WISH YOU WERE HERE... BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

WISH YOU WERE HERE... BY Tochhong Ruata

Unread post by Ngaia » September 25th, 2016, 7:39 pm

WISH YOU WERE HERE...
(Chapter one)

"I lung a leng bawk em?"

"Leng ve bawk e.... i va vang ve? i zirnasa lutuk ang e"

"Zir nasa bik love, Week ah khan Kan House aiawhin band ah min telh ve a, ,kan zir ngawrh deuh a lawmle?"

" taka i zai țhin thu Sama khan a sawi tak e... i zai ngaihthlak a chakawm tawh khawp mai"

"Ha..ha..ha... i ha ațim vek ang...."

"Kan kal dawn anih saw, anih phawt aw....țha deuhin in zir dawn nia"

"Awle..." tiin Sairengpuii kal chu hnunglam ațang chuan ka thlir zui dauh dauh a...

Class 8 ka zir ațangin Saizahawla Boarding Hostelah ka awm țana, Class 11 leh 12 erawh St.Pauls ah ka kal thung, Khawzawl khua niin ka pa hi High School Headmaster ani a, ka nu hi Middle School ah Hindi Teacher ani bawk, unau 3 niin a upa ber ka ni nghe nghe.. Tunah hian B.A 1st Year PUC ah ka zir ve mek ani.. Saizahawla Boarding ah hian Țhian ka chhar thara chu chu Samuel Vanlalpeka ani a, Champhai a awm ani thung. Kan inkawm ngeihin kan duhzawng leh nuam tih zawng pawh a in ang ve viau bawk, Țhian kawp tam vaklo lehkhazir, Lehkhabu leh Magazine chhiar nuap nuap bakah Chess khelh ani leh tawp mai, Heng bakah hian ka țhianpa hian volleyball ben nuam a tih em em laiin kei erawh chuan Guiter awrh chawta zai ka tui leh viau thung..

Class ah 1na hauh char chartu chu Sama ani a, Kei erawh top 10 ah ka tling ve hram țhin... ze inang, nuam tih zawng inang Khawchhak lam pa ve ve chu kan inkawp fuhin class 8 kan niha kan inkawm ațang khan kan la inthlah leh miahlo.. Matric ah Top 5-ah ka țhianpa alang a, kei erawh ka damlo bawk nen Distinction ka phak țawk chauh thung. Class 12 ah Top 5 ah bawk a lang leh a, kei erawh 1st Division ka phak ve hram thung. PUC ah admission kan ti a, Boys Hostelah kan awm dun a, class kalin nuam kan ti dun hman viau nghe nghe. Hetih lai hian Sairengpuii Mizo HSS ațanga rawn lut B.A zirlai nen an inhmelhriat chho ta a, an inzui ve nawk nawk a, an in ngaihzawng chho ve țan chauh tihah MBBS entrance ah a inziak tling tasi a, UP ah awm turin a kal ta mai si a, Chuvangin ka țhianpa chhass hmelțha leh piannalh zet mai nu hnap mai bawk Rengpuii nen chuan kan ti ti arual phah ta phian reng ani...

"Ben, Week ah khan Kan house in band neih ve kan ti a, nangin lo ho khawmla kan ti deuh a,.. Hei hi Joy ania an in ah enlawkna aneih thei țhin dawn anih hmel,..." tiin Rengpuii kal liam tur ka thlir zui mek lai chuan kan group leader chuan min rawn ti a, a rawn hruai pa chu sang zet mai cher lam deuh hi ani bawk a,...

"Engtia hmalak chi nge ni dawn a, Band member dangte chu kan zawng chawp mai dawn tihna em ni?" ka lo tivat a,..."2 chu ka hresa deuh a, Bassist tur leh Keyboardist tur an ni nghe nghe, abak i hriat leh hriat loh ani mai" Joy chuan alo ti vat a,...."Guitarist tur kan mamawh dawn tihna anih chu" ka ti a, "nangmah vocalist nen i kawp mai ang chu kan ti" kan house leader chuan alo tivat a, ka guitar perh leh zai hrefo țhin Hosteller nive bawk ani a,... "khaih a, achi dawn em ni le?" ka ti a, kan nui ham ham a,... Vawiin chawhnu ațangin rehearsal nei nghal ila ațha ang, hla pawh kan thlang nual ang chu" Joy chuan alo ti vat a,.. Midang chu class an kallo nge a hmuh loh thu leh biak pawh dan alo zawn mai tur thu a sawi hnuah tlai lamah Republic Mualvenga Joya te in a zir tur chuan kan ti tlu ta a..

Week tura kan inbuatsaih avangin lehkhazirna hun ka nei tamlo hle mai, Ka țhiana (Samuela) lah lungleng hek min rawn be sek a, Rengpuii phone theihna number a tibo daih si a, biak achak thu a rawn sawi chamchi a, ... "kalo dil dawn nia" ka ti laklawh tawh bawk nen min rawn zawt zantin mai ringawt a, dawt var ka sawi deuh reng mai a.. Vaneih thlak deuhin midang hnen ațangin ka nei thei ta hlauha...Chumi hnu ațang chuan a reh nghal hmak mai lehnghal....

Week kan țana nuam kan ti tlang hle mai, Indoor Items tih hma zan dar 11 ah hostel lam kan la meng deuh fur bawka, phone call ka dawng a, Guest room ah ka kal vataa, Banner siam an lo awm lat lat a.. Phone ka la a..

"Hello..."

"Ben....Sama..." a tap nghal țuau a....

"Enge Rengpui?" ka ti zui nghal vat a..ka ngaih ațha chiah lo..chutia phone a țap ta ngawt leh Sama hming alam chu...

"I la hre velo em ni?"....a ti țuau a.."Eng chu maw? Enge Sama chu?" ka ti deuh ngheka, midang chuan min rawn en vata. "Nimin khan Agra-ah an kala, buaina achhuak a an inhlauh hlawma, Sama chu an hmu zo talo a, Nizan leh vawiin nileng khan an zawnga an la hmulo ani awm e, ka cousin in min hrilha." a ti ta a.. ka bing mup in ka hria, chu chu ka thu hriat zawnga mak ka tih leh ka awihloh ber ni lawisi ani awm e.. "I uanglo tiraw?...Engtin nge Sama ani tih i hriat..?... Midang an ni thei asin" ka ti vata, "Nilo, TV en rawh u, NDC ah a thlak an tarlan kha" a ti a.. a inhnit hlawp hlawp a,.. Ka awih theilo, ka ring heklo., amah nise a nuleh pa hnen ațangin ka hre tawh ang... "anih phawt lo țawngțai ve reng rawh aw..." tiin phone adah zui nghal a, Guest room a tv ah Inkhel an lo en a,... ka pan phei vata... "Khawnge Remote" ka ti tuar tuar a..

Kan thil en chuan kan hostel boruak athlak chiang kher mai, Nimin chhun dar 11:40 velah khan Agra Taj Mahal ena khualzin tam tak awm laiin Hindu leh Muslim inkarah buaina achhuak thut maia, Mi 40 vel ahmunah an thi a, mi 100 chuang casualty panpui niin mi 30 vel an chin hriat lohvin an bo bawk a, Chung mibo zingah chuan MBBS zirlai 4 awm vein Samuel Vanlalpeka Champhai Karawt veng tlangval pawh a telve a, tunah hian zawn mek an nih thu an puang dup dup mai a.. Hosteler amah hrelo awm heklo kan ngawi nghiai hlawma, kan inkawm dan hrechiangtu chuan min hnem malh malh bawka.... Chutih lai chuan phone call a rawn kala, Sama Pa alo ni a... Reitawk kan inbiak hnuah kan ti tawpa, an beidawn zia thu leh Motor leh rel bomb darh anihna ah khan tunge an nih pawh hriat loh an awm nual ani awm a, Rel puak chhungah Sama leh midang 4 te tlanlut lai hmutu an awm ngei bawk tihte min rawn hrilha.. Ka mood a offin ka tap zankhua țhak ani ber mai..

Kan thlalak te ka en a, kan hun hman dun tawh dante ka chhui kira, Nikum Krismas an khua ah ka hmanga, Kumthar a rawn hman te ka hrechhuaka, Tlangah kan lenga, Khawzawl Nula leh tlangval, nunau nu leh pa zawng zawng Ruai țheh zawhah Chu tlang Helipad tlang kan tih kan pan khawm hum huma, Zurui buaina siam zawng leh hmuh hrehawm zawnga khawsa hmuh tur leh len tinuamlo khawpa talvel an awm bawk silo nuam a tih zia a sawi laite, Inlam siak (Dance competition) danglam tak mai mipuiin kan en țhup maite, naupang, tleirawl nula tlangval alam ngam apiang helipad mual laiah an lama, pawisa an vawrh luh sak sup sup laite ahmuh te a nuam a tih ziate kha ka hrechhuak uar uar a.. Khawzawl nula rual a hmuha mak atih ziate ka hrechhuak uar uara... Kumthar ruai țheh zawha kan leng thlalak te chu ka en vang vanga... Kawl mawng a eng det det thleng ka muhil miahlo...

Kan college in hall kan neih mai lohvangin Indoor items chu openair in kan hmanga, Kan Campus tual zawlah stage siam chawpin hun kan hmanga, House wise in seat an rema, Kan House chu a laiah kan țhua, Rengpuii te house nen kan inhnaih hle, chuvangin Rengpuii nen chuan kan țhu dun thei a,.. kan inhrethiam tawnin kan ngui dun lap maia, Boruak danglam thleng nilose ka phur viau ngei ang, mahse kan boruak tawnin zir heklo le... Ka band mate te hnenah kan hla zir zinga kan țhumvawra tel ve talo chu thlak ka ngen ta ngawta ka ngenna min hriatthiampui takin kan zaihma lawkin kan hla kan thlak ta thuta.. Kan Band The Blue (kan house color) Grass te chu zai tura koh kan nita a...

stageah kan ding chhuaka, Sound kan check fel hnuah mike hmaah ka dinga intorduction ka neih zawh hnuah kan hla sak tur 4 mizo hla 2 leh sap hla 2 te chu kan sa chho ta a.. Kan hlasak tawpberna tur kan sa dawn ta a.. "Vawiin hi a nuamin aropui hle nachungin kei leh ka țhian țhenkhat amah lo kawm ve tawhtu te tan erawh chuan nimin piah maia Agra hmuna thil thleng vanga Bo zinga telve he college ngei pawh lo rap ve hman kan țhianpa Samuel Vanlalpeka chanchiniin in min țhawng em vangin kan rilru a rum takzet ani.. Kan duhthusamah chuan dam taka hmuh leh ngei kan duha, Helai hmunah ngei hian kan la inhmuh leh ngei kan beisei tlat ani tih hlain kan rawn sa dawn a, he hla hi Sama hmelhriattu zawng zawng chuan uluk takin inlo ngaithla dawn nia 'wise you were here' tih hla kan han sa ang e..." ka ti a... a reh duka..... Kan zai țan ta nghala...

"A ropui tawp".. "in va che țha ve"..." kan inhmuh leh ngei kan beisei, amak ani tawp" tih vek feedback ka dawng nasa malh malh hle,..Nuam ka ti hlawl lo, kan zai zawh hnuah phei chuan ka room lam panin ka haw ta nal nal a. akhat tawkin chanchin țha a awm takin tiin phone ka hmang leh ngawt țhin.....Mahse engmah a ang thei chuanglo... A kal dawn tlaia Țhuampui Bus station a kan thlalak Rengpuii leh ațhiante 2 nen kan lak ho chu ka ena, khumah ka mu a, College kawtah thawm a ri dup dup renga.. mahse ka tan chuan ninawm leh nuamlo ani vek bawksi.. ka muthilh lai ka hrelo ka lo muhil ta daiha..

Closing Function kan hman ni chiah hi Ka țhianpa bo an zawn tawpna ni ani 7 na chiah ani a, Function an hman hun leh kan function hman hun a inrual dawn vangin kan SU hruaitu lamten Silent minute Samuela tan hman an tive bawka.. Rengpuii hmel ka zawng țhin ka hmu ve miahlo lehnghal, Silent minute hman zawh anih rual chiahin kan hla sak Pink Floyd hla 'Wish You were Here' sa leh nghal tur kan ni nghe nghe... Programme kan hmang zo a, ahma aiin amoodah ka cheng zuala ka sa țha hle bawk, Ralna sum dahna tur bawm an dawh bawka a tla țha ve khawp ang... kan Band pakhatna kan nia alawmawm teh lul nen kei chu ka lawm hauhlo.. Ka țhiante rilru ka ti nuamlo mai ang tih ka hlauh vangin ka nui lui hram hrama.. Mahse ka rilruah engdang mah a lut thei hauh silo....... Rengpuii țhian nu Becky ka hmu hlauha "Khawnge Rengpuii?" ka ti nghal vata... "a kal duhlo, ka khawngaih khawp mai, an inah va tlawh vat rawh" min ti a,.. ka ngawi hmaka... ka hrethiam lutuk, programme nei tur nilo ila kei pawh ka awm ve kherin ka ringlo.....Mahse amah hnem tura kal ka zuam bik bawk silo, achhan pawh Pu Lalțanpuia Tochhawng hla ang deuh khan 'In hnem turpawh kan awm chuang lo' ani e.....

End of Episode One...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2016, 7:39 pm

WISH YOU WERE HERE
Chapter Two.....

Sama bo ațangin Thla 3 aliam leh der tawh, Krismas chawlh kan nei tawha Hostelah kan awm tawh lova, Ka u (Ka Pa fa hmasa) mipa te dawr ka nghahpui ve țhina, ka buaiin han hawi khawthawnna hman pawh ka neilo ani, Nikumah Krismas leh kumthar hlim deuhin kan țhian dunin kan hmanga, mahse tunah erawh ka țhianpa chu zirna vanga awmbo satliah nilovin, a khuangchher bo ta daih sia kan khua a Krismas hman ka chak thlawt loh avangin Ka u te bula Krismas hhman ka tuma, chuvangin an dawr pawh ka nghahpui ve ngat ngat ani...

Krismas Bazar runpui a zo țana, thingtlang lam an haw rem țan tawha December Ni 23 tlailam phei chu boruak a dai deuh ruih thei hiala,, Kei pawh kan buai loh deuh avangiin U Teiin Kekawr leina tur min pek chu akin Bazar turin ka teichhuak ve a, Solomon Cave lamah ka duhzawng a awm tak mialin tih thuah ka vaklut ve chawta... Dawr 3 vel ka lut hman tihah Rengpuii leh ațhiante bazar nen kan inhmu ta hlawla..

"Ben, i la haw nange?" a rawn ti a, "la haw love, Helamah ka hmang mai ang chu ka tia" ka ti a, Rengpuii chu a pangngai lehtawh tih a hawiher leh ahmel nung ser ah chuan ka hrethiam nghala, alawm pawh ka lawm rilru hle. "Aizawlah i hmang dawn maw?...i van reh si ve" a ti hluta, ațhiante chuan an kalsan zela,.. "nia, ka u te dawr ka nghah pui ve țhina,, lenna hun pawh ka nei meuhlo" ka tive maia,..."Anih tak chu, i bazar dawn em ni?, enge i zawn deuha?" min ti a, "Kekawr leitur ka en kual ve mai mai" ka tih mek lai chuan "Lokal rawh, hetah ka hmelhriat ten an nei nalh hlawm a lawm, ka dil tlawm sak thei ang che" a tia, kan inzui chu ani ta dera...Ka duhthusam thlap ka lak hnuah Restaurant ah kan chawl leha, ațhiante lah kan hmu tawh der lova..."i țhiante kha khawnge an kal a?" ka tia, "an hmanhmawh deuha Bara Bazar ah minlo nghak dawn a" a tisam et a,...Thingpui alo thlenga kan indun malh malh a... "I lunglen a kiam deuh tawh em ni?".. ka ti chhuak ta phawnga..

"aw....nia...lunglen vakin awmzia anei tawh silo alawm, ka sunnat luat vangin lo kir leh thei dawn nise chuan ka sun rei viau pawh ani mahna, mahse ka sun viau pawn arawn kir phah chuang dawn silova?" a ti ta thena,.... a sawi dik ka ti angreng khawp mai,.. Mithi ngaih chu a sawt lo em bawk ani... "i lawm vak nange?" a rawn ti leh vata,.. "nilo... i sawi dik ka ti ema, chhan ngaihna che pawh ka hrelo" ka tive maia... "Nia...Keipawn ka tuar thiamlo renga, mahse ka ngaihtuah chian hian min kalsan tawh sia, han koh let dan aawm lo tih ka hrechhuaka zawi zawia thlah ka tum ve tho a lawm" ka tih zawm leh zat a,... Kan sawi dun pah zela... Kan eiman kan pek fel hnuah Ke in Bara Bazar lam panin kan kal dun hnak hnak a...Kan kal pah chuan a bo hma zana, Agra an kal tur thu a hrilh thute, an nuih nasat zia thute a sawi siam siam a.. An inbiak dante, Sama zia puitling leh fakawm atihziate chu asawia, keimah ang bawkin Sama chu a rilru tak takin a ngaina ani tih ahriat thei,... "Mipa ka hriatah chuan min ngaihtuaha min dawm thiam ber ani, ka ngaina a, ani pawn min ngaina ve bawkin ka hria" a ti a,.. "adik alawa amah pawn angaina khawp che asin, adiktak chuan a ngaihzawng neih hmasak ber i ni nghe nghe asin" ka ti a... a ding deuh data min en hehaw pah chuan "Engtin nge i hriat?" a ti ha a..

"Kan inkawp nasa in engkim kan inshare vek zel alawm, Ngaihzawng aneih min hrilh ngailo, Nangmah pawh hi i hriat ve hma khan kan lo sawi dun ngun tawh che alawm?" ka ti chu a nui haka... "Mipa te chuan thuruk in zep tlat țhin alawm, heivang hi lawm mipa hi rin in harsat em em ni" a ti tadaiha... ka hrethiamlo hle mai,... "ka bulah asawi loh chuan a neih ka ringlo," ka ti leh hmaka... a nui hak hak a.. "anih ka ring, a zeilo emai" ati ta nge nge a..

Ka u te dawr kan thlenga, ka u nupui U Tei nen chuan anlo inhre nasa mai a, an ri bawrh bawrha.. a țhiante awmna tur nia asawi thleng ka kalpui leh hnuah dawrah ka kirsana... "Ben, Rengpuii kha i bialnu ani maw?... an fel chhungkua ania, a u nen kan inkawm țhin alawm, chhas i nei țha reuh hle mai" minlo ti a,.. ka nui hak a.. "engmah a awmlo, Sama bial nu alawm anih" ka ti a.. a ner nang nanga... "Sama khan ngaihzawng neih athiam dawn em ni?..." a ti a.. "U Te, ka țhianpa kha sawi chhe suh i lainat lo em ni?" ka ti hmaka... za em em chuan anui a.. angaihna ka hrelo hle mai... "Ka sawichhia ani hleinem, nangni țhhiandun tak kha chu aw... " a ti a...

Ni 24 ani tawha khawpui chhung lam sale zawng bazar hun ani a, kan buai ve nak nak hle,... Chawhnu her hretah chuan Rengpuii leh ațhiannu an rawn lang hlawl maia... "Ben, Zanin date i nei tawh em, ka tih awmzia chu Urlawk zan hmanna tur i nei tawh em?" pheikhawk vel bun kual chhin pah chuan ati a, "nei lem love, naupang ho nen engemaa kan ti ve aang chu" ka ti ve mai a,.. "a lucklo lutuk, kan țhenawm nuthlawiin a hel deuh tih mai loh chu hmanpui tur a hrelo" U Tei chuan alo ti vata... kan nui ham ham a, "Nuthlawi bula hman chu a nuam khawp ang chu" Rengpuii chuan alo tive zata... "a fiamthu anih kha..lenna tur ka hrelo" ka ti ve vata.. "Kan bulah rawn hmang rawh, kan in ah kan hmang dawn a lawm" ațhiannu chuan alo tive bawka, "Nia Ben Baby te In ah kan hmang dawna lokal ve tak tak rawh, min rawn sawm la kan kal dun dawn nia" Rengpuii chuan alo ti vata.. an phur ta phiana.. kan sawi ho nak nak hnuah min sawm ngawrh tak em avangin ka yes ve ta nge nge a...

Zanriah eikham-ah ka ute Motor leithar Number plate pawh la awmlo chu ka keng chhuaka, Dawrpui Vengthara Rengpuii te in lam pan chuan ka tlan ta nal nal a.. An in chu a ropuiin a nawm hmel hle mai, Kawngka ka kik a, vaipa hian alo hawnga "Rengpuii a awm em?" ka ti hman chauha, "Ben i lo thleng tawh elaw...lokal rawh" Rengpuii chuan minlo ti vata... An inchhung chu Aropui kher mai, Rengpuii pa hi MPS niin tunah hian 1st Batln MAP ah Commandant nilai mek ani a, Rengpuii nu hi Doctor niin 3rd MAP ah a thawk thung, Rengpuii nu chu TV enin alo țhu a, a nau mipa leh ațhiante chuan Games an khel nak nak hlawma... "Ka nu hei hi Bena ka tih chu anih hi Sama țhianpa" Rengpuii chuan anu bulah chuan a ti a, anu chuan min en pah chuan " Eee ani maw? i hming hi a ri reng mai mawle,... lo țhu rawh, Bawihi i pa chu lo nghak lawk ula" a ti a,..a nelawm hmel hle mai...TV en chuan kan ti ti tlang hlawma, Sama chanchin te kan sawia kan lungawi lo tlangin kan ngaihdan a inmil phian bawka, kan ti ti tui khawp mai....

Dar 9 rik dawn țepah chuan apa chu a rawn hawnga... Ngawi rengin room ah alut tlanga, inbualfai tih hriat takin a rawn chhuak leh a "aw..Mambawih inla kal nange? in va tlai duh awmve?" tih pahin a nu bulah chuan a rawn țhua,.. pa zahawm vung mai Police lal niawm taka pian thiam ani a, "Nanghi em ni Bena chu? min ti nghal zata.. "aw ni e.."ka ti lawi ruta... "Rei lo ula, tlaivar kher angailo... Pu Sawma te hi an zau ania...." a tia, side table sitdup vuah ah ake ahlang kanga an nu chuan alo hmeh sak nghal vata... "I rawn haw hmaa chhuah kha țha ka tilova, I thu hmulo te chuan" anu chuan a ti a, "nia, i lo haw tawh chuan kan kal tawh mai dawn ania aw..." Rengpuii chuan alo tive bawka,... "Motor i keng dawn em ni?" apa chuan a rawn tia... "Bena motorin kan kal mai ang...anih phawt" tiin ian inzui chhuak ta nghala..

Khawlai ah mi vak vel pawh hmuh tur an awm tam khawp mai, Police duty kal dam dam te, Tlangval rual khat lo țhu bial laih te kan tlanpel zela,... halpuah leh halmawi hal tawk an lo awm bawka, VDP duty niawm tak kawn lun lai deuhah lo awmte chuan min enzui hehaw hlawm bawka... Ding taka tlanin Baby te In Chaltlang chu kan thleng ve ta a...

Baby te In chu ahmun a remin a nuam depdawp hle mai, Kan khua velah chuan IB (Inspection Bong Low) emaw kan ti ngei ang.. Gate chhungah motor kan tlanlut a, Kawtah meichhemin an lo țhu bial lat lat a.. minlo en ha hlawma... "Rk i u te khawnge?" Rengpuii chuan mei kil bial țaih Rawlthar ho zinga pakhat chu a au a, "Inchhungah, U Rengpuii Halpuah min rawn ken em?" a lo ti nghal zata... "lokal la..."Rengpuii chuan a ti a, "Yes" tih leh rawn tlan a ruak nghala...... An In chu simple nuam leh changkang zet hi alo ni a,...Engkim chu a felfai thlap bawka,... Bangah chuan Lianpui hian Zosapthara thlalak an lo tara...min hmuh rual chuan "Ben i lo kal ve maw...In va rawn thleng har ve" Baby chuan alo ti nghal chula.. Inchhung ah chuan mi 10 vel zet tur hi anlo awm a, Thenkhat In TV an ena, țhenkhat Sittingroomah tape an play bawka, thenkhatin ei an siam mawlh mawlha....Rengpuii nau Halpuah tlep 3 a pek hnuah lawm zetin an tlan chhuaka, Baby leh Zawmi chiah chu ka hmelhriat an nia, Zawmi hi kan college ah akal ve vanga hmelhriat ka ni, kei chu kil khatah ngawi rengin ka thu renga Rengpuii leh Zawmi chuan Pudding tur an buaipui malh malha.. an inbuatsaih fel ta deuh tihah Tual lamah kan insawm chhuak a, Mei kan chhem, alh hluah a, an țhian mipa ho chu Guitar nen an zai a, a țhenin an lo zawm ve bawka, kan awmdan chu engemaw takin anuam ru phian a, tumah han che uchuak awm heklo le... Halzir halphuh Rocket hal leh zawk an awm tih mailoh chu...

"Bena Zai ve tawh rawhse, zaithiam kan kawl reng alawm" Zawmi chuan a rawn ti peka, ka hnial nangin min hnawn lui tlat si a, Guitar chu ka hum ta nge nge a, krismas hla leh hla lote, hla hran hran min sak kual tir hlawma, a mood-ah ka cheng bawka keima duh deuh hla ka sakual ta nual hlawm a, REM hla Everybody Hurts, Tears In Heavens etc te ka sa ta hlawma, zan dar 12 kan meng thleng rang hle. chutianga ka zai lai chuan ka bul chiah a țhu Rengpuii chu alo inthen nalh nalh țhin a, Runaway Train te Your All i need, When the children Cry, After glow etc ka sa chho zela, Krismas leh maslo a sawi theih meuh tawhlo...Ei tur kan ei zawh hnuahh Rengpuii te thleng senghawi vel ka nghaka, an tihfel hnuah hawn zai kan rel ve ta a...

"I luck bik khawp mai, kan țhiante lakah khan i tlana khawp mai, abik takin Baby lakah" bung deuh engemaw ti el deuh si type hian a rawn țawng chhuak hlawl maia...."Ka va lawm ve, ka vawikhat tawnna" ka ti sam eta, min nuih deuh hak pah chuan "i van zamlo ve tak, i chhas neih tawhte pawh ka hre vek alawmle, Muantei nen pawh in inzui an tih kha" tiin kan college miss chu min dem zauha... Kan inzui lai vawi 2 vel min hmua "an in ngaizawng aniang" anti nghal luai luai ringawta, mahse ani hauh silo... "An sawi chawk alawm, mahse ka hmeichhe thi hul hiau, a rilru kil khat pawh ka luah lo ang e" ka tia, ka nui a

"Pan lovah tho afu ngailo,, Baby chu i duh ve deuh hrim hrim em?" a ti a, a thutak ran bawka, "ka lo ngaihtuah chhin dawn nia, ka hre ve chauh ani si a" ka ti a ka nui thung. "ka fiamthu lo ania, i duh chuan duh ti mai la?" a ti leh nghata... "ka hrelo ka tih chu, ka inngaihtuah phawt ang chu" ka ti nawn leh ngata, "hmmm.... ki hetih vang hi anih hi" a ti a, angai daiha,.... Chaltlang Road kawngkual zau lai deuhah chuan ka motor ka ti dinga, "Engmaw i sawi?" ka ti deuh ha a, nui chung chuan "engmah mawle, enge kan tih dawn a?" a ti ha a, "ka hrechuanglo... Hetah hian nikhat chu kan țhian dunin kan țhu a, chil kan inchhah thui siak vak vak peka..." tih pahin motor ațang chuan ka chhuaka... Min rawn zui vata... Thla ral lam pawh suk chen vel zetin a rawn dak chhuak duk duk tawh a.. a eng deuh ruih bawk a, kan hnunga rawn haw ve An țhiante thenkhat pawh chu an rawn ding ve zela,... chu Krismas ni lo thleng tur zanlai boruak lunglen thlak zia chu sawiin a siaklo ani ber mai...

Kan ti ti mar mara kan nui bawk bawk hlawma.. kan țhian dangte chu inkawp te te an ni hlawm vangin an inkuah deuh chial hlawma, Keini 2 ve erawh țhianpa vanga inkawm ve chauh kan ni bawk nen in hlat hauh siloin kan inhlat deuh du thung, kan țhiante boruak tur chu ka hriatthiam puiin Rengpuii chu enge a rilru niang ka hrelo nangin chung kan țhiante awmdan chuan Sama ahriatchhuah tir ngei ka ring tlat ani, ka bula dingin Tlak dalna atana an tuipipe kham chu a bawh ti tih deuha, khawchhak lama thla ral lam rawn chhuak po phut mai chu a thir dauh dauha, a meng tle sar mai bawka, a biang pawh mittui tlakna tih hriat takin a tliang tle deuh hliau bawka...A rilru tur ka ngaihtuah puia tunang zanlai (zinglam tih pawn sawi theih tho) boruak vawt leh thiang kak mai, thla engin a chhun van dumpawl ruih mai kara sarsi phe neuh neuhte chuan a ngaih em em hriatchhuah tir ngei anga, a țhiante an kawppuite nen am taka an inpawm vawng vawng laiin mal ngawih ngawihin a awm tlat si a, a ruka mittui lo hru zauh zauh pawh nise awmlo ka tih pui lem lova, ka hmulo der zawmah zawk ani..

Chutia lungleng hmel deuha a awm a, riang bik riaua a inhriat avang chuan a darah chuan ka kuah a midang hriat ve phak loh chuan "i lung aleng ve em ni?" ka ti sapa... Min chhanglo a inpetruh țang țanga, mahse a insum zo ta nang lo aniang ka awmah beiin a inhnit ta hlawp hlawpa.. Han hnem dan tur vak ka hre lovin ka thiam silo, ka tih theih tawk awmchhun chu nghet taka lo kuah zawng ani tih ka hrechiang ve em em thung. Chutia a țah tak avang chuan kan țhiante ti ti pawh a zuihral zui nghal a,.. "Hawh u hawng tawh ang u, kan awmna hmun hi a diklo" ka ti a, an lo amen tlang viau bawka, Chu hmun nuam leh khawhar thlak tak si chu kalsanin kan haw ta dam dam a.

"Hello, Ben i inkhawm nange?"

"Khawm e, nang zawk?"

"Khawm talo mai, enge i tih dawn?"

"Ka hrelo ka awm mai mai ang chu, Krismas lawmnan?"

"I hman chuan kan leng dawn em ni?"

"Khawiah maw?"

"Ka hre chuanglo, lo phei phawt la"

"awle.."

Khawia lenpui atan nge min sawm leh ka hre hauhlo nangin a lungleng hnemtu nih ka duh vang zawk chauhin ka aw liam ve puat ringawt a, ka inbual faia Rengpuii te in lam pan bawk chuan ka chhuak leh ta nge nge a, ka chhuah hma chuan U Teii chuan "Nang hi Rengpuii tireng mai i ngaizawng aniang" tiin min fiam zui hlak lehnghal, Chutiang lam reng reng ka ngaihtuah ngailo mahse chutia ka u in a sawi rik zauh takah chuan engemaw riau niin ka inhria a, Rengpuii chu ka zah ru deuh duk ni maiin ka hria..

An in ka va thlen chuan alo inpeih at tawh a, "khawnge kan len dawn" ka ti nghal tawpa "Sihphirah han leng ang hmiang, ka țhiannu te in ah" a ti a, engmah sawilo chuan kan inzui chhuak leh ta nghal maia...Motorah chuan ngawi rengin kan țhu dun a, Durtlang kawnga kan tlan chhoh par par lai te chuan engmah kan sawi lo.. Kei țawng tamlo tih takah a sawi loh chuan sawi tur ka hre lemlo...Sihphir kan thlenga, a țhiannu te in chu kan thlenga an ri chul a, "Hei hi Bena anih hi, ka țhianpa" Rengpuii chuan a ti a, ațhiannu chu Sawmi a ni a, Sawmi chu rengpui te ang em em a hmelțha nilo mahse hmelchhe lemlo ve tak chu ani a, an vengah chuan an nula hmelțha pawl chu ani ve ngei ang, Hmeithai an nia, anu nen a u mipa nen an 3 chauha khawsa an ni nghe nghe.....Eng eng emaw tiin kan ti ti a, khawlai ah te kan lengkual vela nuam ka ti ru phian a, chutia kan lenkualna vellah chuan kan tum lawk vang pawh ni miah lovin Rengpuii nen chuan kan lo in en leh veng veng țhin..Keiin ka en loh pawn amah talin min lo en leh reng țhin, kan mit leh mit a in tawng leh sar thina,... Zanriah ei tura min tih tlat vangin a chhungte leh ka u te kan phone zanriah kan ei tur leh kan tlai deuh tur thu kan hrilh a, an lo remti ve mai bawka....Chu Krismas ni chu engemaw ti tak hian nuam ka tiin ka hlim ru viau,.. Zanriah kan eikhamah muangchang lovin Aizawl lam panin kan chhuak zui leh ta nghala...Dutlang lan theihna laiah chuan din a rawt a, "Beer ka nei asin in ang hmiang?" a ti a, ka lo hreh lemlo bawk nen kan indun leh ta riha......

"Ben, vawiin ka mumangah ka hmu nasa lutuk che a, ka harh chu ka ngai veng veng che a, mak ka ti lutuka" a ti a, a nui deuh seih bawka, Motorah chuang lovin Pawnah kan ding duna, Durtlang eng ruih mai chu thlirin Motor nghengin kan ding ar ar a,..."Enge awmzia pawh ka hrelo" a ti zawi leh sap a,... " Chu engtin nge min hmuh a?" ka ti a, "Englo...Baby nen inlo in kawma ka lo au vak vak che a, ..in hre duh bawk silo, ka țap vak vaka" ati leh maia....Ka nuia,... "Nizan ka kuah vang che kha anih dawn chu" ka ti fiamthu zauha, nui chung chuan "ani maithei" a ti sam ve et a, kan ngawi dun leh data, "Ben, englo... min hrethiamla.... Sama ka phatsan vang lam nilovin.... vei deuh mai ka nei asin" a ti a, a kuna a kein lei a thai nak nak a,... "Eh...chumi chu ava vannei dawn ve,..." ka ti thena min rawn thlek ha a "Ka uang lo ania,.." a ti a, "Kei pawh ka uang bik hleinem?" ka lo ti a, "I sual thei lutuk" a ti sapa min nek deuh nalh bawka, "ka sual vak pawh ka hrelo, nangin i vei nih chu avanneih thlak dawn em alawm" ka ti leh a, ka nui a "anih chu chu tunge?" ka tih zawm zata "sawi kher ngai ka tilo, ka ke akham emai, ka țhu tawp dawn" tih leh kawngsir phul ro deuh riap tawhah chuan ațhu a, Beer chu a dawt leh khalh a, "Anih chuan ka hriat ațul lo tihna anih chu" ka ti a, ka țhu ve nghala...

Lung a chhara a vawr nalh nalh a, "Sama kha abo tak tak in ka ringlo țhin, mahse tunah chuan ka beidawng ta tak tak tawh" a ti a, ka ngawi renga "Ka rilruah acham reng țhin, a chhuk dawn tlaia i bula asawi kha, i la hria em?" min ti a, "engber kha maw?" ka ti a, ka hrechhuak mai tawh lova "Lo veng țha viau rawh" a tih che kha mawle" a ti a, anuia.. "Hei ka veng țha khawp che alawm a rawn kir leh hunah pawh a lawm khawp ang...aaa mahse vei i lo nei tawh bawk si a, ka hna ka tlin chiahlo ani" ka ti a, min en vata... "a rawn kir i la ring cheu amaw?" a ti a, "Ringe, bo angin kala ngai theilo hrim hrim" ka ti a ka rilru tak tak ka sawichhuak reng bawk ani.."Kei chuan ka ring tawh miahlo.....a lo kir tawhlo ang" a ti a, a kun ngaiha amen par bawka... "Ekhai khatiang zawngin an awm ngailo" tih pahin ka kuaha ka lamah ka pawt hnaia.. ka darah chuan a rawn thle ngat a.. "Ben, ka rilru hi hriala mak i ti zawk ang, keimah ngei pawh hi mak ka inti zawk hial asin, heti teh thut hian ka awm ang tih ka inring phak ngailo" a ti a, "Engvang chuan maw? I duhvang reng pawh ani bik hleinem, vanduaina te chu tawk thei vek kan nia lawm" ka ti a... "Chutiang vanduaina lam pawh chu ani lo?" a ti teh daih a, a che sawn eih lo bawk a..Eng asawi tumna nge ka hrethiam lo...

"Eng ber nge i sawi tum nia?" ka lo ti vat a,.. a ngawi deuh vang vang a,..a aw athian a "Hetia amah ka theihnghilh a, mipa dang ka vei ta em em hi mawle" a ti thawp sap a, ka dawmna chu ka thlah vata, ka țhianpa bialnu khawhar ka hnem mekin a sawi chuan min ti lawmlo takzet ani, "Eng i sawina nge? Ka țhianpa vangin hrehawm i tiin i rilru anat ka ring a, hetiang thleng thleng ka kalpuiin i khawhar ka hlauva chutiang thu min hrilh ngam zawk chule?" ka ti ta hmak hmak a, ka lungawilo tawngkam chu a ring lemlo nangin a fiah kek kawk khawp mai..a țhu ngil auh a, min en ha pah chuan "i hrethiamlo zawk ani, Sama kha ka tan beisei phak ani tawhlo, ka duh vang renga kalsan ka ni biklo asin, amah min kalsan vang chauha hetia khawhara awm hi ka ni asin, ani khawnge a awmbo tih pawh hriat loh, achhungte zawng zawng pawn an beidawn san tawh nghal tar țhak turin min duh tihna em ni?" a ti ve hmak hmak a,...ka tho deuh uaih a, min dawm chata... "Ben, nangmah hi a sin ka rilru a riak renga ka thlak hlelh ngawih ngawih chu ni, helai thleng thlenga ka kalpui chhan che hi Sama țhianpa i nih vang chauhah i ngai em ni?..."a ti tham țiaka, a mittui a tling piau bawka... Chu zan reh ruih maiah chuan kan thaw ri bak thawm dang a awmlo..."Eng...eng...engmaw i sawi, kei hi maw??.. eng thu teh hrep nge maw i sawi le Rengpuii" ka ti khur dar dar a, ka thin arim lutuk...mahse amah chu ka hua ni pawn ka hre chiah silo... ani lah chu amittui a tla par tawh mai bawk si a... "Nangmah hi ka rilru zawng zawng luahtu chu i ni asin....kei pawn mak ka inti reng asin" a ti a, a tahaw țiau bawk a... "Engmah sawi tawhsuh..." ka ti a ka tho a, "Hawng ang" ka ti bung nghata...

Kawng tluan chuan kan țawng leh tawhlo...min biak chu a duh tih chu ka hria mahse ka awmdan ahmuh in biak chi ka nilo tih ahrethiam chek aniang angawi ve ngal mai bawk a...... Car tape ah chuan 'I Just Call to say i love you" tih hla chu kan zai tir mek bawk a..... Ka tlan chak ati deuh aniang vawi 2 chu "Kan chesual ange?" a ti a, mahse engmah ka sawilo ka tlan par par reng a, An kawt ah ka ding chawta.... a chhuk a... "i lo..." a ti hman chauh a ka kal zui nghal daiha...... Enge ka awm dan ka hrethiamlo...Ka thin a rim țeuh ringawt mai ani...Ka sun em em ka țhianpa Sama bial nu ani a, Chu chuan min ngaina satliah lova min ngaihzawng tlat si ani. adik tak chuan ka hnial pawh ani chiah lo,.. hnial phak pawh ka ni heklo... Ka țhianpa ngaihzawng ani a keiin lo rochun ve ngawt tur anilo.. Sama lo kir leh tase engtin nge min ngaih ang.. chutak chu ani ka lungawi loh chhan chu niber...

Ruai țheh ni ani a nilengin ka mu a, naupang an bengchheng nen ka muhil chiang thei vak lova, Ka ngharmut ani ber chutianga ka mutthluk zauh chang chuan mumaang nge suangtuahna ka hrethiamlo Rengpuii hlim taka nui ri leh chiang zeta min rawn en lai hmel ka hmu hman ziah lehnghal, ka tum lawk ni hauh silo chuan ka ngaihtuahna ah alo lut leh veng veng țhina.. a rimtui inkah rimte chu ka hnarah acham tlatin ka hria a, ka kawrah te akai niten ka hre bawka, engemaw takin ka awm deuh chiai niin ka hria.....Chutia chianglo ruaia ka awm lai chuan fiah zet hian "Ben, i muhil em ni?" Rengpuii aw ngei chuan ka beng bulah arawn ti a, ka harh zawka ka khum lu ah chuan Rengpuii chu alo ding tak tak reng chu niin....ka meng kawk a...."I awm tak tak elaw?" ka ti thla ngawta..A hmel chu amu tlem hle ani tih hriat takin a bui phuai deuh lak niin ka hria, Kamis (Hmeichhe kamis) bantluan aha a, Pawnfen (Jeans) fual hnalh a fenga, asam chu a thlah hniang bawka... "aw...ka be lawk duh che a" a ti sap a.. ka to vata..

"Engthil ah nge min biak i duh a?...nizan thilah khan em ni?"..ka ti nghal tawnga... "aw..enteh Ben" a ti hman chauh a "a theih loh, Rengpui ka theilo..ka duhlo che pawh a nilo ka țhianpa ka phatsan thei thlawt lo ani" ka ti nghal mawlh mawlh a... Ka ding hluai bawka... Min rawn pan hnai pah chuan "Enteh Ben, I rilru ka hrethiam alawm, keipawn ka duh bik vang ani hleinem... Mahse ka rilruah nanglo chu lut dang a awm thei silo ani.....Hrethiam mai rawh" tiin ka kutah min dawma...Sawitur ka hrelo... Kan inhnaih mah mah tawh... kan hnar a insi anilo chauh tawh... Hmeichhe duhawm tawp in hnai set sawtah min en kal mai chu azam awm ve thei lek lek a "Ben, i tello chuan ka awm theilo,.. theihnghilh che ka tum pauh leh ka rilruah i lut thuk ting ani si a... Min duhlo anih chuan loh chuan tinge min hnar tlat ni" a ti thawp sat a....."I hrethiamlo ani, Sama..." ka ti hman chauha a kut nem thep chuan ka hmui arawn hup chat a... "Shhiisss..ka hria..i tan aharsat tir zia chu ka hria....Sama thlarau chuan min rawn thlir ru reng anga... Ka rilru engkim a hmu tlang vek bawkin ka ringa adem hauh lovang che..." a ti a.. A hmui nem thep mai chuan min rawn fawp ta da da a...

Ka tan chuan thil pawm harsa tak zawng ani ngei mai, Ka țhianpa bial nu hlui ka kawp chu ani ta reng maia.. ka kawp satliah mai lova ka mutpuia, athianghlimna par ka tliah saka, Hmangaihna luipui ah hleuh dunin hlimna vawrtawp thlengin akam lehlam kan daikai dun ta reng mai si a, achang phei chuan hrehawm ka tiin ka inhaw țhelh țhin.. Mahse amah ka țhianpa ber chanchin hriattir reng awm tawh lovin apil bo vang vang bawk sia, chu chuan tlemin ka rilrua inthiamlohna lakah min inthiam chawp tir deuh țhina.. Krismas boruak a zova, Kumthar lawm turin kan inbuatsaih leh tawh a, Hunpui boruak nuam leh zangkhai tak chuan khuangchher bo hmak mai kan țhianpa Țhian rinawm ber leh ahmangaih ber mai chuan hlimna parzu tlanin kan hmang ve mek bawk si anih hi maw...

Kumhlui kan thlah zan chu Krismas kan urlawk zan ang ngawt ai chuan boruak adang ta daih mai, Baby pawn hrethiam takin kan inkara Induhna leh hmangaihna lo par chhuak chu min lawmpui em em zawka.. Urlawk zana riang taka kan țhiante inpawmna hmunah ngei chuan Hmangaihna biahthu țawngkama sawi chhuak hauh lovin kan chetzia in kan lantira, hlim takin kan hun kan hmang dun ve ta bawka... Kan hun tawn zawng zawngah chuan ka hlim ber țum leh aruk taka ka inthiamloh ber țum ani ngei ang....

Rengpuii nen hlim tak leh inthlahlel taka kan awmdun lai chuan engmah dang a leng lova.. Mahse ka hawn hnua ka mut hmunah te chuan ka țhianpa ka phatsan nițten ka inngaia hrehawm ka ti rilru em em thin,.. Ka rilru in "Sama, min ngaidam rawh aw...min ngaidam theilo anih pawn, ka hrethiam lutuk che ania.." ka ti chhuak leh phawng țhin... Achangin hlim taka Rengpuii nen kan awmlai chu a thlarau chuan mittui luang zawih zawiha minlo thlir reng țhin tein ka ring țhina.. ka rilru ana ngawih ngawih țhin....A thi nge adam kan hre silo....A chhungte leh Rengpuii thlengin a thi tawh tih chu an pawm dan vek anih laiin, Kei chuan chutiang anih chu ka la ringphal hauh thung silo...

End of Chapter Two...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 25th, 2016, 7:40 pm

WISH YOU WERE HERE
Chapter Three

College kan kal țan leh tawha, Kei pawh hostel ah ka awm leh tawha, Zirlai lamah rilru pek a ngai țan tawh, Rengpuii nen pawh nitin college canteen ah kan inhmu ziah a, achangin Bazar ah te kan chhuak dun leh lawp lawp țhin bawk a...Kan inkar boruak pawh a thuk ve viau tawh...Exam tur atan ka inbuatsaih ve mek laiin Hritlang awmna vangin Class kal lovin Hostelah ka awm a...Ka khawharin Kan thlalak hlui ka en mai mai a, Sama nena kan thlalak dunte ka thlir mek lai chuan Rengpuii leh Zawmi chu kan room ah a rawn lut hlawl maia...Eng eng emaw ei tur an rawn keng lut țan țan bawka, "i damlo elaw?" Zawmi chuan a rawn ti luut hluta, "nia, hritlang awmna ka vei ve deuh a, Ka țha leh tawh e" ka lo ti a,... Rengpuii chuan Damdawi eng eng emaw hi a rawn keng tel bawka, Min ngaihtuah hle mai.....Damdawite chu ka ei a, an ei tur rawn ken te chu kan ei ho bawka kan hlim dar dar hle...Minute 20 vel an awm hnuah an hawngta a...

An hawng ațanga rei vaklo ah chuan Phone call ka dawng a..

" Hello Bena i dam maw?" tiin Sama pa chuan min rawn bia a, Ve teh hlawl chuan nidangah min be ngai mang si lova ka ti rilru hman deuh a.. "ka dam alawm, ka pa indam zawk maw?..Krismas te in hmang nuam bawk em?" ka ti ve ta hram a, "Hmang nuam ani mai, thu lawmawm deuh hrilh turche kan nei a" a rawn ti a, a awki chhuak ațang chuan alawm tak tak hle ani tih arin theih "Englam thu nge ni a?.." ka ti a "BAWIHA kan hmu leh thei dawn asin, alo la dam reng asin" a rawn tia a țah aw țuau mai bawka...Ka thu hriat chu lawm chi nge lawmloh chi pawh ka hrelo... ka bing mup ni maiin ka hria... "Engmaw i sawi, enge i sawi awmzia, tumaw la dam...Sama maw...Lalpa leh" ka ti nghal sawk sawk a... insut ri hriah ri chu ka hre thei a, "nie Bawiha chu alo la dam alawm, Vawiin khan Kolkata Police Station ațangin min rawn hriattira, A hmel awmdan an sawi nen a nih ngei kan ring, naktukah kan thlawk thla nghal ang....Zanin hian Aizawl kan rawn phei nghal bawk ang" a rawn tia.. ka ngawi renga ka hamhaih in sawitur ka nei hauhlo... ka dang aro vek ni maiin ka hria..".Chu chu thudik ani maw?" ka ti tham țuaka... "aw nie, amah ngei anih ka ring.. Mahse...a țawng thei lo an ti" a țap aw țuau bawka.... "a țawng theilo maw...?... enge thil awmzia..?" ka ti vata... Naktuk ah ka hrilh dawn che nia... anih phawt aw" tiin phone a dah zui ta daih a..

Thuthlengah ka țhu hnawk a, ka lawm em em laiin ka inhaw hluah hluah bawka, Ka țhianpa ngei chu anih an ringsi a, alo ni tak tak hman anih chuan kei hi engtin nge ka awm tak ang...? A țhianpa khawsak dan ahriat hnuah engtin nge min ngaih ang... Rengpuii chu ka hrilh dawn em ni?... Ka va buai tehlul em...Țhian nih ka tlin thlawt lo ani.. venghim tura achah berin ka venghim zolo lutuk mai si a...Khumah ka tlu tawpa ka en ngai ka en renga.. "a țawng theilo" tih ri chu ka bengah a ri tluk tluk bawka...ka awm dan tur enge ka hrelo....Ka țhianpa chu dam takin kan hmu leh ngei dawn anih chuan kei hi engtiang in nge min ngaih ang, a țhuanpa hian ka phatsan ta si a,... Rual banlo anih thu hre mah ila ka inthiam thei chuang lovang...Engtiangin nge a bulah ka phat tak ang? Hlim takin a rawn kir leh dawn ani a, Mahse engkim alo danglam hman vek tawh dawn si a...Ava hrehawm tak em.....

"Hello, Rengpui naktukah ka zin dawn a?"

"Khawiah maw i zin dawn?"

"Kolkata ah"

"Enge i tih dawn exam hnaih tawh nen, engthil nge nia, tute nen nge in kal dawn?"

"Sama pa te nen Sama kan zuk hruai dawn".....

"I uang ani maw?"

"Uang love, Nizan ah an rawn phei a, vawiin ah kan inhmua, Kolkata Damdawiin ah Sama chu an hmu chhuak ani awm e..."

"awi...tak tak maw?...Lalpa..ka van lawm tak em"

"Anih phawt aw"...."Ngawirawh, Ben... hallo hallo...."

"aw enge sawi rawh"

"Sama chu Damdawiin-ah i ti em ni? thla 5 chhung zet hnuah maw?... Engtin nge a awm?..."

"Engmah kan hre chiang biklo, tunah hian Mizo Welfare ten an kawl mek tawh anih hmel..."

"Lalpa ka lawm e, ka țawngțaina chhanin a awm....I rawn haw dawnah minlo hrilh ve dawn nia...I zin daih chuan ka va ngai awm che ve".... Ka ngawi renga...He nu hian enge ahriat leh hlauthawng ang pawn a awm ve hauhlo.. kei lah ka rilru ahrehawm em em mai si ani a... "Ben, ka la hmangaih reng che nia a, I hria em?"... ka la ngawi reng... "Engmah a danglam thei chuanglo... I tan ka inpe tawh...min kalsan hauhsuh ang che aw..."....ka aw ka thian kharha "Engmah sawi ahun rihlo,..ani phawt aw..." pphone chu ka dah nghala....

Min duh thu a sawia, engmah adanglam chuanloh thu a sawia, Sama hmel hmuse adanglam daih lawngmaw?... Nge keimah zawk hi ka danglam ang?... Engpawh nise Sama chu damtakin kan hmu leh a, eng boruak chiah nge ațawn hriat ala ni silo....... Zan zawng zawngah chuan zan rei ber zan leh zan hrehawm ber ani ngei ang, Ka mitthla ah Sama leh Rengpuii a in lanchhawk zut mai bawk a, Ka thova Guitar ka la a, Zawite te in ka thai a....

How i wish, How i wish you were here...tiin zawite te in ka zai sap sap a...

West Bengal tuipui thli lum tleh huk huk chuan International Airport terminal building kawta kan din lai chuan min rawn chhem leh huk țhin, Taxi ah kan bungrua kan load mawlh mawlh a,...Chutah Mizoram House lam pan chuan Kan tlan ta nal nal a...Rilru a helhhawlh a,, Sama hmuh chakna leh hmuh hrehna in ka rilru a insual kual velah, keimah in ka lo hah ve em em ringawt mai a.. Min lo hmuaktu Keimah ni rual vel Helam a lehkhazir Kolkata Mizo Student Union President leh an Executive member inti te chuan Sama an hmuh chhuah dan an sawi siam siam a, abak engmah dang an sawi duh lo...

Sama abo hnua Mizo dana ni 7 zet an zawn hnuah sunna neih ani a,, Chuti chung chuan an theih ang angin Zirlaipawl leh Mizo Welfare lam hotu te chuan beng an chhi deuh reng țhin a, Nimin piah mai am hmuh dawn ni hian Kolkata Damdawiin ah Mizo Nu thisen pek ngai a awm a, Chutah chuan Zirlai an kal khawmna lamah Ward pakhat ah Sama hi an va hmu chhuak ta niin an sawi... Engtin nge alo awma, eng dinhmunah nge adin a, engtiang a lo awm nge anih ddan engmah an sawilo thung, kan zawh pawn "amah in hmuh hunah in hre mai ang?" tih zawng min chhanna ani a, hrilh ahaiin engtiang taka sawi hrehawm nihna nge aput le..?..

House kan thlenga, mikhual țhenkhat chuan minlo en deuh hrek hrek hlawma, Room no 12 na ah Sama awm thu an sawia chulam chu kan pan ding nghal nal nal a, Room kawngka bulah chuan kan ding deta, Sama nu chuan ka kut a hum a, a hmer deuh salh a.. Room chhungah chuan kan lut zui ta nghal a.

Room chhung chu alo thim deuh ruiha, Kil khatah hian khum pakhat lian vaklo hi a awm a, dawhkan ah hian Ei tur engemaw a in chhawp deuh nual bawka, Khumah chuan Puanhlap sin hian tuemaw an mu tih hriat takin alo pawng deuh bika... Light an hmet enga...Khum lam chu kan pan a.. Khuma mu chu a che țial țial a...Kan lam a rawn hawi ta a....... "Bawihte, Samuel...." Sama nu chuan a tia akuah nghal rawk rawk a.

Khuma lo mu chu mihring pangai chu ani ngei mai, Sama hmel dik tak pawh ala pu ngei mai, mahse asam akawlh veka, ameng khur dak a, a beng a awm mang lova, ahmai chu kang emaw vangin a ser sawng deuh hlek nangin
hmelhriat loh tur khawp chu ani bik lova, a bek dinglam sir beng chung pheiah ser a awm ruah bawka, a cherin a dawldang kher mai, a hmui hnuailam chu țhuina tih hriat takin a ser bawka,... A nu in a vakuah nawk chuan a kut veilam chuan a rawn kuah let ve nangin a ban dinglam erawh a bul tih hriat takin a salwar kamis ( Kurta) uk ban tluan chu a uai hnak thung.... Chutiang taka Sama hmel ka hmu chu ka rilru na lutuk chu ka sen awp awp ani ber mai.. Engtiang taka hetiang tawk hi nge anih hriat achakawmin thin a tirim takzat ani...

"Bawihte i va lainatawm tak em?... Ka fapa" A nu in a tia a țap hawm hawm bawka, anau hmeichhhia Mary leh apa in an kuah ve bawka, khumah chuan an țap hawm hawm hlawma... Sama biangah mittui a luang zawih zawih bawka, Min rawn en a, ka hmel a hmuh rual chuan a meng bial kawk a, hlim hmel zet hian ațah nuih zuih nghal bawk a... "Bek..Bekkk..." tiiin a țawng chhuak a, Chu aw ri chhuak ka hrechiah chu ka insum theilo ka kuah chawta, kan țah nuih hawk hawk a...a hliam tawrh nasat tawh vei nen ațang theilo lehzel chuan rilru atina ngawih ngawih ani ber mai... "Sam... I dam hi ka lawm lutuk,... Lalpa ka lawm e..." ka ti chhuak hiala... "Bek..Bekkk..Bekk.." min ti mawlh mawlh a...

Kan boruak a ziaawm deuh tak hnuah chuan Mizo welfare hruaitute nen kan țhu khawma, Thil awmdan te sawiin kan ruahman neihdan te pawh kan sawia.. Sama ngei anih thu Mizoram lama an chhungte hriattir nghalin Ni 3 vel champui hnua hawn kan titlu ta a...Chutah Sama an hmuh chhuah dante an sawia, amah lo enkawla bawihsawmtu Nepali India Gurunga an tih maiin a chanchin asawidan an sawi bawk a..

Khatia buaina achhuah a, Bomb a puah dur khan rel cabin engemaw zah chu apuak darh hlawma.. Mithi leh hliam an let phung maia.. Chhanchhuahna hna thawkin an buai a, an inbawihswm laiin Sama hi a tuk 2 na zingah lei hnuaiah achhar ta a.. Nepali ve tho ah ngaiin An inah an la luta, Damdawiin lam an panpui nghala.. Damdawiin ah hian adamchhuah ring lovin an dah deuh vel mai mai ani awm e.. Chu chu Gurunga ngaihdan ni lovin a la chhuak leha an chenna inah a enkawl zui ta a.. hliam an țhui sak uluk vaklote pawh a bawihsawm ta veka..

Sama bo thu an chhuah pawh engmah an hriat loh vangin an report lemlo alo ni awm e... Khahtia hliam tuar damdawiin an lakluh an zawn kual lai khan a mit lang deuh chauhin a lu an tuam khat vek bakah a rawn hruaitu lah Nepali niin nepali pangngai turah an ngaih vangin an lo en velo ani awm e.. Chutiang chuan an mahni in ah kar 3 zet a enkawl hnauh țhatlam pan em em chuanglo in a awm a, Damdawiin ahț bawk a kalpui leh a, hetah hi chuan an lo buaipui deuh tak avangin țhha takin enkawl zui ani ta a...

Thla 2 chhung engmah hreloin a mu ngat ngat mai ani awm e.. Chumi chhung zawng chuan Gurunga te chhungkua chuan an buaipui renga, a thlalak te pawh Nepali ho zingah an thawndarh țhina mahse tuman an hrelo... Amah lah biak theih ani der silo... doctor te sawi danin Gurungan damdawiin a rawn hruai thlen khan aban dinglam hi a sawp veka, tan mai loh chu tih theih dang a awm lova, a malruh a tliak bawka chu erawh țhem dawhsakin phuailuai deuhin an tuam vel mai mai a, achhan chu an chhan zawh an beisei zui loh vang ani.. Ahnuah hetia adamchhuak thei dawn tih an hriata an buaipui leh erawh an ngaihsak ta viau ani awm e..Ahmingah pawh "Nameless" an ti a, Enghnam nge anih an hrelova, Japan, Korean, Nepal etc velah an ngai mai..

Thla 5 chhung teh meuh an enkawl chhung hian vawi 10 chuang mah chu oxygen nen an chhanchhuah leh hram țhin thu an sawi bawk,... Mizo tlangval hmel ahmuh khan Nurse 1 khan Sama khumah a hruaia an belhchian hnuah thla 5 liamta a bo hmak tawha an ngaih Samuel Vanlalpeka ngei ani tih an chian ta ani... Tichuan Mizoram house lamah hruai phei ani ta ani... Damdawiin a thawktu ten atan bawm an dawhsak țhin a sum tlingkhawm chuan a inekawlna senso a intum sak thei ve vek ani...

Chutiang taka Pathianin a nunna azuah sak chu lawm lohna chi ani lo, khup kawi sawm chhe vek tawh avangin Wheel chair ah adamchhung ahman angai tawh thunga, bomb hnathawhin a nerve a shock vakin a țawng thei tawh lova, a țawng leh thei ngai anih pawn Kum 2/3 tal angaih hmel... Khatia damdawiin a awm lai khan Khawsikpui, Phenomena a vei tel zui leh zel bawk nen chungte vang ringawt pawh chuan a khaw hmuh afiah vaklo a, a kut a che hleithei meuh țhin lova, Mahse an hmuh hma kar ațangin a kut țha lam achet thei țan tawh a, Ziak a zir thiam hunah chuan aduh leh mamawh chu a ziak thei tawh dawn ani..

Mizoram kan thlenga Sama nu u (SDO PWD) in ah an chawl a, Chutah chuan an chhungkhat laina ten minlo hmuaka...Mahse Rengpuii hmel reng alang lo... A bula awm turin min duh renga.. ka hmel a hmuh loh deuh chuan "Bekk, Bekk " a ti chiam zel a, Zanah pawh a bulah ka mu a, chaw ka hraia ka buaipui vek ani ber...Kan thlen tuk zing dar 5 velah min nghawk thova... "Enge Eksekpa, ka mumang i ti bo vek?" ka ti a,... "Ek...ek..." tiin akap a kawk a, azunchhuah vang alo ni a... Ka pawm thova wheel chairah ka nghata.. A zun bawm ka vuah saka. a zung ri tur tura... Mut leh na chiah ka ngai tawhlo bawk nen ka inphih faia, a hmai ka phih sak bawka..Ha ka nawh saka Khua ala eng chiahlo nangin bathroom ah kan nui dun kur kur renga..... a nui ri hi tuihak thaw ri ang deuh ani a, analh lovin ka nuih leh chhawng țhin bawk nen kan nui dun hnem țhin khawp mai... Kan Intih fai hnuah Pawn lam a melh zuk zuk a.. kan riahna room veranda ah chuan kan innawr chhuak ta a.....

Aizawl khawpui eng deuh sep sep leh kawl mawng rawn eng țan mawi tak chu kan thlir duna.. ka kut a hum rana.... Ngawi reng chuan kan thlir dun dauh dauh a..... Chutah ka kut a pawt salh a, ka en vata.. chiang zeta min en chung chuan fiah zet hian "Khreh..khreh...akng..puii." a rawn ti a.. Enge aawmzia ka man thiam mailo... a sawi nawn lehna ah chuan ka man thiam ta chiah a.."Rengpuii" a tihna a ni a...Chhan ngaihna ka hrelo.. ka ngawi renga amitah tak chuan ka en kiaua... ka mitmeng talbuai ahnuh chuan a hawisawna... a meng thip ram mai bawka...... Ka lainatin ka khawngaih kher mai... He ka țhianpa hian a hmangaih Rengpuii chu alo la hre reng anih dawn hi.. engtin nge ka tih ang a, engtiang in nge ka sawi takang...Ka hrethiam lo.... ka kut chu a hmer na zual sauha... min ena engmah sawi hreh suh a tihna niin ka hria....

A wheel chair chu ka nawr hera... ahma zawnah ka țhingțhia..a mitah tak en chung chuan "Ka lo mang nghilha min hrethiam rawh, Rengpuii chu ka lo be dawn nia" ka ti ta a... A mitmeng chu hlimna leh lawmna in a khat nghal a..a rawn kun hniama.. ka darah chuan a rawn bawha.. a riat nawk nawka lawmthu min hrilh ni ngeiin ka hria...... Ka thinlung erawh hlingin achhun ang maiin ana ngawih ngawih thung...

**********************

"Rengpuii, Bena....Vawiin chu class ka rawn kal tawh dawna, inhmu ang aw?"... "Inlo haw tawh elaw, engmah i rawn sawi loha.. min va ngai love..." titau aw deuh si hian arawn ti a,.. ka nui a.. "Sama chu enge a an ka hmu chak khawp mai... kan chanchin i hrilh hreh em?...i hreh ani maw..?...awle...kan inhmu dawn nia" a ti zzung zunga.. phone ka dah hmaka...Ka haw takzet ani he hringnun hi.. Evangin nge hetiang hi ka chungah a thlen?... Ka chaw ei a tuilo... Engtia tih chi nge ni ang...Rengpuiii lahin keimah bak min ngaihven hmel bawk silo, Sama lahin Rengpuii a hmuchak ngawih ngawih bawk si... Hriatthiam avan harsa tak em......Class kal lova tlabo nal nal mai ka duh rum rum a....Mahse ka țhianpa hnenah ka promise tawh bawk si....

Class kan banga Canteen bul waiting Shed ah Rengpuii te țhiandun nghakin ka țhu ran tawha, Rengpuii hnena sawi dan turte ka ngaihtuah neuh neuh a,, Kan inkar thu hi Sama hnena hrilh nge țha anga hrilh rih loh mai, Dawt ringawt hrilh chu ka thei dawn silo... Engtin nge ka tih ang, ka huphurh takzet ani... An class ațang chuan an rawn chhuaka ka awmna lam pan chuan an rawn phei a, ka bula an rawn thlen rual chuan "Min nghak rei tawh em?...kan kal nghal mai dawn em ni? Taxi la mai ilaț?" a rawn ti nghal zung zunga..."Ngawiteh kan kal tawp thei lovang, sawidun tur ka nei tlat" ka lo ti ve thunga chu chu hrethiam takin Zawmi chuan "Canteen ah kalo va kal ange..min rawn sawm mai dawn nia" tih leh chhuak a rual nghal a, "Engthil nge sawi i duh a,?" ngaih thatlo hmel deuh chuan a rawn ti a, ka bulah chuan a țhu nghala...

"Englo ania, Sama hian engkim a hriat vek hi țha i ti nge țhalo i ti zawk?" ka ti thawp supa... ka bana a kut rawn zen luh pah chuan "i rilru tur awm chu ka hrethiam a lawm, Engmah enghelh suh, keima kutah dah mai rawh, Kan inkar thu hi chu engpawh thlenglo pawh nise a danglam dawn chuanglo...Ka tana khuanu ruat i nia lawm" a ti thena.. ka en ha a "chu hrilh nge i tum hrilh loh?" ka ti a "a boruak azir ani mai... Ka ngaihdan ah chuan hrilh kher angaihna ka hrelova, a hriat hun hunah hre mai se ka duh ber" a ti reuha... "Enge i ngaihdan?" a ti zui zata... ka ngawi renga, Hrilhloh pawh chu thil theih ani ngei mai, Mahse kei hian ka țhianpa ramtui lei lova awm mek chu ka bum reng dawn tihna ani a, engti kawng mahin ka inngaidam thei dawn silo..."Awle kal phawt i la engkim a nihdan tur angin ani chho mai ang" a ti a... ka bu nghata kan kal zui ta nghala.

An In kan luh lai chuan Sama chu anu in roomah a bual an lo ti a, Kan lo nghak țhapa... Rei vakloah chuan a inbual zo ta a..."va lut rawh u, anghakhlel tawh khawp mai che u" ka nu chuan a rawn ti a, Hreh tak chung chuan hma ka hruaia... room lam chu ka pan ta nghala....Kawngka ka hawngrik thawm hriaiin a rawn dakchhuak vata... "Bekk..." nui chung chuan a rawn ti a.. ahmui țhuina avangin a nuih reng rengin a ner țhen deuh nung țhina.. "Tunge ka rawn hruai hi?" lai deuh si confi luih tum tak chuan ka ti a.. Rengpuii leh Zawmi an rawn lang ve chiah bawka...

Rengpuii leh Zawmi chu an ding chawta, an mak ti hmel chu ka khawngaih zawk, Ka țhiana erawh zak hmel takin a kun ngaiha....Rengpuii chu a ri hawka, a țap pura Sama chu a kuahchawta "Awi Lalpa ka lawm lutuk... Sam i lo la dam tak tak ani maw?" a ti țuau a.. kan thawm hriain an rawn lut vata Rengpuii'n Sama a kuah a ațap an rawn hmuh chuan an inhru nghal sap sap a...ngawi rengin kan lo thlir ringawt hlawma... Reitawk an in kuah hnuah an ințhena...

"Sam, min ngaidam rawh aw, hetia awmlo tur hi ka nia sin, mahse i hmel ka hmuh rual khan ka insum zo nang lo ani" a ti sawk sawk a.. Sama pawh a meng sen rama apachang ka ti angreng khawp mai, zalo deuh chuan anui a.. Zawmi chu a siai zauha.. Zawmi chuan a kut țhalam chu a dawm saka "Kan ngai tawh viau che asin. kan inhmu leh thei chu a lawmawm khawp mai" a ti ringawta Sama chu a bu nghata.. min melh zauha, chhe zet chuan a nui a..A chanchin leh a inhliamna laite chu ka hrilh malh malh a, Rengpuii leh Sama chu an inkai deuh chawt renga,. Amak khawp mai ka thik hauhlo, ka lawm veng veng zawk niin ka hria, akhat tawkin Rengpuii chuan min rawn melh țhina, ka hrelo der tlat thunga, Eiturte kan ei a, Veranda ah kan innawr chhuak a, kan hlim hlawm kher mai, a bo tih kan hriata kan awmdante Rengpuii leh Zawmi chuan an sawia College Week a ka hla sak te boruak rit an tih ziate an sawi kai zela, a nilo an sawi kai mai ka hlau hle mai.. ka lo ip deuh chawih chawih țhina..Kan 3 chuan Zanriah ei turin min ngen tlat avangin kan chhungte hrilhin Zanriah kan ei ve ta nge nge a..Rengpuii'n Sama chaw a barh a, kan nui leh dar dar țhin.. Ka huphurh ang ani hauhlo ka hlim em em zawk tlat nia... Zan dar 7 velah Rengpuii te chu an haw ta a.. An haw hnuah kan 2 chuan Roomah kan inkhung dun ta a... Zandang ang bawkin keiin ka zirlai ka keua anin akut exercise laknan Vei lama ziah a zir ngar ngara.. "Hmmm" a ti hluai țhin, zan dangah pawh a ziah that theihloh chuan hetiang hian ati fo țhina, Ka nuih a, min ner khum ziah lehnghal...Engtin tin emaw ni Zan dar 10 kan thleng ta reng mai, zandangah anin hma tehlul nen zanin chu a beirei peih neka....Ka inthiar san a, ka va luh leh chuan a zunbawm ah a zung zo chiah a.. khumah ka suan fela..Naktip maiah haw an tum tawh vangin kan zan hman hun dun tur a tlem tawh hle....Khuma ka mut fel hnuah a dawhkan ka singsak fel leh nghala, ka khawm thuak thuaka, ka remfel sak diama, minlo en kuau bawka... " Enge min en renga...min ngei deuh ani lo maw?" ka ti fiama... "Reka..(Eka kan inti țhin)..."a tia za deuh chuan a nui a..."Eka" ka ti let ve ngata.. a nui ri hawka..Chutah thutak zet chuan "Bekk.." a rawn ti a "Enge?" tiin a lam ka ena.. Amit chuan dawhkan lam chu a melha, ka hrethiam mai lo, "Enge?"..ka ti leh a, amelh leh țhina..ka hrethiam silo ring deuh hian "Enrawh" ti niawm tak hian a rak chhuaka.. "I thil ziah en turin min duh tihna ani maw?" ka ti a.. a nui sak a... A thil ziah ka dahțhat chu ka va hai leh ta a... Zandang ang bawkin eng eng emaw chhe deuhin a ziak satliah emaw ka tih chu lehkhthawn hi aziak alo ni a...Ka enchiang a, Rengpuii tan aziak alo ni a... Amah ka en leh vata Chhiarrawh tihna niawm takin a bu nghata.."I ziak chhe ropui si, ka peih dawn emawni?" ka ti a.. "Reeeka..Reka.." a rawn ti mawlh mawlh a...nui chung chuan a bulah țhuin ka chhiar sak ta a..

To, Duhtak Rengpuii..

I hmel ka hmu leh thei tluka ka lawmhi a awm awm love, i hmelțha dante, i duhawm dante, i nuih mawi dante, i mitmeng zahawm dante engkim hi ala ngai reng a, Khawvela hmeichhe duhawm ber i ni ka la ti fan...Mahse, kei chu Khawvelah nung reng chungin ka thi mek ani tawh si a, nangnen a kan inkarah kak thuk tak a awm tawh si a, Mahse ka hmangaihna che erawh chuan zuallam apan zel thung.. Ka nei thei dawnlo che tih ka inhria a, ka phulo che tih ka inhria hei tak hi a ni ka khawvel hman mek a ka tawrhna tizual tu chu ni, Valdang tawnah i par thlaih ani tur hi ka ngaingamlo... Mahse beisei ngamchi che ka ni bawk silo.... Min hmangaih ve leh veloh chu ka hre hauhlo nangin ka hmangaih em che avang zawkin i hnenah thil 1 lek ngenche ka duha, chu ka thil ngen che chu a hlawhtlin leh tlinlohna chuan min hmangaih ve leh ve lohna lantirtu ani ngei bawk a..I pawm nge pawmlo ka hre lo nangin Keiin ka nei thei dawn siloh che avangin He khawvel hrehawm taka rethei leh hrehawm ti taka hun i hman a, Mipa hnaisai lo tak nen in inkawp mai ka remti lo hul hual si a, Chuvang chuan Mipa zawng zawnga mipa rilru țha leh ka ngaihsan ber mai ka țhianpa Bena hi pasal lo nei ngei la ka duh... Chu chuan engtik lai mahin i retheiin i rilru ana ngai dawnlo ani tih ka hriat phahin, ngaihngam tak khawvel ka hnuchhawn ngam ngei bawk ang...

He ka țhianpa hi Pathian leh a hringtu nulehpa te tih lohvah chuan ahrechiang ber ka ni a, ka sawi ang mihring fel leh duham ngai reng renglo mi amah chauh lo hi chu mipa rin leh ngaihsan dang tumah an awmlo, Chuvangin Bena hi pasal ah lo nei ngei ang che..

Samuela....

Ka chhiar zo chu mak tihna in ka khat, he mihring hian min sawisa mah mah niin ka hria, ti em em hian ka ngainat ka ringlo țhina, ani pawn hetiang em em hian minlo ngainat ka ring ngai heklo. Mahse tunah zet zawng ka lo ngaina in ka lo hmangaih takzeta, ani pawn ka rilru ang chiah alo pu ve reng anih hi... ka ti a, "Enge awmzia?" ka ti tham țiaka... anui a,, a inleta amaimit chhing ta daiha.. hetia a awm hian muthilh aduh tihna ani renga.. a tukhum ser thluah leh an țhuina rin thliah thliah te chu ka en renga... ka inthawlh sawt sawta a hnung lam ațang chuan ka kuah ta hle hle a..

*************

"Hei hi ama ziah maw?...tinge an phei hma khan min hmuhloh" Mittui parawl țeuh chuan a ti a,... ka țawng theilo ka kun renga...Ka țhianpa nui mawilo zer hmel chu ka mitthlah alang uaih uaih a.....Reitawk tak kan ngawih hnuah Rengpuii chuan min rawn kuah pah chuan "Pathian hian kan inkawp hi rem alo ti hle anih hi, Ka hmangaih lutuk che, Sama pawh ka hmangaih takzeta, ka hmangaih tih a hriat ngei theih nan Ka pasal i ni ngei bawk tur ani" țahaw țeuh chuan a rawn ti țiaka...College chhung Hostel panna kawng reh ruih maiah chuan kan inpawm vawng vawng ringaawt mai ani.....

"Hello Ben, Sama hi a țha vak lova i hming a lam sek mai i exam zawh velah rawn tlawh la țhain ka hria" tiin kanu chuan min rawn bia a, "awle lo dam țha rawhse ka rawn tlawh hman țep tawh" ka ti a, Eng eng emaw kan sawi hnuah phone kan daha.. ka zirlai pawh ka zir tui tawhlo ka rilruah Sama ringawt alang tawha.. Naktip maiah ka exam tawp ber tur ka zo dawna, Nimin lamah Rengpuii ten an zo tawh thung... Sana ka ena, Chawhnu lam dar 2 awrh ala ni bawka ka insiam sawk sawk a, Rengpuii te in a leng turin ka chhuak ta hmaka...

Rengpuii te in kava thlen chuan a reh ruih maia, Doorbell ka hmeta a reh vung vunga, a hnu daih ah inhnuai lam ațangin an ardali vaipa a rawn chhuak chiah a, "tumah an awmlo em ni?" ka lo ti vata.... "Puii awm kha.." a ti sam et a.. Ka lut lo mai dawn em mawni ka tih laiin Rengpuii chu kawngka ah arawn daka, "Nang maw?..lehkha zir i ngailo em ni?" a rawn ti a, Inbual kawrfual ha in towel a chhipchhuan luk bawka "i inbual em ni, ka hawng hman țep alawm" ka ti a, kan inzui lut ta nghala.. Room lamah a inthlak hlanin sitting roomah ka lo nghaka, a rawn chhuak leh vata "Sama ațha vak lova, kan exam zawh zanah Lunglei kan phei dawn em niang?" ka ti nghal tawnga, "Engtia țha vaklo nge anih a?" a ti vata, angaihtuah ve takzet ani tih ahmelah ahrit theih a, "Ka chiang biklo thu khuh an nei deuh chuan ka hria, ka lehkhazir pawh ka tui tawhlo ka rawn kal tawp anih hi" ka ti a..Eng eng emaw sawiin kan kal dan turte kan sawi duna, Chawhma exam ka neia chawhnu lam ah ka zo tawh dawn bawk nen apa hnenah Chawhnulam a chhuah a an motor ken dil kan ti tlu ta ngawta... Zanriah ei nghal tura min sawm tlat avangin ka ei ve nghal a., A nu leh pa Inneihna lamah an kal daiha a naute nen chauh kan ei hova, kan ei kham rei vaklo hnuah ka hawng zui ta nghal a..

A tukah apa in a phal thu leh an Mahindra bolero ken aphal thu a rawn sawia, ka rilru a hmanhmawh tawhin hun nei tlem riaua inhriatna ka nei tlat a, akhatawk in ka phone deuh renga chaw a ei țhat theih vakloh thu min hrilh leh zel bawk nen kan exam hma zan phei chuan ka zir meuh tawhlo...

Exam ka zo a, ka insiam sawk sawk a, Rengpuii te in lam panin taxi in ka tlan nghal nal nal a, alo in peih diam tawh bawk nen kan inthunpuar a, Kan chhuak ani zui nghal mai a.. Khawmuang lem lovin kan tlan ngar ngara.. Serchhip kan thlenin khua ațhim țan tawh nghe nghe... Keițum kan thlenga Zanriah ei nge țha ang kan tia kan ding deta... Pa pakhat hian min rawn pan vata... "Khawnge in kal dawn?".. a rawn ti a.. "Lungleiah" ka lo ti ve maia, "Khawngaih in kanlo kal ve ang chu, damlo thuah kal kan ngaia" a ti a, "Engnzat nge in niha?" ka lo tia, "Kan nu nen ani mai, kan nau adam lova adam lai hmel hmuh ngei kan duh si a" a tia Rengpuii chu ka mitmei zauha alo bu nghata "awle, Bungrua in ngah em?" ka tia, an neih vakloh thu asawi a phur deuhin a nupui hrilh tur chuan a kal ta a...

Kan phurh te chu Pu Hriata leh Pi Zuii an ni a, kan ti ti a kan sawi ho hnuah kan kalna tur alo inang reng a.. Pi Zuii chu Sama nutei ani a, Keițumah pasal anei alo ni a, Kan insawichhuak zela, kan inpawh ta phiana.... Kan khawhar lutuk tur pawh aziaawm deuh ta nghe nghe a..

Tluang takin kan tlan zar zara Zing Dar 1:40 velah Lunglei kan thlenga an veng Ramthar kan pan ding nghala..an in kan thlen chuan damlo menpui an lo awm nuala, Kan thawm an hriat chuan minlo dawng sawng vata.... A khum lam min panpui nghal vata... A Pneumonia alo chhuak leh niin Damdawiin lam pawh an beidawng tawha, amah achaklo bawk nen Aizawl lam phur an ngam tawh silo an lo em tlawk tlawk ringawt tawh mai alo nia....

"Sam, ka rawn thleng tawh e, Rengpuii nen kan rawn zin asin" a beng bulah chuan ka zuk ti sa sa a...a rawn meng kawka chiang em em chuan min rawn en a, Rengpuii chu a en leha...a nui ta sak a...Min thlamuanpui hmel pu tak chuan a mit achhing leh ta riai riai a.... Engmah harsatna awm lemlo chuan aawm zui tak avangin kan mu leh riha.. kei erawh a bulah ka mu nghal chata... Engtik lai pawha tho nghal at thei turin ka inring ran bawka..

Zingah hma taka thovin ma zunram ka thiar sak bawka, mak deuh maiin a ziaawmin kan nui dun leh hak hak a, zan lamah khati khawp kha anih laiin hetia țha deuha aawm leh thei hi mi mak tih a tling renga.. "a țhiante chu a ngai hle mai che u" an tih phah hial a....

Chhunah kan inawm nilenga, Bible te kan chhiar saka kan nui deuh reng bawka, Rengpuii nen kan kalsan meuhlo ani ber mai... Zanriah eikham hlimah kuhva leiin ka chhuak lawka ka hawng leh chu an lo buai nasa maia akhuh tawp thei manglo hi alo ni a, ka pan hnai vata... a awm alo sep dawrh dawrh a... "Sam....Sam..."ka tia a rawn meng kawka min nuih tum ang deuhin a awm a, aphun sep sep bawka, ka beng ka dawh vata... "Mangțha" ti ni maiin ka hria... A leng deuh awrh a, a awm a sep lawp bawka..azal ta riai riai a... "Samuel mangtha le, ka va ngai dawn che em?" ka ti chhuak ta hiala... inchhung chu țap ri hawm hawm in aluah khat nghal ta vek bawk a....

Ka țhianpa ruang ka kil ani reng ta mai chu mak tihna in ka khata, a hmel dang bel mai chu ka ena ka awih theilo,... Rengpuii lah ațap tawp thei bawk silo,.... Zan khua in Zunram pawh thiar miah lovin akuang bulah ka țhu tlaivar țaka kka țap theilo, ka lung a awi theilo, ka ngaiahdan ani heklo... Mahse engmah tih theih ka nei hauh silo... Tlangval nunnem zaidam mi pawi sawilo hrisel țha em em mai kha tunah chuan engmah ti thei tawh lovin kuangah zalh ani chu ka hrethiam theilo ani ber mai... Ropui takin vui liam ani a... Khawhar takin thlanah zalh ani a, uiin chelh duh teh mah ila chelhthei kan ni bawk silo, hreh tak chungin kan hawnsan lo thei silo...

In kan thlenga alo reh ruih a, a ruak vek ni maiin ka hria.. an in kawta Summer Hut kan sak dun leh Pipu uaina kan siam dunte chu hlui bel ni maiin ka hmu...Engkim mai chuan khua ati har ngawih ngawih a, Ni tla tur her luai luai mai chu ka thlir renga he khawvela ka țhianpa khawsakna tawpna ber ni a herliam mai tur chu ui tak chungin ka thlir liam ta ruai ruaia.. Rengpuii chu ka kut hum chungin ka darah beiin a thle bema a maimitchhing tlat thunga...Kan țhianpa duhthusam chu tih hlawhtlin ani ngei theih nan kan inchelh tlat angai si ani... He khawvelah inhmu leh tawh dawnlo mah ila, Khawvel tharah tisa thar leh thuam thar nen kan intawh leh ngei beisei na nen kan puitlin sak ngei tur ani...

Lenkhawm tawp zan ani a, keini tan pawn lunglei kan cham tawp zan ani nghal dawn bawka,... In ngaiin in thlahlel tawn viau mah ila khua hmunlo kan ni bawk nen kan haw ațul ve tlat bawksi... Zaikhawm kan țan fela, tui takin kan zai tlak tlak hlawma.. Zai kan tuilo lam deuh țana ban hnaih dawn lamah ka ngen lawk angin Zaikhawm hruaituin engemaw sawi ka duh avangin min sawm a... ka la tih ngai miahlo mipui hmaa thusawi tur chuan ka ding chhuak ve ta ngei a... ka khur deuh hlek hlek niin ka hria.. ka aw ka thiana...

"Awle, Kei hi Benjamin Malsawmfela ka nia, Samuela țhianpa, Naupang mai kan nih lai ațanga inzui inthlah ngai miahlo kan nia, Zaninah a puala zaikhawm tawp zanah hian thu sawi duah ka tum lova, kan tana a thu min hnutchhiah rilru thianghlim tak min ziahsak ka chhiar chhuak dawn ani" tiin bul ka țan phawta, Chutah Rengpuii hnena alehkhathawn ka chhiar hmain rengpui nen an chanchin ka tarlang phawta a bo tak dante kan beidawn tak dante, kan țhianpa vangin Rengpuii nen kan inngainat chhoh tak dante chu zep nei map lovin ka sawi chhuak ta par para.. a reh duh mai bawk... Chutah hmuh anih leh hnua kan rilru te sawi zelin ka huphurh leh beisei loh dan daiah thil a thlen tak dante sawiin Rengpuii tan aziah lehkhathawn chu ka chhiar chhuak nghal bawk a... Ka chhiar lai chuan in sut ri hraih hraih thawm a awm tliar tliar reng bawka... Chutah ka chhiar zawh hnu chuan...

"Rengpuii khawngaih in lo dingteh" ka ti a, Rengpuii chuan hrethiamlo hmel deuh chuan min en a, a dingve mai bawka. "Rengpuii, Samuel Vanalalpeka kha i hmangaih ani tih heng mi Sama vua leh vang țhenrual țha te hriatpuina ngei hian i lan chhuah tir ani tih hriat theihnan leh Thalrau khawvel ațanga min thlir rengtu kan țhianpa hlim taka achawlh hahdam theihnan I pasal nitura min tiamnan he ka zungbun pek che hi min pawm sak thei ang em?" ka ti ta a.... a reh duk mai a Rengpuii mak ti lah a țap ti tih a nui titih bawk si...a țawng chhuak thei lawk lo..... "Rengpui aw ti mai rawh" Sama nu chuan țahaw țuau chung chuan alo ti a... "Aw... Samuela hmangaihna ka chhan letna atan i nupui nih ka duh e.." a ti chhuak tham țiaka... zawiin fiahlo viau mahse inchhunga ngawi rengalo ngaichangtu tan hriatloh chi ani lo...... Min kuah a midang pawh zah zolo chuan kan infawp ta ngawng ngawnga...

A tawp tam....

(Hming khua leh nihna engkim hi ka rilru alut hmasa apiang ka tilang mawp mawp mai chauh ani a, tihchhan leh tikhum engmah ka nei hran lo tih min hriatsak dawn nia...Ka lawm e....T.R)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)