ONLY SIXTEEN... BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

ONLY SIXTEEN... BY Tochhong Ruata

Unread post by Ngaia » May 14th, 2016, 11:12 pm

ONLY SIXTEEN...

" Enteh thianpa sawte saw tunge a?"
" Khawi saw..."
" Nuni te thutna hnunga thu tleirawl rual zinga sang deuh ber, Kawr paw dal ha saw"
" Eee....U Zamlova fanu a nih saw....."...
"...Eh...chu Laipawngi kan tih thin kha maw?"
" Hi...hi....Aw ni e"...

Kan inkhawm ve chu hmeichhe tlar lam en hu chungin kan nui ker ker a, Ka hriatloh tleirawl an lo awm sup tawh a lawm le...Pawl 7 ka pa sikul atanga ka zawh hnu khan Kan khua ah ka awm ngai talo vang vang a, Ka hawng a nih pawn Ekzam chawlh ka hmang zawk thin a, Hunpui laiin ka hawng hman ngailo hrim hrim..Tuna ka zirmek ka zir hnuah phei hi chuan tun hi ka vawi 1 hawna niin chupawh ka zir zo vek hnua hnachhete ka thawh ve avangin Hunpui chawlh ka hmang ve thei hram zawk a ni..Thangkhat lian zet mumal takin ka awmlo bawk a rawlthar chhuak ka hre manglo pawh a awm viau. A then phei chu ka awmlaia nausen mai mai an nive tlat a lawm le....

Kham ni kha chawlhni niin Masi hma a chawlhni inkhawm tawpna ber a ni a, Sunday school awmloin kan Inkhawm pawlh vek tawh a. Seneoir Dept.zing a mi hmel fai zet mai, sam bu tha leh vun nalh tak, Pian fuh em em mai chuan ka mit a la viau a nih kha..Amah lah chu a Patea te nen kan inkawm ve deuh lai chuan Vak thei tawk tawk, kawr ha manglo a tawlh ve mai mau Lai pawng zet mai a ni thin a, chuvang chuan fiamthu in " Laipawngi " ka ti pek a, karlo ah mi zawng zawngin an ko ta sup sup a, a pu hlen ta deuh der a ni...Mahse, chhia leh tha a hre ta bawk a, tuman an ko tha vak duhtawhlo a ni awm e...Bangalore lamah a pa farnu pastor pasal nei te bulah a zuk awm ve reng tawh a, November thla tawp lam khan a rawn hawng ve chauh a ni awm e....

Khami ni atang khan ka rilru ah a cham tlat mai si a, ka hmu chak reng thin a, hmuh hun ka nghakhlel thei khawp...KTP in Advence krismas an hmang dawn a, KTP em em lemlo mah i la, kalve ngei kan duh avangin Gift Exchange tur atan eng eng emaw kan lei ve a, Phur takin Kohhran Hall lam pan chuan kan kal a. Hall kan thlen chuan an lo awm laih laih tawh a, Krismas hla sa in an lo zai thup thup a.

A fakna ri chu ngai ru...( Ngai ru)..
Angel ho te zai mawi ri...
Chungnung bera ropui rawhse.
Leiah remlengse an ti..
Tiin thalai za rual dawn an lo zai chuan boruak a ti tho tha khawp mai....

Programme an hmang tan a, a hlimawm phian lehnghal, Group hrang hrang ten an items chan an hnehsawhin a hlimawm hle mai..Keini thian dun pawh tlar hnung lamah kan thu dun kak a, kan hriat mangloh an awm nual tawh avangin kan khual duk lehnghal. Chutia programme an hman mawlh mawlh lai chuan ka Camera chu ka lo hmet de zuai zuai reng a, a nihna takah chuan tin bik leh zawn bik deuh ka nei a ni.. Ka kahfuh tum ka hmuh mai loh avangin ka thianpa chu ka pe a, a ni chuan a lek kual ve ta sek a...A duhtawk a hmeh hnuah, ka keng ve leh ta a...a thlalak hmeh te ka enkual vel chuan, ka target tak mai a hmet fuh tel tlat mai, " Hei hi" kan ti ngawt a, a bula thute atang chuan kan zawng ru vat vat a, kan hmu ta nge nge a. Kan thutna len piah piah leh ah, Bang bulah lai hmel deuhin a lo thu hi a lo ni a, an mahni rual ho chu chulai hmunah chuan an lo thu khawm lat a, a thutna a biru em bawk a ni, ka lo hmuh mai lo...

A bulah chuan amah rual vel mipa hi a thu a, ka en zauh zauh reng a, an awmdan vel chuan ka mit ati kham ru viau. An hlim hmel phian lehnghal...Chutah ka camera chu lek chhuakin ding meuhin chung tleirawl rual ho chu kan hmeh sak thawr a, a phe an hmuh chuan an rawn hawi a, " ti leh rawh" tiin an inpost sap sap a, nui sak pah chuan ka hmet a...Ka shot zawh chiah chu hmu se an lawm kherlo ang..Ka zoom vak a, an zinga pakhat chiah ka labing tih an hre dawn si a....

Programme tlangpui a zo a, A tawp ber a tan Gift Exchange a ni....Number kan zavai a inkhawm zat an siam a, kan pawt tliar tliar a, Mipa leh Mipa inpek palh a awm thei a,Chu chu hre ranin Mipa ho chu an uang hlawm hle..Kan nuamber pawh chu an puang lauh lauh hlawm a...Hlauh ruk ang ngeiin Mahni thiante number in mil an awm ta sup mai a, an ri leh ham ham thin...Midang kan hriat ve lemloh engemaw ti taka lo hriat ruk inpawt fuh anlo awm ve bawk nen, kan nui leh ham ham thin a...A host tupa in a thiamin boruak a chawk hot thiam viau bawk a..Thianghlim tak si hlimawm tak bawkin hun a hmang thiam viau..ka thianpa pawh a number a chhuak a, Kan veng nula niar ve tak, Kum thar maia KTP over tawh tur, Keini pawh sunday school a min ho hman thuak khawp a un tawh, sunday tlai a Tlangval zu rui intibuai pawh thelh ngam chin ngat tawh nen an In ang ta tlat mai le, pumna urin kan nui a, "nangpawh K'u Siamtei nen in ni ve dawn" a ti a....Hetiang a, No in ang hi an present ken an inpek mai bakah an thut dun tir zel a...Kan rilaih laih reng mai..Ka thianpa Pair lah zamlo ve tawk tawh tak a ni si a, " Tea khawmaw Lalmama nen hian thla minlo lak sak teh" a ti deuh reng a, kan nui tlawrh tlawrh reng a...Host chuan " Number 16 tutenge ni a?"...an ti lauh lauh a...Ka Number a ni tlat, Ka tho vat a, " Keimah" kan ti a...Host chuan " Awle...Kan veng tlangval chhuan vawr, Infiam thei, Lehkhathiam bawk si hi tu nula nen tak in kawp ang maw...U Siamtei hi ni hlauh se kan va ti ve....nula hi an nilo ang a, Makhuma a ni daih mai ang a, tunge 16 dang awm che u" a ti lang lang a, " Heta hi" tiin tleirawl rual awmna lam chu an ri ham ham a..." Awwww....Rosangpuii, Kan veng nula chhuanvawr tur, Miss Chapchar kut ni thei ngat a ni" tiin a puang a, ka va en ve nak chuan kan " Laipawngi" kha a lo ni a...Ka phur zual sauh a...a rawn kal phei a, a sen ap ap a, a zak hmel leh nui hmel chu ka lo en kar a, " An inhmeh dawn raps" tiin kan host chuan a lo ti a, kan indinchilh hnuah Kan gift chu kan inpe tawn a, " Midangte kan tih tir dan ni miahloin Sap tihdanin an inkuah ang" a ti kher bawk a...Ka duhlo ru hle..kei aiin ka hma a diing chu a lai zawk a, a sen ap ap mai..." A kuah ngam dawn em" a lo ti leh a, ka pan hnai a, ka va kuah ta a...Kut an beng dar dar a...Ka thutna lam zawkah chuan kan inzui phei ta hnak hnak a....

A ngawi ngal a, a thiante chuan an rawn chhaih laih laih reng a, a phone chu tul hleiloah a unlock a, a lock leh a, a hmet a hmet a..." I zak ve deuh em ni" kan ti a, " Zaklo e..." a tive mai nangin a zak a ni tih ka hre reng..." i lo nula ve tawh lutuk a ka hai dawn che a lawm, Nimin khan biak in ah khan ka hmu che a, i chhelo khawp mai" kan ti hram a...Han biak tlangnel vel ka tum a..." ah...teuhlo, kei te chu ka ni lo ang" a ti nuaih a, " Enge i sawi awmzia" kan ti a...." Ka thiante bulah ka phei dawn" a ti a, a ding hluai a...Engmah ka sawilo a chezia innocent lutuk chuan min ti hlim tlats...

" Rosangpuii khan a awmna a sawn si a, hrem a ngai a ni, Hetah lo chho tehse" tiin Host chuan a ko a, a thiante chu a chum taih taih a, a kal duhloh ka rin tehlul nen a ding a, a kal ve mai bawk a....Anlo haw haw dar dar a...." Awle...tinge i thutna ah thulo a, i thiante bulah i phei daih a?" Host chuan a ti a...." Ih...ka thutna sa reng a lawm" a lo ti ve khauh a...an nui ham ham a..Ka thiana chu ka signal zauh a, a hrethiam a a camera chu lek chhuakin a hmet nghal char char a...." e...kan rules anga awm dan tur in i awmlo a, kan hrem che a ngai dawn a ni." a ti a..." Naaa....aman min thutpui duhlo a nih kha" a ti ta daih a, a nui sen sen reng a, a zam hmel viau nangin zamlo ang taka lan a tum ve fan a...." Wow....chu Tv Tea khan i thut sawn tir em ni?" a rawn ti a, " Ka ding a....Min rawn zawt leh a, Stage ah min ko chhoh a, kan 2 chuan min dawp vel ta a..." Nia, I bulah ka thu peihlo, i putar roh si min ti tlat a nih kha?" ka tive sak a...An haw haw dur dur a...." Tunge diklo zawk hriat a har khawp mai.." a ti leh a, " Engtin nge kan hrem ang" a ti a, Lam turin an ti tlu ta a....Sangpuii a zai ang a, kei ka lam dawn a ni....a zai ve mai bawk a, ka lam ve mai bawk a, ka uan a chhuak a, ka lam ta chiam mai a, boruak kan siam ta phian a....Chutiang vel chuan Advance Chrismas chu kan hmang zo a...Ban-ah Arsa kan ro leh thingpui tui tak kan in leh a...

" I van lo zaithiam ve a?" mei nei deuh chuan ka ti a," i zaklo e...nangmah kha i lamthiam zawk" a tive mai a, kan nui dun hak hak a...." U Te Spi kha in hawkawng a inang bawk a, i rualin haw mai rawhse aw, kan kalsan dawn a ni" a thian nu pakhat chuan a rawn ti a... "...aaaa Hlimi in va sual" a ti bai bai a...." I chak hle kha, kan bulah i sawi zawt zawt a, a bulah i lai leh si"...nui hawr hawr pah chuan an rawn ti a..."..awi inzaklo eee...ka..." lungte a chhar a vawm tak tak a...." A nih thiannu naktuk kha aw" tiin an kal san ta a...

Ka thianpa nen kan 3 chuan kan inzui haw dam dam a, zan dar 10 a pel dawrh tawh a, Kan in kal pel ngai a ni a, an awmna hi, ka thianpa nen chuan engmah sawi chuanglo chuan kan zui ve zel a, kan ti ti bawrh bawrh a, ngawi rengin kan bulah a kal ve zel a...An in kan thlen chuan inchhung chu a lo la eng pap a, a nute an la meng tih hriat takin Tv ah mi anlo tawng lang lang a..." Lo lut kawi ula,thingpui ka lo lum ang che u" tiin min sawm der a, chhan tumin ka ang zuau hman tawh a, ka thianpa chuan " nia, a la hma bawk a, lut kawi zawk i la" tih leh zui a rual a, engmah ka sawi hman talo, an inah chuan kan inzui lut diah diah a...A nu leh pa leh a u mipa ke bai hian tv an lo en thap a, keini ho chu minlo en ha hlawm a, " Eee..Tea leh Lalmama ve hlawl chu, Sangpuii in rawn thlah elaw..in va fel ve" a nu chuan a lo ti teh hlut a..Lalmama chuan " Fel em em vang pawh a ni lo, kan tihtur hrelo in kan rawn zui ve mai mai a nih hi" tih pahin thuthmun kan rem a...Zan dar 11 rik tepah kan hawng ve ta a...A diktak chuan kan tan len a nuam viau lemlo..A pa hi kan kawm phak nilo mahse, a nu leh pa inruk zan te hian ar kanna ah kan lo hey tonite ve hman tlat a, kan u rual vel an ni tihna a nih chu...

Urlawk zan a ni a, Inkhawm banah Vengchhak lamah Lalmama tawihte in ah hman tumin kan inbuatsaih a,, Kan thuamhnaw neih lum ber ber nen kan in thuam nasa ve hle....Motor ka ti nung a, kan tlan chhuak a, Pi Dawngi dawr kawtah kan ding a, Tleirawl rual khat an lo awm laih laih a...Lalmama chuan " Enge kan lei dawn, Dispo ka lei tel ang em? " a ti a, " i thu vek a lawm" ka lo ti awlsam et a...Dawr chhungah chuan a lut a....Lalmama thil lei ka lo nghah lai chuan Hlimi leh Notei Sangpuii thiante chu an rawn kal a, ka lo en reng a, khawlai ah an inthuamna pangngai a an inthuam chuan an lang nula ve viau tawh a....Ka motor zawn an thlen chuan Notei chuan " Hei u Tea motor a nih hi" a ti a...Hlimi chuan min rawn pan vat a, Motor glass ka lo ti hniam a " U Te khawiah nge in kal dawn a?" tiin a rawn dak a, " Lalmama hian vengchhak lamah kal a rawt pek a, kan leng zawk ang chu kan ti a, " ka tive mai a...." Eh..nuam awm bik ve, Khawhar deuh an awm em ni?" tiin a nui hak hak a, a mi han tih vel dan chu a zei vei nek a, Lalmama chu a rawn lut chiah a, " U Mam minlo hruaive teh u." nui hak hak pah chuan a ti a, " Lo kal ve ula a ni mai alawm" nui chungin Lalmama chuan a ti a, " Thiani kal rawh kan zui ve chuan Miss khan hnawk minti lutuk ang" Notei chuan a lo ti a...Lalmama chuan ka shock ang che u" a lo ti vat a, nui har har pah chuan an kal sawn a..." Mam an kak ve tan tawh a nih kha" ka ti a..." Tunlai naupang te chu an zei ha zel mawle" a ti liam puat a...

Kan lenna ah chuan ka tui hlawl lo, an un hlawm tawh si a, Nula tak tak tawh, chhungte ngaihsak vak ngai tawhlo chin, Bial Zaipawl ah tel phak, Zirtirtu etc an ni nuaih a, an polite in fiamthu an duh viau nangin ka tlei ve meuhlo...Ka phone a rawn ri tret a, ka en vat a, Msg ka dawng a lo ni a, " Thianpa, nuamlo i tih hmel e...i duh chuan i hawng mai dawn nia, min ngaihtuah suh, Mary Scooty ka rawn hawn mai ang" tiin Lalmama chuan min rawn text ru a, ka va melh a, A bial nu Mary nen ar kan vel tur buaipuiin an lo kun dun ngar ngar a..." I share tur hi rawn lam la" ka ti let ve a..." Ka awm a nuam zan silo a, ka lo zuk tin mai teh ang" tiin chhuanlam ka siam a, Min ui der ve hlawm viau nangin ka ti ve tlat bawk a, Lalmama nen chuan kan inzui chhuak a, Royal Stag um 1 chu ka pe a, a kekawr kawnga zep tat tat pah chuan " Bawih, mangtha...naktukah news ka sawi dawn nia" tiin kan in mangtha a, Kan venglam a haw tur chuan ka in khalh chhuak ta a...

Zan dar 11:30 vel a ni tawh, khawlai a lun viau tho, kan naupan lai te kha chuan Halpuah an hal dup dup thin a ni si a, chutiang halpuah ri hriat tur chu a awm lemlo, Mahse naupang te te khawlaia inkuah rial rial ka hmu nual thung...Kan veng ka thleng a, Kan veng pawh a lo lun lat lat khawp mai..kan veng hi kan khua ah chuan veng lian lai ber leh veng hlun lai ber kan ni a, Mahse, sawrkar office leh zirna school erawh kan nei vaklo thung, Bazar hmun a nihna hi a ti luntu ve tak pawh a ni...Ka car tape chu ka play a, Motor chuan ka tlan zel a, Rualkhat te te a party kawngpui dungah an awm sup a, Bike a inphur vawk vawk tawklah an lo awm ve reng bawk a...Ka phone a ri a, " Hallo, " " Hmela, Khawnge i kal a" tiin ka thian kawm ve zeuh zeuh thin Rajua kan tih mai chuan a rawn ti a..." Lalmama nen kan leng a, ka rawn hawnsan a nih hi" ka ti ve mai a..." I van lucklo tak, tunah khawnge i awm, Kan awmna ah lo kal ve la?" a rawn ti a..Ka chak vaklo an boruak a ring luih luih hmelin, an rui hmel tawh hlawm bawk si a..A hrim hrimah Nupui pasal innei vek tawh an ni a,an kawppuite theuh nen an ni dawn si a, ka pheih vak lemlo " Ka lu a na deuh a, ka lo kallo phawt mai ang, nuam deuhin lo hmang phawt teh u" tiin ka thlah a....Ka phone ka dah leh chiah a, Msg ka lo dawng reng niin motor khalh pah chuan kan hawng hram a...

" In hmang nuam awm" tih ringawt hi Number ka hriat ngailoh atangin ka dawng a...." tutak chu ni maw?" tiin ka call back a, a ring hman meuhlo a lo pickup vat a..." Hallo" a rawn ti a,hmeichhe aw a lo ni a, " Hallo tunge aw..Motor ka khalh laklawh a, Ka reply theilo che a," ka tive ngawt a..." Min hrelo ang, in lo hawng tawh em ni..? Nge..i ride vel zawk" nui hak hak pah chuan a rawn ti a...Kan In ka thleng chiah a...Motor ka ti thi a, " Aw...aih....hei In ka thleng chiah a...?" ka tive mai a..." in lo hawng tawh a maw...?" a rawn ti leh a, a aw ka hriat ngai a ni bawk silo, tunge niang, ka be tawhlo mai dawn em ni ang, a sawi ho hmel bawk si ka ti rilru a..." I duhtawk i hmu tawh a ni maw?" a la rawn ti talh a...." Tunge maw i nih leh, Ka lu a na deuh a, ka hawng ta mai a lawm....mangtha phawt" tiin ka phone chu ka dah a...In chhungah chuan ka lut a, Ka farnu leh a thiante ho an lo awm thap a...An meilum ai zuk ai ve pah chuan " In va lucklo hlawm veee....Ar kanpui tur pawh in hre nange?" ka ti hlut a... "Awii..pawisa heksak mai mai, Zaikhawmna ah kan kal dawn a sin, " tiin an zinga pakhat chuan minlo chhang a..." Te Coffee i duh ve em..? I duh chuan hei flask ah hian a awm a, i lo insiam ve mai dawn nia, nangpawh i rawn haw hma em kha" tiin ka nau chuan min fiam a, Rei vaklo ah ka room lamah ka chhoh san ta daih a....

" Te kan chhuak a nia, Kawngka kan kalh lo, Ka nu leb pa Ka pu an tlawh a, an tlaivar ka ring" tiin ka nau chuan min rawn bia a " Awwww...Khawnge in kal dawn?" ka ti vat a, " Kan zaikhawm dawn" a lo tiawlsam et a, awle, Heater kha off lo la, ka rawn chhuk ang" tiin ka thuamhnaw ka thlak sawk sawk a...In hnuai lamah chuan ka chhuk a, Room Heater chuan boruak vawt lutuk tur a lo ti lum ham ham a, a nuam khawp mai, Tv ka chhuah a, earphone in ka laptop a hla ka ngaithla thung a....KTP programme hman zan thlalak ka up load chu ka en kual vel mai mai a, Sangpuii thla chu kan lo hmet hnem hman kher mai....Ka mithla ah a sen ap ap hmelte, a nui sen sen hmelte, a pian in phut chho tan khal deuh tal te, chu a lo lang zut zut a, Tv ah " Jingle all the way" tih flim a chhuak a, flim lam ka ngaihsak lemlo, Sangpuii thlalak chu ka en veng veng a, Dr.Hook hla " Only sixteen" tih chu ka ngaithla riai riai bawk a....

" So, why did i give my heart so fast?
It never will happen again.
But i was a mere child of Sixteen
I've aged a year since then..
She was only sixteen, only sixteen..
Oh but i loved that girl so..

Ka lo maimichhing diar diar a, ka phone a vibrate chur chur a, ka en vat a, nachina number bawk kha a lo ni a..." Hallo, U Te i mu tawh em ni, lokal ve la," a rawn ti leh ta tawp a..." rawnkal duh mah ila, tunge i nih a" ka ti a..." Awwww...Notei...." nui har har chung chuan a ti a...." a nih tak chu Arsa in kang awm sia, ka tibuai angche u..." kan ti hram a...." Teuhlo, Kan thian ho chauhin kan awm...a boring raps, lo kal la, nuam i ti khawp ang" a rawn ti a, ka hriat phak reng hian " a peih lo tawp ang" a lo ti a, " kha kha tunge" ka ti vat a...Sangpuii mawle, a sawi a sawi che a" " hei Lalnunpui i zaklo lutuk," phone an inchuh ni ngei tur a ni, an ri rak rak a...." Mahlimi ka nia, i lo kal dawn em..?" a rawn ti a...Ka nui sak a, naupang hlawm tak hi chu awww...engtin nge ka tih ang....Kal chu ka chak viau a, Mahse naupang zinga awm ka zak deuh bawk si, ka buai ru khawp a....a hnu deuh ah chuan " Lo kal zawk mai teh u, Wai Wai rawn lei u la, keimah chauhin In ka nghak bawk si a, ka chhuak theilo" ka tive ta zaih a....

Ka room ah ka awm leh tawh a, snack tlem nen ka dawm mek a, No 1 pawh ka la lem zo hmanlo.. naupang ho chu an reh hmak danah an lo kallo a nih ka ring a, ka room ka pan san daih a ni.....chutih lai tak chuan doorbell a lo ri a, a ri mawlh mawlh a, ka tho vat a, inhnuaiah ka chhuk a...Kawngkapui kua atang chuan pawnlam chu ka bih a, Sangpuii, Hlimi, Notei leh Zaii an lo ding thap a, vote an tih hmel hlawm hle...Ka phur ta riau mai...Kawngka ka hawng a, an lo nui tha hlawm a..." Kan hnap a dawk zo vek dawn a lawm, kan lo leng tawp a sin...?" tiin Notei chuan nui hak hak pah chuan a ti a..." Inlo kal peih pawh ka ring tak tak hleinem" tiin inchhung lut tur chuan ka sawm a, Kawngka chu ka kalh leh thlap a..." hawh u, ka room lamah awm ang u, Verandah ah kan thu khawm dawn nia" ka ti a. Kan inzui chho ta diah diah a...

Ka room varandah hi zau ve tawk tak niin Walker leh Weightlifting set ka dah a, ka phur chang a exercise ka lak vena thin a ni..Laptop ah woofer kan fit a, zai kan ngaithla a, Ka room ah hian tui lumna bur ka dah thlap a, Lehkha zir a riltam changa thingpui lum mai theih nan ka tih a ni a, Music thiam hawt silo chuan Keyboard leh Guiter ka chhawp ve bawk a...Bangah tar cheichuai hi ka duh vaklo nangin Wild Bill Hickock a lem ka ziah chu frame ah nalh takin ka tar kalh a, chu bakchu Ronaldinho Barcelona jersey ha chunga ball a khalh lai, Mihring tiat dawn Silkscreen a siam ka tar kung a...chubak engmah ka tar lemlo..Ka phur changa Inkhel ka en nan ti a ka Nutei min leisak LG LED 25 inch ka khum atanga muchunga en theih turin bangah ka tar vung bawk a...Fapa mal room a ni bawk a, a hnawk nuaih hranlo nangin a phuisui ve phian bawk a..." Ehe...i room ringawt pawh kan chhungkaw tan chuan ropui tak a ni" Notei chuan a ti hlut a...anlo comment tliar tliar a...

Ka thil in chu an duhve hlawmlo a, Coke ka chhawp thung, tichuan meilum ai pahin zai kan play a, Ka room a sofa set 2 chu kan chawi chhuak a, paktah Notei leh Sangpuii bakah Kei kan thu a, Mahlimi leh zaii an thu thung a, an ti ti barh barh reng a, " Sangpuii Chapchar kut miss a nih zan a kan lawm khan " tih vel an sawi a, an nui hak hak reng a, Zawite in Sangpuii bulah chuan " Wow Chapcharkut miss i lo ni tawh bik a maw?" kan ti sap a, a kiu a min nghawk zauh pah chuan " min hmusit" an ti ngawt a, a kut vaw thlar mai chu ka vawn sak a, ka khal niap niap a, a thiante ti ti chu tawite te in a lo zawn ve leh zauh zauh thin a...A thinlung erawh a bet viaulo, a kut ka khalh sak niap niap avang chuan a boruak a dang tih ka hrethiam mai...

Notei chuan " Hlim...tak a, Zawlaidi kha..?" a rawn ti hluai a..." Hlimi chuan " Naaa..kan inah ka dah daih a lawm...ka lo hre tawhlo reng reng" a ti niah niah a..." Pi Sawmi hnen ami lei mai ang u, in ina kal aiin a hnai zawk " Zaii chuan a lo ti a, " Nia....tikhan in 2 khan lo awm ula, kan zuk lei lawk a nge" tiin a ding sang sang a, Sangpuii chuan " Naaaa...ka lo kalve dawn" an tive bawk a, kal a tum tak taklo tih a hriat, a che eihlo..." Vela che, kan sawm lui ve tlat mai turche a sin" Hlimi chuan nui hak hak pahchuan a ti a..." Engzat man nge..?" tiin ka wallet ka phawrh a.." Awiii Mipa thil leisak nih kan duh teuhlo" an ti a, an kal chhuaak dam dam a..." in rei vaih" Sangpuii chuan a ti hram a...Notei chu ka room kawngka a rawn dak pah chuan " Kan hawng nghal dawn" a rawn ti fiam a...an nui ham ham a...

" Hmmm....I chhelo bawk sia, i luck thei awm?" kan ti zauh a..."..teuh lo, Ngaihzawng ka la nei ngailo hrim hrim, " a ti a..." Ka awihlo,Chapchar kut miss ve meuh te chu" ka ti leh ngat a..." Naaaa...an ti ve mai mai a nih kha...tuman min duhlo" nui chungin a ti a, a nui sen sen hmel chu ka hmu theilo nangin ka mitthla thiam ruau ruau a..." Ih...Chapcharkut kha Officer club in an huai hawt a, kan branch in cheraw kan kan ve a, tah chuan a rukin vote an lo thlak a, min thlang ve mai mai a lawm" tiin a kut ka hum sak loh lam zawk chuan Heater khaina chu a khawih niap niap a..." an mit a fing hle mai" ka lo ti a..." i sual"...an ti ngawt a, a rawn lehhawi ha a, ka thil in a thawk a, ka zamlo ve deuh tawh bawk a, chutia min rawn en ha lai tak chuan a hmuiah ka lo fawp ta siah a....a hmui nem nel thiap mai chu ka fawp a, azei vaklo nangin a thiam ang tawk chuan min chhang ve a...kan duhthawh dun sawt hle mai..

Ka insiam rem a, sofa chungah chuan ka keuh riai riai a, ka fawp pah reng a, a thaw ham ham a, a chung ah chuan bawk deuh ti tih hian ka awm a...." U Te ka duhlo a nia"....a ti tham tiak a..." Sangpuii engtin mah ka ti dawn lo che, hei bak hi chu" tiin ka hmui chuan a hmui kau deuh pham mai chu ka chuktuah a, kan in keih leh ta mawlh mawlh a...a taksa khalh talh mai leh a hnute la lian lo tak, khalh talh mai chuan mipate mipatna a cho tho thei kher mai, Mahse mipa ka nihna ang takin ka sawi chin bak pelh ka tumlo, chakna hi chu kan control duh dan mai mai a ni tih ka hre ve chiang khawp...A thaw lum ham ham a, ka kut pahnih chuan a bek sam ve ve ah dawmin ka zungpuiin ka chul hliau hliau a, ka fawp pah reng bawk a...a meng phallo, a ni aiin ka meng phallo zawk....Kan chawl det a, min en kar a, a nui seih a, ka duh lutuk chuan a khabe dawh lek lek a lang no chek mai chu ka seh sak zauh a, a hmui ah kai chho in, ka fawp leh ta a..kawng dang leh step dang pakai tum chuanglo chuan kan inkeih melh melh reng a, a changleh kan nui dun hak hak a..A thiante lah an rei vei phian...Mahse rei kum 10 mahse a phalna lo chuan ka che sawn duh biklo....nakin ah chuan sofa ah chuan chep zetin kan mu dun a, puan kan sin dun a, Van zaupui mai leh thiang kuk mai chu kan thlir dun a, kan ti ti sap sap a...

" U Mami nen khan in la ni em?" a ti phawng a, ka harh zawk a, Mami lam reng reng ka rilruah a lang tawhlo..Kan veng kohhran Upa fanu fel, lehkhathiam zet mai a ni a...Masi chawlh a hmang ve theilo a, Delhi lamah a la awm daih a...Ka nuih a za hle...Kan In zui ve viau nangin ngaihzawng en in ka en lemlo..Mahse amah zawkin min ta chei a, miten min dem fiam thin pawhin a nui liam mai mai thin a...Kei phei chuan ka haw hauhlo..Mahse ka ngaizawng ngailo hrim hrim a..." Kan In ngaizawng ngai hleinem?" ka ti a..." ka awih lo, an sawi vek a lawm" a ti leh a, " an hresual a nih chu....Kan veng chhungah ngaihzawng pakhatmah ka la nei ngailo...Hei zanin atangin ka nei dawn chiah a nih hi" tiin ka fiam zui a...a nui hak hak a.." i van ngeiawm tak" a ti hlak a..." Kei pawh ka vawikhat na" a ti a..."Mipa i fawp tawh em?" kan ti a, " aih engkim ka vawikhatna....Sir.LMa hian min ngaizawng thin a, mi pawn min chhaih fo, mahse ka hlau thei lutuk..." a ti a...a hmel chu a tak ngal a...dawt a sawilo tih ka hria..." a nih kei min hlau lo tihna em ni?" kan tive zaih a..." hlau...aaa hlaulo a niang hei i bulah ka awm hi" a ti bah niaih a...

" Sunday a ka hmuh che khan ka luangliam nghal a, Monday zana gift exchange kan number in tluka ka lawm zia kha ka hrelo..nachin in rawn kal hma khan ka camera ka en a, i thlalak hlir deuh thaw a lo ni a..." ka ti a...a nui sen sen a..." Naaaa ka awihlo...i tive mai mai.." a ti a...." Teuhlo. Nakinah i en dawn nia..." tiin ka kuah nghet sauh a, a kawr chhungah ka kut zenlutin a dul thep zai mai leh nem nak mai chu ka chul hliau hliau a...." Ih....Nikum hmasa YMA day a i lo hawn kha i la hria em?" a ti a..." Hria e.." ka tive mai a..." Khami tum khan kan thian ho hian kan star lutuk che a....mahse U Mami nen in inzui nasa bawk si a..U Mami kan ngei thei rap" nui hak hak pahchuan a ti a..." Kan schoolah class i rawn lak khan, kan class ah i rawn kal ve silo a, ka thinrim lutuk a" a tih zawm a, a hmel ka en a, van lam a en kar a, a thusawiah chuan a cheng veng veng niin ka hria..A lu chu tlem ka kuai thle a, rem takin a rawn hawi chiah a, ka fawp leh ta veng veng a....Ka duh zia sawi duah lemlo mah i la, ka chezia chuan ka lan tir a, a ni pawn sawi duahlo mahse, min chhanlet dan chuan ka lawm tawk a ti tling viau bawk....

Atuk Krismas ni chuan inkhawm ban ah In ah ka awm a, Ka mu zal mai mai a...Ka phone a ri sek a. Ka type chur chur reng a...Ka hmangaih nge ka duh..? Ka hrelo, ka ngaihthuah lo theilo, zana ka pawm hle hlena ka kawrlum chu ka hnim leh thin a, a rim a nam tlatin ka hria..Kan puan sinahte chuan a rim acham tlat bawk a...." Nizan a ka,kawr hak ah i rim a nam a, ka lung a leng e" tih a rawn thawn a....ka nui sak a...." Zan-ah kan leng dun thei ang em? " tiin ka reply a..."Kan ngaihtuah dawn nia...tiin minlo chhang a...

Kum 16 a ni a, Kum athar ang a, Kum 17 a hmang ve chauh dawn a ni..Kei Kum 35 ka kai dawn ta der mai si...Kan kar a zau hak hak hle mai...Mahse, a naupan lam ka ngaihtuah theilo, a zunah ka uai a, Ka ngaihtuah veng veng lo theilo a ni...Engemaw hlekah ka lo zawng leh ruai thin a...Khawlai an kal vel chu ka room atang chuan ka lo thlir dauh dauh thin a...ka hmuh khat leh ka ngai zual a, Ka hmuh zin leh ka ngai zual sauh mai si, ka text a,min reply lawklo a nih chuan ka thinur hlur thin a...Matric exam tur a nih vangin ka tih buai ka hlau bawk si, ka belo thei bawk silo...Kei Lungmawl mai hian Rawlthar zun ngaiin chawlhtui ning zu ka dawt leh khulh khulh thin....

Kan awmna lamah Entrence pe turin ka inbuatsaih leh tawh a...Ka zirlai a lut thei manglo...Ka tlin ngei ngei a ngai si...Ka tlin vaih chuan ka hmu khat sawt dawn chiang si...Ka rilru a insual nasa hle.......Indian Police Service ka tlin ngei a ngai si ka naupan lai ata ka dream a ni bawk si a....Hlawhchham thei ka ni silo...zan tin ka lehkhabu chhiar hma leh ka muthilh hma in ngei ngeiin he hla hi ka ngaithla thin a...

"She was only sixteen, only sixteen.
But I loved her so,
But she was too young to fall in love.
And i was too young to know...."....

*****************

Exam hall atang a ka chhuah ve meuh chuan ka thianpa Manipur lam mi Naseera chuan sidar buk hlim hnuaiah earphone vuah chung hian minlo nghak reng tawh a, Ka exam hma aiin ka confi tawhlo zawk, ka chhang tha nge chhang thalo pawh ka hrelo, ka ni deuh nuaih niberin ka hria....Ka Bag atangin ka Cell phone la chhuak vat in Kar 3 zet ka exam inbuatsaih duh vanga ka shutdown chu ka on nghal vat a..." Enge i an a? Kei ka tha vaklo" nui var var pah chuan minlo ti vat a...." Nang i zia loh chuan kei chu engmah ka ni dawnlo a nih chu" ka ti ve khauh a...." Ngeiawm" a ti hluk a, Kan thian duna kan intawm atana kan lei Secondhand Vespa Scooter Cheetak Englar vat maia rawng kan kah lam pan chuan kan ti ti phei dun barh barh...

" I biak tum number hi a biak theih rihloh, signal awmlohna hmunah a awm emaw, a switch off emaw a niange" vai nu hian a rawn ti talh talh a, " Ninawm" ka ti hluk a, " Engthil nge" Naseer chuan a lo ti vat a, " ka call tlang theilo" ka ti bul bul a..." oh...i pa maw?, keichuan ka be fel vek tawh a sin, a lawm hmel vak lo" rilru nuamlo hmel zet chuan a ti a..." Heh....a mak ve...." ka ti leh ringawt a... scooter chu tinungin kan hostel lam pan chuan kan inphur phei beuh beuh a...

Vawi 20 zet ka call tawh, a ngai reng a la ni...ka rilru te te in " He nu te hi ka biak hmanloh chhung khan midang min neih san reuh em ni dawn le...." ka ti hial a...Mahse chutiang atan chuan ka phal bik silo, Ka inbuatsaih duh vanga ka phone ka shutdown kher kher chu pawi ka ti tan viau tawh bawk a...Lalmama biak ka tum lahin switch off a ti zel bawk si, ka thinrim deuh ul tawh a....Sunday a nih vangin an inkhawm emaw, a nih kan ring chhin vei thul, mahse rilru ah ngaihthatlohna ka dah lian zawk bawk si a, Ka ngaih a ngam tak tak thei chuang hauhlo. Rilru nuamlo tak leh lung nilo ru tak chuan ka bawk zal mai mai chu ka lo muhil a...

" Hey, Tea tho tawh rawh, kal a hun tawh a nia?" tiin Naseera chuan min rawn hawlh nawk nawk a....." Eng maw...?, engtikah...awh....khawiah maw?" tho phang zet chuan ka ti nuaih a...Ka exam tur inbuatsaih talangin ka muttlem em avangin ka chau deuh a niang ka chhing sek emaw ka tih laiin Khua a lo thim fel der tawh a...Ka sana ka en vat a, Dar 6:45 lai a lo ni tawh a.." i theihnghil a mi?, engtin nge i theihngjilh theih zawk....?" Naseer chuan hmaihnawih in hnawih hlap hlap pah chuan a ti a...." Oh....ka hre ta hauhlo mai, engthil nge ni ngai?" ka ti hu a, ka khum atang chuan tho chhuakin banga kan calendar tar chu ka mit nuai nauh nauh pah chuan ka en vut vut a....Pen tui sen hian September ni 16 sunday ni chu a lo inthai bial kalh a, a bulah chuan pentui dum hian ' Norah Jones concert' tih a lo inziak bawk a...Ka hrechhuak ta uarh a....nui vur vur chung chuan " ready vat rawh Dar 8:00 ah an tan dawn..." a lo ti vat a....A dik tak chuan ka tawih ka be thei bawk silo a, ka phurlo takzet a ni....Ka phone ka en leh a, Miss call 12 lai a lo awm a, Number ka hriatloh atangin vawi 2 Lalmama numberin vawi 5...Sawmtei ( ka cousin ) number atangin 3 leh Number lawng ringawt vawi 2 a lo awm a...Lalmama chu biak let ka tum vat a....a lo busy leh daih si a...Lungawilo ru tak u bathroom ah ka lut ta hnu hnu a...

Dar 7:50 ah concert neihna tur hmun Sri Sathya Sai International Centre, New Delhi ah kan awm ve vang tawh a, Vai changkang tak tak hausa hmel zet zet, Nula tlangval, kum upa lam deuh leh pavalai leh nu valai rual an awm nuk nuk a, Tupawh mai chu an zauthau hle tih a hriat theih, Ka thianpa Naseera ngei pawh chung ho zing ami chu a ni ve nghe nghe..." Saw saw...chumi kha mi chu, enteh a chhelo khawp mai, etc" a ti ti barh barh reng mai a...Kei lah in ka phone ringawt la buaipui a, Msg ka type thul, ka call thul a tawpah phei chuan switch off a ti ta daih nghe nghe...ka lung awilo ta kher mai....Naseera nen kan boruak a inang lo hle...Ka Duhlaii be thei ngat ni i la, zanin ang tluka ka nghah hlelh leh nuam ka tih tur hi a awm dawn bik der silo a...Ka thu tum vuau a ni ber..Naseera lah in vantirkoh aia hmeltha a tih nihial awm tak a lo hmu chhen bawk si a, ka ngei zawk lek lek a ni...

Dar 8 ah chiah Guest Band ' Sangmantra' Indian clasical band an inlan phawt a, chumi hnuah Eng a thim a, light eng bik in kan thutna hnung lam chu a chhun ut a, an ri ta hum hum a, Kan ding vat a, kan en ve nak chuan Norah Jones ngei mai chu kawrfual senduk dar bah nei ha hniang chungin a rawn lut a lo ni a...Kut an beng a, an au chuah chuah a, mipuite chu a lawmzia entirnan a kut dinglam a vai lauh lauh reng a...Stage a thleng a, Stage chu light cool zetin an kap eng a, Keyboard var vo mai bulah chuan a thu a, a nui sen sen a, chutah " Turn me on" tih hla chu an sa zui nghal a....A reh nghal duk a, A zai zawh ah kut an beng a, a reh leh duk a, a hla hit ho a hawl chho tan nghal a....Ka phone a vibrate chur chur a, ka en vat a, Lalmama call a lo ni a,
" hallo"..."A va ri nasa rum rum ve?" " Nia, Concert kan en a" " ehe...i van free tawh awm ve a?" " Nia...kan free tawh viau....."..." Hallo...Hallo..." A tawng ka hre fiah theilo a, music ri a ring bawk si a, " Hei, Thil pawimawh tak sawitur a awm a nia, kal sawn mai teh" ti niawm tak hian a rawn ti a.." nakinah inbe mai i la, a pawimawh viau em?" ka ti leh a, " Pawimawh tehreng mai, Sangpuii chung chang a nia?"" a ti ta a...

Ka tho nghal auh a, Naseera bulah chuan phone call ka chhan tur thu ka hrilh a, Main gate lam panin ka chhuak nghal vat a, Thawm ri nuaih nuaih leh music ri bengchhen lohna deuhah chuan ka ding a, " Enge Sangpuii chu?" ka ti nghal vat a....Ka confi lo zo vek, Ka duhlai dawn tuaitei hming a rik dan chuan min dek zak a ni ber..." Sawi vat la..." ka ti leh vat a..." amak zung zung emai....?" a ti bui bui a..." Enge Sangpuii chungchang chu...?" kan ti leh hu a....Ka ngei zawk hial...Ka hriat chak leh biak chak em em Sangpuii leh a chanchin min tem tir zauh a, a sawi leh lawk duh silo...

A chanchin a tih miau avang leh, ka biak tlang zawh hauhloh avanga chuan ka rilru a thil rawn lut kha a chhem alh zual sauh a..." Tleirawl ngaihzawn chu, vil reng an ngai..Bawnghnute chhuan ang deuh hi an ni, vil reng loh chuan an so liam a, a vil peih deuh dang an zawng zung zumg zel a, fimkhur a ngai teh mai a nia" tia kan Thianpa Benjaminan min fiam na tawngkam ka hrechhuak uarh uarh a....a dik tak chuan ka ngaih a ngam zan tawhlo a ni....." Thianpa Sangpuii chu eng nge?" ka ti bul hmuk a...

" Vawiin nilengin biak ka tum a, ka be thei hauhlo lehnghal....a inkhawm em ni?" ka ti zui nghal zat a....Lalmama chuan a aw a thian kharh kharh a....a thaw ri suk suk a...." Thianpa, la hrilh hreh khawp mai che" a ti ta hlawl mai a...." Enge sawi hreh tur awm a...?...Tunge min neih san a?" ka ti vin deuh hlur tawh a...." Nia....a....chutiang lam pawh a ni lo, englo a nia...ih...Lalmawizuala kha i hria em?"....a ti bah nuaih a..." Hria e....hria e..Kha zawng chhe pa kha....Minlo la tibuai reng a ni maw?" ka ti khur hlak hlak thei hial a...

" Nilo e....Englo a nia....Sangpuii leh Hlimi te vawk chaw la a pawngsual a....?" a ti ta hlawl a..." A khai....engtin mawwww...?" ka alh pup pup a ni tawh mai, ka thinrim lutuk chuan ka mit pawh a fiahlo ruau thei hial....He Pa hi a ni amah Sangpuiin " Kan Sir LMan min ngaizawng a" a tih kha....Ka chhuk san hnuah pawh vawi engemaw zat a laka a thinrim thin zia thu min rawn hrilh a...Ngeiawm tak tak in a lo fiam fo lehnghal a...Ka thin a rim takzet tawh nak alai in....." Chu zawng chhe pa chu ka van khawih dawn tak em...." ka ti bawrh bawrh a..." Chuan Sangpuii leh Hlimi te chu engtin nge an awm zel a...Chung thil vang chu em ni, Sangpuii ka biak theih hauhlo chhan?" ka ti a...A ngawi vung vung a...." Englo thianpa, Hlimi chu a hliam nasa khawp mai, a mit a del hial maithei" a ti ban chalh a..." a nih Sangpuii chu.....?....engtin nge a awm...?....a khawih chhe ve em?"....ka thin a van rim tak...Ka rilru a na bawk si....Chutihlai tak chuan Naseera chuan min ngaihtuahin ka bulah chuan a rawn kal ve vat a....

" Nia.....Englo...Ni. 24 thlahmasa khan Sangpuii leh Hlimi chuan Thlanmual hmun kawngah khan Hlimite huan ami dawl leh Bahra an la a, Tah hian Thlama an chawlh laiin LMa ramvak chu a va kal ve a niang, Zu a rui hmel hle bawk a, An hlau viau a, an hlauh ang ngei chuan an 2 chuan a pawngsual ta a, Hlimi hi a hnek sak vangin a mit 2 hi a chhe ve ve a nih hmel, Hlimin a hriat chin zawng chu a ni mai....Tlaiah khawthim thleng pawn an hawn tak silohah chuan Hlimi u Sawmpuia khan a zuk lam a....An thlam chhuatah a naute thian dun saruak veka lo mu a hmuh chuan a thinrim hle a, Hlimi chu a lo la thaw tek tek a....Sangpuii erawh chhan hman a ni talo a...." a ti chuai raih a....Khawvel hi a vir mup mup a ni ber, Thingbuk an hungna lungrem ah chuan ka thu hnawk a....Ka thin a rim ngawih ngawih a...Ka kut ka hum ngat ngat a...Ka phone chu Naseera chuan a rawn la vat a...Lalmama chu a be chhunzawm vat a...

Ka awmdan tak pawh ka hrelo...Ka thinrim em vangin engmah ka hrelo hial...Ka thianpa Naseera awmlo se ka thi thei hial ang...Sangpuii te tawhsual tawh ni chu ka exam dawn vanga hun ka neih tam zawk nana inbe rih lo tura kan Intiam dun tuk chiah a ni lehnghal..A nih chuan ka Sangpuii boral tih hre hauh silo chuan ka hawn huna Sangpuii nen kan awm dantur vel ka hisap nasa hle a lo ni si a...Ticket ka booked lai te, Amah ngai em em a, Khawlai a ka thut vauh vauh laite khan a ruang chu piallei dai ah zalhin thiltawih bawmtu ranung ten an kher chhe mek tawh a lo ni si a...Ka van hrethiamlo tak em....Ka biak theih hauhloh chhan pawh a, phone kha a nu leh pa ten amah hriatreng na an dah bo daih a lo ni zawk si a...Ka tap hawk a...Ka kun tlawk tlawk a, Naseera chuan min dinchilh reng a...Ka samah a chul nauh nauh a..

Ka Sangpuii boral thu ka hriat atanga thla 2 dawn a nih hnuah Hospital ah drip khaiin ka mu zawi reng tawh a....Ka sam a buk em em a, hmul ka nei chhur a, ka biang a ki van bawk a...Ka mimeng a sen rum a, Zu ka in nasa in chaw ka ei ngailoh avangin ka dawldang in ka thu that bawk a...Ka khum bulah chuan Mami, Ka nu leh pa bakah Naseera an ding thap a....Ka nu leh pa hmel ka hmuh chuan ka biangah mittui a luang ngiai ngiai a...." Ka nu ka pa......in dammaw?" ka ti tham tuak a....." Hey, Ka thian....IPS tlangval i ni dawn ta a sin, Kan awmdun leh thei zel dawn e" Naseera hmel hlim tak leh min khawngaih tak hmel chuan Nui var var chungin a lo ti a....Ka nui a...Ka inher a, ka thiante leh ka chhungte chu ka hnung chhawn a....Ka thinlung kehsawm vek chu leih baw leh in ka mittui a dir nghal zung zung a..."Sangpuii tello chuan engmah a ni dawn chuang silo" ka ti zawi sap a.....

( Ka thiam ang tawkin ka rawn tive leh ta phawng a ni e...Kan duhlai, kan hmangaih, kan u, kan nau, kan Bial nu etc tuemaw takin Mi hurherh lakah tawhsual tawk palh tase, rilru avan na duh dawn tak em.....Hmeichhe zahawmna hi an thianghlimna a ni a...Chu hmeichhe zahawmna tih bawrhban saka tharum nena beih hi Mipa tihchi em ni ngai.....?...Hmeichhiate hi mipa thlazar hnuaiah lungmuang tak leh hahdam taka awm tur an nih laiin, a ti ralkheltu kan ni thin hi a van pawi thin tak em.....Tawhsual tawk tawh hmeichhe tan zawng zawng Ka thawnthu siam ve mai mai hi ka hlan e.....Zam hauhloin Hmangaih a lainattu i kiangah Mizo tlangval dik tak an tam teh mai a nia...I tawhsual tawh avangin mahni insit in, in kiltawi bik duh hauh suh...Khawvel hi a thar zel angin thlir hram hram ang che....)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)