NOTHING....BUT....LOVE... BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

NOTHING....BUT....LOVE... BY Tochhong Ruata

Unread post by Ngaia » October 30th, 2016, 3:44 pm

NOTHING....BUT....LOVE... One (Miss Radhika..)


Postby Tochhong Ruata » Sun Oct 16, 2016 8:36 pm
A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Tochhong Ruata
All rights reserved
www.storyfb.com



Buzzzz....buzzzz...buzzzz...buzzzz...

Ka phone vibrate ri chuan min ti harh zawka, Ka alarm clock chu ka en vata Dar 8:45 am... a lo kawk vung tawha... Alarm kha dar 6 ah ka kam ve ngei a, A rawn bengchhen vak khan ka beng tawp bura ka muthilh san leh daih alo ni a... Ka alarm ri ka ben hlum zawh hnuah khan phun nuah nuah chungin ka tho ve ngei khan ka hria a.. Class ka tlai țep tih pawh ka hria....chutah hmai pawh phih hman lovin class kal turin ka tlan hlawk hlawk ngeiin ka hre bawka... Mahse chutia ka phone riin min tih harh leh takah chuan kha ka alarm ri ka tihtawp te nen ka mumang lamah ka lo la cheng zui ani tih ka hre chhuak uar uara.. Phone chu ka en vat a...Class ka tlai lohna tura alarm ka set chu alo ni a...


ka inperh tho vata, bathroom a kal turin towel, toot brush, soap te nen ka phek chhuak nghal dawr dawra..... Bathroom ah chuan ka tlan lut rawk rawka...Dalip Singh pawh keimah ang thovin phak luai chungin a ha alo nawt phuan ve suah suah a... "Hi morning" tiin a bulah chuan kava ding a "hmm hmm hmm.." alo tive mai bawka...Rang mang khengin ka innawt sawk sawka..... Ka room ațanga ka chhuah leh meuh chuan Dar 9:10 a ri vung tawha... Chhaih raw vawiin hi season thara kan class neih hmasakna ber tur ni ani tawha, kei hi ka tlai kum tluan leh dawn tihna em ni ngai... ti rilru chung chuan Inhnuai panna step ah chuan ka tlan thla dawr dawra... Dalip Singh a auto a chuang tur chiah chu ring mang kheng chuan "Hey, Dalip...Ka duhve" ka ti tham țuaka... Nui vur vur chung chuan minlo nghak ve mai bawka..


Kan Hostel ațang hian kan institution ( kan University) complex chu minute 10 dawn tlan ani a "tinge i va tlai ve tho ve?" ka tia..." Nia, ka nuam sam lova, class țhulh ka hreh bawk sia, ka kal lui ta tho anih hi" a tia... kan in anglo kher mai... ka ti rilrua... "Ava zialo ve, enge na ber che a?" ka ti leh hrama..."Ka pum a nuam chiah lova, kan breakfast ei kha ani ngei ngei ang" a ti niah niah a.... "Hey, class i ngaih pawimawh vang em em pawh a nilo ang, New comer hmelțha i hmuh chak vang mai mai ani ngei ngei ang" ka tia.. Zalo deuh chuan a nuia..."ka fiamthu lo, Super pawn min hriatpui vek a lawm" a ti a.. kan in anglo leh ta...Kei chu chhuanlam tur engmah a awmlo.... ka thawh tlai vang ani tawp mai.... "A hrim hrimah Hetiang College ah nula hmelțha te i beisei reng reng, a teuhlo mai, State tin ațanga rawnkal Hmel leh piana eizawng tur nilo tih hriat ngawih ngawih, Engineer an nih tawp loh chuan engmah beisei an nei lo tih tur khawpa hmelchhia an rawn kal khawm mai mai țhin a lawm...." a ti zuia..ka nui hawk hawka... a ni pawh chu a țhen ve sek seka..


Institution kan thlenga mi an lo awm reh țhap tawha, hman hmawh deuh chuan class room lam panin kan kal dawr dawra... Class room kan thlen chuan teaching pe in lecturer a lo ding reng tawha...Lecture chu mithar a ni hlauha...Engmah sawi lo chuan kan lut tlang nghal tawpa...."Hello, rawn thleng thar te kha?" tiin kan țhutna tur pan lai chu kan zirtirtu thar chuan a rawn tia...Kan țutna kan thlenga kan țu ve maia..."Khawngaih takin in țhut hmun ațang khan in ding thei em?" a rawn ti leh hrama.. ka hrelo der ngiala ka hawichhuak duh lo lui viau nangin chutia a rawn tih leh takah chuan ka hawi chhuak ve ta a.. Dalip chu alo ding vang tawh thunga...

Kan lecturer thar chu ka beisei ang ani ta hauhlo mai, Kum lamah pawh upa lo tak hmelchhe lo zet mai alo ni ta tlat peka...He Institution a kan lecturer te hi chu kum 40/50 chin chunglam, experience nei tak tak tawh mahni in ringtawk tak tak vek an ni hlawm tlangpui a, Tuna kan mi thar erawh chutiang hmelpu chu a ni miahlo thung.. Kan Madame neih vete chu thau mawng lian tak tak, Sari kaih hnulh hnulh vek mai an ni hlawla, nula kan neih chhun te pawh pian vang deuh hem hum rit hmel deuh deuh an ni tlangpui..Chu mithar chu chung ang chu a nive miahlo.. a inkaithli zaiha, sam sen lam lek lek sen uchuak ni silo, hmel invuah fuh zet mai ani a...Sari a kaih ve ngei a, Mahse a inhmeh over mah mah zawk. Chiang zet chuan minlo en kal maia... Ka țhiante ho chuan ka hamhaih hmel an hmuh chuan an nui deuh tet tet hlawma.. ka bula țhu Anupa chuan zawi te hian "a chhelo teh ania" a lo ti supa..

"In va tlai ve, harsatna in tawk tihna em ni?" zawi fiah raih si chuan a ti nawn leha... A aw te chu ava mawi chiangkuang tak em....Min deng dawt ni maiin ka hria..."nia.. Miss Principal hnenah ka hrilh sa a.." tiin a problem chu Dalip chuan felfai takin a sawi maia..."okey Mr.Dalip Singh i țhu thei ang" a tia...Dalip hi ka hnuai hnuaih leh a țhu ani a..ka lam chu a rawn hawi chho va... "Duhtak, nang enge i problem nive a?" a rawn ti thawp sata... 'Duhtak....' a ti ri chuan ka țhutna ațang chuan min len chhuak lawp niin ka hria...Ka huaisenna leh ka intih ve khengkhawngna zawng zawng chu min hnawlbo sak vek ni maiin ka hria... "Englo..Maam...Englo.." ka ti nuah nuah a.. "Enge englo chu?..." a tia ama ho chuan an nui hak hlawma..."Englo nizan ka mu tlem deuh a lawm le..." ka ti lawi ruta.. "chuan zing thawh i hai tihna em ni" a rawn ti a... " aw... ani deuh ber, chubakah..." ka ti hman chauha..."Chuan" a lo tia... a hmel ah chuan min lawm hle tih a hriat... "Chuan Mr.Dalip hi ka buaipui a" ka tia..an thum deuh haka...Dalip chuan nui țhu chungin min rawn ena.. ka lo siai zauha.. "Chuan" a rawn ti leha.."Chuan tihian kan rawn tlai ta ani.." ka ti a an nui ta ham hama..


"Awle...Kei hi Mr.Choudury ai ka rawn kal lawk dawn a, Humanities/Social Science in History of Architecture (Ancient and Medieval Period) Subject ka rawn la dawn a, Ka hming chu Radhika Minavaraputam ani a, Raadhi emaw Rade tiin emaw min ko thei ang... Mr.Choudhury Six month Training neiin USA ah a awmbo hlanin kan inho dawn ani.. Final Course kan thlen hmain a rawn kir leh hman dawn ani..." a tia.. kut kan beng dar dara..Chutah class a la țan ta a... Class a lak lai chuan mit tlalo lekin ka lo ena, a sari kaih khuh phak loh deuha a nak nem lang var haih maite chuan mit a tlung kher mai, Hetiang em em hian Tamil nula naran (Milar ni lemlo) zingah an awm thei ngai em ni dawn ni ka ti rilrua, White board ah thil a ziaka a phar vel laia a sari tla deuh kara a dul nem var nalh lutuk te chu mit a la khawp mai... Hetiang nula slim leh pian nalh zet mai hi vai ho duh chi zuk ni pek lova, Thau mum deuh nelh nulh an duh chi zuk ni tlat peka...Ka laptop hawng chuang silo chuan ka lo en dauh dauh a, Chutia ka en reng chu amah pawh chuan min rawn hmu a, a nui deuh saih ringawta....Vawi 2/3 lai min rawn hmuh takah chuan a sari siamțha pah chuan "Hello, Mr.Latecomer i laptop a chhia em ni?" a rawn tia, an nui dar dara... Ka sen deuh ap apa.. Ka laptop chu ka hawng ve taa..


Class banah mi an chhuah sup sup hnuah ka chhuak ve hnu hnua, Miss Radhika chu ka pan hnaia...a dawhkan ah chuan lehkha them ka daha..."Enge nita?" nui chung chuan a rawn tia.. "Ka hming" ka ti ringawta.. a rimtui ham ham hle mai..."Sorry" tih pahin ka lehkha pek chu a en a.. "Mr..Ja...Java.." zeilo deuh chuan a tia..."Zauva.." ka lo ti vata.. "Zaba."..."nilo...Za..a.u..va.." ka ti charh charh a..."Za..a..iu..va..Zaubha" a ti leh hrama...min en a...ka nui a hmuh chuan confuse tih hriat zet chuan "A diklo em ni?" a tia.. "Dik chiahlo..." tiin a lam dan chu ka hrilh leh a.. "Zaauva.." pai deuh chuan a tia... "Correct" ka lo ti vata..."Eng hnam nge in nih?" min ti ha a..."Mizo...NE side" ka tia..."Mizoram maw...ka hria a lawm...." atia....Laptop chu a kenga.. "Mr.Java...kan kal thei tawh em?" a tia..."Sure..." ka tia.. kan inzui chhuak ta hnak hnaka...


"I character ka en a, Topper i ni maw?" atuka kan class ban chuan a tia..Ka nuia..."achangin" ka ti ringawta.. "A țha..." a tia...kan inzui chhuak leh taa...Chutiang chuan nitin class ban apiangin ka chhuak hnuhnung bera, min nghak emaw tih turin a inkhung muang ngei ngeia.. kan chhuak rual tawk chiah zel... Kan inbe tam lemlo nangin "I țha maw?" tih emaw talin kan inbe ziaha.. A nelawm em ema, min ngaina ve hle niin ka hria...... Nikhat chu Class lak zawhah engemaw Tihfel ngai ka neih avangin ka chhuak hmasa dawna... "Mr.Java...Biak lawks che ka duh.." a rawn ti a.... ka ding a.. midang chhuah zawh hma chuan engmah sawilo chuan a inkhung fel malh malha..an chhuak zo ta tih ah..." Enge chawhnu i tih dawn?" a tia..."Engmaw..?" ka hamhaih chuan ka ti vata..Nui chung chuan "Chawhnu lam enge i tih dawn?" a ti nawn leha..."Engmah ka ti lovang" ka tia.."Week end test tur i zir dawn lo em ni?" a tia..." Zir lovang, ka huphurh lemlo" ka tia.. phawk hra chuan a menga..."Engmaw i thiam tihna em ni?" a tia.. ka nui a..."Ni love.. zirna hun dang ka nei ka tihna ania...Enge nita" ka tia... "Eng ni love, Min chhuahpui hman em ka tia" a ti ta aa.... Huis... pheichham ka man ani ringawt mai......."aw.. lutuk.. khawiah!" ka tia...Nui chung chuan "Shopping Mall ah kal ka duha.." a tia... "Awle.. ka lawm khawp ang chu" ka ti a..."Office ah thil tihtur ka neia, ka kal mai dawn asin" ka tia..." awle... Lunch ei zawhah aw" a tia.."awle... khawiah nge ka lo awm ang" ka tia.... "Boys hostelah i awm tiraw?" a tia..."aw..." ka tia...." Gate ah lo awm mai la...taka... I țhiante 2 vel hruai tel tur i hria angem?" a tia...Kan 2 chauhin romantic tawkin kan chhuak dun dawn emaw ka ti hman a..."ka hrelo le..." ka tia.."pawi chuanglo.." a tia.. Ani Lecturer common room lamah a kala.. kei Office lam panin ka kal zui ta nghala..


"Zauva,... Baba khan a hrilh che em?" Anup chuan a rawn tia.. "Eng chu maw?" ka ti hu a.. "Miss Rade bazarpui tur chung chang kha mawle" a tia.. ka nui saka... ka kal lovang tih a hlau hle ah ka ngai a..."Hrilh e..." ka tia... "Kan hman vek tawh ania" a tia..."What...?" ka tia..."Miss Rade kha Complex ah in a luah lawk dawna, bungrua kan lei pui angai alawm" a tia... ka zuai rawih ni maiin ka hria..."awle.. ka hman nghal" ka ti zuai raiha..Kei mah chauh min ti emaw ka tih laiin midang pawh kan warden hnenah alo dil ani ngei ang..... Mahse midang chu warden hrilh an ni a, kei chu Ama hrilh ngei alawm ka nih...tiin ka inthiam chawp ta a..


Mall ațanga kan haw chu kan bawr lak lak khawp mai...Inchhung bungrua leh ei tur hrang hrang kan kengbawr luk hlawma... Kan Institution hian Main Building awmna hrang daih ni mahse Hostel (Boys and Girls) bakah Lecture te awmna Quarter chu Complex hmun khatah kan awm ho veka...Mahse a inhlat ve angreng... Kan compound hi zau țha ve tak ania, Girls hostel nen phei chuan kan inhmu phak lo hrim hrim... Veng 1 tiat deuh lawng a zau ania..thing a awm thluah a, kawngpui nuam tak a awm zui bawka.. Len khawthawn theihna hmun nuam deuh a awm bawka... Nitlak hma leh zing nichhuah hma deuh hian Kan walk sup sup țhin...


Miss Rade Quarter luah tur chu a fal deuh nalh bika...A hmun a nuamin pangpar a tam viau nghe nghe..A in chhung velte chu kan singsa fel a... Carpet uluk deuhin an lo phah diam tawha,.. a bungrua te chu an rawn dah hnawk nuaih bawka.. Chungte chu kan rem fel sak hlawma.. Architect zirlai rual kan ni bawka thu kan duh tlang hlawm hle...Decoration chung changah kan inhnial deuh bab bab hlawma.. kan nui hnem tlang hle bawk... Miss Rade chuan Salwar pawdal a ha a, a inhmeh khawp mai.. a sam kir kawi deuh chu duhdah deuhin scarf in a țawn tawma.. ka lo en leh dauh dauh țhin... Class room ah chuan Lens a vuah mai mai alo nia, In lamah chuan Spec a bun thung.. Ka lo en dauh dauh lai chu min rawn hmu leh zauh țhina, kan in nuih ringawt zel...Dar 7 dawnah kan zo fel thei hrama..Theitui sawr fresh deuh mai kan in hova.. kan hmuipuipu Anup leh Krishna an inhniala kan nui leh ham ham țhina....Kei chuan Miss Rade chu no senghawi velah te ka pui bawrh bawrha..Chungte chu Anup chuan min rawn kap pah zauh țhina.. "Maam..Zauva hi i lakah a luangliam nasa teh ania, Nizan pawh a room bula ka kal laiin i hming a lam mawlh mawlha... a room kawngka a kalh bawk si lova ka hawnga ka bih dek deka.. a muhil alo nia.. A mumangah a hmu che niang" a tia... kan nui ham hama..... "tak tak anih chuan ka lawm khawp ang chu" a tia.. min ena.. min melh dan chu a pawisawi lo melh hle in ka hria...... Hlim deuhin zan dar 8 dawnah kan haw san ta a.. Mizo nula nise an awm ngamlo mai thei.. Mahse Miss Rade chu amah chauhin a awm ngam tlat... Thar Jeep dum tle hlarh mai a kawl teh tlat bawka.. Ui Golden Retriever var nalh zet mai a kawl bawka..a hlim tawk hle niin ahriat....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:44 pm

"Zauva, Miss Rade nen hian in inkarah engemaw tak aawm niin ka hria.".Anup chuan a tia..ka nui a.."Nangmah chiah Bazar pui turin a sawm chea.. midang chu Mr.Babu a hrilh chawp kan ni" a ti zui leh zata...ka intithei rilru hle... "Kei chu Miss Rade hi a cher ka duh chi ani lo" Krishna chuan a rawn tia.."Kei pawh.. Maam Swami ka duh zawk" ti velin aan ri nak nak hlawma.. Kei chuan ka lawm zawk tih reng an hrelo... Tuman țha min tihpui lo mahse ka pawi tilo khawp mai...Ka duh em em chuan ka hrelo, Mahse ka star ru em em thung..Min duh se chuan ka duh ve viautho chuan ka ring... Engemaw chang chuan ka lo ngaihtuah veng veng leh țhina..chuvang chuan duhlo tawp chu ka ni biklo...Amah lah hi ala naupang ru viau lehnghal... Keini Kum 23na kan hmang ve meka, ani pawh kum 27 lek ala ni nghe nghe... Amah hi Tamil nula diktak niin Chennai khawpui bul hmar lama Km 60 chuang zeta awm ani a, a awmna hmun ațanga rawn kal ziah tur chuan a hla mah mah niin a sawia, chuvanga rawn insawn lut rih ani...M.Tech.. anih bakah Ph.D timek result nghak lai ani nghe nghe... Lehkhathiam tak mai ani a.. Kum 17 lekah College a kal der ani awm e.....Apa hi Farmer niin Leilet zaupui mai an neia.. An family hming Minavaraputam tih pawh hi 'Lo neitu' tihna ang vel ani.....



Midang zawng aiin min ngaina a... Kan walk dun zeuh zeuh bawka.. A lehkhazir laiin Mizo (tuna Department officer ni lai mek) țhenkhat nen an zirho tawh thute Mizo zia chu nelawm tak, frank leh zalen tak kan nihna te chu angainat thute min hrilh țhina.... Engmah ka bulah chuan sawilo mahse min ngaina tak tak niin ka hria..Class bana ka kalsan deuh chang pawn tlaia kan walk emaw in min chhuahchhal leh zauh țhin..... Ka batch mate te pawn min fiam zauh zauh țhin bawka.. Keini 2 pawn engah vak mah kan ngai lemlo......


Nikhat chu Friday ni class kan nei zo chu kal mai tumin ka inak luah tawha.. min rawn mit mei zauha..nghak turin min ti tihna ania... Kalo ngaka... "Java (min ko thiam dan aih vangin ka ngawi liam mai mai tawh) Monday Holiday ani a, kan khua ah Holiday hmang ang hmiang" min ti ta ringawta...Holiday ani tih ka hresa a, Anupa te nen Goa kal kan tum deuh kha ania.. Mahse chutia min sawm tak ah chuan ka hamhaih deuh hlek bawk nen "nia..Anupa nen zin khawthawn kan tuma?" ka ti daiha..."oh..ava pawi ve... keimah in ka haw mai ang" a tia... "aih.. Miss, Englo.. ka țhulh san thei tho alawm" ka tia..."Ngailo...kal rawh u" nui chung chuan a tia..." Nilo..Miss... Ka lo sawipui ang...In khua ah chuan kal kan duh zawk ang!" ka tia...nui hawk hawk chung chuan..."Khawia kal nge in tuma?" a tia..."Goa..lamah kal kan tuma.." ka tia...."Ticket in tifel vek tawh ang chu" a tia..ka ngawi renga..."Holiday hman nuam le" tiin an room lam ah chuan a peng zui ta nghala..mawl ka inti kher mai...Engvangin nge kan zin tum kha ka sawi chhuah kher.. sawi chhuak lo i la, ka țhulh san mai dawn asin...ka ti rilrua...

"Anup...Krish...ka room ah meeting ang" tiin an TT khel lai chu ka ko a... angaihna hrelo zet chuan min en ha a..."Eng lam maw?"...Krish chuan a tia...Pingpong chu a vawr nalh nalha...Ka laksak a...Midang lo nghaktu te chu ka pe a...(Senior Most kan nih tawh avangin kan lal tawh hle..) an 2 chuan ka kuaha.. an thlan nal zuk tawha..."Kan direction kan thlak angai" ka tia.. ka room lamah ka hruai chho zui ta nghala...

"Enge nia?"..Ka room kan luh rual chuan Anup chuan a tia.."Goa lam kal kha cancel angai...zanin dar 10 ani maw kan chhuah hun tur kha.." ka tia.. Miss Rade phone number ka ziahna ka zawng nghal rawk rawk bawka..."Engvang chuan maw?" Krish chuan ka face towel a hmai hruk pah chuan ati a..."Hey, tinge i hman ve ngawt" ka tia.. chhuhsak chu ka tum chuang lem lova..."Miss Rade in an khua a zin turin min sawma.. kal zawk ang u.." ka ti ta a...mak ti zet chuan min en a... keiin ka en reng bawka...an in ena... an nui tawpa..."Teh tlat chuan, nangmah a sawm che a.. kan kal ve anga maw?" Krish chuan a ti leha..."aw..kan vaiin kan kal ang" ka tia... "Ngawiteh...Goa ka la kal ve loh kha?" Krish chuan a ti leh a..."A pawi khawp mai... 1st Evaluation test zawh ah kan kal dawn nia..a season zawk" ka tia.. Krish chu zalo deuh chuan a nuia..."Anup...enge i ngaihdan?" ka tia..."Nia..Krish....?" Anup chuan a tia... Krish hmelah chuan a lungawi nge awilo pawh ka hre thiamlo...chutah a face towel a min vawm pah chuan min rawn kuah a.. ka kumah chuan min keuh tlua..."I promise em?..." a tia..nui chung chuan "Promise" ka tia...min thlah zuia..."Engtika chhuah tur nge?" Anup chuan a tia.."Kan bia ang e?"ka tia..."engmaw?..." an ti rual țhawta... kan inbiak dan chu ka sawi thuak thuaka... Chumi pah chuan miss chu ka call nghal bawka..." Hello...Miss... kan Direction chu kan thlak a" ka ti nghal tawnga.. ka number a neilo tih lam ka ngaihtuah lemlo... "Tunge...enge a awmzia...?" a rawn ti buai naka..."Keimah Zauva... in khua ah chuan kan rawn kal ve dawn" ka tia... nui hawk hawk chung chuan "I țhiante nen maw?" a tia... "Aw...engtika chhuah tur nge?" ka tia.."Ka chhuak hman țep asin...tunah" a tia..."Kan insiam nghal e...Minute 10 ah kan zo vek ang" ka tia...nui hawk hawk chung chuan "Main gate ah kan in nghak dawn nia...Motor i khalh thiam ti raw?" a tia.. "aw.. kan thiam vek.." ka ti a.. Ka țhiante chu zai zirin ka tur nghal a.. an ni pawh insiam turin an chhuak zui ve nghal mai bawka..... "awle....kan hman nghal ani mai" ka ti a.. kan inbiakna chu kan titawp zui ta nghala.....

End of One...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:45 pm

NOTHING BUT LOVE...Two ( Keval Pyaar)


Postby Tochhong Ruata » Tue Oct 18, 2016 10:25 pm

Campus main gate bulah chuan minlo nghak vang tawha,, Ranbir (a uipa) Nen Thar Jeep ah an lo awm reng tawha.. Jeans kekawr ngalrek thleng tight over silo a taksa lang nalh tawk vel tur leha mar nalh leh Salwar kamis vut rawng deuh lam aha a, snikers a bun bawka, scarf in a luh a tuama, sun glass a bun vang bawka inhmeh tak ani...keini 3 lah kan haklai bakah racksag kan ak leh tawpa, ka țhiante 2 phei chu an sam ala hnawng deuh chap hlawma..."In hman tawh maw?...hmanhmawh lutuk pawh a ngai chuanglo.. a hnai alawm" alo tia.."Nia, kan inbual leh rih a, Min rawn țhawng thut bawk si a" Anup chuan a tia, Miss chuan min rawn ena, aa nui seih a... "tunge khalh dawn?" a tia..Krish chuan "Kei leh Anup hetah, Ranbir pawh..." tiin back seat a lawn a rual nghala.. a faifuk raiha.. Ranbir chuan a zui ve nghal zata... kan nui tawpa... "Miss nangman khalh rawh" ka tia.. "okey...kan inkhalh chhawk dawn nia" a tia.. kan chuanga kan tlan chhuak zui nghal chu ani dera...Chennai khawpui tlan chhung pawh a rei ve fe reuha..Khawpui daia Filling station ah a dinga.. "Bazar in duh em?" a tia.. Anupa nen Inchhungah kan lut zui nghala...Ei tur leh kan mamawh tur kan lei nual bakah Beer case 1 ve ve kan khai chhuaka.. "wow...beer nen maw?..pawi love..." a ti a.. Tichuan kan tlan zui leh ta nghala...


Kawngpui a țhain National Highway ani bawka anuam par par khawp mai..Anup chuan earphone ah hla angai thla a ring deuh deuhin a zai vak vaka.. a zai lai ropui si kan nuih tluk tluka.. vawi 2 zet kan din hnuah "Khalh ve tawh rawh" min tia.. driver seat ah ka țhu ve ta zawka...Kan zing kawngah hian kan ti ti nasa khawp mai, kan zirlai chung chang te, History a an thiamna san zia te kan sawia kan hlim pui khawp mai...Km 50 kan tlan hnuah kawngpeng țhuam alo awma.. Dinglam side ah chuan kan tlan leha.. Km 4 vel kan tlan hnuah Lei sei vaklo meter 20 vel hi alo awma...Ni a tla dawn suar suar tawh bawka..."Hei hi kan khaw ram chin anih hi..." Miss chuan a tia..Boruak a dang zar mai bawka.. Kawngpui kam dinglam leh vei lam chu Leilet hmun vek ani tawha, Motor kawngpui lah chu a țha phian lehnghal.... Nitla turin buhtun (wheat) a chhun tle sut mai te chuan lung a ti leng rum rumin ka hria...Rei tawk kan tlan leh hnuah ralkhat hla deuhah Electric eng de sep sep kan hmu ta a.. "saw saw kan In anih saw" a tia.. an in awmdan chu ralkhat ațang chuan In 4/5 vel lai awm ang maiiin a lang..Khua athim tawh a, eng de bak hmuh tur awm heklo...Khua chu ani ve nangin Leilet zawl ah chuan kawngpeng a awm thluah a chung tawpah chuan eng a awm leh tawp țhina.. An awmdan chu an mahni ram ah țheuh an awma, in hlat tak tak vek an ni hlawm anih hmel, Khaw en laia kan hmuh danah helai hmuna cheng lo nei mite hi neinung tak tak vek an nih hmel hlawm nangin hnathawk kan hmuh te erawh berh ve tak tak cher chhe deuh deuh an ni thung bawk si.. ka hrethiam lutuk lo..... An In peng chu kan thlenga...Ding takin kan kal leh a.... Chutah kawt zawl zaupui mai kan pawh ta hlawla, Kawtah chuan Bawng tawlai lir hlui leh la hman lai ni awm tak te, Tractor lian 3 leh leilehna țractor niawm tak a te deuh 2 an lo awm bawka...


An in chu zanah pawh In lian tak ani tih a hriat thei.. a ding var vo maia..Chhawng 3 emaw lai niin ka hria.. ka hmuh thiam dan ber chuan temple emaw kulh bingsang emaw ni maiin ka hria... In chhip sang lai berah chuan light eng em em mai focus thui zet mai hi a vir kual deuh pup pup renga.. chu chuan an in leh a vel thui zet mai a chhun kual vek thei a..An In bul velah chuan in dang lian lutuk lemlo hi a awm thluah mai bawka...Kan din fel rual rual chuan Ranbir chu phur zetin a zuang chhuak nghala, a boh lauh lauh bawka.. In lianpui ațang te, a bul vela in ațang te chuan mi an rawn chhuak sap sap a... Miss Rade chu an rawn chibai liam liam a.. Tamil țawngin an inbe zat zat hlawma..keini chu kan chanchin a sawi a niang min chibai sap sap bawka... "Kal rawh u, inchhungah lut ang" a tia.. Inchhung lamah chuan kan lut ta diah diaha..


An In chhung chu ropui tak ani.. A var huau dawn emaw ka tia.. chutiang ani aw zawng lo.. Kan lut chiah a.. step ang deuh lo awmah kan chho a, Sitting room ni awm takah kan chhuaka.. Țhuthleng manto hmel zet zet a lo in hung a..Chutah chuan kum upa hmel deuh Pitar leh kan Miss Pa niawm tak palian leh chak hmel deuh Tamil inthuama inthuam hmuihmul kual ruih mai hi an lo țhua, a bulah chuan a nu niawm tak nu thau mum lam deuh hi a lo ding bawka.. Hmeichhe tleirawl 2 leh naupang 1 an lo awm bawka.. min rawn chiau au tu ber putar lam deuh chuan kan bag te chu min lak saka..Kan dinglr sira corridor ah chuan a phei pui ta daiha.... "Hei hi ka pa anih hi, Hetah hi chuan Baba an ti vek mai..hei hi ka nu, hei hi Dadima.. hei hi ka laizawnte ho" a ti zung zunga..."Hindi in thiam em?" Apa chuan a rawn tia.. "Aw.." kan ti rual țhapa.. a thoa.. min chibai a.. "in In angah ngai rawh u" a tia... Kei chu min en vung vunga.. Kan Miss chu a en leha..."Hei hi maw i sawi chu" ti niawm takin Tamil țawngin a zawta..an vai chuan nuihza hmel deuhin an awm chai chai a..pa ber erawh a tak run thunga...min rawn en leh a..."Arm wrestling i thiam em?" min ti a.... ka țhiante nen chuan kan hawi hai kher mai..."Kapa" Miss chuan alo tia...a kut a phar du a..."Arm wrestling i thiam em?" min ti leh a....Ka hawikual a... nu ber chuan a lu a lo thing na na a...(vai ho hian an lu an thin chuan keini kan bu nghauh nghauh ang hi ani) "aw...thiam e" ka ti ve ta hrama...."hetah lo kal rawh" a ti ta maia..... An hmel ka en chuan an nuih aza tih ka hre reng... fiamthu duh tak hre ngailo tan chuan nelawm loh hmel tak niin ka hreta a...Anupa leh Krisha nidanga pawt zuah zuah țhin lah an ngawi hmak a... an kimki duk mai bawk si a... Ka inti pachanga.. ka zui ve nghal maia.. Chutah center table chu a hnuk sawna.. chhuatah a țhua.. a hma zawn ah chiah chuan ka țhu ve a.. A ban hrawl zet mai chu a hlim lang tunga... a kiu chu a nghat ri dupa..Ka Inhlim sek ve te te a.. Chutah kan Inkutbuan țan chu ani nghal der mai.....


A chak rapthlak lutuk.. mahse chuti maia tlawm ka tum biklo... ka theihtawp ka chhuah ve ngar ngara.. ka kut chu a hum sa vekin ka hria...... Chutah a hma aia nasa in a țang leh sauha..ka kut chu a tlu teuh tawh kher mai.....Ka țang ve țang țanga... ka tluk tir duh biklo... Min en kuau mai bawk si.. ka țang kher mai.... Chutah ka mit chuan a hnunglam chu ka siai zauha... chutah a hawi let vuta, a inthla dul lai tak chuan ka țang thuta.. ka elh let veta zawta...."Hey" a ti tuara.. a bet chiahlo... mahse a bet teuh zawkah a țang tawh...."Țang rawh...țang rawh" tiin tleirawl nula 2 chuan minlo fuiha...... Ka theihtawp ka chhuah a.. ka elh ngat ngata.. a hniam țual țuala...a tawpah chuan a bet ta zawka....... An au dar dara.. amah zawk chu a nui ta kur kura... "Min bum" a tia..."Infiamna alawm" ka tia...za deuh chuan a nuia...Anup leh Krish zum duka ding reng te chu a huia..."Lehkhathiam I ni bawka i thluak ațha e, tlangnel deuhin awm rawh u" a ti ta a...


Zan riah kan ei laite chuan a chak zia leh an khua ah chuan tuman lungden ah an tluk ngailoh thute chu a sawi lung lung renga.. Kei chiah elh tlu thei tu mikhual a neih thu a sawi sek bawka.. "Mahse min bum vang" a ti deuh ziah lehnghal....Zan riah ei khamah.. Kan room tura an tih lamah min hruai a...Miss Rade chu kan hmu tawh lo vang vang...apa zawk chuan min kawma..a ti ti suah suah renga.. India ram politic țhat loh zia leh Lo neitu ten an tuar nasat ziate a sawi kuk kuk reng bawka..Zan rei tak thleng min menpui hnuah mu turin kan kal ve thei ta hrama...An Inchhung tho chu ni mahse room hran țheuh ah min dah a.. ka room chu a pawn lawi ber ani nghe nghe...


Khua avara.. Ar khuang, bawng bu kel be leh ui bauh vel vangin ka mu rei theilo kher mai.. ka țhiante erawh an mutna apawnlawi loh deuh vang nge an mutui phian a.. Ka harha sana ka en in zing dar 5:30 alo ri tawha.. ka in ti faia..Pawnah ka chhuak zui nghala.. Ka riah na piah hla vaklo ah chuan Bawng in alo awma... Chutia ka din reng lai chuan Baba chu a rawn chhuak nulh nulha.. min hmuh rual chuan phawk deuhin a menga.. "I mu tui vak nange?" a tia.. "Mutui e.."" ka ti ve maia.."Hetah lo kal rawh le" a tia, Bawng in ah chuan kan in zui luta... Bawngpui 50 rual dawn aniang chu an lo intlar put maia...."Hnute i sawr ngai em?" a tia..."Sawr ngailo..." ka tia... a kal thur thura... Bawngpui 1 awmna ah chuan a luta, min hui zauh zauha.. ka zui lut ve nghala... "Hetah hian dawm tur ania" tiin Bawng hnute ssawr dan chu min zirtir ta hruah hruah a.. Chutih lai chuan putar cher chhe ve deuh tak hi an rawn lut thliah thliah a, Pu Baba chu chibai an buk zawhah Bawng hnute sawr chuan an bur nghal chat zela...


A sawrlai chu a sawr zova, bucket khat dawn chu a sawr chhuak a, Min hui leh zauha, bawngpui 1 awmna ah chuan min hruai lut leha, țin mi pek pah chuan "ka tih dan ang khan ti rawh" min tia.. ka huphurh kher mai...Bawngpui lah chuan min melh rulh rulh mai bawksi... Chutah țin chu Bawngpui hnuai ah chuan ka nawr luta, ka kut ka sil thuak thuak a, a hnute chu ka khawiha, a phit duta..Tamil țawngin a hau khur khura.. Chutah Bawng hnute chu ka pawta a chik tuara.. a nuam ka ti kher mai... ka pawt chik zuai zuaia... Mahse kut a kham duh deuh... Bucket khat ka sawr ve ta maia...Ka sawr zawh chuan no ah a rawn suak a, min pea.. "In rawh" a tia... "tihian maw?" ka ti hu a..."aw...tikhan" a ti supa.. "a intlak em ni?" ka tia..."in tlak e mawle...in rawh.." a tia.. amah zawk chuan an in pawp a,..."hei in ve rawh" a ti a.. hreh tak chuan ka in ve ta a.. a al pulh a a hang em em mai bawka..."a tui em...I chak zual sauh ang" a tia.. a ban chu a hlim lang tung tunga...


Ka țhiante an rawn thawh ve meuh chuan bawng in ah kan nui dun hle tawh....Tichuan, breakfast ei turin kan inzui pheia.. In chung veranda chu ka en chhova, chutia kan kaldun chu Miss Rade chuan minlo en renga, a nui var vara.."Rade khi ka fanu upa ber ania, Thla tharah Pasal hual a nei dawn a.. ka duh pui vaklo.. mahse aman aduh miau si a lawm.." a ti a.. chu thu chuan min deng na dawt dawt hle mai..."Pasal a nei dawn tihna maw?" ka ti nghal vata..."aih...nilo...Pasal hual...an inhual dawn" a tia...Ka mit deuh sulhin ka hria... "Bank hnathawk ani a, Pawisa lam ringawt a buaipui țhina, a buaithlak... Kei chu lehkhathiamlo ka ni a, Lehkhathiam ka ngaisang" a ti duah a.. "Lehthiam lo tan bank hna a thawh theih hleih nem" za vak loa nui chung chuan ka tia..."Nilo....Kei pawh pawl 3 ka pass lo, mahse pawisa ka chawk chhuak thiam... Tam tak ka chawk chhuak thiam...lehkhathiamlo pawn a theih" a ti sawk sawka... a thlirna key ațang chuan awm ka tive tho mai...


"Fa 4 ka nei tawha mipa ka la neilo, Mipa fa ka neih hunah chuan Nangmahni angin Engineer ka nih tir ang.... Rade pawh Doctor ni turin ka ti a, Mahse Engineer a zira, Amah hi ka engkim ani, mahse pasal nei turin ka nu in a ti bawksi..." a ti nuah nuah a... Pawna țhutna tura an siam hruikaih țhuțhleng ah chuan kan țhu a....Hmeichhe pakhat hian tingpui tui hmel tawk leh chhang ur (Biskut) tharlam deuh hi a rawn chhawp a, "Hei hi kan nu chhang ur anih hi, a tui ania" a ti a, Krish leh Anup chu an rawn țhu ve bawka... Eng eng emaw a sawi duaha.. kei ka mood a fuh thei tawhlo, Miss Rade hian min vei ve emaw ka lo tia, Mahse chutiang ni lovin minlo naupang chhe en mai mai lek niin ka hre thara... Ka ni deuh nghul niin ka hria...


"Bawiha i nuam sam lo em ni?" Pu Baba chuan min rawn ti a, ka hmel danglam deuh chu a hmu ni ngei tur ani...Chutih lai tak chuan Miss Rade chu a rawn chhuaka kan bulah chuan a rawn kala "Hello Boys... Good morning...enge nizan in mu thei em?" a rawn ti thar thara.. a inbualfai hlim hlawl niin ka hria... Krish leh Anup chuan "mu țha lutuk, a nuam khawp mai" an tia.. Ka ngawi renga, no chu ka chul ka chul ringawta.. "Hello, Mr.Lateman i țha vak nange?" a rawn ti a, ka țhutna bulah chuan a rawn țhua.. "Ka țha a lawm..." ka ti hul haka..."Bawng hnute pawh a sawr thiam... Rade lehkhathiam chuan engpawh an thiam ka tih kha" nui chung chuan apa chuan a tia.. min beng thuk thuka... "Bawng hnute i sawr maw?" Anup chuan a lo ti vata.. ka nui maia...."Sawr e.." Apa chuan alo tivata...Ka hmel awmdan chu control ka tum viau nangin Miss Rade chuan a man chak kher mai..."Java i damlo em ni?...Ka pa enge i tih tir a?" a ti ta ha a... "Nilo ka țha a lawm.. ka țha takzet...Englo ka inbual a hunin ka hria.." ka tia.. ka tho nghala... Engemaw hi Tamil țawngin apa chuan a sawi nawk nawka...ka hrethiam lutuk lemlo nangin Bawng hnute min intir chung chang kha a sawi niin ka hria..... Ka taksa engmah danglam eih a awmlo.. Mahse ka rilru erawh a danglam nasa khawp thung...Bathroom ah ka luta, ka inbual harha.. ka inbual laite chuan Ka insiam țhat angai ani.. kei hi ka rilru ka lo pe thuk mah mah ani khawp mai" ka tia...Hetia ka awm chuan nuamlo an ti ang tih ka hlau zawk mah a....


Ka Inbual zo chu hmel hlim pu lui hram hramin ka chhuaka.. "Boruak uap lutuk khan min ti buai deuh niin kahria.." ka tia.. "nia, Bawnghnute fir kha i in bawk si a... ti ngailo tan chuan a danglam ania" Pu Baba chuan a lo tivata...."Vawiin chu enge in tih ang...? Temple in tlawh dawn nge?.." A ti zui nghal zata.. "Buhtun hmun ah kan kal ang chu" Kris chuan alo tia... "Oh...a țha khawp ang... Buhtun seng kal mek lai ania... a țha khawp ang...Len in deng nghal bawk dawn nia" a tia...Chutia kan rik bawrh bawrh lai chuan Miss Rade chuan chik deuh chuan minlo en renga.. ka awmdan danglam chu a hmuh hmaih hauh ka ringlo... Mahse ka theihtawpin ka in control ve ngat ngata... Enge kei hi ani pasal hual tur vanga ka lo danglam ve ngawt ang, Hindu nula Tamil nula ani lenghal... ka ti rilrua..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:46 pm

Chhunah nilengin Buhtun kan senga, nuam kan ti thlang hlawm khawp mai... akhat tawkin kan inchai deuh reng bawka...Mahse kan zingah Miss Rade a awm velo... apa a awm heklo.... An chhungkaw thlah hi Lo neimi hausa niin Landlord kan tih ang hi an ni ber.. an hnuaiah chuan an in bul vela khawsa mi hnuaihnung deuh zawkte chuan inhlawhfa in hna an thawk mai țhin.. An ei leh bar, an fate sikul kalna nen engkim an ngaihtuah saka.. an ni chuan chung te vang chuan an tan hna an thawk tawp mai ani.. an vaiin Chhungkaw 10 dawn an ni hial awm e... An ram hi a zau khawpa, Kan hmuh phak tawk chu an ram ani ber mai... Chung zawng zawng ah chuan Buhtun, Buh, leh thlai dang an ching nasa hle.. Lui lian vaklo Kodavary peng nia an sawi mai a awma chu lui tui chuan a chawm ani ber mai... Ran an vulh thluah bawka...An hnathawkte kan zawh chuan an hotupa (Miss Rade pa) chu pa ngilnei tak, engkim a an engkim anih thu leh an duh reng vanga an kianga awm an nih thu an sawia.. Landlord dangte chu sual tak tak sal ang maia an hnuaia hnathawk enkawl te pawh an awm ani awm e.. Lehkhathiam nilo mahse thluak chak leh hrisel tak ani a.. Mahse mipa fa ala neilo chu an khawngaih hle thung... Miss Rade chu 'Bawihi' an ti veka, an ngaisang em em veka, Doctor ni mai tur angin an sawia, an damloh nikhua pawn doctor dang rawnbuai an ngai tawh dawnlo turah an ngai hmiah bawk... Kan nuih a za kher mai...Doctorate Degree nei tur ani tih chu an hrethiamlo niin ka hria...


Tlai khawthim hma deuhin kan haw a, Krish chuan Tractor a khalh haw a, Anup leh midang Buhtun hmuna feh te chu A Trailer ah Buhtun vuak zawh sa tawh saip a khung chungah kan chuang haw lauh lauh hlawma...Vainu chhe ve te te nen kan insawh hawng lawp lawp mai ani..... In kan thlenga, Kawtah chuan Scorpio dum tle hlarh mai hi a lo ding vanga.. Mikhual ta nge an mahni ta kan hre chiahlo.. Ka bula țhu chu ka zawta..."Bawihi țhianpa Hausa deuh motor anih hi...Pi berin a pasal atana a zawn sak ani awm e" a tia... Ka hik deuh chuaiin ka hria... Chu kan zawnga chu enge hetah a rawn tih dawn ni ka ti rilrua....


"Hello naupangte u in chau em?" apa chuan a rawn ti hluaia.. Kawtah chuan Meipui chhem na tur ni awm tak an lo chhep bial pup a, lung an rem kual vek bawka... Buara rawng hrang hrang an lo phah chhuak vek bawka... angaihna kan hrelo kher mai....."Hei hi enge a awmzia.?" Anupa bulah chuan ka tia... "tihian Festival an hmang țan dawn mawle... Zanin ah hetah hian ruaipui an siam ang.." a tia.. "i chiang chiah maw?" ka ti deuh khera.. "aw...Enge i awihlo em ni?" min ti leta..."awih e.." ka ti ve mai a..Kan room lam kan pan sang sanga..Ka Inbual zawh a ka inthlak vel meuh chuan khua a thim chhah tawh hle... Ka room kawngka chu tu emaw hian a rawn kik kauh kauh a..Ka va hawn saka... ka kawngka bulah chuan Miss Rade chu a lo ding renga.. a nui sang bawka...

"Eng i an?..ka lo lut lawk thei ang em?" a tia.."thei e...thei e...ka țha e" ka ti nghal vat..."Nang enge i an zawk?" ka ti let zaiha..."ka țha a lawm...Zanin chu Festival țan zan ania.. kan lam ang chu...Hei i thuam hnaw tur" tiin a hnung lama a kut thuruk tlat ațang chuan sarang a tuam hi a rawn lek chhuaka... Ka phelha...Tamil mipa inthuamna Puan ven tur a var leh kamis var bantluan a lo ni a.."Hei hi ka ta tur tak tak maw?" ka tia... a bu nghata..."In 3 in ka lei sak che u anih kha... Tunah chuan Tamil mipa diktak ang in ni tawh e" a ti zui zata.."I room chu nuam i ti em?, ka lehkhazirna room țhin ani a, a lunglen thlak khawp mai" a ti siam siam a, Khumah chuan a țhua, "kapa khan enge a tih tir che a?...i hlim lo riau in ka hria" a tia... Ka chhan dawn lai tak chuan kawngka chu tuemaw hian a rawn kika... Amah chu a tho tharha ava hawnga..."Hetah i awm ka ring deuh a..." mipa aw hian a rawn ti a, "nia, lo lut rawh, an thuamhnaw ka lei kha ka pe a..." Miss Rade chuan a tia..


Mipa kum 40 emaw ni hial tawh tur hi a rawn luta, min hmuh rual chuan nui var var chung chuan "Zaba...i niang maw?" a tia.. A kut chu a rawn phar chhuaka... ka chibai pah chuan "ni e....ka..ka.." ka tih mek lai chuan 'Sanjeev anih kha...Ka Pi țhiannu fapa" Rade chuan a ti vata.. "ka hmu che chu ka lawm e... i room chu a nuam bawk em?... i chanchin hi ani hnen ațang hian ka hre fo tawh țhin a" a tia..."Keipawh ka hmu che chu ka lawm le..." ka ti ve maia...Rade chuan "Pawnah kan chhuak ve tawh dawn em ni?...min nghak tawh ang chu" a tia.. "nia...lova kal rawh u, ka rawn chhuak ang..." ka tia..."Nia...taka i thuamhnaw kha aw...i ha thiam ang tiraw?" Rade chuan a tizawm zata.. "ka ha thei mai ang..." ka tia..."Kan in hmu dawn nia" Sanjeev chuan a tia, an chhuak zui ta nghala..

Sanjeev chu pa ti thlep thlawp, mahni in ringtawk tak, Fin hmel deuh mai ani a. a kum a naupang chhe tawhlo tih a chezia leh hawi herah chuan a hriat hle, a chal a thui lek lek tawh bawka, Engkim mai chu sum leh paia lei theih leh sum a awm loh chuan engmah thil a tih theih loh ti niawm tak ani..A rawn luh tirh ațang khan engkim mai kha chiang takin a en chhuak nghal vek niin ka hria..


Ka thiam ang tawkin ka inchei vea, ka thuam hnaw hak pawh ka inhmeh ve viau chuan ka hria..Pawnah ka va chhuah chuan an lo ri nasa tawh hle, Hmeichhe ho pawh an nalh vul chuk hlawma, Krish leh Anup pawh an nalh ve khawp mai... "Mizo, hetah lo kal teh...." Pu Baba chuan min tia, ka va pan hnaia a bulah chuan min țhut tira.. ka bul chiah ah Miss Rade a țhu a, adawt leh chiah ah Sanjeev chu a țhu bawka.. Engmah hrelo anga awm chu a harsa duh khawp mai, "I inhmeh lutuk" Miss Rade chuan min ti a, "ka khawr țuai mai" ka tia.. a nui hak hak a...Chutah apa chu a dinga..."awle...Zanin ah kan Moon festival ah mikhual duhawm tak tak kan neia... Anup, Krish leh Mizo te kan lawm ache u...Sanjeev chu keimah ni ani tawh, an pualin hun kan hmang dawn nia" a tia kut an beng dar dara.. Chutah khuang țang zetin an vaw ri a, an lam ta nawk nawk hlawma.. Pu Baba chuan min kai thova, zeilo deuh chuan ka lam ve ta a..Chutah Sanjeev, Anup, Krish kan vaiin kan lam ta a...nuam kan ti tlang hlawm hle... Chutih lai chuan Kawlawbel te reuhte, nopui tiat vel lek niawm tak hi an rawn chawia, Pu Baba chu an pe a... "In rawh" tiin min pe a,.. a ken duk duk a..."Kallu in rawh..." a tia... Miss Rade chuan "White Sap anih kha, Palm wine anih kha... Coconut etc ațanga siam....a strong ania" a tia... Chu an thil min pek chu bawnghnute ang deuha var hlung mai hi ani a, "Tlem dawt la avaia i in chuan i che thei lovang" a tia.. Ka dawt ta a... Duh aia in hnem a awl viau, abel tlang a dar deuh hek reuh si a... A hiar lam lek lek kha thlum deuh fak hi ani a...Mizo Zufang kan tih ang deuh kha niin ka hria...Amah chu ka pe let leha.. Midang pawh chuan an lo dawm far hlawma.. kan bul ami kan pe diat diat hlawma, Chutiang chuan kan in dawt chhawk diat diata.. Hlumbel pakhat chu mi 2 in kan indawt țawm zela kan dawt zawh meuh chuan ka kai deuh chhak in ka hria.. Lam pawh a nuam tawh viau...


Chumi hnuah kan țhu bial pupa... Nu ho chu an tho sang sanga.. Mipa ho chu kan ti ti nak nak a.. Enge an tih dawn ka hrelo.... Tamil, Hindi a in pawlh nawk tawh mai bawk a.. Sanjeev erawh a awm ve hman meuhlo phone chhang in a tho deuh sek maia... Nu ho chu chawhtawlh a thil chawi chungin an rawn chhuak dam dama.. a hmasa bera kal Miss Rade nu chuan changel hnah ban chen vel leka sei hi a rawn phah leh diat diat a, a hnungan chaw khawrhtu in a rawn zuia...chutah Miss Rade chuan chawhmeh a rawn suaka.. Enge ka hre chiahlo nangin Sangha kan kawi niin ka hria..Chutiang chuan hnah phahna chungah chuan ei tur an rawn suak diat diat zela, Fianpui khat te te in an rawn suak zela.. Dal kan kawi etc te ani nawk hlawm... Engkim mai chu a thak sep vek bawka.."Kan mikhual te leh kan Festival hlimawm tak pualin chaw ei ang u khai" Pa ber chuan a tia.. Chaw kan ei sap sap a.. steel belte kiar tung lian vak lo hian tui an rawn sem leh diat diat a, An kut an dawha an in mai zela.. ka thiam ve pek lova a var deuh thlauh thluah a.. min nuih miahlo.. Mizo nise kan nuih hluah hluah mai thei ani.... A khat tawkin kan ei tur an rawn suak leh diat diat țhin a..."Ei ve teh rawh u" ka tia.. "Hei.. min be suh... Zan in ah mipa in an duhtawk an eia an in hma chu hmeichhia tuman kan ei in kan In thianglo.. min be thiang heklo.. " a tia... a nui saih a.. a pasal hual țhutna chu a la ruak huai thung...A hawi valh valha.. Hla deuha phone ahmang lai chu a va hmua..."Heti vel hi kan nia" no zeta min melh pah chuan a tia..ka lu a kai tawh viau bawk nen "Miss afalin ka be duh che" ka ti leh khera..."Shiss" tiin min melha.. a nui var vara..


Ka duh aia tam ka ei niin ka hria... Sanjeev pawh a rawn ei ve tawh.. Chutah Pu Baba chu a irh uk uk a... A nupui in tui leh Gamchha a rawn keng vata.. a kut a sila, tui a in zui leh a.. Midang pawh chuan a tih ang chuan an ti veka.. an irh ri uk uk hlawma.. Ka irh ri ve thiam ta hauhlo... min zirtira kan nuih a za hle...Chutah Guva an tia.. Zarda pan lian tel tawl chu an rawn sem kual leh diat diata.. kan rik neuh neuh chhungin zan a rei ani der tawh.. Mahse an la ti ti tui khawp mai... Sanjeev chuan "Zaba... Hna vanga ka haw a ngai... naktukah ka rawn tlawh leh ang che u.." tiin chibai min buka a kal zui ta nghal maia..."Pawisa... pawisa..a buai anih kha" Pu Baba chuan a ti chhum hmuka... Chutah ka lam arawn hawia... "I puar em?" a rawn ti a.. ka lo bu nghata....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:46 pm

An la ti ti tui nasa mai..kei chu ka awm hle hle thei tawhlo ka rilru min kap tu awm tlat chu hrikthlak ka duh tawh takzet ani...Mahse kalsawn a phal der lova.. mahse ka phakar ka chhuah a.. ka uak deuh uk uka..."I tlai bawk maw?...Kal rawh kal rawh" min ti ta a... Rang zetin ka thova..Ka ding ve ngawta ka thil in chu ka chaw eiin a zuk pawlh dal ang chu tih nat alaiin ka pai ta khat khata.. Miss Rade chuan min lo dawm vata... "Kha ka tih kha" nui chung chuan a tia..."Bawihi a room ah hruai rawh" a rawn ti a....Anup leh Krish te zia alang țana an ti ti tlangah mipa ho chu an dak far tawha... an nui leh ham ham țhin a...

Ka room kan thlen chuan khumah ka bawk nghal thlawpa... "Tikhan mula minute 10 hnu velah chuan i ziaawm deuh ang" tiin Chhuah leh mai a tuma..."Miss.." ka ti țuak a..."Enge.?" nui chung chuan a rawn tia.... "ka ti ti pui duh che" ka tia.. "Awle... ka rawn let leh ang" tiin kal mai a tum a.. a kutah ka man a..."Tunah...." ka tia.. "awle...just 2 minute" a tia... a chhuak lui ta thova..... Ka phun nuah nuah a... Rei vaklo hnuah chuan ka room tukverh kawngka chu tu emaw hian a rawn tuk ri dat data.. phawk hru chuan ka ena... "Java...keimaah" Miss Rade in a rawn tih ri chu ka hria... ka tho vata.. tukverh chu ka va hawnga... a rawn lawn liama.. a kalh leh nghal vata...


Khumah chuan kan țhu duna.. ka ke in lei ka thai ka thaia..."Enge i sawi duh nia?" a rawn ti chhuak tawpa.. ka sawi tur sawi leh ngam chiahlo chhung rei a tih vang ani ngei ang..."Sorry... Nia... Ka hmangaih che..." ka ti tawpa.. hmai si deuh thaw in ka en ha bawka...a nui hak a... "Engmaw... i lem hnem deuh em ni?" a ti a... "aih... ka hmangaih che.. Pasal nei suh... pasal min neih san suh..." ka tia...ka thutak hle tih a hria aniang a nui tawhlo.. chiang zet chuan kan in en ta kala..

"I țawngvai em ni?"

"Nilo...pasal nei suh...Ka hmangaih che" ka ti a...

"Java....Englo...i hrelo ani... ka ngaina che a lawm...."

"aih...nilo...min hmangaih... min ngaina ringawt lo...."

"Aih...i hresual ani...chutiang engmah i lakah ka pu lo.."

"Nilo... ka hresual lo... ka hmangaih che a... nang pawn min hmangaih!"


"Pasal ka nei dawn...Pasal hual ka nei dawn"

"I theilo....i theilo..."

"Engvang chuan maw?..."

"Engvang ni love, Min hmangaih tih ka hria..."

"Nilo...Chutiang.." a ti chauha.. ka fawp ta thuta...Ka kuah beta...a țang ve deuh deta.. mahse a țang reilo... min chhang ve chiang kher mai.....Kan inkeih dun mawlh mawlh a......khumah kan tlua.. kan chawllo.... Kan tih tur kan ti mawlh mawlha... Ka beisei hauhlo... ka dai phak ka rin miahloh thlengin kan dai dun ta zela... A la thianghlim zui lehnghal....dar engzat nge kan thlen ka hrelo, hriat ka tum heklo... Kan thil tih hi a dik ber em ka hrelo.. Mahse Hmangaihna vang chauha ti kan ni tih erawh ka hre chiang hle.... He thil hi engvanga ti nge kan nih.... "Keval pyaar" tih zawng chhanna ani mai...

"Engvanga hetia ti hi nge i nih?... min dal miah lova i in pumpek veka?"ka tia... ka awmah a bei thlara...

"kuchh bhee nahin, lekin main tumase pyaar karata hoon" a ti sap a...

a thawk sak sak a...kan ngawi vang vang a...engtik laiin nge kan muthilh ka hrelo....


Ene of Two...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:47 pm

NOTHING BUT LOVE

Three (The Party).


Ka room kawngka chu tuemaw hian a rawn kik dawt dawt a....Kan harh chiang dun hle...."Engtin nge ni ang?" ka tia...saruak khuh nan puan hlap pakhat chu a pawm țanga, a tho tharha, a thuamhnaw tla dar nuaih te chu a pawm nawk nawk a, Dingdihlip ar chung chuan Toilet ah a lut ta thaka...Kawng ka chu an rawn chum leh dawt dawt a..ka thuamhnaw ka ha a, ka va hawn sak a...ka phu zawk mai...Pu Baba chu ulh bun (Laiphir) nen a lo ding to tawh a...."I va hawng har ve..?.." Bung deuh chuan a tia..."englo...eh.." ka tih mek lai chuan "Sazupui i ei ngai em?" a ti a....Ka thaw huai....mahse ka la normal chiah lo..."engmaaw?..Sa..sazupui a?" ka ti a..."Insiam rawh....Sazuphi pel ang" a ti a... Kawl a eng det det chauh ani bawk si a... "Insiam vat rawh, pawn ah ka lo nghak ang che" tiin a kal sawn zui nghal bawka....Ka thaw huai a...Min hrechhuak ta emaw ka ti hmana ka lo hlau tehlul nen...chutiang ni lova min ko chhuak chu ka thaw huai thei... Ka insiam mawlh mawlh lai chuan Miss Rade chu a thuamhnaw inbel chuang lo chuan a rawn chhuak a... "Ka kal ve duh" a ti a.. a inthlak nghal sawk sawk a.. a pheikhawk khaiin room ațang chuan a chhuak ru ta zal zal a..


"Kha hei i silai tur" tiin ulhbun phir tho chu min pe a...silai mu paina kawnghren hlai min pe bawka... "Silai i kap tawh em?" min ti a... Mizoram ah ka nu te khuaa ka zin apiang in ka nu nau (ka putea) nen sapel in zan riak ten kan thawk chhuak ve tawh țhin a, Sanghal ka kap ve tawh nghe nghe... Chuvangin ka huphurh lemlo..... "Kap ve țhin tawh e" ka ti a.. "oh...a ti ve leh dawn ta" a ti nuah nuah a... In lam chu a en a... ka hawi let vata, Miss Rade chu Ram vah kekawr leh kawr nen a in țem at a... Silai a rawn pu vauh bawka... "Good morning i mu țha maw?" a rawn ti a,... "Bawihte i kal ve dawn em ni?" apa chuan a lo ti a,..."dawn e...kal ang u" tiin Motor ah chuan a chuang tharh a...Pu Baba chuan "Kal ang" a tia, chang a tum raih a, Ranbir chu rang zetin a rawn tlan chhuak nghala, motor (Jeep) hnungah a lawn nghal tharha.. Pu Baba chuan Driver seat chu a kawk zauhva..."ka khalh dawn em ni? ka ti ri ngawta..."niang chu?" a tia a...Motor ah ka lawna ka ti nunga..."ni rawn chhuahna lam chu a kawka "hetah hian kal rawh" a ti a...


Kan tlan ta vanga vanga... "Hei hi kan ram vek a ni" a tih chhung rinngawt pawh a thui vang vang khawp mai, Buh hmun leh Buhtun hmun kan tlan tlang chhung pawh a rei khawp mai, Chutah Apple hmun țhui fe kan tlan tlang leh hnuah Phai zawl ni si phul rai hmun deuh nibawk si, Kan thlenga, han en reng reng pawn sazupui an khawsak duh hmel hliah hliah... "hetah ding rawh" a ti a, ka dinga.. Chumi rual deuh thaw chuan Ranbir chu a zuang chhuak nghala... Chak zetin sazupui kawngțum niaw tak tak țhang pik hnuaia awm chu a hnim kual nghal zut zut a....."Hmm...zui ang" a tia.. a kalna ah chuan kan zui ta ngat ngata.. Pen 200 vel zet kan zui hnuah hmun nuam ve deuh tak lui tui lian lutuklo awmna kan thlenga... "Hetah hian lo awm rawh.." min ti a..an pafa chuan chhak lam leh thlang lamah an kal hrang ta daiha...Ni a sang chho țan tih ah Ranbir chu ralkhat hla deuh ah chuan a bo ta lauh lauh a..... Rei vak lovah chuan Pu Baba kalna lam ah chuan Silai a puak ri dura...a ri nawn leh nghal zawta... Chumi rual deuh thaw chuan Rade awmna lam ah chuan silai a puak ve leh dura.. chutia an thawm ka hriata ka hawi deuh ha ha lai chuan ka piah pen 10 velah chuan hnim a rawn nghing phei laih laih a... a ri san san bawka... Ranbir a bauh na pawh a hnaiț sawt viau...a tlan kual vel niin ka hria...Ka silai ka load fela, hnim rawn ri phei san san chu uluk zetin ka lo tin vang vanga...Sazupui thawm atan chuan lian deuh chuan ka hria...Chutih rual deuh thaw chuan Sazupui 10 rual tur zet hi an rawn zuang chhuak zawk zawk a, min hmuh rual chuan an darh nghal haka... a țhen an let leha, a țhen chhak lamah ațhen thlang lamah..an zuang zawk zawk hlawma.. min tlanpel tawk pawh an awm...An zinga lian ber chu ka tin nghal vata... Mahse enge hlauh a neih ka hrelo a dawk zawka.. a bo ta daiha... Sanghal chan ang ngawt chu a nilo an cherang mah mah... Chutah hnim buk ațang chuan Sazuk pachal ki pawh hru bum tawh mai hi a rawn lang hlawl maia...Kei silai nen țhingțhi meuhin ka lo awm min hmuh chuan a ding chuta..a tawlh hruih thei hial a.. a hram țhawt bawka.. engmah rilru fim put hman a ni tawhlo ka silai chu ka hmet nghal zawta...a puak dawt a, ka nghing lawih bawka.. zen rim a nam ngahl chum chuma..Sazuk chu a awp nghal rawpa... a ke a leng laih laih a.. kaw khat zawk chu ka load nghal vata.. mahse...kah zui a ngai tawhlo chiang tih hriat takin a zal raih raih a... Ranbir a rawn lang zui ve nghal bawka..... ka tumloh dan daihin sazuk pachal ka thal daih maia mak ka ti kher mai....ka lawm bawk si.. ka hrilh hai ang reng zawk...


Ka tho vata.. Sazuk tlukna lai chu ala hnim deuh avangin ka theih tawpin ka hnuk biru nghal vata...Ranbir chu ka hruai sawn nghala... rei pawh ka țhut hma chuan Miss Rade a rawn langa..sazupui lian ve tak 1 a rawn khai nalh nalh a...engmah ka bula ahmuh loh avangin nui var var chung chuan ka hma ah a rawn theh hlawm tapa... rei vak lovah apa pawh sazupui 2 khai chungin a rawn chhuak ve hlawl bawka..."Enge silai ri ka hria a..?" a rawn ti chhuak a.."Hei hi Miss Rade kah ania" kalo ti a,..."an rawn chhuak velo em ni?" a ti a..."a țhelh palh hlauh a niang" Miss Chuan min melh pah chuan a rawn ti a...ka nui suk a...Kabir ka dawm betlai chu ka thlah a...Rang lutukin hnim karah a tlan luta....a boh khauh khauha..."Enge a hmuh chu le" a ti nuah nuah a..."Va zui chhin teh Miss" amah nek deuh salh chung chuan ka tia... min en khai khai a..."Engmaw?" a tia..."Ekhai...Sazuk anih hi" Pu Baba chuan a ti a, Miss Rade chu a kal ve nghal vata...


In kan thlenga, Anup leh Krish chuan mak an ti kher mai, Chutianga Sazuk ka kap mai chu an ring theilo, an zawt leh țhina,, an ni pafa lah chuan "a dik a lawm" an lo ti mai si...Huan enkawltu putar chuan a chan sawm nghal veka...a nuam angreng khawp mai....Breakfast kan ei lai chuan Sanjeev pawh a rawn thleng leh tawha.. hepa hmel ka hmuh hi chuan ka tui thei țhinlo...ani lah chuan min be sawt sawt renga....min naupang chhe chei ani ber...Ka sazuk kah vel chanchin te chu min zawta min ngaisang der ve viau nghe nghe... Breakfast eikham ah Miss Rade nen chuan a chhungte hmu tura chhuah an tum thu te a sawi suam suam a... Pi tari leh nu ber chu a ti lawm thiam hmel hle bawk...Chutianga an chhuak bo dawn tih ka hriat chuan ka tho nalha.. Engmah sawi lemlo chuan In hnung lam a pangpar huan awm dup maiah chuan ka kal chhuak daih a.. ka huat ber chu... ka hmel dur khai leh hlim lo zet Miss Radein hrelo ang hmiah in a awm leh Zan lama kan boruak pawh thlenglo ang maiin a awm thei chu ani..


"Zuava, nizan khan Miss Rade kha i room ah a rawn riak a ni tiraw?" Anup chuan huana kan țhut dunlai chuan a ti a, ka nui mai a..." I room a rawn lut lai ka hmu a lawm, a rawn chhuah leh reng reng ka hrelo" a ti zui sapa...Krish chuan "Wow...chu engtin nge in awm?...Pasal hual a nei dawn an ti bawk si..." phur deuh chuan a rawn ti a,..."Engmah a awmlo... a rawn lut zawka a chhuak leh nghal a lawm...i hmu lo mai mai aniang" ka ti a..."Nilo....I room tukverh ațanga a rawn lut kha ka hmu a lawm" a ti zui leh khera..."Ani lo chutiang engmah a awmlo" ka ti a.. anih zia thu a sawia..min dawp chhuah tumin an bei nasa maia....a tawpah chuan "Nia... Ka hmangaih a, ani pawn min hmangaih" ka ti ta nge nge a...an phur dun kher mai...."ani maw?...Engtin nge Chalthuia kha a tih dawn?" Krish chuan a tia..."An inhual ang" ka ti a.. ka tho a..."hey kal daih suh...Chutiang chu engmah thlen tir lola ani mai" Anup chuan a tia..."A theihloh...Hindu a ni a, kei kristian" ka tia..."Sakhua in engmah gap a neilo...Hmangaihna a pawimawh ber" Krish chuan a lo tive vata...Kawnga kal pah chuan kan ri bawrh bawrh a..."Nilo....Sakhaw in anglo chu a inneih theihloh....krish hindu i ni a, Madam Mehna Muslim ani a, i nei duh dawn bik en mi?" ka tia..."tehreng mai...neih theih te reng mai....kan inhmangaih dun chuan a tawk"a tia..."Nangpawh chutiang chuan ti mai rawh" a ti zui zata... ka nui a..."A theihlo...." ka ti hul haka... In kan thlenga... Putar huan enkawltu chu hlauthawng hmel deuh hian a rawn kal dat dat a... "tlangval...tunah kal chhuak nghal mai rawh u, Nizan in awmdan kha Pu in a hre tawh ania...a thinrim khawp mai" a rawn ti ta mai...Ka nghing lawih in ka hria...


"Hey, Mizo fapa angin ka en che a...hetiang hian engtin nge ka chungah i tih theih" tiin min rawn pan thur thura... A hnungah Rade chuan a rawn um dat dat a..."Kapa keiman ka sawi ang" a ti a..a pawt țang țang bawka...Sanjeev chu hmel dur khaih hian a rawn chhuak bawka....An vai mai chuan tumah ka lam țang an awmlo tih an hmel ah chuan a hriat theih..."Englo...Baba.." ka ti hman chauha..ka biang dinglam chu a ri țhuai a.. ka pai deuh nawka....ka thin a sa phat mai... ka in hum ruh ve nghala...Mahse Anup chuan min lo dawm vata..."Zauva....engmah ti suh" a ti sapa... "Hey....Tunah he in ațang hian chhuak nghal rawh....nang ni pawh khan zui chuuak ve nghal rawh u" a ti tuar tuar a...Miss Rade leh a nupui chuan an dawm țang țanga..."awle....kan chhuak ang....Mahse....He zawngchhe pa ai hian i fanu hian min hmangaih....chu chu lo hre rawh....." ka ti chang ve khalha...."Java....a tawk....enge i sawi kha i hria em?...Engtik lai mahin ka hmangaih ngai lo che...." Miss Rade chuan min dinchilh chung chuan min ti a... ka phawk nasa kher mai...Nizan kha chuan min hmangaih vanga ti ani tih a sawi chiang ngei si a...... "Engmaw i sawi..? Rade" ka tia...Hawi sawn hmak pah chuan "Miss Radikha... ka ni.." a ti hmaka....Thil awmzia ka hre ta uai uai in ka hria....Ka țhianpa in "Vai hmeichhe ho chu sex hmanpui an awlsam khawp mai...an mahni vai mipa ho hian hmeichhia an en dan an zah leh lutuka.. keini mizo te erawh chuan kan ngam viau zel bawk si a, Chuvangin an sihhnip duh khawp mai" a tih chu ka hrechuak zawka... ka nui haka...Kan bag an rawn lak chu ka khai a....Gate lam pan chuan ka kal nghal nal nal a...ka hawi let leh tawh lo....


thui fe ka kal hnuah Motor ri ka hria... en pawh en chuanglo chuan ka kal ngaiin ka kal hmak hmak a....Motor chu ka bulah chuan a rawn dinga..."Hey, Buddy lokal rawh" Anup chuan a rawn ti a...Pa sanțha ve deuh Buhtun kan sengpui pa khan motor a khalh a.. Miss Rade Jeep... Chutah chuan ka țhiante chu an chuanga..Chu Jeep ah chuan chuan pawh ka duhlo ka thinrim leh zak bawk si chu ka kal lui ngauh ngauh zela... Anup chu motor ațanga rawn chhukin min dawm dinga..."Hey, Zauva...Engmah ani lo...theihnghilh rawh...Motor dang kan hmuh hunah kan chuang dawn nia" a rawn ti a... min en kala....a hmelah chuan keimah min lainatna leh min thimrimpuina mitmeng chu ka hmu thei...rei tawk kan inhnial hnuah ka inphah hniam duh nang si lova... An bag la in an rawn chhuk ve ta ngawta...Driver chu In lam panin a haw zui leh ta nghal a...Kan 3 chuan Motor dang hmuh hmaloh chu ke in kan kal ta țauh țauh a...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)