CHANGE OF HEART BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

CHANGE OF HEART BY Tochhong Ruata

Unread post by Ngaia » May 24th, 2016, 8:40 pm

CHANGE OF HEART - ONE

"Remlal, ka thusawi chu i hria em?....... Remlalfak" ka phu zawk a, "Enge ni vak vak a?" ka ti bung hmuk a... "Ka sawi kha i hre miahlo a ni maw? enge maw i lo tih le..." a ti zuai raih a, Ka hawina lam chu a hawi ve nghal a "hmeichhia bawk, mithar lah hi i hre thei phian lehnghal" "tunge i hria em ni? " " hre chuang nang, a bula țhu khu kan la zawt dawn nia" "a ho lutuk" ka ti takna a ka mit ka lasawn theilo a chha chu a ni.. "Mayparmawii a nih khu" Zda chuan a lo ti khauh a, Tetei chuan "e an sawi chu ka hria, Shillong ațanga rawn insawn an tih kha maw?" a lo tive vat a. Ngawi reng chuan a chezia chu ka thlir reng a, A sam chu a sei tle siau a, a tukhum phek lam deuhah chuan a țawn kawh lah bawk a, A mitmeng chu fiah kelkawl tak a ni a, a hmai fang cute tak chu hmuhnawm tling tak a ni.. "a chhe lo em a nih khu" ka ti sup a. Za em em hian ka țhiante 2 chu an nui hawk hawk a, "enge in nuih kher a?" ka ti a, "Chhia tih nei heklo che, hmeichhia tawh phawt hi chu i duh vek ni maiin ka hria?" Tetei chuan a ti a, " Nangpawh tiam in maw? dawt i sawi tihna" ka ti let khauh a, "awi khanglang che hian, Rangkachak tlang sawm pawh neih phah dawn mah i la, nang kher hi chu ka yes lo ve khawp ang" a ti hlak hlak a. Tetei han chhaih thinrim vel tluka nuam hi a tamlo khawp mai.

Pawl XII zirlai kan ni a, Private Higher Secondary School pakhat Arts subject bakah Aditional subject ah Fine Arts (Painting, Drama, Music, Sports etc) zir theihna school a ni a, bawhtu pawh a ngah viau nangin School building leh compound aneih țhat tawk loh vangin School naupang 150 aia tam an nei ngai meuhlo, Fees a to bakah Uniform ringawt pawh chi 3 lai a awm a, Chhun chaw kan ei țhin a, Chung chu Mess fee tiin kan chawi vek bawk a ni. School dang angin canteen etc kan nei lova, tiffin pai a ngai lemlo bawk, Cafetrian kan neihah Lunch kan ei mai țhin.. Zirtirtu pawh Kum 40 hnuai lam țhah an ni a, An subject hnehsawh tak tak an ni hlawm. Education system a lehkhathiam ngawr ngawr lam ni lovin, skill development lam an kalpui tel hi he school ti lartu tak pawh a ni awm e. Ka kum khatna chauh ni mahse he school ah hian ka lar phian mai, Basketball khel țhin ka ni a, Mizoram MSL ah pawh langsar pawl ka ni chho ve mek bawk a. Tin, Sports Items dang runing event, Jumping event ah te pawn High School games record holder ka ni nual hlawm bawk a, nikum All Mizoram Higher School Sports neihah ka che bawn leh hle a, ka tel ve na reng reng ah Record ka siam hmak hmak a Chungte vang chuan ka lar ru ve sa hrim hrim bawk. Kar hmasa lawk pawh khan All Indian Junior Athletics Meets Jaipur a neih zawhtak ah High Jump ah Gold medalist ka ni zo hlim hlawt a ni. Ka zinbo hnua ka school kal leh na hmasa berah hmeichhe pakhat ka mit la em em tu ka tawng a, chu hmeichhe hmelțha satliah ve mai thlira ka thlir chu ka hmeichhe kawp tawh te dang ang bawka bawl zam mai mai tur a ka ngaih, mahse ka nun min thlak sak hlawk tu a ni ang tih reng ka dawn phak hauhlo...

Mahni induh ve tawk tak, Hmeichhe lam pawn an en rawn bik deuh ka ni sa ve hrim hrim a, Nu leh pa ropui tak ka nei chuang miahlo, Mahse ka hawina lam engpawh sukaw zel chi ka ni a, Khawi hmunah pawh awm mah i la leng ber nih tum nghal mai zel ka ni.. Insual etc pawh ka hrat ve viau bawk a, Zirna lamah ka tlahniam bik chuang silo, Zirtirtu te duhsak ka ni bawk kan school naupang zingah ka filawr lak a, Min tlawn rawn a ni deuh ber țhin. Thenkhat phei chuan 'New commer inla pa deuh te chu Gym-ah a hruai lut a, a schock hrep zel' lo ti tawk an awm bawk nen New Comer phei chuan min hlau ve viau a ni awm e. Chutiang engmah thleng sawi tur chu a awm miahlo, Ka țhiante uang in new comer thawveng deuh an bawlna chikhat a ni ve chauh a, chu chu a pawng atakin an awih ve mai a ni. Ka than dan diktak chu ' Infiamna thei tak, hmeichhe laka zei over, Sual bawk si, Zirtirtute tilawm thiam school naupang zawng zawng țan rawn vek' tih a ni a, Ka nih dan a awm nual laiin ka nihna miahlo pawh a awm ve tho.. Mahse ka luhlul leh ka thinchhiat a chhuah changa ka insum theilo chuan ka zia niawma an sawi țhenkhat nen inawm tur taka chet vawi 2/3 vel chu ka nei ve tawh reng bawk a, awih awm ve tak tur chu a ni reng a ni.

Lunch break kan nei a, Cafetarian ah chaw dawhin kan intlar țhap a, Kei leh ka țhiante ho kan va luh ve chuan "Remlal hmasa rawh u, kha" an ti nghal tliar tliar a, achhan pawh ka hrelo ka luh rual rual hian intlar buai ngai map lovin min dawh tir nghal tawp zel a. Senior (Class 12 zirlai) te an awm pawn min kian ziah țhin.."a ngai love" ka tih pawn min kian tlat si a, "dawh mai mai teh, an duhsak ve che a nih kha" Tetei chuan a ti a, min nek deuh salh a, Ka hma a ding chu ka su awk a, a thleng chu a thlauh ri ta rum rum a, Ka pheikhawk chhip ah Dal kan kawi eng zet mai chu a baw luar bawk a, " hei i va zei love, Ka pheikhawk i ti bal vek a lawm, ka liah fai tir dawn che a mawnle" ka ti nuah nuah a.. Room chhung chu a reh nghal duk a, thleng nawr ri hraih hraih bak thawm dang a awm lo... "Ka tih palh a ni, min ngaidam rawh" ding khur dat dat chung chuan chupa chuan a ti a, Nidangah pawh kan lo hmuh fo tawh țhin a nu mizo a pa vai Gudu-a tia hming lem kan phuahsak pa chu a lo ni a. "ngaihdam leh dam lohvin awmzia a nei lo, Hruk fai sak vat mai rawh" Zda chuan a lo ti vat a, puanchhia la in ka pheikhawk hruk a tum mek lai chuan "Arun, an mahni thiamloh a nih kha, hrufai duh suh" hmeichhe pakhat hian a rawn ti a, "Engmaw i sawi?" tih pah chuan Zda chu hnung lam a hawi vat a. Keini pawh kan hawi let ve a, Kha hmeichhia kha a lo ni a, Zam hmel hauhlo chuan minlo en kiau mai a, a hmelchu ralkhat a hmuh ai chuan a hnaiah phei chuan a lo țha zawk fe a "engmaw i sawi, new comer i nih kha" Zda chuan a lo ti khang khang a.. " Ka hria, Mahse Aruna khan a tihbuak luih a ni bik lo, In chuhhelh vang a nek in nih kha" a ti zui hlak hlak a.. Ka ngawi reng a, Tetei chuan "Khang lang che chuan"a ti hlak a, "a tawk ngawi rawh u, Hey Gudu dawh leh vat la insaseng vat rawh" ka ti a, rang takin Gudua chuan chaw a dawh țha leh a, a inthiar fihlim nghal vat a. "Kan hnung a awm in nih kha, in hun nghak ve mai ula" chu nu chuan a rawn ti leh hram a.. Midang a bula awmte chuan an lo khap sap sap a, "a nia lawm, Hetiang inti pa lutuk, pa tak tak silo hi ka huat zawng a nia" a ti leh hlak a.. Chu chuan ka chaw dawh lai chu a ti tawp hmak a, "Hei, rawn dawh rawh, tumah ka lo dawh hmasa ka ti ngailo, Min kian a ka dawh țhin mai chauh a ni... Hetah rawn dawh nghal rawh.. ka lo nghak ang che" ka ti ta khur khur a.. Ka zak chem chem a, Ka thin a rim viau bawk, Hmeichhia nilose ka sawp zek ang... "Keimah chauh ka tilo, midangte pawh ka tihna a nih kha" a ti a, min en kar bawk a, a hmelah chuan a zamlo tih a hriat viau mai, "Engpawh nise rawn dawh la, kan lo nghak ang che, i dawh duhlo a nih chuan tuman kan dawh dawnlo tihna a ni mai" ka ti a, ka nghak ta țhapa.. A hma a dingte chu dawh turin a ti a, Mahse tuman an duhlo "dawh hmasa rawh i hman hmawh kha" nui sang chuan an lo ti zel si a, sen ap ap chung chuan a dawh ta nghal a.. A dawh zawh chuan kan dawh leh a, Kan țhut țhinna lam kan pan ta dal dal a.

"A hmel chu a țha, Mahse a ngeiawm lutuk tlat" Tetei chuan a ti hlak a, "Nang aia a hmelțhatna ka hrelo, Remlal tinge i ben sawk loh le" Zda chuan a ti ve bawk a, "Tikhan tive ziah suh ka hnek zek mai ang che" Tetei chuan Zda melh ram ram pah chuan a ti a, "a nia lawm, Patil nilo la chu sawnu ai sawn i luck zawk hrim hrim, Sir Vala pawn a star khawp che kha" Zda chuan a ti leh hlak a, "Chimawm pa, ngawi hmak rawh" a ti a, kan nui hak hak hlawm a.. Kan ep chiah ah chuan Kha hmeichhia kha a țhiante niawm tak nen an țhu țhap a, min rawn melh leh zauh țhin a, Ka lo en reng bawk si nen a sen leh ap ap țhin a.. Ka rilru chuan "He nu hian min la atchilh dawn khawp" ka ti a.. min rawn melh zak zak reng a, keiin ka lo en leh kiau țhin si a, a zak nge ka hrelo, a sen leh ap ap țhin.. Ka țhiante infiam nak nak pawh chu hrelo ang maiin ka awm a, "Remlal, i duh tih ka hre ta mai, sawnu saw tukin zing ațang khan i lo en leh dauh dauh țhin, a zahthlak" Tetei chuan a ti hlak a, ka mit ka la sawn a, "Ka rilru i hre dik chiah a nih chu.. saw nu chapo zet saw ka zem tlu ang a, ka bawihah ka tan tir dawn khawp, Zan 3 ka lenchhuahpui meuh chuan min melh ram ram ngam tawh miah lovang" ka ti thawp sat a... "ha..chutiang zawng chuan maw ni a, Chu ngaihdam i dil hmasa zawk dawn tihna a niang chu maw?" Zda chuan a lo ti zauh a, "hnai suh e, amah sawn min dil tur a ni ringawt" Tetei chuan a lo ti vat a, ka ngawi reng a.. Amah kan sawi tih hria niawm takin a tho a, a thleng chu silturin a dah sauh sauh a, a chhuak ta nal nal a.

Chumi ni chu kan intawn hmasakna ber ni ni mahse hmeichhe dang ka tawn tawhte nen a danglam viau, a ni nen chuan kan inbakkaih hmasa a nih kha, hmeichhe dang nen kan inhmelhriat dan erawh chu "a star lutuk che a" tih emaw in Tetei emaw Zda emaw midang ka laka tlaktlum tum tak ten an ti țhin a. A chu chutiang a ni hauhlo thung, Keiman ka hnaih hmasak a ngai dawn tlat thung. A tuk ațang chuan hun remchang ka thlir reng țhin a, Mahse chance ka nei thei manglo, Ka neih lahin ka ti thei ngang lova, kei chapo mahni indah sang ve tak tan chuan harsa ve bei bei tak chu a ni ringawt. Ni a liam zel a, hmasawnna ka nei chuanglo, chutih laiin midang kei min heltute anka ka dawng chamchi thung. Tetei hi hmeichhia Patil kan tih ang chiah chu a nilo, Mahse mipa kawm tlat mai, Incheina pawh pa chuanglo, rilru paukhauh zet a ni thung. A sam hi a boys cut deuh hmarh renga hrelo tan chuan patil emaw tih mai tur a nih laiin keini a țhian tak tak te erawh chuan a patil loh zia kan hrechiang viau thung. Ngaihzawn ruk pawh a nei ve țhin ngei a, mahse han bem kual vel a thiam fahran si lova, kawp neilo hian kan zingah a tal ve nawk nawk ringawt mai a ni. Z.D a hi a pa inhlei leh fiamthu duh tak, lerh em em silo, hmeichhe tih thiam deuh mai a ni reuh a, keimah vang hian kawr thar, kekawr thar te hi a dawng nawlh nawlh reng mai lehnghal. Kei min hmatheh a, a duhzawng a neih phah fo tawh țhin, ka tan chuan thih hial pawh a ngam awm e. Veng khata awm kan ni nangin kan inhlat viau a, Kan inkawm nasa em em thung. Tetei erawh chu veng dang daih a ni a, Matric high school kan zir țan tirh ațanga in hria, school khat a lut kan ni a, Chuta țang chuan kan inkawm ho ta a, kan inngaina chho ta em em a ni. Keini 3 inkawp hi 'The 3 F***ers' kan inti țhin a, hlauh kan nei lem lova, kan hmazawn a tih tur reng reng hlawhchham tura tih tumlo kan ni tawp mai.. Zda hi Aizawl mi hlun, chhungkaw khawsak sang ve tak a țanga rawn chawr chhuak, rilru chak leh thluak țha ti țha peih lo zet a ni thung. Kei hi thlahtu lam a chhui pawn chungkaw rual leh zahpuiawm lemlo tak mai kan ni a, Ka Pa pa hi Mizorama Hmasaber nihna engemaw zah hauhtu a ni a..

"Remlal, Miss Marovin a mamawh che kal nghal rawh" Kan class represent Sangpuia chuan a rawn ti a, "Engah chuan maw?" ka lo ti bui bui a, "Ka hrelo, tunah rawn kal tir rawh a ti ringawt a" a ti mai a.."Khawiah nge, office ah maw?" ka ti leh ngat a, "aih auditorium ah" tiin a chhuak zui leh mai a.. "yes.. lam zir turin a ti che a ni ngei ngei ang" Tetei chuan a lo ti hlak a, ka nui ringawt a. A lo nih tak tak vaih chuan aw.. ka tel awmlo e mai" ti rilru chung chuan Auditorium pan chuan ka kal ta nghal a. Auditorium ka han thlen chuan ka rinloh deuh deuh hi an lo awm sap sap a, Miss Marovi chu dawhsan ah lehkhabu kengin a lo kawk kual nasa mai bawk a, Ka hmel an hmuh rual chuan sikul naupang dangte chuan an hrilh hre nghal a, a rawn hawi vat a "Hey Hero, hetah lo chhoh teh le" a tinghal zat a. Phurlo hmel deuh chuan ka chho hnuk hnuk a..

"Tun țum School Day chu min pui ve la ka duh a, midang ka duhzawng tur mi ka hmu hauh lo mai" a lo ti vat a.

"Eng kawngah maw? lam ka ti ngai lo a nia?" ka ti a, stage a awm hmeichhe ho chu an nui hak a..

"Nilo, lam tih lam a ni lo, Drama show kan tum a, Hamlet drama kan show dawn a, Hamlet lemah changla ka duh a" a ti ta a...

"Ekhai.. ka la ti ngai miahlo a nia, Lemchan berkher" ka ti a ka nuih a za zawk hial a, "Enteh Hero (kan teachers ten min koh fiamna) Sports i theia, hetiang lam hi i thiam tho rinna ka nei tlat mai, harsatna vak tur a awm bawk si lo, Voice dubbing sa play ruala lo phun ve mai mai tur a nia" a ti a, Ka nuih a za tlat, ka hawi kual ruai a... Ka tumloh deuh chuan mipui țhutna lama video camera stand bulah Maypari lo țhu vang chu ka zuk hmu a.. "Miss, ka ti ngai miahlo a nia, hetiang lam hi chu" ka ti chuar chuar a,.. "Enteh Hero, i theih ngei ka ring, Nang talent nei țha leh engkim awlsam taka ti thei mai mihring hi an tamlo a nia.. Hei hi la la, tah khuan lo zuk bih la, light seting kan zawh hunah reharsal kan nei chhin dawn a nia" tih pahin a kenlai paper chilh khawm chu min pe a.. Hnial chi a ni tawhlo, a ti laklawh tawh tlat si, a thil min pek chu ka en a, "Hamlet" tih a lo inchhu a, ka keu deuh dak dak a.. Hamlet a thusawi a lo ni hlawm a, a script ziah a ni tih ka hrethiam nghal mai a "Miss, voice dubbing tur i ti khan ka hre sia" ka ti nuah nuah a.. "a nia lawm.. i phun remtur tala i lo thiam ve a ngai tlat a ni" a ti a... min buai san lehta daih a.

Phurlo zet chuan stage ațang chuan ka chhuk a, Țhutna awl hnung deuh chu ka pan ta a,... Ka hma lawkah Maypari chu a țhu a, ka thil ken ang chu a bih ngar ngar a. Ka keu kual ka keu kual ringawt a.. Han tih dan vak hre heklo le, Hamlet a țawng kam zawng chu ka bih thla ngar ngar a, ka thiam zawng pawh a ni lo ang ti chung zel chuan ka chhiar chhuak ta țho va, Timi deuh tan chuan thil harsa tak chu a nih hmel loh, Lan 7 lekah a zawh vek thei dawn a..

"Awle... Hetah hian lo chho teh u, in vaiin" Miss Marovi chuan a ti lang lang a, midang chu an kal khawm nghal hal hal a, kei erawh ka țhutna ngaia țhu chungin ka paper ken chu ka sam ka sam ringawt a "Hey Hero lo chho ve tawhla" min rawn tih takah chuan phur vaklo chuan ka chho zui ve nghal mai a...

"Awle.. Kumin chu Principal in Drama incharge ah min dah ve khiah mai a, ka vawikhat tihna tur a ni a, Chuvangin ka theih ang tawk leh țha ka tih ang tawk in ka inpuahchah ve a, changtu tur pawh vawi duailo ka dream kual hnuah in chezia te ka thlir ruk danin nangni ho hi roll play tura ka final choice te in ni a,.. Rosalyn ten an hneh sawh em em laiin Remlalate, Maypari te leh midang te hi in vawikhatna ve tur tho a ni bawk a. Experiance neitawh kan țhiante leh keini vawikhatna turte hi kan țangtlang ang a, Drama hmuhnawm leh mit la tak chang chhuak thei turin ka ngen takmeuh che u a ni...." a ti dap dap a, a hmelah pawh a țang tih a hriat viau.. A ni taka Miss Marovi hi chu a zei a, lam a thiam em em bawk a, Kumtin mai Dance lam kengkawhtu ah an hmang ziah a, thiam pawh an thiam thei viau reng a.. Sir. Buata Drama In-Charge țhin training in a kal daih si a, a aiawh turchuan a awm ber ve tho mai.. A hmelțha in a che fel thlap a, Engkim serious tak a tivek chi a ni hrim hrim bawk a. Kum 3 a zawna Teachers Of The Year a thlan theih awmchhun a ni nghe nghe....

"Miss, zawhna pakhat lawk" May chuan a rawn ti vat a, ka lo ner deuh nawk a..A intifel mah mah țhina hriatna ka nei deuh țhin.. Inti fel deuh hi ka ngei ve hrim hrim țhin bawk nen "Enge nita May?" Miss chuan a ti vat a, "Kan Roll tur hi i siamfel tawhsa ngei ang a, Ka part tura i thlan hi ka lawm lutuk nangin kei aia nelawm tur deuh midang ruat zawk mai teh a?" a rawn ti a.. Kan nui hak a "Enge i sawi awmzia chu?" Miss chuan a ti a, sen ap ap chung chuan "Kei leh a ni (min melh zauh pah chuan) hi love affiars nei anga chang tur chuan ka theih ka ringlo, amah pawh hian a thei kherlo maithei" a ti sap a. A zawi reihrawih nangin ka bengah chuan a chiang khawp mai, "hmeli" han tih mai ka duh rum rum hman a, Mahse ka insum vat a, Midang ho chu a nui ham ham a.. "ekhai chutiang awm reng chung chuan han induh der em em mai ula Actor țha leh Actress tha in nihzia in lantir dawn zawk a lawm...Hero i harsat ve i ring em?" nui sang chung chuan a ti a.. Ka ngawi vang vang a.. "Aw ka duh biklo" tih mai ka duh rum rum, Mahse ka plan kha a thlen theih tak mial in tih thuah confi hmel deuh chuan " chutiang tak chu chandun a chakawm a lawm le" ka lo ti sam et a. An nui leh ham ham a... "Kha... enge may harsatna ila nei em?" Miss chuan a ti a, "Nei bik love, a ni mahin a cho te chuan" a ti ve ngat a..Min melh ram bawk a.. "a nuam dawn e...awle, tunah hetah hian School banah zirna kan nei țhin ang.. Kar 2 bak hun ka nei tawhlo a, țan lak kan ngai nasa a nia" a ti a.. Ka lehkhabu ken chu dawhkan ah ka theh thla țhak a.. kalmai ka tum a "Remlal, i lehkhabu kha hawn rawh i hman chang changin i chhiar ve dawn a lawm" Miss chuan a rawn ti a.. "awle.. Nakinah ka hawn dawn nia" ka ti hram a.. nui chung chuan ka chhuak zui ta nghal a..

"Engmaw?... 'Hamlet i pa thlahrang ka nih hi, ka inti rimchhe thei teh a nia' tih vel ah khan maw?" Zda chuan nui ker ker chung chuan a ti a, "Chupawh Ophelia lemah Maypari, Hamlet ah nang kher maw?" a ti zui leh hram a.. Tetei lah chu sen ap ap khawp in a lo nui ve bawk a.. "Ka chang thiamdawn a sin, in țap pur mai ang" ka ti a.. Tetei chuan "Zd engtin maw Hamleta pa chuan a tih a....(a nui dir char char a..sawi pawh sawi hleithei lo chuan ) Hamlet i pa thlahrang ka nih hi ka inti rimchhe thei teh a nia' a ti maw?" tiin an nui vak vak a... ka țhiante 2 ti ti hrephak Cafetarin a awm te chu an nui ve ham ham bawk a... Chutih lai chuan Tetei hnung lam ah chuan Mayi a rawn phei hnak hnak a.. Tetei leh Zda nui pawh an tawp zui nghal a... Kan dawhkan bula a ding a chiang kelkawl tak chuan min en a "Englo... Hero..oh... Remlal... Ka be duh lawk che a, min rawn zui teh" a rawn ti thawp sat a,.. a sen am am bawk a.. "oooooo." chulai vela țhu mipa ho chuan an lo ti dual a... Ka nuih za ka insum hram hram a.. "Oh...Madam ka rawn zui nghal ang che" ka ti a.. an nui ham ham a.. zak hmel deuh chuan a ding a "ka fiamthu miahlo a nia" a tih leh sap a, Veranda lam pan chuan a kal ta nal nal a... "a zui ngam lovang" Tetei chuan a lo ti vat a, "a ngam ang" Dampuia kan class mate tho chuan a lo ti vat a, "Ngam lovang" "Ngam ang" an ti ham ham reng a.. ka nui a "Khur chungin kan hotunu chu kan zui phawt a nge" tiin ka tho a.. Ka kut leh kam te ka silfai a ka țhuah hnuah refresh chu ka țhama ka hmawm zauh a, Pawn varanda a ding chunga Aizawl khawpui lam thlir dauh dauh tu Mayi awmna lam chu ka pan zui ta nghal a...

"Enge nita a?" a bula ding chung chuan ka ti a, ka inher a, Veranda hungna chu ngheng ar ar pah chuan Cafetarian darthlalang ațanga min rawn bih huang huangtu school naupangte chu ka țhenkhum sak a.. "Ih englo... Kan part tur hi kan inkar boruak nen a inmil lo ka ti lutuk a.." a ti hman chauh a "Miss in thlak a phal loh kha" ka lo ti vat a.. "Ka hria lawm.. ka sawi tum pawh i hrelo..." a ti bak hlak a.. a rim lah chu a tui phian lehnghal.. "A nih a hnu enge?" ka ti deuh hmak a.. "I hman a hunawl i neih theih chuan, Zan ah kan in ah practice dun țhin i la, Ka pa hi Director a nia, min zirtir thei dawn a" zak hmel deuh leh inthlahrun hmel deuh chuan a ti a.. Ka beisei loh tawp a sawi tlat mai.. ka ding ngil te te a... Chiang zet chuan ka en a, "Ka lo in ngaihtuah dawn nia.. Banah ka hrilh ang che" ka ti a.. "Ka lawm e.." tih pahin inchhung lam pan chuan a kal ta nal nal a.. A pian a nalh a, Mipa tam tak tan chuan a duhawm thlawt a lawm.. Mahse kei chuan chutiang lam hawi chuan ka thlir zui ve thei țhak lo thung.. He nu chapo zet hi ka thuhnuaia dah vat a, Intihtheih khum vel ka chak lutuk tlat thung..

Reharsal ka neih vawi 1-na a ni bawk a nuihzat thlak deuh deuh a tam khawp mai.. ka ri leh ham ham țhin... Hamlet a pa thlahrang lema chang tupa lah a zeilo uluk tlat mai bawk nen.. Miss pawh a ni lakah chuan a beidawng ni berin ka hria.. Mahse a dawhtheih hrim hrim a, a nuih ve tawp a, a hrilh leh mawlh mawlh țhin bawk a...Kan part țheuh vawi 2 kan enkual vek hnuah discusion kan nei leh a. an harsatna neihte a sawi sak diat diat a, kei chu min mention pah chuan "Hero hi a vawikhatna mah nise a ti chhe lemlo.. Mahse duhaiin a țawng fiah lo mah mah.. Muang deuha țawng hun a awm a, rang deuh hun a awm bawk a, chu chu lo zirbelh deuh rawhse.." a ti a..midang pawn an roll tura an duhthusam te an sawi ve sap sap bawk a.. Kei leh May chu in ep chiah in kan țhua, engmah kan sawi ve lemlo.. Queen lema changtur Rosalyn lah a hnehsawh em em bawk a.. Minute 20 dawn kan sawiho hnuah Miss chuan " Hei May -i pa hi director lar em em Pu Rosiama kha a ni a, Zan lamah May te inah kal khawm țhin ta ula, in chetzai leh in țawnglai awmdan tur a lo zirtir thei khiah maithei che u a, a remchang ang tiraw May?" a ti a.. May lam chu kan en țhap a.. min rawn melh zauh pah chuan "harsa love, a lawm zawk ang chu.. a chawl rei tawh bawk nen" a ti a, "nia.. a țhat chu.. ka lo be ve reng reng ang e.. kan bang tawh mai dawn em ni?" a ti nghal zung zung a.. Kan tho sang sang a.. "Hero i lehkhabu" a ti nghal zalh a.. Nui vur vur chung chuan "i duhthawh ve siah" ka tizauh a...a nui liam ve mai a..

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2016, 8:40 pm

CHANGE OF HEART- Two

"Dar 7:00 ah rawn tleng hman la" a tih vang in thuawihlo lui ngat in Dar 7:30 ah an doorbell ka hmet ri ve chiah a..An awmna hi Aizawl veng hulum lai pawh a nilo , Apa hi a lar em vangin hrelo pawh kan awm bar lo.. A nu hi Motor Accident ah a boral tawh a, a pa nen chiah an awm niin ka hria.... In țha deuh leh compound nuam tak chu a ni ngei mai, An kawtlaia pangpar an khawite pawh uluk leh duat taka an enkawl tih a hriat hliah hliah bawk. Kawngka chu May chuan a rawn hawng ri rak rak a..Min hmuh rual chuan "i van tlai ve, midang an rawn thleng hman tawh a lawm" a ti hlak a, ka ngaihdan chuan a intih fel vang a dar 7:00 a thleng hman tura min thu hnuai a tumna ah ka lo ngai pek a, a ni midang awmloh laia apa bula lo tih hman a duh a lo ni daih niin sawi tur vak he heklo.. "Ka bike ke a chhia a" ka ti deuh ngawt a. " oh ka tihpalh, harsatna i tawk tih ka hrelo a nih chu" dam dap chuan a ti a.. Kawngka chu a hawng zauva "I lo lut dawnlo em ni?" ngeiawm deuha min nuih chung chuan a ti a.. "I ding tlat sia lawm" ka ti ve zat a.. "Hnial hrat bawk si" a ti a, a nui hak a.. Min melh ralh bawk a.. Chu a mitmeng thip ram mai kara hlim hmel chu ka hmuh hmaih lo chiang kher mai, ka nihdan lo tawpin ka tukhum a par chhak ni maiin ka hria.

Inchhung ka lut chu apa ho in Sitting room ah an lo țhu țhap tawh a, an nui ham ham bawk a, min hmuh velah chuan "Hei hi maw Hamleta tur chu.. hmmm ka sawi tawh ang khan in miss chu ka hmu chak hle mai, a mit a fing tlat..Hei en mah ula, Hamleta kha Lalfapa a ni.. a ni pawh hi a fai ve vung a, a duhawm ru riau...Tin, Hamleta kha apa sunin anu lakah athikthu achhe viau a nih kha. Hei.. han en ula a pian zerzawr ah hian engemaw taka zawr deuha han awm vel tur a tan a țha khawp ang.. Hamlet kha a á der chiam a nih kha. a lerh ve vei viau a nih bawk kha.. Hei.. En mai pawn â hmel a pu sa deuh bawk si, a mitmeng ațang hian a lerh tih a hriat reng hi, thlang thiam tak a ni" a lo ti nghal zung zung a, ka țhiante ho chu an nui ham ham a.. Min rawn pan hnai te te a, "Remlalfaka maw i nih, i hming chu i inhmeh hle mai, I chanchin tlem azawng chu May hnena ațang hian ka lo hre tawh a,.. Kei hi May pa neihchhun Rosiamliana ka ni e" tiin a kut chhah tup mai chu min rawn pe a, "Ka hmu che chu ka lawm hle mai" a ti sup a, a chezia chuan min hneh ru riau pek a, ka lai lek lek zawk a.. bah nuaih chuan " aw.. nia..Keipawh ka lawm e" ka ti ve hram a.. May chu ka en vat a, a biang a lo sen leh hlar tawh a..

Dar 9:00 a rik meuh chuan kan inpawh tlang tawh hlawm hle, Experiance neițha, Mizo zinga Flim lama tawnhriat ngah ber leh U.S lama Acting School a Graduate kan neih chhun a ni bawk a, engkim mai chu kan awlsam phah viau mai bawk a.. Kan lo ngaihdan ve mai mai kha chuan Drama a ni bawk a uluk vak lovang" kan ti ang vel lek kha a ni a, a ni bulah kan awm chiah chu engkim a dik zaih mai, kan țawnglaia kan movement leh hmai hmel lan dante thleng chuan a uluk a, min hrilhfiah nghal zung zung bawk a, hun pawh kan hmangrei lo reng a ni.. Nuam ti deuh siin Darkar 2 kan kalliam tir der mai bawk a.. Kei takngial pawn nuam ka tih ve phah em em bawk a. Chutiang kan tih lai vel chuan ka tum lawk miah silo chuan May chu ka lo en leh dauh dauh țhin a, apa chu a ngaisangin a chhuang hmel hle, a pa fiamthu a nuihzat thei em em maite chu ka lo nuih ve lehling țhin a.. Chutiang karah chuan min rawn melh ve leh zauh țhin a, ka lo en reng bawk nen sen ap ap leh lai hmel deuh hian a mit a la sawn vat țhin.. Chutiang ka tawn chiah chuan keipawh ka tukhum a par ve leh chhak țhin bawk a.. Vawiin lam thleng pawh a, ka ngei leh inti fel ka tih em em, mahse pianthiam leh hmelțha ka tih ruk viau si chu ka ngaina țan rilru riau pek a nih chu.. Tetei leh Zda chuan hriase min nuihzat viau loh pawn " i tihdan ve reng a lawm" an ti mai thei. Țhiante an tho sap sap a, May chu ka bula rawn kal pah chuan "la țhu muang rawh aw" a rawn ti sap a, Ka bu zauh a.. Midang an thlah fel hnuah an pafa chuan nui hak hak pah chuan an rawn lut a, "Pa thingpui i in dawn em? I dawn loh chuan kan roll tur discusion kan nei dun lawk duh a?" a pa bulah chuan a ti sam et a, "In tawh love, Lehkhabu chhiar ka duh tawh, ho mai mai sawi lo ula, Engkim hi kan chunga a tlak tawh chuan ti liam mai mai lovin theih tawp chhuahin han ti vak mai i la, kan tihmi lo tawp tur a nih chuan hma kan sawn hauh lova,,Kan tihve theih tur a nih erawh chuan kan tluang purh zel a nia.." a ti a, min beng thuk thuk a, "Kal rawh u, Mangțha aw" a ti a.. A room lam niawm tak pan chuan a kal ta nal nal a.

"Lokal rawh le, Nu Van kawngka la kalh loh tur aw. ka room ah kan awm dawn a nia" a ti lang lang a, Nu Vani a tih ka luh tirh phat ațanga ban thlenga ka hmuh ve miah loh kum 60 emaw hial tawh tur hi Tarmit dum lian kelkul deuh mai bun a a chunglam a min melh kur chung chuan room dang a țang chuan a rawn chhuak hnu hnu a.. May chu inchung pan chhohna step ah a tlan chho țak țak a, ka um chho ve nghal vat a.

A room chhung kan lut chu ka beisei ang a ni hauhlo mai, Hmeichhe naupang room ang maiin pink color vek a lo ni a, Inchung erawh a dum daih thung, arsi lem vawmbei theih de sep sep chi ang hi a lo awm tuar bawk a, a khum pawh chu hmanlai hun a tawlailir ang type a lo ni teh daih a, a hniam hle nangin a hriatthiam theih viau.. Chhuar engmah a awm lova, Bangah thawmhnaw inkhai a awm heklo, a khum bul chiah ah erawh kawr ban theihna mai tur kawrkhaina ban filawr kak sang mai hi a awm a, tahchuan nghawngawrh lum chi pakhat hi a inkhai ve lek a..Side table ah Alarm clock (Hmailan chhuak a bial a beng ang deuh a khawnrik pawng 2 awm ang chi kha) leh Hour Glass kutphah chenvel tur hi a awm a, Elecfric Table lamp a paw dal raih a inkhuh a inhung bawk a, a lukham bulah chuan English Holi Bible a kara marker inzep țat hi a awm bawk a.. A rizai, bed sheet leh bed spread te chu Fairy tells lem vek a ni bawk.. A khum lu ah chuan lian leh nalh zet hian "Lalpa chu min vengtu a ni a, ka tlachham lova" tih ziak a in tar kalh a.. Khum mawng bang bulah chuan Sofa single chiar a in hung a, luh a veilam ah Toilet tih intar kawngka a awm bawk a. A khum sir tukverh bulah chuan Computer table ni bawk, lehkhazirna table ni nghal bawk hi a inhung vang a.. Khum lu lam bang kilah chuan Chhuar niawm tak kawngka a awm a, a bul maih ah chuan Dressing Table felfai thlap hi a awm bawk a. Sawi hmaih hauh loh tur chu a room luh dawn chuan pheikhawk min phelh tir a nui var var chung chuan "woolen karpet hi ka tan phah a țha zawk si a, Tihfai a buaithlak deuh bawk nen.. min hrethiam dawn nia" a ti a, A room chhuat ah chuan Woolen Carpet paw duk khaih mai hi a inphah chhuak vek a..

"I table a thlalak saw tunge?" ka ti a, "e ka nu mawle" a ti mai a, "Chhuat a țhut pawi i ti em a fai vek tho si a" a ti zui zat a, "pawi love... i nu thlalak maw? nangmah emaw ka ti a lawm" ka ti a, nui hak hak pah chuan "an ti chawk reng a lawm, He thla a lak lai hian Kum 19 chauh a ni mawle, tuna keima kum zat ang chiah a ni tihna a nih chu" a ti a, "Kum 19 chauh maw i la nih" ka ti deuh hu a, "aw..enga tinge?" tiin min en kiau a, Nimin leh vawiin chhun lawkah pawh hetiang chiah hian min en kha a ni a, Ka zam hauh silo.. Zanin erawh a dan a dang kher mai, ka zam lek lek tlat mai.. "I chezia a puitling em a" ka ti mai a.. a nui a... "Kan drama tur hi ka chan chak zawng tak a nia, Mahse..." tiin a duhthusam leh samloh te, a tira kei min aiai ziate, zanin a ka performance țha atih leh si ziate chu a sawi siam siam a.. Kei ka vaipa țhut a, a ni erawh chhuatah a bawk thung...A thusawi chhung zawng chuan ka lo en chet chet a, A hmui han sep velte, a sawi deuh nalh nalh leh țhinte, a mitmeng fiah kak leh dum kalh maite, a ha var sar rual țhat mai bawkte, a ka thianghlim em em maite chu ka en nianglo a ni ber mai. Mit lalo lekin ka lo en dauh dauh a "tikhan min en reng suh ka zak ve tho a nia" a rawn tih takah chuan ka phu zawk a.. "Nia..errr..." ka ti thei hram a. A thusawi ka hriat lai lai ka sawi ve nuah nuah a, "engzat nge cheng che u, Nu Vani i tih kha tunge?" ka ti teh daih a.. "a mood ah i cheng thlawt lo, Kal rawh hetah kan ti ti dawn nia" a ti a, a tho tharh a, Tukverh pakhat chu a hawng a, a chhuak ta daih a.. Ka va zui vat a.. An Veranda chung kha a lo niin a zawl darh a, Pangpar a lo awm lat bawk a.. Khuai bu niawm tak hi a in hung a.. A sir lamah chuan a phei a, Inchung ber panna step a lo awm a, kan inzui chho ta zel a.

Inchung zawlah chuan Thutna nawm hmel deuh leh Len ang deuh Mut theihna tura siam in then nalh nalh thei hi a lo awm bawk a.. Chutah chuan a lawn tharh a "Lo țhu ve rawh" tiin a insiam țha sat sat a.. Lai deuh leh tim rilru tak chuan a bulah chuan ka țhu kai ve ta a, a rim lah chu a tui em em mai lehnghal..... Nui hak hak pah chuan "enteh Aizawl khawpui mawi zia saw, Shillong ka nin em em chhan pawh Aizawl khawpui hetia thlir theiha a awm hi a nia" a ti a.. Kan hma zawn ka hawi phei chuan Tuikual, Dinthar veng, Vaivakawn leh Dawrpui etc a lo lang pe un mai lah taka, Kawngpui dunga motor tlan eng zur zur te pawh a hmuh vek theih bawk a.. "A nih tak saw mawle, Tinge Shillongah i awm reng lohva?" ka ti teh tawl a, "Nia.. Pawl 7 ka nih ațangin Shillongah ka awm a, Ka ni (a pa farnu) pasal Khasi pa hian Hostel a siam a, School a nei bawk nen min dah char char a. ka nu a boral tawh bawk nen Mizoram awm ka chak ve tawh a lawm " a ti et a.. a kut nem nal thep chuan ka kut chu a rawn dawm a.. "Mizoram awm ka chak theih zia kha.. Ka awm chak chhan em em pakhat chu ka nu kha a ni a, Mahse ka awm ve theih meuh chuan min boral san ta daih si a nih hi.. Unau ka nei lova, ka nu kha naupai thei tawhlo a ni a, Kei min neih tir hram chauh a ni.. Nang Unau i nei ve em?" a ti a, min en kiau a.. "Nei e..ka nu pawh i nu ang tho chu a nia" tiin kan unau chanchin chu ka hrilh a.. "Chuvang a nih chu i vawk lal len em em" a ti hlak a.. ka en vat a, nuihza insum hmel ka hmu a, "Kei chu unau ka nei lo, ka cousin te ho an ni mai, Ka cousin tam zawk lah Shillongah an awm a, Mizoram lama awm lah Lunglei lam daih an ni bawk si" a ti a.... thlifim a rawn thaw heuh heuh a..."I chhungten hetia kan awm hi an remti dawn a mawnle?" inthlahurng deuh chuan ka ti a, nui hak hak chung chuan "Tunge fanute pasal tur vengthawng vak ang" a ti a, za emem chuan a nui zui bawk a.. "Engmaw?" ka ti vat a.."Ka fiamthu mawle.. I inla pa ve sia a" a ti leh daih a, Za vak lo chuan ka nui ta vel mai mai a.. Kan ti ti dun zel a, a nu boral a hriat laia a rilru nat dante a sawi siar siar a, a mittui a parawl par bawk a, "Unau ka nei lo, ka unau nu, engkim ka thuruk ka hrilh ngam chu Ka nu kha a ni a. Khawvela ka mipa duhber ka hrilh țum te khan min nuih miah lo, min hau heklo.. 'Bawihte, mipa hi an landan ang hi an chhungril nun a ni miahlo a nia aw.. I sawi pa pawh chu ka hria, an chhungkaw zia pawh ka hria.. a țhatlohna engmah ka hrelo.. Mahse puitlin hnuah uluk taka chhut nawn leh phawt tur a nia.. Kei hian ka hmangaih ber nia ka hriat nilo, Min hmangaih em em tu i pa ka nei hi ka damchhunga ka thil tih ropui ber a ni hial ang.. Ka hmangaih emaw ka tih kha ka lo hmangaih tawklo tih i pa kianga ka awm hnu hi chuan ka hre chhuak ta chauh a. nangpawn tuna i mipa duh ber hi nakinah i kawppui a nih takloh hlauh chuan i hmangaih berlo a ni tih midang i pawm hnuah i hre chauh ang.. Kan hmangaih em em aiin Min hmangaih hliah hliah tu kan zawn thiam a țul ber mai.. Kan hmangaih luat vangin kan mit a del țhin a, a hnuah kan inchhir fo țhin.. Chutiang chiah chuan min hmangaihtu lakah chuan kan fellohna pawh min haider sak zel thei a nia' a ti a. Mahse kum a liam zel hnuah pawh ka la duh em em zel zawng a nih hi maw" a ti siap siap a.. A meng bial kal a, Aizawl khawpui pe un mai chu a thlir vang vang a.

"I nu chu a fing hle mai... I mipa duh ber chu tunah i la duhber tho tihna maw?" ka ti leh ngat a.. "Niang chu.. amah pawn ka atchilh a ni tih a hre chuanglo" a ti a, a khuh kharh kharh a.. "May...Parte.. Damlo i nih kha, tinge khatah khan in awm reng? lo lut nghal rawh u, i khuh leh nghal" Nu Vani chuan hnung lam Kailawn tawp a ding vung chung chuan a rawn ti a. "awle.." tih pahin a chhuk vat a, ka kut chu a la hum reng a, "Naktuk lamah kan inhmu leh mai dawn nia... Roomah theihnghilh i nei em?" a ti nghal zat a.. "Nei pawn ka hrelo" ka ti mai a.. "anih chuan hetah hian in mangțha rih phawt mai ang" a ti a, Ka biangah a hmui nel thep chuan a fawp zauh va.. Kan lawn chhohna lam ah chuan rawn hawi let leh miahlo chuan min luh san ta nal nal a.. Ka lawm lo lek lek a, Mahse a hmui nel thepin ka biang a tawhna vawt thlar mai chu ka hrechhuak a, nui suk chung chuan Nu Vani a tih chu ka zui thla ve ta hnuk hnuk a. Ka bike khalh laite chuan ka mitthla ah a ti ti siam siam laite, a hmui nalh leh sexy lutuk te, a nui mawi em em maite chu a cham reng a, Ka kut a dawmna te leh ka biang a fawhna te chu a bet tlat ni mai hian ka hria.. Ka Kawr hak laiah chuan a perfume inkah rim tuichek mai chu a bet ve tlat ni maiin ka hria, ka hnarah a cham reng a.. Ka mumangah ka lo mangphan a, Nu Vani a tih in "Damlo i nih kha, i khuh lehnghal" a tih ngei kha kalo mang phan pek a, Doctor bulah a kal lai ka pawt ding a.. "Hiv + ka ni a min kalsan rawh, TB ka vei bawk si" tiin a lo khu thi zawih zawih a.. Rap em em chuan ka lo en reng a..... Ka harh zawk a.. Ka thlan in min bual huh zuih mai a,, Mumang mai mai mah nise rilru a nuam duh zan lo.

"Engmaw i sawi? nizanah i va leng a maw?" Tetei chuan a ti a, "Niang chu, min sawm miau sia lawm, enge a pawina?" ka ti hmak a, "I ngampa ve hichuan ka hria" a ti a, "Sawi reng reng suh, a room ah te kan lut dun mawle" ka la ti zui " Tichuan" an tirual țhawt a, "engmah a awmlo" ka ti a, Kan lam pana rawnkal mek May chu ka en a. A rawn hnai zel a, kan bul a rawn thlen chuan nui sang chung chuan "Auditorium ah Miss in kalkhawm tur a tia nih chu, Chawhnu class kan cancel vek dawn a?"a rawn ti a...ka tho vat a, ka țhiante hnenah chuan "Min hawnsan mairaw u"ka ti a, Auditorium lam pan chuan kan inzui hnak hnak a, School naupang tupawh mai chuan min en deuh ha ha vekni maiin ka hria. "I bula kal chu min melhrum tu an awm nawk mai" a ti sap a, a nui seih a, "Akhai chutiang lam a nilo, nangmah vang zawk a nih kha" ka ti a, "Dindini kha i hria em? kan class a mi kha?" a ti a, "aw hria e? enge nita?" ka ti mai a, "I chanchin min hrilh chiam a lawm" a ti a, "min rel nasa awm mange" ka ti sam et a " chutiang lam pawh a ni lo, a fak over zawk che a lawm..." a ti a, Step ah chuan a ding dat a "He School ah hi chuan Hero tih hlir a ko țhin i ni tiraw?, A luck bawk si, a hmeichhe mi bawk si, a duhloh zawng lakah a ngeiawm thiam bawk si, Kan Star rawn vek a ni mai awm e..a ti che a..."a ti siam siam a, ka nui mai a "a sawi ang ngei chu ka lo nita sia ni maw?" ka ti let khauh a, Kal leh nghal pah chuan "ka sawi lo zawk mai ang" a ti daih a.. Auditorium kan lut a, An lo awm țhap tawh a, "awle, a neitu 2 an rawn tlai hret a, kan kim ta e, țan nghal ang u le" Miss chuan a lo ti nghal zung zung a...

Nitin School banah kan awm fual ziah țhin a, Drama zir hmeichhia leh mipa te hi mahni a motor hawnna tur nei deuh vek kan ni a, an inphur haw sap sap țhin. Kei erawh mahni chauh in ka haw țhin a, Drama zirte pawh kan inpawh sawt viau mai,. Kei leh May pawh kan ti ti dun ve ta fo a, Lunch eina aah te kan țhu ho a, kan sawi khawm laih laih țhin. Ka țhiante nen pawh an innel ve viau tawh bawk a, "a tira ka ngei ngei nen kawm a nuam reuh phian a nih hi" Zda pawn a ti hial a. A ni lah a țawng duhin a hlim em em reng bawk si, Chutiang mi lo tai ran reng chu harsa ve tak a ni.. Ophelia leh Hamleta an inbiak a, Ophelia duhlo chung Hamletan a man bet lai te kan ti chhin țhin a, Chutiang chang chuan kan mitah tak kan inen kar a ngai si a, a mitmeng de ser mai zahawm ru tak mai phena duhawm leh hlim hmel inphum ru chu ka hmuh hmaih ngailo.. Nitin chutianga kar khat kan awm ho meuh chuan a zun-ah ka uai a ni deuh ber tawh. Zan ah ngei ngeiin kan in phone ziah a, Kan in biak țanna tak phei chu ho ve tak a ni... Tlai khat chu midang haw vek hnuah Principal room ah min koh vangin ka khawmuang a. Chumi hnuah ka hawng tur chuan Kawngpui kama ngawi renga May lo țhu chu ka zuk hmu a... Nitin apa emaw driver dang emaw in an rawn lam ziah țhin a, an tlai deuh turah ka ngai mai a..Ka tlan chhuak kawngpui ka thleng a, Tlan tlang mai ka tum a "Hey,,, Hero...awh Remlal" a rawn ti lang lang a, Side glass ațang chuan ka en a, hmanhmawh deuh hian a rawn kal dat dat a..thaw hlap hlap chung chuan "englo.. ka pa hi an meeting an bang har deuh dawn a niang min rawn lam har danah, Dindini nen taxi a haw rual kan tum a, a bialpa in a lo lam leh si a, Min thlah kawi lawk hman em ka ti deuh a" a ti niah niah a. Engmah sawi lovin min lo nghak ve tawp a ni awm a, "aw lo chuang rawh" ka ti a, a rawn țhu vat a, an veng lam pan chuan kan inphur haw ta nal nal a. Kawng tluan chuan eng eng emaw sawiin a ti ti siam siam a, A hmeichhe țhut thiam lo zui lehnghal, Pawnven parh duaiin a mipa țhut țut roh a, Hmeichhe dang emaw? amah tho kan inhriat chian hma a, mi phurhbhmu ni ila ka nuih a za khawp ang. Mahse amah a ni miau a, a lawmawm lehling zawkin ka hria. Kan school leh an awmna inkar hi a hla thawkhat ve bawk a, Dawrpui leh Zarkawt phei zawng zawng tan tlang ngai a ni zui lehnghal, Min hmutu apiang chu nui țha chungin min en zui zel bawk a, Ka zak miahlo nuam ka ti zawk mah mahin ka hria.. A ni pawh keimah ang tho chu a ni in ka hria, engmah pawisa lemlo chuan "Min en duh he hu hlawm e, Ka chuan thiam dan a ni ve mai a" a ti sam et ringawt a. An in kawtah ka dah a, Leng turin min sawm nangin tihtur pawimawh nei anga insawiin ka hawng ta zawk a.

Zanah inbox ka dawng zut zut mai a, ka en nak chuan kan 2 a inphur lai chu a lo ni a, tuemaw in thla min laksak a ni ngei a niang.. Ka nuih a za kher mai..Ka nui kur kur reng a, Ka phone ah nen a rawn ri țawk țawk a, Tetei, Zda leh midang min ngamtlak deuhte phei chuan min rawn phone hial bawk a..Social Networking site pakhat ah phei chuan 'Nula hmelțha zeilo tak a nih hi" tia comment an pek hial tepawh a awm a ni awm e. Chutiang en a ka nuih ker ker lai chuan msg tone a rawn ri tleng a, ka en vat a "Internet lamah min chhuah nalh vaklo khawp mai" tih zawng hi a rawn send a, "ka lo hmu e, star tuche pawh i ngah phahkhawp mai" tiin ka thawn let a, "Sual suh" a rawn ti a... Chu chu kan inbiak țan na chua a ni ta a ni.

Kan inkar boruak chu sawi fak theih siloh chuan engemaw riau hi awm tlatin ka hre țhin a. Kan school ban hnuah te hian ka rim hriatna ah a rim nam chek mai chu a cham deuh tlata hriatna ka nei țhin. Ka tum loh daih te hian ka lo suangtuah leh ngur ngur țhin a. Keimah chauha awm nuam ka tihna a bo daih a, khawlai a nula teikual vel ka hmuh te hian a mah nia hriatna chuan min entir leh vung vung țhin.. Ka ze danglam deuh chu ka chhungte chuan min notice rang kher mai, zankhat phei chu kan zanriah ei laiin ka u pek chuan "Mam.... Tunlai chu i zia a danglam deuh tlatin ka hria, enge harsatna i nei em ni?" a ti chhuak hlawl mai a, "Aih.. engmah chutiang a awmlo" ka ti ve tawp a, "a nilo a niang, internet lamah i bial nu emaw ni i phur ka hmu a nia" a ti zui hram a... "Chutiang engmah ka hrelo" ka ti tlat a.. "Zep duhsuh, kan fapa i ni a, kan hrechiang ve khawp che a ni. Hmanni a Bazar a i kalpui kha em ni?" Ka nu chuan nui chung chuan alo ti ve bawk a. "Engmaw? aih.. a ni lo ang... May a nih dawn chu"ka ti bah nuaih a, "aw May an ti tak e, Pu Rosiama fanu" ka u chuan a lo ti vat a..."A hmelțha khawp mai, I bialnu dangte ngaihtuah chuan a țha lawr lak awm a sin" a tih zawm zat a. "Hmelțha em em mahse inchhung khura sual leh deuh hi an awm ve hrim hrim a, Rosiama te pawh mi changkang an ni a, an fanu neihchhun lehnghal a nih phei chuan a nihphung awm tur a hriat theih ruak lo maw?" ka nu chuan a lo ti sap a, "Nilo, an fel khawp a sin" ka lo ti vat a, "uai.. i va hrechiang awm ve mawle" ka u chuan a lo ti zauh a, Ka sen ap ap a, an nui hak hak hlawm a.

Zirtawp tlai a ni a, School kan bang hma bawk nen Reharsal kan nei zui nghal mai a, kan thiam tlangin kan in man țha tawh viau bawk a, Kan ban hma phah leh zel a,, Hawng tura kan insiam malh malh lai chuan "Hero...eh i duhlo tak tiraw Remlal, I hawng nghal dawn em ni?" May chuan a rawn ti a, "aw haw nghal mai ang, enge nita?" ka ti vat a, "Eng love, lenkual i hman tak hlauhin ka ti deuh a" a ti zawi raih a, Nidang anglo deuhin a hmel chu pawr deuh leh dawldang deuhin ka hria. "Chutiang a hawn chhan tur engmah chu ka nei chuanglo" ka ti a, "Khawia len nge i duh a?" ka tih zawm leh nghal zat a, Durtlangah Mela a awm an tia lawm" a ti a, "Kal i ka ni mai lawm, Mahse uniform nen a kal chu a nalh vak lovang" ka ti a.."Nia, I duhleh inthlak phawt la" a ti a. "Kal rawh le" ka ti a, Kan in lam pan chuan kan inphur chhuak leh ta a. In kan thlen chuan tumah an lo awm lova, "ka inthlak lawk dawn a, lo țhu mai ta che" ka ti a, ka room ah ka chhoh san nghal a.. Ka inthlak sawk sawk a, Ka insiam zova inhnuai ka zuk chhuk leh chu a lo awm ta hauh lo a, Khawiah nge maw a kal dawn chu ka tih mek lai cbuan ka nu nen nui dun hawk hawk chungin ka u room ațang chuan an rawn chhuak a . Ka nu hi nu nelawm loh țawngkam bungrua ngahlo tak a ni a, Ka nu nuih tir hawk hawk thei 2 chiah ka țhiante zingah an la awm a, Tetei leh May chiah hi an la ni awm e. ka lo ding reng an hmuh rual chuan "i hman tawh maw?" ka nu chuan a lo ti vat a, "Hero, enteh hei i u thuamhnaw min hawh ve tawp a nih hi" May chuan nui var var chung chuan a ti a, An awmdan chuan min ti hamhaih hial zawk a. "Ka inhmeh ve tho em?" a ti zui zat bawk a, "aw... a...nia i nalh lutuk ka ti buh nuaih a...

"Naupang chhia ang mai ka niin ka hria" a ti a, a chawn uniform muza bunlo ka hmuh vawikhatna a ni bawk a, a nalh kher mai, "Motor kha keng rawh, Pawnfen nen a mipa țhut zawng in lar leh lutuk palh ang" ka nu chuan a rawn ti a, Kan nui hak hak hlawm a.. Chabi inkhai chu ka la a, Kan chhuak dun zui ta nghal a. Motor chhung kan luh chuan "I nu kha a nelawm tawp" a ti nghal tawng a, "engtin nge in inhmuh a?" ka ti a, "I chho chiah kha a rawn lut ve nghal a, "May i ni em?" a rawn ti a, ka nih thu ka hrilh a, Kan inchibai a, kan tihtur min zawt a, ka hrilh hnuah , i u thuam kan hai dun a.. min hak tir mawle" a ti a a nui sang bawk si a, ka mit sir chuan ka melh leh ralh țhin bawk a, Khawlum vangjn a hmai a tlawrh hliam a, a tle hliau bawk a, a sen tai deuh hlar bawk a, a sam chu uluk lemlo taka zial nimai awm hian a awm hnawk niah a, Chu chuan a ti hmelțha zual viau niin ka hria. Kawng tluan chuan a ti ti siam siam reng a, a thusawi pah chuan a kut a vai leh zauh zauh țhin bawk a. Mela neihna kan thlenga, aduhzawng kan lei a, Item hrang hrang kan tlawhkual dan dan a,. Varak thlawk lai air rifle lem hmanga kah tluk theih zat a zira Teddy Bear hlawh theihna a lo awm a, " Teddy Bear i duh em?" ka ti a, nui sang chung chuan "duh teh reng mai" a lo ti vat a, "Khawiber khi nge i duh?" la ti a, a nghak tupa chuan min rawn nuih vur vur a... "Khi a var lian ber khi.. Mahse" a tih niah niah a, "khi teddy bear lian ber khi engzat nge kah tluk ngai.?" ka ti a. "Varak thlawk lai sawm (10) i kah thlak theih chuan, i hlawh thei ang, Mahse vawikhat load ah chauh" a ti a, Silai chu a rawn dah chhuak a, "Load khat ah Mu engzat nge awm?" confi hmel deuh chuan ka ti leh a, "Mu 20 @ Rs 50/-" a ti a, Pawisa ka phawrh a, Rs 50 ka pe a, "Silai i duh ber thlang rawh" tiin Air rifle lem nalh zet zet chu a rawn tlar a... "Hmmm Silai chhiat leh țhat hian awmzia a awm em ni?" ka ti a, nui huk huk pah chuan "a kaptu a pawimawh" a ti sup a... "Inring rawh le" a ti zui nghal a.. Ka siai hman duh chu ka la a, ka insiam rem deuh a. Ka bulah May chu beng hup chung hian a lo ding a, a țang țeuh niin ka hria.. a ner nang bawk a... "i zam mai elaw?" ka ti a, a nui seih a, Rs 50 man man a nih ka ring lo a sin mawle" i thiam vak lo tih hriat tak chuan a ti a. "Rs 50 in Teddy Bear Rs 500 man i thleng dawn tihna a ni zawk a lawm" ka ti a, "ready e" ka ti zui nghal a...

Varak hram nak nak ri leh thlawk ri phar phar ri a rawn ri chhuak a, Chutah Varak an rawn thlawk chhuak ta sap sap a.. Kan dinna hi 12 ft vel a ni awm e, Silai chu uluk deuh chuan ka tin a, "kap rawh an liam dawn kap vat rawh" May chuan a ti chul a, naupang kan bula lo awm ho pawh an ri nak nak hlawm a. Ka silai chu ka hmet a, a ri phak a "1, 2,3,4,5,6,7,8,9....10" tiin an au rual țhap țhap a... "wow... i kap fuh vek i van thiam em em" tiin min rawn kuah nghal chuk chuk a, "Ekhai mi an tam hi" ka lo ti fiam zauh a, sen ap ap chung chuan a sam țawn a pawt țha malh malh a, " Khawnge kan lawmman chu?" intithei deuh chuan ka ti a, a nghaktupa vaipa chuan min en vung vung pah chuan "i try leh dawn lawm ni, a dang pawh a la awm a nia" a ti a, ka nui mai a, "Pakhat aia tam chu a țul ber love" ka ti a, Teddy Bear var lian deuh mai zang huih si chu a rawn la ta nge nge a.. "Khale, i teddy bear chu" ka ti a... a pawm nghal nawk nawk a, a nui hak hak bawk a... "Hero ka ti dawn" a ti a, kalsawn pah chuan " engchu maw?" ka ti a, "He Teddy Bear hi mawle... Hero Bear a nih hi" a ti a, min nek salh a, ka ban ah a kut a rawn rawlh a, hlim hmel deuh chuan ka bulah a kal ta hnak hnak a. "Vaipa hrilh hai hmel kha i lo hmu em? ka khawngaih zawk" a ti a, anui a "Engtin nge i kah hman zawk, an rawn thlawk chak bawk si.." a ti a, "Ka hrelo, Teddy Bear hlawh loh ka hlauh em vang a niang" ka ti a, min en vat pah chuan "Ngatimaw?" a ti ha a, "Ka pek tur nu tan ka duhpui em a ni" ka ti a. Ka en a, min en ve ran bawk a, a biang a sen hlar bawk an "Ka lawm e" kan 2 hriattur chuan a ti thawp sat a.

Khua a thim țan der tawh, a phone a la chhuak a, "Aw.. Pa, Mela ah Hero...oh Remlal nen ka kal a, ka rawn tlai deuh dawn a" a ti a, Motor dahna kan thleng a, Motor chu ka unlock hnuah kan side ah ve ve kan lut a, "Aw.. a nuam tawp hei naute ka nei thar a"....."aw..Hero..oh...Remlala'n min kah hlawh a lawm, Silai kah a thiam rap" tiin ka silai kah dante, a nghaktupa mak ti hmel a nuihzat thute a sawi siam siam a. A inbiak zawh hnu chuan "Pa in zanriah ei ve nghal turin a duh che a, Ka hnial mai" a ti then a.. Ka nui tawp a, "In In-a zanriah ka ei chu i phallo a ni maw?" ka ti fiam a "phal lutuk Zanin chu a remlo a lawm" a ti leh mai a, "Ka fiamthu a nih kha, ka ei tlukin ka lawm e" ka ti zui ve zat a, "Keimah hi lawm I nu khan zanriah ei nghal turin min ti a" a ti a "Engmaw?" ka ti a, ka ding deuh chawt a, kan hnung a motor horn chu a ri nghal tuar tuar a, "Engmaw i sawi?" ka awki ka san deuh a. Min en he haw pah chuan "I nu in zanriah ei turin min tia, i lawm vaklo em ni?" a ti zawi sap a "Lawm leh lawmloh tur a nih pawh ka hrelo, I hnial eih lo em ni?" ka ti leh ngat a. "Hnial ve bawk e, mahse a ti tlat sia lawm... Nachin pawh khan Minla rawn text hram a..." a ti a... Ka ngawi reng a, "ka nu em em pawh chu keimah ang maiin a zem buai nghal vek a niang a" ka ti rilru a, min hrilh miahlo pawh chu mak ka tiin ka hrethiamlo viau.. Ka rilru chu ka hmelah a langchhuak a niang "I remtih vakloh chuan ka ei lo ve thei tho a lawm" a ti sap a.. Ka inhrechhuak vat a, "engmah chutiang a awmlo... engkim ka duhthusam vek zawk" ka ti nghal vat a, "i lungawiloh hmel em a?" a ti leh sap a, "Kan hnunga taxi driver horn lawm lutuk vang zawk khi a lawm" ka ti ta daih a..

Zanriah kan kil țhap tawh a, kan chhungkaw tihdan ve țhin reng reng chu Zanriah kan ei dawn hian Kan In țawngțai chhawk a, țawngțai zawhah zanlam inkawltirna hla chham chi 'Zanin ah min vengla Lalpa kan thil hlauh ata' tih kha Lalpa țawngțaina aiah kan sawi rual zui țhin a.. Ka u țawngtai zan niin a țawngțai zawhah kan sawi ho leh dial dial a.. Ka amen hnuah "A van ropui tak, nachang in va hre zawk ve" a ti nghal hlut a... Kan nui ham ham a.. Kan dawhkan hi Rectangle shape niin a hmawr leh hmawr ah ka nu leh pa an in hmachhawn a, Kei leh ka u kan inep bawk a, Ka u bulah kan naute a țhu ve țhin a, Hemi zan ah erawh hi chuan Ka bulah May a țhu ve thung. Zanraih ei lai hi kan chhungkaw inkawm hlim nan kan hmang daih a, kan nui leh ham ham țhin.. "May tih maw i hming?" ka pa chuan a ti a, "aw.. aih nilo Mayparmawii ka ni.." a ti a, a sen deuh ap ap bawk a, ka ke a rap zauh a, "A danglam hle mai, I pian thla tihna a niang maw?" ka pa chuan a ti leh bauh a "ni love, Ka nu leh pa inneih thla a nih zawk vang a nia, Ka nu min phuahsak dan chuan May Pangparmawii a ni deuh duah a, Mahse ka pa in sei a tih vangin Mayparmawii tiin an vuah nghet ta a ni" a ti a.. "a ropui hle mai, I nu kha Shillong kan awmlai khan kan hre ve a, hmelțha kan ti thei khawp a sin" Ka nu chuan a lo tihzawm zat a. "Ka lawm e" a ti mai a, "I nu i chhun ka ti dawn viau a, I nu chu i khumlo awm a sin mawni" ka nu chuan a ti zawm nghal a.. "Nia, an ti fo mai, Ka nu hria te chuan an sawi chawk a nia,..." a ti a.. chutiang vel sawi chuan ka ri bawrh bawrh a.. Zanriah eikham meuh chuan dar 8 a ri der tawh.. Rei vaklo kan țhu a "I pa in a ngaihtuah lutuk ang che, va inthlah tawh rawh u" ka pain a ti bawk a, an in a thlah tur chuan kan kal ta nghal a..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2016, 8:41 pm

CHANGE OF HEART - THREE

Hemi hnuah phei hi chuan kan inkara thil awm chu a vung tual tual ni maiin ma hria, Ka biak loh emaw ka hmuh loh rei deuhte hian ka ngai veng veng ni maiin ka hria. Ka tum dan leh ka nih tak dan chu a inpersan ta hle mai, hetiang hi ka nihdan loh tawp a ni a. Hmeichhia tupawh ka kawp tawh reng reng chu ka ngaihsak huam ngai lova, ka kawploh hun hun ah midang ka buaipui nghal maithei țhin.. Tumah ka care em em ngai lova, ka duhdan ang zawnga ka kawih her theih loh phei chu ka ngaihsak vak ngailo.. Mipa induh leh hmeichhe ho bawr rawn ka lo nive bawk nen, Tumah min bechhe rei ngam an awm lo, keinen a inkawp chu an tum ber leh an hawisan theihna ah an ngai ni maiin ka hre țhin. Ka țhiante 2 pawn ka zia inthlak chu mak an ti deuh a niang "Nang hi i tum anglo zawngin a kal niin ka hria" an ti leh zauh țhin. "Ka tum a la ngai reng, mahse hun a duh rei deuh a nih hi" ka ti ve mai țhin a, Mahse kei ngeipawn ka thusawi chu ka awih lo hle țhin.. Ka huat em em niin bul a țan a, Min zem a, min zem nghet salh salh a, a tawpah min zem chau mai dawn ang hi niin ka in chan ber. Ka nitin rilru pekna ber chu Mayparmawii ah a ni tlat tawh, Hmeichhe dang tumah ka ngaihsak ngai tawh lo, Holiday ah pawh ka țhiante bula awm aiin May bula awm chu nuam ka tiin ka thlahlel zawk tawh a, "Remlal chutah chuan kal ang, Chu chu kan ti dawn lawm ni?" an rawn tih pawn chhuanlam ka lo siam zung zung țhin. Amah nen kan inkar boruak awm chu kan hrethiam reng a, kan hrethiamlo der mai niin ka hria, Ka be hmasa hman lo zauh a nih pawn "I buai a min be hman nanglo a nih ka ring a, ka rawn be hmasa ve zawk che a nih hi" tih te tal min hrilh turin min rawn be ve fo mai.. Kan Inkawmna chu Bazar ah kan chhuak dun a, a thuamhnaw mawi tih kan enkual țhin a ni ber awm em. Chutiang a kan chhuah dun loh chang lah in ka room ah emaw a room ah emaw kan inkhung nileng țhak țhak a, Engmah mipat hmeichhiatna kan ti ngailo, Kan in ngheng rial a, a ti ti ka ngaithla emaw, a lehkhabu chhiar ka ngaithla a ni tlangpui. Ficrion lam leh Drama lam genre a tuipui a, Poetry lam a tui bawk a, Lehkhabu a rawn lek va va hi chuan thuken ropui tak nei thawnthu a ni tlangpui țhin. Aizawl Library ah kan lut awl lova, a lehkhabu chhiar tur kan zawng a.. Hmuifang ah te kalin pher leh eitur kengin kil khatah a lehkhabu chhiar ka ngaithla nileng țhak țhin bawk.. Engkim mai chu a bula ka awm chuan nuam ka ti thei viau zel.. Min hneh theihna mak deuh hi a nei ni maiin ka hria..

Kan Drama show tur ni a thleng ta a.. Hetiang ni kan hman dan hi Mizoram School dangah an hmang ve ngai awm love.. Zirtirtu leh School naupang zawng zawngte chu kan duhdan bera inchei danglam in kan kal țhin.. Kum dangah chuan Streetboy style deuh lain jeans jacket ban tan ka ha a a hnungah Indian(Red Indian) Chief hawi dak vah lem chuang ka ha a, Boot lawk zet mai ka bun bur țhin... Kumin erawh a boruak a dang kher mai... "I incheina tur ka rawn ngaihtuah sak ang che aw" a lo tih lawk tawh angin Kan day hman hma zan ah a rawn dah thlap a.. A hawn hnuah ka hawng a.. Ka nui nasa kher mai.. Mr.Bean dress a lo buaipui niin, ka ha chhin vel a ka chhungte bulah ka inshow a, min nuih kiah kiah a.. "I inhmeh tur a hre hle mai, i vantirkoh nula chuan" an ti hial a ni..... School ka thlen chuan an lo awm suau suau tawh a, Nikum anglo takin Tetei chu a inchei a, Japan nula ho incheina ang in a inchei pek a, Zda lah a pate pate in Gorkhali inchei in a rawn inchei teh daih a, a nuihzat thlak duh kher mai.. Hemi ni tluka May hmelțha leh duhawm ka tihni a la awm awm love... Nidang ang bawkin a pa in a rawn thlah leh a, Ngaihsak awmlo tak anga langin ka mitmei ru reng a, Hmanlai huna Rom nula innthuam nalh zet mai chuan a rawn inthuam a, kawrfual var thianghlim sar mai hi a ha a, hmeichhe pheikhawk kaih pan thlep thlawp tak hi a bun leh tawp a, a sam chu a phiar khawm veka a dar dinglam sirah a rawn bangliam a, a chalah chuan panglar kaih kual a khim bawk a, a kawrfual hak chu a darbah a ni nghe nghe a, a vun nalh leh mam han mai chuan mipa mit a la viau ngei ang... Puan sendal riai hi a darah bat liamin a kawngah savun hrui uai deuh diah hian a hreng bawk a.. Kan bul a rawn thlen dawn hnaih chuan "I beauty Queen of Angel khu en teh" min nghawk zauh pah chuan Zda chuan a ti a, ka lo hmuh ruksa vek tawh avangin ngaihsak awmlo deuh chuan ka en liam puat a.. Kan zawn a thlen chuan mi rawn pan phei hnak hnak a... "I va nalh ve May" Tetei chuan a lo ti vat a, "Ka lawm e, Nangmah kha i nalh bawk" a ti let ve zat a.. "Țan hun a la nilo tihna em ni? hetah i la țhut a Remlal" min en kal chung chuan a ti a. "Eh.. ka hre nang, heta kan awmlohin khawnge awm tur?" ka ti hu a, "Ka hre nang, auditorium ah luh khawm mai turah ka ngai" tih pah chuan Tetei bulah chuan a rawn țhu sat sat a.. An in thuamna hrang hrang chu an sawi nghal mawlh mawlh a, Hmeichhe ze pangngai bawk a ni tih hresa reng mah i la kei min be vaklo zawk chu ka mood a ti off nghal vek niin ka hria.. Tetei kher nilo mipa dang tupawh Zda tiamin bia nise ka insum zolo ta ve ang, achhan pawh a nalh uchuak em a ni.

Function kan țan a, Engkim a hlimawmin a nuam vel vek ni maiin ka hria.. A chhan pawh ka bulah chuan May hlimthei tak chu a țhu a tin ni, a khat tawkin thla kan la laih laih reng bawk a. Khawvel dang kan ngailo, School dang kan awt heklo, hei hi kan duhdan leh kan school tinuamtu a ni" tiin kan zai rual leh țhup țhup țhin bawk a. He hla hi he school a zirchhuak tawh pakhat hla phuah a ni a, School hlapui an ti ta hial a ni. Kan show hun a thleng ve ta bawk a, Kan bei țha em ka hrelo, keimahni chuan tițha kan tinti viau mai.. Opheli leh Hamleta in bekbawr lai vel pawh kan che țha thawkhat a niang changtum raih raih thawm a ri chuah chuah reng mai... Kan show kan zo a, Principal in over lam mah mah leh fiamthu nen a comment zui a, hall ,khawk rum rumin kan nui hluah hluah a... Dressing room (Mipa) ațanga ka chhuak chiah chu Tetei chuan phawk zet hian "May a damlo thut mai, dressing room ah a tlu a, Miss leh Sir ten an buaipui mek" a lo ti nghal zat a... "Engmaw i sawi?" ka ti deuh tuar a, ka tim leh deuh a, "Engtin maw May chu" ka ti a, Chutih lai chuan May chu Sir Hruaian a rawn paw chhuak nawlh nawlh a.. Ka tlan phei nghal vat a... "Remlal ka ipte Chabi a awm, Motor kha unlock nghal rawh" Sir Hruaia chuan a ti a.. May chu a dang var pap a, a hnar a berh liai a, a heh a hil bal bawk a.. ka mur sung sung ni maiin ka hria, a thle bam a, a menglo a hmui a chip hmak bawk a.. Motor chu ka hawng rawk rawk a "A chhungah khan lut la i malchungah mut tir rawh" Miss Chuan a ti a, a sawi ang chuan ka lut nghal rawk rawk a.. Dim deuh chuan ka malchungah an rawn zalh riai riai a.. Ka awihlo zawk, Minute 10 vel liamta ah khan Dawhsanah kan awm dun kha a ni si a, Tunah mithi ang maiin a dang var pap a, țawng thei hmel pawh a pu leh ta silo....

"Hero, a pa number emaw i nei em?" Miss chuan motor a rawn luh pah chuan a ti a. Principal leh kan zirtirtu dang 3 an rawn lang nghal bawk a.. "Drama a chang zo rawn chhuak kha kan lo bawr hat a, a tih țhat thu kan lo hrilh laih laih a "Ka chau lutuk, ka bagah" tih bak a sawi hmanlo, a hnar ah thi a rawn baw hawk a, a tlu a ni nghal mai, Tetei a lo awm hlauha a dawm bet hman hram a.. " Miss chuan a ti nghal zung zung a,.."Remlal leh tunge midang Miss leh Sir nilo kal thei dang kan awm em, Tete zui ve rawh" Principal chuan a ti a, Phone a phawrh nghal zat a " a pa ka hrilh nghal ang a, Nangni pawh muang lovin tlan nghal rawh u" Principal chuan a ti zung zung a.. Miss chu kawngkhar lehlam ah a rawn lut a, a ke hit thlar mai chu a malchungah a chhuan sak a.. Tetei chu front seat ah a lut a, School compound ațang chuan kan tlan chhuak zui ta nghal a. A kut a dah zawi hniang a, ka lak kan sak a, a vawt vek a, a biang leh hmui engkim mai chu a lem ni mai awm hi a ni vek mai.. "Sir, nachin khan a mar kha i hmu lo tiraw?" țahaw deuh țuau chuan Miss chuan a ti a.. "Engmaw?" ka ti țhawt a, ka zak leh deuh a "aw.. a ka ka ham sak hnuah khan ka hmu leh chauh a lawm" a ti a.. Ka bing mup mup a, May hmel dang bel mai chu ka en tlawk tlawk a...... Beisei a sanglo kher mai... "Amah hi natna nei a nisa tih chu Principal khan min hrilh tawh a, damdawi a enkawl lai a ni awm a sin mawni" Miss chuan a ti zui lenghal... "

"Miss eng natna nei maw a nih?" ka ti a..

"ka chiang chiah bik lo, a hriselna țhatloh vang a nia Mizoram lama an rawn zirtir tak chhan pawh" a ti mai a..

"A hmelțha in a duhawm takzet a sin mawle...May.... May...?" miss chuan țah aw țiau chuan a ti a, Ka mittui chu tlak a tum lo, mahse ka thinlung chhung ril ber ah na taka khei zawk ang maiin ka awm thung...A kut ka khawih a, a mar awmna lai nia ka hriat ka dap a, a mar ka hmu ta tlat lo...."Miss ka hmulo?" ka ti a, Sir chu a ding deuh dawt a "Ding suh ding suh" ka ti nghal tuar tuar a... Miss chuan a hmingin a ko mawlh mawlh a, keiin a biang si in ka ko pah bawk a, "Remlal a ka kha han ham leh teh" Sir chuan a ti a, Ka che buai vek tawh, engtia awm turnge pawh ka hrelo... "May.... May....i kal mai theilo..." ka sawi zo hman lo, a rawn meng kawk a, a awm a sep dawrh a, a ka leh hnar ațangin thisen duk deuh a rawn hnam țiam țiam a..a mar ka hmuh loh pawh ka hmu nghal a.. Mahse a te det det khawp mai... "May...May...țangfan fan rawh, Damdawiin ka thleng țep tawh a nia" Ka ti a, ka romol ka phawrh a, a hnar leh a ka a thisen chhuak chu ka hruk fai sak vek a... "Zawngchhe ho lah hi, emergency light pawh en chung pawn min kian țha duhlo a.." Sir chuan a ti bawrh bawrh a, kan hma a taxi kal chu horn a pek khum tuar tuar a.. .. Ka sa zak mai... May lu ka malchungah awmlo ngatse ka tlan chhuak ang a, Taxi driver saw ka pawt chhuak ngei ngei ang mawle... Ka insum hram hram a.. "Tete a number saw lo chian rawh aw.. kan khawtlai phah vaih chuan ka zawng hmu leh khawp ang" ka ti tham țuak a.. May kut ka hum sak chu a rawn phu leh aih a.. "A țha dawn e" ka ti a.. Taxi chu a ding a min side ve ta hram a... kan tlan pelh lai chuan "In hmanhmawh te chuan nachinah kal tawh tur che u a lawm" a la ti zui hram a... Ka thinrim lutuk chu ka puak keh lo chauh a ni.. kan tlan pel hram a.. a ri bur a.. ka hawi let zawk a.. Kan hnungah Zda leh Duata te ho bike a min zui ten a taxi bang a pet sak a, an kawk sawk sawk lai ka va hmu a... "Zda te" ka ti ringawt a...

Hospital kan thleng a, Damlo nawrna khum lirthei nen kawtlai ah minlo nghak țhap tawh a.. He Damdawiin hi kan Principal Unaupa Damdawiin a ni nghe nghe a... an hlan thlak rual rual chuan oxygen an barh nghal vat a, Drip ni maiin ka hria, Saidaw um glass kiar lam deuh lian vaklo hi an an khai sak nghal bawrh bawrh bawk a.. hmanhmawh deuhin an nawrlut zui ta nghal a.. a puan bah sen chu ka keng a, um luh ve zel ka tum a, Miss chuan min dang vat a..."No entry a nia" a ti a.. Ka chau hnawp ni berin ka hria, Kan Zirtirtu te pawh an mangang hmel khawp mai, May ber Damdawiin chhungah an nawr lut daih si, Emergency room kawt Reception Desk awmna room awl zau duai ah chuan kan țhu ngui nghiai hlawm a.. Kei phei chu ka țhu mai mai thei lo, ka vei tawn sek a, an nawr luhna daih kawngka lamte chu ka va pan leh ngawt țhin a.. kan thlen ațanga minute 10 velah Pu Rosiama leh Nu Vani chu hmanhmawh deuh hian an rawn lut a, Ka be ngamlo.. ka en reng a, Miss leh Sir te chuan an lo dawngsawng nghal vat a.. Enge an sawi ka hrelo.. Nu Vani chuan duty te chu engemaw a hrilh a, an phi nghal chang chang a... Pu Rosiama chuan min rawn hmu a, min melh zawk bak min en zui lo chuan an 2 chuan an lut ta daih a... A hrilh hai thlak ngei mai.. ka bangbo in ka hrethiam lo, a taksa zawi nghiai mai leh vawt thlar te, a hnar leh ka a țang thi rawn chhuak ringawt te chu min ti hrihhai zualtu a ni awm e. Zda leh ka chikawi te 4 an rawn inzui lut dam dam a.. ka bulah an rawn kal hnai sap sap a..

"Enge boruak?" "Engmah kan hre tawh biklo" "a pawi dawn em a sin, engvang nge.. Hmeichhe ho khan a mar an hmu tawhlo te an ti si a kan rawn umzui tawp che u a nih hi" Zda chuan ka bula rawn țhut pah chuan a ti a, "Hey, enge Taxi driver kha?" ka ti a, ka hrechhuak thut a "e kai hnek lo chauh mawle, Police hnenah ka report dawn te a ti vel a, khatiang zu rimnam chunga motor khalh" a ti bai bai a. Ka ngawi reng a, ka ngaihtuahna a kal bing kher mai...ka rilru hria niawm takin "a number ka chhin chhiah a lawm, engpawh a țhalo zawng a thleng a nih phawt chuan kan sawisa nek dawn nia" Tetei chuan aw lawi rat hian a rawn ti chhuak phawng mai a.. "engpawh a țhalo zawng" tih ri chuan min hawlh tho zawk ni maiin ka hria.. Ka tho lawk a, Veranda lam pan chuan ka kal ta nal nal a..

"Hey, Hero lo lut teh" Miss in a rawn ti a, phurlo zet chuan ka lut a, "a hmu duh che a nih hmel" Miss hmel hlim ka hmuh vangin ka thaw huai a, "tuin maw?" ka ti a "I Juliet in...kal rawh min zui rawh" a ti a. Ka țhiante dang chu ka signal zauh a, an rak tuar lo chauh a ni mai. Ka khur thei hial in ka hria.. Ka lai deuh țut bawk a.. A room niawm tak bulah chuan Pu Rosiama leh Doctor niawm tak hi an lo ding dun a, min hmuh velah "Remlal, zuk lut nghal rawh u" a lo ti a, min nui suih bawk a. Miss chuan Kawngka a hawng dek dek a, kan lut a, Khum pakhat ah meng pawh menglo lo hian a lo mu bam a, a chalah puan var an dah bawk a, a hnarah pipe an vuah sak bawk a, Khum bulah chuan Nu Vani a tih chu a lo țhu kuk a, thisen chaw niawm tak ka tih kha an la khai reng bawk a..a ban lehlamah chuan Thisen pangngai an khai sak mek bawk a.. Kan thawm a hriat rual chuan Nu Vani chu a ding vat a, "Miss hetah hian thu rawh u" a lo ti nghal vat a.. a dinga kan lam a rawn hawi takah chuan a kawrlum hak hma ah chuan Sister .Vankhumi Vanchhawng tih a lo intar va va a.. Nu Vani chu an awmpui mai mai a lo nih hmelloh hle mai. "a biak theih a nia" a ti sup bawk a, a chhuak zui ta daih a...a khum bula thutna awm ah chuan kan țhu a kan thawm hria chuan a rawn meng siar siar a...

"Hey.." hlim hmel nui sen sen chung chuan a rawn ti a,
"I țha maw?"Miss chuan a lo ti vat a,
"ka hrelo" zawite fiah deuh si chuan a ti a,
"Hero, enge i an" keimah zawk chu a rawn ti a.. ka nui ringawt a, sawitur ka hrelo, enge ka sawi dan tur ka hre heklo.. ka hamhaih fai vek a ni mai... "i ziaawm deuh chuan ka kalsan ang che u.. Tikhan engmah vengthawng lovin lo ti ti rawh u" nui chung chuan Miss chuan min chhuah san ve leh a.."Lo hnai teh" zawite chuan a ti a, ka tawlh hnai a, a kut engemaw an cheh tir chu ka hum sak a "Ka mangang hman lutuk a, ka la normal thei lo" ri chhuak țawk țawk chuan ka ti ve ta nge nge a. "Nia... ka hrilh lawk hlawm lo che u a, ka thiam loh a lawm" nui chung chuan a ti sap a.. "Hey uang suh, ka lawmlo takzet a nia, i kal mai dawn emaw ka ti hman tawh a sin" Ka ti a ka nerdeuh nang bawk a. "Nia tiraw, A hun a pel tawh si a, ka ngaih a țha hma deuh a ni" a ti sap a..ka hrethiam lo chuan ka en hra a.. A mit a chhing a, a heh a pet a, a chil a lem khalh a... "I hrethiam ve tawh em?" a rawn ti daih a, "engmaw?" ka ti hu a, a ngawi leh vang vang a.. "Ka nu bula ka thusawi ka hrilh che kha?" a ti leh sap a, Ka ngaituah ngial pawn enge ka hre chhuak zo derlo mai sia "ka hrelo tlat mai, enge ni kha?" ka ti a, a vei nuih seih a.. A hmel dang var pep pawh a rawn sen leh dawn țan niin ka hria... "Ka hrilh peih rihlo che... awm reng rawh aw.." a ti a, ka kut chu a hum nghet salh a.. "ka awm reng dawn a lawm, khawidang mah kalna tur ka nei hleinem" ka lo ti ve a.. "Ka chau e mai ka muhil dawn" tiin a mit a chhing leh ta a...

A hmel chu ka en a, ka rilru a dam thei lo, tinge hetia a awm ngawt chhan ni ang? ka hriat loh enge zepruk an neih ang, Nu Vanin khami zana rawn koh khan "damlo i nih kha" a rawn tih te nen khan inzawmna enge awm ni ang.. Ka chhui kir a, ka ngaihtuah let neuh neuh a ka bangbo tual tual si. Ka lo ngaina hman hle a ni tih ka inhrechhuak uar uar bawk a, Engtia awm tur nge lam ka ngaihtuah phak thlawt lo a ni ber mai.... A khum bulah chuan Darkar engzat nge ka țhut ka hrelo. Nurse, Doctor, Pu Rosiama, Nu Vani, Principal, Teachers leh midang ka hriat ngai miahlo leh ka school kalpui te an rawn lut a an chhuak a, tuman min be lova, kei pawn tumah ka be heklo...ka țhu ngawi reng a, a hmel dang bem mai chu ka en reng ringawt mai a ni.. A khat tawkin a phun leh sep sel țhin a, ka hnaih deuh loh chuan enge a sawi ka hre thei silo... Oxygen khawl ri hem hem leh pulse ditector beeb ri a lo awm ve chhen bawk si...Chutianga darkar engemaw zah tho miahlo leh che sawm miah loa ka țhut hnu chuan Nu Vani hi a rawn lut țuang țuang a, "Remlal, i chau lutuk ang, Ka lo chhawk ang che chu" dam thlup hian a rawn ti a, "chau love, Dar engzat nge ni tawh" ka ti a, Banga sana intar chu ka han hmu zui chiah bawk a Dar 7:24 a lo inkawk va va a... Ehiau Heta ka luh hun lai vel kha Dar 2 emaw Dar 3 emaw a ni ngei ang a, ka țhu rei ngat ngat bawk em a ni..... Ka phone a ri nghal chiah bawk a, ka nu call a lo ni a, ka pickup a "Bawiha enge in an, rawn haw phawt la, i u nen in kal dun leh zawk dawn nia" a rawn ti a, thudang ka chhang lo "awle" ka ti a, ka tho a, Kal mai tumin ka ding a "Lawk.. i rawn kal leh ang tiraw?" Nu Vani chuan a ti a, "Kal leh dawn e" ka ti a, "a nih chuan i rawn kal leh hunah ni mai rawhse aw" nui sun sun chung chuan a ti a.. Phurlo zet chuan ward chung ka rilru leh ngaihtuahna awmna ber chu ka chhuahsan ve ta nge nge a...

In ka thleng a, ka room a ka kaltlang nghal a, Ka khumah ka bawk thlawp a, Chhuak em em in ka țap ta vak ringawt a.. Enge ka țah chhan ka hrelo, Ka rilru nat vang ni maiin ka hria.. May thi mai tur nia ka chan laia ka puak keh țhelh ka khap daih hram hram kha ka leihbua ni maiin ka hria.. Bathroom ah ka lut a, shower in ka inphuh tir sang sang a.. ka mithla ah ka mal chunga a mu zawi ngiai mailai chu a lang zut zut reng bawk a.. Ka in tifel sawk sawk a, Chaw ka ei a, ka ei theilo, a sak tlat niin ka hria... Ka u insiam peih at in minlo ngak ran tawh bawk a, kan chhuak dun zui nghal bawk a.. Motor pawh ka khalh peih lo ka u in min tih hlim a ka rilru kalding min sawhsawn sak tuma min be siam siam pawh ka ngaithla liam mai mai bawk a.. Nuam ti em em a ka lo tlankual ve tawhna țhin Aizawl khawpui te chu chulh rup ang mai niin ka hria.. Damdawiin kan thlen chuan an laina hnai deuhte an lo țaih hlawm a, Zda leh midang an lo awm bawk a...rei vaklo an zinga ka awm khawmuan hnuah cabin chhung ah ka lut leh ta a.

Ka va luh chuan a pa leh midang 2 hi an lo awm a, Min hmuh velah min chibai sap sap hlawm a, ka u te nen ka inhmelhriat tir a, kan ti ti luam a, May chu engmah hrelo lo chuan a lo la muhil sak sak bawk a.. Reivak lo hnuah a pa leh midang chu an chhuak a, Kei leh ka u chiah chu kan awm tawh a.. May mutna lukham bulah chuan Tablet hi a awm ran a, tablet cover karah chuan lehkhathem hi a inbel a, ka u chuan a bih dak dak a.. "Hei i en tur a nih hmel hi" Ka u chuan a ti a, Tablet chu min pe a, lehkhathem inbel chu ka en a "Remlal, he tablet a May thil ziah hi i chhiar tura a tih ni a, i lo chhiar dawn nia..Vani" tih a lo ni a.. Tablet chu ka hawng vat a, Screen ka on rual chuan folder pakhat Hero tih awm hi ka hmu a, ka open hnauh MS Word hi a lo awm a, ka hawng leh a.. Thu a lo in ziak tlar dal mai a..

To,

Ka duh leh ka hmangaih em em.. Ka țhian leh ka unaupa nibawk Hero (Remlalfaka)
He ka chanchin hi hrilh tur che ka nih laiin i hmel nung sarh mai leh mahni in ringtawk tak, zahawm em em mai kha hmuh khan Huaisenna ka nei leh ta țhin lo a, Hrilh lo bawk che in ka awm leh țhin... I hnena ka sawi tawh "Ka hmangaih ber" tih chung chang ka nu nen ka ti ti na kha i l hria em? khata ka hmangaih ber mipa ka tih kha nangmah Remlalfak hi i ni a sin.. Kei min hriat hma kum 2 liamta daih khan ka lo hretawh che a sin... Shillong a Basketball khela in rawn kal țum khan ka lo hmu che a, nangmah ah khan ka zo nghal vek ni berin ka hria.. Ka nun khua a har em em țhin kha a ni a, nang ka hmuh tak hnuah che khan chu ka buaina chu a kiam a, min ti thatho tuah ka hmang ta daih a.. Tun dinhmun hi ka thlen theih phah ta a ni... Nitin i lehkha tur ka mail tur che ka type țhin a, Thawn nang lo bawk che in ka awm leh ta zel bawk a.. Hmeichhe rilru dawihzep tak mai ka tan chuan Pathian ang mai nang han biak che emaw kha boral theihna pawh nise ka hreh ngawih ngawih a ni ber mai.

Nikum hmasa khan ka taksa a sil themthum a, ka khua a sik leh ngawt țhin a, incheckup tir ngai em em in ka hre ngai lova, Ka nu leh ka pa te pawn min tur fo mai.. Mahse ngaia ka hriat loh avangin ka ngawih bo san lui zel a.. Nikhat chu kan hostelah nikhaw hrelovin ka tlu a, Damdawiin min pan pui a, ka thisente an test hnuah kei chu natna țihbai awm tak mai 'Leukemia' Thisen Cancer ka lo ni reng chu niin, he natna ka vei hi Thisen cancer ah pawh chance chhe ber Acute Myelogenous Leukemia (AML) a lo la ni zui lehnghal.. Mithiam te sawi dan chuan he AML hi a tam zawk chu mipa an ni a, Hmeichhia leh Naupang vei an awm ve zauh țhin a, Chung mite chu uluk taka enkawl a Chemotheraphy lak a enkawl țhat viau 40% vel chu kum 5 hnuah dam an awm ve hram a ni awm a. Chutiang ka nih hnuah phei chuan nang han biak che chu hla tak a ni ringawt.. Ka pa theih ang tawka min enkawl laiin ka nu a boral zui lehnghal, ka khua a har ngawih ngawih a, i kianga awm ka chak ber țhin..

Uluk leh pangngai taka min enkawl chhoh bek bek hnuah hei ka țha chho ve zel chu a ni a.. Chemotheraphy ka tih hmasak ber phei chuan ka tuar nasa kher mai, ka u a kawlh rawt thei hial sin.. Darthlangah ka inen a, ka lungawi thei tlat țhin lo.. Ka rilruna leh beidawng vawi engemaw zah mahni nunna hial lak duh khawpin ka awm a, ven ngai hial khawpin ka awm ta a. Beidawnna ruama luh tak tak hi chuan he hringnun hi tawp mai se duhna thinlung anpu țhinte chu ka hrethiam ruak ruak a. Ka beidawng rilruna min tiharh leh țhintu ber chu i thlalak ka en changin a ni thin. Chutah he hla hi pathian in min hriatfiah tir a.. ka nun chau leh rum chu thlarau leh taksa damna min puan sak ta mauh mai..

Van lawmna kim ka neih theih nan,
Lei lawmna hi min thiah sak a;
Van nun hlut zia ka hriat theih nan,
Hringnun nep zia min hriattir thin."
tih hla hmangin Pathian nen kan inpawl ta a, Ka nun hlim lohna leh ka taksa natna te nen engmah lo mai ah ka lo buai ve em ema lo ni tih chu ka hrefiiah ta a. Chu nunthar chuan min siamtharin ka hmathim chhah tak chu Eng fiahtakin a kap kaw rul ang mai hi alo nita a ni.

Ka pa in min ngaihtuah em avangin Mizorama kal chhunzawm turin min la chhova, Science subject la Class XI zirtawh kha Art's in letin Khawvel leia ka damchhunga ka hmangaih ber i lenna school ngei chu ka rawn rap veta a ni. Mahse,, ralkhat a ka lo hriat dan che ang i lo ni miahlo tih ka hriat in ka na ta em em a,... Thla khat dawn school kal mai thei lovin ka inkhung phah ta a ni. Mahse Pathian thu zawnga ka ngaihtuah chuan mi a ti har a, Khawvel mawina leh ropuina chu engmah lo mai a lo ni tih min hriat nawn tir leh a, Mi awmdang vanga ka nun awpbeh reng chu ka tih tur a nihlo zia ka hriat thar leh tak avangin School pawh ka rawn zawm ve leh ta rih a ni.

Kan awmdan chu i hria e,, Kan in hau a, min hmusit taka i awm vel laia ka rilru nat zia kha hria la zawng min tina zawngin i awm hauh lo ang... Ka thisen sample an la leh a natnak hrik pawh a tla hniam hret hret zel tih hmuh a ni a.. Ka lawm khawp mai. Engtik lai pawh a vaccin lak ngai reng ka nih avangin Ka nu U pasal nei lova damchhung hun hman duh Nu Vanin min chenchilh ta tawp ani... He Ka sam 'i inhmeh ka ti' i tih țuma ka țah țep tum kha i hria em? ka mit mim nia ka sawi tak kha. Ka mit mim vang lam a nilo, Ka sam dik tak nilo samlem ka vuah mai mai a ni tih i hrelo a, min fak ri ka hriat khan ka hnuk a ulh thut a, ka insum zo lo a ni ber mai. Pathian remruat dan hi mihringte hian kan va lo hrethiam lo țhin tak em tiraw... Nang ka hmangaih leh ka duh ngawih ngawih ka thlakhlelh em em kianga ka hun hnuhung lam ka hman theihnan a ka dil țhin. Chutah nun bawraw tak mai vanga ka thinlung na lutuk in, nang hi tawng leh ngai tawhlo tura hun min siam sak a, nangmah huatna leh ngaihven duhlohna te min pe turin ka dil ta zawk a. A chhanna nia ka hriat i larna leh chapona min tina tu kalsan tura ka inbuatsaih mek laiin, ka dil lohzawk malsawmna ka tan a lo ruahman reng a lo ni.. Khatiang ang hun min herchhuah tir kha ka hamhaih zawk hial a nih kha.. I hriat vek kha Miss hnenah pawh ka dil hial a nih kha.. Mahse Pathian remruat zawng tu dan rual ni heklo.. A hunte ah a rawn lang chhuak a, I nelawm a, i zaidam a, Min ngaihsak ve nia hriatnate ka nei a, ka nun chu hmuhtheih khawp in a danglam chak ta a nih kha... Mahse chuti chung pawh chuan i hnenah ka inpuang ngam chuang heklo... Ka inpuan leh puanloh lamin kawngro a sut dawng chuanglo a, Ka dam phah dawn chuang heklo, chubakah nangin ka rindan ang ngawt rilru i lo pulo a nih si chuan ka rilru a na let thei zawk tih ka hrebawk si nen , hlim taka i kianga awm mai chu ka duh a, Ka thlang ta zawk si a ni.

Mela a kalpui tura ka sawmhma che zan khan ka pa leh Nu Vani ti ti ka hre ru a, Kei nun hlim taka chen mektu an fanu thisen exam tura anthawn result in an rilru a tihnat zia leh a tih hrehawm zia tur ka dawnin ka khawngaih viau zawk.. Ka thisen sample an test chu a hma aiin 70% laiin a tam tih a ni a.. Ka khumah ka bawk thlawp a, Ka țap a, ka țawngtai a.. "Lalpa he hun hi a thlen hun hma chu ka chakna min laksak suh ang che. Ka hmangaih ber nangmah ngaihsak miah lova hun hmang mek hi i hnen a kan awmdun thehnan hun min pe hram rawh" tiin ka dil a.. Chhanna ka hmuh dawn leh dawnloh erawh ka hrelo.. Mela kan kal ni te khan ka hlim a sin.. In inchhung ka rah hmasakna ber ni ah i nu duhawm tak leh keimah min ngaina ememtu ka nu ang maia nu nelawm ka hmu te kha ka hlimna ti zualtu a ni.. Kha ni kan hman duna in dawhkan ka kil ve thei te kha ka hlim takzet a ni.. Ka damchhunga ka hun hman hlimawm ber a ni hial awm a sin. Ka taksa chaklo tual tual chu ka theih ang angin ka do lui zel a, A hun tur ka hrelo.. Mahse Naktuk a kan hun hman tur hi hman zawh hram ka duh si a, Ka pa leh Nu vani pawh hrilh lohin ka chakloh zia chu ka zep ru a.. tun dinhmun hi ka thleng ta a ni. I thuam tur ka lak laite tuna i chhiar tur ka buatsaih mek laite hian naktuk hun hi ka hmu hmanlo mai ang a? tiin ka rilru a buai khawp mai... I hmel pa leh hlim hmel ka thinlung mitthla a cham reng hi ka thlarau chhuah rualin ka keng tel theilo tur tluka thih ka hrehna chhan hi a awm awm love.

Thih ka hlau lo Chhandamtu ka neitawh a, A kiangah Thisen cancer awm tawhlohna hmunah i rawn kal ve hun tur nghakin ka lo awm hun tur hi ka nghak hlelh tak zet tawh a ni... ... Dar 8 rik hma deuh khan ka natna lanchhuah hmasakna ber ang khan ka hnar a thi leh ta tlat mai si a.. Ka kal hun a hnai takzet tawh a ni.. I Ophelia ni hman lova ka kal ta a nih pawn, min dem hauh suh aw.. Ka mihring tumna mai chu engmah a ni silo, ka tum ve zia hriala chuan min dem bik miahlo ang.... I Ophelia ka ni hman hlauh erawh chuan he khawvel Thisen Cancer vanga ka hun hman chhung rei lohna em em hi lawm takin ka chhuahsan ngei ang.

Awle... Hero... Ka Hero rawn ni reng la, Pathian tan Hero rawn ni hram bawk la, Inkhawm leh Țawngțai thlah thlam lo la.. Van kawtthler a Thisen Cancer taksa paihin taksa thar nen ka Hero hmel hmuh ka lo tum dawn nia aw... Ka ngai dawn lutuk che.... Ka ngaih ang che hian min ngaive duh miah suh,, achhan chu ka kalbo daih tawh dawn vangin i rilruna lutuk tur ka ngaihtuah ngamlo....... Mangtha.. Ka Hero i la ni reng dawn nia aw...

-May ( a ni leh thla leh darkar chu ka tarlang talo mai, Nizan zanrei lama a ziah a ni).

Ka thaw hawk a, May hmel dang bel mai chu ka chula,.. Ka tha a khur der der bawk a.. Mipa ka ni a, ka țap hauh tur a nilo... ka ti rilru mawlh mawlh a.. Ka awmdan diklo chu ka u chuan a hria a niang " Mam..mam.. engtin nge i awm" tiin min rawn kuah a... Ka insum zo dawnin ka hrelo.. ka tho a, Cabin veranda ah ka chhuak ta daih a... Ka awrawl chhuah meuhin ka au khawk ka rum rum a... Inchhung lam in an hria em ka ngaihtuah hman tawh bik lo... Ka u chuan Tablet chu a en a, a hmui a hup a, ka awmna lam chu a rawn en vat a, May chu a kuah a, a țap niin ka hria... Nge ka hmu sual zawk ka hrelo.. Pulse Ditector kal chu a tawp tlat in ka hmu a.. inchhungah ka lut vat a, Ka u chu ka kuai sawn a.. "Mami... May..." ka ti a.. Ka u chu a țap ngei a lawm.. Mahse May nen zawite te in an lo inbia hi a lo ni a.. Min hmuh chuan an mengsen dun ram mai a...

"May... Ka hmangaih che a lawm... Ka hmangaih zia che hi i hria tiraw?" ka ti a, a biang ah ka chuktuah a, ka mittui tla tur ka dang zo lo... "Hero... ka lawm e, Lalpa ka lawm e... Hero.." a ti sap sap a, "enge ka awm e" ka ti a.. "Min hmangaih ve duh maw?" a ti a, "duh e, engvangin nge ka hmangaih duhloh teh lul ang che.. Ka hmangaih che.. ka hmangaih ber che.. " ka ti mawlh mawlh a.. Cabin ah mi an rawn lut chu ka hmu mahse tunge ni ka hrelo... "May.. kan la inkawm reilo lutuk, i bula awm ka la kham lo, I dam ang a, Mela ah te kan kal ang a, Hmuifangah te kalin Thawnthu te kan chhiar duh leh dawn nia... I computer dawhkan Țawng deuh tawh te kha pheikhawk hruiin kan pawt ding dun leh dawn nia" țah nuih deuh ti tih chuan ka ti a, an țap ve niin ka hria... "Ka chak lutuk, Ka duhthusam ber a nia lawm" a ti a, a nui sen sen a.. "Ka la kal mai dawn lo, Khua a var hma chu ka bulah awm reng rawh aw..Nangin min thlah lo chuan ka kal hreh tak zet a ni" a ti a.. a hmui bula beng dawh ka ni bawk a, a fiahlo viau nangin ka bengah chuan Motor horn ri ai pawn a fiah zawk awm e. "aw i kiang ah ka awm reng dawn a lawm.. May..." ka ti a.. "Min la fawp miahlo" nui chung chuan a ti a.. "I dam hunah ka fawp chiang ngawt ang che" ka ti a.. kan nui dun leh rih a.. "i bula kha ka pa a awm a nia" a ti a... ka lehhawi chu a pa hian men pur chungin a lo bu nghut nghut a.. Ka fawh a phal tih ka hrethiam nghal mai.. Tumah ka vengthawng lo.. a hmui nem thep mai mahse vawt thler si chu ka hmuichuan ka chuktuah ta a...

"Ka lawm e... Ka chau deuhin ka hria...ka muhil dawn aw.." a ti a.. "aw.. muhil rawh... mahse muhil hlen hauh suh ang che.. Taka hei hi nalh ka tilo.." tih pahin a sam lem chu ka chul a.. "ka la sawn dawn" ka ti a, a khap fak a, a nui sen sen a... A pa min puihna in ka u nen kan lak sak a.. A chemo khai effect vangin a sam kawng vek tawh, rawn țo țan leh mek, a țo bit vek awh nangin Sipai lumeh ang vela kawng chu a la ni tho "ka nalh lo i ti lovem ni?" a ti a..a nuia. " Ka tan chuan nangmah original engkim hi mawilo lai a awm lo.. i inhmeh lutuk" ka ti a.. a nui a.. "Muhil tawh rawhse.. a pawi em ni?" Nurse chuan a rawn ti a.. A kut ka dawm reng a.. a thisen khai pawh thlak a ngai leh tawh hrim hrim bawk nen. a BP te an en fiah sak a.. "a normal.. pulse rate pawh a țha e..." a ti a.. "a hah deuh a, Muhil rawhse.. pawnah chhuak țhen phawt ang u" Nurse chuan a ti a... Ka chhuahsan phal tawhlo... Min hrethiam tlang a niang.. A pa nen chauh ka awm ta rih a.

***************

Vawiin hi May Damdawiin ațanga a chhuah ni tur a ni bawk a, ka phur kher mai, Ka nu nen Damdawiin kan thleng hma khawp mai.. Nu Vani nen an lo awm a, Damdawi In bill tihfel ngai chu ka nu leh Nu Vani chuan an ti fel zung zung a.. A khumah kan mu dun kak a, a ban rek cher riak mai chu ka hmer sak a, kan nui dun hak hak reng a, a sam lem dum hlap mai chu min khum tira kan nui hawk hawk a... Thla hmasa lawk a inhal em em ang maia awm kha, Tunah zet chuan kan hlimin kan nui dun a, kan inthlahlel ngawih ngawih zawk ta si a.. Chanchinbu rawn lek va va pah in Zda leh Tetei an rawn lut a, "Enteh..hei a ropui kher mai" an rawn ti lut hlut a, "Engchu maw?" ka ti a, kan 2 chuan kan en dun vat a, Zda kawh va va lai chu kan en a.. Kan School kawtah Banner lian tawk a intar kuau a "May... I lo kir hun kan nghakhlel khawp mai" tih a ni a.. Naupang zawng zawng chu banner hnuaiah Rose par kengin an ding vek a.. A heading ah "Leukemia vei Zirlai duhawm Mayparmawii tan a Zirlaipuiten welcome banner manto ber tur an siam" tih a ni a.. A thuah pawh Mayi tan an pawisa thawhkhawm hmangin he banner hi an siam a.. En mai chuan Puan sen dukah Rawng varin a thu an ziak ni mai awm a ni a.. Mahse Rose par senduk lei khawmin Rose par var in a thu an ziak a lo ni awm a.. Tin Naupang zawng zawmgin Rose parvar an keng vek bawk a.. Heng an thil siam man senso hi Rs 40,000/- dawn a ni a.. He Rose Banner hi Kar engemaw zah a dam theih nan pangpar khawina special bik tak an lei hmangin an chawm reng dawn a ni... Tin, he an thil tih hian Lukemia natna chu thihna a ni kher lova, Dam chhuah theihna chance neih theih a nih zia te, Cancer vei mek ten an huaisen phah a, May anga rilru huaisen Cancer natna thih pui ngei tura ngaihna an paih bo theihnan a an campainge na a ni bawk a.. an thuken chu cancer vei mek ten chona atan an ti a ni.

May biangah chuan mittui a luang ngiai ngiai a, ka hruk sak a, a nui a, ka awma beiin a țap ta ngawt a... "A dik a lawm, Pathian in heng natna te hi kan do let ve turin chance min siamsak a, Chu chance min siamsakna lam chu hre lovin, kan zam a a hnathawh kan ti punlun thin zawk a lawm, Keini chuan kan do ang a, kan bei let ang a, kan hneh ngei tur a ni, tiraw May" ka ti a, a bu nghat a, .. "Ka lawme Lalpa, huaisenna min siamsak a, ka mangan leh thlaphanna laka min țanpui turin Țhian duhawm tak min pe leh zel si a" a ti a.. a lu chu scarf in kan țawn a, a chal mam thal mai chu ka fawh sak a.. Ka nu te an rawn thleng ta bawk a, Wheel chair ah ka hlang a, chu room thaw ipik taka kan luhna chu Hlim leh zangkhai takin kan chhuahsan ta a.. Engkim mai chu a mawi hliah hliah ni maiin ka hria..

In kan thlen ațanga kar 2 hnu-ah a school kal lehna hmasa ber tur ni a thleng ta ngei mai le.. Ka duhdan ang ngeiin a sam mipa sam ang maia kawlh mul mai khuh nan Scarf kan hrentir a, Sam lem vuah ka phal tawhlo, kal tur khawpin a la chak tawk lo bawk a Wheel Chiar nen kan in keng bawr luk a, Ka pa Motor ka kenga School lam panin ka tlan ta nal nal a.

School kan thlen hma ațang chuan kan helhawlh deuh nge kan in en kan nui leh ringawt țhin a, kan kut kan inhumsak reng bawk a.. School motor parking na ah Zda leh Tetei an lo awm a, minlo pui vat a... Wheel chairah ka țhut tir a, School lam pan chuan kan innawr lut ta a.. School veranda ah chuan Welcome gate lian leh sang zet mai an lo siam ut a, Chutah chuan nizan maia an siam thar leh Rose Par senduk chunga Rose Var sar mai hmang chuan "May Kan lo lawm a che" tih ziak a lo intar kung mai a.. a hmui a hup a, a mittui a tla par bawk a, a țahnuih bawk a.. Kan pan hnai phei zel a.. Chutah Ring zet hian kan Principal chuan "Leukemia" a ti a, "Kan hneh ngei dawn" a awm zawng zawngin kan ti rual țhup a.. "Mayparmawii" a ti leh a, "Kan lo lawm a che" kan ri rual leh a, Chutiang chuan vawi 3 kan au rual hnuah Principal ațanga țanin Rose vat fresh zet mai chu pakhat te te in May chu an rawn pe liam liam .. Chanchinbu mi leh TV coresspondent lam ten kan thil tih lai chu live telecast in an lo pe chhuak ve bawk a.. cancer natna hlauhawm 'Thisen Cancer' natna chu Pathian rinchhantu tan chuan huaisen taka beih let a, do hneh theih a nih zia an hria in an hmuh phah ngei dawn ani...

"Olyimpic Silver Medalist Remlalfaka leh Cancer hnehtu hmeichhe huaisen Mayparmawii te chuan an Hmangaihna chi tuh Leukemia pawh in a kawih țhen sak theihloh an chen dun dawn ta." tiin Chanchinbu leh thuthar thehdarna hmanrua engpawhah a lang chei chuai mai bawk a..

Cancer hi kan hlauh luatah kan tuar na in kan thih phah fo țhin a. Hei hi kan rilru put hmang vang mai chauh a ni. He thawnthu hi Thisen Cancer dam leh ngeiin min Inbox na ațanga min ngenna angin Thisen Cancer thih pui ngei ngei tur nia kan ngaih. Kan thawnthu ziah țhenkhat ah pawh thihna thlentu a kan puh tam ber țhin. Do ngam a Pathian nen a do hneh theih a nih zia min share a, ziak tura min ngenna ang a ka ziah a ni a.. A natna Thisen Cancer a dampui tih loh hming hmun hma leh thildang zawng hi ka phuahchawp liau liau a ni tih min hriatpui a, He Natna țihbaiawm tak veitu he thawnthu chhiar ve palh an awm hlauh chuan an hlawkpui ngei theihnan min țawngțai sak turin ka ngen bawk a che u... Ka lawm e.

A TAWP VE TA HRAM E...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)