MISSION CONFIDENTIAL BY Tochhong Ruata (Completed)

Ngaia
Site Admin
Posts: 25813
Joined: April 30th, 2016, 4:07 pm

MISSION CONFIDENTIAL BY Tochhong Ruata (Completed)

Unread post by Ngaia » December 13th, 2018, 5:44 pm

MISSION CONFIDENTIAL..

Odisha (Orisa) Khawpui Bhubaneswar khaw chep zel tur venna tiin Sate Sawrkar chuan Construction company ruaiin he khawpui zauh hna hi a tawk a, Khawpui atanga Km 30 zeta hla a Kalinga Vihar hmun pharh duai mai, Thingtlang khua ve mai mai thin hmunah chuan Khawpui din turin ruahmanna (City plan) felfai tak, kawtthler zau leh nuam awmze nei takin Building hrang hrang an sa thluah a.. Chhawng sang tak tak ni lovin, In nalh tak tak, Chhawng 1 lek lek a sangte, Chhawng nei lova lian tha tak te, Compound nei zau leh nei zau vaklote.. Dawr lian tak ni thei turte, Eichawp dawr mai mai ni thei turte, Restaurant leh Bar thlenga hman theih turte, Lu mehna dawr, Bank, Park leh Naupang infiamna tur hmun Playground, School hmun etc thlengin helai hmuan ah hian an dah kim hle a.. Chung in leh hmun chu a duh duh tan Rate an siamsa ang chuan a lei theih a.. Mi hausa, mi vangtlang chunglam leh mi vangtlang, Pensioner, Hnathawk mek ten an bawhin a chekhnawk (Kut dawh etc) awm lovin an inkhung hranga.. Police Station pawh dah niin Khawlaiah a khat tawkin CCTV an dah vek bawk a, chu chu Police Station atanga control vek a ni bawk.. Tin, Municipal felfai tak din niin office pawh changtlung tak an nei nghe nghe.. A tawi zawngin sawi i la, he hmuna khawsate hi chu mi changkang leh felfai chin an ni ber..

Chu Kalinga Vihar hmunah chuan kei pawn In ka neive rana, House No. 190 a ni nghe nghe. Ka In lei chu Chhawng 1 niin Ground floor ah pawh Room 5 zet a awm a, Common room, Kitchen, Dining hall, Sitting room leh Guest room a awm hran vek a..Inchung lamah Master bedroom bakah room dang 3 a awma.. Room 2 chu Mikhual ka neih changa an room atan ka dah a, Room 1 la awm chu Gym atan ka hmang thung... Tin, hei bakah hian Inhnuai atanga chhohna Step in a pawh chiah ah chuan Lobby angreng a awm a, Tahchuan Thiante emaw mi bik te nen kan ti ti ho thinna turin thutna nuam tak ka dah bawk a.. Ka lehkhabu chhuar leh Ka thlahlak pawimawh thenkhat ka tar nual bawk... Chu lobby bul maiah chuan Nitlakna lam ah Veranda zau ve tak a awma, Pangpar leh Bonsai ka hung ve dal bawk..

Ka compound hi zau duar chu nilo mahse zau nuam tawk ve tak a ni a.. Ka in hnunglam ah chuan Lawn (Phaitual hnim tona tual zawl) nuam tak leh Swimming pool 24x12 a awm ve bawk a.. A thuk lai ber chu 12 fit niin a thuklo lai ber chu 4ft a ni thung. Ka In hmalam chu engmah a awm lova, ka in sirah Garage lian tha ve tak leh Workshop ( eng emaw ka siam ve thinna) a awm a... Ka In chung hi a zawl niin Tui hnianghnar taka ka hman theihna turin tuizem lian tak tak 3 a inhnung bawk...

India Army hnuaiah Special Force Squad Leader ka ni a Army a ka rank chu Ltn.Colonel a ni thung.. Keini hi Secret Service kan nih avangin Odisha state hnuaia Police Training-na a thawktu 1 anga appointment pek ka ni a.. Silai chelek dan zirtirtu angin ka awm bakah, Combat training petu angin ka awm bawk.. Mahse heng hna hi chu ka parttime job ang chauh a ni a.. State sawrkar in hlawh tha ve tak Officer hlawh min pek bakah, Central sawrkarin hlawh min pe tela, kan mamawh thenkhat min tumsak bawk. Tuna ka awmna pawh hi Central sawrkarin min leisak a ni nghe nghe. Loan system ah buaina kan nei ngai lova, kan duh duh hunah loan kan la hmiah hmiah a, 50/50 in sawrkar nen kan inrulh sem thin.. Keini Squad hi 'Foreign leh anti terrorism squad' tia hriat kan ni ber. kan hna pawh a hautaka, nunna thap tak meuh meuha thawk kan nia.. kan thawk a ni tih hria pawh hi Kan directorate office staff mi 10 vel leh Indian Army Chief-te bakin an hrelo.. Kan chhungte ngei pawn an hre chuang heklo.

Sainik School atangin matric ka zawh hnuah NDA (National Defence Academy) ah zirzawmin chumi hnuah Indian Army-ah kan lut leha, Chumi hnuah he Secret Service ni tur hian select chhuah kan ni a.. US ah leh hmun hran hranah training kum 3 chhung zet kan neih leha.. Chumi hnuah 'Kids' ah tanin kan achievement leh seniority in rank minpe chho ta chauh thin a ni.. Kei hi Sniper leh Combat ka specialist a nih nghe nghe.... chu chu ka eizawnna a ni a.. Hna kan neih reng loh avangin ka sawitak ang khan India rama kan duhna hmun ber State ah kan hna tur min siamsak ta thin a ni. A then chu Army Training centre ah te thawkin, a then chu Sainik School ah te an thawk daih thung.... Code bik kan neia, chu kan code hmang chuan Inform kan ni thina.. Kan code hmanga koh kan nih tawh chuan kan head quarter kan pan khawm mai thin. Eng hna nge kan thawh dawn a? Khawi hmuah nge kan kal dawn kan hre lawk ngai lo hrim hrim.. A hmun kan thlen hnuah kan Director hnen atangin kan mission tur kan hre chawp chauh thin...

Mizoram Khawchhak lam chhuak ka nia, kum 39 a upa ka ni, He hna ka zawm tirh hian kum 27 mi chauh ka la ni thung. Mizo mipa ah chuan a lianpawl tak 5"11 ka ni a, Ka taksa a inphut mawi tawk viau bawk.. Pa ka nei tawh lova, Nu leh Farnu 2 ka nei a, kan khua-ah an awma, ka hlawh chanve hmawk ka thawn thin. Tuna ka awmna ah hian Central sawrkarin Orderly (Ardali) 1 min pek, kum 50 zeta upa Pu Anila nen kan khawsa a, Pu Anila hi Maharastra lam mi a ni. Pa ze zawi leh tawngkam thiam tak, fiamthu awmze nei tak hmanga mi chawh phur thiam zet mai a ni a. Kum 8 zet kan inhrawn tawh. Mumbai hmuna ka awmlai atanga inhrawn tawh kan ni a.. Tuna ka awmna hmun ka in sawn pawh hian duh chuan min zuilo thei renga, Mahse ka bula awm duhtlat mai a ni a.. Min zui zel mai a ni. Nupui fanau neitawh, a nupui fanau ten a zu heh luat vanga an chhuahsan ani a.. ka bula a awm hnuah zu rim a nam tawh ngailo.. A nupui te nena inhruai leh tura ka nawr chiam pawn tihian min chhang "Sahib.. i thu ka hnial ngailo tih i hria.. Kei pawn i thu hnial ka duh ngailo. Mahse, ka chhiat ber laia min zahpuia min chhuahsan tute hi min hmangaihtu an ni ka ti thei tlatlo... Chuvangin kei chuan sum ka pek hi ka duhtawk a.. An kianga awm hi ka duhlo bur ani.. Ka fate chu ka chawm tur a lawm an nih.. Kei chuan mamawh ka neilo.. Rs 10000 hi ka hmang senglo.. ka tla tawk.. abak chu an chang vek.. hei bak tih theih ka neilo.. i kianga ka awm hian ka hlim" a ti tlat a.. ka tir lui ta lo hrim hrim a ni... A Pension hnuah pawh ka bula awmzel ka phal chuan awmzel ala tum fan bawk.. Mizorama chawlh hmanga ka hawnin vawi 2 chu min zui haw tawh nghe nghe bawk... Ka nu hnenah Mizo eisiam dan a zira..Eisiam a thiam bawka, a man chakin Mizo chawhmeh, Bawl etc siam pawh a thiam viau.. Sa a ei ngailo nangin sa chi hran hran siam a thiam em em. Tin, Inchhung sekrek khawih a peihin in leh a vel a vawng fai em em bawk... ka uipa (Doberman) nen an inkawmngaih viau bawk. Ka Uipa hi 'Chhura' tiin a hming ka vuah saka a ko thiam chiahloa 'Tula' a tive maia.. Chhura pawn a hrethiam viau.. Ka Inchhungah keimah chiah Sa ei ka awm, ka awmpuite 2 hian an eilo ve ve tlat bawk... Chhura enkawltu ber a ni a.. Kum 3 zet chu an inzuita reng mai...

**************************
Tukdang ang bawkin ka zingtho chu Gym ah Darkar 1 zet hun ka hman hnuah Tui ka chenga. Tuia ka inchiah mek laiin Pu Anila'n min rawn ko a, Phone call ka dawn thu a rawn sawi a.. Ka cell phone ah nilo phone call ka dawn avangin hna kan nei dawn a nih ka ring nghal mai.. ( Cell phone ah HQ nen kan inbe ngailo.. engemaw thleng se kan cell phone hack theih a ni palh hlauh vangin, Hack anih vaih chuan kan nihna an hrechhuak vek thei dawn si a, E-Mail etc kan dawng ngailo bawk. Kan code hmangin min rawn be mai thin) Tichuan, Inchung lamah chhovin ka phone call dawn chu ka han chhang ta a..

"awle, 221" ka han ti tawnga..( Ka room line hi HQ chiah in an be pawp thei) "Ni 12 zan dar 10-ah Bird Nest (Sava bu) ah coffee dawm ho tur" tih zawng hi an rawn sawi a, Phone a tawp zui nghal a. Ni 12 zan dar 10 ah HQ ah thlenkim vek tur" tihna a ni.. Damlohna ka neih chuan ka damloh thu ka hrilh ang a.. Doctor lehkha fax in ka thawn bawk ang.. Mahse Khum beta kan damlo a nihloh chuan kan chawl ngailonhrim hrim thung.. Pu Anila chu ka ko chho a "Flight ticket hmasa thei angber ka mamawh aw, Delhi ka zin a ngai tlat mai" ka ti a.. Pu Anila pawh hian hetiang ang hna ka thawk tih a hrelo "Awle ka pu, Breakfast ka peih tawh aw" a ti zui a.. Inhnuaia Common room ah chuan ka tukthuan eitur leh Nitin chanchinbu chhuak tharlam tak chu a lo chhawp fel leh diam tawh a.. Amah chu Kan piah lawk Travelling Agent dawr turin a chhuak zui nghal a..

Ka flight hun chu Zan dar 6 a ni dawrh mai a.. ka tluan chuan Dar 10 ah chuan ka in report ve hman hram maithei.. Delhi Traffic in a zir chuan.. Chhunah ka hna pangngai ah ka kal a, Ka hna tur ka tihzawh vek hnuah ka bazar hawng a, "Pratik Dojo" ah kal kawiin practice ka va zawm ve leh a.. Pratik hi Karate black belt niin National Gold medalist a ni a.. Pa fel tak leh Pa Invawngtak ani nghe nghe.. Student a nei nuala, achang chuan class min laktir ve hial thin bawk.. Judo leh Karate ka thiam kawp chu min fak ve em em a.. Mix Martial Art khel turin min sawm ve fo nghe nghe....Ka duhtawk practice ka neih hnuah ka hawng tlang vang vang a.. Dinner ei lovin ka insiam nghal char char a.. Kan Ola hman fo thin 'Dudu-a' kan tih mai chu min hruai turin a rawn kala, Airport lam ka pan ding nghal char char a..

Dar 9 ah Delhi ah kan tuma.. Taxi la in Subash Cafe ka pan ding nghal nal nal a.. Beisei aiin motor zam a lo tamlo hlauh a, Subash-a dawhkana kan inreport hian dar 10 a ri chiah nghe nghe.. Pu Subasha chuan a office chhungah min hruai luta.. Pindan rukah min luh tira, Chutah chuan lift hmangin leihnuai leiverh Meter 350 zeta thukah chuan ka inkhai thla a, Chutah kan HQ office Lobby ah ka chhuak a.. Ka team mate te chuan Coffee an lo dawm tham tawh a, kan inhmu chu kan inchibai liam liam a. Deepak, Tina, Baba, Sawma leh Thapa te an ni a.. "Khawnge Parvin leh kan Lulian 2 hi?" ka ti a, an then sak a "List ah an tello hlauh" Baba chuan a lo ti a.. "Anih khawnge Chhimbuk" ka ti a.. nui ring ngam silo hian an nui hak hak hlawm a.. kan piah a Room kawngka chu an kawk a "a bu ah a fu leh vung tawh" an ti a...

Deepak hi Uttaranchal lam mi niin 6.2 ft zet a lian a ni a.. kan miman dawp an ngaih changa dawp tu ber niin thluak a nei em em lo nangin a huaisenin a chak em em thung.. "Bawh hmiah mai ang u" ti thei deuh reng a ni.. Asian Games Boxing-ah Heavy Weight Gold Medalist nitawh ngat a ni.. Kei aiin kum 3 a naupang a ni.. Ahmaa kan hruai thin Dara Singh a boral tak avanga recruit a ni. Jeans Jacket ngaina zet mai a ni nghe nghe..

Tina, "Hey Sexy Lady" tiin Deepak hian a ko thina, a inhmeh viau bawk. Shimla nula niin Army lamah lut lovin Bollywood lam pan nise Indian mipa tamzawk hian an ngaihzawn rawn ngei ngei ang, Computer Engineer niin ka hriat chinah eng security mai pawh hi hawn theihloh a nei lo.. America chhuan em em Pentagon chhung pawh khu chawkbuai vek thei tur khawpin a thiam a ni. A thiamna hi Sual kawng zawhpui duh nise, a hlauhawm phak ve khawp ang.. Hetiang khawpa Hmeltha nisi hian Army ah lutin chutah a ruk a rala thawk pawlah a tel tlat peka... NDA ah Computer Science zirtirtu angin athawk mek bawk...Khawlaia Jeans tight tak nen kal ngatse Vai mipa hmeichhe hmuhnawm ti tak tak chilthli a uai duah duah ngei ang le.. Mitmeng buang thak mai nei a nia, sexy taka mi en heu chang chuan kan buai lek lek thin.. Mahse Mipa play kawngah chuan a hlawhchham chiang hle.. Tawng duhlo zet mai a ni bawk.

Baba, Misuala... Sual tak a ni.. Bomb specialist a nia, kan awmkhawm tawh chuan engtin tin emawni chhangthawp bomb, Tomoto puak thei etc a lo siama, kan berh leh phung thin.. Mak deuh mai chu botanist nisi Chemistry subject lam hawi thiamna a nei sang em em mai hi ani... Thil chhawpawlh zung zung hmanga awlsamtea puak thei thil siama thiam viau... West Bengal lam mi ani.. Mukerji hnam niin Tawng ngai meuhlo a ni bawk.. Ngawi renga sual ru em em a ni...

Sawma, "Asian Khawmualpui ah Mizoram a nuam ber" ti ve ziah, Mahse Chawlh a neih chang pawh Mizoram lama haw ngai miahlo a ni thung.. Lunglei lam chhuak, Tawngthei em em mai, Bengali, Urdu, Gujarati, Tamil, Khasi, Hindi, English, Spanish leh France tawng thiam em em vek mai a ni a..Mizo hnahthlak Pawih, Hmar, Paite leh Mara tawng thiam kim vek, Zaithiam hauh si lova zai peih em em ani. Sainik School Mumbai ah thawk mek a ni bawk.. Silai kah, Chemte vawm thiam kawp ve ve a ni a. Karate ah black belt niin National Gold medalist ama sawi danin "undisputed Champion" ani awm e.. Pa te lemlo 5"8 vel, Cher lam deuh zuan zang zet mai a ni.

Thapa, Nepali niin Lucknow lam chhuak a ni a, Lucknow sipai hmuna Mechanic anga thawk mek a ni. Motor khalh thiam em em, a chhe siam pawh thiam tak, Mechanical Engineering Diploma certificate nei phak ngat a ni nghe nghe bawk... Lirthei chu engram siam pawh sawi nghal zung zung thei, Sawma nena inhnial fiam reng, in zui chawt nisi, Sawma chawlh hmang pawn a pan ber thin a ni lawi. Tawngduh kawngah an inkawm theu viau bawk.. Tiat pawh an Intiat tawk khawp mai...Mizoram pawh vawi 5 zet kal tawh nuam ti em em mai ani..

Hetiang ho hi ka team mate te an ni a.. Midang 3, Kan Model, Mipa dawr thiam em em mai Parvin leh Tamil lam mi lulian zet leh Punjab lam lulian bur mai te 3 an tel velo thung.. Kan Mission tur a zirin Team member min mamawh tur dan hi Director hian a siam mai thin... kan mission a tangkaina an nei dawn lova a hriat chuan an ko lo mai thin a.. Mission neih lai meka kan mamawh dan a zirin koh chawp ma theih an ni thin bawk... "Kal ru le. Lut ang u hmiang Sazu puk ah chuan" nui chung chuan ka tia.. an nui ham ham a.. Director room kawngka chu kik buai lemlo chuan ka nam hawnga, kan lut ta diah diah a..

Kan Director hi UP lam mi bawk, Mihausa chhungkua atanga seilian, Lehkhathiam tak niin Indian Army ah Colonel a ni .. Palian zehzuah deuhmai, chal thui ve tak a ni a, Tawng damdup mai, Mifel leh thuawih tan chuan pa fel tak, Mahse misual tan chuan nelawmlo zet mai a ni thung.. Mitmeng lian kelkawl tak mai a neih vangin fiamthuin "Chhimbuk" kan ti thin...

"Chibai ule, In damtlang maw? Thla 6 zet chu kan inhmu tawhlo hlawm a ni maw?, Tina, i hrisel tha maw, Lieutenant enge Odisah lam boruak?" alo ti nghal zung zung a.. Kan thutna tura min kawhhmuh ah chuan kan thu sap sap a.. kan infiam bawrh bawrh a, kan nui dar dar a. Chumi hnuah a tih dan thin pangngai bawk in Champagne chu min han sem leh diat diat phawt a, no kan dawm far lai chuan thutak zet chuan "Kan mission tur hi a buru angrengin, kan thawh that phawt chuan awlsam tak a ni thei thung" an ti te te a. Kan thlir thap a, a hnung banga Screen lian zet chu a ti nung nghal kulha..

"Nimin piaha kan thenawm ram Pakistan leh USA ten ralthuam an inleitir thute kha inlo hre ve ngei ang maw? . an duh leh USA chuan Pakistani ho chu lo sumdawn pui mai mai mahse a pawina a awm lemlo.. Chu ai mah chuan DUE-3 hmuchhuaktu India chhul chhuak Scientist, US Identity neita Dr A.D Berman leh a thawhpui Doctor dang 2 te rukbo an nih thu hi pawimawh zawk chu a nia. Chubakah Hamid-a pawlte hian DUE-3 an kawl bawk niin kan hria.. DUE-3 hi Dr.A.D-a te lo hi chuan a hman theihdan leh a hawnna code hi an hrelo a.. Tin, a code thlak thei awmchhun pawh an ni bawk.. DUE-3 neilo se Dr.A.D-a te ho rukbo ngawtna chhan tur an awmlo..

" Heng mibo te hi USA chuan a ngaihven em em mai a. Mahse chet an lak hma ngeiin He Dr.A.D a hi kan laka, He DUE-3 hi hman loh theih tura thlak tir dan kan zawn a ngai dawn a ni..Amah hi chu kan hre vek ang chu maw?? Heng Doctor 3 te hi Pakistani rama inkhuar Dr. Ahmed Al- Hamid a hote kutah an awm ngei niin kan hria a.. an lo awm tak tak chuan Kan ramri buaia boruak inmung-ah DUE-3 hi min beih nan an hman vaih chuan Kan ramah ngei hian hri thalo tak Pul puk pukna hri a leng thei dawn a ni.." a ti dap dap a..

Screen ah DUE-3 hri pek chhuah hnathawh dan a tilang bawk a.. Boruak chhia hiptu chu hritlang awmna anga awmin, a rawngawp tial tial a, an taksa a dum vek a, A tawpah an rawp ral zel a ni ber mai.. An hnarte a thi a, an beng atang ten thi a chhuak bawk a.. Thak vei ang maiin an vual sen tut bawk a, Chumi hnuah an taksa chu a rawn dum chho tan ta ani ber mai.. A rapthlak duh hle. He Boruak chhia hian Km 1200 huam chhung a tuam chhuak vek thei bawk. Chu bakah a kai tawh te hi chuan an bula awm hnai a piang an kai thei a, Enkawl tur chuan vaccine lak a ngaih bakah abika siam thuamhnaw an inbel tur a ni bawk.. Ni 5 hma chuan a lang chhuak lo lehnghal.. Ni 5 hma hian he boruak chhia KM 1200 chuang amite a hip tawh te chuan an thlahpung/pu darh zau hman viau dawn a ani.. Delhi khawpuiah he bomb hmun 1 ah tihpuah ni tase, Mi nuaih 10 vel zet helai biala awmte chuan an kai dawn tihna a nia. (He bomb hi a thawkna em em lo, Halapuah tlep hal ang lek a ni awm e) An zingah zin vak (Tourist) tam tak an awm bawk ang a, Chung mite chu ni 5 chhungin an zinkual nual hman anih phei chuan an pu darh zau thei viau bawk ang.. Chuti anih chuan Kar 2 a liam meuh chuan India mipuite hi kan pul zawih zawih mai dawn tihna a ni.. Hei tak hi India beia tihchhiat tumtu tan chuan thil tih awmtak pawh a ni si... Chutiang taka hlauhawm Chemical bomb siam chhuaktu han chhanchhuah pawh chu thil chakawm tak ani lemlo nangin min beihnana an hman chuan a pawi thei viau thung..

"USA ah kan mission hi kalpui a ngai a ni maw?" ka ti vat a.. "Nilo, hei tak hi kan mission hi a confidential em em nachhan a ni..An rukbona hmun hi Pakistan khawpui Lahore ah daih a ni hi a maka, US intelligent lam chuan he thu hi an zepru viau nangin a put ru ta tho a ni.. Khawvelin Dr. Ad-a te team hian Pakistanah enge an tih?? Chemical bomb siamchhuaktu US identity nei lehnghal hi engvangin nge US leh Pakistan ralthuam indawr laiin Pakistanah an awm thih hi an zawhna lian tak tur a nia.. Chutak chu US hian thup bova a ruka chhanchhuah hna hi Pakistan intelligent te nen neih an tum dawn niin kan hre bawk a. Chuvang chuan nangni kan uisa thiam te hian in daikhalh a ngaidawn a ni.. Kan theihtawp kan chhuah chuan kan tlankhalh thei ngei ang.. Keini chuan Dr.Ahmed Al-Hamid a tawmkuk leh a hmun pawimawh kan hriatruk tawh kha..An ni chuan an hriau bo zawn tawp dawn a ni" a ti zui leh dap dap a.. Kan ngawi thap a.. He Mission ah hian US leh Pakistan intelligent te nen kan inbeih thut pawh a ngai dawn tih chu kan hmu tlang nghal vek a ni...

Kan team discussion room ah chuan kan lut khawm a, Dawhkan lianpui mai LED Screen ni bawk chu ka ti nunga, Pakistan ram map ka ti langa, Dr.Ahmed Al-Hamid chet velna nia kan hriat lai chu ka thai bial kalh a.. "Awle.. Kan Mission hi a harsa dawn hle, Mi va pel satliah emaw, Mi awmna hriatsa va luh chhuah emaw kan tum dawn lova. Theihtawpa an thuruk, khawi hmunah nge an dah? khawlam nge an panpui dawn? tih chhui tur kan nia.. Chu chauh chu a la nilo, Engtin nge chutiang hmun atang chuan kan lak chhuah ang? Khawi lam kawng nge kan zawhpui ang a? Khawi hmun nge kan thlenpui ang? tih hi kan hna thawh tur a ni. Chubakah kan chetvelna hi tuman an hriat a thiang lova, India sawrkar thil tih a ni tih an hriatchhuah rualin Pakistan leh US chuan kan lakah indo an puang duh hial maithei.. Achhan pawh engtiang takin nge he an insumdawn tawnna ah hian thu an thlun kan hre lova, chuvangin an fa chuam kan lo lak khalh tur hi an lawm vak dawnlo a ni.." kan ti te te a.. Ka team mate te chu an ngawi thap a...

"Awle... Tina i khawl la chhuak la, Dr.Ahmeda chetlat dan leh Nimin a thil thleng chung changa US Intelligent report i hmuh theih ngei ka beisei bawk, Chuan Engtin nge Lahore kan pan ang a? Khawi hmunah nge tunah Dr.Ahmeda hi a khawsak chhui chhuah kan ngai bawk... Zanin chu kan mu mang dawnlo a ni.. Kan vaiin kan theihna mual theuh ah kan hna nena chhui zawn theih tur thil ngaihven ang u le" ka ti a, kan phusa nghal sang sang a..

"Boss, Nimin khan Science Conference ah Dr.Ahmed chu Lahore University in khual lian a tan an sawm pek a nih hi.. Amak thei ngei mai, Khawvela Terrorist hlauhawm ber te zing ami lehnghal ual au taka Pakistan University ah a inlar ngam a nia.. Heng Pakistani ho hian hepa hi an duh chuan an hup thei reng a sin mawle.. Hup chu sawiloh ualau takin an khawlai ah a teikual a nia" Sawma chuan a rawn ti zat zat a.. "Eng news channel ah nge chu chu i hmuh?" ka ti vat a, "Pakistan News Paper zawng zawngah mawle" a rawn ti a, a chek tlak tlak a.. "Anih chuan Dr.Ahmeda chu kan umzui hmasak phawt a ngai a nih chu. Tina Lahore a kan Intelligent te hnenah thu thawn la, Dr Ahmeda lo thlithlai turin hrilh rawh leh.." ka ti a.. Kan kal dantur buaipuiin ka tul leh nghal vat a..

"Hei le, Dr Ad chu Pakistani Army Official te nen hmuh an ni ngei mai le... US Naval hotupa pawh a telve e.. US hian Engtiang takin nge he Chemical Bomb siam tupa hi an vulh ang le?? Pakistan ho hnenah Chemical bomb an hralh zawk em ni ang? a file inthawn put ru ka hack hlauh mai le.. Mr.Davidson hi chu a fimkhurlo mah mah thin" Tina chuan a ti niah niah a.. "anih chuan Hepa hi dahthat mai a ngai tihna a ni a.. A Code pawh puangzar theilo law law a kan siam a ngai ani mai" Deepak chuan a lo ti hmuka, "Midang 2 kha i theihnghilh a nia" Tina chuan a lo ti hmak a.."an vaiin kan pawtsawm vek mai ang chu" Deepak chuan a ti leh sam et a.. Tina chu a kiai sek a.. "I thu chu nise kan va bomb hmiah mai dawn tihna anih chu" a ti a. kan nui ham ham a..

Minute 40 vel zet kan bur ngar ngar hnuah "Kan chet chhuah a hun e.. Thlawhna vawiin atana chhuak hnuhnung ber tur chu Zanin hian London Panin a chhuak dawn a.. Chutah chuan Tina leh Deepak, Baba te in kal ang.. Kei leh Sawma leh Thapa erawh Naktukah Nepal Tourist angin Lahore kan pan thung ang.. Keini hi Zing dar 5 ah kan flight a chhuak dawn thung.. Kan Vaiin Indira Gandhi National Airport kan pan vek ang.. Kan inpeih chuan kan chhuak thei nghal.. Pu Subasha'n Taxi 2 a lo be fel tawh e..." ka ti a.. an thil buaipui lai chu an dah fela, kan tho nghal sang sang a... Ka naute ho hi an zuan a zangin thu an awih em em a, ka ruahmana hi a chhiat leh tha pawh sawi lovin an zawm em em vek a ni....

Airport ah kan thu thap a, Deepaka te thlawhna chhuak mek chu kan thlir zui vang vang a, Naktuk ah London atangin Lahore an rawn pan ang a, Deep Hotel Lahore ah kan inhmu khawm dawn a ni.. Ka dar nghengin Sawma chu a muhil ti tih nghal der a.. Thapa erawh earphone vuah in games a khel mawlh mawlh thung.. Engang indona hmachhawn tur pawh ni ila, hemite 2 zet hi zawng an thla a muang hmelin an ngaihsak lo hmel em em zel ringawt mai a ni... Kei chuan Laptop ah News chhiar kualin ka buai em em thung..

*******************
"Dr.Ahmeda chuan zanin ah, A fapa Piancham lawmna Taj Hotel ah a buatsaih dawn a. A Misawm ho pawh an hrawl hlawm hle.. Security pawh a khauh khawp ang" tiin ka mi biak pa chuan min rawn hrilh a.. "anih sawmna card chu i lo nei thei a ngem?" ka ti a, "Ka lo tum dawn nia, Dr.Josua Hmar leh a nupui i lo ti mai dawn nia" ka ti a.. Phone chu ka dah zui nghal a.. Kan tum anga thil a kaltluan chuan Vawiin tlai hian Lahore ah Tina te an rawn lut hman dawn a.. Zanah Tina nen birthday party kan kal a ngai dawn a ni... Thapa leh Sawma chu Kan motor hman tur buaipuiin an chhuak bo mek thung.. Kan inbe zo chiah chu kan room door bell chu a rawn ri tang tang a. ka va hawnga Sanju kan tih mai ralthuam min rawn ken saktu chu a lo ding nui var var a.. "Boss ka lo lut thei ang maw?" nui sang chuan a ti a.. kawng ka kian a, thawveng zet chuan a lut zui nghal a..

"Khawnge?" ka ti a, "a zin bag khai chu dawhkan ah a nghat a "Hei le, Butterfly chu, I duhthusam a nih ngei ka beisei" a ti a.. a then thaw bawk a.. Hepa hi India mi leh sa Lahore a awm niin Kan Director in a mamawh changa a tirh ber a ni.. Hna hnuaihnung tak Thawmhnaw su angin a thawk a, Hotel hrang hrangah thuamhnaw suk tur a khawn khawm thin.. Kan thu hriatduh tam zawk Dr Ahmeda chung chang pawh a ma min hrilh hi a ni nual bawk.. Dr.Ahmeda Thlenna Hotel Wadhin Resort a Room number nen lam min hrilh hre tu a ni..

Ka duhtawka hmanrua a rawn kente ka enfel hnuah Pawisa ka pe a, Inti thei zetin a chhuak leh nghal a.. a chhuah hma lawka a thu min rawlruk chuan ka beng a verh kher mai.. "Naktukah Lahore chhuahsan in Khawchhak lam an pan dawn a nia" tih zawng min hrilh a.. Chutiang anih chuan Dr.Ahmed hian an tawmkuk ah Dr.Ada te 3 chu a hreng tawh anih ka ring nghal a.. Zan lam programme cancel nge tha ang? cancel lova, an chezia chhui zui a, Naktuk lama an kalna tur lam pana kal ve nghal char char ni ang?? ka rilru a buai nak maile..Engpawh nise Tinai te team an rawn thlen phawt a ngai a ni..

Zan dar 7:30 a rik chuan Room no 102 kawngka chu ka kik kauh kauh a, chhung lam chu a ri raka, A inhawnga Tina chu Party a kal inpeih atin a lo ding zan mai a. Pakistani miliab dress avun rawn nena inchawih zet mai a inbela, a hmai chu uchuak lutuk silo a hmelthatna tizual turin a chei ve nelnual bawk a.. A mithmul cheh er tan mai leh a mitmu buang thang mai chu a inhmehin mipa tam zawk chuan an melhno leh pek ang chu.. Mahse Zanin chu ka nupui pharvar ve tak lemah a chang dawn tlat si a.. a la tih ngai miahloh thil a tih dawn vangin a zam ve hmel hle..

"Enge diklohna ka nei em ni boss?" a ti phawk hra a.. Nia, ka lo en duh vung vung em a ni... "Oh.. ka tih palh i nalh em a ni.. Engvangin nge Bollywood ah i luh loh tih hi tun thlenga ka thil mak tih chu a la ni fan a nih hi" ka ti sup a..a nui var var a, "Ngeiawm suh.. Khatianga hmeichhia i melh ka vawikhat hmuhna a nih bakah kei phei chu tiang em em khan min en ngai si lova ka zak lek lek a lawm" a ti a... ka kut ka pek chu a rawn dawma.. Lift lam pan chuan kan inkai ta hnalh hnalh a..."Engkim a fiah fai maw?" ka ti sap a.. "duhthusam a ni" Sawma aw chuan a rawn ti sap a...

Kan beisei aia Tinai te an rawn thlen hma theih dawn avangin kei chu Taj Hotel lamah Room ka lo va luah vat a. Tinai'n Lahore a rawn thlenin Deep Hotel pan buai lovin Ding takin Taj Hotel ah room ka lo reserved sakah chuan a rawn in vawm lut nghala.. A hranpa ngata a thuamhnaw tur kan lo order sak ngei nen a rawn inthuam ta a ni.. Tin, kan undercover agent Sanju in Taj Hotel lan chian theihna ber leh Dr.Ahmeda Party throw na hall tur Darbar Hall lan chian theihna ber Taj Hotel kianga Lahore Star Hotel an tih maia Room 1 minlo hmuh sakah Midang zawng an invawm lut ve nghal a... Chuta tang chuan Sniper Rifle Lens hmawra Video camera Radio awmnghal nen Sawma chuan minlo thlithlai reng dawn a.. Mamawh thuta hman mai theih tur Motor nen Taj hotel hnung lamah Thapa in minlo chang reng dawn bawk a ni..Tin, Baba leh Deepak chuan kan chezia chu Sawma Camera atang thlun zawk Computer screen ah leh duhtawka kan hack sa Taj hotel security camera atangin an lo thlir kual bawk ang a.. Dr.Ahmeda leh a uipa thenkhat chetla vel an lo thlithlai nghal dawn bawk a ni... Kan hriat lohin US leh Pakistan Intelligent ten kan tih ang bawk hian an thlithlai ve mai thei bawk a, Chuvangin kan fimkhur erawh a ngai viau bawk..

Lift in Darbar Hall bulah kan chhuak a, Pawna lo awm mipa Suit nalh zeta inthuam chuan minlo en chik kher mai... Kei pawn ka hmuh hnu ang ka ti viau nangin ka en chik duh em em lemlo... Chutah Darbar hall kawngka lam kan pan ding nghal a, "Kawngka bula ding kha Dr.Ahmeda Uipa te zinga pakhat Aslama a nih kha, Khapa kha fing ve tak a nia" Sawma chuan a rawn ti sar sar a.. a sawi zawh rual chuan kawngkapui chu kan thleng chawpchilh nghal a.. "Khawngaihin in card min hmuh thei a ngem?" a lo ti vat a, ka ipte chhung lam kan zen rual chuan min en chik kher mai. Invitation card chu ka phawrh a, Uluk zeta a en hnuah "min hrethiam ula" tih pahin Metal detector chuan min han hrut zuai zuai a.. Bib a awmlo.. chutah Tina chu an han hrut leh a.. "Fet awih loh" Tina chuan no zeta melh pah chuan a ti a.. Keichuan "Mipa dang melh dan tur ka hrih ngun khawp mai che" ka lo ti hlaka... "Ka hria, min control tum viau lo teh" a ti bak hlak a, chu Aslama chu a lai tih a hmel atangin a hriat kher mai.. Heng Islam mipa hi chu Hmeichhe huaisar leh zei deuh lakah hian an zam hma thei hle, Hmeichhe sexy hi an lawm em em a, an sakhuana avangin an lawm lang ngamlo mai mai.. engkim hi danin a phalloh chuan an lawmawm duh hrim hrim.. Islam sakhaw dan pawh hi khrih viau lose an tlangvalte hian nula an lawm em em pawh hi a ziaawm mahna...

Hall chhungah chuan Pakistan Sentimental Folk Song Singer Abdullah an lo zai tir ruah ruah a, Pakistan chhunga mi challang tak tak leh Dubhai, Afaganistan lam mi challang tam tak, Foreign lam mi engemaw zat an lo zi nak nak hlawm a... Kan mit kan len kual vel ruai a, Kan hmuh duh hmel kan hmu mai lo...Tina chu ngaihmelhtu a hmu nghal zut ta mai, Afghanistan lam mi tih hriat deuh pa upa lutuklo hian midang nen kan inbiak lai chuan a rawn be ta nge nge a, Chu huntha chu chuhin Inthiarna lam ka pan san vat a. "Dr.Ahmed hmel ka hmu miahlo a nia.. A fanu bulah a awm bawk silo" ka ti sur sur a.. "Amak khawp ma...kan hmu bik miahlo" Sawma'n a rawn tih mek lai chuan "Boss, Fake party a ni... In bumnq, rang takin chhuak rawh u, Saw ka awmna piah lawkah sawn Audi dum a ding renga, tunah chiah khan Dr.Ahmed leh Zafar an lut chiah, Zin tur inthuam in an inthuam lehnghal..." Thapa chuan a rawn ti ta mai. "Zawngchhe ho" Mizotawng chuan ka ti hmuk a.. Ka naute ho chuan "Engmaw i sawi?" an rawn ti rual thawt a.. "Thapa, keini lam min ngaihtuah lo la, RR chu umzui la, Khawi hmunah nge an kal lo thlithlai ka.. kan rawn fin vat ang che" ka ti a.. Inthiarna room atang chuan hmanhmawh deuhin ka chhuak a, "Tina, Main door lamah chhuak suh, Lawn lam pan la, ka rawn zui ang che, Kan che vel min thlitlai awm an awm em, Sawma" ka ti zui nghal mawlh mawlh a..."awmlo.. Boss, Mahse Main doora awm Aslama kha a awm tawh miahlo" a rawn ti a.. "Awle... Chulam chu kan pan dawn chuang lova... Lawn lamah chhuah mai theihna a awm em Map ah en nghal teh u" ka ti a... mi zi nuaih nuaih kar ah chuan ka in zep phei nawk nawk a.. "Aw.. Gate pakhat chu a awm, a lawnliam mai theih ang" an rawm ti vat a..

Hotel atanga ka chhuah rual chuan Pakistan boruak lum zet chuan min tuam nghal hlup ni maiin ka hria.. "Thapa, enge chanchin?" ka ti vat a.. "ka zui zel a, Chhim chhak lam panin kan kal zel e... Transport Building kan hnaih tawh khawp mai" a rawn ti a.. "Sawma indah fel ula, Kan remhriatna ang angin Thapa zui nghal ang u....Bungrua engmah hnutchhiah loh tur, sulhnu a bo vek tur a ni" ka ti a.. Tina chuan gate chu a lo thleng reng tawha, Gate chu awlsam taka hawn theih a lo ni tlat lehnghal...

Kan chhuahna chu Ke a kal theihna tur chauha siam a lo nia,Taj Hotela thawkte veivahna niawm tak a ni. Kawngpui lam pan chuan kan kal dawr dawr a, Tina chuan pheikhawk sang a bun avangin a kal pai nak nak a.. a tawpah chuan a phelh ta nge nge a.. "Hei hi a lawm hmeichhe thuamhnaw ka nin em em chhan chu" a ti niah niah a... "Ke lawngin rei i kal thei hauh lovang" ka ti a.. "Keipawn" tih zawngin min chhanga.. Sawi zui dan avang hle..Thapa motorah a inthlakna kan dah vek si a... "Ka rin lawk ang chiah a ni, Jeep a lo awm a, An RR kal sanin chutah chuan an chuang, ka zui zel dawn nge?" Thapa chuan a rawn ti a "Dawnlo, Transport piah a, Warehouse kawtah khan lo ding rawh, kan rawn fin ang che... Taxi lah chu a vang nek mai" ka ti hmawk hmawk a.. ka sawi zo chiah a, Taxi pakhat lo kal chu Tina chuan a lo phar ding chiah a..

"Chulam chu kan rawn pan ve dawn a mi?" Baba chuan a rawn ti a, "Dawnlo, Deep Hotel ah lut ang, kan ralthuam a awm vek kha.. Jeep chuan thui an kal dawnlo, Rail Station ah an kal ang, Chuta Tang chuan Khawchhak lamah an kal ang" ka ti a.. "Deep Hotel ah min drop rawh" Urdu tawng chuan Driver hnenah ka ti zui nghal a.. "Urdu i thiam em ni?" phawk zet chuan min rawn ti a "Nanga thiam tluk zetin ka thiam ang chu" ka ti a.. a nui huk huk a, Kan Hotel thlen hma loh chu a tawng ta char char a.. Ka hrethiam vek tawh der silo...

Pakistan Khawchhak lama Dr.Ahmeda ram hi Azad Kashmir (Kashmira Pakistan awp ram sawina) chhunga Poonch District a khawpui Rawalakot a ni a. Dr.Ahmeda pawh hi henglai bial Mihausa fapa ni thin, a pu ro thahnem tal khawmtu, an zah em em a nia, Terrorist ang pawn an ngai lemlo, an Pathian biak lo chauh thin.. Mahse a che bawraw tulh tulha, Thingtlang lam mi a sawisain a that zauh zauh a, India leh Pakistan inkar boruak a chhe zawnga a sawi tam avangin an ngaina lo tual tuala.. He lai vela khawsa 90% hian India leh Pakistan indo duhlo leh khawi lam lam pawh nise pawi tilo ve ve hi an ni hlawm tawha, Chung mite hneh a tum luatah a nunrawng chho ta a. A ruk tak chuan an ning ru em em a, Sawrkar lahin kut an rawn thlak duh der silo.. Sipai thlengin a control ani ber.. Beram hmul leh La hmanga sumdawng a ni a, Warehouse tam tak a nei a.. Tin, eng dahna nge hriatloh an ven khup reng hmun 3 vel laiah a nei bawk.. Chung Building enge maw berah chuan Dr.Ada leh a thiante chu a khungbo ka ring tlat a ni..

"A ram chhungah a dah fel vek tawh ang, chu chu pan a tum a ni... Hepa hian India hi tih chhiat vek a tum ani bera, hun remchang kan nei a nih chuan keimah ngeiin dahthat ka duh a ni" ka ti thawp sup a.. ka naute ho chu an ngawi thap a.. Kan hmanrua engkim kan peih fel hnuah kal turin kan inbuatsaih a.. "Dr.Ahmeda khua kan pan dawn avangin kan fimkhur a ngai khawp ang, Kan cabin ah hmun hran theuh atangin kan lut khawm ang" ka ti a... Kan che chhuak ta sang sang a..

"Boss, Aslama kha kan chhuana ah hian ka hmu tlat mai, kan dahtha mai dawn a mi?, min umzui ang ka ti riau" Sawma chuan Inthairna room atanga a rawn chhuak chuan a rawn ti a, kan phawk hra hlawma "Tina, Train ticket ah kan miduh an chuang nual lo maw?" ka ti a. a laptop chu a en nghal vat a.. Minute 3 vel hnuah "Kan chet duh chuan kan che thei reng mai.. 24-na ah Dr.Ahmeda te an chuang ve tlat.. VVIP cabin ah" Tina chuan a rawn ti a.. "Che mai love, kan nghak zel ang chu.. Aslama chuan min thlithlai ni lovin, a pu a escot zawk a nih dawn chu, Dr.Ahmeda hian a nupui fanaute Lahore ah a dah vek tihna ani ngei ang" ka ti a.. "Nia, Party na atangin a kalsan vek mai a.." Deepak chuan a rawn ti ve supa. "Nilo, a nupui leh a fapa an chuang tel" Tina chuan a rawn tia "Chu tutu nge a kalpui nita, Aslam, a nupui leh afapa, Zafar, Bakha an tel em?" Baba chuan a rawn ti a.. "Aw an vaiin" Tina chuan a rawn ti nghal zat a.. Dr.Ahmeda leh a hote a lawk lawk an chuang ngei mai.. kan rek vek ang a, a warehouse kan dap chiam dawn em ni ang? ngaihtuahna a buai map map khawp mai..
*******************
Kan Tlan ngar ngar chuan Naktuk zing dar 10 ah Dr.Ahmeda Khawpui kan thleng dawn a, Chuta tang chuan Motorin A building ven uluk bik awmna a farm house chu kan pan leh anga, Km 19 zet a hla ah a awm a.. Mahse an chet dan zulzui zela kan kal a ngai thung.. Kan chet lak dan tur hrang hrang ngaihtuahin ka meng renga, Dar 12 a pel tawh, ka naute erawh an mutui hmel hlawm viau, Baba tih loh chu, Baba chuan Phone ah enge a tih ka hrelo a eng vat vat reng a.. Dar 12:35 ah Inthiar tur leh hawi thawveng turin kan cabin chu ka chhuahsan a.. Inthiarna room ah chuan awm an awm avangin ka nghak det a.. rei ka nghah hma chuan Taj Hotel a ka hmuh pa American niawm tak nen khan kan inhmu ta hlawl mai... Kan inthuamna kan la thlak lo ve ve bawk a, kan la inhrechiang khawp mai...

"Nangmaw?" mak ti hmel deuh chuan min ej a.. A kut a phe zawka, ka lo kun hman hlauh a..min hnek thelh fua mai a.. ka lo inring hmanlo teuh ngei mai, kei aia palian a ni a, min hnek fuhse ka bekah ah tak min hnek tlu tawp ngei ang. ka kut tum ka vai ve nghal zat a, a nak thawl ah ka hnek sak nghal bur mai a.. Inthiarna bul velah midang an awmlo bawk a.. a thaw hawk a, Inthairna chhungah chuan a lut rawp a.. ka luh chilh nghal a.. a insiamrem hmain ka hnek nghal mawlh mawlh a.. Chutah a nghawngawrh ah ka man fuha, a hnunglamah vet kualin a hrawkah ka rek bet ta tlat a.. Chhuatah ka thu nghal vata, Inthiarna kawngka ah chuan ka intlawh khalh nghal chat bawk a.. a leng nasa but but kher mai...Minute 10 dawn zet ka hren beh tak ah chuan a zawi ta dera... Inthiarna chhun bal leh rimchhia chu kan kai hneh hle.. ka theih ang angin a taksa chu ka dap nghal zung zunga, Automatic Pistol Wilson Smith US siam US Intelligent ho siam chu ka hmua.. ka ak hmak a.. wallet leh Chabi bawr ka hmu leh a.. Locker chabi ang tak a ni nghe nghe.. Ka duhtawk ka dap hnuah, Inthiarna kawngka chu ka hawng dek dek a.. Tumah an lola awmlo hlauh.. Chupa chu ka hnuk chhuaka.. a tir kher mai.. a zawi hnup bawk si.. Kawngka ka hawnga.. Ka tlawh chhuak ta bawk a..... A ruang ka paihfel hnuah kan cabin chhungah chuan ka lut zui ta nghal a.

Ka thuamhnaw te chu ka thlak fel sawk sawk a, ka naute chu engmah hre lovin an lo la muhil sak sak hlawma, Chupa Wallet ka laksak chu ka enchiang ta a.. "David Stain, Detroit lam mi tiin a id ah a inti a.. A wallet chu tukverhah ka thehchhuak zui nghal a... Ka vannei zawk mai mai a.. ka nghawngawrh manfuh zawk nise a chan kha ka chan tur zawk a ni chiang khawp mai.. Thurualpui a ngei a ngem? Engvanga min khawih tum ringawt nge a nih? Hotel ah khan ka hmu a, engtin nge hetah a lo awm ve leh theih? Kan tih ang bawk khan an ti ang a? amah chauhin nge a zui ang? midangte nen?

"Boss David Stain tih an awmlo... vawi 2 ngawt ka search tawh a" Tina chuan a ti a.. "Nizana Taj Hotel lift a kan chhuah chiaha kan mi hmuh kha a hmel i la hre thei em? hepa hi a ni tiraw?" tiin a Id ka lak chu ka hmuh a.. "Aw.. niin ka hria... ngawiteh kan search leh ang e" tiin a zawn chhunzawm leh nghal a.. "Engtin nge he iD hi i neih reng reng a?" Deepak chuan Id tlek vung vung chung chuan a tia..Zanlaia intawn dan chu ka hrilh hlawma.. "Nuam ava ti dawnlo, a ril a tam tawh ngawt ang" Thapa chuan a rawn ti chhuak a, kan nui ham ham a.. "Chutiang chu tinge ka tawn loh aw" Pawiti hmel deuh chuan Deepak chuan a lo ti ve bul bula..

"Ka ring dik e, Stevenson a nih hi, USA Intelligent zing ami...kan rin dan a dik chiah a ni, US hian Dr.Ahmeda hi an umzui ve mek a ni.. Pakistan ho an thawhpui ngei maithei bawk" Tina chuan a rawn ti a.. "a ngamloh a tawng ta a ni" a ti zui leh sap a.. "Ka vannei mai mai a lawm, chan chhe zawkah a tang mai mai anih kha" ka lo ti vat a.. "Chuti anih chuan kan fimkhur sauh chu a ngai a ni.. Min hrechiangtu 2 he rel ah hian an chuang ve a, 1 kan dahtha tawh a, 1 kan la hmabak, in hmuh tirloh kan ngai" Tina en pah chuan ka ti a, hrethiam tih hriat takin a bu nghat nghat a....

Dr.Ahmeda khawpui chu kan thleng ta.. He Khawpui hi Khawpui lian tak tia sawichi a ni lemlo, Beram hmul leh La a sumdawnna hmun anih vangin rel hian a paltlang mai chauh a, Rail Station lian em em lemlo a awm ve a ni mai. Khaw pawimawh deuh ni mahse Sawrkar ngaihsak a hlawh em em lova, Vur ram sazuk pel tur leh Khualzin vak vel an chawl zauh zauh thih loh chu Mikhual an tam em em ngailo... An hnathawh ber chu la hmuna thawh leh beram hmula sumdawn a ni.. A khaw pumpui hi Darkar 1 chhunga fan chhuah tham lek a ni nghe nghe bawk.

Kan awmdan tur hriatthiam a har kher mai, Keini chhim lama Pu Rathorea Hotel kan pan ang a, midangin Himalayan Hotel. Biak hlatna kan ti nung reng ang.... Baba Thapa erawh Motor hman tur buaipuiin a tei chhuak ang a, Kan zavaiin Dr.Ahmeda chet dan kan thli thlai bawk ang.. Kan thlenna hotel tur te hi kan thlenna zawk hi Dr.Ahmeda In kiang lawk a ni a.. Kan room tura kan hauh lawk room atang phei chuan Dr.Ahmeda compound sang deuha a hung vek kawtlai vel a lang deuh vek thei a.. Midang thlenna tur atang chuan Dr.Ahmeda Warehouse leh Dr.Ahmeda Farm House panna kawng chiang takin a lang thei thung.. An chet dan engkim kan inhrilh thei dawn a ni.

Pu Rathore a hi Indian Army pension, Pakistan nula nena inneia, Pakistan lama awm zuita a ni a..Helai hmuna India in Under ground a an chhawr ruk zui ani bawk.. Tu hnenah mah Sipai bang anih hi a sawi ngam lemlo... a nunna atan a hlauhawm avangin.. Himalayan Hotel hi Hotel changkang lo ve tak, Sapel ruk ching hote thlenna thin a ni.. Dr.Ahmeda chiatna duh ngawih ngawih an ni.. An fapate 2 a thah sak tawh vang a ni.. kan tan a ralmuang dun hle nangin, Dr.Ahmeda hnena pawisa hlawh duh vanga mi hek hreh hauhlo tur chhiahhlawh a thawk leh khawlaia vak vel ah hian an awm nual erawh fimkhur a ngai viau thung..

Lahore lum tehlul nen helam ah chuan a vawt mah mah tep thung, Nupui lai mah nise boruak a dai ruih mai. Kan Inbual faia, chawlh pawh nei hman lovin, kan enthlak hna kan thawk mawlh mawlh renga, Coffee ka dawm mek laiin biak hlatna atangin Sawma bawk chuan "Boss, Nimin chhun khan Farm House lamah Wagon ( Truck) Beram hmul phurhna atana an hman thin chu a kal ngei a nih chu.." a rawn ti a.. "aww nidangah pawh a kal fo lo em ni?" Dilchhut deuh chuan ka ti khera.. "Kal ngailo, Ser phurhna motor leh a sipaite car bak an kal ngailo, Chuan Tukin khan Sipai an inthlak niawm tak motor an rawn hawnga, motor 3 lai an tlan lut leh" a rawn ti leh a.. Tin, Truck tlan lut kha a hnung ah mi an man niawm tak an phur niin naupang ten an sawi" a rawn ti a.. a intithei hmel hle a awki a tang chuan..

"Awle.. Vawiin a, Dr.Ahmeda a che chhuak lo a nih chuan, zanah mi 3 kan che chhuak dawn nia, tunah chuan kan beng leh mit kan lentam a la pawimawh ber.. Hei kan thlen atangin Dr.Ahmeda emaw midang reng reng kan la hmulo.. ngaih a tha em em chiahlo" ka ti a.. "Nia, Mahse mi rinawm tak kaa ka dawn danin an In atangin an la rawn tlan chhuaklo hrim hrim, an zin haw an tlan luh atangin" Sawma chuan a rawn ti leh a.. "Thapa hi enge a chanchin, a reh hmak maia, biak pawh theiha ni em? a receiver in aman phak lo emawni? " ka ti a.. "kan indawr fel chiah e.. ka beisei aiin a to.. Sazuk phurh ruk theihna ang kha ania, a to fang mai.. Darkar 1 ah India pawisa Rs singkhat zet zu ni a...?" a rawn ti bai bai a.. "a pawiloh chu.. Zalenna kan pek hunah min ngaidam mai ang" Deepak chuan a lo ti hmanhmawha.. "Zalenna i pe thei ngawt a mi?" Baba chuan a lo ti vat a.. "aw.. Dr.Ahmed kan dahtha ang chu" a rawn ti a.. "Dah that bawk maw?" Tina in a rawn tih chuan kan then sek vek ngei ang le..

Tlai dar 5:40 ani a, ka tlu zal ar ar a, "Boss sava a che e" a rawn ti a.. ka tho vat a.. puanzar phen atang chuan ka bih vat a.. Dr.Ahmed, Zafar, Aslam leh Bakha bakah mi 5 zet chu Motor 4 ah an lut sang sang hlawm a, Silai an keng vek a, an ramchhuak dawn nge?? thil pawimawh dang an khawih dawn ni ang.. " an che chhuak e" ka ti a.... ka insiam nghal sawk sawk a.. Minute 8 vel hnuah "Kan rinna lamah an tlan zui e" Sawma chuan a rawn ti a.. "Awle, Sazuk in pel a hun a nih chu, location tur i hriat kha aw" ka ti a.. Thapa motor khan an ramchhuak dawn a ni.. Kan inpeih at hnuah Keini pawh Pu Rathorea Jeep hawh tur min hmuhsak chuan Dr.Ahmeda Huan panna dang kual deuh zawk ah chuan kan tlan chhuak ve ta a..

***********"***"******
Khua a thim chhelh chhelh tawh, kan awmna atang chuan Dr.Ahmeda huan chu tuibur hmuam da kal lek a ni tawh, kan nghak ngar ngat ringawt mai a ni.. Huana awm kan hmuh theih silai keng ringawt pawh mi 8 lai an ni a, a chhungah mi engzat nge awm kan hrelo zui.. Chu Building chu chhwng neilo bawk duai mai a ni a, alo nerah 50 ft zeta sei a ni ngei ang.. Meikhuchhuah ang deuh sei deuh 2 a awm voh a, meikhu erawh a chhuak lemlo.. Thlawhna thlawk rang taka man zung zung thei tur disc lianpui mai inchung zawl ah chuan an vir muah muah bawk a, kan inbiak rukna pawh an hriattheih kan hlauh a vangin kan off vek... Tina in an khawl hack a tum ngat ngat a, darkar zet a buaipui hnuah pawh a la hlawhchham rih zel.. Kawt laiah meipui chhemin mi 3 hian an din bial laih a, Midang 5 te rawh hmun hran hran ah an inzar pharh thung.

Kan ruahmanna ang chuan kan ep chiah ah Baba leh Deepak an awm ang a, Motor thuruk ah Thapa in alo nghak bawk a.. Hmalam tlang ah Sawma chu Sniper Rifle nen a lo awm bawk ang.. Dr.Ahmed te an tlan chhuah hun ah Deepak, Baba leh keiin In kan hual ang a, thawm dim thei ang berin Security te kan chimih anga, kan kaiza Sawman a lo veng ang.. Sawma hian Night Vision Lens a vuaha.. Midangin bun mai theihin kan vuah vek bawk..

"Ka ti thei ta e...An code hi an thup nasa ve em ani" Tina chuan a rawn ti chhuak ta hlawl reuh a, " ava tha ve.. Engkim kan on ngam tawh maw?" ka ti vat a. "Yes Boss" a ti sap a, Kan inbiak hlatna ka on a "Sawma, kan hnaih hret dawn a nia aw.. Ui emaw hmuh i nei em? " ka ti sar sar a.. "aih.. ui khawi nachang an hrelo ani ngei ang... Ka backup che u" a rawm ti a.. "Deepak, Baba min hre thei em?" ka ti leh a, min rawn chhang vat a, "Thapa" ka tih leh a.. a rawn rum nghuta. Deepak, Baba hnaih leh hret ang u" ka ti a.. Tina nen chuan kan che chhuak zui nghal a. Thawm dim a ngai si, Hnim a chhah reuh si kal sawt a harsa viau mai...

Pen 10 velin kan la thlenglo tih ah Kawngka a rawn inhawng ta a.. "1,2,3,4,5" Bakha leh Asalam an tello" Sawma chuan a rawn ti a.. "Kan nghak lawk dawn nia" ka ti a.. kan chawl dat a.. "An khawl zawng zawng i hack thei a ngem?" ka ti a.. "engmaw? Biak hlatna hack thei i hre tawh a mi?" a ti ta heu mai.. "hre chuang nang." ka ti ringawta.. an khawlpui chu ka duh hun hunah ka shutdown thei.. Power supply erawh Generator hmanga tihnun a nih ka ring" a ti a.. Pawilo.. Minute 30 hnuah kan che ang" ka ti a.. Motor ti nung thawm leh tlan chhuak zui thawm kan hre zui nghal a... Dawhtheihna a ngai ngat ngat hle..

Minute 30 hnuah "Khai le hmasawn leh ang" ka ti a.. Hmasawn zawngin kan kal leh ta sang sang a.. Thlir len kan thleng ta.. Thawm dim em emin ka chep bung zel a.. kan luh theihna leng zet ka chep kuak hnuah kan lut ta a.. Thawm dim deuhin kan pian lawka Security thu muthlu lawp lawp chu ka veh phei tham tham a.. a ka hupin a hrawkbawk khalh chiahin ka chemte ka thiat tlum hmawk a.. a leng uih uih a.. a zal raih raih a.. Thisen lum nal pulh chuan ka kut a bual lum pup pup bawk a.. "1" ka ti a.. "2" Deepak chuan a rawn tive.. Midang hla deuh a zun tum a rawn kal mek chu ka veh phei leh mek tawh a.. "3" Baba chuan a rawn tive a.. ka hnaih viau tawh tih ah engemaw vangin a rawn hawi a.. min hmu chu phu zawk a.. ka chemte a thlawk fua a.. a ri chawka.. pal ngheng in an tlu nuaih a.. thawm a chhuah lo hlauh.. ka hnaih vat a.. a hrawk ah tak ka vawmfuh a lo ni a.. ka vannei tluang zel.. "4" ka tih zawm leh a... "5" "6".... an rawn tih zawk ve a.. 2 meilum ai chiah kan bak tawh..

"an thianpa zung a rei an tih hmel ka kap mai dawn" Sawma chuan a rawn ti a.. "rithupna" ka ti vat a " ready" a rawn tia.. kan chhak tlang atang chuan a de zawk zawk a.. an hlawm nghal tawp tawp a.. "i ti tha e." ka ti sap a.. Kawngka pui lam kan pan nghal a.. Inchhung awmdan engmah kan hre silo, Tukverh lah a sang ropui si.. han bih theihna mai a nilo..."Generator bulah ka awm e" Baba chuan a rawn ti a.. "Ava tha ve.. Deepak khawnge i awm?" ka ti zui zat a "ka rawn thleng e" ka hnung atang chuan a rawn ti a.. "Inchhung ah mi 4 an awm... Mahse Bakha leh Aslam an awmlo" a rawn ti sar sar a.. Khawi atangin nge i hmuh?" ka lo ti vata.. "Bang awng a awm hlauh a.. Tui lak luhna kua atana an tih niawm tak a ni.. an thulh leh a apiahah an siam ta zawk a niang.. Inhnuai panna niawm tak a awm bawk" "Lei an verh tihna aniang maw?" " ka ring" ... "Sawma i rawn thleng dawn tawh em?" ka ti zui nghal zung zung a.. "Gate ka rawn lut mek e... " a rawn ti a.. "Ready ang u le... Tumah inkahfuh tir loh tur... " ka ti a. Sawma pawh thaw hlawp hlawp in a rawn thleng ve chiah a..

Inchhung kan lut thut chu an rin leh beisei loh daih a lo ni si.. Kan siali a puak nghal zawt zawt a, an tlu fai nghal vek a.. Leihnuai kawng niawm tak lam chu kan pan vat a..Bakha a rawn lang thuta, Silai a kenglo hlauh, Deepak chuan a lo rek bet nghal chawt a.. Chemte in a vit nghal zawt zawt a.. Siali a rawn puak thuai thuai a.. mahse fuh a neilo... "Aslam ani ngei ang... Silai mu a neilo tep ang.. Pistol a ni lehnghal.." ka ti vat a.. a reh vang vang a... Bakha ruang chu kan chawi a..Step ah chuan kan lum lut thuta Silai vawi 4 a puak leh thak thak a.. a mu ruak inchhu ri kauh kauh a ri zui nghal a.. "Tunah ka ti a. ka tlan lur nghal a.. "Bangbo hmel zet hian Aslam chu Dawhkan thut ti tih deuh hian a lo ding to a.. ka silai chuan ka tin nghal a..."Chet tum duh suh" ka ti bung nghut a.. Ka hmel a hmuh chuan mak tihna in a khat nghal a... midang an rawn lut sap sap a.. "Khawnge in mitangte" ka ti tuar a..

Baseman (Inhnuai) chu Zau vak lovin an lo verh ve a.. 20 ft bial vel a ni awm e.. Dawhkan 1 leh Steel almera 1 a inhung a, Chair 3 vel a awm bawk.. Tin room awmna niawm tak thir kawngkhar nei a awm bawk a.. Chutah chuan an dah a nih ka ring.. "hei hi enge in dah?" ka ti leh tuar a.. a ngawi ngul a.. Tala lian puia inkalh a ni nghe nghe... "Sawma kap chhe teh" ka ti a.. Sawma chuan an kap tla tawp a.. a hawng nghal rawk rawk a.. Room thim leh hing zet chhung ah chuan kan mi duhte ngei chu Saruak vek in an lo khunga.. "min kap su" an lo ti chul a..

Dr.Ad leh a thiante 2 chu kan mi thahte thuamhnaw kan hak tira.. Aslama chu kan kap hlum bawk a.. An khawl zawng zawng kan ti chhe vek a... "Due-3 min siam tir an tuma, A siamna hmanrua an ngaihtuah mek bawk..." Dr.Ad chuan Motor kan chuan lai chuan a ati a.. "DUE-3 chu an neisa lo maw?" ka ti a. "aw.. neisa lo... A sample ka siam bak a la awmlo, kan test atangin siam chi niin kan hre lova.. US sawrkarin kan siam chhuah an hlau hle bawk... " a ti a.."Nia Khawvel tih chhiat vek theihna ani reng a ni" ka ti a.. "Nia, Code pawh delete kan tum mek a.. Mahse min rubo ta si a. " a ti ve maia...

"Pakistan ah enge in tih reng reng?" ka ti a.. a ngawi vang vang a. "Rualthuam indawr tawnna ah kan telve" zawi supin a ti a.. "India thisen kai i ni a, i pi leh pute ram tihchhiatna ah i inhnamhnawih ani tih i hria em?" chang deuhin ka ti a.. "nia... ka eizawnna ani miau si a" zawi sup chuan a ti a.. "Kan duh chuan kap hlum thei che u kan ni.. Mahse, in nunna kan zuah ang... Dr.Ahmed erawh kan dahtha thung ang... Chu chiah chu min tih sak ang.." ka ti a... "Engthil maw?" a ti hu a.. "Pakistan intelligent lak chhuah i nih thu hi i sawi ang" ka ti a.. Mak ti hmel deuh chuan

"Pakistan in ni a maw?" a ti a.. Ka ID siamchawp tir chu ka hmuh a... "India emaw ka ti che u alawm" a ti sup a...

Ruahham lawkna ka neih angin Dr.Ahmed a khawpui atangin rellin kan thawn chhuaka, Lahore thleng Deepak leh Baba'n an escot ru a, Tichuan, Lahore US embassy an luh hnuah Media hma-ah rukbo an nih thu leh Pakistan Intelligent ten an chhan chhuah thu an sawi a...Keini pawh kan HQ ah hahdam takin kan thleng kim ve leh ta bawk a.. Kan hnathawh ah kan Director pawh a lawm hle...
*****************

Ka tih fo thin angin ka zingtho Gym ah ka insawizawi a, Tui ka cheng a.. Chumi hnuah Breakfast ka ei a... News Paper ka chhiar a...

"Nimin thim hlim khan Dr.Ahmed Al Hamid chu a chhenna in ah kahhlum a ni... Pakistan khawpui Lahore bawm puaka mawhphurtu nia puh Dr.Ahmed hi US Scientist Kidnap chung changah inhnamhnawiha puh a ni bawk" tih chu ka chhiar a.. ka khi sak a.. Ka hna a kal turin ka insiam zui ta nghal a..

THE END



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)