DARK SIDE OF THE MOON BY Tochhong Ruata

[Ngaia]

DARK SIDE OF THE MOON

21st. September zan dar 12 a ri tep tawh a, Boruak a nuam phian a, Thla chu a bial kulh nangin chhum a zin deuh chuai a vangin a eng reiruai choh a, Bar thla eng a ni bawk a, chutiang a chhum awm tam karah pawh chuan khawlai vel chu a lang ruih thei tho bawk a. Nula leh tlangval nuamti zual bik deuh leh zanrei pawisa hauh lo a nuamti hmel taka lirtheia tlan vel chu ka room verandah atang chuan sikret zuk talh talh pahin ka thlir dauh dauh reng a. Tlangval kum 35 zet nitawh mah i la, Nupui lam kala ngaihsak lemlo bawk a, kala tlawngawl ru hle. Ka nupui tur an la piang velo ni maiin ka hrethin a, ka hmanhmawh duh vak lemlo..ka unaute fa duat taka lo chhawnchhaih mai bak tihtheih dang ka nei lemlo...Nalh taka inchei a, Ka hnathawh nuam titaka thawh sawk sawk bak eng thil dang mah phur ka nei ngai lemlo...Chutia mi khawlai leng ka en dauh dauh lai chuan Ka phone chu a rawn ri cher cher a, ka en vat a Kan constable pakhat Pu Rama kan tih chu a lo ni a, " Hallo Pu Ram engthil nge ni a?" tiin ka chhang a, " Sir, Greenwood hospital ah i rawn kal lawk thei em, Hei case danglam tak kan nei dawn a niih hmel" tiin thaw hluam hluam chung chuan min rawn chhang a..

" Bawngkawn Durtlang kawng chuan hnuaia chhungkaw pakhat chu Zanin dar 9:30 bawr vel khan an sarak chiam chiam mai a, an In hi a fal deuh avangin thawm an hre hma nangin an in an zuk thlen meuh chuan an chhungkaw member 5 zinga pathum In neitupa leh a nupui bakah an fapa Kum 10 mi lek chu sawisak hrep tih hriat takin an lo thi reng tawh a, An fanu upa ber chu a hmai leh awm vel a thler hnuang nangin a la thaw tek tek thei a, chumi chhang chiah hmeichhia erawh hei a khem deuh nuan nangin a biak theih thung a, Mahse mumal tak erawh a la ni chiahlo" tiin thil awmdan a rawn report zung zung a...Ka tho vat a, Ka thuamhnaw khaina chhuar atang chuan Ka unifom leh Automatic Pistol chu ka pai bawk a, rang takin Greenwood Hospital lam pan chuan ka inkhalh chhuak ta a...motor a ka tlan lai mek chuan kan ram boruak chhe tawh tak leh, nunau thlabar taka an awm chhan hi Zu zawrh phalna kan sawrkarin a siam vang nge ni ang, Bangladesh leh Myanmar lam inkalpawhna kawng kan hawng ta mai hi em ni ang?, kan case 65% zet chu heng atanga rawn lut Vai ho leh Khawchhak mi ho an ni zel a, 30% zet chu Zu in vanga thil thleng an ni bawk, a bak 5% chu Drug hmansual vanga ani thungba, a bak zawng chu accident leh Case tenau dang deuh a nih vang hian ka thil rin chu ka ringnghet deuh bur tawh nghe nghe..Ka hmelhriat leh ngamtlak deuh Politician thenkhat bulah pawh ka sawi lang fo tawh nghe nghe...

Greenwood Hospital tual ka thlen chuan mipui an lo zi deih luih luih tawh a, Police motor leh private motor dang engemaw zat an lo ding khap bawk a, zan rei lam nitawh mahse Helai bial tu MLA motor leh a thuihhruaite motor pawh ka hmu a...Ka then sak a, " Sebo hnua se kawngkhar ang hlauh a ni, an mamawh laia tlawh mang silo, an chhiat tawh hnuah chauh ngaihpawi mawh te chu a, " ka ti sap a...." Sir, i lo thleng ta maw?, casualty ah an awm" tiin Ka driver hman thin Davida chuan minlo dawngsawng vat a.Motor chabi ka pek hnu chuan Greenwood Hospital chhungah chuan ka lut ve ta nghal a....Casualty ah chuan mi an lo awm taih a, dawhkan pathumah mithi ruang an khuh tlar thliat chu an lo en hrek hrek hlawm a....Inspector Zuala chuan min hmuh velah " Sir, helamah hian lo phei rawh" min tivat a...ka pan phei a, " Hei hi kan SDPO Pu Thangzika a nih hi" tiin Doctor a lo dinpui mek hnenah chuan a ti a...Ruang en phalna ka dil hnuah ruang te chu a mal te te in an khuhna puan chu min hawn sak thliah thliah hlawm a...Hetiang khawpa a mihringpui nghaisa tu chu eng mihring nge maw ni ngai ang le, an hmel a hmuh tlak loh a, an taksa pawh a thler hnehnu vek bawk a ni..Casualty a emergency bik mutna tur an siam lam chu ka pan phei leh a, Doctor 1 leh Nurse 2 hian hmeichhe pakhat hmai an lo chilh sak mawlh mawlh a, oxygen an lo vuahsak tup bawk a...Nu hmelchhe lo tak a nih hmel, a hmaifang a that hmel hle bawk a...A piah khum a kil bera mu nula khum bulah chuan MLA leh midang 4/5 vel an lo ding laih bawk a...Chumi lam chu ka pan phei zel a, " Pu Zik i lo thleng ta maw?, hei nula pawh a harh hret hret tawh e, a mitmeng pawh a buai talo khawp mai, a kawm theih tep tawh ang" tiin Chulai veng Local council president Pu Faka chuan a lo ti luam a..MLA nen kan inchibai hnuah Nula chu ngun takin ka thlek vang vang a, ka hmuh tawh hnu ang riaua hriatna ka nei a, tlema a thlek deuh avang leh a lu an tuam bur avangin ka hmuchiang lutuk theilo a...ka bih hnai deuh hnu chuan " Laxmi a ni maw?" ka ti chhuak ta hlawl a...

Laxmi chu kan Out post bul lawka thingpui dawr nghaktu a ni a, Bawngkawn Brigate Field awmna mual Durtlang kham pang a chuan hnuai deuh a Bawngpu Lalsawma an tihmai thin fanu Gorkhali nula a ni. A pa hi Assam Rifle penson Gorkhali a ni a, Santoor Chhetri a ni..Kristian sakhua a vawn hnu ah a hming chu Lalsawma an tihsak ta mai a ni awm e...Laxmi u chu Neermala a ni a, a nu chu Kamal a ni thung, an mipa chu Zochhuaka an ti bawk..Chhungkaw tangrual leh taima tak an nih bakah Mizoram ah an unau hi an piang vek bawk a, chuvang chuan an nunphung engkim mai chu Mizo tak vek an ni nghe nghe..Laxmi chu thingpui dawr nghakin a inhlawhfa a, a u Neermala erawh Taxation Department ah LDC hna a thawk ve thung. A nu leh pa chuan Bawng an enkawl a, an nau mipa awmchhun chu an duat hle...Chutiang chhungkua rawng taka sawisa a, thattu chu hmuh ka chakin man chhuah ngei ka duh kher mai..Mahse tihvak dan a awm silo, Laxmi biak theih hun chu kan nghak ta ngawt a..Hetia Laxmi kan nghah chhung hian an In leh a vel a thil awmte kan zuk thlithlai vel a, Hnuhma a chiar dup nangin Engber nge kan hre chuang lemlo.

An ruang zuk hmu hmasa bertu ten an sawi dan chuan, Silai a puak dur a, an hmeichhe ho an rak chul hlawm a, an bawng an ri bu chuah chuah bawk a, Inchhung lamah darthlalang keh ri leh bungbel tla ri chuai chuai thawm an hre bawk a, kawngkapui chu a inhawng huai a, Kawngkapui bulah Laxmi nu a lo let ngat a, inchhungah chuan A pa, a u leh a nau an lo awm bawk a, Laxmi erawh an sittingroom thluthleng leh thuthleng inkarah thisen kai hnuang chungin a lo thu a, a kun tlat a, an zuk biak chuan a rak tuar tuar ringawt a..." Min khawih suh, min khawih suh, nang ramsa tenawmpa" a ti tuar tuar a ni awm e..

An inchhung chu a lo kawih nuai mai a, darthlalang keh them a let phung a, bungrua leh thil dang an let phung bawk a. an thisen a chhuak nasa tih hriat takin a thang nghur mai bawk a, Kawngkapui chu pa chaktakin a phih hawng ni ngei tur a ni a, kawpza a bal hial thei, darthlalang a tla darh nuaih bawk a, an TV hmai a keh vek bawk a, Thil awmdan ka hmuh chuan ' a va mak rep rup vele" tih mai bak tihtheih ka neilo.." Ka pu Bawngpui 2 an thi reng mai khu?" tiin tlangval hmel nur deuh hian a rawn ti a, Bawngin lam kan pan vat a, An bawngin chu an uluk tih a hriat mai, bawngin ah chuan a fai ber hial awm e, Bawng chaw an lo dah vum hnur a, an bawng tui an dahna tanky ah chuan tui thisen ang mai a sen vekin tui a lo tling pum bawk a. An bawngpui Pa 4 zinga pahnih chu tai chhuak purin an lo thi meng kuau a, an hrawk ah chuan Chem nilo thil hriam ve tawk taka phihna ni awm takin a lo thler hnu bawk a...Damdawiin a hemite chhungkua khan hetiang deuh vek hi an taksa thler awmdan a ni tih ka hre mai a...Ka ngaihtuahna a dang ta daih mai,Bawngin atang chuan chhuakin Kawm karah ka chhuk thla zel a, thisen far ka hmu thla ta zut a, Ka naute ka ko a, thisen farna zawn chu kan chhui thla zel a, Luite kan zuk pawh a, thisen far pawh chu a bo ta daih nghe nghe a...a bul fit 20 bial vel zet kan enkual fe pawn hnuhma tharlam engmah kan hmuh tak mai loh avang chuan Lungawilo ru tak chuan kan hawng chho hnak hnak a...Bawngin kan thleng a, ka ngaihthalo chuan Bawngin hnuai chu ka sihdet chuan ka chhun hram a...Bawng note pianghlim awrh, ni 2/3 vela upa bak nilo tur hi a khel bal huam hian a lo let ngat a, a pumpui chu a tla hnuang bawk a...Ka naute chu ka hrilh vat a...Ngun takin chulai hmum vel ka bihkual hnu chuan Hniak maksak deuh mai, Mihring ke aia hlai mah, tin zum tak nei nimai awm, zuih deuh tuih hi ka hmu a, ka enkual zel a, ka hmu ta thluah mai a..." e hiaiu, mihring thil tih a nilo tawp mai, Savawm emaw, Sakei emaw, ramsa kawlh eng emaaw ber chu a nih ka ring" ka ti sap a....Ka duhtawk a ka bihkual hnu chuan Khawchhung lam pan chuan kan inzui chho leh ta thliah thliah a..

Chawhma Dar 11:45 a ni tawh a, Greenwood Hospital cabin No 25 ah chuan Laxmi nen kan awm dun a, Laxmi hmel chu a dang var pap reng a, a hmelah chuan hlauh a nei tih a hriat ngawih ngawih a, a kut pilh phung mai chu a en tlawk tlawk a...a hmai vel pawh a khem nasa hle, a mitko a mi phei chu hmun 2 laiah an chilh nghe nghe...." Laxmi, han chhutlet vang vang la, nizan a thil thleng kha a bul atangin min hrilh vek teh, I chhungte sawisa tu chu engmi pawh. Eng pawh nise kan manchhuak em em ang, Hlauhtur pakhatmah a awmlo a nia.." tiin a zai ngairu tak si chuan ka bia a...Mahse Lungtum biak ang hlauh a ni thung..Kan ngawi dun leh vang vang thin a...Chutiang chuan chawhma kan hmangzo ta der mai..Office lamah min mamawh avangin Kan Police hmeichhia ASI Rintei bulah chuan "min biak a duh hun hunah min rawn ko vat dawn nia" tiin ka chah a. Office lam pan chuan ka haw leh ta rih a...

Khami zan a thleng hmasa her Neermalai bialpa an tihmai, Sanjoy Thapa chu an lo thut bial laih a, a ni chuan a thil hmuh leh hriat a lo sawi zat zat a..Hemi zan hian Neermala nen Bawngkawnah an kal a, an haw lamah Ui u ang deuh Durtlang kham, Damdawiin hnuai zawnah an hriat thu leh, Chinghnia a ni a rinthu te, a lo sawi a, khatia an rak tengtung khan an in lam pan chuan an hreipui kengin a tlanchhuak tawp a, a hnungah apa leh a nau mipa ten an umzui a, an in inkar hi Meter 200 emaw lai tur a nih avang in an va thlen meuh chuan engkim a lo ni nuaih tawh thu te a sawi a...Eng eng emaw kan zawt luam a, Kumin July thla tawp lam vel atangin Chinghnia niawm tak a rawn hram zauh zauh thin thu a sawi a, Mahse engmah an bawng emaw, mihring emaw, kel emaw khawih a nei ngailo thung niin a sawi bawk a...Darkar dawnlai kan inzawh hnu chuan Rintein Laxmiin min biak a duhthu a sawi avangin Greenwood lam panin ka kal leh vat a...

Rintei, Pu Rama, Inspector Zuala leh Kei chu Cabin chhungah kan awm thap a, Rintei chuan Durtlang kham pang lam chu a thlir vauh vauh a, a mittui a tling pam a, a heh a pet fan fan bawk a....Minute 10 dawn hnuah hetihian a rawn tawng chhuak ta a...." Ka nu leh pa, ka nutapa, ka u ten He khawvel ata keimah chauh min kalsan an tum hi a fairlo ka ti takzet a ni, Pu Zik, he thil hi min chinfel sak thei tak tak dawn em ni?" a ti thawp sat a..." Eeee kan theih phawt chuan a tawp rat thlengin tha kan thawh ang, a tul a nih chuan Silai pawh kan hmetpuak mai tur a lawm,Mahse, chumi kan tih theih nan chuan eng emaw tak i hnen atangin kan hriat hmasak a ngai ang, Hnuchhui kan awlsam phah deuh takin" ka ti vat a....A chil a lem ri khalh a, " Ka hlau takzet a ni, Kathiang ang khawpa min rap thil kha ka la hmu ngai hauh hleinem" a ti leh a, a tap par tawh a...kan ngawi thap a, " Laxmi engkim sawirawh kan hriat hmasak ngei a tul a nia....?" ka ti leh a....

" Nizan khan Ka U leh a thianpa Sanjoy chu Bawngkawnah an leng a,Chutia an len hlan chuan keini midang ho chuan Card dengin kan lo inti hlim mai mai a, Kan ri dar dar reng a...( a hmai a hup a, a tap leh hlawp hlawp a) Ka nu, ka pa, Mamte,..a ti chhuak hawm hawm a....." Chutia kan hlim em em lai chuan ka ute pahnih chu an rawn hawng a, Sanjoy chuan ka pa hnenah Chinghnia hram ang tak kha, a hriat leh thu leh, anlo hriat tawh thin aiin a hnai deuh nia a hriat thu a rawn sawi a, kan uksak duh vaklo, Kei phei chuan ka hretha duh vaklo hrim hrim, ka muthilh theihloh ka hlau a." tiin a sawi chhunzawm zel a..

" A nih chu chinghne hram niawm tak in hriat chu zan tin em ni in hriat thin a..?" ka lo to vat a..." Aih....Kan hre khat khawp mai, ka nu hi thil chik peih tak mai a nih avangin hemi zan pawh hian ka pa bulah chuan " He Chinghnia emaw ni hi a hram kan hriat zan hi i lo ngaihtuah ve ngai em?" a ti a...a ngaihtuah ve ngailoh thu leh, a ho a tih viau thu a sawi a. Mahse ka nu chuan Thla bial zan apiangin kan hre ziah..Zanin pawh hei a bial zan a nih hi...a ti a..Mahse chubak kan sawi zawm tawh lo...Sanjoy a hawng a, Bawng note ni 4 leka upa kan neih avangin ka Pa nen kan zuk enfel a, khua a nuam zan lo nangin thla bial chuan a ti nuam ru riau thung a...Bawngin atanga kan chhuah hnu lawkah chuan Kan thlang lawk kawrte atang khuan niin ka hria, Chinghnia nia kan hriat chu a rawn u ta phut mai a, ka rap em em a, Chinghnia u a nih leh nihloh ka hre hranglemlo bawk a, Chinghnia ni ngeiiah ka ngai tawp a...In kan lut a, ka nu leh midangte chu an lo phawk hra a....Chinghnia a ni hauhlo mai, a rawl a lian mah mah" ka pa chuan a ti a, "eng tithim vek ula, Silai nen kalo chang dawn a ni" ka paiin a ti ta mai, kan chiai a ni deuh der tawh a....tumah mungam awm heklo sitting roomah chuan kan thu ngawi thap reng a..Thawk lehkhatah ka pa silai a puak thuai a, Engemaw rak thawt thawm kan hria a...Kei chu thuthleng karah ka tlanlut vat a...Kan kawngkapui chu a inphih hawng thuai a...." a hlau takzet tih a hriat a khur dat dat tawh a...." Ngawiteh u ka pu duhtawk rih phawt ang, Jection a ngai bawk si a, Minute 30 hnuah in kawm leh dawn nia, Pi Rintei bak zawng chu pawnah lo awm rih teh u" tiin Nurse rawn lut thar chuan a rawn ti a...thuawih tak chuan kan chhuak diah diah a..

" Sir, emgthil nge nia i rin?" Inspector Zuala chuan makti hmel zet chuan a ti a, " ngaihdan fumfe ka nei mai biklo, mahse rinruk deuh chu ka nei, Tlem lai deuh a, Sihphir huan pakhata riak nupa suasamtu leh Sairang Tlawng lui a balu thiar Khawchhak mi sawisa vaktu nen khan inzawmna an neih vek ka ring...A hmunah ka kal vek a, ka bihchian viau hnuah Nizana ka thil hmuh nen an danglamlo tlat" ka ti ve mai a...Sikret kan pak dun talh talh a....Kawngpuia motor tlan zut zut chu kan thlr reng a, Durttlang Damdawiin awmna hnuai kham chhengchhe hmel zet leh ro deuh ru kawlh deuh fuk mai chu ka thlir vang vang a..." A inkarhlat e mai a, Sir" Zuala chuan a ti leh a..." Nia, a inlar khat reng bawk a lawm," ka tive mai a...." a nih mihring nge?, Ramhuai lam thil tih nia i rin?" a tih leh hnu chuan ka en a, a hmel dilchhut tak mai pu chunga si sup a min enlai chuan ka nuih a tiza lek lek zawk a...M.A lai zirzo tawh, thluak tha tak nei niawmpui si in an thilsawi leh hmunhma vel nena thlunzawm a thiam tlatlo chuan ka nuih a tiza tel bawk a..." Sir, Keimi kan pipu ten an tih ang kha a ni mai lawngmaw?" Pu Rama chuan a rawn ti hu a...." Nia, chuchu ka lo rin dan deuh a ni...." tiin ka meizial chu ka nawr hlum a, Dusbin ah paihin cabin chhungah chuan ka lut nghal a...

" Kawngkapui inhawng ah chuan Samthur hreu bum mai leh, Hmel zum put, Ui hmulbuk ang maia hmel zum, Beng bial hlai deuh nei, ha ngho lawr vun khawpa then sen sung, Kut leh ke tin sei zet nei hi a rawn zuang lut thurh a, Ka pa chuan a silai mu a thun leh mek a, a rak tuar a, chu mihring aang tak mahse ramsa ang maia bawrchhawr kut leh ban vel hmul buk chhup bawk chuan ka pa silai mu thun mek chu a rawn bawh phei pawp a, kapa chu a hlawm nawk a, a awm leh nghawng vel chu a thinghal puat puat a...Kan rak ta chelchul a, Electric bulb te chu a chum keh chuai chuai a, kei chu min hmulo a niang midang ka chhungte chu a bei ta zel a, ka rak chhuak ngam tawhlo, ka khur char char a ni ber, Kum 1 emaw ni dawn hial tawha ka ngaih hnuah thawm a reh a, tukverh atang chuan a zuangchhuak a niang. bawng an ri khut khut a, an bu rawng rawng a, Kan bawng note pawh a hram iak thak a...Chutih lai tak chuan Sanjoy a leh a pate chu an rawn tlanlut a...Ka thidanglo chauh a, mumal engmah ka hre talo hrim hrim a ni" tiin an chhungkaw,chunga thil thleng chu a sawi ta vek a....Ka ngaihdan a dik chiah niin ka hria..Ka hawi deuh valh valh lo chauh....Laxmi chu thlamuan mawlh mawlh chungin kan chhuahsan a..Kan Office lam pan chuan kan inzui chhuak ta dam dam a..

Kar khat zet hnuah Laxmi u Neermala chu a boral ta nge nge a, Laxmi pawh damdawiin atangin a chhuak a, U pa unaupa te a fin ta rih a...Hetah hian Gorkhali ho rilru that zia ka hre nghe nghe..Laxmi theih hun hma zawng chu chulaia awm Gorkhali bawngpu ho chuan Laxmi te bawng leh in thlai eng ilo vel an enkawl sak a, Bawnghnute man pawh bank ah an dah sak char char a ni...An inpekna a ropui tak zet a ni...Laxmi thusawi atang ten, bakah Sanjoy a tawngkam atang te chuan ngaihdan ka siam fel vek tawh a, ka thil chhui mek a minpui theitur thil leh engemaw thil hriat ka duh angte chu khawn khawmin ka zirchiang chho zel a...Internet mai bakah Mizo history lehkhabu hrang hrang te ka bih kual hrep tawh bawk a...Chung thil atangte chuan .Kan Piputen Keimi an tih leh Saphoin ' Werewolf an tih chu thil inang lamdan danglam mai mai, mahse khawh thuhmun si a ni tih ka pawm ta viau a..Ka buaina ber tawhzawk chu Kan ramah kum engzat nge KEIMI kan tih thawm kan hriat takloh a, Kan pipute hunlai ah pawh thawnthu bakah hmuh a nih ngai tawhloh ziate ka chhut a, Keimi emaw Chinghne Mihring emaw pawh nise, hetilai hmunah tunge awm thei ang, an seh pem te chauhin an kai chhawng thei si a, chutiang a nih chuan Kan zoram zimteah hian kanlo kawl fur tawhlo maw? Tih chu ka zawhna lian ber chu a ni..

October fullmoon zan a ni a, Pu Khawnghina Ex MLA , In compoun chhungah Rintei, Pu Rama leh Inspector Zuala te nen kan tawm ru thap tawh a....Ka naute ho chuan mi a emaw min ti nihial tur a ni, an phur fahranlo tih a hawiherah chuan ka hre thei mai a..Zan dar 10:00 a pel hret tihah chuan kan awmna chung zawn a kawngkapui, Verandah awmna Durtlang kham pang lang ut theihna ah chuan Pu Nghina fanu no nal zet mai chu a rawn chhuak zan zan a, Mut kawr fual hnal mai tle zar hi a ha a, a dar bah chu a liam par nghe nghe...thawm kan chhuah hlauhang tih hlau takin ka naute chu ka zaizir reng bawk a....Chutia kan en chhoh lai reng chuan a inher a, room lamah a lut leh ta daih a...." Sir, i hre...su..." a ti hman chauh tihah Current a off a, kawngkapui ah bawk chuan a rawn chhuak leh a, Khuangchawi thla mizo ten kan tih mai, Khawthlang miten ' Harvest Moon' an tih chu Vanlaizawlah a bial var pup mai bawk a, chu thla eng fiahkuk mai hnuaiah chuan Pu Nghina fanu hmeltha leh pian nalh zet mai chu a la langsar vauh vauh hle...Kan awmna chu a room khaw hawi thawven na verandah hnuai lam deuh, phei chhoh thlir ngai deuh thingbuk tawih laih hnuaiah a ni a, a chunglam atang chuan Hmuh har ve tur tak a ni nghe nghe...Tin. Thli beng loh lam a nih bawk avangin engang ramsa hnar fing pawh nise kan rim a hre thei dawnlo hrim hrim a ni....Ngawirenga kan thlir lai chuan a kawrawm chu a zen rak rak a, thi niawm tak hi a phawrh chhuak a, a phun sep sep a, thi chu a fawp zauh a...a kun ngal mai bawk a....Chutih lai tak chuan Pu Nghinate uipa chu a u ta rawng rawng rawng a, Ui dang pawh an u ta chuah chuah a, Edenthar mawng lama ui te pawn an lo chhawn chuah chuah bawk a, " Sir..Rintein a rawn tihsap chuan kan chunglam chu ka en vat a....Ka mur sung sung thei hial a....Kan nula thlir mek chuan an verahdah,hungna bar chu a kut pahnih a dawmin a lo awm vung a, a bawh phei deuh ruak a ni ber, a lu chu a thing nuk nuk a, a thaw huam huam a, a ri hrawih hrawih bawk a, Chutah a dak vak a, a er ngun ngun a, a euh thak thak hnuah Nula hmeltha leh no nalh zat kha Ui hmelpu deuh zangkul khenkhun, hmul buk chhur mai leh, tin sei zul maiah a lo chang ta daih a, Verandah hungna thir kham chungah chuan a uipa thut vung a, Ui an lo la u chuah chuah reng a, chutah chu nula chu a dak ual ual a, rapthlak zet mai chuan a u ta ruah ruah a...A hma aia nasa chuan uidangte chu an u thluah thluah a, an mahni ui erawh chu a ngawi daih,thung a, a chik ngher ngher a, hlauh a nei tih a hriat hliah hliah bawk a...Pu Ram nen kan enkar lai chuan Inspector Zuala leh Rintei erawh an lo khur dur dur a, kan kawrah an tham tawn tawn a...a duhtawk a rak hnu chuan an kawmthlang kham sang zet mai,lamah chhan a zuang thla ta nawl nawl a, ka tho vat a, A lan theihna tur lam ka pan vat a, An kawmthlang Kawrte kam emaw ni bula thignkung liam buklui mai chhungah chuan a pil ta daih a....." A tla hlum ngei ang le" Pu Rama chuan a ti sap a, a nitak reng a, A zuan thlakna chu en reng reng pawn tumah damkhawchhuah theihna tur ni heklo le. Rei vaklo hnuah Durtlang kham pang ah chuan a rawn u leh ta nghek nghek a...

Kan kawngka kik chu a rik nasat em avangin Badura an tihmai Pu Nghina te awmpui Gorkhali pa chuan phawk hra hian kawngka chu a rawn hawng a, min en hau hlawm a.." Pu enge ka chih sat ang" a lo ti a..keichuan " i pi leh pu leh, he ina cheng zawng zawng ko khawm vek rawh, rang takin," ka ti sawk sawk a, Inchhung lamah kan lut nghal a... "Eeee Zika engthil nge nita a, min va ti ralkhel ve" Lawmlo hmel zet chuan Pu Nghina chuan a rawn ti a...A hmelah chuan mut khamlo hmel a pu viau, a bulah a nupui chu a lo ding bawk a, An fapa room lam chu a melh zak zak a, " Papuia chuan enge a tihsual a?" a lo ti ban chat a..." Nia, Pawi ka ti khawp mai, Pu Nghin, I fanu Dr. Zuati man theihna warrant ka nei a, " ka ti tawl a...." Enga, Mami chuan enge a tihsual a...?" an nupa chuan a tirual thawt a....An fapa chu phak hmel zeta rawn chhuak chungin, " P Zik in hrechhuak ve ta maw" a rawn ti niah niah a...." Engmaw...Lalmalsawm, engmaw hriatchhuah tur awm..? I u te chu roomah a awm daih a lawm, tunang zan reiah engmah a tisual hauhlo ang?" Pu Nghina chuan a lo ti buan buan a.." Ka pu Zuati room lam ah chuan min hruai thei a ngem?" ka ti a, Min melh ram ram pah chuan an Nula room lam chu a pan ta nghal a, Keini pawh kan zui chho nghal vat a....Kawngka chu hawn mai a tum a, a chhung lam ah a in kalh tlat mai bawk si a, an chum dawt dawt a, an au vak vak bawk a...engmah a sawt chuanglo...." Maminu chahbi spare kha thuaivat" a ti tuar a...an nu chu an room lamah a tlan phei dawr dawr a..." Ka nu hei ka kawl e" tiin an tlangval chuan a lo ti a...." Engtin nge i kawl daih theih a..." melh ram ram pah chuan apa chuan a ti a....." Inla hre chhawm zel ang chu?" tipahin a u room chu a hawng rak rak a..

Zuati room chhung kan lut chu a thang huk thei hial, Tukverh a lo inhawng huai a, Pawn verandah ah chuan Zuati mut kawr fual chu a lo tla hlawm niaih bawk a, light an hmet eng vat a, Inchhung chu a lang ta ut a. A room chu hmeithai in tia lawng a zau a ni a, Zuali hi Doctor niin Gynecology Specialist lar tak a ni a, lehkhabu chhuar muk tana lehkhabu inrem a awm a, A bang velah chuan Mihring taksa bung hrang hrang ziahna milem a intar thluah a...Engkim chu a felfai thlap a ni ber, A khum chu mutna tih hriat takin a chuar tap a, a khum bula Tablelamp pawh en zauh theih chi dahna dawhkante a awm a, chumi bulah chuan Alarm clock leh Sir Albert Hobber a ziak lehkhabu ' The Werewolf' tih inziak chu a lo awm ngat a, a chhiar chin chhinchiahna lehkha them Bookmark senlar vat mai a inzep tat bawk a...A khum bulah chuan Hmechhe vawthlep fai vang mai a lo awm thlap bawk a...A dressing table darthlalangah chuan USA a lehkha a zirlai a a bialpa niawm tak mai, pa rothap hmel deuh sam dum hlap mai nen an inkuah rial lai thlalak a tar a, a bak chu makeup bungrua hlirin a khat thung a..." Mami chu a mureng emaw ka ti a, enge thil awmzia ningai?" Pu Nghina chuan a ti niah niah a, kan luh tirha a hmel chapo ar mai chu a bo daih tawh, zak leh zam hmel a pu zawmah tawh zawk a...."Engmah khawih danglam rihlo phawt ang u, Zing khawvar rualin kan che leh zawk dawn nia, Hei zanlai a pel der tawh a, Darkar 2 /3 lek hnuah khua avar mai dawn si a..." tiin ro ka rel zung zung a, Pu Nghina te Inkawm khawmna room ah chuan kan thu ta thap a, keinin haw tum hek suh, an nin mut tumbik hek suh, kan ngawi thap reng a, Baduran thingpui a rawn chawi a, kan dawm thap hlawm bawk a. Tumah kan tawnglo a kan ngawi thap a...kan sana kan bih leh zauh zauh thin a...Chutiang chuan darkar dawn kan thu ta ran a...

Zuati room kawngka inhawng rirak ri ah ka har zawk a, ka hmazawna thu Pu Nghina te nupa hmel ka hmulo, ka inperh tho nghal zawt a, Ka thawm hriain ka thiante an rawn harh ve nghal vat a, room lam pan chuan ka tlanchho hlawk hlawk a...Khua a var tan tawh in, kawlai dung pawh a hmuh fiah theih viau tawh a...Zuati room kawngka chu a lo inhawng deuh a, mipa tawng bul bul thawm ka hria a, kawngka hawng mai lo chuan ka ngaithla dek dek a. " nizan ah i room ah i awm hlei nem" Pu Nghina aw in a lo timek chu ka hre thei a. Zuati aw ni ngei tur chuan " ka inthiar hlan in inlo lut a niang chu" a lo tive mek bawk a, kawngka chu hawngin Zuati room ah chuan ka lut ta a...

Room chhungah chuan Pu Nghina leh a nupui chu an lo ding a, an hma dressing table a darthlalang a inen paha a sam dum hlap mai a suk zawh hlim hlawl mai khuih dalh dalh an fanu duat Zuati chu an lo en dun kar a..ka kawngka hawng thawmah chuan a nu leh pa chu a rawn hawi vat a, Zuati erawh kan thawm hrelo ang maiin a thutdan ngai chuan a la thu reng a.." Hei, Police nangmah lam turin an rawn kal a nih hi, Mami enge i tihsual reng reng a...?" tiin Pu Nghina te nupa chuan tah aw tuau chuan an lo ti a.....a samkhuih chu dahin muangchangin a ding a, Ka silai pai chu ka dawm vat a, " Nia, engkim a lan chhuah hun hi ka nghak rei ta hle mai, engkim inkutah ka hlan vek e, ka nu ka pa, in fanu hi tualthah hmang ka nih hi...a bak zawng chu Papuia hian a hrilh vek dawn che u nia" a ti vawt raih a...Pu Rama chu ka mitmei zauh a, Zuati lam panin a phei a, engmah sawi tumlo a, a kut lo dawh rengtu nula, hmeltha no nal leh Doctor thiam sawi hat hat thin, zaidam leh nunem deuh mai chu handcuf a bun tir ta mawlh mawlh a...A nu chu a tap hawk hawk reng a...Mahse Zuati chuan en pawh enlo chuan a kalpel a, kan zui chhuak a....Motorah kan dah lut a, Chutih lai chuan Police dang kan chahte chu an rawn thleng sap sap a...Motor chhunga ka luh dawn chuan Zuali te in chu ka en leh hram a...An inchung verandah atanga a nu leh pa leh Papuia ten an lo thlir reng chu ka hmu a, ka hnuk a ulh lo chauh a ni...An fanu an chhuan em em, Lehkhathiam leh fel hmeltha bawk si chu Misual manna kawl dun chungin Police tang motorah khungin phurh liam a ni mek chu an thlir dauh dauh mai si a...Ka fanu nise ka lung avan awi dawnlo rua em.....

Chhun dar 12:5 a ni tawh a, Bawngkawn Police Custody a a bik taka misualte keh tang dangte thil zawhna hmun, Tunlai thiamna hmanga technology changkang ber ber a thuam 'Trace-Evidence Room-ah' Dr.Zuati leh Kei kan thu dun khar a, Kan inhmatawn a, Kan inkarah chuan dawhkan a awm bawk a, Dr.Zuati chu suspected a nih vangin Kut kawl bun tir a ni, Kan inbiakna chu Control room atang a lo ngaithla ve tu midang an awm bawk a, Ka hnung lam bangah chuan Tv screen ang tak mai mual hring dup hmun che tial tial thei a intar kulh a, chu chu control room atanga lo thlirtute awmna a ni....Ka hmazawna thu nula kan Aizawl Doctor thiam berte zing a mi chu zam hmelpu map lo hian a thu khar a...A mit meng mawi tak mai leh fim fiah kak mai chuan min en kar mai bawk a...Awih harsa khawpin a mah chu a hmeltha in a nalh mai bawk si a...Ka hriat tirh pawn ka pawm em em hranlo a nih kha..Mahse a dik miau mai bawk si..Khatia Laxmi te chhung rawng taka sawisak an nih kha chhui zui zel a ni a, kan beidawngin Kan buai hle, Keichuan khang chhiatna hrang hrang ka lo kal tawhna a hnuhma lang chu a inan zel avangin engemaw tak a nih ka ring a, Internet lamah te ka enkual thuak thuak reng a, chutia ka insawrbing fe hnuah Mizo ten Sakei ang a hmel awm, Mihring ang maia ke pahnih nen chauha kal KEIMI kan tih, khawthlang ram ten Chinghne mihring 'Werewolf' an tih chu nithei ngei turah ka ngai ta hmiah a...Mahse, chutiang engmah han tinzawn tur ka hre hauh bawk silo....Neermalai bialpa te chhung ka enthla reng a, mahse an khawsa zia ah danglamna ka hmu bawk silo a...Buai tak leh helhkham nei ru tunin ka awm deuh reng a..Zan ka mu tlem in ka thawk rim ve hle a...Mahse engmah han rinhlelh tur dang ka hre bawk silo...ka bei adawng a ni deuh ta der a...

Ka nu nuamsamlo Specialist ah ka kalpui a, chuta kan entirna chu tuna ka hma a thu Nula Kum la upa lo tak, Hmeichhe doctor thiam tak Dr.Zuati ngei chu a ni a...Dr.Zuati roomah kan lut a, ka nu chu pindante ah a luhpui laiin a dawhkan a lehkhabu inrem at chu ka enkual mai mai a, chutah chuan a lehkhabu rem chu Werewolf leh Dracula chungchang chhuina leh chutianglam rawngkai vek te chu an ni hlawm a...Ka rilruah Dr.Zuali chu a nih beiseina ka nei ta riau a....Aizawla lehkhabu dawr hrang hrang ah kal kualin Lehkhabu an hralhna reciept ka enkual vek hnuah Dr.Zuati lehkhabu lakkhawm chu ka sawrbing leh a, chutah chuan Dr.Zuati hian lehkhabu dang a lei ngailo a, Werewolf leh an chanchin ziahna deuh hlir a lo la khawm thin a ni tih ka hrechhuak ta hlauh a...Fimkhur takin ka chhui zel a, ka vanneih a siamin a unaupa Papuia an tih nen kan inkawm thei ta hlauh a, a ni hnen atang chuan a u khawsak dan chu ka hreta nual a...Papuia hian vawi engemaw zat Ramsa maktak anga a room chhung chhuatlaiah thisen kai hnuang chunga a mulai a hmuru fo tawh a, chuchuan nasa takin minpuih theih phah reng bawk a ni..

" Dr.Zuati maw i hming kha?" tia zawt tanin kan point a kan luh hmachuan eng eng emaw hmangin ka chhimbu dawi kual vel phawt a..Tha takin min chhang zel a..." a nih Bawngkawn Durtlang kawng hnuai a Bawngpu te i beih vak kha i hria em?" kan ti phawng mai a, a thut dan chu dang hauhlo mahse a mitmeng leh a kut chet dan a danglam nghal tih ka hre thei bawk a....A ngawi reng a, min melh kal mai bawk a...keipawn zam hmelpu hauhloin ka en ve kal bawk a...Minute 5 dawn kan ngawih dun ren rawn hnu ah, " Tuisik tui tak ka lem chak hle mai, Khawngaih in" tih zawng a rawn sawi chhuak hlawl mai a...A aw chu a ring hauhlo mahse a fiah tha khelh khawl hle thung. Kan hmazawna Micorphone chu ka hmet zauh a, " Tui thianghlim bottle khat leh glass no rawn chhawp lawk ula" ka ti a...He Microphone hi kan midawpte kan bumna mai mai a ni a, Dawhkan hnuai ah a ruk thei angberin Microphone kan dah ru sa vek a, Pawnlam biakna niawm takin lang mahse, he microphone hian engmah hna a thawk hauhlo zawk a ni...

Tuisik chu No 3 ngawt a in hnu chuan a thaw huai a, a hma ang bawkchuan min melh leh ta kiau mai,a mit a khap miahlo a, a hmelah zam hmel a pu heklo, a mitmeng fiah kak mai chu a sen deuh ram ram tan a, a hmel pawh a chang hmel ta mah a, " Ka chanchin hi i hreduh tak zet a nih chuan ka hrilh ang che, Mahse, he natna ka neih atang hian min chhanchhuak ngei bawk tur a ni" chang deuh khal chuan a ti ta a...Ka lu chu ka bu nghau a, theihtawp kan chhuah dawn a nia" ka ti a, tichuan hetiang hian a sawita a,....

" Ka pa chu Inhriat theuh ang hian Politician a nih hma atang rengin sumdawng hausa, Petrol pump Mizoram District 4 ah nei thei a ni a, Sawrkar hnathawk hauh silo a, in haikaw thei mi tlemte zinga Pakhat vemai a ni...College a kal laiin MZP ah lutin ram leh hnam tan a theih tawp a chhuah a, MZP President ni rei ber record a siam a nih kha, Mahse a zirna lamin a tuar a, BA naran maiah a chhuak ta a ni..chutianga MZP president kalchhuak lo nitawh chu Political party ten an hel nasa ve viau a, Mahse ka pu kanu pa hian a remti hauhlo mai a, Ka Pu pawisa puk chawp chuan Shilchar lamah dawr bungrua dapin an zin ve rawih a, Panhnah leh Archaw, Vawkchaw etc Dealer an nita vat reng a...Mizorama Pig Feed thaber siamchhuaktu an ni chho ta zel a...Sum a ngah viau hnuah Petrol Pump tender a chhang ve a, a hmu ta zel mai si a..Hei pawh hi Politician hoten kapa awh nan thang ankam a lo nireng a...Tichuan karloah Mizoram Nationalist Party ah a lut a, MLA a din hmasakna berah Aizawl North ah hneh taka thlantlin a ni a, Education leh Trade and Commerce etc a chang ta a...A hma aiin kan sum kan ngah phah leh ta viau a ni...

Amahin a zir san loh em avangin keini Unau 2 chu a theih ang tawka zirna tha min pek a tum zel a, Ka hriatphak chinah Tution kan lakloh ka hre manglo, Kum 15 ka nih atangin Delhi ah min dah thla a, MBBS ka exam tumin pakhatna ka hauh a, A hnuah Indian Army Officer ka exam leh a, ka tling leh bawk a, Mahse MBBS chu min thlan tir ta zawk a...Ka vanneih vang nge ka hrelo, MBBS kan zir kum tak hian India leh USA in Medical concerned bikah MoU an lo ziak a, Test neiin chuta titha MBBS zirna school hrang hrang ten kan nei leh a, Top 10 chinte chu USA ah Subject hrang hrangah khalbingin an zir thei dawn a lo ni a...Ka tling ve ta hlauh a nih kha...Kum 17 chauh ka la nizui a, ka huphurna leh ka chakna kha a inzat thuak awm e...

Kapa thianpa Dr.Rev.J.Chhuanawma chu Synod rawngbawlna in USA ah bial awp tir a ni a, Boston a Doctor zirna school thaber awmna hmunah an lo awm kher bawk nen, an hnena khawsa turin ka chhuk ve ta rawih a ni...Nuam ti takin ka teenage hunlai chu Sapramah ka hmang chho ta zel a, Ka zir chhung hian Vawi khat chiah ka rawn haw nghe nghe....Kan zirzawh hnuah a titha zual 3 te chu Research nei turin kan Subject bikah tih kan ni leh ta zel a...Hetah hian ka chungah he vanduaina rapthlak tak hi a thleng ta a ni...( a kun chhar a, a sam ngil dum siau mai chu a hnawk nuaih a, a hmai a khuh vek bawk a. A inhnit faih faih ri bak ah a taksa nghing dar dar chu ka en reng a...a tap a ni tih a hriat theih....Minute 10 emaw lai chutiang chuan a awm awm e..Keipawh zunram thiarin ka chuak zawk nghe nghe.....Room ka luh leh hnu chuan a hmel a lo danglam zual tawh hle mai, a mitmeng chu a vai deuh ruai nimai hian a hriat a, Nula Hmeltha tak kha nula hmai ki deuh van ang maiin a lang tawh a....min rap deuh lek lek zawk hial ani...)

" Chutia Supper Specialist kan zirleh takah chuan ram hrang hrang kan tlawh nasa hle bawk a...Kan zirzawhna tur kum tawplam ah Paris ah kan zin leh a, Hemi tum hian Mi a leh mi bawraw pui pui an dahna hmun 'Maison de l'asile' ( House of Asylum) an tih mai chu ka tlawh a...Hetah hian ka dam chhunga a vawikhat nan mipa ka duh em em mai ka tawng ta nawlh mai a...Amah chu French leh Canadian thlahpawlh palian leh hmeltha zet mai a ni a, a hming chu Dr. Jean Albino Conte a ni...Chu Mianglo ho awmna hmuna an Head of Medical niin tlangval kum 35 bawr vel leka upa a ni...a hawihhawmin a mikhualte min enkawl thain min duhsak em em mai a...Chutiang vel atang chuan kan inhmel duh veta viau a ni...

A tawi zawngin sawi ta i la, Dr.Conte nen chuan kan inkawp chho ta zel a, vacation engemaw a neih hlek chuan Boston lamah a rawn lang vat zel a, Kei Kum 25 mi lek ka la nih bakah ka vawikhat mipa duh neihna a lo nibawk nen nuam ka ti vei phian a, ka hlim sarh sarh hle..Kan Exam a zo a, Dr.Conte sawmna pawmin Paris ah an thawhna hmunah chuan result chhuah hma pui turin France lam panin ka thlawk ta vuah vuah a...Kan hlim dunin, nuam kan tidun khawp mai, Mi anglo bawraw tak tak bakah Mihring maksak pui pui kan enkawl chamchi a, a changleh kan nui tlawr tlawr a, achangleh kan invin tuar tuar a, chutia kan invin vak vak tawh chinah hi chuan kan enkawlte ah harsatna kan tawk a ni deuh zel thin...Zeploah chuan nupa em chu kan nilo, mahse nupa ang chiahin engkim kan tilang vek thung....Kan hlim dun a, nuam pawh ka tiviau zel...zankhat chu cell 131 na ah buaina a chhuak hlauh mai a, Helai hmuna ka khawsak hnua Fullmoon hmasa ber zan a ni nghe nghe, Dr.Conte chu baklengin a tlan chhuak a, vaccine engemaw ber chu a tham a, hmanhmawh takin lift ah a chuanga, Zui ve ka tum chuan a phallo satliah lo a, a phallo rapthlak ni tawp....Darkar 2 dawn an tawmbo hnuah chauh hmel zetin Dr.Conte chu a lo hawng a....Hemi zan hian ka lung awiloh em avangin kan mudunlo mai a nilo kan inbe hauhlo a ni....

Mahse a tukah chuan kan boruak a normal leh vek tawh a. Dan pangngai bawkin Nupa induh tak ang maiin kan Inzui lehta a ni....Ka awmve atanga Kum tawp Hervest Moon ah chiah chuan he ka nihna hi a rawn lang chhuak ta ngei a, Khua a thim tan dek dek tihah ka lu a hai deuh miai miai a, ka taksa a kham thum a, ka che a zawi ruih mai bawk a...Engemaw hlekah ka thin a rim to reng mai bawk a....Ka awmdan chu Dr.Conte chu ka hrilh ve a, dilchhut taka min zawh hnuah Khami zan a vaccine a tham chhuah ang khan min jection ve a. Tui takin ka muhil suk suk thei ta hram a...Ka taksa sil thum vangin ka mutui lai chu ka harh zawk a, Kan room toilet chhuatah saruak vekin ka lo mu kawm chal a...ka taksa chu dai vawt thlur mahse toilet chhung vawt thlur ah saruak vekin awm mah ila, ka sa huam huam a ni ber...Ka tho dawn a, ka tho mai theilo, ka taksa chu nalo lai a awmlo, Badminton khelh a kan sil thum ang mai hi ka ni....Ka thawh theih tak mai lohah chuan Dr.Conte chu ka au tuar tuar a, Bathroom kawngka chu a rawn hawng a, zo takin kan khum lamah min pawm phei ta a.....ka samah zut dalh dalh pahin zan lama ka mumang neih vanga ka tawngvai nasat zia a sawi a...Ka ngaihtuah vang vang hnuah chianglo ruai chuan zan lama ka awmdan chu ka hre thei a...Mipa tunge ka hriatloh nen inzuiin khawlai kan fang a, nuam thei angberin kan awm a ni ber....Sex kan hmang nasa hle bawk, tih zawng ka hre rei ruai thei a...Kan awmdan ka zawt ta chawt a, ka mumang nia ka hriat chu ka share tel bawk a...a nui huk huk a, chumi zan chuan am takin kan khawsak thu a sawi ta mai a..Mak kati hle...

Ka hawn a hun dawn ta reng mai, Airport thleng min thlah a, Bostonah ka kir leh hnuah result thatak nen India ramah ka rawn hawng chho ta vang vang a ni...Kan Inngai em em a, a hna chu hun remchangah bansan vat a, a nupui nitura min hruai turin a rawn kal vang vang tur thute, kan infah luam zel a...Reilo teah Mizoram ah post ka hmu a, hei kum 20 dawn chu ka thawk veta reng a nih hi" a ti a, thuisik chu a bun chhuak leh a no 2 a tlak pap pap hnuchuan fiah taka min en kal chungin beisei ka neih leh neihloh hriattum niawm takin a hawi ha a...." Tichuan Dr.Conte chu a rawn lang ta miahlo a ni maw?" ka lo ti vat a....a meng si sap a, keimah min enlo chuan a ka hnung lam a thil tarmawi chu a thlek dauh dauh a....

" Rawn kal e, ILP a neih theihloh avangin Mizoram ah a rawn lut theilo a, Delhi Goa leh Mumbai ah te kan inhmu thin.?" a ti chuai raih a, " A nih Paris a i awm ang khan chutihlai chuan i awm ngailo a mi?" ka ti leh a, " awm fo e, mahse ka hrethiam mailo a, A hnu kum 2 liam hnuah Dr.Conte chuan min hrilh ta vek a, amah ngei pawh chu a lo ni a, A damlo enkawl pakhat in a seh atangin a kai a, tichhuan kei pawh nupui a min neih duh avangin min kai tir veta zawk a ni" a ti leh a..." A nih Dr.Conte chu khawnge tunah? " " A thi tawh" vawt raih in a ti a....a mimeng chu huatna leh thinrimna meiin a kap alh pawp pawp ni berin ka hria...." Engtikah,nge, a boral a" ka ti leh a...." Nikum hmasa khan Paris ah ka zin thla a, Chumi tum chuan Paris Khawdai a Bawng farm kan suasam a, vanduai thlak takin Silai a kah a ni ta hlauh mai a, kan in kalsan ta a ni,..." tiin a in hnit hlawp hlawp a...

" Chuta tang chuan mihring ka haw ta em em a, In ngaizawng lek phei chu ka hua, tin bawng firm enkawltu te ka haw em em bawk. Hetia Conte a boral takah chuan ka nihna chu tih tawp dan ka ngaihtuah ta char char a, ka thian Thiamna sang tak tak te ka bia a, ka zawt a, min chhang thei bawk silo. Nikum khan Doctor Alves Spain a mi nen kan inbe fuh hlauh a, damlo werewolf ka enkawl angin ka sawi a, Lehkhabu pakhat a hming a hriat mai theihloh ah a tihtawp dan a inziah thu leh amah ngei pawh chu Kum 30 emaw lai a lo vei tawh thu leh chu lehkhabu hmang chuan a nupuiin a enkawl dam thu te, Mahse a nupui chu Motor accident a a boral tawh thute min hrilh a, tichuan Lehkhabu hetiang lam inziahna tawh phawt chu ka la kual ta char char a, Internet lamah ka zawng bawk a, Social Media lamah ka zawngin mi ka zawt reng mai bawk a, vawiin thlengin ka la zawng hmulo chu a nih hi" a ti chuai raih a, ka khawngaih in ka lainat hle mai, kan ngawi dun leh vang vang a, " Sikret i nei em?" min ti a, ka sikret chu phawrhin ka tan kai sak a, tui tihmel deuh chuan a pak khu talh talh a...

" Tlawng Luia Balu thiar ho te, Sihphir a nupa te Hman ni lawka Bawngkawn a bawngpu te chhung i sawisak vak kha enge a chhan?" ka ti ta tawl a, a zial zuklai chu chawl meuhin min en vung vung a, " Nupui i nei tawh em?" a ti ta daih a...." Neilo " ka tibul hmuk a, " i hrethiam dawn chuanglo a nih chu" a ti leh nghut a..." Eng chu maw ka hriatthiamloh tur chu?" ka ti a, " Khatia ka awm vak chhan kha mawle" a ti leh mai a....A ni tak maw...a pasal angreng an,tihhlum takhnu ah khan Mihring a huat a zual thu a sawi tak kha mawle....." A nih tinge i thah kher zel, ?, hetia normal taka i awmlai hian i huatna a la awm em?" ka ti leh a, a nui ta hak hak a, " Tlangval, Kei hi Mihring ve tho ka nih hi, tin, Doctor ka ni bawk a, ka damlo enkawl te bak a hmangaih leh buaipui ka nei ngailo..." a ti leh ta daih a...

" Thla a thar a, Thla a de chho tan tihah Lunglenna namenlo in min tlakbuak thin a, chutiang hunah chuan khawhar ru takin hun ka hmang thin a ni, Ka vahkual na velah eng emaw taka huatna ka neih ruk deuh ka tawn fuh changin ka zia chhuah hun Fullmoon zanah chiah ka che chhuak a, chung mite chu ka pan vang vang a, ka sawisa ta vak mai thin a ni...Khang balu la ho pawh khan, khami hma ni khan Kan thian ho piknik minlo en thla a, ka thiante chuan an hre hauhlo kei erawhin ka hre ru reng a, a rukin an bulah ka kal a, ka vo a, ngeiawm takin min nuih a, Ka ze chhuah zanah ka pan ta vang vang a ni" a ti leh a...." Bawngpu te chhungkua pawh kha, an hlim em em kha ka thik a, chumai a nilo,Bawng pu an nih avangin ka haw hrim hrim bawk a, ka che ta vak a ni...." a ti awlsam leh ta et a...." Zan engzah nge i ze chhuah hian a daih?" ka ti leh a, " Zan 1, Fullmoon zan bak a nilo" a ti a, " a nih hei Kum engemaw zat chu i lo awm tawh si a, Ransa emaw, Ramsa emaw, tih hlum i neih kan hre ngai bawk silo a, engtin nge i awm thin...khawnge chutiang hunah chuan i kal thin?" ka ti leh a, A ngawi vang vang a...

" Ka nih dawn hi ka hre lawk thei vek a, Fullmoon zanah dar 11 leh 12 inakarah ka ni ziah bawk a, chutiang a nih avang chuan ka nuam samlo chhuanlamin ka room ah ka inkalh khum hmak zel a, tape emaw ka zai tir riai riai thin a, chutiang chu ka naupan lai ata ka tihdan ve reng a anih avangin ka chhungte ngaih thatlohna an nei ngailo, Tichuan a hun a thlen chuan a bik taka thui ka pasal Dr.Conte a minpek Mut kawwr hain pawnah sawn ka chhuak ta thin a, tichuan ka hun a thlen dawn chuan helai bial a ui ten an hre hmasa ziah a, an u chuah chuah a, ka tan chance tha tak a ni chawk, ka rawl ka chhuah a, tichuan ka che chhuak ta thin a ni, Zan khatah Mel 100 chuang ka kal thei a, Mizoram khua hi ka fang chhuak a ni deuh ber thin, chutianga ka veivah,chang chuan Bawng, Lawi etc ka hmuh hmuh ka bei mai thin, Sapui khawihah an ngai mai thin bawk.Mihring haw viau e tilo chuan ka that tam lemlo, ka hriat chinah vawi 7 bak mihring ka khawih kala hrelo" a ti niah niah a..." a nih chutianga i awm chuan i harhfim vek a, tuna i thil hriat ang khan i hre tho em ni?" ka ti leh a, a then suk a, " Nilo e....ka mang hriat ruai ruai a, ka vai viau thin, ka rim hriatna tha leh chak tak vang erawhin mi,hmun leh thil ka hrechiang viau thin thung..." a ti a..." a nih i chan hmasak ber khan Mipat hmeichhiatna rawngkai deuhin i awm nikhan i sawi a, khatiang ang vek kha em ni i awm dan" ka ti leh a, " Nilo e, ka pasal nen a kan awm dun chauhin khatiang hun kha kan hmang, a bak chu ramsa kawlh tak kan ni a, ka chawei tur zawngin kan vak chiam chiam a ni ber....Mihring sa erawh kan ei ngailo" a ti hmuk a....ka hriat duh ang chu ka hre tawk thawkhat viau a...." A nih Thla thar Full Moon zanah Hetihian kan kawlna hnuaiah i awm dawn si a, i ze chhuah hun a ni dawn a, engtia tih chi nge i nih?" ka ti leh a...." Min chhuah lo a nih chuan damdawi chak tak emaw a min chiu mut a ngai ang. Tin, Chain khawng taka min thlun beh a ngai bawk ang.....Chutianga min ti a nih a, ka tal chhuak thei a nih chuan a pawi khawp ang" a ti vawt ta raih a...Ka thutna atang chuan ka tho a, Microphone chu on in, " a hruai chhuah theih e" ka ti a...Kawngka a inhawng a, Police 2 leh Kan SP bakah A ukil leh a nu leh pa an lo ding thap a...A nu leh pa chuan beidawng leh khawngaih tak hmelpuin an lo en a, " Ka nu, lung nilo mahtache u, Pathian in engkim a ruat vek a lawm" a ti a, a kalsan ta daih a...

November thla a ni a, zanin hi Fullmoon zan a ni, Chanchinbu leh Media hrang hrangah Thu khuh deuh siin Khawlai a chhuaklo turin ngenna Police lamin kan chhuah a, Thler hrang hrangah kan duty thluah dawn bawk a ni, Engemaw palh a thlen thut theih avangin kan fimkhur hmasa lo theilo a ni.. Khua a thim a, kan office lam pan chuan chak takin ka tlan a, Kan chhuah a nih vaih chuan a pawi dawn lutuk a, Naktukah he kan doctor ropui zet mai hi kan tihhlum a ngai ngei tawh ang, Kan ram tan channa nasa tak a ni ngei dawn si a, Ka thlen vat a, ka biak hmasak phawt a ngai a ni, motor horn ka hmet ri tuar tuar reng a, Kan Politician ho ten finrawl chhuah a mipui min bum hrep hnuah Khawlai chep takah Motor manto chhungah an hawi champ hle thin a, Mahse an zak chuanglo, Khawlai zim em em chu an kham chuang heklo...Mipui te hnenah zangnadawmna pek mai kha sawrkarin an hreh em em si a, An sum a heu luat an hlauh vang mai mai a ni....Nilo se tunah hian Kan office ka thleng daih tawh ang mawle.....

Traffic zam karah engtin tin emaw ni kan office chu ka thleng ta der a, Motor ka dah tawp a, Davida hnenah lo dahtha rawh ka ti a, Kan doctor nu kan dahna hmun Inhnuai lam pan chuan ka tlan thla hlawk hlawk a, Zualan min rawn zui vat a....Kawngka chu ka hawng a, Khumah Zuati chu a lo thu a, minlo en heu mai a...A sawi ang ngeiin a hmelah chuan khawharna leh hrehawm tihna hmel a pu a, kan in en reng a, ka kuta ka thil ken chu a melh zauh zauh a, " Hei hi ka present dawn che a, Vawiin khan dak ah a rawn thleng chiah a, I Spanish Doctor sawi ngei chu niin ka hria, Canadian ka thianpa min rawn thawn a ni...Book seller a ni a" tiin lehkhabu intuam ka ken chu ka pe a....a en vung vung a, a tho thurh a, Bar vuah vek Ventilation lam chu panin van zau tak eng deuh kulh mai chu a thlir dauh dauh a...

A rawn hawi let vut a, " Hun a tam tawhlo, Inpeih vat rawh u" a ti a, Ka kuta lehkhabu chu a pawt tla sawk a, Khumah chuan Vaipa thut ang a bawp kualin a thu a, A infunna chu a phih thler rawk rawk a, Zawite fiah deuh si hian " DARK SIDE OF THE MOON By Doctor Fredrick Larsson...." a ti sap a.....A kawm hmasa ber chu keuin kutziak nalh taka inziak chu a chhiar a....min rawn en a, a nui seih a, a hmui nalh tak chu a phun sep a," ka lawm e, ka hlawkpui ngei ang" a ti a....Kawngka ah chuan Police 6 leh mi phuarna tur kawl khai duah duah chunga lo lut te nen chhuan kan inthlak ta a....ka lehkhabu pek chu chhiar hman hram se, ti rilru tak chuan a cell chhung lan theihna ah chuan an phuar mawlh mawlh lai chu ka en reng a, Doctorin Damdawi chak berin a a chiu hma chiah chuan " Dar 8:30 ah nghak lawk ang" ka ti a....kan inhnial bap bap hnuah ka thu an zawm tlang ta zawk a...

" Khawvar lam Varparh Arsi ang mai mawiin, He khawvel ah hian i lo awm a, Hmelthatna leh duhawmna tinrengin a thuam che a, Finna leh remhriatna in a cheimawi leh che a, Ram leh hnam tan parchhuang turin a din chho che a, Mahse, dan rual silo in Natna khirh tak vangin i beidawng a nih pawn, Hei hian i nun a chhawk ngei che ringin, Hringmi ang a i lo kirleh theihna hmanrua a nih ngei beiseina nen ka hlan a che....I huntha herchhuak turin Pathian hnenah ka dil fo a nia, Zam reng reng suh" tii, ka lehkhabu pekah khan ka ziak a...Doctor Fredrick a kha Werewolf nupui nei a ni a, Experiment engemaw zah a tih hnuah Werewolf chu enkawl damtheihloh ang hiala an sawi chu a enkawl dam dan leh, kawlh tak nilo a, a siam theih dan kawng hrang hrang a ziahna a ni a, a hman tangkai ngei ka beisei tlat a ni....

Zan dar 8:30 ah Morphine a chiu a ni a...Dar 9 ah thawn engmah a awmlo, Dar 10 a ri a, a la reh thap, Dar 11:45 thlengin engmah a la hriat chuanglo, Kan damdawi chuan hna athawk a nih ngei dawn a nih hi kan tih ruk mek lai chuan a phuarna chain chu a mar awt awt a, a ding hluai a, a in thing khur ngut ngut a, a dak awrh awrh a...Minute 10 hnuah chuan Nula no nal nalh em em mai chu Ramsa hmelchhe zet leh lian rapthlak zetah a chang ta daih a, Fit 7 emaw laia sang niin Kg 100 vel hial nitur a mawiin a lian roh a...a rapawm kher mai...Werewolf chanchin hi ka hre ve fo tawh a, flim a siam bak a takah ka la hmulo bawk a, ka awih em em ngailo, mahse tunah zet zawng a takin ka hmu ta ngei bawk a, ka lo ngaihruat dan aiin a hlauhawm daih ta zawk si a...a cell kawngka kahpathir thami a siam te chu a nek nghawr dawt dawt a, a rak chiam chiam bawk a, A thlunna chain thuah thum a thuah zinga pakhat chu a chat hmawk a...."Sniper an awm em?" ka ti tuar a, " awm e, Sir" Pu Rama chuan a lo tivat a.

Dr.Zuati chu a huk dum dum mai a, a hmel rapthlak tak chu a kawlh hmelin zahngaihna a pailo hmel hle, a ngho a lawr vun a, a then thu a, a chilthli a far duah duah bawk a, a taksa tuamtu hmul buk zet mai khawng hmel tak chu a ti ding sung bawk a....Ui hmulbuk insual tur inhrosa ang mai a ni...A ke pahnih in a ding kul khun mai bawk a, a mei buk zet chu a kawh tauh a...A kut tin te chu a chhuak zul a, a lan danah chuan Bible in Sakawlh a sawi ang mai kha a ni tawh. A beng hlai hlup leh tawi tek mai chuan ri a hriat that duh hmel viau bawk...A thlunna chain hrawl pui mai chu a phih sawk sawk reng a, Pakhat a chat tawh hial, an thlunna banga thir kual phum pawh a nghing lawih lawih thei hial....Darthlang phen atanga en kan ni bawk a, min hmu lemlo a nih hmel.....A thlunna thir hrui pa 3 lai a chat leh thawt hnuah " Kap mai rawh u, Mahse Muthilhna damdawi khan aw...Silaimu pangngai nilo in" ka ti a....silai a puak thawr a, a nghawngah Thilsen a bei thlawp a, a hma aimah a rapthlak chuan a inhrosa leh a, a huk tuar tuar bawk a....silai vawi 3 ngawt a puak zawn thawt thawh a, a hnung zang leh nghawng velah chuan a sen thup tawh a, Mahse danglamna engmah a thlen chuanglo nimai in a hriat a, a hma ang bawk khan a inhrosa kuk kuk zel a...." Sir, silai mu pangngai kan hmang mai dawn em ni?" Inspector Zuala chuan a ti a..." Court ah Phalna kan la hmu hlei nem, chumai bakah damdawi hnathawh a lang tep tawh ang, Minute 5 vel nghak lawk ang u" ka la tifan a......" Minute 5 nghah chhungin a talput hman a nih chuan kan nasa lo viau ang" a ti ve khauh a....a dik ka ti viau Mahse ka ngaihdan kaltlangpui hram ka la duh a...He nula nonal zet hi chhanchhuah ka duh takzet a ni....A kut kawl veilam chu a tal chat vek tawh a, " Sir" a ti tuar a, ka kut ka phar a, " Enteh khu" ka ti a, a pai khut a, a nghawng a thilsen pakhat chu a phih thla nawk a, a en vung vung a, a thingthi rup a, kan awmna glass lam chu rawn hawiin a rum chhur chhur a, chhuatah chuan a bawk phek ta duai a..." Medical team leh Oxigen nen tunah ka ti tuar a, Zuati cell lam panin ka tlan nghal vat a...

A cell kawngka bulah chuan Silai keng mi paruk lai an lo ding a, " Kawngka hawng vat rawh u" ka ti tuar a, an hawng sawk sawk a, Ka tlan lut nghal a....Cell chhuat vawt raih maiah chuan Nula tino deuh leh pian thiam tak mai, sam hnawk niaih mai chu saruak ngal ngatin a lo let ngat a, damdawi kah luh chu ka phawi sak mawlh mawlh a, Ka pawm lawk a, khumah chuan ka mut a, puanhlap pakhat chuan a taksa lang chu ka khuh sawk sawk a..." Doctor khawnge ?" ka ti tuar a...." Sir ka awm e" tiin ka bulah chuan Doctor leh male nurse 3 an lo ding a, a kut leh ke ah savun thami atanga siam kawl an bun tir mawlh mawlh a, a marphu an deh sak hnuah oxygen chu a hanarah an vuah sak vat a...

Damdawi chak lutuk mai mipa hrisel pangngai pawn 2ml an dose tawk vel laiin 8ml ngawt kan kaplut si a, kan nula chu kan chhan theilo maiang tih ka hlau hle...Doctor chuan a thawkna dawt pui turin a awmah a nam salh salh reng bawk a, Pulse Ditector ah chuan a mar a phu manglo a ni ber, Beidawng hauhloa minute 6/7 vel an buaipui hnu chuan a awm a sep dawrh dawrh a, a zawi thut a, a thaw ta siai siai a....Keipawh ka thaw a veng huai a....Doctor chu ka chibai a, lawmthu ka hrilh a, thuthleng let ngat chu tungin Dr.Zuati khum bulah chuan ka thu a, ka thlanin min bual nal zuk thei hial a ni...a kut vawt thlar mai, a hum khawng tlat chu ka kuai phelh sak a, Doctor leh Nurse te mitmei zauh chungin ka chhuahsan ve ta a...
*********

Office ka thleng a, Ka dawhkan ah chuan percel post office atanga lokal ningei tur a lo awm a, Ka pistol te ka dah fel hnuah ka thutna ah thu chungin chu percel chu ka en vang vang a, bell ka hmet ri a, Davida a lo lang vat a, " David tunge hei hi rawn dah?" tiin ka zawt a, " Dak a hnathawk putar khan, USA atanga lo thleng a ni awm e" a ti ve mai a....Ngun lehzuala ka en hnuah USA mail a nih tih ka hriat hnuah ka thil dawn chu ka kheh a, a chhungah chuan Lehkhabu " Dark Side of The Moon ( Return to Normal life) tih inziak a lo awm a, Ka lachhuak vat a, a ziaktu ka en vat a, ka nui sak a....a kawm ka hawng a,

" Mipa chuan hmeichhiate dinhmun a hrethiam a, a harsatna sutkian a nih theih nan rim takin a thawk thin, " tih zawng a inziak a...a hnuaiah chuan , Doctor Zuati Wasington DC. Asylum Hospital. tih a lo inziak kalh a....Lehkhabu chu ka hawng a,a chhung atang chuan post card niawm tak a rawn tla nawlh a, ka chhar vat a, ka en nak chuan USA ka kal phalna Visa a lo nireng a...Lehkha pakhatah chuan tawite in...
" I duh a, i peih a, i hman phawt chuan ka lo mikhual thei reng che a nia" tih a inziak bawk a....dawhkan ah ka theh thla a, ka thuthleng nghenchhan chu ka ngheng ar ar a, Banga Mahatma Ghandi thlalak intar chu ka en a....Ka mitthla ah Dr.Zuali hlim nui ver ver a lang zut zut a....." Kha nula khan kei min hmachhawn lo nise, Khawvelah a kuthnu kan hmu tawh awm silo a, ka vanneih vang nge a vanneih vang hriat ni suh" tiin ka phun sep sep a, Ka dawhkan hma a ngawi renga lo ding Davida chuan " Sir, Min bia em ni?" a ti hu a, ka nuih sun sun a, " IGP office ah kal ka duh e, Thla 1 lai chawlh lak ka duh" ka ti a....Phur,takin a tlanchhuak nghal a...Ka chuan mai theihna turin Motor a lo ti nung vat vat tawh a....Dr.Zuati ka tawn hnuhnun ber chu Nikum tun anghun a, Kan office atanga Damdawiin lama an phurh phei kha a ni mai a...Mak tak maiin ka lehkhabu pek vang khan Jail chhungah pawh harsa ti takin a tuar chhuak a...a thiamlohna engmah hailan tur an hriat loh avangin court in a chhuah zalen a, USA lamah hnathawk turin a kal leh daih bawk si a...A hmel hmuh leh ka chak em vangin USA a chawlh hman ka dil a ngai ta hial a ni....Mak ka inti viau nangin mak tih chhan em em tur ka nei chuanglo, Nula a ni a, Kei tlangval, Nuthlawi ang maia thianghlim tawhlo a ni a, Keipawh fa lo vanga pa nilo mai chauh ka nive tho a lawm le......

THE END...