KIANG MAI NANG E BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

KIANG MAI NANG E BY Tochhong Ruata

Unread post by Ngaia » June 3rd, 2016, 4:02 pm

KIANG MAI NANG E.......
"Min hrethiam la, hei hi i seat tihna em ni?"
"Aw... ka seat ngei chu niin ka hria"
"Kei pawh hei hi ka seat number niin ka hria...awh..nilo a piah chiah kha a nih hmel zawk, Min ngaidam dawn nia"..... ka ngawi reng a, Ka lehkhabu chhiar lai chu ka bih lui ngar ngar a, Exam ka hmachhawn mai dawn si a, ka inbuatsaih uluk viau a ngai tlat a ni...
"Englo... Ka pu..oh... Englo khawngaih takin ka bag hi minlo hlan sak lawk thei ang em?"
Hmmmm... Ka thutpui tur chu a ni ngei mai a, Mahse a rawn luh phat atangin ka lehkhabu chhiarlai min be buai a, tunah a bag min dah tir a tum leh a, tunge maw a nih reuh le, ti rilru chung chuan ka lehkhabu chu ka khup a, Ka hawichhuak ta a...
Ka bulah chuan Kum 19-20 emaw vel tur hmeichhia, 5ft vel a sang, sam ngil sang mai, a tukhum lam cheh chhin a, a sir zuah sei sal ang chi a tan, Hmeltha over tih tur chu nilo mahse hmelchhe lo tak mai, Tawnzau eng lam deuh ha, Jeans Kekawrbul chhing lam deuh ha bawk a, a kawng a Kamis trial hreng tah mai, Thi sei pui pui awrh duah mai, Hnute nalh tawk chauh a kawh lah mai hi ha var lang tha in a lo nui a, A sunglass invuah chu a sen dal lam deuh a ni bawk a, a mitmeng thip lam lek lek chu a hmuh theih a... A hmui chu lipstick a kai miahlo tih a hriat theih a, Mahse a sen vam ham thung.... "Khawngaihin minpui thei ang em? hei hi hetah hian ka dah duh a?" nui sen sen chung chuan min ti leh a. Ka rilrua thinrimna lut ut ut chu thawl lehkhat ah lakbo ang duak hi a ni ber mai, hlim hmel tak chuan "awle" tiin ka tho a Bag var rit vaklo a pawm chu kan thutna chunga box ah chuan ka dah sak ta nge nge a... Lawmthu te min hrilh luam hnuah ka thutna bul chiah a tukverh bulah chuan a thu ta tharh a.
"Applied Maths... a boring ve chiang a lawm"
"Eng chu maw? Keimah hi maw?"
"Ha...ha..ha..Nilo e, I lehkhabu chhiar kha mawle, Maths hi ka subject nin ber a ni, Mathematician ho hi an cool duh bawk.. Maths zirlai ho bula awm chu a boring duh ka tihna mai mawle..Estheri ka nia"
"heh.. a ni maw?... Maths hi ka subject thiamloh ber a ni hial awm e, Ka examna turah tlem a telve a, Ka bih ve zawk a nih hi....Kima ka ni e"
"Oh.. Maths student i nih ka lo ring deuh a, I inhmehlo ka ti reng a ni? Ka zawt thei che ang em?"
"Eng chu maw?"
"Enge exam i tum a?"
"Service pakhat exam ka tum ve deuh mawle..."
"a nih tak chu...Khawi hmunah nge?
"Delhi ah"
"Ka va hmu ngailo che ve, i awmna a la rei vaklo nge,? hmun danga awm i ni zawk"
"Nia, Ka vawi khat kalna tur chauh a ni e..."
"Oh.. a nih tak chu....... Ka rin aiin kan chhuak tlai, engvang nge i hria em?"
"Ka chiiang chiah biklo.. a ke chhia a ni mahna..."
"Engmaw?... thlawhna ke a chhe thei em ni?"
"Ka hrechuanglo le, Eng ke pawh hi a chhe thei vek ni maiin ka hria"
"Ha...ha...ha... A lo ni tak tak mai thei...Khawiah nge i thlen dawn? House ah nge hotel dangah"
"House ka chang lova, Hotel ka zawng chawp mai ang chu ka ti deuh a?... Ka thianpa pakhat chuan In a luah ngei mai a, a contact na ka tibo daih a, a awm leh awmloh ka hrelo a..tin, khawi hmunah nge a awm ka hre bawk silo a, a awlsam ber chu Hotel mantlawm deuh pan a ni mai".
"A nih chu mawle... Tunge i thianpa chu ka hriat zawng a nih mial takin?"
"I hrelo maithei Jeremy Zodinthara a nia"
"U Jeremy a maw? kan flat luah a inzawm a lawm, Khawlailung pa kha tiraw?
"aw... ni e, Hindustan Tube company a thawk kha.. In flat luah a inzawm i tih chu enge a awmzia?...
"englo a nia, Kan flat luah thenawm chiah ah a awm a, Mahse kan inhmu khat khawp.. Zing kan thawh hian hnathawk in a chhuak hman daih zel a, an rawn haw hun a tlai thin bawk si, Day off an neih chang in kan inhmu leh zauh thin"
"a nih chu mawle... Chuti a nih chuan a biak theihna number i hre thei mai ang em?...
"aih..amah chu ka hrelo a, Mahse a thianpa number chu ka nei"
"Min hrilh phal turah ka ngai ve ngawt a?"
"Aw.. ka hrilh dawn che nia...Khawlailung khua ve tho em ni i nih a?"..
"Ni love.. Kei chu thlawhbawk lam daih ka ni...a number chu khawngaih in"
"awle...ka phone hi khawiah nge ka dah le?"... bag a zen rak rak a..m "awi... kei hi, In a ka charge a, ka theihnghilh a ni ngei ngei ang..." a rawn ti chhuak ta phawng reuh a.. "I phone ka lo hawh mai?"..a ti a, a meng tal nghal tap a, Ka phone chu ka pe a... " Signal a awmlo zui...Hrep tak chuan" a ti hlak a, a chal a dawm a, a kun lap a.. "a zialo hle mai" ka ti sup a... Thlawhna a nung a, a che ta tual tual a..
DELHI...
A lo lum hup hup kher mai, Es-i inthuam dan kha ka nuihzat lek lek a, Delhi ah chuan a ,nuihzat thlak talo kher mai, ka thil hriat loh vang mai mai a lo ni.. "Englo.. U Kim i phone chu ka lo hmang hram dawn em ni?" a ti a, Khawlai motor tlan zut zut chu ka thlir a, " ring tluk tluk a, a tawp daih zel.. Khawnge ka dah ang le?" a ti niah niah a.. "U Zuala no pawh ka pe thei talo che a nih hi.. a zialo hle mai?" a ti a, Phone chu min pe a... "Taxi i la dawn nge? ka rualin lo kal ve mai la, an flat ah chuan i kal duh tho tiraw?"..a tih zawm nghal zat a. Ka ngaihtuah chian deuh hnuah va fin rawih chu a tha chiah in ka hrelo a, Biak dan ngaihtuah phawt a, Biak fel hnuah fin chauh thain ka hre ta deuh a, a thiante lah ka hmelhriat ve hlawm bawk silo...
"Englo... Ka fin rihlo mai ang, Hotel chu ka zawng chawp mai ang, Heti zawng hi bungrua ka nei a, Hotel ah chuan ka lut phawt mai ang" ka ti a, "I thu thu le, Nia, Ka hmuh hunah ka lo hrilh dawn che nia, a nihloh pawn, an mahni ka rawn biak tir dawn che nia.. "a ti zung zung a, "I number min pe la" a ti leh zat a, "Taxi ah ka pe dawn che nia" ka ti a.. Taxi pakhat ah chuan kan lut dun a, A kal duhna lam a sawi a, Keiin Mizoram House bulhnai lama Hotel mantlawm pan ka duhthu ka sawi thung a... "Immm... Chulam ah kal phawt mai ang" a ti ta nge nge a...
Ka thlenna Hotel chu Mizoram House atanga a hla vaklo Hotel ropui lemlo tak mai, A/C pawh nilo a ni a, Mahse Mikhual an tam loh avangin min ngaihsak phian thung, Khualchhawn pawh pa upa tawh lam tarmit chung lam atanga min chhoh melh kur mai a ni a, Mipa naupang Kum 12-14 inkar vel kekawrbul ha, tawnzau bekangrawng ha a, Kamis tial inkilh manglo ha reng mai chu Service an neih chhun a ni mai, a tawngtheiin Hindi bakah English a thiam zal mai bawk a, tirh a hnial lo hle bawk.. Tips pek tum lahin a duhloh thu leh a hnathawh chu keini mikhual tha taka enkawl mai a ni tih min hrilh pahin a then tha bawk a.. a hmel a chhe hre hraw nangin a lawmawm ru reuh phian mai bawk a ni... Zan ah Beer ka in a, Ka exam tur ka enlawk peih rihlo.. Ka thlenna hotel ah hian Eiin order ve theih ngat a ni a, Hotel riahman hrim hrim hi zan khat ah Rs 350/- a ni a, Ei leh In man pawh kan duh dan a zirin a man bithliah thlap a ni bawk, In tur kan duh ang chu an kawl ve vek nge, naupang chuan hmundang a mi a lam tih erawh ka hrelo.. an rawn supply ve tho mai bawk..
Room chu room Number 12-na niin a chhawng chungber a ni ve khanglang a, Room chu single room nisi in double khum ni mai tur a awm duai roh a, Filter 1 fai ve tak a awm a, A/c a nihloh vangin Cieling fan vir chak leh thawm na angreng tak hi a awm a, tukverh zau lo tak mai 2 a awm a, Chutah chuan dahchhuah in Rel station hlui nimai awm hi a hmuh theih a, Tin room chhungah chuan thawmhnaw khai na tur chhuar nemtawlh a hawng thei a awm a, Toilet Europian ngat a awm bawk a, Toilet bulah chuan Sarang puan langtlang thei lo in Inbualna shower leh bathtub a awm vei thlap bawk a.. Changkang em em lo mahse a man zirchuan a tawk kher khawr ve viau bawkm. TV LED 29 emaw tur mu chunga en theih turin a awm a, Dawhkante leh safa set single seat a inhung ve bawk a, Internet pawh a nei ve thlap a. Mahse ka hmang duh a nih chuan Man ka chawi a ngai thung.. Zan khua a ka hman duh chuan Rs 100/- per Night a ni thung..
Beer dawm chungin TV ka en a, Chutih lai chuan ka phone a rawn ti ta a, Number lawng hi a lo ni a, "Hello" " Aw..Hello, Es-i ka nia, vawiin a mi kha?" a rawn ti tham tiak a, Ka hrechhuak zawk a, Ka thlawhna chuanpui nu kha a lo ni a, "aw.. i tha maw i phone?" ka ti hman chauh a, "Ka zin bag chhungah ka lo dah daih a lawm, haihawt thlak tak tak a ni.... ih... U Jeremy a te chu an lo la haw lova, Ka lo hrilh sak dawn che nia, I thlenna chu a nuam em? khawilai hmunah khan nge? eng hotel nge ni a?" a rawn ti zung zung a.. A hmethat reuh tehlul nen a tawng thei phian mai ka rilru chuan ka ti a.. "nuam a ni mai, Ka budget mil tawk lek a nia, TV te pawh a awm ve thlap e.. Englo.. International Hotel tih a ni e..." ka ti ve mai bawk a... "Oh... House piah lawk a awm kha maw? Putar a Hotel International hotel Mahse International lo zet si kha maw? Naupang tawngthei deuh kha a la thawk em?" a rawn ti lehnghal zat a, "Aw..i hria em ni?" ka ti a.."Delhi kan awm tirhin House kan chang si lova kan thleng ve tawp a lawm, Kar 2 lai kan riak zui mawle, an felin an polite a nia, Putar kha a neitupa a ni a, Mr.Tantoo-a a nih kha, Naupang kha 'Chhotru' a nih kha, a bal thei teh a nia, Room Number 12-na ah kan thleng a, Single room bak kan chang si lova, Double bed kan dah luih tir ngat mawle, an fel ve khawp mai" a rawn ti a, "Engmaw Room 12 na ah Double bed ah a lawm ka awm"... "Tak tak maw... kan room hlui a nih kha.. A van lunglen thlak em em..engtia rei nge i cham dawn?" "Thla 1 lai ka cham hmel!" ka ti ve mai a, "anih chuan kan la rawn leng dawn nia, U Jeremya te nen..."tiin thildang Eng eng emaw a sawi hlut a, Ka beer in ka in hnem deuh a ka lu a hai deuh bawk nen ka lo muthilh san ta daih nghe nghe a...
DAY - 1....
Exam center turah thil tihfel ngai leh thil tul tiin ka nileng thak a, A khat tawkin ka phone a ri sek bawk a, Ka nu leh pa bakah ka thiante phone a ni deuh ber, Ka kal ngailohna hmun ni mahse Naupangte ka nih lai atangin Vairam a awm thang ka ni bawk a min ngaihtuah lemlo. Mahse House ka changlo tih an hria a, Ka thlenna nuam ka tih leh tihloh min zawt satliah ve mai a.. Ka thiante erawh then khat in Inneihna inkhawm ah ka kal dawn leh dawn loh min zawt tawk an awm a, thenkhat in Eng emaw ti turin min sawm an lo tum a, thenkhat lah ka thil hawh an duh vang a ni a, thenkhat engemaw thil min zawh duh vang a ni teh nuaih hlawm bawk a. La buai deuh bawk nen ka ning ru phian nghe nghe...
Phone call 1 a rawn kal leh a, enchiang manglo chuan "aw..enge ni lehpek?" ka ti deuh nghal tawng a... "Oh.. i buai em ni? Esi ka nia?" Nimin a nula khan a rawn ti ta reuh a... "Buai em em love, Auto ka chang a, Engthil nge ni a?" Inthiam lo ru tak chuan ka ti a.. "I chhuak em ni? nge i chhuak dawn zawk?" a rawn ti leh a.. "Chhuak lawk a ka hawnna tur ka chang mek a" "a nih chuan rawn len kan tum a?" "Jeremya te nen chuan maw?" "aih ka thiannu nen Hmingpuii nen" "class in kallo em ni?" "Zirlai kan ni hleinem? inhlawh a awm kan nia lawm...Ka la zawm lova, naktuk ah ka zawm chauh ang" "aww zirlai emaw ka ti che a lawm, rawn leng rawh u, tunah khawiah nge in awm?" "Mizoram House ah kan la awm, i awm leh awmloh ka rawn fiah hmasa mawle" "aw ka rawn haw nghal dawn e..Auto?" ka ti a.. ka phone ka titawp zui nghal a.. ka kalna tur ka sawi a.. Kan vawikhat inhriatna a ni a, ka thlenna hotel min zawt a, ka hrilh a, rawn len an tum nghal a.. Mathematics a boring thu a sawi a, Zirlai emaw ka tih laiin Inhlawh a awm a nih thu ka hria a, Engemaw he nula te hi a nih reuh le?" ka ti rilru a, Jeremya biak pawh vat emaw Mizo dangte zawh hial tha in ka hre deuh a, Mahse ka ngaihtuah chian deuh chuan chutiang a min ngaina a min ngaihven der vetu lo rinhlelh ngawt chu ni theiin ka hre bawk silo.. Mahse engemaw tak chu hriat chu tha ka ti bawk si, ka rilru a insual deuh bab bab a..
Ka thlenna hotel ka thlen chuan Khualchhawn dawhkan bulah chuan Estheri leh a thiannu chu an lo thu a, Putara ti ti chu an lo nuih pui bawk bawk a, "Pua pawh a rawn thleng ta e" Chhotrua'n min hmuh rual chuan a lo ti vat a, "inlo thleng der tawh e law?" ka ti lut ve ngawt a, "nia, hei kan pua ti ti hi kan ngaithla a"zang vah chuan Estheri chuan a lo ti nghal vat a. Estheri chu nimin ai khan a lang hmeltha zual sauh niin ka hria, Kekawr tluan mahse puan chhah lo taka thui vainu hak thin ang mai a thui par lam deuh a ha a, T-shirt rawng dal reih rawih banbul a ha a, A sam chu a thlah ngil leh sang bawk a, a hmaiah engmah bel lo mahse a inhmeh em em reuh tho a.. "Hei hi ka thiannu chu a nih hi..Hmingpuii" tiin amah aia lian hret leh hmel ti deuh ruau mahse enthuak chuan chhelo hmel deuh, mithmul pawh bei dum er ve lam mah mah hi a ni a, "Esi hian i chanchin ringawt min hrilh a, kan rawn pan tawp che a nih hi" tiin a kut a rawn phar chhuak a, "eng teh vak sawitur a nei lo ang, nimin mai kha kan inhmuhna a ni a, ka room ah kan chho dawn em ni? chutiang a rawn leng ve meuh meuhte chu" ka ti nghal zung zung a, "nia, kal ang u lung a ti leng a lawm le" Hmingpuii chuan a ti zui nghal zat a. "Boring hmel deuh Boring hauh silo a ti che a, Nimin a a thil sawi vel kha nizan chu kan nuihpui nasa mai mawle" ka room panna a kan kal pah chuan a ti lang lang a, "Nia.. Boring deuh mai hi ka nia, Taka Jeremy a thianpa Kunga i ti em ni? kha, a no min pe thei ang em?" ka ti ve vat a, "oh nitak, U Jeremya number pawh kan nei tawh tak e, ka hrilh dawn che nia" a ti vat ,a, Room kan lut a, an nui dun hawk hawk a, Kum 2 liamta a an thlen tirh zan te an sawi a, an phul hlut a.. Khua a lumin ka nileng bawk si a, Intihfai ka duh viau nangin ka room ah hmeichhe 2 an awm bawk si ka lai deuh tut in ka hria a..
"U Kim, Inbual i duh chuan sawi hreh suh, kan mit kan hup mai ang" Esi chuan a rawn ti a, an nui hak hak a, an ti ti lehnghal bawrh bawrh a, Chutia an tih takah chuan ka boxer chauh hain Bathroom ah chuan ka lut a, Ka inbual zo a, an ni pawh an lo la ti ti tui nasa mai, Hmingpuii sofa chungah a thu a, Esi erawh ka khum ah bawp khawkherh meuhin a lo ti ti a, Estheri tawngduh ka tih tehlul nen amah aiin a thiannu chu a tawng duh mah zawk a, Esi chuan a ti ti a lo ngaithla mai mai ani mah zawk..An chanchinte a sawi zung zung a, "U Kim, Sikret zuk i phal em?" a ti ti karlak ah chuan a ti nghal zalh a, "Phal tuk e, keipawh ka zu a lawm, Beer te in In duh em?" ka ti let ve zauh a, "I phalte chuan, tiraw thiannu" a ti a, Sikret loose pakhat a phawrh a, Lighter nen a tan kai phar phar a, Chhotua ka phone a, Reilote ah Beer bottle 3 vawt hmel zet hi a rawn kenglut a, "Ester, uak i ti leh ang e aw?" a rawn ti a, an nui dar dar a.. "Enteh U Kim, kan thlen zan ah khawlum kan ti lutuk khan Beer kan in ve a, kan la in ngai silova, Estheri hi a luak a, kan mang ang leh si a, Chhotrua kan ko chho a, Chuta tang chuan a hmuh a pangin a kap ve ziah a" a ti a a nui hawk hawk bawk a, an bula awm chu a engemsw ti nawm phian a, an hnathawh zawh dawt ka hreh bawk si, ka hrechak in an awmdan chu ka ringhlel ru riau a, A khat tawkin phone call a dawng a, a thiannu ti ti ngaithla duh nge ka hrelo a hmet busy leh zauh thin bawk a. An chezia chu an ti ti ngaithla pah chuan ka chik pah reng bawk a. Phaia hetiang a awm nula hi engemaw kawng takin an sihnip ru riau thin an tih ka hre fo tawh thin a, Chutiang mi chu an nih ka ring rilru deuh bawk nen ngaih a ngam zan theilo... "Jeremya number chu min pe thei tawh em?" ka ti leh a, "nitak e, Ka lo theihnghilh daih a" tiin awlsam tak chuan number chu min pe ve mai bawk a.
An awmlai chuan ka be duh bik lemlo a, an ni pawh chuan an sawi zui tawh bik lemlo, Khawthim rawk thleng an len hnuah nui bawk bawk chungin kan inmangtha ta rih a, Chhotu a chuan Auto a koh sak a, Kan invai liam a, "Ka pu, Esteli te kha nula fel tak an ni.."chhotrua chuan an kal liam hnu chuan a ti deuh ngawt a, Ka zawt chik chak viau nangin kan hnam mualphona mai mai ka ti rilru ta zawk a..
"Hello... Jeremy a em ni?" "aw ni e, khawi atangin nge?" "SP.Lalmuankima" "ehe..i va khat ve, min rawn biak ve hlawl a, ka number engtin nge i neih zawk a?" "aww.. hman deuha Delhi ah i kal tur nen kan inhmuh min pek kha" " aww ni tak e, ka phone ka thlak a, i number ka lo nei tawhlo a, Tunlai enge i tih thin" "Delhi ah ka awm mek a?" "engmaw..? Delhi ah i awm maw? tunah khawiah nge i awm, enge irawn tih a, engtikah nge i rawn kal?"... " Nimin khan ka rawn chhuk thla a, Eng emaw tih lawk ka tum a, Mizoram House bulah Hotelah ka khawsa ta mai" "awww min fin mai tur che a lawm" "nia.. Mahse midang nen in ni hmel si a, ka rawn fin talo mai che" " tumah dang thian ka neitawh hleinem.. ka naute thiandun bak" a ti ta roh a... ka ngawi vang vang a.. "Zuala te nen in awm ho nikhan i sawi si a?" ka ti ve zaih a.. "Nikum hmasa lam daih khan a lawm, Ka rawn lam dawn che em ni? a hautak mai mai a lawm" a ti a, "Ngailo, hetah hian ka awm rih ang e, ka thil tihna tur nen a inhnai a ka tan a awlsam zawk daih" ka ti luitlat a, Ka mitthla ah Estheri thusawi hmel a lang nghal zut zut a, "englo.. call ka dawng tlat, ka rawn be leh dawn che nia" ka ti zaih a.. kan inbiakna chu kan titawp ta rih a.. Ka khumah chuan ka thu mu a, " a thiante nen an awm ho" a tihte chu ka hrechhuak uar uar a, Engtia dawt min hrilh mai nge maw a nih dawn le? kan tih a inanglo emni zawk? mahse a phone number min pek lah a dik bawk si? avan makin a va buaithlak si em? Chutah ka call nawn leh ta ngat a,.. Ni 1 hnuah exam ka nei a, Chumi bak chu karleh lamah a ni tawh a, Ka rawn tlawh dawn che nia" ka ti ta a..
Day -2.. Ka Exam tur ka inbuatsaih a, Ka lehkhabu chhiar ka lo muhil pek a, Ka phone ri in min ti harh a, Estheri a lo ni a, "Hello, I va la theilo ve, Vawiin pawh ka chawl leh a, Hmingpuii chu a kal a, a ninawm lutuk a" a rawn ti a, "a nih chu mawle, rawn leng phei leh daih la ti nia" ka lo ti a, eng zai nge a put ka hrechak ve hrim hrim a, "Akhai zak lo minti awm e mai" a ti vetlat a, "enge maw katih lem ang, Hetiang hnamdang zingah Mizotawng ngei a biaktheih thian kawm tur neih te chu a nuam a lawm le" ka ti ve zaih a, "anih ka insiam ang a ka rawn kal dawn nia, Dar 2 hma chuan ka hman lo ang, chhuahna tur i nei em?" a rawn ti leh a, " Neilo... Ka examna tur ka inbuatsaih mai mai a, ka awl lai tak a ni tawh e" ka ti a.. "ka rawn tibuai che tihna em ni?" a ti leh a, "aih nilo, tibuai lo, ka lo muhil zawk a lawm le, ka lo nghak ang che" ka ti a, kan inbiakna kan titawp ta rih a... Engvang nge maw he nula te hi hriatchian ka chak tlat le ka hrethiamlo.. dawt pawh min hrilh sek sek mah nise ka tan a pawina enge awm le... enge ka laka zepruk ngai a nei pawh a ni thei a, keia lo hriat chak chhan tur enge awm ni.. a sual thlak deuh niin ka hria... keimah leh keimah chu ka inhnial ru deuh babbab reng a.. Mahse hriat chak ka neitlat bawk si, ka rilru a buai ru viau a ni.
Dar 2:30 ah ka room kawngka a rawn kik karh karh a, ka va hawn a, Jeans kekawr phuai deuh mar teng tawng tak a rawn ha a, T-shir amah tilang hmeltha zual tur tak mai pawl phat mai a rawn ha a, bag a ak a, a lo nui ver ver a, "I lo zirzo tawh tak tak maw? ka hman lawk lova" a rawnti lut nghal sawt sawt a.. "Zirzo daih tawh e, Exam ka cho zak tawh mai mawle" ka ti a, Sofa ah chuan a thu a, a nui var var a.. Sawi mai tur avang phian mai a, Hetiang hian hmeichhia ka la awmfalpui ngai tlat silo a... Ka zahzel chuan ka lehkhabu ka chheh khawm chu ka remtha ve ta ngawt a..
"Enge i exam tum ber hi?" "Central Service exam ka pe ve mai mai chak mawle.." " ehe.. i van ropui ve" " chutia mi, Nang enge i hnathawh ber ni a?" .... "Englo a nia, ka fiam mai mai che a nih kha, U Jeremya te bulah ka awm ve mai mai, Engmah ka thawk lo" a ti a, a kun lap a, "Tak tak maw?.. anih hmingpuii kha?" ka ti a, khum ah chuan ngaihsak anglo deuh chuan ka lehkhabu keu pahin ka thu a, amah ka en chuan a zah ka hlau deuh si a, "Ani kha chu U Jeremya nau a nih kha.. Ka thiannu a ni a, College kan kal ho thin a...A u bulah a awm dawn tak vangin ka zui ve tawp a, a ni chu U Jeremya'n an thawhna ah hna a hmuh sak a, kei erawh an awmpui angin ka awm ta vel mai mai a" a ti nap nap a, ka melh zauh a, a biang a sen hlar a, a zak hmel hlein ka hre bawk a.. "A nih tak chu.. Tinge a tirah khan i sawi mai loh a...?" ka ti a, ka lehkhabu ka khup a, a rawn dak chhuak a, min melh ralh ralh a, a ding a, ka lam a rawn pan a, ka bul chet a thut pah chuan " Min nuihzat ka hlauh vang a lawm, Hmingpuii bulah pawh i hnena ka sawi ang kha ka hrilh vek a.. Mahse Nizan kan haw kawngah ka inthiamlo a, nakinah i la hrechhuak tho dawn si a, ka ti a.. ka hrilh ta tawp che a ni" a ti a, a mittui a tling piau a.. ka ngei hman viau kha a ni a, mahse ka khawngaih rirru ta mah mah zawk a... "A nih tak chu.. A tha vek a lawm, hei ka hriatchhuah hmain i in puang ta bawk a" ka ti ve then a... "Min ngaidam dawn nia, ka nihna anglo taka lan ka tum avangin, Mahse hetia ka rawn kal hi Hmingpuii emaw U Jeremy bulah emaw sawilo la ka duh a ni.." a ti a.. "Engvang chuan nge ka ngaihdam na tur awm..engmah i ti sual hleinem.. engmah an hrelo ang" ka ti a, " Nia.. Nu leh pa ka nei tawhlo a, Ka Ni bulah ka awm thin a, Ka ni Pasal hian min khawih a tum thin a, Chuvang a heta chhuk ve tawp hi ka ni a... Engkim i la hre vek tho dawn a, ka sawi loh tur tur ka sawi ta em ka hrelo" a ti bah nak a, Kan han inhmim hnai deuh takah chuan Beer rim a nam tih ka hre thei ta a.. "A nih chu mawle, Engmah sawi tawhlo ang, Thian inkawm kan ni a, Boring deuh a awm i peihloh kha, kan leng chhuak daih dawn em ni?" ka ti ta a.. a mood ka off sak dawn tlata hriatna ka nei a, Hmeichhe tap hi ka buaipui thiam zawng a ni silo a, ka chetbuai ka hlau tlat a ni.. " Aaa ka hawn vat a tha ang, Eisiam ka ngai a, Hmingpuii dar 7 aha rawn haw ang a, Dar 9 ah U Jeremy an ei tur buatsaih sak ka ngai a..." a ti a.. " aww chumi hma chuan i haw dawn nia" ka ti tlat a.. kan inthlem fe hnuah kan chhuak dun ta nge nge a.. Lenna tur hre heklo kan teikual a, Bazar lian tak tak kan tlawh kual vel ta mai mai a.. Ka beisei ang ngeiin a hlim in nuam a ti hmel hle, a hma ang bawkin a ti ti leh ta siam siam a... Dar 5 rik dawnah kan inthen ta rih a..
A Ni pasal in khawih a tum thin a nih chuan a khawngaih thlak hle in ka hria.. A taksa himna turin a thiannu te awmpui ni turin Helai thleng thleng a kal a ngaih phah a ni a, ka khawngaih in ka lainat ru ta riau a, Ka lehkhazir pawh ka ngaihtuah thei meuh lo, Estheri hlim hmel, a tap tur insum hmel, a inpuanglai awki chhuak engkim a rawn lang zut zut a.. Hmeichhe duhawm tak chu a ni a, Mahse a vanduai viau bawk si, ka khawngaih ta em em a.. ka vei ngawih ngawih bawk a, Hmuh leh thuai thuai a, a hlimna tur ringawt ngaihtuah sak ka chak ta em em bawk a... Mahse chuti mai chuan ka pawh thei rih silo, Hmabak ko tak ka nei a, Ka chhungkua mai nilo, Mizo mipuite tan exam ka bei dawn a ni a, Changdang kan thei rih ka nilo tlat si a.. Rilru a kap run chung chuan ka awm ta rih a.. Ka bula a rawn kal hnuah a phone call ka dawng ta ngai miahlo a, Ka phone hmasa hreh khanglang bawk si.. Mahse phone call ka dawn changin amah a nih beisei takin ka en ta fo a, a lo ni ngai der silo, ka beidawng ru thei hle a..Be hmasatu nih erawh ka tum lemlo...
Day 3-... Ka exam chu ka beisei aiin ka chhang tha, Ka rilru tawngtaina rah liau liau niin ka hria.. Subject hmasa ber leh ka huphurh ber mai ah hetianga ka chhang tha a nih chuan ka inziak tling ve mai turah ka inngai deuh a..Ka thaw pawh a veng deuh huai nghe nghe.. Ka lo hrilh lawk tawh angin Jeremy chu ka bia a, an chenna lama len ka tum thu ka hrilh a, Leng mai nilova awm zui nghal turin min ti a, Mahse engemaw chhuan lam siamin ka hnar fithla thei hram a..
Tlai dar 7 dawn ah Jeremy min hrilh angin an chenna hmun ka pan ta a, An flat luah chu a nawm hmel hle mai, Main gate ah chu building a cheng nilo tan visitor registration bu ah inziah luh a ngai thlap a, Ka inziah luh fel hnuah an flat luah lamah chu ka pan ta a.. Doorbell ka hmet a, Rei vak lovah Estheri chuan kawng minlo hawn sak a.. "Awi U Kima chu teh hlawl che chuan" phawk hra chuan a lo ti a, "Zanriah ka rawn ei tur thu a hrilh lo che em ni?" ka ti a, "Mikhual kan nei dawn a rawn ti ringawt a, nangmah i nih leh nihloh lam engmah a sawilo, lo lut rawh, Hmingpuii pawh a rawn thleng tep tawh ang" a ti nghal sawt sawt a. An Flat luah chu a zam nuam duai duai hle, Jeremy hi Company pakhat ah Deputy Managing Director hna chelh mek a ni a, a thlakhat Income hi Nuaih chuang hret a ni awm e, High School kan kal dun a, College ah kal dunlo mah i la, Bangalore lamah In kan luah dun leh a, Kan inthian that dan hi nghet ve tawh tak a ni.. Khawlailung khawchhuak a ni a, a nu leh pa pawh chutah chuan an la awm nghe nghe.
"Tui nge i duh Thei tui?" Estheri chuan a ti a.. "Tuisik pangngai ka lo duh ang" ka ti a, rang takin tui min rawn lak a, "tikhan lo thu la, TV te kha lo en la, ei kan siam leh ang e" a ti sawt sawt a, "ka lopui ang che chu, eng hmeh nge i siam dawn a?, Baibing rim a nam chek chek lehnghal" tiin ka zui vat a, "Nia, Bai ka chhuang e ka ti a" " Bai i chhuang thiam a maw?" ka ti a, Choka chu a chep rikrek viau lehnghal, (Hnamdang ho hian Mizote angin Choka ah Chawei dawhkan leh thildang an dah ve ngailo tlangpui a, An ei rawngbawlna hi a hranpa in an pindang a, chep rikrek deuhin an dah thin.. ) a bai chhuan chu a nam cham cham a, "Baibing leh thali rah dangte ka bai pawlh a, a tirah chuan ka thiamlo lutuk a, U Jeremy min zirtir a, ka thiam chho ve mai a nih hi" a ti a, Sa kan niawm tak hi a chawk rak rak a, "Jeremy chu i tan a tangkai hle dawn a nih chu, Ka hnen atang zirchhuak a ni ve thung a" ka ti fiamthu a, Kan awmna a chep deuh bawk nen kan in nawk deuh salh salh reng a, a sen leh ap ap thin a,, "Nia, U Jeremy chu a fel ka ti khawp mai, Min hrethiam a, min ngaihsak bawk a, Pa ang maiin ka en thin" a ti a.. " Nia, Pa fel tak i nei a ni mai a lawm" ka ti ve leh a. Kan nui dun hawk hawk a, Chutihlai chuan Bell a rawn ri a, "Hmingpuii a ni nei ang?" a ti a, kawngka hawng tur chuan a kal nghal vat a, Kawngka chu a hawng a, Hmingpuii leh Jeremy chu an lo ding reng tawh a, "aw i lo thleng der tawh a ni maw? i van cher ve, i zir nasa lutuk a nia nge?" Jeremy chuan a rawn ti lut nghal a, "Nia, ka hman hma em a lawm, Estheri eisiam ka zirtir che i zirtir dan vel kan lo sawi a" ka ti fiamthu a, a nui huk a, "Kal rawh ka room lamah" a ti a, A room lam niawm takah chuan kan inzui lut a...
"Eng chen nge Estheri hi i hriat?" ka ti deuh teh tawl a, "Ka hriat dan chu a tam lutuk lo, A lainat awm tih bak, Ka nau in a chanchin min hrilh a, a rawn hruai thla tawh sa sa bawk a, ka ti a, ka lo awmtir ve ta mai a ni, a tan hna kan zawn sak ngial pawn kan hmu thei lo tlat thin a.." a ti a, "Engvang in maw?" ka ti vat a, "A Ni ten a document engmah an pe chhuak duh tlat lova a, a buaithlak khawp mai" a ti bung nghut a, "an va ho ve mawle, eng vanga phallo nge an nih a?" ka ti leh hram a, "ka hrelo, a Ni nen hian an inpawh lutuk biklo niin ka hria, Enge achhan chu ka hrelo, Nu leh pa a nei tawhlo a, a ni te bulah a khawsa tih bak ka hrelo" a ti leh a. Estherin ka bulah a sawi " Ka Ni Pasal in min khawih a tum thin a" a tih chu ka hrechhuak zawk a, Jeremy hian a hre velo nge? a hre reng zawk a, ka hriat ve a duhlo zawk ni ang? ka ti rilru a, ka sawi chuak duh ta bik lova. Kan thil In dun kan duhtawk ta bawk a, Dar 10 dawn ah zanriah ei turin kan chhuak ta a, An thian dun chuan Choka ah an lo awm a, anlo nui dun hawk hawk a. Kan hmel an hmuh hnuah Zanriah an buatsaih dun nghal vat a... Zan riah eikham rei vaklo ah Motorin ka thlenna ah min thlah ta thlap a..
DAY - 4.. ( Day 1,2,3 etc ka tarlan thin hi, He story nen a inzawm Ni hman dan chiah tarlan a ni a, A bak he story kaih hnawih lemlo ni hmanral ang chi chu tarlan a ni lemlo.. Ni indawt thliah thliah ang a ngaih loh tur tihna a ni e....Ziaktupa..) Zan riah ka ei atang a ni thumna ah Ka exam leh tur atan ka inbuatsaih malh malh laiin ka phone a rawn ri a, Estheri a lo ni a, " Aw..enge ni ta?" ka ti liam puat a, "Ka tibuai che em?" inthlahrun hmel deuh chuan a rawn ti a, "tibuai hranlo e, enge nita?" ka ti leh a " Lo len ka chak deuh a, i reh lutuk a, Mahse i inbuatsaih a nih chuan a ngai chuanglo" a ti leh mai a, "Ee i duh a thu a ni mai, lo leng rawh, min tibuai awkawng love" ka ti a, "Nia.. ka inthlahrung deuh a, Mahse I ngaihawm ve bawk sia" a ti a, a nui hak hak a.. "Lo leng rawh, Chhun thingpui ka lo show ang che" ka ti a.. Lokal tur chuan a inti felta a..
A Kawrfual par sin te te hak, khup khuh awrh chu a inhmeh reuh phian a, a chawn nalh zet mai leh var haih mai chu en a ti nuam viau mai, Chapal kaih pan thlar, savun uk buang lam deuh a bun a, a kawrvual kawng chu pawhchuar an tih ang hi a ni a, darbah mai a ni bawk, A sam chu a ngai ang bawkin a thlah a, a tukhum phek lutuk silo nalh tawk leka phek nen chuan a hair style chu a inhmeh hle.. A sam rawng kha dum deuh hlap ni khan ka hria a, Tunah chuan ni thlar zawng deuh phei chuan a hring lam rawng a pawl deuh niin ka hria, a then lai lai ah a eng a in kap zeuh zeuh bawk a, A inhmeh vel vek ni maiin ka hria. He nula hi mak tihna deuh ka neih chu a chezia engkim mai hi a lerh hmelin a zei vel hai reng nangin a hmui, mit leh hmai velah engmah uchuak taka inbel a nei ngai hauhlo thung hi a ni. A hmui chu a sen ham nangin lipstick vang a sen a nilo a, a hmai pawh a mam paw phak nangin powder a bel ngailo niin a hriat a, a mawm deuh hlap nangin a inhmeh zawk mah mah a, a mithmul pawh engmah hnawih kai chuanglo chuan a dum hlap a, a inhmeh em emtho a, engemaw kawng zawng tak chuan a hmuh nuam in a ngaihsan awm ru reuh phian a ni.
"Enge i tih reng reng a, i va hman awm ve?" ka ti a.. "Nia, Chhun lamah hian ka awl mah mah thin, Inchhung ka tifai a, ka insu a, Bill pek ngai ka pe pah bawk a, Chumi vang chuan rawn len hi a remchang ve em a" a ti a, ka in siam mawlh mawlh a, "Khawilai hmunah nge chhun chaw chu ei i duh a?" ka ti a, "I tih tihna a ni mai, KFC ah...eh ka fiamthu a nih kha" a ti zui vat a, "Helai hnaiah KFC a awm em ni?" ka ti vat a, "mmmm... hla vaklo e, Km 1/2 vel lekah sawn a awm, Cricket Ground saw i hria em? sawmi bulah sawn" a ti a, Ka insiam zo ta bawk a, Kan inzui chhuak dun ta nghal a... "ka fiamthu mai mai a nih kha, I tihna na a ni mai" a ti a, a i thlahrung tih ka hre thiam mai a, "I sawi danah i chak tih ka hria" ka ti lui tlat a, "Ke in kal ang aw" a ti a, Ke in nisa hnuai ah chuan kan kal dun ta hnak hnak a.
Kan duhtawk a kan i thunpuar hnuah lenna tur dang hre heklo Ka thlenna lam pan bawk chuan kan kal dun leh a, " an nei tui khawp mai, i puar tak tak maw?" ka ti a, "Puar tak tak e, a nuam ve reuh lutuk, an polite si a, an lun thei lutuk a, Mahse Hmun 6 vel laiah an awm tawh a, an kiam deuh a nih kha" a ti ve mai a.. "I kal tawh thin em ni?" ka ti deuh kher a, "awws... Ka Piancham min lawmsak thin a lawm, U Jeremy an, mi hruai thin a" a ti niah niah a, "U Jeremya hi i ti deuh reng a, aduat awm ngawt chein ka hria" ka ti a, a nui hak a, min chhan hma chuan khawpui ri a, khaw dur pawh awm hauh lo chuan ruah arawn tla ta thut a, a sur hnem phian lehnghal.. International Hotel chu Pen 50 vel lekah a awm tawh bawk nen "tlan ang" ka ti a, a kutah ka dawm a, kan tlan dun ta hlawk hlawk a, ruah lah chu a sur duh buan buan viau lehnghal, a bagte ah chu a khai dar dar bawk a.. Hotel kan thleng chu kan nui hawk hawk a, Chhotu chuan minlo nui hawk hawk bawk a, "In huh vek a lawm, Madam" a lo ti a, ka room lamah kan inzui chho a, Towel chu ka pe a, Reivaklo ah Cbhotu chuan kawngka a rawn kik a, "enge nita?" tiin ka va chhawn a, "Hei Madam ta tur" tiin Bual kawr var sar mai sukfai tih hriat zet hi a rawn chawi a, "I van fel tak Naupangte" tiin a biang ah a chuk zauh a, "Hey, tinge khatia i tih a, athianglo a sin" lung nilo hmel deuh chuan a thle ngat a, "Engvang chuan maw?" ka lo ti vat a, "awww... naupang chimawm" tih pahin a biang a dawh thlek deuh ha lam ah chuan a chuk leh zauh a, nui hak hak pah chuan " i ba i tlak ta e, a thiang leh tawh si" tiin Vai naupang uang ve deuh Chhotu chu a chhuak zui ta nghal a, "In infiam thang tawh a ni maw?" ka ti a, an infiam tawh thin dan a nih thu min hrilh a.. "Kha inhru hul ve rawh, Ka inthlak lawk mai dawn, ka kawr a huh vek si" tih leh bathroom a luh a rual nghal a.. A chhung lamah a kalh ri rak bawk a..
A Bualkawr var hak chu a chhing deuh mah mah em aw tih tur a ni, a malte mum var nalh zet mai chu a lang deuh haih phak a, a sam huh chu a thing that that a, Kei chu Paijama pan lam deuh leh tawnzau dum in ka inthlak tawh a.. "Beer in a chakawm hle mai, i duh ve em?" ka ti a, Ka en reng chuan min hmuh ka hlau deuh bawk nen tul ti vaklo chuan Tukver chu ka nam hawng ringawt a.. "i phal te chuan, Gin law law in zawk i la!" a ti ta then a, "oh.. i duh ve..awh i in ve thei em ni?" ka ti bah nuk a, "ka tive zauh zauh U Jere" a tih lai chuan ka lo sawipui a, "i van sual tak" a ti , a nui hak hak a, "U Jeremy hi i ti reng a, ka lo ringlawk deuh vang mai mai a nih kha" ka ti a.. Phone chuan kan in tir chu ka chah zui ta nghal a. No dawm dun pahin khumah kan thu dun a, bawp khawkherin a thu a, Khum lu lam ah kan thu dun a, Bang ngheng pah ar ar a, a bulah ka thu a Laptop ka khal pah a, a ti ti siam siam reng bawk a. A mal var mum nalh zet chu ka mitsir leh ralh ralh thin a.. "Kei chu hna hmuh ve hi ka chak lutuk, hetia an chawm nih reng hi ka duh tawhlo, ka zak deuh thin, engtin pawn awm i la min hau ngai lova, Min duat sauh emaw tih tur a ni a.. Hmanni ka hawng chho te pawh kha min rawn chah nasa lutuk a Chhuk tum tawhlo ka chhuk leh phah ringawt a lawm..." a ti a.. Ka laptop chu ka khawih pah zel a.
"Jeremy khan a sawi a, I Ni ten I document an pek phalloh thu che min hrilh a?" ka ti a, "Nia.. Ka Ni in hmun danga awm a phallo pawh a nilo, Ka Pa Rema zawk khian a phallo a, a chhan pawh min beisei ruk vang niin ka hria... Ka Ni bulah ka sawi hreh bawk si,.. Kei aiin a pasal chu a ring zawk dawn tih ka hrechiang em bawk a ni... Ka nu leh pa an boral hlim khan Kum 11 mi lek ka la ni a, Tuna kan awmna khi kan In tak zawk a ni a, Ka Nite hi kan Inhnuai luah an ni.. Ka nu kha natlawk pawh awmlo in a boral thut a, Ka pa erawh chu Cancer in a boral thung. Ka pa Cancer kan hriat tirah ka nu khan a tuar lutuk a, engmah a ei theilova a BP hniam Thih pui niin a sawi... Ka Nu leh pa damlai chuan min duat em em a, Ka ni leh ka pa Rema pawn min duat, Mahse an boral hnuah an danglam vek mawle..." a ti a, a aw a khur deuh dar dar a... "Ka Pa Rema nau fanu Lawmzuali keimah rualpui nen kan inkawm thin a, Ngaihzawng a neih reng rengin ka ngaihzawng ang zelin a sawi thin a.. Darlawn khua niin kan bulah a awm thin a... Keiin an hau ka hlau si a, ka zeppui na lamah keimah zawk min ring hlel ta thin a... Lawmzuali vang chuan ka ni pawn kut min thlak ta nghe nghe a.. " a in pet ruh a, a mittui a biang ah a luang ngiai ngiai a... "Zan khat chu Ka Ni Camping luh hlanin Ka pa Rema zu rui chuan min sual ta vak a, Kum 18 mi ka ni ve tawh..." a sawi zawm theilo, a tap ta hawk a. Ka Laptop chu chhuatah ka nghat a, A tap men par chu a darah ka va kuah a, "Chutiang nunhlui chu sawi tawh suh, a ho lutuk ka ngaithla peih lo.." ka ti a... Ka darah a rawn bei a, a insut hraih hraih a..
"Mipa tumah ka ring ngam talo hrim hrim a, Ngaihzawng neih pawh ka ngamlo reng a, Khawi hmunah pawh hlauhthawnna in ka khat a ni ber mai.. Hmingpuii nen kan intawn takah chuan a ni a tawngduh engmah a ngai serious ngai lo hlauh bawk nen ka nun khawhar tak chu ka thlak danglam ta hret hret a... Ka damchhung a Mipa ka kawp hmasakna ber pawh amah Hmingpuii vang hi a ni nghe nghe.. Mahse Chupa chu ka ngaizawng tak tak theilo, ka vei ngai bawk heklo, Ngaihzawng neih chu holam ka ti ta viau a...A tawpah ka duhthusam mipa chu ka hmu ve ta hram a.." a ti thawp sep sep a,. "a ho e mai, sawi tawh suh, Kan thlalak hi en zawk ang" ka ti a, Laptop chhuat a ka dah chu ka la a, Gallery ka hawng a, Ka Thlalak Backup ho chu ka entir ta hlawm a... A hlim chho leh hret hret tawh a, nuihzatthlak a tih deuhte chu a nuih hawk hawk a.. Chutia kan en dun reng lai chuan "U Kim... Ngaihzawng i nei em?" min ti teh tawp a... "Engvang chuan nge chu chu min zawh?" ka ti let ve a "Ka zawt mai mai che.." a ti leh then a.. Thlalak kan en zo a, Movie en ka rawt a, Drama lam kan en dun ta zawk a.. Chutia flim kan en dauh dauh lai chuan "Duh deuh nei ta la, a rukin ngaizawng ta em em la, Chumi chuan i duh zia hre silo se engtin nge i tih ang? " a rawn ti chhuak leh phawng roh a.. "Eee.. Ka duh thu ka hrilh hmiah mai ang?" ka ti a.. a nui sak a, "Lo duhlo ta che emaw? Kawplai lo neita se?" a ti leh a,.. "Ka hrelo, Ngai kan awh tihna a ni mai a lawm" ka ti then a... a nui hak hak ... "A nih Ngaihzawng chu i nei em?"...min ti nawn leh ngat a.. "Neilo.. enge min zawh ve ziah a..?" ka ti a.. Ka en deuh kher a, Hmai insi deuh thaw chuan kan In en a... a meng de ser ser ni maiin ka hria... a thil in vang nge ka hrelo a biang chu tai sen hlar a, a mitmeng chu fiah zet si chuan a engemaw ti ser mai bawk a... chutah richhuak manglo chuan "U Kim ka mipa duh ber chu nangmah hi i ni a sin" a ti thawp ta sap a...
Day-5... Ka Subject Exam tawpna ber ka zawh ni a ni a, Khami ni a kan awmdun atang khan Estheri zun chuan min phuar khawng tlat a ni ber tawh a.. Ka zirlai lamah min puitu ah a tang hlauh zawk lehnghal.. Achhan pawh 'Estheri khawngaihthlak lutuk tak tan he ka exam hi ka tlin ngei a ngai a ni" ka ti fan a, Chu chuan phurna nasa tak min siam a.. Ka zirlai min tihbahlah a hlauh vangin min be tha ngam vaklo niin a sawi a.. Zan lam ah min be chak viau mahse min be ngam ngailo hrim hrim a.. Mahse Chhun chawfak hunlai vel chuan min be ngei ngei thung.. Kei ai mahin min ngaihven zawk a niang, "Ka ngai lutuk che" tih hi Msg ka dawng zing malh malh thin hle... Phur takin Exam ka pe zo chu Ka thlenna Hotel bill te ti felin Jeremy a flat luah lamah Written result nghak pah tura in suan luh ka tum ta a... Ka phur sersawrh tawh hle mai.. Ka hunpum mai chu Estheri bulah ka hmang tawh dawn tih ka hria a.. ka helhhawlh lo chauh a ni ber.... Kei aiin amah Estheri chuan a helhawlh zawk in a nghakhlel zawk a.. "I rawn chhuak tawh em..?" tih ringawt in vawi engemaw zat min rawn call tawh nghe nghe.. Mahse kan phur em em rualin fimkhur em em ngai a awm tlat a, Chu chu Hmingpuii leh Jeremy hriat ah Inngaizawng anga lan loh hram hram chu a ni... Kei chuan pawi ka tilo a, Mahse amah Estheri zawk chuan an thian inkarah boruak a chhiat phah zawk a hlauh thawn thu minhrilh vangin zep a ngai rih a ni.. ENGE achhan a sawi duhlo nangin ka rin rilruk danah Hmingpuii chuan keimah min beisei emaw? Min ngaizawng ru emaw a nih ka ring deuh a.. hrehawm ti tak chunga kan insum a ngai dawn tihna a ni...
"E kha i rawn invawm lut ve ta maw? Khawiah nge Estheri?" Hmingpuii chuan a rawn ti lut nghal sawt sawt a, "A inbual niin ka hria, Pawisa ka nei tawh si lova, ka rawn fin ve rawih che u a nih hi" ka ti awlsam et a, "a tir atang khan rawn luh nghal tur reng che a lawm..." a ti a.. Room ah min luh san zui nghal a... Jeremy a rawn haw a, Nula lam in ei an peih tawh bawk a, Kan No dawm dun pah ti ti pawh kan duhtawk ta nge nge a.. Zanriah kan kil ho lai chuan Jeremy chuan "Thianpa, I inziak tling a nih chuan Interview lamah chuan ka huphurh pui hauhlo che, Mizopa IAS kan neihlohna a rei tawh bawk a, tling ngei theila ka duhsak khawp mai che" a rawn ti chhuak ta pek a... Ka tlin lehloh ka hlauh em vangin ka sawi chhuak duh ngailo a, Ka lo zep rei tawh nen a rawn chawk buai ta vek a.. "Awii IAS ni thut thei Mikhual kan nei a ni maw?" Estheri chuan a lo ti vat a, "Nia, Chawhmeh tui deuh deuh i siam sak ngei a ngai ang" Jeremy chuan a lo ti fiamthu bawk a, " Ka siamsak tui sa reng a lawm, Kawr nge min lei ang, Kekawr aw" Estheri chuan a ti ve zat a, "Kei chu Thi ka duh" Hmingpuii chuan a lo ti ve bawk a.. "Ka tlinglo leh si ang a, In duhthusam a bo duak dawn tihna a ni mai" ka lo ti et a.. Kan nui ham ham reng a. Chawei dawhkan chu Lian lutuk lo Rectrangle shape niin Mipa leh hmeichhia kan in ep chiah a, ka zawn takah chuan Estheri a thu a, Langlo lamah kan ke in kan intlawh neuh neuh pah reng a, "Taka, Thianpa I pa khan eng department nge a chan tak kha, Hmanni khan Minister hna chanpual an siksawi takah khan a department chan an tidanglam deuh tlat in ka hria" a rawn ti leh pek a.. Tullo tak tak a min puang reng mai chu ka ning kher mai, a sawi takah chuan sawi loh theihloh a ni bawk si, "Nia, a ngai 4 bakah 2 dang a chan belh leh a, PWD leh Treasury a chan belh dawn a nih hmel.. " ka ti ve ta hram a.. "Awii I pa Minister a ni maw?" Hmingpuii chuan a tinghal zat a, "An tive chu a nih kha maw?" ka ti ve mai a, Ka pa nihna hi sawilan ka duh vak ngailo, hresa ten an sawi a nih chuan ka e aw liam mai a, Keimah hi chuan sawi chhuak ngailo hrim hrim.. "Minister satliah a ni nang, CM a lawm a nih" Jeremy chuan a ti leh a, "Pu Lal Beiseia i pa maw..?" an ti rual thawih a.. Kan nui ham ham a... " awii i mak e... Khawlailung khua ang in i insawi a, Mizoram House pawh i chuh lui dub lova, Hotel International mahse International miah lo ah i thleng tlat bawk a, I van inzep thei tak" Estheri chuan a ti a, Ka nghal ah a chhuih pah zauh bawk a.. Kan nui leh ham ham a.. Hlim tak chuan Zanriah kan kil ho ta a..
Ka muhil chu ka harh hlawl a, Ka zun chhuak in min kaitho ve reng reng bawk a.. Ka bula mu Jeremy chu a lo awm hauh lo mai a, Ka sana ka en vat a, Dar 2:00 zinglam chauh a lo la ni a, Peihlo deuh chuan ka tho a, Kan mutna room kawngka chu a in hawng kau deuh a, ngaiven lemlo chuan ka kalpel mai a, Toilet ah ka inthiar a.. Ka chhuak leh chuan eng emaw phe vuaih hi ka hmu a, ka ngaihtha lo deuh chuan Kawngka chu ka nam hawng deuh kher a, Choka lam emaw ah chuan eng a awm avangin ka en duh deuh kher a, Single khuma mu kan ni a, Chep a tih vangin Siting room sofa ah Jeremy chu a mu a nih ka ring deuh a. Mahse ka thil va hmuh chuan min ti phu chiang kher mai....Ka rin lawk ang ngeiin Sittimg room sofa ah chuan Jeremy chu a lo mu ngei mai a, mahse amah chauhin a nilo tlat mai, Estheri chu a lo pawt mek a, Estheri chu nasa vaklo chuan a lo tang bawk a, Ka awmna lai chu hnung lam min chhawn avangin min hmulo ve ve a, an tawng ser ser ri ka hria a "A chi loh, hetia awm hi ka duhlo ka tih kha, Hmingpuii pawh a zahawm lutuk a nia, Khawngaih in U Jeremy min ti lui tawh suh" Estheri chuan a ti a, "Enge.. Ka hmangaih che a, ka nupui ni turin ka duh che a, tupawn hriase enge a pawina...?" Jeremy chuan a ti ve a.. "Ka hria a lawm, Mahse Nupa nih hma chu hetiang a awm hi a tha hleinem?" "I ti ve ziah... Kan laklawh tawh tho a lawm"... "Aih..khabak chu a theih tawhlo... Hetia kan awm mai mai hi atawk... a hrim hrim in ka u angin ka en che a... " a ti hman chauh a.. "Ka nupui tur i ni dawn a lawm, Min duhlo em ni?" Jeremy chuan a lo ti vat a... "Nilo, ka duhlo pawh ka ti lo.. Mikhual an awm bawk si... Ka mu dawn" a kut a dawmlai chu a phelh sak a, an room ( kan mutna room lo lam zawk ) pan chuan a kal ta dan dan a.. Jeremy chuan a umzui vat a, a pawt ding a.. a fawp zui ta nghal a...
Ka bing deuh mup ni berin ka hria.. ka thil hmuh chu ka beisei leh ka duhdan ni miahlo a ni tlat mai... Ka hmeichhe khawngaih leh lainat ngawih ngawih.. Ka rilru zawng zawng ka pek thlap tawh, ka engkim a engkim ni tura ka lo suangtuah.. a hunkal tawh ka theihnghilh sak fel diam tawh leh Ka thianpa, Unaupa ang maia ka ngaihte lo awmdan chuan min ti na ngei mai, Engvang kher kher nge he nu lakah hian ka lo inpek pumhlum hman le, Engtinnge ka rin ngam nawn leh ni le? Thlakhat em pawh ka la hriat chianloh hmeichhia, kan intawn hmasakna ber a dawt min hrilh tu, Ka lak atanga beisei a neih vang chauh a khawngaih thla la tura ka hmaa inlan, Mahse ka hnung lama min nuih ri tu hi engvangin nge ka lo lainat a, ka lo hmangaih hman pek le... Ka insum hram hram a.. Ka tim sung sung ni maiin ka hria... Jeremy a rawn let ka hmu a, room ah ka lut vat a, Khumah chuan phurlo zet chuan ka mu ta a... Ka bula a rawn mut laite chuan hrelo ang maiin ka lo awm a.. Mahse chhin khat mah ka chhing leh ta reng reng lova.. Keimah ka inhuatn leh a laka ka lungawilohna chuan ka mut a ti chhuak lo, Ka Thianpa kawppui tur ka mutpui reng tawh a ni tih ka hriat phei chuan ka zak ngawih ngawih a.. Estheri chu ka ten hliah hliah tawh a ni ber.. A Ni Pasal in a beisei pawh awm ka ti hliah hliah tawh a, ka hnena a thusawi engkim ka awihlo sak vek tawh bawk a.. Ka rilru ka siam fel a, Kalsan mai turin ka rilru ka siam fel ta nghal a...
Day-6.. Thlawhna tumhmun ah ka awm a, Jeremy a ka bulah hna a kal mai thei tawh tura in duang zaih chungin a awm bawk a.. Kan tawngtam lo duh kher mai... Ka rilru ka thlak thut a, Mizoram lama haw ka duh thut a, a lungawilo tih pawh ka hria.. Mahse ka kalsan mai a tul takzet a ni.. Ka kalsan loh chuan ka insum zo lo ang a, kan mualpho nasa lutuk palh ang tih ka hlau em a tin ni...
"Thianpa...I rawn chhuk leh hunah min rawn thlenchilh leh ngei tur a ni, engtia kar leh mai a result chhuak tur nghah tum si, zan khat thilthu a i rilru i thlak thut le?..". a ti niah niah a.. "Ka nu duhdan zawk a ni tlat mai, Ka awm mai mai laia ka Pu a boral hlauh chuan ka inthiam lo dawn em a sin" tiin dawt ka phuah chawp ve ngawt a... Ringlo bik lo le, lung ni vaklo chuan kan inthlah chu a ni ta reng a... Kan chhuah a hun dawn a.. Kan inchibai fel hnuah a ni pawh a kal sawn ta a.. Ka phone a vibrate a, ka en a.. Estheri Msg a lo ni a.. en loh ka tum zet nangin ka en ta zawk a...
"U Kim, tinge i haw thut a, I tello chuan Ni 1 lek pawh ka khua a har hman thin a ni a.. Ka bulah i rawn awm tur ka lawm hman tawh vei nen... Hawnglo mai rawh" tih a lo ni a.. Ka phone chu ka paih thuai lo chauh a.. Mahse engmah sawilo a ka kalsan chuan a thiltih tenawm tak leh min bum nasat em vang a ka thinurna a hrelo tur chu ka duh bik lova.. tihian ka chhang let ta a...
" Kei hian engtin nge ka rin nawn leh theih zawk che le, Tukin zing dar 2 bawr chho a Sitting room a in awmdan zawng zawng kha ka hmu in ka hre vek a sin.. In hlim a, in lawm dun zawk theih nan leh Ka thianpa rilru ka tih natloh zawk na tur chuan hetia ka tih mai hi a tha ber... Hlim taka in awm theih nan.. Kei chu ka KIANG MAI NANG E" tiin.. delivery report ka nghak te te a... a hmu chiangta tih ah ka phone ka hawng a, Sim card ka phawrh a.. ka ulh tliak a, Dustbin bawlhlawh thuai sawm vek thei ah ka vawm lut a.. Thlawhna chhung a lut turin ka kal zui ta nghal a...


"Aw.. ka nu ka resualt kha in la hrelo ang tiraw..? ka tling ve hlauh e"
"a van lawmawm ve, Pathian hnenah lawmthu sawi rawh khai, keini pawn kan lo sawi dawn nia"
"Nia.. Ka hrereng e, Ka pa khan min be duhlo nge, ka phone a chhang thei tlat lo mai"
"Oh.. Cabinet meeting a nei mek a, Pu Zuala be mai teh, an ngahhlelh nasat kha"
"awle...Ka hmangiah che ka nu"
"Keini pawn kan hmangaih che. Mama"
Ka thaw huai a, Ka pa chuan Politik lama min hnuh luh a duh ber a, Keiin Service lam ka awn a, ka duhna min zah sakin tun hi ka thleng ta a ni a, Ka chunga Pathian that zia ka hriat in ka lawm hle.. Ka Pu atang reng a Politician chhungkua kan ni a, Ka pu Party din hmangin zoram ah ro kan rel a ni ber, Mahse kei pek hian ka luhchilh ve chak lo tlat pek a, Chu chu ka pa nen kan inkara khi siamtu a ni pakhat a, Fapa pakhat a nei a, Chu a fapa chuan a hnung zui lovin, a kal ngailohna kawng ka zawh lui ve tlat mai a, Min support lo hle emaw ka tih laiin ka chanchin a lo ngaihven ru ve reng tih ka hriat chuan ka hlim rilru ve hle mai.. Ka pa hi Pathian ang deuh thawin ka zah a, tul fet ah lo chuan ka be mai mai ngailo, a ni lah Politik vangin ka tan hun a nei hman meuhlo bawk a, Pafa inkawm bawrh bawrh chu kan nilo chiang khawp..Ka leikan deuh dek atangin Vairampur ah min dah a, Ka nu leh ka Ni ten min rawn tlawh thin a, ka pa erawh min rawn tlawh khat thin viau thung. Chutiang chu ka pa nen kan inkar a ni a, Ka result a ngaihven tih ka hriat a ka lawm pawh awmlo in ti bik lo in ka ring.
"Aw.. Ka pa"..." I call ka lo miss a, In result ka lo hria a, Min hrilh i tum laia ka be hmanlo che a min hrethiam dawn nia" a aw dam dup mai chuan a rawn ti a, "Nia...ka" ka ti hman chauh a "Ka lawmpui lutuk che, Min hrethiam la Cabinet meeting kan nei mek a, chawlh zawk chhungin ka rawn bia che a ni e, Ka hmangaih che" a ti nghal zung zung a, Phone chu a dah ta daih a... Cabinet meeting an neih lai meuha min rawn call back chu ka lawmna tizualttu pakhat ve a ni awm e.. Ka phur sawt a, Ka hna hmuh tur chu ka pa chuan min tuipui ve ta niin ka hria a ka lawm takzet a ni.... Ka pa nen kan inbiak hnu rei vaklo ah Minister leh Ka pa party workers hrawl pui pui hnen atangin SMS ka dawng ta mawlh mawlh a, Chhiar sen pawh a ni lo...
"Mr.Jeremy a biak theih em?" Khualchhawn nula Phone lo chhangtu hnenah chuan ka ti a, "Aw.. Mahse Sir, kan pu chu meeting a nei laklawh a, engemaw thupawimawh bik a nih hran loh chuan a hman hunah i rawn be leh mai dawn em niang" nula chuan a lo ti leh a, "awle..Engtik hun velah nge niang" ka ti hman chauh a.. "Sir, hei i phone call a rawn kal a, i belawk hman em?" nula chuan a ti ri ka hria a, "Tunge? khawi atanga call rawnkal nge?" Jeremy aw chuan a ti a, ka nui suk a, Pa zaidam dup mai chutia a tawng ve khur khur chu ka nuih a za rilru hle... "Hello, Jeremy ka ni e" tiin phone a rawn chhang a, "MD zahawm Kima ka nia, i biak hman meuh maw?" Mizotawng chuan ka ti a, "Nangmah maw? i thlawk bo ta vang vang emaw ka tia lawm, I kal hnu khan biak theih i ni ta silo a, Enge Result lamte?" phur hmel deuh chuan a rawn ti a, "Hei ka vannei ve chu a nia, chumi thu hrilh che chu ka rawn tum a?" ka ti a, "Ka van lawm tak, Pathian hnenah lawmthu awmrawh se.. Thianpa i hlawhtling ta e" a rawn ti nghal chul a..Kan ri nghal bawrh bawrh a... "Tunah khawiah nge i awm?" "Goa-ah, Naktuk ah ka rawn thlawk chho ang, Thil tihfel ngai a awm nual a, Chumi hnuah Mizoram lamah ka haw nghal ang" "enge Goa lam lam ah, Mizoram ah i chho dawn emaw ka ti a?" "nia.. ka thlawhna kha an hruaikawi a niang helam ah min thlen ta daih a nih hi" " i van khawlo tak, naktuk ah Dar engzat ah nge i rawn tum ang" "Ka chang hma lemlo a, Dar 6 ah chuan ka rawn thleng mai awm a sin" " Zanriah ka lo buatsaih dawn che em ni?" "a ngailo.. Hmun dangah min belawk an awm tawh tlat, ka rawn be zawk ang che" "awle.. Meeting kan nei a, kan la inbe leh dawn nia" "awle..".
Naktuk ah Delhi ah ka kir leh dawn a ni a, Kar 2 liamta a thil thleng engkim kha thlenglo ang maia awm theih hram hram ka tum a tul hle dawn a ni. Kha hmeichhia ka rilru min tihnat sak em em tu kha hmuh loh hram ka duh a, Chumi tur chuan ka thianpa ngei pawh ka tlawh loh a tul tlat a ni.. Jeremy nen kan inbiak zawh chuan ka mitthla ah Estheri nui lai hmel leh khami zan a an awmdan kha a rawn lang uarh uarh a, Ka thin a rim thar leh teuh a, "Enge maw khatiang mihring kha ka lo rin leh theih nghal mai le, Dawt min hrilh a, a hnuah ka khawngaih beiseiin a mittui a ti tla a, Chumai piah lamah Min mutpui a, ka thianpa nen an inkawp lai rengin tinge min mutpui a ngam zawk le.. Khang vel vang khan em ni an In ah engmah tilang lo hram tura min ngen chiam nachhan chu ni ang? a fing ka tiin tluklo ka inti rilru hle.. "Mama, Broken Family atang a chhuak reng reng kawm dan thiam a tul a nia, Dai tleu tawh laklawh chuan an bula awm engpawh hmangin mi an kuai her an kuai her a, an tichhe leh thin..A kal dik laklawh te erawh an huntawn ang zelin zahawm taka lan theihna turin an rinawm tlur thin" tia ka nu min hrilh chu ka hrechhuak uai uai a.. A hmasa zawk dinhmun a ding nula lakah kei I.A.S meuh inziak tling thei hi ka mualpho lo chauh a lo ni..
Engkim ka hrilh lawk vek avangin ka International Hotel lam pan chuan Auto in ka kal leh vang vang a, Chhotu a pawh a lo la pangngai reng, a uang ve em em mai bawk a, Kan ri nghal bawrh bawrh a.. ka room lam pan chuan ka zin bag akin a kal chan chan a, "Sirjee... Madam Estheri kha a rawn kal fo a sin, i rawn thlen leh hun hun ah kan hrilh vat a phut a, Bag ka dah sak hunah che ka hrilh hre dawn nia" Chhotu chuan a ti barh barh a.. "aih.. Ngailo, thil dang vanga rawn kal leh ka ni a, ka hmu hman rihlo" ka ti deuh hmak a, "a nih chuan pawilo.." a ti liam ve puat a, "Enteh Chhotu i pu pawh hrilh la ka rawn kal a, hetah hian ka awmlo hrim hrim tih in hre ve ve dawn nia" ka ti leh khalh a, Nui deuh nang chung chuan a lu lian deuh chu a thle bak a... Tips pek ka tum a, a ngaite ang bawkin a la duhlo leh ta pek a... A kal liam hnu chuan Estheri nen kan zal dunna khum chu ka thlir reng a, Ka thin a rim leh nghal ut ut a, hetiang reng ka nih chuan ka insum zolo mai ang tih ka hlau rilru deuh hial a.. Engkim tihfel vat a Mizoram lama thlawh haw vat thain ka hre ta ber. Ka inbual fai a, Zu tak khel khawl in ka tlak pap pap a, Dar 8 a rik meuh chuan ka muthlu ta lup lup a..
"Orissa ah Deputy Commissoner in i awm dawn a nih chu" Ka pa chuan a rawn ti a, "E he.. Junior mai ka ni a, Chutia State lian lutuk a District Pakhat hotupa nih chu ka va phulo ve?" ka ti ve vat a, "Nia, In vanei khawp mai, District pek thar ah a ni nghe nghe.." ka pa chuan a rawn ti leh a, Kan inbiak lai chuan call ka dawng mawlh mawlh reng a, Waiting tih hre reng chunga min call a tum talh chu ka haw rilru hle.. "Ka pa min hrethiam la, hei Call ka dawng malh malh mai, min mamawh viau a niang kachhanh lawk mai dawn em ni?" ka ti ta nge nge a... "Ni rawhse, i thian tuemaw in lawmpuina che hlan a tum a ni lo maw?" a ti a, Kan inbiakna chu kan titawp zui ta nghal a.. Chu number chu ka hriat ngai pawh a nilo lehnghal a..
"aw.. enge nita?"
"Keimah"
Ka aw hriat thin chu a ni ngei mai, Mahse ka hre mai thei lova, "Nangmah chu lawm ka hriat loh" ka ti bul nghut a, " Esi" a ti a, ka dah nghal hmak dawn em ni aw ka ti hman a, Mahse ni emin ka hrelo a "enge ni ta a?" ka ti vel ta mai mai a, "i tlin avangin ka lawmpui a che" a ti a, a aw chu a zawi thawp sat bawk a, "I van induh ve? tinge engmah hrechiang lova i kal daih" a rawn ti a, a aw chhuak ah chuan a tap ni ngeiin ka hria, "Engmah sawi ka duhlo, khatiang lam hawi kha, enge i sawi duh tak chu sawi teh" ka ti lui tlat a, "Sawi tur chu ka ngah mai, vawi 1 chiah hun minpe leh la, tahchuan engkim ka hrilh ang che" a rawn ti leh hram a.. "hmm engmah sawitur ka hre tawhlo, Ka hrechiang tawk viau tawh che" ka ti a, a reh vang vang a... "U Kim pawi ka ti khawp mai, ka tihpalh a ni, be lo tawp tur che ka ni a sin mawle.." a ti a, tawng a harsat hmel hle, "Nia.. engtin nge ka number i hriat theih zawk a?" ka ti a "mamawh ber te chu neih ngei kan duh vek a, kan zawng chamchi a lawm, Hun i neih vak loh chuan kan duhtawk rih mai dawn mi? Ka lawmpui lutuk che a nia aw" a ti leh hram a, Phone chu a dah ve hmak a.
A aw meuh ka hriat leh tak ah chuan engemaw ti riau in keimahah a thawk a, han hmuh leh chakna riau ka nei a, hmuh ka duh tawh bawk silo, Nilengin ka vei deuh tlut a ni ber mai... Ka hna thar ka zawm a, ka hun hman dan a danglam deuh hunah ka theihghilh mai theih ka ring a.. Engmah a thleng nawn tawh tur a nilo tih chu ka thutlukna a ni bur mai a ni.
Orissa ah ka hna thar zawmin ka awm a, tihtur a tam malh malh hle mai, District thar an nih avangin engkim mai ruahman fel ngai tak vek ani a. Security system, Medical system E-Govt etc engkim mai chu siam danglam a tih thar ngai a awm hem khawp mai. Chung ka hnathawh te avang chuan karlo ah hun ka khawhral zung zung a, Estheri emaw midang tumah ka hre chang tawhlo a ni ber mai. ka hnathawh chu ka nuam tih chi tak a ni a, Huaisen ngai em em dan leh hrai engkim hnehsawh tak leh dik taka thawh ka tum bawk nen ka buai rap rap khawp mai. Complain hrang hrang zirchian a nih hnuah solve dan tur ngaihtuah a ngai bawk nen hna hautak tak zawng a ni chiang hle.. Chutiang a ka buai tak map map ah chuan Kum a vei dawn ta reng mai.. Kum lamah naupang chhia chu ni tawhlo mah i la, Upa lutuk chu ka ni chuang lova. Tlangval hnahkhat DC meuh ni chu beiseitu Mizo leh zo lo lakah pawh ka hmu thei phian a, Chung te chuan keimahah phurna engmah an pe chhuak zo chuang lo, ka awm ngaiin ka awm miah miah mai thin..
Nikhat chu Office a hna ka thawh mawlh mawlh laiin ka P.A a rawn lut a "Sir tuemaw in a hmu duh che a, In hnampui a ni awm e" a rawn ti a, "Oh. Mipa nge hmeichhia?" ka ti a, nui sun sun pah chuan " a ngai bawk mawle, Nula niin ka hria" a ti a, Ka Cctv monotor chu ka en dak dak a, Ka office kawngka bula visitor seat ah Hmingpuii thu hman lai ka zuk hmu a "lo luh tir rawh ka farnu a nih khu" ka ti a, "Awle" a ti a, a nui chhuak put put a, "Mr.Chadan enge i nuih zat a,?" ka ti zui kher a, "Sir, Farnu i ngah ngawtin ka hria" a ti a, za deuh chuan kan nui dun ta hawk hawk a. Officer mahni staff te nen a ti ti ho a fiamthu sawi ho theilo ka ngaihsan loh zia ka sawi fo tawh thin a, Officer ka nihve takah chuan a tam thei ang ner staff te nen ti ti ho a, nuih ho bawk bawk chu ka practice lui ngar ngar a, thil harsa a lo nilo khawp mai.. Staff te nen kan inkar boruak a nawm vangin hnathawhna kawngah pawh tanrual a harsat loh phah viau bawk a, thil tha tak niin ka hria..
"Lo lut rawh, enge helam ah i rawn tih teh hlawl a?" ka lo ti nghal zung zung a, "Kan Company sumdawnna chungchang ah ka rawn zin a, ka u in tlawh ngei ngei tur che in mi ti a, ka hun awl neih ka chuh a nih hi" a ti a, "a nih chuan ka lawm hle mai, Enge i u nupui neih a tum deuh tawh niin ka lo hria a, Khawilam nula nge a neih dawn tak" ka ti zui vat a, "Nia, ka nu leh pa ten an tur sek tawh a, a hnial ngat ngat a, Mahse ka pa hriselna a pan tak deuhah chuan a remti ve ta a nih kha maw? engmah a hrilh nache nge?" a ti a, "min hre tawhlo, a hausa ta a nian nge, Tlemlai deuh khan date a neih thu chu min hrilh ngei a, a bak engmah a sawi lemlo.. " ka ti a, a nui hawk hawk a.. "I hresa vek turah ka ngai a.. Ka u pui hi a mak roh tak tak ka thiannu Estheri kha zuk duh tlat pek a!!!" a ti a, a nui hawk hawk bawk a, "Oh chu Estheri chu a nei dawn tihna em ni? i thian nu kha maw?" ka ti nghal vat a, ka awm dan chu danglam chiamlo mahse ka thinlung erawh a nghing deuh dat thung..
"Ni love, Estheri lam zawkin a hnar tlat pek a, ka hrethiam lo, 'Midang ka nghak zawk mai ang' a ti e a tia lawm" a ti a, " Chuti tunge a neih tur chu nita a?" ka ti leh kher a, "Rose Mary kha i hria em, Pu Liantlinga fanu kha" a ti a, "oh... Naupan lai ngaihzawng kha maw?, a bu a let leh dawn tihna a nih chu, Min hrilh that duhloh chhan ka man thiam ta e" ka ti a, ka thinlung chu lawm vangin a phu dut dut ni maiin ka hria.. ka phur thar deuh hluai bawk in ka hria, "Nia a hlau deuh che pawh a ni mahna" a ti a, ka dawnsawn tir aiin ka boruak chu a nuam ka ti a, kan nui dun hawk hawk reng a, "Engvangin nge Estheri chuan a duh loh tlat le? tunge a nghah pawh chu kan hre chuanglo" a tih ri chu bengah a ri nawn tluk tluk ni maiin ka hria... "Hminhpuii Thianpa chuan Estheri chu a beisei thin reng em ni?" ka ti kher a, "Awii mak ka ti lutuk, kan awmho reng a, engtik laiin nge khatiang boruak an lo neih hman kha ka hre tawh bik lo, Estheri hi a lan dan ai hian a ropui reuh a sin, en mai chuan nula phawhawr ve tak leh nula sihhnip hmel tak a ni nangin, zuam sual a awl phian a niang, an rin ang a nilo tlat thin" a ti a, ka rilru chu a danglam chak pur pur hle mai, "Kei pawn chutiang turah chuan ka lo ngai deuh a sin, chutiang mi chu a nilo tihna a ni chuan ka ngaihdan ka sawhsawn nghal e" ka ti satliah ve mai taka, ka rilru engkim chu a her danglam bawih niin ka hria.. "Nia, a zia kha a ngaihawm reuh a sin, Mizoram lamah haw a duh tlat kha ka hrethiam lo, Ka u lah chuan duhtak te in a duh bawk si, a buaithlak ve khawp mai" a ti a, a nui hak hak reng a... Estheri chanchin sawi ngawt mai a nilen chu ka duh deuh hial a.. Mahse a rem teh teuh silo.. Rei tawk kan ti ti hnuah min haw san ta a.. A kal hnute chuan Estheri tih ri chu ka bengah a thum tluk tluk ni maiin ka hria..... Hmuh vat a, Ngaihdam dil a, Bul tan that leh mawlh ka chak ta em em a..

A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 3rd, 2016, 4:02 pm

"I pa nen kan sawi dun a, Khatiang dinhmun a i din takah chuan Nupui neihbzai rel ve tawhla tha in kan hre deuh a" ka nu chuan a ti a, "Akhai a, ka nu in hmanhmawh em mai" nui chung chuan ka ti a, " Chutiang a nilo, I upa tawh lutuk, NgaihZawng i nei ve reng reng em?" a ti leh he haw a.. "Aw.. mahse aman a la hrelo" ka ti a.. kan nui dun bawk bawk a, "I ho e mai, I Pu thihcham chu i rawn haw dawnta em? Tah chuan kan lo hual ruk deuh chu kan hrilh ang che," a ti a.. "akhai vai ho ang maia ka duh zawng pawh nilo in lo hual ve tawp le,.. nia.. kan test vel ang chu mawle" ka ti a... reitawk fang kan inbiak hnuah chuan kan titawp thei hram a.. Ka nu duhzawng chu ka tana hmeichhe tha tak tur a nih ngei ka ring a, Mahse keimah lamin ka duh ve miau loh si chuan engtin nge nita ang, Nu leh pa thu hnial hreh tak mai ka ni a, Ka pa duhloh dan angin ka hnathawh tur ka thlang fel tawh lehnghal, an thu awihloh leh chu ka hlau rilru viau tawh a ni a, Nupui hual minlo neih sak reng tawh si a, buaithlak dawn hle in ka hria.. Estheri ka ngaihtuah chhuak a, engtin nge a awm ang? A ni te in lamah bawk a kir leh ta em ni ang?... Han biak pawh mai na tur ka hre tawh silo.. Ka laka beidawng si hian Pasal a lo nei reng tawh zawk em ni ang?... engkim keima rilru kal ding luat vangin a pawi ni berin ka hria.. Ka tho lawk a, Pen lachhuakin Leave lakna lehkha ka ziak ta mawlh mawlh a.
"Kha mi bak kha neih ka nei lo, kei pawn ka be pawp thei miahlo.." Hmingpuii chuan a ti a, mak ka ti kher mai, Chutia a pilbo ta hmak chu ka hrethiam lo, "a nih A ni te awmna chu khawiah nge? ka va zawng chhuak tal teh ang" ka ti leh hram a, "Tuikual South Biak In kawmchar ah khan R.Thawnga.Building tih lo awm kha a ni mai, kha kha a pa hming a nih kha, Va zawt teh, keipawh ka mangang viau tawh a nia" a lo tive bawk a... "awle, ka hmuh tak leh chanchin ka rawn hrilh dawn che nia" ka ti a.. Phone chu kan dah ta nghal a.
"Tu chu ni ang maw? Mahruaii aia i thlan chu ni? engpawh nise kan lo nghak phawt ang che, kar a liam der tawh engmah kan tihfel hmain i chawlh lak a zo hnai leh tawh si" ka nu chuan ati a, ka insiam mawlh mawlh a, "I hmuh hunah chuan i phu zawk ang, a ni ang hmeichhia he khawvelah an lo awm tih reng reng amah ka tawn hma khachuan ka hre hleinem" ka ti a, "hmmm... ve bawk che chuan" a ti a ka room atang chuan a chhuak ta nghal a. 'Tuikual South Biak In kawmchar chiah a R.Thawnga building' tih chu ka bengah a lut tluk tluk a, ka marphu nen lam an sawi niin ka hria.. 'Pathianin Khawvel a hmangaih em em a, tichuan a fapa mal neihchhun chu a pe ta a' tih ziak aiin ka tan chuan a pawimawh zawk mahin ka hria.. Ka motor chu ka ti nung a, Rajua'n ( Kan vai awmpui) uluk mangkheng a a lo silfai tawh sa a ni bawk a, khalh a chakawm hliah hliah bik a, "Mama, ka lawmpui lutuk che, Mizo minti hming tha kher mai, I pa ang maiin Zoram tan i theihna i chhuah a lo nih hi" tia min lo chibai buai chhen te chu ka ning rilru hle nangin ka pa politician chalrang chin te an ni hlawm bawk si a, ka bechhe em bik lo hlawm a.
"Ka Pu hei hi R.Thawnga Building a ni em?" tiin a kawt a motor lo hrufai mektu chu ka zawt a, "Ni e, enge nita, keimah ni hi a luahtu kan ni a" Pa chuan a lo ti a, "a nih tak chua Kima ka nia, Estheri thianpa" ka ti a, "A nih chu mawle, khawi lam a awm nge i nih a?" a ti a, "Aizawl a awm hi ka nia, Estheri rawn hmuh ka tum a, a awm a ngem?"ka ti a, a thil tihlai chawl meuh chuan min en a, a kiai suk a, "Ka va hre ngailo che ve" a ti bung nghut a, a thil tihlai chu min tihsan leh ta daih a. min melh dan leh min biak kual vel danah chuan ka lawm lo rilru tawh viau nghe nghe.. rei vaklo hnuah chuan "In chhungah khian a awm ang, han lut rawh" a tive ta nge nge a..
Doorbell chu ka hmet ri țang țang a, rei vaklo ah chuan hmeichhe naupang kum 7 emaw awrh tur hian kawngka chu a rawn hawng a "Lai apa, nangmah ka sia che..." a ti zuai raih a, "awh.. min hai a ni maw?" ka ti a lai deuh chuan a ding a, Inchhung lam atang chuan hmeichhe pakhat hian "Mamte i tumloh zawk i hmu em ni?" a rawn ti lang lang a, rei vaklo ah chuan nu valai Kum 40 chunglam vel bawr hi a rawn lang a, "Lo leng rawh, enge i duh a?" a rawn ti nghal sawt sawt a. "errr englo, Estheri te in a ni tiraw, amah a awm em?" Ka ti a, ka lai lek lek a, "aw keimah hi ka nia, enge nita" a ti a... "oh.. Nilo, in nau Estheri zawk kha mawle?" ka ti a, beisei nei mahse lai laklawh deuh a ding chung chuan a hnung lam chu ka thlek dak dak a, "I hai a nilo maw? hetah hian keimah bak midang estheri an awm hleinem" a ti a.. Pawna motor hrufai mektu pa chu a rawn kal hnai a, "Dear, hei i thianpa niawm in a insawi a, ka hre ngai silova" tiin inchhung ah chuan a lut zui nghal a,,"Lo leng lut rawh, engemaw hriat hmaih palh i nei a ni lo maw? nge ka hai palh zawk dawn che ni a" Nu chuan a ti a.. Enge thil awmzia ka hre thiam chiah lo, Kal leh mai ai chuan engemaw hriatsual palh a awm anih pawn sawifiah phawt thain ka hria a.. Inchhung ah chuan ka lut ve ta nge nge a..
"S.P Lalmuankima ka ni a, Thla 2 liamta mai khan Delhi ah nula pakhat ka thianpa te bula awm Estheri nen kan inhmelhriat a, Chumi hnuah hmun dangah hnathawkin ka awm bo daih a, Estheri chu an bulah chuan a lo awm tawh silo a, Ka thianpa chuan nupui neih a tum a, hrilh hriat ve ngei an duh si a, kei hi min rawn tir ta ngawt a, Hei hi a address nia an sawi a ni si a, chutiang vel chu a ni ber mai" ka ti a, an nupa chuan ka hma sofa ah chuan an thu a, an fanu te reuh chu a pa kap ah a ding a, min melh kiau reuh a, "A nih tak chu, chuti chu CM fapa SP.Lalmuankima I.A.S kha i ni tihna a ni maw?" Pa zawk chuan dam deuh zawk chuan ti a, "Nia..chutiang chu a hming chuan ka nive a lawm" ka ti a, "Khawnge kan chibai teh ang che, nang meuh kan in ah te i rawn chuankai tak ah chuan" a ti hlut a, "Dear, Kan In neitu hmasa te fanu Lalmami an tih kha Estheri an ti ve thoin ka hria" Pa chuan a ti a "Ngawiteh, niawm tak a sin maw ni?" Pi Estheri chuan a ti a, "Kan In neitute hi an ni a, Kan hnuai chiah hi an luah, Lalmami erawh chu Champhai ah nge maw ni Pasal a um an ti niin ka hria, ka chiang chiah lo" nu zawk chuan a ti leh a,, " Pasal a um a?" ka ti a, ka thinphu a rang sawt a, "A ni pasal nen khuan an inmil chiahlo a nih hmel, He In hi Lalmami hming veka awm thin kha a ni ngei a, Mahse tunah chuan a ni tawhlo tlat in ka hria" Nu chuan a ti leh a, "Inhnuai hi a ni te chuan an luah tihna maw?" ka ti a, "aw.. zuk zawt chiang teh khai" Nu chuan a ti leh mai a, Lawmthu ka hrilh hnuah ka chhuak a, Inhnuai panna step bulah chuan ka ding a, "Ka kal ang nge kallo ang" ka ti a, "Pasal a um" an lo tih chuan ka hnar a lian zual sauh dawn niin ka hria, Ka rilru ka siam fel a, Inhnuai lam pan talo chuan Ka motor lam pan chuan ka kal lehta zawk a.
"He nu hi ka kian san ngei ngei tur a ni, Enge keimah ah hian awm reng reng, helai thleng thleng a ka va kal ni.... Hmu zo lo pawh ka ni bik hleinem... Saaaalaaa" ka ti rilru thuai thuai a, Ka rilru ana nge ka zak pawh ka hrethiam lo, Ka bing deuh mup mup a, Ka nu hnenah engtin nge ka phat kual tak ang, Ka Insawi bora ve tawh si a, Hnar a lian duh dawn ngei mai, Ka tawngkam thiam zawng zawng sawm khawmin ka pha mai dawn nge, Thudik ka hrilh vek dawn zawk..?!!! Huisss.. Kha nu ka lo tawng kha ka vanduai ve chiang khawp mai.. A hma in ka Thianpa vangin Ka kiang tawh a... Chuti chungchuan ka pan leh duan duan a, Tunah Midang vangin Ka kiang leh a ngai ta a ni hi maw?".. Ka ti rilru a, Ka zak chem chem bawk a.... Orissa a kir leh vat ka chak rum rum a.. Mahse.. Chutiang ngawt a ni bik lo.. Keima thiamloh pawh a ni vena chen a awm in ka hre bawk si...
Min bum niin ka ngai a, finfiahna nei miahlo in ka ngaihdan ka kaltlangpui a, ka chapo luat vangin ka chan niah ka ruat hmak tawh a, Keima tihsual ah keimah ngeiin mawh ka phur tur a ni tih chu ka ngaihdan a ni tawp mai. Nu leh pa enkawl na hnuaiah awm thallel rual lek a la nih laiin a thil tawn ah hrehawm a tih tawh dawn vei nen, Kei lah chuan ka la tihrehawm zual a ni a, Ka inthiam lo hle bawk a. Mahse kawng lehlam ka thlir erawh chuan ka tello pawn a tlei thei tho a, Pasal hial a um a ni a, keia lo inmawhchhiat ve vak vak natur awmin ka hrelo.. Min duh der lek pawh a ni ve thei tho a, Min duh tak tak lo a nih a rinawm ve tho bawk.. Chuvangin ka tan chuan engemaw takin inthiam chawp vena kawng ka nei ve thung. Ni a liam a thla a liam a, Khatia zawn chhuah a ngaihdam dil a, engkim fel taka sawifel ka tum a khatiang boruak ka tawn takah chuan rilru nuam zanlo chungin kawng dang ka hawi ve deuh a ngai niin ka hria a.. Estheri ka rilru a lak dan pawh tlem tlemin ka hlamchhiah ve chho det det zel bawk a. Ka nu leh pa ten rim tura min tih lam chu ka awn tan ve ta deuh bawk a, Engkim hmeichhe lamah chuan a fel sa thlap a, Mahse keimah zawk hi ka inpumpek thei tak tak lo tlat thung..
Ka nu in min duhpui em em Mahruaii chu ka chhang rual lek ni mahse nula fel leh Mahni inring tawk vehvawh tak mai a ni a, Zirna lamah M.A (Psycho) zir zo tawh in Social Welfare hnuaia Cell pakhat Naupang kum tlinglo te case buaipuitu pakhat zingah a tel ve a, Lunglei District ah Project Director hna a chelh ve mek a. Synod Choir member hlui ni tawh ngat a ni a, Hmeltha, fel leh zaidam tia hriat a ni ber...Kan inkar boruak pawh ka siam chawp nilo in ka nu siam chawp hmangin a tha chho viau bawk a, Hun kan neih dun chuan kan inhmu ve ta fo nghe nghe.. Mi sawi laih kan ni ve tawh a, "An Innei dawn a ni awm e, a ni pawh an ruat fel vek tawh" ti ten keini 2 pawn ka hriat hauhloh lo vawrh darh chiam tawk an lo awm ve bawk a, Mahse Nilo ta chu ngawih mai mai a, herliam tir mai tha kan ti a, kan khel zui duh ngai lemlo...
Jeremy te inneih ni chuan Moneitu thian ah min hmang a, Kan nalh zek zawk hle, Val senior lam ve ve tawh Kum 38 hmanglai Kohhran mi em em lo kan ni a, Jeremy te pawh Aizawl lamah in leh lo dinin an pem tawh bawk nen an inneih ni pawn Mi an thahnem ve map map hle. Zoram zimte a mihring thahnem lo takah Phailam Company lian tak mai Pakhat a M.D nithei ngat Mizo tlangval leh Aizawl nula lar leh hmeltha TV anchor nibawk Rose Mary nena innei tur an ni bawk nen an thawm midelte hriat khawpin tih zawng zawng an chang zova, Media leh Social Network lamah pawh an vawrhdarh nasa hle bawk a, An Inneih ni a mi an tam pawh a awmlo hranlo...
"Thianpa saw saw Estheri a ni reng mai, teh hlawl chuan" Jeremy chuan thla la tura kan buai karlakah chuan a rawn ti a, a enna lam ka en ve vat a, Biak In kawt chhak lam pang a thutna tur an siam bulah chuan Hmingpuii leh Mipa 3 nen an lo ding bial lat lat a, Mipa ding pakhat chuan min hliah deuh avangin amahtak chu ka ham hmu thei chiahlo nangin a lu um velah chuan amah ngei niin ka hria..chutia ka en reng lai chuan mipa chu a kal sawn a, chiang kek kawk tak chuan ka han hmu ta a. A hmel chu khatih hunlai ai khan a cherin a thu deuh a, Mahse a hmel duhawm dan leh hlim hmel tak chu a la danglam chuang hauh lo, An ti ti kar lakah chuan kan awmna lam chu a rawn en a, min rawn hmuh rual chuan a nui sak a, lai deuh chuan ka lo nuih let ve a, Engemaw sawiin Hmingpuii chu a bekbawr zauh a, Chutah kan lam pan chuan a rawn kal ta a..
A inchei duhdan hi kan nu leh pa Mizo ngun mai rilru ah chuan a lang nalh har viau maithei, Mahse keini tan erawh zahpuiawm lo lam rawng a kai mah mah zawk awm a sin... Kawrfual Nainawk rawng khup hnuai hret khuh phak tawk a ha a, A sam chu a ngai ang bawkin a thlah leh a, Pheikhawk nainawk color tho a ke artui sang ( Khutilam ho chuan F**k Me Hill zuk ti teh tlat a...) a bun bawk a, a chawn ngo mam nalh zat mai nen chuan a inhmeh auh auh khawp mai, a kut ah hmeichhe bag lian ve deuh a keng bawk a, kan bul a rawn thlen chuan sen ap ap chung chuan "In nalh hle mai" ti chungin chibai a rawn sem kual dan dan a.. Kei min chibai dawn chuan midang be chungin min chibai liam ve puat a, ka haw angreng hle nangin engtia han tih dan vak a awm chuanglo bawk nen ka ngawi liam ta vel mai mai a.. Mahse chutia ka hmuh theih tura a rawn inlan takah chuan ka ngaihven lo thei lo a niang ka mitin a awmna hmun a zawng chhuak zung zung mai a, Min ngaihsak hmello deuh chuan midang a hmelhriat niawm tak tak te chu a be kual vel a.. A kalna apiang a zui rengtu tlangval upa lo ve tak hi a awm a, Chupa chu a pasal ngei chu a nih ka ring bawk a.. Awmhmun ah ka lo tawt deuh up up a ni ber mai...
Inneih programme hrang hrang kan hman chhung zawng chuan ka mit in thil dang a melh tam vaklo, ka ngaihtuahna in khawdai a hawi lutuk heklo, Hman a ka duhloh, min bumtu anga ka ngaih, Min bawmtu a nih leh loh tak thu thawi deuha hre leh a, chian chaka phiruai lehsi Estheri che zia engkim mai chuan min luah hneh em em vek a, a awmna ka zawng a, ka hmuh loh lama a awmin 'a pasal nen khan an haw tawh em nile?" tih ten ka ngaihtuah a, Midang bulah a nui lai ka hmuh in "Min deusawh a niang a" tihte ka ngaihtuah bawk a, Ka awmdan chu a ni deuh țo ni maiin ka hria..Mipui an nuih hum hum laia lo tum bur a nalh love tih thuah za vaklo leh an nuihpui hre chiang uk silo a nuih ve ngawt chang ka nei nual nghe nghe. Programme kulmuk zualpui a reh a, Ruai theh in a zui mai dawn tawh hnuah Kan thiandun chuan room pakhat ah Jeremy naute thenkhat min dah that sak lem turin kan bi bo lawk a, No kan dawm dun lai chuan "Thianpa, i awmdan kha mak ka ti khawp mai, eng emaw enghelh deuh i nei niin ka hria, nidang a i chezia nen a danglam riau" min ti ta khauh a.. "I hre sual a niang engmah danglamna a awm lo" ka tive ngal a, "Zep reng reng suh, ka rin dan che hi a dik ngei niin ka hre ta!" a ti a, min nuih suk a, "Sehhmeh neih loh hi chuan ka lem zung zung thei thin lova" tiin thudang ah ka pakai hram a, "A ho lutuk kan lem hnem ngam chuanglo a nih hi... Estheri vangin a talbuai tiraw?" a ti ta hlawl mai a.. Ka no in mek lai chu ka phuh thelh a, "Engmaw?, tunge chutiang ang chuan sawi a?" ka ti nghal vat a, nui kur kur chung chuan "a dik chiang khawp, Delhi ah khan Zan khat chu a tawngvai ka hria a lawm, i hming a lam a, eng eng emaw a sawi sep sep a, I haw thut dante ka ngaihtuah a, Zanriah kan kil laia Estheri mizia danglam ta daihte kha ka ngaihtuah bawk a, A inmil riauin ka hre pek mawle.." a ti ta zel a.. "i ho emai, khatih lai khan i bialnu a ni lawm ni? Hmingpuiin min rawn tlawh tumin a sawi vek a lawm" ka ti ve tlat a, "Engmaw..? nilo.. a nilo... Nia, Keimah chuan ka ngaizawng ngei a lawm... Mahse min duh ngailo hrimhrim, u angin min en a, Nuta angin min en bawk a, Mahse kei lahin ka duh ngawih ngawih bawk si a, a buaithlak nek a sin" a ti ta zel a..
"I thusawi awmzia chu ka va man love?" ka ti a, ka hriatbelh chak vang a ni pakhat a, "Nia,....Ka nau nen an rawn chhuk hlim hian Hotel ah an khawsa a, Ka hnena rawnkaltum tak pawh an nilo, hna dang zawnga rawn chhuk an ni nghe nghe.. Mahse ka remti talova, ka hnenah ka hruai lut a, a tirah ka thiante nen flat kan luah ho a, chumi chhung chu hotel ah an khawsa bawk a.. Ka bula an rawn awm hnuah a document an rawnthawn ve duhloh vangin hna a hmu ve thei talo a, a chanchin i hreve em ka hrelo, ka zawt ta pawp a, tahchuan engkim min hrilh ta vek a, ka lainat in ka khawngaih rilru ta em em a, A tirah chuan ka farnu en ve viau a, mahsea rei tual tual a, ka ngaizawng ta tlat pek a, Vawitam ka duh zia leh ka hmangaih zia ka hril pawn min 'amen' sak theilo zel bawk si.. ka beidawn chang leh ka thinrim phah hial chang pawh a tam khawp..Khatia Zanriab i rawn ei lai boruak ka hmuh khan ka ringhlel ru ta tlat che u a, a tirah chuan I roomtur hranpa ka siam vek a, Mahse chhuanlam ah mut dun ka duh ta tlat a nih kha... Tichuan Zan laklawh ah a thawm ri ka hria a,Ka va tho ve vat a, A pum a nuamlo a lo ni a, Damdawite ka pe a, a damchian hma chu thutkhawmna pindanah ka awmpui ta rih a..Chutuah hun remchang ka zawng ta a, Nangmah ka dem bawk che a, mahse engmah a sawi duhlo a ngaite ang bawkin min hnar leh a.. Ka thinrim chuan ka man bet lui a, ka fawp ta ngawt a.. Chumi zan atang chuan min be duh ta miahlo lehnghal.. Ka thik bawk si che a, i haw tur pawh kha i titau haw ni berin ka hria.. Mahse ka dang lui duhlo che a nih kha.. Ka rindan hi a dik ngei a ni tih vawiin khan ka hre chiah" a ti ta pek a... Ka zu no in zawhlo chu ka tlak pawp a, dawhkan ah no ka dah dawp a, "Ka hnek sawk dawn nge, ka kal kiang hmak ang" tih ka ngaihtuah mek lai chuan "I pawi ka lo sawi reng a nih chuan i duh duh danin min ti rawh.. Khatih hunlai khan ka chan kha i chan nise, kei ang thoin i ti ve ngei ngei ang" a la ti ta deuh deuh a.. "Engkim i ti pawi zo vek tawh a nih hi, Ka thianpa tiin ka lo ring em em che a, i ho hle mai" ka ti thawp sup a, "Nia.. Khatia i hawn tak hnuah pawh khan vawi engemaw zah ka thlem nawnleh ngial a, Mahse min chhang duh chuang lova.. A landan chuan nula sihhnip leh awlsam tak a nih a rinawm nangin a lan dan ang kha a nih dan zuk ni miahlo a" a ti leh nuap nuap a.. "Hei nangni 2 kha.. rawn kal tawh rawh u, in rei emai?" Rose chuan kan lam rawn pan pah chuan a rawn ti a, " kan ti ti lawk a, kan rawn kal nghal ang" Jeremy chuan a ti vat a, "Thianpa kal tawh zawk ang, I thusawi kha engmah tangkaina a awm tawhlo.. Kan inkar a chhiat phah dawn tlat" a hriat tawk lek chuan ka ti a, "Min ngaihdam a vangin ka lawm e" a ti sup a, ka biang ah a rawn fawp zauh va "hmel a... Rose inpa hian min uire a nia" ka ti a.. Rose chu a lo nui hawk hawk a.. Ahma lawka inhnek thal tawp duh khawpa rilru nei kha kan nui chhuak leh dun bawk bawk a..
"Kha in ei ve tawh maw? Puar deuh khan ei rawh u, Kan haw tawh mai dawn?" Estheri chuan a rawn ti a, "Hey, in riak ve dawnlo em ni?" Jeremy chuan a ti vat a, "Kan hmanlo lutuk, min hrethiam mai teh unaupa, U Kim, Mahruaii nen kan inhmu a, a fel hmel khawp mai.. I thing thiam viau dawn e, Kan kal phawt ang, bye" a ti zung zung a, ka chaw bar thulh thak chuan ka thlir zui a, "Ava mak vung vung ve I.A.S tlangval ve meuhin nula kal thlir doh doh te chu" Rose chuan a rawn ti a.. Ka nui ve tawp a.. A nihna takah chuan kan awh ngawih ngawih miin min laksak a ui tak chunga kan thlir zui ta vawng vawng ang mai niin ka inhria a ni.. "Taka, Mahruaii kha kan sawm ve miahlo, khawiah nge a awm?" ka ti chhuak phawng a, "aw.. a ni tak, Tunge lo buaipui reng reng a?" Jeremy chuan a lo tive bawk a, Ka tho vat a, Mahruaii hmel hmuh tum chuan pawn ah ka chhuak ta vat a.. Kawtkai ah Estheri, Estheri thianpa leh Hmingpuii bakah midang 2 nen an lo ti ti lat lat a, "Mahruai chaw i ei tawh em ni?" ka zuk ti nghal tawng a, Estheri thik tur a tilui ve deuh ka ni pah bawk a, "aw.. ka lo ei mai, hei Esi te ho nen kan ei ho a. A hranpa a in kil ka ring a" inthiamlo hmel deuh chuan a lo ti vat a, " i ei tawh chuan a that chu, kan bulah rawn awmve tawh la?" ka ti leh ngat a, Estheri chu ka melh zauh a, kan ti ti chu hrelo ang maiin a bula mipa nen chuan phone an en dun ngar ngar a.. "A nih Hming, Esi an bulah chuan ka han kal ve lawk ang e aw" a ti a.. Engmah sawi leh tawhlo chuan Inchhung lamah kan inzui lut ta daih a.
Ka thil tih chu tih awm a ni em ka hrelo, a nih leh nihloh ka ngaihtuah hman heklo, Ka rilru ber chu min elhsentu Estheri elhsen ve ngawt chu a ni ber.. Khatih hunlai khan lo hria ni ila ka tawn tur enge ka hrelo, A nin min hrilh bawk heklo, Chutah Pasal a nei a, ka hmuh turah ngei a ngaihsak hawrh hawrh bawk a, Ka rilru tihnat a tumna aiin rilru tihnat sak ka tumna a hlawhtlin ka duh vang mai mai a ni... Kan eikham hnu rei vaklo ah chuan Mahruaii chu ka thlah ta a.. Zan lam programme a neih vangin ka thlah hawn a ngai a.. Motora kan chuan dun lai chuan "Kim, I rilru a buai hmel hle mai, nidang i anglo" a rawn ti chhuak phawng a, "Engaiah chuan maw?" ka lo tive mai a, "I chetzia a danglam ka ti deuh mai mai mawle, I nuamsam zan lo niin ka hria" a ti leh a.. "Nia.. Boruak rit lutuk kha ka zo chiahlo a ni e.. A zo tep tawh a, ka hahdam huai mai ang" tiin dawt var ka sawi ta ngawt a.. "Lo lut lawk la Bawnghnute emaw Energy Drink emaw In lawkla a tha ang" an inkawt kan thlen rual chuan ti a.. "i tlai mai mai ang, ka kir leh vat zawk ang e, Minlo mamawh tawh mial maithei si a" ka ti a.. Min chelh lui duh bik lova.. Jeremy te in lam pan chuan ka tlan leh ta par par a..
"Esi i riak dawn ta em ni?"
"a nih tak hi, Thiani hian min tilui tlat si a, k riak ta ngawt a nih hi"
"I thianpa kha khawiah nge?"
"min hawsan ta mai, ka riah dawn tak ah chuan"
Inchung Veranda ah boruak rit zualpui tlanbo sanin Meizial ka zu ru pek a, Chutihlai chuan ka hnuai chiah a, Hmingpuii room veranda ah Jeremy nu leh hmingpuii inbiakna ka hria a, "A riak dawn maw? A pasal chu a ngaih a sam hle dawn a nih hi" Ka ti rilru a, Chutih lai chuan Jeremy chu Beer kengin ka awmna ah chuan a rawn chho ve bawk a.. "Mutna an phah vel a, Kan zo tep tawh a nia, Nghah pahin dawm dun lawk ang hmiang" a rawn ti a.. Boruak lum uap lutuk tih ziaawm nan ka lo duh nasa mai bawk a.. Kan dawm dun mek lai chuan Jeremy phone a rawn ri a... "Hello,...... aw.. Inchungah... aw...rawn la lawk mai rawh... awle..." a ti a.. "Enge nita?" ka lo ti vat a, "Motor chabi ka ak a, an mamawh a nih hmel"a ti ve mai a... A hnu rei vaklo ah chuan Hmingpuii chu a rawn kal a, "In tawmbo daih zel a, Inleng chhawn tur ber, U Kim Esi'n a zawn a zawn che kha" a rawn ti nghal bawrh bawrh a.. " Nia, a thalo, ka zuk chhuk zawk ang e, i duh hun hun ah i rawn chhuk dawn nia, Estheri chu k rawn tir chho dawn nia" tiin Jeremy chu a nau rual chuan chhuk ve leh ta daih a.. "I van ho roh tak" ka ti zui hram nangin a rawn tirchho lo palh ang tih ka hlau rilru hle thung.
"I van awm pawnlang ve?" Ka lam pan pah chuan a rawn ti a, Chhun a a in thuamna nilo in, Pyjama kekawr tluan vutbuak rawng mar tangin ha zaih tawh a, T-Shir pawl vat mai a awm kilhna awm ang chi a ban tluan a ha bawk a.. A inhmeh reuh kher mai... "Nia, khua a lumin mipui huhang ka rui deuh niin ka hria, ka tlanbo san zawk a nih hi, Beer i duh ve em?" ka lo ti vat a.. " Aih duhlo mai ang... min ko em ni?".... a rawn ti a, ka bul a thutna awl ah chuan a rawn thu a..."Errr.. ko... aw ko e..i buai deuh em ni?" ka ti vel ta mai mai a.. Hmela chuan ka ko angin a zuk sawi vel a ni maw? ka ti rilru a.. "Buai love, mut zal ka lo tum deuh tawh mai a" a ti a..a keiin lei a thai niap niap a.. "mut hma i van tum awm ve? khawnge in pa kha?" ka ti tel deuh hram a.. "a hawh a nih kha, Naktuk ah min rawn hruai leh ang" a ti awlsam ve et a,...kan ngawi dun vang vang a... Beer chu ka lem leh khalh a... "I.A.S i nih hnuah i induh ta riau in ka hria?" a rawn ti leh boh a.. "hah.. ka induh ka hrelo, Min biak ngai der loh kha?" ka ti ve mai a.. "I biak theihna number ka nei hleinem.. ka neih tumin i biak hman bawk silo a lawm" a ti ve then a, a dik ve viau lawi bawk si.. "Ka biak hman lutuk a, min be duhlo ka thinrim lai a nih vang a nih kha" ka ti a.. min en hehaw chung chuan "Ka biak loh vang che in i thi rim ve a maw?... awi ka awihlo lutuk" a ti a, a ner nang nang a.. " Engmaw i awihloh?" ka ti deuh nghut a.. ka inbang la awm chu ka inzo vek a, "Aw ka be duhlo ah i ngai a, i thinrim vehial a maw? ka ti mawle" a ti sap a, "A ni miau si a lawm" ka ti a.. a hma aia mak tihna hmel chuan min en a.. "ih..." a tih lai tak chuan "I pasal nen chuan in inneihna a rei tawh em?" ka lo tin khalh vat a... a nui hak a.. "Reilo.. kan la inneilo hrim hrim, tunge pasal nei min ti reng reng a?" a ti a.. anui hak hak bawk a. "In Inluahtu ten?" ka ti hmak a.. za em em chuan a nui ta a.. "Nu Mapuii nen Bazarah kan inhmu a, "Khawnge i awmbo daih a?' min ti a, ka uangin 'Pasal ka um a' ka ti a nih kha.. Chutah chuan i va kal nge, Pa Sawma te nen ininhre zawk?" a ti a.. a nui hak hak reng a, " Engmaw.. ? ka fiamthu a?" ka ti hu a.. " Aw.. a lo awih tak tak a nih dawn chu... Ka Ni te bulah i kallo em ni?" a ti a, "kal ka tum a ka kal lehtalo.. dawt tak tak maw?" ka ti leh hram a.."aw.. dawt ni e, Vawiin a mi kha ka Nutei fapa a nih kha.. Lunglei ah an awm a, An bulah ka va awm daih a lawm.. Mahse Thlathar atang khian Helamah an rawn awm phei leh tawh ang" a ti ta a... Ka ngawi reng a.. Engmah fiahlo in thutlukna ka siam zung zung chu ka inhaw hluah hluah a.. "Tinge dawt i sawi zel le...I mak e mai?" ka ti ta tawng a..
"Ka fiamthu a lawm, Nei pawh ni i la i tan atangkai hlei nem..Neilo pawh ni i la chuti tho" a ti deuh hmak a.. "Nilo.. Esi i hrelo.. Engkim hi a nilo lamah a kal vek a sin... Ka rilru a i awmdan chu Delhi ah khan i hrethiam mai turah ka ngai.. Chutah Jeremy nen zan ah in inpawt lai ka rawn phawk bawk si cheu nen. Ka lungawilo ta hle a nih kha.. Chumi hnuah Hmingpuii hnen atangin Jeremy nen in inngaihzawn loh thu ka hria a. Aizawlah ka haw nghal a.. Rawn zawnchhuah che a... Ngaihdam dil che ka duh a.. Mahse pasal i nei tawh ang in an lo hre si a, Ka buai zo ta vek a ni" ka ti nuah nuah a.. a ngawi reng a.. "Mahse.. tunah dawt a ni tih ka hre leh a, Mahse.. " ka tih mek lai chuan "Mahruaii nen In lo inhual ve tawh laklawh si a" a lo ti vat a.. Ka ngawi reng a, "I ngaihdan a diklo tih hrilh che ka duh a, Mahse, min ngaithla duhlo a, ka biak i duhloh avangin ka biak theihna che number i ti tawp a, Min hlat thei angbera awm i duh avangin chutiang chuan i awmta a nih kha..... Nia, engkimna nihtur ang a ni vek tawh a, Min kalsan i duh ang ngeiin minkalsan ta zel a nih hi" a ti sep sep a, Sawitur engmah ka neilo, ka ngawi reng a, "Kan chhuk tawh mai dawn em ni?" a ti a, ka chhang chuanglo... a ding a, "Nupa hlim taka in nih ngei theih nan duhsakna ka hlan a che" a ti a, a kal zui ta nghal a. "Engkim a siamthat theih vek a sin, Mahse... Ka nu leh Mahruaii rilru ka tina dawn tihna a ni a, Engtin nge ka tih ang, Estheri hi ka lo va hmangaih em em ve mawle" ka ti nuah nuah a... Ka tho lawk a, Inhnuaiah ka chhuk a, Jeremy hnenah hawn ka tum thu ka hrilh a, Min hrethiam tak chuan min thlah ve mai a,.. "Thianpa, I rilru tur ka hriatthiam pui lutuk che.. He Nula vang hian kan Inkar a chhiat i phal bik lo turah ka ngai" a ti a.. adarah ka beng thuk thuk a,, "Sawilo zawk maiteh, Ka haw lutuk che hi i nuih a za zawk ang.. Naktukah ka rawn phei leh dawn nia" tiin ka thlah a, "Ka hmangaih che Thianpa" a ti sup a... "Hey, Gay ka nilo a nia, Keipawn" ka ti a.. kan nui dun hawk hawk a.. Kan In lam pan chuan ka thlan ta nal nal a.
Khami zan a Estheri ka hmuh bak kha ka hmu leh ta lo hrim hrim a, Ka hna zawmin Orissa ah ka chhuk leh a, Ka chhuk hmazan hian khunkhan takin Ka nu ka ti ti pui a, "Nupui tura ka duh em em chu ka mawl luat vangin ka ti hel niin ka hria, Mahse chumi chu siamthat leh tumin hma ka la dawn a, I duhna ka tih hlawhtlinsak theih dawnloh avang che in min ngaidam dawn nia.. I thu ka zawmloh lam vang nilo in, ka thinlung tak tak ka pek theihna lo nena Damchhung hun hman chu ka zuam hlawl lo a ni" ka ti tawl a, Mak ti hmel pawn a awm lo, min en map lo chuan "A neitu tur in i duhthlan tluka tha a awm chuang hleinem... I duhdan ang chuan han kal lawp lawp phawt mai la, A tha nia i hriat phawt chuan" a ti a, Ka biangah min piai sak a, min kal san nghal daih a.. A tukah pawh Mahruaii nen Airport ah min thlah a, Engmah an sawi lo, Kawng tluanin Pathian thu a sawi a ni ber mai..


Kum 3 leh thla 2 Orissa ah ka awm hnuin Nagaland ah dah ka ni a, Kum a upa em em lo nangin mi min hmuh dan ah chuan Nupui neih hun ve tawh tak ka ni tawh a niang "Nupui a neih loh chhan hi enge niang le?" " Mahruaii nen khan an inmil vaklo an ti?".."Nei hlei lo, nghei hlei lo in a awm a, nuam a ti zawk a niang?"..."Rebeccai (Ka high school kal lai thian nu) nen an in zui ngawrh khawp mai, Nuthlawi zei chin a ni bawk a, a kherh thlu tup ngei ngei ang?!" blah blah blah... Sawitur a tam mai ka thang mak thei nawk nawk hle, Nagaland ka awm hlim hian Rebeccai te nufa chu min thlah turin ka sawm ve khanglang bawk nen sawi a tam zui hle mai.. Nia.. CM fapa mal ka nih chu thuhran nise I.A.S val ka ni ve bawk nen Mi umzui ka hlawh hi awmlo pawh a nilo a, Khawthlang ho style khu kan la ve nasa tawh bawk a, Media lam leh mimal keimahni chanchin belhchian dawllo tak tak hre thei nih chu kan intih hmuh nasa ve tawh hle.. Ramdangte angin inumzui lui lui lo mah i la, thawm hlek ah chuan beng an tun hra tawh mai a ni. Thalai lam kut a hlei em em a, Khawlai a kan kal mai mai pawh thla lo la tawk an awm thin bawk nen tullo ah kan chanchin miin an khel leh chiam thin a, lungawiloh lek lek na tur kan tawng zauh zauh bawk a. A ninawm thin angreng khawp mai.. Tun tuma Rebecca i te nufa in min rawn thlah tum pawh hian Airport ah tu emaw in kan thla a lo la hman pek a, a ni la la internet ah an thehdarh nghal a, Chu chu Ngagaland kan thlen hnuah kan hre chauh nghe nghe..
"Nu.. Enteh, hei thlalak hi, mi mak zia hi chu aw?" Maria-i Rebecca-i fanu kum 12 mi lek chuan a Tablet lek va va chung chuan a rawn ti a, "Eng maw?" kan ti rual thawt a, "Hey Pute Kima nen kan 3 thlaka an thehdarh a nih hi" a ti a, a hmelah chuan a lungawi chiahlo tih a hriat hle , a tablet chu a rawn keng a, ka bula thut pah chuan min pe a, "Mi hi an mak ka ti e, Kei te chuan pa ka nei reng a lawm, a boral tawh a, tinge mawle?" a ti niah niah a, "Maria, engah mah ngai suh, kan hriatchian em hi maw... tiraw Kim..?" Rebecca chuan eisiam malh malh pah chuan a ti a. Thlalak chu ka en a, Maria ka kai a, ka bulah Rebecca chu bag khai chungin a kal ve bawk a, ngaihbel sa nei tan chuan kan awmdan chu a awm ang ve reng bawk a ni, "Hmmm... Kan nalh phian hi, Hetiang hi chu kan nihlohna a nih zia kan hre chiang em bawk a, Nui liam mai mai i la, a tawpah chuan a reh mai ang" ka ti a, Maria chu a nui hak a, "A ni ten min rawn phone leh ngei dawn a nih hi" a ti deuh hmak a.. "I Ni ten an rawn phone thin che maw?" ka ti hu a, "mmmm..phone thin e, A nu nen in inngaizawng tak tak em ni an ti thin" a ti boh a, Ka ngawi reng a.. "Aw lo ti hmak tawh rawh, Amak em em hi ka ti thin, Kan pa damlai pawn nangnen pawh in inpawh em em tih an hre reng si a" Rebecca chuan lung nilo hmel deuh chuan a ti hlak a.. "Naaa ka duh teuhlo, Min hau palh ang" Maria chuan a ti a.. Ka ngawi reng a, Kan thlalak an comment dante chu ka chhiar vel pah bawk a... Nia.. Rebecca Pasal hi Doctor Zonunsanga a ni a, Nupa inngeih tak an ni a, Rebecca lah Mahni Inchawm zo chi niin sumdawngin Damdawi dawr lianpui a nei a, An nupa in In ropui deuh an din dun bawk a, Chutiang a pasal a boral takah chuan a chetsual hun chang rantu a pasal a chhungte tan chuan keini 2 chanchin chu ngaihven awl ve duh tak tur reng chu a ni.. "I nu nen chuan kan Inkawm thei tawh dawnlo a nih chu" ka ti a, Maria chuan min en ha pah in "Engatimaw?" a ti a.. "Aw..I ni ten min hau dawn a sin?" ka ti a..nui hak hak pah chuan "Nia..." a ti a..chutah "Mahse In ingaizawng chuang hleinem.. a ho e mai a" a ti leh daih a..Kan fiamthu zui ta daih bawk a, Mariapawh a mood a fuh chho leh tan tawh a.. Chutia Comment ka chhiar chhoh zel takah chuan mipakhat comment ka hmuh chuan min ti phu zawk a, "An nalh hle mai, Duhtak a tawng a ni ve mai a, dem chi pawh niin ka hrelo.. Hetiang mipa hmangaihna ngah leh rilru tha lutuk changtu nih hi tunge duhlo awm ang?" tih a ni a, a hnuai leh ah "Lalmam, i lung hlui a len vang anih chu?" Pakhat hian a rawn ti khauh a.. a reh vang vang a.. Comment chu atirah chuan ka nuih a ti za lek lek a, Mahse ka ngaihtuah chian chuan min hrechiang taktu a ni tih ka ring deuh a, A hnuaia 'Lalmam' an tih te chuan eng emaw min hriatchhuah tir uar uar a.. "Lalmami, khu Estheri an tive thoin ka hria?" tih ka dawn tawh chu ka hre chhuak zawk a.. Comment tu Profile chu ka ensak ta vat a..
Etheri pawh a lo i ti lo a, 'Kimkimi nu' tih a lo ni a, Profile ka enchian hnuah Estheri ngei kha a ni tih ka hre ta a.. Hmeichhe naupang sam buang theng mai leh duhawm zet mai hi a pawm laite, a nu leh pa thlan ah thla a la laite, a ni nual hlawm a, a hmel chu a danglam ve tawh in a senior ve hmel tawh hle.. A sam chu a ngai rengin a la dah a, a mit meng a lian deuh sawt in a khur deuh dak bawk a, a biang mum mam thal thin kha a zum deuh hlek tawh a, A tleirawl hmel kha a tha viau a ni a, Mahse hetia upa lam hmel a put hian a hmeltha zual sauh niin ka hria... Kimkimi hi tunge niang?.. Pasal a neive ta tak tak nge? Sawn a pai ta mai mai zawk.. ? A hlim hmel thei viau mai lehnghal, Khami ni Jeremy te inneih ni a ka hmuh bak kha ka hmu leh ta lo hrimhrim a, Ka theihnghilh ta hmak pawh a ni lo, Ka hre reng thin zawk a, ka theihnghilh ngailo hrim hrim zawk a, Zan khat lek pawh ka mut dawnah ngaihtuah lo in ka mu ngailo, Mahse a hmel hmuh leh chu ka duh tawh hauh silo.. Kei nen hian Inkawp rem tur emaw kan niin ka hrelo, Kan inkarah engemaw thil sawifiah thiam chiah ni silo a awm tlat niin ka hria a, Chuvang chuan rilru lam a hlat chuang silo in tisa lam erawhin ka hlat zel thung a ni ber mai.
"Ka sawi i hre lo em ni?" Maria chuan a rawn ti a, "oh.. enge i sawi a?" ka ti a, "Ka sawi duh tawhlo" a ti ta tlat a.. Maria hian min nel em em a, A nu nutapa ang maiin min en thin a, Kei pawn ka ngaina viau bawk, Ka tablet ken lai chu a rawn la a, a en vung vung a, "Hei Miss Estheri a nih hi?" a ti ta reuh a.. "Tumaw?" ka ti a, "Hei hi, Miss Estheri a nih hi, a hmeltha a sin aw" a tileh a, "In school ah a thawk a maw?" ka ti a.. Min en pah chuan "aw.. i hria em ni?" a ti ta ha a.. "Aw.. hmanah ka hre thin" ka ti ringawt a, "Hmeichhe naupang hi a fa em ni?" ka ti leh kher a, "aw.. a fanu a nih hi, a duhawm reuh lutuk... Miss Esi chu Sir Siama nen an inngaizawng" a ti a, "Aw.. Pasal a nei tawh emaw ka tia, Pasal a nei lo em ni?" ka ti a, "Ka hrelo, Sir Siama nen an inngaizawng an ti a, ka awih ve tawp" a ti a, a nui hak hak chutia kan ti ti mek lai chuan "Sir, Inleng kan nei a?" Ka PS chuan a rawn ti a, "Aw.. nih chu tunge a?" ka ti vat a.. "Chanchinbu lam mi an ni a" "lo luh tir rawh, Thutkhawmna pindanah khan ka rawn lut phei ve ang" ka ti a, a chhuah leh hnu chuan "Maria, In Miss chu khawi vengah nge an awm a?" ka ti zui vat a, "Englo... Khawnge kha aw.... Eee Tuikual ah an tiin ka hria" a ti ta a.
Thla 6 Nagland ah ka awm veta der mai, Chawlh ka la hmang miah lova, Sawrkar hmalakna kawng hrang hrang ah ka buai a, by Election Hmun 2 an nei bawk nen chawlh lakna hman ka nei meuh lo... Mahse Election hnunung zawk an neih zawh takah chuan Kar 1 lek chawlh lain Mizoram lamah ka haw ve ta nge nge a..... Zep thu a cheng lo, Ka chawlh lak hreh chhan Pakhat chu Estheri Aizawlah a awm tih ka hriat vang a ni pakhat a, Ka hmu palh ang tih mawlh ka hlau, Ka hmuh leh chuan ka vei leh ngut emaw a ni ang a, A nihloh pawn Ka thin a ti rim leh hlur palh ang tih ka hlau tel bawk a ni. Chutih rual chuan achangin hmuh ka chak ve leu deuh thin a, Zana ka mumanga ka hmuh changte hian nilengin ka mood a off deuh phah fo thin, Hetiang taka ka vei hmeichhia, ka hmuh hreh bawk si hi an awm theiin ka ring ngailo. Pathian remruat nge Setana remruat pawh ka hre thiam teh nuaih lo, Chawlh ka la tih an hriat vangin St.Mary School in Foundation Day an hman turah khuallian atan min rawn sawm ta tlat mai a, Han hnial chiam lah thil tihchi a ni bawk silo, Hreh rilru tak chung chuan ka 'amen' ve ta hram a.. Maria'n Khuallian tur ka ni tih a hriat chuan min rawn phone vat a, a intithei hmel viau mai lehnghal.. Kei lah Hreh takte in ka hreh bawk si, kan rilru inhmulo tak chuan nuih a ti za lek lek zawk a ni.
School compound an nei nuam phian mai, Roman Catholic School a ni bawk a, Building etc pawh a tha in a changtlung viau bawk, Khua atanga pan deuh ngai ni mahse school Bus in a lam khawm avangin tutan mah pan a harsa lemlo bawk a, St.Pauls ang maiin miin an bawh tawh a, Mahse High School section lam an neih ve loh avangin an nau nawi deuh thung.. School ka thlen phat atangin hmuh chak ruk deuh hmuh hlauh angreng deuh si ka neih chu ka zawng ru deuh rulh rulh reng a, 'Rul leh Pangang hlau deuh ten an hmu thei' an tih ang deuhin kei pawhin ka hmuh chak luat vang nge? ka hmuh hreh luat vang ni ang ka hre lo ka ngaihven ru deuh hru hru reng mai a... Mahse ka vanneih a siamin nge ka hmu mai bik lova.. Principal room ah Principal nen kan ti ti dun a, a room bangah chuan Teachers list chu white board ah uluk leh nalh taka inziak an tar kulh mai a, Zirtirtu 12 lai an neih zingah chuan No.6 na ah Estheri hming pawh a intar ve kalh a, Ka mit a la nghal zar mai.. Chutia kan ti ti malh malh lai chuan Principal tukver a tang chuan Ka hmuh hreh ber hmuh ka chak deuh bawk si chu ka va hmu ta nge nge a..
School tual ah chuan Function hmanna tur in an buatsaih a, Kanath leh Samiana an zar vek a, Thutna tur Plastic Chair sen an rem dul bawk a, Stage ang reng an siam a, Chu Stage hma ah chuan Pangpar nalh deuh deuh an khawi a, Chung pangpar vel buaipui chuan Estheri chu a buai nap nap a. Kawrfual chawn thleng vel a khuh, Color dal lam deuh par deuh bawk nisi a ha hnalh a, a kawr hak chu a inhmeh in a chawn lang chin chu a var haih a, Vawthlep pheikhawk pink colour a bun bawk a, Chu a kawrfual hak chungah chuan school uniform switer color a dumpawl Cardigan a ha a, a sam sei lutuk lo chu a dan pangngai in a thlah hniang a, Kan lam hawilo zawngin a awm bawk a, min hmu lo hlauh a, "Estheri a ni reng mai?" ka ti chhuak hlawl a, "oh..In inhria elaw, Class-II Teacher a nih saw kan vannei a nia, a felin naupang enkawl a thiam phian mai lehnghal... Apa kha He kan School dinna tur kawngah sulsutu pawimawh tak pakhat a ni ve bawk a" Principal chuan a ti a, "Nia, Kum engemaw ti lai khan Delhi ah kan inhmelhriat a" ka tive mai a, "A lo nih tak chu, Tan a hun hnai dawn tawh bawk a, Kan chhuak phei ve tawh dawm em ni?" a tih takah chuan Function hmanna tur lamah chuan kan phei ta a.
Dawhsan chungah min thut tir ang a, Zirtirtu leh naupang ho in min thlir thup ang chu ka tih naklai chuan a lo nilo hlauh mai a. Naupang leh an nulehpa te ang bawkin dawhsan hnuaiah min thut tir a, Kan thutna turah chuan Sofa an dah thunga chu chu kan danglamna a ni mai.. Ka lawm zawk daih tih hrilh mawlh mawlh hial mai ka duh a, Function an tan a, Engkim mai an inbuatsaih lawkna atha tawk tih a chiang hle, an chanpual theuh an hnehsawh tlang hlawm hle bawk..Thusawina hun min pek ve ah chuan Minute 10 pawh tlinglo thu ka sawi ve a, Ka thusawi lai chuan Estheri chu ka zuk hmu ta nge nge a, Minlo en kal a, Ka thusawi min tihbuai a tum nimaiin ka hria, Mahse engmah bahlah lemlo chuan k thusawi chu ka sawi zo ve thei hram a. Programme kulmuk kan hman zawh chuan hun hlimawm zawk kan hmang leh a, Zai leh lam naupang lam chanpual te a ni hlawm a, hlimawm tak tak a tam hle mai.... Kan hun kan hman zawh ah Thingpui in hona kan nei a, Estheri chu ka biak phak lo ah zel a awm a, Kei pawn hlat deuh a awm zel ka duh ve bawk nen kan inbe hauhlo.. Mahse engemaw tak vangin kan inhmu leh hlawl thin a, Chutiang a nih chang chuan ka sen deuh ap ap ziah lehnghal, a ni ngei kei hawisawn rang thin ka hrelo..Kan ri nak nak a, Vanduai dawn hi chuan ka ti dawn nge? Vanneih dawn hi chuan kan tum lawk ni hauhlo thil kan tawng leh nawlh thin a nih hi.. Kei pawh ka zunram thiar let leh lam leh Estheri leh naupang 1 rawn inkai dat dat chu kan intawk ta hlawl mai a, In biak loh ngawt a chi silo.."Ekhai i dam maw?" ka ti a.. A nui sen sen a..
"Dam a lawm, nang zawk?"
"Ka tha e, I cher deuh a ang khawp mai".
"a hun ve tawh a lawm, nang i thau deuh sawt thung"
"nia, kha kha em ni Kimkimi chu?" ka ti a, Hmeichhe naupang Kum 3 mi vel lek, Uniform an hak tir ve zaih mai chu ka en a..
"Aw a nih hi?" a ti a..
"Sikul i kal ve tawh em ni?" tiin kan bia a, "mmm.." a ti a, min ngaihsak mang lo chuan a insawi lat lat a,..
"E i van fel ve, Pawl engzat nge i nih tawh a?" ka ti a, a ngawi reng a, "Chhangta che Kim" Estheri chuan a lo ti a,,.. "pawl tum ( pawl thum) a ti reuh a.. kan nui dun hak hak a, "a pawl sang tawh hle mai, kum engzat nge a nih tawh a?" ka ti leh a, "Kum 12" naupang chuan a lo ti vat a, Estheri chuan nui hak hak pah chuan " tihian a ti ve ziah, Kum 3 pel awrh" a ti a... "A nu a chhun a, a fel dawn khawp a lawm" tiin ka melh deuh ralh a..
"Maria nen in inhmu tawh em? hmeichhe naupang duhawm deuh a nia, Kan chhuang teh a sin" a ti khauh a.. Ka thin a so deuh butin ka hria, amah zawkin min sawi el hmasa deuh ziah chu ka kham deuh tawh a ni.. Mahse ka in control vat a, "Nia..a. la hmu miahlo" ka ti bah nuk a, "Nia, a fel ve tawh khawp" ka ti leuh boh a, "In inhmeh dawn khawp in ka hria, Pi Rebecca hi a fel em a ni" a ti a, ka ngawi reng a, "Ka hmanhmawh deuh a, i haw dawn hnai tawh em ni?" a ti zui zat a, "Nia, Hawn mai ka duh tawh a, Enge i la haw hmanlo tihna em ni?" ka ti let ve kher a, "haw hman tawh e, Mahse Ka Scooty workshop ah ka dah a, Bus in kan haw a ngai ang" a ti a, a sen ap ap a, "Oh.. a nih chu.. Nia kei pawh ka hawng nghal deuh mai ang.. a nih phawt aw" ka ti a.. Min nuih seih a kan inkalpel ta a.. Ka tisual em? tinge ka ruala an haw mai loh.. Ka inring hmanlo ka ding a, "Es... Ka thlah kawi mai dawn che u em ni?" ka ti ta tawl mai a, Ka sawi zawh rual rualin ka inchhir lehnghal a, Mahse a nih tur a ni zo vek tawh thung, "nia.errr.. kan lawm khawp ang chu" a lo ti ta then a, Chheih ka inbarh lut leh dawn a va ang ve.. ka ti rilru a.. "Motor parking ah kan lo nghak mai dawn che nia" a la rawn ti zui a, Huissss.. Ka khap sual ta si a.. "ni rawhse.." ka ti ve ta nge nge a..
"Kan In ah i rawn dak lut ve dawn em?"..
"Ka hrelo le, ka hman ang em ka hrelo"
"Nia, I buai bawk si a" a ti a.. Kan ngawi vang vang a, "Aaaa buai tih lemah buai chhia chu ka nilo, Ka lo peng ve zawk dawn nia" ka ti ban churh a.. Kan ngawi leh ngat ngat a, A fanu Kimkimi chu a zai rat rat reng a, "i va zaithiam ve, i nu hian a zirtir thin che nge i pa in?" ka ti a.. "a nu in" a ti thawp sap a, "i nu hi zaithiam a ni a lawm" ka ti zui hram a. "Nia, A nu chu a zaithiam lutuk" a ti a, eng eng emaw a sawi siam siam a kan nui hawk hawk reng a, Naupang lo awmve chuan kan boruak a chawk danglam ta daih a.. "Kei hi ka kal ve mawp mawp a, In Inluahna ka hre der silo, a nilo lamah ka tlan vak tawh lo maw?" ka ti a, "Oh.. i hre sa tawh emaw ka ti a, A ngaiah khan ka awm leh tawh a lawm" a ti a.. "Nih chuan ka hriat chu, I Ni te bulah i awm leh ta tho tihna a ni maw?" ka ti a, "Nilove, Ka ni te kha an Insawn chhuak tawh a, Keini nufa leh ka Putea fapa nen zawng kan awm tawh" a ti ve mai a... Sawitur tehchiam awm heklo naupang bawk chu ka fiam leh ta vel mai mai a.
An In kan thleng a, Hmana ka luhssual tuma luahtu te tho khan an lo la luah a, Hmeichhe naupang te pawh kha a lo lian ve tawh viau nghe nghe.. "Ka rawn kal hmasak ber tum khan, Ka chesual pek a lawm" tiin Inhnuai step a kan kal pah chuan ka chetsual dan chu ka sawi bawrh bawrh a.. A nui hak hak a, Hman kha a anglo ve ta hle mai, a cool ve deuh raih tawh a, Nui hawk hawk thin kha a mawi tawkin a nui ve satliah mai mai tawh a, Inchung kan lut a, A lo luah nuamin Plan fel tak nen a engkim ruahman a ni tih a hriat hle.. Khami hunlai a Naupang teihawi satliah leh Inchei duhdah ve tak kha a ni ang tih reng a hriat tawhloh..A felfai thlap vek a, "In i nei nuam hle mai, Inhnuai ah khuan kaw engzat nge la awm a?" ka ti a, "Nuam a nive mai, Chhungkaw 4 lai chuan an la luah ve a, a hnuai ber khu Chhungkaw pakhat luah tawk a ni nangin College zirlai in an inluah sem bawk" a ti a "lo thu la ka inthlak ang e, enge i in duh a?" a ti a, choka lam chu a pan zui nghal a, "In duh tih te chuan Strong lam ka duh ka ti mai tur a sin" ka ti fiam a, a nui hak hak a, "Chutiang lam chu ka neilo, Mahse Beer erawh engemaw changa lem ve zeuh atan ka kawl thin, ka rawn lak ang che aw?" a ti a, a nui hak hak bawk a, "a pawi lemlo khawp ang" ka ti liam puat a.
Ka tum aia rei ka awm ta, hawn ka duh a, ka hawng thei silo, Kan ti ti tam vaklo, Kimkimi chuan engemaw ni lehkhabu ah a thai nak nak reng a, Keiin an bulah ngawi rengin ka lo thlir a, Zanriah a buatsaih pah bawk a, a kalsawn rei lai deuh hun chu ka chuh vat a, "Kim, Khawnge a pa hi?" ka ti a, a lehkhabu a engemaw thai nak nak pah chuan "Lungleiah" a ti a, "in bulah a awm nange?" ka ti leh kher a, "aih awmlo.. a putea nen chauh a awm" a ti a, Ka rilru chu a na thar leh kher mai, Innei lovin nge nau a pai ang a, Innei si in an inthen leh vat zawk? niang? mipa a duh lutuk zawk em ni ang? tihte chuan min rawn tur ut ut ni maiin ka hria, "Kim, Apa chu tinge in bulah a awm loh a?" ka ti a, a ngawi reng a, a thil ziah lai chu a chei niap niap reng a, Han zawh nawn leh kher chu ka hreh tawh bawk si..ka zawh nawn leh hma chuan Estheri chu a rawn lang leh ta bawk nen ka ngawi ta rih a... Mahse ka mood chu a off chiang tawh kher mai... "I niing deuh tawh em ni i va ngawichawi ta ve?" a ti a, min melh ralh a.. "aaa ning love, Englo Kimkimi pa hi khawiah nge a awm a?" ka ti chhuak ta nge nge a.. Kimkimi lehkhabu a keu lai chu a khup a, "Kim, I room ah kal tawh rawh le, Games lo han khel rawh" a ti a, "Nu.. tablet tui battery a zo daih tawh sia.?" a ti niah niah a.. "Ka Charger kha i hmang mai dawn nia" a ti a. "Yes.." tih leh thawh a rual a, a lehkhabu chu a pawm tan a, room lam pan chuan a kal ta nal nal a..
"Engmaw i sawi kha?" a ti thawp sap a, Kan in ep chiah a, "I fanu pa hi khawiah nge ka ti mawle?" ka ti deuh hmuk a, "Lungleiah, enge min zawh chhan?" a ti ve hmak bawk a, "Eng nilove, Fanu nei ta chu pa hmel ka hmu bawk silova, ka zawt mai mai che" ka ti duh chauh a.. Nui hak hak pah chuan "Mi hi i ring chhe ve thei ngawt mai, Sawn ka pawm emaw i tia mi?" a ti a, a hmel chu a tak ran bawk a, "Aih. chutiang chiah pawh chu a nilo, Ka ring chhe lam che pawh a ni chuang lova" ka ti nuah nuah a " Englo a nia, Kimkimi pa nen hian zan khat chiah Chance kan nei a, Ka ruak ta silova, ka nei leh duh bawk silo nen kan heti ta vel mai mai a nih hi" a ti ta nge nge a..Ka so bulh bulh niin ka hria, ka dang a ro hulh hulh bawk a, "Chutiang chu thil thlendan tak tak maw?" ka ti chhuak thei hram a.. "mmmm... Enge i ngaihsak vak lem le, a ho lutuk, kei pawn ka ngaihven peih tawh lo" a ti a, a nui sang lehnghal.. "Nia.. Ka rin ang chiah che hian i lo ni leh thin tlat si a.." ka ti deuh tawng a, "Eng vang chuan maw?" a ti a, a sen ap ap a, a meng rum al bawk a "Eng nilove.. Ka ngaihven lem love" ka ti ta daih a, "Nia.. ngaihsak vak duh suh, kei pawn ka rawn ngaihsak vak loh che u hi" a ti ta daih a.. "Eng nge i sawi awmzia?" ka ti tuak a, "Eng nilove" a ti ve hmak a, "Rebecca hi ka naupang thian a ni a, Farnu angin ka en, Kan inkawp nia mi sawi zawng zawng kha dawt a ni, Dawt vek a ni" ka ti ta hmuk hmuk a, ka insum zo lo a ni ber mai "Ka hria lawm, chutiang in nilo tih chu ka hre reng a lawm" a ti leh daih a.. "A nih nangin enge min ngaihven viau chhan?" a rawn ti leh bauh a... "Ka hrelo, Ka ngei che nge ka ngai che tih pawh ka hrelo" ka ti ta hu a, "Engmaw.. Kei hi min ngai ang maw? a ni teuh lo, Min ngei zawk a niang chu chu ka duh zawk bawk" a ti a, ka tho a, a bulah ka va thu hnai a "Engmaw i duh zawk chu" ka ti a, Min sir melh ralh chung chuan "Min ngei zawk rawh ka tihna mawle" a ti a..
Enge ka tih ka hria, Mahse ka tih tur chu ka tih loh nan ka insum hman nang lo.. Hetiang a ka awm chhan hi enge ka hrelo, Mahse ka thinlung chhung ril tak tak chu ka tumna satliah mai mai chuan a lo dang hnehlo hle mai tih ka hriat chhuah phah zawk a.. Min nam sawn a tum nangin a tum reilo kher mai, Delhi a hotel chhunga kan duhthawh ai mahin kan duhthawh zawk emaw tih tur a ni...kan chawl lo, chawl zawk emaw, La sawn hmasa zawk emaw tu nih kan tumlo ve ve bawk a, In ei zawh theih chu nise kan In dawlh zo deuh thaw tawh awm e... Door bell a ri tlang tlang a... Engemaw in haw tak insi in then phawk ang maiin ka inthlah rang kher mai,... A tho a, a inhui tha mawlh mawlh a, Kawngka chu a va hawng a, "In va tlai ve?" a ti a.. Mipakhat Kum 25-30 inkar emaw aia upa emaw tur hi a rawn lut a, "Inhralh a har em a lawm le, Khawnge Kimkimi?" a rawn ti lut bawrh bawrh a, a khawsa zia ah chuan a cousin chu a nih ka ring zui nghal a, "A room ah games a khel a niang, Bawiha hei hi U Kima kha a nih hi i la hria em?.. U Kim, hei hi Bawiha a nih hi, Ka nutei fapa" a ti a.. ka harh zawk a, Jeremya te inneih ni a, a rawn kalpui kha a ni tih ka hre nghal a.. "Oh hria e, Enge chawlh i la em ni?" a ti a min chibai nghal a, "Nia, Kar khat lek chawlh ka la a lawm le" ka ti a.. "A nih tak chu, Balu leh Cement zawrhna dawr ka siam ve e ka ti a, ka rawn haw tlai deuh a, Ka inbual lawk ang e" a ti a.. a kalsawn nghal a.. Estheri chu lai deuh chuan a ding reng a, "A fel hmel hle mai" ka ti boh a.. "Chaw ei ve rawh aw?" a ti tiak a, a aw a thian nghal khar khar a "Ka eilo mai ang a zahthlak deuh" ka ti a. "I zakzum thei bawk si a" a ti deuh kher a, "A nih chuan ka ei mai ang chu..." ka ti a, "Awle.. ka bawlkep rilru sa che a" a ti a. Ka bulah chuan a rawn thu a, "Engvang ngawt chuan maw?" ka ti a, inthlahrung deuh chuan a kut ka va hum sak a, Min en pah chuan "Eee.. Min ngai em a lawm" ati a, a nui hak hak a.. "Ka ngai che maw?.. Engtin nge i hriat?" ka ti a, "Ka hre mai, Ka mumangah ka hmu zing che e mai" a ti a, "Enge chutiang a i sawi mumanga min hmuh vang chuan ka ngai che ah i ngai a maw?" ka ti a, "aw.. Ngai, an sawi vek a lawm, Kan ngaihzawngte kan mumang a kan hmuh te hian min ngai tihna an tia lawm" a ti a. ka nui a, "enge a dik a lawm" a ti a "Nia.. Chuti a nih chuan min ngai ve tihna a nih chu" ka ti a.. " Min hmu ve thin em ni?" a ti vat a, "aw.. Hmu zing mai" ka ti a.. a nui hak hak a..
Zanriah ka ei ve ta tak tak a, Enge ka hrelo kalsan ka chak lo tlat, kal turin ka inpeih thei tlat lo, Zanriah kan ei kham a, Bawiha chu a leng chhuak zui a, Kimkimi lah a room ah games a khel leh daih tawh a, "Kimkimi hming hi tu phuah nge?" ka ti a, "Keimah..tinge?" a ti ha a, "Ka hming nen a in ang duh hmel em a?" ka ti deuh kher a, "A inang a lawm, I hming ka lam reng theih nan ka phuah a lawm" a ti a, " Ka awih chiah lo, In pa in a phal awmlo e mai a?" ka ti a, a ruk tak chuan ka lawm viau thung.. "U Kim, Kimkimi hi ka fa a ni hleinem.. Bawiha farnu fa a nih hi" a ti thawp sap a.... Ka en reng a, min melh kar a, a hmelah chuan dawt a sawilo tih a hriat, a tho a a roomah a lut a, rei vaklo ah Album kengin a rawnchhuak leh a, "I awih vaklo a ni maw? Hei hi en rawh" a ti ta a.. Album ah chuan Hmeichhe pakhat naupang hmel deuh tlalak leh a boral lai thlalakte a lo ni a, "Hei hi Zamtei a ni a, Kum 18 lek a la nih hi, A bialpa nen an chesual palh a, a rai ta si a, Mahse A bialpa chuan a nei leh duh silova, Nupui dang a nei nghal daih a, a rilru na lutuk chu intihhlum a tum fo a, kan dang zel a.. a piangthar ta a, Mahse Kimkimi a pian hian a mah a boral phah zui ta zel a nih hi.. Keiin naupang ka lo awt bawk nen ka nei ta daih a, Ka hming engkim ka register ta vek a nih hi, apa pawh a hrelo, Lungleia a pu saw a pa emaw a ti mai mai thin" a ti a, a mittui a parawl tiam bawk a, "Chu raicheh in a thi tihna em ni?" ka ti a, ka chek tlak tlak a.. "aw.. Mi sawisel leh diriam ka tuar phah nangin ka ngai haw lemlo.. A dik tak chuan Mipa ah Nanglo hi Hmangaih ka la nei ngai lo a sin" a ti tham ta tiak a...
"U Jeremy khan min ngaizawng ngei a lawm, Mahse U angin ka en a, Min thlem reng thin a, Ka inngaihtuah ang tiin ka hnial ziah a, Ka rilru in Ka ni te bula haw leh ai chuan ka yes mai ang tia ka insiam fel lai takin i rawn langta si a.. Nang lah in min kalsan dan ngawt i ngaihtuah a, Kei fahrah leh CM fapa ngat chu kan Inkawp rem thei lo turah ka ngai hmiah bawk a, Mahse min rindan diklo erawh hrilhfiah che chu ka duh em em a, I ngaithla duh bawk silo a, Tichuan, ngawi rengin ka nghak ta tlawk tlawk che a, Rebecca i nen in chanchinte leh midang nena in chanchinte ka hre reng a, Ka rilru a na in ka tap nasa thei khawp a sin.. Ka vannei a siam in Court ah hnehna ka chang a, Ka in rochun leh ka pa dawr min rochun huan leh ram zawng zawng ka chang let leh vek a.. Nangin midang min lem san tak siah chuan nunbul tan thara, Kimkim ka nei tawh bawk nen Pasal nei lova tar mai ka lo tum tawh a, I rawn lang leh ta roh si a nih hi.. Mak eem em chu Midang nena an sawibel changche a, Ka rilru nat vanga ka tah changte hian i duh tak tak niin ka ringlo ve tlat zel a, Chu chuan nangmah ka nghahna che min tih phur phah viau thin a, Mak ka ti thei lutuk... " a ti sap sap a.. Ka ngawi reng a, A laka ka rilru lo put dan te chuan min ti zak chem chem a, Kei hi ka sual a ni ka ti rilru a.. a mittui luang par mai chu ka hruk sak a.. "Min ngaidam dawn nia, Kei hian ka hmangaih luat che vang nge ka hrelo i laka ka thikthu chhiat luat vangin i nihna hailang talo chuan ka lo thinrim ve hlur zel a lo ni e.. Ka lo hrechiang lo che em a ni" ka ti a.. Ka fawp leh ta nge nge a....
Hemi zan hi kan hlim dun zan ber a ni hial ang chu, Thutkhawmna pindan ah insi rial in kan thu dun a, Midang kan ngai lo, kan kut chu a intawk nek nek reng bawk a, Kan hun kaltawh a, kan awm dan leh Lungleng tak chunga kan inhnaih duhloh tawn ve ve bawk si thute kan sawi dun a, kan nui dun hak hak reng a. A nau a rawn haw thleng ka leng a, Ka haw tur min thlah chu an veranda ah kan ding a "Es....englo engemaw ngen che ka duh a, i remti ang em?" ka ti a.. Nui deuh seih chung chuan "Engmaw...? ka bula riah maw? ngaihtuah duh lo zawk mai rawh" a ti zung zung a, "aih nilo, chutiang lam pawh a ni lo... Ka nupui ni tawh mai la, Ka upa lutuk tawh a nia" ka ti a... A nui lai chu a tawp hmak a.. Min en kar chung chuan "Engmaw i sawi kha?" a ti ha a... "Ka nupui nitawh mai la?" ka ti nawn leh a, "aih nilo khami zawh chiah a mi kha mawle?" a ti a, a nui bawk silo a ka ngaih a tha chiah lo a, "Eng chu maw? " ka ti let hu a..." aw i sawi hmasak zawk ami kha?" a ti a, a nui deuh tawh bawk a.. Ka ngaihtuah det a, ka hrechhuak a, "Ka uanglo a lawm, Ka upa tawh lutuk" ka ti nawn leh a, nui hawk hawk pah chuan "I thu thu a lawm, a neitu tur i ni a, i leitur hnenah lei a duh leh duh loh i zawt hmasa ngai em ni?" a ti ta a...
Zing ka tho chu nidang anglo takin Walk lovin ka inbual fai te te a, Veranda ah chanchinbu chhiar in ka thu a, Ka pa hmu duh an rawn lang tak tak hlawm a. Ka pa nen hian Inbiak lumlam hun kan nei tlem dun hle a, hetiang hian tuktin mai rawn kawm duh tawk hi an awm ve ziah thin a.. Ka tho lawk a, Ka nu leh pa room lam chu ka pan nal nal a... Kawngka chu ka kik karh karh a.. "Enge nita?" ka nu aw chuan a rawn ti a, "Keimah ka nia ka nu" ka tih rual deuhthaw chuan "Mama lo lut rawh, enge nive teh tlat a..?" ka nu chuan a ti a.. Room chhung ah ka lut nghal a, "Khawnge ka pa hi?" ka ti a, Toilet atang chuan ka pa chu a rawn chhuak chiah a, "e ve hlawl che chuan" a rawn ti a "Ka be duh che u a" ka ti a.. Min en vung vung pah chuan "a sei dawn em?" a ti khauh a, "Inleng ka nei dawn si a?" a ti leh a "Hun tlem minpe be bawk la mawle"ka ti ve ta ngat a, Kahriat chinah ka chhan nat ber tum a ni hial awm e.. A nui vun vun a, "enteh i fapa hian min chhang ve fuk fuk mai ka ti.. a țuah tawh viau a niang" a ti a.. "Mambawih enge i sawi duh chu?" a ti zui nghal a.. Ka sen ap ap a.. Ka nu samkhuih malh malh lai chuan min en a "Nupui neih ka duh ve tawh a" ka ti thawp sup a...
"Engmaw?" an ti dun thawt a,
"Nupui neih ka duh tawh a?" ka ti a..
"Nupui neih aa....tunge..Beki em ni?" ka nu chuan a rawn ti vat a,
"Nilo, Ka nu Beki chu i hriat chian kha?" ka ti a, a nui var var a..
"Engmaw? tunge nita ang?" ka pa chuan a lo tive bawk a,
"in hrelo ang, Estheri a nia?" ka ti zawi sup a,
"Tunge a pa?" ka pa chuan a lo ti a.
"R.Thawnga a ni a, Tuikual South a awm, a boral tawh nghe nghe" ka ti niah niah a,
"Hmmm... I nu nen khan lo sawi dun rawh u, A hrim hrim ah i rawn hruai ve phawt ang chu" ka pa chuan a ti a.. Room atang chuan a chhuak ta daih a.. "Mi eng ang nge a nih a, Engtik atanga inhria nge in nih" Ka nu chuan a ti a, Ka nu bula thut pah chuan Estheri chanchin chu ka sawi ta vek a, Kan intawn dante, ka thil hriatsual te, kan innghah dante ka boruak engkim mai chu ka hrilh fai ta leng a..
"Ka Nu hei hi Estheri chu a nih hi, hei hi a fanu Kimkimi a nih hi, ka hming chawia a phuah ngat mawle" ka ti a.. Ka nu chuan nui var var pah chuan "Kimkim hming mawi tak ta nih chu mawle.. Estheri chu i hmeltha hle mai, Engtin nge ka koh ang che?" a ti a, "I duh duh danin a ni mai, Esi min ti tlangpui thin" sen ap ap chung chuan a ti a, "Kum engzah nge i nih ve tawh a..?.. "Kum 28 na ka hmang ve mek" "i la upat chhiat loh chu..Innei vat rawh u, ka hmanhmawh tawh a nia" a ti a.. Kan nui dar dar a.. Chutih lai chuan ka pa leh midang an rawn kal a, "Zanriah kan ei tawh mai dawn em ni?" a rawn ti a.. a ding chut a, "Nangmah hi em ni Estheri chu.. I pa kha pataima leh ropui deuh a ni a sin" a ti ta roh a....
Inneih dar ri chuan min ti phur surh surh viau mai, Ka nupui duhtak niturin Reingial ka helkual hnuah He nu kher hi ka thlang leh ta chu a ni a, Ka hmin tawh hnap hnap hle.. "Bawiha lo kal tawh la, I nalh mah mah tawh ang" ka nu chuan a rawn ti lang lang a..
"Ka nupui tak ni turin ka nei tache tih entirnan he Zungbun hi ka pe a che" ka ti a.. Ka zungbun chu ka bun tir ta a.....


THE END.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)