TORN BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

TORN BY Tochhong Ruata

Unread post by Ngaia » November 27th, 2016, 4:12 pm

BUNG 1-NA..
(First Kiss)


A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Tochhong Ruata
All rights reserved
www.storyfb.com


"Mami khawi venga awm nge i nih a?" tiin kan dawr bula School uniform nena ruah sur ban nghaka ding zam mai chu ka zawt tawpa, a tlai tawhin khua athim lek lek tawh bawk si...ruah lah chu a baw hawk hawk reng bawk si, a hmel lah chu a tha ru phian lehnghal.... zak hmel deuha min rawn melh zak zak pah chuan "Dinthar veng" a ti tham tiaka, a aw a thian zui nghak khak khak,... "lo lut rih rawh, kha i huh vek dawn a lawm" ka ti a..."a ngailo, a han tep tawh ang" a ti ve tlata...ka en chian deuh chuan a khur bab bab niin ka hria..."Kha vawt i tih hmel bawk si...lo lut rawh...nge min hlau deuh em ni?" fiamthu in ka ti zuia...lai deuh chuan a nuia..."hlau love...." a ti a...hreh hmel zet chuan a rawn lut ta a...A sam chu a hnawng deuh chapa, face towel pakhat chu ka pe a..."in hru hul rawh, zak reng reng suh" ka ti a...a nui maia...a inhru niap niap a, a tarmit chu a la thla a...ka lo en renga... chutia dawr chhung light eng hnuaia han hmuh chian takah chuan a hmeltha satliah lova, a hmeltha hle ani tih chu ka hmu hrethei a..a heh bawr leh a khabe invuah fuh ziate chu mak mah mah zawk ani..."Kha..ka lawm e" tih pahin Face towel chu min rawn pe a,...tarmit a bun talo bawk nen a mitmeng nalh zia chu ka hmu chiang hle, .Mitkalh hi chu a nalh hauhlo...Mahse mitkalh ni chiah silo eng emaw taka meng kalh ang deuha lang hi chu a nalh ani tih chu School naupang chuan a ti chiang hle tih ka hre nghal...ka en vung vung avang chuan a lai deuh dawna..ka insiamtha nghal vata..."Dinthar ah maw i awm...tinge nangmah chauha i awm a...?" ka ti a..Thingpui lumna khawla thingpui ka chhuan so zo hlim hlawt chu ka thli chhuak a..Coffee pocket chu ka hnima...amah chu no 1 ka pe a..."Kha hei hi in rawh" ka tia...towel min pek chu ka ban nghal bawka..."aaa ngailo asin mawle?" a ti niah niaha...Towel min pek paha a kut leh ka kut insi zauh ah chuan thil fello awmin ka hria..."I damlo elaw?" ka ti nghal vata...a ngawi renga..Coffee no chu a hum tanga..."I khua a sik ani maw?..." ka ti nawn leh ngata..."aniang...a vawt emai" a ti duh lek chauhva..."i va ho tak, ngawi rawh Damdawi kan lam a nge?" tiin ka dawr ep chiah a damdawi dawr pan tur buan ka chhuak zui nghala...."a ngailo" a tih ri bak ka hre zui hmanlo...


Damdawi ka pek chu a dawlh a...Coffee chu ngawi rengin a in a...kei pawn a ruka ngaihven zauh zauh pah chuan ka hna thawh lai chu ka thawk pah zela...M.Com ka zawh hnuah sawrkar hna emaw lam zawng lovin Photography lam ka luh chilha, Lemziah ka thiam tel avangin Dawr ka siam ve a..Bazar Bungkawn a kan building pakhat kawngpui an dawr atana siam zinga kaw khat ka luah ve mai mai a...Kan building hi a lian ve thawkhat a...Chhawng 3 zet asangin kan sa a...Miin an luah khat veka...kawngpui an ah dawr lian ve tak tak awm theihna kaw 4 a awma, chung zunga kil ber chu ka dawr ve chu ani a...Chumi chung chiah chu UCO Bank in an luaha, a chung sang ber chu UCO bank thawktu vai ho in an luah tel nghal bawk...Keimah ni awmna tak hi chu Chaltlang lam daih ani thung...Ground floor dawr hnung lamah chuan Motor dahna atana kan siam a awma, Dawr neitute bakah Bank lam hnathawk te motor parkna ani nghe nghe... Aizawl chhungkaw hlun kan nih bakah Ka pa hi Minister pawh lo ni tawh chawlh san tawh ani a...Unau 9 zet zinga naupang ber ka ni a...Kan unau hi Mipa 2 chiah kan ni a, kan upa ber mipa niin I.P.S ania, Delhi lamah a awm daiha..Abak chu Doctor 2 leh MCS 1 an awma, thenkhat College lecture, thenkhat Department a UD hna chelh mek te an ni nawka..min chhangtu chiah hi Hmeichhe MPS niin Pasal la neilo ani a, ka nu leh pa nen kan 3 chauhin In kan nghaktawh... Chutiang chhungkua ah chuan zi chhuak mah i la Ka ute anga mi hnuaia awm ai chuan Mahnia sumdawnna run ka duh ve tlat avangin min dan ahneh in min support em em thung...Piang tawhlo tura an rin tawh lama piang ka nih bawk vangin min duat rawn deuh viau bawk...Min chhangtu chiah nen hian kum 12 zetin kan i thlau nghe nghe...


Ruah surin ban zai a rel thei bawk silo...Khua a thim tan tawh viau lehnghal..."Heng hi nangma siam vek em ni?" a rawn ti sapa..."anih ve hi, a ropui vak lemlo" ka tia..."analh hlawm khawp mai....awi...ka van ngei tak" a ti teh hluaia..."Tinge thian i neilo em ni?" ka ti nawn leh ngata..."a..nei e, Mahse an haw vek tawha...Ka bazar kawi khang lang a lawm le....ka do haw tawp mai dawn amawn le" a ti niah niah a...Ka thil tih lai mek chu alak lawh loh lai ani bawk nen ka daha..computer ka shutdown a..."ka thlah i hreh lemloh chuan ka thlah dawn che nia..." ka ti a..."a ngailo...ka do mai ang" a ti a..."a harsa hlei nem...Dintharah kal ka ngaih vang tho ania..." tiin Dawt var ka sawi zauha..."Anih chuan pawi chuanglo" a ti a..kan nui dun haka...Dawr chu ka khar fela..."tah hian lo awmla motor kan va la lawk ang e" ka ti a..dawr hnung lamah chuan ka lut zui nghala.. Ka let leh chuan inthlahrun hmel deuh chuan alo ding a...Motor chhung ah chuan a rawn luta...Dinthar lam haw tur chuan kan tlan zui ta nghala...


"Lalhnungbera ka nia Berte min tih loh pawn B-a min ti mai thin" ka ti a...a nui haka...."enge i nuih khera..?" ka ti zui zata..."i ti tak tak ami?..ava mak ve?" a ti a..."Engmaw mak chu?" ka ti a..."aa.englo i hming kha mawle?" a ti niah niah a..."Nia...Kan unau zingah ka piang hnu hnung bera chuvang chuan ka pa in min phuah saka...Engtin nge ka koh ve dawn che?" ka ti zui nghal zata..."Gosi min ti thin...Gospel Lakpekhlui ka nia" a ti a...a mipa hming ka ti rilru hle..mahse ka sawi chhuak chuang lemlo....Ngawi rengin kan tlan zela...Dinthar kawn kan thlenga, Hermon School lam kawngah kan tlan chho leh a...Chutah kawng peng thuam lo awm ah chuan "hetah hian ding rawh khu khu kan In ania" tiin thlang deuha in pakhat lo awm chu a kawk a..ka seat hnuaia nihliap ka pai reng thin chu ka pe a..."School kal pah in i rawn dah leh mai dawn nia" ka ti zuia..a hnar ngial nangin ka pe lui ta thova...A chhuk hnak hnak chu ka en renga...chutah ka inhera In lam pan in ka haw ta nal nal a...


Ka mitthla ah a nui mawi tak leh a tarmit phena a mitmeng sexy tawk lek a kalh chu a lang uai uai a, engemaw tak vangin ka hlim em em a, ka nui deuh suih suih reng bawka...min hmutu awmse chupa chu a motor khalh a khi vur vur mai a à amawni an ti maithei...Kha school naupang Gosi kha ka rilruah a cham tlata, a zia zawi nem diai maite khan min hneh hle niin ka hria...Tlang taka sawi chuan ka ngaizawng ru a ni ber mai...


Ka tumlawk hauh lovin ni 2 ngawt dawr hawng thei lovin Lunglei leh Siaha lamah Ka pa contract thla la in ka thang bova, ka rilru ah Ka nihliap man tolo tak mahse hlu ta em em mai chu a lang lian khawp mai, Min rawn pe turin a rawn kal ang nge..? a hawi hai ve ngawt ang" tih te chu a lang zut zuta,....phone a nei ang em? a biak theina number ka lo dil lo ani!? tih te ka ngaihtuah nauh nauh a...Ka helh hawlha, Haw thuai thuai ka duh ut ut renga...Ka tih tur ka ti zova, Siaha atangin ka haw nghal nal nal a, Zan ah Lunglei ka thlenga, Chawl khawmuang chuanglo chuan ka tlan tlang nghal zarzar a... A hriat lem lohvin Gosi chuan min pawt kal hlawk hlawk ani ber mai...


Phur takin dawr ka hawnga,...Chauh pawh sawi thei lovin ka inhawng rawk rawk ani ber... Chutah order sa leh order belh lo awmte ka buaipuia, Chung te chuan ka rilru a luah thei meuhlo, ka nihliap leh a kawltu bak rilruah a lang lo...Chutiang chuan ka nileng ve ta dera...Mahse ka ni hliap leh a kawltu tumah ka hmulo...A tukah pawh nghakhlel takin ka thlir nileng leh thaka, mahse engmah a lang chuanglo, a school kalna uniform ha amah ang rual khat vel chu ka hmu fo mahse amah erawh bo ta daih ang maiin a reh vang vang reuha... Ni thumna ah phei chuan ka haw lek lek tawh zawk...Hah pawh sawi thei lovin Siaha atangin Aizawl ka ban tlang thaka, Min ngaipawimawh lo hle niah ka ngaia, ka lung nilo rilru khawp mai....A ni li na ah phei chuan ka beisei peih tawhlo zawk, Chu achhapah Department pakhat in an department thil min rawn buaipui tira..Banner siam in ka buai nileng deuh thaw a...Ka buai a reh ta deuh bawka hnadang thawkin ka bur leh chiah tihah "I awm maw,Hey nihliap ka rawn dah dawna?!" a ti ri chu ka hria a....


ka dak chhuak rang kher mai,..."I va rawn dah har ve, thil hawh tir tlak pawh i nilo?" tih nek mai ka napa, Mahse amah hmuh chakvang mai mai a chutia lo tih chu ka inthiam leh chiah lova, "Aw...ka lo hre tawh hleinem?" ka ti ve zaih a...Amah chauh alo ni lova, a thiante 4 lai nen an lo ni a..."Nia, Englo ania...ka damlo ta vaka, school ka kal thei lo a, chuvangin ka rawn dah lawk thei lova, ka lawm lutuk ania" a ti a..A thiante chuan banga ka thlalak tar leh ka lemziah te chu an en kual dan dana, nalh an tih thute an sawi sap sap a..."Kei pawh ka zin daiha, i damlo tih reng ka lo hre lova, Khami ni pawh khan i khua a sik reng bawk a, Coffee in ta che u" ka ti kawi nuaih a..."a...kan kal zawk mai ang....ka lawm lutuk e" tiin an chhuak zui ta daiha...ka hrilh hai lehling zawk maha....An kal liam tur chu ka thlir zui dauh dauh a....An liam dawn tepah chuan a rawn hawi let a,...ka pil zuk rohva....


Ka nihliap a hawh kha dah thuai thuai se ka ti em em kha ani a, a rawn dah ta chenga, a reh zui nghal ta hmak si a, han hmuh theihna chance ka nei ta hauhlo mai....Ruah sur leh vak se, nihliap hawh tir leh i la, tih te ka suangtuah kual vel bawka...a ruk tak chuan ka ui ani ber mai...Nitiin School ban hun velah Ka mitmei ziah a, mahse ka hmu ngailo...Nikhat chu ka hmu leh hlawl maile...Mahse Mipakhat hian Bike ah a phur daih thung,...Rem leh rem lovin ka dawr lam chu a rawn en ve hram hram tho mai... 'Nihliap min hawh tirtupa dawr kha' a ti pawh ani vze fahmiang...Ka rilruah thil lo lut hmasa ber chu "tunge phurtu kha ni ang?" tih chu ani...a tukah pawh a rawn phur leh tlat mai...ka ngaihdan ani ta lo kher mai...Min awhsik emaw tih turin an rawn tlan zing tual tual ni maiin ka hria...Nitin School banah an inphur haw ziah leh nghal, ngeiawm ve duh tak ani....


"Hello, B i va induh ve, min rawn be ngai miahlo ani aw...kar 2 dawn chu?" tiin ka bial nu ve deuh Msi chuan min rawn phone a,,..Nidawn tak e, Gosi ka tawn atangin Msi lam reng reng ka lo hre tawhlo,,,..Ani nen hian B.A final kan nih kum agangin kan inzui tana, Thian ang leka in en chu kan ni bik chiah lo....M.A kan zwh hnuah thingtlang khaw pakhat ah Higher Zirtirtu in a thawk zui nghal daiha...Kan inbe reng tho thin...Chutia ka lo mangnghilh chu ka inthiam chiahlo nangin Gosi ringawt chuan ka rilru a luah vangin ka hrelo ani..."nia, enteh ka buai thei lutuk a, Ka dawr ka singsa fel deuha...tih len ve deuh ka duh a?" ka tia..."Chupawh nise, i lerh vang mai mai aniang?" a ti a, ka nui hak hak a..."Nilo, ka dawr ka ti lian ve deuha, Flex machine te ka lei belh bakah, Studio te ka siam belha, Dawr nghaktu kA lak belh bawk si a, ka buai thei khawp mai" ka ti a, a nui hak hak a, I tui ta hle ani maw?..awm mai mai la tha tur" a rawn ti a, "I van ho tak, hnathawk lova awm ten ,nupui ka nei ngam nang" ka ti a...a nuia...chutiang chuan kan inbe renga...Nia..a dik tak chuan ka buai ve em em tho alawm, ka dawr ka ti changtlunga khawl lian tha tak tak ka lei belh bakah Khawl khawih tur ka chhawr belh bawk nen ka buia vanglai tak ani ve bawk ani...Mahse Msi chu hre changlo pawh ni i la Gosi erawh ka theihnghilh ngilo... In lama kA room ah ka suangtuahna a engtik lai maha bo ngai eihlo Gosi lem ka ziah chuan min kapin engdang ka ngaihtuah theilo ani ber mai....Ka ziah zawh vek hnuah dawr ah ka tar tel ve zui nghal bawka...School uniform nen ka dawr sira a ding lai ang chiah khan ka ziaka... Ka dawra thawk te leh a rawn hmutu apiangin "ava nalh em em" an ti thei zela, an en laih laih thin...


"Passport size thla a lak theih em?" tuemaw hian a rawn ti a, ka chhang lemlo, Ka nau chhawr chuan "theih e...lo thu rawh u" a lo tivata, Kei chuan ka thil siam lai ngawt chu ka en a,..."Kan vai hian kan duha.,..." a ti leh a,..."Gos i lem a nih hi?" Hmeichhe pakhat in a tih ri ka hriat rual chuan ka hawichhuak rang kher mai...School naupang 6 vel hi an lo awm laih laih a, Dawr chhunga ka thlalak leh Lemziah tarte chu an belchiang laih laih a..."anih hi ava nalh em em?" an ti tliar tliara...an zingah chuan Zak hmel deuha ding Gosi chu ka va hmua....ka thil tih lai chu kalsanin "Enge in duh a?" tiin ka va chhawn zui nghal vata...Min rawn pan hnaia...."i van sual tak" a rawn ti ringawta...ka nui maia..."engvang chuan maw?" ka lo ti a..."Eee...Saw saw tinge i ziah kher" hlim mitmeng tih hriat tak hian a rawn ti a..."Enge a pawi em ni?" ka ti a..a nui hak a..."Thla chu a Lak theih em?" pakhAt chuan a rawn ti leh a, Amah pawh ngaihsak zui tawhlo chuan "theih e...Engzat in nge la duh che u?" ka ti a..."kan vaiin...a chhuak nghal thei bawk ang tiraw?" min zawttu chuan a ti a..."aw chhuak nghal ang...Kha tah khan lo ding ula, hmun 2 ah khan" ka ti a, camera chu ban zui nghala....Amal te te chuan ka hmehsak thliah thliah a...Gosi hun a thlen chuan a lai kher mai...a sen deuh ap ap a..."Tarmit kha..." ka ti a..rang zetin a la thla a...Ka la hmeh sak veloh te chuan powder an lo inchulh mawlh mawlha...ani erawh engmah a inchulh velo, mahse a paw phek tho thung..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:12 pm

"phone i nei ve em?" "aih neilo...tinge?"...sen ap ap chung chuan a tia, "E...biak duh huna biakna tur che mawle"...ka ti a...a nui haka..."a zahthlak..." a ti ringawta..."Enge zahthlakna tur awm?" ka ti a...."A ka hre chuanglo...Apa chuan a nei ngei mai" a ti thawp sapa..."Min hrilh phal em?" ka tia...note bu leh pen a hmaah chuan ka nawr phei nghala...hawi kual zak zak chung chuan a ziak ta niap niap a...94361497..... tih a ziaka..... ka nuih saka...a nui ve bawka...Chutih lai chuan Tetea chuan an thlalak chu alo print sak ve mek bawka...."Pawl engzat nge i zir ve tawh a?" ka ti a..."Class XII" a ti sapa...Han biak leh dan tur ka haihchham ta viau mAhse amah zawk chuan "U Ber, englo...thlalak...oh..nilo..Xerox in ti thei thovem?" a tia..."aw thei tho...midang chu kan xerox sak ngai lova nang chu a theih mai theih" ka tia...a nui hak hak a, "hmmm vel ache" a ti a..."Enge xerox i duha..?" ka tia..."Ka birth certificate xerox ka duha" a ti a..."rawn la rawh, kan xerox dawn nia" ka tia..a bag chu a hai rak raka...Birth certificate hlui tawh lam hi lehkhabu kar atangin a rawn phawrh chhuak a...ka en zauhava..ka hriat duh chu ka hre nghal vek a....Ka xerox sak zawh hnuah "I birthday a thleng teuh tawh hle mai" ka ti a...nui chung chuan "nia...Enge min present ang?" a ti a..."aw...saw i lem ka ziah saw ani mai lawm" ka tia...zalo deuha nui chung chuan "i sual" a tia..An thlalak kan print zo tawh bawk nen an chhuak ta nghala...a kal hma lawk chuan "Ka la rawn leng ang aw?" ka ti zauhva....nui ver ver chung chuan "i thu thu" a ti a...


Ka rilru ah thildang a lang thei tawhlo...September Ni 20 tih chu a ri tluk tluka...Engtin nge ka surprise ang, hetiang reng reng hian hmeichhe birthday ka la buaipui ngailo...Ka rilru ka seng nasa hle...Kar leh mai ani tawh dawn sia...Tiin ka buai em em ringawt mai ani. Zirtawp zan ani a....Zanriah eikham ah phone ka hmanga...Gosi pa chu ka phone ve tatawpa...Amah chu phone apek hnuah "Ka rawn leng dawn apawi em?" ka ti a..."Pawi love, i thu thu ani mai" a ti a...ka phur kher mai... ka insiama ka faifuk rat rat a...Chutih lai chuan ka phone a rawn ri leh cher chera...Msi alo nia...Vawiin ah a rawn haw tak e...ka hrechhuak zawka...Len a beisei ngei ang...Mahse chhuanlam siam a ngai..."Hello..."..."aw...B i lo leng dawn em?..." a rawn ti nghal thar thara..."Enteh Ms, zanin programme ka nei tlat naktukah ti mai ang hmiang" ka ti a..."I van sual, ka ngai em em che a" a ti bak hlaka..."Sual pawh ani lo, Kan Association meeting kan neia" ka tive ngawta..."anih chuan pawilo, ka motor chuang ka rui deuh nge ka hrelo ka ni bur mai..ka mu hma mai ang" a ti ta hlauha...Ka lawm kher mai, min phut lui vak ang tih ka hlau ru viau ania...Tichuan phur deuhin Eng emaw ei neuh neuh tur keng dawrah lei bawkin Gosi te veng lam pan chuan ka tlan ta nal nal a...


An In chu chu Building lian zet mai floor hnuai ber dawt chu alo nia...Bed Room 3 awmin Choka leh Sitting room a hran ve nangin Sitting room chu Common room anga hman nghal ani a...Ka va luh lai chuan Choka ah eng emaw khawih in alo awm a "lo leng rawh, i lo kal duh tak tak pawh ka ring lova" a lo ti nghal vata..amah chauhin alo awm lehnghal..."Khawnge i chhungte?" ka ti a..."Inchung ah an leng lawk anih kha...lo thu rawh" a tia, keimah chauh chuan TV ka lo ena..Rei pawh ka thut hma chuan a rawn phei ve nghala...ka eitur ken chu ka pe a..." awi i van fel..,.nangmah chauhin em ni i lo len" a ti a...a nui var vara..School uniform nen a inthuam loh chuan a nula ve riau in ka hria, Tarmit a bun heklo, a duhawm em em a ni tawp mai, Pawnfen fual ngal chen vel a fenga, tshirt a ha leh tawpa.... "Engzat nge khawsa che u?" ka ti a..."5 kan nia, kan unau 3 leh ka nu leh pa te nen" a ti a..chutih lai mek chuan kawngka chu a ri raka naupang mipa leh hmeichhia kum 4 leh kum 2 mi awm vel hi an rawn tlan lut tak tak a...an hnungah chuan Keimah aia upa tam lutuk lo tih hriat tak, Kum 35 chunglam awrh tih tur hmeichhia leh mipa an rawn luta...."Eee...Mate Inleng kan nei elaw?" nu zawk chuan a rawn ti lut hluta... "aw...U Bera anih hi, kha ka damloh tuma min rawn thlahtu ka tih kha" a ti a..."eee anih tak chu i van fel ve" a nu chuan a ti zui nghal zata...Naupang 2 chuan min en ralh ralha... "Hei hi ka nu ania, Ma Kuri ania, hei hi ka pa Davida anih hi.." a ti a..A nu leh pa hmel ka hmuh chuan an la naupang dun hmel hle in ka hria...Apa chu bikea phur thintu kha ani tih ka hre zui nghal bawka...A mengsen rama, a nelawm loh hmel khei khawi viau...TV en chuan an thu ve ren rawna....A nu nen chuan Gosi chu an in ang hle mai, zawng fian phel ang chauh an ni, a naute 2 pawh chuan an chhun hle bawk...An ri nak nak a, rei vaklo hnuah mu turin bedroom lamah an lut zui ta nghala..


"I nu leh pa chu an va la thalai ve?" ka ti a...nui chung chuan "nia, Kapa kha Kum 38 ahmang meka, ka nu kha Kum 37 ani thung, kapa nen kan birthday a inang chiah mawle" a ti a..."In va chhang khat ve" ka ti zui leh hrama..."nia...englo ania...Kei hi an tleirawl fa ka nia,...." a ti a..."anih tak chu..." ka ti ringawta...in si deuh thaw in kan thu duna, a naute eibang ka thil ken chu a ei niap niap a..."Ka nu leh pa hi High School an kal laia in ngaizawng an nia...An chesuala ka piang ta ani...Ka nu kum 18 na ka tawma...an innei lawk lova...A hnu daihah an innei leh a, Kei erawh ka pi leh pu bulah Ka awm char chara...Pawl 10 ka pass atangin an bulah ka awm chiah" a tia...An chhungkaw chanchn chu zep nei hauh lovin min hrilh a... A nu chu Khawzawl khua niin apa chu Tuna an chenna In hi an inpui ani thung...An fa upa ber niin a indang chhun ala ni bawka...A pa nu leh pa hi a hrawn ve vak loh avangin a nel em em lo tih thlengin min hrilh vek bawka...Chutianga a chanchin min hrilh vek chu mak ka ti angreng zawk hle...Min ngaina ve hle bawkah ka ngai phah hial bawk..

Eng eng emaw sawiin kan ti ti dun melh melha..Kan nui dun leh hak hak thin bawka... Dar 9 rik dawn hnaih ah hawn zai ka rel ve ta a...An veranda thleng min rawn thlaha..."Naktuk enge i tih dawn?" ka ti a..kan indin hniah hle..."ka insu ang..nau awm pahin" a ti sam eta..."anih lo len leh ziah i phal em?" ka ti a..."phal teh reng mai...i peih phawt ahnu...Mahse mi an thinrim ang" a ti zauha..."Tumaw?..i bialpa te maw?" ka ti nghal vata..."nilo, i bial nu te mawle" a ti a...ka nuia..."Nanglo bial nu ka neilo" ka ti chhuak ta phawnga...a sen nghaL ap ap a..."i van zaklo" a ti ringawta...ka dawm beta chiang zet chuan ka fawp ta thuta...Min chhang ve nghal zat bawka...a zei fahranlo lehnghal....


End of Bung 1-na...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:12 pm

TORN
Bung 2-na



Ka len hmasakna ber zanah ka fawh hmasakna ber ka tawng nghala, ka hawn kawng chu a nuam veng veng ni maiin ka hria, ka hmeichhe vei ber mai dut theia ka awm chu ka hlim hliah hliah a ni... In ka thlenga, ka insil fai zo chiah tihah ka phone msg tone a rawn ri tlenga...ka en vata...apa number atangin minlo text niin "i thleng tawh em?" tih zawng hi ani a..."aw...thleng tawh e...i la mu lo em ni?" tiin ka chhang let zui nghala..."aw...mu tawh e..mahse ka la muhillo..i sual si" a rawn tia.. ka kiai suka..."enge ka sualna?" ka ti a..."tikhan i ti thuta a zahthlak"...ava innocent tak em...."Engvang chuan maw?..tumah an awm loh kha" ka ti a.."se ka ngaihtuah a ka zak...ka thiamlo bawk si" .... ka duh hluah hluah...."I thiam dan kha atawk chiah...ka ngai che.." ka ti leh a.."hmmm...ka awihlo...ngaihzawng i neih reng kha" a rawn ti a...ka van duh hliah hliah tak em..."Nanglo chu tumah ka neilo ka tih kha?"...a reh vang vanga...keiin ka phone ka en ngar ngara...Kum aliam hman dawnin ka hria...chutah "mangtha phawt...." tih zawng a rawn thawna...ka va khamlo tak ...."awle...Mumangah ka hmu ang che" tiin ka chhang let zui nghala...



Tleirawl hmeltha uchuak, thianghlim ser mai ka suangtuahna a lut ngut ngut reng mai chuan min zembuai zo nge ka hrelo.. ka lo ngaihtuah leh ngut ngut thin... Gospel tih rikna tawh hrim hrim chu ka bengkhawn em em vek mai ani..a aw tham chhal mai leh a mitmeng dava diar maite chu ka bengah leh ka mitthla ah an cham renga, a hmui nem nel thep maite chu ka feel veng veng ni maiin ka hria...Ka tape deck ah Dr.Hook hla Only Sixteen tih hla chu ka ngaithla a,...Ka maimitchhing a, ka mitthla ah ka hmu vang vang bawka..


Ni aliama, Gosi nen pawh kan inbe chho ve zela, chutih laiin Msi alo lang ve reng bawk,...Msi lakah pawh ka inthiam tawhlo,achhan chu ka thinlungah a cheng phak meuh tawhlo, Ka rilru zawng zawngm luahtu chu Gosi ani tlat ani...Hmeltha ka ti satliah lova, ka ngaizawng hliah hliah ani....Kartin Zirtawp zanah ka leng ngei ngei a, Saturday leh Sunday erawh zan lam inkhawm a duh vangin ka leng thei thinlo thung. Zirtawp ni thleng har ka ti thei em em ringawt mai ani, Khami zan bak kha chu ka la fawp leh bik lova, fawh tum pawn ka awm heklo, Kan inkar boruak chu nuam deuh nisi, in hlat ru deuh si bawkin kan awm ni berin ka hria.....Chutiang karah chuan kei pawn ka sumdawnna kawngah theihtawp ka chhuah zela, hma ka sawn chho ve bek beka, Hnathawh tur pawh ka hmu ve theiin thlalak leh lemzia lamah pawh Central India lam thlengin ka kut chhuak an tar chhuak ve zauh zauh tawh bAwka...



"B, tunlai i awmdan hi Ka hrethiamlo, i induh e,, mi pawh i rawn be ngai lo" Msi chuan phone atangin a rawn ti a,..."Ka buai thei em a lawm" ka ti ri ngawta.."Chutiang ani pawn ka ringlo, thil dang ngaihsak i nei aniang" a ti leh hrama..."Enge neise min tih, ka dawr ah ka buai em hi" ka la ti fana...Gosi chung chang chu ka hrilh lek lek a, mahse a tuar dawnin ka hre ve bawk si...nuam chu ka ti chiah biklo...Msi nen kan inkar hi Ngaihzawng ang reng nisi ni silo kan tih ang hi ani deuh ber, chutiang karah chuan kan in hawlo em em a, mahse kan inkawp ril lutuk fahran chuanglo, Chance han tih ang tur phei chu vawi 1 emaw vel chu kan nei tawh, mahse fawh pangngai bak engmah a awm chuanglo...Ka duhhlo pawn ka hre ngai chuang heklo..Mahse tunah Gosi ka tawn atang hian ka rilruah a lut lutuk tawhlo thung...chuvangin ka lo ngaizawng lo hle niah ka in ngai hmiah tawh nangin han kalsan tawp erawh ka hreh ve tum hrang bawk si...Ka rilru pawh a buai ve hle reng ani...


A khat tawkin min rawn be ve fo bawka, Ka chhang thalo chuang heklo, Gosi lamah ka nghet tual tual thung si..."U B, Chhas i nei lo em ni?" zan khat chu kan 2 chauha kan awm laiin a ti deuh tawpa, "Nei e...." ka ti sam eta..."A chhelo viau lo maw?" a ti leh maia..."Chhelo lutuk tunah hian ka bulah a awm" ka ti a..."naaa...Nangni ang hausa si luck bawksi te chuan ngaihzawng in nei awm e mai" a ti a...ka ngwi renga..."Keite chu min kawp ve mai mai chauh ang..." a tih zawm leh a...."I va ho reuh tak...." ka ti a...Msi ka hrechhuak uar uara..."Nia....Englo ania...Nangmah ka tawn hma che hian kawp ve deuh chu ka nei a lawm" ka ti ta nge ngea...min en ha chung chuan "Chuan keimah vangin i kalsan amaw?" a ti a....thudik vek ka sawi mai dawn em ni ang...? ka hrethiamlo...."Nia...aw..ni chiahlo... Ka duh ve emaw ka ti thin a, ka lo duh vaklo aniang nang ka tawn atang che hian a buai zo vek tawh anih hi" ka ti a...a nui hak a..."ka awihlo...in la inkawp tho ang" a ti zui sapa, ka bul chiah thuthleng ah thuin a ke a hlang kanga, a thu tawm kaka, a ke a sik niap niap a..."Kan inkawp lo, amah hi a awm lova, Hmun hranah hnathawkin a awma, mi chu ala rawn be zauh zauh" ka ti ta zela..kei pek hi ka inpuang zo dawn..."hmm...anih chu....Kei ai chuan a tha hrim hrim ang...kei chu min kalsan daih rawh, ka thalo zawk" a ti zui sapa....Ka chhan leh hma in a chhungte leng an rawn haw a...anu chuan min rawn be sawm nghal mawlh mawlh a...."Bera, naktuk Matei birthday ania, a pu in lawmsak a tuma, chaw rawn ei ve rawh aw" anu chuan a tia..."Apu in min lawm sak dawn maw?". a tia...."aw...lawm sak dawn e,....Pa Thana bazarna tur a pe vek tawh a lawm...I duh chuan i thiante i sawm thei ang" a ti a...


"yesss...ka birthday kan lawm vawk 1-na tur" a ti sapa..."U B ka sawm nghal che nia..." a ti a..."na....i tifiam aniang" a nu bulah chuan a ti leh a...ache zia reng reng hi ka tan chuan hmuhnawm leh hlimawm vek ani mai...Apa chuan ngawi rengin tv a hmet kual zut zuta...a naute 2 lah chuan "a u birthday manah thil min lei thei" an lo tive sek bawka....a hlimawm thin e..."Pa...apu chuan ati tak tak ami?...i sawi kha kala hre reng ania" apa tv en lai chu a ti a...Apa Chuan bung zet chuan "Eng chu maw..?" alo ti a.."Birthday lawm chu mawle..." a ti a..."Sa leina tur tam deuh chua pek ve kha..." a ti duh chauha..."Yes...Pa i promise kha...Phone min lei i tum kha aw?" a ti a..."Pawisa ka neilo, hlawh ka lak theih loh hi.,.,.i scho lak hunah lei mai rawh" a ti leh nghuta.."naaa fair lo eeee...i promise ve vek tawh si a....Nu tinge Apu chuan lawm atih ve ngawta.." a ti leh a...Ka awm ve tih hrelo ang maiin a khawsa tawh a innocent zia ti langtu ani...


"A naupan laiin kan lawm sak mang silo" a ti che mawle..." anu chuan a tia..."Titeh u...mu ang u..." apa chuan atih avangin Mu turin an tho sang sanga...A nau mipa naupang a upa zawk chuan "A u bulah ka mu duh" a ti tlata..a malchungah amu har hara...an luh fel hnuah chuan "U B birthday i lawm ve ngai em?...kei chu ka hriat chinah Birthday ka la lawm miahlo..." a ti a...ka khawngaih kreuh hle mai...Hmeichhe hoin birthday lawm nuam an tih tehlul nen...."La lawm nang aw?" amah hnem nan ka ti a..."Naktuk chu rawn kal ngei ngei ang che....midang sawmtur pawh ka hrelo...ka thiante veng dang vek an ni si" a ti a..."nia...ka lo tum dawn nia...Mahse ka zak awm" ka ti a...a nui hak hak a..."A zahthlak loh lutuk" a ti a...Chutia kan ti ti lai chuan ka phone a rawn ria...a bul chiah a awm anih avangin a en vata...kei pawn ka en ve vat thova...Msi alo nia..."kan chhang lawk" tiin ka tho a....an inpui veranda ah ka chhuak zui nghala...


"aw...Ms enge nita?" ka tia..."I leng lehtawh ani maw?" a rawn ti teh tawla..."enge awmzia?" ka ti a...In ah kan rawn kala i lo awm silova" a rawn ti leh a..."Engtikah nge i rawn chhuka?" ka ti a...ka phawk kher mai..."Vawiin khan....Monday leh Tuesday meeting kan nei a..ka rawn chhuk hma mai mai" a tia..."oh..anih chu...enge kan inah chuan i rawn tih" ka ti leh kher..."ka thiannu te in a kal pAh in kan rawn kawi zawk a lawm.....Mahse kan haw leh tawh....Naktuk enge i tih ang?" a ti zawm zata...ka ngawi data...Gosi'n birthday lawmna ah min sawm ngei mai si a.." Dawr ka nghak ang chu" ka ti hram a... "Tlaiah kan thian ho dinner ei kan tuma i hman ve ang em?" a tia..."e ka hrelo...naktukah kan sawi dawn nia...ka hnam chiah pwh ka ringlo" ka ti a..."enge i tih dawn chuan, dawr nghaktu i nei tho alawm" a ti leh hrama..."nia...ka hun hman dan tur ka la hre rihlo...." ka tia...eng eng emaw kan sawi luam hnu chuan kan ti tawp ta riha...


"Tunge a?" Gosi chuan alo ti a..a nau chu alo muhil bam tawh a..."Msi anih kha..." ka ti ringWta...min en chuanglo chuan "I bialnu chu maw?" a ti sapa....ka ngawi maia....."Naktuk chu i thu thu ani mai...i hmanloh chuan Ka tilui lo che nia" a tia...a bulah ka thua..."Ka rawn kal tak tak i phallo ani maw?" ka ti a...nui chung chuan "ni nang.... i hmanloh hmel em a?" a ti sapa..."ka hman a lawm...i phal tak tak chuan" ka ti a..."naa..i van sual" a ti ringawta... rei pawh thu talo chuan ka hawng ve ta a...



"I hman dawn tawh em?...ka lo nghak dawn che nge?"Msi, chuan a rawn ti a..."Ms, a pawi khawp mai appointment ka nei tih ka hre lova, Birthday lawmnaah thlalak ka ngaia...min hrethiam mai teh" ka ti a..."E....aw...nia...anih chuan midang ka lo nghak mai ang" a ti ta a....Phone kan dah hnu chuan nuamlo ka tiin ka sawi tlang mai lo chu ka inthiamlo ru hlea......"Tete dawr hi i duh hun hunah i khar mai dawn nia,...Birthday lawmna ah ka kal dawn nia" ka ti a...ka camera 1 zawk chu bag ah ka khung mawlh mawlh a...Kan dawr piah a mobile dawr nghaktu nula pakhat chu a rawn luta..."U B, hei i thil chu kan fun zo tawh e aw...hei hi sim card number aw" tiin present box nalh deuha tuam hi a rawn daha...Lehkhathemah Mobile number a rawn ziak tel nghal bawka..."ka tihloh zawk in thun em lo maw?" ka lo ti fiam nghal zata..."Thun mai thei..." tiin a chhuak zui ta nghala....Chutih lai chuan ka phone ah msg arawn thleng ve chiah bawka...Gosi Msg alo nia..."I lo kal hman talo em ni?" tih zawng alo ni a...."Aw...hman dawn talo anih hmel" surprise ka duh vangin ka ti ta a...


An In kawtah motor ka dah a...An In ah emaw an lawm dawn ka tia, Inpui (A pute in, Kawngpui an floor) ah chuan alo nia...Motor ka dah fela apa nen kan inhmu hmasa bera..."E i lo kal thei dawnlo nilhan Matei khan a sawi sia?" a lo ti nghuta Smiling face a neilo ve khawp mai..."nia, ka rawn fiam mai mai anih kha.... " ka ti a...Nui suk chungin a lut ta daiha...Motor ka kalh fela camera ka phawrh mek lai chuan Gosi leh a nau hmeichhia zawk chu an rawn chhuaka...."I van sual tak" a rawn ti ringawta.... Ahmel ka hmu chu ka khawng awt ni maiin ka hria....a inchei vur lova simple takin a inthuama... A inhmeh in a hmeltha lutuk ani ber mai..."Surprise anih kha...Happy Birthday" tih pahin ka present ken chu ka pe a..."ehe...i van fel....Enge?" a ti a..."Thil anih kha..." kati ringawta..."ka lawm e....ka hawng chak tawh" a ti a..."ka hawn hma chu hawn awihloh" ka ti tlata..."anih hawh lut tawh ang hunserh kan hmang dawn tawh" a ti a...kan inzui lut ta a... Ka beisei aiin an lo puithu roh a...apu chu apa nen eksaman an ni ringawt an muk run maia...A pa unau te leh an fate bakah an chhungte dang an lo awm nual hlawma...Keimah bak mihrang an awmlo niin ka hria...ka zak deuh lek lek a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:12 pm

Hunserh chu a pu chuan a hmanga..."Kan tu neih hmasa ber Gospel Lalpekhlui hi a naupan zuallai kan kawl lova...chuvangin a piancham lawm theihna hun ka nei mang ngai lova...Hei kumin atangin kan kiangah a rawn awm ve tak tak tawh dawna, chuvang chuan a piancham kan lawm ho dawn ani.." tia bul tanin thu a sawi luama..a tawngtaia...Zanriah ei tur an buatsaih nghal...Zahzelah ka camera chuan thla ka lo la kual ve reng bawka...A chezia engkim mai chu ka click hmaihlo chiang hle maii.... A khat tawkin kan in nuih leh zauh zauh thin bawka...Zanriah kan ei khamah Pawn veranda ah kan thua...A ni fate amah aia naupang mahse nulat hre ve tawh leh hre tan mekte nen kan ti ti laih laiha...Ka bul chiah ah a thua...Midang hmuh lohvah kan kut kan in khalh sak niap niap reng... A nuam veng veng ani ber mai...Mahse Saturday zan anih avangin Inkhawm an ngai ta sia...Phurlo zetin ka hawng ta a...


In ka thlen hnu rei vak lovah Msi phone call ka dawng zui nghala... Leng turin min sawma... ka nawm samloh chhuanlam in ka hnar thei hrama..mahse phone ah erawh kan inbe zui ta thova.. ."I kalna ah chuan a nuam em?" min ti a..."nuam ve tho mai...nangni zawk?" ka ti a..."nuam ani mai...mahse ka mal bik lutuk a..." awmze nei deuha chuan a ti a...kan infiam bawrh bawrh a..."tunlai chu i zia a danglam riau, leng tur pawn i koh kal theih tawhloh" a ti a...ka nui maia...."Enge ka danglamna awm chuang ni?" ka ti a...thutak deuh chuan .."B ka ti tak tak ania, i zia hi a danglam takzet ania aw?" a tia..ka ngawi maia, ka nui bawka..."Ngaihzawng i nei tiraw?" a ti chhuak ta phawnga... "Enge maw chutiang chu i sawi ziah leh, nidangah pawh tun ang tho hi ka nih kha" nui chung chuan ka tia..."Nilo...i danglam lutuk, ka biak hmasak loh che chuan min be ngai tawh bawk silo" a ti leh a....ka ngawi renga....Angaihna ka hrelo takzet tawh ani...Gosi lakah ka rilru ka pe thuk tawh si, Msi lakah chuan ka inthiam theilo bawksi...Tuilai rapin ka awm ani ber mai...


"Engmah zep suh, keilo midang i duh anih pawn kei chu min kalsan mai rawh, Kawp nih ka duhlo..." thutak deuh chuan a ti a...Ka la ngawi reng zela..."Dinthar tleirawl i rim thin tih ka hre vek tawh ania...I lenna thenawm chiah kha ka thiannu te in ania aw...engkim ka hre vek tawh" a ti a...ka lum pup in ka hria...ka phawk deuh hra a..."chutiang engmah ka hrelo" ka ti supa,...."Ka thiannu in i motor a hmu thin alawm" a tia,...ka nui maia..."Nia, Ka thiante in ah ka leng thin a lawm" ka ti ve tlata, ka sawi tlang pawp chuan a rilru ka tihnat ka hlau ve bawksi...A ngaihna ka hrelo takzet ani..."Sawlai ah thian i neih ka hrelo, ka ti tak tak B, Keichuan ka rilru zawng zawng i lakah ka nghata, Min duhlo anih chuan min hrilh hreh suh" a rawn ti sap sapa, ka nuia "i ho emai, in zanriah eikhawm chu a nuam bawk maw?" tiin thudang ka sawi lui hrama..."Nuthlawi anih kha aw i rim thin kha" a rawn ti ta a...ka phu zawk mai..."Engmaw?." ka ti nghal vata mahse ka insum leh nghal vata "tu chu maw?" ka ti leh nghal vata, "aw i rim thin Mizo High School a kal kha mawle" a ti chhum hmaka zalo zet chuan ka nuia mahse ka rilru a buai hle mai..."Khawzawl khua ania, Pasal a neia, an la let leha Aizawlah an lathla anih kha...I hrechianglo mai mai a lawm" a ti zui leh hrama...ka lu a hik deuh mup mup a, ka buai deuh niin ka hria..ka ngawi renga, a thusawi chuan min shock takzet ani.."Hello, B....Hello...Signal a van chhe tak..." a ti niah niaha..phone chu ka hmethlum zui nghala...


"Nuthlawi anih kha, An inrua an lalet leha Aizawlah an lAthla anih kha" a chiang bengbawng kher mai...Ka ring theilo, ka awih deuh bawk si, finfiahna ka va duhtak em...?...Nuthlawi ani thei lovang a innocent danah te khan...Nise a danglam daihang?...chung zawng zawng chu ka ngaihtuaha, ka bing deuh mup mup niin ka hria, Kum 18 emaw chauh ala ni sia, Nuthlawi maw anih...?...engtin nge anih theih zawk, Ka phone anga amah ka zawt mai dawn em niang...Ka phone chu a rawn ri leh a, ka chhang ang nge chhang lovang?..Chhang lo ila min ringhlel zual sauh dawn bawk sj...ka chhang ta nge nge a..

"B...Ka sawi chu a dik ania aw?...Ahmeltha a, Khawzawlah pawh Chapcharkut miss a an thlan theih hial anih kha, Mi nupa kara tlazepin mi nu a luahlan hial ania, Amah ka huat vang lam ani lo, Min then tur ka duhloh vang lam pawh aniheklo, i hma ka ngaih vang zawk anih kha aw...min hrethiam dawn nia..." a rawn ti a...ka ngawi renga..."Anih phawt mangtha le" a ti ta a...Khumah chuan ka mu mai mai thei tawhlo ka phone chu ka khumah ka thehthla tawpa Veranda ah ka chhuak ta daiha..."Gos, an sawi hi adik em?...Keichuan thleirawl thianghlim leh rilru tha tak i nih ngei ka ring a, chutiang chu a lo ni reng em?...Nangmah an sawi chhiat duh vang hrim hrima sawi an ni em? tiin ka rilru in ka zawt mawlh mawlha....Lo ni tak tak se...ka ngaihtuah ngamlo zawk...chu thu chuan minva tina tak em....Ka awmdan tur pawh ka hre thiamlo...Dawrawmna tenawm i hming chu hmeichhia alo ni" tih chu ka rilruah a rawn lut nghal zat bawka...Reitawk fang ka inngaihtuah hnuah Khum lam ka pana ka phone chu a lo eng va va a...Ka en vata Sms ka dawng alo nia...ka en vata...Gosi phone leh sim ka leisak number atangin Msg ka dawng hi alo ni a...Phurlo zet chuan ka en a...

"I mu tawh em?...Inkhawm kan bang chiah a...i thil min present hi ka lawm lutuk....Ka lawmzia hi ka sawi thiamlo zawk....Naktukah len i hman angem?...i hman chuan thil hrilh tur che ka nei a" tih alo nia....Ka ngawi renga ka chhang ang nge ka chhang lovang...?...Reitawk ngaihtuah hnuah chuan Msg ka type ta a... "Hman e...Dar 2-ah ka rawn lam ang che.." tih chu ka thawn leta...rei vaklo ah chuan "Khawiah nge kan len ang....Hmuifang ah ka la kal ve ngai lova..." tih zawng hi a rawn thawna..."Awle..hmuifangah chuan kan kal dawn niA"..ka ti leh a...

"Mahse, Dawrpui ah Ka thiannu Atei te in ah ka lo awm ang..."
"awle...Khawi lai nge an in?"
"Kawngpuiah kan lo awm ang.."
"thiante sawm tur i nei em ni?..."
"nei hran love, Atei nen a ni mai"
"awle,.Jima ka rawn hruai ve dawn nia".
"Awle...Mangtha phawt aw...Ka ngai lutuk che...muah"


Ka tliak vek niin ka hria...Naktukah chuan engkim ka hre vek tur ani......Ka ti rilrua....phurlo zet chuan ka mu a...Ka in let ka inleta...Khua var thuai thuai se...engkim hriat vek ka duh, dawt lo nise?...Thudik ni tase?...Ka muhil theilo...ka thawk lawka Ka thil dahthat chu ka lachhuak sauh sauha...Chhah lenglawng chuan ka thli sauh sauh a...ka tlak pawp pawp a....Earphone vuah in lu hai map map in zai ka ngaithla ta ngawta....


End of Bung 2-na...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:13 pm

TORN
Bung 3-na..



Chawlhni Chawhma Inkhawm banah ka motor chu fai lutukin ka sil tira, Rilru inkap teuh chungin ka inbuatsaih ve bek bek... Kan inhriatna pawh thla ala pum lo ani a, chuti chunga boruak chia kan nei nghal mai tur angah ka chana ka huphurh in ka thin a rim hlur bawka, Msi te hial ka huat phah lek lek a, Tinge chutiang thu min hrilh, Ka hriatchak loh ber pawl ani awm asin...Amah reng reng pawh tinge chutiang kher khera alo khawsak chu le?....ngaihtuahna a thui duhin thin a rim deuh to ni maiin ka hria...Ka zawt anga...a dik anih chuan ka kalsan nghal hmak tawh ang...Mahse lungawilo hmel erawh a hmu tur ani lo...?...ka ti a...Mahse ka ngaihtuah chianga chutiang ngawt chu ani thei bik silo, Kalsan tur atan chuan ka phal hlawl lo...Hmeichhe thianghlim?..nilo a thianghlim famkim tawh silo...Hrehawm ka van ti tak em...A nunhlui ka hriat hmaa ka duhna zawng zawng kha a kiang ta duak miahlo...mahse chu nunhlui chuan thikna thinlung a kang zawk ani...a na ve thlawt ani..


"U B, i lo kal hman tawh dawn em?...Kan nghak tawh che...i rawn thlen dawn hnaiah minlo text dawn nia..kawngpuiah kan lo awm ang" Msg ka dawnga ..Ka Phone ka dial a "hey, Jim Hmuifangah leng ang"..."Naaa...teh tawpa, tunah maw?"..."aw..tunah..."..."Hmun dangah len ka tum asin "..." a theih loh... Postpone mai rawh, a pawimawh lutuk"... "i va ho tak e aw...ni mai rawhse" a ti ta a..


"Tumaw?...Tleirawl maw?...Khawi veng?"...Meizial zuk pawt pawt pah chuan a ti a..."I la hre mai ang...Motor ah meizial i zu ve ziah lehnghal...." ka ti nang nanga..."ka kalpui lo tawp ang che" a tia...kaj nui dun hawk hawka.....Dawrpui kan thlenga kawngsirah an lo ding dun rala...Ava nalh chung chuang tak em...Simple tak leh a hmelthatna leh mawina zawng zawng ti langnalh thei tawk tur berin a inthuama...a thiannu pawh chu school a kalpui thin te zinga pakhat ani a...a hmel chhe lemlo...Gosi bulah kher awmlo se zawng tha ve tak ani tho ang ..Mahse a bula awm chuan a pet ve chiang kher em a ni...."saw mite saw?...yes...an chhelo lutuk" Jima chuan a ti sapa....An bulah kan dinga..."Atei nu nghak lawk ang, lo lut phawt ula" a lo ti a...Motor chu kawngsir a dahin an lo dinna bul step ah chuan kan chho ta a...thui vaklo ah chuan An in chu alo nia,..an khawsa thei tawk tih a chiang hle...


Hmuifang kawnga kan kal chhung chuan ka tawng tamlo hle, Jima ti ti kan ngaithla kawngtluan ani ber mai, Motor ka khalha, ka bulah Gosi a thua, a hnungah Atei leh Jima an thu duna, Car tape kan playa,..,.Leng haw lam leh kallam kan i sulpel zut mai bawka,..a engemaw ti nawm phian mai...An sawi dan hmang chuan an thiannu te in a zanriah ei tur angin an insawi a, chuvangin hmanhmawh vakloh pawh a pawi hmel chuanglo... A hmun kan thlenga, Kan 4 chuan kan lengkual vela, chutia kan kal dal dal lai chuan Gosi chuan ka kut arawn chelha, min nek deuh talh talh pahin "Nuam i ti lo em ni?" a rawn tia..


"Tilo love, tinge?" ka ti a "i cool em a!! nuamlo i ti hmel tlata" a ti a..Atei leh Jima chu engtik laiin nge kan bulah an awmloh tih kan hrelo ka hawi leta, kan hnungah eng emaw kawk in an lo ding duna... Kan hmalam ah chuan kan kal zela...Mi an tam ve hle, Chhungkua niawm takte, thian ho niawm tak te, Nupa etc niawm tak te an awm nuala, chung ho karah chuan tumah han mitmei em em tur an awm hranlo... "Nuam ka ti lutuk a lawm, i bula awmte chu a nuam reng a lawm" ka ti a... hmun fal deuh laiah chuan "tah hian thu ang" tiin a thu nghal tharha.. a khup a tawma, athu kaka a bulah chuan ka thu vea... Min lo ngheng nghal vata..."U B... englo...thil hrilh tur che ka neia?" a ti sapa...."eng lam hawi nge?" ka lo tive mai bawka, anihna takah chuan keipawn sawi tur ka nei ve tho a lawm...."Enge ka hrelo, rawn leng tawh lo la ka duh a?"...a ti a..."Engvang chuan maw?" ka ti nghal vata...."I hawn hnu hian hrehawm ka ti thei lutuka" a tia...a thutak vei phian lehnghal...."I chhungten an hau thin che em ni?" ka ti a,, "hau ngai love" a ti leh mai a..."tinge chuti si?" ka ti a...a ngawi renga..."Min duhloh vang ani maw?" ka ti a..."Duhlo che i la lenpuiah ka sawm dawn che em ni?" a ti a...ka ban akuah a "I hawn hnu hnian ka ngai thei lutuk che a, a hrehawm thei em a lawm" a tia...ka lo hlauhthawn vei nen...."i van sual reuh tak" ka tia,..."enge..." a tia..."Len i phallo dawn tak tak amaw ka tia lawm" ka tia...a nui hak hak a..."Nia, lo leng tawhlo mai rawh, i zunah ka uai tak tak tawh ania, a hrehawm" a ti a..a nui hak hak a...


Nizan leh kan kal hmaa ka riru chu a danglam tawh kher mai, khang Msi thusawite kha engmah ka hre leh tawhlo, a duhawmna, a hmelthatna engkim mai chuan min hneh veka engmah ka pawisa tawhlo ani ber mai...Kan inkaia kan kal kual leh a, kan thiante nen kan inhmua...Motora eitur kan paite kan ei hova, kan selfie deuh reng bawka, a khawhar thlak loh hle...A hlim hmel chu a hmuhnawmin chu chuan a ti hmelthain a ti duhawm zual sauh zawkin a hriat... Khua a tlai lam zela mi pawh an tlem tual tual tawh, keini lah hman hmawhlo fe in ka la awm khawmuang a,...Kan thiante an awmfal hlekin kan kuah chuk chuk ani ber mai....Jima leh Atei chu kan piah meter 20 vela hla ah an thu duna enge an sawi chu ka hre lemlo...an in chum leh taih taih thin... "U B, min duh ve tak tak em?...min kawp mai mai lo tiraw?" a ti a, a tak rana...Thuthleng an siamah kan thu duna, ka darah a lu a rawn thlen hnapa,.phone a khal nep nepa.... "Duh tak tak e,..,." ka ti ringawta...adik tak chuan ka la kawp ve deuh avangin engmah ka sawi zawm ngamlo...." Kei chuan khami nia min thlah atang khan ka vei nghal che a, Ka damloh laite khan ka ngai ve em em ringawt chea, a zahthlak zawk" zalo deuha nui chung chuan a tia..."Engvang chuan maw?...I damlo tih ka hre si lova, i lokal leh hun nghakin ka ngaichang chea i reh vang vang bawk si, ka ngei hman tep che mawle....Mahse hei ka ngei phal talo che anih hi" ka tia...nui chung chuan "Min ngei zawkla tha tur" a ti sam eta.."Engvang chuan maw?" ka ti a..."Eh....kan inhmuh pawn min be tha duhlo anga...tichuan ka theihnghilh ve hret hret ang che" a tia..."inkawp loh pawh chu i van duh awm" ka tia..."Nilo Kawp che tluka ka duhthusam a awmlo...Mahse nakinah nupui i neih hunah hrehawm ka ti lutuk dawn asin" a tia....Chhan ka tum lai tak chuan "Gosi teh tlat chu, hetah enge i tih ve a?" mipakhat aw hian a rawn tia...kan inngheng rial lai chu kan tho rang hle mai....


Kan hnung ah chuan Pa Kum 40 pel tawh tur leh athiante ni ngei tur hi an lo awma,...Chupa chuan rum zet hian min melh kul mai bawka..."Eh....Pu Jamesa te chu, enge hetah in tih ve a?" Lai deuh chuan Gosi chuan a tia..."Kan rawn kal lawk mai mai" a ti a, chutih lai chuan Khawilam nula tla hlang nge an nih tih tur hmelchhe vaklo mahse inchei nasa deuh mai hi an rawn kal ve bawka..."Hawng ang kal ang" Gosi chuan a tia...Chung rawnt thleng thArte chu an rui ani tih hriat takin an ri lawng lawnga an zamlo ham ham hle..."timaw?..kan awmna lai ania lawm" ka lo tive maia..."a nuamlo..." a tia..a ding thara...min kai zui nghal bawka... "Hawn in tum em ni?...biak lawk che kava duh ve Gos" Pa chuan a rawn ti leh a...Chutah chuan ka harh zawka, Msi thusawi 'Mi pasal a lan' tih tak kha...ka thinrim deuh thuta..."I enge an niha i hlauh viau le" chang fak chuan ka tia..."Engmah an nilo..." a ti sapa..."Kan haw tawh zawk ang e...a tlai tawh si Pu James" Pa hnen ah chuan a tia...a kal ta sawk sawk a....Chupa chuan a enzui vung vunga...chungte chuan ka thin a tirim kher mai... Gosi chu ka va um nghal vata...a kutah ka mana ka pawt dinga..."Enge i buai tak veka...Khapa kha em ni i pasal neih zawk chu?" ka ti thawp ta sap a....a mengphawk in a lai kher mai....a ka hau ringawta....engmah a sawilo...."Mawh...khapa kha ani tiraw?...engkim ka hre vek tawh....mahse ka duh luat vang chein ka zep mai mai..." ka ti hman chauha..."U B nang tal chuan sawilo teh" a ti a, a hnuk a ulh tih a hriat theih a sen ap ap a...Chungte hlei hlei chuan ka thin a tirim.... "Engmaw?...ka thuhriat chu a dik tihna em ni?" ka tia...a inhera chak zetin a kal ta nal nal a....


Ka ding renga....Atei chu ava kaia...an kal nghal hlawk hlawka...Jima chu angaihna hrelo zet chuan a ding renga, min rawn ena...a dar a chhin uka....Gos, ka rilru i hrelo ani, tlang takin min hrilh mai la ka tuar zia deuh tur asin...ka rilru chuan ka tia...An kal chu ka ena...engemaw an sawia...Taxi dinglai pakhat chu an biaa...an tlan ta daiha....dan ka tumlo, ka umzui heklo..."Enge thil awmzia" Jim chuan a tia..."Hawng ang...." ka ti hmuka...Motor chuan chak zetin kan tlan ta pur pura...Kan hmaa taxi tlan chu chak zetin kan tlan pela...."Thianpa...khawimaw dingteh ka lo khalh teh ang" Jim chuan a tia...engmah ka sawilo ka tlan fua fua ringawt mai ani.....Ka phone a ri a...ka chhanglo...ka motor khalh chu a chak em em ringawt mai ani...."Hello...aw....enge thil awmzia....nia...awle..." "Bera hei Gosin a be duh che...." a ti a..."ka be peihlo" ka tia...Ka tlan ngaiin ka tlan par par renga....Km engemaw zah ka tlan hnuah Ka ding chawta...."Motor hi khalh rawh" ka tia...ka chhuka...Rang zetin Jim chu driver seat lamah a chuang zui nghala....... Kha tih laia ka rilru kha chuan engmah pawisak ka neilo ani ber mai....Ka motor khalh lam ka hre barlo ani ber mai...Kha mihring hmel chuar lutuk leh zu heh hmel lutuk kha ka mithla ah a chama...Gosi lai hmel leh zak hmel awmze nei taka laklawh kual vel hmel kha ka hmu uar uar bawksi..... Eng em ti lovin In kan thleng thei ta hram ani...


Zu engzat chiah nge ka in ka hrelo, ka phone ka silent hmaka...Tape ka ngaithla a...ka room ah ka tawm zan khua a...A tukah Dawr kal lovin ka inkhunga...Ka phone a misscall awm pawh ka en eihlo......Nihnih zet chutianga ka inkhung bo hnuah Dawr nghak in ka chhuak leh ta a...Ka phone ka en hmasak berah Miss call alo tam niang mai, chung miss call 100 chuang zet awmah chuan Msi call 10 leh Gosi call 5 a lo awm ve a...Ka clear pawpa, Msg ka dawn ka en leh a, Inbox alo khat tun bawka, chung zingah chuan Gosi msg pakhat mah a awmlo....Ka nui tawpa...Engpawh nise ka thiamloh ani...Tinge mipa zawk si ka tihtauh bur bura...mipa zawkin engkim chian lova ka biak duhloh ngawt mai le...Ka mipa nihna tur chu a rilruna ka hnem zawk tur ani dawn lawm ni?...Ka va be dawn nge?...ka biak chuan minlo nuihzat ang em?...Titaua be hmasa leh si tih ka ni thei ang em?..ava hahthlak ngai em????.... Banga alem ka ziah chuan minlo en kiaua...Ka rilru ka siam thiam mai lo....Nilengin ka rilru a insual...Theinghilh hmak thei i la ka tan chuan a ziaawm nngei ang,...Mahse ka theihnghilh thei der silo.... Ka changlo tur ang zawnga ka ngaihtuah ringawt pawn ka rilru ana in ka thik nghal ngawih ngawih ringawta...kalsan theilo tur zawk siin tinge ka tihtauh hmasak ni...Engpawh nise nuthlawi emaw thlawilo pawh nise ka hmangaiha, ka kalsan thei si lova, ka haider mai tur ani lovem ni? ka haider theilo anih chuan ka theihnghilh a ngai ani mai, ka theihnghilh thei dawnlo anih chuan ka haider mai tur ani...Chu bukna ah chuan ka inbuk ka inbuk a, thutlukna tur engmah ka nei silo..Engtin nge ka tih ang...?..



Zirtawp tlai Dawr ka khar dawn tepah chuan phone in ka be ta tawpa.... "hello....I va reh veh, min hmelma ta emaw ka ti hman a?" aw zangkhai zet chuan a rawn ti a..."Enge zanah i tih dawn?" ka tia..."hei tunah chuan Man hlanna ah chaw kan ei dawna" a rawn tia..."Khawiah maw?....zan ah in awm nghal dawn em ni?"..ka ti nghal vata..."aih ka nu leh pa chu an awm ang, ka nau te nen kan haw ang" a rawn ti a...."Enge nita?" a ti zawm zata..."lo len ka tum deuha" ka ti ban chalha..."lo lengla....Kan veng Biak In chhak lawkah khan ania...kan lova haw hman ka ring" a tia..."awle.." tijn kan inbiakna kan ti tawp zui ta nghala...


Zanriah eikham ah muang chang lovin ka tlanchhuak zui lehnghala, ka chhuah dawnah ka nu in "tunlai chu Zirtawp zan hi len zan ah i puang ani ngei aniang" a tia...ka nui a..._"Nia, ka lenglo lutuka ka tive mai mai" ka ti a...awihlo hmel deuh chuan "Birh i neih a niang, I U Sawma pawn Dinthar veng pana i tlan a hmu zauh zauh che nia" a tia...ka nuia.....Kan Upa ber dawttu pasal U Sawma'n minlo hmu thin tih reng ka hrelo...Ding deuhin An veng lam chu ka pan leh nghal nal nal a...A sawina lai ah chuan mi an lo zi nak nak a...ka phonea an la haw chiah loh avangin an chaw eina in pelh deuhah chuan ka lo nghaka...reivak loah a naute nen an rawn kal ta a...an in lam panin kan tlan zzui ta nghala... In kan thlenga a naute leh amah chu an thuam an inthlak fel hmasa te te a, kei chu Tv min chhuah saka ka lo en kara...an insiam zawh chuan naupang enduh zawng Cartoon OGGy and the cockroach kan chhuah saka...ngawi rengin an en dun kauh kauha...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:13 pm

"Enge i tih thina dawr i nghak ngai bawk silo" ka bula thut pah chuan a tia..."nia...Ka dam sam meuh lova, in ah ka awm thina" ka ti a..."Chutia law?..tinge min hrilh loh, kan rawn kan tur che nia..i enge nàa" a tia..min en ha a, "ka na nual mai" ka ti ringawta..."aniang i hmel pawh a diklo a lawm..." a ti sam eta...."Dawr ah ka awmlo tih engtin nge i hriat" ka ti leta..."aw..dawrah kan rawn kal thin, phone i chhang tthei bawk silo, Text che mah i la min chhang dawn bawk silo, hmuh che tumin kan rawn kal mawle" a tia....."Eng thil ah nge nia?" ka ti ve ngata...a ngawi a,...a naute chu a fiam zauh zauh a....chutah titak deuh hian "Ka chanchin i hriat kha mi min sawidan ania, Mahse an sawi ang kha engmah thil thleng a awmlo" a rawn ti ta sapa...ka en vata..."Engtia awmlo ni maw?" ka tia... "Ka thiannu nen zawk an nia, a hming chhiat ka hlawh ta ani...Ka thiannu ber lah a boral zui mai leh nghal" a ti chuai raiha..."Engmaw?...chuting chuan engtin nge a thlen theih...." ka ti deuh vata... A insiam rem te te a... ka kut a rawn chelha... Ka mitah tak min ena...


"U B, Pathian hmingin ka sawi ang kha ani mai....Ka chanchin hrilh tu tur awmche pawh ka hre vek tawh....U Thiangi ka atangin i thiannu Msi emawni in a hrilh che anih ka ring...U Thiangi te Monu U Doroi Nau pasal hi Sunday a i hmuh Pu Jamesa kha ani a, Pu Jamesa khan ka thiannu Zualtei a ngaizawng thina...Pu James kha SDO PWD ania...Zualtei chu Zaithiam ania, Officers club in enge thil tihah zai turin an sawm thina... Insawi theih vang pawh ni lovin Nikum khan Chapchar kut miss ah min thlang ve a...Officers club in zan riah an kilna ah kan kala, Ka thiannu leh Pu Jamesa kha engtin nge an awm ka hrelo IB ah an awma min rawn phonea...ka han kala...Zan a rei tawh si kan haw ngam silo...kan riak ta tawpa...Chutah zingah Zualte i Inthiar laiin Pu Jamesa nupui a rawn kala...Keimah chu min rawn kek ta ringawta...engmah sawifiah na hun pawh ka neilo...Tichuan mi bulah "Chapchar kut miss mi pasal fawrpui ching, zan khat nuthlawi" ti ten min sawi thina...Hrehawm ka ti em em a, Ka thiannu lah kan sawi lang ngam tawh bik silo...Chutiang chuan pawn pawh chhuak ngam lovin ka awm ta renga...A rilru hah chu a inawkhlum ta ringawta... Pu Jamesa chu ka haw ta em ema...Hmanni pawh khan a hmel ka hmuh khan ka insum zolo a, kal daih ka duha...nangij a nilo zawngin i lo ngai leh ta bawk si a..." a ti sap sap a.... kawr awm a zen rak rak a...Lehkha hlui tawh tak hi a rawn phawrha... "Hei hi Zualtei'n ka tana a lo dah lehkhathawn ani a... Amah vanga ka hming chhiatna te hrehawm a tih zia leh Pu Jamesa fa apai avanga thih a thlan tak zawk thute a ziak ang...." a tia...lehkha chu ka chhiar ta a... Chumi zan pawh chuan An che sual a, Gosi an koa an awmdante, A chhungte lakah hrehawm a tihziate a ziak kur dupa...a tawi zawngin...Amah vangin a thiannu in hmingchhiat a phur chu hrehawm a tia ngaihdam a dilna leh a chhungte ngei pawh aman lo hrilh hre vek tura aduhna thu alo nia...


"Lehkha hi tunnge pe che" ka tia..."a u in....min khawngaih em vangin min pe...ka hmingchhe em a lawm" a tia...ka ngawi renga...a mengsen rama..."I nu leh pa in an hria em?" ka tia..."aw..hre veke...Lehkha an hmuh hma phei kha chuan an ring ve veka..min hau nasa, Aizawla min lakthlak chhan pawh hi ani deuh...Ka thiannu thi tawh tih hming hliau ai chuan ka zep ta ngat ngata...An bula ka awm hnuah chiah ka hrilha..lehkha te kha ka chhiar tir vek bawka..." a tia...Ka khawngaih lehling zawk hle...."Min ngaidam rawh" ka tia...a mittui a parawl teuha...ka kuaha...a inpet ruh fan fana..."Min hrethiam lawk rawh" tiin a thova...bathroom ah a lut zui ta nghala.... Rei vaklo hnuah a rawn chuak a a mengsen rama...zalo deuh chuan a rawn nuia..."Ka bulah lo thu teh" ka tia..a rawn thua...a kut ka chelh saka..."I rilru ka tihnat avangin min ngaidam dawn nia...Ka hmangaih em vang chein i chanchin diklo ka hriat khan ka rilru ana em ani" ka tia...a bu nghata..."thingpui i duh em?" a ti sap..."Ka inchak lutuk tawh....i thingpui lum hi" ka tia...min chhiatkhum zauh pah chuan a tho zui ta nghala...



A nu leh pa rawn haw hma chu ka lenga, TV kan en duna a nau mipa zawk ka pawm muhila, a nau zawk a pawm muhil bawka... "Ngaihzawng ka neih hmasakna ber i nih vang aniang ka ngai thei che emai" a tia..."Ka awihlo, Thanpuia nen in ingaihzawn tawh kha" ka tia..."Tu Thanpuia maw?" a ti ha a..."Aw..In khua ami kha...Thanpuia kha?" ka ti leh a..."Chutiang ka van hrelo....Khawi veng ami?"..ngaihtuah hmel deuh chuan a tia... nur nang nanga..."Ka van hrelo" a ti niah niaha...Ava han Innocent tak em...ka hming hriat hriat ka sawi tawpa a ngaihtuah ve vak vak chu ania..." Aman a sawi vek a lawm, High School in kal ho niin sawi" ka ti leh a, a ngaihtuah ngial pawn a hrechhuak bawk silo..."awi...dawt sawi a hrat e....chutiang ngaihzawng ka nei ngailo...ka van hre chak..." a ti ringawta...min rawn ena.. ka nui hmel a hmuh chuan "i van sual tak" a tia..min rawn nek deuh salha...a hrethiam ve ta nge nge aniang....Chutianga a awm lai hmelte chu mi zawng zawng hmuh ve atan ka it thin, a hmeltha over ani tawp mai, ngunthluk taka an ngaihtuah vang vang hmelte chu a duhawm em em a, fawh vawng vawng a chakAwm thin kher asin...... Dar 10 pelh hretah a nu leh pa an rawn hawnga... "aw haw...an va tibuai che ve Bera, i naute chuan" anu chuan a rawn ti lut hluta... "Buai love..." ka tive maia..ka nau pawmlai chu min laksaka...an mut fel hnuah kei pawh haw zai ka rel ve ta a...Zan dang anglo takin ka motor bul thleng min rawn thlaha... Mi tumah an awmlo ah ngaiin ka pawt hnaia..ka fawp ta dek dek a.....


Kan boruak a fuh chho leh ta bawka, ka hlim leh ta kher mai,...Gosi hmel leh anka ri chuan engtik lai pawn min chenchilh ni maiin ka hria...Ka bulah an awm ve reng bawk niin ka hre bawk... Kan in be reng bawka...Hmeichhe thianghlim lova ka lo ngaih thin kha hmeichhe duhawm leh thianghlim lutuk alo ni a... kei chu a thinlung ticket cut hmasa bertu ka ni a, ka chang thuk ber ngei turah ka ngai.... Rod Steward hla 'First Cut and the deepest' tih te chu ka hrechhuak rum ruma... Pathian hnenah lawmthu ka sawi mawlh mawlha...Hetiang ang hmeichhe duhawm ka tana a rawn chhawp chhuah avang chuan..."Ka ngai tawh lutuk che,...."Vawiin ah Dawra i thu lai ka hmu che a...ka lunglen a kiam hawk....Zirtawp zan ni thuai thuai se"..tih leh thudang Msg ka dawng zauh zauh reng bawka.....Ka chhiar nui leh var var thin...Kei nge amah luangliam zawk ang...ka hre hauhlo...


"Nu...ka birthday chu hmun dangah lawm ve tawh ka duh" Zanriah kan ei lai chuan ka tia...Ka u chuan min rawn en vata.."U Sawma'n Ui a show dawn kha..a lei vek tawh" a ti vata...ka pa chuan "aw...khawia han lawm nge i tuma...Birthday hmun dangah an lawm ngailo" a ti hmuka...a thutak ngul mai bawka..."Ka hrechuanglo" ka tia.."In ah rawn hruai haw mai la" ka u chuan a tia..an nui ham hama...ka ngawi renga...In tih dan dan ani mai..mMahse Cake tih vel ka duh tawhlo...min naupang chhe chei thei si" ka tia..."aw..Naute i la ni reng alawm" Ka nu chuan a tia..ka nuia.."Naute tlangval" ka tia..an nui hawk hawk a...

Kum tin ka birthday ah chhungkua in zanriah kan kil ho ziaha..Mizoram a awm ang ang chu kan kim thap Zel...Cake an ti, kei aiin ka tu te hoin nuam an ti zawk thin...Mahse tumah ka thiante ka la sawm ngailo...Msi takngial pawh...ka rilruk dan deuh chuan Ka birthday chu Gosi te in ah Jima hruaiin ka lawm daih ang chu ka ti deuha...mahse chutia U Sawma'n ui alo lei fel vek tawh si chuan Gosi ka sawm mai ang ka ti rilru ta a...Ka chhuang bawka ka nu leh pa hmuh tir ka chak zek zek ani..


Ka birthday chu a thlenga, Gosi hreh chung chung chu ka hruai lui ta a..."Gosi anih hi...Ka thiannu..." tiin ka nu leh pa te bulah ka hmelhriat tira...an inchibai a...ka pa pek chuan "Hnute i la hne lo maw?" a ti fiam peka, Gosi chu a sen ap ap a..kan nui ham hama...Ka unaute chuan hmeltha an tih thu min hrilh ru sap sapa nuam ve tak ani...Ka beisei aiin ani pawh a fel, tlangnel takin a che ve sawk sawka...Hrehawm ti hmel pawn a awm lemlo...ka u uleh fanu kum 1 mi phei chuan a ngaina zuala an inpawm deuh chawt ani ber...Programme kan hman zawhah Zanriah kan eia.. an fiam laih laih renga...Zanriah eikham ah an in lamah ka thlah Zui nghal vata.. "Ka zak lutuk kha ka zun a chhuak sek niin ka hria" a tia..a nui bawka....."Zah tur a awm hleinem" ka tia..."Ka kal duh tawhlo,an puitling hlawm bawksi" a ti a...kan nui dun hawk hawk a... Ka chhungte hnen atanga feedback ka dawn chuan min tilawm in ngaihthlak a nuam kher mai... Hmeltha, duhawm fel tih a hlawh miau a lawm le....


"Hello, B i dam maw?".Msi chuan a rawn tia... "Ka dam alawm nang zawk?"ka tia..."Dam ve tawk tawk e...Naktuk chu ka rawn leng dawna dawrah i awm dawn em?" a rawn tia...."awm dawn e....i lo hawng em ni?"...ka ti vata..."aw...Aizawlah ka awm tawh dawn a...Appointment thar ka hmu a lawm" a ti a..a hlim hmel kher mai..."anih chu ava lawmawm ve..Eng hna nge i hmuha?" ka ti vata... "Taxation Officer ah khan ka tling ta a" a tia..."ka lawmpui a che...naktukah lunch katreat dawn che nia" ka tia eng eng emaw kan sawi nual hnuah kan inbiak chu kan ti tawpa...... Kan inbiak hnu rei vaklo ah thil ka hrechhuak zawk mai....Naktukah Gosi dawrah a rawn leng dawn...Magazine cover ami tur thla kan la dawn .....ava pawi em...appointment ka siam thuah ta tlat mai le.....In remsiam dan a awm thei mai ang em?.....ava buaithlak em...


End of Bung 3-na

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)