RETURN OF ROSEMA BY Tochhong Ruata (Completed)

Ngaia
Site Admin
Posts: 25813
Joined: April 30th, 2016, 4:07 pm

RETURN OF ROSEMA BY Tochhong Ruata (Completed)

Unread post by Ngaia » December 4th, 2018, 5:38 pm

RETURN OF ROSEMA-1

"Engpawh nise, he thil hi hre reng rawh, Mizoram i rawn luh leh rual rualin i thi nghal dawn a ni tih hria ang che"

"Ka hria a lawm, Mahse ka pian ka sei lenna, Ka nupui duhtak ruang zalhna hmun, ka ram hi ka biruk san reng thei hauh lovang le.."

"Ka hrethiam khawp mai che, mahse i boral chuan tunge he naute duhawm tak hi enkawl ang a?? engtin nge a awm zui tak ang?.. tih hi hre reng ang che"

"Hmmmm... Ka lawm e thianpa, engpawh nise ka lama tang awmchhun i ni tih ka hria, i thu pawh awih ka tum ngei ang.. Engkim avangin lawmthu ka sawi tak meuh a nia aw"

"Chutiang engmah sawi suh, ka nunna min chhan him sak hnem ziate kha ngaihtuah ta che, Tun dinhmun ka thlen theih nana i hnathawh zawng zawng ahte hian ka dam chhunga ka rulh zawh senloh a nih hi... kal tawh teh, Thawm a awm tlat... Hei hi keng la, I tum ram chu i thleng thei em em ang... Khawchhak lamah chuan kal miah suh ka tih kha aw... a hlauhawm"

"awle... Ka lawm e.... Dam takin le..."

Ka fanu thla 11 mi chu ka pawm nawlh a, Chak zetin kawm karah chuan ka pilbo pui zui ta nghal a.. Ka thianpa in ka iptea a rawn nawr luh Pawisa (Engzat nge a nih pawh ka hrelo) leh ka fanu chiah chu bungrua ka neih a ni mai... Vai rama tlanbo tura min tih avangin Vai motor remchang man hman ngei tur chuan Khawvar hma chuan chak zetin Kawngpui lam chu ka pan ta thuai thuai a...

****************************************

"Kapa, min ngaihtuah suh, a nuam khawp mai, nimin khan eng emaw buaipuiin kan buai a ka nu thlan pawh ka tlawh hman lova, Vawiin ah kan tlawh ang, Nana-i pawn nuam a tih hmel khawp mai..."

awki zang vah mai chuan a rawn ti a, ka fanu a hlim hi chuan ka hlim a ni mai a, ka fanu a lungngaih chuan ka lungngai a ni mai, he khawvela ka neih chhun tak meuh a ni si a..

"Bawihi, Ka thusawi kha hre reng la, hmelhriat loh bulah fimkhur tur ka tih kha a, I nu thlan in tlawh a nih pawn, I nu thlan i tlawh a ni tih tuman an hre tur a nilo a nia aw" ka ti bul hmuka, nui har har pah chuan " awle,... Mahni nute thlan tlawh a, nu thlan a nilo tih chu a harsa awm mange?" a rawn ti a.. ka kiai suk a "A ngai sia lawm, i thei tih ka hria, i thei ngei bawk ang" ka ti leh a.. " awle.. Thlalak ka rawn mail dawn che nia.. a nih leh phawt aw kan thian nu hi a fel khawp mai, min hruai kual char char mai" a ti zui zat a, "awle.. fimkhur hle ang che" ka ti a.. Phone chu a a dah zui ta nghal a...

Ka thianpa Bena nen kan inthen khan Vai rama bibo tura thurawn min pek kha ka hre reng a, Mahse ka rilru ka thlak thuta, Manipur lamah kalin Burma border ah kum 1 ka awm a, Chumi hnuah ID te neiin Burma ah ka lut chho a, Naute nen engtin tin emaw ni inhlawhfa chawp zelin Rangoon khawpui ka lut ve ta daih a.. Kum 20 zet chu a liam ve ta reng mai...

Ka vanneihna a kaltluang ve hrim hrim a, Lawngleng khalh in hna ka thawk phawt a, ka fanu nen Burma ram rawn tlawha zin vakte hruaiin Lui-ah kan khawsa ber a, Chumi hnuah Lawngleng siama eizawng Burma putar nen inhmelhriat lehin kan khawsa hova, Mahni chauha awm a nibawk nen Fa angin min ena, kei lahin Pa ang maiin ka en bawk a, Chhungkaw pangngai tak kan dinchho a, Kum 5 kalta khan a lawngleng siamna hmun leh bungrua zawng zawng ka hnena a hlan hnuah Ngawr natna hmangin min boral san zui ta a... Ka fanu min chawi tleipui bakah University ah thiamna zirin kan luh tir thei bawk a...Kha putar Sakhuana hi Sum leh pai thawhchhuahna aiin a hlulo zawk ti tlat tu nunah khan Hmangaihna riltak ka hmu thung si... Min hnehin nu leh pa hmangaihna hre map lova selian ka tan chuan a hlu hle reng a ni.

Fahrah in ah selianin Tleirawl chauh ka nihin Sipai ah ka inziak lut ve a, Mahse kum tam pawh ka tan hmain Hmeichhe pakhat ka phu hauhloh ka tawng ve hlauh mai a.. Chu hmeichhia chu ka tana Khua nu ruat, ka tan malsawmna leh kawng engkima mi ka an ve theihna tura ka lo ngaih chu ka hring nuna hun hlimawm loh ber leh ka nihtum ni theilo tura min siamtu a lo ni ta zawk si a.

Ka Hmeichhe tawn Chhungte chu thil ti thei eltiang an nih bakah amah lo ngaizawng ve em em tu te chu Aizawl khawpui mai nilo Mizoram hmun hrang hranga engkawng pawha vawk lallen an lo ni si... Chutiang vel karah chuan Chu nula nena kan inhmangaihna chu a inchar nghet tlat lawi si.. Buaina, Insual, in chaltauh engkim mai kan tawk malh malh reng a.. Kei tuma laka tlawm ngailo, khawi hmunah pawh nise hlauh nei ngailo ka hmazawna awm chu suttlang tum tlat thin ka lo ni bawk nen, Chutiang buaina pawh chu ka su ve hmiah hmiah a.. Sipai atanga tlanbo ka ngai phah ta hial reng a.. Chu chuan buaina a titawp chuang lova, Buaina a ti punlun zawk mah emaw tih turin Kan karah Fa hial a lo pianga... Chutah tual thahna in a zuia, Kei ka ram atanga tlanchhiat ka ngai phah bawk a..

Kha nun chiri tak leh buai nuaih mai kha Kum 20 liam hnuah pawh hriatchhuah chang ka nei thin a, Hlimna hi ka ta ve tur a nilo a niange tih tur khawp hialin buaina leh harsatna ten min chima, min bawhbet a, chumi atanga ka talchhuah theihna awmchhun ka ram chhuahsan a ka hun hman chhoh tak ah erawh hlimna ka tawng chho ve ta bek bek a, Ka fanu chu ka neihchhun ka hlimna leh ka engkim a ni chiang khawp mai.. kha hun thim tak ka hman chhoh te min theihnghilh tirtu leh ka nuna hlimna nasa tak min thlen saktu a ni chho ve mek zel a.. Ka ram atanga ka tlanbona kawng bumboh taka naupang riltam tuihal ka enkawl chhoha.. Tuilian marput maia zuanthlak chak zek zek a ka beidawnna te zawng zawng pawh kha ka theihnghilh chho ve mek zel zawng a ni e.. Kal chhet chhet atanga bul tanin hlimna ka tawng chho ta zel zawng a nih hi..

University a kal ve tana, Mizoram zin min dil fo thina ka remti ngailova Kum 20 a tlin lawmna atan min dil leh takah chuan ui tak chungin ka fanu ka ngam talo.. ka hmuh phak lova awm ka phal ngailoh kha ka hmelma te tuallenna hmun nisi, ka pian leh ka seilenna hmunah ka tirliam ta chu a ni a, ngaih a ngamlo duh hle mai... Amah chauh nilo a kawl thiannu Nana-i a la hruai zui lehnghal.... Mahse Internet lama a thian chhat Becky a tih maiin a lo dawngsawnga, nula pangai tak ni ngeiin ka hria.. chu chuan ka ngaihtuahna pawh a tih ziaawm ve phah hle nghe nghe...

**************************



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 4th, 2018, 5:39 pm

Kan inbiak hnuhnun ber atanga ni 4 hnuah pawh a call ka dawn tak loah chuan call tumin ka try ta ngat ngat a, mahse busy a tih loh leh switch off a inti ta fo mai.. ka ngaih a ngam zan talo...Nileng a biak ka tum pawha ka hlawhchham tak avangin ka awm hle hle thei tawhlo a ni ber mai... Tlai dar 6 velah beidawng taka ka awmlaiin a message ka dawng ta hlawl mai a.. Ka phone a chianglo, min ngaihtuah suh tih zawng a nithung...Rilru nuamlo deuhin ka mu a, ka muhil tlem kher mai. ka rilruah thil nilo lo a lo luh zut zut vang a ni ber mai...

Tukdang ang bawkin Zingah thovin Km 4 zet ka tlan hnuah ka inbual faia, Thingpui in pahin Mizoram News group ah lutin Mizoram chanchin ka chhiar paha... Tuikuk Autonomous District pek an nih vanga buaina chuan ziaawm lam a pan thei meuhlo a nih hmel, Chutiang boruak hlir chuan group chu a luahkhat a ni ber.. Chutiang vel thlira ka enkualna lamah chuan Ruang chhar tih thu leh Picture ka hmu chu ka tho zawk a ni ber mai...

Chu Ruang an chhar chu ka fanu kalpui Nanai ruang ngei mai a ni a, Saruak veka awmin Hotel ah chhar a nih thu leh Kawl lam mi a nih thute amah hriatchian a ni loh thu leh a ruang postmortem a Riangvai thlanmuala phum tur a nih thute chu ka hmu a.. ka bing nghal chum chum mai a.. an post na pawh ni 2 zet a liam tawh lehnghal... Phone ka la vat a ka fanu biak tumin ka try nghal a.. Mahse nimin ang tho khan 'Switch off' a in ti leh ta tlat a... Ka awm hle hle thei ta hauhlo... Nanai chhungte biak pawh dan ka hre bawk silo, Rangoon lam mi an ni bawk silo, ka buai kher mai... "Ka lo kal tir ta kher kher a ni" ka ti chhuak tuar a..

Chutia rilru buai taka ka awm lai chuan hriatchhuah ka nei zawk a.. E-Mail ka check nghal vat a.. Darkar 8 kalta a ka fanu mail min thawn leh ni 2 liamta a min thawnna a lo awm a.. ka hawng chu ka phu zawk a... "Pa min tanpui teh" tih zawng hi a lo ni a... ka sa zak mai.. Eng harsatna nge a tawh a, Mail min thawn thei tho siin min phone thei silo chu enge a chhan ni ang?? ka buai map map hle mai... Pakhat zawk chu ka hawng leh a Nana-i leh Hmeichhe pakhat nen an 3 a an thlalak a lo ni a.. Chu nu chu Baby an tih kha a nih ngei ka ring... Engmah ka sawi theilo.. ka bag ka la lawka, a thuamhnaw hakthlak 2 vel leh passport ka hnawh lut mawlh mawlha Travel agencies lam ka phone nghal a.. India ram zinna ticket ka tihfel tir ta nghal a..

*******************************

Mizoram boruak chu a vawt tan tawh hle, November thla chawhnu lam a ni bawk a, Khawlai ah Krismas lam hawi thil cheimawi leh eng ilo a eng ter tuar mai.. Kum 20 zet ka pilbo san hnua ka kirlehna a ni a, engkim a lo danglam vek ni berin ka hria... Ka tlanbo lai khan Pa cherlam thahrui ngah tawk vel Pasang ve tak chauh kha ka ni a.. Ka hmel pawh a la naupan hmel hle.. Tunah chuan ka hmel a chal ve tawhin hna ka thawk nasa bawk a, ka pumrua a lianin ka lang danglam ve tawh hle.. Khabe hmul leh hmuihmul ka zuah buk avangin min hrechiang fe tu tanlo chian hriat mai chu ka harsa ve khawp ang le..

"Tlangval, Hmanni deuh a Ruang an chhar-na hotel kha i hre thei mai em?" tiin ka chuanna Taxi khalh tupa chu ka zawt ta phawng a.. "engtik a mi nge??" a lo ti mai a, " Ni 2 vel liamta ami kha?" ka ti leh hram a.. a ngawi vang vang a "Khawchhak lam nula ruang an chhar kha amawnle i sawi le?" a ti a, "a ni ngei ang" ka lo ti vat a.. "A nih chuan Hotel Royle a nih chu, I kal duh a mi?" nui deuh suk chung chuan min ti a.. "Nia, kal ka duh deuh a,... Enge i nuih ava zat hmel ve?" ka ti a... "Sawi tawp maiah chuan He hotel ah kher hi chuan thlen a chakawm vak lo... Aizawl khawpui Hotel tawp ber a niang chu... mahse i duh tlat chuan le" a ti a.. "Eng zawnga tawp nge?" ka ti leh hrama... "Nawmsip bawlna hmun a ni ber mai, a neitupa lah hi engemaw ni chek ni Sawrkar hian an ngamlo a ni ber mai.." a ti leh mai a.. "Chu.. Dan chunga leng an awm tihna ani maw...Mizoram ka awmlohna hi kum 20 a chuang ta .. engmah hriat kan nei talo a ni e" ka ti a.. Dawt var ka sawi hlak a... "Nia.. NGO te pawn an han buaipui thin tak nangin an ngam meuhlo a ni., Kan nu leh pa te hunlaia NGO ang kha an ni ta lo a ni ber mai.. " a ti leh mai a... Engemaw zawh ka tum leh zuau nangin ka ngawi ta zawk a...

"Ka pu, Hotel Royle ah chuan a mi ka drop dawn che?" rei deuh hnuah chuan a rawn ti leh a... "errr.. Ngailo mai rawhse.. i sawi tuihnai lo e mai... Ben Ben Coffee shop te kha a la awm em le?" ka ti a..."awm tawh love.. Ben Ben Coffee shop kha Ben Ben Bar ah an thlak daih a lawm.. i hre hmanlai hle mai..." nui chung chuan a ti a.. "Nia.. ka hriat lai a thil awm ka sawi ve mai mai a nih chu.. a neitupa kha ka hmelhriat a nia, Hotel pan lovin ka pan zawk mai ang.. " ka ti a, "a fin thlak zawk ang.. Pa Bena chu pa fel deuh mai a nia.. Aizawl thalai rual hian an ngaina vek a nia.. A ni pawh dan ngam loh ve tho a ni nangin ngainat a hlawh ve khawp mai.. Mahse a pawisawi hi a hlauhawm viau thung" a ti a..

Khua a thim thut thut tawh tih ah Aizawl khawpui kan luta, A lo danglam nasa tawh hle, Kawng engkimah an thang ve nasa hle a ni tih pawh mita hmuhin a hriat ve theih hle..... Minute 20 vel zet kan tlan leh hnuah Taxi chu a kawi a... Ben Ben Bar tih lian zeta intar kulh kawtah chuan a ding ta a.. "Kan thleng ta e..." driver chuan a ti a.. Chuanman te kan in pek fel hnuah kan in vai liam a.. Kum 20 zet ka hmuh tawhloh ka thianpa hmeltha zet mai hmuh tum chuan chu hlimhlawp bawlna In lian zet kawngka lam pan chuan ka kal ta a...

"Entry pass i nei em?"

"Nei hauhlo mai.. Chutiang a ngaih thu ka hre hleinem."

"Aizawl khawpuiah i khawsa ngailo em ni?" tiin chik zetin min thlek a.. ka zin bag lian vaklo ka khai chu uluk zet hian a en bawk a.. min rawn en leh lai chuan ka lo kiai suk a... "Hei Aizawl ka rawn lut ve chauh a ni e.." ka lo ti a.. "I bag ah khan enge awm?" bung zet chuan a ti a.. "Ka thuamhnaw" ka ti ngawt a.... Metal detector chu a rawn lek chhuak a.. an hrut kual thuak thuak a... "Pawisa i nei em?" a ti leh a.. "Engzat?" ka lo ti vat a.. "Rs 1000/-" " ava to awm ve?" ka ti a.. " a to i tih chuan kan ep chiah ah sawn In tur zawrhna dang a awm a lawm, pan mai la... a hrim hrim in hetah hi chuan Hotel angin a thlen ngawt theihloh a nia aw..." a ti hmurh hmurh a.. Kei hi 6'2 ka ni a..Kg 90 chunglam ka ni bawk.. Ka hmaa ding nen chuan kan inchen tawk viau nangin kei aiin a rit chiang khawp thung ang.. a hrawl ve hreih hrawih hle... Rei tawk in en zam tum ang hrima kan in en hnuah "Anih leh le... He Bar ah ngei hian In tur in ka duh sia lawm le" ka ti a.. a kiai suk a.. a kut chum zet chu a rawn dawh a.. Ka wallet atang chuan Rs 1000 chu ka phawrh a. ka hlan a.. Rang zetin a ip ah a ak bo nghal hmak a.. Kawngka chu min hawn sak zui ta a..

Bar chhung chu a lo thim deuh khup a, Music an play ruai ruai a, Tleirawl kum 18 leh a chunglam an lo zi suau suau hlawm bawk a.. Hei hi kan Zoram thalaite nun a ni tawh si a ni maw?? Coffee kan in karh karhna thin ah khan zu leh sa zalen takin an khawih ta a ni a, Kum 10 a ral leh meuh chuan kan va chhe dawn ve le, ka ti rilru a. Tuman min ngaihsaklo, Mak ti hmela min en an awm bawk heklo, Bar dawhkan lam pan talo chuan Gallery angrenga an siam inchung lam pan chuan ka kal ta zawk a. Dawhkan fal deuh awm chu ka pan ding ta nalh a, ka thufel hman chauh tih ah Tuai nge Patil tih pawh hriat hran theihloh khawpa danglam uniform ha hian min rawn dinchilh nghal vat a "enge i lam ang?" a rawn ti a "Tuisik ka duh phawt" ka ti bung nghut a "I thu a lawm le" tih pahin a kal sawn lehnghala...

"He Bar neitupa hi ka hmu duh, hetah a awm em?" a tui rawn dah lai chu rum zeta melh pah hian ka lo ti a, a mengphawk nasa mai "eh eee a awm lo maithei, ka hrelo" a ti bah niaih a, "Hre rawh, Va ko nghal rawh, i rawn ko lo a nih chuan keimah a office chhungah ka lut mai ang" ka ti zui lehnghal a, rang zet chuan a kalsawn ta nghal a. Piah deuha mi 2 dingte chu a va bekbawr zui nghal a, Chung mite chuan min rawn melh zak zak bawk a. Chu waiter chu a kalsawn a, mi 2 pawh chu ka lam panin an rawn phe zui nghal bawk a, Ngaihsak awmlo deuh chuan ka tuisik in lai chu ka in a.

"Engvangin nge kan pu chu hmuh i duh chhan?" aw sin lawi rut hian a rawn ti a "Min hmuh duh ve dawn vangin" ka lo ti sam et a, "Buaina siam i va chak awm ve?" pakhat zawk chuan a rawn ti ve hmuk a, an ipte chhung lam chu an zen ran bawk a. "Buaina siam ka chak tih tunge sawi? in pu hmuh ka duh thu ka sawi mai a ni?" ka ti ve hmak a, ka zin bag chu dawhkan ah ka dah chho a, Zipper chu ka hawnga, an tawlh hnung deuh hrat a...

"Ngawi lawk teh u" tiin ka aw hriat tawh fo hnu chuan a rawn ti a, Chung tlangval 2 pawh chu an inthlahdul nghal a. Bena chu a thauin a lo upa hmel ve tawh hle, Hmana tlangval dawldang ve tak kha a lo sen suah tawh a, Tarmit a bun vang bawk a. Min en ha maia, Min hrelo tih a hmel a tang chuan ka hre mai, Inchhung chu a eng tehchiam lo bawk nen. Palian ve tak tak 3 hian an rawn zui bawk a, kawng dawma ding poh lang chung chuan "Ka pu enge puih theihna che ka neih? min hmuh i duh chhan?" thunei aw hmel zet hian a rawn ti a, ka ding a, an che deuh suau a, ka nui a "Benji, i dul a va kiar tawh ve...?" ka ti ta a..
*********************************

Bena zet zawng a lo hausa tawh hle mai, Ac room ah Thutna nuam zet mai leh Room zau nuam tak maiah, khawthlang lam sumdawng hausa room ang maia changkang leh nuamah, a duh duh a lam zet zet a ni ber tawh mai. A office bang ah chuan ka nupui nen kan 3 a kan thlalak a lo la tar ve vang a. A hmelah chuan hlimna leh mak tihna in a khat a ni ber mai, min en a, a nui vur vur a, a lawm ve takzet niin ka hria..

"Enge i rawn lan teh nawlh a?? Nauseni enge a chanchin?? a nula ve tawh ang maw?" a rawn ti ta hlawl a...

"Chu chu lawm helai a ka rawn lan nachhan" tiin ka harsatna chu ka hrilh ta mawlh mawlh a..

"Denzila hotela an chhar kha Nauseni thiannu maw?.. Thianpa, buaina ah i inhnuk lut leh ngei dawn a nih chu, He mihring hi a la danglam lo tak zet a nia, a nupui hual i neih saka, a unaupa i thah sak bawka, a ngaidam hauh lovang che" hlauthawng hmel zet chuan a ti a. " ka hria a lawm, Mahse ka fanu chanchin hre lovin ka bibo reng dawn a mi??, he buaina ah hian i telve ka duh hauhlo, mahse thil 1 chiah min tihsak erawh ka beisei, He nula hi a awmna min zawn hmuh sakla, Abak chu ka kutah dah vek rawh" ka ti zawi sap a, Ka phone a Baby-i thlalak chu ka entir zui nghal a...

"Zorammawii maw?? kan dawr hrik a lawm a nih, Zantin a rawn kal thin a, tunhnai hi a reh viau mai.. Mahse ka nauten an hre ngei ang a awmna chin" a ti a.. "i naute inrawlh tir emaw midang tupawh inrawlh tir ka duh hauhlo.. he nula chanchin khawiah nge a khawsak a, enge a tih thin, engtin nge ka fanute chulai hmuna a hruai theihna chhan ka hre duh mai a ni.." ka ti a.. a ngawi vang vang a... "i fimkhur hle chu a ngai ang, Denzil hian Beng 100 a nei an ti thin a nia... Mahse.. Thianpa, he nula leh Denzila in kaihnawih theihna chhan tur hi ka hre vaklo... Nula zu duh ve satlaih mai a ni.." a ti nuah nuah a, a hmel atang chuan min ngaihtuah hle a ni tih chu a hriat theih a.. "Engpawh nise, Hotel ah ka thleng ang a, he nula chanchin hi i hriatchian hunah min hrilh vat dawn nia..." ka ti a.. "awle.. Mahse ka hotel ah thleng ang che... Room 201 na ah i thleng dawn nia.. engemaw changa ka hman thin room a nia.. " a ti vat a..

"Hotel hial i lo nei tawh a maw?" ka ti leh he haw a... nui suk chung chuan "Lian vaklo chu nei ve e. ka nupui hminga ka neih a nia.." a ti sam et a.. a drawer atangin Phone leh Automatic pistol a rawn phawrh a.. "Heng hi kawl phawt teh" a ti zui nghal a...

Bena Hotel chu Aizawl Plaza tih a lo ni a, Ropui em em lo mahse a changkang ru ve viau thung, ka room luah phei chu nuam ve tak a ni nghe nghe... Denzila chanchin ka hriat theih ang ang chu internet lam atangin ka search nghal char char a.. Hmun engemaw zat ah Hotel, Pub etc a lo nei a, Aizawl, Lunglei, Champhai leh Kolasib lam thlengin a lo inzar pharh nasa tawh mai a... A nupuia Nutapa Minister ni mek a awm bawk a, chumi kaltlang chuan thil engkim a ti thei ngei ang le...

"Tunah Bar-ah rawn phei nghal rawh, Baby chu a rawn kal e.." tiin Bena chuan min rawn bia a, Zan dar 10 a pel hret tawh a.. Ka insiam sawk sawk a, Hotel kawta taxi ah chuan chuangin Ben ben bar lam chu ka pan ta vang vang a..

********************##

Baby chu ka tum angin ka hmu ta hauhlo, nula satliah ve mai mai turah ka ngai a, a lo ni awzawnglo, nula upa tawh lam kum 30 emaw vel tur hmelchhe lo tak leh Pian thiam zet mai a lo ni a, Thlalak aiin a lang upa zawk a.. Mahse hai rual lohin thlalak a mi ngei chu a ni tih a hriat thung.... Kan 2 chauhin dawhkan fal deuh ah chuan kan inhmachhawn ran a...

"Ks ka nilo a nia aw?" vin deuh hlak chuan a ti a.. "i ni ka ti reng renglo, Ks kawm duh hmel ka pu em ni?" nui chung chuan ka tive mai a.. "anih chuan enge min biak duhna i neih?" a ti a.. "Englo a nia, I tanpuina ka mamawh a?" ka ti te te a, nur deuh nang chung chuan "pawisa i nei a mi?" a ti daih a.. "Aw.. i duh zat zat a ni mai" ka ti vat a.. "Zu show la" a ti leh daih a.. waiter ka hui zauh a.. "anih min tanpui chu i hrelo ang tiraw?" ka ti zui nghal zat a... "Eng kawngah nge?" a ti ve leh mai a.. Waiter zu rawn dah chu a thli nghal zat bawk a... "Hei hi ka zawng a?" tiin ka fanu thlalak chu a hma ah ka nawr phei a... Nur deuh nang chung chuan " Nauseni maw?? Myanmarah a haw tawh a ni lawm ni?? Jk-an ka thlah tawh a tih si?" a ti ta reuh a.....

"Tunge JKa chu?" ka ti nghal vat a, Zu a in zo chu a ner nawk nawk a.. "Nang tunge i nih?" a ti ta daih a. ka insum zolo teuh thin kher mai.. Hetiang hian em ni kan Mizo nula te hi an lo nikhua loh zawh tak.. ka ti rilru hial a. "enteh Mami?" ka ti chauh a "Mami ka nilo, Baby ka nia" a lo ti vat a... "aw.. engpawh nise Baby i duh zat zat pawisa ka pe ang che... Jka chu tunge?" ka ti bul deuh hmak a... "Ka bial pa thin?" a ti sam leh et a... "a awmna i hria em?" ka ti leh vat a. "aw... Kolasib khua" a ti ta daih a..... "tunah khawiah nge a awm?" ka ti a.. "an khua ah a niang chu?" a ti sam leh et a... "pawisa chu" a la ti zui a.. "Ka pe ang che..... Jka awmna ah chuan min hruai la..." ka ti vat a.. a nui hak hak a.. "ka peih teuhlo mai" a ti ta daih a....

"Enteh,... Bawihi... He thlalak a mi hi ka fanu a ni a, Ni 4 vel kalta atang khan a chanchin ka hre ta lova, Ka hnen atanga a chhuah pui a thiannu ruang chhar a ni bawk a, Ramdang atangin amah ngaihven tur hian ka rawn kal vang vang a, nang hi a chanchin hretu awmchhun chu i ni a, Chuvang chaun i tanpuina ka dil mai che a ni..." chang khelh khawlh deuh chuan ka ti ta a... a mitmeng fiah zet chuan chiang zet hian min en a... a kiai sek a... "Pa ava nei Hot che ve... Putar deuh turah ka lo ngai che a sin" a ti duh ta chauh a... Ka thinrim ka insum theilo teuh kher mai, Hmeichhia nilose ka thal tawp tawh ngei ang... Ka mangang tak zet tawh si a..

"awle... Ka kalpui ang che.. Mahse..." a ti ta nge nge a.. "enge mahse?" ka ti zui vat a.. "min mutpui tum duh ting suh ang che... " a ti a.. a no la bang chu a tlak pap a.. "A hrim hrim in Police te ruai mai ta che?" a ti zui leh zat a.. "A theih loh...Zanin ah kan kal nghal ang... " ka ti a.. Kan piah deuha minlo mitmei rengtu Bena chu ka signal zauh a.. Rang takin a bula ding chu a tir chhuak ta nghal a..

*****************************

"Hetiang motor ah ka chuang peih teuhlo mai.. ka motorin kal ang... " a ti ta tlat pek a.. Bena'n Motor min hman tir a tum chu Motor changkang tawk tak a nih vei nen... "Eng motor nge i neih a?" ka ti hu a.. "Saw.. lokal rawh, ka motor nilo kan hman chuan ekseka chuan minlo ringhlel palh ang" a ti zui nghal zat a, a sawina lam chu ka va en a.. Jeep (Thar) dum hi a lo ding vang a, a la thar nalh zek zawk hle.. "Motor i khalh thiam a maw?" ka ti zui kher a.. a ding dat a "I khalh ang chu mawle.. kei chu ka ruih tawh hi.. Pawisa lam kan la sawi fel lo" a ti zui nghal zat a.. "Kan hlawhtlin phawt chuan i beisei aia tam a niang" ka ti a.. a ner sek a "awle.. mahse hlawhtlinglo pawh ni i la ka hlawh tur a ngai reng thung ang...Ka hun ka khawhral nasa dawn ropui si" a ti a.. He nula hian ka fanu ka hlauh hi engah mah a ngailo a ni berin ka hria, Sum a hmuhna a nih phawt chuan engpawh a ti hreh hauh lovang.. ka fanu bo na leh Nanai thihna ah pawh a inhnamhnawih ka ring ta telh telh a..

"Keiman ka khalh hmasa zawk ang, Motor i khalh thiam ka ring leh chiah lo, thih ka la inpeihlo teh a nia" nui chung chuan a ti a.. Motor ah chuan kan lawn a.. Sikret a tankai leh te te a, motor engine a ti nunga, accelerator a pump hak hak a.. "Ramhuai speed in tlan ang aw..." a ti zui a... Chak zet chuan a tlan chhuak zui ta nghal a...motor khalh lah chu a thiam phian lehnghal...

"Engtin nge ka fanu leh I bialpa chu a in hriat reng reng?" ka ti a.. "ka bialpa ka tilo, ka bialpa thin ka tih kha... Keimah nen ka inhmelhriat tir mawle... Jka chu mi rinawm tak a ni, nula lamah a sihhnip deuh tih mai loh chu, Ruih hlo a duh hle bawk" tih zawm zat a, "Chuan... Baby te kha haw turin ka thlah dawn a ti a, Mak ka tih chu Baby khan haw a duh thu a sawi hun leh Jka'n haw tura a sawi hun in anglo kha a ni.. Mahse i chah nasa niin a sawi thung?" a ti nghal zung zung a.. a tlan chakin a ti ti zat zat bawk si a, ka hlau deuh lek lek a.. "Anih Jka chuan engvanga thlah tum ve ngawt nge a nih, Nanai thih thu te kha i hre ve reng reng em?" ka ti a.. "Hria e... Kha mi ni khan ka nuamsam lo deuh a, ka chhuak peih lova, Jka kha hruikual turin ka sawm a... Tichuan, an inhruaikual ta ah ka ngai a... Chuan Zingah min rawn phone a, Nauseni te a thlah tur thu a rawn sawi a... tlai lamah Nanai thih thu ka hre zui nghal a... Ka in hambuai tel theih dawn avangin ka inrawlh duh ta lova.. Mahse Jka chu Nanai chung chang ka zawt a, "Zan ah Nani leh Nauseni an in hnial thu leh Nanai'n haw ve a duh loh thu te a sawi a.. abak engmah a hre biklo" a ti a.. "Nanai leh Nauseni chu an inhnial hauh lovang.." ka lo ti vat a. "tak tak maw?? kei pawh ka ring chiahlo, kan inzui ho lai pawh khan pakhat zawk zawkin ti ang an tih chu an yes tawp zel.. an in ngaiin an inkawmngaih hmel ka ti.. " a ti a..

"Anih Jka chu Kolasib lam mi tisi, Nauseni te hruai tura i tih theih chhan kha ka hrethiamlo" ka ti leh hram a.. "Aizawl ah hian a rawn kal reng reng a lawm.. Pu Denzila hnuaia hnathawk a nia" a ti ta a.. ka rindan ruk chu a dik ta hmel hle mai.. "Anih chuan Kolasib a Denzila Bar ah athawk tihna em ni?" ka ti leh hrama.. Ka hmel chik taka entu awmse chuan an rap zawk hial maithei, Denzila hming ka hriat ruala ka fanu chunga kut a lo thlak vel tur ka ngaihtuah a.. ka thinrim takzet a ni.. "aw ni deuh mai, Bar manager in a awm thin a, Mahse ruih hlo a khawh nasat avangin manager hna midang a pe a, a ni chu a hnuai zawkah a awm ta a ni.. a thinpawh a rim ve khawp nghe nghe" a ti a..

Kan tlan chakin Kawng a tha bawk a motor khalh a thiam viau bawk... Motor dang kan tlan pel pur pur a ni ber mai..... Kan ti ti thukhawchang chu ka ngaihtuaha, ka inseh ruh nasa hle bawk, khang hun zawng ah khan he mihring vang hian ka nih tur ang ka ni tawh lova, tunah ka fanu chungah leh zel a la che zui a nih vaih chuan ka ngawi mai mai hauh lovang... A thi emaw a dam emaw pawh nise ka theihtawpin a chungah ka che ang... ka ti rilru a... Sairang kan thleng a.. Dawr in hawng la awm kawtah chuan a ding a, a lut bo vang vang a a rawn chhuak leh chuan ei tur nge a rawn khai bawr chhuak teuh a.. "Min rul leh mai dawn nia.. motor khalh i thiam em?" arawn ti ham ham a. "Thiam ve thin kha mawle" ka ti sam et a, ka hmanhmawhin ka helhhawlh tehlul nen he nula hian min ngaihsak lo a ni ber mai... "Anih chuan khalh rawh, Tlanchak vakin awmzia a awm lo,... Jka lah a mu daih tawh ang" a ti a.. kan thutna kan inthlak zui a.. Motor ka ti nunga kan tlan chhuak zui leh ta nghal a..

A ti ti a, a zai a, a ri barh barh renga, a hnu rei vak lovah a muthlu ta lak lak a.. kei rilru bing chuka awm nena muthlu chu ka thaw huai thung.. A muhil ta bawk a, motor chu chak mangkheng chuan ka tlan tir ta pur pur a.... Ka rilruah thil chhe ber a lo lut thin a, ka fanu chu eng dinhmunah chiah nge a din ang a? engtin nge a awm ang, Tanpui a ngaih thu min rawn thawn thei hram a ni a, engtiang taka tanpui ngai nge a nih ang... Mizoram a zin chak ngawih ngawih a, a thian tha ber nen an zina, an hlim tehlul nen, engtin nge chh zawng hmaisena chuan a lo hrait chhauh a, a hlimna a lo tih tawp sak a, a thiannu hial a lo thah sak chu a nia. ka thinrim chu ka sen awp awp thei hial a... "Hmela engpawh tawk se i nunna ka zuah hauh lovang" ka ti chhuak sup a..

***********************

Kolasib khawpu chu kan lut tan ta reng a, ka sana ka en a, Zinglam Dar 3:50 a lo ni tawh a, Thlasik boruak a ni bawk nen a vawt ve hle tawh a.. Kawng a thain kan motor a fit bawk tlan chhung a reilo kher mai... Khawpui chhung kan luh tak tak hmain motor chu ka ti ding ta a..Ka din hnuah pawh nula chu a la harh chuanglo, ka pistol ah chu ka check a, ka hmai ka phih puat a, "Hei tho rawh kan thleng ta e" ka sawi nawk nawk a, a zi tial tial a a rawn meng a... "Khua a la var nannge?" a rawn ti tham tiak a...

"I thianpa awmna chu khawi ah nge?" ka ti zui nghal vat a, tui bottle ka pe pah bawk a... "ka lu ava na kher em.. Deskboard ah khan Damdawi a awm" a ti niah niah a.. ka hawn sak vat a.. a hai rak raka, damdawi bawm aphawrh a.. a ei leh te te a.. Motor atang chuan a chhuk a, a zi ar ar a.. "ka hmanhmawh a ani?" ka ti deuh khur khur a.. min rawn en pah chuan "hmanhmawh in awmzia a awmlo, an la mu vek ang" a ti a... kawng sir lam pan chuan a kal a.. ka en reng a, a rawn lehhawi a "ka mawng i hmu chak a mi, ka zung dawn lehlam hawi rawh" a rawn ti vei khar khar a..

"Tunah hian va thawng pawh ni ila, engmah kan ti thei chuang lovang, Pi Zobawni Motel ah riak mai ang" a rawn ti a.. "Mu hman kan nilo" ka lo ti hluka, "An Bar kawtah kan va ding reng dawn a mi?" a lo ti sam et a, " A chenna in i hria a ni lawm ni?" ka ti ve vat a, "Hre nang aw... a bar awmna chiah ka hria" a lo ti sam et thung a... "Hrep tak chuan" ka ti hlak a.. "ka thu awih mai rawh Pi Zovi pan phawt ang" a ti leh hram a... "Hmmm... ka haw kher mai che, mipa nila chu ka sawp nek ang che mawle...ka dinhmun hi min hriatthiam pui ta che" ka ti tuar a.. "Hmmm.. ka hrethiam a lawm, va tih ralkhel vak aiin ka ngaihtuahna hi a fin thlak zawk, a chhungte bulah a awm dawn hauhlo lehnghal... Tlan ang.. Pi Zovi'n engkim a hria ang" a ti leh hmak a.. motorah a lawn a, vawt ti hmel deuhin a thu tawm kak a...Ka ngaihtuah chianga a tih ang a awm mai chu a thatna lai awmin ka hre ta zawk a.. Lungsi zan silo chuan motor chu ka tlan tir ta nghal a..

He nula hi eng ang mi nge a nih dawn ni.. Zing dar 4 velah Motel nghaktu Zobawni a tih mai chu a ko tho a, an la nui dun hawk hawk zui... Kei min rawn en a, an nui a, rei vaklo hnuah min rawn pan a.. "Room khata kan awmdun a ngai ang" a rawn ti a.. "Engvang chuan?" ka lo ti a.. "Ka bialpa i ni" a ti a.. loh theih lovin inchhung ah chuan kan in zuilut ta nge nge a..

"Jka chuan Saidan thlen hma sawn Building a nei ve a, ala sa zo chiahlo nangin awm neuh neuh hi chu an awm reng, chutah chuan a cheng nghal bawk.... Dar 10 vel ah va hmuh tum rawh u, tunah chuan biak tlak an awm lovang" Motel neitunu chua a ti hmuar hmuar a, Beer an in dun bawk a... "ka mut san ang che u, Baby... zing ah ka rawn kai tho mai ang che u. " a ti a.. a chhuak zui ta daih a..

Room chhungah chuan kan 2 chauhin kan awm a, a zi ar ar a, "Khum 1 chiah a awm a, i mut duh chuan rizai pakhat hi i sin ve mai dawn nia.. mahse fet rawn tum miah suh ang che" tiin khum ah chuan a mu ta daih a.. kei ka thutna ngai ah ka thu renga, chu hmeichhe khawsa zia chu ka kham takzet ani.. Mahse ka kawng min kawhhmuh theitu leh ka la chhawr hrep tur a ni lawi si... Sofa dup nuam lutuk lo single seat ah chuan ka thu a, ka chet lak dan tur ka suangtuah neuh neuh a... Ka chau deuh a niang ka chhing ta riai riai a..

*********************

"Ala tho lo, tun ang zing zingah te hmuh i rawn tum reng reng" chu pa dawldang leh hmel thur zet chuan a lo ti khang khang a.. "I zak lawm ni,, ka duh hun hun ah ka hmu ang, i sawi phak a awmlo, kawngka hi hawng vat la a ni mai..." a ti vin thak a, chupa chu zalo zet hian a nui a, "i duh leh hawngla..." a ti vei khar khar a.. ka insum zolo chuan ka tham nawk a, bang deng dawt chuan ka theh sawn a.. kawngka chu ka tlawh hawng nghal thuai a..

Room chhung chu a lo thim dim ruih a... kan thawm hriaiin khum a mu chu a rawn thu chhuak hlawl bawk a, ka silai chuan ka tin nghal vat a.. "engmah thawm chhuah suh, i awmdan ngai khan awm reng rawh" ka ti thawp sut a... "Baby enge... engthil nge nita?" khuma mu pa chuan a lo ti a.. "i tenawm zia ka rawn fiah mawle.. zawng chhuhur ho tho rawh u" tiin hmeichhe tleirawl 2 khuma ruaka lo mu te chu a tlawh tho nawk nawk a... an thawmhnaw pawm chungin an tlan chhuak dawr dawr a..

"Enge thilawmzia, hepa hi tunge?" a ti tham tuak a...baby chuan room light te chu a hmet eng zung zung a, Parda te chu a theh hlim hmawk hmawk bawk a... Chutih lai chuan Mipa 3 hi Hmelthura tiamin room chhungah chuan an rawn lut ve chiah bawk a.. "Ka pa a nih hi, min bum nasat em avangin sawisa tur che in ka rawn hruai a nih hi... Zawngho chhuak leh nghal rawh u" tiin rawn lut tharte chu a kawk vang mai a... "Chhuah tir rawh" ka ti ve hmuk a.. "Duhawm lo va chhuak rawh u, engtin nge In ah in rawn luh theih reng reng" thuam hnaw inbel mawlh mawlh chung chuan a ti nuah nuah a.. "He In ah hian ka lut in ka chhuak theilo ang maw?" Baby chuan a ti vin hlak a.. "Khang i sazu khawi te khan min hre vek a, ka lut duh ka tih chuan an phallo ngam hleinem.. i room luh erawh an han phallo vel a, Mahse vawi khat bang vawmna tawk vel an ni" inti thei deuh chuan Baby chuan a ti ham ham a.. ( a chimawm tak zet a ni)

"Awle duhtawk ang, tha deuhin ka zawhna hi min chhang ang che... " ka ti dam dup a... "Engthil nge min zawh duh i neih? Police em ni inih, hetia ka room a in rawn lut hi ka palzam mai mai lovang" Sikret tan pah chuan a ti khur hlak hlak a... Jka hi Mizo pa vangtlang pawl tak, hmelchhe lemlo mahse cher lam deuh hmeichhe mi hmel zet hi a ni a, Ka lakah chuan a te lam hret a ni thung, Ruih hlo a khawih nasat vang nge a hlauh vang ni ang a kut a khur hlak hlak a... A hmel en mai chuan pa sual tak chu a nih hmel lemlo, mahse dawt sawi hrat hmel zet a ni thung.. rum deuhin Baby chuan a melh khai khai renga, a mipa zawk chuan en pawh a en tha ngamlo thung..

"Hmanni a Myanmar nula ka thlah dawn i tih kha khawnge a awm?" chang khalh hian ka ti a.. min rawn en hu a, kan in din hnaih tawh viau, zu thing rim a nam chuk bawk a "aw.. Myanmarah a haw?" a ti zawi sup a.. a hmel atangin dawt a sawi tih ka hre nghal a.. "Ka insum theilo a nia, apa ka ni a.. a chanchin ka hre duh takzet a nia" ka ti chang leh khalh a... "Ka hrelo, airport thleng ka" a ti hman chauh a, ka kut vei lam chu a tlawk chhuak zawk a, a bek ah chuan ka hnek ri chawrh a, khum ah chuan a hlawm nghal tawl bawk a.. "i chawh lutuk" Baby chuan a lo ti sap a.. ka tham tho nawlh a.. ka din tir leh a. a bek kak atang chuan thi a rawn chhuak tiam tiam a..

"Ka zawt nawn leh ang che..... Khawnge ka fanu chu a awm?" ka ti zui leh zat a. "ih...ih... Pu Denzila Firm house ah" a ti tham tiak a... "Chu chu khawi ah nge?" ka ti vin thak a.. "Aizawl ah" a ti a.." anih tu dah nge?" ka ti leh a.. "Kei mah, Pu Denzilan dah turin min ti a..." a ti leh sup a... "Kut a tuar a nih vaih chuan i chak lovang" ka tia... "Tuar lovang.. a duat nak laia" a ti a... "Nanai kha tu thah nge?" ka ti hriam leh hraih a... "Rajua te a niang?".... hlau hmel deuh chuan a ti a... "Tunge chupa chu?" ka ti vin thak a.. "Pu Denzila thianpa" zawite chuan a ti a... "Insiam rawh Aizawl kan kal ang" ka ti a.. a mengphawk nasa mai a... "Tunah maw?" a ti tham tuak a.. "aw... i thleng zo lo maithei bawk" ka ti zui sak a...

Khatia Pi Zobawni Motel a kan riah hnuah Zing dar 6 velah Baby mu ka kai thova... Pi Zobawni nau 1 hruaiin Jka building lam chu kan pan zui nghal a.. Min kawhhmuh hnuah a ni chu a haw lehnghal a.. Building chhawng 4 lai a lo ni a, A hnuai lam chu sak zawh loh niin tuna kan awmna lai floor leh a hnuai chiah kawngpui an chu luah theih a ni thung a.. Gate an lo kalh lo hlauh a.. kan lut a, door bell babyin a hmet ri tuar tuar a, Hmelthura khan a rawn hawng a, a nam sawn lawp a kan lut zui nghal a.. Inchung lamah chho in Jka room zawnah kha zawngchhe pa khan min dan a lo tumta a ni...

A In chu in Lian ve tawk tak, mahse la tlabal ve tak a ni a, Inchhung pawh a hnawk in insakna bungrua a la awm nuaih a, Eirawngbawlna bawr vel pawh a hnawk rih hle.. Chhuat erawh sailungvar a phah vek emaw tih turin a var thianghlim hle thung... Chhuat ah zu bottle a let phunga, sofa thuthleng kawisawi deuhin a awm nuaih bawk a.. Khang midang 2 te kha khawi atanga rawn kal nge an nih ka hre hauhlo nangin inchung room khawi maw lai berah an awm a ni ngei ang. kan vanneihna em em chu kha Hmelthura kha sofa ah alo mu hlauh kha a ni..... A inchung chu a peihfel hunah chuan a ropui ve khawp ang le... Manager a nih laia a sum hlep ruk atanga a sak a nih ngei a rinawm... Mahse ban a nih tak avangin a khawih chhunzawm thei talo pawh a ni mahna... Engkim mai chu thil manto chi vek a ni awm e...

"Aizawl kan kal dawn a, tuman ka zin tih hi an hre tur a nilo.... ka mu nileng angin sawi ang che u ,min ngaihtuah lo ula.. zan ah ka rawn haw leh nghal ang" tiin a naute bulah chuan a sawi ve nuah nuah a.. a hmai thi sung an hmuh vang nge an ngaih a that hmel teh chiam lo, Police emaw min ti nge an ding zum dui bawk a... "Nangni pawh hawng ula, hna thawk rawh u, mi chaw nawi bawm ringawt in khawsa suh u" Baby chuan a lo tive leh khar khar a.. zalo zet chuan an nui ringawt a... "ka naute an nia, nanga lo hau ve a ngailo" Jka chuan a lo ti hluka... "i thu lo, nangmah chawp chawp hian ka sawisa nek mai ang che u" Baby chuan a ti khang khang a.. a rum nghut a, pawnah kan inzui chhuak ta hlawm a...

**************************

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 4th, 2018, 5:39 pm

Khatia Nauseni leh Baby ten Denzila Pub a an len luh zan khan CCTV atangin Denzila khan Nauseni kha a lo hmu ta ngei a, a nu a an em avangin a lo ringhlel nghal a... Jka hnenah Baby atanga hmelhriat dan a zawn tir ta a, Baby lah ngaihsam engmah hrelo a lo ni bawk nen an kutah a dah mai a, Nausenin a nu thlan tlawhna ah Jka a hruai tak zel hnuah phei chuan ka fanu ngei a nih zia an chian ta zel a... Tichuan, Zanah Nanai nen Jka chuan Hotel Royle ah a hruai a.. an hrai ruia, Nauseni an la hranga Nanai chu an pawngsuala an that zuita a nih hmel... Nauseni erawh an kut hmawr pawh a khawih lo tura thupek an dawn avangin an dimdawi hle thung... Amah jka hian ka miss call a hmuh takah chuan ngaihtuah awm a nih loh thu kha massages minlo thawn vel a.... Nausenin a dil nasat em avangin Mail min rawn thawn ruk tir bawk niin Jka chuan ka bulah a sawi.... Engvanga chutia hreng nge an nih ka zawh chuan "Pu Denzila chuan nupui ah ka nei dawn a ti" a ti a.. chu chuan ka thin a khei hle... "Nupui neitawh a ni lawm ni?" ka ti a.. "Nei nang... nupui a nei rei ngailo... a sawisa hlum deuh thaw zel" ati a.. ka fanu ka ngaihtuah zual sauh a... "A ruahhman dan chuan Nauseni'n a rem tih hun hun ah an innnei dawn... Chuan USA ah Honeymoon hman a tum bawk" a ti a... ka nupui a thlem dan chiah a ni.. ka ti rilru a.. Heng thil zawng zawng hi Jka inpuanna atanga ka hriat vek a ni..

Ngawi rengin Motor chu ka khalh mawp mawp a, ka rilru a hmanhmawh em em bawk a, Ka fanu chu Denzil a chuan a lo khawihchhe hman a ngem? ka fanu hlauthawng hmel turte chu ka ngaihtuah a ka thin a so bulh bulh ni maiin ka hria,. Ka chezia ah ka thinrimna alang chhuak bawk a niang ka bula chuang vete 2 chu an thu ngawi kar mai a... Baby pawh zan lam boruak nen chuan a dang ta khawp mai, min melh zak zak ngam chauh a ni tawh mai.. Kan hnung a chuang Jka chu a ngawi kur bawk a, a kut leh ke ka phuar sak avangin engmah ti thei lovin a thu ngawi duk bawk a... Kei lah kawng chhia leh tha ka sawilo, ka speed lah ka thlah dul duh heklo chak zetin ka tlan fua fua reng bawk a, Motor kan tawk anih pawn ka speed a ngai reng..

"Khawi hmunah nge a awm?" ka tia, "Sairang luh hma khan kawng peng a awm ang a chutah chuan i peng dawn nia" thawp sup chuan a rawn ti a.. "Mi engzat nge awm thin?" ka ti bul leh hmuk a.. "Ka hre chiah biklo, a chang chuan an tam thin khawp mai, 20/30 vel an awm thin, Mahse achang chuan mi 2 emaw 3 emaw an awm thin." a ti ve leh mai a. "Ka pu Pu Denzila nen indawr pangngai mai rawh u, hetiang zawnga i chet chuan i tan a thalo zawk ang, Mizoram chhungah hian Pu Denzila hian beng leh mit a nei vek a nia aw" a ti zui hram a.. "Ka fanu a kawl kawngah hian engmah dawrna tur ka neilo" ka ti bung nghut a.. "Nia... Nauseni pa...oh.. ka pu... i hming pawh ka la hrelo" baby chuan a lo ti ve niah niah a.. ka va melh hrawk a.. a kimki chai a.. "Enge i hriat duh chhan?" ka ti zui hmuk a..

"Englo a nia... ka sawi ve duh chu... kei hi ka inrawlh ve duh miahlo a nia?" zawi sap hian a rawn ti a...."a bul tantu i ni, a tawp thlengin i tel ve a ngai" ka ti bung nghut a. "enge ka telve na tur... ka bul tan enge anih na... He mihring hi ka rin vang khan maw?" a ti ve hmarh hmarh a.. "Niangchu.. a tir atangin i bul tan vek a ni e" ka ti hmak a.. engemaw sawi a tum zuau a "Nilo, Baby hian engmah inrawlhna a neilo, keimah vek a ni, a ni hi chu kal tir mai rawh" Jka chuan a lo ti ve vat a.. "Ngawi hmak rawh, zawnga" Baby chuan a ti tuara... Motor ka ti ding dawt a "In 2 hian intel ve ve, chu chu inhria em?" ka ti bung hmuka... an ngawi hmak bawk a.. Motor ka tlan tir chhunzawm nghal a...

Jka sawi peng kan thlen chuan a sawina kawng chu ka zawh a.. Kawng tha leh mam nuam tak a ni nangin a zim deuh hret thung, Kawng a khual neuh neuh bawk a.. Tlang pangah kan invet chho neuh neuh a ni ber mai..Km 5 vel zet kan tlan hnuah phei zawngin kan tlan leh a, kan piah deuh ah chuan Inchhawng nalh ve tak leh huan mawi tak Mihausa in duhtawka a cheibawl tih hriat ngawih ngawih hi a lang ta ut a...

" Saw saw em ni?" ka ti a.. Motor chu lang lo tak chuan ka din tir bawk a, Sana ka en a, dar 10:25 chiah a ni a.. kan tlan chak leh pek hle mai... "aw nie" a ti zawi sup a.. a hmelah chuan hlauhna leh chiaina a lang zut zut ni maiin ka hria.. "Mi an tam vaklo a nih dawn saw, Motor pawh 2 chiah a awm a lawm" ka ti a. a bu ve mai a... "anih Khawi ber ah sawn nge an dah i rin?" ka ti leh a, "ka hre biklo, inchung ber saw Pu Denzila room a nia, tahsawn a awm ang, Mahse ka chiang bik miahlo a nia aw" a ti nuah nuah a,...

"Awle.. Motor hi Khalh la, Kei a hnungah hian ka biru thung ang, Ka fanu tan chuan engmah ka pawisa lo ti i hriat vek tawh kha aw... engemaw harsatna i siam a nih chuan kha i in ropui takah khan i ruang a lut ngei ang..." ka ti a.. motor atang chuan ka chhuk a, "ka sawi awmzia chu i hria maw?" ka ti bul hmuk a, a mitah tak chuan ka en bawk a.. "aw... hria e... Mahse enge chhuanlam ka zuk siam ang.. Pu Denzila tello chuan helai hmun hi kan pan ngai hleinem" a ti nuah nuah a, a ner nung bawk a.. "Hei hi Nauseni thiannu a ni tih an hre vek,... Chu chu i chhuanlam tur a ni.... " ka ti a.. a kut phuarna leh a ke phuarna chu ka phelh sak a.. "Baby tun hun hi i tan ka laka him theihna chance tha tak a ni tih i hria tiraw, i lemchan thiam dan ber ka hmu duh a nia" ka ti zui sap a.. a lo bu ve nghat a.. Nizan lama hmeichhe over zet kha tunah chuan hmeichhe naupang thuawih thei tak ang mai a ni tawh.. a hmel atang chuan a chau ve hle tih pawh a hriat theih....

Ka ruahmanna ang chuan kan kal ta a.. Motor seat hnungah ka thu a, ka silai chu kau sain a langlo lai atang chuan Jka zakah ka tin ran bawk a.. "Kal rawh leh" ka ti a..motor chu ti nungin Chu Farm house lam pan chuan kan tlan zui ta nghal a..... Kan motor thawm an hriat chuan Kawngkapui pakhat chu a rawn inhawng vat a, Pa lian vaklo Sam thur zet hi a rawn chhuak hnuk hnuk a.. Veranda a ding ul chung chuan minlo thlir dauh dauh a.. Gate kan tlan luh chuan midang 1 hi a rawn chhuak ve mek bawk a... An 2 chuan pawisak neilo ve hmel tak, mahse fing var em em biklo tih hriat tak an ni thung, ka zuam zawng tak an nive hrim hrim bawk..

"Pu Tha in dam maw? in hmuh ava khat ve" Jka chuan motor a tih din rual chuan a ti nghal lung lung a.. "kan tha a lawm, eng i rawn tih dawn ve teh khiah a,.. kha i thiannu ngai bawk kha maw la ni" a rawn chhuak hnuhnung zawk chuan nui sung chung chuan a lo ti a.... Kei chu chik zet chuan min en bawk a.. ka jacket ipte ah Pistol chu ka ak fel diam tawh a.... Min rawn en tupa chu ka lo nui ve suih a.. a hawi sawn leh vat a. "Nia, hei Baby hian kan pu tan hna a rawn thawk lawk dawn a nih hi" Jka chuan a ti sam et a.. Motor atang chuan kan chhuk nghal a.. "Eng kawngah maw?? Chaw in ei tawh em? ei kan lo tum chiah a sin" Pu Tha-a zawk chuan a ti leh mai a, min rinhlelh nanchang an hrelo hlauh chu kan vannei phian.. "ei tawh e.. khawnge midang?" Jka chuan an lam pan pah chuan a ti a.. "Nizan ah Aizawl ah an chho hlawm a nih kha, kan pu in kan pi thar tur kha Bazarpui a tum a nih kha"... "Chu hetah an awm nange?" Jka chuan a ti hu a, "Awm nang? eng atan nge i tih?" pakhat zawk chuan ati a, "aaa englo a nia, Baby hian han thlem lungawi deuh se ka duh mawle" Jka chuan a ti ve mai a..

"Nia, Diktaka sawi chuan Nula khan a duh thlawtlo a ni, nizan pawh a rawn thlem chiam a, an inhmin hmel chiahlo a ni, Nula mawl tak a ni, hetiang ang mi hausa in neih a tumte chuan duh ve awm bawk a nia" Pakhat chuan a lo ti leh a.. Kei chuan Jka chu ka mitmei zauh a.. ka rilru a hmanhmawh takzet a ni.. "Anih kan rawn kal chhan ber a awm siloh ah chuan kan kal nghal mai ang, Hetah an rawn kir leh ang em?" Jka chuan a ti sawk sawk a.. "Dawn lovang, A sawi dan chuan Delhi lamah chhukpui a tum niin ka hria" a la ti tak deuh deuh a.. "Vawiin ah maw?" kan ti rual thawt a...

Mak ti hmel deuh chuan min en hau mai a.. ka insum zolo a ni ber mai... Inthiamlo hmel deuh chuan "Vawiin ah maw an thlawh dawn?" Jka chuan a ti nawn leh vat a.... Min en reng chung chuan "kan hre biklo,... Enge in va ngaihven ve?" min ringhlel hmel deuh chuan tawng tlem zawk pa chuan a ti ve ta khauh a... Zahzel tur a vang ta hle mai... "aaa englo a nia, Chuting teh thuta a zinpui chu kan ringlo ve em a?" riat nawi deuh chuan Jka chuan a ti a.. "I bek te chh ava mak lek luk ve?" a rawn ti leh hram a.. Min hnaihtu zawk chu engemaw a awm chuan ka khawih hmasa zawk ang a, Pakhat zawk hi engtin nge ka tih ang? Jka lah hian min pui a hnekin min khawih ve duh zawk maithei bawk si... Ka silai ka hmehpuah a ngai ngei dawn a nih hi.. a hnai zawk hi ka hnek bur ang a, Pakhat zawk hi ka kap ang, mahse ka kap hlum lovang.. tiin ka rilru ka siam nghal zung zung a, hnek thut ngaise ka duh aiin a hlat deuh avangin tlemin ka pan hnai hret a.. "Nia, Nizan ah ka tlu pek a lawm mawle, ka lem hnem deuh a, Engmah phei chu a nilo" Jka chuan a ti ve mai a.. "A ni hi tunge?" Ka bulhnai zawk chuan a ti a, "Ka unaupa a nih hi, ka bula awm reng, enge i va dilchhug ve Bawnga" Baby chuan a lo ti vat a... Ringhlel hmel deuha min en pah chuan "A nih chu, kan fimkhur viau a nia aw, Kan pu in hetah inlo kal tih hi a hriat vaih chuan a thalo zawk ang" Pakhat zawk chuan a ti ta daih a...

Engtin tin emawni buaina awm lovan kan kal leh thei ta mai a.. Mahse rilru nawmlohna deuh ka nei tlat pek a, Khang mite khan Denzila an hrilh ka ring tlata, ka pian vel awmdan a hriat chuan keimah ka nih a ring ngei bawk ang. Chuvangin Nauseni tan a pawi thei dawn tlat si... Ka rilru a buai ta kher mai, Lengpui lamah nge kan kal ang Aizawl lamah? Aizawl ah an bazar dawn nge? Delhi lamah an Bazar dawn? Buaithlak ta nak mai.. Engvangin nge Mizoramah ka lo tir thlak kher kher ni? tiin keimah chu ka inthiamlo telh telh a. Motor chu chak takin ka khalh pur pur ringawt mai a ni..

"Aizawl ah nge an Bazar ang Delhi ah?" ka ti chhuak ta nge nge a. "Ka hre biklo" ti ringawt chuan min chhang a "Ka lo ngaihtuah mek a nia, Hmela hian hriat dan a nei thei ngei ang?" Baby chuan a lo tive vat a. "Engtinnge ka hriat bik ngawt ang?" Jka chuan a lo ti vat a, "aw i thiante i zawt ang? Pu Denzila uite dang i hre teuh ang chu" ngeiawm deuh chuan a ti let ve ngat a... "Phone tur i hria em?" ka ti a, "Hre maithei, Mahse ka phone ka keng hleinem.. min tur hmanhmawh lutuk a" ati nuah nuah a... "Lehzel chuan" ka ti hluk a.. "Ka phone hian bia la a ni mai a lawm" Baby chuan a lo ti vat a, " an number ka hre vek bik hleinem" jka chuan a ti leh hram a... "Hriat pakhat mah i neilo maw?" ka ti vat a.. "aw...." a ti zuai ruih a..

"Ben, Denzil khan Nauseni kha Delhi lamah thlawh thlakpui a tum niin ka hria a, engtik hunah nge an chhuah dawn a? tih kan hre lova, vawiin emaw naktuk lamah nge hriat kan va duh ve?" tiin Bena ka be ta tawp a... "Chutiangte chu hriat a har reng renglo... Ka rawn be leh ang che" a rawn ti a.. Chutih lai tak chuan Thlawhna kan chung zawn ah chuan a rawn thlawk chhuak ta luah luah a... Tah khian an chuang hman a nih vaih chuan a pawi khawp ang.. ka ti rilru a ka insehruh teuh mai a, Motor chhunga engthawl hmel deuha Meizial zu mek Denzila ui chu ka kap thal tawp chak kher mai... rei pawh ka nghah hmain ka cell phone chu a rawn ri zui nghal a.

"aw.. Vawiin tlai dar 5 an flight a nih chu, tunah hian Denzila chu engemaw thil ah press conference neiin MJA club ah a awm mek a nih chu" a rawn ti a, ka thaw huai a... "Tunah khawiah nge i awm?" a rawn ti zui leh vata,..."Sairang ah.. kan rawn thleng chho vat ang, Dar engzat ah nge a haw dawn tih i hre leh thei a ngem?" ka ti zui zat a.. "Ka lo tum dawn nia... Fimkhur takin aw?" a rawn ti a.. ka phone chu ka dah a.. "Rang takin Aizawl kan pan nghal a ngai" ka ti a.. Motor chu ka ti nunga Aizawl lam pan chuan kan tlan zui ta nghal a..

***********************************

Tlai dar 2:00 a ri tawh a, Bena min hrilh danin Denzil a rawn haw chu a hun tawh ngei mai.. Mahse thawm engmah a la awmlo, chu a hotel chhung lobby ah chuan nghakhlel takin ka lo la nghak reng a, Mikhual lut leh chhuak bakah hnathawktu kal vel an awm ve nuk bawk a, chung mi veivak an awm ve nual avang chuan kei pawh ngaihsak ka hlawh teh chiam biklo...Jka kha Bena naute ho ka khungbo tira, Baby pawh Bena bulah ka hnutchhiah bawk a, a duh hun huna haw tir tur leh a ka chip tlat rih turin ka ti bawk a.. Mahse ka hlawhchham emaw a nih a, ka fanu chung thil diklo a thlen phawt chuan ka zawn chhuah leh tur thu ka hrilh bawk a.. a nihna takah chuan Baby thiamloh a awm miahlo, Mahse ka vo khan loh chuan a tawngtam ka hlau ve tlat bawk si, Kei Mizoram ah ka lut tih Denzila'n a hriat phawt chuan Sapel takin min pel dawn bakah Nauseni tan a pawi thei dawn tlat a ni..

Darkar khat ka thu tawh awm e tih ah Main door ah chuan ka mi duh tak mai chu a rawn lut ta ngei a,.. Kum 20 kalta a style ngai bawkin a sam chu veilam zawngin rual deuhin a khuih pial leh zana, a hmel chu upa ve hmel deuh tih lohah chuan a la ngai reng, A mitmeng tenawm zet chu ka hmuh hmaihlo, a inthuamna atang chuan a hausa in thil a ti thei ve tawh hle a ni tih a hriat, a khup ruh ka chhut sakna vanga ke bai pawh a la ngai renga, Tiang a hawl bauh bauh bawk a.. In ti vei tak chuan a hawi valh valh bawk a.. Kei chu chanchinbu chhiar ang takin ka awm tlat a.. A hnungah chuan ka fanu chu mi 2 karcheh hian a rawn lut ve bawk a, a mu tlemin a taksa a chak vaklo hle tih a hmel pawr phang atang chuan a hriat theih.. A sam pawh a enkawl mam hman meuhlo niin a hriat bawk. Hnathawktu te chuan an pu ber chu an hlau hmelin an zah hmel hle an thil tih lai theihnghilh thakin an lo ding khawng lah hlawm a.. A ni lah inla vei deuhin a kal lah lah bawk a.. Inchung lama inkhai chhohna bawm bulah chuan an dinga, Ka en renga, Chhawng chung ber an pan dawn niin ka hria... An liam ta maw tih ah Inkhaichhohna a chho lovin Step lam panin ka che chhuak zui ve ta nghal a..

Chhawng chung ber ka thlen chuan Corridor ah chuan ka phei a, Room lo intlar put mai ah chuan khawi berah nge an awm ang? Nge a office chamber ah zawk ni ang? khawi nge a office chamber ni ang? ka buai ru hle mai.. chutia room vel ka thlek kual lai chuan "Enge i zawn a?" tiin mipakhat hian min rawn bia a.. ka lehhawi vata ka bulah chuan hnathawktu thuam inbel Kum 60 vel zeta upa tawh tur hi a lo dinga.. "eee englo.. Hotupa office ka zawng a?" ka to risk ve tawp a... "A ni maw?.. ka hruai dawn che em ni?" a ti ve mai a... "a awmna lai sawi mai la.. ka kal ve mai ang" ka ti a.. "Enge i tih dawn hrim hrim a.. hnathawktu pawh kan kal ngai hleinem?" a tih mek lai chuan Corridor tawp ber ah chuan ka fanute karchehtu zinga 1 zawk chu a rawn lang ta hlawl a.. "Saw saw inhruai tir rawh" tiin Putar chu Step lam panin a kal zui nghal a..

"Thianpa, Hotupa hi a hmuh theih em?" ka lo ti tawp a.. Chupa chuan ngun zeta min en pah in "Tu hotupa maw?" a ti hu a...min en chik kher mai.. ka hawi vel a tumah an awmlo tih ka hria.. ka kut ka humruh sauh sauh a, ka che dawn tep tih ah "Kan hotupa chu engvanga hmu duh nge i nih a?" bung deuh chuan a rawn ti leh a.. "Ka.. a pawisa ka kawl a" ka ti ta ngawt a.. ka air bag khai chu ka melh zauh a.. "eng pawisa nge? hetah hian enge i lo tih hrim hrim?" a la ti ta deuh deuh a.. "Aw.. ka lo nghak mawle, receptionist khan hetah hian chho turin min ti a?" ka ti ta ngawt a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 4th, 2018, 5:39 pm

"Bag chhung kha hawng phawt rawh" a la ti ta zel a.. Nanghi kut ka thlak che a ngai dawn a nih ngei hi ka ti rilru a.. "Inpu thu lovin i hawng ngawt ang maw?" ka ti leh hram a.. "aw.. kan pu in a thil dawn tur reng reng ama hnen athlen hmaa enfiah hmasa zel tura tih ka ni" a ti bung nghuta.. Min ringhlel tawh hmel hle... "anih chuan i en mai a niang chu" ka ti a.. ka bag chu chhuat ah ka nghat a, zipper chu ka hawng ta a.. Ka thianpa Bena ruahmanna chu a lo fuh kher mai.. Ka bag chunglang ah chuan Pawisa note rem tlap a rawt chu a fuh phian... Chupa chuan bag chhung a hmuh chuan "Khawi atanga lokal nge? hetah min rawn zui rawh" a ti ta a.. a awki erawh a la bung viau thung..

"BNA atangin" ka ti ve ngawt a.. BNA chu enge an nih pawh ka hrelo, Bena'n Denzila pawisa bawm an nih thu leh an pek thin thu min hrilh atanga hria ka ni a. "BNA lam mi maw i nih?" a ti a.. "Aw... " ti ringawt in ka chhang a... Corridor tawp berah chuan Step hi a lo awm leh a, Chutah chuan kan chho a.. Lobby ang deuh a lo awm a, tahchuan Sofa thutna a lo awm a, A thianpa zawk kha thatchhe deuhin a lo thu a, kan 2 a minlo hmuh chuan a insiamtha vat a.. "Tunge?" a lo ti vat a.. "Bru lam a nih hi" min hruaitu chuan a ti ve mai a.. "Tah hian ding rawh?" an ti a..Ka taksa chu an dap a.... ka silai chu an phawrh a "Kan sawi fo tawh kha... Silai rawn pai tawh su kan tih kha.." an ti nang nang a.. "Kan hre reng a lawm... Mahse engemaw palh tawh theih a nia, kan fimkhur ve a lawm" ka ti ve zaih a.. an nui a... "Nive tho mai... " an ti a.. "Tahkhan lo nghak rawh" tiin pakhat chuan kawngka a kik karh karh a.. a lut bo zui nghal a..

Rei vaklo ah chuan a rawn chhuak leha "va lut rawh, Minute 5 chiah hun i nei aw..." rawn chhuah pah chuan a ti a.. An fimkhur tehreng nen an fimkhur tawklo.. ka bag mawng lama ka silai dah chu an hrelo tlat..Pawisa an hmua an duhtawk ringawt, han hailet se zawng ka che hauh lovang le..."awle.. kei hi ka hmanhmawu zawk daih" ka ti ve kher a.. Kawngka chu min hawn saka ka pen lut zui ta nghal a....

Room chhung chu a rimtui chum chum hle, A zau nuamin a thawveng kher bawk.. Room ah chuan tumah an lo awm mai lo, Dawhkan lian zet mai a lo inhunga, a bulah chuan thutna nawm hmel deuh a awm bawk a, dawhkan ah chuan engemaw paper a in rem am bawk, Tin India flag lian vaklo a awm a.. Car lem nalh zet mai a inhung bawk a.. Laptop inhawngsa hi a sir deuhah a awm, Dawhkan hmalam ah sir deuhah chuan thutna dup mi 5 vel thut kual theihna tur a lo awm bawk a.. dawhkan hniam chelchawl tak darthlalang veka siam a hnuai lam sangha khawina ninghal hi a awm a.. Tin room kil lamah chuan kawngka tlema inhawng kau deuh a awm bawk a.. Chutah chuan Nauseni chu a dah a nih ngei ka ring.. Thawm dim deuhin inchhung lam kawngka inkalhna chuan kawngka chu ka kalh hmak bawk a..

Room chhunga tumah an awmloh avangin ka hawikual vela, bangah chuan Sawrkar mi pawimawh tak tak te nen thla an lak hona te a intar bakah A tleirawl lai thlalak a intar vang bawk a.. "Engzat nge i rawn ken a?" tih ri ah chuan ka inher vat a.. dawhkan hmalam a thu deuh chunga Nui vur vura minlo en rengtu Denzila hmel chapo hmel deuh chu ka hmachhawn ta a...

Ka hmel a hmuh chuan a nur deuh nunga... Chik zet chuan min en a.. kei chuan engmah hrelo ang maiin bag chu dawhkan ah chuan ka nghat a.. Zipper chu ka hawng a.. Pawisa chunglang chu ka phawrh a... ani chuan chik zet chuan min en reng bawk a.. Chutah ka silai chu ka phawrh chhuak a, a chaldar ah tak chuktuah chung chuan "Denzil, kan inhmuhlohna a rei ta hle mai" zawi thawp sap fiah kekawk chuan ka ti ta a... ka aw ri leh ka hmel hnai set sawta a hmuh takah chuan a meng pharh nasa hle mai, chubakah a rinphak bakin Silai kaw hmawr vawt thlar maiin a chal a si reng bawk si nen... Mak tih vanga tih theih nise vawi 10 vel athi nawn awn awn ngei ang le.

"Eng.. eng.. engtin nge i rawn luh theih!!!?" a ti bung nghuta... "I pawisa duh luatah engmah i belchianglo a ni e... Khawnge ka fanu?" ka ti zui nghal a... a in ngaihtuah harh a niang.. za vak lova nui chung chuan "Sem.....Rosema.... i lo kir leh ta maw...?? Thawnthu ziaktu in duhthusama a ziah ang mai a ni e... Rosema a lo kir leh ta tih hi... a thupui ni ngei bawk se.... i fanu chu ka kawl reng reng hleinem....Ka chan sawma, Tlawng luiah ka paih daih tawh a lawm...." nui lui tih hriat deuha nui chung chuan a ti a.. ka nui ve mai a "I dawt sawi hrat a la reh lo anih hi... Ka fanu chu i room chhungah ngei hian i dah tih ka hre renga, ka hmu bawk, tin i nau finglo tak takte 2 khan min hrilh vek tawh e" ka tive ngat a..

"Dawt bak va sawi suh... a hma ang khan i bibo thei tawh dawnlo a nia aw, Helai hmun atang hi chuan...Kei hi helai hmuna roreltu hi ka ni tih hria ang che" a ti a... chutih lai chuan pawn lam atang chuan kawngka an rawn kik dawt dawt a.. "Chu.. hei hi ka hmeh zeuh chuan Aizawl police zawng zawng hi an rawn tlan khawm nghal ang a... hei hi ka hmeh zeuh chuan Ka naute koham tak takin an pawt sawm vek thung ang che... Tin, hei hi ka hmeh chuan" tih pahin a hmet a.. ka silai ka kau nghal rap a.. a kun hniam a... "Jerry lo nghak lawk rawh u, ka chelh khawtlai a ni e" a ti a.. a thu ngil leh nghal a.. Kawngka kik thawm pawh a tawp zui nghal a..

"A hrim hrimin i silai Mu 24 chiah awm khan helai hmun atang hian a chhan chhuah zawh che i ring reng reng em ni?" nui chung chuan a ti leh a, "Kan hria ang chu...khawnge ka fanu chu i dah" ka ti bul hmuka... "I duh chuan room chhung ah sawn va en la, ka mutpui zo chiah a, tui takin a muhil siai siai tih i va hmu thei ang" ngeiawm zeta nui chung chuan a ti a.. ka silai chu ka vai zawka, a thle sawka, a pai dat dat a.. a hmui sir atang chuan a rawn thi nghal tiam tiam a. a kawr nghawnah ka tham a room lam pan chuan ka nawr phei ta nawk nawk a..

Room chhungah chuan ka fanu chu Chair ah a hmui tuam sakin an lo phuar bet a.. min hmuh rual chuan lawm avangin a mengphar awn awn a.. a mittui a luang nghal zawih zawih a...Ka thin a rim kher mai.. Denzila tukhumah chuan Pistol kawm chuan ka theihtawpin ka chhu chawrh "awk" a ti a, chhuat ah chuan a tlu hnawk a.. a nak thawl ah ka chhir zui nghal zawt a.. Che tur a awm tak loah chuan ka fanu lam chu ka pan san ta nghal a.

"Engtin nge hetah ka awm tih i hriat a?" Phawk zet chuan a ti a, a kut leh ke an phuarna chu ka phelh sawk sawk a... "Nakin ah ka hrilh ang che heta kan awm reng hi a fuh berlo..." ka ti a, chutih lai chuan Denzil chu a rum tuah tuah a.. a tukhumah bawk chuan ka va per leh chawrh a.. ka fanu an phuarna hrui chuan ka phuar hlawm a, Khumah ka mut a.. rizai chuan ka khuh tha than a.. Tuna kan mamawh ber chu tlanchhuahna kawng chu a ni.. Engtin nge kan chhuah theih ang? Pawna mi 2 awmte saw tawn tlang an ngai ngei mai si a... Ngaihtuahna a tawi tuk mai bawk si..

"Ben, Nauseni chu ka va hmu tawh a, Denzil pawh ka phuar hlawm a.. Room pawn ah a bodyguard 2 an awm a, chhuah theihna kan duh a nia" tiin Bena chu ka be ngawt a.. Chutih lai chuan Kawngka chu an rawn chum leh tan der tawh lehnghal... "Engtin nge kan tih ang?..Police lam lah hi a lamtang an ni deuh vek bawk si" a rawn ti tham tuak a.. "Kawng dap dan i hriat loh chuan ka su tlang mai ang.. Mahse silai a puah a ngai ngei ang.. a nih loh chuan Denzila hi ka tawktarh a ngai ang..." ka ti a.. phone ka dah nghal a.. Denzila chu ka tung tho nawlh a...a lo harh tan ve mek a.. a rum tuah tuah a.. A rawn meng a.. chet a tuma ka lo phuar hlawm vek si a.. za lo deuh chuan a nui a, a thinrim takzet a ni tih a mitmeng atang chuan a hriat theih a..

"Rosem, engtin mah i chhuak thei dawn chuanglo... Kawngka lamah ka naute an awm a, helam lah a sang ropui si" nui chung chuan a ti ngul ngula.. " Kan hre mai ang chu... Nang hi ka chhuah theihna tur ticket i ni e..." ka ti a.. ka phih to lawp a... "I naute hnenah I motor lo zuk buaipui turin tir hrilh rawh, an 2 a kal turin" ka ti zui nghal a.. "Engtin nge i tih chuan ang?" a ti bul hmuka min hmusit hle tih a mitmeng atang chuan a hriat theih... "Ka sawi ang chuan ti mai rawh.. I sazu kha ka kap darh vek mai ang" ka ti zui tuar a.. kawngka chu an rawn chum nawn leh a.. Button pakhat a hma a a hmeh tawh chu ka hmet a.. "motor lo zuk buatsaih rawh u, kan rawn chhuak thla ang" kei mah chuan ka ti a.. a aw ki ang deuha ka tih vangin an ni pawh chuan an hre hrang biklo a niang an kawngka kick pawh chu a tawp zui ve nghal a....

Nui huah huah pah chuan "ka lainat ngawt mai che, nang Sawn falubawk... Fahrah in a seilian, I nupui ka thah sak che a, Ka unaupa ka that a, i thah ang chiahin ka lan tira.. i zu rui khaw hmulo engmah bel chianglo khan i that tak tak emaw tiin i tlanbo a.. Tunah i fanu hmang ngeiin ka huangah i rawn tla lut leh a i tawpna ni chu a lo thleng ta a ni e" a ti bawrh bawrh a, a nui nghek nghek bawk a... "Hmela... ka nupui kha i thah maw lo ni?" ka ti tuar a.. ka hnek thle sawk a.. a hmui a kak nghal thawt a.. a thu hnawk bawk a.. Ka fanu chu a lo te tuar bawk a.. a mitmeng atang chuan min thah mai a duh awm e.. a meng tal tawp tawp a ni ber mai.. ka pawt tho leh lawp a... Thutthleng ah ka nam thu hnawk a..."Ka nupui i that a maw?" ka ti tham leh tuak a... "That e.. ka pawng sual a, chumi hnuah Lukhamin ka up hlum... Nang lah chuan ka unaupa tih ah i mawhpuh a, i zawng vut vut a nih kha.. Kha mi zan pawh khan ka plan lawk vek a sin, Kha zu dawra i lo kal khan i rui mah mah tawh a, kha Mimawlpa, ka thil tih i bula sawitumpa nangin i mawhpuh tlat kha ka lo rek hlum fel vek tawh.. I ruih em avanga buaina i rawn siam khan ka lo ruahmanna a kal fuh vek a nih kha... Tin, khatia i ruih em em khan kha sum tam tak ka pek i thianpa Benjamina kha ka tih tir bawk a sin... I nupui ka that tih pawh min hriatpui vek a sin" a ti ta zuah zuah roh a.. "Bena a tel ve maw?" ka ti tuar a.. ka bing nghal mup mup a...

Ka Thianpa ka rin em em chu min phiarru tu zingah a tel ve reng ang maw?... mak ka tihna leh ka awihlohna a inchen awm e... "Dawt sawi reng reng suh" ka ti tuar a.. Nui kur kur chung chuan, "A hausak tawh dante hi ngaihtuah ta che.... ka siam len vek a nih hi Coffee dawr mai mai neitupa hi engtin nge hetianga a len theih i rin? Khami zan a kan awmna rawn hruai chat thei che kha tunge?? mawla.. Fahrah tawk vel i ni?" a ti a a nui huah huah a.. Ka silai ka la lawk a, ka pawp mai ka chak mahse tha reng ka nei tawhlo... Ka thinrim lutuk hi ka puak keh lo chauh a ni tawh.. Kawngka a ri bur a.. a rawn in hawng rawp a... "Che tawh suh... i silai kha leiah dah nghal rawh... Police kan ni e" an rawn ti a.. Che lovin ka ding reng a.. "Engtin mah ti suh u... khawngaih takin ka pa hi kut thlak suh u" ka fanu chuan a ti lawm lawm a..

"Kha Police te hi ka thiante vek an ni" Nui chung chuan Denzil chuan a lo ti a... "Ngawi hmak rawh.. I thian tumah kan awmlo" Hmeichhe aw vin thak hian a rawn ti a.. Ka hma zawna rawn ding chungin ka silai chu min pawh thlak sak a.. "Baby, nang.... nang.. elaw?" ka fanu in a tih taka chuan ka hawi chhuak a Nizan lama ka phurh kual hrep Baby ngei mai kha Police Officer then khat nena an lo ding thap a, a kutah chuan Automatic Pistol a hum ran bawka.. Min then khum sak a... "he mi lakthlakloh pa hi Cuff bun tir ula.. La sawn nghal rawh u.. Tin, hemite pafa pawh hi hriai ve bawk ang che u... Midang 5 vel he room hi lo veng ang che u"... a ti zung zung a.. Engmah ka sawilo.. ka mithla ah Benjamina hmel ringawt a lang thung..

**********************

Kei hi Mizoram Bureau Investigation Secret Service (MBISS) a Lieutenant ka ni a, Ka hming chu Baby Zorammawii a nia, Ka nihna hi Kum 3 zet chu ka thup tawh... He Denzila hi kan Hotute lamin a hausak dan ah an rinhlelhna a rei tawh a. Bru hel leh Helpawl dang silai a supply nia hriatna kan nei tawh a, Tichuan a chhui zui dan an dap renga, evidence engmah kan nei thei lova... Ka case khawihna lamah I nupui chungchangte ka hre chho a, case pending ka haichhuak nual bawk a, Chutih mek lai chuan Facebook lamah i fanu hian a nu thlalak a rawn pholang ka hmua.. amah hian a lo ang kher bawk nen.. Nang koh thlak theihna a nih ringin i fanu hi ka kawm ta a ni... Mahse ka beisei ang a ni ta hauhlo... I fanu a lo langa i lo lang ve ta mai silo.. Mahse lehlamah chuan Denzila a rawn lang ta a.. Tichuan ka beisei ruk ang ngeiin nang i rawn lang ta bawk a... Motor desk board ka hawn tir che khan Security Camera tha ber chi ka la chhuak a.. I muthilh hlan khan i Jacket ah ka vuah fel than a nih kha.. Engkim Headuarter a control room ah satellite atangin an lo hmu ta vek a ni.. " Nui sang chung chuan a ti siam siam a.. "Jka kha?" ka ti vat a... "Denzila ka hnaih theih nana ka hmanrua a nih kha.. Kei pawh hi Fahrah in atanga seilian ve tho ka ni a, Chhung khat laina ka neihlohna hi Intelligent lama ka chet theihna pakhat a ni, Ka duh ang thalin ka khawsa a.. Sawrkar sum pawh kan hmang nual reng a ni... Tunah chuan nangmah vangin evidence tam tak kan neih phah ta a.. Tual a thah zia pawh kan man chhuak thei tawh ang. Video clip kan nei vek tawh si.. Mahse Nangpawh Kar 2/1 vel kan kawl che a ngai thung ang.. He pa hi thil ti thei deuh mai a ni a, Mahse dan chunga leng tumah an awm hleinem..." a tih zawm malh malh a...

"Bena ka hmu duh?" ka ti a,.. a nui mai a.. "Kan man fel vek tawh, ani pawh hi kan enthlak lai mek a ni tho, I Thianpa i rin em em kha a phena bumtu che a lo ni reng a lawm le... Chuan, Hmanni a ka thil lo hai chhuah hi in lawm ve ngei ka ring bawk... " tiin a dawhkan pawhdawh a tang chuan file covered dum hi a rawn phawrh a. a phelh niap niap a "Hei hi han bih teh u... Nauseni pu, Aizawl Pa Hausa zetin A fanu fa tan thurochhiah a lo nei reng a lawm mawle.. a tih danglam hmain a boral thut si a,... Ukil hnena ka haichhuah a nih hi.. Aizawl Pa hausa i ni thei reng mai.. A ram pek hlut zawng hi Vaibelchhia a ni der tawh" a ti a.. ka nui a.. ka fanu hmel ka en a.. a lo sen ap ap a, a hlim hle a ni tih ka hmu thei... "Mizoram ah awm kan tum reng renglo... Myanmar ah ka pa (Burma putar) dawr enkawl sak ka ngai" ka ti a..

"Mizoram ah in awm rih a ngai ang, He case hi chinfel a nih hma chu" a ti a.. Kha nula ka hruaikual leh ka hrawk kual Nula lepchiah ang tak maia khawsa kha a ni tawh hauhlo, thunei hmel takin a tawnga, a hawiher pawh a dang vek tawh...Ka fanu chunga thil thleng chu a duhvang renga ti a nih loh thute, Nani boral kawngah pawh hrehawm a tih thute a sawi a.. "Kha nula thihna ah khan mawh kan phur tak meuh meuh a, a chhungte bakah Myanmar Sawrkar hnenah pawh ngaihdam dilna kan thawn tawh a, Nauseni chanchin pawh an ngaihven ve hle bawk.. Tin, a thla hualna compensation tam tham tak India Sawrkarin a chhungte hnenah a pe bawk dawn a ni.. Tunah hian Drug leh a kaihhnawih bakah Smuggling lamah India leh Myanmar sawrkarin thawhhona thuthlu ng kan neisa vek a, Nani thihna pawh hi Myanmar sawrkar chuan Ram tana Martar ang hialah ngaiin chhawmdawlna Sipai in an dawn ang a dawn vek dawn bawk a ni.. Hei hi keima tihsual vanga a thihna ah mawh ka phur nia ka hriat vangin ka theih anga tha in report ka pek vang a ni tel bawk... Engmah intan harsatna a awm lovang" a ti leh siam siam a..

Bena chu ka hmuh an phal lova, hmuh ngei ka duh tehlul nen, Mahse hmuh an phal hauh silo, Engtiang taka min phiarru nge a nih a, Engtin nge ka chungah chutiang a tih theih tih chu ka biak chakna ber pawh a ni.. Ka ngen chiam hnuah Baby chuan Confidential takin a inpuanna Video clip chu min hmuh tir ta nge nge a.....Police Custody chhungah Bena chu Chairah a thu a, Zahawm taka inthuamin hetiang hian a inpuang ta a..

"Ka Hming chu Benjamin Lalhruaitluanga ka nia, Kum 2018 June thla a Rozamliani thihna ah ka inhmahnawih tih ka puang a, Chubakah Pu Thanthuama thihna ah pawh ka inhnamhnawih tih ka puang bawk a.. Ka thianpa Rosema dawta an puhna ah leh Mizoram chhung atanga a tlanbo theihna turah ka inhnamhnawih tel bawk tih ka puang bawk e.. Tin, Sumdawnna kawngah Damdawi tawlh leh Silai tawlh rukna ah Denzila thurualpui ka nih bakah Kum 2022 a SBI Dawrpui Branch Rawkna ah pawh Ruahhmanna siamtu ber ka ni a.. Khatih laia kan mi chhawrte dah tha a, an sulhnu thup kawngah ka inhnamhnawih bawk.. Hel hnena Silai hralh chungchang erawh ka hriatpui lo thung..." tiin Mittui tla pur chungin a sawi a.. Lainatna ka nei miahlo ti ila ka daw deuh maithei, Mahse ka lainatna erawh a dang daih thung.. Hetiang em em a Pawisa vanga a leh Thiangte pawh phatsan duh hialna khawp a nei chu ka lainatna chu a ni.

Engemaw pawimawh kan khawih fel vek hnuah Ka fanu nen chuan Myanmar lamah kan haw leh ta vang vang a.. a khat tawkin Baby chuan min rawn be reng thin a, Secret Service agent a lut turin min rawn thlem ber thin.. Myanmar sawrkar hnuaia thawk a, International Border vela dan lova sumdawnna chhui tur leh chutiang kawnga inhnamhnawihte an hnena hrilh hretu ni tura thlemna a ni ber thin.. Mahse, Ka fanu nuna atana hlauhawm thei a nih vangin ka zawm duh ngailo.. Lawngleng thawmtha leh siama hnathawh chu ka duh ber leh nuam tih ber a ni.. Ka fanu thanglian chho zel ka hmu a, Pasal chhia tha emaw a neih hun thleng ka dampui theiha ka tute awma Lawnglenga sangha manpui leh lenkualpui vel thei ka nih hun ka thlir ber zawk... Engpawh nise ka chhungkua him taka awm ka duh ber a ni fan a ni...

Denzila chu an han chhui tak taka, Mizorama sualna kawng tinrengah a inrawlh chikim hle, evidence pawh an nei tha hle bawk.., Chuchang a ni lova, Denzil an manchhuah rual hian a thurualpui leh Sum leh pai lama a lo tihlawm thin, a sum bawm zenpuitu Home Minister ni mek bakah MLA 4 vel an kangkai a.. Police Officer leh Taxation department lama Hotu lawk thenkhat an kangkai bawk.. Politician meuh a duh duha kuaiher thei a lo nih vangin tuman an khawih ngamlo kha a ni ber mai an man theihlohna chhan chu.. .Mahse a tih reng reng loh tur ka Fanu a lo kawl erawh a tihsual lian ber a ni ngei ang.. Tlawm duhlo mihring min tawnga, Ka nupui ka chhan lova a boral tawh avangin ka fanu chhan nan chuan Sakeibu ah pawh ka lut mai ang tih rilru ka pu miau si a.. Chubakah Hmeichhe fing leh lemchan thiam em em mai Baby Mizo in kan nei bawk a, ka chungah tisual lo mahse Baby finna vang liau liau in chetchhiat hun a la nei maithei..

Khawvelah Sum leh pai hausak duhna vangin mawi leh mawilo zawng lova Thiante kuta rulkaw zen lah an hreh heklo, chung zingah chuan Benjamina (Benji) pawh a telve tlat a ni.. Ka fanu Denzila'n a kawl tih a hriat khan kei chuan Denzila ka tih hlum a duh a, ka tihhlum hlauh chuan Denzila sumdawnna a hriatruk vek chu a thuhnuaiah a awm vek tawh mai dawn a.. BenBen Bar neitu nitawh lovin Mizoram pum control tu a ni thei tawh dawn a ni.. A duh hun hunah Sawrkar leh Hel a inkah tir theih tawh dawn avangin Politician thenkhat ten an hlauhtlawn ngei tawh bawk ang.. Chung zawng zawng thlen theihna tur chu Denzila man chhuah emaw,, Denzila boral emaw chu a tan chuan duhthusam a ni ringawt a ni.. Khatia Denzila hnena Kal tura min buatsaih a, Bru Hel pawisa pe tur anga lan thut a ngaih pawha thil fel taka a kal theih nana Pawisa tam tham tak ka bag a khung rawta ruahhmanna min siamsaktu pawh kha amah tho hi a ni si.. Denzila kha Inpuang zut zut lo se kei leh Mizoram Police te khan Bena kha an man chhuak lo maithei.. Denzil khan kei kha damkhawchhuak theiah min ngailo hrim hrim kha a tihsual a ni.. Kei leh midang zawngin kan hriatloh phenah Police uisa thiam lo biru khan engkim a rawn hailang ta vek a ni..

Tunah chuan ka fanu nen Myanmar boruak lum tak hnuaiah kan thil tawn te theihnghilh chung zelin kan hna ngai kan thawk leh mawlh mawlh tawh a, Nauseni pawhin Class chhunzawm leh tawhin a zirna lamah rilru a sawrbing chho leh mek tawh bawk.. Kum tawp lama Myanmar Mizo Insuihkhawm pawlten an buatsaih thin "Sweet December vawi 50-na hmang thei turin kan dam ver vawr theihna chiah kan ngaihtuah tawh....

A TAWP TA..
( Chrismas Hman nuam ule...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)