PU KAPTEA THLA KOH THU

Tochhong Ruata
Posts: 53
Joined: October 2nd, 2016, 1:46 pm

PU KAPTEA THLA KOH THU

Unread post by Tochhong Ruata » November 9th, 2016, 6:03 pm

Thingtlang khaw pakhat In 200 tlinglo deuh khua ah High School zirtirtu in lak ka nivea...Kei ram vah, lui kal, Sa chan tih vel nuam timi ka lo ni bawk nen ka awmna khua chu nuam ka ti in ka tlangnal hle,...Ka awmna khua hi Hmarchhak lam khaw keltil ve tak Paite, Mizo leh Pawi in chenpawlhna khua ani a, an tawng pawh a ze nak nghe nghe..Kei Aizawl tlangval han awmta chu min engemaw ngaihsan teh neka, ka thusawi engkim mai hi a dik faivekah an ngai ni hmiang April fool a mi ka fiam pawn "ani sawi anih chuan a dik tho tho ang a fiamthu pawh nise" an ti talh thin.... Ka hlawh lak hmasak berin Ulhbun phir ka lei nghal hmaka, chu Ulhbun phir nen chuan Sikul ban rual hian Dai hnai panin ian inzui chhuak nghal Zat zel... Zana nula rim ai chuan Kawmthlangpa Pu Buaia Pasal tha chawl ta ti ti ngaithla a awm ka thlang zawk fo thin...In leng ka neihve te lah kum lama ka pa rual hlir mai, ka ramvahpui thinte an ni hlawma, kan ti ti pawh "Chumi mual ah chuan saza hnu an hmu, Sazuk pawh a tharlam...Nghal rual an chiar dup mai" tih vel ani thin...Kum 3 ka awm ve meuh chuan 'Sa kap thei' tia sawi ka nive der tawh, Ka hrat lak ve hrim hrim bawk a...Zirtawp tlaia ka chhuak Sunday tlaia haw nulh chang pawh ka nei fo mai, Chung vang chuan sa pawh ka thal ve nual tawh... Mak deuh maiin ramhnuai hi hlauh nachang ka hre lemlo, An nin an tlawh serh, Pasaltha Pu Buaia te ang chin ngat lo chuan an tlawh ngai reng rengloh 'Zawlnghak ngawpui' an tih mai 'Pa Ngen ram' an tih ah te chuan ka tei lut a, an kal pawhloh a tikah sa ka kah phah fo lehnghal...Chuvang chuan min pasaltha cheibawl ve viau thin...Ka ram tla pawh Khawpui tlangval anglo takin ka khawr em em bik ngai lova, Chuvang te pawh chuan thenkhat chuan min ngai danglam ru hle reng bawk ani...


Chutianga ka tlangnel tawh viau hnu Kum 3 ka khawsak ve tawhna ah chuan Nikhat chu ka sa chang hi engemaw hian min mawlh ve tlat maia,..Ka sa channa khan ka tih em em nidang ang chu nise chhuak ngei tura ka ngaihah pawh a thawm engmah hriat tur a awmlo... Thli a thaw heklo...engkim mai chu a ngawi duk mai niin ka hria..Ka beidawng chu ka sa channa epa Kan khaw thlawhlai lam pan chuan ka kal ta tawpa...Zan dar 8 vel lai ani tawh awm e, Zau ka thlen hma ral atang alan theihna au deuh lai atang chuan Thlam bing deuh Pu Kaptea thlam lam pana meichher kal thliah thliah leh kawt vela mi awm laih laih chu ka hmua.."Eng an ti chu nimaw?" tiin chulam chu ding takin ka pan ve ta ngawta.....A hmun ka va thlen chuan Pu Kaptea chu a damlo nasa hle hi alo nia...Chuvangin Chulai zaua riak te chuan zawn haw mai an rawta...an lo in tuk khawmvel hi ania.....


Pu Kaptea hi a fanu Kum 20 mi vel nen chauha awm niin, A fanu hi kan sikul chhuak ani nghe nghe a...Hmel pawh chhe lemlo, mahse ngawichawi em em mai, pafa in ngaina tak inzui chawt an nia..an buh hmun thlovin an riak duna, Apa chu an lo piah Se Sih an tih maiah Sih chakai Laiin a kala, Chakai bar pawh hawn lovin a rawn damlo haw vak mai a, Natchhawkna te an han pek ngial pawh eng a ang thei lova a tawngvai a...Kum 10 kaltaa anupui boral tawh Darzami hmingte alam nawk mai bawk nen...Zanriah eikhama Nawltei rim tura kal Upa Dailova fapa te thian dun chuan chutia awm ngawt chu tha ti lovin Midang an puna zawn haw an tum ta alo nia...Kei pawh chu eng sawi lemlo chuan zawn haw tur zingah chuan ka awm ve nghal maia....Hetia Zawn kan tum laite hian fiah leh fel fak hian "Ekhai...Ngaihtuah awm ka ni love, Min hawn san rawh u" a rawn ti leh hlawl thin nangin a sawi zawh rual rualin hriat chian fak theih si lohvin a rak nak nak a, a pang a sa leh hluah thin a...Han zawn ho loh chi anilo hrim hrim ani... Pa tuarchhel tak leh pa in ngaitlawm tak anih bawk vangin a tlawmngai mai mai ah kan ngaia.. Hlang kan siam zawhah Muangchang lovin Zawn kan ti ta a..


"Nang zawng i ram kal hah si a, Nawltei hi rawn chhawm bek bek la, kan lo han kal tange?" an ti a...Nawltei leh a thiannu ramriahpui Puibawihi leh An ri a awm Pi Sawmi te nen kan inchhawm haw ta a.. Kan haw kawngah Nawltei thusawi atangin a pa chu engemaw takin ka ngaih a ti tha chiahlo...Amah Pu Buaian minlo hrilh ve fo tawh a...Se Sih hian huai a nei ve thina, an thikthu pawh a chhe roh khawp mai,...An sih ,,tlantu Nungcha engkim mai hi an humhalh rohva, kan kap duh anih pawn Thawm nei miah lova kah Pawpa haw nal nal tur ani... Chuti lo zawng kan thawmah min hriaa, min dawia...damloh vakna thlentu ani" a tih kha ka hria...Pu Kaptea hi zai ret ret chi anive a, chuvangin achungah hetiang thil hi a thleng tihna anih ka ring rilru deuha... Kan hma a kalte chu vawi 2/3 vel chu an bawr leh laih laih thina, a buai deuh ni ngeiin a lang... He mi kuma lo neihna hmun hi chawhma kal dawn anih avangin In kan thlen meuh chuan Zanlai dar 12 a ri dawn thuak tawha...Damlo zawn nilo i la chuan Dar 10 chho vela thleng tur kan ni ngeia..Mahse kawng lakah a buai deuh avangin kan kal sawt lemlo em ani...

Damdawiin a awm loh avangin In ah kan innghata... In kan luh rual rualin a buai a zuala, a tawngvai nawk nawk reng bawka...Dawm laih laih ngai khawp ten a awm thina...An pafa chauha hawn san chi ni hek suh, kan tlaivarpui zui nghal ta nghe nghe a.. Hetia kan awm laih laih lai hian keini kaitena thukhawm ho zingah chuan a zawntu tlangval te chuan an damlo zawn chan chin chu an sawi laih laih a..."Pu Vuana lo lu kan kai chho tihah khan a rawn thu hlawl maia, Sesih ngaw lam chu a hawi vual vuala...a panga kal ka nih avangin ka hmu chiang khawp mai, amimeng kha a var veka, a irh uk uk bawka...Chutah min rawn en chu ka hlau khawp mai...Han kuai mut mai kan tuma a chak em em maia...Kan innghat leh riha..kan mut tir thei hram ani" Pakhat chuan a ti sap sap a..."Hnakhar lui kan kan dawn khan a rawn tawng ri nawk nawk a, Nu Dari hmingte, Nawltei hmingte leh ka hriat ngai loh hming alam nawk nawk bawka..." ti ten an sawia...Valupa deuh awm ho chuan "an lo bing nei tur hi neilo a, kan zak rawn tan tura kan tih pawn a duhlo tlata...Khulai Sih khu huai nei niin an sawi asin...Eng em kan tilo tur ah ngai ang...A khawsik san vang mai mai ani ve thei tho ania" lo ti tawk an awm bawka... Pu Kaptea damlo zawn haw chuan chanchin a nei nawk dawn niin ka hria...Thil hi amak zawnga sawi tlat duh leh rapthlak deuh zawnga sawi tlattu an awm ve reng ania...tih hi ka ngaihdan ani tthin...kei chuan ka ngai thutak tehchiam lova, Valup in a sawi "A khawsik san luat vanga talbuai maiah ka ngai...Kawl mawng a det tan atangin a muhil thei ta a...An chhungkhat laina hnai deuhte leh an thenawmhnai an aw tho avangin kan hawng dar zui ta nghala...


Sikul ka tleng chu Office ah pawh chutiang lam hlir chu an lo sawia,...Sih huai in a khawih ani ngei ang" tih chu an thu tlukna ani a...Kan han sawi ho nak nak a, kei chuan chutiang ka ring ve derlo..Mahse engmah ka sawi ve duh lemlo, ka ngawi renga an sawi chu ka lo ngaithla liam ve mai mai a....Kan Sir zinga un ber Pu Saia chuan "Tukin khan Pu Buaia khan a thla koh sak angai anih dawn chu a tih kha...ani hi thla ko thiam kan neih chhun ania, amah a chak vak tawh si lova, a buai thlak khawp ang" a ti a...Chu chuan ka beng a verh zar mai..."Pu Sai enge thla koh tih chu awm zia?" ka lo tivea..."Thla koh maw?...Damlo in a tawngvai a alamna hmunah a thla acham banga chu chu koh hawn sak angai tihna mawle...Pasaltha naran tan chuan tih theih pawh ani lo...Thla an koh chu a ralti em em a, Pasaltha hlau hmel leh hlau deuh zia aman chakin a hre em em a, Chuvangin thla an koh chuan an zui thleng duh ta thinlo an tia lawm...Pasaltha tak nih chu a ngai khawp ang" a ti a..."Ehiau ava Pathian thu awmlo ve....Engemaw vangin a damlova, Chu chuan a thlarau akalsan ang maw?...chutianga koh hawn chi ani ngai dawn em ni?" Ka ti leh hrama....Pu Saia bawk chuan "Engtik kum nge ka chiang talo..kei pawh ka la tlangval ve nghe nghe..tuna kan VC Member Pu Zachunga Pa khi a ramriak a dam lova a buai viau maia..an lo lam leh an buh hmun ringawt a tawngvaiin a sawi chhuak a...Chutah Valupa deuh ten thla koh an rawta....Pu Buaia khian a zuk ko a lawm...a sawi tha duh vaklo....Mahse khi tun thlengin Pa Nawka pawh hnang ala hlai theih tak khi...a thih loh kan ringlo mawle" a ti a...ka ngawi renga...Pu Buaia zawh chu ka chak et et tawh ani...


Sikul ban rualin Pu Buaia in ka pana...Chhun lama kan ti ti chu ka zawta...a sawi tha duh vak lova..."nia...ka zuk kal ve ngei a lawm...mipa tan chuan thil harsa phei chu ani lo...Mahse a zawngchhang thlak vakloh...Kalnawn ngai kan nei talo hlauha...Hei kum engemaw zah hnuah kal nawn a ngai hmel anih hi.." a ti duh chauha...eng eng emaw kan sawi nual hnuah ngaihtha em em lo chuan ka hawng ve ta a....Adik tak chuan ka awihlo hulhual ani....Kan zawn haw atanga ni 4 liam ah pawh ala dam theilo...Kan khua atanga Damdawiin hnai ber lah Km 50 dawn ani daih mai si..Fur ruahtui tlak vanglai anih vangin kawng a chhe em em maia...Han inphurh thlen zawh chi ani bawk silo...Kan khua a Health Worker Chu kan beisei neih ani ngawr mai...a chau ve tawh viau...Mahse a buai achhuah lai chuan buaipui laih laih ngai khawpin thahrui zuk nei thina..... Kan mangang tlang ta aniang...Zan khat chu Tapchhaka mei aia Ramvah chan chin an sawi ka ngaihthlak dauh dauh lai chuan "Pu Buaia'n a kawm duh che anih hmel...kan zuk kal lawk dawn em ni?" tiin kan YMA hruaitu te chuan min rawn bek bawra...Eng chu niang maw?...tiin ka eaw ve maia....Pu Buaia chu tap ah Chem alo tat hriU hriau a...Zan zana chem han tat chu mak ka ti deuh...a bulah chuan a silai rei tak a hawl chhuah tawhloh chu a tung bawka..."Mawite...Hei ka lo upa ve ta aniange...ka zam a tha talo riau maia...nang hi i mitmeng leh i khawsakna ka thlira ka hriat ruk dan che in Kan Pi leh pute hunlai a awm nila Khaw khat tlangval huaisen, Sa leh ral hmaa zam ngailo an tih tur chi hi niin ka hria che a...a ruk tak chun i hnung zui ka chak viau thin a..." a ti dap dap a, thingpui sen hang min pe hlawm a...."Ekhai..kei hian a lawm zui chak che...i mi fak derna chu ka nihna ni miahlo mahse a ngaihthlak nuam khawp mai.." nui chung chuan ka tia....."Englo ania...Hei kan khawtlang boruak chu i hriat angin hetiang hi kan ni si a....Kan buai chhia ani dera...Kapa lah kal mai rawhse han ti dawn ngawt i la, Nawltei mawlh khi a lainat awm dawn a...chuvangin rem kalo ruat vetawp a...Ka Silai leh hmanrua nena khawi han kal thei zia zang ka ni bawk silo nen...A lo vaua Sih ah khan Kaptea thla chambang hi i zuk ko hawn mai ava ngai awm ve....'Ekhai ka zuam love' i ti emaw...'Ka kallo mai ang?' i ti emaw anih chuan ka nawrlui hauhlo che..." a ti zui dap dap a...ka ngawi renga... min en kal a...."A tihdan phung a awm ve hrim hrim em ni?"..ka ti a...Ka chak ru tlat pek zu nia...."Awm ve teh renge...i kal thei dawn anih chuan Keiin i hnung dawlin kan khaw lungdawh ah ka lo nghak ang che...tihdan chu engkim ka hrilh vek ang che" a ti leh te te a....Eng eng emaw kan sawi hnu chuan "Ka kal ang e...nangin ka kaiza i ven dawn phawt chuan" ka ti ta a...



Pu Buaia min hrilh dan ang chuan In ah ka hawng vang vanga...Sana ka ena...Zan dar 7 a pel duai tawh...ka insiama... Ka chem ka tat hriama, Ka ipte ah bur ruak a chhunga ri rek rek awm thei tur ka ak bawka...Silai leh Sihdet, Chempui leh Tui ippuiah ka aka, Kaptea lo lam pan chuan ka liam zui ta vang vang a.... Kawngah mi tawh neih pawn biak miahloh tur a tih te chu ka hre renga, kan Headmaster te nupa nen kawnah kan intawka, min bia a, chhang lemlo chuan vung zetin ka kalpel maia, mak mintive deuh aniang "A lungawilo em ni dawn ni?" a ti zui nuah nuah pawh ka hre nghe nghe...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 9th, 2016, 6:30 pm

Ding takin ka kala...Ramriak an awm tho nangin Ram ka thlen meuh hi chuan an lo mu reh diak tawh a...Pu Kaptea te lo bing tak a awm chu ka pan ding nal nal a, An thlam chu a lo chulh repa, a thim thiapa, a reh ruih bawka...Thlam leika ka rap chiah tih ah "Ekhai...Pu Kapte i awm maw?...rawn ko tur chein ka rawn kal a sin" tiin ka be nghal mawlhmawlh a,, Thawm engmah a awmlo, a reh ruih ringawta,...Chutah tlengrel thlam kawngkhar chu ka pawt hawnga..."I hman hmawh ang khai, min nghak reng tawh ania" ka ti a..ka kut zui nghala...Thuka chaw nawi thla leh engemaw tlana lo tla kau kau zu hrai 3 vel chu an tlan darh haka,...an ri rak rak a, chungbak thawm a awmlo...Mei chu ka chhem zui nghal mawlh mawlha...Meichher atana ka siam dapther chu ka tuaha,...Chutih lai chuan Pu Kaptea thlam bungbel 2 leh a hnathawh thuam thlam riah chu ka la rawk rawka..."Hengte hi kan ah hawn sak ang che" tiin ka ippui ah ka khung mawlh mawlh a...Chutia ka tih mek lai chuan thlam luhka chu mihring rah rik tih hriat zet hian a ri rawka...ka beng averh zar mai....Mahse Pu Buaia'n engmah hrelo anga awm tur a tih avangin hrelo ang mai chuan ka inkhung malh malha...Chutah thlam kawm ah chuan patling thaw ri ang deuh hi a ri suk suka...thlam kawmchar sih panna lam buh chu a ri ta san san a...Meichher lak pah chuan "Aw...Sih ah hna i la nei ani maw?..Nangmah chuaha kal zawng a khawhar thlak ang e..." tiin ka zui ve nghala...Sih ka thlen chuan a reh ruih maia dumde a leng sup supa..."Khawnge Keimah Sa leh hrang hmaa zam ngailo, Pathian nung betu hian Pu Kaptea hawng hreha siamtu chu kan hawl darh vek teh ang" tiin ka chempui chu phawrh in sih kama thing kung malte tia vel chu kan sak tlu nghal pawp phawta...Chutih rual deuh thaw chuan ka meichher chu a rawn thim nghal sulha..."Ehiau .... khati zawng khan maw ni a?" tiin ka meichher chu khawnvartuia leihin ka chhi alh leh nghal hluaia...thli a thaw vuka.. a thim leh nghal hmaka...A ngai ang bawkin ka chhi nawn leh nghala...Chumi pah chuan "Pu Kapte zam reng reng suh, heng ho hi Isuan a ngam vek" ka ti nghal bawrh bawrh bawka..Isua hming ka lam rual deuh thaw chuan "ekh" tih lamdeuh ang hian Sih hnar ah chuan khawk rawih rawih khawpin a ri a...Sava zan riak an thlawk dar huk bawka...Ka chempui chuan thing chu ka fik leh hmawka..."Kal rawh Pu Kapte, hawng ang...min ngam ta love" ka tia..


Ka kap vel ah chuan eng emaw hriat thiam theih si hmuh theih siloh huan a rawn thawi thuak thuaka, a lum deuh pup pup bawka..."Kal rawh kal rawh...." ka ti reng bawka..ka bul hnaia hnim leh thing tuai awmte chu ka fik thawt thawt bawka...Chutah zet zawng kan thlanga hnim te chu a ri ta san san a..thli a thaw miah lova, mahse a ri seng seeng thung...Chulam chu ka zui zela...A chang leh ka hnung lamah a ria, chhak lamah leh thlang lamah nen a ri sang sang renga....Ka iptea bur ah chu ka la chhuaka, ka silai ah ka khaia, ka kal zawng chuan a ri rak raka, chu chuan ka kalna chin a hrilh dawn niin Pu Buaia chuan a sawi...chutah thlam lam pan chuan ka kala...Thlam kawtah chuan ka dinga..."Khawnge thlam hi kan khar tha ange" tiin ka khara, thingfakin ka do thlapa...Lo lu lam pan chuan ka kal ta zela...Lo kan pela, kawrte tui awm chipchep kan kan dawn chuan a sak deuh to ni maiin ka hria.."Hlau suh,...engmah an ti lovang, Isua kan nei alawm" ka ti a...Ka meichher chu thli chhem ang maiin a rawn chhem vuka,...A thim deuh vuai thei...chutih rual deuh thaw chuan kan hmalamah chuan Engemaw dum deuh run hmuin ka inhria..."Eheu...nang phiang sen chu..."tiin Ka pan hnaia...chempui chu boruak ah ka vai fua fua a..."Isua neitu hi min dal hauh lovang" ka ti pah mawlh mawlh bawka...Engemaw hian min rawn su dawta, ka tlu lek lek a, ka pai data...chutah Ka hmalam leh chhak lamah chuan a ri leh san san a...kanvai kiang nita ah ka ngai a..."Kal ang le, Ramhuai chunga thu neitu Isua hming kan lam chuan an tlawm duai duai mai" kati zui khera...


an lo kal pel fela thawm engmah awmlo vin kan kal zui nghal nal nal a...kan tluang khawp mai...a khat tawkin "Pu Kapte zam reng reng suh, isua neitu kan nih hi" ka ti thina...Kal chak theih hekloh...Khaw dai kan thlen meuh chuan kawl a eng lek lek tawh awm e...Pu Buaia chu ngawi rengin a lo dinga,...Chutah ka kap hnuai vel chu a rawn lum leh pup pupa, Kan meichher chu thli bing chhem ang maiin a si per sung sunga..."Kan thleng dawn tawh e, zam reng reng suh, an ti na ngam tawh lo che" ka ti a...Chumi chhung chu khirh bera ka hriat ani...A vir zawk zawk ni maiin ka hria....Chutah a reh duka...thla ai ri chiang zet mai chu kawrte lam panin a ri thla rawng rawnga...Thli thaw pawh a reh nghal hmaka..."Ekhai...kan inthlen zo dawnlo ava ang ve?" Pu Buaia chuan a ti supa...kA tlawm ngai kher mai....Ka tha sen ka ngaihtuah phei chuan...mahse rei vak lova...kan sir tawn tawn ah chuan a rawn ri leh ta san san a...chuvelleh Pu Buaia chuan hma a hruaia a thiang hmawra tengeng (dar thi) chu a sawh ri chher chhera..kawng chu a zawh nghala...keiin ka silai hmawra thil dah chu thingri chungin ka zui ve nghal bawk...Kawl a eng ani deuh der tawh...mahse ala thim deuh rup thung...Khawchhung kan luh rual deuh thaw in ar a ai chhuah chuah a, hlauh nei tih hriat takin bawng bawk mai mai lai an zuang tho zawk zawk hlawma...Ui a u chuah chuah bawka...Dawihzep deuh tan chuan rapthlak tak tur ani....Kan thlen chin a hriat khawp mai...ar ai tuar tuar zel maia, ui khawlaia u rawng rawng pawh chik nghawr nghawr chungin kawm an chuh rawk rawk bawka...An in kan thlenga...Kan thu fela thingpui hang kan dawm mek laiin "Ka pa....Ka...pa...." a fanu in a tih ri kan hria...kan bengkhawn deuh ha hlawma...."Ka tawng i hria em?.." a ti a..."Mambawih ka tui ava hal ve" a ti ri dut kan hre zui nghala...


Hemi tuma ka thil tawn avang hian huai leh thla an tih hi a awm ngei a, hlauh loh viau tum pawn ami tham anasa in zam a awl khawpin ka hria..Hun engemaw ah tih leh ngai nise ka inngaihtuah nasa ve khawp ang...Hlau miahlo chu ka ni lova, mahse hlauhloh tum tlat chuan a hlauhloh theihloh...Isua hming lamin Ramhuai an kiam thin tih erawh chiang takin ka hriat phah....Kum 2 dang ka thawh leh hnuah Aizawl ah sawn ka nia....Hemi kum ah hian Pu Kaptea Aizawl zin nen thingpui dawrah kan chawl duna...Ka thil tih tawhah chuan ka lawm ber tur ani nangin tih nawn leh ka duhloh ber tur ani thung awm e...


(Ka dawt muhlum phuah mai mai ani...Mizo history ah Thla koh hi hmuh tur a awm nual nangin tunlai chhanah hrelo kan awm takin tih thu ah famkimlo deuhin ka rawn tarlang ve mai mai ani e...)

The End

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 9th, 2016, 6:31 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)