TORN BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

Re: TORN BY Tochhong Ruata

Unread post by Ngaia » November 27th, 2016, 4:15 pm

Zan Dar 10a rik thleng pawn Ka chhungte leh ka thian thate hnen atang bak call ka la dawnglo.. ka beisei em em call ka dawng lova, ka beisei hauhloh Msi hnen atang te leh midang hnen atang ten call ka dawng zawk..."Hmm...Mizoram ah ka awm ang tih ka hlau hle mai" ka ti chhuak phawnga....Ka bula Phone kheuh niap niap Ruatfeli chuan "Eng aiah chuan maw?" a lo ti vata.... "Ka hre chuanglo, Engkim hi beisei loh ang zawng vekin a awm ani ber mai" ka ti a..."Call i dawng nasa lutuka i lungleng anih kha, kei ka lunglen loh tehlul nen" a ti zui hrama..."nia, ka lungleng nge ka lungngai pawh ka hrelo Krismas boruak hre map lova ka awm hi a hahdam lehling zawk" ka ti a..."Taka, tinge i kal ve loh?" ka ti teh hluaia...Mizoram House ah DMZP huai hawtin Christmas eve Party an buatsaih a... ka u te chhungkua pawh an kal veka..ka lunglen an hlauva kalloh an tum ren rawn nangin naupangin kal an chak ropui si a..ka tirliam lui zawk a....amah Ruatfeli lam reng reng ka lo ngaihtuah tawhlo..."Khawiah chuan maw?" a ti hu a..."Mizoram house ah mawle" ka ti a..."a ho emai..hetiang huau huau hi ka kal ve peih vaklo...I bula awm hi a nuam daih zawk, i play lunglen thlak thei bawksi" a ti a...ka nui hak a..."Ka tawng duhlo bawk si..boring i tih viau thin kha aw" ka ti a...a nui hawk hawk a..."ti love...a nuam ka ti lutuk...I u nen kan in biak tirh khan ka huphurh rilru khawpa...nangni mi hausa te hi chu in kianga awm hi a buaithlak viau ka lo ring deuh ngawta...MAhse alo nilo tawp anih hi...i zaidam bawk si, i cool thei bawk si...mahse i hlauhawm...i buk chhur mai a..mosolman te pawh i ang deuh a lawm" a ti a...kan nui dun hawk hawk a...


"Khai min fak mah mah ange..ka sual ka chhuah vaih chuan i chak lo nasa mai ang....I chhas chu enge in boruak nita zel" ka tia..."Ka break hmak tawh ninawm..mipa thikthu chhe deuh hi ka ngei tlat...an mahni dikloh vang mai mai ani" a ti a..."Ni love, kei pawh ka thikthu a chhe ve tho a sin" ka lo ti vata..."ka awihlo, thik thu chhia nila i lemziah nu kha i be nasa ngawt ang" a ti a...ka rilru te te chuan "i van hrelo tak, ka thikthu chhiat luat vangin ka na ngawih ngawih anih hi" ka ti a...zalo deuh chuan ka then suk a...chutah "i hriat loh laiin kan inbe nasa thei a lawm..." ka ti a..kan nui dun leh hak hak a..."Tihian Krismas urlawk zan chu kan hmang tlingtla ve mai ang...a nuam daih zawk" a ti a..sana chu a en zauha, ka damdawi ei a hun tih hriain a thova damdawi chu a buatsaih nghal malh malh a...Chutia a che vel chu ngawi rengin a lem ka lo ziak mawlh mawlh a..."U Ber, i bial nu chuan enge a tih ve thina...ka sawi awmzia chu eng hnathawk nge?" a tia..."Bial nu ka nei lo,...Min ban daih tawh a lawm, 'nang putar ke pawha kal theilo thu tung ut ringawt mai' min ti a" ka ti a..."ka awihlo, alem i ziah atang khan a chhelo tih a hriat reng a lawm" a ti a..damdawi chu min ei tira..."A lem ka ziah avangin ka bialnu tihna an ni chuang hleinem..." ka tia..."ni deuh ang chu, keini lem te chu i ziah ve tawp nang..." tifuh inti deuh chuan a tia.." ka ziah leh ziah loh i hre ngawt ami?" ka ti a...min rawn en vata..."i zak ami?...khawi maw?" a ti a..min rawn pan hnai vata..."ka ziak ka ti hleinem?" ka lo ti a..ka malpui chunga ka thil ziahna chu a la a...a lem ka ziah mek chu a en vang vanga..."Hmmm...min zia nute e mai" a ti ringawta..ka en renga a sen ap ap in kahria...



Eng eng emaw sawiin zan dar 12 chu kan thleng ve der tawha..."Hey taka Khawnge ka thil chah che chu?" ka ti chhuak a..."oh...Choka ah ka khawi tak asin...eng atan nge i tih?" a ti a.."khawngaih in min zuk lak ta che...Krismas eve ka hman dan hriat reng nan emaw ka duh deuha..." ka ti a...a nuia... la turin a chhuak nghal vata..a lo kir leh vata, "a lola vuai bik love..eng atan chuan i ti chu nimaw?" a ti a...min pek pah chuan "I bialnu lah a awm hla ropui bawk si" a ti zui khera...Ka nuia " ka hmanna tur chu i la hre mai ang...Zanin thut thut ah engmah ti thei pawh ka nih loh hi.." ka ti a...a nui a "a dik ve tho mai,..e ka hre leh si Zodinpuii kha i pe dawn ani maw?" a tia..."oh..Zodinpuii lam reng reng ka lo hrelo." ka ti a..Zodinpuii hi Mizoram Sawrkara Home Minister ni lai mek fanu Delhi a college kal lai fel deuh mai ani a..a hmel tak chu thalo mahse a duhawmin ngaihno bei na riau a nei a...Min rawn kan zing em em thina...Ni kar danin min rawn tlawh ziah thina..Zanin pawh Host anih dawn vangin a rawn kal theih loh tur thu min rawn phone thlapa....min ngaizawng deuh niin ka hre thin mahse kei damlo chu min ngaihzawn em chu ka ring chiahlo nangin min ngaihsak em em ringawt mai ani..."i lo thik deuh ani maw?" ka tia..a nui huka..."i van zaklo..." a ti ringawta..a nui hak hak bawka..."tak takah naktukah i hre mai ang...kan mu ve tawh dawn em ni ang?" ka ti a..."nia...lo pawngsen tlaivar ve ngawt chu a nilo" a tive mai a...Ka mu tur chu min rawn puia...a nute ve bawk si..kan buai dun thei nak nak khawp mai...Mahse min zai hma leh min zai zawh hlim ai ngawt chuan chet pawh ka zangkhai deuh tawh zawk...Kan in mutfel hnuah ani pawh mu turin a insiama..zan dang ang bawkin Bible a chhiara...a tawngtai leh thlapa...ka lam rawn hawi pah chuan "Mangtha aw" a ti a...a inthawlh set set a lehlam hawiin a mu ta thana...



Krismas tuk ani a..ka harh hma hle...ka phone ka la a...ka u nupui chu ka phone a...ka thil lo ruahman lawk ang chuan present box a rawn keng luta..Ruatfeli inthiar hlan chuan ka thutna turah minlo dah diam bawka... Ruatfeli intifia zo rawn chhuak chu ka lo nui vur vur a..."Christmas Chibai..." ka lo ti a..."Christmas chibai, engtin nge khatah khan i lo awm daih theih zawka...?" mak ti hmel ddeuh chuan a ti a...a sam atawn tawm nghal malh malh bawk a..."ka thlawk kai mawle" ka lo ti ve maia... "ka van awihlo ber" a tia..min nawr sawn tumin a rawn kala...ka puan silh hnuaia ka present box dah chu ka la chhuak a..."Christmas present anih hi" tiin Rose ama lei nen ngei chuan ka lo pe a...."Awi...i tih dan chu...min surprise viau ah i in ngai ani maw?...min tih khalh leh nghal" a tia..a nui hawk hawk a...a khum bula bazar atanga a rawn hawn sarang ip chu a zen rak raka... "KrismAS PRESENT " tiin Bawm lian lemlo tak Instrument box aia lian lo hret tur vel hi min pe ve bawka..."ava in lenhleih ve..." fiamthu chuan ka lo ti a..."Nia...ka neih tawk anih kha..enge ava rit ve" a ti a..."One two three ah kan hawng ang.." ka ti a..."1,2,3" kan ti ruala...kan kheh dun nghal rawp rawp a...ka thil dawn chu ka awihlo lek lek zawk...Titan Sana mipa bun chi nalh zet mai hi alo ni a...aman pawh Rs 3000 ai chuan a hniam theilo hrim hrim ang tih tur hi ani a....


"Hey ava nalh em em ve" ka ti ringawta...ka thil present ve Tablet chu a lek valh valh a..."Hei hi lawm tha le, ka awh em em ka lei ngam siloh anih hi" a ti a...kan thil dawnah chuan kan lungawi dun hmel hle...a khum bula dawhkan ah chuan glass no ah tui a daha Rose chu a khawi zui nghala..."Ka dawn tur anih ka la ring chuanglo" a ti zui hrama...ka nuia..."i rin loh chuan midang pek tur ka zawng mai dawn em ni?" ka ti a...a nui hawk hawk a... "ka phal teuhlo..." ati ringawta...Krismas boruak Mizoram te angin ri luih luih lo mahse a hmangtu in kan rilruah Krismas kan hmang ani tih kan inhriat phawt chuan a lo nuam ve tho ani tih ka hrechiang hle mai...Tichuan, Ruatfeli nen chuan kan innel chho ta hret hreta... Kan infiam bawrh bawrh renga, thla te kan la dun leh ringawt thin bawka...A tablet chu kan chhawr dun hle...Khumah kan mu duna thawnthu (novels) a chhiar a, ka ngaithla dauh dauh thina..Krismas a zova...Kumthar kan nghak thleng dun leha...kan hlim dun thin viau...Gosi pawh ka ngaihtuah vung vung ngai tawh bik lo...


Ka nu pawh a rawn thleng leh tawh a, Ruatfeli pawh kan bulah ala awm chhunzawm zel...Doctor in min en nawn leh a, ka ziaawm chak lutuk chu mak a ti zawka "Hetiang anih hi chuan i kal leh thei vat ang, i dam chak dan a zirin thla 8 hnuah chuan i tlan leh par par thei tawh ang" min ti a..rilru a nuam duh sawng sawng kher mai...Mizoram lama haw turin rilru kan siam fela...Doctor suggestion min pek angin min enkawl zui zel turin Ruatfeli chu kan la chhawr zui zel dawn ani...Thla 5 chhung min enkawl zui dawn ani, chumi hmaa ka dam hman hlauh chuan thuhran...Amah Ruatfeli lamin harsatna a siam bawk lova..tichuan Aizawl lam pan chuan kan haw chho ta nge nge a... December Ni 2 a chhuk kan ni a, January Ni 15 ah kan haw leh chauha...a hun chhung sawi mai chuan reilo hle mahse, a awm a awm chuan a rei ve deuh ngar ngar hle...Ka tan bik liau liau Wheel chair engine nei ka u ten min leisak bakah,...Wheel chair nen motor ka chuan theihna tur min lo buatsaih sak thlap bawka....Ruatfeli te reuh chuan motor khalh alo thiam leh zel nen a remchang angreng viau...Ka hawng tih an hriat in ka thiante leh chhungkhat laina thenrual thaten min rawn tlawh laih laih thina...Chutih karah chuan beisei ru tak si beisei ngam chiahloh ka neih chu ka melh ru zauh zauh thin...


In lamah pawh ka room ah Ruatfeli khum tur kan hung leh mai bawka, Kan inchenchilh leh tawp mai ani..Nitin a hunbi ah ka damdawi engkim min buatsaih saka, ka thuam hnuai ber tih loh min thlak saka...a chang phei chuan ka nu nen min buala kan nui ham ham thin.. Hmeichhe zaidam leh ngilnei a nu tet ang ang a che fel thlap Nurse min enkawltu ani chu ka nihlawh hle mai, min ngamtlak deuh thiante phei chuan min fiam zauh zauh thina..."Hetianga in enkawl nasa deuh hi an innei chut duh ania" an ti thina, kei lahin "a ni lovang tih tuman kan sawi theilo" ka lo ti thina, hawlo tih hriat deuhin a nui leh sen sen thin...a zam thain a che felfai em em a, Ka pa pawhin a fak luam thin... A thian hmelhriat rawn tlawh an awm ve zauh zauh thin bawka, Hmeichhia emaw upa lam deuh an nih chuan ka en liam mai mai thei a, mahse Mipa naupang lam tlangval an nih ngat chuan ka ko buai deuh chhen thin...Engvang teh chek nge ka hrelo ka lo ning ve em em zel ringawt mai ani..."Tinge inleng ka neih hian i la talbuai vak zel cool deuhin lo awm mai mai rawh i thik thu a chhe thei emai, mipa thik thu chhe lutuk ka duh lo ania" a ti fiamthu thina, "Ka thik hauhlo, an duh leh hawn daih che sela ka tih naklaiin" ka ti a..a nui hak hak thin... Kan in ngaina a, farnu ang in nge ka ena, ngaihzawng nge thian angin pawh ka hre chuanglo...


"Naute, in hnuaiah i rawn chhuk dawn em niang?, inleng i neia" Kan haw Sunday leh hmasa berah ka nu chuan a rawn tia...Kan haw chhoh ni kha sunday ni ani a..Hemi ni Sunday hi sunday leh hmasa ber ani...Inleng neuh neuh kan nei ve renga...ka inbualfai hlim ka inthlak zo chiah ani a...Ruatfeli chuan ka sam buk zet mai chu min khuih saka, a tawn bawk lal mai bawka...Ka dam hun tur chiang heklo, ka room atanga inhnuai pan awlsam theih dan tur an lo ngaihtuah a, Kan In ah chuan lift manto lo chi an vuah thlap...ka aalsam phah hle nghe nghe.....Duhtawka min chei zawh chuan in hnuai lamah kan in khai chhuk ta a... Ka inleng ka hmu chu ka phu deuh zawk a.... Gosi leh Atei an lo nia... Ruatfeli chuan zawite hian "Gospeli anih saw, in inhria em ni?" a ti sapa..."Ka hrilh ang che" ka ti ringawta..

Gosi hmel chu a dang lap niin ka hria, Krismas ahmang nuam hle ah ka ngai... Chutia tumloh deuha Ruatfeli nen kan innawr min hmu chu a meng phawk hle bawka,..."In rawn len ve teh khiah? in va fel ve" ka ti a...ka chibai a..."Nia....englo...in rawn haw tih pawh kan lo hre lova....Nimin khan U Msi nen kan inhmua min hrilh a... i dam zel maw?" lai deuh chuan a ti niah niah a, Ruatfeli chu a melh zak zak a...."Ruatfeli Khawzawl ami i ni em?" a ti ta nge nge a..."aw ni e...in va fel ve in rawn kal ve teh tlata?" Ruatfeli chuan zangkhai deuh chuan a ti a..."Nia,...U B-a hi englo.....kan..kan boss ania" zalo deuh nui chung chuan a ti a..." anih tak chu, thingpui kan lum ang che u" a ti a..choka lamah chuan a kal zui ta nghala...A kal hnu chuan "U B...thil hrilh duh che ka ngah lutuk a sin" a ti a..ka nui a..."Sawi tur engmah a awmlo,...i thiamloh engmah a awmlo.." ka lo ti vata.... "Nilo....engtik ah nge inkawmna hun kan neih theih ang" a ti a...ka ngawi renga...."Nia, engmah sawi awm si lovin in inkar in ti tawp ringawta...ka tan pawn a nuamlo" Atei chuan a lo tive a... "A tawp tih ka lo hre ve hlei nem...Keimah tih tawp anih dawn chu...I nu leh pa an dammaw?...i naute an tha em?" thudang ah ka pakai pui lui tlata...Khati khawpa ka duh leh ka ngaih kha...tunah ka bulah a rawn awma ta ngeia...kuah chuk chuk a fawh mawlh mawlh ka chak thin ngei a lawm..mahse kha hun kha ka boruak tawnin a hlaih bo zo vek tawh ni maiin ka hria...Engvang nge ka hrelo ka tang deuh tungin ka hre thung...."an dam e.....Engtin nge i inzai result te chu?" a ti a..."a tha ani mai, mahse hun ala duh rei deuh dawn thung...Ruatfeli hi a fela min enkawl dam chak khawp mai" ka ti a.... "A lawmawm anih chu,..." a ti ringawta,...a hmelah chuan tah chhuak insum tih a hriat theih, sawi tur avang duh kher mai....


Ruatfelin thingpui a rawn sema...Ka damloh chung changte kan sawia kan ti ti deuh renga...Phone call a dawnga a reject nghal zela...vawi 5 vel zet chutiang chuan a reject a..."la rawh inthlahrung duh suh" ka ti a... nui chung chuan "a pawimawh lova, engmah ani lo" a ti ve mai a...a phone chu ka leisak kha ani tawh lova, Model thar ber chi ngat a ni lehnghala..."Phone thar i nei ani maw?" ka tia..lai deuh chuan a nuia..."nia...anih hi...englo i phone kha ka thlauh palha, a chhia a..." a ti teh duah a...a hmelthat dan chu ala ngai, a ngaihno beina pawh ala danglam lo, mahse a hmela confi hmel deuh leh induhtawk ve tak ni thin kha a danglam tawh, zam rukna riau nei hmel a pu tawh tlat...diklo enge awm?..ka hrelo mahse diklo chu a awm niin a lang...Atei phone chu a ri ve zui nghal zata...an in melh ralha..."Chhang rawh u, chhang rawh u" ka ti a.. Ruatfeli bulah chuan "Fel, ka treatment lak ahun leh dawn ta e" ka ti a..Sana a bih zauha..."nia...Inlo awm lawk mai dawn ami...treatment lak a hun tlat mai, Gosi" Ruatfel chuan a ti zui ve zata...Atei phone lah chu a ri sek lehnghal..."Nia...keini pawh kan haw tawh mai ang...I lo dam zel dawn nia..." Gosi chuan sen ap ap chuan a tia...Engmah ka sawi tawhlo Ruatfeli chu ka melh ralha... ani pawh chuan ngawi rengin min nawr ve nghal vata...hawi kir leh tawh chuanglo chuan kan kal ta nal nala...


"Gosi kha i lemziah thin kha ani maw?" a ti a...ka hnungzanga a hriau vihluhna vanga na vawng vawng chu chulh hauh hauh pah chuan "I ring em?" ka ti a... "ka hrenghal vek a lawm...A hmeltha ania...a mitkalh dante kha analh tawk lek ania" a ti zuia....ka ngawi renga... "Engtin nge in inhriat theih zawka...?" a tia..."thawnthu sei deuh mawle" ka tia..."ka van hrechak...Ka ui thin ngawt mai Gosi hi chu" a tia..."engvang chuan maw?" ka tia..."i sawi hmasak phawt loh chuan" a ti ve tlata...Chutah kan inchhar dante, ka damloh tak dante,...ka lungawiloh tan dante...ka piansual tak avanga ka lainat tho thute, midang a neih dawn tak tak chuan ka thik leh si ziate..Engkim ka hrilh ta veka......"Anih chu mawle..tinge chutia i damloh vanga then i duh kherna chhan" a ti leh khera.... Nia...Ka lainat em vang zawk ania..." ka ti a.... " chuvang ringawt chuan maw?..." a ti a...min en kala..."ni em em chuang love...ka lung a awi lo ve deuh ani.." ka ti a..." eng kawngah chuan maw?" a tia..."I hriat vek kha" ka ti a..."enge ka hriat chu...in inkar engmah ka hrelo isawi chin bak" a ti hlaka...ka nui mai a...chutah "e...Nuthlawi tih vel maw?" a ti zui leh sapa..."mmm..ka ring em em thina...Mahse dawt min lo hrilh reng sia...chuti chung chuan ka la ngaidam hram hram a...Mahse., Delhi ka kal hma zana a khawsak dan in min ti na ta em ani" ka ti a..."Engtin nge dawt a hrilh che a?" a ti leh ha a...Msi thusawi leh amah Gosi ngeiin lehkha min chhiar tir chung changte chu ka hrilh a....Mahse, a kut ziak leh lehkha a ziak kha a in ang tlat tih a hnuah ka hrechhuak leha...ka ngaihtha lo chuan ka thianpa Khawzawla awm kan school kalpui thin ka zawta.. "nuthlawi e mawle...SDO nupui nen an insual mualpho viau anih kha...min an sawi duh khawp mai" alo ti ta si...Chutah ka la ngaidam zela...Mahse a exam zawh tlaia min rawn tlawh tumin Zu rim an rawn nam ham ham a...Grape Juice a in thu a sawia...Zan ah a hawnglo bawka...Chutah chuan ka puak keh ta ani" ka tia... ngawi reng chuan alo ngaithla a..."Engkim a dik vek tiraw?..Sdo nen khan an inkawp ngei tiraw?" ka ti zui nghal zata..


"Nia...an sawi ngei alawm..mahse chiang tak chuan ka hre biklo...Gosi thiannu boral pawh chu a dik ngeia..a in awkhlum ngei alawm...Gosi hrim hrim hi a chanchin hi a tha lam ka hre tlem ve...nasa zawnga sawi a kai ve hrim hrim...Chapchar kut miss ani te kha sawi a tam khawp mai...Mahse, kei chuan a fel lohna engmah ka hre chuanglo...an sawi dan chuan apa pawh hian a tirah chuan a fa ani lo a ti tlat ani awm e" a tia...ka ngawi renga..."A hrim hrim ah engmah prove na awm lova lo tihtauh ve ringawt tur pawh a nilo...Ka thiannu an veng ami sawi dan chuan lerh leh awmherh pawh ani lo, a chetsual hi an sawi duh bik ve a...' a tia..ka awih khawp mai...Hmeichhe tam tak chuan an thik ve thin reng ani...a hmeltha a, a luck reuh bawk si" a tih zawm leh zata....."Nia, ka duh leh hmangaih em vang aniang ka lainat bawksi...Keima tih dikloh vek alawm...." ka tia..."nia, siamtha leh vatla thain ka hria..a chanchin sawi tih vel mai mai..." a ti a..."Mahse, lehkhathawn kha ka rinhlelhna ti nasa bertu ani ve tlat ani..." ka ti a....a ngawi vang vanga..."a thiannu boralta cousin hi ka thiannu ania ka lo la zawt chiang dawn nia...lehkhathawn chung chang vel chu" a ti a..."a tul kherlo...ka diklo ve thei thova...Kei kebai wheel chair a thu kumkhua tawh tur nen chuan a inhmeh lo hrim hrim..." ka ti a..."i dam chak khawp hi..April thla ah phei chuan i zuang zuk zuk thei tawh ang" min ti a..kan nui dun hawk hawk a...Ruatfeli thusawi thenkhat chu ka ngaihtuah a...Nia tleirawl an nia,, engemaw han dai sual zauh chu an nei pawh ani thei, hmeichhia hi an hmeichhiat pui an tluklohte awmdan sawi vak an ching ve hrim hrima...A lo diklo ve viau pawh ani thei...Mahse khatih lai zawng khan ka thu hriat engkim kha ka ngaihdam sak vek thei thin kha ani a..tun ataka ka thin tirimtu ani tlat ta mai hi ka inhrethiam chiahlo ani...keimah ka indah pawimawh lutuk vang pawh ani thei ve tho mai...An sawi anga lepchiah nise ka damloh tirte khan a tlaivar thak thak peih dawn em ni?..min rawn riahpui duh tak tak dawn em ni?....engkim mai chu zawhna hlir...a buai nuaih vek ni maiin ka hria...



Kan hawn hnu kar aliam leh chuan Dawr kal ka chak tlat peka...Engtin tin emaw ni Ruatfeli chu ka sawm tlu thei hrama...Tichuan Amah ngeiin Motorin min phura..ka dawr tlawh tur chuan kan kal ta a... Ka dawr chu ka awmloh san vangin a lo danglam hram lo,..a kal ngaiin an kalpui tha reng tih a hriat..Mahse nidanga lemziah tharlam tak tak awmthin erawh a awm tawhlo thung, ka ziah sa pawh an lo hralh ve nual tawh nghe nghe...Delhi ka awm laia ka ziah thenkhat chu kan frame a, kan tar thar leh bawka...Chung thlalak zingah chuan ka suangtuahna vak vel atanga ka ziah thu inthup tam tak a inphum ru ve kiau hlawma...Ruatfeli che lai vel ka ziah pawh chu a rem tilo chung kan tar ve ta thova....Chutiang chuan ni kar thlak in ka dawrah chuan Ruatfeli nen kan kal dun thina...Ka nun a hlim phah ve hrim hrim bawk nen... Nuam kan ti khawp mai....Mahse ka mit chuan beisei a nei thina...zawn ruk hmuh hlauh deuh si ka nei reng thin...School ,uniform ha ka hmuh chuan ka lo en leh dauh dauh thin.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:15 pm

Nikhat chu Sunday ni a nia...Khawlaia lenkual vel ka chak tlat maia, Ruatfeli chu ka turlui ngat ngat a, a tawpah chuan ka ngen chhuak thei ta hrama...Bawngkawn lam atanga hrut tanin Aizawl khawpui dung chu kan fang kual ta par para...Tape kan play bawka..nuam ka ti hle...Mahse beisei loh deuhin Car var nalh deuh maiah Gosi hmel ka hmu ta tlat mai...a khalhtu lah ka hriatchian em em mai Roberta ngei ani bawk si....an ni chuan min hmulo mai thei, kei erawh chuan ka hmu chiang nasa mai si..ka nuam tihna zawng zawng a reh nghal veka..."I va nguai tave...i na achhuak deuh nge?...Motor chuan tamloh hi atha ka tih kha" a ti nang nanga..."Nilo, nuam ka ti lutuk, na ka nei heklo...ka ning ve deuha..Hawng tawh mai i la" ka ti a..."awle..." a ti a....Kan haw ta vang vang a...Chaltlang kan thlen hmain kan tawh tur ngeiin Gosi chuanna motor bawk chu kan tawk leha.... Tuntum chu min rawn hmu ve chiang khawp mai.... "Gosi te an nih kha" Ruatfeli chuan a tia..."chuti maw?" ka tive zaiha..."aw...tuna car kan tawh ah khan a chuang" a ti a...."a bialpa nen an leng aniang" ka ti maia...ka rilru tak chuan ka thik ru veng veng thung.... "A bialpa a?...Tunge?" a ti vata..."ka hre biklo...." ka ti bung nghuta... In kan thlenga...ka room ah min daha...Ka ei tur siam turin a chhuak zui nghal vata,....Chutah ka phone arawn ti nghal zata...Number ka neih loh alo nia...tunge aw? ti chungin phone chu ka la a...

"hello...."

"Hello, B....Roberta...min hriat em?...Hellen Lowry ami kha?"

"Hria e...ka kid thin kha maw?" a nui hak hak a..

"Ni mai tehse....rawn len kan tuma inlo chhuak bawk sia..kan haw leh ta maia...Kawngah kan intawk nangin ka thiannu hruai hian Zan inkhawm a duh bawksi a...nidangah ka rawn leng mai ang."

"Eee ni rawhse...i fel hrim hrim e....ka lawm lutuk"

"Nia...rawn kan che chu thuhran nise...thil han sawipui lawk tur che ka neia...Mahse nidangah a ni mai"


"awle....Nirawhse...."

"anih phawt..."...."nih leh mai".....


Enge sawipui min duh?...nge ka rilru tihnat a duh vang zawk?..... Gosi min rawn awhfik dawn zawk nge?"...ka inseh ruh teuha...Zan dar 9 velah Phone call ka dawng leha...Gosi number a lo nia..."aw...tunge aw?" ka tilui ve ngata... "Keimah Gosi...ka number i lo paih tawh elaw?"...a vawt raiha.."Nia...ka phone ka reset a number a bo veka..." ka ti ve zaiha..."anih tak chu, vawiin chu in leng nasa bawk maw?...a nuam awm ve?"... a rawn ti a..."Nia, nuam ve khawp mai...." ka ti ringawta...a reh deuh vang vanga....in sut ri niawm tak pawh ka hre theia..."In inhmeh lutuk...anih phawt..." a tia..Phone a dah zui ta daiha....Enge chutia engmah sawi si lova a dah chhan ka hrelo....Call zui leh nghal ka tuma...mahse a ring ral thak thak a..."Hmmm Inleng a neih vang a nih ngei dawn hi" ka ti supa....Phone chu ka daha...Ka computer dawhkan hmaah ka thua... Ka thlalak chei lai chu ka khawih zui ta nghal a....


End Of Bung 6-na...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:16 pm

Ruatfeli kianga awm chuan nuihna tur a tam duh viau, amah te lah hi a fresh em em reng reuha, phone call a dawng deuh malh malh reng bawka, a phone hmang thawm te hi a ngaihnawm thei barh barh hle...Unau 3 niin a upa ber ani a, a pa hi a boral tawha, a nu hova awm an nia...A pa hi College lecture an ni awm e...An nufa chuan an innel tih a hriat theih viau an infam bawrh bawrh thina, Amah a inchawm zo ve bawka, a nu te lam lah an inchawmzo bawk aniang chhungkaw harsatna an sawi tamlo thin viau..A naute 2 chu mipa ve ve niin High school kal lai ve ve an ni bawka a naute chanchin sawiin a nu nen an nui dun nasa thei viau....Chutiang karah chuan hnehsawh takin min enkawl ve reng bawka, Min han chawh hlim dante pawh a thiam viau bawk....Lo awm tlang dun ta reng chu kan in ngaina hle mai bawka, engmah mipat hmeichhiatna lam kan ngaihtuahlo, a changin a novel min chhiar sakte hi ka khumah kan lo mu tlaivar zak thina..achang leh kan lo inkuah deuh rial thin aniang...ka u hian min hmu fuh thei viau mai lehnghal, thla alo la ru ziah bawka..kan hlimpui leh thin viau...Tunah chuan kei pawh ka chhungte bulah chaw ka kil thei tawh a, Wheel chair chu ka khawvel vei vahna ber ni mahse ka ning ve thin khawp mai... Dawr ka nghak thei tawh a, Dawr nghak tura ka kal in a telve angai ziah a, nileng lengin dawr min nghahpui thin bawka.. Achang leh a hawa, In lamah ka nu a pui bawwrh bawrha...ka nu leh pa te phei chuan engkimah an ring tawp tawh ani bermai...a rintlak reuh em em mai bawk nen...


Zankhat chu ka room ah kan awmdun leha, Keiin Tin Tin comics ka chhiara, a nin Novels a chhiara...ka thil chhiar lai chu min rawn bia a.."U Ber,.....Gosi hi engkim sawipui lehla thain ka hria" a rawn ti deuh ngawta..."Engvang chuan maw?" ka tive maia...ka ngaihsak tawklo a ti deuh aniang ka khumah chuan a rawn lawnkai vata...."Dah teh sawi angai" a tia..ka thil chhiar lai chu a la lawka, side tableah chuan a dah hmaka.... " Eng i hria chu ni maw?" ka ti a...."Gosi hi sawifel pui rawh, a khawngaih thlak" a ti nawn leha..."Engvang chuan maw?..a eng chu nge ka sawifel pui leh tur awm chuang" ka tia...."In inkar hi siam tha leh rawh..I ngaih ang khan thil a kal ka ring miahlo" a tia...ka nui suka..."Nui suh, ka fiamthu lo" a ti bak hlaka..."anih lo duh tawhlo tase?" ka ti a..."a duh che...tih ka hria, a khawngaih thlak..." a ti a, "kan la ngaihtuah dawn nia, nang i awma, tudang mah ka ngai twwh chuangg hlei nem" ka ti fiamthu zauh a..."i van zamlo tak, kumkhua a enkawl che ka peih bik teuhlo...i phunchiar ropui si" a ti a..."ka bula awm nuam i tih em kha maw" ka ti zui ve hrama...a nui hawk hawk a..."Tak tak U B ka fiamthu lo, hetianga tih ngawt hi thain ka hrelo, Gosi dinhmun hi ka hriatthiam pui khawp asin,...Nu leh pa karah a seilan lova, enkawl hunlai takin a pi leh pu bulah a awma, an nin keh thei dawmin an dawma, chutah a hmel leh pian in a zir bawksi iksik tu tamtak anei ngei ang, an sawi dan zawng zawng hi a dik veklo...ka hriat dan chuan hmeichhe ze zawi lej zakzum, thiante kaihhruai ang ang a awm mai chi ani a, chuvangin han chetpelh ve zauh chang nei mahse a tum reng vang pawh niin ka ringlo" a ti nap nap a...a thutak vei phian lehnghal....


Nia tumah fel leh dik kan awm bik hleinem...keimah pawh ka dik chuang lova, amah ah rinna ka nghat ngam lova, mi thusawi mai mai ka ring hlur ringawt pawh hi ka dik chuanglo...Ka khawngaihna leh lainatna vang chauh pawn engkim siamtha tura beih chu ngaiin ka hria...Min duhlo tak tak nise beiseina a rawn nei leh duh kher dawn em ni?...kei mi anga chhuak leh theilo thut thei, dinhmun khirh taka ding mek minla beisei ve tlat si anih hi maw..."Engpawh nise kei mah zawk hi hetiang mai hi ka ni sia, keimah vanga rethei taka awm ka phal lo ani" ka ti hrama..."tuman i tha chhuak leh thei tawh lovang an ti reng renglo...Chance sang tak i nei reng a lawm, chutiang ngaihtuahna chu engmah nei tawh suh" a ti bak hlaka..."anih I thiannu bulah chuan lehkha chung chang chu i zawt tawh reng em?" ka ti a..."awi...ka lo mang nghilh daih....ka la zawt miahlo..." a ti a...a tho vata..phone a chuh nghal chata...a hmet niap niapa...tuemaw a call zui ta nghala...


Reitawk pawnah an inbiak hnuah a rawn lut leha.,..zai rat rat chungin bathroomah a lut zui nghala...a rawn chhuah leh hnuaha chuan ka bulah bawk a rawn mu a..."Gosi sawi chu a dik thlap, an ni pawn an chhiar pui vek alawm...an chhiar fel vek hnuah Gosi hnenah an hlan chauh ani awm e....A sawi danin Gosi hian er tu a ngah hrim hrima...Pu Josepha nupui pawh khan an pa ngaihzawng emaw tiin a sawi mualpho mai mai chauh ani a ti" a ti a...Ka ngawi renga...Chupawh chu nise khami tlai khan khawnge a tawmbo tak ang...Engmah ka hrezui tawhlo nangin ka ngaih erawh atha thei chiah lo a ni....Chutianga chuan eng eng emaw sawiin kan ti ti renga...Mut hnuah ka ngaihtuaha...engkim mai chu a buai vel nuaih ni maiin ka hria...



Nitin mai Wheel chair a thut reng mai chu a hrehawmin a ninawm takzet ani...Keimah chauha ka awm hi chuan ka tumloh deuhin Gosi ka lo ngaihtuah leh vung vung thina, A hmel duhawm tak leh ngilnei hmel tak te, a nui mawi zet te chu ka mitthla uai uai thin bawka..Chutah Josepha nen Sunday tlaia an rawn lengkual vel kha ka mitthla ah ka hmu leh bawka, achangin ka ngaia, achangin ka ngei a, a changin ka khawngaiha, chutiang vel chuan hun ka hmang ani ber mai...Ka inngaihtuah lungpuam chang phei chuan thih daih maite ka chak rum rum thin...Chutianga ka awm lai chuan Ruatfeli lah chuan minlo sawipui ve sek bawk nen rilru a peng tuai mai ani...Keipawn hma ka sawn zel niin ka hria, ka lawm khawp mai, ahmaa wheel chaira thut tir ngai thin kha ka ngai tawh bik lova keimah in ka lawnin ka chhuk thei tawh ka hlim phah ve hle..


Nikhat chu ka room ah keimah chuahin ka project tura ka duan Vanapa Hall ep chiah Assam Rifle banga 3D a ziah tur thil lem ka design sa chu a mawi theih dan turte ka sawisa kual vel malh malha..a mood ah ka cheng viau nghe nghe...Ka project tur hi ka masterpiece atan a ka tihve liau liau ani a...Assam riffle bang ah chuan leiverh lem ziah ka tuma, kal pah a en pawn a taktak ang thei ber turin ka duanga...Ka pa in thuneitu lamah phalna a dil meka..Chhanna kan la dawnglo...Mahse an remtih ngei erawh kan beisei hle...Chutia ka buai mek lai chuan ka room kawngka chu tuemaw hian a rawn kik kauh kauh a..."Lo lut rawh" ngaihsak lemlo chuan ka tia, ka nu emaw ka chhungte zinga tuber emaw an nih ka ringa ka ngaihsak lemlo...Ruatfeli chu a unau nu (1st cousin) Pasal neihna ah a inkhawm daiha...Chutia ngaihsak mang lova ka lemziah uluk taka ka lo thai lai chuan ka hriat than em em mai aw hian min rawn be ta peka..."I va buai awm ve...a nalh dawn hle mai" a rawn ti a...ka phu deuh zawka..."oh...nang i ni maw?...ka nu emaw...midang" ka ti nuaih a...Ka thutna chu ka hera..ka hma zawnah chuan khawvela ka hmeichhe duh ber mai leh ka huat ruk em em mai bawk si chu kan inhmuh hmasak ber nia a inthuamna Uniform nen chuan a lo ding zam maia....A sam chu uluk vaklo takin a tawn tih a hriat, a hmel chu a dang var pap bawka, a mitmeng chu a val papa, mahse a hmelthatna leh duhawmna chu ala ti kiang chuanglo....."Niaa...Final exam kan zo chiah a..ka rawn lengkawi anih hi" a ti ban chalha..."khawnge Atei?" ka ti vata...a ding zum zai maia..."aaa...lo..alova haw tlang anih kha...ka rawn tibuai che em..?..englo i nu in han chho mai rawh a tia" a ti niah niah a...Kan awmdan chu School naupang an zirtirtupa hmaa insawifiah lai ka chana ka nuih aza lek leka..."Oh..anih chu...thu rawh, enge i rawn tih ve dawn tlata...Hun i neih awmloh loh nen" ka ti a..."Nei e..theory kan zo chiah a...kar lehah Practical chu kan nei tawh ang..?..khawnge Ruatfeli?" a ti zui zata..."Inneihna ah akal anih kha...lo thurawh" tiin ka bula thutna awm chu ka kawhhmuha...inthlahrun hmel deuh chuan a rawn thua...


Sawi tur avang tawh hle mai,...Ka thil tih lai lamah rilru ka pe thei tawh bawk silo..."Englo..." kan ti rual thawta...kan nui ringawta..."Englo...thil eng emaw sawi ka duha..?" a ti sapa..."Eng chu maw?" ka ti nghuta..."U B, tinge heti min tih nat em em chhan hi?...min ringlo hle ani tiraw?" a ti chuai raiha.._"engkawngah chuan maw?" ka ti supa..."eng kimah....I chetsual atang khan i danglam zo vek tawh" a ti leh ringawta..ka ngawi renga..."I chetsual tukah khan I chhungte kha an tap an tapa,...ka zawh leh min hrilh tha duh bawk silo, tichuan doctor chu a rukin ka hmu ve ta tawpa, i spinal cord i shock tih leh damchhuak pawh nila ke in i kal leh thei tawhlo maithei tih a sawia...chumizan chuan i bulah chhin khat mah chhing lovin ka awma....Mahse engpawh tawkla i kianga awm chu ka duhber tho tho ani" a ti sap sap a...ka thut ngaiin ka la thuf reng thova...min rawn hnaih sauhva..ka kut chu a rawn dawma..."Khami zana i kianga hun ka hman kha ka damchhunga thlamuang taka ka mut hilh awmchhun ani awm asin...mumang pawh nei hauh lovin i kiangah ka mu siai siaia...ka exam a, ka exam laiin I phone min leisak kha ka ti chhe palh hlauh va...ka sawi ngam bawk silo...a hrehawm zia mai chu...Exam pawh ka exam tha theilo...ka ngai ngawih ngawih che a, i kianga awma enkawl che ka chak em em ringawta...Mahse ka inthlahrung ve bawksi...Kan exam zawh ni khan ka thiante nen khan Beer kan inve ngawta...ka in ve chhan pawh ka rilru nat vang ani" a ti a..."Engvanga rilru na nge i nih,...Kei piangsual ka nih tak vang chuan maw?" ka ti hmuka..."Aih...nilo...ani tho mai...i dam chhunga chutianga i awm tur chu ka khawngaih vang che ani ber mai...Keimah lamah chuan eng ang pawhin awmla hrehawm tihna ka neih ka ringlo...Ka mipa hmangaih hmasak ber leh awmchhun i ni miau a...mahse i nuam tih em em thlalak kual vel ti thei tawh lo tur anga ka chan chein ka rilru alo na ngawih ngawih ani" a ti a...


"Tichuan, ka duh aiin ka inhnem deuh avangin ka hawng tlang ngam ta lova, ka pa phoneah Atei pa in an ina ka riah tur thu a hrilha, ka nu bulah alo hrilh leh lo chu niin nangmah thleng thlengin a rawn phone ta tawp che anih kha..." a ti a...ka ngawi renga..awih tur nge awih loh tur pawh ka hrethiam lo.... "Engmah sawi lovin Phai ah i kal ta thut sia...ka thinrim bawksi, ka lung aleng bawksi..a hrehawm zia chu...Chutah Ka thiannu Baby u thianpa in min ngaizawng a, mahse ka chhang duh chuanglo.,..min hel nasa em em thina...Chungte pawh chu i beng a thlen ngei ka ring..achhan pawh i hmelhriat sa alo ni bawk nen...Mahse Pathian hming chhalin ka sawi ang a kut hmawr pawn min khawih lo...Chumai ala nilo, Atei te veng ami pakhat in min ngaizawng bawka, Chu chu hmana kan rawn len laia min rawn phone chhen tupa kha ani...I thianpa ngei pawn i tan ka rinawmlo ngailo tih hrechiangtu anih vangin ka awmdan dik tak sawi turin ka phut tlua..mahse inlo leng chhuak daih anih kha.....A diktak chuan kei chuan nangmah lo hi tumah ka duh lova, Piangsual tawngtheilo...mu reng tur pawh nila tumah dang ka nei chuang lovang...I pawmlo anih pawn hunin a la rawn hril mai ang" a ti a..a khur der dera..a tah aw tiau bawka..."U B, i tan ka thinlung hi ka hawng tawha, tumah dang an leng ve tawhlo...chu chu Pathian hmingin ka sawi ngam ani" a ti leh a...Ka ngawi renga...ka inhera..amah hmachhawn zawng chuan ka thua...a kut chu ka hum saka..."Gos, ka ring hlel che a lawm...min bum anih hi ka ring tlat thin..ka accident hma atang tawh khan...Mahse chung zawng zawng chu ka haider lui tlat thin...Min bum pawh nila ka ngaidam thei zel chea...Mahse ka chetsual takah chuan keimah ka inhmangaih vang emawni zawk nge...?..ka inhmuh hniam tak vang zawk pawh ka hrelo, ka thikthu a chhiat chu thuhran i lakah ka insit ngawih ngawiha...Kei engmah ti thei tawhlo chu min kalsan duh mai ka rin chang atam...achang leh ka hmangaih luat vang zawk chein kei hetia awm ringawt tur min enkawl tawp tur atan chuan ka khawngaih lawk bawk si che a...ka buai teh nuaih ani ber...chuvangin thikna, in sitna te nen ka kal kawp ta nuaiha...Ka awmdan pawh a danglam zo ta vek ani...Min ngaidam dawn nia...ka hmangaih che a..ka la hmangaih reng che a sin..." ka ti ve ta nge nge a...a tap hawka...min rawn pawm thlawpa...ka aiah tuara..." Oh...ana em...ka tihpalh lutuk" tah aw tuau chung chuan a tia...ka nuia..."ka tifiam anih kha" ka ti zuia..tah nuih chung chuan "i van sual tak" tiin min rawn kuah ta hle hle a...



Kawngka a ri raka...Kan inthlah nghal vata...Ruatfeli chu lai deuh hian kawngka ah chuan alo dinga...aw lawi deuh hian "oh..ka tih palh.." a ti sapa....Kan nuia..."Min ti phu zawk alawm" ka ti a...a nui ve suka..."I rawn leng elaw..i va fel ve...School i kal elaw" a rawn ti teh nuka...a lai ve hle hetiang hian ala awm ngailo..."I va rawn haw hma ve timing lo ropui si" ka tia...a inthlakna pindan (Inthlakna bang hun sawn theih ang chi) ah chuan a luta..."Nia, i damdawi siam a hun leh tawh si a...ka siam lawk bawk si lova" a ti a..."Engmaw?...i siam lawk vek kha..ka nu bulah i dah ani lawm ni?" ka ti a...."ka siam maw?" a rawn ti a..."aw...siam e...keipawh min hrilh vek kha" ka ti a..."van ho tak..ka theihnghilh anih chu" a ti hmuka...A inthlak fela..a rawn chhuah pah chuan "Thingpui ka rawn keng nghal dawn nia.." tiin a chhuak ta daiha...a awmzia chu ka hrethiamlo hle mai....a thinrim nge a la nervous zawk niang... "Ka hawng phawt anga...Naktuk ah ka rawn leng leh zawk ang chu..?" Gosi chuan a tia...ka kut chu a rawn dawm leh chata... a rawn kun hniama...min rawn fawp da da a...ka man bet thuta duhthawh deuh chuan ka lo fawp let zui nghala......Kan inkeih mawlh mawlh ani ber mai...."Ehem" tih ri ah kan inthlah nghal zawka...Ruatfeli bawk alo nia...inchiuna hmanrua leh ka damdawi ei tur then khat a rawn chawi luta....Ngawi reng chuan ka hnung zangah chuan min chiua...Damdawi chu min pe a...a chhuak zui leh ta nal nal a...."a lungawilo a niang....ka hawng tawh mai ang...." Gosi chuan a tia..."Ngailo..." tiin ka pawt hnaia... ka fawp zui leh ta nghala....


Ka hlim veng veng ni maiin ka hria...A hawn hnuah te chuan ka fawh hmasak ber zan ang mai khan a hmui nem thep mai chu ka hmuiah a bet ni maiin ka hria a..ka khawih leh ringawt thin...Ka ngaihtuah leh vung vung tawha....He nu zet hi chuan kei hi min zembuai takzet tawh ani...Kan inkar boruak chhe em em tawh huaisen taka siamtha tura a rawn kal ngam chu ka lawm kher mai... Chutia ka lawm em em lai chuan Ruatfeli erawh a awmdan a danglam ta daih thung...a thik emaw tih tur angin min be chhum bung thei viau mai leh nghal.... Zan riah kan ei khama..Room ah min nawr luh hnuah ka damdawi tur a siam malh malh a...Min pek pah chuan "Zanin chu Ka thiannu ka tlawh lawh dawna...ka rawn haw har lovang...Hei i damdawi ei tur pawh ka siam sa vek tawh ania.." a ti a....."i len daih ten ka khua ahar dawn a sin...?" ka ti a....Insiam mawlh mawlh pah chuan "a har tawh lovang...chhun lamah i chet that em kha.....ka rei dawnlo ka tih kha" a ti a...tichuan engmah sawi leh ta chuanglo chuan a chhuak zui ta daiha...Ruatfeli khawsa zia chu ka hrethiamlo kher mai, a lung ka ti awilo em ni ang?...ka ti rilrua..nge Gosi lo leng kha ahua?"...haw tur chu ani lo, amah pawn kan inkar min sawifel sak a duh rum rum anih kha maw...?...Chutiang em chu anih ka ring silo...Zan dar 9 ah pawh ala rawn haw chuanglo...Ka mut san ngawt dawn chuan dikin ka hre bawk silo....ka mawng lah chu a kham hlur tawh bawk si...Khuma thut kai mai hi chu ka thei tawha...Mahse mut tak erawh puih ka la ngai khawp mai...ka malpui ruh tliak pawn ziaawm lam apan tawh avangin chet vel ka harsat em em tawh biklo... Dar 10 a ri hnai tawh a la rawn thleng bawk silo...ka phone ta ngawta...Busy a ti bawksi.... ka mu chak tawh ropui si..ka nu ka phone ta tawpa...Ka nu nen kan in muttir lai mek chuan a rawn hawnga....A rawn pui nghal vata.... "I va tlai ve..?" ka tia..."Nia, kan ti ti tui deuha.." a ti a...Bible a chhiara...a tawngtaia...min mut san ta daiha....ka nui tawpa..ka lakah nge midang lakah avui zawka hetia a awm tlat ni....ka ti rilrua...Table light chu ka off a...Gosi hmel mithla chungin ka maimitchhing ta diar diara...


A tukah chuan pangngai takin a awm leh tawh nangin nidang ang em em chuan min be lumlam lutuk tawhlo...Tukthuan kan ei zawhah "Dawr kal ni ani, i kal peih dawn em?" a tia..."Kal loh mai ka duh...Gosi a rawn leng dawna?" ka tia..."a school dawnlo ami?" a ti vata..."Dawnlo, an exam zo tawh a..." ka ti maia..ka thil tih lai chu ka ti pah mawlh mawlha..."anih tak chu...chutiang anih chuan Ka lengchhuak ve thei dawn tihna anih chu..." a ti sam eta...ka pawiti vaklo...a hnawksak mai mai...."khawiah nge maw i len ve ang ni?...i awmloh te chuan a nuam nang?" ka ti ve mawihnaia...nui lui tih hriat deuh hian "Nuam i tih em kha...nimin lamah pawh" a ti a...ka nuia..."I awmloh chuan a nuam chuanglo...tak takah rawn haw harlo la....Ka uten chaw an rawn ei dawn kha?" ka tia..."Nia..ka tum dawn nia...I damdawi tur ka siam fel vek tawha...In chiu pawh a tihdan i hre tawh thova, Gosi i lo tih tir mai dawn nia" a ti leh sam eta... ka thuamhnaw bal chu a khawm rawk rawka...Bal bawmah chuan a daha..."zan ah ka su mai dawn nia...A timing kha lo pel lo ula..." a tia..."awle ka pi Doctor" katia...a nui miahlo...a insiam mawlh mawlha...a chhuak ta nal nal a....Ruatfeli hi kan bulah 5 dawn a awmna ani tawh...engkimah ka engkim ani...min lensan ngai manglo...a leng anih pawn ka treatment lak dawnah a rawn thleng leh ngei ngei thin...


Gosi a rawn thlenga...simple deuh mahse nalh deuh si hian a rawn in cheia..a nau Mipa naupang zawk a rawn hruai bawka...ka naupan lai toys dahthat te chu kan khalh tira...Gosin ka thuamhnaw Ruatfeli suk tura a dah te chu a su faia..kan hlim hak hak hle...Ka nu in akhat tawkin min rawn tlawh zauh zauh bawka...Ni a rei duhlo kher mai...Zanriah chhum hunah pawh Ruatfeli chu ala rawn haw si lova...ka u te zanriah ei tur an rawn kal dawn si...Gosi lah ka chelh thei bawk silo..Ka nu leh kan vai awmpui pa chauh an buai dun a... Gosi te haw hnu phei chuan a reh ruih ni maiin ka hria... a len chhung khan eng eng emaw kan sawia... amah Ruatfeli chanchinte kan sawikai a...Gosi chuan a rukin a lo thik viau ani tih a inpuanga..kan nui dun hawk hawk a...A ruk tak chuan Ruatfeli pawhin Gosi chu a thik deuh niin ka hria..mahse ka ring chiah ngam silo...kei piangsual ve mai mai hi thik en ah pawh min en lo ani maithei bawk...

Chair Control Panel Dante Hawa High school online courses Masterpieces Nasa



New Posts Novel Novel writing software Chair Control Panel Dante Hawa

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:16 pm

Tlai tawkah a rawn haw a..Min be miah lovin a chhuak zui nghala...Inhnuai lamah a tawmbo ngar ngara..ka u te an rawn thlenga, Inhnuai lamah min hruai thla a...Chutah chuan Ruatfeli chu a buai hle tih ka zuk hre ve chauha... Ka bula a awmdan nen chuang alo in anglo hle..ka nu nen an lo nui dun hawk hawk renga.. Zanriah kan eikhamah Guest room ah kan thu khawma..kan ti ti laih laih a...ka u u leh Zami chuan "Fel, Nausena nen hian innei mai teh u....Monu ah ka awt riau che.." fiamthu titak deuh chuan a tia..."Min duh lovang, ka sual teh mai ania" fiamthu chuan a ti ve mai a..."Nia, amah zawk hian min duh lo zawk a..." ka lo tive vata..."awi...i zaklo lutuk, nimin kha ka sawi ang e aw?" a ti a..kan nui dar dara... Chutiang vel te chu sawiin kan inkawm hlim dar dara...Keimah nen chuan min hmeh bel vel chu a sen ap ap thina... kei lah in ka lo belhchhah ve ziah bawk nen...Nimin lam leh zinglam boruak chu a danglam phah hle..Dar 10 ri dawn thleng kan inkawm khawma...an haw vek hnuah mu turin ka u nen min hruai chho zui ta nghala...


"I bialnu chuan alo insuk sak vek che ani maw?"

"nia...kha a insu ve chu ania..a fai ngut ang em ka hrelo"

"a fai khawp ang...taka...ka rilru ka lo thlak deuha...."

"eng kawngah chuan maw?"

"I dam angreng tawh bawk si a...kan khua ah aikal thawh tur a sawmna ka hmua....ka chawlh san ve tawh dawn che em niang ka ti deuha..."

"Enga?....Ka la chet theih loh hi?"

"nia...Therapy lam ti tawhla tha in ka hria...Ka thiam atawp tawh bakah ka nu in min chah ngawrh ve riau tawh a"...

"Ka phal rihlo...Engzat nge lawmman an pek dawn che a?"..

"a tam vaklo nangin mahni khua alo ni bawk nen, a ziaawm ve tho mai"

"Min kalsan i duha, awm i tih a thu ani mai?"

"Chutiang lam pawh ani lo...ka chhungte bula awm ka chak ve tawh a lawm...Enkawl tu tur che ka thian nu ka hmuh sak vek tawh che a lawm"

"Chutiang ka duhlo...a hrimah ka nu leh pa i rawn tawh em?"...

"aw...an remti vek tawh....Naktuk tuklehah ka hawn san tawh ang che..."

"Engmaw...ka thu lovin inlo tifel vek tawh a maw?..engtikah nge?"

"Nizan khan mawle"...

"Hmm...ka remti chuang lovang?"

"Kan ti fel vek tawh...Ka hlawh pawh ka la fel vek tawh...Muhil tawh ang...Mangtha"


Engvanga chutia chhuah duh ta thut nge anih a...Thla 2 lai kan inremsiamna chin atan ala awm ani sia...Hetia a rilru a thlak thut ringawt hi ka hrethiam lo takzet ani....A chhuak tak tak anih chuan ka ngai ngawt ang....Ka light chu ka ti eng leh a...

"Ruatfel....".

"Enge?".

"I rilru thlak leh ang che...i chhuak thei rihlo"....

"Engkim kan ti fel vek tawh...Muhil mai mai la anih chu"...

ka lukham chuan ka vawm dawn emawni le....ka ti rilrua...ka haw takzet ani..ka hriat ve miah lova thu anlo ti tlu ve ngawt chu....Naktukah ka nu lehpa ka sawipui anga kan sut leh ngei tur a ni....


End of Bung 7-na...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:16 pm

"Ka nu, enge thil awmzia, Ruatfeli chhuah inlo phalsak ve ngawt le, min enkawl turin ani lo chu midang an awm hleinem" ka nu bulah chuan ka ti nang nanga..."A dik alawm, Mahse amah zawkin min dil lui tlat si a....ka tih theih a awm vak tawhlo, Exercise a lak nasat angai tawh zawk Therapy lam thiam enkawl zui tawh chi ani" a ti tlat a..." a ti a..."Chupawh nise an awm kawp thei tho alawm...Keiman Ruatfeli hlawh chu ka tum sak mai ang, a chawl ringawt theilo" ka ti tan tan a..."Naute chutiang ngawt ani lo, amah zawkin chhuah a duh miau a lawm, Enkawltu tur che pawh a hmu vek tawh..." a ti a...ka ngei kher mai..."Engvanga chutianga ti nge maw anih le?...min ning tawh hle tihna aniang maw?" ka ti a....Ka nu chu angawi renga... Amah Ruatfel ngei sawipui leh thain ka hre ta a...


"Ruatfel engvanga hetia chhuah i tum ringawt le?" ka ti a..nui sang chung chuan "Ka sawi tawh kha, Mahni khua ah thawh ka chak ve tawh a lawm" a ti maia..."Hmm...min enkawl dam thak tur khan i insawi bawksi...i bei fair lo hle mai" ka ti supa...a nui hak haka...chutia anui te chu ka haw lek lek zawka...Anihna takah chuan ka ngaina tawh takzet ani, Room khatah thla 6 dawn kan khawsa dun hmana, Nitin, zantin, darkar tin kan i hmua kan insawngbawla kan inchulnel ve tawh sia, chutia ka inbuatsaih ve hma hauhva haw a tum ta ngawt chu ka ngei takzet ani..."I tum tlat chuan ka dal lovang che...Mahse thil pakhat chiah ka zawt ang che..I rilru tihnatna ka nei em ni?...I huatthu ka sawi zawk em ni?..chutiang thil thleng ka hriat hauh lova alo awm anih chuan min ngaidam dawn nia....Chuan i chungah hian ka lawm takzet ani..Khawvela ka hmangaih ber mai nei let leh thei tura min puihna te avang pawh khan ka lawm takzet ani" ka ti a..ka inher nghata..ka lemziahna lam chu ka pan nghal nal nal a... "Ka chhuak dawna, vawiin bak kan chhuak dun thei dawn si lova, min chhuahpui peih angem?" a rawn ti a....ka ngawi renga...ka lemziah chhunzawm turin ka inbuatsaih meka..."Min chhuahpui duh hramla, kan chhuak dun leh khat tawh dawn bawk si?" a ti leh sapa..."awle...Enge tih tur i neiha?" ka ti a..."Ka nu in inchhung bungrua eng eng emaw min chah ve a..." a ti a..."Bazar ah ka kal ve thei chuang ai lova?" ka ti leh a..."Lalbuaia Shopping ah kan kal anga abak kal ngai a awmlo" a tia..."awle...Ka inchei ve dawn em?" ka ti a "Ka hrelo...i thu thu" a tia..."min han chei la, min chei khat leh tawh dawn bawk si" ka tia....Min chei nghal malh malh a...a hmel chu ngui riau in ka hria..."I lungawi lo hmel riauin ka hria" ka tia..."Engvang chuan maw?" a tive maia..."ka hre chuanglo...i tum deuh vuau reng mai" ka tia...a nui haka "I ngaihdan mai mai anih chu" a ti sam eta...A insiam chu ka lo nghak ve thunga...Chutih lai chuan ka nu leh Gosi hi room ah an rawn lut duna..."Ehe...in va inchei ve khawnge kal in tuma?" ka nu chuan a rawn ti a..."E..i lo leng elaw...engmah i rawn sawi bawk si lova Ruatfeli hi hawn atum tawh sia ka chhuahpui lawk dawn emawni ka tia sin" ka ti a..."Nia, Ka nu in thil min chah a, ka han lei lawk dawn emawni ka ti deuha.."Ka nu zawhna chu Ruatfeli chuan alo chhang ve bawka..."Hey Gosi a rawn leng sia?" ka nu chuan ati a..."Nia..lokal ve leh lo mai rawh.." Ruatfeli chuan a ti vata..."Ngailo...Gos lokal ve mai rawh, Ruatfel apawi ami?" ka tia..."Pawi ka hre chuanglo...aa lokal velo mai rawh...ka bazar thei tho alawm" a ti a..a hmel hlim deuh tan tawh chu a danglam leh deuh vek tawha..."Enge Gos pawi i ti em?" ka tia..."A remchan dan ang ang ani mai" Gosi chuan a lo ti sapa...Min rawn pan hnai a..."I nalh hle mai...." nui sen sen chung chuan a rawn ti a..."Ngailo...keimah pawn ka kal thei tho alawm" a ti deuh tlata... "Min kalpui hreh anih kha..." ka lo tive ngata..."Chutiang lam engmah a awmlo...chutiang zawnga in ngai dawn anih chuan lokal ve mai ta che u" a ti ta nge nge a...


Ruatfelin Motor akhalha, a sirah ka thua..a hnungah Gosi chu a thua, phone a kheuh neuh neuha, Hoodglass atang chuan ka han melh leh zauh thina...A hmel chu a tha uchuak ani ber mai...Ruatfeli hi hmeltha vut chu nilo mahse hmeltha ve tawk tak mitmeng fiah kak mai ani a, Mahse ka mitah chuan Gosi ne pawh a ek lo,...Ding takin Lalbuaia Shopping chu kan pan nghala...Eng eng emaw a enkuala, Gosi chuan ka chair chu a nawr ve thunga...Kan 2 chuan kan thil mawi tih te chu kan en duna kan nui hak hak renga...Chutia kan bazar lai chuan "E hiau nangni 2 chu inva nalh dun ve?" mipakhat hian a rawn ti a...Roberta alo nia...Gosi chu ka melh zauha alo sen ap ap a, "Enge in tih dawn a?" a rawn ti zui zata, "Hey Ruatfeli thil kan leipui mai mai, in a tawm reng chu a ninawm deuh bawk si a, nang zawk enge i tih a?" ka ti ve vata..."Ka nu in thil min chaha ka enkual lawk, ka hmu zo lo lehnghal" a ti a..."Nang hi pakhat bazar i kalpuia, pakhat in a tawiawm thei bawk che nia, i zei bik ngawt mai" a rawn ti deuh khera, ka nuia..."i ho emai a..." ka ti ringawta "Alo meng phar nasa mai, ka fiamthu anih kha, nuam deuhin in bazar dawn nia, lo dam zel la nangpawh" a tia...ka nuia..."ni rawhse." ka ti ve maia...a kal hnu ah chuan "I lai ve det ani maw?" Gosi chu ka tia..."teuhlo, hepa zia hi chu ka millo, a chhe phawr phawr lutuka..." a tia..."Khawnge Ruatfeli kha?" ka ti hluta,...kan bulah a awm reng emaw kan tih laiin a lo bo daih maia, "aw...hetah khan a en reng emaw ka tia.." Gosi chuan a tive niah niah a...Kan zawngkual a, kan hmu mai lo...A hnu daihah kan va hmua, kan kalve ani tih pawh hrelo ang maiin a thil zawn chu a zawngkual malh malh renga...a duhtawk a lei hnuah kan haw zui leh nghala...In kan thlenga engmah a sawilo a insiam nghal mawlh mawlha...Gosi nen room ah kan awma, kan ti ti a kan nui dun hak hak renga...Chutiang chuan ni chu kan hmang nileng ve ta maia...


"Vawiin kha chu nuam i ti ve ngawt mai, mi pawh i ngaihsak lo.." a thuam hnaw remthat pah chuan a tia..."Nangmah zawk anih kha, min kalsan daih zel a lawm" ka lo tive vata..."Nuam in ti em a ka nghak buai duhlo che u anih kha.." a ti sam eta...A insiam lai chu ka en renga...chutah bazar bag atang chuan T-shirt hi a rawn phawrha...Bawngek rawng lam kai deuh ani a...2 niin a in ang chiah chiah a..."Englo...hei hi min hriat reng nan lo kawl tha ve ang che" a tia...pakhat chu a rawn vawrh phei nalha...Ka thing pharh a hma ah chuan ama lem a nemkai tir a..love sign hian a kual khung bawka...kan hriatthiam theih nan Ghost Buster sign ng deuh hian Love sign khual khung nisi rawn dak chhuak deuh ni bawk si ang type anih chu..."ava nalhin a va danglam ve?...khawimaw i ta ve tur kha?" ka tia...a ta ve turah chuan keima thlalak alo chuang ve thunga...chung kan thlalak hnuaiah chuan "semper tecum" tih hi a inchhu kai bawka..." hei hi enge a awmzia" ka tia..."Spanish anih kha always with you" tihna anih kha" a tia...ka nuia...a tha hle mai.." ka ti ringawta...Mahse ka rilru tak chuan mak ka ti deuh engtia hetiang tih nachang a hriat zawk ni?..."Han ha chhinteh" a tia, ka ha chhina, ka tawk vei chiah lehnghal..."enge ang i tih?" a ti a..."a tha khawp mai" ka ti ve maia...a insiam zo tawh bawka, khumah chuan a rawn bawk a, kei ka thu mu thung....

"B...Gosi chu i pawm leh thei ta tihna ani maw?" a ti sapa..."nia, ka kalsan thei nganglo ani" ka tia...."A chhelo bawk em a lawm, Kei pawh ka han renew leh dawn ani" a ti a...ka nui ringawta..."thikthu chhe deuh kha maw?" ka tia..."ni reuhlo...ka sawi duh bawklo" a ti hlaka..."hmm...A nih khawp kha, In Inneih hunah min rawn hrilh ve dawn nia" ka tia...a ngawi renga...chutah a thova, min rawn kuah a...a tap ta ringawta.... ka hrethiamlo kher mai....."Hey enge awmzia...?...I van ho tak" ka ti a...a uar zual sauha...."Enge maw nile?" ka ti a....a insut faih faiha..."B...ka ngai dawn lutuk che" a ti sapa...."Kei pawn ka ngai dawn che lawm" ka tia...ka awm ah chuan ala bei renga..."Tinge ngaihzawng i lo neih hman reng renga" min ti a....ka hrethiam ta uarh uarh a...haw a tih thutna chhan chu ka hrethiam ta e...."Hmmm....Mipa ka nive miau sia lawm" ka ti ringawta..."Chutiang lam ka tilo.." a ti tiaua....Chutih lai tak chuan ka room kawngka chu a inhawnga Gosi, Atei leh mipa pakhat hi an rawn lang hlawl maia...ka nam sawn rang kher mai.....an ni pawh chu an lai hle bawk...Gosi phei chu a meng phawk nasa kher mai...."Oh..kan tih palh...lo lut rawh u, ka haw tur ka lungleng lawka..." a ti hman chauha.."Enge thil awmzia U B?" Gosi chuan a rawn ti a..."I hmuh ang bak kha engmah a awmlo" ka ti a...a sen am am maia..."Gos tak tak engmah a awmlo...ka..." a tia...Gosi chuan "Anih chu.." a ti deuh hmaka..."Ate in haw duh hunah min rawn sawm mai dawn nia" tiin a chhuak zui nghal hmaka..."Va umzui teh...Hey Gos engmah a awmlo" ka ti tuar tuar a...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:17 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)