NOTHING....BUT....LOVE... BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

Re: NOTHING....BUT....LOVE... BY Tochhong Ruata

Unread post by Ngaia » October 30th, 2016, 3:50 pm

NOTHING....BUT LOVE...FIVE (JUNE) LAST CHAPTER


Postby Tochhong Ruata » Wed Oct 26, 2016 11:48 pm

Radhika nen ka intawn leh hnu atang chuan tumah dang reng reng ka rilruah a lang thei tawhlo...Midang han ngaihven san ngial ka tum pawn ani lo chu rilru ah a awm thei tawh silo, ka hna lamah rilru ka seng nasa deuh bawk nen Becky nen phei chuan kan inhmu ngai meuh tawhlo... State hrang hrangah ka zin kuala, Kan hnathawh mek leh kan la thawh zel turte nen lam kan buaipui angai reng bawk nen a buai theih ang reng khawp mai...Chutih laiin Mahesha nu nen kan inkar ah par alo chhuang ve mek bawk si nen Ka thiante pawh engmah ka hrilh ngam chuanglo...An ni lah hnaah an buai em em reng bawk si...Vai kan tluklohna em em chu kei hi a hmingin Chairman ah min dah ve mai mai ani a, Mahse engkimah min iksikna engmah awm hauh lovin kan kalphung tura ka duhdan te chu min zah sak em em reng bakah kei chu hotu ber ang tak takin min en thin... Kan Group dan kan duanna ah 'Chairman chu a tling tawklo emaw anih ngawt loh chuan Kum 5 hnuah Members te vote laka thlan that ani chauh anga., an tlinglo ani tih Members te atanga hekna emaw a luh chuan Chhui zuia, an tlinlohna hmuh dan azira thlak chhoh an ni ang' tia dah thlap ani bawk nen thawh that loh a hlauhawm em em laiin ka tlak chu kei aiin an hlau zawk emaw tih tur khawpin min backup tha thin ani... Mizo ze tam zawmah chuan Mahni rank pui emaw Mahni zawlpui te kan aia lu leh thil tithei an nih chuan an tlinlohna kan zawng ru ngar ngar thin ani a, an ni ve thung chu chutiang engmah a awm ngailo...kan thawk ho tha em em reng ringawt mai ani..


"Boss, Nimin chu Radhika Miss nen kan inhmu a sin" Krish chuan a rawn ti a... "ani maw?...Mumbai ah enge a tih teh daiha..?" ka ti a..a zin tur min hrilh lawk vek tho nangin hrelo anga ka awm a ngai tlat ani..."A Business chungchang ah ani awm e...Fapa alo nei tawh leh nghala.." a ti a..."Anih chu....eng business nge a khawih taka?" ka tia..."Architect lam bawk mawle...a nulat lai aiin a nalh zawkin ka hria.." nui chung chuan a rawn ti a..."Ka va hmu ve chak ve..?" ka ti fiamthu hluta..."Remchang ala awm mai ang" a ti a...reife kan inbiak hnuah kan hna chanchin kan sawia, kan ti ti leh duaha...Mumbai a kan project thehluh Sawrkar laipui lamin min pawmsak tak thute, Chu hna chu thawh dan tur te ka hrilh in kan sawi duna..A rang lama boad meeting neih a tul thute kan sawi a.. kan inbiak duah hnuah kan titawpa... Ka rilruah Mumbai zin ringawt a lang ta tlat peka.. kan hnathawh tur crore 500 chuang man enfiah pah a kal ngei chu ka tum ta hlea...Phone ka la a...Radhika awm chen tur ka zawt te te a...ala awm deuh dawn thu min hrilha.. kal ve turin min sawm nghal bawka..kan inbiak zawhah ...Ticket ka book nghala...chumi tlai la la chuan chhuah ka tum zui ta nghala...


Mumbai Taj hotel Reception dawhkan hmaah ka ding vang tawha..."Room No.360 ah reservation tih anih hi ka pu" nula chuan min tia... Chabi min pek hnuah chu room lam pan tur chuan ka kal zui ta nghala....Room kawngka ka hawnga, A dai ruih maia..Pindan kawngka ka hawn chuan Miss Radhika chu mutkawr dum Victoria Secret ngat nen minlo nghak reng tawha...engdang mah kan ti hmasa lo, kan inbelhbawm chawta kan tul nghal mawlh mawlh mai ani,...kan thuamhnawte lah chu thil hnawk tak ang maiin kan phelh zung zunga, khum kan thlen meuh chuan kan inbel tawh manglo.... Mipa leh hmeichhia in hip tawnna chak zia hi sawi in a siak lo...Engmah in a dang zo lo ani ber mai...A zin leh zin loh lamah a in nghat lova, a hlut dan leh danloh lamah a in nghat heklo... a nawm dan a ngai renga, a hmelhmang danglam miahlo mahse a hrehawmloh dan angai reng bawk...Engkim mai chu anih dantur ang hi ani nghal thlap veka, in remlo leh han in pelhsawlh deuh eih pawh a awmlo, a inrem nghal thlap vek mai ani...


"Mahesh enge a an??" ka ti a..."A dam alawm...apa bula awm a chak tawh khawp mai...engtin nge kan tih dawn?"..."aw..apa nia a hriat bulah lungawi takin a awm em maw tia?"....nui hak hak chungin "a pa diktak bula khawsak a chak em a lawm" a ti sapa..."anu hian a chak zawk a nilo maw?"..."Nia...Zau...awm hrang tawh lova awmdun ka chak takzet tawh ani... Khawvel hi a zau duh emai" a tia..."Mahse....engtin nge kan tih chuan ang, I pite in remna kha?"...ka tia..."Ka pite in remna chu kan tlingtla tawh a lawm, Nang nena kan inkara min dal theitu engmah a awm tawhlo..." ...."Putar Baba kha" tiin a tuibur hmuam tawng tulh tulh ang chu ka zir bawka..."Engtik lai mahin Sanjeev hi a duh ngai lo, kan chhungkaw zahawm nan chiah a ti ani mai" ....."Chuti anih phei chuan kei chu min duhlo hle dawn anih chu" ..."Nilo nang chu angai na lutuk che...mipa diktak niin a sawi che a sin..."....ka nuia..."Engkim hi rem vek ni tur chuan Sanjeev nen in inkar hi a fel phawt angai ang chu" ...."Eng hunah pawh ka tifel thei reng alawm".."In thuthlung kha?"..."a zo vek tawh...Ka tih tur ka hlen chhuak vek tawh...i kianga ka awm vat loh chuan ka ngaih angam theilo...i chipui min neih san daih ang" ...."Kei chu Kristian ka ni si a..?"..."Ka inpe ve mai ang...engthil pawh nise ka hmangaina vang che chuan ka ti thei vek a lawm....Mahesha birthday lawm zana ka hmu thut che kha...ka van phu ropui tak em...rawn kuah bawrh bawrh che a...rawn hauh nghal mawlh mawlh che ka chak kher asin.....ka mualpho teuh ther ther khawp mai" ....ka nuia..ka fawpa...min chhang vata..kan hna ngaia lut leh turin kan theih ang tawkin kan in sawngbawl leh ta miah miah a...



A thukah kan hna ah ka buai nileng thaka...ani pawh a hnaah a buai nileng ve thak bawka...Phone in kan in be zauh zauh a...Tun ang em em hian Miss Rade hi ka ngai ngailo....Engmah ti lova nileng maia khum laizawla chenpui ka chak veng veng ani ber...Ka thil tih laia ka rilru ka pe theilo lek lek thin...Ni a rei duh kher mai...Krishna nen engkim kan tihfel vek hnuah Ka thlenna hotel lam pan turin ka kal zui nghala...Krishna in Dinner ei pui tura min sawmna pawh ka hnawla...Mak ti hmel zetin min en dauh dauh a...Kei chuan "Chhungkaw thil pawimawh tih ka ngai a lawm le..." ka ti ve maia..Min hrethiam taksi...min hrethiam lutuk silo in min kal tir ta nge nge a...


Hotel ka va thlenga..."Sir Madam khan hei hi lo pe tur che in min ti a.." Receptionist nula chuan envelop minlo pe...lawmthu ka hrilh hnuah kan room lam pan chuan ka kal zui ta nghala... Room ka luta...Rdhika bungrua engkim mai chu alo awm ta hauhlo...ka hrilh hai kher mai...Hei vang hi aniang he lehkha hi alo hnutchhiah" ka ti a.. ka thinrim lek lek a...Phone number hrelo pawh a ni lova, min phone hmasa lova chutiang a ti chu ka haw kher mai...Envelop chu ka hawnga...ka buna....Lehkhathem 1 leh Chabi 1 a rawn thla a...Chabi chu ka en vang vanga.... a vawnna lai hlai deuh bikah chuan 'Z&R' tih a inchhua..Lehkha chu ka en vata..."Palm Beach House No.2401...." tih zawng a lo inziaka...ka hrethiamlo kher mai...Ka phone dawna...'Busy..." tih msg ka dawng zel bawk si...Ka inbual fai te te a... ka bungrua ka rem fela...Taxi ka kova...Plam Beach lam pan chuan ka tlan ta tawpa...Aurangzep port ka thlenga, Speed board pakhat ka hire leha...Palm Beach awmna tak tak Island awmna lam pan chuan chak zetin kan tlana....Chutah Sakawr tawlailir lo ding 1 chu ka hire leha.."House No.2401" ka ti a...min en zak zak pah chuan sakawr tawlailir khalhtu chuan "Gulliver Manson ah maw?" a tia...ka bu ve tawpa....Tichuan Tuipui kam zai zaia kawng lung phah chhuah vek ah chuan kan tlan ta trak trak a...Km 3 vel kan tlan hnuah kawng chho deuh ulh lutuk silo ah kan tlan leha...Gate lianpui lo awmna kan thlenga, Tah chuan kan tlan luta...Kawi kan dak chiah tihah In lianpui mai var vo mai leh a kawt vel chu Awmze nei taka cheibawl....mawi em em mai chu kan pawh ta hlawl maia...Gate kual chungah chuan thir vek hian "Gulliver Mansion" tih alo in far kulha....pawisa ka pek hnuah in lam pan chuan ka kal ta nghala...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:50 pm

Kawngka chu Vanram kkawtchhuah a kawngkapui tiat lawng nimai awm a mawi ani...a mawiin an chei nasa hle...Kawngka kik na 'Knocker Ring' chuan kawngka chu ka kik dut dut a...Rei vaklo ah chuan Putar pakhat hian a rawn hawnga...min en vung vunga..."Mr.Zaba..i ni em?" a tia...ka bu nghata..."Lo lut rawh, Miss Rade pawh a rawn thleng tep tawh ang.." a ti a...


Chu In chu a ropui rep rep khawp mai, Hmun tin mai chu Kum engtik lai atanga sak nge niang tih tur khawpin a hluiin a hnum hlurh vek maia, Bang cheimawina te reng reng pawh chu tunlai thil ani lo chiang khawp mai.... In chung panna kailawn kual zui maiah chuan kan kal a...Room pakhat lo awm chu a kawka..."Chabi khan hawng rawh....Bawnghnute ka rawn pe ang che" a tia..

Chabi min pek chu ka phawrha, room kawngka chu ka hawng taa, Room chhung chu alo thip deuh ruih maia, Kawngka ka khar leh rual chuan a rawn eng deuh nghal ruiha, Kawngka luh chiah dinglam sira plug switch awm chu ka hmeta, a rawn eng ta uar a...Room chhung chu a zau thain a lo pui khep khep khawp mai.. Chhuat ah chuan woolen carpet vutduk rawng a inphah dup maia, Parda lian pui pui rangkachak rawng lam lek lek a inzar khup bawka...chhuar in hung a awm miah lova, Bangah kawngka a awm thluah thung...Khum chu room lai takah chuan a awm durha, a bial pup roh lehnghal, Khum chungah chuan Lukham shape hrang hrang a bial, amum sawl etc a awm a, Bed sheet ah chuan satin puan senduk a inphah a, Khum chu khum pangngai aiin a sang deuha, lawn kaina niawm takin a hual chuan a indawh kual vek bawka...Chu khum zawn ah chuan Stainless steel kual a inkhai a, mamawh huna pawh thlak mai theih turin lace var nal deuhin a inkhai uai bawka..a pawh thlakna leh pawh zipna hrui hrual a uai bawka...Khum lu lam bangah chuan lian zet hian kan 3 ( Mahesh,Kei leh amah) thlalak lemziak thiamin an ziah a intar kulh bawka...Engtianga khitiang lo ti hman nimaw?...Khum zawn ah chuan Home theater lian zet mai bangah a awm bawka...Luxury room diktak ani...Parda chu switch control hmanga hawn vek anih bakah tukvek pawh uluk taka security nen a tih vek ani bawk...Air condition anih bawk avangin a nuam ruih ruih hle...


Khum bul ah chuan dawhkan te a awma, sofa seat nawm hmel deuh a inhung bawka...Tin, Khum bul maiah chuan weaker seat nawm hle deuh mai a awm bawka...Room sir kil khatah chuan toilet a awm a, a bul chiah kawngka chu bathroom kawngka ani thunga, Bathroom chhung chu ka luta, a zau hem hawm hle, ka tehkhin ber chu Rome ho hunlai a an public bathroom leh Steam room an siam ang deuh kha ang ka ti ber...a lai takah chuan bathtub chhuatah an siama, Feet 6 square vel awm tur hi ani a, a thuk lutuk hmel loh...a fim kuk a...duh duh huna tui tih lumna a awm nghal nghe nghe bawk...ka in phelh sawk sawka bathtub ah chuan ka luta, rose par pawh tilh an thehdarh nuaih nen tuiah chuan ka inchiah ta vang vanga..


Tuia ka inchiah dar dar lai chuan room ah chuan rawn lut thawm a awm a, ka ngaithla renga...rei vaklo ah chuan Miss Rade chu a rawn daka...a nui var vara...min rawn pan hnai zela..Salwar senduk embroidery a ha a..."I thlenna a rei tawh em?" a ti a.."Rei lutuk love, I rawn thleng cchiah em ni?" ka tia...a tho tharha...Bang lam chu a pana..bang lawng mai mai a maw ka tih chu a hmet zauha..a inhawnga...Zu chi hrang hrang leh no a lo intlar thliat thliat a...."Enge i duh?" a rawn ti a..."Martins" ka ti a..a thlia.. min rawn pe a..no ka dah rual chuan ka man bet thuta a inrin hmain ka pawt lut nghala, a thuamhnaw hak lai nen a rawn pil bawrha...a nui hawk hawk a huh hliam chung chuan kan inkuaha...kan infawpa....a thuamhnaw kan hlip pah bawka,.....kan inbual faia...kan hlim dun kher mai...


Ka kap kalaka...ka hma-ah a thu a..."Hei hi enge a awmzia?"...ka tia..."He in hi ka pi in ka pasal nei lawmpuina atana min pek anih hi,....Sanjeev bulah erawh ka sawi lo thung...."a ti a..."Putar khu tunge?"...a sam chul sak pah chuan ka tia..."Ka naupan lai atanga engkima min enkawltu Pi Santi pasal Pu George anih khu...Pu G kan ti mai thin, Kristian an ni lehnghal mawle..."a ti a..."Anih Pi Santi chu?" ka tia..."a awmlo em ni?...khawiah emaw a chhuak lawk a niang" a ti maia..."He In hi Kum 1900 chho lai vela sak tawh ani a...In neitupa hi Mr.Gullivera an tia...Sap pachal lemziah thiam tak, architect nibawk ani...a insak hi ropui tak ani...Ka Pi khan a awh thu a sawi fo thina...Ka pa in a kum 80 tlin lawmnan a leisak ani...a to khawp mai" a tia..."Room a thlak te saw?"..ka tia...a inher vata...ka Idea tha i ti em?...Pu G-a ka ziah tir anih saw...I hmel awmdan ka sawia, a ziak ang viau lo maw?" inti thei deuh chuan a tia..."Thiam khawp mai, keimah chiah chiah ani" ka tia..a nuia.."Pu G-a hi Mumbai Police ten an mi hriatloh an hriat duh, thlalak an neih siloh mi hmutu an awm changa an hmel hmang ziaktu ani...an tangkai pui thin khawp a sin..." a tia....a vawt dawn tan avangin kan thova...Bedroom ah chuan kan luta..."Hei hi i thuamhnaw dahna (wardrobe) anih hi" tih pahin a hawnga, ka thuamhnaw tura min buatsaih sak alo khai dal maia...Kei hi thuamhnaw ngah ngailo, hakthlak 3 vel bak nei ngailo,, Inchei uarlo tak, mahse ka lei chhun chu a tha thei angber leia, reivak lo hnua mi pea adang lei leh mai thin ka ni...Chutianga thuamhnaw tam chu ka la nei ngailo hrim hrim..."I tana ka tih anih hi, i duhloh chuan kan dahbo daih dawn nia" a ti sam eta.."Ka duh a lawm...ka ngainat zawng i hre hle mai" ka tia...Pyjama senduk leh Tshir var min laksak chu ka inbela...In fangkual turin kan chhuak dun ta a..


He building lian zet maiah hian Bedroom 6 leh Room dang 5 zet a awma, Bedroom 3 chu luah ani a, abak room 3 la awm chu Radhika Pi room leh a nu leh pa room bakah mikhual tana reserve ani a, Adang 3 luah tawh chu kan room tura a tih bakah, Mahesha room leh Pu George te nupa room atana tih ani..Heng bedroom te hi Inchung lama awm vek ani a, Abak room nga dang awmte chu ground floor lama awm ani thung...Guest room, Library, Gym, Dining hall cm Common room leh choka (Kitchen) te an ni thung.. Kawngkapui 1 bakah Fire exit door leh backyard lawn panna kawngka a awm bawka...Chu in hnunglam ah chuan Swimming pool 50x30 meters a awm bawk..Tin, Choka lam side ah chuan Lawn Tennis court a awm bawka, Thirlen sang zeta hung ani thung.....Engkim mai chu uluk taka duan ani tih hriat hle...In chung ah chuan Corridor awm phei zuiin veranda a pawh a, Chutah chuan Pipu chung nei a awma, khawthlir nan a nuam hle, Mumbai khawpui a lang pe ut mai ani...He Thliarkar zau lam hi Km 20 bial niin khawpui tenau ni deuh si Mi hausa in an chawlh hmanna In tha tak tak a awm thluah bakah Police Station (Outpost) a awm bawk...Palm thing hmun ani a, a boruak a nuam viau bakah lung hmun deuh niin min hlauhawm leh lei tawlh theihna mai tur hmun a awm meuhlo...Tuipui tui chu Pump niin an refine leh thlap bawka..Tin, tuipuia chen duhdan beach ang ve deuh a awm zui bawk...Veivah nan Bicycle leh Sakawr tawlailir an hmang nasa hle..He mansion sirah Pawh hian Sakawr dahna in a awma, Sakawr 3 lai an nei ve bawk...He compound chhung hmun tin en theihna CCtv dah anih bakah he thliarkar chhungah hian CCTV fuah vek ani bawka, Misual lakah pawh a him bik em em ani...He hmun hi a ralmuanna em em pakhat chu India Rama Sipai Lalber General Banglow a awm vang ani pakhat..


Dinner kan ei khamah Pu George te nupa nen kan ti ti a, Fiamthu duh tak an nih bawk nen an bula awm a nuam viau...Engkim mai chu an hrebel em em vek bawka,...an rintlak dun nupa viau reng ani....Zan rei tak thleng kan meng nghe nghe...Zing hma taka ka thova, Khawlai ah kan walk a, midang pawh an lo kal ve nual hlawma, a nuam in ami cheng ate an felfai bakah kutdawh hmuh tur an awmlo hrim hrim bakah Motor horn hriat tur a awmlo te chuan nunphung a ti nuam ve hrim hrim bawk.. Hnathawh vaka hahchawlh nan chuan duhthusam ani...Sap kutchhuak ani bawka engkim mai chu India ram niawmlo tak vek ni maiin a hriat, khawlai a fai em em a, hnawm hnawk, Bawng etc hmuh tur a awm lova, Sakhaw lam thil ah Kristian sakhaw chhinchhiahna Kross bak hmuh tur a awm lo bawk...Lunch ei zawhah Radhika leh Pi Santi chu Mahesh lam turin Mumbai ah an kala...Pu George nen In ah kan lo awma.. kan hna la thawh leh turte ka chhui zui bakah kan hna kal mek thenkhat ka buaipui pah bawka, Ka thawhpui te nen Phone in kan inbe deuh reng bawka...Sunday ani a, Midang chu an hna an chawlhsan thup anga, Cinema te enin emaw zin khawthawngin emaw an teichhuak ngei ang.. Mahse keini Company lian vaklo tan chuan hunawl neih a theih ve meuhlo ani...Chawhnu lam dar 1 ah Lunch ei hma lawkin an rawn thlenga.. Mahesha chuan min ngaina nghal mai bawka. Lunch ei khamah Cycle ka chuanpuia, Tui ka chenpui bawka...kan inkawmngeih nghal viau mai...

"Mahesh...I hming ka phuah ve ang aw?" ka ti a..."Aw...enge?"..a tia... Common room chhuatah ludo kan khel duna..."Peka ka ti thin ang che aw?" ka ti a..."Pekha..maw?"..a tia..ka nuia..."aw..Peka...i nu hrilh rawh aw" ka ti a..thuawih zet chuan a tho nalha, anu leh Pi Santi pangpar huana chetla chu ava pana, ka en renga..a nu bulah chuan eng emaw a sawi ni ngei tur ani Pi Santi nen chuan an nui hawk hawk a...min rawn en a..an lam pan chuan ka kal a..."Enge a sawia?" ka ti a..a bulah chuan ka thu a,..."Uncle Zauvan ka hming chu Peka ani min ti a tia" anu chuan alo ti vata..."Enge a awm zia...?" a ti ha bawka..."Pathian In min pek anih vangin Peka ka ti anih kha..."tiin a hming awmzia leh ka phuah chhan ka sawia...Kan nui ho dar dara...thutak deuh chuan "ahming thlak i duh em ni..?" Radhika chuan a ti a..."aw...Kan hnam hming pu tel rawhse" ka ti a..."anih chuan Court ah thlak angai ang" a tia...ka nui maia..."tunah thut thut ni love...Engkim a felfai thlap hunah ani mai" ka ti a..."Engtia tih nge i duh...Mahesh Sharma tih kha ani thina.." a tia..Sanjeev Sharma hming chawia sak loh theihloh ani ve bawk ani...Ka ngawi vang vanga..Mahesh Diya (Mahesh Peka) ka tia..kan nui ham ham a..."Mizotawng chuan Mahesh Vanlalpeka ani ang" ka ti ta a...


Ni khat leh Zan 2 hun kan hmang hova.. Sanjeev nen Inthenna lehkha tifel tur leh ahnathawh tur tifel turin Chennai lamah an nufa in an kal phawta, Kei Delhi lamah ka kal thunga...Kan 2 a kan sawi dun hnua kan thu tlukna chu "Keiin ka thiante bulah engkim ka hrilh ang a, Kan inneih hun tura kan ruat kan mutdun hmasakna ber ni ah chiah Inneih Party neih kan tum thu ka hrilh bawk anga..Ka Nu leh pa hnenah Radhika nen kan inneih tur thu leh Fapa ka neih thu nen lam ka hrilh anga.. Inneih hmang turin an rawn chhuk bawk ang...Ani ve thung chuan Sanjeev nena an inthenna a tihfel hmain Mahesh leh ka chanchin engkim A nu leh pa a hrilh anga...Sanjeev nen an plante chu mi hnuah Inthenna lehkha a tifel leh anga..Inneih kan tumthu bakah Kristian a in leh a duh thu a sawi bawk ang...Tichuan, He Hmunah hian kan chhungkua in kan cheng ho tawh dawn ani...Engkim a fel vek hnuah Mahesh hruaiin Mizoram lamah kan zin tawh dawn ani...Company in rem an tih chuan Company chawlhsana, Radhika pa sumdawnna Ziza factory changtlung tak chu amah Rade tana a hlan tawh chu kan enkawl dun tawh dawn ani.....Chutiang tur chuan huaisen takin kan kalpui ta hmiah mai ani... Heng zawng zawng kan tih chhan leh kan huaisen em em na chhan chu engdang mah ani lo...Hmangaihna vang chauh ani....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:50 pm

"Miss Rade fapa kha i fapa maw?...ka ring dik ani...i mitmeng leh i hmui bawr chiah chiah a ni" Krish chuan a tia.. min en ha bawka...Anup chuan engmah a sawilo...ka thusawi chu ka hovin a lo ngaithla a, a nui deuh sung bawka...Kan thil tum ka sawi zar zar hnuah "Kan Company pawh ka chhuahsan angai dawn ani" ka ti ta a..."Engmaw?" an ti rual thawta...ka banna lehkha envelop a khung chu an hmalam a nawr phei pah chuan "Company thangduang tak enkawltu nih ka tlin tawhlo...Ka nupui fanaute enkawl ka ngai tawh si a...Hming hliau nasa tak ka ni dawna, Company lamin a tawrh phah theih dawn vangin min hrethiam dawn nia" ka ti a..."Nilo...chu leh kan company in Inzawmna a neilo, Engkim hi nangmah vanga hlawhtling vek ani asin" Anup chuan a tia..a tap deuh pur bawka....Krish thung erawh chuan paper chu a chhiar nuap nuapa..."Nia, Board meeting i koh angai anih chu...vote hmanga in ruat kan ni bawk si" a ti chuar chuara... Reife kan inhnial bab bab hnuah Board meeting koh phawt kan ti tlu ta a..


"Zau...a mak lutuk"...Phone atang chuan a rawn ti a..."Eng chu maw?" ka ti a..."Engkim hi mawle...A kal tluang em em vek...Kapa chuan ka industry chanpual tur enkawltu atan a dub ber che a nih chu....ka ti fel vek tawha..Mahesh pawh ahming ka thlak fel vek tawh e..." a rawn ti chula... ka lawm kher mai..Kei lah Board meeting ka la hmabak reng mai bawk si a.....Ka chhungte ka hrilh tirh chuan mak an ti ngei mai..kapa a thinur lek leka..mahse a hrethiam ve leh maia..ka fel thawkhat tawh nangin Company board meeting in minla hmuak bur mai thung...Chubakah Abeki hnenah engkim hrilh ka tum bawk...

"Hello...Zanin chu Zanriah kan kil dun dawn em ni?...Royal Restaurant ah khan aw?...Zan dar 7 ah ka rawn lam ang che" tiin Abecky chu ka bia a...alo phur nang maia...Kan huntiam ah ka va phur chhuak thlapa...Motora kan chuan dun laite chuan min ngaih hman zia leh min ngai ve ringawt chu mak a tih thu te chu hlim em em in min hrilh pah zar zara....ka ngawi reng ringawta..engmah ka sawilo...kan dinner eina tur kan thlenga, fal deuh bika ka table book ah chuan kan thu dun khara..Ei tur kan ei zawh hnuah Desert atan Vanilla Icecream kan hawp duna...Chutia kan hawp dun malh malh lai chuan "Abeck thil hrilh tur che ka neia..?" ka ti te te a...phur hmel deuh chuan "Englam thu nge?...lawmna tur lam ani ngei ang" a ti fel faka.."Nia...englo ania...November 24 khian Nupui ka nei dawna?"...ka ti a...min en bial nghal kala...mahse a reilo..a hamhaih chhung...."Wow...ka lawmpui lutuk che" a ti a..a aw ah insum tih a hriat theih..."ka lawm e....Ka thian i ni a, i lakah ka zep reng theilo ani..." ka ti leh a...a khur niin ka hria..."adik a lawm...tunge neih i tuma?"...min tia..a aw a thian leh kharh bawka..thuisik a in pawpa..."Mr.Sanjeev a fapa kha i hria tiraw..?" ka tia..."tehdaih chuan, i nupui neih tur emaw i sawi dawn ka tia..."" a ti a..."Nia...a dik alawm...Kha mipa naupang keimah ang i tih em em kha..ka fapa diktak anih kha.." ka ti ta a....a no ken lai a thlauh keh chuaia...phawk em em in min ena...Mak tihna hlirin a khata...."Eng...eng..maw..?" a ti bah nuaih a..."Englo ania..." ka tia..a no tihkeh chu an rawn thian nghal vata...ngaihdam kan lo dil chula..."Hawn ka duh" a ti khur dar dara..."Awle.." ka ti a...Bill ka tihfel hnuah kan chhuak dun ta a...


"Keimah in ka haw mai ang" a ti ta tlata... kan inhnial fe hnuah ka thlah chu a duh ta hrama... kal lama tawng duh deuh kha angawi ta tlata...reife hnuah "a zialo khawp mai...min hrethiam dawn nia...Enge chutiang thil chu anih theih zawka?" a tia..a ziaawm deuh tawh niin ka hria...Miss Rade nen kan chanchin chu ka hrilh ta malh malha... "Khami zan khan Fapa ka nei tih kA hre ve chiah.." ka tia...a nuia..."Ava mak ngai em?" a ti ringawta...Ka sawi zela..Sanjeev nen an thuthlun te...Menaksi kha Sanjeev farnu ni lovin a bial nu anih zawk thute ka hrilha..a tap pur tawha...ka sawi zawh hnuah "Zau...i vannei lutuk...Rade pawh avannei...Hmangaihna vangin engkim huaisen takin in kalpui ve ve theia...In inhmangaihna anga Hmangaihna nghet chu tawn ve ka duh khawp mai" nui chung chuan a tia ta a...


Kan tum angin engkim a kal tluang veka..kan inneih Party ropui tak leh a tuka Mr.Baba nen Silai kan inkah siak dante chu nuam danglam tak ani...Min lo hawlo nasa mai hi alo ni a..kan inkara hmangaihna par chhuak chu a vuldun zel bawka...Company lamin min ban phal silo...Ziza Factory enkawl ka ngai bawk nen hunawl ka nei tlem khawp mai...Mahse kan factory chu tlemin ka kalsan thei deuh zawk.,..Ka nupui duhtakin a enkawl theih vangin.....Chennai ah an awma, Kei Delhi ah...Thla tawpah Ni 3 leh Zan 3 hun hmang ho turin kan In manto ah kan haw khawma... kan hlim thin khawp mai... buaithlak ber mai chu.... Mahesha'n Uncle min ti tlat chu ani...Rei ngial ka beih hnuah vawi 3 chu kapa min ti ve tawh...ka theih tawp ka chhuaha...a tawpah "Thianpa (Buddy)" kan inti thei hram bawk...Pu Baba ka tlawh zauh zauh thin bawka...Bawnghnute kan sawr dun thina..kan ramvak dun bawka, Bawngek kan thiar vak vak thin bawka.. Factory ah zan dar 11 thleng te hna kan thawk dun leh zauh thin bawka..kan in zura phian ani... Chutianga hun kan hman chhoh zel takaah chuan Kan Khumlaizawl hnathawh rah pawh alo lang chhuak ve taa...Radhika chu a rai ve pang tawha...Fanu neih ngei kan tum kher mai...



"Hello....Mizo maw?..."...chu aw chuan min ti hlauthawng kher mai...Pu Baba aw khur dawt dawt ri a ni tlat..."Enge..? Baba?"..ka tia..."Radhika a awm tawhlo....Nausen erawh a awm" ka bing nghal mup mup mai...."Engmaw.?" ka ti tuara...Ka hma a thu Anup leh Krishna chu an phawk dun hra a...Phone ka chhang thei tawhlo...ka tap nghal hawk hawka..."Hello...Mizo...Mizo" a tih ri chu ka hre viai viai...Anup chuan ka phone dah chu a chhang nghal vat...an inbiak zawh chuan a chau ve rawih niin ka hria.....Ka tho lawka...Ka insiam rawk rawka..."Pv.J, ka mamawh (Private Jet) ka tia...Anup chuan Krish chu alo hrilh mek bawka...Anup chuan phone a be kual nghal zung zunga..."I.A a awm e...Kan hman hun hun ani mai" a ti a..."Krish Company ah hriattirna chhuah nghal rawh" Anup chuan a tia...Bell a hmet ria..Secretary Dalma lo lut chu engkim an hrilh nghal zzung zunga... Minute 30 a liam leh meuh chuan Kan company leh Mizoram lama ka chhungte zawng zawngin an hre vek tawh...News ah an tar chuai chuai bawka...Keini pawh Chennai panin kan thlawk chhuak der tawh...


Kan Fanu tur ahmingah pawh June Malsawmdawngi kan tih tura kan sawi lawk vek tur pian nan Kar 1 bak kan nei tawhlo... Chutah Factory ah pawh kal lovin In ah Radhika chu a awm mai mai a... Mahse Inchung step atangin a lum palh hlauhva...a thisen a chhuak hnem hle...Dawmdawiin an thlenpuia..Naute an zai chhuak hman hrama..a boral zui nghal...A fanu a nghahhlelh em em chu hmu hman lovin a boral ta anih ber chu... A ruang chu ka en renga..a mitko a tohna duk raih leh a thuina ser kang mai chu ka fawp ngawi ngawih renga...a tukah ka chhungte an rawn thlenga.. Mumbai lamah kan phur leha...Gulliver Mansion tih nithin, kan Nupa hming chawia ahming kan thlak 'Z&R Palace' kan tih hmuna a pangpar huanah kan phuma...Sailungvar kross nalh lutuk mai 6ft a sang kan phuna..Chutah chuan Tawng chi 4 zetin "Bengchheng siam suh...Ka duhtak tahhian a zal ania" tih kan ziak kulh bawka...Khawhar takin kan pafa 3 in a nu thlan chu kan nghak ta ani.....a khawhar thlakin a hrilhhai thlak kher mai...Rin aharsa em em a...mahse ani miau bawksi....Mumang nise...thanharh thuai thuai a chakawm duh kher mai.,...Nitin thlanah ka kala...ka en ngawih ngawiha..."Buddy, anu hi hetah hian a awm reng dawn tawh ami?"...tia..Mahesha'n min zawh changte chuan chhan a harsa duh thin khawp mai....Aboral hnuah vawi 1 mah Pu Baba in chu ka tlawh leh tawhlo...


************


"Hey, Zauav, i dam maw...inva bawr ve?"....tiin ka hnung lam atang chuan min rawn bia a...ka inher vata...

"Oh...Abeki...nirenga...i dam zawk maw?"._..

"ka tha alawm...in haw chho ve dawn em ni?...i fate ami anva hmeltha dun ve?...errr..hei hi Mahesha kha ani maw?...ava lian tawh ve..?"...

"an nih ve hi...i ti lawmawm e...Nang i haw chho ve dawn tihna em ni?"...

"aw....ni e...Krismas ka hmang chho dawn anih hi...nangni zawk?"...

"Nia..Krismas hman kan tum ve anih hi"


"I nupui chanchin kha ka lo hria a...pawi ka ti khawp mai..."

"Nia...tihtheih dang awm heklo le...Enge i thlawhna?"...

"I.A....nangni zawk?"..."Kan in ang anih chu...kan inthurual chho leh ang chu mawle"

"nia...Mahesh...i nau hming hi tung?"...

"Peka...ka nia......June anih hi..."...

"Oh..Sorry...June maw...Peka...ahming ava nalh ve...Kum engzat nge an nih ve tak...?"...


"Buddy hi kum 7....June hi kum 2 an nih ve hi"


"Beck..ka hman tawh e..." Mipa aw hian a rawn ti a...kan en vata..."Ehe....Ramfangzauva ni renga....i dam maw?"...

"Ekhai...Buata chu i dam zawk maw..?...hetah enge i tih teh daih.."


"Nia...Hei Upat lamah mi duhloh kan chhar fuh ve hlauhva...January thla khian kan innei ve dawna..Becky nen hian...Bazar pahin ka rawn hruai anih hi..."

"Mizoram thlawm tur te checking neih tur ani" Mike ah an rawn ti dum duma..."Kan la inhmu leh dawn nia..." An kal zui nghala...."Buddy khapa kha i hria em ni?"...


"aw...School kan kal ho thin a lawm...Police Officer anih kha..."


Becky chu a rawn hawi leh hrama...ka lo nuih saka...Za vaklo chuan a nuia....a kun lapa...a mittui a hru zauh niin ka hria...Airbag min khai saktu ka driver leh Pu George te chu kan bye bye a...Checking nei tur chuan kan pafa 3 chuan kan kala...Peka'n bag ak chungin hma a hruaia...June ka kaia..kan airbag ka hnuk pah bawka...Becky chu a rawn let leh hnawk hnawka...."June...ka lo pawm ang che chu" a rawn ti a...Min melh zak zak pah chuan a ban ta reuha.....Becky leh June inbe mawlh mawlh paha kal chu ding meuhin ka thlir zui vauh vauha....Kei Zauva Consultancy Service pvt.ltd owner leh Chairman nibawk, Radhika Ziza Factory Onwer leh Director nibawk Pathlawi chhang chhe zet mai chu ka nui suka...Ka fapa kal hnak hnak chu ka umzui ta nghal a....



The End...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)