ONE WEEK AT GOA BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

ONE WEEK AT GOA BY Tochhong Ruata

Unread post by Ngaia » May 14th, 2016, 11:23 pm

ONE WEEK AT GOA


Room No 325 @Maharaja Hotel, Goa.


Ka harh hlawl a, ka sana chu ka bih nghal a, Dar 8:15 lai a lo ni tawh a. ka ril atam hle bawk a, tuisik khum bula awm chu no 1 ka in pawp a, Bathroom lamah intifai turin ka lut ta nghal a.


Goa-ah hian NGO pakhat ruahman angin Tripping kan nei a, mi 20 lai kan kal a, ka kalpuite chu un tawh tak tak, kum lamah “ka Pu” tih theih deuh vek tawh tur an nia, Mizoram hmun hrang hrang atanga thlan khawm kan ni. He kan tripping hi Department of tourism, Govt. of India bul tum niin, Goa hmunah min hruaitu pawh mizo nu fel zet mai ani nghe nghe.


Kan in nghah Hotel Vasco Da Gama khawpui a Hotel chang kang berte zing a mi a ni a, Room rent leh thil dang min free vek nang in kan ei man erawh kan pek a ngai ve tlatsi a, kan thlen hlim vawiin tlai khan cold drink ka lam ve ngawt a, a lo to pherh nek mai si a, hetiang ringawt a tunkar kan tluan a nih chuan ka khawsa nuam dawnloin, bazarna tur tak ngial pawh ka neihloh mai ka hlau avangin Dinner ei turin Hotel pawnlam dawrte ka zawng ta ringawt a. Thian dangte pawh chuan antumve tho niin ka hre bawk a, tumah sawm lemlo chuan keimah chuan ka ar nghalchhuah ve ta thawr a.


Kan thlenna hotel atanga chuan ka dinglam kawng awm zui mai chu zawhin ka kal ve zel a, chutianga cho han lam maina tur ka hmu silo a, Auto stand ka thleng hlawl mai, Auto lo ding hmasa ber hnen ah chuan ei in lam na tur hnai ber ah min hruai turin ka ti a. Tichuan minute 3 vel ka kan tlan hnuah Outside restaurant changkang em em hranloah min thlen ta a. Mahse ka ei duhzawng pakhatma an loneilo zui. Menu ka bih a, tui ka tih hmel ber chu ka thlang ta tawp a, reife ka nghah hnuah chuan waiter chuan ka eitur order chu a rawn chawi ta la la a.


Ka eitur chah chu a tuihmel kher mai, a lum vat vat bawk a, Sa ang tak tak te pawh a awmin ka hria. Enge a nih ka zawt a, Rul sa a lo ni a, ka order tawh laklawh si a,paih ka ui ngei mai, tlem ka hawp a, tuisik ka in a, ka chhuak ta daih a. kan chawlhna piah deuh-ah chuan Bar tih intar vang mai ka hmu ta a, chumi lam chu ka pan ta ngawt a.


Ka Sana ka en a, Dar 11:00 a lo hnai der tawh, dawhkan 1 kil in Russian Chilly Chicken leh Blender Pride ka dawm dun a, um 1 ka lem zo vek tawh a, ka thutna atanga ka tho chhuak chu, ka pai deuh khat khat thei hial, Counter-ah ka eiin man ka tifel a, tichuan kan thlenna hotel lam pan tur chuan Auto ka nghak leh ta a. a rawn lan theih mailoh avangin muangchangin kan luhna lam nia ka hriatna lamah chuan ke in ka kal ta zel a.


**********

Ka lu na ut ut chuan min ti harh a, ka mit kan meng chu ka awmna a lo danglam kher mai. Ka mutna chu khum nilo in thuthleng a ni tih ka hria a, ka tho chhuak vat a, room leh lam atang chuan artui kan rim a rawn nam cham cham a, thleng inkhak ri, a ri rak rak bawk a.


Muangchang in ka tho a, thawm lo chhuahna room lam chu ka pan phei a, eirawngbawlna hmun a lo ni a, Hmeichhia, vai nu kekawr puk pawdal ha hi refrigerator ah a lo kun kauh kauh a. Ka thawm hria chuan a rawn ding a, ka lam hawi chuan a nui sen sen “eeee i lo harh ta a ni maw?..Breakfast ka peih tep tawh e, kha dinglam sir-ah khan Bathroom a awm lo in tifai rawh” a lo ti sawt sawt a.


Chu nula chu nimin a Lengpui Airport a ka hmuh kha a lo ni reng mai a, a bialpa emaw ni hian thlahin, induh hmel takin an inkuah vel a nih kha. Ka ralkhat hmuh a vangin a hmel chiang takin ka hrelo nangin amah ngei a ni tih chu ka hre thei tho. A sam chu a dum kawi deuh nghalh a, a dar pel awrh in a zuah a. A mitmeng chu a fiahin a lian tha kelkawl hle, a kareh chu a zau lek lek nangin chu aichuan zim se a nalh lo zawk ngei ang. A hmui lian lutuk lo te ni hauh silo sen ham mai chu, a ha var rual thah nen chuan uluk taka dah dun nimai awmin a inhmeh a. Sang tih dawn a sang ni silo, bem tih dawn a in khaithli zaih bawk si,mawng vawnglaih mai a ni a. Mizo nula ah chuan a taksa lang chin leh a hmaivel chu a var pawl tak a ni ngei ang le. Kei lo mipa dang pawn hmu se, vawi khatan hmuh chuan vawi 2 nan an en nawn leh ngei ngei ang. Chu chuan vawi engemaw zat an en nawn a ti chakawm ve ngei angle.


“Engtin nge helai hmunah hian ka lo awm daih theih zawk a?” tiin omelet leh bawnghnute arawn chhawp chhuah lai chuan ka lo bia a. “Nizan dar 11:30 velah khan Gandhinagar atangin ka rawn hawng a, hemi in luhna step bulah hian kawng dal zawng takin I lo mu a, I kekawr a lo inphelh vek a, I wallet a lo let ngat bawk a, kalsan mai che ka tum zet hnuah, I hmel kan en chiang a, nimin khan Tripping neiho zingah khan ka hmuh che vangin ka hre nghal mai che a. I wallet chu chharin i ID ka en hnuah hemi in bula dawrte neitupa nen kan kuah chho tawp che a ni. I kekawr erawh kan hmu talo” tiin thutak deuh chuan a sawi ta a.


Ka ngaihtuah let chiam hnuah Mi 3 ka lam hawi zawnga rawn kal ka sut hnuah ka let tawp a, ka che sawn thei tawhlo nghal a. ka kekawr an hlip mawlh mawlh lai pawh ka hre ruai ruai a..ka wallet a ka pawisa ah zawng zawng pawh a bo vek a. mahse nizan khan Rs 1000 chiah ka ak chhuak a, a bak chu ka room chhungah ka zin bagah ka dah hlauh zawk a, ka vannei ru phian a ni.


“Khawngaihtakin min hruai lawk thei ang em? Goa hi ka vawi 1 kalna a ni si a, ka bo ru riau, auto han la turin pawisa ka ak tawh bawk silo” tiin inthlahrung tak chuan ka sawm ta tawp a. “Ni e mawle, zam reng reng suh, tihdan a awm mai ang, Khawi hotelah nge in thlen?” tiin min zawt let a.. “Maharaja Hotel-ah….eeee taka dar engzat nge..?’” ka ti vat a. Vawiin zing dar 9:00 hian Panaji ah kal tur a ni tih ka hrehhuak thut a. A sana an bih zauh a “Dar 8:20 chiah a nih hi” “hawh teh kal vat teh ang, Dar 9:00 ah Panaji-ah kan kal dawn” tiin ka tho hluai a. a ni pawh room-ah lutin a bag akin a rawn chhuak leh vat a, hmanhmawh tak chuan kan inzui chhuak ta nghal a.


Nulain min hak tir Paijam senno lian deuh mai ha chung chuan Hotel chhungah chuan hmanhmawh deuhin ka lut nghal a. Reception counter a lo awm hnenah chuan “ Ka thiante kha an chhuak tawh em ni?” tiin ka zawt vat a, a ni chuan an chhuahtawh thu leh min nghah reng thu a sawi a. “tinge ka awmlo tih hre rengsi an kal luih le” tiin ka lungawilo ru angreng viau nangin ka thiamloh a ni zawk mah sia. “Khawngaihin min biak sak la, an la tlan hlat loh chuan min rawn lam leh mai tehse” ka ti leh a.


“Ka Pu, motor chhungah chuan I awm ve a maw tiin an kal ringawt a, mahse tukin driver hmuhloh laia lo lawn ru Putar kutdawh a lo ni tih an hre chhuak chiah e.an kal hla tawh angreng a nih chu”…. “I thiante chu engtik nge an lo haw leh dawn a?” tiin Nula chuan min zawt a. “ Naktuk tuk leh ah” ka ti bung nghut a..“a nih ka hawn san leh phawt ang che, an lo haw lo nghak tawp mai rawh” tiin lawmthu te kan inhrilh hnu-ah chuan min kir san leh ta a.

********


“Hei..lo ding the, I va hman hmawh awm ve” hmeichhe aw in a rawn tih chuan ka leh hawi vat a, Nimin a min buaipuitu nula lek kha a lo ni a. “ Eee nang I ni maw..? nimin thil thleng ah khan ka lawm lutuk a nia aw…chuvangin rem i tih chuan Dinner ka show ang chu?’” ka ti a, “ I duh phawt ahnu a ni mai a lawm..Dinner ei nan chuan ala hma bawk si a, Japanese Garden lamah kan va leng khawthawng dawn ami” a lo ti a..tichuan taxi la in Japanese Garden nuam leh dai ruih mai lam pan chuan kan chhuak ta a.



Ka rinaiin kawm anuam phian a, a tawng duhin a hlim sarh reng mai a, a hmel hmuh anuam thei hle mai, helai hmun hi a tlangnel tih a hriat theih mai. Hmun tin kan fang dun a, ka hriatloh thil engemaw min hrilh siam siam thin a. helai hmunah hian reitak a lo awm tawh thin a ,Mizoram-ah kum 2 liamta khan a rawn chuang chhuak chauh a. Tunah hian a thiannu Rekha-i pasal neih hmang turin a kal leh lawk a lo ni a. a awmna in kha, a thiannu nen an awm dunna thin, a thiannu in a luah chhunzawm tak zel a ni a..a chan chin ka zawh viau pawn a sawi tlang tha duh derlo a, Nui har harchungin “nakinah ka hrilh ang che” min ti tlat a. Keipawn ka awmna hmun leh thildang engmah ka hrilh duh ta biklo a.


Ni 2 lai kan inzui tawh a, ka thiante pawh an rawn kir leh tawh a, min fiam laih laih a “ Thianite lane lamah I riak bo vel a nih kha” ti ten min fiam a, ka nui vel mai mai a. Hemi zan hian Nula in luah-ah Dinner kan ei dun dawn a, ka phur surh mai, kan mizia kan inhre chiang thawkhat tawh a. a ni pawh keimah ang tho rilru helhkham nei vak bik lo, a hun leh hmun zir a awm danglam zung zung, tawng barh barh reng mai a ni a. Ka thawmhnaw lei thar inbelin Hotel kawta Taxi Bike lo ding chu laiin an awmna Vaddem lam pan chuan ka liam ta vang vang a.


Chawhmeh tuihnai tak a siam a, kan chaw ei pahin eng eng emaw sawiin kan phul hlut a. Goa nuam ka tih thu te, amah nen kan inchhar avanga nuam ka tih zia thute, ka sawi bawrh bawrh a, a ni pawh chuan ka bula awm nuam a tih thu te min hrilh siam siam bawk a, Zirtawp ni ah Santa Cruz-ah athiannu te inneihna a kal ve turin min sawm bawk a. kei pawh chuan i he lo chuan ka remti ve ngawt bawk a. Puar tak a chaw kan ei hnuah inchung-ah chho in Goa khawpui Vasco Da Gama lo pe ut mai chu thlir chungin kan thudun ta a.


Kan ti ti fe hnuah chuan bialpa a neih thu te, a strick ziate a sawi a,Pasal atan neih tlak a nih ziate, an chhungte ve ve ah pawh harsatna a awmloh zia thu te engkim min hrilh ta kelh a. “kei chu ka tawng bawrh bawrh a, ka lo inpuang leh vak zel, mahse mi chan chin sawi ai chuan atha zawk tiraw?” tiin nui ver ver chung chuan min en ha a. a mitmeng dum bial kal mai chu, chu Goa zan eng deuh ruau ah chuan a lang fiahin, a perfume in kah rim nam chem chem nen chuan min fan hneh raih raih hle.


“Engmah i sawi ve duhlo, keima chanchin ringawt ka sawi I sawi ve ni” a ti ta tlat mai a, chanchin sawi tlak ka neihloh ziate kan hrilh fe hnuah, min tur luih tlat avangin hetiang hian ka chanchin ka sawi ta a.


“High School kan kal laiin ngaihzawng hmeltha deuh mai ka phuloh tawp hi ka neia, kan dinhmun a inthlau nasa si a, a chhungten min duhlo hle a. kan vanduai vang nge sex vawi 1 kan hmanna ah a rai ta tlat mai a. hrehawm kan ti dun em em thin a. Paih kan phal bawk silo, tichuan tuman kan chhungte kan hrilh duhlo a. mahse a tawpah an hre chhuak ta tho tho a. tichuan a chhungte chuan an hau hrep a..kei pawh ka chhungten min hau hrep bawk a. hrehawm ti takin kan inru a, kan tlan duna, chutia kan tlan dunna lamah chuan kan chesual ta hlauh mai a, ka bialnu leh ka fa a pum chhung a awm chu an thi ta a ni” tiin, ka lu ka kun a ka in hnit faih faih a…


Ka lu-ah chuan rawn khawih in “ka tihpalh, zawt lo tawp tur che ka ni a sin” tiin min rawn hnem a, ka kun tlat si a, amang ang leh si. “ hey... khatiang in awm suh,mood i ti off vek” tiin min kuai dak a… ka hmel a hmu chiah chu “ Hmela I vansual tak” tiin min chum kawng kawng a, ka tap khur der der emaw a tih kha, ka nui ru char char tih a hre nghal a. “ Ka fiamthu a nih kha, engmah sawitur ka neilo ka tih kha” tiin ka tlan chhe nghal a. a mittui lo tling pam chu hruk pahin “Ka sawp nek dawn che, hmelaaaa” tiin min rawn umzui ve nghal a. Chutiang thil hote te chuan kan inkawm in, kan inchhaih dun thin a. Nuam kan ti dun em em a, tu dangmah kan ngailo, keipawn ka thiante pawh ka hmu ngai meuh lo.



Rekha-Ite inneih dawn zan chuan Santa Cruz-ah kan phei a, Rekha-i nu leh pa bulah min hmelhriat tir a “ Ka bialpa ka ti dawn che a nia,” tia min hrilh lawk avangin a bialpa angin ka khawsa ta vel mai mai a. A tuk inneih ni ah pawh chuan kan inkai rial rial reng a, a hmelhriat an awm sup mai, chung ho hnenah pawh chuan , Innei mai tur kan nih thu tim hauh loin a sawi zel a, chibaitu pawh ka ngah malh malh hle mai. Ka rilru te te chuan inkawp tak tak ang ten ka indah vel a,ka hlim veng veng mai.


Inneih kan hmang zo a, kan hawng dun leh ta vang vang a, Sunday zing dar 10:00 chhuak-ah kan chhuah hun tur a nih tawh a vangin Zirtawp zan chu am takin kan hmang dun dawn nia, tiin kan intiam sauh sauh a. Chutia Rekha-i te in atanga kan haw hnu chuan, an in luah-ah lutin Beer kan dawm dun a, kan ti ti in kan inchhaih bawrh bawrh a. Bar kal a rawt a Bar-ah kalin kan infiam dun a. nuam kanti ngei mai. Beach ah kan kal leh a, kan kai dun tawh bawk a, chhun lam-ah Inneihna ah Inkawp angin kan lan tawh avangin zan lamah pawh chutiang ang chu ni tlata inhriatna ka nei tlat pek a. kan in fawp thuak thuak a ni ber tawh.


Hmun fianrial deuh pakhat-ah dawhkan lo awmah chuan kan awm dun a. kei ka ke khaiin ka thu a, a ni dawhkan-ah chuan a mu zal ar ar a. “ Van khi en teh, a mawi a nia?” tiin min pawt mu ve a, ka enchho chu Arsi a lo pe ut mai a, engkim mai alang thiang kuk vek bawk a. Chung arsi phe sep sep kan thlir dun reng laichuan arsi thlawk a rawn lang zuai a “ duhthusam rawh” tiin a maimichhing a, eng emaw hriat tham siloh hi a sawi a. a lak runthlak em a vang chuan ka tive ta ngawt a. ka mit ka meng a, a lo la meng chuanglo a. chu zan boruak thiang kuk mai hnuaiah chuan a hmui nalh zet mai, ang deuh phiau chu fawh sak ka chak em em a, ka kuta lu chhuang meuhin hnai set sawtah ka bih ta veng veng a. A rawn meng thut a “ I sam ve nange?” a rawn ti a, kei chuan ka sam ve thu ka lo hrilh a.


“Enge I duhthusam chu?”

“Ka khabe zawn chiah a in hawng deuh phiau hi ka fawp chak” ka kai deuh tawh bawka, ka zak duh bik lemlo a. “ Chu chu maw I duhthusam?” tiin a nui hak hak a, “aw…tuna ka en reng lai hmui hi ka fawh ngei theih nan duhthu ka sam” tiin thutak deuh zawk in ka chhang leh a. “I hlawhtlin dawn leh dawn loh chu I huaisen leh huaisen loh-athu a ni mai” tiin a maimichhing leh ta a.. ka kun hniam riai riai a, ka fawp ta veng veng a. kan thawm a tha viau nangin, kan awmna chu hmunfianrial ru tak a ni bawk a, tuman min hmu pawn kan hre lemlo.


“Khawnge I kal bo daih a” lo ti khur khur thawm chuan an in chhung ka luh ve hma chuan min ti ding chawt a, kawngka inhawng huai mai ah chuan a ding zum dak a, “ Kan leng khawthawng” a bul teh tawp hle mai. “Tunen maw…?” “ eh..amah nen hian mawle” tiin a lehhawi a, ka lo awmve lo tih a hriat rual chuan kawngka ah rawn dak leh in “ Lo kal rawh, Raja” min rawn ti a. ( ka sawi hmaih, kan inzui hmasak ber ni khan Cinema kan en dun a, chumi tuma thian dun mipa leh hmeichia che chhe zet hming chuan kan in ko fiam thin tawh a, keiin Rani ka ti a, a niin Raja min ti bawk a, chutiang hlir chuan kan inko hlen ta a ni. A hming leh nihna min hrilh duhlo a, kei pawn ka hrilh duh bik silo a, a remchang ru phian.Zt.)


Kawngkapui ah chuan ka pen lut a, in chhungah chuan Patawi sa tha nelh nawlh, upa lam hmel deuh lek lek, chal thui ve deuh hi a lo ding bial tang mai a. A hmel ka hmu thut chu ka insum hmanlo ka nui huk a, a ni pawh chu a nui ve nghal bawk a, kan nui dunta hawk hawk a. Chu in chhunga lo awm pa chu angaihna hrelo hmel zet hian a hawi tang hru a, chumi chuan kan nuih za sa chu a tizual a. kan nui tawp hlei theilo a ni ber. “ Hei hi tumaw…?” a tih vin deuh thak tak ah chuan kan ngawi dun ta a. nuihza in sum tih hriat tak hian “ Raja a nih hi, ka thianpa, Raja hei hi ka bialpa chhelo deuh ka tih chu” tiin min inhmelhriat tir ta a.


Kut thing meuha chibai ka buk zawh hnuah chuan phurlo fahran hian “Ka hawng tawh ang e, a hlimawm thin e” tiin ka ding ta hluai a. kan luh tirha boruak ang ngawt chu a ni talo tawp mai. A meng sen rum a, a lungawilo tak zet tih chupa mit meng atang chuan a chiang reng. Ani pawh chuan min chelh ngam ta biklo a. kawngka thleng min thlah hnuah kawngka chu a khar leh a. thawm ngaichang in ka ding det a, engmah ka hriat tak loh avang chuan ka kal sawn ta nghal a.


After Oneyear @ Aizawl, 20.Dec.


Krismas rim a nam tawh mai pawh a nilo, Krismas thlen nan Ni 4 vel chiah a awm tawh a, Kei pawh ka bazaar ve nual a, kumin chu ka chhungten hawng turin min phut duhlo bawk a, tiin Aizawl lamah Chrismas hman ka tum rilru a. Ka thianpa Zorema te nen programme kan set sa diam bawk a, hman nawm kan tum hle. Zu khap burna dan hlih a nih tawh avangin Krismass lai a mi tur tiin stock pawh ka nei nual tawh. Ka theih tawp a hman nawm ve viau ka tum a, ka thianpa min tur nasat em vang in rilru bet zanlo in Chhas pawh ka nei ve tawh a. Vawiin pawh hian Bazar dun kan tum a ni.


Ka Motor chuan ka va hruai a, Bazar-ah thawmhnaw leh eng I lo vel leiin kan kual dun zar zar a. Chutia kan tei kualna lam-ah chuan “ The Manhattan Show &Carnival ” tih poster intar ka hmu ta tlat mai le.. He show ngei mai hi Goa-ah khan kan endun kha a ni a…tiin ka rilru-ah amah bawk a rawn lang leh ta nawlh mai.. Hemi ni kan bazaar hi ka mood a off vek nghe nghe… kan tihtur kan tihfel hnuah In lamah hawngin ka lu nat chhuanlam in ka hawng tlang ta nghal a. Thildang engmah a lut thei tawhlo. A nui hmel leh tawng ri ka hre tharin ka hmu thar leh a, A rimtui inkah rimin ka hnar a verh leh tlat tawh.. "Engtin nge a awm tak ang,? Pasal a nei ngei tawh ang a,? Fa pawh a nei tawh ngei ang?” tiin ka suangtuahna chu a vak vel a. .Pasal a nei nia ka hriatna ringawt pawh chuan minti hlimlo rawih thei.


Chaw pawh ka ei peihlo, ka mu a, Laptop ka on a, kan 2 a uang tak tak a kan thlalakte ka en kual leh a, “I rawn leng dawnlo em ni?” tiin ka thian nu in min rawn text pawh “ Ka nuamsam lo e mai” tiin ka reply a. Kan thlalak pakhat “Show’ kan en dunna hmun a kan lak ka hmufuh ta hlauh mai…tichuan chhuna ka thil hmuh kha hrechhuak leh in ka insiam sawk sawk a, chu show neihna hmun Sipai Lammual lamchu ka pan ta vang vang a.


Mi anlo tamin ticket pawh hralh a kal hmel hle, Mi lo in nek tul tul kar-ah chuan ka inzep lut tawt tawt a, chuhhelh manah ticket ka chang ve ta vat a, Ka ticket keng chung chuan Lammual gate lam chu ka pan phei ta a. Gate keeper in ka ticket a en mek lai chuan ka hnunglam atang chuan min rawn nek nawk a, Gate Keeper chu ka va su dawt mai a. “Ekhai…lo hman hmawh lutuk lo u la” tiin gatekeeper chuan min rawn su tute chu an khak hlak a, “Kan tihpalh a nih kha, naute kan pawm bawk si a, min luh tir vat la, hei kan hnung amite hian min nek nasa tawh si a..” tiin hmeichhe pakhat hian a rawn bia a.


Ka ticket min pe let leh tawh, chu aw ka hria chu ka ding chawt a, ama aw ngei ani…ka kal sawn mai theilo a…ka hawi let ang nge, ka kal zel ang?..ka rilru a insual a. “ Ka pu I lut thei tawh e, I hnung a mite I dang tlat a nia..” min rawn tih takah chuan ka harh zawk a, hnuglam hawi lemlo chuan “Ka lawm e” tiin ka lut ta a… Kal tlang zel ka tum lai tak chuan “Raja…”….Ka pen lui leh a..A pasal hmel kha ka hmu peih tawhlo…Chumai nilo in a fa hmel pawh….. “Hei..Raja hmela”…ka ding a.. “ a nilo em ni le…?” a ti niah niah a….tichuan muang chang chuan ka inher a…Pen 2 vela in hlat chuan kan inhmachhawn ta siah a.


“I dammaw..?” “ Ka tha a lawm nang zawk” ….. “Ka dam a lawm..Hei hi ka fapa a nih hi” tiin nui sang chuan min hrilh a… “Chibai…a va lian tawh ve..?” …Nia Kum 1 lai aliam tawh a lawm..” a ti leh mai a…Ka mit chu kan len vel a, an pa hmel ka hmu mailo a.. “eeee…khawnge..?..in en ve dawn em ni…” tiin bah nuaih chuan ka bia a..A pasal awmna zawh ka tum ber chu a nih nangin ka inlam let leh vat zawk a. A nui hak hak a… a bula kal Nula hmaifai zet mai chu kawk in “hei bak kalpui ka nei lo…Terem-i a nih hi..Ka Chhang chiah”..a ti ta a…


“A nih tak chu…” tiin ka chhang mai a. he nu bula awm hi ka duh tawhlo..ka rilru a bet leh tlat dawn si.. kalsan mai ka duh..a pasal in min rawn hmuh hman chuan thil a fel dawnlo tih ka hre chiang bawk a… “tunge I kalpui a, nghah I nei emni a” min rawn ti a… “nei lemlo e…aaaaa..” ka tih mek lai chuan kan hma lama kal hmeichhe pakhat hla vaklo a ding chu kawk in “Saw nen sawn kan nia” tiin dawt ka sawi ta ngawt a…a hmel chu a danglam nghal a…mahse a insiam rem leh vat a.. “ a nih sawh…saw a nghak reng che a nih saw…” a ti ban chalh a… “kan inhmu leh dawn nia” tiin ka kal san thei ta hram a…Ka thaw huai…Kha nu kha tinge ka hmuh…he lai hmunah hian kal lo tawp tur ka ni si a.. ..


Tih tur ka hrelo..ka tei kual vel a, thil show hrang hrang ka thlir kual a..a hlimpui ber magic show erawh ka en duh talo a..achhan chu ka hmuh ka hlau tlat…Show pakhat ka mit la riau a awm a, chumi lam chu ka pan ve ta a..chu show neihna luh dawn chuan Rs 20 zel pek a ngai a “ Enge awmzia..Gate ah ticket kan lei vek tawh sia..” ka ti a.. “aaaa kapu, kha kha chu Main entry na chauh a ni e” a lo ti a.. “ani tak maw..?” tiin wallet ka phawrh a, ka pawisa nawi neih chu ka pe a..Nui ver ver chung chuan “ Lut rawh le..” min ti ta a..


Thutna chu awih tlan deuh hlek hian anlo rem a..Stage chu kan vaiin entu zawng zawngten chiang takin kan zuk hmu thei vek a…Chutah Show tanna hun dar a rawn ri beng a….Mi pakhat maksak deuha inthuam hi a rawn chhuak a, eng eng emaw a sawia..chumi hnuah ball te reuh te te awm teuh hi a rawn phawrh chhuak a.." Heng ball ah hian In number a awm vek a..( kawng ka kan luh dawn a, Rs 20 kan pek khan Plastic pante number awm min pe vek a..) chu chu he bawm mum ah hian ka thun vek ang a, kan roll tir hnuah, hei bawm pindan thliah thliah awmna a lut ball num number neitu chuan heng bawmte a inziak ang hi ti turin kan ko chhuak dawn a ni..” a ti a, entu chu an au dardar a…


Ball a lum bap bap a, a vir a tawp a..bawmte pakhat-ah chuan ball pakhat a tang ta va va a…Kut an beng hluah hluah a…Chutah “No 25” an ti lauh a…Tunge ni a? innumber en vek rawh u” a ti a, kan en sap sap a.. Hei le..keima number" tiin hmeichhe pakhat chu a rawn au ta lauh a. Kut kan beng dar dar a.. "Hetah lo chho rawh le” tiin a ko chho ta a…Tudang mah an nilo a.. amah ngei a lo ni a…entuten kut an beng dar dar a..chibai bukin a hawi kual vel a..Min rawn hmu ta ngei mai le…Eng eng emaw an inhrilh se se hnuah “Kan Lucky lady hian request a nei thei a. Chu a request ang chu ka rawn show dawn a ni." tiin a sawi a..Chumi hnuah chuan a thutna ngaiah a thu leh ta a..


Light-an off a, Music a rawn ri riai riai a…Nula pakhat hi a rawn lam lut a, chutia alam kual lai vel chuan Mipa zurui hi rawn lang ve leh a..an lo nui dar dar a…Chhuat-ah chuan a tlu ta tawp a. Hmeichhia chuan buaipuiin a kai tho a..Hlim tak chuan an lam dun vel ta a..Hmmm…eng emaw ka hrechhuak…Chutah le an 2 chuan an chesual taa…Mipa dang lo lang lehin Mipa lo awm hmasa zawk chu a tlan bo ta daih a..Mipa rawnkal thar nen chuan hmeichia chu an inhau hrep hnuah an in kalsan ta a…Hmeichhia chu rawn lang lehin a pum a rawn puar a…mi zawng vel niawm tak hian a awm velta a…tichuan chu show chu an ti tawp ta a…


Light a rawn eng a, Kut an beng dar dar a..an ko chhuak leh a… "Kan Lucky lady hian kha story kha kan vaia hriat turin rawn sawi teh se..” …a hreh hmel hle..mai..kan intawn dan leh a pasal nen an inhau a..an innei a..fa hial an neih chungchang a show tir tih ka hrethiam nghal a..ka ngaithla peihlo…hawn tumin ka inbuatsaih mek lai chuan “Ka chan chin a ni e…Kum 1 liamta khan Goa ah kal in mi pakhat ka thinlung zawng zawng sawi nghing vek tu ka tawng a..ka hlimpui a, abula awm ka thlahlel a..ka nun zawng zawng min control vek niber in ka hria.. Mahse kan hlim em em lai chuan..” ka tho mai thei ta hauhlo.. ka en ve leh ta zawk a.. “Ka pasal hual mai tur..a lo kal ve ta tlat mai…kan lengdun min phawk bawk si..kan inhau ta a…tichuan engkim..ka hrilh a..kan inkar pawh kan titawp ta a…” tiin zawi raih hian a sawi ta a….a reh duk a…keipawh thingtum ang mai niin ka thu khawng ah mai..


“Chuan Naute a pai kha..enge a story….?” tiin mipui lam atang chuan an rawn zawt a.. an nui dar dar a.. “Nia…Kha stranger pa nen khan, kan chesual a..kan chetsual thu ka sawi vangin ka pasal hual ni mai tur pawn min kal san a..” chhe hei…a puang zo vek dawn…an in then a maw..? ka nghakhlel tawh lutuk… “tichuan, ka Raja fa chu pai in ka hring ta a ni…”? tiin chiang tak chuan min rawn en ta kal a…..a ri dup dup ni berin ka hria..ka lungphu chu… “Chuan in innei ta em ni..?’ an rawn ti leh .a… “Kan at luat vangin engmah in contact theihna kan in pelo a..in pek chu sawi loh..Hming leh address tak ngial pawh kan in pe duhlo vel a..tum loh takin kan in kalsan ta thut si a..hriattir dan a awm hauh silo a..eng tik ah emaw ka tawng leh mahna? tiin ka ngawi ta reng a”…a reh ta duk mai…a tap tih a hriat mai.. Mike ah chuan a insut ri a hriat thei si a…..He Show ngei hi kan endun tawh a…Mizoram-ah an rawn kal tih ka hriat khan…kan inhmuh ngei ka ring a.. Zan 3 kan kal tawh a..mahse kan la tawng hauh silo..ka beidawng lek lek tawh a..mahse ka nau hian min tur luih tlat vangin zanin hian kan rawn kal leh a…Gate bulah kan intawng ta a..” Ka din lai ka hrelo ka ding luah tawh a…


“Tichuan, ka tlai zo ta si a, Nula date a lo nei hman tawh bawk si a..engmah ka hrilh talo mai a ni..” tiin Mike chu a pe a.. Mipui an ngawi thuap a..Min rawn en tawhlo..a kun ngaih a…Enge ka tih pawh ka hrethiamlo… “Ka kalpui a ni tak tak hleinem..?” tiin ka au chhuak ta nghek mai a… “Zan tin, ni tin, darkar tin, Nileng zankhua in..ka hre reng che a sin..” ka ti ta hlawl a….Mipui chu kalam an rawn hawi thup a…Mit tlalo lek in min thlir a…a nui sen sen a… Stage atang chuan chhukin, Naute chu a pawm vat a..keipawh rang takin ka thutna atang chuan midang pal nawk nawk chung chuan ka chhuk a…Hmun leh Hmunah kan in tawk ta heu mai le….Ka nui a..a tap a…Naute a en a… " Miin apa a chhun ngei ngei ang..a hmelthat danah hian" an ti thin a sin.. tah aw deuh tuau hian a ti ta a… “Fawp rawh..naute leh a nu kha fawp rawh.. Mipa I nilo em ni” tiin mipakhat hi a rawn au a..an nui ham ham a… Naute biang-ah chuan ka fawp a.. Chutah a nu mittui tling pam chu en in.. “Mipa chu ka ni ngei a lawm” tih pahin ka fawp ta veng veng a…Kut beng ri hluah hluah karah chuan Hmangaih leh lungchim tak chuan kan infawp ta a.


( Ka kut a van kham tak em…Flim pakhat ka en atangin he thawnthu hi ka siam vel ta mai mai a nih hi…thiam leh thiamlo in....)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)