LOVE HURTS.
Love is like a flame, it burns you when it's hot
Love hurts, Ooo-oo love hurts
- Boudleaux Bryant ( February 13, 1920 – June 25, 1987).....
CHAPTER ONE.
"Mimi hei hi ka u a nih hi, ka Pu Khama kha i hria em? khami fapa kha"
"a ni maw? ka hmuh hnu i ang e?" a nui hawk hawk a, "Midang chu khawiah nge?" Matei ( ka nau) chuan a ti hlut a, "anlo thleng tep tawh ang ,Rd-a an nghak a"Mimii a tih chuan a lo ti vat a, "ninawm nghah ngai ziah mai, Ridikluliana zet hi chu?" Matei chuan ti a an nui dun hawk hawk a, Kei chu Bike ah ngawi rengin ka thu a, an chezai chu ka lo thlir reng thung a.
Ka Ni fanu neihchhun nen hian kum 7 dawnin kan inthlau nangin kan Inkawmngeih vei phian a, ka chawlh hmang Aizawla ka chawlh dek tawh hi chuan kan inzui deuh chawt thin a, B.A zir mek a ni a, thian kawm a thiam in thiantha pawh a nei nual nghe nghe. Tunah pawh a thiante nen '10 SPOT GARDEN' ah Picnic turin kal an tum a, kei ka awmve takah chuan kalpui tura min ngen tlat vangin ka kalpui dawn reng bawk a ni. A thiante ho hi keipawn ka hre ve nual hlawm a, Mahse tuna kan bula awm erawh hi chu ka la hmelhriat ngai hauhlo a, Ka vawikhat hmuhna a ni nangin ka ngainat zawng tak a ni reuh thung.
Mimii chu vun ngo var sar mai, sam sei lutuklo, a dar thleng awrh tur dum hlap aia dumlo deuh, ngil sang mai a ni a, Khabe dawh lek lek mahse duhawm tawk leka dawh an tih ang hi ni berin ka hria. Mitmeng buang lam lek lek meng mawi zet mai a ni reuh a, a ha leh hmui inchawih dan chu sawiin a siak lo zawk.. Mizo nula vangtlang tiat vel ve tho, pian thiam zet mai a ni reuh a, a tawk vel chiah a khal a ni nghe nghe. A tawng duh siam siam hle tih minute 3 vel a bula ka awm chhung lek pawn ka hre nghal, a ti ti pah chuan min rawn en leh zak zak thin a, kei lah Sunglass bunin ka lo thu vung zel si a a hawi san rang thei hle. Minute 5 vel zet kan awm hnuah an thian dangte chu an rawn thleng ta tak tak a, Kan Innghahkhawmna kawn atang chuan phur takin 10 Spot Garden lam pan chuan kan tlan ta dam dam a. Bike 2, Scooty 2 leh Bolero var pakhat lirthei kan inzui a, Keini chu a hmasa berah kan tlan a, Matei ka phur a, kan hnung chiah ah chuan Mimii leh Zopuia bike in an inphur a, kan hnung ah Scooty 2 in mipa leh hmeichhe pair khat ve ve an rawn inzui ve bawk a, Bolero chhung ah chuan Mipa 2 leh Hmeichhe 3 an chuang ve bawk a ni. Kan vaiin Mipa 6 leh hmeichhia 7 kan ni tihna a nih chu. Kan Picnic na tir hmun kan thleng a, Keimahni chauhlo pawh midang an lo awm laih laih tawh hlawm a, Thenkhat chu family anga Picnic te an nih hmel hlawm, Kan awmna tur booked sa 'THE EDEN" an tih lam pan chuan kan bungraw ken nen kan inzawn liam ve par par hlawm a, Lo kalhmasa tawhte chu an bengchheng tawh hlawm hle, Nuam an ti tlang hle tawh hlawm.
'10 Spot Garden' an tih mai hi, Aizawl kawtchhuah lam a awm a ni a , Aizawl atangin KM 20 chuang zeta hla a ni thung. Kawng a nuamin a zau tha em em a, A panna kawng tur ngawr ngawr a siam a nih bawk vangin Main road atang kalpen chinah phei chuan nuam tak a ni ringawt mai a ni. He huan hi Mimal ram a ni a, Picnic spot atan a buatsaih a ni a, a hming an vuah chhan ang ngei hian he Picnic Spot ah hian huan nalh tak tak 10 zet a awm a, Chung huan hrang hrangte chu man chawia picnic theihna tura siam vek an ni. Blossom Garden, Eden Garden, A Cascade ( Tuikhawhthla awmna hmun), The Wood Cabin, The Beach, Ice Age Garden, Water World ( Tui hmanga intih hlimna hrang hrang, tawlpanal etc awmna hmun), Spring Garden leh The Palace tih te an ni hlawm. Heng huan hrang hrangte hi hmun zau hek hawk tak an ni vek a, an hming ang takin an cheibawl vek bawk. He hmuna picnic hi awlai lo tak a ni reng bawk a, Huan in book thuah theihloh hrim hrim a ni, Main Gate ah kan lut a, Parking Zone an siamah motor etc kan dah vek a, Chutah Reception Counter ah kan in Check In leh te te a, chumi hnuah kan huan lo biakfel sa tawh lam pan chuan kan kal ta chauh thin a ni. Reception Counter kal pelh hnu chiah ah Bazarpui an tih mai Dawr lian tak mai an hawng a, Kan mamawh tur ang Khawpui atanga lei lawk ngailo turin an lo kawl deuh vek ta thin a. Zu atanga Sweet hiar thlengin a kim deuh vek ani ber. Naupang tan a nuam a, nula tlangval tan a nuam bawk a, chhungkaw tan a nuam hlei hlei a ni. Kan awmna tur hmun hi Eden Garden a ni a, Thing nalh leh mawi tak tak tawi leih lawih an awm deuh thluah a, phul hmun a nih bakah kawrte tui fim a luang dem dem a, Li thuk leh lian lutuk lemlo, Mi 10 rual zet chen na tham a awm a, chu hmun timawi tur chuan Sazuk nupa, Varak leh Vatawk etc an awm ve bawk. An ngam em em a, Sava dang pawh an tla sap sap bawk a, Ei tur pek phal an nih rualin an tana pawi pek erawh phal an nilo thung. Ei leh in buatsaih duh tan buatsaih theihna tur In liam lutuk lo, Mi 20 vel thut khawm theihna tur dawhkan leh thuthleng an dah a, Choka lian ve tawktak a awm bawk a, Mahni eiin Insiam duh tan a insiam theih a, duhlo tan eisiam rawih tur an nei tel bawk nghe nghe. He hmun hi a tlangpuiin nula tlangval thian ho bikin an hmang nasa bik hle.
Kan Inbuatsaih nak nak a, Thenkhat tui cheng tawk an awm a, țthenkhat sazuk thlalakpui, Varak leh vatawk thau mam nalh zet zet mai chaw lo pe tawk an awm bawk a, Mahni rik rik in kan ri nak nak hlawm a, Kei chu ei siam in ka buai a, Matei thiante mi zinga mi 4 bak chu ka hmelhriat sa tawh vek an nih avangin ka inthlahrung lutuk lemlo.. Ka tel dawn tih an hriatsa avangin Kelsa an order nghe nghe, ka kelsa siam tui an ti tlang hlawm hle a, Chuvang chuan ei siamsak tura an hruai ka ni deuhber zawk. Ka eisiam chu minpui turin ka nau Matei leh a thianpa chu an awm ve bawk a, an niin Chaw an lo chhum thung a, kan buai ve nak nak hle.
" Hey, Nangni 2 kha ei siam turin em ni hetah in kal, an lam an lam tawh che u a nia, Khawi keiman ka lo pui ang?" Mimii chuan nui hak hak pah chuan a thiante chu a rawn fiam a, "keini chhungkua chu hetiang lam hi kan tuina zawng a nia" Matei chuan a lo ti khauh a, "I van zamlo ve chiang tak" Mimi chuan a ti a kan nui hak hak hlawm a. Ka bulah chuan a rawn phei a, " I u chu eisiam a thiam hmel tak tak hle mai...avan rimtui em em" a ti ham ham a, Dawhkan kil chuan a thu ve sauh sauh a, a theih ang ang ti chuan minpui ve ta bawrh bawrh a. Midang chu an awmna hmun theuhah an ri tengtung hlawm a. "Kan bawl zawh hunah ei siam chu midang ka tih tir ve tawh ang" Mimi chuan a ti nang nang a, "oh.. ka bula awm nuam i ti vak nange?" inthiamlo deuh chuan ka lo ti vat a, "aih chutiang lam a nilo, An phakar hlawm em a" nui chung chuan a ti a, Bai tur thlai a buatsaih pah mawlh mawlh bawk a "I rawn tive dek dek a, midang phut nghal ngawt suh, Lalrinsiam i zak lawmni?" Puia Matei thianpa chuan a lo ti hlak a, "awiii Nangkha ngawi hmaks rawh, Ka Thiani hi awmlo se hetah i awmlo tawp ang" a lo ti let ve khauh a... Kan ri ham ham reng a, An ti ti a, an in kap pah reng bawk a, A zualpui kan zawh fel deuh hnuah eisiam vil pah a card den an rawt a, Kan thiante dang pawh an mahni tui tuiin an tui a, khawnge an awm kan hrelo, an reh deuh thap hlawm a... Mimii nen kan tang a, Matei leh Puia an tang a, Kan indawl chuh ta a. Kan fet tlangin ka hlim phian mai, Rs 50 /- kan board a, a chaklo zawk zawk in an chawi zel thin. ka nau chu ti ngai vaklo a ni bawk a, kan man deuh reng nghe nghe ka tanpui chuan nuam a tiin a hlim kher mai, Pawisa chu a keng a ka nau hmai bulah te a va zap thaw vel a, Kan nui tluk tluk hlawm a. Chutia kan lo rik dar dar lai chuan Zova chuan Puia leh Matei chu a rawn ko va, Mimi nen cchauh chuan kan thu dun ta ran a, Tihtur awm tawh heklo ka tho lawka ka bag atang chuan Whisky Bottle pakhat ka va phawrh a, "Hei hi i duh ve nge, Beer i duh zawk" "Aih.. Beer bak ka ti ngailo, Beer chu ka lo dawm ve ang chu" a lo ti vat a, Beer chu ka hawn saka kan 2 chuan kan thiante chetla vel thlir chung chuan kan lem dun ta a.
" I hming pawh ka ka hrelo, engtin nge ka koh dawn che a? inzawt phawng mai ang?"
" Saikapa" " ka awih lo e a" " enge i awihlohna, Saikaplianthanga ka ni maithei a sin" " i nilo chiang lutuk" a nui hawk hawk a, " Tak tak ah Unionthanga ka ni e" ka ti ta nge nge a... " tak tak maw? ava mak teh daih ve mawle, Enge i hming put chhan ni a?" a ti hehaw a, " Engdang lah nilo e, Ka pu hi Union ruh lutuk a ni a, Chumi vanga phuah an ni awm e" ka ti ve mai a, "Mak i va ti awmve?" ka ti a, "aih tilo e, Mahse I inhmehlo tawp" a ti a, a nui sen sen a. "Ka inhmeh ber a lawm le, nang vele" ka ti a, "Oh nia, Zosangzuali ka ni e" ati veta nge nge a "Mimi an ti bawk si che a?" ka ti leh kher a, "Nia.. ka u chiah hi ka pian hlim hian Kum 2 lek a la ni a, ka hming a tel miahlo 'Mimi' tiin min ko tlat a ni awm e, Chuvang mai mai chu mawle, mi hian ka sap hming emaw an ti chawk thin reng a ni." a ti a nui pah var var bawk a, Boruak a nuamin thlifim a thaw heuh cheuh reng bawk a, Tudang kan ngaihsak hlawm em em lem lo. Midangte pawh an rawn inlar ve tan nak nak tawh a, "Hey U Tete leh Lalmimi hi an lo ck chiang khawp"an rawn ti thlazen lehnghal, kan lo 'um e' liam vel mai mai a, Midang an rawn thlen khawm takah chuan Mimi pawh midangte nen an ti ti ho ta rih a. Kei ka eisiam ka peih fel tawh avangin Whisky bottle chu kengin Dil ah inchiah dai turin ka chhuak veta thung a.
Tuiah ka cheng vel chu min rawn fiam zui sap sap hlawm reng bawk a, Bladder pakhat lo awmah chuan ka thu a, Zu no ka dawm pah bawk a, Ka eirawngbawlna lum ti lutuk pawh a zia sawng sawng a, " Hey, Saikap tinge min sawm veloh" Mimi chuan a rawn ti a, ka hnung chhawn lama awm a nih vangin ka hmulo a lo ni a, ka inher a, ka hnung lamah chuan Mimii chu nui var var chung hian a lo ding a, Boxer sahthlau pawdal raih a ha a, Tawnzau vutbuak rawng a ha thung a, a lian lemlo nangin a nalh tawk tiuteu reuh hle, a awm zawna naute chawbawm chu a lian lemlo nangin a nalhtawk chauhin a bial pawng ve thar bawk a. A thuamhnaw inbel leh a vun rawng var paw phak mai chu a inrem thlep thlawp hle baawk. A sam chu a tukhumah a kilh tawm kual vel mai mai a, a hnawk deuh niaih nangin a hmelchu a ti langchiang hle thung. Chutia ka tumloh daih dana ka hmuh takah chuan ka lu a kai ve deuh tawh vang pawh ni chuanglovin a hmelthatna chu ka hmu chhuak thar ta tlat mai le. Ka en danah nuamlo a ti deuh nge nur nang chung hian min en a, " enge khatia min en reng, i mit chawngkawr kha lasawnvat rawh, min ti lai dawn a lawm le" a ti vei khar khar a, "khawi bladder pakhat kha minlo pe teh, khami tello chuan ka hleuh thiam hauhlo a nia" a ti zawm zat a. "Tuichen thiam lo chu a thalo, thih hnuah ruh a mawih duh" ti chungin bladder chu a lamah ka nawr phei sak a, A rawn dai lut a, Baldder nen chuan ka awmna lam pan chuan a rawn hleuh phei a. "Tuichen min zirtir ve teh, ka thiante khian min nuihsawh bik ziah lehnghal" a ti bai bai a, "Nia, kan la inzirtir dawn nia, Tution fee erawh a sang viau thung" tiin ka lo fiam let a, a nui hawk hawk a, "kan pek ve ngei chu a ngai dawn a ni mai a, Tak tak ah ka uang miahlo a nia, ka thiam ve chak tak tak a ni.... awii Roluliana khian thla min rawn lak vel a nih chu" a ti nawk nawk a,A hma ang bawkin a ti ti ka ngaithla leh dawn niin ka hria. "Hawh U Saikap tui chen chu min zirtir teh" a ti ta sek a, Ka zu in chu ka thawkkhat pawp a, "I duh athu a ni mai a lawm" tiin Ka chhuk a, "tikhan motorke kha dawm la, i nawr kal ang a, i ke i chhek dawn nia" tiin a thil dawm chu ka vawn sak a, "awle" a ti awlsam et a, Tichuan kan inzirtir chho tan ta a, Midang chuan min rawn fiam nak nak hlawm a, Engahmah ka ngai duh lemlo, Motorke chu ka nawr sawn tial tial a, a dul nep thep ah ah chuan ka chawi pah bawk a, "tikhan i kut pakhat zawk kha tui chhungah khan hai rawh" ka ti a, a tive zel a, "min thlah suh aw" a ti a, Motor ke chu ka laksak a, a inhai ri barh barh a, a dul a ka dawmna chu ka thlah hret hret bawk a, "I thiante lah chuan min rawn en thap mai si a, ka kut hi an hmu lo ngei ang a, i hleuh thiam tawh tak tak emaw an ti ngei ang" nui chungin ka ti a, a nui hak a, "Hetiang hi a ni mai a, chu zawng chu a ni" tiin ka be sawm zel a, ka kut dawmna chu ka lasawn tih reng a hrelo, a hleuh kual deuh pap pap reng a, a bulah chuan ka zui ve zel bawk a, "I kut i la sawn elaw" tih leh Pil burh a rual nghal a, a thuklo lai kan thleng tawh bawk nen a ding chhuak ta hlawl a, thaw hlawp hlawp chung chuan "i van sual tak min thlah a nih kha, min thlah suh ka tih ka tih kha" nui chung chuan a ti a, a thiante ho chu an lo nui uar uar hlawm a, "Reilote bak ka dawmlo che, nangmahin a lawm i hleuh le, i thiam lutuk tawh" ka ti awlsam et a, " tak tak maw?" a ti hehaw a, "hmmm" ka ti nghut a.. "Kan tileh chhin" tih leh tuia bawh phei chu a rual a, a invai buan buan a, "aaaaa ka hleuh...birh birh" a ti hman chauh a, a pil bawrh a, Kan nui dun ta kiah kiah a.
"Nangni 2 kha in phur haw ve tawh ang che u, Unau inphurh kan awih tawhlo ang" Zova chuan a ti a, min fiam nak nak hlawm a, Enge chu ka hrethiam chiahlo mahse Mimi awmdan chu a danglam deuh tlat nia hriatna ka nei deuh a, Mahse engmah hrelo ang maiin ka awm mai mai thung. Tichuan tumah kalfal bik awm tawhloin Kan inkawm khawm a, Kan ti ti a, athen an zai a, a then an inchei mawlh mawlh bawk a, mipa ho chuan no kan dawm far thung. khua a tlailam tak zel avang leh kan huntiam chhung a zawh tawh dawn avangin Chaw kan ei a, haw turin kan inbuatsaih ta a. An tifiam mai mai emaw ka ti a, Mahse an lo ti mai mailo nasa niin Ka bulah Mimi chu an chuan luih tir ta tlat a, Tichuan kan inzui haw leh ta thliah thliah a. Aizawl kan luh meuh chuan zan dar 8 a ri hnai thuak tawh a, Kan chhuak tlai chu thuhran kan ding ngunin kan chawl zing hle a, Kan Chawlh deuh hlek tawh chuan Tape playin an lam a ni deuh zel thin. Chungah te chuan amah Mimii bawk nuam ti hmel ber a ni leh a, a lam deuh thei ziah a, an nuih tlawr tlawr hlawm a, Ka lo chik ru reng a, Hmeichhe hlim thei tak, mi pawisawi ngailo, Thian ngaina tak niin ka hria, A ruk tak chuan kei ngei pawn ka ngainaru deuh riau tawh a ni. An In kan thleng a "Lo lenglut la, Thingpui ka lum dawn che nia" a ti a, ka hmanhmawh deuh thu in ka hnial a, "anih chuan kan la inkawm leh dawn nia" tiin kan In mangtha ta a. Ka haw kawngah te chuan Mimii hlim sarak vel leh fiamthu thawh vel chu ka mitthlaah a rawn lang nawn zut zut a, Keimah chuan ka kiai suk suk a, Chik taka minlo thlirtu awmse chuan 'hepa hi a kim zanlo em ni dawn le, Bike khalh chungin a khi vur vur mai si a" minti maithei a ni.
In ka thlen chuan Matei chu a lo inbual zo chiah a, Kei pawh engmah sawi lemlo chuan ka mutna room lam ka pan nghal a, Jonathan-a kan nau Kum 12 mi chuan room ah Games a lo khel niap niap a, "Hey, Thianpa i va buai awmve a?" ka ti a, a ngawi reng a, Min ngainat thin tehlul nen diklo a awm em ni aw ka ti a, "i score sang vaklo a ni maw," tiin a bulah ka thu a, ka rin ang ngeiin 5-0 laiin a lo chaklo leh pek a, "hmm khawi kan chhawk ang che, a goal hnem ngawt ang" tiin a pad chu ka laksak a.. Minute 10 a liam leh meuh chuan kan nui dun lehin kan Yes ring leh ta viau a, Ka Inbual hun tur tlai thak khawpin kan inkhel dun ta nge nge a... "Awle tikhan ka inbual san dawn che a nia" tiin ka luhsan ta rih a. Jonathana hian min ngaisang em em a, an in a ka thlen tawh reng rengin ka bulah a awm chawt a, ka bulmah a riak bawk a, nuam a ti thin hle, Keiin ka lo chhawnchhaih peih bawk nen, kan in ngaina dun hle a ni. Ka inbual zo ka chhuak chu Kekawrte nen chauh ka chhuak ngawt pek a, Jonathana chauh awm tura ka ngaih laiin Mimii chu a lo thu ve reng a, "Hey, tinge?" ka ti a, ka towel bah lai chu ka veng nghal sawk sawk a, " Enge, enge chu?" a lo ti awlsam et a, "Enge i rawn tih dawn a?" ka ti kual ta vel mai mai a, " Ka chhungte Dinthar vengah Mitthi in ah an kal vek a, Ka nau nen chiah kan awm dawn si a, Matei min riahpui turin ka rawn sawm mawle" a ti a, Min ngaihsak lo hmel zet chuan Jonathana games khel lai chu a thlirpui dauh dauh a.. Ka inthlak sawk sawk a, an bulah chuan ka va ding hnai ve a, Mimi chuan minlo en kar a, "i sweetshirt hma a inziak chu a nalh reuh kha" minlo ti a, ka in en vat a, a hmaah chuan 'The Union' tih hi awmze nei deuhin a lo inziak a, "enge i sawi awmzia?" ka ti hram a, "aw i hming a tel kha mawle" a ti a, a nui hak hak a... "Mimi kan phei hman tawh e" Matei chuan a rawn tih takah chuan a tho nalh a, " Rawn leng phei ve la, Card den ka lo zirtir ang che" tiin min nawk hraih chuan a kalsawn ta a.
"U Tete, Mimii nen khan In inngaizawng em ni?" Jonnathan chuan a rawn ti khauh a, "Teuhlo, tunge ti?" ka ti vat a, " Ka hrelo, I inbual hlan khan 'I U Tetea khawnge?, Bial nu a nei em?' tihte min zawt sek a, chuvang chu mawle" a ti a, " chutiang inzawh chu in ngaihzawnna chhan tur a ni hleinem" ka ti a, Mahse ka rilru tak chuan ka ngaihzawng neih leh neihloh a hriat duhchhan ka hre lo. "Ka hre biklo, a ngah mai i lo tilo nia" ka ti a, kan nui dun hak hak a, Khumah ka tlu zal a, Ka Phone ka la chhuak a, Ka Bial nu ve deuh, keiin ka ngaihzawn em em lemloh mahse min duh em emtu ni si chu ka be ta a.. Hei hi Mimii nen kan inhmelhriat tanna a ni ta a ni.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
LOVE HURTS BY Tochhong Ruata
CHAPTER TWO
"Tha maw ? enge i tih a?" tih Sms ka dawng hlawl mai a, ka number neih ngailoh a ni si a, ka hrethiamlo lek lek a, Mahse chhan loh ngawt a chi bawk silo, "Ka tha a lawm, ka awm mai mai, Nang zawk?" tiin ka chhang ve hmak a, Hrelo anga awm chuan ka thiante tuemaw ber number ka tihbo palh a ni palh thei a, Chuvangin hresa awm taka chhan mai kha thazawkin ka hria a ni.. "Min hrelo ti raw, ka number pawh i nei lovang" a rawn ti ta daih a, "Nia, ka chiang ngam chiahlo a" ka ti leh mai a, "Mimii ka nia, I ho chho ta daih em ni?" a rawn ti ta nge nge a, "A nih tak chu, aw haw chho lawk, Kar leh ah ka rawn chhuk leh ang" ka ti leh a, Chuta tang chuan kan in text ta zauh zauh reng a, Zan mutdawnah 'Mangtha aw" tih mai mai te kan inthawn a, A chang leh rei ngial kan inbe thin bawk a, Sawithiam chiah siloh chuan engemaw takin ka awm deuh tlat a ni ber. Ka thiannu Mami tan pawh ngaihthat thlak loh khawpin ka phone ah a hming recent list ah a lantam phah reng bawk a. Mahse keimahin engmah a awm loh thu ka hrilh avangin a ngai haw duh em em bik lemlo, Achang leh amah nen te ka inbiak tir thul bawk nen, Mami nula nunze mawi leh dik midangte ringlo ve tawp ngailo tan chuan awih mai pawh chu awm tak a ni ve reng a ni.
"Ka duh aiin Mimii i tih nen hian In inbe nasa mah mah"...
"Ngatimaw?, Ka nau thiannu a ni a, min ngaina ve a, min rawn kawm a ni mai a, a pawi vak dawn em ni?" ka ti ve mai a, "Nia, Mahse engemaw takin ka ringhlel ru riau che u a, min hrethiam dawn nia" inthlahrung tak chuan a ti ve siap siap a, hei bak hi chu a sawi chhuak ngai talo hrim hrim a ni.
Mami nen kan Inkar hi sawithiam chiah loh in ngainatna leh Inngaihzawnna thianghlim tak kan tih ang hi a ni mai awm e. Kum 12 kan nih lai atanga inkawm a, Inzui kan ni daih tawh a, English Medium ah kan zirho a, kan inkawm chho ta a ni ber. A tir takah phei chuan Thian ang bakin kan inkawm ngai lemlo, Mahse Ngaihzawng ka neih ve meuh chuan a la na ngiang mai a, Hemi tum hian ka laka a rilru put hmang a sawi chuuak ta nge nge a, Kei lahin chutiang zawng chuan ka lo la en ve bawk silo a hrehawm duh khawp mai. Mahse ka thiannu rilru tihnat ka duhloh avangin ka ngawih san a, Ngaihzawng dang pawh ka neih chhunzawm lem ta lo. Keimah tihloh chuan kan Inngaizawng emaw an tivek a, a ni pawh hian chutiang chuan a ngai hmin hmak bawk. Ka duhlo miahlo, Mahse ka ngaihzawng en thei rihlo tlat chu ka buaina ber a ni, A ni khawkhat nula fel leh kohhran mi, Chhungkaw dam dap mai atanga rawn chawr chhuak leh kei Sipai Khela satliah, a remchan phawt chuan Zu pawh in ve thei reng, Inkhawm ngai zen zen lo tan chuan han ngaihzawn ngawt a inthlahrun thlak ve hrim hrim bawk. "Nupui tlak a ni, nei ngei ngei rawh, a hmeltha a, lehkha a thiam a, A zaidam leh zel bawk nen hei aia tha hi i hmu tawhlo tawp ang' tiin ka pa in min hrilh hial tawh khawpa ka chhungte pawn an hriatchian a ni ve reng bawk a, kan inzui nasa bawk nen tu valdang mahin an chhai ve ngamlo a ni ber mai. Ka sawi tawh angin min ngaizawng tih chu ka hria, Mahse kei chuan ka ngaina a, ka ngaizawng lemlo thung. Krismas laiin vawi 2 khat vel chu ka f*** ve tawh a, Chubak chu a kut khalh sak niap niap bak thlensan dang ka nei hauhlo bawk.
Ka ni pasal (Matei pa) in tawhsual a tawk palh hlauh mai a, Thi chhawngin Damdawiinah a mu ta reng mai si a, Kei pawh rang takin Aizawl lamah ka phei vat a, Pa Muana hi Police Officer ( MPS) a ni a, An misual umna lamah an Motor a chesual palh hlauh a, Driver leh Constable 1 an boral bakah Pa Muana chu unconcious in a awm ta a ni, Doctorte sawi dan chuan 20% vel dam leh theihna chance a nei a, Dam pawh nise tawng leh chetvel ah ngai a awh thei tawhlo maithei a ni. Ka Ni te nufa 3 chu an tap fap fap reng a, Keiin ka theih ang angin ka chhawmdawl a ngaih vangin Ka Chhutri pawh kan khaw lamah hmang tluan lovin Aizawl lam ka pan phah ta reng a ni.
Damdawiin ah kan awm deuh chawt a, Ka awmve chu Mimi chuan nuam ti hmel hle a, a hman bawk nen kan bulah a tap chawt reng a, Kan zangkhai pui em em bawk nen kan bechhe phallo takzet a ni. Keimah lek phei chuan ka ngaina leh zual a, Kar 2 dawn Damdawiin a kan awm hnuah Pa Muana pawh ziaawm lam a pan hret avangin Damdawiin a awm chawt a ngai ta lemlo bawk a, Kan inkal chhawk mai thin. Hetih hunchhung hian Mimii nen chuan kan inkarah sawithiam siloh induhn a lo piang ve mek bawk a. Mami pawh ka hrechang tawhlo a ni ber mai. Ngaihzawng dang nei ngai heklo, chutiang a Mimii nen kan inchhar takah chuan ka bei nghet angreng viau a, Ka hunawl neih hlekah ka tlawh kur zut tawh a, A dawr nghak ka pui nileng leh thak thin. Zan khat chu kan 2 chiah in Kan room ah kan ti ti dun a, Beer a in a, keiin Whisky ka dawm thung, Kan ti ti phungleng chuan keimahni chanchin kan sawi lut ta a, Kan sawi kan sawi takah chuan Kan Induh tawn thu kan infah ta hmiah mai a, Ka lo kamnam ve tawh bawk nen ka huaisen ve tawh hle.
"Kei chuan ka duh che a lawm"
"Kei pawn ka duh che a lawm, Ka hmuh tirh phat atang che khan ka duh nghal daih tawh che a"
"tak tak maw? ka awih chiahlo"
"Enge i awihloh ve ngawt a?"
"Tuman min duh thu an sawi ka la hre ngai lova, ka ringhlel deuh mawle"
"Mami kha engtin nge ni dawn?" Chu thu chuan min ti Harh deuh hawk a, Mahse ngaihsam chin ka thleng tawh nen "a ho emai, Kan inkarah engmah a awm tak tak lo" ka liam puat a, Hnai set sawt ah kan in en a, Kan in hnaih tual tual a, Mami bak la dut ngailo chuan Aizawl nula mawng zang leh hlim thei tak, Hmeltha bawk si han dut chu ka khawr deuh riau in ka hria. Kan duhthaw in kan awm hle hle hauhlo, Chu zan boruak chu engmah venthawn nei hauh silo chuan kan hmang dun ta a.
"Ka ngai lutuk che" " Min va be duhlo" "Min ngai velo em ni?" etc min rawn thawn chamchi reng a, Kei pawhin ka rilru tak tak ka pe tawh, Mami bulah sawi mai a tha ang nge? sawi kher a thalo zawk ang tih ka ngaihtuah fo thin, ani lahin kan damlohna chanchin min rawn zawt deuh fo mai si a, rilru ah inthiamlohna a awm ve lek lek thin. Mahse, Mami nen hian engtiang chiah nge kan inkar boruak hi a nih ka sawi thiam tlat silo. Mami hnen atangin min ngaih thute, Ka chawlh hman a zawh Hma ngei a in hmuh leh a chak thute min rawn hrilh ve fo bawk a, Kei lah hun neiloh chhuanlam in ka haw duh bik der tawh silo, Mimii nen Lenlai kan chen dun a, Chhumlo chat lovin kan inzui a ni ber mai.
Ka chhuk thlak hun a thleng ve leh ta reng mai, Nikhat chiah Mizoram ah awmna hun ka nei tawh, Nidang anglo takin Chhuk leh chu thih hreh takin ka hreh tawh a, Kei aiin Mimii chuan a lo la huphur zawk emaw tih tur a ni, Hemi ni hian Nilengin Kan chhuak dun a, Kan inkai deuh ral reng a, Ka chhuk thlak hun a huphurh zia thu a khat tawkin min hrilh leh zauh thin bawk a, Nilenga hun kan hmandun chu a duhthusam a nih thute min hrilh pah reng bawk a, Kei lahin hnem dan tur hre heklo ka sawi liam pui bel mai mai bawk... A thiante in ah te kan leng a, Midang hmuh nuamlo khawpin kan inhnim hnai thin bawk a, A dik tak chuan kan hun neih reilote chu kan hmang dun am em em a ni ber mai. Tlai Dar 5 dawn ah In ka thleng ve chauh a, Nilenga inzui mah ni ila, kan inngai leh hman der tawh " Ka thleng chiah e" tih sms ka thawn a, rang tawkkin a rawn chhang nghal zat a, "I rawn kal har lutuk ange aw?, rawn phei vat rawh" tiin min rawn chhang a. Zanriah kan kil a, Ka chhuk hun a ta bawk nen Pa Muana thlawh zawk ka duh bawk a, Ka Insiama Ka chhuak zui leh ta nghal a. An Zanriah tur ka ken sak avangin hmanhmawh taka kal a tul hrim hrim bawk a ni,... Damdawiin ka thleng a, Pa Muana Cabin lam chh ka pan nghal vat a, Cabin ka thleng a, kawngka hawn tum a ka ban chiah tihah Kawngka chu a rawn inhawng a, Hmun leh hmuna Mami nen Kan Inhmu ta hlawl mai a. " Ehe... hetah nang, Engtin nge i awm...Engtikah nge i rawn kal" ka ti bah nuaih a, Za vaklo a nui chung chuan "Nizan khan Ka Pu pumna kan rawn kalpui a, Hei kan zia deuh tawh e, Inbuai hmel si a, tiin ka rawn tlawh lawk che u a nih hi" a ti a, a hmelah chuan dik zanlo chu a awm niin ka hria.."Tunah khawiah nge i kal dawn?" ka ti hu a, "aw ka pu cabinah mawle enge?" a ti chhum ta hmak a, "eng nilove minlo nghak rawh ka rawn kal ve ang" ka ti a, a hmel hlim zanlo chu ka hai der lui tlat a, "Ngaihtuah awm kan awm love, In buai zawk si a, lokal duhlo mai rawh" a ti a, min kalsan ta daih a, "Mami kha a lungawi zanlo a nih hmel, Tukin a rawn kal leh zanin a rawn kal chu a inanglo tlat, Enge i rawn ken a, Ka ril pawh a tam em em love" ka ni chuan a lo ti bawrh bawrh a, "Ka hre biklo, a pu a zual deuh a nilo maw?" kati ve ngawt a, Ka ngaih chu a tha zan lemlo... "Ka va en ve lawk ang e?" tih leh chhuah ka rual zui nghal a, An Cabin ber ka hre der silo Reception counter ah list ka va en a, Cabin 12-na Third floor ah a lo ni a, Rang takin Inkhai chhohna ah chuan lutin Ka inkhaichho ta nghal a.
"Engmah min hrilh lova, i ho khawp mai" tiin ka vui thu ka hrilh a, a ngawi reng a, a pu muhil lai kut chuar tawh chu a hmet niap niap a. "I pu chu enge a an hrim hrim a, nangmah chauh em ni awmpui che a?" ka ti leh a, a la ngawi reng tho a, ka hrethiam ta hauhlo mai, a bulah chuan ngawi rengin ka thu ve ta reng a... Minute 10 dawn kan ngawi tawh tih ah ka phone a rawn ri a, Mimii a lo ni a, "Hello, i lo kal tawh em?" "Kal chiah lo, Damdawiin ah ka awm" " engmaw, nangmah maw?" " ni love, Mami pu an rawn phur phei a, ka awmpui lawk" " Tu Mami maw?" " Awwm Mami, keima Mami kha mawle" " eeee... ka hrethiam e, lo phei duhlo mai rawh, keipawh ka leng chhuak dawn e" tih leh phone dah a rual nghal hmak a, "Hello," a tut tut chiah ka hre tawh a "Kal rawh keini chu ngaihtuah awm kan awmlo, Hei Nachhawkna in an jection a, a muhil rih mai mai anih hi" Mami chuan a ti nghat a, "Aaa englo, nia.. Ka rinaiin in tha, Phone kan hmang leh lawk aw?" tih leh veranda a chhuah ka rual nghal a. Mimii chu biak tumin ka call leh nghal zat a, a ring zo thak thak zel a, Vawi 10 dawn ka call pawn a la thei tawh chuanglo, ka thin a rim lek lek tawh, A tawpnan ka call leh ang a, a la duhlo a nih chuan keimah ka kal mai ang ka ti rilru a, ka call leha a chhang veta nge nge a..
"Enge?" " I lungawilo hmel lutuk a, ka rei dawn hleinem, ka rawn phei vat dawn a lawm....tut tut tut tut....Hello, Hello" a dah nge signal a tawp ka chiang ngamlo, ka call nawn leh ngat a, a hmet busy ta hmak a, ka call nawn leh pawn a hmet busy zel a, a tawpah phei chuan "Switchoff" a inti ta daih a, ka thinrim lutuk chu ka puak dur tep a ni.
"a lungawi vaklo a ni maw?" Ka hnung lam atang chuan Mami chuan a rawn ti a, Ka lehhawi a, ka nui a "A ho lutuk" chu ka ti liam ve mai a, Mahse ka thinrim rilru takzet a ni... "Englo, Keini chu ngaihtuah a ngailo, Vawiin chhuna i zui kha em ni? " a ti ta hlawl mai a, Ka phawk hru a, "Eng...ka va hrelo" tiin dawt a phat ka tum deuh zuau a, "Ka hmu vek che u a lawm, Ka Thian nu dawrah pawisa dahin ka rawn kal zawk a, chutah chuan ka hmu che u a" a ti siap siap a, a hmel a ngui ruai a, a tap lo chauh ni maiin ka hria, "oh nia.. min bazarpui rawh a ti a, ka bazarpui lawk a nih kha mawle, A hrim hrimin nangpawn in rawn kal tur thu min hrilh turche a nia, ka lo hrelo a ka thiamloh pawh ani" ka ti deuh duah a, "A ni maw? i hrelo tak tak maw? k sms kha i rawn chhan let si?" a ti a, Ka phone ka phawrh vat a, Inbox ka checked dawn a a lo ruak vek a, "i hai a nilo maw?" ka ti leh hram a, "Hai love hei en la" tiin a phone chu min en tir ta a....An rawn chhuk dawn zan khan min rawn text a, Keipawn ka lo hmuak tur angin ka chhang ngei mai si a, Ka hrethiamlo takzet a ni... "englo, ka kai deuh a, ka lo hrelo a nih dawn hi" ka ti vel ta mai mai a.
"I tan chuan a tha a lawm, Khawpui nula an ni a, keini ang tan chuan han cho phak rual an nilo" a ti a, cabin ah chuan a lut nghal a, "Mami, englo" tiin a bulah chuan ka thu a, a hma ang bawkin a pu kut zur tawh tak chu a khal leh niap niap a,.. Inthiamlo deuh chung chuan " Mami, min hrethiam dawn nia, Kei chuan ngaihzawng ang chuan ka en theilo che tih i hria a, Mahse ka ngaina che tih pawh i hria, Keini chu ngaihzawng ai pawh a nghet inthlunzawmna kan nei a chu chu kan thian nihna hi a ni" ka ti dap dap a, a awm ngai rengin a awm a, "Mimi hian min duhin min beisei nasa em em a, Nang nena kan inkar engkim ka hrilh vek bawk a, i tan hnawksaknih a duh bik miahlo, Mahse keima nawrluihna vang zawkin tun hi thleng kan nita reng a ni, Min hrethiam dawn nia" ka tih zawm leh a.... "Nia... ehem ( a aw hnawk tiak chu a thian kharh a) ka hrethiam a lawm chuvang chuan kal rawh kati reng che a lawm" a ti a, "Ka ring em em che a, i thusawi engkim ka awih a, Mahse Aizawl ka rawn thlen takah chuan Ka rinna che kha dawt mai a lo ni tih ka hrechiah a. Mahse, keiin ka lo dan beh ve ngawtna tur che ka hrelo a, Keiin thinlung tak takin ka ngaina che a,Mahse nang chuan min ngaina thei bawk silo nen, kei min kalsan theihna remchang a ni bawk a, ka hrethiam lutuk che a nia" a ti a, a thutna atang chuan Inthiarna room ah a lut ta daih a.
Awmdan tur ka hrelo ka kal ngei ngai ka tibawk si, ka kal chuan ka thiannu rilru ka tihnat ka hlau bawk si, Ngawi reng chuan thutna awm ah chuan ka thu a, Ka rilru a insual nak nak mai bawk a, Minute 10 emaw hnuah pawh Mami chu a la rawn chhuak lo cheu a, Inthiarna kawngka bulah chuan ka ding a, "Mam, min ngaidam dawn nia, Zanin bak hun ka nei silova, ka kal phawt mai ang, Ka rawn tlawh hawng leh dawn che u a nia" ka ti ta a. Kawngka lam ka pan mek lai chuan Inthiarna kawngka chu a inhawng ri rak a, "Kallo mai rawh, min awmpui zawk mai rawh" a rawn ti thawp ta sap a. Ka ding chawt a, ka inher a "Ka rei lovang, ka rawn kir leh vat ang" ka ti lui ngat a, a hmelah chuan beidawnna leh hrehawm tihn hmel ka hmuin ka hria, Ka khawngaih lutuk, mahse Mimii hnena kal ngei ka duh si, "Min kalsan chuan i rawn kir leh tawhlo ang, rawn kir leh pawh nila, awmzia a awm tawh dawn chuanglo" a ti a, min en kal a, a khap fak fak a, " Ka reilo ang, ka kal chhungin engmah boruak dang a awm hman bik nang" ka ti a, ka phone a rawn ri a Mimii a lo ni a, Mami chuan min rawn hnaih hret a, Ka phone chu ka pickup a, "Aw...ka rawn kal e" tiin ka chhang a, ka chhuak zui ta nghal a.
Mimii te in ka va thlen chuan a lo reh thap a, Kawngka chu ka kick karh karh a, Mimiin kawngka a rawn hawng a, Inchhung ka luh chuan Ka hriat ngailoh pakhat hi a lo thu ve ran a, Ka lai lek lek zawk. "I van rei ve" zawi sap chuan a ti a, "Nia, Putara a tha vak lova" ka ti ve mai a. "Hei hi ka hnathawhpui R.K-a a nih hi, R.K hei hi ka thiannu Matei u a nih hi" a ti a, kan inchibai a, Chupa chezia chu ka ei zawng a ni lemlo, Mahse nelawm taka awm ka tum hram hram thung. "khawnge midang?" " an chhuak vek a, Ka nu leh pa chu Kawmthlangte in ah khuan an leng, an pu a boral a, vawiin khan an rawn haw a, an zuk leng lawk a nih kha..Kima leh Duati te hi Ka nutei te inah an kal a" a ti nghal zung zung a,. Sawitur a vang tawh viau ka bulah chuan a rawn thu a, Tv remote a keng a, a ti ti siam siam reng a, An hnathawh chungchangte an sawi dun a, an nui hak hak reng a, kei sawitur nei velo chu ka ngawi reng thung "I mood a off deuh em ni? enge Mami pu chu a an a, i rawn kal pawh ka ringlo a" mei nei deuh chuan Mimii chuan a ti a, "aa... a tha e, natchhawkna in an chiu a, tunah chuan a muhil rih" ka ti ve mai a, "I awmpui turah ka ngai mawle, a mamawh viau awm che si a" nui duh miahlo chuan a ti hul leh hak a, ka ngawi reng a. Nia, anihna takah chuan ka rilru a nuam theilo, Ka kaldawna Mami hmel kha ka mitthlaah a cham reng a, Nuam ka ti chiahlo a ni. Kum 20 chuang kan inzui tawh a, Ka lakah a lungawilo ngailo a, kei pawn tih thinrim ka duh ngai heklo, kan inhrethiam tawn em em thin a, khatiang ang hmel kha min hmuh ka la hre ngailo hrim hrim bawk a, ngaih a tha zanlo a ni. Minute 20 vel kan thut ho hnuah Kima leh Duati ( Mimii naute) chu an rawn haw a, Ka bulah chuan Duati chu a thu vei talh talh a, "U Te, naktuk ah maw i chhuk dawn, i rawn haw leh hunah Berbie chu min rawn hawn tawh ngei ngei ang che aw" a ti a, Kan nui hak hak a, "Ka hawn a hun ta, ka kal mai ang, naktukah rawn tlai lo la," tiin Rka chu a ding hluai a, "ala hma a lawm" mawihnaiah mimii chuan a tive nangin a kallui ta tho a, Mimii chuan pawn ah a va thlah a, A rawn lut leh mai dawn emaw ka ti a, Mahse a rawn lut leh mai biklo., Minute 10 dawn hnuah a rawn zai lut rat rat a, "A ninawm Lal Rka hi chu a tlak duah zel a, Duati mu tawh ula, mut a hun tawh" a rawn ti nghal zung zung a, an ni 2 pawh thuawih deuhin mu turin an kal ve nghal mai bawk a.
A nu leh pa an rawn haw a, An mu nghal mai bawk a, hun kan nei thawl hek hek bawk a, kan duham dun khawp mai, "Chhuk lo maila han ti dawn i la, i hnathawhna a ni bawk si, ka huphurh e" a ti sar sar a, "Kei hian a nia peihlo, ka chhuk hrehber tum a ni hial ang chu" ka ti a, "Mami chu i khawngaih lo em ni, a zialo e, helam te chu rawn kal har deuh mahla a pawiloh nen" ka kawr kilh sik nep nep pah chuan a ti a, "Nia, Mahse tih theih ka nei vak lo, Putara pawh venthawn ngai em em annilo bawk nen" ka ti a, Ka phone a rawn ri a, Mami a lo ni a "khawi keiman ka lo bia ang, ninawm a rawn call ve ziah che" ttih leh pawhthlak a rual nghal a, A silent a, a kawr awmchhungah a thun ta daih a, "Kalrawh ka roomah awm daih ang" tiin min pawt a, a room lam pan chuan fimkhur deuhin kan kal ta tham tham a. An in hi kawngpui atanga step a chhuk ngai a ni a, Motor parking pawh kawngpuii ah daih a nih nghe nghe, Inchhawng 2 a ni aț Ground floor chu choka, common room leh a nu leh pa room atan an hmang a, Inchung lamah chuan An unau ho room a awm thung. Mimii room chu zau hekhawk tak mai, fel thlap mai a ni a, Thuamhnaw inkhai emaw, Pheikhawk emaw let remrum hmuh tur a awm lo, Khum leh Dawhkante 1 bakah chair virthei a lo awm a, Dressimg table a ni leh tawp mai. "A nuam hle mai" ka ti a, Kawngka chu chhunglamah a kalh khap a, "Mu ang, zanin bak hun kan nei silo, khawvar hmain i haw mai dawn nia" a ti a, Khumah chuan min pawt mu ta rawk rawk a, Ka pheikhawk ka hlip a, Thuamhnaw dang nen tichuan chu zan chu am takin kan hmang tlaivar ta thak a.
Zing hma tawkah ka hawng a, Matei te unau an la tho lo lehnghal thawm dim tawkin ka lut a, Ka room ah ka lum lut a ni deuh ber mai. Ka chau deuh bawk nen ka muhil leh rih a, Ka room kawngka kik thawmin min kaitho a, "U Tete,tho tawh rawh I tlai mai dawn" Matei chuan a rawn ti a, Ka sana ka en vat a, Dar 9 a lo hnai thuak tawh a. Ka insiam sawk sawk a, Zing chaw ei turin ka chhuak nghal a, Matei pawh collage kal turin a lo imbuatsaih ve mek bawk a, "U Tete nizan i van leng rei awm em em ve, U Mami bulah i awm turah ka ngai a, i awm bawk silo, khawnge i len a?" minlo ti a, "Ka thiante nen kan inhmu a, kan tui ta deuh a lawmle" tiin chaw ka inkhawrh mawlh mawlh a, "U Mamin tukin khan min rawn phone a, a be thei silo che a, Nizan dar 11 khan a pu a boral a, Nizan la la khan an phur phei nghal a nih chu"a ti ta mai... "Engmaw...a boral a, Nizan ka kalsan hlim khan a na vak pawn ka hre silo, avan zialo ve" ka ti a, Ka phone ka dap ruai a, room ah ka kalsan tih ka hrechhuak a, "Kei pawn vawi 10 vel rawn biak che ka tuma I chhang thei lo a nih kha, U Mami sawidan chuan a thih hlimah pawh biak a tum a, Sms a thawn bawk che a, an chhuah dawnah a phone leh che a, i chhanglo vek a ni awm e, Khawiah tak leng ang che maw?" a ti a, Ka inthiamlo lutuk chu ka chaw ei chakna pawh areh vek, Chaw ka khawrh sa chu ka dah lut leh a, room ah kalin ka phone ka en vat a. Ka rin ang ngeiin Missed call leh Sms ka dawn chu notification ah a lo lang thut a, Ka hawng nghal zung zung a, Mami'n vawi 12 min rawn call a tumna leh a sms 3 min rawn thawnna te a ni a, a bak midang number pawh a awm nual nghe nghe...
Mami chu ka call nghal a, a ring tluk tluk a, a la thei lo zel a, vawi engemaw zat ka call pawn a lak theih loh avangin ka beidawng hle, chutah Min thlah tu tur taxi a rawn thleng zui lehnghal a, "I la hmanlo em ni? kan tlai a nge 11:30 a nih kha" Mimii aw chuan a rawn ti lang lang a, Ka airbag ka khai nawlh a "ka hman tawh e" tiin ka inkhai chhuak ta a. Airport kan panna kawngah te chuan ka rilru a nuam thei reng renglo, Mami'n 'min awmpui rawh' a ti mawlh mawlh a, ka kalsan lui kha a ni a, a pu chanchin kha ka zawt lo a, liam mai tur hmuh in ka hmulo bawk a ni.... "I mood a fuh vak nange?" "Nia, Mami pu kha nizan khan a boral a, Min rawn hrilh a tum kha kan chhang talo a ni a, zialo tak tak a ni" ka ti lawi rut a, "anih vel ka ring reng a, A zialo hle mai, ka thiamloh a nih chu" mei nei deuh chuan a ti a, Tukverh lam a hawi deuh hmak a "nilo, i thiamloh pawh a nilo, keima thiamloh zawk a lawm, ka ngaihven tawklo ve bawk a lawm le" ka ti a, kan ngawi dun vang vang a, " Engpawh nise kei pawn ka hriat velah ka phone nghal a, Mahse min chhang thei bik lova, ka thiamloh em em pawh a ni tawhlo" ka ti leh chuar chuar a.. "Ninawm, thudang sawi ang, lunglen mood off tawhsa naklai a" Mimii chuan alo tihlak a. Ka ngawi hmak a, engmah ka sawi zawm ta bik lova. Thlawhna thlawk chhuak turah ka thu vang tawh a, Mimii te nen kan in vai lauh lauh bawk a, Ka phone Sms ka dawn te ka en a, Mami SMS 3 a lo awm a...
"Ka pu chu ka chelh zo talo, ka be tlang thei silo che a, Ka kiangah awm nila ka tuar thiam deuh mahna"
"I phone i la thei silova, Kan khuaah kan phur chho ta e.."
"Ka thinlung hi a kehsawm vek a, Khawvela ka ngainat em em mi 2 a rualin ka chan che u ni maiin ka hria.... mangtha le" tih a lo ni a, Ka chhiar zawng pawn ka indem ngawih ngawih a, Mami ka thiannu min mamawh em em tu ka awmpui hmanlo chu ka inthiamlo takzet a ni. Ka awm a nuam theilo, Chhuk loh tawp mai ka chak rum rum a, Mahse ka hna ka chan phah dawn si, "Mami min ngaidam dawn nia, I tan thlamuanna ka ni zolo chu pawi ka ti lutuk, I tawrhna ka tawmpui che a, Ka rilruah i awm reng a nia,... Kan thlawk chhuak chiah e... Ka thlen hunah ka rawn be dawn che nia" tiin SMS ka thawn let a.. Thlawhna a thlawhchhuah luah luah laite chuan ka suangtuahna Khawvelah Mami nen kan inthen ta vang vang ni maiin ka inhria.. Ka rum hak a, Ka bula thu Hmeichhe tleirawlte chuan min rawn en vat a....Ka inthiamlo deuh chuan ka nuih var var a.
Ka Station Delhi ka thleng tawh a, Jioning Report ka pek zawh hnuah Barrick ah ka thu a, Mimii nen kan inbia a, a khawhar ziate, Nileng a a tah thute min hrilh a, Keipawn ka ngai thute ka hrilh luam a, Reitawk kan inbiak hnuah kan titawp a.. Mami missed call a lo awm hman a, Ka call back vat a..
"Hello," "aw ka hria e"
"Mam, pawi ka ti lutuk, min hrethiam dawn nia"
"Engmaw ka hriatthiamna tur che awm a?"
"I pu boral laiin i kiangah ka awm thei silo kha mawle"
"A ho lutuk...."a ngawi vang vang a, a tap niin ka hria...
"I duhber bulah i awm a liamah i hlimna kha a tha ber a lawm" a rawn ti tham tiak a, "Englo, i phone call ka chhang theilo lehzel kha pawi ka ti takzet bawk a ni" ka ti a... a reh vang vang a... "Hello, Mami .. hello..." a la reh vung vung a.... A tap thawm niawm tak chu ka hria, mahse min chhang bawk silo.. "Mam, ka tawng i hria em?"... " aw hria e.. duhtawk rih phawt mai ang" tiin a dah ta daih a. ka call nawn chiam pawn a la duh talo hrim hrim a.. Chubak chu Mami nen kan inbe leh ta ngailo hrim hrim a ni.
"Tha maw ? enge i tih a?" tih Sms ka dawng hlawl mai a, ka number neih ngailoh a ni si a, ka hrethiamlo lek lek a, Mahse chhan loh ngawt a chi bawk silo, "Ka tha a lawm, ka awm mai mai, Nang zawk?" tiin ka chhang ve hmak a, Hrelo anga awm chuan ka thiante tuemaw ber number ka tihbo palh a ni palh thei a, Chuvangin hresa awm taka chhan mai kha thazawkin ka hria a ni.. "Min hrelo ti raw, ka number pawh i nei lovang" a rawn ti ta daih a, "Nia, ka chiang ngam chiahlo a" ka ti leh mai a, "Mimii ka nia, I ho chho ta daih em ni?" a rawn ti ta nge nge a, "A nih tak chu, aw haw chho lawk, Kar leh ah ka rawn chhuk leh ang" ka ti leh a, Chuta tang chuan kan in text ta zauh zauh reng a, Zan mutdawnah 'Mangtha aw" tih mai mai te kan inthawn a, A chang leh rei ngial kan inbe thin bawk a, Sawithiam chiah siloh chuan engemaw takin ka awm deuh tlat a ni ber. Ka thiannu Mami tan pawh ngaihthat thlak loh khawpin ka phone ah a hming recent list ah a lantam phah reng bawk a. Mahse keimahin engmah a awm loh thu ka hrilh avangin a ngai haw duh em em bik lemlo, Achang leh amah nen te ka inbiak tir thul bawk nen, Mami nula nunze mawi leh dik midangte ringlo ve tawp ngailo tan chuan awih mai pawh chu awm tak a ni ve reng a ni.
"Ka duh aiin Mimii i tih nen hian In inbe nasa mah mah"...
"Ngatimaw?, Ka nau thiannu a ni a, min ngaina ve a, min rawn kawm a ni mai a, a pawi vak dawn em ni?" ka ti ve mai a, "Nia, Mahse engemaw takin ka ringhlel ru riau che u a, min hrethiam dawn nia" inthlahrung tak chuan a ti ve siap siap a, hei bak hi chu a sawi chhuak ngai talo hrim hrim a ni.
Mami nen kan Inkar hi sawithiam chiah loh in ngainatna leh Inngaihzawnna thianghlim tak kan tih ang hi a ni mai awm e. Kum 12 kan nih lai atanga inkawm a, Inzui kan ni daih tawh a, English Medium ah kan zirho a, kan inkawm chho ta a ni ber. A tir takah phei chuan Thian ang bakin kan inkawm ngai lemlo, Mahse Ngaihzawng ka neih ve meuh chuan a la na ngiang mai a, Hemi tum hian ka laka a rilru put hmang a sawi chuuak ta nge nge a, Kei lahin chutiang zawng chuan ka lo la en ve bawk silo a hrehawm duh khawp mai. Mahse ka thiannu rilru tihnat ka duhloh avangin ka ngawih san a, Ngaihzawng dang pawh ka neih chhunzawm lem ta lo. Keimah tihloh chuan kan Inngaizawng emaw an tivek a, a ni pawh hian chutiang chuan a ngai hmin hmak bawk. Ka duhlo miahlo, Mahse ka ngaihzawng en thei rihlo tlat chu ka buaina ber a ni, A ni khawkhat nula fel leh kohhran mi, Chhungkaw dam dap mai atanga rawn chawr chhuak leh kei Sipai Khela satliah, a remchan phawt chuan Zu pawh in ve thei reng, Inkhawm ngai zen zen lo tan chuan han ngaihzawn ngawt a inthlahrun thlak ve hrim hrim bawk. "Nupui tlak a ni, nei ngei ngei rawh, a hmeltha a, lehkha a thiam a, A zaidam leh zel bawk nen hei aia tha hi i hmu tawhlo tawp ang' tiin ka pa in min hrilh hial tawh khawpa ka chhungte pawn an hriatchian a ni ve reng bawk a, kan inzui nasa bawk nen tu valdang mahin an chhai ve ngamlo a ni ber mai. Ka sawi tawh angin min ngaizawng tih chu ka hria, Mahse kei chuan ka ngaina a, ka ngaizawng lemlo thung. Krismas laiin vawi 2 khat vel chu ka f*** ve tawh a, Chubak chu a kut khalh sak niap niap bak thlensan dang ka nei hauhlo bawk.
Ka ni pasal (Matei pa) in tawhsual a tawk palh hlauh mai a, Thi chhawngin Damdawiinah a mu ta reng mai si a, Kei pawh rang takin Aizawl lamah ka phei vat a, Pa Muana hi Police Officer ( MPS) a ni a, An misual umna lamah an Motor a chesual palh hlauh a, Driver leh Constable 1 an boral bakah Pa Muana chu unconcious in a awm ta a ni, Doctorte sawi dan chuan 20% vel dam leh theihna chance a nei a, Dam pawh nise tawng leh chetvel ah ngai a awh thei tawhlo maithei a ni. Ka Ni te nufa 3 chu an tap fap fap reng a, Keiin ka theih ang angin ka chhawmdawl a ngaih vangin Ka Chhutri pawh kan khaw lamah hmang tluan lovin Aizawl lam ka pan phah ta reng a ni.
Damdawiin ah kan awm deuh chawt a, Ka awmve chu Mimi chuan nuam ti hmel hle a, a hman bawk nen kan bulah a tap chawt reng a, Kan zangkhai pui em em bawk nen kan bechhe phallo takzet a ni. Keimah lek phei chuan ka ngaina leh zual a, Kar 2 dawn Damdawiin a kan awm hnuah Pa Muana pawh ziaawm lam a pan hret avangin Damdawiin a awm chawt a ngai ta lemlo bawk a, Kan inkal chhawk mai thin. Hetih hunchhung hian Mimii nen chuan kan inkarah sawithiam siloh induhn a lo piang ve mek bawk a. Mami pawh ka hrechang tawhlo a ni ber mai. Ngaihzawng dang nei ngai heklo, chutiang a Mimii nen kan inchhar takah chuan ka bei nghet angreng viau a, Ka hunawl neih hlekah ka tlawh kur zut tawh a, A dawr nghak ka pui nileng leh thak thin. Zan khat chu kan 2 chiah in Kan room ah kan ti ti dun a, Beer a in a, keiin Whisky ka dawm thung, Kan ti ti phungleng chuan keimahni chanchin kan sawi lut ta a, Kan sawi kan sawi takah chuan Kan Induh tawn thu kan infah ta hmiah mai a, Ka lo kamnam ve tawh bawk nen ka huaisen ve tawh hle.
"Kei chuan ka duh che a lawm"
"Kei pawn ka duh che a lawm, Ka hmuh tirh phat atang che khan ka duh nghal daih tawh che a"
"tak tak maw? ka awih chiahlo"
"Enge i awihloh ve ngawt a?"
"Tuman min duh thu an sawi ka la hre ngai lova, ka ringhlel deuh mawle"
"Mami kha engtin nge ni dawn?" Chu thu chuan min ti Harh deuh hawk a, Mahse ngaihsam chin ka thleng tawh nen "a ho emai, Kan inkarah engmah a awm tak tak lo" ka liam puat a, Hnai set sawt ah kan in en a, Kan in hnaih tual tual a, Mami bak la dut ngailo chuan Aizawl nula mawng zang leh hlim thei tak, Hmeltha bawk si han dut chu ka khawr deuh riau in ka hria. Kan duhthaw in kan awm hle hle hauhlo, Chu zan boruak chu engmah venthawn nei hauh silo chuan kan hmang dun ta a.
"Ka ngai lutuk che" " Min va be duhlo" "Min ngai velo em ni?" etc min rawn thawn chamchi reng a, Kei pawhin ka rilru tak tak ka pe tawh, Mami bulah sawi mai a tha ang nge? sawi kher a thalo zawk ang tih ka ngaihtuah fo thin, ani lahin kan damlohna chanchin min rawn zawt deuh fo mai si a, rilru ah inthiamlohna a awm ve lek lek thin. Mahse, Mami nen hian engtiang chiah nge kan inkar boruak hi a nih ka sawi thiam tlat silo. Mami hnen atangin min ngaih thute, Ka chawlh hman a zawh Hma ngei a in hmuh leh a chak thute min rawn hrilh ve fo bawk a, Kei lah hun neiloh chhuanlam in ka haw duh bik der tawh silo, Mimii nen Lenlai kan chen dun a, Chhumlo chat lovin kan inzui a ni ber mai.
Ka chhuk thlak hun a thleng ve leh ta reng mai, Nikhat chiah Mizoram ah awmna hun ka nei tawh, Nidang anglo takin Chhuk leh chu thih hreh takin ka hreh tawh a, Kei aiin Mimii chuan a lo la huphur zawk emaw tih tur a ni, Hemi ni hian Nilengin Kan chhuak dun a, Kan inkai deuh ral reng a, Ka chhuk thlak hun a huphurh zia thu a khat tawkin min hrilh leh zauh thin bawk a, Nilenga hun kan hmandun chu a duhthusam a nih thute min hrilh pah reng bawk a, Kei lahin hnem dan tur hre heklo ka sawi liam pui bel mai mai bawk... A thiante in ah te kan leng a, Midang hmuh nuamlo khawpin kan inhnim hnai thin bawk a, A dik tak chuan kan hun neih reilote chu kan hmang dun am em em a ni ber mai. Tlai Dar 5 dawn ah In ka thleng ve chauh a, Nilenga inzui mah ni ila, kan inngai leh hman der tawh " Ka thleng chiah e" tih sms ka thawn a, rang tawkkin a rawn chhang nghal zat a, "I rawn kal har lutuk ange aw?, rawn phei vat rawh" tiin min rawn chhang a. Zanriah kan kil a, Ka chhuk hun a ta bawk nen Pa Muana thlawh zawk ka duh bawk a, Ka Insiama Ka chhuak zui leh ta nghal a. An Zanriah tur ka ken sak avangin hmanhmawh taka kal a tul hrim hrim bawk a ni,... Damdawiin ka thleng a, Pa Muana Cabin lam chh ka pan nghal vat a, Cabin ka thleng a, kawngka hawn tum a ka ban chiah tihah Kawngka chu a rawn inhawng a, Hmun leh hmuna Mami nen Kan Inhmu ta hlawl mai a. " Ehe... hetah nang, Engtin nge i awm...Engtikah nge i rawn kal" ka ti bah nuaih a, Za vaklo a nui chung chuan "Nizan khan Ka Pu pumna kan rawn kalpui a, Hei kan zia deuh tawh e, Inbuai hmel si a, tiin ka rawn tlawh lawk che u a nih hi" a ti a, a hmelah chuan dik zanlo chu a awm niin ka hria.."Tunah khawiah nge i kal dawn?" ka ti hu a, "aw ka pu cabinah mawle enge?" a ti chhum ta hmak a, "eng nilove minlo nghak rawh ka rawn kal ve ang" ka ti a, a hmel hlim zanlo chu ka hai der lui tlat a, "Ngaihtuah awm kan awm love, In buai zawk si a, lokal duhlo mai rawh" a ti a, min kalsan ta daih a, "Mami kha a lungawi zanlo a nih hmel, Tukin a rawn kal leh zanin a rawn kal chu a inanglo tlat, Enge i rawn ken a, Ka ril pawh a tam em em love" ka ni chuan a lo ti bawrh bawrh a, "Ka hre biklo, a pu a zual deuh a nilo maw?" kati ve ngawt a, Ka ngaih chu a tha zan lemlo... "Ka va en ve lawk ang e?" tih leh chhuah ka rual zui nghal a, An Cabin ber ka hre der silo Reception counter ah list ka va en a, Cabin 12-na Third floor ah a lo ni a, Rang takin Inkhai chhohna ah chuan lutin Ka inkhaichho ta nghal a.
"Engmah min hrilh lova, i ho khawp mai" tiin ka vui thu ka hrilh a, a ngawi reng a, a pu muhil lai kut chuar tawh chu a hmet niap niap a. "I pu chu enge a an hrim hrim a, nangmah chauh em ni awmpui che a?" ka ti leh a, a la ngawi reng tho a, ka hrethiam ta hauhlo mai, a bulah chuan ngawi rengin ka thu ve ta reng a... Minute 10 dawn kan ngawi tawh tih ah ka phone a rawn ri a, Mimii a lo ni a, "Hello, i lo kal tawh em?" "Kal chiah lo, Damdawiin ah ka awm" " engmaw, nangmah maw?" " ni love, Mami pu an rawn phur phei a, ka awmpui lawk" " Tu Mami maw?" " Awwm Mami, keima Mami kha mawle" " eeee... ka hrethiam e, lo phei duhlo mai rawh, keipawh ka leng chhuak dawn e" tih leh phone dah a rual nghal hmak a, "Hello," a tut tut chiah ka hre tawh a "Kal rawh keini chu ngaihtuah awm kan awmlo, Hei Nachhawkna in an jection a, a muhil rih mai mai anih hi" Mami chuan a ti nghat a, "Aaa englo, nia.. Ka rinaiin in tha, Phone kan hmang leh lawk aw?" tih leh veranda a chhuah ka rual nghal a. Mimii chu biak tumin ka call leh nghal zat a, a ring zo thak thak zel a, Vawi 10 dawn ka call pawn a la thei tawh chuanglo, ka thin a rim lek lek tawh, A tawpnan ka call leh ang a, a la duhlo a nih chuan keimah ka kal mai ang ka ti rilru a, ka call leha a chhang veta nge nge a..
"Enge?" " I lungawilo hmel lutuk a, ka rei dawn hleinem, ka rawn phei vat dawn a lawm....tut tut tut tut....Hello, Hello" a dah nge signal a tawp ka chiang ngamlo, ka call nawn leh ngat a, a hmet busy ta hmak a, ka call nawn leh pawn a hmet busy zel a, a tawpah phei chuan "Switchoff" a inti ta daih a, ka thinrim lutuk chu ka puak dur tep a ni.
"a lungawi vaklo a ni maw?" Ka hnung lam atang chuan Mami chuan a rawn ti a, Ka lehhawi a, ka nui a "A ho lutuk" chu ka ti liam ve mai a, Mahse ka thinrim rilru takzet a ni... "Englo, Keini chu ngaihtuah a ngailo, Vawiin chhuna i zui kha em ni? " a ti ta hlawl mai a, Ka phawk hru a, "Eng...ka va hrelo" tiin dawt a phat ka tum deuh zuau a, "Ka hmu vek che u a lawm, Ka Thian nu dawrah pawisa dahin ka rawn kal zawk a, chutah chuan ka hmu che u a" a ti siap siap a, a hmel a ngui ruai a, a tap lo chauh ni maiin ka hria, "oh nia.. min bazarpui rawh a ti a, ka bazarpui lawk a nih kha mawle, A hrim hrimin nangpawn in rawn kal tur thu min hrilh turche a nia, ka lo hrelo a ka thiamloh pawh ani" ka ti deuh duah a, "A ni maw? i hrelo tak tak maw? k sms kha i rawn chhan let si?" a ti a, Ka phone ka phawrh vat a, Inbox ka checked dawn a a lo ruak vek a, "i hai a nilo maw?" ka ti leh hram a, "Hai love hei en la" tiin a phone chu min en tir ta a....An rawn chhuk dawn zan khan min rawn text a, Keipawn ka lo hmuak tur angin ka chhang ngei mai si a, Ka hrethiamlo takzet a ni... "englo, ka kai deuh a, ka lo hrelo a nih dawn hi" ka ti vel ta mai mai a.
"I tan chuan a tha a lawm, Khawpui nula an ni a, keini ang tan chuan han cho phak rual an nilo" a ti a, cabin ah chuan a lut nghal a, "Mami, englo" tiin a bulah chuan ka thu a, a hma ang bawkin a pu kut zur tawh tak chu a khal leh niap niap a,.. Inthiamlo deuh chung chuan " Mami, min hrethiam dawn nia, Kei chuan ngaihzawng ang chuan ka en theilo che tih i hria a, Mahse ka ngaina che tih pawh i hria, Keini chu ngaihzawng ai pawh a nghet inthlunzawmna kan nei a chu chu kan thian nihna hi a ni" ka ti dap dap a, a awm ngai rengin a awm a, "Mimi hian min duhin min beisei nasa em em a, Nang nena kan inkar engkim ka hrilh vek bawk a, i tan hnawksaknih a duh bik miahlo, Mahse keima nawrluihna vang zawkin tun hi thleng kan nita reng a ni, Min hrethiam dawn nia" ka tih zawm leh a.... "Nia... ehem ( a aw hnawk tiak chu a thian kharh a) ka hrethiam a lawm chuvang chuan kal rawh kati reng che a lawm" a ti a, "Ka ring em em che a, i thusawi engkim ka awih a, Mahse Aizawl ka rawn thlen takah chuan Ka rinna che kha dawt mai a lo ni tih ka hrechiah a. Mahse, keiin ka lo dan beh ve ngawtna tur che ka hrelo a, Keiin thinlung tak takin ka ngaina che a,Mahse nang chuan min ngaina thei bawk silo nen, kei min kalsan theihna remchang a ni bawk a, ka hrethiam lutuk che a nia" a ti a, a thutna atang chuan Inthiarna room ah a lut ta daih a.
Awmdan tur ka hrelo ka kal ngei ngai ka tibawk si, ka kal chuan ka thiannu rilru ka tihnat ka hlau bawk si, Ngawi reng chuan thutna awm ah chuan ka thu a, Ka rilru a insual nak nak mai bawk a, Minute 10 emaw hnuah pawh Mami chu a la rawn chhuak lo cheu a, Inthiarna kawngka bulah chuan ka ding a, "Mam, min ngaidam dawn nia, Zanin bak hun ka nei silova, ka kal phawt mai ang, Ka rawn tlawh hawng leh dawn che u a nia" ka ti ta a. Kawngka lam ka pan mek lai chuan Inthiarna kawngka chu a inhawng ri rak a, "Kallo mai rawh, min awmpui zawk mai rawh" a rawn ti thawp ta sap a. Ka ding chawt a, ka inher a "Ka rei lovang, ka rawn kir leh vat ang" ka ti lui ngat a, a hmelah chuan beidawnna leh hrehawm tihn hmel ka hmuin ka hria, Ka khawngaih lutuk, mahse Mimii hnena kal ngei ka duh si, "Min kalsan chuan i rawn kir leh tawhlo ang, rawn kir leh pawh nila, awmzia a awm tawh dawn chuanglo" a ti a, min en kal a, a khap fak fak a, " Ka reilo ang, ka kal chhungin engmah boruak dang a awm hman bik nang" ka ti a, ka phone a rawn ri a Mimii a lo ni a, Mami chuan min rawn hnaih hret a, Ka phone chu ka pickup a, "Aw...ka rawn kal e" tiin ka chhang a, ka chhuak zui ta nghal a.
Mimii te in ka va thlen chuan a lo reh thap a, Kawngka chu ka kick karh karh a, Mimiin kawngka a rawn hawng a, Inchhung ka luh chuan Ka hriat ngailoh pakhat hi a lo thu ve ran a, Ka lai lek lek zawk. "I van rei ve" zawi sap chuan a ti a, "Nia, Putara a tha vak lova" ka ti ve mai a. "Hei hi ka hnathawhpui R.K-a a nih hi, R.K hei hi ka thiannu Matei u a nih hi" a ti a, kan inchibai a, Chupa chezia chu ka ei zawng a ni lemlo, Mahse nelawm taka awm ka tum hram hram thung. "khawnge midang?" " an chhuak vek a, Ka nu leh pa chu Kawmthlangte in ah khuan an leng, an pu a boral a, vawiin khan an rawn haw a, an zuk leng lawk a nih kha..Kima leh Duati te hi Ka nutei te inah an kal a" a ti nghal zung zung a,. Sawitur a vang tawh viau ka bulah chuan a rawn thu a, Tv remote a keng a, a ti ti siam siam reng a, An hnathawh chungchangte an sawi dun a, an nui hak hak reng a, kei sawitur nei velo chu ka ngawi reng thung "I mood a off deuh em ni? enge Mami pu chu a an a, i rawn kal pawh ka ringlo a" mei nei deuh chuan Mimii chuan a ti a, "aa... a tha e, natchhawkna in an chiu a, tunah chuan a muhil rih" ka ti ve mai a, "I awmpui turah ka ngai mawle, a mamawh viau awm che si a" nui duh miahlo chuan a ti hul leh hak a, ka ngawi reng a. Nia, anihna takah chuan ka rilru a nuam theilo, Ka kaldawna Mami hmel kha ka mitthlaah a cham reng a, Nuam ka ti chiahlo a ni. Kum 20 chuang kan inzui tawh a, Ka lakah a lungawilo ngailo a, kei pawn tih thinrim ka duh ngai heklo, kan inhrethiam tawn em em thin a, khatiang ang hmel kha min hmuh ka la hre ngailo hrim hrim bawk a, ngaih a tha zanlo a ni. Minute 20 vel kan thut ho hnuah Kima leh Duati ( Mimii naute) chu an rawn haw a, Ka bulah chuan Duati chu a thu vei talh talh a, "U Te, naktuk ah maw i chhuk dawn, i rawn haw leh hunah Berbie chu min rawn hawn tawh ngei ngei ang che aw" a ti a, Kan nui hak hak a, "Ka hawn a hun ta, ka kal mai ang, naktukah rawn tlai lo la," tiin Rka chu a ding hluai a, "ala hma a lawm" mawihnaiah mimii chuan a tive nangin a kallui ta tho a, Mimii chuan pawn ah a va thlah a, A rawn lut leh mai dawn emaw ka ti a, Mahse a rawn lut leh mai biklo., Minute 10 dawn hnuah a rawn zai lut rat rat a, "A ninawm Lal Rka hi chu a tlak duah zel a, Duati mu tawh ula, mut a hun tawh" a rawn ti nghal zung zung a, an ni 2 pawh thuawih deuhin mu turin an kal ve nghal mai bawk a.
A nu leh pa an rawn haw a, An mu nghal mai bawk a, hun kan nei thawl hek hek bawk a, kan duham dun khawp mai, "Chhuk lo maila han ti dawn i la, i hnathawhna a ni bawk si, ka huphurh e" a ti sar sar a, "Kei hian a nia peihlo, ka chhuk hrehber tum a ni hial ang chu" ka ti a, "Mami chu i khawngaih lo em ni, a zialo e, helam te chu rawn kal har deuh mahla a pawiloh nen" ka kawr kilh sik nep nep pah chuan a ti a, "Nia, Mahse tih theih ka nei vak lo, Putara pawh venthawn ngai em em annilo bawk nen" ka ti a, Ka phone a rawn ri a, Mami a lo ni a "khawi keiman ka lo bia ang, ninawm a rawn call ve ziah che" ttih leh pawhthlak a rual nghal a, A silent a, a kawr awmchhungah a thun ta daih a, "Kalrawh ka roomah awm daih ang" tiin min pawt a, a room lam pan chuan fimkhur deuhin kan kal ta tham tham a. An in hi kawngpui atanga step a chhuk ngai a ni a, Motor parking pawh kawngpuii ah daih a nih nghe nghe, Inchhawng 2 a ni aț Ground floor chu choka, common room leh a nu leh pa room atan an hmang a, Inchung lamah chuan An unau ho room a awm thung. Mimii room chu zau hekhawk tak mai, fel thlap mai a ni a, Thuamhnaw inkhai emaw, Pheikhawk emaw let remrum hmuh tur a awm lo, Khum leh Dawhkante 1 bakah chair virthei a lo awm a, Dressimg table a ni leh tawp mai. "A nuam hle mai" ka ti a, Kawngka chu chhunglamah a kalh khap a, "Mu ang, zanin bak hun kan nei silo, khawvar hmain i haw mai dawn nia" a ti a, Khumah chuan min pawt mu ta rawk rawk a, Ka pheikhawk ka hlip a, Thuamhnaw dang nen tichuan chu zan chu am takin kan hmang tlaivar ta thak a.
Zing hma tawkah ka hawng a, Matei te unau an la tho lo lehnghal thawm dim tawkin ka lut a, Ka room ah ka lum lut a ni deuh ber mai. Ka chau deuh bawk nen ka muhil leh rih a, Ka room kawngka kik thawmin min kaitho a, "U Tete,tho tawh rawh I tlai mai dawn" Matei chuan a rawn ti a, Ka sana ka en vat a, Dar 9 a lo hnai thuak tawh a. Ka insiam sawk sawk a, Zing chaw ei turin ka chhuak nghal a, Matei pawh collage kal turin a lo imbuatsaih ve mek bawk a, "U Tete nizan i van leng rei awm em em ve, U Mami bulah i awm turah ka ngai a, i awm bawk silo, khawnge i len a?" minlo ti a, "Ka thiante nen kan inhmu a, kan tui ta deuh a lawmle" tiin chaw ka inkhawrh mawlh mawlh a, "U Mamin tukin khan min rawn phone a, a be thei silo che a, Nizan dar 11 khan a pu a boral a, Nizan la la khan an phur phei nghal a nih chu"a ti ta mai... "Engmaw...a boral a, Nizan ka kalsan hlim khan a na vak pawn ka hre silo, avan zialo ve" ka ti a, Ka phone ka dap ruai a, room ah ka kalsan tih ka hrechhuak a, "Kei pawn vawi 10 vel rawn biak che ka tuma I chhang thei lo a nih kha, U Mami sawidan chuan a thih hlimah pawh biak a tum a, Sms a thawn bawk che a, an chhuah dawnah a phone leh che a, i chhanglo vek a ni awm e, Khawiah tak leng ang che maw?" a ti a, Ka inthiamlo lutuk chu ka chaw ei chakna pawh areh vek, Chaw ka khawrh sa chu ka dah lut leh a, room ah kalin ka phone ka en vat a. Ka rin ang ngeiin Missed call leh Sms ka dawn chu notification ah a lo lang thut a, Ka hawng nghal zung zung a, Mami'n vawi 12 min rawn call a tumna leh a sms 3 min rawn thawnna te a ni a, a bak midang number pawh a awm nual nghe nghe...
Mami chu ka call nghal a, a ring tluk tluk a, a la thei lo zel a, vawi engemaw zat ka call pawn a lak theih loh avangin ka beidawng hle, chutah Min thlah tu tur taxi a rawn thleng zui lehnghal a, "I la hmanlo em ni? kan tlai a nge 11:30 a nih kha" Mimii aw chuan a rawn ti lang lang a, Ka airbag ka khai nawlh a "ka hman tawh e" tiin ka inkhai chhuak ta a. Airport kan panna kawngah te chuan ka rilru a nuam thei reng renglo, Mami'n 'min awmpui rawh' a ti mawlh mawlh a, ka kalsan lui kha a ni a, a pu chanchin kha ka zawt lo a, liam mai tur hmuh in ka hmulo bawk a ni.... "I mood a fuh vak nange?" "Nia, Mami pu kha nizan khan a boral a, Min rawn hrilh a tum kha kan chhang talo a ni a, zialo tak tak a ni" ka ti lawi rut a, "anih vel ka ring reng a, A zialo hle mai, ka thiamloh a nih chu" mei nei deuh chuan a ti a, Tukverh lam a hawi deuh hmak a "nilo, i thiamloh pawh a nilo, keima thiamloh zawk a lawm, ka ngaihven tawklo ve bawk a lawm le" ka ti a, kan ngawi dun vang vang a, " Engpawh nise kei pawn ka hriat velah ka phone nghal a, Mahse min chhang thei bik lova, ka thiamloh em em pawh a ni tawhlo" ka ti leh chuar chuar a.. "Ninawm, thudang sawi ang, lunglen mood off tawhsa naklai a" Mimii chuan alo tihlak a. Ka ngawi hmak a, engmah ka sawi zawm ta bik lova. Thlawhna thlawk chhuak turah ka thu vang tawh a, Mimii te nen kan in vai lauh lauh bawk a, Ka phone Sms ka dawn te ka en a, Mami SMS 3 a lo awm a...
"Ka pu chu ka chelh zo talo, ka be tlang thei silo che a, Ka kiangah awm nila ka tuar thiam deuh mahna"
"I phone i la thei silova, Kan khuaah kan phur chho ta e.."
"Ka thinlung hi a kehsawm vek a, Khawvela ka ngainat em em mi 2 a rualin ka chan che u ni maiin ka hria.... mangtha le" tih a lo ni a, Ka chhiar zawng pawn ka indem ngawih ngawih a, Mami ka thiannu min mamawh em em tu ka awmpui hmanlo chu ka inthiamlo takzet a ni. Ka awm a nuam theilo, Chhuk loh tawp mai ka chak rum rum a, Mahse ka hna ka chan phah dawn si, "Mami min ngaidam dawn nia, I tan thlamuanna ka ni zolo chu pawi ka ti lutuk, I tawrhna ka tawmpui che a, Ka rilruah i awm reng a nia,... Kan thlawk chhuak chiah e... Ka thlen hunah ka rawn be dawn che nia" tiin SMS ka thawn let a.. Thlawhna a thlawhchhuah luah luah laite chuan ka suangtuahna Khawvelah Mami nen kan inthen ta vang vang ni maiin ka inhria.. Ka rum hak a, Ka bula thu Hmeichhe tleirawlte chuan min rawn en vat a....Ka inthiamlo deuh chuan ka nuih var var a.
Ka Station Delhi ka thleng tawh a, Jioning Report ka pek zawh hnuah Barrick ah ka thu a, Mimii nen kan inbia a, a khawhar ziate, Nileng a a tah thute min hrilh a, Keipawn ka ngai thute ka hrilh luam a, Reitawk kan inbiak hnuah kan titawp a.. Mami missed call a lo awm hman a, Ka call back vat a..
"Hello," "aw ka hria e"
"Mam, pawi ka ti lutuk, min hrethiam dawn nia"
"Engmaw ka hriatthiamna tur che awm a?"
"I pu boral laiin i kiangah ka awm thei silo kha mawle"
"A ho lutuk...."a ngawi vang vang a, a tap niin ka hria...
"I duhber bulah i awm a liamah i hlimna kha a tha ber a lawm" a rawn ti tham tiak a, "Englo, i phone call ka chhang theilo lehzel kha pawi ka ti takzet bawk a ni" ka ti a... a reh vang vang a... "Hello, Mami .. hello..." a la reh vung vung a.... A tap thawm niawm tak chu ka hria, mahse min chhang bawk silo.. "Mam, ka tawng i hria em?"... " aw hria e.. duhtawk rih phawt mai ang" tiin a dah ta daih a. ka call nawn chiam pawn a la duh talo hrim hrim a.. Chubak chu Mami nen kan inbe leh ta ngailo hrim hrim a ni.
| Link: | |
| BBcode: | |
| HTML: | |
| Hide post links |
THE LAST CHAPTER.."Vawiin chung chungah maw i chhoh dawn? Ruai theh ve phawt la" ka ni chuan a ti a.. "Akhai.. ka nu leh pa ka ngai tawh, Motor chu engber nge min ken chhoh tir dawn?" ka ti a.. Pa Muana chuan "Ka motor zawk khi keng rawh.. I ni motor chu a upa deuh tawh a, i buai phah ang" a lo ti vat a.. Mahni chauhin Bolero in ka inkhalh chho dawn a ni a, "Matei hian rawn hmang chho ve mai rawhse.. I pu i hmu chak lo em ni?" ka ti a.. "Ka peih lo.. Thingtlanga Mas hman ka peihlo" a ti a.. "ka hrethiam a lawm.. Chhas a hmang ve dawnsilo a.." ka ti a.. kan nui ham ham a.. Ka bungrua ka load fel a, Kan in mangtha hnuah Kan khaw lam pan chuan ka tlan chhuak ta a.. Thui pawh ka tlan hma chuan Mimii leh Rka Bike a inphur chu ka hmu a, Ka hmaah an tlan a, min hmu ve lemlo, Reivaklo hnuah ka tlan pel dawn a, An zawn ka tlan lai takin Mimii chu a rawn hawi a, Ka lo nuih sak a.. A meng phar awrh a.. Engkim a chiang viau niin ka hria..Dar 3 pelh hretah Kan khua ka thleng a, Kan in ka pan ding nghal nal nal a. Ruai an lo theh zo vek a, Ka Pu ruai theh zo tawh leh a thiante an rawn inzui lut diah diah a.. "awww Mambawiha niin, Engtikah nge i rawn thlen?" ka pu chuan a ti a.. Ka chanchin ka hrilh thuak thuak a, Ka thil hawn sak pawh ka phawrh duh rih lemlo.. A thiante ho chuan min chibai laih laih a.. "Ruai ka va theh ve nghal teh ang, an theh zo tawh ang em?" ka ti a.. "zo lovang, kal vat tawh khai.." an lo ti a.. Biak In lam pan chuan ka kal ta hlawk hlawk a. "i lo haw elaw.. " " engtikah nge i lo thlen" etc tih vel ka dawng mawlh mawlh reng a, chhan sen pawh an ni meuhlo.. Ka mipa thian thenkhat in biak in ah min zui let leh tawk an awmbawk a.. Tichuan, Masi ruai chu ka kil ve ta nge nge a.. Chawka ei mawlh mawlh lai chuan Mami leh Mipa pakhat ka hmelhriat ngailo hi Biak in hnung lam atang chuan an rawn inzui chhuak a... "Ehe.. Mami kalpui saw tunge?" ka ti vat a.."A pasal tur a nih saw.. Kan Pro-Pastor thar a nih saw.. afel a nia" Thanpuia chuan a lo ti vat a.. Ka chaw ei lai chu a tuilo nghal rawih thei a.. Mami hawi vel chuan min rawn hmu a, a ding chawt a, a thianpa bulah chuan eng emaw a sawi ni tur a ni, an ding dat a, an rawn hawi a, Kan lam pan chuan an rawn kal ta a.."Tete engtikah nge i lo haw a.. Aizawlah Masi i hmang an ti sia?" Mami chuan a rawn ti a.. A hmel chu beidawnna khur thuk tak atanga chhan chhuah hlim, thlabar la reh fel chiahlo, thatlam pan chho mek ni maiin a lang, "Ka rawn thleng deuh chaiah a ni, in lo dammaw?" ka ti a, a ruk tak chuan ka zak chem chem thung.. "Tha a lawm, Hei hi Ka sawi fo ka naupan laia ka thian ka tih thin Tetea chu a nih hi, Tete hei kan Pro-Pastor Zotumsanga a nih hi" a ti a.. "ekhai ani maw? ka kut a berh si a, ka chibai lo maiang che" ka ti a.. Chaw ka hmuam pawng tun bawk a.. "Ka hria che a lawm.. I lar em a.." nui vawr vawr chung chuan min ti a... "ka lawm e.." ka ti ngawt a.. "Zan Inkhawm ka sermon a ni si a, ka phei mai dawn, kha Tetea te an awm bawk a, hawn pui tur i neih kha, Pawi i ti em?" ProPsator chuan a ti a.. "Pawi love, nia Inbuatsaih i la ngai ang, Ka lo tawngtaipui dawn che nia" Mami chuan a ti a.. Ka thiante ho chuan fiamthuin an fiam zui nak nak a.. Pro-Pastor chuan a rawn fiam let ve bawk a.."kan Pro Pastor hi chu a fel teh sawng a nia" Rema chuan a tibai bai a.. Ka eikham ta bawk a, Kan inzui phei diah diah a.. Kan vai hian Naupantet atanga inkawm khawm kan ni deuh vek a.. Mahse kan kim tawh biklo thung.Zan Inkhawm hlan chuan Inah ka awm a, Ka thiante an rawn leng a, Kan Inkhelhna a ka thlalakte an en a, kan ri nak nak reng a, Mahse kei chu ka lungawi theilo.. Ka duhthawh luatah ka chan vek niin ka hria.. Mami meuh pawh ka lakah beidawngin Pasal hial min neihsan dawn tasi a.. Ka tan chuan a tlawm thlak hlein ka hria.. Kan khuaah kan chanchinhrelo chu an awm manglo ang tih khawp a ni a, Chutiang a Mikhual tlangval in min laksak daih tur chu mak an tive ngei ang.. nge Nep min ti zawk ang..? Ka thiante lah chuan Mami lam reng reng an sawi duh tawh der silova, Sawichhuak hmasa tu nih ka duh bik der silo.. Enghelh nei teuh chungin ka thu ngawi reng a, A khat tawkin kan khaw tlangval hawklak kal vel min chibai tum an rawn lut leh nawlh nawlh thin bawk a. Inkhawm ban meuh chuan kan Inah ka thu deuh thup tawh a.. An ti ti a, an nui ham ham reng bawk a.. Kei erawh Biak In kawng lam rignawtin ka mit a la tawh, Ka rilru ah Mami te in panna step a awm run bawk a.. Tinge Pasal min neihsan a tum thawt thawt bik le.. Tinge min rawnhmasa hauh lova pasal min neihsan dawn mai le..? zawhna hlir Zawhna hlir.... Inkhawmban thingpui in zawh awm tawk velah "Mami nulat tawp lam va rim tawh ang u" Rema chuan a ti a, Ka phur viau nangin ka phur teh chiam lo.. A diktak chuan Mami meuhin pasal a neiw tur chu ka ngaingam thlawt lo a ni.. Engtinnge ka tih ang a.. Enge ka sawi tak ang..Tinge Krismas chawlh ka hman reng reng ni?" a hrehawm velvek a ni ber mai.. An rawt chak bawk a, Mamite in kawng ka bel em em, furchhia ah pawh zuan kahlan ngai tur leh turlo ka hriat bel tawh em em lam chu nidanga ka zawh phurtheih tehlul nen, Ka zawh phur lutuk talo tawp mai... Pen a sak deuh tung bawk a, Ka thiante lah chuan min sawikhum emaw tih turin Mami chanchin, fel an tih ziate.. keimah aia Pro Pastor a thlang daih mak am tih thute an sawi sek lehnghal.. ka ning lek lek zawk.. An In kan thleng a, Engkim a la ngai deuh vek a, An kawtkai a Saron par buk hnuk thin chuan lo tan bul hmuar tawh a, Tlaizawng kung hrawdeuh chu a lo la ding ngur bawk a. "Engkim mai hian ka lungminlen" tih hla ang maiin ka hawina lam apiang chu a lunglen thlak em em vek a. Inchhung kan lut chu Mami hmel kan hmu ta hauhlo.. A nu chuan minlo be sawm nghal bawrh bawrh a.. A rultawk in ka chhang mai mai a.. "Khawnge Mami?" Rema bawk chuan a ti ta nge nge a "A mutawh em ni le, zan inkhawm pawh khan a muthlu lup lup reng a, va en chhinteh Tete" a nu chuan a rawn ti a.. "Keiman maw? a chi dawn em ni..Rema va kal rawh" ka ti ve ngial a.. "Awii vela che nidangah pawh i kal fo kha.. tun ataka hreh der vel" an lo ti a.kan nui ham ham a.. Phurru deuh phurlo hmel deuh si chuan ka tho a.. a room lam pan chuan ka kal ta a.Room kawngka chu a lo inkalh lo hlauh a, ka nam hawng tial tial a.. Room chhung chu a lo thim khap a.. Ka lut dek dek a, Khum lam pan chuan ka phei a.. "Switch kawngka biangah aawm kha.. on ta che" Mami aw chuan alo ti a.. ka phu zawk a.. "I muhil emaw ti a.." tiin Light chu ka hmet eng ta nghal a..Mami chu khumah a lo mu saisir ngat a, "Kan lo leng tih i hriat rengte chuan tinge i rawn thawh ve mai loh" ka ti nghal bawng a.."Ka rawn tho dawn chiah a i rawn lut a nih kha" lehlam hawi tlat chung chuan a ti a.. Khum tlangah chuan kava thu a.. "I nuamsam lo em ni?" ka ti a.. a thawm ka hriat chuan min ti ngaihthalo ta tlat mai, a tap inhnit thawm a ni tlat.. "Hey, i damlo em ni?" ka ti nawn leh a, a inlet thut min kuah a, min pawt bet a, chhuak em em in a thap ta a... midang hriat a hlau bawksi, a tap ri ngam silo.. "Enge.. enge thil awmzia.. ?" ka ti a..engmah a sawi theilo.. a tap khur charchar ringawt a.. "Mam, na i nei em ni?" ka ti leh hram a.. ... a tap pawh a ziaawm ta deuh a.. "Aw ka na.. ka taksa ka rilru engkim hi ana fai vek.." a rawn ti tham tiak a.. A rawn thu chhuak a, a mittui a hru mawlh mawlh a... " Ekhai.. ka tap tawhlo ang ta ti a sin mawle..." a ti leh sap a... "Tinge i tah mai mai, Tinge i rilru lehtaksa te a lo nat mai mai ni" ka ti a.. keipawh a ruk tak chuan ka na ve tho mai.. "Tinge engkim a fel hnuah chiah i rawn lan loh" a ti a. a insut hraah hraih a.."Ka tihpalh.. engmah ka hrelod takzet a ni. Ngaihdam dil tur che in ka rawn haw mai a lawm" ka ti leh a.. kan ngawi dun vang vang a.. "Tete, i thianten an chhuahsan che a nia, Mami, Ka va zaikhawm ve ang e" a nu chuan kawngka bula ding chung chuan a rawn ti a.. "awle.. kan lo kal nghal, Titeh, hetia awm reng zawng mi mgaihdan a nilo ang, Pro-Pastor pawh a rawn kal palh ang" ka ti a. ka ding hluai a.. "Lova chhuak rawh ka rawn phei ve ang" a ti a.. Ka chhuahsan ta nghal a.Tapchhak ah mei kan chhem a, thuthleng hniam ah kan thu dun a, chhemtheiin vut ka nawr ka nawr a, a nin Chaicheh in mei a hawlh a hawlh thung a.. Sawitur atam mahse sawi hmasak tur ka hrelo, Ngawi reng chuan kan thu dun renrawna... Minute 5 hnu velah "Tinge i rawn haw thut a, Aizawlah Mas i hmang an ti si a..?" a rawn ti chhuak ta boh a.. "Nia.. Kahmang a lawm.. Mahse ka peih rei ta lemlo a..." kati a, Ka krismas hman dan tenaam tak chu ka hrechhuak uar uar a.. Mimii hmel chu ka haw hluah hluah a, "I thiannu a khua a harawm e" a rawn ti a..ka nui a, "Engmah a awm tawh hleinem," ka ti a, Min rawn en vat a.. "Ka awihlo.. vel che hian" a ti a.. Ka ngawi reng a, Kha boruak kha sawi chhuah ka duh rihlo.."Ka tihpalh takzet a ni?" ka ti teh daih a... "Engthilah maw..?" ati hu a, "Khami zana ka kalsan che kha mawle.. Dawi atin ka awm a. Ka thian tha ber ka phatsan che a, Chumai a nilo, I puboral laiin ka awmpui hman bawk silo.. Engkim kha ka sual vang vek a ni" ka ti ta nge nge a.. ka thawl hawkin ka hria.. kan ngawi dun leh vang vang a... " Mam, I hnena thupha chawi turin ka rawn hawng vang vang a nih hi.. Nangchuan Pasal i lo nei dawn hnai ta der mai bawk si a" ka sawi zawm theilo.. a thil thai lai chu a thai zel a, "Mi nupui i ni dawn tih kahriat khan ka mitsulh thei hial in ka hria" ka ti leh a.. a thil thai lai chu a tawp chawt a... "Engvang chuan maw?" a rawn ti a.. Ka mit ah chiang zetin a en a.. " Ka hrethiam chiah lo.. Ka thiannu i nih vang mai mai chu a nilo deuh a niang" ka ti a, kasawi chhuak pawm ka hrelo.." Thian nilo chu engmah i lakahhlawhchhuah ka nei ngai hleinem" a ti leh hmak a.. ka dang der tawh... Ka ngawi reng a..."Hmangaihna hi a nunrawng a nia, Achang chuan mi a kang hiau hiau a, a chang chuan mi a ti tap zawih zawih a.. a chang chuan mi a ti nui uar uar bawk a.. engmah thleng tur asawi lawk theih loh.." a ti sep sep a.. "Ka hmangaihna zawng zawng i hnenah ka hlan vek a, Ka hriat tirh ata nanglo chu khawvelah Hmangaih dang reng reng tumah ka la nei ngailo,Tun thleng pawh hian ka la nei miahlo" a ti a.. a insut hraih hraih a... "Nangchuan i hrethiam ve tak tak ngai lovang, achhan chu i lakah Hmangaihna in awmzia a neihloh vang a ni.. A tilawm thiamtu apiang che kha hmangaihna angah i ngai tlat si a.." a ti a.. ka zak chem chem ni maiin ka hria... " nia, Kei chuan engmah ka hrethiam mai lova, Mahse i chanchin ka hriat khan hmangaihna awmzia hi ka hrechhuak ta chiah a ni... Ka thian mai emaw i nih ka tih kha, chu aia thuk zawk chu a ni tih ka hrechhuak ta chauh a ni.. Mitan ka dah ngailo che a, Midang lakah ka thikthu a chhe ngai heklo.. Midang ta i ni dawn tih ka hriat chiah khan Mitanka phalloh ziache leh midang nangmah lakah ka thik zia ka hre chhuak ta a ni... Mami ka hmangaih che.. Midang tan ka phallo che.. sut leh mai rawh" ka ti ta hmiah hmiah a.. Mipa ve si chutiang taka ka tlak teh duah chu mak pawh ka intilo.. ka thusawi chuan engchennge a thlen a, kawngro a su em ka dawn phak helo ka sawi mawlh mawlh a ni ber...."Tete, engkim a khawlo zo vek tawh, hun kaltawh chu hun kaltawh ah kan chantira, Mual liam tain a liam pui ta vekah ngai hmiah tawh ang.. engkim a tlai zo vektawh si a.. Keipawn ka duh ka thlang fel vek tawh a ni... Hei bak chu kan kal thei tawhlo... " lehlam a hawi a, a tap chhuak nghal hawk a.. ka kut chuan a darah ka va dawm da da a.. "Tete Mangtha phawt mai, Hetia kan awmdun hi kan tan chuan a thalo zawk" a ti a, a tho a, a room min pansan ta daih a... Khawvel hi tawp tawhse, Puak darh vekse.. ka duhber.. Kawng ka kallai ka hrelo,,, Ka mut lai ka hre heklo.. Engmah chiangkuang a hriat ka nei heklo... Khawvel hi ka ning hluah hluah ni maiin ka hria... Hmangaihna dik leh Hmangaihna tak chu ka hreve tangei a.. Mahse chu hmangaihna nunrawng tak chuan min ei hiau hiau a.. Min kang ral rawih rawih ni maiin ka hria.. Ka thova... Ka room veranda ah ka chhuak a... Van thiang kuk a arsi pe un mai chu ka hmu a..."Mami... ka tan i rem tawh silo maw...?" ka ti sap a.. Ka thu hnawk a.... Chu zan boruak thiang kuk mai leh khawhar takah chuan engmah ngaihtuah mumal nei lovin ka thu ngawi reng a... Mimii vangin ka hmangaih, Min Hmangaih em em tu ka chan a, Kei chu midangte tinatu ngei chu tihnat in ka awm a, Ka cha hul hiau ta a ni e.. Kan ep chiah ah chuan Music an play ri ruai ruai a..Love hurts, Love scars , Love wounds and marksAny heart not tough or strong enoughTo take a lot of pain, take a lot of painLove is like a cloud, it holds a lot of rainLove hurts,Ooo-oo love hurts.....I know a thing or two, I learned from youI really learned a lot, really learned a lotLove is like a flame, it burns you when it's hotLove hurts,Ooo-oo love hurts
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)