HEY JUDE BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

Re: HEY JUDE BY Tochhong Ruata

Unread post by Ngaia » January 22nd, 2017, 12:28 pm

An In luah kawtah chuan ka dinga....ka nervous ve deuh aniang ka ding deuh vang vanga chumi hnuah ...an inluah lam pan chuan stepah ka chhuk thla ta chharh chharh a.... Gate lo awm ah chuan ka luta...Kawngka Luchungah chuan Dr.John Pudaite tih alo intar kalha...ka kai saka....Door bell chu ka hmet zui ta nghal a....Kawngka chu a ri raka Judy nen kan inhmachhawn leh ta heu maia...."Eh....i rawn thleng dera...lo lut rawh" a ti nghal vata...ka lut zui ve nghal a....a thim deuh ruiha...a lian nek lehnghal....


"Khawnge midang?" ka ti deuh hu a..."Johna chu a Damdawiin ah emergency an neia akal anih kha....keimah zawng hi ka ni mai" a ti a...."Tv en tur a awm bawk silova ka room ah ka lo awm mai mai a..." tih pahin light te chu a hmet eng nghal zung zunga...."I hlau lo em ni?" ka ti deuh kher a...."Enge hlauh tur awm....?" a tive mai bawk a...Thuthlengah chuan ka thua...eng emaw tiin room lamah min luh san daiha....An In luah chua a lian neka...Choka hran ve deuh awmin Inpui (Sittingroom) bakah Pindan dang 2 a awm hran leha...bungrua pawh an la nei muk vak biklo...mahse khatih laia ka In luah lak kha chuan changtlung tak an ni.....Rei vaklo hnuah chuan a rawn chhuaka,..."tuisik nge i duh cold drink " a tia..."engmah ka in chak love" ka ti a...ka bulah chuan a rawn thua...a va rimtui chiang tak em....ka bula a rawn thut takah chuan ka za deuh chuaiin ka hria...mahse hman ang em em kha chuan ka zam tawh biklo...Eng eng emaw an In luah chan chin kan sawia kan ti ti deuh niap niap renga....chutia kan ti ti karlak ah chuan "Dindini nen chuan in la inkawp em?" a ti ta zauha....ka hamhaih zawk maha...ka rilru a awm miahlo a rawn sawi chhuah avang chuan ...." ka hrelo....awh...nia...Inkawp ang chu kan la ni mai, Inthen thu la awm heklo" ka ti supa...a nui hak a..."anih chuan i rinawm tlur mai tihna a ni maw?" a ti a...ka nui huka..."Rinawm tlur mai ani ber ang chu....Mahse han rinawmloh dan tur pawh ka hre chuang lo" ka ti nuah nuah a... "Anih nangni khapa nen khan enge in boruak ni ta zela...?" ka ti let ve ta thunga...


"Englo ania...kha kha ka sawi tum tak chu ania....I lungawilo tih pawh ka hria....Mahse hrilh theih hunche kha ka neilo hrim hrima..." a ti te te a..."Nia....In inveng tha ve em bawk ani" ka ti ve mai a...."Nia...Ka nu Laizawn Pasal farnu fapa ania....Navy tanglai ania...Min ngaizawng thei em em a, ka duh ngailo hrim hrim mahse...min zar nasat em avang leh ka chhungte nen lam a hmin bawksi....ka tan chuan han hnial dan vak awm heklo....tawngkam hmawrhmuh na phei chu ka nei chuanglo.....ka kawp satliah ve mai mai ani ber..." a ti leh sap sap a..."Chuan, a awmbo hlanin kei kha min tawnga min kawp ve ta mai mai a..." ka lo ti nghuta...."aih...nilo chutianga kawp lam anilo....nang chu ani nen chuan in danglam daih" a ti a...ka nui hak a..."i awihlo maithei mahse thudik ani....Khatia i Ina ka rawn riah zan atang khan mipa ka duh hluah hluah ka tawn vawikhatna i ni tih Sihphir atanga min hawsan hnu khan ka hre chiaha....i zunah ka uai veng veng ni maiin ka hria....ka hnarah i rim te kha a cham tlata..." a sen ap ap a....ka ngawi renga..." ka zahtheihlohna zawng zawng sawmkhawm in ka rawn be ta tawp che ani...kalsan che ka hreh ngawih ngawiha..ka khua ahar veng veng ani ber...Ka pa thianpa kha zawng chhuak tura tih pawh ka ni miahlo....ka phuahchawp ta tawp anih kha....i kianga awm theih beisei vangin...." a ti a...a kun deuh a....ka thu ngil auh thung...


Ka hawng turte kha min chelh zauh nila ka thulh chiang ngawt ang.,...I kianga awm kha ka kham theilo ani bermai...mahse nang lah khan min chelh duh der bawk silo...Ka ngai em em che a...Shillong te kha ka ning ngwih ngawih thin....Khami khan chawlh a rawn la a...Inneih puiah min sawm chamchi a...ka chhungte pawn min thlem bawka...Mahse Nangmah chauh ka duh zawk si a..." a ti lawi rata......"Mahse.....Mi pawh i biak ngam chuanloh kha" ka lo ti hmaka...."Nia...a dik a lawm....Zan khat chu kan Sms kha alo hmu peka....a thinrim viau nghe nghe.....amah aiin ka duhzawk che tih ka hrilh pawn 'ka nei dawn tho tho che" a ti tlata...ka chhungte hial a hrilha....Mahse tih vak dan awm heklo...I rawn phone tum pawh khan Phone kha min chhuhsak daih anih kha....Sawmi best a tanglo turin min i ngial nangin ka tiluia...Chuti chung chuan min rawn zui zel anih kha....Khatah khan nang pawn midang i lo buaipui ve hman ta bawk nen rilru na deuhin ka haw phah ta ringawt mai ani..." a ti a...a sawi zawi tual tual nangin ka tan chuan dawn sawn nuam tawk velin a fiah tual tual ani ber...


"Dindini nen hian kan Inkarah engmah a awm tawh ngwilo hrim hrim....Kan college kal ho lai khan kum chanve vel chu kan inkawp ve awm e...." ka ti ban chalh chalh a...."Ani maw...mahse in awmdan ah khan" a ti a....ka nui mai a...."i laka ka lungawi loh vang anih kha" ka ti veta nge nge a..."Tak tak maw....min duhve tak tak tihna maw?" a ti ta sek sek a....ka nui maia...."Kan haw thlak hnuah ka be duh ta ngai lova...zana a thil rawn tihdan te kha ka nu lehpa bulah ka sawi veka.....Tichuan Palai a rawn tir ngam bik ta lova...ka lak atangin a kalbo zui ve ta nghal nghe nghe ani....Mahse nang lah ka be thei tawh der silo che...I number i thlak zui bawk nen....a tawp ta vekah ka ngaia....Mahse....Nanglo chu mipa dang ka rilruah a lang thei tawh der silo.....Dindini nen induh tawn takin in awm tawh turah ka ngai char chara...Theihnghilh che kha ka tum ve char char bawk a...Mahse....Nizan hmasa a ka hmuh takah che khan nang theihnghilh tum chu ka thei dawnlo tih ka inhre leh ta a....I hawn hnuah phei kha chuan Sihphir atanga min hawn san zan ang mai khan ka awm leh niin ka hria.....ka nau pawh hian i hmel a hmuh hma hauhin nang hi a hre daih tawh che a sin..." a ti a...


Chutiang boruak chu ka vawikhat tawnna ni hek ka awm khawr dui a sawitur a vang duh khawp mai....in si reng siin ka che tha ngam derlo...."Rozam....min duhve miahlo pawh nila ka hrethiam, kei chuan i thinlung ka tina pawh ani thei...a awm lutuk..Mahse ka lepchiah vang hrim hrim erawh anilo....Nang hi tawng hmasa che i la, kha mihringa kha chuan min tibuai hauh lovang....Tin khapa khan ka lakah uan theihna turin engmah tawh ala neilo...fawh khat pawh ka la fawp lo hrim hrim....Khum khata mipa dang daih ka mutpuia...ka fawh awmchhun chu nang chiah hi i la ni tun thlengin...." a ti thawp sap a....ka en vata...a lo sen ap ap a...."Chuang min duhlo anih pawn mipa dang lakah chutiang chuan ka awm ngai tawh dawnlo tihna ani mai.......Heng zawng zawng hi hriala ka duh vangin i hun chep tak ka rawn dil hram hram che anih hi....." a tia...a tap hauhlo...mahse engemaw tak chuan amahah thil a tidanglam chiang khawp...a ke thuthlengah a hlang a...a khup chungah a khabe ngatin a kutin a ke zungtang a khalh niap niap a....ka thinlunga thil inthup tlat chu a rawn hailang ani ber mai....a thu tawm than lai darah chuan ka kuah a..."Khawvel hmeichhia zawng zawng zingah ka hmangaih ber chu ka nu ani....chu ka nu ka hmangaihna tlukpuia ka hmangaih leh awmchhun chu nang hi i nihloh chuan tudang mah an awm lovang" ka ti tial deuh ruau a...ka aw ka thian khura.... ka awm ah chuan a rawn bei thlawp a... "i ti tak tak maw?....ka awihlo....thudik ani em?" a ti mawlh mawlh a....a khabe a kuai dak pah chuan

"Hey Jude......Ka fiamthu in i ring em ni?" ka ti sapa...a hmui ah chuan ka fawp zui ta vang vang a....kan va duhthawh dun tak em..... Kawngka in hawng ri leh a nau rawn haw thawm kan hre miahlo......"ehem....ka tibuai che u ani maw?" a rawn tih ri ah erawh kan phel chiang hle thung.....kan lai lutuk insiam tha vel chu min nuih tut tut pahin "In sawifel thei ta ani maw.....ka hnawk hle tawh dawn anih hi" tiin room ah a lut tlang ta daih a...kan 2 chuan kan in ena...kan nui dun hawk hawk a....kan infawp zui leh ta nghal a....



The End.....


( Ka hmel en ang hi ka ni lova...tunlai te hi ka bawrhsawm nek reuha....Ka thuziak chhiar ve tute ka ti beidawng che u tih pawh ka hria...mahse concentration ka pe thei thlawt lova...ka chhunzawm thei mai lova...min hrethiam duhlo anih pawn min ngaidam hram dawn nia.......Phal taka...a thlalak min hawh tirtu Moytei chungah Thinlung takin lawmthu ka sawi bawke......He thu ka ziah tan tirha ka mitthlaa Judy hmel ang chiah mai a thlak ka hmuh khan mak ka ti em em a....inthlahrung takin ka dila...alo phal hlauh lehnghal......ka van lawm tak em......ka taksa chak chhoh deuh hunah ka la tibuai leh khawp ang....a phal phawt chuan......Moytei ka lawm em em e....Ngalfim in dam ang che.......Ngaihnawm tilo chunga min chhiar zawhsaktu zawng zawng chungah lawmthu ka sawi nghal bawk e.....)

*****************



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:31 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia...
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)