THE BLACK LEATHER BOOK BY Tochhong Ruata

[Ngaia]

THE BLACK LEATHER BOOK

Thianpa Rames-a min hmuhsak In kan luah tur chu Bangalore hmarlam khawpui chhung tho nisi mahse Khawpui atanga hla ve tak nitho si-ah a ni teh dawrh a. Auto in kan University thleng Rs 30 daih a ni bawk. Mahse a luahman a to em em loh bakah amah Rames-a te nen kan inhnaih vang a ni ber, helai hmun kan panna chhan ber chu.

Chu In chu Kum 1904 a sak daih tawh kha a ni a, Gate lianpui paltlang tur a awm a chu Gate ban-ah chuan ‘Gopal House’ tih a lo intar a, He in neitu hi Mr Motilal Gopal Das a ni. A nupui chu Kavita Gopal Das a ni thung. Pu Gopal-a hi Indian Army Major Pension tawh a ni a, amah hi Rajasthani a ni bawk. Fa 4 an nei a, Fapa 2 leh fanu 2 an nei nghe nghe. An fapate 2 leh an fanu upa zawk chu USA ah an awm a, an fanu pang ber chu Bangalore-ah Doctor hna neiin Pasal Doctor bawk a ni tawh nghe nghe. Awmpui 4 lai an nei bawk a, Driver, Watchman, Cook leh Housekeeping te an ni. Pa lian tak mai 6 ft foot vel niin a lang. an nu erawh nu pangnai ve tak 5’6 emaw vel a ni maithei.

Room chabi chu an Housekeeping pa chuan a hawng nuap nuap a, chutih pah chuan ‘ He room hi kum 2 liamta khan tlangval 1 Mizo tlangval ve thoin a lo luah tawh a. Hei, A thuamhnaw pawh rawn lam leh tawhloin a chhuak daih a, Pi leh pu ten fapa angin an en a, a bungrua pawh a awmdan ngai ngaiin a la awm reng, Amah engmah a rawn sawi silo a, Kum 2 a liam tawh avangin luah an phal ve leh chauh a ni hi” a ti zung zung a, Inchhunga kan luh rual chuan Kawngkapui bianga light chu a hmet eng nghal a. Kan hmuh phat atangin luah kan duhnghal a ni ber.

Kan thuamhnawte kan vawmluh fel vek hnuah kan Room tur kan tifel a, ka thianpa thlanloh zawk chu ka thlang a. He In hi Pu Gopala te in hnung lama awm niin, a piah lawk chu tuikawrh tui bal leh tawp hmel deuh mai luang ve dam dam awmna a ni a, Chumi piah phaizawl pharh duai ah chuan Bangalore khawpui chhung a ni vek tawh a ni. An in sirah he In luhna tur atan a siam kawng Bike kal theihna vel a zau a awm a, Chu In luhna tur chuan kailawn zal nuam deuha dawh a awm ve zui bawk a, Chu In hnuai a kawngkapui chu tala lianpui hian an kalh rup a, Chhiahhlawhpa sawi dan chuan Buhzem leh eitur eng ilo an stockna hmun a ni.

An In leh kan In luahtur inkar-ah chuan Volleyball court aia zim hret tur hmunawl a awm a, a chhuatah Lung mam tha tak phah chhuah vek a ni a, Chumi sir ah chuan Tuichhunchhuah lian ve thawkhat tak leh Tui Pump khawl (Handpump) a awm bawk a. Chu chu an tui tlan ber a ni nghe nghe. In chhungah chuan Room 4 lai a lo awm ve a, Room 1 chu Choka eirawngbawlna niin, a dang leh chu a zaulai ber nibawk chu Thukhawmna leh Chawi eina hmun atan a ni. Room 2 dang mutna tur a awm bawk a, Khawpui rimchhia eplo lam zawk chu ka thianpa room a ni a, Khawpui rim leh kawrte rim awlsam taka hriat theihna zawk chu ka room a ni.

Ka room ah chuan Tukverh veranda chhuah theihna mai tur a awm ve a, Chu chuan Khawpui lam a chhawn nghe nghe. Bang-ah Permanent a siam chhuar lianpui mai a awm a, Khum 1 leh side table kawlphetha khawnvar hunna lian lutuklo a awm bawk. Khum chu 7’5 vel a zau niawm tak a ni. Side Table chunga Electrict hmang khawnvar khuhna nei chu a hmantlak a, A hunna table chu hawntheih nimahse tala in a inkalh vet lat thung. Banga chhuar kawngka nei siam chu ka hawng a, Mipa thuamhnaw a lo inkhai dal a, a hnuaiah chuan Mipa kekawr leh towel etc a in thlep vel than bawk a, Chumi hnuai lehah chuan Chapal leh Pheikhawk 3 vel a inrem bawk. A kawngkapui hawn tawh hnuah kawngkate nei a lo awm chhawng leh a, chu chu ka hawng leh a, mipa rimtui inhnawih chi leh thil dang mipa hmanchi a lo inhung far bawk a. Tin, Bawm uk kherkhawrh tala te inkhai a awm bawk.

Chung ka thil hmuhte chu Zin bag dum min pekah ka khung sak vek a, Bawm ka khung dawn chuan thil ri deuh rek thawm ka hria a, ka hawng a, achhungah chuan Lehkha ip var hlui reprawp tawh tak leh navy cut bakah lighter leh pen a lo awm a, Chabi bawr pakhat a lo awm tel bawk a. Chung thilte chu ka enchiang a, Lehkha ip chhungah chuan Thlalak pakhat Mipasang lam upa hmel vaklo leh nu hmaitlak tha deuh upa tawh lam ding dun hmuar deuh iarh tawh leh Lehkha inthlep a lo awm a, Lehkha inthlep chu ka phelh leh a, “Albert Zosangkima Chaltlang’ tia VC recommend na a lo ni a. Chung thilte chu bawmah chuan ka dah leh a, Chabi bawr chu kengin khum sira table hnuaia kawngka inkalh chu ka hawng a, Chhuar chhawng 2 a siam a lo ni a, A chung zawk-ah chuan Holi Bible leh lehkhabu chhah deuh deuh 3 a in tiang ar a, Chung lehkhabute chu ka keu dan dan a, Biotechnology lam lehkhabu a lo ni a, Pakhat a kawm savun dum chu ka en leh a, Dairy a lo ni a.

Dairy chhung ah chuan ‘Ka Chunga thil thleng zawng hi, Hriatthiam a van har thin take m” tiin Kutziak nalh deuh mai hian a lo in inziak kalh a, A hnuaiah chuan Kum 3 liamta ni leh thla a inziak kalh bawk a, Dairy chhung chu ka keu leh a, a nitin hun hman dan a inziak dawn emaw ka tihlaiin, hetiang thil hi a lo inziak ta dul mai a, Ka khumah thu kaiin uluk takin ka chhiar ta ngawt a.

LEHKHABU CHHUNG THU CHU :-

He Khawvelah I rawn piang ve a, I pian hlimah I lai hrui pawh chat loin Mi kawtkai-ah hnutchhiah che sela, Tlanbo san daih che se la, Nangmah hringtu nu ngei chu engtiang in nge I ngaih ang? I ngaidam thei bik dawn em ni”

Ka nu hmangaihna ata mi hnena pek kanih na ka hriat hma chuan min enkawltu nu chu ka nu diktak emaw tiin ka bel a, ka nuar a, ka ti tau a, ka ti thinrim chawk thin a. Mahse chu nu khawvela nu duhawm ber chuan kei a rila rah pawh nilo chu min kuangkuah in ka tlinlohna te chu min ngaidamin min tuam hlawm ta zawk a ni a. A chungah bat ka van ngah tak em. A kiangah awm a, a kiang ngeiah chuan “Khawvel hi vawi 1000 pawh inher danglam leh mahse nang tluka ka nu tura ka duh hi an piang thei chuang lova nge” tih tak ka nap thin.

Ka zirna ah min hlawhtlin tir theihnan theih tawp achhuah a, Nisa ka tawrh theihlohnan hulhliap min pe a, ruah leh thli leh khawvawt laka ka him zawk theih nan thuamhnaw min sintir a, Ka riltam hlau takin eitur min hnutchhiah sak thin a nih kha. Kha kum 20 chuang zet liamta a ka tana a tawrhna zawng zawngte kha rul leh vek turin ka thawkrim em em tur a ni a. Chung ka thawhrimna pawh chu ama min tawngtai sakna vang liau liau in Hlawhtlinna ah ka chantir thei ve ta hram a nih hi. Ka van chhuang tak em…Ka Nu tiin ka ko a, A hrin a hrai ka nilo chungin min chhawn thin si a, Engtiang in nge a theih zawk le, a thisen pal nisilo heti taka min hmangaih thei zawk hi.

Keimah vangin tlang rel a pu a, Keimah vangin Thisen palloin a thi a hul a, Keimah vangin engkim a chan a ni ber, A duh a, a theih phawt chuan Min kalsan their eng a sin, Min kalsan tase he khawvelah hian Ui leh ramsa dangte ei zawh vek ka nih lohna chhan tur ka hrelo. A nihloh pawn Fanghmir leh rannung ten an ei zawh vek ka ni tho tho ang. Ka taksa no tak chenin ruangtawih lungten nuam an chen ang a, Ruai ropui an kil ngei ngei dawn si. Chung zawng zawng a thlen loh nan chuan Ka nu tia ka chhal hian min tuamhlawm a, Hringmi tia koh ka nih ve tak hi…

A tana nuamsa thei tura ka thawhrim vei the lul nen, A tana theihtawp chhuah a ka dil ve thin nasat nen, Ka chungah Pathian a lung nilo zawk em ni? Tinge ka dilna chu a hnung chhawn a, Ka dilna thang tlawm tak chu a hnawl si le. Kei Khawlai falak sawn mai mai dilna chu Lalber chuan barah akhawn duhlo zawk em ni? Tinge Ka nu damreina tur leh Hrisel theihna tura ka dilna chu min hnawl saka Bawrhsawmna leh thihna hial a thlen tir tak daih si ni..ka tan Khawvel ah damchhan a awm lo a, Ka tan thawh a tul tawhlo a ni ber lawm ni” tiin a inziak kur dul mai a.
******
Ka thinlunga khawih kher mai, He Alberta hi ka van khawngaih tehlul em? A nu tak pawh chuan avan ti awmanglo ve mawle, Tinge Pathian pawh chuan a dilna chu a tih hlawhtlin sak mai loh le? Tiin ka ngaihtuah zui neuh neuh a. Zanriah ei siama ka awm laite, TV kan en laite, Ka inbual laite, Ka zirlai bih ka tumlaite chuan ka rilru-ah engdang mah a lut thei ngang lo. Kha tlangval hlim hmel pu reng mai kha, a van vanduai uchuak bik take m? tiin ka ngaihtuah kual ka ngaihtuah kual hnu-ah thil dang engmah ka tih a tui hlawl silo a, Lehkhabu Kawm dum bawk chu ka keu lehta ngawt a.
******
“Ka nu boral, ka hriat tira ka thinlung vih sawka a awm hnu-ah Mizoram lamah ka hawng ve a, Ka nu nena kan chen dun ve rek rek na, kan In tia kan lo chhal ve thin Ka Pu Mama te inhnuai ( A nu unaupa niturah ka ngai) chu a lo hlui bam tawh a, ka khum leh a khum inkar te pawh a ngai ngaiin a lo la awm a, Ka muthilh theihlo change a hmel en eng chunga mut ka duh tlat thin te, mutchhuak chung chunga ka ti ti angaihthla lai hmelte ka hmu uaih uaih a. A almera chu ka hawng a, Hna ka neih hmasakna ber a ka thawhhlawh ka lak atanga ka lei sak thuam hnaw a lo inkhai far a, Ka tan lawman aiin tahna titamtu an ni ta zawk si a. Kan hlimthla kan dahna bu ( Album ) lah a kawm a chul tak bil bel a, A chhungah kan hlimlai nite, Krismas kan hman dun laite, engkim a lang vek mai si a. Ka tan zawng tahna mai aching lo thei silo.

Chutianga kan sulhnu ka chhui vel hnuah Pu Mama te bulah ka khawsa ve rih a. heath hian Khawvela ka thinlung kehsawmna vek tur thil ka hre ta a ni. Pu Mama nupui Pi Sawmi nutapa fanu Lunglei lam mi Pawl 12 zirlai an awmpui Mamuani nen chuan kan inkawm ngeih em em thin a. Ka nu boral tak avanga ka thinlung nat ziate, Ka khawhar ziate engkim ka hrilh hre vek thin a. a ni pawn a thinlung tak tak in min khawngaih ve thin niin ka inhria. Ka nu nen a kan in chu ka luah chhunzawm zel a, Eirawng bawl a ngaihin min bawlsak ve zauh zauh thin a. Kei Private School-ah inhlawhfa in ka thawk ve nawk nawk bawk nen. Ka thuamhnw bal te engkim min chhawktu a ni ve thin.

Tichuan, Kei aia Kum 6 laia naupang zawk Mamuani nen chuan Khawngaihna atangin Hmangaihna leh lainatna mai bakah In duhna a lo kuhmum ve tan ta a. Thisen zawmpuilo nita chu kan in duhna chuan zuallam a pan lo theilo a ni. Zirna lam-ah ka pui a, a nin ka tihturah minpui thung. Kan tum loh leh duhloh dan anga thil thleng a awmchang pawn hmangiahna a inhrethiam tawnin, kan in hnem tawn thin a. Kan kara induhna lo piang chuan Par achhuang chho ta deuh deuh zel a. Chu Pangpar lo par chhuak ta chu a mawi em avangin thup reng theih niheklo, a lo par chhuak hmutu ten sawi nuam an ti ta em em a, chu chu Mamuani Ni chuan lo hria in, Kan karah talhfiak hial a kham ta tlat mai.

A tirah chuan min hau ringawt thin a. a hnuah chuan min kawk sawk sawk thin a ni ber. Pu Mama awmloh hlan anih changte chuan, an chhe tin reng ka dawng fo thin a. Mamuanio lah bangle, kan induhna chu kawihthen tum teh mahse a kuai then zo bik silo. Nitin khuah khirhna hnuaia Ui thlun beh tlat chu, an chhuah theihna hun hmuh chhunah hla taka kalin thil thalo lo an va tit a thin ang mai hian. Keini 2 pawh khuah khirh tak a enkawlna hnuaiah leh dan chepna hnuaiah kana wm takah chuan kan duhloh leh tum lawk hauhlo thil kan tih a ngai ta fo mai a. Khawvel pian ken Mipa leh Hmeichhiate in duhtawnna chhan Hmangiahna tuipui thuk takah daiin kan chen dun ta zauh zauh a. Chung huntha kan neih chhun kan hman am tak deuh avang chuan, a ruaklo ta tlat mai.

Engmah tih theih kan neilo, Kan tihtheih awmchhun chu tlan dun zawng a ni ta mai. Champhai a ka thianpa bulah kan tlan chho a, Engkim kan hrilh vek a. Chu chuan Mei si chu Meipuiah a chan tira kan hniak hnung zuiin dawithu lengpai tirin koh hawn kan ni a. Kan inrem theih dawn avanga hlim em em a kan hawn hnu ah, Anchhia ka dawng a, Ka thinlung kehsawmna vek thil ka dawng ta a.

Ka Pu Mama tia kalo chuan ve em em thin, an in pawh ka in tia theihtawp chhuaha ka lo sakpuii ve thin ah ngei chuan Mamuani nu leh pa bakah Ka Pu Mama te nupa te, Ka Nu laizawn ka nutei leh ka Pu dangte nen kana wm thap a. An fate pawh an kim khawp mai. Chutah Ka Pu Mama lo dingin “Albert Kan thu in awihlo a, hetiang thil in ti hi kan zak em em a, pawi pawh kan ti, Mahse, Kan thu inzawmloh avang hian In inkarah remna thu thlun kan tumlo.” Tiin min hrilh ta hmiah mai si a. Chhan tuma ka an zuau lai chuan “Kan ril a rah pawh I nilo a, tu falubawk nge I nih pawh kan hrelo a, Kan nau chi thlah tu atan kan duh hlawllo che, He I fa nia I chhal pawh hi kan paih sak bawk ang” tiin ka Pi chuan anchhia min hlawh zui a.

Kan thawm a tha, mahse engmah ka sawilo, Ka Pu in Ka pi a hau a, Midangin an khak bawk a. Mahse ka thil hriat ngai reng reng loh ka hriat avanga mak tihna leh Ka nutein min kuah chunga ‘Bawiha engmah a nilo, a tawng ve mai mai a ni” tia min hnem a tumna chuan engmah a her danglam chuang lo. Mamuani a tap a, Ka naute an tap bawk a, Ka nutei a tap bawk..Ka pi erawh ka nihna diktak sawiin a ang hlawih hlawih bawk si a. Engmah sawilo chuan ka chhuak a, Ka In luah lam ka pan a. Khumah ka bawk a, Ka mittui dan ruallohin a tla ta zung zung a.

Kawngka an kik a, ka hawng duhlo, min ko a ka eih duh lo. Chutiang a beidawng taka an awm hnu ah, Rilru na tak thup tum takin ka fin leh a, ka zawhna zawh chu dik taka chhang tur leh thu dik min hrilh tura ngenna ka siam hnu ah ‘Ka Pi thusawi kha a dik em? Engtiang thil nge ka chungah thleng” tia zawhna ka siam chu. ‘Aw, I nu hi kan hrelo, Kan verandah I nu ( an farnu) Hla zir hawngin a char che a, a fa angin a pawm ta ngawt che a nih kha” tiin engkim min hrilh ta vek a. Chu chu He Ka nu tia ka chhal thin Khawvel a mahni chauha hrehawm tuar tura min hnutchhiahtu Min hmangaih em em tu chhungte nen kan inhmuh tawpna chu a lo nita a ni.

Kum a liam a, Bangalore-ah University ah hna ka hmuh hlauh a vangin nunphung thara nun leh ka tum mek a. Pu Gopala te pawn min phurpuii, ka tan engmah an uilo..Mahse engkim ka hriat vek tawh hnuah pawh nghai sak ka hlawh lehta si a. Ka inbeng bel ang a, ka hruai ngei ngei ang che u ti a ka lo tiam thin, Ka fapa Benjamin Lalpeka leh a nu Mamuani chu Motor accident vangin an boral tih ka hre ta mai si a. Ka thinlung a kehsawm ta vek a ni. Engmah ka tih a tuilo a, Chaw ka kil peihlo a, Ka hna ka kal phur heklo, engkim mai chu ka tan a tawp vek a ni ta ber….Enge ka tih leh tak chuan ang le?”

Albert
12th August, 20 **
******

Ka hnuk a ulh lo chauh a nit a ber. He tlangval khawngaih thlak tak hi engtia hetiang hi tawk nge a nih reng ka hre silo.

Bangalore a Pu Gopal-a te in kan luah atanga thla 2-na chiah ah eng emaw thil vangin Mizoram-ah hawn ka ngai hlauh mai a. Ka lehkha bu kawm dum leh thla lak bakah Alberta thuamhnaw te chu ka hawnpui a. Aizawl ah cham in Chaltang-ah Albert Zosangkima chu ka han zawng ta ngei a, Ka zawhte chuan an hre ngei a, Mizoram-ah a awm leh awmloh engmah an hrelo thung. An mi kawh hmuhna in chu ka zawng chhuak vat a. Chu In chu a ni maw ‘KA In tia ka lo sawi ve thin”tia a ziah chu ni ang ka ti rilru a. A ropui khep khep kher mai. Door bell ka hmet a, Hmeichhe tleirawl hmeltha leh biang no zet hian minlo chhawn a, “Alberta a awm em?’ ka tih chuan a phawk hra a ‘U mama a lo hawng em ni?” tiin min chhang ta daih mai.

Inchhungah kan inzui lut a, Thutkhawmna pindan-ah Nu valai tak hmeltha leh zaidam hmel deuh leh a pasal pa lian leh dul kiar pui mai, sam vawthlu rual deuh mai chu an lo thu awn duai a. ( Holy day a ni hemi ni hi) Mipa naupang kum 3 mi vel hian chhuatah bawkin Tablet-ah games a lo khel zat zat a, Pa chuan TV a en a, Nu chuan minlo en thung. A kutah Phone hmai hlai zet mai chu a lo hum bawk a. “Enge nita” tia minlo zawh takah chuan Nula ka zawh ang bawk kha zawkin “ Albert zosangkima hi khawnge a awm?” tiin ka zawt leh a, a hawi phawk hra hlawm a. Chutah pa ber chuan “ Bangalore-ah University-ah Assistant Professor hna athawk a lawm” a lo ti hu a Kei chuan, “Hei a bungrua ka rawn hawn sak a sin” ka ti ve mai a. Pa chuan ‘A lo hawng em ni?” a ti a.

“Ka pu, thil a fel dawnlo tawp mai, Hindi I thiam em?” tiin kan zawt phawt a, “Thiam ve bawk e, eng thil awmzia ni a?’” a ti a. “Bangalore a awm ka ni a, Alberta room luah thin luah lehtu ka ni, Ka in luahna neitupa chu Pu Gopala a ni a, an ni hnen atang chuan ‘Alberta chu Kum 2 liamta khan Mizoram lamah a hawng a, engmah sawilo in a lo kir leh ta lo reng reng’ tiin min hrilh a. engtik nge a lo hawn hnuhnung ber/ Hei a thuamhnaw ka rawn hawnsak ve tawp a sin” ka ti takah chuan an meng phi nasa ta kher mai.

Hei hi thilawmzia chu a ni. Pua chuan Pu Gopala a biak hnu-ah Kum 3zet an hmuh tawhloh thu leh, a hna neih thu pawh mi hrang lak atanga an hriat thu an sawi a, a naute ( an fate ) pawh thil a rawn thawn fo thin a. Mahse engtik chiah nge a rawn thawn tawp kan hrelo, a rawn thawn ngai talo reng reng a. Khawnge a awm tih reng reng kan hrelo” tiin min hrilh ta a. An chiai, a thuamhnaw ka pek chu an tah khum a, Nu tihloh chu mittui tlalo kan awm lo…

Chutiang thil a nih takah chuan Mizoram Police leh Maharasthra Police te chuan theihtawp chhuahin Albert Zosangkima chu zawng the thin mahse, a sulhnu emaw, a ma hang tur emaw, amah hriat theihna tur emaw engthil mah hmuh reng reng an nilo. Tlangval nunnem, Tlangval rilru tha, Khawngaihna leh lainatna ngah tak, Nu in duhloa a paih hnu, Khawlaia thi sawn mai mai tura a hnutchhiah hnu chu, Khawvel mawinate, nawmna te, engkim a tem vek tawh hnu-ah Zahna leh rilrunatna engkim tawng chungin Khawlai-ah a thi bo ta mai mai em ni ang? Tunge hria, Khawnge a awm? Tih sawi thei…Engkim hi Hmangaihna tello chuan thil engmahlo mai a ni…

( Ka thianpa pakhat Delhi a bo ta daih ka hriat ve hnuhawh chauh ( ahming ka trlanglo mai ) pualin he kan zeldinna thu hi ka rawn tarlang ve mai mai a ni e. Hming, Khua, veng leh engkim mai hi ka phuahchawp tak tak a ni tih Van Pathianin min hriatpui vek a nia..) A se viiua mai bawk