HEY JUDE BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

HEY JUDE BY Tochhong Ruata

Unread post by Ngaia » January 22nd, 2017, 12:26 pm

HEY JUDE

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Tochhong Ruata
All rights reserved
www.storyfb.com


Postby Tochhong Ruata » Wed Jan 11, 2017 12:29 am



Chapter One...


Ka kawngka kik ri dawt dawt ah chuan ka harh zawka, sana ka en vata dar 12:24 lai alo ni tawh a, "Rozam....Eka...." tiin kawngka chu an rawn kik ri leh dawt dawta. a aw atang chuan Laldina ani tih ka hre thei nghal maia, Hepa chimawm zet hian hetiang hunah eng vanga min kaitho nge maw anih leh....

"Beng chheng, Inchung ten an hria ang" ti bai bai chung chuan ka thova, ka Jogging pant chu ka inthawlh thawt a, tawnzau nen kawngka hawng tur chuan ka kal zui ta nghal a...."Hman hmawh teh" ala rawn ti cheu leh nghal......ka hawnsak duhlo lek lek zawk ani....Hepa hi kan High School kal lai ata tawh hetiang min thawn thut hi a ching ve hrim hrim, a hawng peihlo emaw, a bike chhiat vanga ka bike hawh tum emaw ani ngei ngei ang....kawngka ka hawn rual rual chuan a rawn lut nghal rawka....."Lokal rawh" tiin hmeichhe pakhat jeans jacket dum ha hmelchhe lemlo tak vai ang lam deuh lek lek hi a rawn hruai zui lehnghal....

"Enge thil awmzia, In inru a mi?" ka ti nghal vata...."mawla....In ru love, Judy Rozama, Judy" a ti nghal zung zunga...Hmeichhia chu zalo deuh chuan a then seka....."Lokal teh" tiin pawnah min hruai chhuak leh daih lawia..."Enge?" ka ti hu a..."kan laklawh...." a ti dek dek a, "Khum awl ka neilo tih i hre reng a lawm.." ka lo ti nghat a..."i van mawl tak, chutiang lam a nilo....mawl lutuk,.....Zothanpuia vang vek mawle" a ti nang nanga...Sikret a tan zui nghal a..." Enge i sawi awmzia" ka ti a..."Ramnghaka nupui neihna ah kan kala"..."Chuan" ka lo ti vata..."Kan lengkuala, Zothanpuia leh Judy thian nu an inphura, keini kan inphur bawka, Hmuifangah kan lenga..."....."Chuan" ka lo ti leh a..."Ka petrol a zo tep tawh si a, ka thlah thleng thei dawn si lova" a ti zuai raih a...."Ka bike ke a chhia" ka ti bung nghuta...ka rin ang nge nge ani dawn chiang...luh tum chuan ka inhera...."Mawla.....chutiang lam ani lo.." a rawn ti a..."enge chu bak bak" ka ti hmuka..."Englo....Naomi min hmu lehnghal...min rawn phone chhen tawh bawk si....Lo mikhual mai ta che zanin chiah chu" a ti zawi ta supa...

"Mikhual a?"..mak ti zet chuan ka ti a..."aw....Sihphir daih daih a han thlah ka thei tawh silo a lawm"...a phone a rawn ri zui nghal a..."Henu lah hi" a ti supa..."Thianpa, chutianga hmelhriat mangloh hmeichhia mikhual ngawt tur chuan ka a bik lo" ka ti nang nanga..."I hrethiamlo anih kha...Hmeichhe hawklak ani hranlo...Shillong lam mi daih ania...Mizoram a rawn kal vawikhatna ani zui..." a ti a..."Mizo anilo lehzel amaw?"....ka ti a..."I van chhah tak...Ni e...Mizo...." a ti a...."Tun chiah i tanpuina ka ngai ania....hei min rawn phone chhen si....lo zuk lut la kan be lawk ang e?" a ti a...Phone chu a chhang zui ta nghal a...Mai mai chuan hmelhriat ngailoh mikhual hmeichhia lehnghal....ka ti rilrua...kawngka ri rak chu ka hria a,....a rawn dak dek dek a....ka nui lui hrama...Inchhung lam chu ka pan ve ta nghal a...


Chiang mang lova en ka ni bawk nen chutia inchhunga kan in hmuh chian takah chuan hmeichhe hmelchhelo tak, zahawm ru deuh run hi alo ni reuha, nulian chu ani hauhlo mahse a te lemlo...Pian nalh chu ni miahlo mahse pian a thiam ru riau bawk, hmeltha vut chu nilo mahse hmeltha tihloh chi chu ani miahlo, Mipa hip zawwng tak hmel a pu ani ber mai, chik zeta min en pah chuan "Khawnge i thianpa kha?" a ti sapa, a aw chu a nalh viau lehnghal...Hmeichhe hmaa zam ngailo kei chu ka zam lai ti tih der mai pek a, dawt sawi thiamlo ber nihnak laia han thluaithlum dan tur ka hre chiahlo "Errrr...englo....a nu in a rawn phone aniang" ka ti deuh ngawta...."Ka hmanhmawh tawh a sin mawle...." a ti leh sapa..." a rei lovang, lo thu rawh...tuisik i in duh em...oh...Thingpui" ka ti bah deuh nuaih a....nui chung chuan " ka duh lem love,...." a ti satliah maia...Sawi tur a vang duh kher mai, Minute 10 emaw kalta khan kan inhmelhriata tunah kan 2 chauhin kan awmdun leh ani a, ti ti ngahlo nihsa naklaiin....

Ka phone a ri tet tet a, ka khum bula ka dah niin ka zuk la vata Laldina alo ni a, "Enge, khawnge i awm?"....ka ti vin zawi deuh hluk a, "Lo mikhual mairawh a rawn thinrim lutuk tawh" a ti a...a dah nghal daiha....ka call back leh a la duh tawh bawk silo..."Enge a?" ngaihtho hmel deuh chuan a rawn ti a.....Engtin nge ka tih anga, enge ka sawi chhuah tak ang.... "Laldinzawnga chuh!" ka ti supa...."engemaw?" ati vata... "Eng ni love, A nu in a ko hawng daih a, Khawiah nge i awm?" ka ti ta ngawta...

"Engmaw?....Min hawsan a maw?...avan che ho tak...." a ti phawk hra a, "nia, a mawl ania....Lo thlah mai rawh min ti tlata..." ka ti leh ngawta..." Van thing tak....ka phone ka tibo daih lehnghal" a ti nuah nuah a. " khawiah nge i awm?" ka ti a, a awki chhuak hrim hrim atang chuan mipa a hip em em ringawt bawka,...."Ka thlenna ah...englo Sihphir ah"...."engmaw?...Sihphirah maw?...Zawnga chuh" ka ti a, mak ti hmel deuh chuan min en a,... "Tinge?" a ti hehaw a...Engmah ka sawi thei tawhlo, Laldina thlavang ka hau rilru thuai thuai ani ber mai....."Ka thlah mai che a ngai dawn a....Mahse" ka ti zui sapa...."Enge mahse?" alo tivata..."ka bike ke siam phawt a ngai" ka zui sapa....A meng phawk hra a...."Taxi biak mai tur i hrelo em ni?" a ti hrama...."Hrelo...mikhual ve tho ka nia" ka ti leh maia..."lehzel chuan" a ti sapa....Engtia bultan tur nge ka hre tawhlo, Laldina ka phone lahin a la thei tawh bawk silo, ka chek tlak tlak a.... "a tlai tawh si a, ka rilru a hah e" a ti ringawta..."nia....Englo....Bike ke chu siam ka tum chhin ang e aw?" ka ti a...Tlai lama ka lak thlak sa vek tawh pawna ka dah chu ka va la luta, ka rilruin Laldina leh Zothanpuia thlavang ka hau mawlh mawlh a....ka phone ah msg a rawn thleng ri tlenga....ka ena....Laldina msg alo ni a...

"Hey....Good luck, plan lawk anih kha.....I luck love si" tih hi a rawn thawn a....."Zawnga" ka ti supa....


********************************************************************

Khawzawl Tlangval ka ni a, MZU ah Political Science Ph.D zir mek ka nia, Aizawl veng pakhat kil khawr ve deuhah Mi inhnuai ka luah ve kaka, Ka In luah hi a lian fahran lemlo, Pindan angreng puanzar hran ve deuh ka lehkhazirna dawhkan awmna nibawk a awma, Choka cm inpui (inleng kawmna) a ni leh maia, Gas stove single burner hlui zet tawh ang chi kha dawhkan tuidehna nen inzawm ah ka hung ve rana...a bulah emergency a ka hman thin Stove khawnvartui hmang thar lutuk tawhlo ka hung tel ve bawka...Chhuar ah chuan thleng 3 leh plate 5 vel a intlar ve pata, fian a inkhai ve niala, Cooker 3 lits, thirbel (frying pan) leh Dekchi bel lian em em lo 3 lai chu ka rem ve bawka....Fa neihchhun unau pianpui nei lemlo ka ni bawk nen mikhual ka nei ngailo hrim hrima chuvang chuan ka bungbel engkim mai chu a te fel than veka...Kan Refrigerator hman hlui lian lemlo tak leh Filter (aqua) ka hung ve bawka...Ka inluah na te hian Thuthleng, khum, Dawhkan, etc an chhawpsa thung...Birthroom attach ve ngat niin, Toilet erawh pawnah a awm ve hlauh thung...Ka thuthleng sei pakhat kawl chu Mipa lian ve tak tan pawha mut zar theihna tur khawp ani a, chubak tawite 1 leh stool 3 lai ka neive...Heng zawng zawng hi ka inchhung bungrua langthei chin chu ani a, Ka pindan lamah steel almirah lian lo tak kapa te school hman hlui a inhung ve bawka, ka thuamhnaw neih ang ang chu ka khai ve dal bawk...Chubak ah dawhkan ah ma zirlaibu chhah buru tak tak leh table light a awm leh tawpa...ka khum chu sawiloh khawpa hnawk, laptop leh lehkhabu nen a hnawk nuaih a ni mai...Heng zawng zawng nena hmelhriat ngailoh nula zan rei tawh lama Inleng neih chu rapthlak tak ani ringawt, chutah "Mikhual rawh" minla ti zui....


"Ka thlenin te an mu vek tawh ang" ka motor ke siam mawlh mawlh lai chuan a rawn ti sapa...."Nia...Mahse in chhungte an ni tho lawm ni?" ka ti a..."ni love....Mary Thlenin te an nia" a ti a...Ka hrechhuak zawka...Ramnghaka nupui neih tur chu Shillong lam mi ani taka, Chutiang anih chuan ani pawh shillong lam mi tho anih hmela, hmelhriat dang an neihloh chuan Mi in ah an thlen mai angai ngei ang..."Aizawlah chhungte in nei em?" ka ti leh a, "nei pawn ka hrelo, ka pa thianpa te chu an awm niin ka pa in a sawi" a ti a, "an awmna i hrelo a maw?" ka ti a, "aw...hre chuang love" a ti a...ka then suka....Ka bike ke tube ka phawrh chu ka zawi rawih thei, a pawp satliah lo, kut zungchal chen lawngin a lo thler duai a....

"Hrep tak chuan" ka ti bai bai a...."tinge?" a lo ti vata...."Ka ti phui zo lovang" tiin tube thler chu ka hmuh tir zui nghala..ner nang chung chuan "avan buaithlak...I thianpa chu a va mawl ve....tlawh zawk tur che angin a inswwi bawk si" a ti a....ka tan engmah sawi chi ani tawhlo...an thil tihdan a hria ang tih a hlauhawm hlur tawh ringawt mai ani...."Nia....a nu a strick lutuk a lawm....." ka ti ve ngawta....."Chuan engtin nge nidawn?...ka phone tal chu awmse...Sawmi ka phone mai tur...Mary pawh" a ti sap sap a...."an number i hria em ni?" ka ti vata...."aw....hria e" a ti a...ka phone chu ka pe vata....a hmet nghal niap niap a....a call tlang ngei...mahse tuman an chhang theilo....."An va mawl tak" a ti hlaka...

Ka bike ke siam that theih tawhloh tur chu ka dahtha sawk sawka, ka kut ka sila...chutih lai chuan phone chuan biak a lo tum ve renga.....a beidawn tawh lamah a call tlang ta chek aniang...."Khawnge in awm?"....."Inva thing tak....minrawn lam rawh u.....engmaw....awiiii....engtin nge ka tih dawn....khapa kha a haw daiha....a thianpa...englo..." min rawn melh zauha...."Rozama In ah min kalsan daih....bike ke a chhia.....naaa...ka duhlo.....Inva mawl tak....chutiang tur nisi tinge min kaltir ve.....In mawl lutuk" a dah hmaka...a tum bara...a sen ap ap a...."Errr....engtin nge an tih...?" ka ti sapa...."An inru".....a ti zawi sapa...

"Tute maw?" ka ti a,..."Sawmi te" a ti leh maia...."Mary lah a phone a la thei bawk silo...." a ti bai bai a...."Hmmm.....Englo..." ka ti a...ka tim leh deuh si a..."Enge?" a ti vata...."englo...riak mai rawh....naktukah bike ke ka lei anga...ka thlah mai dawn che nia..." ka ti ta ngawta....."A van buaithlak...i thianpa kha a thing e....hetianga in kalsan hi ka hre ngailo" a ti a...a thinrim hle tih a hmelah a hriat theih....."Nia...a mawl tak tak ani..ka bike a chhia tih a hre bik lova..." ka ti deuh ngawta...."Naktuk Sunday" kan ti rual thawta.....Bike ke siamthat dan a awmlo.....


Engtin tin emaw kan sawi duna...Dar 1 a pel vung tawh bawk si....Thuthleng seiah ka puan neih ang nen mutna ka siama...."I hreh lemloh chuan ka khumah khuan mula.....kei hetah hian ka mu mai ang...." ka ti zawi sapa...Kei ka lai bawk...a ni a lai bawk...awmdan thiam a har khawp mai....."aih...khumah mu zawk rawh"....a ti ngial angin ka duhlo bur bawk si....Khuma mu tur chuan kan inti tlu thei ta nge nge a....Ka vanneih a siamin T-shir thar hlak leh Pyjama thar hlak sarang a pack thlap Net atanga ka chah thlen hlim ka la phawrh miahloh ka lo nei hlauhva...Jeans kekawr leh a thuamhnaw dang inthlaknan ka pe a...inthlahrung tak chuan pindanah a in siam ve ta nge nge a...


Ka harh zawka, sana ka en vata Dar 7 alo pel tawh a,...ka inbengkang vata thawm engmah ka hrelo...ka In luah hi inhnuai anih avangin ni chhuak a hmu mai thin lova chuvang chuan alarm set loh phei chuan thawh hai a awl phian thin... Sunday tuk a nih dawn vangin alarm ka lo set bawk silo kan mu har bawk si, thawh ka hai chiang hle... ka tho tham thama, pindan parda chu kava keu dak daka, a hnunglam min chhawnin, mangchhe zet hian a lo mu kawi nuaih a..ka then seka ka kalsan nghala, thawm dim deuhin kan ei tur ka buatsaih zui nghal a....


"awi thawh ka hai ani maw?" Ka bike ke spare ka hmuh chhuah bel 10 zet kai tawh chu ka lo fit mawlh mawlh a, "hai love" ka ti supa...zahzelah thingpui chu ka thlit saka "Chaw ei phawt la ka siamtha thei anih chuan ka han thlah dawn che nia" ka ti a, "naa chaw ei te chu ka duhlo....taxi la mai ang" a ti deuh tlata, "Ka siam kep vek che a" ka ti a....ka thuamhnaw a inbel chu a inhmeh kher mai...."I bawl vek tawh a maw?" a ti sapa....Chutih lai chuan kan kawngka chu a rawn ri raka, ka in luahna nu a rawn dak lut nghal hlawl bawka...."eh....Rozam mikhual i nei e law? khawilam mi nge ni a?" a rawn ti lut nghal lawng lawng a....Kan in ena ka sen nghal ap ap a...."Englo....ka...ka...ka thian...ka cousin anih hi....nizan khan a rawn thleng thuta?" ka ti ta ngawta...."ani maw?...zingchaw rawn ei la ka lo tia...Nimin min pui nasa bawk si a" a ti a...nia...an vawk an talha ka ziat hluau hluau anih kha maw...." Ekhai ngai love...hei rawng ka bawl fel vek tawh....." ka ti a..."In unau chuan rawn kal rawh u....khangte chu nidangah in ei mai dawn a lawm" ala ti talha...."Ngailo...ka lawm e....Judy hian Vawksa a ei ngai lova" ka ti ta ngawta....rang deuh chuan "Nia....Vawksa ka ei ngai lova" a rawn tive vata...."Artui kan kang mai dawn a lawm....In tih tlat chuan le" a tive ta nge nge a..


A kal hnu chuan kan in ena kan nui dun ta ngawta....."A zahthlak e...i thianpa kha ka ngei tak tak a ni" a rawn ti chhuak phawnga..."Nia...." ka ti ringawta..ka bike ke chu ka fit zova...vuah turin ka chhuahsan zui ta nghal a.....Ka vuah zawha ka zuk let leh chuan a lo la i thlak chuang lova ka dawhkana lehkhabu vel chu a lo en kual a...."Pol.Science maw?...." alo ti ringawta..."nia....a hmingin" ka ti a......Sawi tur avang dun khawp mai...Sunday tuk dang ang chu nise Keimah in Sunday zingah mu chungin zai ka ngaithla vel mai mai ngei ang....Mahse tukin zing chu a dang tlat....Khua lah chu a dur deuh ruih lehnghal....


Dar 9 a ri tawha...."Chaw kan ei tawh mai dawn em ni?" ka ti a...a nuia...."i thu thu" a ti a...Vawi khat in hmuhna ah dawhkan kan kil dun nghal dawn ani a...a hrehawm duh ve khawp mai....Val hi ka che sual khut khut zel bawksi...Ka chaw chhum lah chu mipa chawchhum rum ul mai ani bawksi...inthlahrun a na duh khawp mai....Ka artui kan lah a ro thah mai bawksi...antui ka neih chhun lah a thing ka ring mai mai bawksi..."I ei thei maw?" ka ti supa..."aw...a tui lutuk" a ti ve maia....Ngawi reng chuan kan ei dun mawlh mawlh renga....Ka phone a rawn ri a...ka zuk en vata....number lawng hi alo ni a....

"Hello....."
"aw...Miss call ka hmu a?"..hmeichhe aw hian a rawn ti a...
"Eh...ka van hrelove?"...ka ti uk nangin Judy minlo en reng chu ka hmua ka phu zawka.."Englo....Judy a be duh che niang" ka ti ta tawpa...."Awi...khawiah nge a awm a...? tunge nangmah?" arrawn ti nghal zung zung a....Judy chu phone ka pe a....an inbe nghal mawlh mawlh a...thil thlen dan chu a sawi nghal zung zunga..an nui a, an in hau bawka....ka lo ding ngawi reng ringawta....Khawpui lah chu a ri ang dur dur lehnghal......" Hey.....Chutiang....a buaithlak, lokal vat rawhse.....a chi loh...Inkhawm ban nghahte chu.....in va sual tak" a ti nawk nawk a...Ruah chu a rawn tla ta fuap fuap rohva....


End of One



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:26 pm

Chapter Two


"Enge a sawi a?" ka lo tivata...."Inkhawm banah min rawn lam hman dawn chauh anih chu, sual hlawm lutuk mai.." a ti nang nanga...."Tute nge in ru i tih kha?"....ka ti zui zata..."Sawmi te mawle....Zothanpuia nen khan, an in ruk tum vang mai maiin lenkual an rawta, engmah hre heklo ka zui ve khanglanga, ka ngei tak tak ani" a ti hlak hlak a, a thinrim hmel chu a hmuhnawm riau peka, "Laldina lah a nu a hlau bawk si" ka lo ti sapa, "khapa kha sawi suh, ka ngei teh ania....Nula lenpui thlah leh nachang pawh hrelo" a ti vin hlara...ka nui haka, ka msg dawn kha hmu se a thinrim zual awm mange.... "Ruah a sur leh kher kher bawk si....ngeiawm tak tak ani" a ti zui leh sapa, thleng chu a seng malh malh bawk a..."Keiman ka lo ti ang" ka ti nangin a ti zo chu a ni deuh nghal der tawha... "I puar maw?" ka ti a, "Puar e...a tui lutuk" chu a tive maia...Ruah sur buan buan hnuaiah inbe lemlo chuan mahni tih tur ang ang tiin kan buai dun malh malha..


Inkhawm kal laite chuan ruah a tla reng bawka, Taxi han koh sak mai theih tur ka hre bawk silo, kan 2 chuan In ah kan awm dun khar mai a, a changin tukverhah kan indah chhawk a, tih tur avangin han bultan dan tur ka hrelo hle....Chutia kan zik kan zik lai chuan amah zawk chuan thu a rawn nei hmasa zawka...

"Khawi ah nge i chhungte hi?...Nangmah chauhin i awm tihna em ni?" a rawn ti a,...."Nia....aw....Khawzawl khua ka nia, MZU ah ka zir ve meka" ka ti deuh tawnga..."Mizoram hi ka rin ang a nilo, a nuam an tih tehlul nen" a ti leh sapa,..."anuam a lawm...nuamlo i tia mi?" ka ti a..."Ti lo em em chuanglo...ka rawnkal chak ang em em chu ani chuanglo" a ti leh ngawta,, "I vawikhat rawnkalna maw?" ka ti a, "aw....Ka nausen lai chuan min rawn hruai tawh ani awm e....Ka nu leh pa hi Manipur lam chhuak daih an nia" a ti a...."anih tak chu....Khua a chhe bawk si a, nuam i ti vaklo maithei..." ka ti a...kan ngawi dun vang vang a...."Enge i tih thin a, Shillong ah chuan" ka ti a..."Kan chhungkua in kan awm a lawm.....ka pa hi NEHU ah khuan a thawka, ka Nu hi Designer ani bawka" a ti a...."anih tak chu...naktukah em ni i chhuk leh ang" ka ti a...."ka hrelo...Mary te tih dan dan a ni mai, Sawmi'n pasal min neihsan daih bawk si" a ti niah niah a....." an bei awlsam dun khawp mai...an in hriatna a rei tawh em?" ka ti a...nui hak hak chung chuan "Rei ve tawh tho...niin ka hria" a ti a...Kan ti ti chho zela...Eng eng emaw sawiin kan inbe tam ve ta khawp mai...kan nui dun leh hak hak thin bawka...Ruah pawh a han tawh.....


"Hello,...Eka...i tha maw?" Ramnghaka aw hian a rawn ti a,..."Tha e, tha e...In rawn kal dawn tawh em?" ka ti nghal tawnga...."Nimin ah i rawn lang hman si lova, rawn len pah ani maia, rawn thlah law law la, i mikhual nula chu" nui huk huk chung chuan a rawn ti a....ka ner nawka "Engmaw?...nia....Ruah hi han chiang deuh phawt se kan ngaihtuah dawn nia...." ka ti a..."Amah Judy chu kan lo bia ang chu" a ti a...Phone chu ka pe zui ta nghala.....an inbiak chhung chuan ka bike ka lo han ti fel vela,....Pawisa neiha Bike chei that ve thuai thuai ka chak tawh khawp mai....Classic 2nd hand leh nghal ka kawl vea....thih thut thut a ching bawksi....Sihphir thleng han thlah chho tur chuan ka hreh ve pah reng...Mahse Ramnghaka sawi ang khan An Inneihna ah ka awm hman ve bawk si lova, kal ve ngei chu tha ka ti bawksi....Tuna ka kal loh chuan a hranpa in hun ka neih ka ring tawh bawk heklo.....kal ve ngei chu tha khawp mai...


"An rawn kal theih dawn siloh chuan min thlah thei dawn ta tihna em ni?" inthlahrung hmel deuh chuan a lo ti a..."Nia....ka thlah mai che a ngai dawn anih hi...an inneihna ah ka rawn kal ve thei si lova, pawi chuanglo....hun ka neih theih lai ani hlauha" ka ti a...lawm hmel deuh chuan a then saka.....Pindan lamah chuan a lut zui nghal tharh bawka....a ri sat sat a....a thuam pangngai nen chuan a rawn chhuak a..."Engtin nge thuam hnaw hi?" a rawn ti a, a hlim hmel ser ser hle...."Oh...tikhan dah tawp rawh" ka tive maia...."Ka insiam ve phawt ang chu?" ka ti zuia...za em em chuan a nui ta hak hak a....."Nia...Ka inthlak ringawt a lawm" a ti ta a...


Sihphir kan thlen chuan min lo nuih zat angreng khawp mai lehnghal, A chang leh kan han nui ho ang hawk hawk a, nuam kan ti tlang phian bakahh kan innel phah phian ta bawka....Tlai chaw ei turin min ti ta tlat peka...hreh zet chuan zanriah chu ka ei ve ta nge nge a.... Zanriah eikham chuan haw turin ka inbuatsaiha...

"Ka lawm lutuk ania" midang awmloh lai chuan a ti sapa,..."Engvang chuan maw?" ka ti hu a...."i fel em a, Kei min buaipui nasa bawk sia" a ti a...ka nuia "engmah anih loh kha, ka tihtur ania lawm....." ka ti a...."Errr...englo.....Judith Vanropuii ka nia...." a tia...a nui sen sen a....."oh...nimaw?...kan la inzawt miahlo....Lalrozama Fanai ka ni e..." ka tive nghal a kan kut kan indawm saka kan nui dun var vara...kan kut insik rual chuan ka mur deuh suung sungin ka hria, a kut nem thep leh mam thal mai chu ka feel veng veng ni maiin ka hria... "ka kal tawh mai ang....englo....engtik nge i chhuk dawn taka?" ka ti zui vata......"ka..ka..kapa khan a thianpa te tlawh turin min ti deuha, ka laa chiang chiah lo" a ti ban chalha..."anih chuan i la cham deuh i ring ani maw?" ka ti a..."nia" a ti sapa...midang an rawn kal takah chuan keipawh ka inkhalh chhuak zui ta nghal a....


Engemaw riau hian mimawlh a, kha nula kha ka rilruah a awma, nizan lam boruak te ka ngaihtuah leta keimah in ka khi vur vur renga....Ruak deuh huai ni ten ka inhre bawka...sawithiam chiah siloh chuan ka ngai veng veng ni maiin ka hria....In ka thlenga....Nidangah pawh keimah chauhin ka awm tih hre reng chungin ka hawnga ka khua a har ngai hlei lova, tuna ka hawng erawh chu ka in luah chu a ruak deuh huai hian ka hre tlat peka....Ka khum chu fel takin a lo inthlep tha thana...Khum lu ah chuan a thuamhnaw hak hnu chu uluk zeta thlep in a lo indah bawka, ka hawi fawl fawl ni maiin ka hria.....A thuam hnaw hak chu ka laa, ka hnim deuh khera, a rim a nam chek niin ka hria....ka hawi vut vut a, ka hmai phum meuhin ka hnim ta vak a.....


Ka inthlaka, Lehkha zir turin ka inbuatsaih nangin ka rilruah ka lehkha zir lam reng reng a lang theilo, Ka khum ka va en leh ringawta, zinga a mulai ka hmuh ang kha hmu leh tura inhriatna ka nei tlat peka, avan hrehawm ve chiang tak Kum engemaw zah keiamah in he in ah hian ka khawsa tawh a, Zanin ang em ema ka khawhar hi ka hre miahlo...Kha nula zan 1 chiah ka mikhual Judy tih sakhming putu hmel rim leh zun zamin min buala ni berin ka hria...Lehkha ka zir thei lova, ka mut a chhuak heklo...ka teikuala, a thleng silsa remte chu ka han khawih kual vel thul, ka kual ka kual ringawt mai ani...ka phone ka la a, Ramnghaka number ka hmetchhuak ringawta, ka call ngam chuang lem hlei lova....Chutia ka phone ka khawih lai chuan number lawng hian min rawn call lehnghal ka phu zawka....ka pickup rang kher mai....

"Hello...." a reh vang vang a....thaw ri ang deuh hi ka hria a...."Hello....tunge?" ka ti nawn leh a...."Hello....keimah" Judy aw ngei chuan a rawn ti ta heu maile...ka ding zawk lo chauh ani ber mai....."Oh....Judy maw..?" ka ti nghal zata...."aw...nie...I mu tawh em?" a rawn ti a...ka sana ka en vata Dar 10 a lo pel der tawha.."la mu love...lehkha...chhiar ka tum deuha"...ka ti buh nuaih a..."ka tibuai che em ni?" a rawn ti hrama... "tibuai love,....ka zir lo mai ang...oh..ka la zir chiah lova" te ka tikual vel nuaih a... "Naktuk i class dawn em?"...a rawn tia, "aw....aih...dawn lovang...." ka ti a..."tak tak maw?...Ka pa thianpa chu min zawn pui la" a rawn ti a...a tawng dan hmangah chuan midang hriat a hlau hmel hlein ka hria..."Engmaw?...aw...nia...naktukah maw?" ka ti nawk nawk a..."aw....zingah ka rawn be leh dawn che nia....Lehkha zir phawt rawh....Bye" a ti a...a dah ta daiha....


Chumi hnuah zet chuan lehkha ka zir theilo chiang kher mai ka helhhawlh ani deuhber mai, Khumah ka mua, a rim a nam chek chek a, ka rizai te chu ka hnim deuh vang vang renga....ka maimitchhin leh a hmel ka hmu zel bawksi....ka sawithiam dan ber chuan ka feel veng veng ani ber mai...ka muhil thei lawklo ka in let ka in let ringawta, Judy....Judith....Jude.....Jude....ti chu ka thluakah a su tluk tluk ani ber mai....Ka Pian ahnu lama ka rilrua hmeichhia a lan nasat ber tum ani hial awm e......



Dar 10 rik hma deuhin ka kawngka a rawn kik karh karh a, ka va hawn sak vata...zin bag nen a lo ding a...."Ka bag hi In ah lo dah rih phawt i la a pawi angem?" a ti nghal ngawta..."awle pawi love...pawi love" ka ti a...ka khai luh sak nghal vata....Ka insiam sa vek bawk nen Kan inzui chhuak zui ta nghal a....A pa thianpa chu Ramropuia niin Zuangtui lama awm a nia a,...kan vakkual nasa hle....a tawpah kan hmu ta hrama....A awm nghal dawn emaw ka tih laiin "kan haw phawt mai ang" a ti ta daiha...engmah ka sawilo mahse ka lawm nge ka hlim pawh ka hrelo....ka mikhual leh dawn niin ka hria....An in kan chhuah hnuah chuan "Pawi i ti em?." a ti a..."eng chu maw?" ka lo tivata "Min mikhual leh peih em?...Naktuk tukah ka hawng dawn thova" a ti a..."Peih e...keia In ah i thlen duh phawt te chuan" ka ti a...a nui hak hak a...."Englo ania....Mary pa te an haw tawh bawksi ka tan khita thlen reng a remchang bawk si lova, I phal chuan ka lawm khawp ang" in thlahrun ve hmel deuh chuan a ti a...ka nuia..."I ti hove a...keia phalloh chi pawh va ni suh" ka ti a..


Chutia a rawn thlen dawn tak si ah chuan tiin Bazar ah chaw hmeh eng ilo lam kualin kan inzui nileng thaka...In kan thlen meuh chuan khua a thim deuh chhalh tawh.....Ka In luahna te bulah ka cousin angin ka swwi tawh tho bawka inthlahrun pawh a ngai lem chuanglo....kan 2 chuan ti ti pah in eirawng kan bawla..Hetiang em em a ka phur hi ka la hre ngailo....ka phur over ani ber mai....Rawng kan bawla..kan ti ti a...ka rin aiin a tawng duhin kawm a nuam....Belhchian a dawl em em bawk....ka Inchhung bungrua engkim mai chu a pawmzam ve em em vek a....Zan riah kan ei dun lai te chuan kan nui dun nasa hle...Hmeichhe bulah hun ka hman tamna ber chu ka nu bulah ani a...chumi bakah chuan Judy bulah hian a ni awm e....Zan ah ka khumah a mu leh mai a..kei lehkha ka zir peih chhung ka zira...chumi hnuah thuthleng seiah ka mu leh maia....Zingah ka tihdan thin pangngai angin ka thova ka walk a....min zui ve zela...ka nunah tun hun tluka nuam ka tih leh ka hlim hi a awm kher awm love...


Class kal ka ngaih avangin ka chhuah sana....Nuam ka tilo..hawn thuai thuai ka duh ani ber mai.....Ka thil tih reng reng ka hmanhmawh em em veka...In lama awm hre rengin hun ka hmanga....ka tih tur ka tih zawh rual rualin khawmuang lovin ka haw nghal vata....In ka han thlen chuan engkim mai chu a lo fel thlapa...mak ka ti zawk hle...."surprise" a lo ti a,....ka banah min chelha..."Sawmi ten chaw an rawn ei dawn" a ti a...ka buhfai neih zat ka hrechuuak vata...hrethiam niawm fahranin "An rawn keng vek dawn?" a ti a..."Engmaw?" ka ti a..."Buhfai leh Chawhmeh..." a ti a..a nui var var a...


Zothanpuia te nupa inru thar nen kan 4 in ka in chep takah chuan zanriah eikhawm tumin kan buai nak nak hlawma..a nuam vei phian, Mahni tul tulin kan tula, kan ri nak nak renga, Zanriah kan eikham ah Card kan denga, Jude nen kan tanga kan hlim ham ham khawp mai zan dar 10 dawn-ah an hawnga,....kan thlah fel hnuah Ina lut ta mailo chuan Step a thu a rawta....kan thu dun ran maia...September thla chawhnu lam boruak nuam tak mai ania, Khua chu a tha vuk chuang lova a chhe heklo a eng deuh uau bawka lung a ti leng duh vung vung hle...


"Mipa ka hriatah chuan i la fel berin ka hria" zawite chuan a ti sapa, ka nui hak a " engvang chuan maw?" ka tia..."E....engvang pawhin, kei eng ang mi nge tih pawh hriat loh min dawngsawng tha em bawk sia" a ti leh niah niaha "midang pawn an tive vek ang chu" ka ti ngawta...."I thianpa pawn a tih loh kha.....Khapa kha ka hmu leh chak ngawt mai" a ti zui hlak a...."a hlau tawh ang che" ka ti zauha...nui hak hak chung chuan "Ka chibai chak" a ti deuh khera.... "engvang chuan maw?....i sual e mai" ka ti a..."Nilo....Nangmah ka hmelhriat phah che vang hian ka lawm em a lawm" a ti a....ka en vata....kan hmazawna Aizawl khawpui lang pe ut mai chu a thlir vauh vauh a...."Ka ti tak tak a lawm, Khami zan khan hetah min rawn kalpui talo se, ka hre dawnlo che tihna ani" a ti zui leh sapa..."Nia, kei pawn ka hriat phah ve bawk che a" ka lo ti vei supa...."Nangte chuan i lawmpui ve vak hleinem" a ti a, min rawn en a...Chu zan boruak dai nuam takah chuan kan mit chu a intawng tek chuai a, ka lum nghal pup bawka...ka hawi sawn rang kher mai...



Ngawi reng chuan kan thu dun leh ngat ngat a "kan lut tawh dawn em niang?" ka ti supa..."nia pawi chuanglo....." tih leh thawh a rual nghal a....Inchhung kan luta, ka mutna tur ka siam malh malh a..."I chhiar phawt dawnlo ami?" a ti a., "dawn thove nakina siam ai ka ti mawle" ka ti a...."Anih chu" a ti maia...."Anuam chiahlo, a neitu zawk khumah i mu ngai lova..." a ti zui sapa...."nuamlo ti duhsuh...." ka ti a..."A zau thova kan mu dun thei tho a lawm....Kil deuh ah sawn ka mu anga...nang sir deuhah" nui cchung chuan a ti a....kan nui dun hAwk hawk a..."Bible kan zep bawk anga tiraw?" ka ti zui ve khera..."Nia....a ho e.....Nang chu mipa diktak i nia, i hlauhawm ka ringlo" mei nei deuh chuan a ti a...ka sen deuh ap ap in ka ring ka taksa lum dan ka ngaihtuahin..."Eh...ka lo nghal viau maithei asin" ka ti a..za deuh chuan a nui hak hak a....Dawhkan kilin ka thua...a ni pawh khumah a lawn kai tharh a....

"Englo.....I zir rei angem?" a rawn ti leh a.....amah en chung chuan "zir rei vaklo ang tinge? eng i ngaithei vaklo em ni?" ka ti vata..."aih nilo...nilo...In kawm mai mai i la kA ti mawle....mahse pawi chuanglo" a ti zui vata..."Oh...nia...a inkawm pah reng theih tho a lawm..." ka ti a...light chu ka hmet tawpa..."Eng ka ngaitheilo miahlo ania....ka sawi chhan zawk tak chu" a ti a..."ka hria a lawm....Kei pawh zir ka ngai em em chuang lova..." ka ti a...a nui seih a....kan inhrawn rei tulh tulha ka hmu zingin ka hmu chiang thei bawka a hmel duhawmna thuruk mipa hip riauna neih chuan min fan leh ngaih thin ni maiin ka hria....."Ka ti tak tak....Min ngai kawi chuanglo la.." a ti a..."eng kawngah chuan maw?" ka ti vata..."A nuamlo....Rawn mu ve mai rawh....kan Insi lo thei tho ang" a ti nawn leh a....chutia hmeichhiain mu tura min sawm chunga han hnial tung chu ka hreh bawksi...Mahse ka mang a chhe roh sia ka tumloh deuhin ka khan kual vel ang tih ka hlau bawk si....ka nui sun sun ringawta...."Nia...." ka ti sup bawka..


Ka rizai leh lukham chu ka la ta nge nge a, khumah chuan ka inthawlh ve ta thuna...light kan off veka...tukverh a eng rawn lut chiah chu eng kan neih ani tawh mai....Ka khum hi Single khum lian ve pangngai ani a, Puitling 2 mut dun chuan kan thawl fahranlo nangin kan chep em em lemlo....Strick deuha mut chuan insi miahloh pawn kan mu zankhua zak thei ngei ang...Eng eng emaw a sawi siam siam a,....a che leh set set thina...kei chu ka lai laklawh tawh bawk nen zangthalin ka kut ka kukhama ka mu ngil zar mai thunga...a ti ti chu ka zawm bauh bauh a....Rei vaklo ah chuan a ham leh bai bai thina...eng eng emaw min zawta ka chhang zela...chutia ka ti ti mual mual lai chuan a thaw sak sak a, ka en dek dek a, a lo muhil reng tawh a....a che talh talh a...A ti lui nge ka hrelo ka awm zawnah min rawn kuah ta tharh a...ka che zui ngamlo....ka mut ngaiin ka mu renga....a ni lah min kuah nghet tual tuala...kei lah ka che ngamlo tulh tulh thung...a ti lui ti dawn i la a muhil tui viau mai bawk si.....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:27 pm

ka kut a kham tawh viau bawk si ka che tual tual a...a kut chu a la sawna ka lam hawi chung chuan a kut kham chuan a muhil sak sak a,...amah en zawng chuan ka saisir ve ta nge nge a....Khap 2 emaw lekin kan insi lo chauh ani bawka a hmel duhawm tak chu ka hmu chiang kher mai....He nula hi ka tana Khuanu min pek nge ni ang ka mualphona tura Laldina rawn dah ka chiang ngam ta derlo....a hmui te chu fawh mai a chakawm hliah hliah a....fawp ve ngawt i la case a file viah chuan ka mualpho nasa mai dawn si.....Rik hlau takin a rukin chil ka lem khulh khulh deuh renga...."min en reng suh...ka zak ve tho a nia" tham tiak hian a rawn ti a...ka phu chiang kher mai....a nui zui sen sen a....a meng chuang bawk silo....a tawngvai nge a har ru reng zawk niang.?!!!...chutia ka in ngaihtuah buai lai chuan "Duh leh min en reng mahla pawi chuanglo...." tiin a rawn meng ta diar diar a..a nui sen sen a....ka beisei loh deuhin kan inen ta heu mai...."eh....i...i...ila muhil nange?" ka ti ta ngwta..."Muhil tepa i che khan min ti harh daih a lawm....misualpa" tih pahin ka hnar chu a rawn tuai zauha..ka va phu ropui tak em...

."Hmeichhia i fawp tawh em?" zawi sap tham tiak chuan a rawn ti zui sapa......."mmm....aih...aaaa" ka ti nuah nuah a..."Ka ring....i awmdan ah" a ti a...a che hreta ka tana duhthusama fawh remin a insiam ni maiin ka hria....a maimitchhint tlat lehnghal......"Eng chu maw i rin" khur deuh dut dut chung chuan ka tia...ka confi thei hauhlo chu ka inhaw ang reng khawp mai...zeiloh sa naklaia...."hmmm i la fawplo anih ka ring" a ti a...a meng diar diar a...a thaw lum ham ham bawk a.....chutah chhan tuama ka an dawn lai tak chuan min rawn fawp zui ta tuta.....ka phu zawka....mahse ka talbuai rei biklo.....ava thlum...a nemnel thep ni maiin ka hria....kan bei uar tual tual a....kan taksa chu a insi bet thlap tawh....Mipa mipatna lo chhuak zui vat thin hi mipa tan malsawmna nge anchhia pawh ka hretham nek love.....chutia kan inkuaha kan inkeih mial mial lai chuan a tawp thuta...."A bak chu tunah engmah thleng suh se aw" a ti sap a...ka rum nghuta....ka fawp zui nghal zata....Insum a harsa duh ngat ngat hle...kan chawla...kan nuia..kan infawp ngat ngat a..kan chawla kan inpawm veng veng a.....A nuam veng veng ni maiin ka hria.....a tuma tum miahloh chuan alo insum theih hle....aman min nawrluih loh miaua, a remtilo tih hriat hnuah phei chuan nawrluih bikloh a lo theih hle mai.....



Kan zan hman dan chu ka duhthusam a ni satliah lova vanram tlafual lei eden ni berin ka hria....kan in fawp deuh chawta..kan inkuah chiala.....kan muhil zui ta siai sia bawk a.....Ka harh hlawl chu chiang em em hian minlo en kiau maia...khua alo eng ut tawh a...."Goodmorning" a lo ti sap..."eh...morning....i va harh hma ve?" ka ti a...."Ka mutui em a lawm.....Mizoram ka rawn thlen hnua ka muttui ber zan ani....ka duh lutuk che....ka hmangaih lutuk che...ka tawng lovang che tih ka hlau lutuk" tiin min kuah sauh sauh a... kan infawp zui leh nghal mial mial a....ka insum zo ta nganglo...dap loh tur tur ka dal kkuala....a thaw halh halh a....a chungah ka lawna....tham tiak hian "in sum tur kha aw?"....a ti sap a......ka rum nghuta......ka khur der der tawh......."Ka hrethiam lutuk che....ka promise ka keep ngei ngei angai si.....Pathian hming chhal meuhin ka lo promised tawh si....min ngaidam dawn nia..." a ti sar sar a....ka tan chetzui ngam chi ani tawhlo....ka let thla nghal tawp a....."I thinrim em ni?" a ti a....."rim love......tikhan lo mu la...ka walk lawk dawn" tiin ka thawh san zui ta nghal a....



Tuk danga ka walk nen chuan a in anglo vah vah khawp mai, khawvel hi a mawi vul chuk ni berin ka hria.....Ui kaia putar kal mai mai thlenga chibai vek mai ka chak chuti khawp chuan ka hlim ani....Nidanga ka kal chin tho ka kal chungin ka thleng rangin ka let leh rang hle bawk....In ka va thlen chuan a lo ri rak rak a...."Thingpui ka lo lum che a...." nui var var chung chuan minti a....ka zak tawh biklo....Gas stove bula a ding chu a hnung lam atangin ka kuah a.... "Ka van lawm ve..." ka ti a...a inhera...kan hmui a insi zui nghal a....


A hawn ni tur ani tawh bawk si, kan am dun tan tan hle ni maiin ka hria....Chaw ei laite chuan kan inkai renga....Class kal thulh thakin In ah kan Inawm a....Tlai chhuak sumo a kal tur ani bawk nen nilengin kan tawm duna....Rinawm taka awm duna thutiam tih vel lam kan ssawi hauhlo thung......... Sumo a kalliam vung vung chu khua a har duh vung vung khawp mai.....Engkim mai hi a chawl thuap ni maiin ka hria.....ka phone a ti tlenga....


"Ka hmangaih che.......Mangtha....." tih msg a lo ni a.....


End of Two

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:27 pm

Chapter Three..


In ka thleng chu a ruak huai ni maiin ka hria, a chettlatna lai velte chu ka dap kual ka dap kual ani ber mai, a thuamhnaw hak (ka thuamhnaw a hak) te chu ka hnim leh ringawt thina, A rizai sin leh a mutnaaite chu ka chul ka chula, hetiang reng renga hmeichhe zuna ka uai nasat hi ka hre ngailo....Phone ka tum lahin ka be thei chailo lehnghal....Zanriah ka tuilo hle, a thutna zawn chu ka en leh vung vung thina....Lehkha zir ka tumlahin ka chhiar hlei thei meuhlo...Call emaw msg emaw pawh min tumve eihlo niin ka hria a, ka lungawilo zawk lek leka, chunu hrep chu ka ti rilrua, chutia ka tihrual rual chuan ka inthiamlo zui nghal ziah lehnghal....Chutia ka zik ka zik lai chuan ka phone msg tone a rawn ti ta ngeia phur em emin ka hawnga...."I lung a leng awm mange?" tih Zothanpuia min rawñ thawn hi alo ni a....ka va ngei mai mai tak....Chhan ka tum mek lai chuan a rawn thleng leha chu zet chuan lung a ti awi ta kher mai ama sms ngei alo ni a...."Kan tluang vaklo...Kolosib kan thleng chiah., chaw kan ei dawn" tih zawng alo ni a....Mahse min ngaihven ve ani tih ka hriat phah ringawt vangin ka lawm em em tho....


An thlen chin signal a neihna ah a rawn report zela...ka muhil mai biklo ka chhang zui nghal zat thei zela....mak a ti deuh aniang "I la mu nange?" a rawn ti hial a...."Mu nang.....ka ngai em che a lawm?" tih ka thawn a....a reh deuh vang vang hnuah "Min ngai tak tak lo a niang Cham tur pawn min chelh siloh" a rawn ti a....ka phuzawk mai....Cham tura chelh maw?..... ka duh lutuk a lawm....mahse...ka ngam silo a nih kha..."I cham duh ka ringlo a lawm" ka ti a....a reh vang vanga...Minute 30 hnu velah "Ka cham chak lutuka, mahse min sawm bawk silo anih kha" a rawn ti a....ka au tuar tuar lo chauh mai ani....Hrep tak chuan, engvanga chelh der ve eih nge ka nihloh....."I ngei awm lutuk....i sawi tlai emai a" ka ti a........a reh ta vang vang riha...Zing lam dar 2 a pel tawh bawk nen keipawh ka lo muhil zui ta daih a...


Nitin Zing ah kan In wish ziah a, Zan ah Dar 9:30-Dar 10 inkarah kan incall ziah a...kan inbe rei thei hle....a tawng duh a, a ti ti siam siam thei renga....keiin a aw ka ngaithla kham silo...a nuam veng veng nangin a nawm dan erawh a nuam famkim chiah lemlo....Live ngeia inkawm kha ka kham theilo ani...Phone leh Sms ringawt chuan khawhar a hnem zolo chiang kher mai....Nitin ka thil tihna apiangah ka bulah awmse ka kut vuan rengse chuti chung pawh chuan kala niang chuang awm love.... ka ti rilru hial ani...Tuna kan hma thlir awm chhun chu Zothanpuia te In sawi rem leh remloh lamah a in nghat bur tawh mai, kei shillong a kal na chance ka nei silo ani rawn zin theihna tur chhan anei bawk silo kan thian inru ve tawp te insawi rem theih nana rilru tawngtaina nena beih ngat ngat ani ber mai...An ni lah Lungpui sut ang tlut ani maisi....Sawmi chhungte lung a awi thei tlat lo, "anih tawh ber a hnu, in fanu hi in ngaihtuah lo em ni?" zuk tih sak ka nap hial ani....àn insawi rem theilo anih chuan kan In hmuh theih lehna tur hun a hla tawh dawn em mai si a...Tan ana duh fat fat khawp mai, Palai a tan sak hial maite pawh ka nap rum rum...,


Ni a liam zung zunga, kar a inher chhuak zur zura, Jude nen kan Intawn hmasakna ber atangin Ni 25 a ni ve der tawh, Calendar nen meuha chhut chunga ka en ania, ka chiang ve khawp mai.... Kei pawh a chhuk hlim ang em em chuan ka zauthau tawh biklo ka normal chho tan ve bek bek zela, Class kalin Zirlai lamah ka insawr bing ve chho zela....ka dam anga kan la inhmu leh ngei ngei ang tih rilru ran chungin Zothanpuia te Palai thu leh hla ka ngaichang ru reng bawka...Ka duh aiin an hmanhmawhlo......A ni 25 zan chiah ani a, Phone call ka dawnga..Zothanpuia Phone call a ni a, ka van phur tak em..."aw...thianpa" ka ti vata..."Kan rem dawn ta anih chu...November Ni 15 ah kan tifel e..." phur deuh chuan a rawn ti a...."Best ah ka hmang dawn che nia...." a la rawn ti zui...."Khaih chutiang lam chu ka tih chi anilo tih i hria alawm...Laldina hmang zawk rawh, kei thingtlang tlangval mai mai" ka ti deuh duaha..."ka hmanglo tawp tak tak ang che Sawmi thian nu tur i melh sek mai ang" nui chung chuan a rawn ti a...."Tunge?" hrethiam sa deuh kur chung chuan ka ti deuh khera..."I Judy mawle" a ti ta a.....Ka nui vur vur ngei a lawm....mahse ka nui tih chu Phone atang chuan a hmu kher lovang....


Chumi atang chuan ka en ngai zen zen loh ka calendar Hluta Optical in ti chu ka bih deuh ngur ngur thina, Ni chu ka chhiar nghauh nghauh ani ber mai,.....Thil tul engkim kan buaipuia, kan phur dun nghauh nghauh hle, Sawmi pawh Shillong lamah a chhuk leh tawh a, Keini 2 chu kan Inkawmngaih sawt hle kan Ngaihtuahna in a kawh lam a in ang vangte pawh a niang.... Kan ti ti pawh a rual khawp mai... Jude nen pawh kan inbe reng tho, Inneih hun tur thlir in kan phur dun khawp mai....Hetiang reng reng hian ni hi a kal muang tih hi kalo la hre ngailo, Kar khatah Ni 8 vel awm ni maiin ka hria, ka sana te chu a vir muang ta vek ni maiin ka hre thin.... Chutia phur em em a ka inbuatsaih chhoh takah chuan a hun pawh a hnai tawh viau kei zeilo ber mai zinga zeilo uchuak Thiana ka tang tur chu ka huphur nasa khawp mai, mahse amah Jude vang zawkin ka ti lui hram hram chauh ani, ka suit turte kan thuia kan buai dun ve zak zak maia...Kan hlim dun hle bawk...


A dawn hnaiah kar 1 vel a awm tihah Shillongah Bazar tura kal angaia, ahma daih atanga kal tuma inbuatsaih lawk ka nih vei nen Ka Nu pa a boral thut maia loh theih loha hawn ka ngai ta sia, ka tel lovin Ka thiana chu a zuk chhuk taa...a thlen tlak tuk zanah Zanriah an eikhawma min rawn bia a....Nuam an tih hmel dar dar kawp mai.....Ka kal theilo chu pawi ka ti khawp mai, ka tel lovin Judy a zuk hmu bik tur chu ka thik deuh rum rum hial ani....

"Enge Judy chu a dam maw?...i bul hnaiah a awm em?" ka ti a...."Er...awm e...i be duh a mi?" ban chalh hian a ti a...."nia, nizan hmasa ka sms a hmulo nge min chhang hauhlo" ka ti a...ani taka ka kal ve theihloh dan ka hrilha min chhang miah lo tlat maia alung awilo deuh niin ka hria..."Awle...in inbe dawn nia" a tia...Phone chu a ri ruk ruk a... "Jude i phone" a tih ri chu ka hria.... "tunge.....aw...hello" zawi sap hian a rawn ti a...."keimah i tha maw?" ka tia...."aw...tha e....tinge i rawn kal ve lohva?" a rawn ti a.."Ka sms i hmulo em ni?" ka ti a..."e aw..nitak e....a zialo ka ti khawp mai" a ti a..."nia, lokal ka chak tehlul nen...." ka tive maia...Phone atang chuan 'tunge i biak leh tawh....khawi maw phone kha' mipa aw hian a tih ri ka hria a....'tumah....' a ti rih leh mipa in "Hello....tunge?....rawn be ziah tawh suh...ka nupui tur anih hi" a rawn ti a...a dah nghal hmaka...


Chu thu chuan min deng tek sawk mai, ka hawi fawk fawk a,, ka lum pup pup bawka....Chutia titu mipa chu tunge an fiamthu nge "Rawn be ziah tawh suh, ka nupui tur a nih hi" tih chu a thum ri tluk tluk mai a...ka phon chu a rawn ring zui nghal zata...."Hello" ka chhang vata..." Eka keimah....." Zothanpuia chuan a rawn ti a, "Enge thil awmzia?...tunge phone laksak tu kha?" ka ti hu a..."Eh...ka hre nang...e ngawirwwh an thianpa pakhat kha niang...." a ti zawi supa..."Tu an thianpa maw?" ka ti vata...."Hmel tenawm deuh mawle...nakin ah ka rawn be leh dawn che nia" a ti a..Phone chu a dah zui nghal daih a....Thil fel zanlo chu a awm chiang ani, enge thlenga eng thil nge thleng ka hre chak kher mai....Amah Judy phone ka call a, a ring ral thak thak a....ka thinrim nge ka hrelo ka bing mup mup ni maiin ka hria...vawi 20 chuang ka call hnuah pawh a chhang theilo....ka beidawng hle...."Ka nupui tur anih hi" chu thu chuan min deng tluk tluk ani ber mai..

Ka awm a nuam thei tawhlo....Zothanpuia phone bawk chu ka call leh ta nge nge a..."aw..thianpa" zangkhai deuh chuan a rawn ti a..."Englo....Judy kha ala awm em?...ka lo be teh ang" ka ti a..."er...aw...khawnge...." a ti ban chalha..."thianpa a awm tawhlo anih hmel" a rawn ti leh a..."anih tak chu...Tunge khapa kha?" ka ti nawn leh a "thianpa nakinah ka la hrilh zawk dawn che nia...." a ti a..."eng maw?" ka ti zuai raiha..."Judy chu tibuai duh tawhsuh....Pasal a nei ve vat dawn niin ka hria...." a ti ta nge nge a...chu thu ngei ka thianpa ka atanga ka hriat takah chuan ka zawi zo vek niin ka hria....a rim a hmel engkim mai chu ka hrethar nghal uar uar a, Pasal a nei vat dawn maw?...enge awmzia...heta a rawnkalai pawh khan engkim a awmsa vek tawh tihna ani maw?...hmm....ka insehruh a ka thinrim kher mai....mahse tihtheih ka nei chuang silo..ka hrehawm ti chu ka au chiam chiam chak kher mai...


Chumi zan kan inbiak zan chuan ka mu mang meuhlo....ka lo phur vena zawng zawng chu a tawp vek ani ber mai...."Bawiha, englo ania, Sawmi sawi dan chuan Mipa kha a bialpa ve deuh thin ani awm e...." a hnu a Zothanpuia nen kan inbiak lehna a a sawi ani a....chu chuan min tina ani ber mai, kei aia duh a nei ah ka ngai hmak....Hmeichhe ho hi zawng an kalna apiang ah hetiang hi anlo ni zel dawn tihna anih hi tih chu ka rindan ani deuh hmak tawh...Ka phurna a tawp vek nangin kalo kalpui thui tawh bawk nen ka kentlang tho a ngai tih rilru ka pua, Min bawlzam mai mai angah ngai i la hmeichhe pakhat ve mai ah lo dawn sawn theih tumin ka inbuatsaih sauh sauh a, Hmeichhe pakhat vang beidawn mai ka tum hauhlo....Ka Ina a sulhnu zawng zawng ka tih danglam phalloh ho pawh ka ti danglam veka, Blanket leh mutbu suk pawh ka sul phallo chu la sukfai tir veka, ka thuamhnaw a hak ngei pawh ka sufai veka,sarangah khawih leh tawh miahlo turin ka dah hmaka, ka thinlung atanga paih ngei chu ka tum nghet bur tawh ani....Mi Nupui tur lo vei ve ngawt a sawt love...


Inneih hun hma ni chiah In an rawn thlenga, Lo hmuak tur kan nih laiin ka subjectah paper present tur ka neih avangin ka hmuak ve hman ta lova...Nilengin ka buai avangin ka lang ve hman lawklo...Man leh mual chu an inhlan fel vek tawh avangin an thlenna veng lamah an awm a, Dan 2-na tur mah nise Mopa lam ten an bei ropui em avangin a tih mai mai theih hmel lemloh...Zan riah ei tawk vel turin ka lang hman hrama, Sawmi nen chuan kan Inhmu ngei mai mahse Judy erawh Body guard a neih avangin ka hmu chiah lemlo....Rei pawh an awm lo bawk nen...


Dar 2:00 pm ah Zothanpuia te kohhran Hall ah Inneihna buatsaih a ni dawna, Inneih programme hman zawh rualin Lawi luh nghala zanriah kil nghal mai tur ani....Keini pawh kan suit thar nen ka induang ve zaih mai a, ka nalh ve viau pawn ka hria.... Kan thian ho pawh kan kim tha khawp mai, Ka beisei chiahloh ka tana thil tha em em mai thleng a awm tlat peka chu chu Dindini ani....Dindini hi College kan kallaia ka tawih (chhass) ve deuh thin ka duh em em loh avanga titau zuia M.A pawh state danga zir awmbo ta ngar ngar, ka hmuh tak ngailoh, Chawlh hmanga a rawn chuan chhuah lai alo ni hlauh chu ani...Ani hi chuan engtik lai pawn min bechhe ngailo, keiin ka biak peih phawt chuan....Chutia arawn lan takah chuan ka tan Judy laka in tihtheih ve theihna tur a awm dawnah ka ngai hmaka ka hmuh phat atangin ka be tha nghala, ka beisei lawk ang ngeiin ka biakthatna chuan result a nei tha chho nghal hle..."I ngaihawm tawp...i chhelo bawksi...." tih chu fakna ka dawng nawn awn awn ani nghal der mai..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:27 pm

Mo hruai turin Laldina driver ah tangin kan kala,....Mo kawtah chuan kan ding su dalh a....Hamhai hauhlo chuan ka chhuka...min lo chibai laih laih a... "Mo ka rawn lam der tawh a sin" ka ti a.."Pindan ah khian an awm?" anlo tia...kanlo nghak taa...rei vaklo ah chuan an rawn chhuak ve ta a....Judy chu a nalh kher mai mo ai mahin a nalh zawk emaw tih tur ani a....an hnungah chuan mipa amah ang rual vel tur pate chhe vaklo mahse Mizo original chiahlo tih hriat deuh hian a rawn zuia, camera a kenga, a inchei nalh ve viau bawk...."In nalh hle mai....kan kal nghal mai dawn em ni?" ka ti a...Judy melh aih lo chuan ka inhera Sawmi chu ka kai chhuak ta daiha....Motor chhung an luh fel hnuah Biak In lam pan tur chuan kan tlan chhuak zui nghal nal nal a....Kawng tluan chuan tumah kan tawnglo...kan thiante 2 chuan kan boruak tur an man thiam vek aniang...an ngawi ve reng ringawta....Kei pawn engmah ka sawi lemlo...chutia kan ngawi reng chu Laldina chuan nuam a ti zanlo aniang meinei deuh hian "Eka, Dindini kha ka hmu ania....a rawn haw tihna em ni?" a rawn ti chhuak a...."Nia....rawn haw ve a tum em a lawm" hrelawk niawm tak chuan ka ti deuh khera..."Nia, ani hi chuan a duh ve ngawt mai che" a ti leh deuh kher...."ka ringlo....min duh tawh lovang...." ka ti a..kan nui dun hak hak a...."Eu luck deuh kan awm ani maw?" Sawmi chuan a rawn ti a...ka nui mai a..."a phuahchawp anih kha" ka ti satliah ringawta...Mirror atang chuan ka han ena...Judy chuan minlo en kala...a sen am am niin ka hria...."Awh...taka I thianpa chu a rawn kalve ta em?" ka ti deuh khera...."Mmm" a ti thawp sapa...."Min chibai tirlo anih chu mawle" ka ti a...kan ngawi zui ta diak a...


Inkhawm chhung thlalak chhung engkim mai chu a nihdan tur angin a ni veka....Inneih ceremony kan nei zova, Mo hruai in a zui nghal a....Chumi zawhah Molawm function kan hmanga...kan hman zawhah Photographer duhdan angin hmun dang ah ahranpa a shooting nei turin kan kal hrang leh lawk a....a duhtuiin a hmet hnem viau, Keini 4 bakah Laldina bak midang an awmlo....Minute 30 dawn kan shot hnuah kan haw ve ta a...In kan thleng chu a thianpa hmel chu a dur khai khai khawp mai....Room ah inthlak turin an lut chu a zui lut nghal a....engmah kan hrelo nangin an rawn chhuak leh chu an hmel a dur khai hlawma....Boruak a ti chhe mai dawnin ka hria...mahse ka inrawlh duhlo....Dindini lahin min vil chawta kan tie leh kan fellohna lai a siamrem zung zunga, amah alo chhelo ve bawk nen...kan 2 in thla kan la dun deuh sek bawka...chutiang karah chuan Judy chu ka melh ru zauh zauh thina a meng ralh ralha...a sen deuh ap ap thin niin ka hria...


Mo leh Mo thian tha zual bakah kan thianho te nen Zan riah eikham hnuah kan thu fuala....Hmeichhe lam pawh an inthlak vek tawh, kei chu ka inthlak ve lemlo....kan ti ti khawm laih laih renga, chutia kan zik nak nak karah chuan Judy nen chuan kan mit a intawng leh zauh zauh thin......Thingpui kan ina kan thu tlar thama...remchang dang awm heklo Judy nen kan thu dun lo thei si lova, kan ep chiah hla ve deuhah Shillong atanga rawnkal ho leh a thianpa chu an ri nak nak a...."I dammaw?" zawite chuan ka ti a..."mmm...." a ti ringawta...min thlek ha thung...."Saw saw i pasal tur chu maw?" ka ti zui leh ngata.... "Nilo...pasal ka nei dawnlo" a ti bul nghat a...."wow..va mak dawn ve...pakhat in ka nupui tur a ti bawk si" ka ti a...."teuhlo mai...." a ti ringawta....eng emaw swwi ka tum zuau lai chuan chupa chu a rawn kal hnaia..."Ju...lokal lawk teh...thla la hovang an tia" a rawn ti a...a ni pawh chu a tho ve nghal maia....a thawh rual rual in Dindini a rawn thu nghal a....an thla la laivel te chu ka mitmei ru renga...Dindini che vel lah zei hek...Judy chuan a rawn ngaihven tih ka hre reng.....Mahse a ngei tawk turin ka awm lui ngat thin...



Zan a reia inleng an haw diah diah a...Kei pawh Dindini thlah lawk ka ngaih avangin ka kal chhuak a....ka va haw leh chuan an lo reh duak tawh a...."Room ah ang nghak che....i lengbo daiha...khum siam angai alawm" fiamthu in a chhungte chuan an lo ti a....ka lut tlang zui nghal a....an 3 chuan anlo awm a...."I thlah fel thei maw?" Zothanpuia chuan alo ti a..."aw....ka tlai deuh phah ta anih kha....Judy chu a vengtu a va awm tawh lo ve" ka ti zui zata....a ngawi renga khum chu a siam mawlh mawlh a...."Lem ve sek ang" tiin room veranda ah chuan kan chhuak dun daiha...No 1 ve ve kan dawm hman chauh ang an rawn chhuak ve nghal zata...kan thu tlar leh ta pat a..... Eng eng emaw kan sawi hnuah kan thiante chuan min luh san a...kan 2 chauh chuan kan awm dun ta rana...


"A chhelo khawp mai" zawite hian a rawn ti sapa...."Nia....ka lawm e" ka ti ve mai a.... "Pasal ka nei dawn emaw i tia mi?" a ti leh a..."E ka hrelo...i nei ve ang chu nula i nia" ka ti a..ka nui haka..."ka uanglo..." a ti hman chauha..."Khawnge Judy?" Room chhung ah chuan mipakhat hian a rawn ti a...."Hmela chuh" a ti sapa...a ding fel hman chauh tihah a thianpa chu kawngka ah a rawn dak nghal a...."Hawng ang...." a rawn ti bung nghata....ka then suka... "kan la zo hlei nem" Sawmi chuan alo ti vata..."In thu mai mai tawh tho a lawm" Mipa chuan a ti bul leh nghata...."Nia...kan haw mai ang....a tlai tawhsi" Judy chuan a ti vata....a bungrua a khawm rawk rawk a...an chhuak zui ta nghal a....Chupa a hlau em em mai chu mak ka ti hle...mahse engmah ka sawilo...a duh hle anih ka ring....

Chu chu Judy ka hmuh tawpna leh ka biak tawpna ani ta rih ani...Atukah an haw zui nghal a....Mipa khan Motor a rawn keng bawk nen an hwng dun nghal nal nal ani awm e...A hnu a kan hriat danin Zothanpuia te in atanga an haw kha an inhnial chiama....a tukah an haw dun zui ta daih ani awm e.....Ka lak atanga kalsan a duh phawt anih chuan kei chuan ka paihbo thei tur ani tih rilru chu ka pu tlat bawka....Ka ngaihven zui ngai talo hrim hrim bawk ani....Lengdang chhai ka tum chuang lova Dindini erawh in renew turin tan a khawh nasa hle thung....Kha Judy vang khan ka rilruah hmeichhe rinawmlohna a lian tawh bawk nen ka yes thei mai rihlo...Mahse chuti chung pawh chuan min kalsan a tum chuang lo thung....


End of Three

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:28 pm

Chapter Four


Kum 3 a liam der tawh keipawh ka zirlai ka zirzo tawh a, ka In luah ka sawn tawh bawka, University ah min chhawr zui nghala, chuvangin Quarter lamah ka insawn thla a, Khawpui chhung ka dak chhuak khat khawp mai...ka thiante nen pawh kan inbe pawh tam lemlo...Dindini nen erawh a khat mawi tawk velin kan inbe reng thova, a ni pawh state dangah a thawh avangin rawn chuan chhuah hun a nei ngai manglo chuvang chuan kan inhmu khat ve viau tho, Kan dama kan that phawt chuan kan duhtawk ani deuh ber mai...Keima hnaah ka buai tawk em em reng ringawt mai ani..Khawpuiah chak khai lama chhuah zauh a ngaih chang tihloh chu ka chuang chhuak hman ngai meuhlo.."Nupui nei ve tawh mai rawh" an tih pawn, ka neih hman loh thu in ka chhang ringawt thin, Ka nu leh pa pawh an upa ve dawn tawha, an fapa in "hei hi ka bial nu a nia" tih emaw tur pakhat mah ka la neilo chu an ngaih athalo zawmah hial awm e....Min ngaihzawng ve deuh tu an awm chang pawn min kalsan rang thin kher, ka be hman ngai meuh silo, hmeichhe thenkhat chuan biak sek emaw tlawh sek emaw an duh thina chutiang chu ka peih ve vaklo bawk nen min kalsan zung zung thin...Thenkhat phei chuan "Tuai" ni hialin min sawm nghe nghe awm e....mahse ka nihna ni heklo han huat, ngawt thu awm suh, ka nui liam mai mai thin....Ka Quarter ah chuan Ui lian chi pakhat ka vula chu nen chuan kan in kawm tawk em em ringawt mai ani...


Chutianga hun ka hman mawp mawpa ka buai viau lai chuan kei ve teh chai hi miin eng eng emaw thilah min sawm ve nawlh nawlh thin, Birthday party, Inneih ceremony etc te anih lemloh chuan ka kal zen zen ngailo, heng 2 hi chu ka la tawn ve tak mial theih thil anih avangin mi ka lawm hram hram thin...Chungbak chekhnawk deuhah chuan ka lang tamlo khawp mai...

Nikhat chu Zothanpuia te fapa kum 1 tlin lawmna birthday ah Min sawm ve avangin phur lemlo tak chuan ka kal ve ta hrama, chumi hma chuan ka tih tur neih thenkhat tiin ka bazar kual te te a...Programme tan hun kha tlai dar 5 daih anih avangin ka hmanhmawh lutuk lemlo....A hmun ka thlen chuan an lo reh deuh thuapa, Function an tan tawh anih ngei ringin inthlanhrung deuh chuan ka lut ta thova, tawngtaina an lo hman avangin ka present ken chu eisiam pakhat ka pe a, an kawtah chuan ka lo nghak ta riha,....An bei rei phian lehnghal....Sawmi pangpar khawi niawm tak te chu ka enkual duk duk a, chutia ka kun duk duk lai chuan Kawngka chu a inhawnga "Hello.....tawngtaina hman lai ania, enge nita?" hmeichhe pakhat aw ka hriat hnu ni ngei mai hian a rawn ti chhuak bawrh bawrh a....amah Judy ani tih ka hre nghal chuvangin ka hnung chhawn lui tlata....an inbia chu ka lo ngaithla ve tawp a....Chu nu chuan enge a rawn tiha, a pasal nen bawk an rawn kal leh em niang....Kei lah Nupui ka la nei ve der silo...luck lo min ti awm mange....?...ka rilru chuan ka ti a...min hmuhloh chuan ka haw ru leh daih law law zawk dawn em niang?.. tihte chu ka rilruah a rawn lut zut zut a..


"Hey, Eka....I va rawn tlai ve?" Zothanpuia aw chuan a rawn ti a, ka phu zuka...ka i her vata..."Nia, ka buai deuh a lawm le...a pawi khawp mai" ka ti ringawta..."Pawi chuang love....rawn lut la....kan ti zo vek tawh e...tawngtaina a awm i hreh vang mai mai tih ka hrethiam a lawm" a ti zui kher a...kan nui dun hawk hawk a...."Rozam i dam maw?" ka hnung lam atang chuan a rawn ti ta nge nge a....Hreptak chuan hepa min rawn hmuh hman vang vek ani...Phurlo deuh chuan ka inhera...Judy diktak nen chuan kan inhmachhawn ta heu maia...


A hmel duhawmna chu a la pangngai renga, mahse a cher deuh tawh zawka, a sam dum deuh hlap nithin kha a sen buang var deuh nuan a...tunlai hmeichhe ho style diktakin,....a nui hmel mawi tak chuan min nuih var var bawka..."Ekhai...nang elaw...i dam maw...ka dam alawm" ka ti vei hluta..."Rawn lut har su aw...Chaw ei an siam tawh a nia" Zothanpuia chuan a ti a....min kalsan zui ta nghal a...."aw ka dam alawm...i va thau ve tawh ve" nui chung chuan min ti a..."nia, ka chawei a tui anih hi" ka ti sapa....a nui hak hak a..."Englo...khawnge...midang...englo in pa?" ka ti a..."Inchhungah nge mawnle a awm le....?" a ti ve mai a..a nui pat pat a....Khami hunlaia kan boruak rip deuh ang kha chu ani ta lo....Nia, an pa pawn min thik tawh bik em lo turah ka ngai....Kum a liam hnem tawh em a..."lut i la chaw ei an siam tawh si chuan" ka ti ta ringawta....Inchhung lamah chuan kan inzui lut ta a..


Mi an lo awm nak nak a, 20 chuang hret kan ni awm e...hmelhrat leh la hriat ngailoh te an ni nawk hlawm a...Judy chu a kal tlanga...Kei chu Sawmi nen kan inbe zui nghal a...an naute Josepha an tive ringawt chu ka chhawn chhaih sak vela...mahse ka mit chuan Judy pasal chu a zawng ru deuha...ka hmu hauhlo...Mahse ka tumloh zawk ka hmuh ta daiha...Mipa pakhat la upa vaklo hmel deuh nen hian an lo ding duna eng emaw sawiin kan awmna lam chu an rawn hawi zauh zauh a....a hnuah an rawn inzui phei ta nge nge a...kan bul an rawn thlen chuan "Rozam hei hi nia kan pa chu.....Johna hei hi Rozama hemite inneia moneitu thiana tang ve chu anih hi....tlalak ah i hmuh tawh kha" a ti a..."ka hmu che chu ka lawm khawp mai...." chupa chuan a tia...a hmel enin a naupan hmel tehlul nen....a fel fak mai thung Judy pasal ni awm reng ani...amah neihtum tupa khan a chang talo ani chek a niang chu....Eng eng emaw sawiin kan phul hluta,...Zothanpuian min sawm avangin An room lamah kan inzui chho ta diala....


An room chhungah chuan Judy pasal nen kan 3 chuan chaw ei huaina kan dawm hova....sawii tur a vang duh hle mai...A naupang bera ngaih Johna chu a tawng siam siam renga, engemaw ti takin nupa niawm takniin an in ang deuhin ka hria....an nui hmelte chu...chutah "Fa in la nei nange?" ka ti dek dek a...nui hak chung chuan "englo.....kan Inneihna ala reilo em a lawm...thla hmasa chauh khan ania" a ti a...zawt fuhlo ka inti kher mai....ka nui tawpa..."anih chu mawle" ka ti leh maia...thil dang swwiin kan phul leh hluta...Sawmi'n min rawn koh tak avangin zanriah kil tur chuan kan kal zui ve ta nghal a....Hun dang chu nise ka phul ve leh hlut maithei mahse ka tum hauhloh hmel ka hmuh avangin ka phurlo nge ka hrelo ka kimki ru tlata, ani pasal neiin a awm tawh a kei nupui neih chu khawiah Nula han hruai tur lam pawh ka hrelo ania....Chaw ei laite chuan ka ngawi reng ringawt maia, ka awm a nuamlo takzet ani..an ni ho lah an nui ho ham ham reng thunga..


Zanriah Eikham hnu ah kan inkawm khawm laih laih a, ka tan awm ve reng a nuam chiahlo bawk nen hawn san mai ka tum rilru deuha....Chutih lai chaun Judy chu ka bulah a rawn thua..,.. "nuamlo i va tih hmel bik ve?" a rawn ti a...ka nuia..."tilo hran love, Duata'n zanriah a la ei si lova ka hawn mai loh chuan ka ti deuha" ka ti ve mai a... "Aw...awmpui i nei tihna em ni?" a ti deuh ha a...apasal lam chu ka vengthawng deuh nen ka melh deuh zauh zauh a..."Nia....awmpui tih lemah ka uipa ania....chaw ka la pe si lova haw mai pawh ka pawi ti vaklo mawle" ka ti a, nui hawk hawk chung chuan "Ui i vulh a maw?....i buai awm sia, chaw a nghei fo lo maw?" a ti a..."Aih nghei fo bik love keimah hian ka nghei tam zawk" ka ti fiamthua..kan nui dun hak hak a...."Nangni 2 chu nuam inva ti hmel ve" Sawmi chuan a rawn ti a..."Nia, Ui kan swwi a nih hi" Judy chuan alo ti awlsam et a..."Engtik nge in rawn chhoh hrim hrim a?" ka ti a.."Kan awm rei tawh, thla 4 kan awmna ani tawh" nui seih chung chuan a ti a...."Eh...Mizoram ah maw...Aizawl ah hian maw?" ka ti he haw a..."nia...Kan pa sawn hna a thawk alawm" a tive maia...ka hrethiam talo tawp mai..."Eh...ani sawn..thla hmasa a innei ang khan a sawi si..?" ka ti hua...an nui dun ta hawk hawk a...."I van chhah tak...a nau a nih saw...Pasal a la nei hleinem" Sawmi chuan a ti ta a...


"Pasal i la neilo maw?"

"aw...neilo.....tinge neise min tih hmel em a...ka uang ta ngawt anih kha" a ti a anui hak hak a...."i va ngeiawm tak..." ka ti ringawta..ka thaw chu a veng deuh hawkin ka hria...."chuan enge hetah in tih, birthday lawm turin in rawn kal vang vang tihna em ni?" ka ti lawi ruta..."Ni love, ka nau saw Doctor ania, Mizoram ah a thawk a, thla 4 chu kan awm ve tawh..." a ti a..a la nui hak hak renga....ka va haw mai mai tak...ka lo awih hman viau a sin ni...."I sual hle mai..." ka ti ringawta...Chutia kan titi lai chuan "Ju...i riak dawnta em ni?" John chuan a rawn ti a..."ka hre nang?" alo ti ringawta..."Riak dawn...naktukah a rawn haw dawn nia...kan rawn thlah mai ang" Sawmi chuan a lo ti vata...."anih chuan ka hmanhmawh tlat ka hawng mai ang" a ti sam eta..."Nangkha...." ka ti hman tepa..ka insum leh hrama....Dawt min hrilh kual vel chu ka haw lek lek zawk..mahse engemaw takin ka thawl hawk thung si...


"Khatia kan Inhmuh a pasal ka nei turah ngaia min biak takah khan ka fiam duh ve ta deuh che a, ka nau kha ka hrilh lawka...kan uang ta anih kha...." nui chung chuan a tia..."I sual hle mai...." ka ti ringawta...Eng eng emaw sawiin kan phul leh hluta....Rei vaklo hnuah hawn ka tum rilru ve ta deuha...."Hawng bik lovang....." an ti tlata...midang haw vek tawh hnuah pwwh minla chelh tlat a.....Kan 2 chauh chuan choka dawhkan kil in kan thu dun tawha...."Dindini em ni kha?...a dam maw?" a rawn ti a...ka hawi chhuak vata..."nia...aw...dam ang chu..." ka ti nuka..."I van chian hmelloh ve?" a ti a..a then saka...ka nui maia..."Nia...kan inbe khat deuha...Nang thik thu chhe deuh kha a dam em?" ka ti ve ngata....za em em chuan a nui zui nghal hawk hawk a..."A hlui e mai a....khatiang sawi suh" a ti a..."Khaia...chutia law...nupa in nih hial ka rin tehlul nen....ava mak ve.." ka ti a..."nia...thil hi a nilo tur chu anilo mai thin anih hi maw" a ti sam eta.. "nilo tur pawh anih chiah lo kha khatih lai kha chuan" ka tia... a nui var vara..."Nia, a ti mah mah ve bawk a lawm" a ti leh maia....Eng eng emaw sawi chuan ka ti ti ve ta renga..


ka haw kawngah te chuan Judy hmel hlim sarh mai leh kawm nuam taka ti ti siam siam te chu ka hmu a, ka kia leh suk thina, ka hmuh tirha ka laih ziate, Pasal nei tawh tura ka ngai ngawt te ka ngaihtuah a ka nui ru tut tuta enge emaw ti tak chuan ka lawm rilru viau...In ka thlen rual rual chuan ka phone chu a rawn ri nghala..number lawng alo ni a...tunang huna call han dawn leh rih chu..tiin ka chhang duh lem lova....mahse a rawn ri nawn leha ka chhang ta nge ngea..

"Aw...keimah" Jude chuan a rawn ti a..."Tunge nangmah chu, ka va hrelo ve?" hrelo der lui ve ngata..."Judy" a rawn ti ta nge nge a..."oh...nih chu enge nita, tanpui theihna che ka nei em?" ka ti a, a nui hak hak a..."Induh hle mai maw?....Naktuk enge i tih ang?" a ti zui zata..."ka buai dan chu a ngai reng mai....enge nita?" ka ti a..."hmuh lawk che ka duha?...i remchan theih chuan" a ti a..."Eng thil ah nge...kan inhmu zo chiah kha ani si a" ka tive deuh ngata...a ruk tak chuan ka phur ru ve hle..."Nia...mahse khatiang neihnuaih karah chuan engmah a sawi theih siloh a.." a ti a..a aw chu a zawi deuh sapa..."Hmmm...Engpawh nise khua var phawt se ka hun tawn dan a zir a ni mai" ka tive deuh ta tlata...."awle...naktukah ka rawn bia ang che" a ti veta nge nge a...


A tuk khua avar chuan ka dan pangngaiin ka buai leh hle phone call chhang hman pawh ka ni meuhlo....Zan lama Judy nen kan inbiakna kha kalo mangnghilh leh tawh bawk si....Chawhnu dar 2 ah ka awl ve tan chauha, badminton khel tura ka insiam mek lai chuan ka phone chu a rawn ti leh ta peka....Judy number ngei kha alo ni a...Ka hmuh rual chuan Zana kan inbiakna kha ka hrechhuak nghal zawka....ka chek tlaka...

"Aw....ka lo hre lova" ka ti nghal tawnga.."vawi 30 chuang ka call i miss a, min rawn call back bawk silo....i van induh tak" a rawn ti nghal bawrh bawrh a.... "nia...ka buai em ani...ka induh vang chu a ni chiah lo" ka ti ban chalha..."Chuan....enge programme chu i neih taka" a rawn ti leha...."ka lo kal dawn nia" ka ti ta nge nge a..."Chuan In awmna lai ka hriat angai bawk" ka tih zawm leh hmuka...."i peih vak loh chuan...." a ti a...a inthlahrun hmel ve reuh hle..."peih e.."" ka tii a...an awmna chu a sawi ta zung zunga...a sawi zawh hnuah chuan "Mahse....Zan ah aw" ka ti a..."i thu thu le..." a ti a...kan inbiakna chu kan ti tawp ta a...


He hmeichhia hi ka tan enge anih a hun ka neih theih ngai hauhloh nei anga ka awm chhan....kei chu min dang nen min chawk kual mai mai anih kha mawle...Kum 3 chhung zet amah pawh hre chang tawh lovin hun ka lo hmang tawha, a rawn lan leh tak avanga min kuai her duai duai chhan hi ka hrethiam chiahlo ani....Vui ru tak siin ka awn duai duai chu anih si hi mawle....Mahni tawka inla pa ve tak ngaihzawngtu pawh hmulo ka ni bik lova, chungte pawh chuan ka hun min pawh pen sak thei khat khawp thin ani a. Mahse he nu erawh hi chuan min pawh pen sak nghal mai thei anih hi.....ka rilru chuan ka ti nuah nuah a...achhan nithei ber a ka ngaih chu.....ka lo la theihnghilh hauhlo anih hi tih chu ani...


Zanriah eikham ah ka thuamhnaw neih nalh ve ber ber nen ka inthuam a, zai rat rat chungin ka insiama....ka mitthla ah Judy nui hmel mawi tak leh a mitmeng dum fiah kak mai leh mi melh na tak mai chu a lang uai uai a...ka then saka....ka lo ngaihven lo theilo alo nih hi...ka ti supa....ka chhuak zui ta nghal a...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)