TORN BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

Re: TORN BY Tochhong Ruata

Unread post by Ngaia » November 27th, 2016, 4:13 pm

TORN
Bung 4-na



Saturday a nia, ka dawrah ka thua...Msi leh a thiannu an rawn lang hlawl maia....Msi hi nula te chhelo tak, pian pawh nalh ve tak mai, lehkhathiam bright zet mai ania, Chhelo titu pawh a nei ve nual mai,...."Engin nge min lawm sak dawn?" a rawn ti lut nghal tawnga...ka nui maia...Gosi dar 2-ah appointment ka siam lawk bawka rilru nuam lo lem lovin ka awm theih phah a.."lo leng thu rih phawt ula ti nia, in rawn thleng chuah a lawm" ka lo ti a, Kan infiam zui nawk nawk a....Engeng emaw sawiin an thu ve renga, Ka nau ka tira KFC ami eitur ava la a, Msi officer tlin lawmna thingpui kan dawm hova, "Enge in boruak ni zela, i tleirawl bial nu chu?" Msi chuan a rawn ti chhuak phawnga..."a tha zel e" nui chung chuan ka lo ti a, "Banga intar saw amah em ni?" nui chung bawk chuan a ti a, "nia, kan inchhar tlai ami anih saw..enge ang i tih, entawn lova ka ziaah ania" ka tia, "a nalh khawp mai, i dream nasa awm mange" a ti deuh khera..."Nia, rilru a awmte chu ziah chhuah harsa hek lo...Engtik nge Joining report i pek dawn" ka tia...thudanga pakai daih ka duha,..."Naktuk hi ani awm e...Mahse Director a zin an ti bawk sia, ka hrethiam chiahlo,...Chuan Naktuk tuklehah Kapa in zanriah min buatsaih sak dawn a, min hnial tawh em bik lovang chu maw?" mei nei deuh chuan a tia..."Nia, ka hman ve dawn ang, hnadang ka neih awm ka hrelo" ka tia...Chutia kan ti ti mek lai chuan Gosi leh a cousin (a ni fanu) leh Atei an rawn lut ve hlawl maia, ka hrilh dan khan Dar 2-ah rawn kal tur khan ka ti sia..an rawn kal hma teh thut chu ka phawk viau..


An rawn lai lut angreng khawp lehnghal..."Eee in rawn thleng der elaw...lo thu rawh u" ka ti nghal vata...Gosi chuan "nia...Pu Faka (Magazine editor) khan Dar 1:00 ah kal turin min rawn ti leh sia" a ti niah niaha...a sen ap ap bawka...(a hmain Msi chungchang hi ka lo hrilh tawh bakah, vawiina Msi lo kal tur pawh kA hrilh lawk vek tawha, Msi erawh Gosi te lo kal tur thu ka hrilh lawk lemlo thung).. "anih chu..pawi hleinem...amah berin a tih te chuan, lo thu rawh u..." tiin tetea chu thutna ngaihven sak turin ka tia...Studio atang chuan thutna arawn la chhuak vata..."Gos hei hi Msi chu anih hi. Ms hei hi amah chu ania" ka tia...ka lum deuh pap pap in ka hria, Msi nen engmah fel taka han inbanna kan nei chuang lova, chutia room khata an 2 a han welcome ngawt chu awmdan thiam a harsa khawp mai..."Eee..anih chu i hmeltha hle mai,." a puitling zawk Msi chuan a tia, a chibai vata...Gosi erawh a sen deuh ap ap thung..."B kan kal tawh mai ang, hna i nei dawn anih hmel bawk si...Naktuk ah chuan rawn kal ngei ngei rawh...Taka Gosi maw kha...Naktukah Ka appointment lawmna ni pah fawmin thiante tan Zanriah siam kan tuma in 2 in lokal ve rawh u aw...ka sawm che u anih chu" zalo tak nui lui tih hriat deuh chuan a tia..."Nia...aw...ka hrelo le..kan lo tum dawn nia" min melh ralh ralh pah chuan atia..."Inva hmanhmWh ve,...Enge tih leh tur in neiha...Pu Faka ala rawn thleng chuang lova, kan la awl tih tho asin" ka tia..."Midang sawm kual ka la duha...Venghlui lam te kual kan ngaia" a tia...An chhuak zui ta nghala... Pawn thlengin ka thlaha..."A chhelo khawp mai, duhsakna ka hlan a che" nui miahlo chuan a ti bul nghata...a thiannu chu a um ta hlak hlaka...


Pu Faka rawn thlen hnuah chuan Studio chhungah kan inkhunga...Pu Faka duhdan ang chuan thla kan la ta zak zaka,...Atei hmeltha vetho alo ni bawk nen, a duhtui bawka kan hmet tam hman malh malh hle....Duhtawk kan hmeh fel hnuah...."khang zawng zawng zinga a tha zual 10 thlang chhuak leh i la, chung chung zing atang chuan Covered designer hovin an duh anlo select leh mai dawn nia...Berte model i thlang tha khawp mai, Thla thar chanchinbu covered chu ka hmuchak tawh khawp mai...." a ti nghal zung zunga... Pu Faka hi Mizofashion Magazine Editor ani a, Tuai deuh hleihlawi ani a, Nupui fanau te pawh nei ve tho si, Designer nibawk ani nghe nghe..A magazine hi zofa zingah chuan a thleng thui ber awm e...English Magazine kan neih tlemte zinga No.1 hiala chhal niin Central India lamah pawh hriat a hlawh ve hle,...Bollywood leh Hollywood lam news te, Season a zira inthuamna tur tips te, Fashion chungchang tam tak ziahna ani ber..a magazine covered a lang phak hi chu Mizo nula chuan an chAk zek zek awme..."Ka mit afing ka tih tawh kha,..." ka ti fiamthua..."a dik khawp mai, Gosi maw i hming kha...Ka la rawn pun leh hial maithei che...Super model ang hial i ni a lawm,....Rs 5000 ka pe phawt ang che u...B engzat nge ka pek ve dawn che...nang hi rate mumal tak min hrilh duh malek lehnghal, ka hek nge ka hlawk pawh ka hrethiam nek love...." nui ha ha chung chuan a tia..."Khaia..kan intanpui tawn ani mai ka tih thin kha...i phal zat zat i rawn thun leh mai dawn nia.." ka tia...Gosi bawk chu a en leh a..."Enteh Gos, hepa hi chhuah miah suh....Mi rilru tha lutuk pamham silo anih hi.." a ti zui hrama..."Deuh ngawt che chuan, Chutiang te i sawi.." ka tia..."zeplo maite...ka man chak lutuk,...in chezia ah khan" a tia...kan nui ham ham a...



"I lo kal ve ta nge nge maw?...khawnge i thiannu?" nui var var chung chuan Msi chuan minlo tia, "A hman ve talo anih kha, alo kal chak teh lul nen" nui chung bawk chuan ka tia..."Bera chu iva rawn kal khat ve, i dam thin maw?" Msi nu chuan minlo tive bawka...Nia, a chhungte zawng zawngin min hre ve tawh miau alawm...Kan inzui rei ve em bawka...Ka hriat sual loh chuan kei lo inleng dang a nei ngai awm love, Chutiang khawp chuan ka tan a indah hranga, mahse ka duhtak zawk ka tawn hnuah Msi chu ka tana khuanu ruat anilo aniang ka kalsan nghal hmak thei tlat ani..Ka beisei aiin ani pawn a tuar thiam niin ka hria... Hmeichhe rilru chhia anilo aniang kei emaaw Gosi nen kan inkarah emaw engmah min tibuai tur zawngin a khawsalo tlat tunah rih chuan, ala tir ema kan hmabak chu engpawh lo nise...Mi pawh an tam, kan thian tha tak tak lo nitawh sate, amah atanga ka hmelhriat lo nitawh te, an chhungte tihvel an awm sup a "Ti hi chuan inneih lam pawh in hawi thei tawh ang chu" tihte, "Ha tahhriam a hun tawh khawp mai" tihte, "In inzui tar mai dawn" tihten min fiamtu pawh an awm nual...ka nui maia engmah ka sawi ngailo...Fiam awm pawh kan ni alawm kha chen kan Inzui tawha, kan inkar boruak a danglam tih tuman an hre bawk silo...


Msi pa hi Officer ve tho pension tawh ani a, hmelhriat leh thian tha pawh a nei nual nghe nghe chung zingah chuan ka beisei loh deuhin Gosi ti hmingchhetu Jamesa hmel pawh ka hmu tel nawlh maia,...Engamah hmain ka lo ngei ve em em ringawt lehnghal...A rawn kalpui chu a nupui ani ngei ang...Nute lam hmelfai vang mai, a hmazawna thil thleng chu engpawh nise zah pawh dawn lova ti hmiah hmiah thin anih duh hmel hle, Gosi ka hruai ang tih ka hlau leh hnuhnawh khawp mai. Mahse misual over chu anih hmel loh thunga, a thian kawmte a zira fela fello thei ve tak tur anih ngei a rinawm...Hunserh te urhsun takin an hmanga, Msi pawn min ngaihsak hman meuhlo, mahse thiante an awm nual avangin ka awm ve thei nawlh nawlh renga...Zanriah puar takin kan eia, haw mai ka duh nangin hawng lo turin min ti tlat bawksi...In chung zawlah kan thu khawma kan ti ti laih laih hlawma, nuam an ti hlawm viau nangin ka rilru ah hawn a lang ut ut reng thung mahse Msi'n min ngen nasat em avangin ka awm ve hram hram riha...A buai zual a reh tawh bawk nen kan bulah a rawn thu ve hman tawha, Midang an rika, an zai dar dar laiin kan 2 chuan kil khatah muk zetin kan thu duna...


"B...i rilru i siam fel tawh tak tak maw?...kha chen kha i tan ka hun ka lo hmang tawh thina, hetia min kalsan mai hi ka lo ring ngailo asin,...Amak ve ngawt mai i danglam ta thut hi" a ti a..."nia keipawn mak ka inti khawp a sin, Mahse a ni miau bawk si" ka ti ringawta han sawi leh dantur avang duh khawp mai..."Ka sawi ang khan hmeichhe tha ani miahlo ania, Amah hrechiangtu deuh an awm ania... Tlangval hnahkhat um pawh nilo, mi pasal luhkhung duh tu ania anasa ngei ngei ang, i zia nen a inhmeh miahlo ania" a tih zawm leha...Chutia Gosi a sawi chhiah chu ka ngaihdan a ni chiahlo..... Mahse engmah ka sawi chhuak lemlo... "a hmelthat teh lul nen a mit a kalh lek lek anih kha" a ti zui leh hrama...ka ngaihdan ani ta em em lova "nia ka hria alawm, Amit meng tak kha ka duh chhan ani deuh ber zawk asin" ka ti ve ngata...min en ha chung chuan "I va duh awm ve mawle..." zalo zeta nui chungin a tia..."nia, ka duh zia hi ka hre chho mawlh mawlh ani ber mai... Ka bulah hi chuan a chanchin chhia emaw tha emaw pawh sawi tawhlo la tha in ka hria... Aman min ngaizawng hmasa pawh a ni lova, keimah ngeiin ka ngaihzawng hmasa a, engpawh chu lo nise hei hi ka chiang....Ka hmangaih bur ani tawp mai..." ka ti a.."hawn a hunin ka hria" tih leh thawh ka rual nghala..."I huat atana sawi pawh ka ni lova, a nihna ka hrilh ve mai chauh che ani" a ti a..."Ka huata sawi i duhlo anih chuan sawi tawh ngai suh...Khawvela hmeichhe thianghlim ber lawr lak ani" ka ti zui leh ngata....ka awki a sang deuh aniang midang chuan min rawn melh hrek hreka...ka ding uaih tawh a... "Ka puar khawp mai, nang chu Officer i ni tawh bawk si a... kan in san hleih tawh si a..." ka ti deuh ngata..."i van sual tak, la haw lo la..ala hma alawm" a tia..."Gosi te in ah lenkawi ka ngaia ka hawng tawh mai ang" ka ti zui ngata... Ka tihluih tawh chu ka titlang lo ngailo tih hretu chu amah ngei ani bawk a min dang reilo min thlah zui ta nghala...


Kan in tlang ta chuanglo chuan Gosi te in chu ka pan tlang nghal nal nal a...Ka va luh lai chuan bed room lamah a lo awma, A nu leh pa in tv an lo ena.."ka nuam samlo a tia, a mu ta nge maw le" tiin a nu chu a room ah a luta...rei vakloah chuan a rawn chhuak leh nghal maia..."a muhil tawh anih hmel...tikhan min kawm ve rih mai rawh" tiin a rawn thu leha...nuamlo ka ti ang reng "a tho peih nanglo ami, chutia inleng neih a mut reng thu awmsuh" a pa chuan a ti boha..."nia...ka kaithoa a meng duar duara a muhil leh nghal zek a.." a nu chuan a tih mek laiin phak deuh chuan a rawn chhuaka a mengbui laka, tap zo hlim a ang zawmah a..."Ka mit vang hi em ni ang ka lu ana lutuka" a rawn ti chhuak niah niaha...Bathroom ah a lut tlang nghala...rei vaklovah a rawn chhuak leh nghal maia...ka bul chiah a rawn thut pah chuan "a nuam bawk em in zanriah eikhawm chu" a ti a..."Damdawi i ei em?..." ka lo ti a..."Ei e...ka ziaawm tan tawh e" a tia...chutia amah ber a rawn chhuah takah chuan a nu leh Pa te chu an in thiarfihlim zui nghala..."U Msi'n min rawn call a" a ti sapa...ka phawk kher mai..."Engtikah maw?" ka ti nghal vata..."I rawn thlen hma lawk khan" a tia..."Engtin nge i number a neih theih" ka ti zui nghal vata..."Ka numberah ani lo, ka pa phone ah min rawn bia a" a ti a...ka ngawj renga, Msi chuan enge a phone chhan ni ang..."Enge a rawn sawia" ka ti a...Ngawi reng chuan tv chu a en dauh dauh a... reivak lohvah chuan "Engkim hi ka hne hluah hluah,, tinge kan intawn kher kher le....U Doroi lah in anu bulah in inkara tlazep ang hial in minlo sawi bawk si" a ti ta sap sap a... chuthu ka hriat chuan thil awmzia tur ang chu ka man thiam nghal kuar kuara..


"Inneih in tum tawh thute a rawn sawia...Min kawp mai mai a nih thute pawh a rawn sawi teuh mai.... lo kal tawhlo maila tha in ka hria...In inkar tichhe tu ka lo ni ve bawk nen" a tia...a aw chu zawi viau mahse a fiah tha hle thung.."Engmaw, ka lo len i phal tawhlo maw?....Tinge chutia min hnar ve ziah....ka chetzia ah i hrethiam vek lawm ni?" ka ti a..."chuvang lam pawh a ni lo, kei chuan zantin lo lengla ka duh alawm mahse i luck lutuk hi a buaithlak ani e, Nula officer ni lehnghal nen Innei ula in hlim zawk ang" a tia...a mitthu atla niin ka hria... Chutiang engmah thilawm a awm der si lova, chungthu a rawn sawi chu mak ka ti kher mai..."Engtin nge chutiang inneih lam thu te i sawi theih zawk a? khawi atanga i hriat nge?" ka ti a...ka lungawilo takzet tawh ani... "U Doroi'n a sawi vek alawm, ka ngawi mai mai a, mahse amah ngeiin a rawn sawi takah chuan ka ngawi thei tawh biklo ani...Adik tak chuan kei min kawp chung rengin U Msi i kawp reng bawka, kei chu hnawksak mai mai ka ni in ka hria..." a ti a... a thova room ah a lut ta daiha...keimah chauh chuan ka thu ta rana... ka thinrim zia chu sawi mai chi pawh ani lo, Msi ka hmuh dan pawh a dang kher mai, chutianga kan inkara alo inrawlh avang chuan ka lawmlo takzet a ni...A rawn chhuah leh tak mai loh avangin ka thova...haw turin ka chhuak zui ta nghala..



Motor ka lut tur chiah chu min rawn kova "U B loding teh...thaw hlawp hlawp chuan a rawn tia...ka lo ding deta...engmah sawi set set lo chuan ka hnung lam atangin chuan min rawn kuah chawta,....a inhnit hlawp hlawp a..a hah vangin a thaw halh halh bawka..engmah a sawilo.... Min kuahna chu ka phelh saka, ka inher rem te te a,...Chutah hmaichhanah chuan ka ena "Tinge i tah, kalsawn turin min duh ani lawmni?" ka ti ve ngata, "aih chutiang anilo....Min kalsan turin ka duhlo che....Ka dam zo lovang" a tia..a tawng ri chhuak che che ani... "chutiang nisi tinge kal tawh lo tura min tih tlat ni" ka ti zui leh ngata... "Ka hrethiam biklo....Lehlamah midang an awm ve reng bawk sia" a ti sapa...ka kuai dak deuha..."Gos, min en teh...Hei chen hi ka kal tawha, chutianga midang nena kal kawp pui mai mai che ka nilo tih chu i hriatthiam ka ring...Zanin pawh khan amah Msi bulah ngei nang ka thlan zawk thu ka hrilh a sin..." ka ti a...a ngawi renga...muangchangin ka fawp zui ta nghala..



In ka thlen rualin Msi chu ka call nghala... "Hello induh pa i la mu nange, i lengkawi pek ani maw?" a ti nghal bawrh bawrha..."Ms thil pakhat ngen duh che ka neia...Gosi khu lo tibuai tawhlo la ka duh, nangnen hian kan inkarah inthian thatna bak engmah a awm tawhlo" ka ti ban charh charha... "Enge i sawi awmzia, engmah ka sawi hleinem" a ti ban chalha..."Zanin pawh khan i lo va phone zui khera..." ka tia..."Phone zui love...ka ti tak tak ka phone zui miahlo..." a ti ta sia..._"Engmaw...a pa phone atangin i bia ani lawm ni?" ka tia..ka aw pawh a dam deuh tawh..."aih ka ti tak tak..biak na chhan tur pawh ka nei hleinem...ava zialo ve...tunge lo phone reng reng a?" a ti ve ta bawksi...ka bo ta map maile... "Ava mak ve...taka Doroi thian i nei em?" ka tia..."aw...Dinthar vengah...tinge?" ka tia... "Chunu pawh chuan a chanchin diklo a hrilh che anih kha,...Chunu chu ani ngei ngei ang" ka tia..."ka van ringlo, chutiang em chu a ti duh dawn em ni le...kan inhmuh lohna a rei tawh viau asin..." a ti ta deuh deuha..."Engtin nge a sawia Gosi chuan?" a rawn ti zuia...A sawi dan ang chu ka hrilha..."ava zialo...a number min lo pe la...ka lo be ve ang chu...Ka hmangaih lutuk che...mahse chutianga i rilru tina tur zawng chuan ka khawsa duh hauh lovang....ava pawi tak" alo ti let ta daiha...Ka inthiamlo lehling zawmah tawha...A number te ka pek hnuah kan inbiakna chu kan ti tawp zui ta nghala...



Ka ngaih a tha lo kher mai, hetia engvanga Gosi hi rawn bei zui zel nge an nih, Hmeichhe nunnem leh zaidam tak ani bawksi..."B...Doroi chu alo ni reng alawm,...Gosi phonetu number chu ka dila...Doroi number alo nia...naktukah kalo hau dawn nia...a hrim hrim ah chutiang ka tih duh i ring reng reng em ni?" nui hak hak chung chuan a tia..."Nia ring chiah love...mahse ka haw hman khawp mai che, min ngaidam dawn nia" ka tia...a nui hak hak a..."Taka, Nuthlawi tih vel kha dawt i tia mi?" a rawn ti a..."nia, a thiannu tawrh ai a tuar ani ber mai...nuthlawi han tih tur pawh ani chuanglo a thiannu pawh, Zan khat riakbo ang lek an ni" ka tia..."Doroi min hrilh tho ania..." a ti a..."Englo ania...amah Gosi min hrilh dan chuan a thiannu sawm vanga kal ve chauh ani awm e.." tiin Gosi hming chhiatna chung chang chu ka hrilh ta malh malh a..."Alo nimaw...? ahmeltha reuh sia ka lo ui ru khawpa...ani lo anih chuan a lawmawm hlauh anih chu" a tia...rei tawk kan inbiak hnuah kan duhtawk ta a...Msi chu ka zah ru angreng kher mai, chutianga dawta ka hau ve ringawt chu ka i thiam chiahlo...


Hun a liama, Gosi nen kan inkar pawh a thuk sawt tawh khawp mai, an In pawh ka tlangnel ve hle tawh, Zirlai mai anih avang erawh chuan ka insum deuh thin... Zep thu a chenglo Aizawl mihlun Chhungkaw harsa lo vetak, Minister pawh lo nitawh fapa, ka unaute te lah mi hriat hlawh tak tak an ni bawk nen Gosi lah hmel leh pian lamah lo duailo ve bawk si mi pawn min sawi ve laih laih thin...Gosi Magazine kawma alan hnuah phei chuan a lar ve tawh khawp mai...Tunah rih chuan buaina engmah kan inkarah thleng a awm rihlo... Kan hlima kan inngai em em a...kan inhne theilo ani ber mai.....Engtiang chiah in nge kan hmalam hunah thil thleng dawn chu kan hrelo, chhungte lamah pawh harsatna kan tawnglo ve ve a... Kan phur rit ber mai Msi lah kan thing tla tawh bawk si...a nuam veng veng ani ber mai...A khat tawkin Dinner kan ei dun leh zauh thin bakah kan leng chhuak dun leh zauh thin bawka.. "U B ka ngai lutuk che" min ti leh tawp thin... Min ngai thei lutuk te chuan ngaih a ti thalo lek lek thin zawka...Ka hlauthawng ru em em thin ani..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:13 pm

"U B, zanin chu leng reng rawh aw, ka nute rawn haw hma chu" Gosi chuan a tia... Sitting room ah in ngheng chial in kan thu duna, a nu thiannu pasal Dawrpui ami a boral avangin an kal daiha tlaivar chiah dawnlo mahse an rawn haw har tur thu an sawi a... Chu hun thawl tak kan neih chu am takin kan hmang dun a...A naute an mu tawh bawk nen...Zan dang ang chu nise ka hawn a hun daih tawh...Dar 10 a ri der tawha... "Ka hawn hma ngei ngei a ngai" fiamthu in ka tia... "Ngailo...kan unau chauha awm ka duhlo" a tia.."tak takah i kianga awm ngat ngat hi ka duh a lawm" ka tia...a nui seiha...a hmeltha lutuk chuan min zema chiai chiai ni maiin ka hria...ka kuai daka ka fawp a...kan inkeih mawlh mawlha..venthawn tur awm heklo zan dang chu kan anglo chiang khawp mai...TV lah chu ngaihsaktu an awmloh vangin a tawp mai bik chuanglo...Kan duhthawh zela, thuthlengah chuan ka zalh riai riaia... a kawr kilh ka phelh pah a...min dal bik chuanglo...ka kal zela, ka tih tur ka ti malh malh bawka...A nilo chin ka thleng dawn tihah "u B...insum hram rawh....i ta vek tho anih kha aw..." a ti sapa..a meng de ser sera.."Hmmm....Insum zawhloh mai a hlauhawm" ka tia...a kawrkilh chu ka kilh sak malh malha... kan nui dun hak haka... a kawr khuhloh china a vun langte chu a nalh kher mai...a no chek maia a ir chho te chu keih hlawih hlawih a chakawm hliah hliah bawka..... Ka thova...Kan thu tha leh ta hle hle a...

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:14 pm

A nu leh pa chu dar 12 pelh hretah an rawn hawnga, thingpui te kan in leh te tea chumi hnuah kei pawh ka hawng zui ve leh ta nghala...Ka haw kawngah chuan Gosi hmel nui ver ver laite, zak hmel taka min en kiau laite chu a lang zut zuta...He nu hian min zema zo vek tawh ani, ka khawvel a her danglam bawiha... Hmeichhia vei ngut ngut ngai hleilo khan hmeichhia ka vei ngut nguta, ka awm mai mai pahte hian a lem ka lo ziak leh nep nep thin...Tunah kum 18 ahmang mek ani a, pawl 12 a zawh hunah B.A zir zawm tawh lovin ka nei hmak tawh ang.. Hetia khawhar taka in kalsan zel hi zawng a ninawm tawh em ani...ka ti rilru nauh nauh a... Ka nupui atan duhlo ni ila chuan zanin pawh khan ka chetsual pui thei khawp ang, Ka tan chuan engkim a phal tih a khawsa zia atang khan a lang chiang hle ani...Chutia ngaihtuah nei lem lova ka tlan lai chuan ka beisei loh deuhin ka tlanna lam side an ni tan wrong side ah chuan Taxi pakhat hi chak zet maiin a rawn dawk zawk maia...ka motor chu ka herh kawi zawka...ka control hneh hman tawh bik lo, ka hriat theih chin chu ka hmazawna JCB lo ding lai mawng ka va su dawt chu ani mai...abak engmah ka hre zui chiangkuang tawhlo....

"hei ala thaw e...dim deuh khan...thisen a chhuak hnem khawp mai...Pu Saingura fapa tlumber anih hi" tih te chu fiahlo ruaiin ka hria a...a hik mup mupa..ka hmai vel chu a sa hut hut bawka...ka ke a che theilo...min chawisawn na lamah ka rum deuh hawka...nikhaw hre lovin ka awm zui ta nghe nghe a...

*********...

Ka mumang ah Gosi chu ka hmuh phak si, ka koh phak si lovin a lo awma, Saruak vek hian lui dum khup mai chak hmel deuh mai hi kan alo tum mek a....ka au tuar tuara....ka pen dawna ka ke chu engemaw hian min delh bet tlat mai bawksi... ka au vaka ka aw chu a ri chhuak che che ani ber mai.... Ka tap rawih rawih a...chutah ka la hriat ngai miahloh mipa nen hian hlim hmel deuhin tuiah chuan an lut zui taa... Kei chuan pan tumin ka lo tang fat fat a... Mahse ka che theilo bur ani mai bawk si... au tuar tuar chung chuan ka lo hui vak vak ringawta...Chutah a rawn leh hawia....Hmel hlimlo leh mak ti hmel deuh chuan min rawn en a...tuiah chuan an pil ta riai riai a.... Kei chuan ka lo la au zui hram hram bawka... Ka nu hian ka darah sawi chungin "Sena...harh rawh....Sena ka aw i hria em?" alo ti a..chhan ka tuma ka lei chu a chih ta tlat peka.... Ka nu lah chuan min ko lawm lawm reng bawk si...talchhuah tumin ka beia dum chhah zetah ka pil tual tual bawksi..ka thlan a tla bat bat maia...chutah ka harh zawka...Ka nu, ka pa, Ka unaute hmel ka hmu hmasa bera, tap tih hriat takin an meng sen ram hlawma..an meng phelh phang mai bawk a...


"Engtin nge ka awm?...Khawnge Gosi?" ka ti chhuak hmasa bera, ka taksa chu chet ka tuma ka che thei ta miah lova,..."Enge awmzia?" ka ti leha.."I inhliam deuhva i tha ve leh mai ang, chet i harsat deuh rih anih kha" Ka nu chuan alo ti vata... "Gosi chu" ka ti leh sapa..."A haw tawh anih kha, Zan 3 ngawt a tlaivar zawn tawh a" ka nu chuan alo tivata..."Engtia rei nge ka mut tawh?" ka ti leha..."Ni 4 chu ani ve tawh e...i harh thei si lova kan ngaih a thalo hman lutuka.." a ti a...ka nui a..."Engtin chiah nge ka awm?" ka tia..."I malruh a tliak a, i kawng hi a che bawka..mahse i tha chho leh mai ang" a tia...Chutih lai chuan Doctor a rawn langa... "Ekhai...i lo harh tawh maw?...engmah hlauhthawn tur a awmlo ani...I muthilh hlan khan kan lo sawisa fel vek tawh che nia" nui chung chuan a rawn tia...Ka chetsual dan kha ka ngaihtuah leta... Khatia wrong side a rrawn tlan ta fua mai kha tunge niang aw..ka hre chak hle mai..."Amah kha engtin nge a awm?" ka ti a..."a hmunah a boral nghal...Kopang ah khan a motor ava insawh a, a per vek a lawm" ka nu chuan a tia... Doctorin min en chian hnuah ka nu chuan ka lu chungah kut nghatin Pathian hnenah ka harhchhuah leh tak avangin Lawmthu a sawi ta a... Ka vanneih zia ka ngaihtuaha, khati taka tlanchak ve ve nisi kan insulo hlauhte kha ka vanneih leh zel na ani awm e...



Chutia Damdawiin a ka awm takah chuan Gosi pawh min kan turin a school kal vel pahin a rawn lang thei renga, Cabina ka awm avangin kan inkawm melh melh thin...School kal ni pawh nise Class a neihloh chuan ka bulah a thu chawta... Min buaipui malh malh zela...A inthlahrunawm duh ang reng phian... Zirtawp zan ani a..keipawh ka ziaawm tawh khawp mai, ka taksa che theilo pawh ka che thei tawha,...mahse ka kawng an la cher avangin ka inher theilo thun... Dar 7:00 rik hma hretin a rawn lang hlawl maia..a pa in a rawn hruai nghe nghe... Ka u nen kan lo awma "Enge i rawn tih leh dawn, chhunah i rawn kal tawh tho sia" ka lo ti a.. "Ka rawn riahpui dawn che U Hmingi ka chhawk dawn mawle.._" a ti sam eta.. "ka hah hlei nem, I hah em tawh kha" Ka u chuan alo ti vata, "hah love, Kar leh atang chuan ka rawn lang hman mang dawn tawh lova, test kan neih dawn vangin" a ti maia... A pa pawh chu a awm ve deuh renga...Chutia riah a tum tlat avang chuan ka u pawh chuan Driver a chah ta nge nge a...Ka nu te an rawn kal tel bawka, zan dar 9 thleng min awmpui hnuah Gosi pa te nen an haw ta diala...An haw tur a thlah hnuah a rawn let leh a,..


"Ka van dam chak dawn tak.." ka lo ti ringawta, "engvang chuan maw?" a tia... "aw min riahpui dawn si a?" ka tia...a nuia "i van sual tak...tiin ka mutna bula thugthlengah chuan a thua, ka kuta venflon vuah luk chu a chul heuh heuh a... "lo hnai teh thil ka lo hrilh ru lawk che" ka tia... "Enge?" tiin a inbeng kanga, a rawn dawh ha a...a biangah chuan ka lo fawp a... "i van ho tak" a ti ringawta... Nurse duty a rawn luta "wow damdawi mum lian chi i kawl dawn bawka, i dam chak ngawtang" a tia..a nui hak hak bawka.. "nia...Zanin chu min rawn tibuai lutuk lo ula" ka lo tive a..kan nui ham ham a.. "Khumah hian a mut ve chi mai em?" kalo ti a.."Akhai a chi lovang" a ti fiamthu zeta..."i zuam leh zuamloh ani mai alawm..mahse i taksa kha dim deuh ula" a ti a...a chhuak zui ta nghala... "Enge khatiang i zawh khera...Mut dun te chu ka duhlo hrim hrim" nui deuh hman hman chung chuan a tia.."aw...Ka khawhar lutuk ang sin" ka lo tia.. a nui hawk hawk a... "tak takin ka bulah hian rawn mu ve teh" ka ti a...a thova...a rawn mu kai ve ta maia...Puan kan silha..min rawn kuah nghal chata..."awiha.." ka lo tia..a phu zawka.."tinge?" a ti nghal vata a inthiamlo hmel kher mai..."ka fiamthu anih kha" ka tia.. a nuia.."i van sual tak, ka tho leh daih mai tur ania" a tia... "ngailo...min va ngailo ve?" ka ti a...


"Ngalo che i la zanin ah ka rawn riahpui dawn che em ni?" a ti a...ka awmah a rawn bei deuh hla hla a..."Innei tawh mai ang hmiang" ka tia..."engmaw?...ka la ngam teuhlo" a ti a.."A hlauhawmna a awm hleinem?..heti zawng hi ani maia" ka ti a..."Naa... ani awmlo...ka thiannu U Khawzawl ami sawi ka hriat dan chuan Inneih zan ah hian sex hman ngei ngei tur ania...mahse ana duh lutuk...ka mittui a tla zawih thei' a ti a...chu chu ka ngamlo" a ti a...ka nuia...a innocent thei lutuk hi ka lawm tlat thin.."chutiang chu ani vek chuang lo, a mipa in an zir angai ve thova" ka ti a...."a nuam an tia..nuam pawn ka ringlo...mittui tlakna khawp khawpte chu" a ti a...ka nuia..."i van hrelo tak...a vawikhatna ah a hrehawm deuh ani maia...a dangah chuan a danglam daih tawh alawm...Mipa zir leh zirloh mai mai chauh ani" ka tia...min rawn he ha pah chuan "I ti tawh hrim hrim em...?" a rawn ti sapa...."i ring em?" ka ti a.."mmm...mipa hi chu in hur em a" a ti ta reuha...ka nuia..."I van sual tak, kan hur vek biklo" ka tia..ma dak ar ar a...min rawn fawp ta de de a...kan in fawp a...kAn inthlah a..kan nui dun leh kar kar thina...... "U B, ka ngai lutuk che a...in accident tih ka hriat tirh phei chuan ka buai vek,,..ka room ah ka tlan luta..ka tap vak ringawta... ka nu in "Tah ngawtin awmzia a awmlo..insiamla...i pa nen han tlan ve nghal rawh u" atia... kan rawn tlen chuan Inzaina room ah i awm daih bawksi...awmngaihna pawh ka hrelo" a tia...ka awm vel chu a chul neuh neuh a... "Min ngai ve hmello thei ropuisi" ati zui hlaka..."ka ngai che a lawm...Ka ngai thei lutuk che hi ka ngaingamlo zawk mawle" ka ti a...a nui har hara... Chutiang chuan kan ti ti karlakah kan in dut leh zauh thin bawka...zan a reilo duh kher mai....Ka dam chak phah sawtin ka ring hial ani....He nu bula ka awm hi chuan"....

End of 4

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:14 pm

TORN
Bung 5-_na



Kar 2 zet damdawiin a ka awm hnuah Wheel chair a thu chungin ka chhuak ta a... Gosi exam lai ani bawk si khua ahar duh kher mai...Phone a switch off daih bawk si...ka ngai veng veng ni maiin ka hria... In ah ka awma, TV ka ena, Computer ka khawiha, Lem ka ziaka, ka bial a zim thin kher mai... Engmah tih tur dang ka neilo...ka ning nileng tawp tawp ani ber mai.....An exam zawh ni ah min rawn tlawh a tum thu kha a sawi sia, Dar 2-ah pawh a la rawn lang ta lo...phone lah a la off hmak bawk si...ka thinrim deuh hlur tawh, a lem uluk tawka ka ziah chu a lo kal huna hmuh-ah tiin ka lo hunga puanin ka khuh tha than mai bawka...alo kal hun nghakin ka fan ka fan ani ber mai...


Ka room hi nupa rek In luah tiat lawng ani awm e...ka room lai takah khum ka hunga... Tukverh bul ah ka lemziahna tur bik ka hunga... Bang kil leh lamah Computer ka dah bawka..ka khum atang thumu chunga ka en theih turin Tv min hun sak bawka.. refrigerator lianlo tak mai a awm bawka...Bang lai takah chuan Painting ka ziah hmasak ber lem ka tar kulh bawka.. ka khum lah hniam set sawt, a dungleh vang inchen deuh thaw ania...Khum bul chiah ah chuan table lamp hunna leh alarm clock ka hunna thin a awm bawka...Bang dinglam chu wardrobe niin bang lehlam erawh thlalak chi hrang hrang ka tarna leh show case ka thil hlui lakkhawm dahnan te, ka naupan laia ka toys chi hrang hrang ka dahna chhuar a awm bawka..Chubak chu a ruak deuh huai thung.. Ka room ah hian Bathroom, cm toilet a awm nghala... Bathtub sailungvar atanga siam lian ve tawk tak a awm a...tin treadmill a awm bawka..ka damloh chhunga ka khawvel hmanna ani bawk nen ka hne deuh ngawih ngawih tawh ani ber mai...


Dar 3 rik dawn tepah an rawn thlenga, Atei leh midang kala hriat ngai loh hmeichhe 2 an rawn tel bawka... an thawven hmel tawh ham ham hle... Krismas boruak a nam tan tawh bawk nen...Hmun dang pan thei heklo ka room ah an rawn kala...min sawisa a an nui hak hak renga...an rim a dik zanlo..."Enge i awmzia hi" midang hriat loh chuan ka tia, "Grape juice kan in a, exam zawh lawm nan" a ti a...ka ngaihdan chu anih chiahlo... Ka thil ziahte chu an ena an ri barh barh renga, ka ngaia ka thlakhlelh teh lul nen min ngaihsak manglo, chutah minute 2 vel an awm hnuah an thiannu pakhat chuan hawn a rawt ta seka.."U B, kan haw mai ang....a pawi em?" inthlahrun ve hmel deuh chuan a tia..."in thu thu le, in hmanhmawh hmel si a" ka tia...a nui ringawta...tichuan an chhuak zui ta a...ka lawmlo rilru khawp mai, kha chen biak chak leh hmuh chakin ka awma chutia min rawn pal zawk ringawt chu ka ngaihdan ani chiahlo... Mahse han tihdan vak ka hre bawk silo..



Ka nu in zanriah min rawn pea... ka eitui phian eng eng emaw sawiin kan nui dun hawk hawk a, Krismas hmaa ka dam chian hman ngei a beisei thute a sawia, a hmelah chuan zepruk nei deuh tlata hriatna ka nei deuha... "ka nu engemaw min hrilh hreh i nei niin ka hria" ka tia... a nui maia, "chutiang engmah a awmlo... damdawi ei hun ah ka rawn kal leh dawn nia" tiin a chhuak zui ta daiha... Engvanga chutia awm nge aniha? enge min hrilh duhloh a neih? tiin ka ngaih a tha chiahlo... ka phone ka la chhuak a.. Gosi ka phone dawna, switch off ala inti tlat mai bawksi...dar 7:00 a ri dawn thuak tawh a...ala buai deuh nge ni dawn phone ala switch off ni ka ti a...Dar 7 ah Damdawi ka ei a... Ka inthiara....ka inthlak zo chiah tih ah ka phone a rawn ri ral ral a... ka en vata Gosi pa number alo ni a...
" Hello"..
"aw...Enge i an tawh a?"..Gosi nu aw chua a rawn ti a..
"ka tha chho ve hret hret e.." ka tia...
"Chaw a ei nghal em ni?"
"Ei dawn pawn ka hre nang? tumaw? Gosi maw?"
"aw...khatah a awmlo em ni?..an rawn kal lovem ni?"
"Kal nang?...eh kal e...an exam zawh khan an rawn kal_"
"aw..Exam zawhah ka tlawh anga..ka awm deuh rengang ati sia"
"a thiante nen an rawn kala..an awm rei vaklo"
"Anih chuan Atei kan phone ang e..." a ri raka phone a tawp zui nghala...


Ka ngaihdan ani lo kher mai...tun thleng thlenga la hawn loh...enge an tih chen chen ang?..khawiah nge an kal ang?....Gosi nu chu phone zui lehnghal ka tuma..Mahse busy a ti zel si...ka thinrim lutuk chu ka sen vek awm e...Hmeichhe ho derdep zia hi chu..ka ti supa..mahse ka rilru a thil awmdan ang ani lovang tih kan ring leh deuha..ka inthiamlo leh deuh a...Chutia ka insawh ka insawh lai chuan ka u Dini leh a fate an rawn luta, a hnu deuhah ka nu leh pa bakah ka unau te dang an rawn lut sap sap a.. kan awmkhawm ta thapa...chutah kan upa ber dawttu chuan "Naute (minkoh dan) I spinal cord hi nasa vak lovin i sawh a, Chuvangin zai angai dawna, Hetah an khawih thei si lova, Delhi panpui mai che i ngai dawna..kan hrilh hreh deuh si che a...kan hrilh lawk ngamlo che ani" a ti dam dap a...ka ngawi renga...ka awmdan engkim an hre veka min hrilh ngamlo anih chuan chhan tha tawk tak a awm ngei anga, nasa vaklo tih chuan thu a khuh tih ka ring nghal mai bawka.."E...a pawi reng renglo, in tih dan dan ani mai..." ka ti ve maia..."kan tum dan chuan naktuk ah hian thlawk thla i la kan ti thuta...a chhan pawh...Khulam doctor specialist kan pan tur ber, Mama thianpa kha Londonah Zin angaih dawn avangin a ranglam zai che a, result pawh amah ngeiin London lama zirchian tura ken nghal a duh vangin min rawn ti deuh ta thut vang ani ber...i ngai haw em lovang chu maw?" a ti leh dap dap a..."Ngai haw love..in ti ang ang kha a tha ani mai...Mahse ahma deuhin min hrilh lo chu a ho ka ti angreng...Ka rilru lam ka inbuatsaih lutuk hman si lova" ka ti a..."nia...kan hrilh ngam lo vek che a...loh theihloh ani ta si anih hi" Ka nu chuan alo tia..Rei tawk ka thuamhnaw leh eng eng emaw an siamfel pahin ka ti tia...ka unaute ti ti leh ka natna chung chang engmah ka rilruah a lut lo, ka tawrh chu engpawh nise, tun thleng thlenga Gosi te la hawnglo chuan min kap zawk...an hawng tawh zawk ang nge...?..hawng tawh nise a nu in min rawn hrilh ngei turah ka ngai..ka ngaih atha dawnlo tih a hrethiam reng dawn si a...Mahse tun thlengin engmah chanchin kan hre zui bawk silo...


Ka unaute an haw hnuah keimah chauhin room ah ka awma, ka vanduaina tawh zante, ka dam vat anga...Krismas hlim takin Gosi te ho nen kan hmang hovang chu tih ka lo ngaihtuah a plan ka lo neih sa diam tawh chu ka inzai dawn chuan Kum thar lamah daih kan hawng tawh ngei dawnsi...ka rilru ka seng thlawn nasa hle dawn ani....Khumah min mut tawh a,..duh ang thala chesawn thei ni heklo..ka mu tlawn zara...ka rilru ka kawm melh melha...Enge an tih ang, khawi hmunah nge an len ang...engkim chu zawhna chhanna hriat chakawm tak nisi huphurh awm tak nibawk si ani vek tawh mai ani......Sana ka ena...zinglam dar 2 ah te chuan ka la mengfiah kak mai...ka muhil theilo ani...Min zai hlawhtlinglo tase...?...Thil enggkim ka ngiahtuah a...Kei damchhunga Wheel chair a hun hmang thei dinhmuna ding thei reng ka nih si chuan Gosi tan han inhnemna leh chuang tur ka awm tawh silo..ka chanchin a hre ru ve reng tawh zawk nge ni ang...?...engkim chu a ni deuh nuaih ni maiin ka hria.....


Harsa ti deuhin ka khum atang chuan ka tawlh thla a..khum bula Wheel Chair ah chuan ka pakai hrama..mahse ka chau lutuk chu engmah ti thei lovin ka thu zawi reng thung....Engtik laiin nge chutia ka awm chu ka muthilh ka hrelo..."Mamte..Naute" tiin ka nu chuan minlo ko mawlh mawlha...puan min silh tira..."engtin nge hetianga i lo awm theih zawk, i inti khawlo zo vek anga sin...?" mittui tla par chung chuan min tia...ka ngawi renga..ka awmdan min siam fela...Damdawi min ei tir nghal bawka..."Tukverh bulah ka awm duh" ka ti bul nghuta...tukverh bulah chuan min nawr phei a..."ka phone minlo pe...." ka tia..."Naute...Gosi kha hrethiam hram rawh...a rilru a hrehawm em ani...a exam rilru pawh a buai khawp ang" a ti a..."Enge chu chu a awmzia?" ka tia..."I chanchin hi a hre daih tawh a lawm..i damloh tirh phat atangin...Nimin pawh khan inhnuai ah ka bulah a rawn tap reng alawm" a tia...ka ngawi renga..."tinge in hrilh reng reng a..?"..ka ti a..."Kan hrilh pawh a nilo, Aman Doctor alo zawt ve ani awm e" a tia..."anih ka zin tur thu a hri em?" ka ti leh a..."Hre lovang...a hre tawh maithei bawk...I u khan hrilh a tuma a be pawp thei si lova.." a ti a..."hmm..kei pawn ka be theilo.....Nizan ah a nu in min rawn bia a, dar 7 vel pawh khan ala haw lo ani awm e....I bulah a grape juice in rui lungpuam a tap vel mai mai anih kha..ka u chu hrilh la...ka zin tur hi hrilh duh suh se...phawhawr lutuk mai" ka ti ta neka...ka thusawi chu keimah ngei pawn awih harsa ka ti...chutianng taka Gosi ka chhuah chhia chu...Mahse chutia ka tih mai loh chuan ka rilruah a thi thei dawn silo...Kan inkar tih tawpna tha ber chu...ka biak zui tawhloh ani ber....Kei rualbanlo tan a uihawm lutuk...Naupangte ni chunga Pasal buaipui reng ani tur chu ka lainat em vang ani...


Thlawhna chhungah ka awm ran tawha...ka unaute min thlah liam tura lokal min rawn thlir thap mai hmel hmuh chu a lungchhiat thlak ve hle... Ka mit chuan zawn a nei leh thin...Mahse ka zawn ruk ber lah chuan ka zin tur thu engmah a hre awm der silo....Thlawhna chu a room vut vut a..a che tual tuala... Chak zetin atlan ta pur pura...vansang lamah min kanpui ta nual nual a....Damin nge ka kir leh anga...Beidawng takin?...tuman kan hrelo...Aizawl khawpui chu Kumin atan chuan ka chhuahsan ta vuah vuah a...ka kir leh ngai anih chuan Gosi nen pawh engmah boruak awm tawh lovin kan awm tawh ngei bawk ang....Ka maimit chhinga Gosi nui hmel ka hmu nghal uar uar a... Keima hriat tawk lek chuan "Gos mangtha aw, dam takin" ka ti sapa...



Kan upa ber mipa in minlo hmuaka, tichuan an In luah lam chu kan pan ding nghal nal nal a...naupang ho in minlo lawm thiam hle..ka rilru tawt lutuk tur pawh a chhawk viau bawk..tlai dar 5 ah Doctor hmuh kan ngaih dawn vangin ka intifaia..Natchhawkna min chiu hnuah tui takin ka muhil ta riha..ka mumang lamah Gosi nen kan lo in zawng nasa maia..a hmel hmu hmanlo chiah chiah in ka lo awm thina...Chutia kan inzawn lai chuan ka phone hi a lo ri vawl vawl a.... ka harh zawka...Ka phone chu a lo ri ngeia...Gosi number ani a...ka chhang duh lova...vawi 10 chuang zet apa phone nen min rawn call tawna..ka chhang duhlo fai vek a...Ka nu a rawn kala..Ka thuam a rawn thlaka..Tichuan Doctor hmu tur chuan kan kal zui ta nghala...Test hrang hrang kan neih vek hnuah chumi zan la la chuan zai turin minlo ti nghala...Inzai turin min buatsaiha....Dar 9:00 ah OT ah min nawr luta...Dar 10:15 ah min nawr chhuak leh a..engmah ka hrelo...ka vai ruai vek mai ani...ka damdawi rui nen a tuk zing lam dar 8 ah ka harh chiang chauha... cabin ah min daha...ka pa atanga mi hriat kan hlawhsa tawh chu thuhran nise ka unate pawh mi hriat an ni bawk nen kan tu ka ngah malh malh hle, Vai milian leh officer bakah Mizo tam takin min kan zur zuta... Ka rilru kal bing lutuk tur pawh a ziaawm rih viau..."Naute Doctor chuan zai hlawhtling a ti che ania...I dam vat dawn e...I vannei khawp mai..." ka u chuan atia...lawm tur nge lawm loh tur tih pawh ka hrelo, ka awmdan chu lungawi thlak lemloh ve em bawk ani..



Ka inzai atanga kar 2-na ah ka u te in ah ka insawn pheia..Room hran nuam leh thengthaw deuh mai minpe a... January Ni 10 a en leh tur ka nih avangin hawng lova awm tlang law law ka thlang zawka...Gosi hnen atang pawn Msg leh call ka dawng ve deuh reng bawka...mahse a rul tawk bakin ka chhang ngailo...Zankhat phei chu tap hnap in kan insiama...A khat tawkin Msi hnen atangin Gosi inleng neih thin thu ka hre ve reng bawka..Roberta kan junior MPS ni mek aleng thin tih ka hre daih tawh...Enge an thlen chu ka hrelo, mahse an inkar boruak pawh a that tawh viau ka beisei ngawt thung... Kei chu piangsual kal leh thei tawhlo tura ngaih 'hlauh takin' tih thua zai ve mai mai ka ni tawha, Mi anglo pasal nei tur atan chuan ka lainat em ani, Amah nuamsa a siam theitu tur midang a hmu thei anih chuan a lawmawm lam turah ka ngai... Chutiang vel avang chuan biak tamloh ka tan atah berin ka hriat vangin ngai em em mah i la ka be duhlo hmak thin...Ani pawn ka rilru a hria nge ka hrelo a zia ve hrim hrim...a khat mawi tawk velin min be ve zauh thin..."ka ngai khawp mai che, i kianga hun hman leh ka chak" tih lam kan sawi ri ngai tawhlo...Amak khawp mai mihringte hi In hmuh khat lutuk hian kan inkar boruak alo danglam thei ani chek aniang, keini pawh kan inhmuh tamloh avangin kan inkar boruak chu a danglam ve tawh hle niin ka hria..


Damdawiin ka chhuah hnu karah ka nute chu Krismas hmang tura hawng turin ka tur chamchi a, Kei mah enkawltu tur ruai mai turin ka ngen bawka...Anih loh pawn keiman ka ruai thei ve reng tih ka hrilha..Ka u nupui leh a fate chuan min duat narawh e, mahse kawng engkimah tihbuai ka hreh bawk si...Ka room ah chuan ka tawm nileng zankhua thak thaka..ka hmul meh ka duh bawk si lova ka bawrchhawr viau tawh nghe nghe...Ka tihluih tlat avangin ka nu chu hawng turin a inbuatsaih ta nge nge a...A hawn hma ni zing ah breakfast ka eizo tih ah ka room ah chuan ka nu leh ka ute nupa bakah ka la hmelhriat ngailoh hmeichhe pakhat hi an rawn luta...

"Naute, hei hi Ruatfeli anih hi kan awmloh hlana lo enkawl tu tur che anih hi, Amah hi Nurse zirzo tawh ani nghe nghe" ka nu chuan a tia...an rawn hruai nula chu ka en chianga nu lianlo ve tak mahse hmel felfai tak mahni invawng hmel tak ani reuha...Gosi nen ka tehkhin avangin ka hmu hmeltha lo mai maia, midang chuan hmeltha an tive thin khawp ang..."anih tak chu, Hnungbera ka nia, Bera min ti mai dawn nia" ka tia... ka ban ka phar chhuaka..kan inchibai zui nghala...Ruatfeli chu kan inchenchilh a min enkawl takah chuan a felin a zuan a zang em em a, a kut a damin a zaidam reuh viau bawk...A hunbi thlap thlapah min buaipuia...ka ei tur damdawi eng ilo fahran pawh min pek hunbi a pelh ngailo... Ka khawhar hlauvin min be sawm siam siam reng bawka..ka khum piah lawkah khum pakhat an hunga tah chuan a mu mai thin..a chezia chu ka lo mitmei ru reng thina..a che fel thlapa, A inthlak dawnin bathroom ah a inkhai lut hnak hnak thina..a mut dawnin Bible a chhiar ziah a, a tawngtai ziah bawka..a thawh hlimah a tawngtai ziah bawka...A insiam fel thlapa fresh deuhin min buaipui ta thin ani...A hmelah hlimlo hmel ka hmu ngai lova, nuamlo han ti hmel ka hmu ngai heklo...hmuh hrehawm khawpin a inchei ngai lova..a tet ang ang chuan a fel thlep zel ni maiin ka hria..

Bathtub Liners Bathtubs Chair Cheap treadmills for sale Control Panel Cord



Cord Spinal Counter depth refrigerator Grape Juice Hotel in london Bathtub Liners

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:14 pm

Zan khat chu Dinner kan ei hma lawkin Phone call a dawnga, a ringtone ah chuan amah rawn call zing em em tu "I bialpa ani maw?" ka tih fo thin ngei chu ani tih ka hre nghal maia, hmanhmawh deuhin veranda ah chuan a chhuah puia.....Reife an inbiak hnuah a rawn lut hmel chu ka lo en renga zan dang hmel a anglo...mahse ama zia angte te bawkin hlim hmelpu deuh chung chuan a rawn chhuaka "Ka tum aia rei kan inbia a, i chaw kan buatsaih nghal ang e" tiin a chhuak zui nghala...rei vaklo ah chuan a rawn lut leh nghal maia..ka u nupui nen an rawn inzui luta.,.Ka u nupui chuan min sawisa a, a nui hak hak reng tho nangin a chezia chu diklo tihna riau ka neia..ka u nupui chhuah hnu chuan "Fel, eng emaw diklo a awm em ni?" ka ti a..a thil tih lai chawl chuanglo chuan "Eng kawngah maw?" a tive mai a..." I phone call dawn hnu atang khan i danglam daih ania" kalo ti a...a nui a....ka ei tur damdawi min pek zawh hnuah ka zanriah eina chu a sengfela, a chhuah pui zui ta nghala... Kei chu tukverh lamah ka lo tawlh sawna... Tukverh ah chuan ka dak vauh vauha..."i lung a leng ani maw?...I lemziah a mi kha i bialnu tiraw?" a rawn ti a...milem ka ziahna bu bik a kawm uk ka neia chu chu ka pawm deuh chawt reng thina...Dairy nen ka chawhpawlh ani deuh ber mai..."i en elaw?" ka ti hu a...in thiamlo hmel deuh chuan " ka tihpalh...Hman ni chhun a i muthilh lai khan ka lo en palh a...ka tihpalh takzet ani..pawi i tih lem ka ring lova" a ti nghal zung zunga..."Nilo, phal lutuk e...ka zawt mai mai che" ka tia....a nuia..."chuan i hmel diklo chung chang ka zawh che kha?" ka tia...zalo deuh chuan a nuia..ka bulah thutna a rawn rema... "nia englo ania,...Hawng turin min ti a..ka ning lutuka...kan inhnial deuh mawle...hepa ka nin zia hi chu" a ti hlaka...


"Aw...i bialpa ani lawmni...? tinge hawng tura a tih chhan che?" ka ti a..."Nia...min ngaizawng ngei a lawm, mahse ka duh lutuk lemlo, min zem nasat em avangin ka kawp ve ta mai mai...aaa in ngaizawng tih lemah Kan la inhmu tamlo..vawi 1 chiah kan la inhmu....June thla khan ka haw chhova...tah khan kan inhmu a..chubak chu engmah a awm lo" a tia...a hawi veuh veuha...June thla atih chuan Gosi nen kan intawn thla chiah kha ani tih ka hre nghal vata..."Chutiang chu nisi a va inti thu awm ve, hawng tura a tih ngawt che a?" ka ti a..."nia...a ninawm tak tak, ka duh hun hun ah ka hawng ang" a ti hlaka..."Anih kan la inzawt miah lova, khawi khua nge i nih a?" ka tia..."Khawzawl khua ka nia" a ti a...ka phu zawka..."Khawzawl khua a..?...amah chu Inkhua ve tho em ni?" ka tia..."aw...Mahse veng danga awm ania..." a tia..."anih tak chu...Krismas hman ho a chak ani ngei ang" ka tia..nui hak hak pah chuan "nivel mai mai e...chuan i milem ziah ami sawn ang tih deuh ka neia...kan khua ami ania" a ti a...ka hrethiam nghal mai....mahse hrelo awm taka awm chungin "tunge ang i tih a...Ka lem ziah nu chu Aizawl Dinthar venga awm daih ania" ka tia.. "Anilo anih dawn chu...Mahse an in ang ka ti khawp mai....Gospeli ani...Kan khaw nula hmeltha mawle....an mitkalh ruk deuh danah te sawn an in ang tawp" a tia....Ka mitthla ah Gosi mitmeng nalh zet mai leh nui mawi em em mai chu a lang nghal uai uai a..."Anih chuan chu nula i hrechiang viau em?" ka tia..."Hrechiang lutuk biklo...Kan veng a in ang lova...Hermon vengah an awma..Keini DinthAR veng ah kan awm daiha...Nungchang tha deuh mai ania..Mahse SDO nen an inkawp an tia mak ka ti rap mawle" a tia...kan nunhlui ka hrechhuak uai uai a....... "Chuan i bialpa chuan tuna i hnathawh hi a hria em?" ka tia..."aw...ka hrilh vek alawm....coffee i duh tawh em?" a ti zawm zata..."aw...Han siamla.." ka tia...a tho tharha...Flask a tuiso awmsa ami chu a va siam rak rak a...kan 2 in tur a rawn chawi phei a....Thudang ka sawi daih loh chuan Gosi kan sawi reng dawnin ka hriat vang ani..."Chutia a hriat si chuan min thik ani mai lomaw?" ka ti fiama...a nui haka...."I van hre thei...a thik tlat pek che mawle...a mawl ania.." a tia...kan nui dun ta hak hak a....Engemaw kawngah Gosi nen an zia in anna an nei ru deuh hlek thina...mahse a englai ah chiah nge ka hre chuanglo..... "ka thik awmloh teh lul nen" ka tia..a nui a..."Nia...Mahse in lara thik che pawh a awm ve tho...kan inbiak hian i chanchin ka sawi leh chiam thina.." a ti a...Ka nui a...Ka phone call a rawn kala...Ka nu in min rawn biak avangin ka chhan san ta riha.....


Krismas boruak in Mizoram a chiah hneh em em laiin Kan awmna ah chuan chutiang boruak thleng chu a awmlo chiang hle...Kristian awmna hmunah chuan a awm ve mahna....Mizoram House ah Krismas ruai siam an tum avangin ka ute pawh an buai zAk zak renga...Krismas urlawk ni ani a..."U Berte, Ka bazar ve lawk dawna...enge ka rawn hawn ang che" a tia..."Ehiau...Krismas eve bazar tur maw?...ka hrelo...Rose par senduk minrawn hawn ta che....Mi ka pek ve atan" ka tia..."awhaw tutak niang maw?" a tia...ka mithla ah, Gosi hmel a lang nghal zawka...a chhuah hnu ah Gosi ringawt ka rilru ah a langa...Enge tunah hian a tih ang...an bazar vel ang nge...? Zan boruak tur atan a inbuatsaih ni ang..?...Tunah tak hian ka bulah awmse..ka ti rilru kher mai...Mahse chutia in ngaihtuah vak chu ka duhloh avangin ka laptop ka la chhuaka... Ka online ta daiha... Mahse ka rilruah engmah a lut theilo...thil dang ka ti kual zela..engmah a lut thei chuanglo, thikna leh lunglenna a rawn lang uai uai bawk si...Ka insum zo ta nang lova..ka call ta nge nge a...a ring tluk tluka...a la thei dawnlo emaw ka tih hnuah a rawn pickup ta hrama..."Hello, tunge aw?" A nu aw chuan a rawn ti a...Chutia ka phone number a lo neilo mai chu mak ka ti kher mai....ka ngawi deuh deta.."Hello....Hello...?" a rawn ti nawn leh a..."Aw...keimah Bera ka nia" ka ti ta nge nge a...

"aw...a phone a chhia a, phone dang ahmanga number a bo veka..i dam maw?..enge i an?" a rawn ti nghal duah a... "Ka tha alawm...Amah a biak thei em?"..ka ti a..."Hey, bazar ah a naute nen an kala..phone a kenglo anih pek hi...a kenglo tih pawh ka hre lova...i rawn call a ka hre chauh alawm...Zan ah ka rawn biak tir dawn che nia" a ti a, sawi tur vak awm tawh heklo " ni e" tiin kan inbiakna chu kan ti tawp ringawta... Phone a ti chhia nge ka phone lei sak kha a outdate tawh zawk ni ang?...Engkim mai chu ngaihtuah ti thui thei tak vek mai ani... Tunang Krismas bazar Urlawk ni leh nghala naupang chumchiap 2 hruaia bazar akal anih chuan a vai buai duh dawn em...nge midang kalpui a nei zawk...?..hriat a chakawm deuh viau mai...."ka tana khuanu ruat a ni a nge, phone chhia leh biak tur alo awmlo chu" ka ti supa...

End of Bung-5

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:15 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)