh heklo, Ka neih chhun chu Henrya leh Miriami chauh chu an ni mai niin ka hria.. Ni aliam zela, Ka nu pawn zia achhuah nasa zual sauh a.. kan hmuh laiin an infawp lo chauh ani țhin.. Sunday tlai khat chu ka hritlang ka leng peih lova, In ah ka awm a, kan room ah ka muzal mai mai a, Inchungah ka nu leh midang an awm laih laih a.. an nui ham ham țhina.. Chutihlai chuan Miriami chu inhnuaiah tap pur chungin a rawn tlan lut thla a.. "U...u..minchhan rawh" a rawn ti ta mai.. Engmah ka ngaihtuah hmanlo.. "Tunge ti che?" tih leh thawh ka rual nghala.. "Sawmpuia khian min kuah ringawta ka hnute min khawih sak" a ti chiah chu ka lim chho zawk anih ber, Ka nu in "a u ten an chhan teh ania" a tih ri chu ka hre hman "Hmelchhepa" tih leh kawrnghawng a țham ka ruala min hmu hman hram ang a ri no nghal chawk maia, a hnar ațangin thisen a baw nghal zawiha.. kan ri ta tengtung mai..

Henrya leng lo haw chiah in engmah hrelo chuan mi rawn chhan ve nghal ngawt bawka.. An țhian ho chu 4 lai an nia, kan inphek sual ani ber, ka lu ah stool in min khawnga a thi zur zura ka thinrim sauh maia, Ka hmuh hnaih hnaih chu ka hnek hmiah hmiah tawh mai ani..Stoola min faw tu chu ka hnuk chhuaka kawngpuia ka sawisa ta hrepa.. Lungtum ka la a chhut hlum ka tum chu Henry chuan minlo dawm vata.. "Mosi inbeng daih rawh" a rawn ti a.. "i duh ami nang kha... min dang suh" ka tia.. amah zawk chu ka hnek thawi thuaka.. Chupa ka chhut tum chu a tlanchhia a,.. Ka umzui nghala.. kan țhenawm te in ah a tlan luta.. ka um zui zela.. min dang tum a piang kha ka hnek ani nghal mai si... "Min pui ru" tiin an țhuthleng karah a birua ka hnuk chhuaka..an țhuthleng engkim mai chu a let remrum mai bawka.. "U....ngaidam rawh.....khawngaih in ngaidam rawh" Miriami chuan ka hnung lama min kuah chung chuan a rawn ti a... a samah ka țhama chhut ka tum laitak ani a.. chutia ka nau awmnem zawkin min rawn tih takah chuan ka harh zawka.. ka tin uaih tawh chu ka la thla a.. Lung chu ka paiha.. ka lu chu a thi zur zur a, ka kawr zawng zawng a bual sen zul mai bawka..

Tunge Police phone ka hrelo, Miriamin ka lu min tuam sak mawlh mawlh lai chuan Police chuan min rawn man ta ringawta.. ka hrethiamlo kher mai, "Enge in man Chan, kan inchhungah buaina an rawn siama, in man zawk tur a lawm" Henry chuan alo tive bawka.. "Custody ah kan sawi fel dawn nia" an ti tlata, Min hruai zui ta nghala.. Police Station kan thlen hnuah Ka nuhrawn ngei chuan Police alo phone ani tih ka hre chauha.. ka nui tawpa, "I nuhrawn hian an kianga awmah a duh tawhlo che a... Social welfare lamin Home ah thla 6 chhung an enkawl thung ang che.. Jail tang rual i la ni silova.. tiin attempt to murder case an ziak lut ta rup mai ani...

Henry leh Miriami an rawn lang vata ka lo hrilha Henry phei chu a lungawilo hle nghe nghe..... Tichuan Zan dar 7 ah Home lam enkawltute leh Police ten Home lamah min hruai ta nghala..Ka rilru anat rual rual in ka dam ru viau thung, Min awmpui duhlo tawhsa avangin Home ah awmlo mah ila ka vakvai tawh dawn tho tho sia.. Lungawi taka awm ka tum angai ani....

Hei hi ka chhungkaw neih ve chhun nen ințhen darhna bul alo nita a... Home ațanga ka chhuah hunah Indang kan luah dun tuur thu Henry an min rawn tlawh țumin a sawia.. Engmah ka sawilo.. Ka survive awm chiang emai... tiin ka rilru ka sawh nghet sauh sauh zawk ani...

(Heti thleng bak chu Two ah ti mai ang aw... Word limit a awm khanglang si a.... Silai, Pawisa, Ruihlo leh Sex nen engtianga khawsa zel nge anih ala lang dawn chauh e...)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2016, 7:33 pm

THE DEPENDANT
(Guns, Money, Sugar & Sex)
TWO

"Home ațanga i chhuah hunah min rawn pan vat dawn nia" tiin Sanju pa in min hrilh chu zawmin an in chu ka pan ding nghal nalha.... Minlo lawm der thiam khawp, an in ah chuan ka khawsa ve rih ta ngawta,.. Kan țhian ho chu dan ngaite bawkin kan inkawm tel tel renga, Engemaw ah kan țang ho țham bawksi...Sanju pa hian mikhual Vai hausa zet mai a neia, Chupa chuan A sumdawnna chu zauh a duh vangin keini ho chu min be țha khawp mai, dawr siama a dawr siam venghim tur leh a mi chhawra te veng tu turin min duh ani ber mai...Min sawm ngun tak em avangin kan remtive ta hrama.. Mizo nupui ah aneia, a nupui chu a duh vang renga nei niloin a sumdawn awlsam nana nei ni berin ka hria..Veng 1 ah in chhawng 3 a leia a nupui hminga lei ani nghe nghe.. A hnuai ber chu kei leh Henry chuan kan luah ve ta rana.. Engmah kan tilo, Inchung chiah chu In neitupa nupui chuan a luah a, a pasal chu Delhi lamah a awm tam zawk vangin engkim, Mess thlengin kan zawm veka, Balu, Cement leh Brick tih vel dawr hmun 2 ah an neih bakah Pipe, rangva etc an supply țhin bawka, Vai 4/5 hi an khawi reng bawka, chung sumdawng ho chuan tlangval hawk lak in an tihbuai changa venghimtu atan min duh ani ber mai.. Anih na takah chuan Body guard ni turin min chawmhlawm ani ber mai....

Keini tleirawl ruih hlo duh rual, awm mai mai bak thiam neilo tan chuan chutiang tluka nuam chu a awm kher awm love.. Kan awm mai mai a, zan ah kan leng chhuak leh tawpa chu bak engmah kan ti ngailo....Hetih lai hian keimah ni ang bawka tleirawl awm țha duhlo khawlai a vak a mi sawisak vak emaw chemte nen mi pawisa laksak ching an awm ve tho bawka, Veng hrang hrangah Misual pawl rualkhat hi kan awm deuh vek ani ber mai.. Chung ho rual zingah chuan ka hming leh kan pawl hming WAR tih chu hrelo an awm meuhlo.. Police lam record ah lawh No.1 ka ni nghe nghe....Kan In ah chuan bungrua kan nei tamlo khawp mai, Gas stove engemaw kan ei ve duh taka kan siamna tur leh bungbel tlem bakah Refrigerator lian vaklo hi a awma, Sofa set hlui lam tawh deuh a sei 3 leh a tawi 1, Leather case nei hi a awma, Chu single seat bik chu keima chanpual deuh bik ani nghe nghe.. Tv lian ve tak 1 hi kan nei bawk a, Room 2 a awma, 1 chu ka private niin, a dang leh chu a duh duh mut nan kan hmang maia, nula tawmpui duh leh riahpui duh an awm pawn an hmang mai țhin.. Hmmeichhe vak rawlai khawpui mi leh thingtlang lam mi 2/3 hi chu kan kawl ve deuh chawt țhin..An service duh anih pawn room chu an hmang thei a, Mahse Pawisa ka dil zel thung.. Ka awm dan chu Lalfapa ai pawn a nuam zawk awm e....

In neitula nupui Pi Agnes chuan min beisei ve țhin tih ka hre reng mahse hmeichhe lawm lochi ka ni sia ka ngaihven duh lemlo.. a room ah min koh luha a thuam hnaw min thlan tir te achinga.. ka hmu lai ngeiin saruak lek leka awm te pawh a nei zauh zauh țhin, ka hrelo der tlat țhin.. Pawisa ka neihloh chuan ka dil maia min pe mai zel, Tin Dawrah kalin Vai ho chu ka dila Rs 500 aia tlem min pe ngailo.. Min pe duhlo anih chuan an pi in a hrawk nek țhin.

Pi Agnes hi kum 30 aia upa tawh tur chu ani a, Hmelchhelo tak, English, Hindi, Bengali a thiam em em veka, Amah hi lehkhathiam ani ve hrim hrim bawk.. Office a dawrkual a, achangin min hruai zauh aching țhin.. Officer room ah nileng țhaka inkhungbo chang anei zauh zauh țhin.. Office bungraw supply tur a hmu thei viau thin.. Chutiang anih chuan apasal in Delhi lam ațangin a rawn supply chhawng vat țhin.. Bill a chhuah chang chuan kan khai haw nghawk zel bawk..Thuamhnaw engkim min leisak bawk țhina.. ka tan chuan nuam tak ani..

Zan khat chu min rawn phone leha.. (Intercom kan vuah vek a)Ka han chho chu sitting room ah Mipa khat nen an lo țhua... "Moses, lokal teh" tiin a bulah min țhut tira.. kațhu ve maia.. "Hei Silai i duh em?.. Ka lei sak ang che" a ti a.. "eng silai nge?" ka ti maia.. "Han phawrh teh Pu Lian" a tia.. A inleng pa chuan a bag ațang chuan bawm a rawn phawrh a, 4 lai a rawn hung chhuaka.. Pakhat te te chuan a hawng diat diat a.. Pistol nalh deuh deuh alo ni hlawma.. "1 hi Rs 40,000 zel anih hi.." a tia.. Revolver pistol a fawng sailungvar a siam, a tak tle hnum hlarh mai chu ka la a.. " ka duh duh ka thlang thei maw?" ka tia.. "i duh duh ani mai" nui chung chuan a tia.. "anih chuan hei hi ka duh a lawm.." ka tia..pawisa an inpe fela chupa chu a chhuak zui ta maia.. "I țhiante hrilh lemlo la ațha ang.." a tia.. a tho a.. "Ka room ah lo lut lawk teh min ti leh a.. zandang ang bawkin min inshow khum leh ngei anng le ka ti rilrua....

Khumah a țhua, khum bula țhuthlengah ka țhua.. "Whisky dawm dun ang aw?" a tia.. ka lo aw ve maia.. "Nang hi i pa theilo niin ka hria... Mipa tam tak hian chilthli tla duah duaha a min thlir laiin nang hi chuan min en ngai pawh ka hrelo" a tia.. zu min pe a, ka nui mai a.. No khat a tlak zawha "ka inbual dawna i duh leh lo inthlit mai rawh" tiin bathroom ah a lut zui nghala.. a inbual hlan chuan ka silai chu ka lo lek vela no 4 zet ka lo in hman... a rawn chhuak leh chu towel chhing zet hian a rawn intuam chhuaka... min nuih a ka lo nuih ve mai bawka.. Zan dang anglo takin ka hmu duh ta tlat peka.. darthlalang hmaah a thu a, ka hmuh theih ngei turin a chawn leh mal velah lotion a inhnawih a.. a țawng zat zat pah renga.. ka tho lawka ka pan pheia.... "Ka pa theih leh theih loh chu kan en dawn em ni?"ka ti a.. a nui hak hak a.. "ka ringlo.. " a ti sapa.. ka kuai hera....ka kaithoa.. zo deuh chuan ka chawi ta nawlha..

Chumi zan ațang chuan ka phur hun hun ah ani tawh mai.. Mahse ka phur khat viau thung..Kan room chu KS in zawrhna leh Ruih hlo tihna room ani ber mai..mi 4/5 hi kan kawl renga, Pawisa tlem azawng kan hlawh ve țhin bawk.... A chang leh Insual kan țhelh a ngai leh țhin.. Hmeichhe zu rui insual kan țhelh a zing ber..... Kan awmna area a vai sumdawng zawng zawng chu kan ven him leh hmeichhia kan supply te an ni veka, an hnen ațangin pawisa kan la țhin bawk..kan mamawh zat min pek loh chuan vo te pawh kan vo ve fo bawk.. Kan hotupa ber lah thla 3 danah a rawn chuang chhuak chauh ani a, Kei chu hotupa ber ka ni deuh ber mai.. a khumpui ka kai sak zan lah a tam bawk.. a motor lah ka duh duh ka khalh chhuak thei vek bawk si.. nuam tak hi ani ringawt..

"Moses, buaina ka nei, Kan pawisa Rs 10 lakh lai min laksak tlat mai, Nuaih 150 la tur ka nih laiin Nuaih 140 chauh min release saka, hepa hi ka haw tak zet ani, Gushan lahin min rinloh phah ngei ang..engtia tih chi nge niang?" Pi Agnes chuan a ti a.. "Kan zilh hlak mai dawn em ni?" ka ti sam et a.. "Pawilo.. mahse that lo ula" a tia.. "Enge kan hlawh ang" ka ti a.. "Nuaih 2 in hlawh dawn nia"a tive mai bawka..a hmel awmdan leh achanchin min hrilh ta a.. Thing tlang lama Officera awm ani a.. a zin kawnga lo chan kan tum ta a..

Kan nghak rei tawh hle, khua a thim chhalh chhalh țan tawh, Aizawl lam pana rawn tlan tur an ni a, Kan bei dawng hman țep tih ah kan miduh ngei chu a rawn tlan ta a.. kan motor chhia ang deuhin kan daha. kan bul alo thlen chuan "Tinge ni a?" a rawn tia, motor ațang chuan a rawn chhuka.. eng khaw sawi set set lo chuan kan lo rek bet nghal nawk nawk a.. Engmah kan sawilo kan khawih rawn nghal mawlh mawlh ani ber..thichhawngin kan kal san emaw kan ti chu a lo thi reng chu niin acceident angin kan lan tir bawk silo ngaih ațha duhlo hle..

Chutiang chuan an duhna hmun hmunah min tir chhuak tawp zela,.. Keini lah phur fahranin kan kal ve mai bawk thin...Zan khat chu Kan In ah chuan kan awma, Boxing kan en mek lai chuan Mai-a (Michaela) chu thi hnuang hian a rawn luta.. "tinge ?" kan lo ti vata "Henry nen kan rawn kal tur Jeep pakhat a chuang in min rawn bei thuta Henry phei chu kawng thlangah a tla thla daih.. " a tia.. ka tho rang kher mai.. ka naua chu a vawi 2na ani tawh, ka thin a phu nghal dawt dawta.."Lo bawihsawm rawh u" ka tia.. an rawn kalnaam tur nia ka rin lam panin ka tlan nghal vata, Zauva leh Mza an min rawn umzui nghala..

Ahmun kan va thlen chuan miin anlo la chhuak mek a.. a hnai zawng zawng chu thisen hian a bual khat vek a, a taksa ah chuan chemte a vihna hmun 3 velah a awm bawk, a thaw hrawk hrawk a.. "Naua.. Naua.." ka ti tuar tuara.. a meng kawka.. ..min hmu che a nui seih a.. a chatthla zui ta nghala...Ka thinrim lutuk chu ka puak keh lo chauh a ni.. Ka mittui a tla lo, ka țap heklo, ka rak vak vak ringawt mai ani...Police an rawn thlenga. thil awmdan min zawta..Ka hriat ang ang ka hrilha.. "I sawi țha duhlo ani maw?" Constable pakhat kala hmel hriat ngailoh chuan a rawn ti a..ka insum hmanlo... ka rek nghal chawt a.. "Engmaw i sawi.. Engmaw i sawi" ka tia.. minlo dawm vata.. "Police i cho elaw?" tiin tianga min vuak atuma.. "Ngawirawh, kut min thlak te Police ka cho lova nangmah kha ka cho che" ka tia.. an ASI chu min hrechiangtu anih bakah chulai a lo awm ho chu ka thiam zia hretu an ni bawk nen an hau sap sapa.. angawi ve ta maia. mahse ka hre reng thung.. Police uniform ahak vanga inla huai ka ngaithei țhaklo.. A police uniform zahawm tak phenah a dawihzepna a phum bo mai mai anj tih ka hrechiang em.. Chutiang police chu an tam reng bawka.. Police an nih vangin tiang an kenga an duh duh an hlapa, khin let dawnin "Police i cho e law?" an ti leh zaiha..Police kan cho lova anmah ni mimal zawk ani kan cho țhin ni....

Henry Ruang chu Postmortem anih hnuah In ah lak ani a.. Miriami chuan min kuaha a țap hawm hawma.. Ka nu erhawhin min melh eihlo.. a thih chhanah min mawh dawn chiang khawp mai...Ka thuamhnaw thisen kai val kulh mai nen chuan Henry ruang bulah chuan ka țhu ngawi renga, Ka ngaihtuahna a kalbing khawp mai..Zauva alo luta, Jacket min rawn hak tir pah chuan "Kan hre tawh e" a rawn ti zauhva..ka beng bulte a rawn sawi ni mahse ka tan chuan YMA information mike a au ang maiin a ringa, ka tho tharha pawnah ka chhuak zui ta nghala.. Taxi lo tlan hmasa ber chu la in kan in luah lam panin kan tlan ta nal nal a..

Bathroom ah ka luta, ka inbuala, ka mitthla ah Henry thi tur hmelin min nuih lai hmel te chu alang uai uai a, A hmai thisen bual sen zuih mai leh a taksa vawt thlur maite chu ka hrechhuak uai uai a..Kum hei chen ka unaupa tak tak anga ka en ani a, chutianga a boral mai chu ka hrethiam thei thlawt lo ani.. Ka inbual zova, ,ka roomah ka inthlak sawk sawk a, Ka Pi min leisak Pistol chu amu ka thuna, Sitting rooma ka țhiante lo țhu țhap bulah chuan ka chhuak pheia,. Maia chu abui chur mai bawka....

"Tunge he thil titu hi?" ka ti a.. Ka silai ken chu an vawi 1 hmuhna ani bawka an phawk kher mai..an ngawi țhapa, "Tunge in hria ani lawm ni?" ka ti tuara, "Aw.. Englo.... Lamkhuang bar amite kha" Maia chuan alo ti a, "Hmm..tuman min zui tur ani lo, ka rawn haw leh anih loh chuan naktukah min rawn zawng dawn nia" ka ti a.. Ka silai chu ka kawngah ka zepa kal tumin ka inhera.. "Mosia, lo ding lawk teh" Zauva chuan a rawn tia, ka hma zawn ah chuan a rawn dinga... "Enge?.." ka ti thawm supa.. "Ngaihtuah chiang rawh, Henry hi kan hmangaih em vangin kan thlahliam phawt tur ani, a sarhu laiin hetiang kan ti tur ani lo" a ti a.. "engtikah nge kan tih chuan ang?" ka tia.. "I duh hun hunah ani tawh mai" a ti a, ka mitah min en kiau a.. "Anih tuman kawng mindal lui tawh tur ani lo" ka ti sup a.....

Henry ruang bulah tho miah lovin ka țhu tlaivar zaka, ka bulah chuan ka țhiante ho an țhu far bawka... Police lamin Maia an ko a, zep tlat tura kan tih avangin engmah a hriat hmanloh thu leh a tlanchhiat nghal thu a sawi bawka.. Police lam pawn anrawn chhuah leh mai bawka... A tukah pawh engmah ka eiin ka in heklo, ka unaupa dang bei mai leh an sawisakn vanga dum duk chur maite chu ka en renga, ka rilru a na ngawih ngawih mai ani..

Kan vui zova, In ah ka hawnga, Ka room ah ka inkalh khuma, Ka mu ta char chara... Ka muangah Henry hmel ka hmua, ka harh zawka.. sana ka ena Zan dar 8 alo ri țep tawha.. Ka thova, Ka inphih harha, Ka ei tur ka lak tir a ka inthun puar hnuah "Zauva leh Maian min zui dawn a tuman lo sawi chhuah loh tur, ka ti a....Ka silai chu ka kawngah ma zepa Motor la chhuakin Chaktakin Lamkhuangbar awmna lam pan chuan kan tlan ta nghala.

Dar 10:30 a pelh hretah Lamkhuang bar chu kan thlenga, an lo la ri nak nak a, Police Bike 2 hi alo ding ve tlat maia..Kan chet tum hunah chutianga anlo awm kher chu a ngeiawm duh kher mai,... Darkar chanve vel kan nghah leh hnuah Police 3 hi rui hmel zet hian an rawn chhuaka,.. Bike ah chuan chuangin an tlan liam zui ve nghal maia.. Motor ațang chuan ka chhuka, Jumper Jacket ka hak chuan ka lu ka khuh a, face mask ka vuah bawka.. Zauva chu motor lo ti nung reng turin ka hrilh bawka..In lam pan chuan ka kal ta nghala..

Kawngka chu ka pawt hawng țhuaia,, Keini aia u leh kan rualpui mi 8 hian tv en pahin an lo țhu țhapa, a neitunu chu thuthleng seiah a mu zar bawka..Ka thawm hria chuan an rawn hawi vata....

"Tunge Henry kha kut thlaktu ber che u?" ka ti te te a, an boss ber chu a dinga, "tu phiangsen nge maw i nih le, kha naupang khan nungchang mawi hre heklo, kan chan sawm vek lova a vannei anih kha.." a ti a, ka nui huk a, muang chang chuan ka pistol chu ka phawrh chhuak ta a.. Chupa chalah chuan ka chuktuaha.. "Takzet che chuan, I tih loh ttawp tur i ti anih kha..Tunah hian i lu hi ka thlawh darh nghal vek thei ani tih hre rawh" ka ti a..an phu deuh suau va.. min en hrek hrek hlawma.. "In ngam phawt chuan han che ula.... Hepa lu hi a darh vek ani mai" ka ti a, an che ngamlo.. silaia ka tin pah lah chu a țhu khur dur dura. zun a cheh duah duah bawka..... "Ka thusawi hi ngun takin ngaithla rawh u, Henry kha naupang duhawm tak ani, a unaupa Mosesa mi tirh ka ni a, Ha aiah ha kan ti aniang chu, engkim hriain kan report duhloh chhan che u chu hei vang hi ani.. in ka in ang anih phawt chuan in ruang hi pakhat te te in khawlai ah chhar an ni mai ang" ka ti a.. Ka silai chu ka kau ri rawpa..

"Min ngaidam rawh, Moses hnenah chuan ngaihdam min dil sak rawh, kan tum reng vanga that pawh kan nilo, fiam mai mai kan tum laiin amah khan chet ala hmasa anih kha.." a ti khur dur dur a... "Nia, kei pawn fiam mai mai nan che i thluak hi ka thlawh darh dawn.. Angam chu in rawn che chhuak dawn nia" ka ti a.. ka silai chu ka hmet puak ta a.. a thisen per chuan bang a deng sen nghal zuih maia....an rak teng tunga.. Ka silai a puak zawt zawt a.. Mi 3 dang an let leh nghal tawp tawp bawka.... An țap reru tawh mai bawka.. Chutah hmanhmawh zetin pawnah ka tlan chhuaka motorah lutin kan tlan liam zui nghala......

"I kap tak tak ami?" Zaua chuan hlauthawng hmel deuh chuan min tia.. "Naua kha an khawih tak tak asin.." ka ti duh chauh a... "Engmah sawichhuah chi loh ang.. ka kal thui tawh lutuk" ka ti tham țuaka.... A motor khalh pawh a tlan kawi deuh zuai zuai a.. "i hlau em ni?" ka ti a.. "aw.. i him hauh lovang, Police in an rawn umzui vata ang che.." min ti a.. "Min umzui raw sek sek.." ka ti maia.."An man dawn che sin?" a ti leh a, "Anih tunge min hria?" ka ti leh ve khai a...a ngawi hmaka.. "Nangmah bak hria an awm hleinem" ka ti leh a.. in kan thlenga.. Motor number plate kan lakthlak chu kan vuah lehnghal veka.... room kan zuk luh chuan minlo en țhap hlawma..

"Engpawh nise zanin ah hian tumah kan lengchhuak lo tih kan hria maw?" ka ti nghal tawnga.. "aw.." an ti tliar tliara.... Room ah ka luta, ka thuamhnaw chu ka phelh veka,..Veranda a bawlhlawh bawmah chuan ka hal ral nghal ta veka.. Ka pistol pawh chu ka pawisa thurukna Bang brick pakhat lak thlak mai theiha ka siam ah chuan ka hnawh lut leh ta hmak bawka.. Engmah awmlo ang maiin Tv en zingah chuan ka țhu leh ta hle hle a..

A tukah Police an rawn kal nghala.. Kan awmdan kan sawia, kan țhenawm ten kan lenglo tih an sawi bawka, Kan Pi leh vai ho lahin engkim an lo zep ve tlat bawksi..Ralthuam kan kawl an hmu bawk silo, Beidawng takin an let leha.. chu tualthihna chuan Mizoram pum a deng chhuak nghal veka..Ka țhiante ho chuan min hlauh phah sawt bawka..Ka unaupa phuba laah ka inngai hmaka ka lawm ru veng veng thung.

Kum 20 ka tlin meuh chuan Aizawl khawpuia Vaidawr zawng zawng kan control vek tawha, Hei hi MZP lamin an hriatin an lawmlo kher mai, Mahse engmah tih thei an nei bik silo, Min tihchhiat dan chance an zawng ru ngar ngar ve reng mai bawka, chung zingah chuan an President nilai A.Vunga an tih mai Anthony Hrangvunga chu meizang hlap tupa ber ani a.. kan kal dan ngaiin kan kal mawp mawp a, kan tihdan ngaiin kan ti mawp mawp reng bawka, kan kawng mindaltu chu tupawh nise kan hlah ngailo.... Aizawl khawpui chhungah ka hming hrelo an awm lova, Hotel changkang lutuk lemlo hmun 2-ah kan nei tawh bawk, In lian țha zet mai, kan zavaia nuamsa a kan awm tlan theihna kan nei tawh bawka.. Hna kan thawk lem lova, Ruih hlo kan tawlha, Silai leh Rangkachak kan tawlh ru leh zauh țhin bawka, Min mamawha min ruai duh an awm chuan Tual thah thlengin kan hreh lemlo..Mizoram ah Zu khap burna dan hman anih hnuah phei chuan Sap zu kan tawlh rua, Damdawi mum leh atui kan tawlh bawka.. Kan che langsar lovin keimahni min hektu leh kan pawl min phatsana min tihchhiattum tumah kan zuah ngailo.... Engmi pawh nise kan hlah lo ani tawp..

Chawmhlawm ațanga bul țanin kan kutzal liau liauin kan nung ve tawh, Henrya boral vangin pawisak kan neih loh phah ti ila kan tisual tampui awm love.... Kan pawl member original bikte chu Boss kan ni veka, Zauva, Mza, Fela, Sanju leh kei chu kan ni.. Kei hi min en Boss deuh ber avangin Godfather tiin min sawi mai țhin....Kan pawl min phat santu reng reng chu kan chance neih hmasakna berah an tual thi ani zel mai.. Tin kan pawla lo lut thar reng reng chu intiam kamna nen kan lalut țhin.... Mizorama Proxivon leh Damdawi mum dang lut reng reng chu kan controlna hnuai vek ani bawk.... Kan chanchin chu thang lutuk si lovin a darh zau viau thung....Hetianga kan chet bawraw viau lai hian Krismas leh Henry thih cham apiangin Fahrah chawmna in ah leh Mirethei chhuachham kan hriatte hnenah Donation kan pe ngei ngei thung..

Kan awmna veng hi veng tlabirh leh pawnlang deuh niin Mirethei rawn tlan lut chawt chawt an awm fo țhina, Chungte reng reng chu hlawhchhamin an chuuak ngai lo.. Eiru leh sum diklo taka lalut kan hriatte reng reng chu ka dimlo hle bawk... Abik takin Sawrkar sum diklo taka titu kan hriatte chu engemaw takin a rukin kan deng dawt țhin..

Nikhat chu Zauva nen ina kan awm laiin Mza leh Fela lengchhuak hian kan hmelhriat ngailoh pa upa lam deuh kum 50 vel bawr tur awm Khawchhak lam mi tih hriat tak hi an rawn hruai hawnga.... "Moses, hei Pu Liana ani a, Tahan khua anih hi." Mza chuan a ti a,.. "Enge tihsak theih kan neih che a?" ka lo ti a,. "Englo ania, Hereon a sumdawg țhin ka nia, Nangni hian kawng in hriat deuh takin tih thuah ka rawn zawngchhuak rawih mai che u ani" a ti a.. "Chu Engtia han tih nge i duh a?" Zauva chuan alo ti vata.. "He thil hi hnawng ngai miahlo anih rualin India ram state danga ken hi thil awlai lo tak mai anih avangin kan thawk ho dawn em ni ka ti a?" a ti a, min en zuk zuka.. "Engtia thawh ho nge, Khawchhak lam hi kan ring vak hleinem che u" Zauva chuan a lo tia kan nui ham ham a.. "Nia, kei pawn ka ring hlawm lo, chuvangin thawhpui tur ka zawng reng ani" a sam et a....

"Anih chuan Han sawi la" ka lo tia.. "Nia.. Keiin khawchhak lam ațangin ka rawn la ang a, Aizawl khawpui luhpui tak hi keini tan chuan thil awlsam em em ni lova, Nangnin khawiah emaw minlo lak sak anga, Tichuan State dangah kan vawm liam țhin dawn nia" a ti a..ka ngawi renga.." A hlawkna lamte?" Zauva chuan alo ti vata.. "Hawng 1 hi Rs 50,000 velin ka hralh țhina.. Hawng 1 ah hian peace zawnga țhensawm chuan Rs 100 hisapin Rs Nuaih khat thlengin a lei theih, A letin in hlawk dawn tihna anih chu" a ti a.. "State dangah chuan Hawng 1 hni 1 lakhs in kan vawrh ral ngei ngei țhin.. A hlawhawm deuh leh Rate san chang a awm țhin bawk" a ti a..Zauva chuan min rawn siai zauhva.. "Awle.. Engpawh nise kan inbe chho zel dawn nia.. Tunah kawllai i nei em ni?" ka ti a.. "Nei e,.. Mahse Aizawl ah ka la rawn thlen ngam rihlo.. " a ti a.. "Awle.. Fela leh Mza kutah awmse.. i rawn thlen hunah pawisa an kut ațangin i la thung ang, Kan en chhin anga.. kan boruak zirin kan kalpui zel dan tur kan la sawi dawn nia" ka ti a.... Kan inremsiam hnuah a haw ta nghala..

Kan vawi khatna ațangin kan hlawk nghal khawp mai, Aizawlah pawh Hawng 2 chu kan vawrh zo rangin kan hlawk hle bawk, Kan ching zawngchhang lak lawh zui nghal reng bawka.. Kan Eizawnna kawng kan zauh leh ah kan ngai hmiah mai.... Hetia kan hlawk em em lai hian kan hlawkna min tihchhiat sak tuma min bei an awm ve reng bawka, Chungte lakah chuan kan inven reng angai ve bawk nen a hahthlakin a buaithlak ve duh khawp mai...

Chutianga kan kalkawnga hnawk ber chu Lamkhuang bar ho leh MZP lam an hnawk khawp mai.. Țhenkhat min hmuh danah chuan awm mai mai vai sum hmanga in vai champ ve tawp kan nih laiin thenkhat min hmuh danah thung chuan engmah pawisak neilo sum hmuhna anih phawt chuan engmah tih hrehlo kan ni thung, Thankhat tan an sum hmuhna kawng dalsak tu kan lo ni bawk nen kan chanchinah mi an inrinsiak ani ber..A.Vunga leh a hote lam tih chhiat duhtu MZP lamah an awm ve bawka chungte chuan keni chu min thawhpui an hrelo khawp mai.. Kan vai sumdawngte sum hmanga A.Vunga leh a hote an paihtla thei anih dawn chuan MZP chu kan lakah an hnawksak tawh dawnlo ani tih lamten min rawn dawr deuh ber țhin.. Chutiang ti chu pawl 2/3 lai an awm nghe nghe..

Kan hriat lemloh phone call kan dawng chawt chawta, Min biak an duh thu emaw inhmuh an duhthu emaw an rawn sawi ber țhin.. Chutiang hunah chuan kan Pi Farm Aizawl khawpawn Km 7 vela hlaah kan inhmuh pui țhin.... Zanriah eikhamah Phone call ka dawng leha, MZP Inthlanpui lo awm mai tura min thawhpui duhtu an lo ni a,.. A tuk chawhnu dar 5 a Kan Pi Farm Eros Holiday Home ah kan intiam ta a..

A tuk tlailamah Felaț Zauva nen kan 3 bakah kan naute 4 nen farm chu kan pan ta a.. Farm kan thlenga nidanga kan tih țhin dan ang chiah in kan naute 3 zinga pakhat chu Room hranah kan Indawrna video a lo laru turin kan ti leh a, kan inbiak chhunga kan mamaawh min buaipui turin kan naute 2 dang chu kan dah bawka, Farm chawkider an lo puuibawm dawn ani.... An rawn thlen hma hian Hereon chu hip 2 vel kalo hip hman tawha.. an rawn thlen meuh chuan kalo phur tawh hle..

"Awle, enge keni Bengchheng pawl hi min biak duh nachhan?" ka ti te te a, "Nia.. I hretawh thoin ka ringa, MZP inthlanpui lo awm turah hian A.Vunga paih thlak kan duh sia, Chuvangin Nangni hian min pui ula kan duh a?" An hotupa ber chuan nui sang chung chuan a ti a. "Keini Zirlai pawh nilo in engtin nge kan puih teh lul ang che u?" ka ti a.. "Nia.. Inthlan hian alo berah Rs nuaih 4 vel tal kan sen ral angai ve țhina, kan khingpuite hi nei emawm sa vek an ni si a, keinin neih kan neisa bawk silova, tin A.Vunga te nen in boruak ațha vak lo tih kan lo hre ru ve deuh bawk nen kan pahthlak theihna kawngah min țanpui thei lawmni kan ti?" an ti a. ka nuih aza ru khawp mai, A.Vunga chu kan tan ahnawk lawr lak, chutia han beih tlak em em ah erawh ka ngai lemlo.... "Nangni nilo min thawhpui tum kan hmu nual tawh a, chungte pawh chuan minlo sawm ve thoa.. Kan duhdan min pawmpui thei chiah kan thawhpui thei ang?" ka ti a.. "Enge in duh dan chu nia?" an ti a.. "Kan Vai dawr lian țhenkhat ah hian MZP in donation an khawn țhina, Hei hi in khawn dawnlo anih chuan kan thawk ho thei ang?" ka ti a.. an ngawi hmaka..... "Nia...thil theihloh bur turah kan ngailo, kan tling anih phawt chuan" an ti a.. "anih chuan kan Inrem thei tihna ani mai alawm" ka ti a... kan inchibai a.. Naktuk lamah Pawisa chu Babu Rama dawrah inlo lam mai dawn nia, Rs nuaih 4 chu kan lo dahang" ka ti a.. an lawm kher mai..

An duhthusam ang ngeiin Inthlanna ah pawh an tling ta renga.... An kal chhoh zel hnuah rei tak chu min tibuai talovaa.. Mahse a hnu deuhah an hnawksak ta riau mai, Kan Vai dawr an kharsak thul kan la ngawi mai mai a.. an che na tual tuala.. Kan ngawi thei ta bik lova, an boss chu ka phone ta nge nge a..

"Aw.. Kan inremsiamna kha in palzut ta tlat mai si a.. ava rinawmloh thlak ve?" ka ti deuh nghal tawnga.. "Eng inremsiamna maw?" alo ti a.. "In donation lak hi titawp turin in intiam anih kha?" ka ti a, "chutiang engmah kan sawi ka va hrelo ve.. Vai dawr thenkhat ah donation kan lo khawn chu intan enge pawina aneih?" a rawn ti a.. ka nui tawpa. ka thinrim takzet tawh ani.. "Athuhrimah Mizo tlangval in Vai chawmhlawm a khawsak a, inlak milian viau loh tur asin, Engmah kan sawi ka hrelo" a ti ta hmaka.. Phone ka dah hmaka..Ka țhiante ho nen kan sawi zui ta a.. "Kan Evidence neih chu kan thawn te te ang a, an thawm neih dan azira chet kan rel tlu ta a..

Kan ngaihchan ruk ang ngeiin Media lamah min bei ta chata.. "Kan țhalai zingah ruih hlo a sum hailut leh hnamdang chawmhlawma khawsa MZP kalkawng lo dal tuma Vai thlavang hauh kan awm a, chungte chu hnam phatsantu an ni a, Engmah thawk peiloh hnam zahawmna ti hmelhemtu an ni" an ti a.. Kan ngawi duh ta bik lova....

Assembly an nei dawn tih kan hre thuai a.. kan inbuatsaih ru khiau a.. an assembly neih laiin buaina tihchhuah kan tum ta a.. Assembly an neih laiin Vanapa hall kawtah kan naute 20 rual zetin buaina an chawk chhuak ta renga.. Assembly palai an silawng nual nghe nghe.. Chu chu kan warningna chauh ani tih ka hrilha.. Police lamah an zualkoa.. Min rawn chhui zui ta nghe nghe a.. Keini lamin an Video kan lak ruk chu police leh media hmaah kan pe lut leha an mualpho nasa ta khermai.. An ngaihang ngawta nem kan nilo tih leh Lehkhathiamlo kan ni a kan bum mai mai theihah an ngai bawk ngawta an tisual chiang hle.. An hruaitu lawk deuh deuh phei chu an hmingchhe zual hle nghe nghe..

Chutiang chuan Zirlai Pawl etc te nen buaina kan nei leh zauh țhin.. Kan pawl WAR chu an ngaih ang ngawta nem kan nilo tih chu an hre chiang țhin hle thung.. Kan naute hi Khawlai a vak rawlai mai mai, mahse engkim hre zel zul, an ni deuh vek zawka... Standing a damdawi vawrh mai mai pawh kan laka tlaktlum loh hlau tak tak vek an ni bawk nen kan pawl insawh ngheh ziah chu sawilo alum ani....

Kum 23 ka nive tawh, ka kum ngaihtuah chuan hawklaka tal vel mai mai tur rual ka ni nangin chhungkaw rothap tak enkawltu ka nih miau avangin ka puitling lo theilo..Achangin naupangchhia ang maia Insual bur bur angaih chang a awm a, Achangin Puitling taka rorel angai leh thung țhin.. Ka kum ka sawia awihlo an awm nual țhin nghe nghe.. Kum 30 mi ka nih ringte an awm hial țhin...

Nikhat chu In ah ka awma.. Nula 2 ka lo mutpuia, kan kawngka chu kan kalh emaw kan tih laiin kan kalh hauhlo alo nia.. Ka room kawngka chu a inhawng rawpa Miriami hmel ka hmu ta heu mai.... A sen awp awp a atlan chhuak leh nghala..Ka umzui vata..

"Ka u mi sawi ka hre fo țhina ka lo awih ngai lova, ka mit ngeiin ka hmu ta che i va lo mak ve?" min ti ta hmak hmak maia.... Sawitur ka hrelo ka ngawi renga ka zak lutuk chu ka kun renga.. "Ka nu leh pa kha khatiang nun kha an neia, ka nu phei chu tunah a hrisello chho a TB a vei meka, Ka pa boral dan leh U Henrya boral dan i hria a, Hetia nung mai mai turah che hian ka lo ringlo che asin" a ti a.... "Hetiang anih chuan ka u tih che pawh ka zak tawh, ka rawn tlawh ngai tawh lovang che a, min rawn be ngai tawh suh.. Mahse i tan ka lo țawngțai reng ang" tih pahin a chhuak zui ta hmaka.... Ka thinlungah thuk takin hna athawka..ka zak em em bawka.. Na ka ti ngawih ngawih bawk..... "I tan ka lo țawngțai reng ang" a tih ri chu ka bengah a ri nghal tluk tluk a... Ka chhia leh țha hriat ațangin ka tana țawngtai an awm tih ka vawikhat hriatna ania mak ka tiin ka hrilh hai lek lek zawk ani..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2016, 7:34 pm

THE DEPENDANT.
(Guns, Money, Sugar & Sex).

(Ka chhunzawm thut theihlohna kawngah Ngaihdam ka dil hmasa e...)

THREE..

Kan pawl hi danglamna deuh kan neih ve chu Ruih hlo kan duhin kan sual em em rualin Hmeichhe chungah kan thikthu achhe viau.. Ka naupan laia hmeichhe tihbuai nuam ka tih em em kha a reh tawha, Miriami vangin hmeichhe khawngaihna leh lainatna lamah ka inlet daiha, Hmeichhe chhaih nawmna ching kan pawlah awm kan phal ngailo.. Pawngsual ching phei chu kan dah țha hmak țhin.. Vawi khat pawh kan member pakhatin Kum tlinglo alo pawngsual peka, kan hriat ve meuh chuan Jail ah alo tang hman der tawh maia.. Rei vaklo hnuah kan lachhuak te te a, Red Rose hnuaiah a ruang an chhar zui ta reng ani.. Chutiang chu kan kut thlak zui dan anih avangin kan pawlah chuan hmeichhe thlavang kan hauh nasa thin hle ani..

Zan khat pawh Vanapa hall ah Huau huau a awm a, en pawh tum lem lovin kan kal ve mai mai a, Zauva, Maia, Mza leh Fela te nen kan nia, Kan hmelhriat pawh ni lemlo nula 2 (Ks an niin ka hria) te chu kan piah deuh ah an dinga an ti ti ve mai mai a,.. Chutia an awm lai chuan Police Uniform ha 2 hi an bulah an va kala, engtin nge an tih chu kan hrephak chiah lo an in nam deuh ta salh salh a.. Police 2 lah chuan nui sawng chungin an kuah lui vela.. Ka ngaithei ta hauhlo ka pan hnai phei a.. "Enge thil awmzia, engtin nge an tih che u a Bawihi?" ka va ti tawpa, ka țhiante pawn min rawn backup nghal vata... "hetia kan awm lai hi min rawn chhaih ringawta, Ks kan ni emaw nilo emaw Police an nih avangin an duh duha an chhaih tur kan ni biklo" Pakhat chuan mittui parawl țeuh chuan a ti a,.. Chung police 2 kalsawn ta te chu ka au zuia.."Lo ding lawk teh u" ka ti a.. kan piah hla vak lovah chuan Police dang 5/6 vel lai an awm bawka... "Enge nita?" antia an rawn let leh a, Tiang an keng ve ve a, an hmel ațang chuan Thingtlang tlangval Politic vanga tlinglo chunga tling an ni tih a hriat theih... "Kan nula te hi tinge inlo chhaih vela.. kan hruai an nia, helaiah hian kan awm hova Ks ang ten inlo sawi ngawt le?" ka ti a.. "Eh..chu i huatpui elaw?" Pakhat zawk chuan a rawn ti a,.. "Huatpui e... Police in ni emaw nilo emaw kan nulate hi nangni lo chhaih nawmnah tur an nilo" ka ti ve hmaka.. "eee i va chapo pang pang ve?" pakhat chuan a tianga nin hawlh pah chuan a ti a... "Khatin min ti lo teh" ka ti a.. ka hnaih zual sauha.. "Ka ti ang che.. ka man daih mai tur che nia?" a ti a.. min hawlh leh a tum lai chu a tiang ka man sak lawka ka hnek ta nghek maia, a let hlawm nghal tawpa,.. pakhat zawk chu Zauva leh ka țhiante chuan an lo khawih zui ve nghala.."Boss tlan ang?" Zauva chuan a ti tuara... ka la duh tawklo ka hnek pa chu ka chhuih zui leh zawta, ka tlan chhe zui ve ta nghala.. Mi rawn um ve țak țak hlawm nangin an ni aiin khan kan hre zawk bawk nen kan bibo hman hrama...

Chutiang ang chuan hmeichhia vangin Police pawh nise kan khawih hre chuanglo.. Jumper Jacket dum ka ha deuh reng țhina, Lukhum (Baseball cap) ka khum țhin bawka, min hrelo tan chuan hriat mai ka har sa ve țhin hle bawk...Kum 24 ka ni tawha 6"1 ka ni tawh a, Kg 90 a rit ka ni bawk, Ruih hlo ka ti nasa viau nangin Inchiu lam ka ti duh lova, Ganja zuk bakah Zu ka ina, Nose Powder (No.4) ka hip țhin.. Chu bak chu Pills leh a tui ka in țhin bawk..Ganja ka zu nasa ber țhin..

Silai leh Chemte ka lawm em em a, A bik takin Pistol pai ruk mai theih, Bike ka lawm lemlo Motor ka lawm em em a, Music ah pawh Hip hop leh Metal rock lam ka tuipui bawk, Lemziah nuam ka ti em em bawk..Thenkhat chuan thuamhnaw dum lam ka uar avangin Satanic niten min sawia, then khatin Dawithiam ang ten min sawi bawka kan nui mai țhin..Kan leng chuak anih loh chuan in ah Tv kan en a, Comedian lam kan en nasa viau thung.. Kan awm khawm tawh chuan nuih ham ham na tur kan nei reng bawk..

Kan buaina tawh zin ber chu Kan țhiante zingah Running nun chawp leh ngai (OD) kan nei fo mai chu ani.. TV kan en ho nak nak laia lo khur leh ta chawr chawr te an awm leh thut țhina, Siliper leh thirfian han barh nawk nawk ngai kan nei leh zauh țhin bawk.. Tin, Rui buai țap ta hluam hluam te, țhiante cho tlat mai țhinte kan nei leh zauh țhin bawka, chungte chu ahnua kan ti ti titam tu ani țhin..

Engemaw lei tur țha deuh kan hmu thei viau bawk, Kan pawl hi chi 3 in kan awma.. Keini Original deuh ho Zauva, Mza, Fela leh Sanju te hian kan dar dinglamah Henry lem kan ziak kai veka, kan banrek chung lamah W.A.R tih kan chhu bawka....Kan naute zingah in sacrifice deuh ho banrek chung lamah kan chhut ang tho W.A.R tih an chhu ve bawka, chhu lemlo ho chu kan pawla rawn tel satliah ve mai mai an ni tlangpui... Chung chhu lemlo zingah chuan Mi hausa deuh deuh fate pawh an tel nawk țhina.. an ni hi chuan kan pawl hi an hre thuk vak lemlo...Kan pawla in pumpek tam zawk hi chu chhungkaw lama tla tlum tawh lemlo engmah pawisak nei tawhlo an ni tlangpui bawk..

Kan sumdawnna leh kan sum hmuhna ber chu Damdawih tawlh leh Local a zawrh chhuah ani a.. Tin, Vai dawr 30 vel pawisa khawnna kan nei bawk.. Min pe duhlo an awm ve zauh țhina chungte chu an tuarna thei țhin khawp mai... Vawikhat pawh Manipur lam ațanga rawn awm kan member pakhat damdawi vawrh Police lamin an man peka,, Bail angai ta sia, Bail nan pawisa kan mamawh a, Rs 30,000 lai a ngai nghe nghe.. Heta Bail man asan chhan ber chu an manchhan tak pawh ani a, Bazarah nula hnute alo khawihsak peka, chu chu an rek deuh kha police lam an inrawlh lo thei silova, an han dapa Proxivon mum 50 leh No.4 peace 4 lai alo kawl tasia. chuvang chuan a case a sang lo theilo ani..

Kan bail chhuahna tur pawisa chu Vai 1 hmanni lawka dawr hawng, MZP lama kan hum Azzarudin inti hnen ami la turin Maia leh midang 2 kan tira.. an va kala, alo chhang fithla țhaka, chumai chu duhtawk lovin Police hnenah a lo la report zui... Police lamah kan lam țang an lo awm ve bawk nen chungte țawngkam ațang chuan min hekna chu kan hre leh kher bawk si nen, Zanah hruai chhuak turin Zauva leh Sanju bakah midang 2 kan tira.. kan Pawl in sawisakna hmun kantih mai Aizawl khaw kilkhawr deuha Quarry awmna hmunah kan hruai fal te te a, kan sawisa ta neka.. A pawisa min pek bakah a report kan laklet tir zui bawka.. Ahnuah chuan kan dil ah rem tihloh a nei ngai tawhlo...

Sanju, Mza leh Fela ten min fin lovin an awm a, Zauva erawh Henry boral hnuah Henry room a luah ve zui nghal zat thung..Kan 2 chauhin kan awm khat viau thung.. Hmeichhe 2 emaw tal kan awmpui ve deuh reng thung..Kei chu Pi ber chanpual ka ni hawta, Midang lakah ka insengso khat khawp mai... Pi Ber zin rei deuh lai anih ngawt loh chuan...

Zan khat chu Kan țhenawm (Miriami te awmna In zawk) Pa in min rawn be teh nawlha.. "Miriami te nufa hi an khawngaih thlak khawp mai, I nu hi a TB a, a pasal Muana lah hian kut thlak achinga.. Miriami thleng thlengin kut a thlak ta fo maia..I rawn ngaihven deuh angai ani?" a rawn ti a.. Ka nuhrawn chu ka bdengkhawn vaklo.. Miriami chanchin erawh ka beng a verh zar mai...Kan inbiak zawh hnuah Zauva ka sawma, Rang takin kan in hlui lam panin kan tlan ta nghala...

Kan va thlen chuan Miriami chu Ka nuhrawn enkawlin Pindanah alo awm daiha.. Muana (Miriami pahrawn) leh midang 5 hian card an lo deng laih laiha....Engmah sawi lo chuan room ah ka kut tlanga.. Miriami hmel ka hmu chu ka lungawilo kher mai.. a mit bul alo duk kual raiha, a meng phelh phang bawka.. a bulah ka țhua.. ka nuhrawn chu engmah hre lovin a muhil bam bawka...

"Mi...Eng in dinhmun, Damdawiin kalpui a ngai em?".. ka ti a.. "Ngai e, mahse pawisa kan neilo..a tlak ral zela.." a ti sapa..."Hmmm...Motor ka rawn kenga..Zauva nen va kalpui ta che u?" ka ti a.."a ngailo.. zan ani bawk si" a ti deuh tlata.. "Zan pawh nise emergency ah chuan a kal theih vek a lawm, Insiam rawh u" ka ti a.. ațang viau nangin ka nawr lui tlat bawk nen a remti veta hrama.. "Mahse rawn kal ve ang che, eng emaw i lo ti palh ang" a ti ve tlata..... Kan inpawm chhuaka.. "Khawnge in kal dawn?" Muana chuan alo ti a. a ding deuh hluaia.. "Ka u hian Damdawiin a kalpui a rawta,, kan va kalpui ang e." a ti a.. "ava țullo tak, min hrilh ve tal ula, induh leh nangmahniin kal ula ti nia" a ti zui khera.. ka ding chawta.. Mahse miriami chuan "Engahmah ngai suh" tiin min nawrkal vata...

Damdawiin ah kan ziak luta Cabin ah kan dah fel vek hnuah Miriami hnenah chuan "tinge i mit kha?" ka ti ta a.. "Ka tauh palh mai mai" a tive tlata.. "Anilo zep suh, ka bulah engmah zep suh"ka ti ve tlat bawka.. a tawpah chuan anu damlohna ah in enkawlna tur neilo khawpin apa hrawn chuan pawisa a tlak ral țhin avangin an inhau thu leh kut a thlak tak thu a sawita a.. "Mahse U, engmah ti suh, ka nu dam hun hun ah kan hnawt chhuak dawn a lawm" a ti tlata..Ka ngawi renga.. Ka pawm lemlo tih chu hre ve rengin ka ring.. "hmanni a i ina ka rawn kal țum khan Pawisa rawn puk ka dil dawn che a.. mahse khatiang khan boruak a awm tasi a, ka sawi talo mai anih kha" a tia.. ka ngawi renga, khami ni boruak kha ka hre chhuak uai uai a..Kan awmrei tak deuh avangin hawnsan zai kan telta a.. min chah lawm lawm nangin ka mitthlaah Miriami hlauthawng hmel leh a kut thlak lai tur boruak vel chu ka hmu uai uai bawk nen "In ah kal kual ang" ka ti a.. "Khawi In ah maw?"..alo ti hu a.."Mawla...Miriami te in ah mawle..." ka ti ta a..

In kan zuk thlen chuan alo reh țhap tawh a, Room ah ka lut tlang a, khumah Helai vela tei rawlai Nguri Ks nen an lo mu dun kawk a, ka thinrim a zual kher mai.. Nupuite thichhawnga an leh laia engmah hrelo ang maia hmeichhia alo la tawmpui kher chu ni.. ka pan hnaia.. "eng i rawn luh ve ngawta..?" minlo ti khanglang zui.. Ka pawt tho lawpa, chhuat charah ka theh thal nghal thlawrha.. "Ding rawh, i thuamhnaw ha la chhuak rawh" ka ti tuara... a ding țuah țuah a.. "ka in anih hi chhuak zawk rawh, Police ah k report mai ang che" minla ti zui.. ka thin in a tuAr talo ka hnek ri ta chawrh chawrh a, a pai dawt dawta, atlu leh nawk nawk țhina.. ka pawt dinga vawi 10 zet ka hneka..Chumi hnuah Pawnah a thuamhnaw nen ka thehchhuak zui nghala.. .. A hmaia thisen kai luai chung chuan a țap pur bawka.. "i chaklo khawp ang..ka unaute nen kan rawn kal leh ang" a ti țuau a..a chhuak zui ta nghala.

Miriami te Damdawiin awm pawh rei vaklo hnuah an chhuak ve maia, tlangthang ațanga kan hriat danin ka lo hnawtchhuak ve tawp kha an pawi ti lem vaklo niin an sawi...Mahse min rawn be pawh lem lova, keiin biak pawh ka tum bawk hek lova, Kan awm awmin kan awm mai mai ani ber mai.... Muana lahin engmah arawn ti zui tawh heklo, kan fihlim tlangah ka ngai hmak ani ber mai..

Nikhat chu Lenna tur hrelo in Hmun pakhatah kan țhu mai mai a, School naupang uniform ha school bang rawn haw diah diah hi kan lo thlir țhapa, High School kal lai lek lek an ni hlawma.. Hmelțha ve deuhte, hmelțha bik vaklo, hmelțha teuh deuh, pian nalh leh nalh vaklote, Zak zum hmel deuh leh Phawhar hmel deuh tak te an ni hlawma, an engemaw ti hmuhnawm hlawm phian maia.. kan thlir renga..Chutia kan thlir reng lai chuan Mizo High School uniform ha hmeichhe tleirawl 3 rawn kal dal dal zinga alaita ber chuan ka mit a la ta zar maia.... A hmelchu ațha uluk em em pawh ani chuanglo, a sam sei kawi deuh a țawn hnawk niah leh a mitmeng fiah bial kal mai leh a mithmul buk lamdeuh sei er sang maite, a hnar ngul nalh zaih maite ,a kareh zau ang deuha lang ahmui sexy tak te chu ka lo thlir kim hman veka.. Ka damchhunga ka hmeichhe hmuh tawh zingah chuan hmuhnawm ka tih ber ani chiang sak ang....a chawn muza seiin a khuh zen nalh zar maite, a muza dum khuh phak loh china lang a kaiza leh a khup bil taih mai leh var har maite chu hmuhnawm tak hi ani ringawt.. Hetiang ang em em a ka hmeichhe hmelțha tih leh ka en nin theihloh hi an awm awm love.. Grease 2 film staring Stephanie Zinone (Michelle Pfeiffer) ang mai niin ka hria.

Kan awmna lai min rawn kalpelh dawn lai tak chuan min rawn melh zauhva, kan in tawksir chat maia, ka hik deuh chuai niin ka hria.. kA hriat phak ve chinah han zam leh zah vanga sen ap ap ang hi ka la tawng ngai lova, tuna kha school naupang minlo melh zauhtu mitmeng in min den rual erawh kha chuan ka thaw asa hat hat hman hial ani.. chutianga min en vanga ka lum deuh pap pap lai chuan ka mit erawh ka la sawn thei chuanglo.. ani pawn min en deuh reng ve bawk thova, a țhiannu ke a chhuih nge ni an insu deuh nak rual chuan a mit ala sawn chauha.. a nui seih a.. ațhiante nen chuan an nui hak hak a, min rawn en nawn zui leh khera... Ațhiante bulah chuan eng emaw hi a sawi zauha, an rawn leh hawi ve khera.. Nui var var chung leh min haw miahlo ani tih melh a min melh zawh hnu chuan a hawisawn ve ta chauha.. Khatih hun chhung kha Second 20 emaw lek ani maithei mahse ka duhthusam engkim amah ah khan ka hmu kim hman vek tho niin ka hria..

"Esi anih saw?" Maia chuan alo ti sapa.. kei chuan "tumaw?" ka lo ti vata, "aw.. saw School naupang hmeichhe tleirawl 3 kal zinga sangber hmelțha deuh saw" a ti leh maia.. "Esi a... i hria em ni?" ka ti a, "Hria e, kan veng ami alawm, a u pawh kan pawlah ațel ve kha, Lawmtea kha" a ti a.. "Tunge Lawmte chu?" ka ti leh hu a "awww CBZ bike nei kha...Cool heh deuh kha mawle..Member satliah zing ami kha mawle" a ti a... ka hrechhuak zawka, Lawmtea kan tih chu Aizawl Pahlun leh hausa 'Thangbuaia & Sons' tupa ani take.. Chuti chu kha tleirawl kha a nau ani ngei dawn chu.. ka rilruah leh mithhla ah kha nula hmel bak kha engmah a awm thei tawhlo... "Enge Esi nge anih a..?" ka ti a.. "Boss i ngaihven deuh ami...?" Maia chuan min ti khera.. "Ngaihven pawh ka hrelo.. a hming atawi em a..?" ka tive zaiha.."I duh chuan ka lo hrilh ang... Saizikpuii ania Esi an ti mai țhin.." a ti ta a...

Chumi ni ațang chuan Tlai School ban apiang in chulai hmunah chuan a hun diktakah ka țhu ta chat chat a, Ka score nasa thei hle, Kan inbe chuang miah lova, ka țhian te zingah mi chik peih deuh Maia bakin an hre chuang heklo, A hun ngaiah a hmun ngaiah same time ani nitin mai ani..Kan in nui seih țhin bawka, Chutiang hmeichhe thianghlim leh nu hnap mai chu kei misual leh ri deuh rup rup țhin tan chuan in hmehlo tak kan ni awm e..Mahse ka thinlung aluah khat ve tlat bawksi....Keiin ka ngaihven ang em em hian min ngaihven ve lemlo mahse min haw bik lo anih chu ka ring ve tho achhan pawh keilo midang tam tam awm zingah kei kher min rawn en deuh bik kher țhin chu ani. Chu chu atirah chuan ka man thiam mai bik lova, mahse Maia'n "Boss a haw bik miahlo che ania, a en bik kher danah che khan" a ti zauh tawh a, "Ka awihlo e mai engtin nge i hriat?" ka ti a, "ka hre mai mawle, mi eye contact hi ka man chak ve hrim hrim alawm" a ti leh maia, "inla fing lutuk suh" ka ti a, nui sawng chung chuan "kan fiah dawn ami?" a ti a, "engtin maw?" kalo ti a, "Naktuk tlaiah Dawrte chhung ah sawn lo va țhu daih i la, a zawn kual loh takah che" a ti a, a confi hmel viau lehnghal.. "Kan inchawi dawn em ni?" ka ti a, "Enge kan bet ang?" a ti leh vata, "Rs 50 aw?" ka ti a.. "ava tlem awm ve i confi ve vaklo ani maw?" min ti maia, "Confi e, Rs 100 ni rawhse" ka ti a..

Atuk ah chuan A hun ngaiah chuan Dawrte chhungah chuan kan țhu dun khar maia, School naupang rawn haw diah diah chu kan lo en kar bawka, Nidanga an rawn lan hunah an rawn lang ta miah lo maia, engvang nge nita ang ka helhhawlh ani deuh ber mai, "hmun dangah an kal tawh ani lo maw?" ka ti supa, "Tinge i hmanhmawh viau saw an rawn thleng chiah alawm" Maia chuana atia, ka en ve vata.. An 3 bawk chuan an rawn kal leh țham țhama.. Nidang ang bawkin..Chutah kan țhutna țhina kan țhiante lo țhu chu a thlek ha ha a, kei ka awm ve silo chu zawng ni awm takin a hawi kuala, kanlo en renga, ațhiante chuan an kal pel deuha, a ding deta, Dingngheta (kan pawl member ve tho) chu abia a, Dingngheta chuan kan awmna dawr chu a rawn kawka enge an sawi erawh kan hre lemlo... Chutah kan lo thlir reng ani tih ahmuh chuan zak hmel deuh chuan ațhiante chu a um zui ta daiha...

"Kha, ka tih reng kha, Dingngheta saw zawt chiah i la, i awmna a zawt hrim hrim" Maia chuan a kut rawn dawh ha pah chuan a ti a,... "Thildang a zawn aniang chu i chak zawk tihna ala nilo" ka ti leh hrama.. Kan țhiante bul kan thlen leh hnuah Dingngheta chuan "Boss tuna school naupang kha i hmelhriat em ni?" a lo ti a, Maia chu ka en a, a intithei kher mai "enge.. hre chiah love" ka ti a, "I awmna min rawn zawt ve ringawta.. 'heta țhu țhin kha khawnge?" a rawn ti a" a ti a, Maia chuan a kut chu arawn dawh leh a, "Kha..a dik ka tih kha" intithei deuh chuan ati a..

Ka rilru chhungril chu sawifiah theih chiah siloh chuan a hlim ru veng vengin ka hria, Ka hmeichhe țha tih em em leh ka ngaihven ruk em em mai chuan minlo ngaihven ru ve reng ani tih ka hriat vang in ka nui deuh sung reng... Ka boruak chu ka naute chuan an hrethiam ve țan tawh a, min fiam laih laiha.. "A chhelo khawp mai, Mawimawi te ai ngawt chuan" An tia, Mawimawi chu keimah min ngaihzawng em em tu ka duh hun huna ka thu ang ang a awm țhin ani a.. Hmelpawh a chhelo, an nei nungin nula puitling tawh B.A zir lai mek ani nghe nghe..Hmeichhe ngaihsak deuh leh hmeichhe duh chi ka nilo chung pawn min helin min buaipui nasa țhin hle.. Solomon Cave ah leh Bara Bazar ah Thuamhnaw dawr an neia, an dawr pawh alianin a ropui khawp nghe nghe, thuamhnaw min pe deuh reng țhin.. Keiin lo ngaihsak ve deuh phei ila chuan kan kalthui ve viau tawh ang.. Mahse ka mamawh hunah te bak ka ngaihsak zui peih tawh ngailo țhin.. Chutiang mi in Hmeichhe duh zawng ka nei veta chu ka naute ti ti a tling reng ani..

Nia, Kum 24 a upa, vanglai hun hmang chho mek, Mizo mipa zingah chuan palian pawl tak kani a, ka hang em em lova ka ngo em em chuang heklo, ka mitko veilam chungah ser ka neia, chu chu hmeichho ho hian mawi zuk ti tlat țhin peka.. Duh ni ila hmeichhe duh duh thlang thei ka ni ve awm e.. achhan pawh min hmu tawh hmeichhia chuan min sawi zui thin tlangpui "In țhianpa kha a pa ka ti, ahmelțh bawksi, apalian bawk si, minlo biak rawh" ti nawk nawk tu hmeichhia hi an awm nual renga ka naute leh ka țhianten min hrilh leh hlawl țhin... Kan Pi berin min buaipui em em mai pawh hi amak hranlo, ka duh lemloh hmeichhia tupawh ka tan chuan an inphal hma thei viau țhin.. a tawi zawngin sawi ila hmeichhe ho sawi ser ser zingah ka telve reng ani ber.. Mahse ka lerh lova, chung hmeichhe ho chu ka thuam tifai tu atan leh Sex hmanpui atan bak mamawhna ka nei ngailo... Chutiang chu ka nihdan anih vangin hmeichhe pakhat thlira nitin ka țhu ziah țhin chu mak an ti pawh awm ve tak chu ani reng ani..

Hun aliam a, kar aliama, thla a vei leh der tawh, Engemaw vanga rokhawlhna kan nei anih ngawt loh chuan Esi te school bang thlir chu kan nitin hna ani deuh ta reng mai..Engmah thu leh hla kan nei chuanglo vai ho inngaizawng an sawi ang maiin kan in ena kan in nuih seih seih bak chu hma kan sawn chuang lemlo... Maia phei chuan "Biak pawh i biak ngamloh hi kan thlir ziah mai" min ti fiamthu nghe nghe.... Chutiang boruak vel kan tawn mek lai chuan Esi u Lawmtea chuan Nupui a ru ta hlauh peka.. an insawi țha dawna, an hausa bawka ropui taka lawm an tum nghe nghe.... An Inneih ni a inkhawmpuia telpui turin min sawm ve bawk a, ka phur rilru khawp mai.. Mahse Biak In chhung hi ka rap khat ve khawpa inkhawm na thuam hnaw lah ka nei heklo, Jeans kekawr, T-Shirt tih vel bak ka ha ngai meuhlo.. Chutih nak laiin Kan pawl hotu deuh te chuan Suit hak vek ni rawhse an ti tlat peka ka huphurh ru viau mai..

Inneih hi Zing dar 7 ah an veng Kohhran (PCI) Hall ah anih avangin Zing dar 6 velah chuan kan nalh tawh khawp mai, Ka motor (Zen classic Deep purple color) chu fai zetin kan sil bawka, tichuan Lawmtea te veng lam pan chuan kan inkhalh chhuak ve ta zar zara.. Biak In kan thlen chuan an lo lut vek tawh a, kan tlai deuh avangin țhutna kan chang lova, hall veranda velah kan lo țhu ve mai mai a.. Thutiam an chham zova an rawn chhuah hma chuan mo theh tur naupang ho chu an rawn chhuak sap sap a, ka lo ngaihsak vak lem hlei lova, "Mos en teh sawle..." Zauva chuan min nghawk zauh pah chuan arawn ti a.

Ka hawi phei chu naupang ho hnungah chuan Esi leh hmeichhe dang 2 hi pangpar leh mo theh kengin an rawn chhuak hnak hnak a,...a va nalhin ava hmelțha kher em..ka hmuthil ading sung sung thei hialin ka hria. A sam kir deuhsa chu nalh zetin bakilh in a bekah a kilh tawm deuha, kawr nawinawk rawng a ha a, Pawnfen chhing zet mai khup khuh lo chiah chiah a feng bawka, pheikhawk keartui sang uchuak lutuk silo abun bawka, a hmai chu engmah a hnawih lemlo nangin a paw vau ni maiin a hriat, Hlim hmel deuh chuan a nui hak hak a, naupang ho chu an buaipuia an rem kual vela, naupang ho lah chu an khawih ang angin an awm tawpa lo insiamrem an tum ve bawk silo an thle vel mai mai a,, Chutia an buai hawi vel chuan min rawn hmua, ka lo en reng sia kan in hmu țek leh chhuai ni maiin ka hria.. Hmeichhe 2 zinga pakhat zawk chu a school kalpui țhin pakhat zawk kha alo ni bawk a, min nuih seih hnuah ațhian nu chu engemaw hi a hrilh zauhva kan awmna lam chu arawn hawia an nui dun var vara..

Thlalak zawhah in lama hawng turin an ri nak nak a, Esi te chu ka motora phurh hawn ka rilruka, "Zau khawnge Maia kha?" ka ti a, "Ka va hre mailo, enge?" alo vata, "Esi te sawn motor chuanna tur an neilo anih hmelin ka hria, kan motora chuang turin va hrilh se ka ti mawle" ka ti a, Chutih lai mek chuan Mopa chuan "Boss motor i keng em?.. Esi te 3 sawn chuan hawna tur an nei lova an leng ve thei ang em?" a rawn ti hlauh maia.. "Leng lutuk e, leng tak an ni" tih mai ka duh rum ruma, mahse ka ti em biklo "Awle, an leng ang chu" ka ti ve maia aruk tak chuan ka lawm viau thung.. "Es, hei ka țhiante rual hian chho mai rawh u" Lawmtea chuan a ti lang lang a...

Zauva chu hrilh chawp angai bik miahlo Biak in hung pawna motor bulah an rawn kal chu "Lokal rawh u, Esi ahma ah khan țhu rawh, nangni hetah" tiin ro a lo rel nghal zung zunga,.."Ngailo, nangmah țhu rawh" Esi chuan a ti a, kei chu driver seat ah ka lo țhu ngawi renga, "Ngailo tah khan țhu rawh" tiin Zauva chuan motor kawngka chu a hawn sak zung zunga, "Aaa...angai chuanglo" Esi chuan a ti nang nanga..A rawn țhu lut ta nge nge a..Tichuan Lawmtea te in lam pan chuan kan kal zui ta nghala..."In va fel ve in rawn inkhawm ve a?" Esi chuan zawite chuan a ti sapa... "nia, țhiante nupui neihna a inkhawm lohte chu?" ka lo ti ve supa,... "Mama te nen hian in inkawm țhin ami?" Esi chuan a ti leh a, "Aw.. kawm ve țhin e?" ka ti leh a,.. "Mo nu chhungte lam emaw ka ti che u a" a ti leh a, kan nui ham ham a.. In kan thlenga an chhuk tharh a, "Kan lawm lutuk e aw" tiin an kal nghal nal nal a,.. a rimtui chek chu ka hnarah a cham zui tlat a,... "Boss chaw chu kan ei ve ang em?.. Fela te chu min rawn zui ve mai dawn emaw ka tia" Zauva chuan a ti bai bai a.... "Ka hrelo, min sawm ve ngei si alawm" ka ti a.. "Nia..Midang rawn thleng se kan sawi ho dawn nia" a ti a..an kawtah chuan kan lo nghak ta tawpa..

"tinge in rawn kal loha, lokal rawh u" Hmeichhe pakhat hian arawn ti a, ka en vata Esi alo ni a "Nia, kan rawn kal dawn, kan țhiante kan lo nghak a" Zauva chuan alo ti vata.. Esi chu alo inthlak fel diam tawha, Kekawr tluan simple deuh a ha a, Vawthlep chapal pan thlar mai abun bawk a, a ke țiah chu a nalh sing seng hle mai....Ka bulah chuan arawn kal hnai a,, a rim chu ala nam chek a, "hawh u an rawn thlen hunah an rawn kal ve mai ang chu" a ti a, ka khawr deuh țut niin ka hria. Mipa confi pawl tak ka niin ka hria a, hmeichhe hmaah ka zam ngailo, mahse hei tun țum chu ka lai chhe lek lek anih deuh ber hi... "Nia.. aw..a an lo thleng țep ang, Zau lokal rawh" ka ti teh nuaih a.. "Ka hming chu Esi ania" zawite chuan a ti sap a, "ka hria alawm.. Moses ka nia" ka ti ve bawka, "Ka hria alawm, ka hriatna che a rei tawh" a ti a a nui var var a..

In ah kan kala, An in chu chhawng 4 lai niin kawng thlang lamah a inkhawhthla zui mai a,... Veranda zau deuh an neia, mi an lo țhu nual bawka, minlo en duh hlawm phian lehnghal... "Inchung lamah chho nghal daih ang u, hetah chuan an puithu emai" a ti a, Veranda bula inchung panna step awmah chuan min chhoh pui zui nghal zata..Inchungah chuan Assam type In lian vak lovin room angreng an sak hi a awm a, Chutah chuan kan luta alo hnawk nuaih a, Khum lian vaklo 1 leh sofa set hlui tawh deuh deuh bakah bungraw eng eng emaw a awm nual a.. "Kan bungraw dahna ania, a hnawk lutuk a" a ti zung zunga a țhiante 2 chu an lo inchei mawlh mawlh bawka.. "Hei hi Mambawihi ania, Hei hi Judy anih hi lo inkawm rawh u Thingpui ka zuk la ang e" tiin Esi chu a chhuak leh nghal daiha.. Judy atih chu a school kalpui țhin kha ani a,..

"U Moses, in va nalh ve" Judy chuan a ti a, an hmel en aiin an zamlo phian dawnin ka hria, zaka kimki chei chei awm rual lekah ka lo ngai ve ngawta.. "Nia, nalh anive mai" ka ti a.."Esi'n a hmu thut che kha mak ati raps mawle, Monu chhungte in ni emaw ka ti hmana" nui hak hak chung chuan a ti a.. "Nia, kan nive ve ani mai" ka ti leh a, "Englo... Star tu deuh che ka hria asin" a ti a, ka nui haka..."khai a ka va lawm ve" ka ti a, "nangte chu i lar alawm, U Lawmtea nen in inkawm țhin tih kan hrelo hrim hrim, kan school ah an sawi nasa thei lutuk che a, i luck awm bawk si" a ti a, a nui hak hak a... Mambawihi an tih chuan "Keini pawh kan school ah an sawi nasa thei lutuk che, Mipa ho idol i ni ringawt" min ti a ka zak lek lek a chutiang anga in fakna chu ka la dawng ngailo... "Ka van awihlo.." ka ti a, a lum deuh up up in ka hria..

"Esi hian a sawi nasa thei rap che mawle" Judy chuan a ti a, "engmaw?" ka tih lai chuan "LalJudy țawngtheih zia hi" Thingpui leh ahmeh rawn chawi luh pah chuan Esi chuan Rawn ti a, "Enge i sawi nasa thei em alawm, Tlai tin kual deuha kan haw phah ziah te kha ka sawi vek zawk mai tur sin" ala ti ta deuh deuh a, Thingpui min rawn pe lai chu ka lo en kara, min melh zauha asen ap ap a "a fiamthu mai mai anih kha, henu dawt sawi hrat zia hi chu" a tia, "Dawt asawi ka ringlo" Zauva chuan alo tive bawka.. kan nui a, an infiam zui nak nak a.. Tlailam ruai theh leh turin kan haw ta riha..

Ruai kan țheh zawhah kan țhu khawma kan ti ti nak nak hlawm a, Esi te țhian ho chu an buai zar zar renga, Keini ho erawh Inchung zawl ah kan țhu khawma ațhen an zaia a țhen kan ti ti a, ka țhiante ti ti ngaithla ang taka lang siin Esi che vel chu ka lo chik ru renga....Zan ah Mo lawm party nei turin kan awm khawm țaih mai a..Kan hlimin nuam kan ti tlang hlawm hle...Dar 8 vel ațangin Tape playin kan ri hot țana, zu kan nei hnem viau nangin hmingchhiat kan hlauh avangin control tu kan daha chu chuan fimkhur deuhin alo sem țhin ani...

In hnuai veranda ah chuan Esi te țhian ho chu an țhu ve bawka, Kan awmna chu a thim avangin eng hnuaia awm tan chuan hmuh ka harsa khawp ang, an ni erawh kan hmu chiang viau thung..Maia kal vel chu an lo kova.. Engemaw an sawi hnuah Judy leh Maia chu inchung lamah an rawn inzui chhova..Ka awmna lam chu an rawn pan ding nghal nalha.. "Boss Judy te țhian ho hian Ride an chaka, an sawm zak si che a" Maia chuan arawn ti a, "Nia U Moses Esin leng ang u ati" Judy chuan a ti ve vata.. "Khawiah nge kan len ang" ka lo ti a,.."Kan hre chuanglo" an ti a.. "awle..Mai kal ang.." ka ti a, Zauva chu kan chhuah lawk tir thu ka hrilha....Tichuan Maia nen Esi te țhian ho chu kan lenkual pui ta a.. Car tape ring tawkin kan play a, kan tlan kual vela, Motor ka khalh a, ka sirah Esi ațhu a, a hnungah a țhiante 2 leh Maia an țhu thung.. Dawrah ei tur kan lei bawka.. Kan tlankual vel fe hnuah city park kawtah kan dinga..Park chhungah chuan kan lut ta nghala..

Midang chu an kal kual vela keini 2 erawh pipu ah kan țhu a, kan ngawi ran bawka.. Chutia ngawi renga țhut ngawt chu dikin ka hrelo "Englo...Ngaihzawng i nei ve tawh em?" ka ti ve ngawta.. "imm aih.. la neilo" a ti zawi sapa.. "Imm i ti bawk sia" ka ti a nui chung chuan "min zawt thut anih kha.. Nang chu i luck bawksia i ngah tawh awm" a ti a, "luck bik love, ka nei ngailo hrim hrim" ka ti ve maia.. "ka awihlo..Hrangbana College miss Melody nen in nih reng kha" a ti a.. "Ka van awihlo.. kei pawn ka hrelo ania" ka ti a, nui chung chuan "ka hre reng alawm, aa nau kan school ah a kala asawi vek alawm... In ruk pawh in tum tawh kha" a ti a.. ka nui huka.....Nia Zan khat kha chu kan leng rei deuha a hawng ngamlo tasi kan buai hle tak anih kha mawle.." an fiamthu anih chu" ka ti maia.. "I thik deuh ani maw?" ka tih zawm zata.... "Na..teuhlo mai.. kei" a ti a. "Judy sawi kha dawt alo ni tak tak ani maw?" ka ti a.. a rilru ka hre chak tlat..

"A fiamthu mai mai anih kha" a ti ve maia.. "anih ka ring renga keini aia țha i duh duh i thing thei ang chu" ka ti el ngata.. "naaa nilo a sawi dik...awh...an va rei tawh" a ti buai nuaiha.. "Hawn i duh tawh em ni, hetia awm hi a nuam alawm" ka ti a.. "duh chuang love" a ti a.. ka huaisenna zawng zawng sawm khawm chuan a kut no nem zet chu ka dawm saka.. a phu zaka... "kan va zawng ange" a ti a..thawh a tuma... "an rawn kal ve mai ang"ka ti a.. ka pawt țhu luia.. "Khawimaw min min hmu ang" a ti a, a țang deuha.. "Tumah an awm loh hi..." ka ti a, ka kuah a. ka fawp nghal zata.. a tal deuh dawn hmana mahse a țang reilo.. a zei vak lo kher mai....a tal put thuta,.. "Hawng ang u" a ti a, a tho ta nalh a... "Ngailo... min hlauh ani maw?" ka ti a.. ka la dawm renga.. " Hlau love.. khawi maw..kal ang u" a ti a.. a tal puta... "Hey.." ka tih mek lai chuan Torch light eng zet hian ka hmaiah an rawn chhun a.. "Moses tleirawl khuaikhem i tum elaw?" chang falh hian pakhat hian min rawn ti a.. ka mitah tak min chhun bawksi tunge an nih ka hre mailo...

"Tum love kan leng ho vek alawm.." ka ti dek dek a, "I tum reng alawm, a hlau che anih hi.. i fawp lui lai pawh kan hmu che alawm" an rawn ti hrama.. ka sa phat a.. "Ka tumlo ka tih chu..tunge maw i nih leh ka mit ah mi chhun tlat le" ka ti a.. "Kan duh leh kan chhun che anga..i thulo, i zak lawm ni" tiin min rawn hlap ta zawt maia.. Police an ni tih ka hre thei nghal... "Ekhai.. khatia min tih ngawt le.." ka ti ve ta a..ka man beta, a torch light ka ben thlak saka.. Police 3 hi an lo ni a, Kan inti buai chu ani zui ta der mai.. Khawnge Esi a awm ka hrelo... " i duh elaw,, mite i khawih let ngam zawk le" an ti a, min man bet a ațhenin minlo beng bawka.. "Ka pu thlah rawh u... engtin mah kan awmlo" Esi chuan ati ri chu ka hria.. "Police min khawih ngam chu le" an ti a.. min nawr beta, min hlap zawt zawt bawka.. Esi awmlo se zawng ka khawih let ve ngei ngei ang... Maia te an rawn tlan vata.. Police dang an rawn thleng bleh bawka.. Pawngsual tum anga min sawiin an Van ah min nawr lut nawk nawk a.. Esi lah ațawng ngam tawhlo... "Ngawi teh u in hresual ani" ka tih pawn "kan duh leh kan ngawi ang, ii thulo lutuk i kid kan nih loh hi" an ti zel si.. Kawl min bun tir mawlh mawlh bawka..... Maia chuan hrilhfiah ngial atum pawn "Zu a ruia, Police min khawih anih kha.. Khawnge a pawngsual tum nu te kha" an tia..

Engmah sawi a sawt dawn chuanglo tih ka hria a ka ngawi renga.. "In duh leh Thana ah rawn umzui ve phawt mai rawh u" tiin motor chuan min tlanpui zui ta maia.. Motor chabi ka ak daih bawksi.. Engtin tak awm ang maw..? Esi han khawsak dan chuan ka thin a tirim kher mai bawk.. Min man tir ngei niin ka ngai hmak bawk.. Len puiah min sawm a.. zan dangah pawh City park ah kan leng fova, Police an rawn kal ka hre ngailo.. Min man chak zek zek tu Police ten Esi ka pawt lai min rawn nang chat bawk si....."An va rei" a tih kha Police ho hi an ni ngei ang...tiin ka inseh ruh țeuh a...

Engtin nge an awm ka hrelo.. Maia, Zauva, Mza leh midang in thana ka awm chu min rawn tlawha.. OC hnenah an sawifiah ngial hnuah pawh "Police a khawih a lawm" an ti zel si.. Mi man an chak vang hrim hrim ani...Engtin tin emaw ni tiin min man chu ani ta reng mai.. Esi vang chiah ani.. min hek ani tih bak ka rilruah a lut theilo.. Ka hmeicchhe ngaihsak em em in min man tira athangah min awh tir chu na ka tiin engmah ka sawi peihlo....Zan riak turin ka rilru ka siam fel thlap tawh bawk.... Ka vawikhat tanna ni miau heklo... Zu a rui lehnghal min titu Police te khan Zu rim an nam ve tho si anih kha maw.. min man an duh vang hrim hrim ani..

Zan 1 min riah tir hrama.. Thinrim zetin ka hawnga.... Ka rilru na lutuk chu ka room ah ka tawm nileng zaka.... Tumah ka be duh lova tumah ka room ah an rawn lut ngam bawk heklo...Ni 3 chhung zet chu In ah ka inkhung bo phah hial ani... Kha nu te khan tinge min bum chhuah theih zawk le... ka haw kher mai..."Boss inleng i nei?"...Kan nau pakhat chuan room kawngka kick chung chuan arawn ti a, "Tunge ka muhil tih hrilh rawh" ka ti bung nghuta... "awle" a ti ve maia..

Kan In hi inhuai ni mahse inchunga room hran awm ve ang chi kha ani ve thova.. choka, sitting room, Dining hall leh Double room pakhat a awm a, ka room leh Henry room erawh inchung ah a awm thung.. Step 20 lai awm vein 10 ah a kawiin a awm a, Step lawn chhuah chiah chuan lobby ang reng deuh lian vaklo Sofa 2 leh Center table 1 hun theihna tawk lek hi a awm ve a.. Chu chu keini Original member bik ten kan țhut khawmna bik ani țhin... Ka room chu dinglam side ah a awm nghe nghe..

"Boss, an haw duhlo, hmuh ngei ngei angai an ti tlat mai" a rawn ti leh a... "Tute nge an nih a.....ka hmu peih lo.." ka ti hmaka.. "Esi te an ni awm e" a ti a.. ka ngawi renga... reife hnuah...."hawng mai rawhse" ka ti a.... a reh vang vanga..ka room kawngka chu a inhawnga... Kei chu tukverh lam hawiin ka pistol ka hrufai hliau hliau a.. chutia ka thu pawh hmu lova ka room a rawn lut ngawt chu ka lawm viau lo... "Tunge maw i nih teh hrep chu le, ka" tiin ka in hera, ka thil va hmuh chuan min ti phu chiang kher mai... ka room chhungah chuan Esi alo ding reng chu niin...

Banga sana intar chu ke melh zawka Dar 1:30 a pel awrh chauha..School ah la awm tur ani asin mawni..."I damlo ami?... tinge irawh chhuah duh miah lova?" a ti a.. ka ngawi renga... "Thil sawi lawk ka duh a?".. a ti leh sapa.. "Engmah sawi tur a awmlo.. hetan i rawn luh a, min man tir leh dawn ani maw?" ka ti deuh hmaka.. min rawn pan hnai pah chuan "i hresual anih chu, ka man tir miahlo che.. Police ho kha ka hmulo hrim hrim,... Engvangin nge ka man tir ngawt ang che" a ti a.. ka hma chiah ah chuan a rawn dinga.. Khami zana a rim ang chiah kha anam chak bawka,. Uniform ala ha vek bawka, a kutah rawmawl a hum ța bawka.. "min hlau a, min tlanchhiat san anih kha" kaa ti leh ngata...."Hlau lo... i bula awmte chu ka chak reng alawm..Mahse" sen ap ap chung chuan a ti ta reuha..

Kum 18 emaw leka upa ani a, min ngam sak sak hle chuan ka hria..Mahse henu hi ka hua nge ka hawlo ka hrelo, hmeichhe dang chu nise ka kalsan hmak loh pawh ka chhuah tir tawh ngei ang... "Min hlau lo nila i tlanchhe lovang?" ka ti a.. ka silai chu ka drawer ah chuan ka dah lut hmaka... ka dinga.. tawnzau leh Kekawr bul chauh ka ha a, Tukverh lam chu ka hawi leh daiha..

"U Moses, min ngaidam rawh ka tum vang reng a tlanchhia pawh ka nilo... khatia min ti kha ka hlauh miahlo che.. mahse min rawn kal thawm ka hriat vang chauh anih kha.....ka thiamloh ani... min ngaidam rawh" a ti a.. ka hnung lam ațang chuan min rawn kuaha ka hnungah chuan a bei ta reuha... Ka mur seng sengin ka hria.. a thaw lum ham ham chu ka hria a.. min kuah nghet hle bawk... Ka ding ngwi renga.. "Ka duh lutuk che.. ka hmuh hmasakna ber ni che ațang khan i lakah hian ka luangliam nghal asin.. I hmel ka hmuh hma daih ațangin ka hre tawh che a.. mahse engmah danglamna a awmlo.. Mahse i hmel ka hmuh chiah ațang che khan engkim adanglam ta vek ani...Khami zan khan hlau che ni ila Michaela kha lenpui turin ka rawn koh tir miah lo ang che" a ti ta reuha.. a aw chu a zawi siap siap nangin ka hre chiang hle thung..

"Min ngaidam hram rawh, khami zan khan ka țap tlaivar țhak asin, ka zak bawk si, keimah vangin kut i tawrh phah leh nghal bawk si...." a tih zawm leh zata.... kala ngawi renga... Mahse ka thinrimna leh amah ka lo huat ve deuhna zawng zawng chu a kiam vek ni maiin ka hria..."i hmel ka hmuh loh chuan ka khua a har tlat tawh, tlai kan school bang kan rawn haw kual hram hram țhinna chhan pawh nangmah vang ani a, I thinrim vanga ka hmel i hmu duhlo in țhuțna țhinah i țhu duh tawhlo pawh hrehawm ka tih zia i hrelo anih kha.... Keimah vangin i thinrim tih nimin tlaiah khan ka hre chiah lehnghal... Ka huaisenna zawng zawng sawm khawmin ka rawn kal tawp anih hi..." a ti a... Ka inhera.. tlemin a tawlh sawn deuha... "I fiamthu lo maw?.." chang leh zawi deuh chuan ka ti a.. amit ah tak ka en karah ani pawn min en kiau bawka.. "mmm...Ka fiamthu miahlo asin..." a ti a.. Enge ka tih ka hrelo, ka in control zolo ani ber mai, ka pawt hnai lawka ka fawp zui nghal hmaka...A thaw halh halha min kuah nghet sauh sauh a..... "Min bum miahlo tak tak maw?" tiin ka Farhan chu ka chawl deta.. "mmm... ka duh lutuk che hi ka a hlum lo chauh ani e..." a ti a.. a meng dava diar mai bawka.... Ka pawm nawlha... Phawk hra chuan "Enge i tih hi?" a ti sapa.. "Min duh tak tak leh tak tak loh ka fiah dawn che" ka ti a... Khum lam chu ka panpui ta nghala..

Khumah ka zalha.. muang changin a hmui sexy lutuk mai fawh chaka lo kau deuh chu ka fawp zui ta nghala.. min chhang rang kher mai... ka chula ka fawpa, ka lawnkaia.. engkim chu ka tan aphal vek ni maiin ka hria.. ka so sang nasa tawh mai.. a ir no ah te, ka fawpa.. a pawnfen ka hlima.. amal mam nal thalh maite chu ka zut pah zela.. ka kut leh lamin a kawr kilh chu ka phelh saka.. a meng ngamlo ka fawhna chu min chhang let ringawt mai ani... A thaw ham ham a..ka che zui mawlh mawlha.. a kawr hma a phel vek tawh, bra dum alo hren chu avun rawng fai leh ngo thianghlim tak nen chuan a inmil kher mai........ A bra chhanah ka chul saka....a rawn meng diar diara... "i tum tak tak em ni?" tham țiak hian arawn ti reuha......"mm...ka tan i phal leh phal loh ani mai" ka ti a... a mit achhinga.... "i tan engkim ka huam alawm.. mahse min kalsan miah suh aw.." a tia a ri chhuak manglo... Ka phur sawta.. ka tan engkim aphal a lawm...tiin ka insiam rem sauh sauha...... A thaw ham ham a.. nghet takin min kuah bet sauh a... "I khek thei lo em ni?"..a ti tham țiaka.. "mmmm... ka ta nivek la ka duh" ka ti a... "i duh em..?...i phallo zawk em ni?" ka ti zui zata... "Phal e... mahse min nuihzat zui suh aw.." a ti a.. a țap lek lekin ka hria... chuti taka ka tan ainphal tih ka hriatna chuan ka phurna chu a ti sosang nasa zual sauha...Hmeichhe dang lakah hetiang em em hian ka sosang ngailo...... Mahse.... inthiamlohna leh lai natna a rawn lut vata... ka thil tih tum chu ka chawlh sana... a chal ațangin asam chu ka chul sak hliau hliau a... "Ka lawm e...Ka duh lutuk che lamah ka insum zolo teuh hle mai... Hei hi chu ka la phal rihlo" ka tia.. a rawn menga..a meng sen rama adava diar bawka.. a inpeih ve hle tawh chuan ka hria... Mak tihna nen min en pah chuan "I duh phawt chuan ka phal..mahse i insum thei anih chuan ka lawm ngawt ang.. ka zahawmna ani ve si a.." a tia.. ka fawpa.... "Ka phal rihlo ka tih chu" ka ti ta a...

"School in bang tawh ami?".. ka ti a..."Banglo.. ka rilru anuam thei lova....Damlo anga in sawiin chawhnu chawlh ka dil a..." a tia.. khumah chuan inkuah chungin kan mu duna.. ka awm chu a chul heuh heuh bawka... "Keilo chu midangta ni hauh suh ang che aw" a ti sapa.. "Nangpawh aw.." ka ti a.. a bu nghata..kan infawp zui leh ta nghala... Hmeichhia ka khum laizawl kai tawh ka țhelh ngailo.. tun ami erawh hi chu a danglam tlat ani.. ka phallo tak tak rih ani......

Chumi ni ațang chuan Esi nen chuan kan inngaizawng chu ani ve ta reng mai, Kan tihdan ngai bawkin tlai tin kan inhmu ziaha.. Nidanga kan tih dan țhin ang tovin kan intawnna hmunah kan inhmu ziah a, a boruak erawh adanglam ta deuh... kan inbe ngamin tawi te te ke in kan inthlah ta țhin bawka.. Naupang deuh mahse a zeiin min care thiam khawp mai..Kan chanchin a hre vek em ka hrelo, Kei misual chhungten an fate kawm atan an duhloh, Ramhuai Lalpa ang maia an sawi țhin, Biak in a pulpit hawina lam pawh hrelo ni pawh ni ila a awm tho tih tur khawpa Inkhawm lam ngaihsaklo ka nia, Ka țhiante hi chu Gospel Camping an kum zah țhelh lut tawh an ni hlawm a, Kei ve erawh chu Camping ah enge an tih pawh la hrelo ka ni thung.. Chung zia nei, a țul huna sum hlawha mi sawisak emaw a remchan phei chuan dahțha hmak hrelo ka ni bawk a.. Chungte chu Khawpui chhunga ka chanchin hria țhalai zingah hrelo bar an awm lovang tih tur ani a..Crime lamah lah engtik lai pawha rin kai ka ni ngar ngar bawk a, Police te en thlak leh veh thlem rem ka ni bawka.. Chung zawng zawng chu a hrelo nge a hria ka hrelo sualna reng reng kailo mipa ang maiin min ena, Min zahpui lova,, ka thil tih chhelam a sawi chhuak ngai heklo.. Keiin a bulah emaw a hriat tur leh hmuh theih tura chet sual ka hlau em em mai bawka, Ka theih ang tawkin ka insum hram hram țhin...Hmeichhe hmelțha leh duhawm ani ang tan chuan mipa han chhawn chhaihtu pawh a nei ve ngei țhina, Chungte chu kei pek hian ka lo ngai kawi hman lek lek țhina.. ka mitmeng lian leh fiah deuh mai ka men kul tawh hi chuan tupawn ka lung a awilo tih an hre vek țhina.. Chungah te chuan ka lamah țangin "Mipa min hnaihtu reng reng hi nang aia ka duhloh vek an ni tih i hre reng dawn nia.." min tih thlap avangin ka insum hram hram țhin chauh ani...

Weekend ah emaw Holiday ah emaw, Sunday ah emaw hun remchang kan neih changin ka in ah kan awm dun țhina, ka room ah nilengin engmah Pathian duhloh zawng nia ansawi ti si lovin kan awm dun țhin.. Chung hunah te chuan engemaw keima chanchin lam engmah a sawi duh ngailo..... Vawikhat pawh Saturday chhunah Bathroomah kan inbual duna, Hetiang hian vawi tamtak kan inbual dun fo a, Mipa hrisel țha tak nih chuan insum harsa ve tak ani țhin.. Mahse a thiam ang angin ka awmdan ah insum thei turin min pui mai țhin.... Chumi ni pawh chuan bathtub ah kan țhu duna, kan inkuah riala.. kan hma zawnah chuan Darthlalang lian pui mai a awma chutah chuan kan in en kara... "Es, kan kal thui lutuk hma hian ințhen mai ang, Kei chu i tan chuan ka țhalo lutuk, ka chanchin engkim hi hria la i rilru ka tina lutuk ang" ka ti dek dek a.. "Engmah chutiang sawi angailo.. Engmi pawh ni la, eng tiang pawhin awmla, ka duhber che a, ka thlang miau si che a nih hi.. I chanchin hi hriat ka tum lova, hriat ka chak ber ani chuanglo.. Nangmaha rilru țha leh duhawmna awm hi ka duhtawk chauh ani" a ti thena.. "U Mos, kan exam a hnai ve țan tawha, Lehkha zir lamah rilru pek ka duh tawh si a.. Tlemin kan inhmu khat tawh deuh dawn sia ka huphurh khawp mai.. Zan tin dar 8 leh dar 9 inkarah min rawn phone ziah țhinla aw" a ti daiha.. Chutiang chuan keima chanchin emaw ka sawidawn reng rengin thudangah a pakai daih zel țhin.. a kum ngaihtuah chuan puitling tak ani...

Hun aliam a, kan inkawpna pawh thla 7 zet aliam ve tawh, Selection exam an nei dawna, kan inhmu tlem ve rih hle, Zanah erawh dar 8-9 inkarah kan inbe ziah thung.. Phone ah ringawg chuan sawitur hriat aharsat bakah keiin han vawrh tur thu ka nei tlem ve bawksi.. kan inbe rei ngailo khawp mai.... Mahse chuti chung chuan zan tin chu kan inbe ve ziah tho țhin... An exam lai phei chuan keimah ka insum zawka, zan karthlak in ka be ta zawka, amah zawk ala vui zui lehnghal.....Țha takin a exam zova, an result achhuaka 3-na ala ni thova, mahse amah rau rauah a tla hniam hle thung.. 1st emaw 2nd emaw aia hniam ala ni ngailo hrim hrim.. Kei min tawn ațang chiahin 3rd position anih phah tihna ani chu..

Krismas urlawk zan ani a, Esi te nen hmanho kan tumve khawp mai.. A cousin judy te in ah hmang turin akal anga, chu chu ka nauten an va hruai dawn ani.... Mahse Inkhawm ban nghah angai thung.... Inkhawm rei zawng ka hre lova, Hemi zan hi Inkhawm an rei hle țhin ani tih ka rin phah zan ani ta hial ani.... Inkhawm an ban hunah Min rawn phone anga Inkhawm an ban tawh thu leh Judy te in apan tur thu a rawn sawi ringawt dawn ani.. Chumi zawh hnu minute 10 velah ka naute chu Judy te in ah an kal tawh mai dawn ani... Inkhawm bang kan nghak a.... Phone rik hun changin kan țhu thap hlawma.. An bialnu te hruai tur nei chuan an lam sap sap bawka.. Nei ve lemlo ruih hlo bak ngaihzawng neilo ho nen kan țhu țhapa.. Chutah Phone a rawn ri ta ral ral a...Phur zetin ka la a...

"Kan bang chiah a, ka inhlak fela.. Judy te in ah kan phei dawn e..Mahse kan tum hmasak dan lo anga kan kal angai.. ka rawn phone leh hma che hu lokal tir rih suh u aw.. Ka nu leh pa te an rawn kal ve dawn a.. Rei vaklo awm turin" a ti a..Mi mah nghah hlelh nak laiin ka ti supa.. a nui hak hak a.....Darkar khat vel kan nghah angaih leh phah dawnta anih chu... Saaala...

Phone a rawn ri leh a, Tui in in ka thawh hlan ani a, Maia chuan alo chhanga... "Hello...aw....engmaw...aw...aw..kan hrilh ang e..." tih pahin Phone a dah ri rawka... "Boss harsatna kan tawk tlat" a rawn ti a.. "Engmaw? Esi te ah maw?" ka ti a..ka phawk deuh hra a... "Nilo...Miriami pahrawn in buaina asiama.. Miriami phei chu a mitko a kak hial ani awm e.. Mi 4 vel lai an ni lehnghal..." a ti ta mai... "Sabbai chuan..."Ka ti a.. Chabi ka la a.. Zauva leh Maian min zui nghala.. "Midangin phone lo chang ula, Esi te an nih chuan Zorema leh Tete an Pi Motor in inlo va hruai dawn nia.. Chabi heta hi ka dah" ka ti a.. Kan tlan chhuak zui ta nghala...

A hmun kan zuk thlen chuan mi an lo awm laih laih a.. Ring deuh deuh a țawng ri kan hria a... "Ka inchhung ani a, tunge min sawisel thei awm... I duh leh i fahrawn Mosia chu pun leh ta che" tiin Muana chu a rak tuar tuar a.... Lehlawk... Khatia ka hnawhchhuah hnu khan Campah lutin apiang thara.. Ngaihdamte dilin alo zuk fin leh a.. Min hrilh chuanglo chuan an lo lalut leh tawp a...Ka hriat an hlau viau nghe nghe.. Mahse beng ngah ta ngang chuan ka hre ta thova.. Rui buai chi anih tawhloh chuan ka sawisel duh lemlo....Rei tak chu ațha ve hmana.. Taxi te khalhin a inhlaawh nasa ve hle.... Mahse Kar 2 vel liamta ațang khan zu a in leh țhin ani awm e.....Chuti chuan tun boruak hi kan thleng ta ani..

Kei thinrim loh tum hram hrama zuk thleng thla chuan Miriami mit a nu in a hup saka Damdawii lam pan tum mek ka zuk hmu chu ka insum theilo chiang kher mai... Kan luh rual deuh thawh chuan "Hei ka rawn thleng a lawm, Chutia kei min mamawh te chuan le" ka ti a.. tuman min dang hmanlo țhuthlenga a țhu lai chu ka zuk tlawh ri bur maia.. ka hnek zui nghal bawka.. ațhianpa niawm tak keimah ang tiat vel keiaia upa zawk tih hriat zek hian "tunge maw i nih a, khatia i rawn tih nghal ngawt le..." tiin min rawn hnek ve nghal siah a.. ka hnung lam beng bul deuh ah hian ani a,.. "E..i tel ve chak ani maw?" tih pahin Zauva chuan alo hnek ve bawka.. ka inring lo lai min hnek avangin ka tlu țhelh a.. Chutia Zauva nen an in kuah bet lai chuan a hmaiah ah tak chuan ka hnek ri chawrh a.. an tlu dun nghal rawk rawk a.. Kan thawm aring kher mai.. Semi Concrete (A ban, a beam,, achhuat cement concrete niin abang pawh brick rem mahse achung Rangva ani tihna) an carpet phah te chu a phawk rem rum mai a.. dawhkan leh țhuthleng a let rum mai bawk a.... Ka in siamțha tur chiah chu ka hma lam a ding pakhat tawi lam sațha deuh hian chemte a rawn vai vua a, ka lo tawlh hnung hman hlauha.. Majse ka kawr awm leh ka taksa tlem chu a zai thler nghal duai maia.. "Ehau.." ka ti a.. ka bawh zui nghal a.. alo zei ve nek mai.. a chemte chuan ka nak dinglamah min vih zawt tumin a rawn vai leh chu ka lo la leu hman deuh nangin ka nak chu a sa leh zak maia.. ka nak chu a thip nghal zak mai bawk a.. "awi ka duhlo.. Ka u an vit" Miriami chuan a ti tuar tuar a.. Chupa chemte kenna lai chu ka man beh saka.. bangah ka nawr beta.. ka khupin a kapah ka chhoh dawm nghek maia.. a ip zawka.. chemte a thlauh nghala.. ka chhar vata.. "U ti suh" Miriamin a tih ri chu ka hria.. a tlai tawh lutuk.. ka kut veilam chu rang lutukin chula nak nem laiah chuan ka vai lut zawka.. chemte chu a tlum thaiha.. ka phawi leh zawk a.. Vih nawn leh ka tum lai tak chuan Miriami leh Zauva chuan minlo dawm nghal vata.. "U... ti tawh suh... khawngaih in" tap chung chuan arawn ti a.. Mahse ka nak ațanga thisen chhuak leh ka awm ațanga thisen chhuak chuan min ti lungawi chuanglo.. "Ka chan sawm vek dawn" ka ti tuar a.. kka vih pah chu chuatah a tlu kawm ngala.. "min vit ana lutuk" a ti tham țuaka.. mi an rawn lut a.. Keiin chupa chu ka chhuih zui hrama...

"Khawnge Lalmuana kha..?" ka ti a.. a hmai thi hnuang chung chuan a țhianpa leh midang hian an lo dawm țaiha.. ka pan phei a.. minlo dan ttum chu ka vai per lawp lawp a.. Chemte thisen kai hnuang mai bawk chu ka keng bawka... "U tisuh...khawngaih in.. " Miriami chuan a ti a..ka hnungah min kuah bet tlata.. "Moses, inbeng dai rawh.. kha i thisen achhuak nasa lutuk..." Zauva chuan alo ti bawk a.. Muana leh ațhianpa chu an thlan chhe chhuak a.. "Min thlah rawh u" ka ti tuar a.. Miriami chu ka pawt tla lawpa.. Kil khata engmah tilo niawm taka lo ding phawk hru ka tukhum lama min rawn hek ve ngawt tu chu ka va bawh pheia.. Zauva chuan ka chemte min laksak hman hlauha.. Ka rek beta diimna tel miah lovin ka hnek ri chawrh chawrha......

Mi an dawm laih laiha.. Miriami chuan ka awmah min kuah bet tlat bawk... Ka țhu hnawka.. Chhuata ka vih an bawih sawm lai chu ka en a.. ka nak leh ka awm ațanga thisen rawn lum chhuak pap pap chu ka hre renga.. Mahse engmah ka tilo......... Police 6 zet hi an rawn luta.. an buai nghal char chara...

Damdawiin ah ka awma chemte a zaina leh ka nak a thler chu min țhui sak ve ve a, Hmun 12 ve ve ah an țhui ve ve a.. ka thisen achhauh hnem deuh avangin ka chau deuh rawih bawka.... Nachhawkna in min chiau vangin ka vai deuh ruai bawka.. Emergency ward ah min dah a.. ka khum bulah chuan Esi leh Judy bakah Midang an awm bawka..Ka mut chhuak chu ka meng duar duar.... "Muhil daih rawh..." Esi chuan nui ver ver chung chuan minti a...Ka nuia ka muhil zui ta nghala..

Ka harh leh chuan tumah an lo awm tawh lova,..ka inbeng kanga Nurse leh doctor duty te chuan eng emaw hi an lo ziak meka..."Ka pi dar engzat nge?"ka ti a.. "e. i lo harh ta elaw...Zing dar 6 a pel tawh" Nurse chuan min rawn pan vat pah chuan a tia... Esi chu ka hrechhuak nghal zawka.. "Khawnge heta mite kha?" ka ti a... "An awm renga khawnge an awm tak le" a ti maia.... Ka banah chuan hriau a rawn vit mawlh mawlha... Hei hi kan khai zawhah chuan i harh vak tawh maiang..... tlem a tlemah i thi lo chauh anih hi... Tlemin vit thuk deuh se i hamda a thler phak ngei ang mawle..i vannei takzet ani.." a ti a.. ka ngawi renga.. Min vit hman lovin min vit thawi rinvawt ni khan ka hre si a.... Amah kha engtin nge a awm ka hre zui ta lemlo....

"I lo harh tawh elaw... Esi te khan an awm renga.. an haw chiah anih kha.. Fela leh Sanju an thlah anih kha.. "Mza chuan arawn ti a.. "Khawnge midang, Zauva leh Maia?" ka ti a.. "Nizan khan thana ah an kova kan la hmuh leh miahlo..." ati sup........ "anih ka vih pa kha..?" ka ti leh a... "Tukin zing dar 4 vel khan aboral..." a ti a..a kun ngaiha... Chutih mek lai chuan Constable 2 hi an rawn luta.. ka hmelhriat sa ve ve an lo nia... "Mosi i harh tawh maw?..i thi teuh rem rem hle mai" pakhat zawk chuan arawn ti a.... ka nui maia.....

Chhun dar 12 velah Damdawiin ațangin min la chhuaka, Police custody lamah min hruai thla a....Zana kan buai dan vel min zawta.. kan awmdan diktak chu ka hrilh ta veka.....Ka sawi zawh chuan "I vanneihna deuh chu nizan a i vih hlum tak kha Mizorama awm ani lo a, Burma mi ani hlauh kha ani... I vannei a, Court in hearing alak hunah Self-defense tiin a chhuah thut mai thei che.. Jail tan mai mai i hnehsawh tawh alawm tiraw" S.I chuan minti a.. hepa hi ka huat em em kha ani ve hrim hrima.. a țawngkam ngeiawm zet hi ka haw takzet ani..

Tichuan, Central jail lamah min dah lut ta a.. Kan invih zan Esi ka hmuh bak kha chu ahmel ka hmu leh tawhlo hrim hrim.. Enge achhan ka hrelo.. ka lakah alungawilo ani ngei ang... ka pawm thlap, duh hle mah ila keimah ka inen in ani chu ka lak ațangin kalbo zawkse ka duhsak zawk, keimah vangin buaina atawkin a rilru ahah țhin dawn ropui lutuk si a.... Ka ti rilrua... .. Jail ah ni 3 ka tan tlai lamah lehkha ka dawng ve hlawl maia.. Ka en vata Esi lehkha alo ni a...

A chhungten an khuah khirh vangin min hmu turin arawn kal theihloh phah alo ni a...Khami zan khan Ka naute chuan an va hruai ngeia, Kan In ah min nghah laiin Maia chu hmanhmawh deuhin a hawnga kan chanchin a hrilh a, tichuan Damdawiin lamah an rawn tlan ve nghal a, An rin aia ka lo țha chu an lawm hle.... Zan khua in ka bulah a awm char char a.. chu chu a u Lawmtean arawn hmu a.. Zinga an haw chu a nu leh pa in an lo hau hrepa.. kan 2 chan chin chu Hrilh ta a.. an hau hrepa.. an vo zui bawka.. Kei chu min kalsan turin an ti a.. Mahse min kalsan dawnloh zia leh engtik lai pawn ka tan a inpeih rengthu te ka tan a țawngțai thin tur thute a rawn ziak kur dupa.. ka nui saka.. Court hearing neih hun hma thla khat dawn chu Jail ka ah hun ka hmang dawn ani a.. Chumi hnuah meuh chuan kei chu min theinghilh hman tawh ngei ang... Hmeichhe hmangaih thei ka ni lova, ka nunchang leh ka background engkim nen hetia awm mai mai hi ka inhmeh tawk chauh ani.....

Ka seilenna in zirse he tiang din hmun hi ka thleng dawn lova.. Ka nu leh pa kha innei pangngai nise chhungkaw hlim tak kan nih ve ngei loh pawn ka nungchang bawraw tak erawh ka nei bik kherlo maithei...Keimah ang bawkin ka țhiangte zingah pawh Nu leh pa kara sei lianlo, Sawn tih vel an awm nual bawk... Chung mite pawh chu zilh hauh leh khuah khirh an ngaih lai taka khuah khirh a zilh hau tu awm nise tuna an dinhmunah hian an ding bik kher dawn silo... Chuvangin kei hian Chi thlah tlak ka nilo.. Esi lakah fa nei pawh ni ila kei achhungten min thinhrik dawn avangin kan innei thei dawn chuang silo.. Keimah ang bawka ka fa fahrah atan ka duhlo bur ani.. Kei min nei hrehlova ka awmdan anga min pawmtu an awm anih ngawt loh chuan Chi thlah mai mai ka tumlo ta bur mai ani... Engtiang chiahin nge ka hringnun hman zel dan tur ka hre silo.. Ka fap baw tawh laklawha ka rapbaw chho zel dawn si..Tuna ka awm dan anga awm hi ka tan chuan ka damchhung hun hman dan tur ani ngar ngar tawh dawn ani...Esi ka neih theih dawn loh chuan kawppui nei lova hringnun hman zawh țhak ka thlang ta zawk ani ber...

THE END...

Conclusion.. :- Fahrah nun hi tih namai ani lova.. Fa duat lutuk ten an fate an duat luatah khua an hmuh țhin loh avangin an upat lamah an fate vangin an țap ta țhin a ni... Naupang chu a kalna awm kawngah zirtir ula a puitling thleng pawhin a thlah lovang........

(A chhunga Hming, nihna, veng leh thil thleng engkim mai hi ka phuahchawp liau liau ani tih min hriatpui teh u khai... Next ah The Homecoming kan phur tak viau leh kan siam leh mahna.... Amaherawh chu a hun leh ni tur emaw a awm dawn leh dawn loh erawh rinbur kher loh a țha awm e... Ka lawm e...)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 28th, 2016, 10:45 pm

THE DEPENDANT
( The Home Coming and Legendary end )...

Kum 2 leh Thla 6 chhung Jail bang ka zut hnuah ka thuhretu te zarah ka ukil in hnehna a chang hlauh maia..He ka tan hun chhung hian thil tam tak alo thleng danglam hman a, Ka nunbul țan țhat leh nan eng emaw tih ka ngai ngei angle... Tih tur țul kan tifel zung zunga, ka thuamhnaw hak lai bak engmah dang kenchhuah tur ka neilo.... Jail chhungah țhian bumro tak tak ka chhar hman nuala, Chungte chuan min ngaih tur thu leh an ni chu hre reng turin min chah hlawmin min mangțha hlawma.... Hmun 3 zet ah paper hran hran ah hming ka singed fel hnuah Min hruaitu Jailer nen chuan Main gate lam panin kan chhuak dawn ta a..

Gate pawn ka chhuak chu boruak ka hip vang vanga.. Kum 2 leh Thla 6 chhung zet mai he hung chhunga han hman mai chu kei lengvak peih tak tan chuan thil nuamsa ani miahlo..."I thau nelh nawlh tawh hle mai" tiin ka sir lam ațang chuan hmeichhe aw hian a rawn ti a, Ka en vata Miriami leh anu an lo ni a... "Enge hetah in tih?" ka ti vata, "aw kan lo hmuak che i motor in, Zauva nen kan 3 in" Miriami nu chuan alo ti a...TB natna vei cher chhe deuh kha niin ka tan san a, Tunah chuan nu te fai veng vawng tak leh thau lam deuh alo ni leh tawha.. a hmel hmuh anuamin a hlim hmel hle bawk..."Ka sawi reng kha, hetah hian ruih na tur a hmu lova a thau tung mai ka tih kha" Miriami chuan alo ti ve vata.. Nia, Miriami hi chuan ka tan chhung khan thla tin vawi 2 tal min tlawh ziah țhina, chuvangin ka inhmu fo țhina.. Tunah chuan nula tak tak hmel apu ve tawha, a duhawmin a hmelțha hle bawk.. Ka farnu anihna mit ațangin ka thlir bawk nen ka chhuang ang reng viau.. Mahse anu a chhuna a te mah mah in ka hre țhin..

"Hey Hotupa, i va thau ve?" Zauva chuan a rawn ti lung lunga, ani pawh alo sar deuh luah thova, ka awm loh chhung khan ka țhutna ah țhu tur ber ani bawka, a thau ta nalh pawh chu awm ka ti viau.. Mahse a kal bai suih suih thung.. "I ke i tina pek elaw?" ka ti a, "Nia, ka sual man ka tuar anih hi" a ti then a.. Miriami hnen ațanga ka hriat danin Proxivon vangin a ke an zai sak ngei maia khami effect kha anih ngei ka ring... "Sual vang a bai te chu tuar tlawk tlawk mai tur" a tih zawm zata.. Ka nui maia.. Kan in chibaia.."Canteen ah sawn ei tur ka lo chah hman asin.. Miriam in hman hmawh em?" Zauva chuan a tia, "Hman hmawh love" an lo tia.. Canteen lamah chuan kan inzui phei ta diala..

Motor ka khalha, ka sirah Zauva a țhua, A hnungah Miriami te nufa an țhu thung.. "Enge kan țhiante chanchin?" ka ti a.. min melh zoh pah chuan "an țha tlang turah ka ngai... Maia chanchin kha i hre tak em?" a ti a.. "Enge chanchin a neiha, ka hrelo aniang, ka hriat hnuhnun ber chu thla 2 liamta a min rawn tlawh kha ani mai" ka ti a.. "a rawn tlawh che maw?" a ti hu a.. "aw tlawh e, tinge?" ka ti a.. "Thla hmasa hmasa leh khan a ruang an chhar ringawt alawm, a hrawkah chemte a zaina hnuhma an hmu leh nghal.... Hemi Jail kawng ah hian ania, a ruang an chharna hmun kan thlen hunah kan ding dawn nia" a ti a... "ee chu chu engtik lai kha maw?" Ka ti vata.. March ni 20 kha nita in ka hria?" Miriami chuan alo ti vata, "Tinge min hrilh lo reng reng nang pawn?" ka ti a... "Ka mang nghilh daih a, a pawi hle mai" a tia...

"Min rawn tlawh ni kha, Kan Camping chhuah tuk chiah kha ani a... Chuti anih chuan Ni 17 Marh tihna anih chu..." ka ti a..."Ee.a rawn tlawh hawng lam chu kut a tuar ani ngei ang" Zauva chuan alo tivata... "Enge a rawn tih reng reng a...thil eng emaw sawi a nei em?" Zauva chuan ati a.. "Engmah sawi love, a nui sanga, sikret min pe a,... Eng eng emaw a sawi a, Ka tuar ai tuar a pawi tihloh late a sawia, chutiang thil han mawhpuh tur awm sawi aneih ka hre lemlo" ka ti a... Ka rilru te te in khami ni a min rawn tlawh țum khan a kut a tuam bar chungchang ka zawhna min chhanna kha ka hre renga, ka sawi chhuak duh lo ani.. Ka sawi chhuah kher angaihna pawh ka hrelo, engemaw thilah ka hmang țangkai ngei ang..

"nia.. Boss Pu A.Vunga nau James Thankunga kha i hria em?.. Khami khan ka bial nu Atei kha alo birh ve țhina, kan buai deuh hleka.. Nizan hmasa khan kan inbak kaih deuh a, chutah chuan ka hnek ulh deuh a" a ti a.."Engvanga insual nge in nih hmeichhe pakhat vang mai mai a insual te chu a" ka ti a, "Nia, ngaih zam mai mai ka tum deuh nangin 'Moses a uipate, Damdawi tawlh nasa lutuk anih saw' Atei bulah an lo ti a, ka nui mai mai a, Nizan hmasa khan ka awm ve tih hrelovin ka chanchin a sawi zut zuta, Choka ah tui ka in hlan ani a, ka hre reng sia.. ka va chhuah phei chuan kan buai ani deuh mai"a ti siam siam lai hmelte chu ka mitthla ah a lang uai uai a... Esi leh A.Vunga chung chang a sawi lan zauh pawh ka hre ngei, Mahse ka ngawi tluan ta zawka.. Eng emaw tak thil inphum chu a awm ngei ka ring...

"Mza leh Fela pawh an Piangthar ve ve tawha, Mza phei chu KTP ah te a inhmanga, an țangkai pui viau ani awm e.. Fela chuan pathian thuhriltu a zui mek, Khawchhak lamah an zin in ka hria... Sanju pawh Nupui a nei ve tawh a..... Kan vengah khan an awm tawhlo, an insawn daih tawh..."a ti a.. "An In sakah khan maw?" ka ti a.. "Ninang an in sakna kha A.Vunga'n a chhuhsak daih alawm, Mizo an nilova Mizoram ah Hmun an nei tur ani lo tiin an danga, an insak teh an sawichhiat sak nghe nghe.. Chumi hnuah an pass khan an cancel sak ta niin an sawi... An In luah țhin kha a neitu ten an sa țha duh bawk sia, an insawn ta mai ani... An nu pawh a rai puar ve luah tawh" Zauva chuan a ti a.. "tuber kha nge a neih tak, ani kha aluck roh phian ania" Ka tia.. "Aww... Senmawngliani kha..I hria em, Pi hova kan piknik țuma arawn hruai kha" a ti a.... Eng eng emaw sawiin kan ti ti pah zel a... "Hetah hian ding teh.." Zauva chuan a ti a.. "Aw.. hemi culvert hnuaiah hian ania an chhar" tih pahin a chhuak nghala... Ka chhuak ve vat bawk a... "tikhan lo awm lawk ru aw" ka ti a...

Kawrte lian vaklo culvert chhung pawh hnawmin a hnawh chep tak maiah a ruang chu bang nghenga țhu chungin an hmua... Chu lai veng ah chuan In a ding ve thliah thliaha, chu culvert awmna lai tak chu kawng kual lai leh dam deuh lai anih bakah in a inhlat viau bawka.. a fal lai tak ani..an hmuh dan vel a sawi pah chuan a țap deuh țuau bawk a... "Kha nau kha chu kan țangkai puiin a huaisen tak zet asin.. a ruang an hmuh hma deuh kar khan a bialnu ve deuh Atei te In ah an intibuai deuh niin an sawia, Mahse a tihbuai te khan engmah an tih zui lemloh thu an sawi bawk si a.. Tunge hetia lo titu hi hriat kan chak tak zet ani.... Ka rin dan chuan kan pawl min hawtu deuhte thil tih anih ngei ka ring.. a nu leh pa lah chuan min ko deuh reng maia.. an fapa neihchhun ani bawk nen a țhiante ho min ngai khawp mai... kan sual teh lul nen" Zauva chuan a tia.. ka ngawi renga... Ka rindan leh a rindan chu a inpersan deuh...

Miriami te in ah kan chawl zawka.. an in pawh an lo ti danglamin in tak tak a ang ve tawh khawp mai, A felfaiin a fai hle bawk, Hmanah kha chuan a hnawk rupa, zu rim a nam deuh rum ruma, Car deng leh Board pen an awm reng bawka, Kan ri deuh luih luih reng țhin kha ani a, tunah chuan chutiang lam chu ani tawhlo...

Kan In kan thlenga ka rum chu a lo inkalh rapa... "Hei chabi, i kalsan dan ngai ngaiin kan dah tawpa.. Nikum kawmtawp lam khan vawi khat chu Kan nu nen kan tifai nel nual a,..I thuamhnaw țhenkhat pawh alo hmuar deuh hman a.." Zauva chuan a ti a.. areh deuh ruih in ka hria.. Room chhung chu hmuar rim a nam nasa hle kan naute ka hawn minlo nghaktu an awm nual bawka, Chungte nen chuan kan thianfai a, ka thuamhnaw erawh Zauva te chuan an lo tihfel thlap avangin a ziaawm deuh..

Zan riah atan uisa kan leia kan baia, Zu kan inkhawm laih laiha...Ka rilruah Esi phone alang viau nangin ka phone hreh bawk si, Ka tan chhung zawng khan vawi khat chiah min rawn tlawha, Chupawh an exam zawh tukah ani nghe nghe.. Miriami'n 1st Divisionah a pass thu min hrilh a, Chubak engmah achanchin ka hre zui talo, Maia'n A.Vunga nen Krismas dawn khan an bazar dun lai ahmuh thu asawi erawh ka hre thung..... ka insuma ka be duh ta lem lova.... Kan hlim in nuam kan ti tlang hle, kan nui deuh ham ham renga,.. Phone a rawn ri ral ral a... Kan nau 1 chuan a chhanga...

"aw...awm e...awle.." tiin phone chu a daha.. "Pi in lo kal teh se a ti a" a rawn ti a.. Chaw ei kan siam laklawh avangin ka chhang lemlo... Puar zetin chaw kan ei a, țhen khat chaw ei theilo chat thla an awm bawka, țhen khat ei țeuh an awm laiin țhenkhat ei manglo an awm bawka, Peka ber abuaithlak leh tunge a thin tirim hriat tur awm silo chuan a ti tau a, "Chaw ka ei dawn chuanglo" tiin Sofa ah a țhu buk luk luk a.. "ka chak ve tawk alawm, tumah ka hlau lo" a ti thul.. a cher chhe ve in a zawr ve bawk sia, tu han hneh thei hmel erawh a pulo chiang hle thung.. a zia kan hriat tawh avangin kan en liam mai mai țhin...

Vawi 2 zet kal tura min koh avangin ka kal ta nge nge a.. In ka han lut chu kan pi pawh ahmel țhat dan leh sexy dan ala ngai reng, he nu hi hmeichhe hmelțha chu ani chiang khawp mai, a kum ang zat kum hmeichhia an zur viau tawh laiin ani chu ala nalh zaih reng thung.. Tlangval țhenkhat phei chuan nula hnah khat aiin an la thlang reng ani..

"I va thau ve, i chaw ei chu i puar bawk maw?" alo tia, ka nui a.. "Nang pawh i la nalh hle mai, Pu Gulsan a awm nange..?" tiin a opposite ah chiah ka țhua.. "Nia, nimin piah khan a chhuk thla chiah, Kar leh khian ka chhuk thla ve ang, a fanu khan Doctor a zir zo ve tawh a, chumi lawmna ang reng chu kan nei dawn anih hmel" a ti a, Apple tuihnai tak minlo pe nghal zata... "I lem duh em?" a ti a.. "aih duhlo, ka duhhtawk tawh e" ka ti a..A thova ka bulah chuan a rawn dinga, "Zanin chu ka bulah riak rawh aw, ka ngai thei lutuk che a" tih pahin ka kutah a vuan a..ka hma ah chuan a rawn țhing țhi a..zu a in tih a thaw rim ațang chuan a hriat theih..

Hnai zetah min en a "min va ngai love, ka koh ka koh che pawhin i rawn kal duhloh" a ti tham țiaka.. ka nui ringawta.. min ngai nise minrawn tlawh ve ngei ang.. "nia, ka țhiante ka chhuah minlo hmuaktu te an awm bawk si alawm, Enge min koh chhan ni reng renga" ka ti a..ka mal chu a kut zul sei sal chuan a zut dalh dalh bawk a.. "Ka mamawh tawh lutuk che mawle... i awmloh laia ka khawhar țhin zia chu hrehawm tak ani" tiin ka kawnghren bugle chu a phelh rak raka, ka mitah tak a en kal mai bawka, a mitmeng ațang chuan a tuihal hle tih a hriat theih... Engmah tilo chuan ka lo dawh tawpa, min rawn hnaih tual tuala a tawpah chuan kan hmui leh hmui chu a intawng ta nge nge a..Chutia kan infawh lai chuan Esi ka hre chhuak zawka.. ka nawr kianga.. "Tinge... room ah kan lut dawn em ni?" a ti sapa... ka ngawi renga.. Hetia ka awm lai hi Esi'n min rawn hmu thut se engtin nge a awm ang?...Mahse ani pawh ka awmloh laiin mipa dang a lenpui velin kei chu min theihnghilh hmak ani lawm ni" ka ti rilrua.. Ka insum duh ta biklo.. ka thawk lawka.. ka ding hluaia zo deuhin ka pawma.. a room lam pan chuan ka kalpui ta nghala...

Ka mutui hle aniang ka harha khum bula alarm clock awm chu ka en vata Zinglam dar 9 alo pel der tawha.. zanah kan che nasa in kan muthilh meuh chuan Dar 2 a ri thuak tawh renga.. khum bula side table ah chuan Bawnghnute leh Cake alo in chhawpa.. Bawnghnute no chu lehkha in a inkhuha.. lehkha ah chuan "Office dawr ka ngai sia ka chhuak mai.. ka rawn haw har lovang... Nizan avang khan ka lawm tak zet ani.. ka hmangaih che" tih alo inziaka.. ka kiai suka.. ka thoa, ka inha sawk sawk a, Bawnghnute leh chhang chu ka ei in ka in a.. Chumi zawha ka chhuak ve ta a.. Kawngka ka kalh thlapa chabi chu mail box ah ka thlak a.. Kan in ah ka chhuk thla ta a..

Kan pawl chu ka awmloh hlain harsatna an lo tawk nasa hle mai, Bazar puia kan vai dawrkai tam zawk chu MZP in an lo thuhnuai vek tawha, Dawr 2 chiah kan chang tawh, Veng dangah lah kan awmna veng ami lo chu chan kan nei tawh manglo bawk..Tin kan sum hai luhna pakhat Damdawi vawrh lah chu Police leh JAC an hran avangin a kal lutuk bawk silo..kan naute 12 lai chu an lo man tawh nghe nghe...Kan chet lakna min tichhe zawng zelin A.Vunga pawlte MZP chu an khawsa ani ber mai..Hnawksak min ti țhin reng bawka.. ka awmloh takah chuan an lo vawk lal len ani ber mai.... Kan pawl member pawh min chhuah san an awm nual tawh a, țhenkhat phei chu kan tan an hnawksak zuiin kan chet lakna țhenkhat ruih hlo tawlh lamah min hektu leh min phatsantu an ni tlangpui leh nghal.. Chung zingah chuan Lawmzuala leh Tluanga an hnawksak zual..

Kan khawchhak sumdawn pui Pu Liana hektu pawh an ni hi an nia.. Ka tan lai khan a rawn tang ve nghe nghe.,.an report te ka ngaihthlak nual hnuah "Kan Vai ho chu pakhat te te in kan hmin leh tur ani.. Chumi hma chuan mi hnawksak deuh 2 chu kan dahțhat hmak angai ani.." ka ti a... "Ka hriat dan chuan Nizan khan Lawmzuala chu Bawngkawn Police ten an man an tiin ka hria.." pakhat chuan alo tia... "Enzui vat tur anih chu, ka cell mate in hma min laksak thei ang" ka ti a..Zauva chuan Bawngkawn Police chu a be pawp vata.. an inbiak zawh hnuah "Vawiin ah an court pui anga, naktukah CJ ah an thawn liam dawn anih chu, No.4 bakah Proxivon box 2 lai an man sak ani awm e...." a ti a.. Lawmzuala chu hmachhawp hmasak phawta Tluanga pawh hun remchang chuha kan quarry lama hruai kan rilruk ta a..

Ka Insiam a... Ka motor chuan Zauva nen CJ lamah kan tlan ta nalh nalha.. Ka cell mate chu Tarzana kan ti mai țhina, Sual leh nunrawng zet mai ani a, mi dang tuman an awmpui peihloh ani a, Kei erawh chuan ka enkawl thiam viau thung...Hmanraw siam chawp thiam em em mai niin Pafa in an sualrawna, apa zawk lung tuma chhu hlumtu ani... Kum 20 chhung Jail tang tura convict ani a, ka tan khan kum 6 atanna alo ni tawh nghe nghe... Tawng fiah manglo nui huk huk țhin ani....

"Bawiha, enteh i țanpui ka mamawh dawn tlat" ka ti a.. "I hna thawhsak te chu ka phur zawng tak alawm" a ti supa.. "Mahse midang hriat chi ani lo.. Vawiin ah Tang rawn lut thar tur zingah Pa lian vaklo cher lam deuh i ngei zawng deuh hmelpu Drug case vanga rawn lut tur Lawmzuala a awm dawn a.. ka sumdawnna ka hrilh țhin ah che khan min hektu ani a..kan pawisa kan lose phah nual si a.. nangin remchang i hmuh hunah min zilh hau sak la țhain ka hria.." ka ti a.. a kiai suka... "Thil harsa anih dawn loh chu.. Kumkhua a ngawi hmak tura tih a țhat chu, Mi hek ching chu ka ngei zawng tak ani" a ti a.. Kan eitur ken leh kan sikret kente chu a eiin a pak khu hluah hluaha.. I hna i thawh fel hun hun ah I fanu chu ka rawn hruai dawn nia... " ka ti a.. ahmel ațangin a lawm tih a hriat hle mai.. "Ka lawm khawp ang.. i hna chu ka thawk zo ah ngai hmak rawh" a ti a... Kan inkawm theih hun a tawp avangin kan haw ve ta nghala...

Ni 2 hnuah Chanchin tharah CJ ah thihna a thleng.. Jail Warden Suspended ani.." tih headline ah hmangin Lawmzuala Toilet chhungah In awkhluma an hmuh thu leh kut tuar anih ngei an rin thu te an rawn chhuaha.. "Tarzana chu ache ta ngei anih chu....Vaitin khua ah Kal angai..." ka ti nghal zata.. Kan Nau pakhat nen atukah vaitin lam panin kan chhuak zui ta nghala.. Kan tlemfe hnuah Tarzana nupui hlui leh a fanu chu Aizawl ah kan hruai thla thei hrama.... Kan thlen tukah Jail ah apa nen ka In hmuh tir nghal bawka.. a pian hma deuha Jail bang zut ani bawka, afanu a hmu chu a mittui a parawl țeuh mai..An nu nen pawh an insawi rem leh anih hmel.. Mahse Kum 20 hma chu an hmeithai angaih hmel...

Zan khat chu Kan nau pakhat hian PCO ațangin min rawn bia a... "Boss Tlunga chu kan nei thei ta e..." a rawn ti a.. "In hruai thei ang em?" ka ti a.. "Thei ang, a muhil tui emai" a rawn ti a...an awmna lai ka zawta Motor pakhat a an lam tir thu ka hrilh bawka.. "in lo zuk kalpui ang a.. kan rawn kal nghal ang" ka ti a...Zauva chu motor kengin achhuak hmasa a..Inchung Mih** ka phone a motor ka mamawh thu ka hrilh a... "I rawn riak nghal dawn nia" tiin Chabi lam tur tir turin min hrilha..

Quarry kan thlen chuan Chair chhe zetah an lo țhut tira..a lo muhil suk suk bawka..."Ti harh rawh u" ka ti a, Tuisik balțin 2 in an leih hawk hawk chu a harh chiang kher mai.... phawk zet chuan a rawn menga.. a tal dawna khuar beh anih tih a hre zui nghala.. a hawi kual hru hru a.. ka hmel ahmu chu a meng phar awn awn a... "Boss enge nita hetia min tih" a ti țuau a.. "I hre vek alawm, W.A.R member ațanga chhuak satliah kan umzui ngai lova, Min chhuahsan hnua min phatsan zuitu kan tih dan pawh i hria a lawm" ka ti a.. Sikret ka pak khu talh talh bawka.. "Engmaw..? Ka phatsan ngailo che.. boss Lawmzuala zawk khan alawm Phatsan che ni" a ti a... "Zaia hnena i thusawi kha i hre reng lawmni?" ka ti leh a.. "Zaia chuan dawt a hrilh che anih chu.. 'Lawmzuala'n Pu Liana rawn zin ahmuh thu min hrilha.. ka fiamthu in kan hek dawn ka ti mai mai anih kha" a ti a.. "Hmela.. daw reng reng suh.. In sumdawnna kan tichhe vek dawn, Pu Liana pawh jail ah kan tan tir hmak dawn.. in la tlu chhe khawp ang" i ti anih kha.. Fiamthu i sawi avangin kan insual dawn em ni?" Zaia chuan alo ti a.. Zaia hmel ahmuh loh vangin a sawi huai ve ngawt a, chutia a awmve tih ahriat hnuah chuan a hlauthawng mitmeng vel chu a ngeiawm kher mai... Zaia chuan "Daw heh ropui si.. Min man chhan pawh kha nangma min hek vang tih ka hmelhriat Bazar JAC member in min hrilh vek... Rs 100 i hlawh anih kha" tih pahin ța hnek ri chawrh a.. Chair nen chawp chuan an tlu rum rum a.. a chhuih zui zawt bawka..An tung tho leh a, Member kal zawng zawng chuan an hnek liam liam a.. "Boss min sawisa hlum lo hram rawh u aw" a ti pura.. a hmai chu a sen kawi zuk tawh a, a hmui a kak zau hle bawk.. aha abal nual bawk..."a sawi chu in hria maw?.. kei chuan ka sawisa peih lo... Lengkira zuan thlak mai kha afin thlak zawkin ka ring" ka ti a... Ka chhuahsan daih a... a ri leh chawk chawk țhina.. ...

Ka hawn ațanga kar 2 chhung chu zan tin mi kan shock ani ber mai.. an ngal kan roll sak thul... Chutiang chuan hun kan hmang deuh reng țhin.. Zan ah Pi khumah ka kaia deuh ziah bawk... Ka tan chhunga kan pawl chhunga thil fello tam tak kan buaipui nghal char chara chung kan thil buaipui țam zawkah chuan MZP president A.Vunga a inrawlh nasa hle.. A.Vunga inrawlh dan hi ram leh hnam tan ni anga inchhal siin ama hamțhatna tur hlira thil ti ani bawk.....Chung kan thil fello tam zawk chu kan ti fel duak tawha, hmabak erawh kan la nei ko hle thung..

"Hello Esi ka nia I chhuah thu min rawn hrilh miah lovaț?"..a rawn tia.. ka țhen suka "Nia, ka hre lawk bik lova" ka ti maia.. "Lo leng la, zan in chu?" a rawn ti leh a "Khai..I chhung ten min ngaithei lovang.. ka buai deuh a kan la inbe leh dawn nia" ka ti a.. phone ka dah ta daiha....Sawi neuh neuh a awm hi chuan eng emaw tak alo awm țhin.. Esi pawhin min rinawmloh san ani ah ka ngai mai.. ka be ngai lova, min be ngai bawk hek lova,.. Keimah ni buai buai in kan buai mawp mawp reng tawh mai ani..

Kan sumdawnna lamah kan bur leh nghal chata, Zan khat chu dar 7 pelh hretah Phone call ka dawnga, Rangkachak Kg 8 zeta rit, Kg 2 bar te te 4 a rawn thlen dawn thu leh a khulna tur pawisa nen Tuirial a hmuak turin kan agent in min rawn hrilha.. Zauva leh Ruatfela ka hruaia Zing dar 2 velah kan kala...A tuk ah Delhi kalpui na turin Ticket kan ti fela,... Zan ah ka room ah ka awma, Phone in Delhi lam ka be nghala..

"Aw.. Sir Manoj idam maw? Moses ka nia?" ka tia,.. "Hello moses i dam maw?" min ti chula, "Ka dam alawm Naktukah Delhi kan rawn kal dawn e, Zauva leh nau pakhat ka rawn hruai ang" ka ti a, "Engzat nge nidawn a?" a ti vata, "50 lakhs man hu vel aniang?" ka tia, "interesting hle mai, țanpui theihna che ka nei ang em?" a ti a.. "A ngai bawk kha mawle, Custom lam kha?" ka tia.. nui huk huk chung chuan "engmah hlau suh a fel nghalah ngai rawh, Chhun dar 12 ah Airport ah ka naute an lo hmuak ang che u" a tia.. Pu Manoj hi Pu Gulshan zara kan hmelhriat 'Manoj Jewellery' tih neitupa, India rama tlereuh siam lama lian leh hlun lar ber ani a.. A unaupa hi Union Ministry of Custom etc ani bawka, Tin, amah hrim hrim hi Central sawrkar ah thil tithei tak ani bawk..a sumdawnna line ni miau hek Hetiang smuggling lam hi arukin a khawih tello thei lo ani..

Kan tum angin tluang takin kan in vawm zo leh maia, ahnu thla khat velah Lunghlu Gram 800 zeta rit leh lian kan keng leh a.. Chumi hnuah Silai A.K 47 8, Pistol 5, M20 3 te chu Manipur ah kan thawn lut leha.. Khawchhak lamah Damdawi mum kan thawn lut reng bawka.. Nose Powder kan chaw lutin Proxivon kan supply reng bawka..Chu bakah kan mamawh extra deuhah Vai dawrah pawisa kan la khawn reng bawk....Kan che te lemlo... Aizawl khawpui lun lai lutuk silo, a hulum hre phak si ah In hmun leh In dinglai ka leia, Kan vaw țhiat veka, Pu Gulshana Architecture Engineer in min design sak bawka.. Lian leh nalh zetin In kan sa ve ta luah a.... Kan pawisa neih dan ang zela hman hmawh miah lovin kan sa chho ta bek bek a..

Zan khat chu kan nau pakhat Dinsanga chu chianglo zet hian a rawn lut țuang țuanga.. "Boss ka hre thawi tawh asin, i rin dan kha a dik ngei bawk ania aw" a tia.. ka phawk hra a.. "Engtin maw?" ka ti vata..Khami ni a kal ve ka țhianpa pakhat in min hrilh alawm, A.Vunga nau țhiianpa" a ti a.. "Chuan?" kalo ti vata.. Ka rawn hruai ang aw?" a ti a.. "tunah rawn hruai vat rawh" ka ti a.. Zauva ka au tuar tuara... Ka room ah Zauva, Ruatfela , Dinsanga leh Dinsanga rawn hruai chu kan țhu țhap a...Zu um to chi kan chhawp lang bawka..

"Atei te ina an insual thu ka hre ringawta abak ka hrelo, A thinrim thu leh a hahmai bal chu a rul ngei dawn ani tiin a inhrosa nasa khawp mai, Ka lo vui pui ve bawka "i hun remchang neih hunah min hruai ve dawn nia ka ti a.." a tia.. Zauva chuan "Zawng chhe pa, i zak nange?" alo ti a, a tin uaih hmana.. "Zau, inbeng dai rawh" ka ti a.. "Tichuan, khami ni CJ a arawn kal ni khan an hmelhriat pakhat Jailer in a kal thu a rawn hrilha.. a rawn haw tur nen kan inhmua,.. James a chuan ngaihdam a dil vela.. Zu in ho pui ah a sawma.. Kan haw kawngah te chuan an in tihbuai chung changte an sawi chhova..James an a motor (Gypsy) a khalha, a bulah Maia chu a țhua, a hnung seat ah kei leh James a țhianpa vawi 2 vel chu an inzui ka hmuh tawh pakhat leh Jima nen kan chuanga..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 28th, 2016, 10:45 pm

Kha aruang an chharna thlang CJ lam hnaih a In pakhat a senchi an zawrhna ah khan Zu kan lei chhova, Tichuan achhak culvert ah khan kan chawl ta a.. Kan in hnem tlang hle, ka pum anawm loh vangin ka in tam vaklo, Maia pawh khan No 6 zet chu a in ang, Um 1 leh a chanve kan fai vek.. Chutia kan inzawh tawh lamah chuan Maia Culvert a țhu chunga ti ti siam siam lai chu Jamesa țhianpa chaun a hnung lam ațangin a rawn kuai tlu thuta, kawraah a hnuk luta.. kei phei chu ka phu zawka.. James a chuan "That rawh, that ngei ngei rawh, a dam khawchhuah chuan kan tan ațhalo zawk" a tia, Chupa chuan a hrawkah Chemte lian zetin a zai ta hrawka.. a thisen pawh a per chuai thei, ka hmaiah min rawn per ve bawk..A thi chiang tih an fiah hnuah Culver bang ngheng khan an țhut tir ta ani.." a ti chuai raiha.. a ri chawrha, a țhutna ațang chuan a let thla tawpa,.. "Zau, duhtawk rawh, kan lama țang anih tawh hi" ka ti vata.."Nep sazu lutuk, hepa hian Maia an zai hlum lai hmu siin Police ah a report duhlo.. "a tia, a thimrim a insehruh nawk nawk a.. "Kan hria alawm, mahse hei min hrilh hriat vek tawh hi.. Dinsang i țhianpa hi hruai haw la, engmah sawi chhuak suh ang che u.. Engemaw thil athleng anih vaih chuan Kan chet lak dan chu i hriat vek kha, lo hrilh fiah ang che" ka tia.. Rang takin an chhuak zui ta nghala..

"Kan dahțha nghal lovang mawț?"... Zauva chuan a ti a.. "aw kan ti mualpho hmasa phawt tur ani, abak chu i hriat vek kha.. CJ ah thil ka ti thei tih i hriat kha" ka tia, "hlawhtling lo tase?" a ti a.. "Keimah ngei hian ka chansawm ang" ka tia.. A ngawi ve ta hle hle a... Tichuan kan vocie record chu kan play nawn leh hnuah Envelope ah thunin kan naute chu Police Outpost pakhata an mail box a thlan turin kan tir ta nghala...

Ni a liama, engmah kan la hrelo, khua avar leh a chutah zet chuan kan thil tih chu a hlawhtling ta, "Thla ruk liamta a thia an chhar Michael Zoremsanga thattu nia puh James Thankunga leh a țhiante 2 man an ni" tih chu an rawn chhuah ta chuai chuaia.. Mizoram afan chhuak rang hle.. A.Vunga MZP president hlui tun hnai lawka Rorel lai Party zawma Youth President chelh mek unaupa anih vangin thawm a ring zual viau....Court thu leh thil dang thawm kan nghah mek lai chuan "James Thankunga leh ațhianpa Jail ațanga tlan chhuah an tum chu che sualin Jail hnung lam kham sang zet mai Meter 150 vel zet asang lung khawkrawk tak hmunah an tla hlum..James Thankunga leh Rorelsaka hi Michaeala thihna a kut thlaktu te kha an ni..." tih nen a inziak ta kuaua.. Kan nui ver ver.. Kan nau pakhat ka tir vang vanga.. ka țhianpa chu ei tur leh thildang a zuk pe vang vanga..

Kan hnathawh tur kan thawk mawlh mawlha kan inthian thianghlim pah zel bawka, Sum pawh kan khawl hnem tawh viau,.. Ka sumdawnna a hlawkna reng reng hi 60% ka changa, 25% chu Zauvan achanga, 10% chu Ruatfelan, abak 5% la awm chu kan lawl sum atan Joint Account in kan daha... Engemaw thil a hman atan kan dah ani ber mai..

"Moses, Boss i duh dawn em ka hrelo, Multipurpose Center Di hmunah sak ani dawna, Tender an chhang sup sup mai, Pi Unaupa Pu Saimawia Department chan ani a, Kan chhang ve chhin dawn em niang, kan pawl pawisa hi security deposit ah kan hmang ang a" Ruatfela chuan a ti a, ahmel ațangin a phur hle tih a hriat.. Ruatfela hi Zauva Cousin niin nu leh pa nei tawhlo, amah enkawltu ber a ni boral san leh tawh, Zauva te in ah awm ve tawp lehkha thiam deuh mai B.Com zirlai a nia, zu a heh em em a, Ganja a zu nasa bawk tihloh chu damdawi lam akhawih ve ngailo, chuvang chuan sum khawih veltuah leh kan sum chevel min enkawl sak tu atan kan hmanga.. a tawi zawnga sawi chuan Kan pawl accountant ani ber mai..

"Enge chu chu kan hlawkna tur" ka ti a.. a bag ațangin lehkha arawn phawrh chhuaka, "Hei hi DPR ania Rs nuaih 30 senga sak tur ani a, Alo berah kan sak dan azirin Rs Nuaih 10 zet kan hlawh thei dawn ani" a tia.. "Chu ai maha kan thawh phur theihna tur chu A.Vunga'n tender achhang ve a, hmu ngei ngei tur zingah rinkai ber ani" a ti a.. ka nui suka... Zauva chu ka melh zauha... a khi vur vura.. "awle.. hma lo la mai tache, Kan Inchung vai ho khi kan ruai anga ni mai lawm" ka tia kan nui dar dara..

Chutiang chuan kan hun kan hmang chhova, Pawisa kan pei pung ve zela, Kan tum aiin Contract lam chu thawh nuam kan ti phian, A.Vunga lan tawhna ah chuan kan ring kan rawlh lut ve ziah a, kan hneh deuh ziah lehnghal.. a in tih ropui aiin kan tawnah chuan a nem deuh ani e.. Sum lamah kan ngah zawk bawk si, kan hnehsawh em em vek mai ani.... Mistiri lah kan vai venhim ten mi rate aia tlawmin min thawh saka an thawk țha thei em em mai bawksia.. Chu chuan kan contract dilna kawngah min chak tir phah fo reng ani.. Achangin kan hlawhfa te MZP in anlo vau thul, kan In bakkaih chat chat chang pawh a awm nual mai.. Kan insual buai nuaih nuaih reng bawka.. Jail tang bail tur an awm leh nawk țhin bawk.....

Central Scheme lam thlengin kan hmu thei hle, Pu Manoj a leh Pu Gulshana ten min pui țhin bawk si.. Achang chuan kan thawk senglo lek lek țhin.. Keinin Nuaih 100 man kan thawh laiin A.Vunga te chuan Nuaih 10 man Tanky siam tih vel an lo thawk ve laih laih țhin.. Kan chet danah chuan A.Vunga chu a lawmlo hle tawh tih pawh kan hre ru reng, mahse kan ngawi renga kan kal ngaiin kan kal map map renga. Damdawi kan tawlha, kan thawn chhuak a, kan la luta, Rangkachak leh Lunghlu bakah Silai thlengin kan chalai kual reng bawk..A chang leh Vai ram a țanga Motor ruk kan lo commission thul, kan khawih chikim hle.... Sum pawh kan hmang na ham ham hle bawk, Kei, Zauva, Ruatfela te chuan Lirthei kan nei veka, Kan naute hman kual vel nawk nawk tur Bike 2 kan nei bawk....

Vawikhat chu Chhim lamah Central Scheme hna thawh tur a awma, crore 75 man zet a nia, aram leilung fate thawh ngei chi anih hmel bawk si avangin Chhan loh kan tum viau laiin A.Vunga leh a kawppui MLA pakhat in tender an chhang ve tih kan hriat avangin kan dil ve ta chauha..Pu Gulshna makpa pa Union Minister hnuai ani lehnghal..kan chhang ve ta tawpa.. kan elpuite pawh an theuneu lo hlawm hle bawk. Tender result a chhuaka, Kan hmu leh ta ngeia..Agreement kan sign dawnah Office kawtah kan inhmu a...

"Moses, in thawk thei tak tak dawn amawnle?" kan lo thawk zawk mai dawn em ni!?" nuihza hauhlo nui lui tih hriat tak chuan a tia, "Nia, agreement te kan han sign fel te te ang e.. " ka tia, "ka fiamthu lo ania, lo in ngaihtuah teh u" a ti a.."Vungte leuh leuha hi zawng ka chekin amil thei hauhlo" Zauva chuan alo ti vata..ka nui maia...

Kan hna chu kan beisei loh daih in thil athleng ta tlat mai, Chulai hmuna kan hnathawhna turah chuan mimal ram sahhek sak ngai a awm nual maia, in lehlo țha pui puia din tawhna te anih hlawm avangin Sawrkarin Compensation a dilsak leh ta sia, kan hna pawh kan thawk lawk thei tawhlo, hmun dangah hna kan la neih nual bawk nen kan pawi ti vak lemlo.. .Mahse duration of work erawh min pawhsei sak a ngai dawn thung ani..Chutiang ti tur chuan Delhi lamah kan kal deuh reng bawka.. Lehlam sumdawnna ah Zauva hoin anlo buaipui pah reng bawka, A.Vunga lahin kan hna chu min laksak dan ngawt alo la zawng ve reng bawk si a.. A ninawmin a khamawm țhin khawp mai.. Chutianga kan buai nak nak lai chuan kan vannei leh pek hle, Kan hnatawhna turah chuan Compensation senso ațan Rs 100 lakhs vel lai kan hmuh belh leh dawn tlat maia kan hnathawna turah hian avaiin crore 10 vel tal chu kan hnathawh dan azirin kan thawk chhuak thei dawn ani.. Chutiang boruak a hriat leh tak hnuah phei chuan A.Vunga chuan kan contract hmuh chu min laksak a tum nasa hle, a theih ang angin țan ala a, min neih sak dan a bei ngat ngat țhin a, keini lahin kan tuang kan tichhah ve tlat thung..Kan compensation pek tur chung changah hian kan hnathawhna tur te an lawm hle, achhan pawh chulai hmuna compensation dil zawng zawngte chu an dil danah chuan nuaih 200 dawn sen ral an ngai ngei dawntihna anih laiin keinin a chanve hlawkin kan reh bun sak thei ta tlat mai sia,, chutah pawh Nuaih 30 vel zet kan hlawh theih dan tur kan la hisap tel zui bawk ani.. Naupan lai ațanga Mathematic thiam pakla hisap chak em em mai ka nihna chu ka hmang țangkai țhin hle..

Zankhat chu TV ena kan țhut țhap laiin Phone call ka dawnga, A.Vunga alo nia a.. "Hello, Moses A.Vunga ka nia" a rawn a, nidang ang em chuan a țawn ram lemlo, "Ekhai englam pang leh bawk nge nia?" ka lo tivata, Nui hak hak chung chuan "Khatiang lam kha chu dațha ang, Compensation in pek angai hnem dawn si a, in hlawk vak dawnlo ava ang ve?" min chhimbu dawi a tum niin ka hria, "Nia, kan hlawk vak dawn talo nge kan hlawk sawt zawk dawn pawh ka hre biklo" ka ti a.. "Tak takah thu dang daih, Naktuk hi kan Firm din kum 2-na champha ani a, țhian țha zual tlemte nen zanriah kil ho kan tuma, kan rawn sawm ve che ani e" a tia.. "ekhai ava ropui ve, keini ui tangrang rual awmkhawm tan kal ava rem ve awmlo ve?" a țawngkam a min sawi țhin dan chuan ka ti let ve ngata.. Nui hawk hawk chung chuan "ni love nangmahni pual liau liau a siam zawk mah ani a, i naute nen rawn tel nual thei ula ațha ang" a tia.. Eng eng emaw kan sawi dun hnuah "ka lo beisei reng dawn che u nia, inlo kal loh chuan kan in sengso thlawn dawn tihna ani mai Raj Hotelah Tlai dar 6 ah kan lo beisei ang che u" a ti a..

"Hepa hi ka ringlo takzet ani, ka pawh hi ngai lovin ka hria, eng emaw plan a neih ka ring tlat, ngaihtuah chiang deuh teh" Zauva chuan a ti nuah nuaha... "Țhianpa chutiang em chu a tih ka ringlo, mipa leh mipa kan indawra diklo takin a khawsa duh biklo ang, Lehkhathiam leh mi challang an nia lawm" ka ti a... "Nia, nangin i tih miau chuan kan kal pauh aniang chu, tu tu nge kal tur ni ang?" a ti zui zata, Nangman mamawh huna hman theih mai tur mi 3 lo ruat chhuak la, rui buai chi nilo" ka tia.... Ruatfela thlah turin a chhuak zui ta nghala....

Raj Hotel hi Pu Gulshana țhianpa Amital Raj a hotel niin langlo lamah kan inpawh viau nghe nghe, An hotela harsatna an tawh chang pawn vawi eng emaw zah chu kan țanpui tawh..chuvangin kan mikhual teh chiamlo...Reception counter ah Pu Raja leh a manager te chu anlo dinga min hmuh rual chuan kan lam arawn pan vata, "Ekhai, khualțha kan nei anih hi?" tiin minlo chibai sawt sawta, "In zanriah kilna tur hi kan chhuanvawr ber ania aw, Hey Bawiha, Pu Moses te hi Firdaus Royal Ethnic ah va hruai rawh le" a ti a.. lobby boy chuan min kalpui nghala..

Room chhung chu a cool ruih maia, Room lai takah chuan dawhkan sei zut mai a awma, a tawn tawnin Chair an lo hung thliat thliata..kawngka luh ațanga dinglam kil ah chuan Bar counter lian vaklo hi a awma, Nula hmelchhelo tak hian zu alo thli malh malha..Room an chei dan chu a nuam hle, music (Ravi Sankar Sitar play) zawi te te in a ri chher chher bawka, room boruak nen chuan a in chawih hle..

"lo țhu rawh u, Hetah hian" tiin an mahni ep chiah a țhutna ah chuan min țhut tira, amah A.Vunga erawh a hmel kan hmulo.."Khawnge a nei tupa hi?" ka tia, pakhat chuan "a inthiar lawk anih kha" a tia, Sana pui chuan Dar 5:45 a kawk vung tawha.. Kan dawhkan kil ațanga hla vaklo bar counter bulah chuan Service boy 2 hi engtik hunah pawha tirh mai theih turin an ding ran bawka..Reivaklo ah A.Vunga chu a rawn luta a kut a tuai mawlh mawlha "Ka lo tei kual lawk a, ka lo dawnsawn hmanloh che u avangin min hrethiam dawn nia"nui sung chung chuan a tia.. Hei hi ka țhiante nangmah ang thova ka ngaih pawimawh ka mangan laia min țanpuitu te leh ka hnathawhpui te an nih hi tiin a țhiante chu min hmelhriat tira, kei pawn ka naute chu ka hmelhriat tir ve bawka, "i naute rawn sawm nual rawh i ti bawk sia, ka naute zinga hmelțha țha ka rawn hruai anih hi" nui chung chuan ka tia..A țhiante nia achhiar 3 chu ka ringhlel kher mai, khawiah emaw chuan ka hmu tawh thana hriatna ka nei bawka, an hmel ațang chuan sum tam tham tak khawih che vela,,Union Bank a Manager ni phak tur hmel an pulo.. 2 dang erawh chu a kaiza vengtu ang maia a kianga hun hmang reng țhinte an ni..

"Ei huaina ti ti phung vawrh pahin no dawm phawt ang u, Programme hranpa duan pawh a nilo, Trade Minister lo telve turin ka sawma tunmai khan a rawn țhulh leh roh sia, CM nen an inkawm dawn anih hmel, hepa hi min tichhe thei ani lo, ka bial ațanga ka vawrh tlin ani renga" a tia..anui huk huk bawka, "Esi lah ka nuam sam love tiin a rawn lang thei dawnlo lehnghal" mei nei deuha min melh pah chuan a tia.. ka ngawi renga, Zu manto hmel deuh mai chu an rawn serve zui nghal bawka, sehhmeh ah Russian Chicken hot Masala chu an rawn chhawp sen țhap mai bawka.... ti ti phung sawiin kan ri bawrh bawrh hlawma, Zauva tension renga awm pawh no 3 alem meuh chuan a nui ring ringah ațang leh roh tawh a...

Um engzat chiah nge kan in zawh ka hrelo, kan kai tlang tawh hle, Keimah erawh ka incontrol ru deuh thung. An ti ti ki pawh asang țan tawh hle, an music play tir pawh an thlak zing hle tawh bawk.. A țhian mi thil tithei tak tak nia asawi te chu an zia alang țana lehkhathiam leh Officer an nih hmelloh khawp mai, an nui uar uar a, zu an tlak pup pup reng bawka..Kan kai tlang tawh viau bawka, tiin zan riah ei mai arawt taa...

"Taka, hna chu engtikah nge țan i rilruk?" a rawn ti ta nge ngea, "Vawiin khan Ruatfela azuk chhuk leh lawka, a rawn hawn hun-ah kan bill hmasa kan lak theih bawk chuan kan țan thei mai ang" ka ti a.. a nui huk huka..."Han ti leh țhin i la saw hna min neihsak dan saw chu ngeiawm ve tak chu ani" tiin min melh ram ram a, ka haider lui tlata, "thianghlim lo engmah a awm silo alawm, kan vannei mai chauh ah ka ngai" ka ti a, "nia, in vannei thei zel bik anih hi maw?... Compensation in pek tur an pechhuak leh che u niin ka hria a, duhtawk tawh mai ula, a hna lam chu min thawh tir ula mawle, ka lei chhawng mai dawn em ni?" a ti a, ka chaw ei lai chu ka tawp hmaka, chutiang sawi chu ka peihlo...Kan țhian dangte pawh chuan thil nilo ari chhuak tih an hrethiam aniang an ti ti pawh an tawp nghal hmaka..

"Ekhai, chulam chu sawi tawhloh kan tiam ani lawmni?"..nui chung chuan kala ti hrama... a nui ve nangin aza meuhlo tih ahriat..Zu no thlit leh pah chuan "Zu hi ka intam ngai tawhlo viau a, zanin chu anuam em a ka duh aiin ka lem hnem ta deuh, Esi pawn insum turin min ti nasa viau asin mawle" a ti deuh ngata, Zauva chu a insum theilo lek lek a.. "Englo ania, heta zanriah ka kilpui duhna chhan che u pakhat chu in hnenah hian ngen duh ka neia ka harsatna min hriatthiam pui ka beisei tlat bawk ani.. In hnathawhna tur hmun saw ka pian leh murna hmun, ka vua leh vang awm tamna bial ani a, Next election ah hian kan hotu ten min din tir ngei an tum hmela, Chuvang chuan ka tan saw hna saw campaign na remchang tak ani dawn sia, Nangnin hmun dangah hna in zo fel chiah ani bawksi, chuvangin min lei tir mai ula" a ti a...

"Pu Vungte, Saw hna saw pawisa ka duh vang ngawr ngawra tender chhang ka nilo, hna țhataka thawk turin mi kan phut țhina, chutiang ti thei dinhmunah chuan ding ila enge kan an bik ang tih hriatnan thawh ve kan tum ani, a hlawkna chu engpawh nise, I bial tur anih phei chuan kan campaign pui thei dawn che tihna ani maia, min nawr lui tawh lo mai rawh" ka ti chang ta falh a.. ka chaw ei lai chu ka dah rawpa, "Zauva, ei kham rawh u, hawn a hun" ka ti nghala..Zauva chu phun nuah nuah chungin a bula tuino ah chuan tui a thli a.. a dawt khulha.. "Polite takin kan inkawm dawn emaw kan tih laiin hetiang mai mai tura min koh kal ni... Saala.." a ti a.. "Engmaw Zauva i sawia, ka thal tawp mai ang che" tiin A.Vunga chuan a pistol a rawn lek chhuak ta heu mai le..

"Ngawiteh Pu Vung, tikhan i khawsa lovang u, thil tihchi loh tawp ani" ka ti chula.. "Ka nei ve tho alawm, tunge thi hmasa kan fiah dawn ami?" ti chungin Zauva chuan a silai a phawrh ve nghala, chutah an vai mai chuan silai an phawrh ta sup sup mai,...Keimah chiah silai kenglo ka ni ta reng mai..."Zauva hei enge awmzia, Silai ken i rawt pek elaw?" ka ti a, ka thinrim kher mai... "Pu A.Vung silai kha dah thla phawt mai tehu, țhil țha achhuak lovang, engmah thuțha i sawi ang u" ka ti a "thu țha sawi i duhlo alawm, chuvangin hetah hian kan tawp mai tur ani" a ti a, a rui ropui si, silai lah kau sa rengin ka awm zawnah a keng teu mai bawksi.. "Khami chung chang kha chu sawilo mai rawh, thil theih ani tawhlo, engkim kan kalpui vek tawh" ka tia.. "Chuti ahnu i thi anga ani mai a lawm" tih pah chuan ka awmah tak chuan a silai mu chuan min deng per dawrha, ka hnunga chinese embroidery vessel lian țha zet mai manto hmel deuh chu ka delh tlu keh rum rum a, Silai puak ri țhuai țhuai leh rak tuar tuar thawm te chu ka hre rei ruaia, Silai vawi 2 a puak leh țhuaia ka malpui chu a sa zaawka, engmah ka hre zui talova..

Ka harh leh meuh chuan ka bulah chuan Esi, Miriami, Miriami nu, Sanju te an lo awm țaiha, mak ti hmel deuhin ka hawi kuala, thawh mai ka tum ngawta ka malpui leh ka awm chu ana nghal zawka, "U tho suh, mu rihrawh i thisen a chhuak nasa lutuka i chau anih kha" Miriami chuan minlo ti vata, a țap pur mai bawka, "Nia, U Mos, tho rih suh" Esi chuan min kuah mu chung chuan a tia, a mit abui lak bawka.. "Dar engzat nge? khawnge ka awm? Khawnge Zauva te kha... Pu Vunga khan min kap ani maw?" ka tia, ka thinrim up up maia,... "mu hahdam phawt rawh, i thisen a chhuak leh vak ang" țah aw țuau chuan Esi chuan a tia, min nawr mu lui zela...

"Khawnge Zauva te chu ka tia lawm?" ka ti țial ruau a, Nurse leh 4grade mipa 2 hi an rawn lut vata,... " enge nita,,? khai khai mu rawh i thisen a chhuak leh vak mai ang"Nurse chuan a rawn ti a, "min hrilh rawh u, Zauva te chu khawnge an aw?" ka ti leh hrama.. "An thi " Esi chuan țap zawih zawih chung chuan a tia, "Engmaw, Zote pawh maw, ani em tu tu nge thi? Vunga kha khawnge a awm?" tiin ka thapui tak meuhin ka țanga, ka tho hlawl mai, ka bana thisen chaw an khaina chu ka pawt thla pawpa khum ațang chuan din ka tuma ka thei ta hauhlo mai...Esi leh sanju chuan min dawm vata... "Sanju Zauva chu a boral em ni?" ka ti a, achang fek fawk hle... Sawi tur a hrelo min kuaha ațap hawk hawka.. Sanju meuh ațah chuan ka thil hriat chu adik ani ngei mai le... "Zawngsen Vunga kha khawnge?" ka ti tuara... "U, room chhunga awm zingah khan nangmah chiah i dam, an thi vek tawh..." Miriami chuan a ti ve ta bawka....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)