ROOM NO 207 by Tochhong Ruat

Ngaia
Site Admin
Posts: 25813
Joined: April 30th, 2016, 4:07 pm

ROOM NO 207 by Tochhong Ruat

Unread post by Ngaia » October 9th, 2016, 5:18 pm

Episode #1


A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Tochhong Ruat
All rights reserved
www.storyfb.com


"Aw sabji Reservation chu Kan tifel e, Room No.207 ah aw"

"Awle ka lawm e" "Welcome Sire"

Ka zin bag ka ak nawlha, Pawna minlo nghak rengtu taxi ah chuan ka luta, Lengpui airport lam panin kan tlan ta nal nala...."Hmanhmawh deuh ang aw, ka flight ka miss thianglo ania" ka tia "awle, Short cut ka hria alawm, Aizawl khawpui hi kei aia hrechiang an awm kher lovang, Hman ni ah pawh Darkar 1 chiah a awm tawh tihah kan chhuaka, kan nang hman satliah mai lo, kan chawl hman fe ani" a ti nghal zung zunga, "Lucy tereuh chu taxi min va hmuh sak chhe ve" ka hriat tawk lek chuan ka tia... Ka Presentation conclusion ka zawh hmanloh chu ka type pah mawlh mawlh bawka... Hreptak chuan nizan kan party ka duhaia rei kan awm peka, Cocktail no engzat fahran nge ka in zawh ka hre theilo, Ka lu lah chu ana ut ut mai bawk sia,... "Dawr awm hmasa berah ORS lei lawk ang aw" ka ti a, "awle, kan kal na kawng turah chuan Damdawi dawr nula hmelțha deuhin a nghah țhin a awma, kan lei dawn nia.. Tlemlai deuh khan kei pawh zan lamah ka lem hnem deuha atukah Lengpui kal ka ngai tasi a, chutah chuan chu nu nen chuan kan inhmelhriat phah ta alawm" a ti leh zung zung peka...Zawh bak bak chhang chi țawng thei zet mai taxi driver min hmuhsak ania, Lucy chu ka va haw tak em...


ORS ka in takah chuan ka ziaawm sawng sawngin ka hria, A sawi ang chuan Pehhel chu a hre nameuh mai, mahse motor tlanna tura siam nia mawilo khawpa chhia ah motor kan tlan tir bawb bawb mai chu ani a, angaihtuah awm duh hle, kawng lakah kan chhiat phah vek ang tih ka hlau kher mai... Mahse kan chhe bik em lova "Kawng chhia apiangah motor khalh hi nuam ka tia, ka tang ve ngailo.." tiin a insawithei em em reng maia.. ka ning takzet tawh ani...


Lengpui kan thlen lohna Km 5 chauh ani tawh awm e tih ah Kawngsirah Private car pakhat hi alo dinga, A driver niawm tak hian a Bennett Cover hawng huau in alo en vel meka, Lengpui lam hawia ding ani nghe nghe.. Minute 20 chiah hun kan nei tawh...Chu car seat hnunglam kawngka inhawng ah chuan hmeichhe pakhat hian phone a mi bia tih hriat tak hian alo awm bawka.. Kan motor a hmuh rual chuan phardin ngei tumin a tho chuak nghal vata "Ding suh, ding suh" ka ti nangin ka thusawi chu engmah ngailo tih hriat tak hian nula lo dinna bulah chuan motor chu a dinga.. "Kan motor a chhe si a flight ka nan hmanloh ka hlau riau mai kalo tel ve thei ang em?" Nula chuan arawn ti a.


Hmeichhe hmelțha tak chu ani, Khawilai ah emaw chuan hmuhna ka nei tawh tlatin ka hria.. A sam sei ngil siau mai leh aha var rual țhat te chu a inhmeh bik hle, Jeans kekawr tluan ngalrek thleng pawldal a haa, chu chuan a mawngbawr vawng laih mai leh a chawn leh a mal zen zawm nalh em em mi chu a pholang chiang hle..."aw.. lo kal rawh" Driver chuan ka thu pawh hmu chuanglo chuan a ti teh tawpa... "ka bag kan la ang e" tiin Motor lamah chuan a tlan phei hnak hnaka, "Mam, ka kal san mai ang che, minlo pui teh" a ti a, a aw chu tham leh thum lam deuh ani teh daiha.. Motor atang chuan Trolley bag bakah iptepui ang deuh hmeichhe ho bazar bag ang chi chu an rawn khai phei dar dara. Driver hawihhawma chuan phur zetin a load sak nghal sawk sawka... Tichuan front seat ah ațhu zui nghala.. "Ramhuai speed in aw" nui seih chung chuan a tia "aw" tial deuh ruaiin driver chuan atia, a aw athian kharh kharh a... Kei mipa pawn ka tur hmanhmawh theih teh lul nen chu nula hmelțhai phei chuan a nawr chak thiam lehzual aniang, ahma pawha tlanchak tih tawh naklai chuan ahma aia chak chuan a tlan ta bawp bawpa, ka driver a niang tih ka hlau hle..


A ippui niawm tak ațang chuan tissue paper niawm tak hi a phawrha, peace khat la chhuak in a hmai chu a hru hlarh hlarha, Chutah Kan naupan laia kan instrument box ang deuh kutphah aia hlai lei sei tur hi a phawrh leh a. A hawng rak raka, vaipa kuhva khawrin chinai a hawlhna ang tiat lawng bul deuh tettut hi a la a, brush alo nia powder nge ka hrelo engemaw ah azuk tat zauhva a hmai aphiat fai niawm takin a thai zauh zauh a..aduhtawk a thai zauh zauh hnuah chuan Burdum sei et mai hi a rawn phawrh leha, a chhin a herhhawnga Toilet brush ang deuh hi a herhchhuak ta daiha, Driver seat bula hood glass chu kuai her pahin "kan hmanglawk aw?" a ti a, "hmm" Driver chuan alo ti nghut a.. Kha leh chen kan 2 a kan chuan dun lai khan Engpawh a sawi bawrh bawrh chhunzawm vek ani a. Tunah he nula arawn chuan ve takah chuan A hana țhut ngawi tlawk tlawk tawh mai ani.


Chu Toilet brush niawm tak chuan a mit hmul chu a hrut dalh dalha..a ruk ve ve zawh hnuah a bag ațang bawk chuan lipstick arawn phawrh chhuak leha, ahmui chu a hnawih ta a... Mak em em mai chu a che vel kha kalo en chik em em a, Hetiang khawpa motor tlan nasa intheh then deuh lawp lawpa zuang leh țawk țawk țhin ah hian a mit cheilai emaw a hmui hnawih lai emaw chu zuk bahlah miah lova.. "Kan tlai thianglo ania aw, Kan motor chhe khanglang kha lawmle" a ti niah niah a.. "Hmanah pawh hetiang hian" tia lawi ruta bul țan chungin Airport daih rawk an motor chhiat tawh thu chu min hrilh leh ta neka.. Ka Taxi driver hmanpa zet chu aw.. ka ti rilru vawng vawnga.. Engkim maihi alo temchhin vek tawh alo nih hi.. Ka tia..

Kan thlenga ka inhlang thla sawk sawk a.. Hman hmawh deuhin Terminal chhungah chuan kan lut dawr dawra, kan flight chhuah hun anih tawh thu leh Passenger 2 la kimloh thu an lo puang ve meka, kan ticket kan tifela, kan bag khawlin min en sak hnuah Kan chuanna tur lam pan chuan kan kal ve ta sawk sawka.. Nula nen chuan kan flight alo in ang chiah alo ni.. Kan pilbo dawn țepah ka lehhawi leha kan driver chuan ban alo vai lauh lauha..


Thlawhna chhungah ka seat ah ka țhua, Ear phone ka vuah a, Laptop phawrhin Ka thil zawh hmanloh bawk chu ka khawih chhunzawm leh dawna. Mahse ka ti hleithei ta miahlo, Kha nula Nuimawii ka rilrua ka lo tih chu ka mitthla ah a nui hmel duhawm leh nalh em em maite, apian inphut nalh em em maite chu alo lang zut zut a..A hmelin a an ber taka chu Bollywood star Taboo vanglai kha a ang ta ber niin ka hria, chuvang mai mai chu nih dawn ni ka hmuh hnu ang ka lo tih ve em em chhan chu ni.. Ka taxi driver ka hrechhuak zawka, ka nui vun vun a, minlo hmu rutu an awm chuan mi ang zanlo emaw min tih phah ngei ang le.... a ti ti vawrh dan velte, Aizawl khawpui a sawi vel dante Mizoram Politik leh Ruih hlo chung chang a sawi vel dante chu ka ngaihtuaha 'Fing riaua inhria hrețhelh deuh mai nisi niin ka hreta a..

Chutah thil hriatchhuah thut ka nei tlat mai.. engmah han sawi buai theih ani tawhlo kan tlai zo vek tawh kan thlawhna pawh vansang lam panin a invawrh chhuak mek tawh si a.. Ava pawi ve aw.. ka ti rilrua,.. Lengpui thleng thleng a tlan duhna chhan pakhat ka taxi hmanna bill ka pe miahlo ani tih chu ma hrechhuak ve chiah mai le!!!!??.. Engtin tak ti ang maw?.. Kan belebut lutukin kan lo mangnghil tlang ania nge.. Amah driver ber pawn kan luh dawn thleng pawn ala hriat chhuah zawh bik chuanloh kha maw nui vur vur chunga ban ala rawn vai luap luap kha maw.. ka tia.. Mahse ka thiannu Lucy in a hrechhuak thei mai anga lo pe mai rawhse ka ti ta a..


Delhi khawpui lum uap churh mai hnuaiah Taxi driver leh muția ten minlo au chuah chuah chu hai derin min ngaihsak lo hmel deuh ber, ngawi renga minlo thlirtu Putar lian vak biklo Sam var vau tawh hi ka hui ta zauha, Phur deuhin a rawn kala, Ka zin bag chu khai mai atuma ka lo phalloa, a motor awmna ka zawta, Kan inzui ta hnak hnaka.. A motor chu Alto K10 ani a, "Sahib khawiah nge?" a tia " The Leela Palace Chanakyapuri" ka tia, ahmelah a hlim tih ahriat viau, hlim awm reng pawh ani ka thlenna tur hotel leh International Airport inkar chu Km 15 a hla ani, Taxi fare pawh Rs.200 lawih ani tlat alawm..Chu putar chuan motor chu a khalh thiam nek reuhva, Ka taxi hman hmasak ngawi ai chuan ka ti fuh tawh khawp mai, Ngawi reng leh confi deuh chuan a khalh a, kei pawh hahdam deuhin ka țhu dar dar thei tawh ani..

End of Episode one



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:19 pm

ROOM NO.207
Episode#2

www.storyfb.com
Mizo ziah story ngaihnawm tak tak dah khawmna

The Leela Palace chu kan thlenga, ka bungrua kan hlan thlak fel hnuah bill chu ka pea, Rs 250 ka pe lui ngata "Sabji hei min pe chuang e" tiin Rs 50 chu min kir leh atuma "Tips ka lo tia" aih tips a awmlo, khawngaihin la kir leh tache" a ti deuh thlata... Ka wallet ka phawh a, Ra 1000 note 3 ka phawrh a, Rs 50 chu ka laksak a, Ra 3000 chu a kutah ka pe a "nitin Chawhnu lam dar 3-ah hetah hian i rawn kal țhin anga, ka mamawh huna koh mai theih turin advance anih hi...kar thum chhung hetah ka awm dawna" ka tia, A hrethiam ve ta aniang a nui var vara, taxi driver uniform chul tawh deuh mai a hak ah chuan a thun ta thata..Ka bag min khai sak tuma min nghak reng tawh tu hotel hnathawk chu ka siai zauha Bag chu a khai zui ta nghala..


"No.207 chu a ni ngei alawm, Double room maw ni?" ka tia, " aw nie, Hetah ngei hian Mr.Sangliana leh Mrs.Kimi ten an book ani" an ti ta tlat mai, ka hrethiam lo hle mai, Aizawl lama ticket kan book nate lah ka contact thei tawh bawk silo... "Sir kan kal dawn em ni?" Lobby Boy lah chuan alo tisek lehnghal.. "Awle.. Chu chu Mizo tho maw ni?" ka ti leh ngata, "aw ni e, Room ah a chho tawh, Duhsakna ka hlan ache u" Nula chuan a tia, a nui sawng lehnghal..ka lungawilo kher mai, Tuna taka Room full han ni kherte chu" ka ti hlak a...


Card chuan kawngka lock na chu ka hrut thla zauha, a inhawng ri khapa, kawngka chu ka nam hawnga ka lut zui ta nghala..Room chhungah chuan tumah an lo awm lova, Lobby boy chu a kal kual thar thara "Mam chu bathroom ah a awme...hun hman nuam le" tiin beisei nei zet chuan min melha.. Rs 20 note la neih chi ka pea, lawmthu sawi mawlh mawlh chungin a chhuak zui ta nghala.


Chu room chu Room satliah anilo tih achiang hle Couple suite ani chiang khawp mai.... Kawngka luh phat chuan Hall zau ve tawk tak hi alo awma, chutah chuan Sofa set nalh leh changkang tak tak bakah hmun center table a lo awma, Room chhung hrim hrim chu apuiin decoration engkim mai a felfai thlapa, an thil hunmawi leh engkim mai chu manto leh hlu hmel tak tak vek ani nghe nghe..Bed room pakhat chauh a awma, Bed room ah chuan toilet and Bathroom attached ani nghal bawka, khumah chuan Lengpui kawnga ka zin bag hmuh ngei mai kha alo awma, a inhawng hiau bawka... "Lalpa leh" ka ti supa, Chutih mek lai chuan bathroom kawngka chu a rirak a, Towel chhing leng lawnga bih chung chuan Lengpuia ka nula hmuh ngei mai chu a rawn chhuak ta heu mai... Min hmu chu a phu ve zawk a, "awi ka duhlo" tiin towl dang lo inthlep chu a pawt thla rawk rawk a "Hey, tunge i nih, hetah enge i rawh tih chhuak rawh" hindi chuan a tia a au chul bawka..


"Hei hi ka room book sa anih hi, Engtia lo awm ve thei ngawt zawk nge i nih?" ka ti ve ngata, "Engmaw? enge thil awmzia? a tia khum bula intercom hotel a emergency bika hman tur chu a la a "Madam enge thil awmzia hi, hei ka room ah hian mipakhat a rawn lut ve ngawta, a room booked sa anih thu arawn sawia" a ti nghal zung zunga.. Chutia an inbiak lai chuan ka bag ațang chuan ka thuamhnaw ka phawrha, thuamhnaw dahna ah chuan ka rem lut nghauh nghauha..."enge i tih?" a rawn ti a, engmah ka sawi lova, towel dang la awm chu la in bathroom ah chuan ka lut ta daiha..


Ka inbual zawh chuan room ah alo awm tawhloa, Inthlak tumin chhuar ka hawnga ka thuamhnaw ren reng alo awm tawhlo.. Nula thuamhnaw chauh alo inkhai tawha, ka bag ka zawng vata ka hmulo, ka laptop bag nen lam engmah alo awm tawhlo... Pindan kawngka chu ka hawnga Nula leh Hotel manager te chu an lo indawr mawlh mawlha.. Ka chhuak phei tawr tawra ka bungrua an lo dah lai chu ka khai nawlha room ah ka luhpui ta hmaka...Nula in "Hetiang a thil tih hi ațhalo khawp mai, ka ukil ka ko ngei ang" a tih ri chu ka hria a.. kawngka ka luh hma lawk chuan "Nepali mai mai" a ti leh hlaka...


Ka inthlak fela, ka thuamhnaw chu khai tawh lovin chhuar chhawngah chuan ka rem ta thlapa, Ka bag pawh ka hnawh lut nghala.. Ka duh
tawka ka in siam fel hnuah room ațang chuan ka chhuak a minlo la nghak țhapa, "Engthil nge nita Boss te u" ka ti chhuaka... Manager chuan "Englo, hei kan nauten thil anlo tisual palha, Room kan lo pe double che u ani awm e, Miss hian Thla hmasa khan a book vek tawha, Chu chu cancel chuang silo chuan anlo pe leh bawk si che a..Englo" a tih mek lai chuan "Room dang ruak in nei bawk silo alawm, Ni 2 hnuah 1 a awm dawn chauh sia, hetia kan awm dun rih mai hi angai ani" ka ti a, ka laptop back chu ka la a, Sofa dup nuam takah chuan ka țhua naktuka kan meeting neih tura ka paper present tur ka la zawh hmanlo bawk chu ka en san leh ta daiha.. an sawi ho nak naka, chutah mizoțawng fiah deuh chuan "Hei, kan 2 chuan zan 2 chu awmdun lawk mai ang, hetah sitting room ah hian ma riak mai ang" ka tia.. phawk zet chuan min rawn en a.. "Mizo i nia law, nepali emaw ka ti che a" a rawn tia, "aw... ni e" ka tia, Hotel hnathawk hotu te hnenah chuan "kan inremsiam thei e, kan lawm e" ka tia, nula chu an ena, alo thle zauha "hun hman nuam ule" tiin an chhuak ve ta nge nge a..


Kan inbe leh tawhlo, Kekawr tluan lian thawl deuh lam a ha a, T shir pink a vun nena inhmeh zet mai chu a ha bawka, asam la huh chu towel in a fun luah bawka.. Mahni țul țul in kan țul miah miaha, Ani pawh roomah a inkhung bo hmaka, engtak ti ang maw. Room lam chu ka melh leh zawk țhina, ala reh vang vang maisia, thawm dim deuh chuan ka pheia kawngka lo kau deuh chu ka hawng dek deka, khumah chuan tui zetin bawkkhup chungin alo muhil lek chu niin ka nuia ka hna ah ka bur san leh ta riha.... Ka duhtawka ka edit a ka ennawn zawh meuh chuan khua athim der tawh, sana ka ena Dar 7 alo pel der tawh a, Ka indah fela, laptop erawh khar chuanglo chuan dawhkan ah ka kalsana, nula chu ka va en leh dek deka, alo saisir bam tawha.. Khawlai boruak hip turin ka chhuak zui ta nghala..

End of Eps 2

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:19 pm

ROOM NO.207
Episode #3


"Zanriah i ei tawh em ni? khawnge i kalbo daiha, hei i eitur an dah e aw?" alo tia, a inchei danah chuan kalna tur nei tih a hriat hle, "khawnge i kal dawn a?" ka ti a, "mi hmuh lawk ka ngaia, ka rawn haw tlai deuh maithei" a tia, min kalpel rual chuan a rimtui tak chuan ka hnar averh zar mai... Dinner ei dawna an hak țhin Kawrfual malte thleng vela khuh phak țawk rawng senduk nghawng zau lam deuh chu a ha a, Pheikhawk pencil hill a kawrhak rawng chiah chu a bun bawka a thuam inbel chuan a taksa mawina a pholang takzet ani.. Mizo nula ah chuan te chhe lo tak mahse nu lian tak ni bawk silo ani a, a ria chumbat kan tih ang aia ria deuh si, cher nibawk silo ania, A vun chu mizo nula vun no tak ani ve mai, Mahse engkimah a chungnung lurh bika hriatna zuk awm tlata.. He tiang nula Mizo zingah an awm chu ka inchhuang ru ve nghal ngawta..


Zanriah ei ala hun si lova, Chutia Dinner an rawn chhawp nghal ngawt mai chu mak ka ti deuha, Room service ka ko ta ngawta.. "Hei enge awmzia Zanriah ei ala hun si lova, ka order bawk si lova tunge ko?" ka tia, "Maam khan a ko a lawm" a tia... "anih chuan kalsan mai rawh, oh lawk.. tiin rooma ka thuamhnaw chu ka va lachhuak a "hei hi nawh mam tur, naktuk zing dar 10 a Qurban hall a meeting a ka hak tur anih hi" ka tia, "awle sir" tiin ka thuamhnaw nen chuan a chhuak zui ta nghala.


Zanriah eiin ka chhuak a, Ka hawn pawh chuan a la rawn haw lova...Dar 10, Dar 11 ala rawn hawng chuanglo.. ka inti faia ka insil phar phara chumi chhung pawh chuan ala rawn haw ta chuang lo.. Ka ngaihdan ani lo kher mai, ka thin arim ve em em ringawta.. Engvanga lo thinrim ve ngawt nge maw ka nih le, duh leh mipa chu kawpse an room ah te riahpui mai mai ang hmiang ka ti rilrua, Bedroom ah ka luta kawngka ka khar hmaka, Khum sir dinglam side ah chuan ka mutna ka siama, Chhuara sintur awm chi chu ka la chhuaka, Kan inkarah chuan ka hlawm khawm tawpa kan indaidanna tur ani,...Tichuan ka lehkhabu chhiar lai mek . India Novelist zinga ka duh ve pawl tak Kiran Nagarkara ziah 'Cuckold' tih chu ka chhiar a,.. He lehkhabu hi 16th century lai vela India Lalchhungkua te chanchin niin hetih hunlai vela Lalchhunhkaw zinga sex an hman dan leh chumi phena Scandal awm chanchin chu a ni. He lehkhabu ah hian Nagarkara hian khatih hunlaia thil thleng tak tak ni ngeia ngah theih Indona sipaite an bo diak hlana Lal chhungkua thil lo thleng nithei awm tak a tarlangin Mipa ten huaisenna thinlungpu chunga in phatsanna, Channa leh Indona an hneh chhoh dan atar lang chiang hle.


Ka mit kham tawh bakah Dar 11:45 a ni tawh sia, mut hilh mai tumin ka lehkhabu chhiar chu ka khupa, Side table ah ka daha, Ka mit ka chhing ta diar diar a..Ka chhing fel hman awrh tihah khum bula Phone chu a rawn ria, ka pick up vata "Hello Room No.207" ka tia, "Sir, Inhnuaiah i lo chhuk hman em, Maam hi i rawn lam lawk mai dawn em ni?" Mi pakhat aw hian inthiamlo hmel deuh chuan a rawn ti a "Enge thil awmzia nia, engvang rawn hruai ngai nge anih?" ka tia, "Englo a lem hnem deuh palh aniang" a ti ban chalha... "Chunu zet chu, kan mizo nula te hi chu aw an heti tlat zel.." ka ti nuah nuah a.. "What Sir?" phone ațang chuan a rawn tia, chutih lai chuan hmeichhe aw hian in ko em?" a ti ri ka hriaa , ama min koh tir ani pek ani maw?" ka ti a, lung nilo deuh chuan ka tho ta nge nge a. kal lo ila a hming chhiat ka hlau bawksi... Ka ngei ang reng khawp mai..


Lobby ka zuk thlen chuan Nula chu Lobby a chawlh hahdamna a tana an hun sofa dum ah chuan a lo țhu nuaiha, Ka pan hnai vata "hey a zialo hle mai, hetia awm, miin an en duh lutuk che" tih pahin ka kuah ding lawpa, a pheikhawk leia awm chu ka khai nawlha "minlo hrethiam dawn nia" Zalo deuha nui chung chuan ka tia "I va rawn chhuk har ve" min ti khar khara..."Ngawi mai teh" ka ti sapa... Lobby boy ka thlen hlima min dawngsawngtu te kha ka hui zauha... "Min han thlah chho mai teh" tiin elevator chhungah chuan kan inkuah mut nawk nawka, Chupa chuan a ip khai leh a pheikhawk chu min ken saka.. "Engtin nge hetah a rawn thlen theih zawka?" ka tia, "A țhianten an rawn kalpui a lawm le, rawn dah chhoh an tuma a duhloa, Mahse aman ko tur chein a tia, a rawn then tir chuan a la zia lutuk" a ti a, a nui pat pat a. kan awmna floor kan thlenga, lamah kan inkuah phei dat dat a, Naktukah he hotelah hian paper ka present dawn a nia, hetia ka awm lai hi He hotela thleng ve tho naktuka lo kal tur an awm a, min hmuh vaih chuan aw" ka ti rilrua.. ka kalchakpui sauha..

Room chhung kan thlen chuan a zawi vek tawh, khumah ka muta, a zawi nana, Pheikhawk leh Bag chu ka va laksaka, Rs 20 ka pe a, lawm takin achhuak nghala..A thuamhnaw lah chu a tight in a mar ropui bawksi, engtia han tih chi nge mawni ka tia, Amah lah chu a muhil aniang a thaw sak sak reuha,... Chutia amu lai chu ka en renga, Mipa tan chuan han thlir zui lohva han en loh chi ni heklo le, amal lang chinte chu amam nalhin a var hai maia, a kawr awma lang thei chin a hnute chung chiah te chu khawvela thil hmuhnwm ber ani hial awm asin mawni.."Khata ding reng lo kha ka kawr hi hlip teh" țial deuh hian a rawn ti niah niah a,.... "i muhil nange, ka hmu vek dawn che asin?" ka tia, "nibawk si?" a ti ringawta... "Awle, tiin khumah chuan ka mut rem te te a, a puan silh tura ka tih chuan ka khuh leh te te a, Hmulemlo chuan a kawr vual zipper a zak zawna awm chu ka phel sak hmasa te te a,. "hey, khatah khan phelh rawh?" tiin a mal lam chu a khawiha.. Ka kut zuk khur thei hial a.. kawr hmawr chu ka zuk dapfuh ve ngei a, ka hlim chho ta țial țiala, a mawngah atang deuh a, ka pawt deuh sawka, ahmel țha lutuk chu ka en pah renga.. Ka hlim chho thui zela, a hnute zawnah chuan a darin a delh vangin a tang leh deuha.. a darah ka nawr kanga ka hlim thei leh maia.. a lu ka thlenga ka chawi kanga ka phelh chhuah sak ta a.. Ka thlan atla bat bat thei hiala..a che sat sat a, lehlam a hawi ta daiha.. Ka nuih aza ang reng kher mai, tun țum ka zin chu ka buai dawn chauh niin ka ring tlata, Light ka off saka, sitting room lamah mu turin ka chhuah san ta nghala..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:20 pm

ROOM NO.207
Episode #3


"Zanriah i ei tawh em ni? khawnge i kalbo daiha, hei i eitur an dah e aw?" alo tia, a inchei danah chuan kalna tur nei tih a hriat hle, "khawnge i kal dawn a?" ka ti a, "mi hmuh lawk ka ngaia, ka rawn haw tlai deuh maithei" a tia, min kalpel rual chuan a rimtui tak chuan ka hnar averh zar mai... Dinner ei dawna an hak țhin Kawrfual malte thleng vela khuh phak țawk rawng senduk nghawng zau lam deuh chu a ha a, Pheikhawk pencil hill a kawrhak rawng chiah chu a bun bawka a thuam inbel chuan a taksa mawina a pholang takzet ani.. Mizo nula ah chuan te chhe lo tak mahse nu lian tak ni bawk silo ani a, a ria chumbat kan tih ang aia ria deuh si, cher nibawk silo ania, A vun chu mizo nula vun no tak ani ve mai, Mahse engkimah a chungnung lurh bika hriatna zuk awm tlata.. He tiang nula Mizo zingah an awm chu ka inchhuang ru ve nghal ngawta..


Zanriah ei ala hun si lova, Chutia Dinner an rawn chhawp nghal ngawt mai chu mak ka ti deuha, Room service ka ko ta ngawta.. "Hei enge awmzia Zanriah ei ala hun si lova, ka order bawk si lova tunge ko?" ka tia, "Maam khan a ko a lawm" a tia... "anih chuan kalsan mai rawh, oh lawk.. tiin rooma ka thuamhnaw chu ka va lachhuak a "hei hi nawh mam tur, naktuk zing dar 10 a Qurban hall a meeting a ka hak tur anih hi" ka tia, "awle sir" tiin ka thuamhnaw nen chuan a chhuak zui ta nghala.


Zanriah eiin ka chhuak a, Ka hawn pawh chuan a la rawn haw lova...Dar 10, Dar 11 ala rawn hawng chuanglo.. ka inti faia ka insil phar phara chumi chhung pawh chuan ala rawn haw ta chuang lo.. Ka ngaihdan ani lo kher mai, ka thin arim ve em em ringawta.. Engvanga lo thinrim ve ngawt nge maw ka nih le, duh leh mipa chu kawpse an room ah te riahpui mai mai ang hmiang ka ti rilrua, Bedroom ah ka luta kawngka ka khar hmaka, Khum sir dinglam side ah chuan ka mutna ka siama, Chhuara sintur awm chi chu ka la chhuaka, Kan inkarah chuan ka hlawm khawm tawpa kan indaidanna tur ani,...Tichuan ka lehkhabu chhiar lai mek . India Novelist zinga ka duh ve pawl tak Kiran Nagarkara ziah 'Cuckold' tih chu ka chhiar a,.. He lehkhabu hi 16th century lai vela India Lalchhungkua te chanchin niin hetih hunlai vela Lalchhunhkaw zinga sex an hman dan leh chumi phena Scandal awm chanchin chu a ni. He lehkhabu ah hian Nagarkara hian khatih hunlaia thil thleng tak tak ni ngeia ngah theih Indona sipaite an bo diak hlana Lal chhungkua thil lo thleng nithei awm tak a tarlangin Mipa ten huaisenna thinlungpu chunga in phatsanna, Channa leh Indona an hneh chhoh dan atar lang chiang hle.


Ka mit kham tawh bakah Dar 11:45 a ni tawh sia, mut hilh mai tumin ka lehkhabu chhiar chu ka khupa, Side table ah ka daha, Ka mit ka chhing ta diar diar a..Ka chhing fel hman awrh tihah khum bula Phone chu a rawn ria, ka pick up vata "Hello Room No.207" ka tia, "Sir, Inhnuaiah i lo chhuk hman em, Maam hi i rawn lam lawk mai dawn em ni?" Mi pakhat aw hian inthiamlo hmel deuh chuan a rawn ti a "Enge thil awmzia nia, engvang rawn hruai ngai nge anih?" ka tia, "Englo a lem hnem deuh palh aniang" a ti ban chalha... "Chunu zet chu, kan mizo nula te hi chu aw an heti tlat zel.." ka ti nuah nuah a.. "What Sir?" phone ațang chuan a rawn tia, chutih lai chuan hmeichhe aw hian in ko em?" a ti ri ka hriaa , ama min koh tir ani pek ani maw?" ka ti a, lung nilo deuh chuan ka tho ta nge nge a. kal lo ila a hming chhiat ka hlau bawksi... Ka ngei ang reng khawp mai..


Lobby ka zuk thlen chuan Nula chu Lobby a chawlh hahdamna a tana an hun sofa dum ah chuan a lo țhu nuaiha, Ka pan hnai vata "hey a zialo hle mai, hetia awm, miin an en duh lutuk che" tih pahin ka kuah ding lawpa, a pheikhawk leia awm chu ka khai nawlha "minlo hrethiam dawn nia" Zalo deuha nui chung chuan ka tia "I va rawn chhuk har ve" min ti khar khara..."Ngawi mai teh" ka ti sapa... Lobby boy ka thlen hlima min dawngsawngtu te kha ka hui zauha... "Min han thlah chho mai teh" tiin elevator chhungah chuan kan inkuah mut nawk nawka, Chupa chuan a ip khai leh a pheikhawk chu min ken saka.. "Engtin nge hetah a rawn thlen theih zawka?" ka tia, "A țhianten an rawn kalpui a lawm le, rawn dah chhoh an tuma a duhloa, Mahse aman ko tur chein a tia, a rawn then tir chuan a la zia lutuk" a ti a, a nui pat pat a. kan awmna floor kan thlenga, lamah kan inkuah phei dat dat a, Naktukah he hotelah hian paper ka present dawn a nia, hetia ka awm lai hi He hotela thleng ve tho naktuka lo kal tur an awm a, min hmuh vaih chuan aw" ka ti rilrua.. ka kalchakpui sauha..

Room chhung kan thlen chuan a zawi vek tawh, khumah ka muta, a zawi nana, Pheikhawk leh Bag chu ka va laksaka, Rs 20 ka pe a, lawm takin achhuak nghala..A thuamhnaw lah chu a tight in a mar ropui bawksi, engtia han tih chi nge mawni ka tia, Amah lah chu a muhil aniang a thaw sak sak reuha,... Chutia amu lai chu ka en renga, Mipa tan chuan han thlir zui lohva han en loh chi ni heklo le, amal lang chinte chu amam nalhin a var hai maia, a kawr awma lang thei chin a hnute chung chiah te chu khawvela thil hmuhnwm ber ani hial awm asin mawni.."Khata ding reng lo kha ka kawr hi hlip teh" țial deuh hian a rawn ti niah niah a,.... "i muhil nange, ka hmu vek dawn che asin?" ka tia, "nibawk si?" a ti ringawta... "Awle, tiin khumah chuan ka mut rem te te a, a puan silh tura ka tih chuan ka khuh leh te te a, Hmulemlo chuan a kawr vual zipper a zak zawna awm chu ka phel sak hmasa te te a,. "hey, khatah khan phelh rawh?" tiin a mal lam chu a khawiha.. Ka kut zuk khur thei hial a.. kawr hmawr chu ka zuk dapfuh ve ngei a, ka hlim chho ta țial țiala, a mawngah atang deuh a, ka pawt deuh sawka, ahmel țha lutuk chu ka en pah renga.. Ka hlim chho thui zela, a hnute zawnah chuan a darin a delh vangin a tang leh deuha.. a darah ka nawr kanga ka hlim thei leh maia.. a lu ka thlenga ka chawi kanga ka phelh chhuah sak ta a.. Ka thlan atla bat bat thei hiala..a che sat sat a, lehlam a hawi ta daiha.. Ka nuih aza ang reng kher mai, tun țum ka zin chu ka buai dawn chauh niin ka ring tlata, Light ka off saka, sitting room lamah mu turin ka chhuah san ta nghala..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:21 pm

OOM NO.207
Episode-4

Zing ka harh chuan ka sana ka en nghal vata Dar 8 lai alo ri tawha, Engtia harhlo zawk nge ka nih ka hrelo.. Bedroom kawngka chu a inhawng hiau tawh a, A chhuak ta daih aniang a?" ka ti rilrua,.. Kum 25 a upa mahni tawka chak leh hrisel țha intih ve lai tak kani a, Mut ka duhloh tehlul nen ka harh thei miahlo chu mak ka ti viau..keini ang rual mipa zing tho hlim boruak chu mipa chuan kan hre vek ang chu maw.. a awm tawhlo bawka tiin ka tho va, toilet lama inthiar turin ka kala, Room ka luh rual chiah chuan Towel chhip chhuan bawk chuan bathroom ațang chuan arawn chhuak ve chiah a.. Ka inhmup rang kher mai.. Mahse ahmu hmanlo hlauh niin ka hria.. A nui ringawta... Toilet ah chuan ka lut ta daiha..

Ka inthiar zo chu bed room ah alo awm tawh lova, ka intifai te tea, chumi hnuah ka chhuak phei ve ta a.. ka mutna chu alo thlep meka, bathrobe chhing lam deuh malte khuh ngawr ngawr chauh a ha a, "i lo tifel duh anih kha" ka tiaț "I mu tui bawk em?" a ti a, Dawhkana ka lehkhabu dah chu a la kanga a en thuaka "He Novels hi ka chhiar chak ve țhin khawpa, Breakfast ka ko a, a lo thleng țep ang" a ti zui zata, a sawi zo hman chauh tihah Room bel chu a rawn ri nghal tlang tlanga "Room service" a rawnti a, kawngka chu kava hawn saka, Breakfast a rawn ken chu dawhkan ah adah a, a chhuak zui leh tanghala..


"Malsawmkimi ka nia, Mali emaw Kimi emaw min timai țhin vai ho hi chuan alam awlsam zawk Kim minti mai țhin" thingpui chawk rak raka min pek pah chuan atia, inhma chhawna țhu kan ni a, "Sangliana ka ni e" ka ti a... "wow, ava tawi nalh ve, enge hetah i tih dawn a?" a tia, breakfast atana an rawn chhawp sooji danglam deuha an siam chu a hawp zauhva.. "Computer Software Engineer ka nia, Vawiin ah hian Meetingna ah Paper ka presenrt ve dawna, Nang hetah enge i tih a..?" ka tia, "Ka zin khawthawng mai mai, chu i ti ropui dawn khawp anih chu englam thil nge nia?" a tia, Dawhkana ka laptop hun chu ka la a, ka hawng zung zunga, "thil hote mai mawle, Construction Company Department etc ten mawlmang deuha an hnathawh tur an design na tur ani deuh ber mai, Autocad hmanga kan tih hi a detail viau nangin duhthu asam chiah lo deuha, Hetah hi chuan Estimate siamtluk tluk angai tawh lem lova, an hnathawh tur Estimate body kha an duhdan angin data in ah dah ang a, Chutah awlsam takin alo in chhut chhuak ve zung zung tawh mai dawn ani.. A sam khai bakah an building designed emaw Bridge, Road etc engpawh kha 5D in a rawn tarlang thlap thei tawh dawn ani.. awlsam taka sawida chu Work Construction Design Software ani mai" ka ti duaha, "hei hi tu duan chhauh nge nia?" a tia, "ka tihpalh vanga siam chhuak ka nih hi" ka tia.... kan nui dun veta nge nge a.. Kan ti ti dun zela nimin lama Lengpui ațanga Delhi kan thlawh dan te ka sawi luta za em em hian a nuia, Lengpui dai ah pawh khan Nepali emaw ka ti daih tawh che... Miin an tive țhin tho che em?" a tia..a nui hak hak renga..

"Ka nu hi Nepali a nia, ka pa erawh Mizo, Mahse ka pa diktak ani chuang hlei lova" ka ti a, a nui lai chu angawi hmaka, "tak tak maw? ka tih palh aw" tiin inthiamlo deuh chuan a awma, "Inthiamlo duhsuh, mi pawn min ti fo ania, kapa tak tak hi a boral tawha ka pa țhianpa Er.Ramliana chuan ka nu hi a nei ta tawpa, keini nufa fahrah tur chu a remtilo niin a sawi, Nau 3 ka nei tawha hmeichhia vek an ni nghe nghe" ka tia, min en renga "ipa chu engtia boral nge nia" a tia, "Ka pa Țhianpa kapa nita nen hian Mizo School ah khuan an kal ho țhina, Inkawm nasa hle bawk, ka pa te hi Bawngvulh an ni țhina, Ka nu te pawh an ni tho.. Ka pa chu bawngvulh tui ve heklo ka pu phallo chung Chu Bawngvulh leh lehkhazir chawlhsanin Workshop lamah mechanic a zir ta daiha.. Kum 2 hnuah tuna kapa hi SDO ah kai sangin kapa chu Driver-ah a thun a tuma, Mahse chutia thun atum mek lai chuan Motor khaltu awmlo in Pitar awmna in a su tur chhanhim atumna lamah Motor nen khamah an liam ta a, Na deuhin a inhliam na viau a, A thih hma deuh hian kei leh ka nu chu lo ngaihsak turin ati a, Chuti chuan min rawn ngaihven reng țhina.. Kum 2 hnuah kapa lung phun anih hnuah ka nu nen hian an innei ta ani.. .. Kapa boral lai hian Kar 1 leh ni 2 chauha upa ka ni awm e.." tiin kan chanchin ngaihnawm loh zet chu ka hrilh ta veka..A mittui a hru zauh chu ka hmua..


"Nizan kha enge thil awmzia?" ka tia, boruak thlak ka duhvangin... "Nia, kan țhian ho kan inhmu khawm alawm le" a ti maia.. Eng eng emaw kan sawi țeuh hnuah Ka insiam ahun tawh bawka tiin ka inbual fai ta nghala.. Ka thuamhnaw nawh tir chu ka inbela, Ka vanneih phawta ka influance vek thei anih chuan Millionaire em chu nilo mahila India rama Under 30's ah chuan hlawh hnem ber ka ni thei thung ang.. ka thil tih tur hi Company leh Sawrkar tan ațangkai dawn em ani.... Hemi hma hian Billing Sysyem ka lo duanchhuah tawh pawh a concerned department an tlem deuh mai pawh a an hmang nasa ve hle tho... Motor 6 leina daih chu ka hlawh phak tho anih kha maw?.. ka tia.. Tichuan, ka duhtawka ka insiam fel hnuah ka laptop back chu akin conference hall lam pan turin ka chhuak ta nghal a..


Nileng deuh thaw in kan meeting a.. Chawhma Dar 10 țan ani a, He programme hi NIT of India sponsored niin ka Programming Software hi Pro.Tech Designing Software tih ani a, Keima duanchhuah ve liau liau ani nghe nghe, Khawvel changkang zelah Construction company lam ten țangkai taka an hman theihnan he software hi ka duang chhuak ve a.. He soft ware țhat leh na em em chu kha an thil siam Building, Bridge, Road etc engpawh an siam kha a engemaw thilah lo chhe palh emaw lirnghing emaw vangin lo chim tase, a satu Company in an contract hmuhna Department etc a an design software pek luh hmang khan an thil tih kha enlet sak vek theih ani dawn tawh tihna ani chu.. Chuvangin Govt.Of India chuan tuna kan conference hi kan neih zawh hnua Company lam ten an company, Department etc Represented te hnenah training ka pe leh ang a, Chumi hnuah India Sorkar in Cheng Maktaduaih 50 in min lei sak tawh mai dawn ani..Ka fimkhur em avangin hack theih loh tawp chu nilo mahse hack tur chuan beih ve fe angai ngei ang.. Kan meeting zova, Thingpui kan in zawh hnuah GOI in a rawn tirh I.T lama kan hotupa ni bawk leh kei helai hmuna ka kal theihna tura sulsutu Mr.Tandona nen chuan kan ti ti khawmuang riha.. Chumi hnuah ka room lam panin ka chho taa..


"Enge i an a?" nui sang chung chuan Kimi chuan minlo ti a, "Ka ti țha thawkhat chuan ka hria" ka tia, "Chuan engtin nge ni zel dawn?" a tia, "Ka lo nghak rih ang? Ni 3 hnuah 2nd Meeting kan nei leh anga, Tichuan kan zo tawh ang.. Chuan Kar 2 chhung Trining ka pe ang.. Mahse company in Hamara desh Sorkar hnenah hman an duh leh duh loh an theh luh dan azir ani mai.." ka tia, "Chuan Company tan chuan hman duhlohna chhan tur a awm em?" a dil chhut phian, a keah nail polish a hnawih hlarh hlarh pah a, "an tan chuan țha leh țhalo ani a, a țhatna chu an sum hmuh tur diktak sawh hek awm miah lovin an la thei dawn tihna ani a, an sum hman turah hlep tur hisapa țham țhen hnu a hnathawh ai chuan a hlawk fe ang.. Mahse a țhat lohna chu an company hnathawh kha an thawh zawh hnuah a tawp fel der tawh dawn lova, soft copy kha an thawhna department in an vawng țha reng thei tawh si a, an hnathawh kha lirhnghingah ahim tawk em tih te, kum 50 daih khawpa tlo ani em tih thlengin an en zui thei reng tawh sia, Company tan lost buk ve theih tho anih vangin.. " ka ti a, "a țhat chu company diklo deuh tan chuan a țhalo ngawt ang.." a tive maia.. Bathroom ah ka luhsan ta riha..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:21 pm

ROOM NO 207
Episode -#5

Khua athim chiangta tih ah ka insiama ka țhiante Rei tak ka hmuh tawhloh Parvin, Pran leh Basanti te nen dinner ei turin 5.5 Restaurant lama kal ka tuma, "Khawnge i len dawn a?" a rawn tia, ani pawh alo nalh leh nasa tawh mai bawka,. ka rilru te te chuan " nang hi i service țhin en ni le aw?" ka ti a, "5.5 Restaurant ah ka țhian hlui nen Dinner kan ei dawn a.." ka tia.. "ani maw?.. kei pawh chutah chuan date tur ka nei alawm.... Kan inhmu dawn nia, min lam tur an rawn kal tawh si a" a ti nghal zung zunga... Kawngka lam pana a kal chu ka en renga a mawngbawr insawi na na chu hmuh a nuam țhin kher mai..


Thian hlui inhmukhawm tih taka kan hlim hle mai, dinner kan ei pah chuan ka ti ti bawrh bawrha.. Parvin hi South Indian nula ngo tak pawh nilo, hang chhia ni bawk silo, hmaifang țha deuh mai a ni a, Kan zirlai ai khan alo thau deuh tawh zawka.. Pran hi Delhi tlangval diktak niin apa hi Collector Officer ani a, Tlangval inla vehvawh tak mai thluak țha zet mai ani..Basanti hi Lucknow lam chhuak mi khawsa thei pangngai tak chhungkua ațanga lo chawr chhuak a nia, Lehkhathiam tak niin tunah hian U.S.A ah M.Tech zirzawm tumin a inbuatsaih mek ani awm e..


"Hey, țhiante u Mr.Deepak Mundal rawn hruai saw tunge ni a, avan hmelțha kher em?" Pran chuan a rawn ti sur sura,.. Ka hnung lam chu a ena, "ka hrelo, Eng hnam nge ni ang, Nepali nge Korean ni ang" Parvin chuan alo tia, Basanti chuan min en ralh pah chuan "Hey, Sanglian (Sang tih hi Vansang tiha sang anga lamrik tur, Lian hi chu Burlianpui kan tih a lian anga lam rik thung tur") Mizo nula anih saw?" a tia, "khawiah maw?" tiin ka țhutna ațang chuan inher meuhin ka en ve ta nge nge ... Ka thil va hmuh chuan min ti phu zawk mai,... Chu an sawi mek chu Ka room luahpui Kimi alo ni rengmaia..


"Aw Mizo nula anih saw, tunge Mundal chu?" ka tia, "Khawnge i awm? Indian i nih loh pawn film industry i hreve ngai miahlo anih loh chuan Mr.Deepak i hrelo chu mak ka ti" Pran chuan a tia, "Enge chu chuan i sawitum nia?" Ka tia, "Englo, Tunlai Bollywood gossip te hi i hrelo anih chuan ka hrethiam ang che, Ka sawitum chu tunlai Bollywood film lar zawng zawng 80% hi Mr.Deepak a director na hnuaia hlawh tling taka chhuak vek ani awm asin.." a ti ta duah a.. Chutih lai chuan kan awmna zawm chu an rawn kalpel ve chiah a, In ngaihzawng an ang khawp mai...


Kan ep chiah a țhutna reserve table lian hemhawm ah chuan an țhua, an țhu vel hman chauh tihah Film industry a mi langsar tak tak nia an sawi ho chu an rawn lut ta zut zuta, Chu 5.5 Restaurant a awm tupawh mai chu an phawklek zo vek emaw tih tur ani.. Ka țhiante 3 pawh an bang biklo...ka thiam ve tho mai, india mipui 99% zet hian Hindi Feature film an ngaihven ani a, Ka țhiante pawh chung zinga pakhat chu an nive tho si ani..Ka ngaihsak duh lemlo, ka hawikual vel mai maia, kan dinner chu ka ei malh malh a, ka țhiante erawh chu Thlalak buaiin an buai ani ber...


Zan dar 10 dawnah Ka room ka thleng tawha, Kimi erawh alo la haw lo thung, Kha nula khan Vai alo kawp reng anih dawn kha, avamak zozai em...ka tia, Lunghnur deuh chuan ka țhu zawi renga...Reitawk ka țhut hnuah Inbual turin Bathroom lam pan ta a.. Ka Inbual chhungte chuan ka mitthla ah Kimi film star ho in an chibai nak nak lai chu a rawn lang uai uaia, ka thin alo rim ve em em ringawta... Engemaw hriatchhuah zawk ka neia... Ka inbual fai sawk sawka, Ka inthlak fel hnuah ka țhianpa Thlalai Nun tih chanchinbu editor Z.D Dengțhuama chu ka be pawp ta nghala.

" Hello, I zinna hmunah in mut har vanga mi mulai phone kher" a rawn ti nuah nuaha "Mipa mut ala hun hleinem, i leng haw chiah anih kha" ka ti a, a nui huk huka... "Enteh țhianpa, thil ka zawt duh deuh che a?" Ka tia "i tihloh dan ani hleinem" alo ti awlsam thena... "Mizo nula Malsawmkimi, Mali emaw Kimi emaw an tih i hre ngai em?" ka ti a, "E.. Chu chu enge, hre ngai e,, Hmelțha deuh leh pian nalh deuh kha em ni?..Zotlang nula anih kha, super model ani bawk,,ka hriat sual loh chuan tunlai hian Bollywood lam Director ten an hel deuh niin ka hria" a rawn ti ta duaha... "Deepak Mundal nen zanin khan ka hmua, an inkai deuh riala" ka ti vata, "wow, khawiah maw?...Deepak Mundala film thar tur "Nana" tih film ah an sawm alawm.." a ti ta mai.. ka mel deuh awrh awrh in ka hria.."Engmaw i sawi, a dik tak tak maw?" ka ti hu a, "aw nimin pawh khan min rawn contact a sin" a rawn ti a, Khaia, ka ti rilrua "Hetah Hotelah kan awm duna" ka tia, a phawk nasa hle..


"Engmaw i sawi?" a ti a, a hmel turawm ka mitthlaa ka nui tut tuta, "Hetah Delhi ah Hotel pakhatah kan awmdun alawm" ka tia..."Ha ha ha... tunah khan in awmdun emaw ka tia lawm.. nepa... kha nu kha bekbawr hnaih ka chak țhin teh asin" a rawn ti a, "Khum kan ințawm lo deuh chauh ani" tiin kan chetsual dan chu ka hrilh ta mial mial a, "Naktuk tuk ah hotel dangah kei emaw amah emaw kan insuanchhuak ang... Amah zawk hi ani ngei ang.." ka ti a..."Nepa, kei ni la, ka chhuah hauhlo ang.." atia...



Kathianpa thusawi chu ka ngaihtuah leta Mizo nula chutiang kan nei chu ani a, kan valo ropui tawh tak em, Nakin lawkah chuan India ram hi kan la al hneh ve viau ngei angle... Keimah pawh vannei ka intiin țhiante ngaihven leh hmelțha an tih ngawih ngawih hre lovin kei lah chuan ka lo uichuang en ve mai mai a, Milar ani tih ka hrelo tlat te chu mak ka inti angreng khawp zawk a, ka nuih aza angreng viau mai. Chutih lai chuan kwngka chu a ri rak a, A rawn haw ani maw?? tiin a rawn luh hmain Tukverh varanda ah chuan pawnlam hawiin ka lo ding vata... "Hello, Darling, Hei kan Director tur Mr.Deepak hi han hmelhriat teh" Kimi aw chuan a rawn tilut a, tuchu ti nimaw? ka inhera, ka bulah rawn kalin ka banah min kaia "hei ka sawi ang angin awm rawh" a ti sar sara..."Engah chuan maw?" ka tia, min pawh deuh salh pah chuan "engkimah" a tia...


"Hello Mr.Sangliana, nice to meet you" Deepak chuan a rawn ti a, Kei pawh chuan chibai bukin ka chhang ve nghal zata.. He nu hian min bawlzam ani.. Engthil nge atih ni.... Ka ban chu a kuah rana, zalo deuh deuh chuan a nui lui vela... Eng eng emaw kan sawia, kan ti ti bawrh bawrha.. Rei vaklo hnuah chuan a hawng veta nge nge a... Deepaka a thlah zo rawn lut leh chu a rawn nui lut var vara... "Ka lawm lutuk, I Awmlo ang tih ka hlau leh hnuhnawh" a tia,..."Enge khatia i rawn tih ringawt le" ka ti a... Sofa a țhut pah chuan "Huisss, ka tihloh chuan thil afello thei tlat a lawm..Amah kha i hria em?.. Deepak Mundal anih kha, Bollywood tlangval Putar hausa anih kha, Kum 50 ani rawha, Nupui ala neilo nia... Min beisei deuh dawn sia, Pasal ka nei tawh Hotelah a awm" ka tia, ka chibai tal ang" ati zel sia, hrilh lawk che ka hman tawh silova ka rawn țhawng thut mai che anih kha... " tiin min hrih siam siama... "Ka che zeilo zo vek alawm..min țhawng thuta.." ka tia..."Nia, Delhi i cham chhung chu i nih char char angai tawh ang, Duhlai" tia min nuih pahin room lamah chuan alut zui nghala.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)