NOTHING....BUT....LOVE... BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

Re: NOTHING....BUT....LOVE... BY Tochhong Ruata

Unread post by Ngaia » October 30th, 2016, 3:47 pm

Chawlh kan hmang zova, class kan kal leh tawh a, Miss Rade hmel ka hmulo... Class a rawn la heklo..Hmuh ka duh heklo, hmuh chakin ka fan bawk heklo...Thla 2 dawn kan inhrawn hman a, chutia a rawn langlo thut ah chuan ka zirpui te chuan "tinge mawni?" an ti sap sap hlawm a, Kan țhian 3 chuan engmah hrelo ang hmakin kan awm thung...Nilai tlai kan class bang Basket ball khelin Hostel Basketball court ah kan awma... Kan inkhelh lai chuan Krish chuan min nghawk zauh pahin "Gallery en rawh" a ti zauh a, Enge ni chu tiin ka hawi a, Miss Rade chu alo țhu vang maia... Hmulo ang hmiah in ka awm zui lehnghal a....Kan inkhel zo water break kan neih lai chuan Krish bawk chuan "a rawn kal" a ti sapa.. ka hnung chhawn avangin engahmah ka ngai duhlo...Face towel a ka hmai ka hruk lai chuan "Hello boys, in țha maw?" a ti ri chu ka hria a...Mahse engmah hrelo ang maiin ka din ngai rengin kka dinga, Jay nen kan ti ti mawlh mawlha... Midang ho chu an zauthau nge ka hrelo an bawr deuh nghal nak nak a..


Ka towel leh tui bottle ka la a, hawn tumin ka kal nghal daih a..."Java...biak lawk che ka duh" a rawn ti a...ka ding eihlo... ka kal ngaiin ka kal zui zela..."Java...ka be lawk duh che nia...ka phone lo chhang ang che" a rawn ti zui hrama...ngawi reng chuan ka kal zela... ka chhang dawn nge dawnlo tih ka la sawi theilo.....Khati khawp khan apasal hual bulah leh a chhungte bulah min ti mualpho va, engvang in nge ka biak leh kher a țulna... anihna takah chuan ka mutpui tawh hnu ani lehnghal... Ani laka inchhuang theilo tur khawpin ka hniam em ni?...an duh ang tawka an pafa a an kut thlak tur ka nihna ka hrelo... An In ațang ngeiin min pet chhuaka, ke in engtia thui nge kan kal...?...chung zawng zawng chu ka rilruah a rawn lang zut zut a,....ka let leh anga ahmai chhanah ngei mai ka duhtawka ka chin hnu anih thu hi ka va hrilh phiar phiar mai dawn em ni?... ka ti hial a.. mahse chu em chu ka ti ta bik lova...


Dinner ei hma thleng ka muhil zawka... Thla thar maiah Test kan nei dawn ani a,, Chuvangin zan lamah lehkha en ka duhthawh deuh vang pawh ani pakhat...Ka room kawngka kik thawmah ka harh zawka... alarm clock chu ka en vata, Dinner ei hun alo ni dawn der tawh a...Anupa aw chuan "Buddy,...Dinner ei ang le" a rawn ti a.. "lo lut rawh" ka tia...a rawn lut zui nghala..."i chau deuh em ni?..." a rawn ti lut nghal zata..."nia... chau deuh.." ka ti a..Bathroom ah ka luh sana...Ka chhuah leh chuan ka laptop alo khal leh nuap nuap tawh a, ka project siam te chu alo en meka..."Engtin nge i tih dawn khawnge Miss Rade project kha??...I ti dawnlo tak tak em ni?...naktip mai kha thehluh hun ani tawh si a?" alo ti a..."Ka zo vek tawh..." ka ti bul nghuta..."ka hmuh siloh...Hey, Buddy thil kal tawh chu thil kal tawh ani a....I tilo anih chuan mark i loss dawn tihna em ni?" a ti a...ka ngawi renga...Ka phone a ri a...."lo en teh tunge?." ka ti a..."Rade Miss anih hi...engtin nge ka tih dawn?" a rawn ti a..."Chhang suh....ka be chaklo" ka ti a...."awle" a ti ve mai a...a tawpa...a rawn ri zui lehnghal zata... ka insiam mawlh mawlh a...vawi 3 ngawt a rik zawn takah chuan "ka chhang mai dawn em ni?" a ti a..."i thu thu...mahse ka awmlo emaw?...ka inbual emaw ti ang che" ka ti a...a bu nghuta..."Hello...Anup ka nia" a ti a..."aw...nia....aih...englo er...er..a inbual a...i țha maw?" bah nuaih chuan a ti a..."okey...yes maam...yes...bye" tiin a daha..."I van zeilo tak" ka ti a...nui huk huk chung chuan "nakin ah a rawn call leh dawn che anih hi.....Hey...12 miss call...i nei mawle...amah vek lehnghal" a ti a...ka ngawi renga...ka insiam zova..."Kal ang" ka ti a..Dinning hall lam chu kan pan zui ta nghala..


Chutiang chuan min biak tumin min call zan khua ani deuh ber mai...ka chhang duhlo hrim hrim...A class-ah ka țhut pawn zawhna emaw ka nei ngailo... ka ngei em vangin Kazakhstan nula Nafisia Petrova bulah ka țhua.. Ka ngaihsak duhlo lui tlata.. Petrova chu ka ti ti puia kan nui dun hak hak țhin...He nula hian min atchilh ve em em tu ani a, Nu te lam deuh khat deuh al mai hmui nalh zet mai ani a...1st year kan nih ațangin min beisei tawh...vawi eng emaw zat chu ka mutpui ve tawh nghe nghe...Ka țhian ten min fiam zauh zauh tih pawh a hre fo țhin, chutianga ka awm chang chuan lecture ape buai ve nak zel, Anup leh Krish chuan an lo hrethiam țhin si a, an lo nui puh puh țhin...


Kar aliam leh der tawh, Zan tin min biak tumin min call țhin a, "I'm busy i'll call back you later" tia call cut turin ka dah țhina...achang leh Whats app lamah min rawn biak a tum reng bawka...ka be ngailo hrim hrim..Chutiang vel boruak chuan hun kan hmang chho zela...Project ka thehluh pawn Petrova ka dah tir vela...a ngei tur rengin ka khawsa ve hrim hrim bawk ani...Nikhat chu ka hritlanga, ka awm ana bawk sia...Class ka kal lova, test neih nan ni 3 vel chiah a awm tawh bawk nen.. ka in en pah duh ve reng reng bawka...Hostelah keimah chauhin ka awm a, Thildang ngaihtuah vak lo chuan ka zirlai ka bih ngar ngara.. Ka room kawngka chu an rawn kik ta peka...class kal reh lai taka ka room kawngka kik awm ta chu mak ka ti hle...Kawngka chu ka va hawn nak chuan Miss Rade chu alo ding zan maia....."Enge hetah i rawn tih dawn?" ka tia...Engmah sawi lo chuan room ah a rawn lut tlang nghal pawp a....lehkhabu leh eng eng emaw a rawn keng țun bawka...dawhkan ah chuan a dah thlawp a....Muang chang chuan a inhera...

"Engmah i hrelo, Engvangin nge ka ben che a?...Engvangin nge i thusawi ka object che engmah i hrelo" a ti thawp sap sap a... ngawi reng chuan ka țhutna ah chuan ka țhu a..."Tinge phone i lak duh ngai lohva... Khawnge Petrov a awm?...nang i kal lova, Petrove a kal heklo" a tih zawm leh zata..."A chhuak tawh" ka ti ve tawpa...a rawn kal der silo..."Boys Hostelah hmeichhe kal phal ani hlei nem?" a ti hmaka..."Nangpawh i rawn kal kha?" ka ti ve hmaka.."Kei chu adan adang alawm" a tia.."Danglo...Hmeichhia i ni, Kei atan phei chuan engmah i ni lo...min chhuahsan la țha in ka hria" ka tia...."What?..."a tia..."Min chhuahsa san rawh...hetah i lo kal hi a țha ber lo...i Pasal hual tur duhtak khan a hre leh anga..in buai zovang" ka tia..."awle..ka chhuak ang...Mahse hei hi hre rawh...Ka rilru engmah i hrelo...." a ti a..chhuah tumin a inhera.."i bungrua hi?" ka ti a..."I project leh vawiin kan class work anih kha...kha kha i chhan loh chuan Exam ah marks i paih duai ang" tiin a chhuak a...kawngka a khar ri țhuaia...a chhuak ta nal nal a...A perfume inkah rim a nam chak chak a.....A thil rawn dah chu ka en nghal vata...ka project ah chuan marks ka score țha khawp mai....Tihtur a tih pawh chu thil harsa tak chu nilo mahse en ve fe chu angai ngei angle......


Kan test pawh ka nawmsam loh avangin ka ți țha lutuk lemlo..Mahse ka hniam ber chuang lemlo bawk.....Test kan zawh meuh chuan ka dam țha leh viau tawh a..kan test zawh tlai chuan Anupa nen Beer in kan sawi hota..Beer in turin ka chhuak ve ta tawpa...Beer kan dawm dun karh karh lai chuan Anup chuan "Buddy enge boruak engkim siamțha leh rawh...Nimin khan Miss Rade pasal hual Sanjeev kha a rawn kala...Kar leh khian an in hual dawn ta ani awm asin" a ti a... ka nui suka..."A țhat chu ka lawmpui khawp mai" ka ti hmaka..."Nilo...Miss Rade chuan 'Eng emaw hrilh tur che a nei niin a sawia..mahse i biak duhloh avangin a rilru a siam felta niin a sawi" a tia..."Engmah rilru siamfel leh tur chuang a awm em ni?....Khati khan engkim a chiang vek tawh a lawm...." ka ti a..."Nilo...A sawi dan chuan" a ti hman chauha..."Buddy khawngaih in engmah sawi tawh suh....Rade emaw...Sanjeev zawnga emaw...Baba Segal emaw tupawh nise... ka ngaithla peih lo" ka ti hmaka..."i hrethiamlo anih chu...Sanjeev Zawnga kha ahnawl vek tawh a... Mahse i hawisan vangin a rilru a thlak leh ta zawk ani" a ti a.."ka awih therte lo...khati khawpa min titu kha kei chuan ka ngaihsak thei tawhlo ani..."ka tia... Kan inhnial chho bap bap renga... Zanriah ei dawn thleng kan țhu duna.....Engmah thlenglo ang hmiah a min sawipui tawh lo turin ka ngen fe hnuah lungsi lutuk lo chuan min pawm sak ta hrama...

Chumi zan ațang chuan Miss Rade emaw Sanjeev zawnga emaw chanchin kan sawi leh talo hrim hrim..Miss Rade thawm pawh a rawn ri tawh ngailo... kan final year ani bawka, Company hrang hrangin Interview kan Institution ah an rawn neia.. keipawn ka pe ve a... Offer țha tawk ka hmu ngei mai...Mahni ramah ngei thawh ka duh avangin ka chhang ta lemlo... Ahnu a ka hriat leh danin chu offer ka hmuhna company ah chuan Miss Rade a thawk ani tih chu..ka chhanglo chu ka lawm khawp mai... Miss Rade class kal hun a tawp dawn ta a.. a thlah ni ah Eng eng emaw thilpek an hlan sap sap hlawma.. Kei leh Petrove chuan engmah ka ngaihsak velo, A project thehluh tur chungchang kan buaipui dun daih a..A kuta zungbun lunghlu a siam niawm tak abun va va chu ka hmu renga.. Inhualna chu an kalpui ta ngei anih ka ring ta bawk..


"Insiam rawh, zanin chu Test zawh lawm nan leng ang u" Anup chuan a rawn ti a..."Khawiah maw kan kal dawn?" ka tia..."Tulip-a kal i chak ani lawmni?" ka tia...a nui huk huk a..."Ava ho mai mai.." ka ti a...min tur sek seka...Krishna a rawn luta ani pawh chuan min rawn tur nghal tut tuta...ka insiam veta nge nge a...Tulip hi Taj Coromandel hotel a Dinner eina hmun ani a, Taj Coromandel hi i Tirumurthy Nagar, Nungambakkam a awm a nia, Kan Hostel a țanga hla vaklo ke a kal phak lek a nia, mahse senso a sang thin viau nangin kan dinner ei chhuah dawna kan kal vena ber ani țhin....Vai zia hi a mak angreng, inren em em an nih laiin engemaw enjoy tur thil a awm anih chuan holam taka insen an hreh leh chuang miah lo, Vawi eng emaw zah helai hmunah hian kan kal tawha, kan kal reng rengin eng emaw tak thil kan lawm ani tlangpui țhin.. Chuvangin Test zawh lawmna mai mai chu ani chiah pawn ka ringlemlo, Surprise dinner vel anih ka ring deuh thla ve ngawta..


A hmun kan va thlen chuan ka rinlawk ang deuh chuan Hosteller Senior most anlo awm nual hlawma, Hmeichhe lam kan batch mate te pawh anlo awm a, Dawhkan an dah zawm duata an lo țhu tlar pat hlawma, minlo lawm laih laiha,... Chutah an bulah ka țhua ka țhufel awrh tih ah Dalip Singh chuan phur zetin Whisky minlo pe nghala..."Zauva..Zauba.." tiin an au rual țhap țhap a... Ka thawk khat pawpa...An au dar dara... Chutah Waiter pakhat hian plate ah eng emaw hi a rawn chawi la la a, ka hma zawnah chiah chuan a rawn hunga...enge thil awmzia tiin midang chu kan enkual vela...an nui țhaw hlawma...."plate chhin kha hawng rawh" Anup chuan a tia...ka hawng chu cake leh candle hi a lo intlar pata..."Happy Birthday to you...Happy Birthday dear Zauba..Happy birthday to you" tiin an zai rual dual duala... ka harh zawka kan test boruak vel vangin ka birthday pawh ka lo mangnghilh chu niin ka rin lawk ang ngeiin Surprise dinner chu ani ngei mai, mahse ka birthday ani ang tih lam reng reng ka lo ngaihtuah chhuak phak lo..... "mimawl ho...." ka ti ringawta...candel chu ka chhem hlum dial a...kut an beng dar dara..cake chu ka zai thla a, ka bul hnaia awm te chu ka barh ta hawng hawng hlawma.. kan hlim ham ham hle....


Light a rawn dim sulha..light engzet hian kan țhutna piah lawka he hotel house band ten music an playna stage lam chu a chhuna... Krishna chuan mike a huma "Awle...Zanin ah hian kan țhianpa Zauva birthday lawmnan guest artist ropui zet mai kan neia...Hla min sak sak dawn ani.." a rawn tia..kut an benga an changtum bawka..midang keimahni nilo awmve te pawh an ri ve lawng lawnga... "Tunah Miss Radhika rawn chhuak rawhse" a ti a...Kut an beng ham hama....Anup chu ka melh kawka..."Relax relax engkim ama huaihawt vek" a tia...Chutah Amah Miss Rade ngei chu a rawn chhuak ta a..simple deuh si nalh zetin a inthuama....Mike a la a....Music a rawn ri nghala....Chalte chalte tih hla chu a rawn sa ti a...a zaithiam reuh phian lehnghal....A zai zova...nui bawk bawk chungin a rawn chhuk a...Tichuan dinner ei turin kan in buatsaih zui ta nghal a...Midang hriatthiam siloh chuan min rawn mention leh zauh țhina..."Tuman in boruak an hre velo...engmah awmlo ang hmiah in awm ang che..." Anupa'n a tih vangin ka awmdan pangngai in ka awm ve nawk nawk ringawta....Athu hrimah amah nen kan inkarah boruak awmlo ang hmiah a awm ka duh tawh avangin leh keimah ah amah engmah anih hma ang chiah kha ni ang hmakin ka awm a...nidang ang thovin ka fiam bawrh bawrha... kan hlim angreng phian...


Zanriah kan ei kham meuh chuan Dad 11 a hnai thuak tawh, Kan hun hman pawh kan zo tawh bawk nen kan in hawsan pheuh pheuh hlawmaa... A tawpah phei chuan Dalip Singh, Anup, Krishna, Javeed, Rani, Miss Rade leh kei chiah kan awm tawh a... kan subject chung chang ah discussion ang reng kan eia, kan ri nawk nawk hlawma.. Hmeichhe 2 pawh wine an lem hnem deuh bawk nen an țawng duh dun barh barh hle...Dalip leh Rani an haw leh a, Javeed Khan pawh rei vaklo hnuah a hawng leha.. Kan 4 bawkin kan awm fal leh tawha... "Bill hi ka tifel ang a, kan hawng dawn nia" tiin ka thova..."Kan tifel vek tawh, Kan thawhkhawm a lawm" Krish chuan alo ti vata... "Anup khan la ti fello ang khan a sawi bawk si" ka ti a..."Nia...a dik alawm...Miss Rade hian Ngaihdam dilna ang reng atan a ti anih kha.." Krish chuan a ti leha,...ka nui tawpa..."Engmah ngaihdam tur a awm hleinem..." ka ti sam eta..."anih chuan a țhat chu... kan hawng ve tawh dawn em ni?" Anup chuan a tia..."Min lova hawsan ula...rem atih chuan Java nen kan rawn haw rual mai ang chu" Miss Radhika chuan a tia...han hnial vak chi ani si lova, ka țhiante lah chuan an lawm zawk emaw tih turin an tho rang em em khawpa...An chhuah hnuah kan 2 chauh chuan chu dawhkan hnawk leh zau zet mai kil chuan kan țhu ta rana...


"Enge tihtur i la neih?" a tia.. kan țhutna hi tlar khat ni mahse kan inkarah mi 4 lai an tlazep a, a inhlat deuh da thung.."Engmah ka nei hranlo....enge nita?" ka ti a..."Ka In ah rawn peng kawi ta che..." a ti a..."Chu kan mu dun leh dawn tihna em ni?" ka ti a...a nui hawk hawka.... "ni love, no te kan dawm dun anga.... Modern architect chung chang leh Ancient architect chung chang te kan compare dun ang chu" a tia... ka nui a..."nia...boruak in a hrilh ang chu... kan kal phawt mai dawn em ni?" ka tia..."awle.." a ti a...Waiter chu a hui zauha..."Bill book chu rawn la la?" a tia..."I tum vek ani tak tak em ni?" ka ti nghal vata..."Nilove...Kan thawhkhawm an tih kha" nui chungin ati a... Kan nui dun hawk hawk a...Bill a tihfel hnuah kan chhuak zui ta nghala...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:47 pm

Khawlai chu a reh deuh ruih tawha..."Khawnge i motor?" tiin a motor chu ka zawng kual ru deuha..."Motor ka kenglo a hla vak lo em a, ke in kan kal mai dawn em ni?" a ti a...kan ta hnak hnaka... Khawlai ah mi an tlem pharh tawh a, motor erawh ala tam nak nak viau...Kal pah chuan Chennai chanchin leh kan kal kawnga Building ropui leh un tawh deuh chanchin te chu min hrilh pah zar zara...A scheme Leihnuai kawng ai maha Chunglam a electric train tlan tir a duhthu te, Chennai khawpui chep zel tur a vei ziate chu a sawi siam siam a...Kar lovah Campus gate kan thleng ta dera....Security Hut bulah chuan a dinga "I rawn peng dawn ta em?" a ti a..."Heta țanga hmeichhia amah chauha hawn tir theitu mipa chu ka haw ngawt ang" tiin ka chhanga...a nui hak hak a... a quarter luah lai lam pan chuan kan kal zui ta nghala..Campus chhung chei a chak ziate, A zau ang hua chei anih loh si ziate chu a sawi pah zel bawka... chutianga ti ti pah zel chuan a quarter chu kan thleng ve ta mai a..."i rawn lut dawn ta em?" a tia...ka nui maia..."Lo lut rawh" tiin min ngen tlat avangin ka zui lut ta nge nge a... Adik tak chuan ka phur lovin ka chak lemlo takzet ani... .


A inthlak hlanin a Guests room ah ka lo awm a...Showcase chunga thlalak a rem te chu ka enkual vela.. Chung zingah chuan Khami zana kan lam laite... Ka thil in laite...Anup, Krish leh Amah te nen kan inkai chunga kan lam laite chu a lo tar thluah maia...Ka sazuk kah an chhungkaw ho zawng zawng nen thla kan lakpui laite chu a lo awm bawka...Ka hawikual vel chuan Banga ka sazuk kah lu intar chu ka hmua... ka en vauh vauh lai chuan "a nalh ve khawp mai tiraw?" hnunglam ațang chuan a rawn ti a..."Nia analh khawp mai" tiin ka inhera...T-shir lian hnelh hnawlh nghawng zau zet mai leh Kekawrbul maltawp thleng deuh thaw a chhing hi a ha a, a sam chu duhdah deuhin a dar lehlam ah chuan a tel khawm a...a hmelțha in a duhawm tak zet ani...a hnute kawh lah mai chuan tuamtu a nei hmello hle...wine glass min pek pah chuan "khami ni khan engmah i kaplo ah ka ngai hman che a...ka nuihzat viau che mawle..." a ti a.. anui var vara...sofa ah chuan insi deuh thaw in kan țhu duna...wine chu kan in duna, badam snack ah kan hmeh duh bawka...."nia...i chezia ah khan min nuihzat tih ka hre reng a lawm" ka ti a...a nui hak haka..tlemin a kai chhah ve tawh tih a awmdan ah chuan a hriat viau..


Eng eng emaw sawiin kan nui dun hawk hawk a, kan boruak chhia lam kan kai duhlo ve ve tih kan ti ti ah a hriat khawp mai...Kan inhnim hnai thei viau, Insum thei lovin han che zeuh i la ka hlawhchham ka ringlo...engkim mai a ni nghal thlup ngei ngei ang...Mahse chutiang thil chu thlen tir tawhloh hram ka tum ve ngar ngara.. in sum theihloh mai chu a hlauhawm thei țhin viau...aa awmdan leh che zia velah lah chuan beisei a nei tih a chiang em em mai bawksi...No 2 kan dawm zawh hnuah phei chuan ka dik dawnlo tak ngiala ka hriat avangin "ka hawng tawh ang e.." ka ti ta hial a... Mahse..."Naktuk Sunday ani a, class kal angai lova...hetah riak ve mai rawh..." a ti tlata...min kuah deuh chial reng bawk si a.... ka thawh dawnin min pawp beta...fiamthu a sawia kan nui dun leh hawk hawk țhin...kan boruak chu rit ru deuh si...buaithlak ru deuh bawk si ani ber mai....Engtin tin emawni sofa ah chuan in kuah chialh bawk siin kan mu duna.. kan nui duna.. light a off a, a ti ti siam siam bawk a...A Dadima (api) leh Sanjeeva pi inkawm dan te sawiin Sanjeev nen chuan kum 12 mi lek anih ațanga in hretawh an chhungkaw țhian an nihsa tawh thute, Sanjeeva pi leh api in an tute inneih tir an lo tum lawk dante..api in Sanjeev chu nei ngei tura a tih dante..a hnial fe hnuah api lungawilo titau thlem nana a amen tak dante a sawia...ka kut chu a khal pah nauh nauh a...Chutah khami zana kan awmdan kha api khan alo hre vek a...apa bulah a sawia..apa in khatia min tih laia ka lama ațan loh chhan chu keima tana țhatna tur anih vang zawkte asawi a..Kut min thlak loh chuan apa khan a naute ruaiin min sawisak mai ahlauh vangte anih zia min hrilh bawka....Motor a rawn tira...ka chuan duhloh vanga hrehawm atih zia leh Sanjeeva nen ințhen a duh thu ahrilha...Sanjeeva'n a ngaihdam theih tho thu a hrilha.. a thlem ngat ngat dante...Nafisah nen kan awmdan a hmuha a rilru nat ziate.. Class ka kal hmasakna ber ațanga min ngainat nghal dante chu a sawi melh melh a..engtin nge a sawi tawp pawh ka hre hman tawhlo...ka lo muthilh san daih a...


Ka harh hlawla...Sofa ah inkuah chialin kan lo muhil dun reng chu niin... a muhil lai chu ka en renga... Hmeichhe hmelțha chung chuang tak nisi film Industry lama lut lova Hetiang lam line a zawh daih te chu mak ka ti rilru hial zawka...Kristian sakhaw betu ani lova, Hremhmun lama a liam mai turte chu ka ngaihtuaha ka khawngaih in vanduai ka ti tak meuh ani...Chutia ahmel ka en reng lai chuan a rawn meng siar siara...a zi țalh țalh a...fiah deuh chuan a rawn meng chhuak hlawla...min hmu chu a nui ver vera... "khami zan hnua ka mut tui leh em em zan hmasa ber ani" a ti sapa..."Kei pawh" ka tia...kan in en renga... Chutah ka hrah zawka...Khua avar tawha.. a in ațanga ka chhuak lai miin min hmuh vaih chuan a țhalo khawp ang....ka thova..."Ka kal ațțha...hetia miin min hmuh dun chuan kan chan achau khawp ang" ka ti a...min kuah chaih chaih a...."Min nei mai rawh" a ti tham țiaka...


Ka nuia...."Chutiang sawi suh...ka hawng dawn" tiin ka tho nghala...Sana ka ena..Zinglam dar 7:00 a lo pel der tawh.....Ka intuai fai thuak thuak a...hawng turin kawngka lam ka pan nghal nalha...Kawngka ka hawnga pawn ka chhuak chiah chu kawngka hawn tuma lo ding mek Sanjeev nen chuan kan inhmachhawn ta heu maia....Kan phu dun zawk ani ber.....


End of Three...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:48 pm

NOTHING BUT LOVE...
Four......(Mahesh)


"Hetah enge i tih" a ti a, min nek salh pahin inchhungah a lut tlang nghal a... "Enge thil awmzia ni ngai, ahma pawn ka hrethiam tawh che a, tunah heti hian in awm dun leh a maw?...Engtin nge chhuanlam i siam leh dawn?" Sanjeeva'n a ti chu ka hre zui nghala..."i rin dan ang kha kan ni miahlo ania" Miss Radhika chuan a ti ve a...a ri thuai a...a beng ni ngeiin ka hria...let tumin ka inher zuau hman, Mahse ka zuk luh ve chuan kan boruak a sosang lutuk anga, kan mualpho nasa lutuk ang tih ka hlauh vangin ka insum hram hrama..."I chhuanlam siam tur ka hre vek, i dawtsawi ka ngaithla peih lo... Nang hi ka duh vang reng chea neih tum ka ni hleinem...Ka pi duhdan ka zawm mai chauh ani" a ti a..."Kei pawh nang zawngchhepa hi ka duh bik lo che asin" Miss Radhika chuan a ti ri chu ka hre leh a, ka kalsawn tak vangin engmah ka hre zui talo...Engtin nge an awm zui ka hrelo....Hriat pawh ka chak lutuk lemlo bawk.....Rilru nuamlo deuh chuan ka awm nilenga....Ka thiante 2 pawh engmah ka hrilh duh chuanglo...


Monday ani a, class a rawn kal lova, Tuesday ani a, ahmel kan hmu chuanglo...Thursday ania, Miss Rade subject hun ani...Mipa kum 50 pel tawh tih hriat deuh hi a rawn luta...lehkhabu a rawn pawm luka...ahmel en mai pawn South Indian lam chhuak ani tih a hriat ngawih ngawih, Tarmit lawk zet mai a bun ruh bawka..."Hello class, Engemaw rokhawlhna avangin i substitution lecture kha a kal chhunzawm thei dawn tawh lova...Kei hi in subject ka rawn la chhunzawm tawh dawn a ni...Ka hming chu Gulivar Sasthrianiganji a ni.." a ti a...an phun deuh mar mara...Dipmala a rawn dinga..."Engvanga rawn kal zawm thei talo nge anih?..kan hre thei tal ang em?...kan project siam zawhtawh chung changah te khan engtia tih tur nge nita ang" a rawn tia..."Dubai ah pasal nei turin a kal ani awm e...Naktuk ah in project chung chang chu kan sawi ho dawn nia...Medieval Architecture chung changa zawhna nei kan awm em?" a ti nghal zung zunga...Sanjeev nen chuan an innei dawn ta ngei ani maw?...a tha zawk e..a awm reng chuan insum theihloh hun ka nei leh ngeidawn si a...Krishna chuan min rawn melh rulh a..."i hresa tiraw?" a ti supa...ka lu ka lo thinga...a ner nung nunga...


A awm tak lovah chuan kan theihnghilh chhawm ve ani deuh der, A reh ta vang vanga ..Final Exam kan zova....Anupa rawtna angin Delhi ah kan chho va, Firm and Society din tumin kan buai nghal zak zak a, Bank hrang hrang kan dawrkual nasa hle...Permission chu kan hmu maia Mahse loan puk tur kan la hmu mai theilo...kan office tur kan run ve tawpa...Chutah chuan Kei, Anup, Krishna, Rani, Jaya te chu Co-owner kan nia... Kei chu Topper ka nih thin vangin Chairman ah mindah zuia..kan company hmingah pawh ka hming hman an rawt leh tlata 'Zauva Consultancy Service Ptv.Ltd'kan tia, Bank loan buaipui leh Tender chhuak zawn chu hna hmasa berah kan dah tawpa, kan thiante company nghial nghet saa lut te nen kan in el ber...Result a chhuaka topper ka ni leh ta ngeia... Chuvang chuan min en dan pawh a sang leh zual khawp mai... Kan tul ve mawp mawp a hna pawh lian lutuk lo kan thawk chho ve zela...Kan in din nghial nghet chho ve tan zel ani ber mai...Nupui pasal lam ngaihsak lo lekin kan awma, mahni tawkah kan buai thei ve nawk nawk khawp mai....Kum 3 kan run ve der tawh a, sawrkar lam thu neitu te hriat pawh kan hlawh chhoh ve hret hret zel...



"Ramfangzauva kha i ni em?" hmeichhe pakhat hian Mizoram a ka haw tur Airport a ka awm lai chuan a rawn ti a...ka en vata...Ka hriat ngai awm pawh ka hrelo, Hmelchhe lemlo tak nu lian vaklo mifmeng fiah kelkawl tak hi ani a..."aw...nie....min hria em ni?...ka hriat hnu chu i ang deuh bawk si?"...ka tia... "Chanmari a awm Abeki kha ka nia" a tia... ka hrethei chuanglo..."min hreve lutuk lo mai thei, Ka thiannu Msi nen in inkawp ve thin kha" a ti a... ka hrechhuak thei ta hrama... a lo danglam em tawh ani..khatih lai kha Class XI kan zirlai ani a..St.Pauls ah kan kala, Msi nen kan inngaihzawng ve deuh a, Abeki chu khatih lai kha chuan Shillong lamah a awm daiha...a rawn haw laiin kan inkawm ve zawk ani maia..kum 8 dawn a liam tawha, ka hrelo pawh a awm ve tho...Tin khatih hunlai khan amah hi cher dawldang lam deuh, sam kir bib beb kha ani hrim hrim bawka...Chulai hmunah teh daih chuan kan inhmuh avangin ka hai pek ani...."Hetah enge i tih ve daih a?..." ka ti a..."UDI Bank ah ka thawk ve a, Nang hetah enge i tih?" a ti zui ve zata..."Hna chhete ka thawk ve a lawm le...."ka ti mai a.. "Hawn tum i va ang ve?" a ti a.."Nia, Krismas chawlh ah ka haw hman si lova, ka hunawl neih chhung ka hawng zawk dawna" ka tia.."nang enge i tih dawn?" ka ti zui nghal a..."kei pawh ka haw chho lawk dawn....e taka...Numami kha i hria ang chu, In classmate anih kha, kha khan pasal a nei dawn a" a ti a..."Anih chu mawle, Zohmingmawii kha maw?" ka tia..."aw.....Msi pasal neih kha i hria em?" nui chung chuan a ti a..."aw hre ve deuh e...Pastor maw a neih a...ani zawng a fel khawpa.." ka ti a.."Nia...Msi pasal chuan alawm Inkutsuih tir dawn" a tia..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:48 pm

"E chu In veng pastor tihna em ni?" ka ti a..."ni love...Dawrpui Pastor ania,.Numami pasal tur kha Dawrpui veng ania" a ti ...Chutih lai chuan Thlawhna a chuang turte luh theih thu an rawn puanga... Keini 2 pawh chu kan lut veta rih a... Lengpui ah kan inhmu leh hlawla...Kei tumah hmuaktu ka nei ve lova, ani chu a nau in a rawn hmuak dawna, mahse a la rawn thleng bik lova, "Kan bulh haw ve mai rawh" a ti a..."taxi ka la mai ang, midang a rawn hruai tel palh takin" ka tive tlata...Motor nghah pah chuan thingpui dawrah kan chawla....."Ni 10 ah chuan lokal ve la?" a tia..."nia...ka tum dawn nia...Sawmna pawh ka hmu ve si lova?" nui chung chuan ka ti a..."Ka sawm che chu....I number min lo pe la" a tia..Ka business card chu ka pe a...a bih a vang vanga "Zauva Consultancy Chairman maw i nih....awi...Kan bank pawh in rawn dawr ngun sia.." a ti hluta... ka nui a..."nia...Engineer ka zira Business management lam ka khawih leh daih si anih hi.." ka ti a..kan nui dun hawk hawka..ka number chu a save zui nghala...A nau a rawn thlenga, ka ri ang ngeiin naupang a rawn hruai duaha...kei pawh taxi la in ka haw zui veta nghala..


Ka Farnu College kal laiin Aizawlah In a luah ve a, a bulah chuan ka innghat ve nghal a...ka thlen hnu rei vak lovah chuan phone call ka dawng nghal nawlha....Number lawng ringawt ani lehnghal..."Hello," ..."Hello, Zau...Numami....i dam maw?"...."Dam alawm....nang zawk i dam ma?..." "ka tha e....Englo ania....Ni 10 khian pasal neih ka tum ve deuha..." "ekhai...kan upa ta ani maw?"...kan nui dun hawk hawk a..."Nia, Nang chu i la neilo turah ka ngai ngawta...Vawiin ah Abeki nen in rawn chho dun niin ka lo hria a...Kan Inneih ni chu awm ve turin ka duh che a...ka sawm nghal che anih chu....Msi pawh a lo kal dawn" a nui hawk hawk a..." nia...ka haw chho phawt ang chu... Ni 12 ah meeting ka nei lehnghal a" ka ti a..."ni 10 chu i cham hman tho a lawm" "nia ka lo tum dawn nia..."ka ti a...eng eng emaw kan sawi hnuah kan in mangtha ta rih a...Abeki a lo hrilh hman ani ngei ang....Lenna tur k hre lemlo...Delhi a sikul kal ka hmelhriat thenkhat ka hawng tih hria leh an chhungte thil thawn ten an rawn lengin an rawn lam sap sap a...chutiang chuan zan chu kan tumtawi ve maia...Atuk ah Kapa awh em em thin Motor lei turin ka nau nen kan chhuak a...Motor kan lak chhuah fel hnuah kan khaw lam panin ka haw nghal nal nal a...Kapa hi Sipai Pension ani a, ka nu erawh zirtirtu (Primary School) ani thung...Motor chu kan nei sa ve tawh tho nangin tuna ka motor lei hi chu ka pa awh em em a lei ngam siloh a sawi ve fo thin anih vanga lei chauh ka ni...


Kan khua ah kar 1 ka cham hnuah Aizawl ah ka chhuk leha...Ni 11 chhuak tur thlawhna ticket ka book a...Kan khua a ka cham chhung hian vawi engemaw zah Abeki nen chuan ka inbia a, Aizawl ka chhuk huna an In a leng turin min sawm avangin an in a leng turin ka insiama...Delhi a awm thin Kan nau ka in lutchhuak ve reng mai Deniala nen an In ah chuan kan lengta.


An lo fel khawp a..Abeki pa hi Politician niin Aizawl pahlun ani bawka...A nu te chhungkua la mihausa chhungkua an lo ni bawk nen an harsa lo tih a hriat hle...An unau zinga upa ber ani nghe nghe... "Enge In thawh ber thin, Consultancy company te hi an sum hrawm ana ve khawp in ka hria" Abeki pa chuan a ti a..."Nia, a hautak ve khawp mai, Road Construction thlengin kan khawiha, kan buai ve khawp mai, Nghial nghet tawhsa an tam si a, a hautak rih khawp mai.."ka ti a..."Nia, Politics a inrawlh nasa ve tho lo maw?" a ti a..."rawlh ve chang chu awm mahse an hmingchhe awl em em a, chuvangin an ti tha duh vak lo...Hna tha an en ber sia, hlawk lutuk tum tan chance a chhe hrim hrim" ka tia..."taka... ka rawlruk ang che...tun kan sawrkar hrawn mek hian Corporation system kalpui an rilruk zauh zauh thina, kawng an dap deuh dawn niin ka hria, Sawrkar kum tharah Tender an chhuah mai thei, in ngaihven zawng ani em ka hrelo..."a ti a.. Chutiang chuan apa nen chUan kan ti ti hluah a, amah Abeki nen tak pawh inkawmna hun kan nei vaklo...Chumi zan atang chuan kan inkawm ta zauh zauh a, kan inba angreng viau... Kan in be deuh zauh zauh reng bawk nen engemaw ti takin kan inngaina chho ta viau a..Inneih ni ah pawh a motorin min rawn lamin min thlah leh thlapa...kan inzui nileng thaka...a tuka Delhi pana ka chhuk tur pawh ka nau nen min thlah thlapa...Delhi ka thlen pawn ka biak hmasak hma hauhin ka thlen tawh leh tawhloh te min rawn zawt leh zela...Engemaw tak chuan ka ngaina riau tawh nghe nghe....Ka Inbual zo chu ka phone ka ena ka nau call ka miss tih notification alo awma...Ka inthlak vel pah chuan ka call back nghal a..


"Hello, Mama....I tluang bawk maw?"...a rawn ti a..."tluang e...eng min rawn phone a..?." ka ti a..."Nia ho deuh mawle...U Abeki khan i chanchin ringawt a sawi char chara...Ngaihzawng i neih leh neihloh te a sawi nasa lutuk mawle.." a tia...ka nui a..."a ho tak hle mai....U atan i duh em?" ka ti fiamthu a..."i zaklo e....a fel khawp chuan ka hria, a hmeltha bawk si...Mahse a te mah mah chuan ka hria" a ti a...."a tha zawk a lawm.." ka ti fiamthu a..."i van zamlo tak...a sawi dan chuan I bial nu Msi nen in nih lai daih tawh khan a star tawh che ani awm e...a sawi ngam si lova, a thiannu chhas i ni bawk si a..." a ti a.. "a bawl che anih chu...Office kal hram ka duh a...anih phawt aw." ka ti a..kan inbiakna chu ka ti tawp ta riha.....Ka mithla ah Abeki nui ver ver hmel leh a chezia vel te chu a lang uaih uaih a....."Kei pawn ka ngaina a lawm" keima hriat tawk lek chuan ka ti a..



Ka thlen ni atangin Project hrang hrang kan duan tawhte chu Sawrkar laipui ah kan zuar chhawng leh char chara...kan hnathawh kawngah pawh fak kan hlawh sawt viau..chung zingah chuan Delhi khawpuia Slum area a mirethei te chenna in tur leh Delhi khawpui zauhna tur atana kan duan te chu fak kan hlawhna pawl chu ani... Chutianga kan buai avang chuan thildang ka ngaihven hman vak lemlo...Abeki pawn min la be ve reng bawka, a call ka miss zauh zauh chang pawh a awm nawk nghe nghe...


Aizawl atanga ka chhuk thlak hnu kar a liam leh der tawh a. Zan dar 7 velah call ka dawnga, Abecki a lo ni a, Kan meeting zo hlim hlawl ani nghe nghe..."Hello...Abeck" "Zua i buai em ni, vawiin ka rawn thlen hlimah ka call che a i miss leh tawh" nui chung chuan a rawn ti a...Ka theihnghilh tih ka hre chiah, nizan ah pawh min rawn call a min hrilh vek tawh si a..."Nia, Govt official te nen meeting kan nei a,...kan zo fel chiah a" ka ti a..."anih ka ring a...tunah i buai tawhlo tihna em ni?" inthlahrun hmel deuh chuan a rawn ti a..."aw...buai tawh love....ka hawng hman tawh...Ka rawn tlawh kawi ang che" ka ti a..."Nilo...i hman tawh chuan Dinner eina tur ka neia min kalpui la ka ti deuha.." a ti a..."Oh...ava emergency awm ve...?.." ka ti a.."nia, rawn hrilh che tumin ka rawn call ngat ngat che ..i la thei si lova.." a ti niah niah a..."Kan va tlai tawh awm ve" ka tia..a diktak chuan ka chau ve det...Mahse ka khawngaih angreng bawk si a..."Tlai love, Dar 8 function tran ania...kan la hman lutuk a lawm" a ti a.."anih chuan ka hawnglo mai ang, hetah inthlakna ka dah nual thova...Business man angin nge ka in chei anga?" ka ti hman chauhva...."nilo....Englo i ngaihaw lemlo ang chu maw....vawiin khan ka thlen velh ka order sak nghal che a...Zamtei Fashion Boutique atangin" a ti a...ka nui a..."ngai haw love, ka lawm zawk mawle....Ka size i hre dawn ami?" ka ti a..."ka hre dik turah ka ngai" a ti a..a nui hak hak a..."Kan kalna tur chu khawiah maw?" ka ti a..."Oberoi Maidens ah....Birthday party ania..kan thianpa fapa birthday ania.." a ti a..."awle..ka rawn kal nghal ang e.." ka ti ta a..


Ka tana thuam alo order chu ka tawk chiah chiah vek mai a, ka ta sa ni vek awm hi ani...minlo hrechiang hle ani ngei ang...Ani pawh kawr chhing over ni silo, nalh zet mai a ha a, a nulian lemlo nangin a pian analh lo hranlo bawka a i hmeh reuh khawp mai...Tichuan Oberoi Maidens lam pan chuan ka tlan ta nal nala.... Bank hnathawk an ni hlawm bawka, hmelhriat pawh ka hmu nual nghe nghe...."I pasal em ni? i nupui em ni?" tih zawhna kan dawng deuh malh malh renga, kan nui liam mai mai thina...."Hello, Miss Becky i lo kal lovang tih kan hlau a sin, Radhika nen hian in vawikhat inhmuhna ani maw kha?" tih ri chuan min sawi nghing deuh dawtin ka hria...Hetih lai hian ka hmelhriat pakhat Vijay Bank lama hotu pakhat nen kan in dinchilh lai ani a...Becky leh a nupui an inbe mawlh mawlh bawka.. ka hnungchhawn lam ani a..."Zau, hei Mr.Sanjeev leh a nupui an nih hi..." tia Becky min rawn kheuh zauh ah chuan ka inhera... Sanjeev leh Miss Radhika hmel ngei mai chu ka hmu leh ta siah mai a...Mak ti zet chuan min en renga... "Hello in tha maw?...Kei hi Zauva ka nia, Becky bialpa hi ka ni e" hamhaih eih lo chuan ka ti zui zata...An 3 hmela mak tihna hmel lo lang chu a hrang hrangin ka hmuh hmaih hauhlo... Sanjeev hmelah chuan lung nilo lutuk mak tihna ka hmu a, Miss Rade hmelah chuan rinloh lutuka min hmu hmel chu a langa... Abeki hmelah chuan chutia ka ti mai chu mak ti hmel ka hmu a...Chutia kan in en lai chuan Pu Baba leh a nupui chu Mipa naupang kum 2 em vel tura upa kai chung hian an rawn lang ve hlawl bawka...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:49 pm

Kum 3 hnua in tawhkhawm lehna kan nei ani ber mai...Mak kan ti tlang vek awm e...Becky chu ka kai deuh kher bawka...Becky chu a sen tan tan bawka, "Kan hmu che chu kan lawm e...Miss Becky nuam ti deuhin i hmang dawn nia" Sanjeev chuan a tia..an kalsawn zui nghal a..."Enge khati khan i tih khera...?" Becky chuan a ti a...ka nui maia..."Ka bial nu i ni duhlo em ni?" ka ti ringawta..."Ah...englo ... duhlo chuang love...Mahse..aaa rang teh thut em a" a ti bah niah a..Miss Rade chuan midang phen atang chuan min rawn en ru zauh zauh thin tih ka hmu ru renga, min ngaihven hle ani tih pawh ka hailo...Apasal Sanjeev lahin a nupui chu a veng hle tih a chezia atangin a hriat theih bawk... Chutiang bawkin Putar Baba pawh chuan a vei ve hle tih a hawiher atangin hriat theih... "Anih chuan kan inngaizawng thei tihna anih chu..." ka ti a..ka kuah deuh salh bawka...Miss Rade hmuh lai chuan beng bulah "I chhelovin i nalh u chuak lutuk a... ka over det anih kha...min hrethiam dawn nia" Becky bulah chuan ka ti sar sara.."ka lawm e....a rang teh thut lutuka ka awih theilo" min melh ralh pah chuan a tia..."Aizawl atang daih tawh khan a intan tawh a lawm" ka tia...a nui hak hak a...Min ngaihventu an awm tih hre ru reng chung chuan duh hmel deuhin ka buaipui lui vel zel bawka.. Nuam a tiin a hlim hle tih a awmdan atang chuan ka hre thei bawka..


Function an tana...Naupang birthday mai maia insenso atan chuan hautak deuh chu ani... Engkim mai chu a ropui em em veka..Sanjeev chuan a fapa chu a buaipui hle tih a hriat theih bawk, Becky leh athiante an in kawm malh malh lai chuan Miss Rade chuan min signal zauhva... Party room atang chuan a chhuak a...ka hrethiam duhlo der deuh tlata...Rei deuh hnuah waiter pakhat hian Wine glass min pek pah hian lehkha them 1 min pe ru zauhva...ka en a "Room.No.130 ah ka be duh che Radhika" tih alo inziaka...ka nui sak a, Waiter thil chawi ka laksak chu ka tlak pawp a, Becky bulah chuan "Ka inthiar lawk dawn" tiin ka chhuah san zui nghala...Pawna waiter pakhat lo awm hnenah chuan Room awm a chu ka zawta "Floor 3na ah" a ti a, lift ah chuan ka lut zui nghala...


Room Ni.130 chu ka zawng ta a...127,28,29...130...ka ding chata, ka enkual zak zaka kawngka chu ka kik kauh kauh a...Rei pawh ka nghah hma chuan Miss Radhika chu a rawn daka "lo lut rawh" a ti thawl sapa...Room chhungah chuan alo ding vanga, a sam chu a kir chuat silo hian a herh kawi deuha, a bek sam ve ve chu kilh beta, a hnungah a tawn zial deuh a, tlereuh man tam hmel deuh deuh chu a inbel thluah bawka, "i dam thin maw?" a tia..."aw..ka dam a lawm...eng thilah nge min biak duha?" ka ti a....Guest room ah chuan a lut tlanga.."Engvangin nge khami zing khan ngawi renga i kal daih.....Ka thlavang pawh i hauh duhloh....Kei hi min duh zia sawi chungin min mutpuiia, ngawi rengin min kalsan leh si" a ti a..a meng vap hama...a lungawilo takzet ani tih a hriat..."Nia...Ka duh che tih i hria a lawm...Mahse i pa in khatia min tih khan ka lamah tang lovin kut min thlak zawk a nih kha" ka ti ve salha...."Engkim i hriat vek kha...ka duhloh vang lam che ni lovin, kan 2 tana hun remchang ka ngaihtuah vang zawk a ni tih ka hrilh vek tawh che kha..." a ti a... "Sanjeev kha ka koh anih kha...kan 2 a awm dunlai ngei min rawn hmu lehse min kalsan nghal bawkse ka duh vanga ko ka ni" a ti a..."Engmaw..?...i koh vanga lo kal maw anih...tichuan nang hian khami zan khan engkim i lo ruahman lawk vek tihna maw?...Kei chu hmanrua lekah min hmang a maw?"... ka ti a...ka thinrim chu ka lum deuh pup pup in ka hria...


"Aw...avai chuan nilo..I muthilh hlan khan ka bia a lawm...Nanglah misual ang maiin i tlanbo nghala, min mutpui hnuah min phatsana, min kalsan zui lehnghala...Engvanga ka chungah khatiang ang thil kha nge i tih reng reng..?"a ti a...a meng thip ram a... min rawn pan hnaia...a pai deuh khata..a in hnem hle ani ngei ang...Sawi tur ka hrelo,...Ka hmuh tirh atanga a pa leh midang hmaa min ben hma zawng kha chuan ka duh em em a, atan tih pawh ka huam ngei ang...Mahse...a hnu atang kha chuan ka rilru nat luat vangin ka haw lehling zawmah tawh a, Amah chauh lo pawh nula ka nei thei tih lantir baka chak ka neilo......Chung zawng zawng chu engdang vang mahah thleng a ni lova, ka hmangaihna vang chauha thleng ani......"Ka rilru nat luat vanga ka chhungte min nawrluihna ka pawm tak chhan hi i hria tiraw?...Nangmah vang ani" a ti a..Ka ngawi renga... insi deuh thaw in kan i hnaih tawh... Ka kawr awmah a dawma..."Sawi rawh, min mutpui chauh i duh vangin... Min duh dera...min sawmlui tiraw?" a tia...A thaw lum ham ham chuan ka insum theihlohna a ti chhuak ani chek aniang ka man beta, ka fawp ta ngawta... Min hnar biklo chiang kher mai... min fawp let zui nghal zata... Kan va duhthawh teh lul em....Engtia rei ngei kan insum tawh...?...a vawrtawp a thlenga.. kan puak keh ani ber mai...chutah min namper a...."Kawngka" kan ti rual sapa...Kawngka kal tur chuan a tlan nghal dawr dawr a...a rawn let leh chu thir hipthei in hip ang chat kan ni...Kan inbelhbawm chata..Chu room chhuat woolen carpet dup leh fai zet ah chuan kan tlu dun ta riai riai a....


Kan thaw hle hle a, kan inpawm chiala.."Pasal neilo emaw ka inti a sin...Mahse ka pawisa phal ta nganglo ani e.." a ti sar sara...Nuamlo tih riauna ka nei a...Mahse ka insum zo nang silo ani...Kristian dan ah chuan mi nu uire ka ni ta reng mai si a... Hmangaihna vanga thleng pawh nise thiamna reng ka nei silo...."hrehawm i ti em ni?" min ti a..ka nui maia..."I awih em ka hrelo...kan In kutsuih zan bak kha Vawikhat mah ka la mutpui leh miahlo a sin.." a tia..."Chu chu engtin nge anih theih...nupa in ni ani lawm ni?" ka ti a..."aw...Nupa ang chu kan ni ngei a lawm...Mahse pawnlam landan chauh ani.....khami tuk ah khan Kapa phone a tuma..anih chuan ka nei dawnlo ani mai ka tia...A phone ta bik lova... Adik tak chuan min hmangaih ve pawh a tum.. kei pawn hmangaih ve theih mai pawh ka inring thin...Mahse kan hlawhchham ve ve ani bermai...Ka hriilh tawh angche khan Ka pi leh a pi hian thu an lo thlun tawh avangin kan ti beidawng hreh ve vea..Tichuan rem kan ruat dun ta a...Nau ka ke tawh thu ka hrilha.. min pawm thei tho anih chuan ka pasal angin ka nei hreh lovanga...Mahse min pawm theilo anih chuan" a ti hman chauh..."Nau i pai maw?...tufa?" ka tia..ka thin a phu nghal dup dup in ka hria..."I fa mawle... Kan Ina kan mut dun hma zan chiah khan ka thi neih a tawp chiah a...Ka hmangaih leh duh em vang chein ka in phal ta kha ania...Mahse engkim a kal dik taklohah khan ka zep tang tanga...Ka hlauhthawn ang ngeiin ka hunbi chu a kim talo ngei a...hrilh che tumin ka bei ngat ngat a, mahse i biak theih ngai silo...Ka huntha neih zan ah i pawisawi ka hlauh vangin ka hrilh ngam talo chea... Kan boruak kha diklo nilose i piancham lawmna ah khan ka present ngei ang che..." a ti a.."Tuna naute khu ka fapa maw?" ka ti nawn leh ngata..."DNA test i duh em ni?" a tia..a tho nalha...Room a luta, keipawh ka thova.. ka inha tha nghal sawk sawka...Envelope zawr tawh tak hi a rawn keng va va a..."hei hi i DNA leh kan fala DNA testna result ani...i rinhleh ka hlauh vangin i samzai ka ru a..."a tia.. Paper chu ka ena...Result ah chuan Positive tih ka zuk hmu vang maia...ka bing duh mup mup in ka hria...



"Heng zawng zawng hi Sanjeev in hria maw?" ka ti a..."Mmm..Sanjeev a pi khan ka pi lakah leiba a nei a, eng chiah nge kan hrelo, chutah chuan thu an thlunga.. Keiin ka duhloh chuan Sanjeev a pi leiba chu a kiam ang a...Mahse Sanjeev an min duhlo anih chuan api leiba chu apung sawt dawn thung...Chutah chuan kei aiin inneihloh a hlau zawka... Engkim ka hrilh vek hnuah kan inremsiama... Kan chhungte leh midangte mithmuhah Nupa angin kan awmta ani...Ka fa enkawlna senso zawng zawng a tum bawka... Nang nen kan inhmu duh anih pawn remchang ka neih chuan ka hmuh che a phal reng ang...Chutiang bawk chuan A ngaihzawng Asanti nen an inhmu thei bawk ang...Asanti chu zanin a I thiannu nena in bia kha ani" a ti a...Mak ka ti lutuk chu ka ngawi renga.... He nu hian engthil nge maw a tih vak vak le...."Heng zawng zawng hi engvanga ti nge maw i nih chiah le...?..." ka ti nawn leh ngata...."Engdang vang mah ani lo...Hmangaihna vang chauh a thleng ani.." a ti a...Min kuaha kan infawp zui leh ta nghala....Chutah ka phone a rawn ri ve chiah bawka....."Tunge?" a tia..ka phone ka ena..."Becky anih hi" ka ti sapa......Ka pickup dawn chiah tih ah...Room kawngka chu tuemaw hian a rawn kik karh karha....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 30th, 2016, 3:49 pm

Kan tho vata, Kei bathroom ah ka luta, ani kawngka lam hawiin a kal thunga..."Hello Beck, ka hmelhriat 1 hotel ah hian alo thleng ve reng maia.. kan inhmu lawka..ka rawn kal hman dawn e" ka ti nghal zung zunga..."awle...I bo rei lutuka...ka ngaihtuah deuh mai mai che...Dinner ei a hun dawn e aw" a rawn ti a..."Room service ani e" kawngka pawn lam atang chuan a rawn tia...ka thaw huaia..vawi 3 in phawk tir em em chu ka tum tawh biklo..."min rawn bia ang che" ka ti a...Ka card ka pea, ka chhuak zui ta nghala...Party hall ka thlen chuan Becky chu hmeichhe 1 nen an lo ti ti meka...min hmuh rual chuan "hei hi nia Zauva chu...Zau hei hi Mr.Sanjeev farnu Malika anih hi" alo tia...kan inchibai a..."ka hmu che chu ka lawm khawp mai" kan ti ve ve a...Zanriah kan ei a, Rade pawh Sanjeev nen midang chaiu au in an buai kual vela... Naupang chu ka hmuh chak deuh avangin ka zawngkual deuh a, mahse ka hmu mai lo, Ka hmu chak kher mai...ka hawikual vel chu Miss Rade chuan a hrethiam ani ngei ang mi hmuhloh ah naupang awmna lam chu a melh zauha...Kil khat naupang 3 vel leh tleirawl rual khat zingah chuan a lo awma, an lo bial laih laih a...


Ka eikham chuan "Haw hma chu naupang chu engemaw kan pe ve ang chu" ka tia.."Nia, present chu ka pe tawh tho asin" Abeki chuan a tia..."A,.naupang chu ahranpa a pek ka duhve mai mai mawle..pawi chuanglo" ka tia..ka tih luih chuan mak min tih ka hlau deuh..."I duh athu ani mai...khawnge mawle...e saw...sawta saw..." a ti nghal vata...Miss Rade leh hmeichhe tleirawl 3 vel awmna chu kan pan ta nghala...

"Hello, birthday boy.." ka tia..a zuang zauh zauh lai chu ka va chelha...min en hehaw pah chuan "Hello Uncle.." a lo tive a...a lawmawm reuh hle...ngun taka en chuan kei min chhun deuhna lai chu a nei khawp mai...anu chi a chak deuh vang nge a awmna hmun zir vang ka hrelo vai hmel a pawl viau..."Tunge i hming?" ka ti a..."Mahesh" a tia..."Mr...errr..." ka hming hrelo awm ang deuh chuan Rade chuan a ti a..."Zauva.." Becky chuan alo ti vata..."Ok...Uncle Zauva" Rade chuan a tia...ka melh kawka...a nuih a za in a hlim hle tih a hmel atang chuan a hriat theih... "Happy birthday Mahesh" tih pahin Rs 1000 note chu ka pe a..."wow...ava tam ve" nula chuan alo tia..kan inchibai hnuah naupang chu a zuang leh tauh tauha...Rei awm lovin kan kalsan taa...Sanjeev bulah kan haw mai dawn thu leh zin chauh deuh thu a sawi hnuah haw turin kan chhuak zui ta nghala...


"Mahesh khan a ang reuh khawp mai che...engemaw takah khan" Becky chuan a tia...ka phu deuh zawka..."Engmaw?"...ka ti a..ka harh chhuah zawka..."keimah angin a duhawm i tihna ani maw?" ka tih zawm leh zaiha..a nui hawk hawk a.."Tak tak alawm, a mitmeng leh a hmui bawrah khan..." a tia...ka nui ve maia..."Nia...pa te chu min ang ve bawk ang chu" ka ti thelh a, ti em talo chuan "nia...chutia min ang i tih chuan i lo ngaihven ta viau tihna em ni?" ka ti zaiha..."Nia...ka lo ngaina hman lutuk mawle..." nui chung chuan a tia...kan nui dun haawk hawka...ka mitthla ah Mahesha zuang tauh tauh lai leh chumi phen a Miss Rade mitmeng nalh zet maiin min melh leh ralh ralh thin hmel chu an lang bawk a...."i hlim hmel riau mai..." Becky chuan a tia..."Nia....hlim e...a nuam khawp mai tiraw?" ka ti a..."Nia...a nuam khawp mai...taka...Sanjeev a nupui kha ka vawi 1 hmuhna ania a hmeltha kher mai...a pian a nalh bawksi, a nu hnap maia...a phulo thlawt ani..." a ti siam siam a..."Nia...a chhelo khawp mai....An pa Sanjeev ve kha Sabengtung a ang a.." ka ti a..za em em chuan a nuia...."naupang khan min ang i ti tak tak maw?" ka ti nawn leh ngata..."I va lawm awm ve mawle" a ti a..."Nia, khatiang naupang duhawm takin min ang ve tlat mai kha a lawmawm ve bawk a lawm" la tia...


Becky lakah chuan ka inthiamlo ru khawp mai....Engtin nge Sanjeev khan ka fapa kha a pawm theiha...Nupa tak tak chhungril lama ni silova, Nupa ang chiah a an awm theih le...A pi a hmangaih hle aniang....Kan hma ah enge thleng dawna, Kei nge tuar ang Becky nge Mahesha nu...?...Engkim mai chu hmawrbawk nuam tak leh hmawrbawkna hrehawm tak a la ni thei reng sia...Kan hma hun tur chu thil huphurhawm tak nge ni ang..thil hlimawm tak ni angle....Becky ka thlah hnuah ka in ah ka kal nghala... ka phone rik hun changin ka thu vang vanga.....


Buzzzzz.....Buzzzzz....Buzzzzz......a rawn ti a...rang takin ka en vata...Ka number hriat ngailoh....phur zetin ka la a..."Hello...Zauva ka nia..." ka ti a..."Radhika ka nia....." a rawn ti sapa....




End Of Four...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)