DUATI BY Tochhong Ruata (Completed)

Tochhong Ruata
Posts: 53
Joined: October 2nd, 2016, 1:46 pm

DUATI BY Tochhong Ruata (Completed)

Unread post by Tochhong Ruata » January 29th, 2019, 5:54 pm

DUATI
-Tochhong Ruata

Chu zan reh leh khawhar thlak zetah chuan keimah chauhin Aizawl lam panin ka motor chuan ka tlan mek a, February thla laihawl vel ala ni chauh bawka, Khua a la vawt ve viau mai, Thla lah chu a eng no nghulh mai bawk a... Queen hla "Love of My Life" tih chu ka play riai riai bawk a, Keimah a zin thang ka ni bawk a ka khawhar ngai lemvaklo, Nidangah pawh office ban hnuah emaw, ka phur a chhuah thut chuan Aizawla haw tura zanah te chhuah leh mai ka ching thin viau nghe nghe. Mahse zanin chu eng emawni teh chek ni, zandang anglo takin ka khua ahar teh nek a.. Thla ral lam sawl deuh tan chuan kawngpui mam zet chu a chhun paw vo mai bawk a.. Khawhar leh lungleng tak chu ka hla ngaihthlak mek chuan ka suangtuahna ramah min hruailut mek bawk a.

Kum 4 liamta ah khan Sawrkar ah hna ka hmu ve hlauh mai a, Ka post hmasaber chu tuna ka awmna khua hi a ni nghe nghe... Kumin Sawrkar kumthar ah hian min khawih chet ve ngei pawh ka inring ru ve hle tawh. Chutianga Sawrkar a hna ka hmuh ve takah chuan, High School kal lai atanga lo inzui tawh, School kal duna, Delhi tlang lam thleng thlenga zirna run bel duna, Tuman min pawh then theihloh, ka thian nibawk, ka first Love nibawk, Melody nen chuan Pathian leh Kohhran hma-ah 'Tiam tlat e' kan tive ta a.... Kan lo suangtuah ngat ngat, tlumtea thlir taka kan lo thlir thin chutiang tih hlawhtlina a awm ta mai chu kan hlimin nuam kan ti kher mai.. Ka pa phalna thlapin kan lo dream lawk a " Pathian zara kan innei thei a nih chuan Maldive lamah Honeymoon hman tum ang aw" kan tih thlap chu, hlim takin kan ti hlawhtling thei bawk a.. Chumai ala nilo, kan duhthusam ang thlapin, kan inneih atanga Kum 1 leh thla 2 ah Fapa duhawm tak mai kan nei zui lehnghal a..Khatih laia kan hlimna kha chu engmah in a khum thei awm love, tih tur a ni nghe nghe.

Mahse kan hma hun hi kan lo va hrelo ve tak em!!!... Kan duhthusam ruk ang a thlen dik thlap thlap laiin kan ngaihtuah phak ngai hauhloh, thleng tura kan beisei ngailoh, mite chungah chauh a thleng emaw kan tih Thihna chuan kan chungah thla a rawm zar ve ta tlat mai le.. Kan inngaihzawn tirh phat atanga kan chhungte leh mi hrang hrang pawn min pawh then tum mahse, nghet taka insuiha, Ding khawng tlata, Hmangaihna hruikhat vuana tang dun thin kha. Thihna meuh chu kan dang zo ta biklo, Kan Fapa Thla 5 vel bak a ni hmanlo. Kan nu in, inchunga naupan a zar lai chu, kan inchung hungna siam, nidangah pawh mi lengvak vel thlira kan bawhna thin nitho chu a ngheng a.. a chim ta thut maia.. Chutah kan inchhawng, Chhawng 3 zet asang atang chuan kawngpui charah, bek vaw chawrhin a tla thla taa...

Hliampui nasa tak tuarin, Khawvela mi chak ber pawn an dampui zawhloh tur khawpa na a hliam chu tuar lovin Mual minliam san ta mai si. Ka hrethiam lovin, na ka ti ngawih ngawih a, Ka naupan tet atanga Meizial pawh zulo, Ruih hlo engmah ka ka chhunga la lut ngailo nithin ka ni a. Kan chunga Pathian rorel danah lung ni lovin, Meizial zuk atanga tanin, Zu in ka ching chho ta a.. Ka Fapa chu a pi leh pu ka farnu ten duat takin an enkawl a, Kei hmun danga hnathawk ka ni bawk si, duhthalin kan in hmutam theilo bawk nen, minla ngaina lo leh zel chuan ka rilru a tina takzet a ni.

Kum a veia, kan nu boral atangin Kum 2 leh thla 7-na kan hmang ve leh mek tawh a, Melody chhungte ngei pawn "Taia, nupui neih leh lam ngaihsak rawh, i la naupang si, lente pawh leng chhuak ve thin la, I awmna lamah pawh nula te rimin i hmel duh zawngte zawng ve tawh rawh, kan dem hauh lovang che, nang nena kan chhungkaw inkar hi a khik phah dawn miahlo a nia" tiin min fuih ve fo. Ka chhungte leh thiantha te pawn chutiang lam hawi chuan min zilh fo bawk. Mahse ka thinlungah hmun an chang theilo, Melody tan ka hlan tawh, ka thinlung chu midang hnenah hawn ka thei rihlo a ni ber mai. Ka awmna khua ah pawh Office leh Ka inluahna inkar, ka inpiah lawka Eichawp dawr lianve tak leh Kan Office thlang lawka Zu zuar in bak ka chhuak ngailo. A hmingin Officer te kan nihve avangjn leng tur leh chaw ei tura sawmna pawh ka dawng ve nual a. Mahse ka thawhpuite in ah lo chuan ka lengin ka ei ngai lo.

Chutianga Khawhar leh mal taka ka awm avang chuan Zu pawh ka in nasa malh malh hle, Office Hours ah em ka in lo a ni mai a, Abakchu Zu in nan hun ka hmang a ni deuh ber mai. Ka hnaah ka thawh chhiat phah chuanloh avangin kan hotu lian lam atang pawn sawiselna ka tawk ngai lova, ka hna chu tha taka thawkin midang ai mah mahin ka thawk tha zawk emaw tih tur a ni hial. Mahse Khawhar leh lungleng reng renga hun hman ka ning thina, Ka tumlawk lemloh hian kan in lam pana haw daih ka ching viau thung, Chutiang chang pawh chuan kan office Head Assistant hnenah charge ka hlan fel thlap thin. Tunah pawh hian Kar laklawh lai takin ka inngaihtuah lunglenga, tumlawk em em lo chuan Zanriah eikham hlim hlawtah ka haw leh ta thut a ni.

Tichuan, Mal tak leh Khawhar takin Aizawl lam pan chuan ka tlan par par a, Motor hi ka khalh chak lutuk ngai lova, Mahse ka ding ve zen zen ngailo thung. Chumi zan leh lek phei chu ka tlanchak lo lehzual hle. Ka awmna atang hian Aizawl hi Darkar 6/7 kal vel a ni awm e, Ka hmanhmawh lemloh chuan darkar 8 dawn tlante pawh ka nei thin. Kan nupa a kan ngaihthlak dun thin "Love of My Life" tih hla Freddie Mercury in thiam leh lungrun zeta a sak hlarh hlarh ngei mai chuan ka inawi pah vang vang a.

Chutia engmah ngaihtuah mang lo leh ka hla play zawm ve rat rat chunga ka tlan lai chuan, Lei awmna ka thleng tep tih ah hian Taxi pakhat hi a lo dinga, a khaltu ningei tur hian a lo bih dak dak bawk a, Ka motor light engin a chhun takah chuan a dinga, minlo phar zui nghal a. Chu taxi bangah chuan ka awmna khaw Taxi tih a inziah avang chuan harsatna an tawk anih ringin ka motor chu an bulah chuan ka ti ding ve a "Eee.. Pu Taia lah ni renga!!.. ava lawmawm ve, i haw thla dawn em ni?" tiin min rawn be vata. A hmel chu ka hredeuh chuan ka hria, Mahse tunge a nih a, khawi hmuna awm nge a nih engmah ka hrelo thung, "Nia hei zan zan ah haw ka tum leh pek a nih hi, enge harsatna in nei a mi?" ka ti a, Motor atang chuan ka chhuk zui ve nghal a. "Nia, Aizawl kal thut ngai kan nia, helai kan thlen hian kan motor hi a rawn hmui ta rum rum a, a khu luih luih bawka, ka dinga ka en nak chuan Oil Chamber kan lo hrut pawp palh a ni ngei a niang, Oil reng reng a lo awm tawh lo hi a lo nia, Engine a kang chhe vek ang, Kan ding fel chiah a, a ke hi a rawn thep leh ringawt bawk a. Kan thleng hla tawh bawk si, tihngaihna kan hre tawhlo khawp mai, Signal lah chu a awm hauhlo lehnghal" a ti bawrh bawrh a, A tawngkam leh awmdan velah chuan pa fel tak chu a nih ka ring. Nia, kan awmna khaw dai maiah khan kawng chhe lai deuh a awm a, Chutah chuan Motor Oil chamber an tauh tir fo tawh awm e.

"Kan i tih a, Passenger i nei em ni?" ka ti a, a motor bennet cover inhawng huau chu engmah hrethiam chuanglo chuan kan bih ve ngawt thova, "nia, Ka u fanu saw Naktuk zingah Interview neih a ngai a, Vawiin tlai khan an rawn hrilh thuta, Chhuk thlak kan hmanhmawh ta si a, Ka fapa kum 15 mi vel nen kan 3 in kan ni mai" a ti a, Piah deuh thlam awm eng set set lam chu a hawi phei a. "Anih tak chu, kei engmah thiam ka neilo a nia, kan Department Driver lah ka hruai velo bawk si a, I naute chu ka rualin an rawn chhuk hreh a ngem?" ka ti a, "Eee a tihzia ngawt ang, Duati bak chhuk a ngai chuanglo ka fapa chu min rawn kalpuitu mai mai ani, kan ding rei ve tawh viau, sawlai thlam ruakah sawn meilum an ai a nih kha.. ka va ko ang e" a ti nghal sawk sawk a, "anih nangni engtin nge in awm tak ang?" ka ti a, "Singal awmna kan zawng ang a, naktukah Ka thianten Mechanic an rawn hruai mai ang" kal pah chuan a tia, "Engtin tak awm ang maw? a vawt si, thlam ruak a riah han tum ngawt chu" ka ti rlrua, a ni chu thlam lam pan chuan a kal zui ta nghal a.. Rei vaklo ah chuan an rawn chhuak ta diah diah a..

"Engpawh nise ka inthlahrung angreng khawp mai, han tihbuai che pawh" tiin a fapa leh Duati a tih chu a rawn hruai phei a, A fapa chu la naupang viau mahse a dawng ngoha, a sang zek bawk. Hmeichhia chuan a lu chu Shawl in a khuh a, a hmel a hmuh chian theih vakloh, Face Mask a bun deuh tlat bawk nen. A pian ringawt ah chuan hmeichhe inkhaithli zeih zawih tak leh pian thiam tak a ni tih a hriat theih.. "Duatbawih, hei kan khaw BDO a nih hi, hlauh tur a awmlo, Tikhan naktuk ah interview i nei sia, a motor ah i chuan ve mai a ngai ta anih hi" a ti a.. "Nia, pawi chuanglo Mahse Pute engtin nge in awm ang?" Hmeichhia chuan a ti a, a aw chu a tham tiak reuh a.. "Hetah hian kan riak mai ang, Zan tlan tur kan nih avangin Puanlum ka inkeng lawksa hlauh a lawm.. mei kan chhem bawk ang a, Zankhat lek te chu kan tlingtla thei mai ang" Pa chuan a ti a.. "Bungrua in nei em?" ka lo ti a.. "aw.. nidawn tak e, Air bag lian vaklo chu a neih ve kha" tiin a motor hnung chu ava hawnga airbag lianlo deuh tak tak chu a rawn khai chhuak a.. "a seat hnungah khan dah mai rawh, Anih kan kal nghal mai ang, hei kawng chanve em pawh a la ni silo kan tlai lutuk palh ang e" ka ti a.. Motor ah chuan ka lawn zui nghal a.. Ani pawh chu ka sir ah chuan a rawn thu a, "Signal neihna hmun kan thlen hun hunah anu te ka bia ang a, Parama chu an lo be mai dawn a nia" nula chuan a tia.. an in mangtha a, kan tlan zui chu a ninghal mai a.

Ngawi reng chuan a chuanga, Signal a awm leh awmloh Phone atang chuan a en pah reng bawk a, Keiin Queen hla ngaithla in motor ka khalh mawp mawp bawk a... Kan inbe lo chiang khawp mai. Km 2 vel zet kan tlan hnuah "Ka pu ding lawk teh, Hei Signal a awm e, ka chhungte chu kan be lawk ang chu" a rawn ti a.. Kawngsir zau lai deuh ah chuan Motor chu ka ti dinga, Motor atang chuan ka chhuak zui nghal bawk a.. An inbe lang lang thawm chu ka hre reng.. Van chu ka en a, Boruak a thiangin Thla a eng kulh mai bawk a, Arsi te chu an dep sep sepa, Lungleng hla phuah mi chu ni i la hla tha deuh ka phuah chhuak thei ngei ang. Mahse Lungleng in khawhar viau mah i la, hla ka dawng ngailo, an siamsa ah ka inhme tawk vel chauh a ni. An inbiak zawh hnuah chuan Sikret ka zuzo ve chiah bawk nen motor ah chuan ka luta "i inthiar duh em?" ka ti a, "Duh hran love" a lo tive mai a, "Kal leh mai ang aw.." ka ti a, kan tlan zui leh ta nghal a..

"Enge i interview dawn a?" ka ti a, "Hna chhete mawle, BN Hospital ah Nurse an la thar dawn a, Naktuk Dar 10 ah interview turin min rawn ko thut a lawm mawle" a ti ve mai a, "e chu Nursing School a i zirchhuak tawh elaw? khawi chhuak nge i nih?" ka ti a, "aw... Apollo Nursing School ah Nikum hmasa khan ka zir chhuak ve a" a ti niah niah a.. Chu nursing school hming a sawi rik chuan ka beng a verh zawr mai.. Ka nupui duhtak in a thawh vena hmun a ni si a, ka ngawi ta daih a, a ni pawh engmah sawi zuilo chuan a ngawi ve reng a.. Minute 20 vel tawng lova kan awm hnu chuan "Miss Melody kha chu ka khawngaih khawp mai" a rawn ti chhuak sap a.. Ka phawk hra a "i hria em ni?" ka ti a.. Enge a hriat lohvang, Nikum hmasa a chhuak chauh a nih chuan kan nu in a zirtir hman fe dawn lutuk... "Hria e.. Warden a nih laite khan nuam kan ti thei lutuk, a felin mi a hrethiam thei si, tin a subject a hnehsawh bawk si, kan ui vek" a ti zawm zat a, Ka rilrua cham reng ka nupui duhtak chanchin min sawipuitu kianga awm nuam ti thin em em ka ni bawk a, Chutia a zirlai hlui ngei mai ka motora a rawn chuang chu ka phur phah hle mai..

"I rawn rim thin laite kha kan hmu vek zel che u a lawm" a rawn ti leh a, ka nui suka, Nia an hostel ah khan ka va len chilh zing tak thin e aw.. "Tunah khan minlo hre nghal mai elaw?" makti deuh chuan ka ti a, "aw.. hre nghal e, kan khua a i rawn awm tih pawh ka hre vek a lawm, Nikum khan Delhi lamah Private Hospital ah ka zuk inhlawh ve reng a, Khua ah ka awm tamlo mai mai a lawm" a ti niah niah a.."anih tak chu, Tinge helai hmunah i thawh duh zawk a?" ka ti leh a, "Nia, ka chhungten awm hlat an phal vaklo a ni ber mai, helai ai hian hlawh chu a tha zawk ngei mai" a ti a.. "Zanriah in ei tawh tak em?" ka ti deuh thut a, achhan pawh a pute a sawi dan hmang khan zanriah an ei hmanloh tawk vel ka ring deuh ngawt a. "Ei chiah love, Mahse eitur kan keng teuh a, ka ril pawh a tam chuanglo" a ti sam et a, "Chutiang ngawt ani hleinem, I Putea te zawk kha an ril a tam dawn em a?" ka tih takah chuan "nia.. awi ka eitur lei lah chu ka ak vek bawk si a.. engtin nge nita ang, an va khawngaihthlak tak" a ti a, a lu khuhna shawl leh a face mask chu a hlip a, Phone chu a kheuh nghal malh malh a.. Ka va en zawk a, Nula hmel hmang felfai deuh ni chuan ka hria, Motor khalh lai ka nih avangin ka en chiang hmanlo thung..

Phone chuan a chhungte biak a tum ani ngei a niang, " awi signal lah chu a chhe ropui si, engtin nge kan tih ang" a rawn ti a, Motor chu kawngsirah ka din tir leh a, Hoodlight chu ka ti eng a, "Tikhan biak han tum teh, A hrim hrim in be thei pawh nila engtin nge i tih chuan ang?" ka ti a.. Motor chhungah chuan kan in en ta heu mai a.. Chu nula chu ka beisei ang a nita hauhlo mai, Hmel felfai ve satliah ngawt chu a lo ni hauhlo, ka nupui boralta nen in an na deuh an nei a, Hmai sin sawl lam deuh lek lek mahse hmaisin over ni silo, khabe dawh lek lek, hmui sexy zet mai nei an ni ve ve, Henu a tluklohna chu tuna nula hi chu a hnar a nalh veng vawng hle. Hnamdang thlah ni mai awm a mawi a ni, a chal a arh phak mai bawk si "Gorkhali leh Mizo inkara piang ka nia" ti pawh nise a awm reng tho, Mahse chutiang em chu a nih ka ring hauhlo.. a mitmeng chu a buang thek ni maiin ka hria, a vai riai chuang miahlo bawk, a fiah kalh lawi bawksi.. chung zawng zawng chu reilote kan in en zeuh chhung khan ka lo hmu hman vek a..

"Nive tho mai mahse an ril atam dawn em a," a ti a niah niah a, "Nia adik a lawm, mahse kan tan tihdan vak a awm chuang hleinem.. Kan thlen lehna tur khua Hotel inhawng an la awm chuan kan zuk pe leh vang vang dawn nia" ka ti a.. "eee ngai reng renglo, chutiang te chu, Kan chhungten tihdan lo ngaihtuah zawk mai rawhse.. Kal zel phawt mai ang" a ti a.. Tichuan kan tlan zui leh ta nghal a. Kan hma lawka khua pawh kan thleng tep tawh, eng eng emaw sawiin a ti ti barh barh a, kan han innel chinah chuan a lo tawng duh ve phian, an Training (Nursing school kal lai) chungchangte, kan nu fakawmna chi hrang hrangte, kei chu Zirlaite zingah minlo star ru vetu, kan nu bulah fiamthua 'ban daih la kan lo chang ang' an tih thin thute a sawi siam siam a, Ngawi rengin ka lo ngaithla a, zawhna min zawhin a chhanna ka pe a, achang leh ka khi suk a, Kan nu chanchin a sawi chang erawhin ka serious thei viau thung. Chutiang chuan khua chu kan lut ve ta mai a.. Ka sana ka en a, Zan dar 10 a ri der tawh. Mahse he khua hi Motora zinvak te chaw lamna ber khua a nih avangin Dawr thenkhat leh Hotel thenkhat chu a lo la lun ve hle thung. Hotel Pakhat "Saii Hotel" tih kawtah chuan ka dinga, "enge kan tih dawn?" a ti ha a.. "Kan chawl lawk ang, in tih harh ka duh deuh" ka ti a.. "Ee pawilo reng reng, keipawh inthiar ka duh nghal e" a ti a.. Tichuan Hotel chhungah chuan kan lut zuita nghal a.

Hotel neitu te chuan minlo dawng sawng nghal vata, kei chu min hmuh zin em tawh avangin ka lam thin nen lam an hre vek bawk a, Hotel chhungah chuan Khual zin 10 rual vel hian Chaw an lo ei sap sap bawk a, Inthiarna te ka kawhhmuh hnuah Meilum an chhemna ah chuan ka thu a, "I mamawh dawn em?" Pi Saii fapa nidang pawha ka tirh fo thin chuan min rawn bekbawr sar sar a. "A pawi hleinem, Neihsa i nei em ni?" ka ti vat a, "amak ngawt mai, i rawn chhuk dawn tih hre lawk ang hrimin Vawiin ah ka thianpa nen keimah ni tan liau liau kan siama, tuntum chu ka show ve hrim hrim ang che" a ti a.. Nidanga ka zin reng reng hian ka lam tir loh leh ka neihsa ka ken thlak hi a room ah kan dawm dun mai thin.. Tlangval Senior ve tawh tak, Zu duh ve tak, Eisiam thiam em em mai, Mahse zu ngawlvei kan tih ang em em ni chuanglo hi a ni a, Ka mamawh changa min lam sak vat vat peih reng a ni bawk.. "I nu bulah khan ka nula rawn hruai ei tur tuihnai tak lo pek tir teh, Chuan, Mi 2 ei tur Lo pack bawk se. In Motor hmelhriat an awm chuan Lei bulah Taxi ding a lo awm ang a, a bula thlam ah Pafa taxi neitute chu an riak a, eitur engmah an kawl lova, Zan an riak dawn si thawn thla mai tehse." ka ti a.. Phur takin ka sawi ang chuan a ti nghal zung zunga.. Chumi hnuah Inhnuai a room lamah kan inzui thla ta nghal a.

No 3 ka lem zawh hnu chuan kan chhuak chho leha, Nula chuan dawhkan kil in thil a lo ei mek a, min hmuh rual chuan "Pu Tai, rawn ei ve la, ka ril pawh a tam lo, i lo order bawk si" a lo ti nghal sawt sawt a, "Kei chu zanriah ka ei tawh a lawm, Bawnghnute ka in tawh bawk a..." ka ti a, a sir ah chuan meilum ai pahin ka thu a, " Pu Tai, Hei nula hian Hmelhriat a lo nei hlauha, Chaw chu an keng sak ta a nih kha" Pi Saii chuan a lo ti bawk a.. "Nia, Chaw te kha thawn nachang i lo hria a, kei ka theihnghilh leh hman deuh der tawh a sin" nui var var chung chuan a tia.

Ka hma zawn ah chuan Darthlalang lian a awm a, ka thutna atang chuan Duati tia a putean a koh hmel chu chiang takin a lang thei a, A thil ei lai hmelte chu ka en a, Kan nu nen an danglamna a tlem hle, kan nu aiin a pian a dik zawk a, a fuke a sei zawk, a hnar a nalh zawk bawk a, Kan nu sam kha kawi zeuh pawh awmlo a nih laiin a ni erawh kir bup ni siloin a kawi kual deuh hlek thung. Hmeichhe lerhlo tak a nih ka rinna chu, a kuttin ah eng rawng mah a kai lova, a zuah sei zul bawk lova. Tin, a samah colour dang dang a kai nuaih loh bakah, a mithmul chu a pawt ve ngei nangin uchuak taka pawh anilo tih a hriat hle bawk. A hmui lah chu a sexy tehlul nen engmah a hnawi tai hemhuam lem lova, ruih hlo ti ngailo tih hriat takin a senno chek bawka, a ha fai rual thap mai, a nuih zawnga lang thinte chuan a ti fresh lehzual hle bawk. Tin, Tunlai hmeichhiate in tih hmelthatna Foundation an tih emawni lam engmah a inhnawih hauhlo, a mithmulah engmah beldang a nei chuang bawk lova, Chhimbuk mit ang maia dum kual rui pawh a awm ve heklo. Chung zawng zawng a tilo chung chuan, a hmeltha hliah hliah tho mai.. Ka en reng tih hriase a zak ve viau maithei..

Eitur a eih zawh hnuah a inhem lum zawka, Kal leh zai kan rel zui nghal a... "I puar em?" ka ti a, "Puar lutuk, ka ril a tamlo hrim hrim nangin ka ei zo vek tho" nui hak hak chung chuan a ti a, "Sikret i zuk duh pawn inthlahrung reng reng suh" a tih zawm zata, a aw thluk leh ri chhuak chu a danglamin mi a hneh thei dawn hlein ka hre bawk. "I zu ve ngai em ni?" tiin kan zawt let a, a zu duh dawnlo tih ka hre reng, a ka chhung fai dan atangin "Zu ngai chuang love, ka sawi chhan chu Motor ka chuanin Meizial rim ka ngaitheilo hranlo ka tihna a nia" a ti a.. Kan han ngawi leh deuh hlek a... Ka rim chu a hria ani maithei a thu chu a tira a rawn chuan ang a ni tawhlo, a in ring deuh auh ni berin ka hria. "Tlem ka lem saka, ka mut chhuah hlauh vangin" ka ti ta ngawt a... "Pawilo reng reng,..." a ti ve mai nangin a chezia ah chuan a hlau deuh tih chu ka man thiam tho mai.

"Kan nu min ti hrechhuak nasa khawp mai" ka ti a, a nui hak a "Nia, Kan Hostel awmlai pawh khan Miss Melody nen in inang min ti fo a lawm, Ngainat pawh kan in ngaina ve hle bawk" a ti a, Signal a awm that tawh avangin a phone ah mi a text pah malh malh bawk a, "nia, In anna lai riau in nei a lawm, kan nu kha a tawi deuh e tih mai loh chu" ka ti a, "kan 2 pawn thla kan la dun nasa a lawm, ka kawl teuh mai, ka la hmuh dawn che nia" a ti a, "Nia, Mahse khawnge i awm ka hre bawk si lova," ka ti ve mai a, "Kanan vengah kan awm thin a, Mahse kan insawn vat dawn" a ti a.. Kan ngawi dun leh vang vang a.

Keihi Tawngkam bungrua ngahlo zet mai, Sawitur hrelo thei em em mai ka ni a, Ahminga Officer nive ta chu engemaw niah Thusawi tura sawm ka hlawh ve zeuh zeuh thin, Chungahte pawh chuan sawitur ka hrelo thin hle. Hmeichhe bul ani emaw ka thiante bul a ni emaw ka tawngtam ngailo hrim hrima, zawhna leh chhanna ka neih bak chu ka ngawia an titi ka ngaithla ve mai thin.. Tunah pawh nula zawkin bul atan hmasak loh chuan kan ngawi tlawk tlawk a ni zel mai.. Han kawm hlim dan tur ka hre hauhlo lehnghal. Reivaklo hnuah chuan a muthlu ta lak lak a, Kei chuan Zai ka ngaithla riai riai a. Mi vanneih bik ziate, sum leh pai neiha, Officer lianpui leh hlawh tam tak neih ngawt hi hlimna a ni lova, ka bula thumek pawh hi Nurse hna thawk turin phur em em in a chhuak, Sawrkar hnuaiah pawh nilo, Hlawh tam lutuk lova thawk turin Zankhaw tairek ah an zin lawng lawng mai a ni si a, a hlim hmel sarh lehnghal. Hood Glass chu ka kuai her deuha a muthlu lai hmel chu fiahlo riai hian a lang thei a, a fuh vengvawng hle. Modeling lamah kal pawh nise a nalh leh hmeltha pawl chu a ni ngei ang.

Kan nu nen kan inkawp atang khan Hmeichhia chik taka en emaw ka mit la tak emaw tumah an awm ka la hrelo. Kan nu ka duh luat vangte pawh a ni maithei, Nula hmeltha leh fel nia an sawite pawh ka en liam mai mai a, ka lerh lo hle bawk. Kan nu min boral san hnuah phei chuan Hmeichhe dang tumah ka ngaihsak tawhlo, Min ngaihzawng dertu pawh ka hmu teuh mai. Kan Chhungkua hi chhungkaw khawsak harsa lo tak, Aizawl khaw hlun, Sum leh pai a buaina neilo, Ka pa pawh MLA leh Minister hial lo ni tawh thin a ani a. Ka nu hian Sumdawnna lian tak a kalpui thin a, Kei an fa upa ber leh an fapa neihchhun ka ni a. Mahse naupan tet atanga mahni intun din theih ropuina min zirtirin ka nu leh pa chawmhlawma nupui neih duhlo bur ka ni. Ka zirlai ka zirzawh hnuah pawh Private school ah te ka inhlawh kuala, chumi chung chuan Civil Service lam ka inbuatsaih char chara,. Ka inziah tlin hnu leh hna ka neih hnuah chauh Nupui nei ka nita reng a ni.

Hengte avang hian Aizawl mihlun leh chhungkaw hausa tak tak atanga chhuak nula ten min hel ve nasa, Ka farnu te pawn an thiante fel tak tak min sawipui thin, ka uksak ngailo hrim hrim. Mahse he nula hi chuan ka mit a lain hmuhnawm ka ti em em, a aw ringawt ka hriat hmasak ber khan engemaw riaua min khawihna a nei tlat pek a. Chumai ala nilo ka nupui hlui nen in anna riau an neihna chuan, chu nula chu ka ngainat phah sawt a ni ber mai. Amah lah chuan ka hriat hma daih atangin minlo hre tawh zui, kan in upat hleih viau thung ang. A simple a, a hmeltha a, pian a thiam bawk a, a changkang tih a hriat reng mai. Changkang ka tih zawng chu engkim mahni neihtawk mila che te hi an ni ber, Inchei uchuak leh hmai hnawih nena vul chuk hi ka ngaina ngai miahlo.

Zan a reiin boruak a vawt tan tawh hle, Nula pawh chuan vawt a ti deuh aniang a shawl lian vaklo chuan a in fun tat a, AC chu ka tinung vat a, harhse ti ti leh siam siam se chu ka duh hle, Mahse a hmel ka en ru zeuh zeuh ngam dawn lo thung. Kan zinkawng pawh a tawp hnai tep tawh KM 10 vel bak tlan kan ngai tawhlo, Hun dangah thlen thuai thuai ka chak thin a, tuntum erawh chu ka duh aiin kan thleng hma dawn tlatin ka hria, Ka zin kawng chu thuilo ka ti kher mai. Km 8 vel la awm tih ah kawngpui zau deuh laiah chuan motor ka din tira, a zi tiah tiah a, a rawn meng a "Kan thleng tawh a mi?" a rawn ti a, ”Thleng love, ka mut a chhuak deuh a, ka ding lawk a nih hi" ka ti a, Motor atang chuan ka chhuak zui nghal a.. Zunram ka thiar a, Motora ka va luh leh chuan Phone ah tuemaw nen hian anlo in bia a...

"Nia, ka hria a lawm, Chutiang ngawt a ni hlei nem"..

"I thu thu a ni mai a lawm, Kan rawn thlen chin tur ka hre lo"

"i ngaikawi mai mai a nih kha,..."

Ka motor ka ti nunga, "Lawk Pu Taia" a rawn tia, Motor ka tithi leh nghal a.. "Min ringlo ve ngawt tur i nilo a sin" Phone ah chuan a ti leh nghal zat a.. "Anih chuan i duh leh lo awmla a ni mai a lawm" Phone a dah hmak a... "Ninawm Mipa hi chu, an mahni nikhualoh vangin Midang hi min han ringlo ve ngawt zela" a ti hmak hmak a, Ngawi reng chuan ka lo en a, a phone chu a silent hmak a, a bag chhungah a dah a, min rawn en a "Ka thinchhiat hmel i ti em?" nui var var chuan a rawn ti thawp sat a.. "Ti love.. a lawm vak nange?" ka ti a, zalo deuha nui chung chuan "a tihve dan a lawm, kan kal mai dawn a mi? KM engzat velnge la awm ang, zan thilah chuan ka hrethiam lo, ka bo vek zel" a ti a... "Km 8 ah chiah ka ding.. kan thleng tep tawh" ka ti a.. Motor chu ka ti nunga kan tlan zui leh ta nghal a..

A Bialpa in a rawn be ve ngei a nih ka ring, Rinhlelh pawh a rawn ringhlel a ni ngei ang, an inbiak dan atang khan. Rinhlelh awm turin nidangah a awm fo tawh em ni ang le? A hmeltha a, a pian a dik a, Mipa tam takin an beisei ngei dawn tih a chiang reng, Bialpa tha tak tak pawh a neih ngei ka ring. "Miss Melody nen in inngaihzawn lai khan, 'Miss a chhelo thei si, nula in an star thei bawk si, i ngaih a thalo ngailo a mi?' kan ti thin a, 'Ngaihthatlohna turin a awm ngailo a lawm' a ti mai zel" a rawn ti a, ka nui hak a "Min va chhuah tha thin awm ve" ka ti duh chauh a.. "A confi thei em a sin, amah lah a lerh bawk silo" a ti leh mai a, "Nia, Kan inhrechiang ve bawka, midang bulah kan rinawm loh ngai lova, chuvangin kan inringhlel ngailo hrim hrim" ka ti a.. a ngawi ngal a, a phone chu a vibrate chur chur a, "I phone chu chhang ta che?" ka ti a.. "Ka peihlo, sawi ngai bak a rawn sawi leh chuang lovang" a ti hmak a.. "a lo hmuak dawn che em ni?" ka ti a, aw... a awm reng tawh, kan in luah kawtah" a ti a... "Eee Mipa fel tak a nih dawn chu, i zin a lo nghak ngat ngat mai che a nia" ka ti a.. "Hmmm... Min ngaihpawimawh em em vang pawh a ni lovang, Motor danga ka chuan tak vang mai mai a niang" a ti hlak a..

Engtinnge an kawppuite an rin loh tlat thin le?? ka ngaihtuah let neuh neuh pawn keini nupa kha kan inngaihzawn tirh atangin tumah kan inringlo ngailo, dawt kan inhrilh ngailo bawka. Hetia an bialnu emaw Bialpa emaw an ringhlel thin hi enge a awmzia ka hrethiam chiahlo thin. Ka thianpa Zuala kan inneiha ka best pawh a bialnu nen hian an in ringhlel tawn thei khawp a, An induh viau a nih hi kan ti mai zela, Mahse an intithiam lo ta tak tak a, an inthen hlen hmak.. Induh luat vanga thikna lo awm hi Hmangaihna tak tak anih ka ring em em talo... "amah zawk hi, ka awmloh chuan Picnic, Party, lengkual a ti renga, Biak pawh a biak that theih loha, Kei min biak theihloh deuh avangin a thinrim ringawt zel" a ti a, a tum bar mai a.. A tum bar leh mitmeng thinrim ve hmel deuha awm chu a inhmeh za phian reuh a.. Hetiang ang nula hmeltha leh nalh, Aizawl Khawpuiah pawh nilo an han awm nawlh mai thei hi mak chu ka tive deuh...

A phone chu a rik ngun tawh em avangin a tawpah chuan phun niah niah chungin a chhang ta nge nge a... "Aw... i thu thu ka tih kha... kan rawn thleng tep tawh" a ti a.. a dah leh hmak a... "Kan In luah hre ve hrim hrimla ka duh nen... Zemabawkah min lo nghak a nih pek chu" a ti hlak a...Ka nui suk a... "a ngaihtuah hle mai che, Mipa hian kan nula te himloh hi kan hlau ve thin reng a lawm" ka ti mai a... a thu tum hmarh a... a en ngai a en reng a, Zemabawk kan lut tan a, Kan tlan zela "I number minlo pe" a rawn ti teh phawnga, "Eh... awle... eng atan nge?" ka ti ta hu a, a nui var var a, " i remtih loh chuan ka ti lui chuanglo" a ti a, a lai hmel ve hle. Kei lah hi kan zeilo ve thei si a, nulain phone number min la dil ngailo em bawk a ni.. "Ka deskboard kha hawng la, tah khan Ka card box a awm kha, keia number i duh te chuan a ni mai a lawm" ka ti a.. ka sawi ang chuan a ti vat a,. "a chikim hle mai, Email, Whatsapp number nen vek maw?" a nui hak a.. "Khi khi a ni tawh ang a?" ka ti a..Zemabawk kawn City Bus stand ah chuan Motor manto chi tih hriat tak hi a lo ding vanga, a bulah chuan Mipa 2 hi an lo dinga, Pakhat zawk chuan Meizial a zu ling vat vat bawk a.. "an nih ngei saw... i hrethiam mai dawn nia, a loh theih bawk siloh" a ti a, "Ni e.. a tha zawk a lawm... " ka ti ve mai a...

"In lo awm rei tawh em?" Motor atanga chhuk pah chuan a ti a, "Rei lutuk love, Bungrua i nei em?" a bialpa niawm tak zawk palian zawk chuan a lo ti a, "Neilo" a ti hmak a, "Ka lawm e aw, Pu Tai..." nui seih chung chuan a ti a, "awle.." tiin ka tlan zui a, Side glass atang chuan Motora a lut tur leh a bialpa rawn hruaiin kawngkhar hnung lam a hawng mek a.. ka tlan liam zui ta nghal a. A hmeltha in a pian a nalh bawka, a bialpa pawh khan a duh hle a nih dawn kha, Helai thleng thleng hmuak tura rawn tlan thlen peih.. ka ti rilrua ka sana ka bih zauha Dar 1 a lo pel ve tawh a.. Nidang aiin ka tlanmuang chiang khawp, Dar 11 leh 12 inkar ah ka thleng tlangpui thin...Kha nula Duati vang kha anih ka ring... Ka nui sak a, Melody ka hrechhuak zawk a "Duhtak, min ngaidam rawh" ka ti zui sapa.. Ka inthiamlo nghal hle, Hmeichhe dang laka rilru ka lo pu hman zeuh kha.. Kan awmpui Rammua ka phone a la rang hle... Ka hawn thu leh Gate lo hawng turin ka hrilh zuia, a rawn nui hak hak a, i rawn haw dawn vang a niang, Tv ka la en" a rawn ti a..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2019, 6:17 pm

Zan ka zin emaw zinlo emaw Dar 5 ah ka mu a nih ngawt loh chuan kan nu boral atang khan Zing dar 5 ah ka tho ngei ngei thin, Ka tawhhlimah tui Bottle 1 ka in a, Ka inthiara, a tul tul ka thawk a, Dar 8 velah ka inbual leh a, Chutiang char char chuan ka hun ka hmang thin. Zu ka in nasa viau nangin ka taksa ah a lang manglo, achhan pawh Zingkar zu ka in ngailova, Ka thlan ka tih chhuah hnem bakah Theithur ka ei lui hram hram thin.. Zu ka in reng rengin tui tihna ka nei hauhlo, Mahse ka inlui ve tlat. Pathianin ka chunga a rorel danah ka lungawilo a ni ber mai.. Chhunginkhawm, Inkhawm tih hrim hrimah ka tel ngailo.. Ka hnathawhna ah pawh a hma daiha an lo chin tawh thin Monday tuka Devotion hman thinah pawh ka tel ve ngai tawhlo. An ni pawn min dem chuangin ka hrelo. Chutiang chu ka nundan a ni. Tukin pawh ka hna ngai bawk thawkin, ka tihdan thin pangngai bawkin ka ti a.. Ka fapa chu nidang anglo takin ka bulah a awm ve hrat hrat renga, a pi leh pu te pawn an lawm hmel hle. Ka bechhawma, tawng fiahlo tak takin min chhang a, nuam chu ka ti ve reng. Mahse ka fapa hian a nu chhunna lai deuh a neih avangin hrehawm ka ti thin viau lawi.

Ka Inbual zo ka inthlak a, Tukthuan ei turin min nghak tawh, Tawngtaina ka pa in a hmang mek ngei ang, Ka phone dawhkana ka dah chu ka en a, Number ka save loh hian Vawi 6 lai minlo miss call a, a pawimawh viau a nianga tia lak ka tum mek lai chuan a rawn call leh chiah a. "Hello...?" tiin kan chhang a "Pu Tai, i tho ve chiah elaw?" Nui hak hak hian a rawn ti a.." tho chiah lo deuh e" ka ti a, a nui hak hak a, " Kei chu ka tho chiah a sin" a rawn ti a, "Tukthuan ei a hun tawh a lawm.. Vawiin interview tur atan inbuatsaih ta che" ka ti a, "Nia, Mahse ka lehkhabu dahna i phur tlang daih a lawm" a rawn ti a... Nia a zin bag lian lo ve tak kha seat hnungah kan vawm luh tak kha mawle.. "nidawn tak maw?? ava buaithlak ve" ka ti a, "Nia ka haihawt lutuk hi a nuihzat thlak tawp" a ti a, a nui har har a.. Nia, Nizan ah ka motor-ah a chuan tirh dawnah a air bag a theihnghilh phawt a, chumi hnuah engmah la eilo a putea te pafa eitur a ak daih a, tunah a air bag bawk a theihnghilh leh bawk a. Hmeichhe fel leh hmeltha zet mai hetiang a ahaihawt hi ka nuih a tiza ru angreng hle.

"In awmnalai kha sawi la, ka rawn dah dawn nia, kei pawn ka lo hre tawh reng reng hleinem" ka ti a, "Ngailo, Ka insiam anga ka kal nghal ang, ka chhiar tawh hnu vek a ni tho" a rawn ti nghal vat a, "i chhan theihloh phah ang e?" ka ti a, a nui hak hak a, "Engmah min zawt leh tak tak chung lovang, Khawnge i thawh tawh? tinge chutah chuan hlawh a that tehlul nen tinge i rawn dil tihvel bak min zawt leh tak tak chuanglo" a ti a, " awle, Tha deuhin i chhang dawn nia" ka ti a.. "Ka lawm e... Chuan bag te kha chu ka la ui ve thova" a rawn ti leh hram a.. "Engtin nge niang?" ka ti a, "I peih chuan Tlaiah i rawn dah dawn em niang?" inthlahrun hmel deuh chuan a ti chuai raih a. "Awle... kan inbe leh dawn a nia" ka ti ve ta a.. Ka khi suk a, "He nu hi engemaw tak a ni reuh dawn a nih hi" ka ti zui nuah nuah a.. Inhuai lamah tukthuan ei turin ka chhuak thla ve ta nghal a.

Engmah ka tilo, ka fapa nen inah kan awm a, Hmana kan chhungkua bik tea kan awmkhawm thinna room ah kan awm a, a nu a tel ve tawhlo a, ka fapa chetla vel chu ka en renga, Motor leh leh Toys hrang hrang te chu chhuatah a zam darh nuaih bawk a.. achakvak chi a ni ve hrim hrim bawk a, harh pawh a harh that that khawp mai, Kan nu unauten an rawn awm ve chang pawhin a harh zia thu hlir leh a tlei zia thu hlir an sawi thin. Mak deuh mai chu ka bulah awm tha duh ngailo kha, tuntum chu Zingkar atangin ka bulah a tawlh a, Chaw kan ei lai pawhin ka bulah a thu ve kaka, a pi leh pu ten an chhawn chhaiha fiahlo deuh deuhin a chhanga, a ni te an lo nui a, a hlimawm phian. Tunah lah ka bulah a tawlh hrat hrat a, a mutchhuak tawh tih hriat deuhin a ham leh bai bai thin bawk a, "Tea, ka pua ang che aw?" ka ti a, "duhlo" a ti zel bawk si... A bulah ka zuk thu a, a thilh khalh lai chu ka khawihpui a, a vawikhat nan "Pa.. heihi ta tuh" tiin min ko ta bawk a, "I va fel tak" tiin ka pawm kang a, Ka awmah a bei thlapa, a chhuak tawngkhawng tawh a niang a muhil ti tih ngha der a.


Kan room banga kan nupa inneih lai thlalak kan tar chu ka en a, Kan hlim dun zia thinte, kan fapa a lo pian a, kan hman hun kan hisap dun tuma, a school kalna tura kan inhnial fiam tumte kha ka hre chhuak uai uai a, Kan nu hmel ka en reng lai chuan Duati chu ka hre chhuak zawk a, A chezia nu hnap si, mahse khawr tettut ni silo, zei thlap mai a nihna te, a mitmeng buang fiah kak mai site chu ka mithla ah a rawn lang a. A nui lai hmelte, a thinrim tum hmak hmel te, a muthlu lai hmelte chu a rawn lang zut zut a. Kha nula kha hmuh leh chu ka chak viau nangin ka hmuh fo chuan ka rilru a lak pen ka hlau bawk si... Chutia amah ka ngaihtuah lai mek chuan ka phone chu a rawn ti chur chur a, ka fapa pawh a phu deuh zuk a.. Puak puan tel lova pawm ka nih avangin kan khumah chuan ka mut te te a, Puan ka sin tir leh a, Phone chu a ring tawp a... Tu phone call nge lo kal ka en a, Ka hnathawna lam atangin a ni a, an VCP number a lo ni a..


Ka call back leh a, an hmalak dan leh thil pawimawh kan sawi dun luam a, Chutia kan inbiak lai chuan call dang a rawn kal leh a, amah Duati a lo ni a, Banga sana tar chu ka en a, Dar 12 a lo la ri lo deuh a, An va zo hma ve mawle. ka rilru chuan ka ti a, "Ka pu i la awm em?" VCP chuan a rawn tih ah chuan ka phone call dawn laichu ka hrechhuak thut a, Ka biak chhunzawm lehnghal a. Kan sawi duh kan sawi zawh hnuah chuan Duati chu ka call chhunzawm ve nghal a.

"I va buai awm ve?" a rawn tia, "Buai love, call ka dawng laklawh mai mai a ni, in zo der a mi?" ka ti a, "aw zo der, ka hawng tawh dawn a" a rawn ti a.. "Awle... Enge i sawi ang bak chu zawhna i dawnglo tak tak a mi?" nui chung chuan ka ti a, nui hak hak chung chuan "Ni deuh ber e, abak min zawt tamlo khawp mai" a ti a... Kan nui dun hak hak a, chumi hnuah kan inbiakna chu kan ti tawp ta rih a.. A bag theihnghilh chung chang chu kan sawi leh chuang miahlo, mahse kha tia min rawn phone danah khan amah khan va dah turin min phut deuh a niang a? ka ti a, ka fapa lah a mutui nasa mai si, han chhuahsan mai ka hre bawk si, rilru insual deuhin ka awm a. Ka fapa tui taka muhil lai chu ka en vang vang a, nu tel lova a rawn thang lian zel tur chu ka khawngaih hle mai, Inchhunga nu pawimawh zia leh naupang kan nih lai pawha kan nute kan thlamuanpui theih ziate ka ngaihtuah a. Huai ber turah kan ngaia, "Chuchuan min hau Vel rawh aw" kan tih thin kha a ni a, Ka fapa chuan a pi hi a nu mai a, nu tak tak ang an ni thei silo... A bulah chuan ka tlu zal ve a, Kan inneih thlalak leh Ka fapa Thla 1 tlinna a kan chhungkaw thlalak intar chu ka en reng bawk a...


"Mambawih, Taite, i muhil a law?" ka nu in a rawn tih chuan ka harh zawk a, ka fapa bula ka tluzal kha ka lo muhil sek a lo ni awm e. "aw ka lo muhil ve daih a ni maw? enge nita?" ka ti a, ka tho nghal vat a, ka fapa pawh chu a rawn zia talh talh a, a rawn meng siar siar a, a nui var var a. "Inleng i nei a, inphih harh la rawn chhuk ta che" a ti a, ka fapa chu a pawm a, room atang chuan an chhuak zui nghal a. Ka inphih faia, tute nge rawn leng ang aw, ka thiante nge ka bial chhunga VC te nge niang, ka ti rilrua, awmhmun thuam nen chuan inhnuai lamah chuan ka chhuk thla zui ve ta nghal a..

Thutkhawmna pindan ah chuan Duati leh Hmeichhe 1 hi an lo thu a, ka pen thawm an hriat rual chuan an rawn hawi vat a, "Aww.. nangni elaw? engtin nge kan in awmna in hriat zawk a?" ka ti a, "Nia, Bag kha rawn lam kan tuma, Miss Melody boral khan kan rawn kal ve a lawm, In In te chu ka hriatna a rei tawh" nui chung chuan a ti a.. "Ee takah hei hi Mawimawii a nih hi Kan zirpui thin tho, kan 2 hian phai ah te khan kan awm dun a" tiin a thiannu chu min hmelhriat tir zui nghal a. "In fel hle mai, Tea ka lo mutpuia ka lo chhing sek hman a lawm le, Tlai lamah ka rawn dah mai ang chu ka ti deuh a, I rawn kalna a hlat awm tehlul nen" ka ti a, an ep chiah ah chuan ka thu a, Ramu chuan Theitui In tur a rawn chhawp nghal a, Duati chu a melh zuk zuk bawk a, "Ramu, Thingpui pawh kha rawn ti rawh aw, Chuan Motor in a ka motor seat hnungah khan Bag dum lian vaklo a awm a, i zuk la lawk dawn a mi?" ka ti a, " awle" tiin a chhuak zui nghal a. "Kha theitui kha in rawh u, Vawiin In interview chu enge in an a?" ka ti a, an nui hak hak a, " a nuihzat thlak tawp, kan inbuatsaih nasa tehlul nen, zawhna min zawt ho khawp mai" a ti a, "Kei phei chu ho tak a ni, ka nu leh pa hming min zawta, kan veng nen, chuan BN Hospital a Director hming min zawt a, Chubak engmah min zawtlo, angaih that thlak nge ngaihthat thlak loh pawh ka hre thiamlo" Mawimawii chuan a rawn tive bawk a.


"A ho ve tak bawk a nih chu mawle" Ka ti a, an sawi zui nghal barh barh a, Chutia an ti ti lai chuan Duati phone chu a rawn ri leh a, a en zawk a, chhang talo chuan a dah daih a, "Pu Tai, Thingpui chu kan in tawhlo mai dawn a mawni, Ka thiani hi a hmanhmawh deuh a, Bazar ah kalte kan ngai a" inthlahrun hmel deuh chuan a ti a, A phone chu a rawn ri leh nghal zat a, "Chhang rawh, a pawilo reng reng" ka lo ti vat a, "ninawm tak tak, kan chhang lawk mai ang e" tiin a tho nalh a, Veranda thlang lam chu a pan zui ta nghal a. An inbiak chhung chuan Mawimawii nen chuan eng eng emaw kan lo sawi a, "Nizanah Rka khan a lo hmuak a ni maw? a thinrim lutuk a, a rawn phone zing tawh khawp mai" Mawimawii chuan a ti a, "aw.. enge a thinrim ni, khatiang ang zan reiah alo la nghak peih te chu a lawmawm zawk a lawm" ka ti a, "Nia, Mahse Duati hian a duh vak lova, Mahse Rka hian a hel nasa ve bawk em a ni" a ti ve mai a. "amah kha kawi venga awm nge?" ka ti a, "Aww Zarkawta Rev.Zolawma tupa saw a nia, Hausa deuh te kha i hria em?" a ti a, " anih chu mawle, chu Pasal tha deuh a nei dawn a nih chu" ka ti a.

Rev.Zolawma hrelo hi an awm awmlove, amah tak chu a boral tawh a, mahse afapa hi sumdawng hausa anih bakah Contractor lian hmasa, zoram chhung leh pawn thlenga hna hrang hrang thawk thin, Aizawl a an in luahman ringawt pawh hi hausakpui tham a ni awm e. Chumi fapa chu a nih chuan Duati chu a vannei dawn hlein ka hria, Rev.Zolawma fapa Pu Sangsiama phei chu ka pate nen pawh inpawh tak mai an ni nghe nghe. Chutiang anih chuan Duati chu a hmelthatna a chhawr tangkai hle dawn a nih chu ka ti rilru a. Kan lo ti ti malh malh lai chuan a rawn lut a, "Minlo rel a mi?" a rawn ti lut ringawt a, Kan nui a, "Rel love, Kan sawilo hrim hrim che" Mawimawii chuan a lo ti a, "A zin dawn ta a mi?" Mawimawii chuan a tih zawm zat a, "an thulh anih hmel..." a ti zuai raih a, " i lawm awm" Mawimawii chuan a tia, "I zak lo e.." a tia an nui hak hak a.. A zia leh awmdan ti ti vel chu hmuhnawm ka ti hle mai. A thiannu chu khawpui nula tih hriat tak mai, Hmelpawh chhe lemlo, Mahse nulian tak nilo thung a ni a, Heng mite 2 pianphung in anglo tak mai, in nel tak mai site chu ka en a, an ti ti barh barh a, kan nu chanchin ah an kai a, Kan nu hming an sawi takah chuan ka harh zawk a, Tun Minute 30 vel chhung khan kan nu reng reng ka lo hre tawhlo, Ka hma zawna thu, Jeans kekawr pawdal ha, Tight over ni siloa in duang zaih, T-Shirt var thianghlim zet mai ha zaih bawk, a sam kawi deuh lek lek chu a tukhumah hnawk deuh hleka tawn khawma, a beng parh nalh tak mai lang var sar maite chu hmuhnawm ti tak in ka lo en veng veng chu niin.. Kan nu boral hnuah ka rilruah lang miah lova a awm vawi 1-na a ni hial awm e. Kan nu nen kan intawn hnua hmeichhe dang uluk taka ka zirchian awmchhun a ni hial bawk awm e..


"Engtin nge in rawn kal a," ka ti a, an haw dan turah an duhdan a in mil chiah lova, Mawimawii a hmanhmawh a, hawn tlang nghal a ngai a, Duati Bazarah Chawhmeh leia kal a duh thung, Chung vel sawi chuan an inhnial nak nak a, Duatin "Kan kawi zawk ang a, a rei dawn hleinem." a ti a, "Mawimawiin, Reilo mahse ka tan a kual tawh dawn em a lawm, ka thlen meuh chuan a tlai dawrh tawh ang, Traffic a lo zam phei chuan" a ti ve bawk a. Chutia ka lo inrawlh takah chuan Mawimawii chuan "Scooty ka kenga, chu chuan kan rawn kal" a ti a, "In remtih chuan Duati chu ka va thlah mai dawn a mi?" ka ti a, "A ngailo, Bus in ka phei mai ang,.. " Duati chuan sen ap ap chung chuan a ti a, A inhmeh hle mai, a zak hmel pawh a la tha tel zel a nih hi maw.. "I peih chuan a remchang dawn hle mai, tak tak a lawm thiannu, ka sawi tawh kha, Chhungkaw chaweikhawm kan neih dawn vangin Hunserh nan hmanloh ka hlau a lawm, Ka hawng anga ka inbual a, ka kal leh meuh chuan ka tlai vek ang" Mawimawii chuan a ti a, "Nia, Ka thlah mai dawn che nia," ka ti a, engemaw sawiin a riat kual nak nak a, "Pu Taian a thlah theih dawn che chuan kal nghal mai ka duh a sin" Mawimawii chuan a ti a, "I va hmanhmawh ve mawle" a ti a.. Mawimawii chu a chhuak zui ta nghal a... Ava thlah a, Kei chu Inchungah Insiam turin ka chho zui ta nghal a.


Bazar kan panna kawngah chuan kan ngawi reng a, Traffic lah chu a zam duh nasa mai bawk a, Ka motor ka sil hmanloh avangin Ka Nu Car kan kenga, engkim mai chu a ni thlup a, a fai em em bawk. Tichuan, Dawrpui ah motor dahin Bazarpui lamah kan inzui thla ta a. Kei hi 5.10 a sang ka ni a, Duati hi 5.5/5.6 vel a ni hial ang, a sang nalh thlerh thlawrh hle, Ballet shoes var sar a bun bawka. Thenkhat chuan minlo en leh ha ha thina, A kawngkalte chu a kal thauh thauh a, a pheichhe a zang tha hle. Bazarpui chhunga kan luta, a bag ah atang chuan Bazar bag a tum tel chu a rawn phawrh chhuak a, "Tihian ka ti mai zel, Polythene a khai teuh a awl duh lutuka, a awlsam mai" a ti a, a nui var vara, nisa hnuaia kan kal vanga a hmai mawm hmek te chu a inhmeh viau zel thova. Ka hmuh kham theihloh chu a nui lai hmel mawlh hi a ni... Keima hriat tawk lek chuan "Melo, ka tana ruat a ni a ngem le?" ka ti sap a, "Min bia a mi?" a rawn ti vat a, "Aih, be love" ka lo ti a, "Enge kan en hmasak ang ,Thlai rah lam ka nau khan a ei chak deuh a" a ti zui nghal zat a.. Tichuan Bazar thlai thar rim leh tawih rim nam chuk hnuaiah chuan kan inzui hnak hnak a, A duh zawng chu a lei pah zel a, a bag ka lak saka keiin ka khai bawk a. Hmanah College kan kal laiin chawlh hmanga Mizoram kan haw tumin Melody ka bazarpui tawh a, khami tum khan kan nui nasa dun khawp mai.. Chawhmeh kan la hriat ngailoh alo tam mai a. A then chu kan ei ve fo si, siam/chhum anih hmaa kan la hmuh ngai miahloh te a awm teuh mai a. Nuam kan ti ta em ema, Bazar kal kan zawng chhang phah hle tawh a.

A duhtawk a lei hnuah "Thingpui tui deuh awmna ka hria asin, in ang hmiang?" a ti a, kan indin hnaih hle, "I thu thu a lawm, helai ah thingpui tui a awm ngai a mi?" ka lo ti a, "Min zui rawh" tih leh kal a ruala, ka zui zel a, a kal zung zunga, Chutah Bazar chhung tho kil deuh ah chuan Thingpui dawr pakhat lun zet mai lo awmah chuan kan inzui lut ve ta a. "enge kan ei ang" a ti a, "Ka hrelo an menu pawh ka hre si lova?" ka ti a, nui hak hak pah chuan " a awm ve tho, nangni milian chu hetiang hmun hi inla kallo tawp ang" a ti a, Nula pakhat kan hma chiah a dawhkan hrufai mek bulah chuan "Thiannu, Paratha kan thar leh Sachek kan lo ei ang" a ti ta reuh a.. "Sachek i ei duh a maw?" ka ti a, "duh lutuk, Mizo nih a ti manhla ka ti rap" a ti sam et a. Ka nui a, "i duhlo a mi? a dang pawh a tam a lawm" a ti leh vat a, "Duh e, ka duh lutuk" ka ti a, "athat chu, he dawr hi Miss Melody hoa kan bazar tumin kan kalna thin a nih hi" a ti a, a hmelchu a hlim hmelin a nui var var renga, ka hma zawn chiaha thu a ni bawk a, ka en reng a "Mak min tih hmel e" a rawn ti a,.. Nia mak ka ti che, Nang ang hmeichhia Hmeltha leh nalh lutuk, Restaurant changkang taka inti changkang deuha thu vang hmel i pu a, Mahse chutiang ai chuan Mizo nula takin i awm thei tlat hi a ni. Nangmah ah hian Chapona rilru a awmlo a nih hi.. ka rilru chuan ka ti a. Helai hmunah hian kan nu kha a lova kal ve thin a nih chuan ka hmun ngainat ber pawl a ni ngei ang... A thil order chu a rawn thleng a...

"Plate khat man bak hi pek a ngai lo aw" chunu chuan a rawn ti ringawta, "Aw.. ngati nge?" Duati chuan a ti a, "Ka u sawn hmeltha a ti lutuk che a, "Nang chauh" tih hla a Model kha i ni tiraw?" a rawn ti a, a nui hak hak a, "mmm... ka van lawm, mahse a thlawn ngawt chu" ati a, " engahmah ngai suh, i rawn kal ngun tawh a, kan la free lo hrim hrim che" tiin chu nu chu a kal ta daih a.. Ka han hawikual a, kan vel a thu ho chuan an lo melh ralh ralh hlawm vek hi a lo ni a. Chutianga miin an en duh lai pawh chuan han danglamna engmah a neilo te chu a ngaihsan awm reuh hle.. "Ei ang, a sat laia eiloh chu a tuilo, Rka chuan helai hi a kal ve duh miahlo, Sachek pawh a ei ve ngailo, a changkang lutuka, kan inzui thei meuhlo a ni" a ti a, a nui a... "Model ah i tang tawh a maw?" ka ti a, a sachek hawp lai chu a lem khalh a, "Nia, Ka thiante band in min sawm tlat pek a lawm le" a ti a.. "Milar bulah ka khawsa tih reng ka hre hleinem" ka ti a.. "i ti zahthlak, Milar ka nilo, Vawi 1 Mi Music video ah ka lang ve chauh a lawm" a ti a.. Ei tur chu a ei chhunzawm leh nghal a.. A tui ve tak tak hle, a sawi ang chuan Sachek kan ei te hi Mizo nih nawmna tak a ni reng a ni.

An In kan thleng chu an in luahna chu a nuam reuh hle, an in luahna te chuan Kawtzawl neiin Motor a dah theih tlap a, Kawtah chuan naupang an lo infiam sap sap a, Naupang ho chuan an lo ko nak nak bawk a, a bag a zena a sweet hawn chu a sem diat diat a, Pakhat te hi a hawi valh valh a, "Khawnge U Rka?" a ti ta reuha, a nui hak hak a, "A lo kal lo, i biang a piai leh ang a sual ropui si" a ti a, an hmuhnawm tlang hle. An In luah chhungah chuan kan luta, In nuam tak, zau halh mai a lo ni a, Room 3 anga sawi theih a ni, Luhphat ah chuan choka leh Thutkhawmna pindan nibawk a ni a, a sir ve ve ah chuan Room 2 kawngka a awm a, Choka lam eisiamna bulah chuan Chawei dawhkan a inhung ve bawk a, Chumi bul ah chuan Gas thuk awmin Bang kil lamah chuan Refrigerator lian ve pangngai hi a inhunga. Chumi piah ah chuan Thleng silna awmin a thlang ah chuan Inbual room emawni a awm bawk a..Engkim mai chu a felfai thlap a, hnawk hmuh tur avang hle.

Thut khawmna Pindan ve deuh ah chuan Tv lian ve panngai tak a awm a, Tin, Sofa Set hlui lam tawh deuh 3 hi a inhung kual thap bawk a, Tin, Bangkil lam depah chuan steel almera show case an hunga, Zirlaibu leh eng eng emaw a awm ve nial hlawm. Kan lut phat ah kan bazar thil lei chu min dah tira, Thutkhawmna pindan ah chuan lo thu turin min ti a, Pindan pakhat zawkah chuan a lut zui ta nghal a..An in awmna chu a nuam vei phian, an kawmthlang lamah leimin hlauhawm a awm lemlo bawk a, Tin, Aizawl khawpui a lang tlem ve uar bawk a... Veranda thlang lamah chuan Pangpar a inhung tlar ve dal mai bawk a.. Nula che fel tak a nih ngei bakah, "Ka nau" a tih chu Tlangval fel tak a nih ngei ka ring, an thukhawmna Bangah chuan Medal a inkhai thapa, tu dawn nge ka hre chuanglo, Chungte chuan an unau zia tur awm chu a hril thui ve viauin ka hria...Rei vaklo ah chuan Pindan atang chuan a rawn chhuak a, Paijama tight lutuk silo, Mahse taksa rem deuh thlap hi a rawn ha a, T-Shirt engdal deuh a ha bawka, sandal a bun thlap bawk a, "Kan In luah hi a nuam i ti em?" a ti a, "Nuam e, a hmun hma hi a nawm khawp hi" ka ti a, "Thingpui i indawn nge, theitui i duh zawk"? a ti a, "Ngawihteh ka puar tawh riau zanriah pawh ka ei peihlo maithei a ni" ka ti a, "Ka naute hi Inkhel an rawn enkual leh a ni ngei ang" a ti a, " leng reng rawh aw, Bungrua khi kan dahfel ang e aw" a ti a.

A khawih tan chauh tihah chuan kawngka chu a ri rak a, Tlangval 2 Kum 19/20 awm vel tur 2 hi an rawn lut a, "Min thlen khalh a ni maw? Inkhel kan en kawi a" Pakhat zawk anau tih hriat tak a pian anga sang zerzawr tak chuan a rawn ti a, pakhat zawk chu an unau zing ami anilo tih a hriat reng mai, tawi bial hmemhmawm hang lam lek lek a ni thung, "Ka rin dan tawk vel a ni" a ti a, a tawi zawk chuan bag chu an hawng a, "Yes uisa, ka inthlak anga ka rawn siam ang" a tia, an 2 chuan room pakhat zawk chhungah chuan an lut ta nghal a. Rei vaklo ah chuan an rawn chhuak a, "Thil ka theihnghilh daih, Purun, Masala etc vel zuk lei teh u" a tia, an ner nang nanga, "Khawi, pawisa" a mah ang zawk chuan a ti a, "Khawnge in pawisa kawl?" a tia, "Kan la dah tha" a ti a, "Phakar thei e" tiin a room ah a lut a, reilo te ah a naute 2 chu an chhuak zui ta nghal a.

"I naute ve ve maw?" ka ti a, "aw ni e, tinge?" a ti a, "an in anglo ve em a" nui chung chuan ka ti a, "Nia, Dinga kha ka pa thianpa fapa a nia, Bawiha nen khan an inrual chiah, Nausen a nih laiin a nu leh pa hi motor accident in an thi a, kan awmpui ta anih hi" a ti a, "Eh.. Engtia accident nge an nih a, ava zialo ve" ka ti a, "Avannei khawp mawle, engmah hliam a neilo, an motorin an tlan liam a, a sawi dan chuan an lum thui viau awm e, Mahse Dinga kha alo him pial mai ani awm e, Tichuan, ka nu leh pa te hian an pawm tlei ta ani.. Keipawh ka la nupang lutuk ka hre ve manglo" a ti a.. Ka ngawi vang vanga, Ka chhiat tawhah tuar nasa ka intia, Pathian chungah ka vui em em a, chu tlangval chu anu leh pa an boral a, Pathian lakah a vui ve hmello hle thung. Ka ngawi tak vang vang hnuah chuan "Enge i ngawi renga?" a ti a, "Eng ni love, a tlai mai dawna ka haw phei mai dawn emaw ni?" ka ti a.. "ala hma a lawm, awm ve rih rawh, Chaw ei ve nghal la, Uisa te i ei ve duh lawm ni?" a ti a, "Ei ve thin e, Mahse ka eilo zawk ang, ka fapa in min ngai ang" ka ti a.. a nui hak hak a.. I fapa kha a duhawm khawp mai" a tive maia..


Rawng an bawl sang sanga, mipa 2 chu an infiama, an nui dun leh hak hak thin a... Kan 2 chuan an thutkhawmna ah chuan kan thu dun ran a, "kan in hi luahsawn kan duh a, Kar leh ah khian Ramhlun ah ka ni te inhnuaiah kan insawn phei ang" a ti a, "Tinge luah phei kher in tum a?" ka ti a, "Luah man a tlawm bakah a zau zawk bawk a, Mahse helai hmun hi chu a nuam zawk" a tia, engemaw a khawih niap niap a.. "Hei in tawk chauha, a location hi a fuh bawk sia, nuam ka lo ti viau asin" ka ti ve zel a, "Nia, Mahse ka nu leh pa an rawn zin hian kan chep deuh thina, a buaithlak ve mai mai mawle" a ti leh mai a, Chutiang chuan eng eng emaw sawiin kan ti ti leh reng a, Ka phone a rawn ri a, ka nu call ka dawng a... Ka fapain min lam thu a rawn sawi teh mauh a...Tichuan keipawh ka haw ve ta nghal a.. Ka sana ka en a, Dar 4 a lo pel fe tawh a..

In ka thlen chuan ka fapa chuan lawm hmel deuh chuan minlo nuih var var a, a thil ken chu minlo hmuha, a bulah thuin ka enpui vel a, Ka nu leh pa chuan chik deuhin minlo en renga,. Nia, kei pawh chuan mak ka inti ve tho, Kan nu boral atang khan Tlai tin zu rui haw ziah ka ni thin a, a vawi 1 nan rui miah lovin ka haw tlat a ni.. Kha nula bulah khan ka awm vang chu ni pakhat mahse, zu lam reng reng ka lo hre chang tawhlo hrim hrim.. Tuna in ka thlena ka nu in chik deuha minlo en ka hmuh khan ka inhrechhuak ve chauh a ni. "Tea, room ah inthlak ang aw" tiin ka pawma, engmah sawilo chuan kan chho ta daih a, Ka chhang chiah hmeichhia a room atanga rawn chhuak nen kan intawk a, "ka duat chu, apa a ti zing bawka a lo haw ta nge nge maw?" a ti a, a rawn chuk zauh a,.. Mak ti hmel deuh chuan min en a, ka kiai suk a... " Ava mak, zu rim a nam miahlo" a tih ri chu ka hre hman hram a.


Nia, Zu ka in tirh phat atangin Zantin khel lovin ka in a, Ka rui satliah ngai lova, Engtin nge in ka thlen theih tih tur khawpin ka rui haw thin. Achang leh ka motor ah ka lo muthlu tlang a.. Ka hriat lohin tunge puan minlo sin tir thin a.. ka harh chhuah hun hunah inchhungah ka lut mai thin.. A chang leh Sitting room ah ka chatthla a, Chawlh ka hman ve chang pawn ka chhungte nen harhfimin kan in hmu ngailo... Chungte anih avang chuan vawiin tlai ka haw har bawk nen ka rui leh hle turah an ngai a ni ngei a niang..Mahse an beisei lo deuhin ka harhfim kar mai si a.. Mak tiawm pawh an ni ve reng a ni. Ka ruih in ka rui em em a ni mai a, ka chhungte tan harsatna ka siam duh ngailo, ka thinrim ngai lova ka ngawi renga, ka awm tawp thin.. Ka harhfim hnuah ka pa hian min zilh ru ve fo thin, "I hna tha taka i thawh theihloh dawn ai chuan bang mai la, i nu sumdawnna pui mai rawh.." ti ten min hrilh thin. Mahse kei erawh chuan mi behchhana awm ka duhlo bur thung. A chang chuan ka luchungah kut nghatin tap chungin min tawngtai fo thin bawk. An fapa rangkachak, Mi entawn ni thin kha ka inthlak hlawk si a, Ka nupui boral ka sun zia min hriatthiampui ve tho bawksi, an mangang ru ve thei hle a ni.

Mak em em mai chu Duati ka tawn atang hian ka nun a inthlak tlat mai chu a ni, Tlaitin zu in thin kha vawiin lamah pawh zu lam reng reng ka lo hre chang tawh lova, Zu in chu sawiloh. Tin, Ka fapa nidanga min ngaihsak miahlo in min ngaihsak phah em em bawk a, Ka tan nunthar a ni ber mai. Mahse, Mipa dang a nei tlat si, ka inthlak laite chuan a hmel nung sarh mai leh a chevel zangkhai vah maite chuan ka rilru a hnehin ka mitthlaah a cham reng a. Vawiin Bazar lama kan thil tawnte kha mak ka tiin hmeichhe ropui tak chu a ni ve hrim hrim. Aizawl Palar fapa in a hel khawpa thingtlang nula hi sawitur an tamlo khawp ang, chutiang ni chung si chuan ka bulah a thianpa hming emaw a sawi miah lova, a ngaihsak hmel em em lo tlat mai bawk si. Hmeichhe tam zawkin an inchuh ni hial khawpa mawi Mihausa fapa chu engtehual ah a ngailo ni berin ka hria. Tin, Kei an Zirtirtunu Pasal thihsan mai mai pawh min care in min ngaina der em em te, ka ngaihsak zawng ani tih hresa ang maia kan nu chanchin a zep leh zeuh thinte chu a puitlingin a hmel en ang ngawta palzama tih mai mai chu chu a nih ka ring chiah lo. Ka inthlak zova, Ka fapa pawm chung bawk chuan Inhnuai lamah kan chhuak thla a, Ka pa chu Chhunginkhawm neih tumin a lo ding chiah a, Bible alo keu mek a, Kan pafa a min han hmu chu an ngawi thapa, Kan thut felah hlim hmel deuhin Hunserh chu a hmang chhunzawm zui ta nghal a.

"Mambawih, Vawiin lo leng nula te kha khawi lam mi nge?" Ka nu chuan kan chaw ei malh malh lai chuan a rawn ti chhuak hlawl mai a. Kan nu boral hnua ka chhungte Zanriah kilna a ka telve lehna hmasa ber a ni hial awm e. "Ka hnathawna lam nula a ni awm e" ka ti mai a, "Tea nu nen an in ang ka lo ti khawp a?" Ka nu chuan a ti leh hram a, "Nia, In ang lek lek, a zirtir hlui a ni awm bawk e, Apollo Nursing School a thawh lai khan" ka ti a, Kan inhmelhriat dante ka hrilh ta vek a. "Nula fel tak hi tunlai khawvelah hi chuan an vang tawh khawp a nia. Mi an sum leh pai it vang ten an ngaizawng ve mai mai zel tawh a ni. Kan CM hlui monu pawh khi chutiang chu ani ber mai, a pasal pa pawh khi a ko tha duh manglo nia, An fapa lah khian a tan hlur mai lehnghal a. Fimkhur hi a ngai khawp mai" ka pa chuan a lo ti ve bawk a. Ka ngawi reng a, "Chutiang ang hmelpu chu niin ka hrelo, a fel hmelin a inchei dan lah a simple reuh bawk si, Ramu pawn 'Tea nu a ang" a tih ve nasat kha" ka nu chuan a lo ti vat a.. Eng eng emaw an sawi a, ka ei theih vaklo avangin ka kham san ta a.

Ka room ah ka fapa nen awmin Ka pa thusawi chu ka ngaihtuah neuh neuh a, Nia, Hmeichhe nasa tak tak hi an tam khawp a, Pasal an neih hian an pasal te chauh va nei ta ang mai hi an awm ve bawk thin, Chung ang mi chu Duati hi a nih erawh ka ringlo viau lawi thung. Engtin emaw tak ka awm a, ka nupui, Duati ka mitthla ah a rawn inlan chhawk a... Ka fapa chu a piin a rawn lam a, Chutih lai chuan Ka phone chu a rawn ri a, Duati number a lo ni a... "Hello.. Enge nita?" aw zangkhai deuh chuan ka ti a, "Zanriah in ei tawh em?" a rawn ti a, "Kan kham chiah a ni e, nangni?" ka ti a, "Aw.. kan kham chiah e, Enge i tih dawn a?" a rawn ti a, "Ka hrelo, Engtih tur pawh ka neih ka hrelo" ka ti a, "Mawimawii Nu kha vawiin tlai khan a chesual a, Damdawiin ah an kalpui a, Ka kal dawna, i peih chuan lo kal ve la ka ti a...Mahse i peihloh chuan a ngai chuanglo" inthlahrun hmel deuh chuan a rawn ti a, "anih chu a na viau em?" ka ti a, "Na ve deuh a niang, a biak theihloh an ti?" a rawn ti a.."Aw nih chu, Tunen nge in kal dawna?" ka ti a.. "Aw keimah bak tunge ni chuang ang?" nui hak hak chuan a rawn ti a. " Nizan lam a mi kha?" ka ti ve a, "Hah.... Hrilh pawh ka hrilh lemlo, a telve chuan a buaithlak thin.. Chu lova tih tur dang an neiin ka hria" a ti a.. "Anih chuan ka rawn sawm dawn che a mi?" ka ti a... "aaaaa.. i tan a kual mai mai a lawm..." a ti a.. a inthlahrun ve hmel hle.. "Khai a, Mahni a rawn kal tawp ka duh bik nang, ka rawn sawm dawn che nia" ka ti a.. " I peih chuan le" a tive ta a..


Ka chhuah tur thu ka hrilha, mak an tih hmel hle, hrelo awm deuhin ka awm a, Ka chhuak zui ta a. An in ka zuk thlen chuan a lo inpeih at tawh a, Hmeichhe simple tak a ni ka tih tawh kha simple tak felfai thlap si chuan a lo inthuama, "I va rawn thleng hma ve, Kan kal nghal mai dawn a mi?" a ti a...Tichuan, kan chhuak zui ta nghala. Kalkawngah chuan Mawimawii nunchetsual dante chu min hrilh siam siam a, A vawkchaw pe tur, an inhnuai stepa a kal chu a tlu palh a, a lum ve deuh a ni awm a, a lu a sawhnat ve hmel hle bawk.. "Enge RKa te chuan an tih dawn a?" ka ti a, "Ropuia nupui neihna ah buai an ngai a niang?" a ti mai a, "Ropuia, Dr.Chhandama fapa kha maw?" ka ti a, "aw ni e, i hria elaw?" a ti vata, "Hria e, a nupui tur hi kan batch a nia, Phullen BDO kha ani lawm ni?" ka tia, "Aw an tiin ka hria, nitak ang, MCS anih tak kha.." a ti a.. "Sangzuali chu a vannei dawn khawp mai, a lehkhathiam man a ni e" ka ti a, a nui hak hak a, "Ropuia pawh a vannei tho a lawm , Motor nalh deuh deuh neih bak hna a nei chuang lova" nui chung chuan a tia.. Kan nui dun hawk hawk a.. Nia Rosangzuali hi nula hmeltha han tih tur a ni miahlo, Mizo nu ve tak a ni a, Lehkha a thiam thei a, keini aia naupang mah nise Civil Service ah in batch kan ni thung. A sawi ang khan Dr.Chhandama fapa pawh hi ka hriat dan chuan Engmah thawk lemlo, Mumbai vela Eng college ah emawni rawn graduate ve mai mai, Motor nalh tak tak nei thei deuh mai a ni a. Tin, Aizawl tlangval inti hawiharh ve pawl tak a ni awm e. Nula tam zawkin an ngaihven mahse thawhchhuah nei chuanglo a nih avanga thawhchhuah nei Hmeichhe chawm a awm pawh hrehlo tur ang zia nei a ni tlat thung a ni.

Hospital kan thleng a, Casualty atangin ward ah an lo dah tawh a, Cabin an chang hlauh lehnghal. Mi anlo awm nual a, a ngaite bawk Duati chu an lo en duh leh hle hlawm, Mawimawiin min hmuh chuan minlo welcome vat a, "I rawn tel ve thei a law? i va fel ve" a ti a."Nia, ka lo hre ve pek lova, hei i thiannu hian min rawn hrilh ve a, ka rawn kal ve thei hram chauh a ni" ka ti a.. "Hawh u, sawlai ah sawn thu ang u" a tia, a piah deuha thutna awm ah chuan kan thu ve ta a.. An ti ti nghal barh barh a, a awmdante a sawia, a ngaihthat thlak em em loh nangin serious lutuk ang chu a ni chuanglo. Kei chu ngawi rengin ka lo thu a, an ti ti chu ka lo ngathla liam ve mai mai, Phone call ka dawn avangin kan thutna piah deuh ah chuan ka kal sawn a, Kan Bialtu MLA a ni a, a programme neih dante a rawn sawi nual bakah thingtlang khaw thenkhat a hnathawh mek chungchangte kan sawi dun a, Aizawl a ka awm thu leh naktuka office a inkawm turin kan inthlah a..

"Nang hi i ngaihven lutuk aw.. Pathlawi a nih hi" Mawimawii chuan a tih ri ka hria a.. "chutiang lam pawh a nilo, a felin a bula awm a nuam a lawm, a cool ruih mai a" Duati chuan a ti a, "Nancy te ho chuan hriase an thik ngawt ang che" Mawimawii chuan a ti a, an piah lawka Corridor kila ka awm avangin min hmu mai lova, an ti ti chu ka ngaihthlak duh avangin ka pawh mai lova.. "Nia, A tlangval lai aiin khan a chhelo zawk, Mahse zu a heh an ti zel a,.. Mahse a rui awm hmel ka la hmulo hrim hrim" Duati chuan a ti a, "Thiannu a en danah che hian a duh ve che in ka hre tlat....Enge i ngaihdan?" a ti a.. "Ka hrelo, Nizan te kha ka muhil theilo vel, Nileng in ka rilruah a awma, Tlaiaa haw hnu te khan ka nguai bur thei, Mipa hetiang ang em em hian ka ngaihven ngai miahlo..Ka naute pawn min fiam min fiam mai.." a ti a.. Ka khi suk a.. "Tha chu ka la ti reng, Mahse miin an dem ang che tih ka hlau ber" Mawimawii chuan a ti leh a, "Nia, chu chu ka ngaihtuah ve tho, Rka lah hian min rawn be renga, ka ning, Monday Inneihna a kaltur khan min rawn ti reng bawk si" a ti a, "ka sawi kha, hepa hi ka mi rin zawng a nilo, Be tha suh ka tih ka tih kha".... "awi thiannu ka be tha pawh a nilo, a hmaichhan ah pawh ka hrilh ngun lutuk, In hausa si, Kei Zirtirtu fa ve mai mai, Miin Pawisa a duh vang min ti ang, lo leng tawh suh" te pawh ka ti thin a.. Mahse a beidawng duh chuanglo.. " a ti a.. "Hmmm... Ka ngei a nia, Krismas chawlh laite khan Etheli nen an leng dun nasa an tih kha... an inthlah chuang lovang" a ti a, "A duh duh kawp mahse a pawi hleinem.. Ka hlauh ber chu U Taia hian min ngaizawng emaw a tih ka hlau ber.. A ni lahin engmah chutiang lam chuan min en si lova..." a ti a...."Nangman i ngaihzawng hmasa reng sia" Mawimawii chuan a ti an, an nui dun ker ker a.. Mipakhat hian Mawimawii chu a rawn ko a, A kal hnu chuan engmah hrelo ang chuan ka chhuak ve ta nghal a..

"Tunge?,,,... I van be rei em em?" nui chung chuan a lo ti a, "Bialtu MLA ania, eng eng emaw min titi pui lawk a nih kha, Monday chhoh ngei ngei ka ngai hmel... Sunday ah pawh ka chho thut maithei" ka ti a.. "Anih chu mawle" a ti zuai raih a.. "Khawnge Mawimawii" hrelo ang tak chuan ka ti a, "An rawn ko lawk a nih kha" a ti ve mai a.. a phone chu a sik niap niap a.. "Enge adinhmun diktak hi ni ang?" ka ti a, "Ka thiani sawi dan chuan, A harhchhuak leh a nih pawn a che thei mang lovang a ti, a thluakah thisen a tlin bakah, A spinal Cord a sawh deuh a nih hmel" a ti a.. Pawi ka tih thute ka sawi ve luam a.. An thusawi ka hriat ruk vang nge ka hrelo, a awm dan chu danglam riauin ka hre tlat pek a, Mahse keimah zawk pawh chu ka lai deuh riau bawk nia... Inbe lo chuan ka thu dun renga, Mawimawii chu a rawn let leh ta bawka.. A nu chanchin chu an sawi dun a, an ri bawrh bawrh a... Ka thinlung zawng zawng hi a nei ta vek anih ka ring hial, an ti ti kar laka min rawn en a, a nui seih thinte chuan min fan chhuak vek zel ni maiin ka hre thin.

Engtin tin emawni Zan Dar 12 vel thleng chu kan meng ve ta mai a, kan damlo kan ber chu a mut theih tak avang in keini pawh chuan haw zai kan rel ve ta a, "Ka phone ka silent daih a, Miss call a tam khawp mai, Ka nu leh pa in min rawn call bawk a nih hi" a ti a, a nui var var a, "Tinge i silent kher, an ngaihtuah tawh che a niang chu?" ka ti a, "Ka hrilh sa vek a lawm, Engemaw thil ah min biak an tum a niang, ka ning ve thin a" a ti a, "Eng chu maw i nin?" ka ti deuh khera, "Nizan a mi kha... a miss call 10 chuang a awm, amah deuh vek a ni lehnghal..." nui chung chuan a ti a.. "Itana mipa tha tak a nih ngei ang chu mawle..." ka ti a, a kiai sek a.. "ka duh zawng pawh a nilo" a ti a..Ka lo phur kher mai, mahse ka ti lang chuanglo, ka marphu chu a rang sawtin ka hria. "Wow, Khatiang tlangval fel engtin nge i duhloh theih zawk le?" ka ti a, a nui hak hak a "Kan in type lo, An hausa e mai" a ti a, "Tunlaiah te chuan hausa an tha a lawm" ka ti ve leh mai a, "Nia, Mahse engmah thawh a nei hleinem, Hausa deuh Chhungte thawhchhuah sa ringa nung tawp hi chu, an chhungte bulah inthlahrun a na duh dawn e mai" a ti a.. a tak ngal bawk a...

"Anih chuan, Mipa thawhchhuah neilo chu eng ang pawh nise i ngaisang chiahlo a ni maw?" ka ti a, min rawn en a, nui chung chuan "nia, Mahse an mahni zirte pawh a ni ve tho, hna zawng hmu theilo te pawh an awm ve thova.. Mahse hna hmuhloh hi an thawh tur an duhsan mai mai vang niin ka hria" a ti a.. A rilru ava tha reuh tak, he nula hi ka bel chiang tawlh tawlha ka ngaina zual deuh deuh a ni ber mai dawn inna.. "Pathlawi nita se" ka ti a.. An kawt kan thleng chiah a.. motor ka tih din rual chiaha chu thu chu sawi ka ni a... Min en vat a, ka lo en ve bawk a, sen ap ap chung chuan "Ka hrelo...i lo lut dawn em?" a ti ta daih a.. "A tlai tawh em a" ka ti a..Sana a bih a, "Nia.. Mahse i haw tlang daih te chuan..." a ti a.. "ka haw tlang lohin.. engtin nge ni chuang ang?" ka ti leh ngata.. a sen deuh ap ap chuan ka hria.. "a.. i thu thu le.." a ti ta a.. Zui luh chu ka chak lutuk, Mahse, Ka bawh huam huam palh ang tih ka hlau, ka inchhuih palh vaih chuan a tha dawn silo...Kan In mangtha a, Keipawh ka tlan haw zui ta nghal a..


Mutna ah ka ngaihtuaha, ka mitthla a kha nula mitmeng mawi tak leh duhawm tak mai, Rilru tha em em mai bawk si chuan min hneh tak zet a, Mak tih khawpin nidanga ka nunphung zawng zawng min thlak tir hlawk a ni ber mai si... Ka zu nghei thut vang ani che aniang ka muhil mai thei lova, ka thlan a tla buah buah bawka, Ka thova, Toilet ah te ka va thu leh ringawt thin.. "Tui takin a mu ang nge? kei min ngaihtuah ve an" ka hre chak takzet a ni,... Khumah ka thu a, Sana ka en a Zing dar 2 a pelh tawh ah pawh ka la muhil theilo...Bangà kan inneih thlalak tar chu ka en a "Duhlai, He nula hi engtia tawng ngawt nge ka nih le... I dinhmun luah tur atana i duh ber tihna em ni?? Ka thinlung engkim i hre vek ang,.. Min dem a nih pawn kei i pasal hi ka nikhualo em a ni.. ka hrethiam lutuk che a nia" ka ti a, ka phun sep sep a.. Khumah tlu zalin, Kan intawn atanga Kan hun hman dun zawng zawngte chu ka ngaihtuah let neuh neuha... Kum lamah pawh kan inthlau ve viau ang a?.... Ka mutchhuakin min zem chiai chiaia....

Link:
BBcode:
HTML:
Hide post links
Show post links

Tochhong Ruata
Posts: 53
Joined: October 2nd, 2016, 1:46 pm

Unread post by Tochhong Ruata » February 1st, 2019, 12:16 am

DUATI (Part-III)

Atukah Sawilawk tawh angin Kan MLA nen Meeting kan nei a, hna kan chhawp nual a, Nileng vanvuaiin kan meetinga, Thawhtan ah CM in Bial a rawn fan dawn avangin MLA nen kan bial chhung a thil pawimawh thenkhat kan sawi duna.. Kan haw a, Zanah pawh ka buai chhunzawma.. Atuk zingah Ka hnathawhna lamah Chawlhni pawh sawi thei lovin ka chuak nghal nal nal a.. Heng kan thil tiha, ka buai lai zawng zawng hian ka mitthla ah Duati bak a cham lo.. Ka zin kawngah te pawh a cham renga, Engemaw ti takin ka awma, ka ngai veng veng ni maiin ka hre thin. A nui hak hak ri niawm tak te ka bengah a rawn ri leh thin a.. ka quarter ka thlenga, ka awmpuipa chuan ka Inbualna tur minlo siam sak vek a, Ka inbualfai hnuah VC ho an lo lenga, rulling hruaitute nen CM lo dawnsawn dan turte sawi hovin ro kan rel tlanga.. Kum lamah naupang mai ni mah i la, Ka thu leh hla chu an ngaihchan ve ber a ni lawi si...Chutiang chuan kan buai nileng leh thak a.. Zan 8 pelh ah ka hahchawl ve thei hram a.. Zanriah ka ei khamah ka room ah ka inkhunga...Ka phone chu ka hmet niap niap a.. Duati number hmet chhuakin ka call zui ta nghal a.. A ring zo thak a.. ka ti nawn leh a, a ring ral leh thaka, ka dah ta ringawt a... Rka aleng ani ang e... tiin ka tlukzal san ta a.


Rei pawh ka mut hma chuan ka phone a rawn ri a, Vawiin nilengin ka phone chu pawl hrang hrang atangin an rawn call avangin ka ning hle, Tuna call rawn kal pawh chu chung ho chu an nih ringin ka la duhlo mai lova.. a tawp hnuah a rawn rik leh tak avangin ka en ngat a, Duati call a lo ni hlauh mai le.. "Hello..".. "Hello, I va la theilo ve.. Ka Inkhawm a, kan bang chiah e" a rawn ti a. "Oh.. Inkhawm zan a ni tak maw? Kan buai nileng lutuka, Engmah pawh ka lo hre chang hleinem" ka ti a, a nui hak hak a.."I reh ta daih sia.. I rawn leng dawnlo a mi?" a rawn ti a.. "Nia, Hei Vawiin khan ka haw chho ta thut a" ka ti a, "Eee.. I haw maw?... Ka van haw ve chak ve" a ti a, "Lo haw ve la a ni mai a lawm, Motor ka rawn tir dawn a mi?" ka ti a.. a nui hak hak a, "Ka chhungten an phal pawh ka ringlo" a ti a.. "Nia, Naktuk Inneihna ah kal i ngai awm si" ka ti a.. "Engtin nge kal ka ngai dawn tih i hriat?" a rawn ti a... Ka harh zawk a, an ti ti ka ngaihthlak ruk atanga hria ka ni tih ka hre chhuak a. "Aw.. I Thianpa thiante an ni si a, I kal ve ka ring" ka ti a.. a nui hak hak a, "Nia, mi chu a sawm ngei maia, Ka hman ka ringlo... Vawiin ah pawh a rawn kal a, ka la hnial char char, ka kawr hak turte a rawn order vel mawle" a ti a.. a hlim hmel phian a aw atang ringawt chuan "Wow...I va chang sang ve..Hlim deuhin in va hmang dawn nia, Kei chu CM in bial a rawn fang dawna, Naktuk chu kan buai nileng khawp ang.. Vawiin ah a motor pawh a rawn thleng vek tawh" ka ti a.. A nui hak hak a.. "I buai dawn tak chu, In zinkual dawn a mi?" a ti a.. "Nideuh ber mai, Naktukah Hmarlam kan fang anga, Chuan Khawchhak lamah a chho leh nghal ang... Chu chu a ni mai" ka ti a.. "Anih chu. rawn haw pawh ni ila, i rawn leng hman dawn chuan loh chu" a ti then a.. ka nui hak a.. "Enge a dik a lawm... I buai awm si" a ti a.. Chutihlai chuan "Lo thu rawh u" a tih ri chu ka hria a.. "An rawn thleng a ni maw? Kan duhtawk mai dawn a mi?" ka ti a, "Lawks.. lo thu rawh u, hei ka thianten min rawn be lawk a" a ti a.. "Ngailo.. Room ah ka lut daih a lawm" a rawn ti a.. insum deuh si hian a nui a..."Akhai, Inleng i neih chuan nakinah kan inbe leh zawk mai dawn nia" ka ti a.. "Hmmm... Min be peihlo anih chu a" a ti a.. A titau hmel tur chu ka mitthla a.. ka nui a.. "Be chak e.. Mahse an ngaihdan ani lovang" ka ti a.. Kan inbiakna chu kan titawp zui ta nghal a... He Nula hian ka hlimna tawk leka min tih ava thiam tak em...Min duh ve tak tak angem?... Ka hrechiang chak takzet a ni.. RKa chu tunah hian a bulah a thu awm bik si.. ka ti rilrua ka thik kher mai....

Atuk nilengin CM lo thlen hma atangin ka buai char char a, CM a lo thlenga Khawchhung mi pwimawh te nen an inkawma, kei he khaw enkawltu ka lo ni ve bawk nen an kiangah ka awm ve zel a, Zawhna min zawh reng reng chu engmah bahlah leh a ziak en lo chuan ka chhang zel thei a... kan CM nilai leh ka pate party a in anglo, Ka pa pawh a hre lutuk, Chuvangin kei chu ka chetsualna lai awm tur a zawng dawn tih ka hre reng mahse ka hna chanpual ka hnehsawh zia a hmuh chuan min ngainat hmel viau in ka hria. "BDO a bial chhung hre bel em em mai in nei a, amah ah hian rinna nghat ula, apa pawh in hria ang chu, Kan Minister neih tawhte zingah pawh sawi kailo ber a ni hial ang chu, Chuvangin kawng engkimah lo thawhpui thiam teh u khai" a tih phah hial a ni. Chumi hnuah Motorin Khaw hrang hrang kan fang kual a, Ala naupangin a zuan a zang bawka, a taima tauh tauh hle. Sawrkar chaktak siam tuma bei a ni bawka, "Mizoram khua zawng zawng kea kal ngai thlengin ka fang chhuak ang a, Engtiang taka harsa nge an nih a, Englai nge siam that an ngaihna lai, engkim a ka mit ngeia hmuh ka duh a ni. Kan sawrkar kum kum 5 chhung hian chu chu tih hlawhtlin ka tum a ni" tiin ka bulah a sawia, afakawmin, hetiang CM kan nei hi a lawmawm hle...

Bial kan fang zova, In ka thlena, ka inbual fai zawh hnuah Zanriah ka ei mek laiin ka phone a rawn ri leh a, Tun Sunday atang khan VC, Rulling Party Leader etc atangin call ka dawng nasa hle, Ka Duati emaw ka nu leh pa emaw midang pawh ka be hman meuhlo, Duati nen chuan nizan lamah kan inbiak tawh bak chu chhunlamah midang biak bak amah biakna hun ka nei meuhlo bawk a, Ka Phone chu Tv room ah ka charge daih avangin ka nau bulah chuan "Tunge min biak tum va en la? VC etc emaw number lawng emaw anih chuan ri ral vel mai mai rawh se" ka ti. Ava en vat a "Ka pu Duati tih a ni" a rawn ti a.. "rawn la vat rawh, kha kha chu a pawimawh" ka ti a.. nui var var chung chuan "A pawimawh hmel tak hle mai, i chaw ei lai pawh i tho uk thei hial a lawm" a ti a, kan nui dun hak hak a. Ka Awmpui pa hi Kan staff zing ami pawh nilo, Ka hma chiaha lo awmtawh in an chhungte hmun dang a mi a chhawr a ni a, a fel thu leh inchhung enkawl ah hmeichhe tamtak aiin a chimlim mah zawk an tih vanga chhawm zui ka ni a. A felin a mawng a zang em em a, Tlema tawng nem deuh, Mahse tuai nichuang miahlo, Sek deuh tul si, Palian ve tak a ni a... In leh a vel a vawngfaiin a che thianghlim nek bawk a, a awmpui tlak hle.. Engkim sum ka peka a bazar reng rengin a sum hman dan ziak fel thlapin min hmuh leh ngei ngei thin, Duli pawh chuang se min kir leh thlap thin. Nel pawh kan innelin, Kan nu nen kan inneih hlima helama kan awm dun lai pawh khan kan nu nen Pangpar huan te siamin an tifai hluau mai a.. Ani pawh hian nupui neih emaw Hmeichhe ngaihsak deuh tur hian min fuih ve fo, Kei aia naupang niin min zah thiamin, engkim ka tirh ngai lovin a ti fel zung zung bawk thin.

"Awle... I va reh ve?" ka ti nghal tawng a, a nui hak hak a.. "Nang a lawm, i buai a niang ka tia, ka rawn be buai duhlo che a lawm, i last seen pawh nizan dar 10 ami daih tawh kha a ni lehnghal" nui chung chuan a rawn ti a.. "Eh.. nia, Ka buai ve em a ni.. Inneihna chu in hmang nuam bawk em?" ka ti a,.. "Hmang nuam aniang engmah a la rawn sawilo, a thinrim nge pawh ka hrelo" a ti a, "awww i kal ve nange?" ka ti a, "Kal thei pawh ka nilo" a ti mai a, "Enge i theih lohna?" ka ti a, Mawimawii nu a boral ta nge niang aw? ka ti rilru hman a. "Ka rawn hawn chho ta daih a" a ti a, a nui hak hak a... "Engmaw?" ka ti a.. ka chaw ei chu ka tho nghal a... "Awww.. ka rawn haw.. Nizan kan inbiak hnu khan, ka lung a leng lutuka, Sumo counter ka phone a, kan nau Sumo ah seat 1 alo awl hlauha, ka rawn haw ta thut mai" a ti a.. ka awih lo kher mai, Mahse a thutak hmel bawk si...

"I tifiam" kan ti ringawt a.. "Fiamthu ka thawh ve ngai vaklo a nia" nui hak hak chung chuan a ti a, "Hei kan inchung atangin ka rawn bia che, i Quarter pawh ka hmu phak vek a lawm" a ti a, Ka awih si, ka awih chiah silo, nia fiamthu a hrethiam vaklo maithei, a serious hmel thei tlat... Sana ka en vat a, Dar 8 a la ri lo deuh a, "Ka rawn kal anga, dawt i sawi leh sawiloh kan fiah ang" ka ti a..."Awle,.. Saw ka thiannu a rawn leng dawn a niang, nih phawt, rawn kal tlai lo la" a ti a.. Kan inbiakna chu kan titawp zui ta nghal a. "Sawma, ka leng chhuak lawk dawn a nia aw?" ka ti a, Room ah ka luh san nghal a, Ka insiam reilo kher mai, Hetiang em em a ka phur hi ka la hre ngailo. Ka va chhuah leh chuan kan ei thleng vel seng mek Sawma chuan "Eh.... Enge i hriata i va hmanhmawh em em ve mawle" ding meuha minlo en pah chuan a ti a, Ka nui a, "Ka leng lawk dawn mawle" ka ti leh mai a, "Zan dangah pawh leng ngai mang silo" a ti a, a hmelah chuan min nuihzat ru deuh tih ka hre thei. Ani ve tak bawka, Tun ka zin haw chu ka zia a dang daih, Zan tin zu in khawtlai a, zan dar 10 dawna zanriah ei ziah thin kha, kan 2 in kan eirual ve tak ziah bakah, Kan nu boral hnuah zan 1 mah ka len chhuah a hre ngailo, zanina ka leng chhuak tur mak a ti pawh chu awm ve tak a ni reng a ni.

An in awmna ka hre miahlo, an veng ka hre heklo, Khawilai ah nge an awm engmah ka hrelo, ka phur lutuk ka teichhuak nawlh ringawt mai a ni.. Kawn ah ka dinga, Dawrah Meizial leh Kuhva ka lei a, Ka phone ka la chhuaka, ka call zui nghal a. "In awmna ka hre reng reng hleinem?" ka ti a.. a nui hak hak a, "Vengpui, High School chhak ah Pu Berema in rawn ti mai rawh an hrilh thei fur ang che" a rawn ti a...Motorah lutin Vengpui lam pan chuan ka tlan chho nghal ta nal nal a. Nia, Khati khan Zin kawngah kan intawnga, Kan inbe zuiin kan inhmelhriat chhova, Mahse engmah address lam reng reng kan la sawi dun hauhlo.. Awm ve tho mai.

Vengpui kawna Dawrte kawtah chuan ka dinga, Mipa tleirawl 1 kum 14 vel tur hian thil a lo lei mek a, Dawr nghaktu nula chu ka hmelhriat ve deuh thin a ni a, Ka motor a rawn hmuh chuan min rawn nuih var var a "Khawi lamah nge i len dawn a?" a rawn ti a, "Pu Berema in hi khawi lai nge?" ka ti a, "Zirtirtu kha maw? Hei hemi hi phur chho la, an in kawt chiah a nia, a hrilh thei mai ang che" a ti a, naupang bulah chuan eng emaw a sawi a, naupang chu ka motor ah chuan a rawn chuang ta a.. Thui vaklo kan tlan hnuah Kawng zal phei deuh lai, hmun nuam ka tih lai ber thin kan thlen chuan "Saw... Kawt zawl zau deuh neise a nih saw.. " tiin kan hma lawka In Concrete building lian ve pangngai tak Inhung pup chu min kawh hmuh a. Chumi kawt kan thlen chuan naupang chu a chhuk a, kei pawh chu Motor chu dah felin an kawtah chuan ka ding fa vang a.

An In leh a vel chu a faiin a hmunhma a rem bawka a nuam depdawp hle..Nidangah pawh helai hmun hi ka tlanpel fo thin tawha, A hmunhma a remin an enkawl fai ka ti thin hle. An kawtah chuan phul a awm dap bakah Pangpar nalh tak tak a awm thluah bawk a, Hriatchhuah zawk ka neih chu Kan nu in helai hmun kan tlanpelh tumin "Hei hi kan Student 1 te in a nih hi, amah Hostelah a awm daih a, kan la leng dawn nia" a tih ka hrechhuak zawk a...Tichuan inchhung lam pan chuan ka kal zui ta nghal a... An In chu RCC building niin Ban sang taka phun nilo awm tak a ni a, an inchung panna step awm ah te chuan pangpar a intlar chho tham mai bawk a, an chetvelna thlir ringawt pawn chhungkaw pangngai tak chu an ni ngei ang tih a hriat theih.. Kawngka chu ka kik ta kauh kauh a.."Lo leng rawh" hmeichhe aw hian a rawn ti a, Kawngka chu ka hawnga "Duati a awm em?" ka ti a, "Awm e, eee kan BDO lah ni reng a!!" Mipa lo awmve chuan a lo ti nghal vat a, Inchhung ah chuan ka pen lut ta nghal a.

An Inchhung chei vel dan pawh simple leh fel thlap mai a ni a, an sakna a la reilo tih an bungrua vel atang chuan a hriat theih, Mahse engkim mai chu a nih dan tur ang thlapin a ni tih a hriat hle, In lian tak pawh a ni awm e. "Enge i rawn tih ve dawn teh tlat a" Duati pa niawm tak chuan a rawn ti a, "Nia... Englo.. Duati hi a awm em?? " ka ti a.. "awm e... Muani a rawn lenga, room ah an lut chiah a nih kha, kan ko a nge" tiin a nu niawm tak chuan a lo ti a, Room lam pan chuan a chho zui ta nghal a.... An inchung Mizo chhiara chhawng 2 ang a ni a, A pa chu Palian ve tak, Pa hmangtlang tha deuh chal thui lam deuh a ni a, a nu pawh nute chhe tak nilo, a nulat lai chuan nu hmeltha tak a nih ngei a rinawm.... "Taka, I aizawl chhuk tur nen khan a putea motor chhiat tum khan in chhuk rual tak maw kha??" kan 2 chauha kan awm lai chuan a pa chuan a ti a, "Nia, kan intawng remchanga" ka ti mai a, "a lawmawm tak tak a ni, Motor hi neih ve lam hi kan sawi thin a, kan fapa te 2 lah chuan "Khalh tur kan awmlo, Motor kan neih chuan lehkhazir kan theihloh phah ang" an ti tlat peka, a putea motor hi a lo upa ve tawh bawk si, kan hman sak renga, a chhe leh khut thin bawk a.. Khami zan khan nang lo awmlo la chu kan buai chhe nge ang chu" a ti a.. "Nia, ka zan chhuk tur khan ka hmu thla hlauha, minlo pharlo phei se chuan an boruak hre lek lovin ka tlan san daih maithei a ni" ka ti a.. Ka ngaihtuah chianga, a putea khan minlo pharlo tak tak ang tih ka hlau leh hnuhnawh hle. Achhan pawh Duati nen hian kan in hre dawnlo tawp tihna a ni si a..

Inchung lam atang chuan Duati te 3 chu an rawn inzui thla diah diah a, "I va lo thleng rang ve, i mut tawh ka ring zawk a" a rawn ti nghal bawrh bawrh. A hmelhmai engkim mai chu a dan pangngaiin a felfai thlapa, a awmhmun thuam lah chu a pangngai leh thlap bawk a. Tuntum ah hi chuan kekawr tluan ha tawh lovin Pawnfen fual hnalh a feng thung, a hmel chu a nung sarh mai bawk a, ahmel ka hmuh rual chuan ka zah ruk veng vengna leh ka tawt up up na te chu a reh suai suai niberin ka hria..Din hluai mai tak ka nap a, mahse chu em chu ka ti talo. "Nia, Ka inbual zo, zanriah ka eikham chiah a nia, ka rawn phei nghal vang vang mai" ka lo ti a.. Ka bulah chuan a rawn thu a, "Hei hi helama ka thiannu ve a nih hi, Mamuani, Mamuan hei hi Pu Taia kan BDO i hretawh thovin ka ring" a ti nghal siam siam a, a thiannu lam chu ka hawi a, ka khi suk a, a ni pawh chu a lo nui var var a.. Mak em em mai chu Mamuani hi nula hmeltha leh pian thiam tak pangngai chu ani, Mahse Duati bulah chuan nula satliah ang lek chauh a ni. Mawimawii pawh kha chutiang tho chu a ni a, mahse a bulah chuan an buk a rit lo hmel thei viau. A thiante 2 hi an mahni ngau ngau chuan nula zahpuiawm loh tak chu an ni ngei ang, Mahse an thiannu hian a pet deuh thin ni maiin ka hria.

"Enge i rawn haw teh thut hrim hrim?" Muani chuan a ti a, "Kan result a chhuak har dawn thova, Khulama awm reng kha ka ning thut a lawm le,.. Tumlawk em em awm lovin, Seppuia motorah seat a la awl bawk nen ka rawn chho thut a nih hi, ka nu hian min ngai ve hrim hrim bawk si a" tiin a nui hak hak a, "a ho tak tak a nia, A naute awmpui an ngaih tehlul nen, nidanga haw tura kan chah lawm lawm pawn chhuanlam a siam nasat theih tehlul nen" anu chuan a lo ti ve bawk a, an nui dar dar a, Chutia a nuin a sawi lai chuan chik deuhin ka lo en a, min rawn melh zauha, a sen ap ap a. An infiam thawm vel chu ka lo ngaithla a, ka lo nui ve suih suih a, Keimah vanga rawn haw nge? a sawi angin a nu a ngaih vanga rawn haw ni ang? tih te chu ka lo ngaihtuah kual ve chhen bawk a. "Ka nu, Muani te in ah hian kal lawk kan ngaia, kan va kal lawk a nge, kan rei lovang, I peih ve em?" tiin min rawn en ha a, Peihlo tih sawi nan ka tawngchhuak zo lo hrim hrim ang, "Peih e" ka ti ve hram a.. "Reilo ula, kan lo mutsan daih mai ang che" a nu chuan nui chung chuan a ti a.. "Inleng neih lai lai a, len tum reng reng, enge Mamuan thil thar in nei a mi?" apa chuan nui sung chung chuan a lo ti a, "aw.. Ka nu in arte a la thara, a rawn hmu chak a niang" Muani chuan a tia, za em em chuan an nui a. Chutianga nasa deuha a nui chu ka la hmu ngailo, A inhmeh em em zel mai bawk si, a chezia ka hmuh a piang mai chuan min ti lawm em em vek ni maiin ka hria...Infiam bawrh bawrh chung chuan kan chhuak zui ta nghal a..

Ka bul chiah ah a kal a, a piah leh chiah ah a thiannu a kal bawk a, an ti ti sap sap a, an sawi ho viau nangin an serious ve viau... "Tih tur ka nei em em pawh a ni lo, ka nu leh pa bula awm kha i khawr deuh tuta ka hriat vang mai mai a nia, kan let leh chuan an lo mu tawh ang" min melh ralh pah chuan a ti a,. Muani te in chu kan thlenga, lut lemlo chuan an in mangtha a, kan let zui leh nghal mai bawk a... "Engvanga lo haw nge i nih reng renga?" ka ti a, a kun a, a pen chhet chhet a, a bek atang chuan a nui pat pat niin ka hria... "Aaww.. ka sawi tawh kha.. ka rawn haw chak mawle, Aizawl chu a boring ru tlat" nui chung chuan a ti a, "Naktukah chhuk ka ngai a sin" ka ti a. A hmel awmdan ka hriat chak vang hrim hrim chuan dawt ka sawi zauh a.. a rawn dak chhuak vat a, "Enge i tih dawn?" a ti ha a, Khawlaia light eng hnuai ah chuan a hmel awmdan chu ka lo hmu hman vek a... "I bula awm leh ka chak vangin" ka ti a, a nui hak a "Min ti hlauthawng hman a lawm" a ti a.. A hmel chu a nung leh nghal sarh ni maiin ka hria.. "Rawn chho lo la chu ka rawn chhuk tak tak ang.. Mahse, tunah chuan Aizawl lam ka rilru ah a lang tawh lo" ka ti a, a zak hmel hle "Ka awih chiahlo" a ti ringawt a..An in kan thleng ta bawk nen engmah kan sawi zui talo..


A sawi lawk ang ngei chuan a nu chu a lo mu fel tawh a niang a pa mut tum pawhin Damdawi a lo ei mek a, "In va rawn let rang leh si ve" nui chung chuan a lo ti a, "Nia, an arte kha ka hmuh hnu tho kha an lo nia" nui chung chuan a ti a.. "Thingpui te kha in lum ve ula, nula chuan inleng te chu thingpui an lum ve ngai" a pa chuan a ti a, kan nui ham ham a.. An chhungkaw zia chu ka lawm zawng tak a ni. Keini chhungkua nen kan in anglo hle, Ka nu leh pa te nen hian Fiamthu kan thawh ho ngailo tawp, Tawng tamlo chhungkua, inbe mang lova inpel mai mai thin kan nih bakah, ka pa hi thutak ngul rengmai a ni bawk nen, Kei afapa neihchhun nen te hian kan inbe khat hle. Anni chhungkua erawh an infiama an nui ho bawrh bawrh a ni si a. Ka nupui boral ka tuar tih an hria, min hnemna tawngkam an chhak chhuak khat hle,.. Mahse an chezia ah erawh thuk takin an tuarve tih ka hre thei.. Thutha inhrilh bak kan inbe tamlo hle..Chutiang chhungkua kan nih laia an ni chhungkua hlim sang mai han hmuh chu a nuamin, ka ngampa nghal em em a ni ber mai. Apa luh hnuah chuan "Tv en chu a inkawm theih loh, kalrawh Veranda ah khuan thu daih ang" a tia, an inhnunglam veranda ah chuan kan chhuak a,.. Kan Awmna veng vel chu kan zuk hmu uarh theih a, hawivel a nuam phian, Thli a awmlo bawk nen vawt pawh a vawt tehchiamlo bawk.

"Rka chuan a rawn be leh tawh che em?" ka ti a, "Bia e, A rawn vuivai nasa khawp mai" a ti a, "A awm a lawm, kei pawh ni ila ka vui ve khawp ang" ka ti a, "Anih a hmeichhia in a duhloh thu hrilh che sela, i lungawilo tho ang em?" a ti khauh a "Eh.. i duhloh thu i sawi ka hriat siloh" ka ti ve ngat a.. a ngawi vang vanga, a tak ran mai bawk a "A dik alawm, Ka pa hian 'mipa tumah biak chhiat loh tur, Mahse an nel zawnga awm kher loh tur, eng mi pawh nise biak chhiata, biak duhloh vel loh tur, Mipa chu mipa an ni nge nge a, Hmeichhia ten mamawh hun in nei thin' a tih thin avangin ka be chhe duh lova, chu chuan ka va duh ta tihna a ni heklo.. Mahse ka duh aiin a ngampa mah mah thin, Hmanzan a chet dante kha ka lawmlo ve khawp mai" a ti ta a.... Eh.. kei pawh hian min ngaihven ve viauah ka inngai ngawta, apa thu a awih vang chauhin minlo be tha vel mai mai a ni lek chauh ang a.. tiin rilruka lo pu vat a.. "Mahse, nang chu i danglam daih a nia..." zawite hian a rawn ti sap a... "Engtin?" ka lo ti vat a, "Kan miss Pasal i ni a, ka ngaina chea, i bula awm nuam ka ti bawk" ati a.. Enge a sawi awmzia ni ang?? Ka nupui boralta vang chauha min ngaina tihna a ni maw? ka ti rilrua.... Kei amah ngaihtuahin ka rilru ka senga, ka mitthla ah a chama, a zunah ka uia a ni ber si a, ani lah chuan ka lo suangtuahna lam lo daih rilru a lo pu tihna em nita??? sawitur avangin ka bing deuh mup mup a ni ber mai..

"Kum naupangte kan nih lai atang khan Hmangaih leh duh em em ka nei daih tawh a, Chumi tan chuan ka thinlung ka pe fel vek tawh ni berin ka hria, Mipa dang hi Ngaihzawng en in ka en theilo hrim hrim, ka kawma, min kawm duh a nih phawt chuan.. Mahse, Rka chuan chutiang chu a hrethiam ve lova, Min ta chei ve ringawt zel, Thilpek min pek a tum renga, min ngaihsak anga lan reng reng tumin hun a hmanga.. A duh dan leh min lenchhuahpui a tumna nazawngah ka peihloh emaw ka hnial deuhin a titaua, min ringhlela.... Mahse ka pai zam mai mai a, Min ringhlel ve ringawt zelte pawh chuan ka nuih a tihzat chang leh ka lung a tih awiloh tum a tam ve thin khawp mai" a ti siam siam a.. Kan piah daih a, PWD tlang chu ka thlira, Light eng sap sap te chuan ka mit an lak vang pawh ni lovin, Chu nula a ruka ka lo vei em em mai thusawi chuan minti hrilh haiin a hmel pawh ka en ngamloh vanga chulai hmun chu thlir mai ka ni zawk si a.. A rilru a thianghlimin, a va fel tehlul em.. Kan inhriat hmasak ber zana Rka'n a rawn biak hnu lawka a thusawi te kha ka tan chuan a bialpa emaw tih mai tur khawp chu anive.. Mipa tupawh be chhe lo tura fuihtu apa a zah vang chauhin kei ngei pawh chu min betha a, Chuchang a nilo an Miss pasal ka nih avangin min nel em em mai chauh a lo ni dawn a ni maw?? Rka ang chauh ka lo ni e...A tawngkam tha leh a felna chu kei min ngaihsak vea, min duhve ni hialin ka lo in ngaih phah a ni si a.. A bulah ka vei zia leh ka ngainat ziah lo sawi hman teh ni ila aw... Min chhana tur ka ngaihtuaha ka va zak dawn tak em... Ngaihzawng 1 chauh neia, nuipuia nei zuinghal kei hian hmeichhe cheng ka lo man hauhlo a lo nih dawn hi, ka ti rilru a, ka zak chem chema, ka puak darhlo chauh a ni ber mai.. "Thingpui kan chhuang lawk a nge aw, Leng reng ang che" tiin min la nuih tak var var a..

"I va ngawichawi ve i chau deuh em ni?" thingpui min pek pah chuan a rawn ti a. Nia ka boruak hi a dang daih a ni, He nula zun ah hian ka uai nasa hman hle mai, Kum naupangte a nih lai a, a ngaihzawng, a rilru pek vek tawh chu tunge ni ang? chumi tana thinlung zawng zawng hlantu hi ka lo hrechiang lova, a felna leh a rilru thatna in min bual à zova, chu chuan tunah hian min vawna hle mai, hei hian a zunah ka lo uai tawh hle tih min hmuhchhuah tir a ni ber mai.."Chau love, i ti ti ka ngaithla a lawm" ka ti a, a nui hak hak a, a nui ri te hi beng a fahin a mawi em em mai bawk a, a thinlung a pek tawh tlangval vanneih dan tur zia chu aw, ka ti rilru a... Eng eng emaw sawiin a ti ti siam siam a, Ngawi rengin ka ngaithla a, Hmeichhe rilru thianghlim tak chu ava ni tehlul em. A hmelthain a nalh em em a, hetiang hmeichhia hi chu mahni tawka inla ve vah thin an ni a, mahse a ni hi zawng chutiang chu a ni lova, a hmelthatna te chu midangte tih lawmnan a hmanga, a pian nalhna te chu midangte tan nelawm anih theih nan a hmangthiam ni berin ka hria. Kei mipa a zawnga hmeichhe ngaihsak ngai miahlo, Hmeichhe 1 chiah buaipuia, midang ngaihsak a, melh ngai reng renglo pawh min kuaiherin, a lam hawi lo thei lovin min siam a ni si a, Min han duh ve tak tak phei se chuan ka inchhuang viau ta ve ang mawle. Mahse, keini beisei phak rual lohvin, keimah ang thovin mipa pakhat lakah a rilru a pe ding ve tlat mai si. Kei khan midang hetiang hian ka kawm thiam lovin, midang lakah ka awmdan ka siam danglam thiamlo mai nilovin, an ngaihzawn theih tur khawpa nelawmin ka awm thiamlo hrim hrim kha a ni a. He nula erawh hi zawng engkimah ka tluklo a ni tih ka phalo khawp mai, Keimah ang thova mipakhat chauh ngaihven nei ve tho ni siin chu a mipakhat ngaihsak chu tunge a nih pawh hriat loh khawpin a awm thei si a. Kei erawh kha chuan Melody lo chu tumah ka bebul lova, Melody chanchin lo chu sawi tur ka hre ngai heklo a nih kha, Keimah min hriaa min belchiangte chuan Melody nen kan inkar chu an hrelo thei thinlo a ni si a.

"Zan a rei dawn ta e, ka hawng tawh mai ang e" ka ti a, "ala hma a lawm, I chau viau em ni?" tiin chiang zet chuan min en a, "Nia, Chau ve deuh a niang, ka mut te hi a chhuak deuhin ka hria" ka ti a.. "Nia, a nive tho mai, I tih tlat chuan i thu thu le, Naktukah enge i tih ang?" a ti a, "Office a ni mai" ka ti a.. "Oh.. Nidawn tak maw...." a ti a a nui hak hak a... Tichuan, khamlo tak nisi, mahse haw thuai thuai duh bawksi chuan kan in mangtha fel thei ta a. A kianga ka awm reng reng in a kianga ka awmloh leh hnu chiah hian ka khua zuk har em em ziah mai hi mak ka tih em em chu a ni. Ka nupui kha ka duh viau nangin hetiang ang hi ka nihphung a ni ngailo, a kianga ka awm leh awmlohah engmah danglamna a thleng ngailo hrim hrim kha a ni si a.... Ka hawn kawngah te chuan amah chiah ka ngaituaha, Chu mipa chu tunge niang, Kei meuhin ka thik rilruk tlat chu tunge ni ang.. A hmel hmuha "Khawvela mipa vannei ber i nih hi" tia chibai tak ka duh hialin ka hria..


In ka thlengte chu ka phurna zawng zawng lakbo a awm vek ang mai ka ni a. Ka nupui boral hnua ka quartera ka let leh boruak ang mai khan khawhar ngawih ngawihin ka inhria a, Engkim mai chuan mawina leh hlutna nei talo ni maiin ka hria.... Chung ka rilru chhungrila thil awm chuan ka hmelah thleng a hrilh chhuak a ni ngei a niang Sawma tv ena lo la meng pawh chuan mak ti hmel deuhin min melh zak zak reng a. "Bawnghnute i in duh em?" a rawn ti chhuak hial a, "Duh love, Inleng ka nei em?" kan ti ngawt a, Nidangah pawh zan lamah inleng ka nei ngai chuang der si lova. "Nei love" a ti mai a, ka awki chhuak leh ka chezia ah chuan engemaw diklo a hmu tlang ani ngei aniang nidang anglo takin min fiam lemlo bawk. Ngawi rengin ka room ah ka luta, Dawhkan hmaa ka chair ah chuan ka thu hnawk a, Dawhkana ka nupui nen kan inneih thlalak leh ka fapa nausen laia kan 3 thlalak inhung chu ka en reng a, Kan hlimlai ni reilo te laksak ka nih ang chiahin zaninah pawh Kha ka nun hlim em em thin kha laksak ka ni leh ta ang maiin ka in ngai a.. Ka thova ka inthlak sawk sawk a, CM zuitu officer thenkhat in duh an awm taka tiha ka lo stock sa Black Dog um pakhat chu ka la chhuak a, No ah thliin ka tlak ta pawp a. No 1 mai duh lovin, No 5 zet chu ka tlak chhunzawm zata.... Ka phone chu flight mode ah dahin Ngawi rengin ka thutna ah chuan ka thu ta reng a...


Ka zing tho chu ka lu a na nang maia, Ka in bang tlem la awm chu in mai ka duh hmana, Mahse, in ta lemlo chuan ka tho chhuak a, Ka thuam inbelin kan kawmthlanga hnawm vel chu ka zuk thianfai ta ngawt a, Mahse ka phurna chu paih sak daiha awm ang mai ka ni, engpawh ka tih chu phurna reng reng ka nei lova, thlan tla tawk vela ka thawh hnuah ka chhoa, ka inbualfai a... Tukthuan ei hma chu chanchibu chhiarin hun ka hmang a, Tukthuan ei khamah Office turin ka insiam a, Office ka thlenga, ka room ah lut tlangin hna enge awm ka enkuala, staff office thleng pawh an la awm manglo hial. Ka phone flight mode a ka dah chu ka tidanglama, Signal ka neih rual chuan Miss call leh Massages ka dawnte chu a rawn lut nghal zut zut a.. kan en thuak thuak hlawm a, Duati miss call 3 lai a lo awm ve a.. Whatsapp msg kan en kual leh thuak thuak a, Duati Msg ka hmuh chu ka hawng a "Enge i an a?.. I tho nuam maw? Nizanah ka call tlang thei miahlo che" tih a lo ni a.. A miss call chu ka en a, Zan dar 11:36 a call min tumna leh Zing dar 6:20 a call min tumna te a lo ni hlawm a, ka call back ang nge? ka call back lovang??. Ka chhang let ang nge? ka chhang let lovang? Ka biak tam zel hian ka bei nghet telh telh mai mai angem? han biak loh zui ngawt erawhin Mipa ve si, thinrimna emaw lungawilohna emaw pawh hriat si loh a han ngawih san ngawt chu a nithei chiahin ka hre bawk silo. Biak chhiat ngawt chu a chi lovang tiin ka phone chu lain Duati chu ka call zui ta nghal a.

"Hello, i va chau awm ve, i reh nghal hmak mai a" a rawn ti a, a harhvang tha hmel hle "Nia, ka rin aiin ka lo chau deuh a nia nge, ka muhil zui nghal daih a" tiin dawt ka sawi ta ngawt a,. Ka rilru nat dante ka awmdan zawng zawng erawh keiman ka hrechiang hle thung. "Anih ka ring, i awmdan kha a dang daih a lawm" a rawn ti a, ka nui a " Engtin nge ka awm chuan le" ka ti a, Nia, ka danglam chiang khawp a lawm, ka rilru chuan ka ti a "I buai awm si a, Zanah rawn leng rawh aw" a rawn ti a, "Nia, kan tum dawn nia" ka ti a, "Keipawh vawiin chu ka nu kan zui a nge?" a ti a, "Khawiah maw?" ka ti vat a "Huan ah kal a tuma, hna han nei vaklo la chu rawn kal vela tha tur" a ti a, a nui hak hak a "Nia, hna chu ka nei em em lo, khawi hmunah nge in neiha?" ka ti a, "Aizawl road lamah a nia, Kawnmawi an tih kha inhria em? khata pen chhoh khan thui vak loah ani a" a ti a, "Eh.. Km 3 vel zet a ni si a, engtin nge in kal dawn?" ka ti a, "Ka putean min thlah leh dawn, kan chhe tawh em lovang chu" a ti a, a nui hak hak a.. Nia, khami zan kha ka theihnghilh tawh lovang.. "Anih chu..." ka ti mai a.. Hnathawk tur leh ni tha taka hmang tura duhsakna min hlan hnuah kan inbiakna chu kan titawp zui ta nghal a.

Staff an rawn thlenga, eng eng emaw kan tifela, hna tul ang leh emergency deuh chu kan tifel zung zunga, hna ka nei ta vaklo der a...Chung ka tih lai zawng chuan ka rilru leh mitthla ah chuan a cham renga, a nui ri te, a ha var sar mai leh rual thap maite chu ka mitthla ah a rawn lang zut zut reng bawk a. Hna kan thawh zawh tawh hnuah ka inngaihtuah a, phone bawk chu la chhuakin Duati chu ka be leh ta ngawt a...

"In haw dawn tawh em?" ka ti a, "La dawn nang, Sangha te kan man dawn mawle" a rawn ti a, "Ka driver hian a hria a ngem?" ka ti a, "Engmaw??" a ti ha a, "Aw in huan chu mawle?" ka ti a, "ka hre nang, enge lokal ve tak tak i tum em ni?" a rawn ti a, a aw chu a hlim hmel hle.. " ka tum deuh i phal chuan" ka ti a, "Phal e.. phal lutuk" a ti sarh sarh a.."Awle, kan rawn kal ve dawn a nia" ka ti ta a.. Bell chu ka hmet a, Peon hnenah chuan ka Driver Pu Hmuaka chu ka koh tir ta a.

"Pu Hmuak, Pu Berema huan awmna i hria em?" ka lo ti a, a ngawi vang vang a "Kan High School zirtirtupa Pu Berema hi maw?" a ti a, "aw..a niang a, Zirtirtu chu niin ka hria" ka ti a, "Hria e.. Kawnmawi chhak Lamzawl mual ah a nia" a ti a, "I hman chuan kan kal dawn a mi?" ka ti a. a nui suk a "awle sir" a tia, "Hnathawh thuamhnaw ve deuh te inthlak ve i la" ka ti a, makti deuh chuan min en a.. "awle.. ka rei lovang" a ti a, "Motor kha hawn maila, ka lo insiam ve ang e" ka ti a.. a chhuak zui ta nghal a.. A ngaihna a hrelo ve viau maithei, Office hours laiin kan office hna ah lo chuan ka chhuak ngailo hrim hrim tih hrechiangtu a ni ve si a.. Peon ko lutin HA hnenah ramah kan kal lawk tur thu leh, hna pawimawh emergency a awm chuan min be mai tura hrilh turin ka ti a, ka chhuak zui ta nghal a.

An huan kawng chu tha tak chi nilo mahse a tlan theih phian lawi a, He khua hian Mizoram khawdangte anglo takin Jhuming System a lo neih hi an ti mang tawh lova, Huan thlai neiin an huan tlai ah chuan sum an la lut a, an khaw level enin Hmun danga thlai leh thei rah thawnchhuak hnem ber pawl an ni hial awm e. An huanah hian a tlangpuiin Ram danga awm ngailo Thei an ching nasa tlangpui. Thenkhat in Rua leh Mau chin an uar a, Thenkhat in Serthlum, Thenkhat in Thingthupui leh Chingit hmun ringawt siamte pawh an awm bawk a. Chungte chu Kharchhawng hnenah a hlawmin an pe a, Aizawl leh hmun dangah an hralh chhuak nasa thin hle. Sanghadil an nei deuh vek a, Tin, Khuai an khawi nasa em em bawk a, Mizoram Khawizu 60% hi he khua atanga thar chhuah a ni hial awm e. An sawi dan chuan, Hmun remlo tak tak a ngaih pawh JCB in terrace an lai a, Sawrkar laih sak emaw an nghak ngai lemlo. Sawrkar flagship programme ah Mahni party bill an in duhsak uchuak lova, Sawrkar hnathawk emaw an party mi leh sa nilo emaw lam an thluk lova, Mi taima leh ti tak tak an nih chuan chung mite chu an thun mai thin. Hei vang hian Khaw dang anglo takin Sawrkar hnathawk an ngaihlu em em lem lova, Sawrkar hnathawk a awmte lah an in vaivung ngai em em bawk lo. Lirthei tha tak tak leh In tha tak tak an nei thluah hlawm a ni.. Pa Thenkhat an mahni huan a tanga thar chhuah liau liau Thingzai zuar an awm bawk. Heng mite hian an huanah Thingzai chi, Ngiau, Zuang etc an chinga, Kum 10 a vei meuh chuan a tah tawla zai tur thing an nei ta zut hlawm a ni. Hetiang an chinna hi kum 40 vel an kalpui tawh nghe nghe.

Duati te huan chu ka beisei loh dan daih a ni a, Hmun rem leh nuam tak niin, Leilet atan a han laih mai theih te pawh a ni, Mahse chutiang tilo chuan Mual hrang hrangah Thlai chi hrang hrang an phun/nei thluah a, Sanghadil pawh lian ve thawkhat tak tak 4 lai terrace angin an neih bawk. Khuai bawm an hung thluah bawk a, Tin chung khuai bawm bulah leh Dil kam velah chuan pangpar an dah zel bawk. An huan lu kawngpui atanga thlir ringawt pawn a nawm hmelin huan puitling tak tih a hriat hliah hliah bawk. Naupan lai atanga Ram kal ngai manglo, Vai ramah te che tla thang kan lo ni bawk nen hetiang hi hmuhnuam ka tiin ka ngaihsan zawng tak a ni nghe nghe bawk. An huan chhung an thlam kawt thlengin Motor a tlan lut thei a, Kan motor thawm hria chuan thlam chhung atang chuan a rawn chhuak vat a, Thlam bathlar ah chuan a lo dinga, min lo nuih var var a. Baseball cap dum a khuma, a sam chu a tawn a, Kamis (Jeans Kamis) pawdal a ha a, Kekawr tluan zuih lam deuh aha bawk a, A inhmeh in ral atang pawh chuan a hmelthat zia leh a pian thiam zia chu a hmuh theih. A mawi em em a ni tih bak sawithiam a har khawp mai. Pathian thilsiam zinga mawi danglam bik awm thin zing a, danglam leh zual bik a ni chiang khawp mai, Keima mit ah chuauhlo pawh a ni ngei a niang "Kan khaw nula zingah chuan Duati han ter phak hi an awmlo a ni. Aizawl ah pawh Khawpui nula zingah pawh a langsar larh mai nia" Pu Hmuaka chuan chhuang hmel takin a ti a... Ka ngawi renga, "A nungchangte hi a mawi a sin, Lehkhathiam thei pangngai tak a ni a, A pu Damloh laiin Thisen chaw khai, Inchiu etc a ngaih changin kan veng nu Nurse a thawk an ko thin a, pawisa tello chuan a kal ngailo. "Vawk te til lak leh Vawk damlo injection ah pawh pawisa anla ziah a, Kan hna tullai leh chhungkaw pawimawh kalsan a koh kan nive thova" ti tlat a ni a, Chuvang chuan Duati hian College kal lovin Nurse a zir phah niin an sawi. An veng velah phei chuan a rawn haw chang hian an ko buai thei viau a niang, hlim hmel pu sang chungin a hna chu a thawk mai thin a ni awm e" Pu Hmuaka chuan a tih zawm a,. A hmelthatna chhuan tham anih tawh nak laia midang tanpui kawnga a inpekna chuan min hneh leh zual hle mai.. Thlam kawt kan thlenga Motor kan hung fel a.

"A hrehawm em? Kan huan kawng hi a nuam lutuk lem lova" hlim hmel tak chuan a rawn ti siam siam a. "Nuamlo hran love, Pu Hmuaka hi motor khalh a thiam a lawm" ka ti a, "Nia, kan naupan lai atanga Motor khalh tawh kha ania" a ti a, "Hawh u thlam chhungah lut ang u, thingpuite ka lo chhuansak thlap che u mawle." a ti a, Thlam chhungah chuan kan inzui lut ta a.. A nu chuan thlai hnah a lo chingfel malh malh a "kan huan te in rawn kal ve peih a, in fel hle mai" a ti a, "Nia, hna kan nei lem lova, kan rawn dak ve mai mai" ka ti a, "Hmuaka len den i thiam em? Duati lenden thiam ve chu a khuh tlem thei lutuka, Sangha te pawh in rawn man dawn nia" a lo ti a, "Aw.. haw i tum a mi?" ka tih lai mek chuan an thlam kawt ah chuan motor a rawn ding ve chiah bawk a. "Nia, heng thlai ho hi bazarah ka thutpui mai mai angchu ka tia, Chu Puia pawh a rawn thleng a lawm.. Duatbawih thingpui kha han thli rawh khai" a nu chuan a ti nghal zung zunga. Duati chuan thingpui a rawn sema, kan in zawh ah a nu leh a putea chu an haw zui nghal a.. Pu Hmuaka chuan eng eng emaw a sawia kan nui ham ham reng a, Pu Hmuaka hi pa ti ti thiam tak, thil sawichhawn thiam tak a ni hrim hrim bawk a. An High School kal lai hian Duati pa hian a zirtir ve hman zuai a ni awm e, A chanchin a sawi a "awih awm loh e" Duati chuan a lo ti thin a.. Chutiang vel chuan kan hlim dar dar hle.

"Sangha chu man tawh ang u" Duati chuan a ti a, "Eng atan nge kan man ang?" ka lo ti a, "aw i ei tur in mawle, ka nu khan Sangha hawn tir rawh a tia lawm.. kan ngah lutuk i duh tawk i hawn dawn nia" a ti a, Thlam chhuara an dah len a rawn la chhuak a, "I deng thiam a mi?" ka ti a, nui hak hak chung chuan ka pa in min zirtir ve a, ka thiam ve sawih sawih" a ti ta reuh a. Kei len la deng ngai reng renglo ka ni a, "In 2 khan lova deng ula, Kan nu damdawi tur kan zawn sak lawk a nge, Duati te huan mawngah khuan Ram lakhuihthei a awm tlatin ka hria" Pu Hmuaka chuan a ti a, "Ekhai, I awm loh ten kei len ka la deng ngai miahlo a nia" ka ti a, "Ka thiam a lawm" awlsam deuh chuan a lo ti vat a.. ka va en a, a lo tak ngal mai a, "I thiam tak tak maw?" ka ti a, "min va ringlo ve mawle" tiin a nui hak hak a. Pu Hmuaka chu a chhuak a, Keini pawh chuan Sanghadil awmna lam chu kan pan zui veta nghal a.

Sangha dil chhak ber atang chuan kan han ding a, " ka deng thiamlo tak tak a nia aw" ka ti a, a nui hak a, "Ka deng anga a ni mai a lawm" tiin a pheikhawk a phela, a kekawr tluan chu a khup thlengin a thlep chhova, a chawn zen mam nalh zaih mai chu a paw vak mai a, Chutah a Kamis hak chu a phelh leh a, ka darah chuan a rawn bang hnawk a, Tawnzau Jockey Dumpawl a ha a, a vun nalh tak mai nen chuan a inkap paw phak mai a, a baseball cap chu a hmathlawk chu hnung lamah a kuai her a, Len chu khaiin "Kg 3 zawk an riah lova" a ti a. kei lah pek chuan mak ti leh hmuhnawm ti zet mai chuan ka lo thlir dauh dauh reng mai a... Chutah a len chu la kangin len deng thin ten an tih angin a dar ve ve ah an banga, a kut zungtang sei sal mai chuan an thliar leh niap niap a, a hmel chu ka en renga, a serious veng vawng hle.

"Mak minva ti awm ve, ka pa hian "Mipa nih loh pawn intih no vanga thil thiamloh neih hi Hmeichhe tih tur a ni chuanglo, a tia len dente hi min zirtira" nui sang chung chuan a ti a.. "Iptea Sangah Chaw kha han theh teh" a ti a, a ipte leia a dah chhung ami sangha chaw chu ka tham a, Dil ah chuan ka theh a, Dil chhungah chuan lutin a ngal rek thleng vel tui chu daiin ka sangha chaw thehna laiah chuan a len chu an deng ve lauh a. Mipa deng ka hmu fo tawh a, an deng parh hak thin a, Ani meuh chuan a den parh ka ring chiahlo, Mahse kei ai chuan deng parh tak a ni.... "aha.. ka khuh ve nual chuan ka hria" a tia.. a len chu a hnuk hrat hrat a... Ka beisei hauh lovin len a tang sangha chuan len chu an rawn tawn che ta laih laih a... "Yes... ka khuh fuh e" a ti chal a, Bucket khai chuan ka lut ve vat a, Lena sangha chu a lian lian kan thlang a, a te zual kan chhuah a.. Banpuam tia vel 5 lai a khuh a.... "I tih ve hun" tiin Len chu min pe zui ta a..

Vawi 2/1 chu ka deng ve tawh, ka thiamlo hul hual, a hlawm tup thin.. Chutia hmeichhia ah pawh hmeichhe nu lutuk, Super Model ang maia nalh leh hmeltha pawhin a den theih laia kei Patling thankin tawhin han hnial țung chu ka hreh ve tumhrang bawk si.. Len chu ka la a, Lendeng ten an tih ang chuan ka ti a, Ka nghawk chhuak ve pharh a "I van thiam" tiin a lo nui har har a.. Ka len den chu a tungsawl parh ve deuh hlek a, Mahse eng sangha mah ka khuh ka ringlo.. a tih ang chuan kan zut dalh dalh a.. len rawn tawntu chu an awm ve ngei a "Yes i khuh ve chiang khawp" tiin phur tak chuan bucket chu a rawn dawh a.. Kan han en nak chuan, Uchang 3 leh Sangah Lianlo tak tak 2 chiah ka khuh a.. Za em em chuan kan nui dun ta kiah kiah a... Hmeichhia zawk pawn a man theih laia, ka man theilo bik chu ka duhdan a nilo, ka deng nawn leh thin a, Ka man tlem tawlh tawlh a.. A nuih a za em em a, kei ka tlawmngai tulh tulh thunga, "An biru zo vek a niang, Dil dangah kal ang" tiin min nuih zat hmel deuha nui pat pat chung chuan a ti a.. "Nang aiin ka khuh hnem tawh dawn hrim hrim" ka tia, Dil dang chu kan pan a...

Kan deng nung tlauh tlauh viau nangin Duati man bakah 3 ei tlak chu ka man ve tawh, kan nuia, kan inzirtira, kan ri tengtung mai a... Chutiang chuan an dil neih ah chuan kan deng chhuak vek a, Sangha eitlak tawh tak tak 10 zet chu kan man ve ta reng a.... Sangha dil tlang ber bula thingbuk hnuaiah chuan kan thu a, Kan ke chu tuiah chiahin kan ti ti a, Sangha chungchangte sawiin kan nui dun bawrh bawrh a.... A hmel chu ka en thin a, Chawhnu her nisa in a hmai a chhun sen deuh char mai leh tai deuh tak maite, a sam phelh deuh phangte, a chawn mam nalh tak maite, a ir leh awmbawr nalh var sar maite chu a hmuhnawmin mit laksawn a har duh ngei mai... Chutianga kan ti ti malh malh lai chuan ka rilruah zan lama a thusawi "Kum naupangte ka nih lai atangin mipa khat ah ka thinlung ka pe tawh" a tih chu ka hre chhuak zawk a.. Ka lo theihnghilh tawh ka thinlung hliam zawktu ka hriat chhuah leh tak avang chuan ka nguai nghulha. A kianga ka awm chuan ka lunglenna leh ka khawharna a kiang veka, kei pa hlimlo thin tak mai kha, Pa hlim tak nui ve bawk bawk zelah ka chhuak bawk a. Mahse ka chan loh tur leh a thinlung ka lam hawi theilo tura ka chan chuan ka nun a ti nguai nghulh zel mai zawng a ni e.

"Tun ang chiah khan nizan ah pawh i awm tawh" chik deuh leh thle deuh ha chunga min en chung chuan a ti a.. "Engtin nge ka awm a?" hre reng chung chuan ka hrelo der lui tlat a.. "I mitmeng a dul bakah, i nui hmel a danglam" min ti ta reuh a.. amah ka en vat a, "Min va lo chik awm reuh ve mawle?" ka ti rilrua.. Hnai set sawt ah chuan kan in en ha mai a, a mitmeng mawi tak mai leh a hnar nalh tak maite, a hmui kau deuh hlek te chu ava hmuhnawm tak em... "Ka danglam vak pawh ka hre hleinem?" ka ti a...Mahse he nula hian min hrechiang hle a lo ni.. "nilo.. i danglam a lawm...I rilru ah thildang daih a lut aniang" a ti ta reuh a.. Kan awmna dilah chuan Uchang a rawn tlak karh karh a, Sangha an rawn in perh ri leh pharh bawk a. Nia, ka na a lawm, ka na tak zet a lawm, ka nupui duhtak in min boral san tawh a. He khawvelah ani ang hmeichhe dang ka tawng leh tawh ngai lovang, ka tih mek laiin, nang hi ka tawng che a, ka rilru zawng zawng i luah fai vek a, ka nun khawhar em em i luahlan a, hlimna ka chhar ve dawn chauh tihah mita i nih tawh thu i sawi vang khan ka chhe ta veka, ka na nawn leh ta ngawih ngawih a ni. han tih mai ka duh a.. Mahse chumi thu sawi chhuak tur chuan ka ka ka ang thei hauh silo...

"Nizan khan i huat tur deuhin ka awm ta em niang? kei hi ka tawng duh a, i huat zawng sawi ka nei ta em ni zawk le, ka inti hial a sin... nizan a i awmdan ang chiah kha i ni leh" ala ti tak deuh deuh a...Lungte chu chharin sangha dil ah chuana vawm lut kerh kerh a... "I ngaihbel mai mai a nih chu, engmah a awm love... Hmuaka pawh chu ava rei ta ve, Thlam lamah kan chho mai dawn em ni?" tiin ti ti dang ka vawrh ta daih a.. "Nia, I duhkhawp kan man maw?" a ti a.. "Man teh lul mai, Sawma'n Sangha a ei theilo a vual vak zel, Pum 1 hi ka ei tawk lek a lawm" ka ti a.. "I tan liau liau a lawm kan man, keini te chuan kan ei ngun e mai" a ti a, Kan insiam a, Thlam lam pan chuan kan inzui chho hnak hnak a... Thlam kan thlen hnuah pawh Hmuaka reng reng alo la langlo... Kan insiam fel a, Hmuaka nghak chuan kan thua, an huan chanchin vel sawiin kan ti ti a. Minute 10 vel zet kan țhu hman awm e, Hmuaka pawh a rawn thlenga.. Kan insiamfela, Kan sangha hawn turte chu kan dah a.. Motor ka khalha, kan haw zui ta nghal a.. Pa Hmuaka ti ti kawng tluanin kan nuih pui bawk bawk a... Kan boruak rit zuah hman chu kan theihnghilh chhunzawm ve ta bawk a..

Engkim hi kan duhdan ang diak diak in a kal ngai veklo tih chu ka hre teh meuh mai, Mahse ka vanduaina erawh hi chu a thuahhnih deuh bik niin ka hria.. Ka nupui sunna hliahkhuhtu ber Duati ka chang dawnlo tlata inhriatna chuan ka hnun hmanah min ti buai chhunzawm zel a. Hlimna kawng zawh ka tum mek lai chu tih tawpa awmin, ka nun ngaiah ka luta, Kan huan feh hawng pawh zu ka in a, ka rilru ah Duati theihnghilh chu ka tum ta bura.. ka theihnghilh theih dan tur ber chu amah biak tam lohva, hmuh tamloh chu niin ka ring ber. Zana leng tura min sawmna pawh office thila buaina neih chhuanlam ah siamin ka hnar a.. Zankhua in zanriah pawh ei lovin zu ka in a, ka chahthlak rawk thleng zu ka in a, ka room ah inkhungin zai ka ngaithla tluk tluk a.. min biak tuma min rawn text na pawh chhang duhlo lui zelin ka rilru atanga paih chu ka tum nghet ta bur zawk a..

A tukah Office ka thleng chu ka beisei loh daih thil ka tawng zui lehnghal. Kei chu Promotion hmuin, Hmunpui zawkah Deputy Director tura tihna order fax in kan dawnga. A hlimawm nge a lawmawm? engmah ka hrelo, Kum 5 vel ka service ve dawn ek ek chauha, Senior Grade a ka kaisang nghal mai chu mak pawh kative deuh. Medical Directorate ah sawn ka la ni zui, Ka staff ten min lawmpuiin Thingpui min show tira.. Kar lovah ka awmna khua a Khawtlang hruaitu, Party leaders te ho beng a thlenga, Lawmpuina phone call leh massage ka dawng awl lova. Chutiang boruak vel chuan kan nileng zui ta mai a... An khua ka chhuahsan tur thu ka hrilh ang nge? Hrilh lovang tih chu ka inzawt tluk tluk a...Zan lama ka chhan that duhloh vang kha em niang ani pawn min rawn be zui bik lova.. Ka thawk lawk a.. ka insiam sawk sawk a,... Sawma kiangah Duati number chu pe in "Naktukah ka chanchin hi i hrilh dawn nia" tiin Aizawl lamah ka nu leh pa kiangah awm turin ka zan chhuah leh ta ngawt a... Ka aiawh tur an dah huna charge inhlan tur leh chumi hma chuan ka hnachhawpte bawhzui ngai tifel tur chuan ka chhoh leh ngei erawh a ngai thung ang. Chumi hunah meuh chuan ani pawh Aizawl lamah a rawn chhuk ve hman tawh ngei ang le...

Link:
BBcode:
HTML:
Hide post links
Show post links

Tochhong Ruata
Posts: 53
Joined: October 2nd, 2016, 1:46 pm

Unread post by Tochhong Ruata » February 2nd, 2019, 9:58 pm

DUATI (Part-IV)

Ka promotion hmuh avanga ka insawn tur chu Ka thawhna khua ten min uiviau laiin ka chhungte erawh an lawm viau thung. Aizawl hmuah ngei ka awm ve theih tawh dawn avangin, ka fapa nen kan inkar boruak a that phah sawt dawn bakah, min ngaihtuah em em na chu tlemin a ziaawm phah bawk ang. An fapa Naupangte a nupui sun, hmun hrana a awm chu tu nu leh pa pawn an ngaihtuah em em vek ang. Chumai a la nilo, ka nupui sun tak avanga ka nun inthlak hlawk chu an hai hauh lova, an tan ngaihtuah ka na duh ngawt ang le. Ka pa hi ka tluangtlam ve tak, dikna ngaina mi niin aduh phawt chuan kei hi min lachhuakin an tana hmuhphak hnaite ah pawh min dah thei rengmai, Mahse chutiang a ni ve lo. Ka hun a thlen huna thuneitu ten tha min tihna hmuna min dah mai kha a ngaihdan nghet tak a ni. Minister a nih lai pawn an party mi leh sa ten an mil vakloh officer chungchanga complain an neih chang pawn "hengte hi chu minister level atanga hmalakna tur chi a nilo, atul anih chuan in duhlohna point tak la chhuakin an hotuliante bulah zualko zawk mai teh u. Athuhrimah kan sawrkar chhunga hotulian lamin transfer and posting an ti anih loha, kan duh dan anga lo herkual pui mai hi kan tihtur pawh a ni chiahlo. Kan party hmingchhiat phah theihna zawk a ni ngai, kan party mi leh sa an nih loh vang ngawta khawih chet ngawt hi a țha ngai love" a ti daih thin. Chuvangin officer pawhin an zah ru renga, opposition MLA anih pawn a thu a tlang hle thin. Tin, MLA anih loh hnuah pawh a dilah a hlawhchham ngailo. Chutiang mi anih avang chuan kei a fapa ngei pawh hi kan hotute kutah min dah pumhlum hmak mai zawk a ni.


Ka insawn tur thu chuan engtin nge Duati a den dan lam ka hre hauhlo, ka promotion avanga min lawmpuina chu ziakin phone atangin ka dawng ngei mai a. Mahse thudang engmah ka haw thlak thut chhan etc vel a rawn sawi lang tawh lemlo bawk. Tin, ka biak duh takloh chhan emaw thildang engmah keimahah rawn sawi a nei zui talo bawk. Kar khat dawn Aizawlah ka chama, thil tul pawimawh ka chhuahsan tur biala ka hmachhawp bawhzui ngai ka bawhzui a, engkim fel taka chhuahsan ka duh vangin, ka theih ang angah ka inching fela. Ahma pawha ka lo sawi rik tawh Sawma chu hnanghet a thun tura ka dahsa pawh ka chhuahsan tur department ah ka chingfel veka, order ka hum haw thei hial bawk a. Peon anga lut siin BDO quarter enkawltu ah a tang reng dawn a ni. ka chungah pawh a lawm thiamin, amah duhsaka awmpui hmasatu pawhin lawmthu min hrilh hial reng a ni. Chutiang vel thil ka tihfel vek hnuah ka hmun luahtu tur nen kan haw dun nghal a, Charge te inhlan felin, kei min thlahna leh amah lawmluhna ruaite buatsaihin staff welfare lamin lawmpuina thuziakte min hlan a. Pu Hmuaka ka atangin Duati pawh Aizawl lamah a hna thar zawm turin a chhuk tawh thu ka hre bawk a, Duati ber a chhuk takah chuan tiin ka hawn thlak hma zanin an inah ka leng nghe nghe bawk. Tichuan engtikah nge Duati tual chaina khua, a pian leh seilenna khua ah chuan ka kir leh ang? ka kir anih pawn tlawh zawk emaw, tan tlang zawk chauhin emaw ka kal tawh maithei.. chutiang anih loh chuan ka kal mai mai tawh lo maithei, ka kal leh hun tur engmah hrelo chuan ka chhuahsan ta vuah vuah a. Ka chhuahsan tak Quarter atang chuan ka luh hnua ka bungraw lei engkim mai chu kalsan vekin, Ka thuamhnaw haklai leh ka hakthlak keima thuamhnaw tak tak chauh motorah dahin keimah chauha kal an rem tihloh avangin Pa Hmuaka nen Aizawl lam panin kan chhuak ta vang vang a.

Aizawl ah pawh ka hna chu thla 2 dawn ka thawk ve leh ta reng mai, Nitin zantin inhmuta chu ka fapa pawn min ngaina in, min ko awl lova, ka kianga riah em chu a la duh chiahlo. Mahse ka lut leh chhuak min chhawnchhaih danah a hringtupa nge nge chu min ngaina hle tawh a ni tih ka hria. Chutiang a nih avang chuan ka ze thalo zu in ka bansan a, Ka fapa hmuh laia zu rimnam ka duhloh vang ani ber mai. Tv kan en duh a, ka room ah toys kan khal duna, kan bazar duna, Pre School a kal tur ka thlah chang pawh a tam, Chutiang hunah leh Office a ka awm malh malh laite hian ka mitthla ah Duati leh kan nu ka hmuin ka thinlungah an thi theilo ve ve a. Ka nupui chu beisei chi a ni tawhlo tih ka hriat vang nge Duati chu a lang lian mah mah zawk fo thin. Ka bengah a nui hak hak thawmte ka hre thar leh fo thin bawka, Hmeichhe sang piannalh sam kawi deuh thlah hiang ka hmuh hi chuan Duati nen ka compare hman ziah bakah, ka lo en leh dauh dauh thin. Kan Office staff LDC pakhat hi amah ang a pianthiam ve deuh pakhat hi a awm a, chunu ka hmuh phei chuan ka hrechhuak ngei ngei a, ka rilruah a cham zui veng veng zel thin. Mahse, ka be zui duh lo chhunzawm zel thunga, ka biak emaw ka hmuh emaw chuan a zunah ka uai a zual dawn avangin ka tan kian san zel a tha ber. Ka thian a nihna a tawp ta ani chuang lova, a lakah rilru chhia ka put vang a ni hek lova, keimah lamin ka chanloh tura ka dah avangin zawkin ka natna a zual ang tih ka hlauh vang chauh zawk a ni. Keipawh ka thinlung luah hmasa ber tu lak atangin tuman ka thinlung min kawihpen sak thei ngailo ang bawkin thihna in a pawt then a nih ngawt loh chuan a thinlung a pektawh mipa theihnghilh turin kei tehlul hian ka kuai peng zo dawn chai silo. Aizawl mi hausa fapa, Tlangval hnahkhat ngat, Nula tam takin an ngaihzawn huai huai pawn a hneh theihloh chu kei Pathlawi nupui sun tawh leh kum lamah pawh a u fe nibawk hian ka luahlan zawh zo ka beiseilo hrim hrim ani. Chuvang chuan "Ka tlinglo ani keizawng, ka kiang mai tang nge" tih mai chu ka chantawk a ni tlat si. Amipa hmangaih chu ka thik rual rualin vannei ka tiin ka lawmpui ru angreng lawi viau si, a laka rinawm tlak mai hmeichhia, duhawm chungchuang a tawn dawn avangin a vannei ka ti hle. Kei leh ka nupui chan ang chiah kha an chan a nih dawn vangin, chu mipa tan chuan rilru thawveng leh venthawn nei hauh lova awm heuh heuh a ni tawh mai a ni dawn si a.


Thlah 2 ka awmna cham chiah ah Kan Batch keimah ang thova promotion hmu ve thut nibawk, Horticulture Departmenta Joint Director Teawmi kan tih mai, English Subject a Doctor ni phak ngat mai nen kan thianpa fapa birthday lawmna a kal turin kan inphur chhuak a. Aizawl khawpui ah hi chuan Motor atam avangin Office ah leh Department thil pawimawh a ka chhuak a nih ngawt loh chuan Motor ka hawl chhuak ngai lova. Ka hawlchhuah tum pawn engemaw pawimawh te ah lo chuan Designation plate ka tar ngailo bawka, Royal Enfield ka neih chu ka lek chhuak tam zawk thin. Hemi ni pawh hian chutiang tho chuan ka bike ah kan inphur a, amah nula hmetha leh ngo ve tak, Aizawl nula pangngai a lo ni bawk nen, min hrechianglo tan chuan in ngaihzawng emaw pawh kan ang lek lek maithei. Present turte leiin kan inkhaibawr dun hle a, a motor a chianloh avangin ka bike ah kan present lei ve ve chu pawmin a thu bawr țaih a. Zarkawt phei kan tlan laiin traffic a zam nasa hle mai a, Two wheeler takngial pawh kan tawlh chhet chhet a ni ber mai. Chutia kan tawlh beuh beuh lai chuan kan bulah chuan Duster Senduk hi a tawlh ve bek bek a, Driver side lama awm kan ni nghe nghe.

"Miss, i va bawr ve?" tiin chu motor khalh tupa chuan Teawmi chu a rawn bia a, hetih lai hian Motor tih hlum ngai khawpin kan ding thup hlawm tawh a, "Nia, khawnge i kal dawn? nang zawk" Teawmi chuan a ti let ve mai a, "Ka chhuak lawk mai mai a nih hi, kha kha ami in pa tur chu?" nui chung chuan a rawn ti a, "aw.. a nih hi" awlsam zet chuan a ti ve mai bawk a, an nui dun hak hak a, "a that dawn khawp kha" a ti a, keini two wheeler ho chu kan che zui leh ta nghal bawk a.. "Tunge? khatia i tih a, ka duh reng reng loh che kha?" tiin ka fiam zui vat a.. "Ka Thiannu nau a nih kha, a rawn uang mai mai anih kha" a tive mai a... Engmah kan sawi zui ta lemlo.

Kan Thianpa te in Chaltlang kan thlenga, mi an tamin an bei pui angreng hle.. Keini pawh chu tha takin minlo dawng sawnga, kan batch pawh khawhrana awm nilo chu kan kim ve hlawm viau bawka, kan ti ti mam mama, an kawt leh inchhungah te chuan kan zi nak nak hlawm a. Naupang an chiar nak nak bawk a,.. Hunserh hman a hunah inchhungah kan luta, Duati nen kan inhriat tirah ka nun thlak thut tuma kan chhungkaw inkhawmna a ka tel bak hetiang nikhua pawh hian hunserh hman tih velah ka tel ngai leh tak reng reng loh avang chuan chhuanlam siamin an inchung zawlah ka chhuak chho daih a, Hetah zanriah eina tur an lo buatsaih hi a lo ni a, Catering an koa, an ni ho chu an lo inbuatsaih malh malh hlawm a.. Kei chu kil khat a chair ah chuan ka thu a, ka phone la chhuakin ka bih ta mai mai a. Whatsapp msg lo lut theuh chu ka en diat diat a, ka beisei hauh lovin Duati Massage a lo awm ve ran mai a, Phur zet chuan ka hawng vata.." Ka lawmpui hle mai che, Nupui tha tak i neih dawn avangin, Min sawm ve ngei ngei ang che" tih leh Emoji a nui lai lem hi minlo thawn a lo ni a, Minutes 10 kalta vel lek a mi ani lehnghal. Enge awmzia niang aw,? Nupui neih tumna engmah keimah ah hian a la awm leh chhin reng reng silo, Tuemaw in nupui ka nei tur angin an sawi em ni dawn?, Tunge chutiang sawi thei tur chu ni ang? ka ngaihtuah ngial pawn ka hrechhuak zo hauhlo... Engtiklai khan nge chutiang lam chu sawi ka neih tih nen lam ka chhut let a, beng sika ka ngaihtuah hnuah nachina Zarkawta motor khalhtu leh Teawmi ti ti kha ka hrechhuak zawk a.. Kha motor ah khan Duati alo chuang ve reng tihna em ni? ka hawi loh em avangin ka hmulo hrim hrim bawk nen... Teawmi hunserh hmang chu lo chhuak thuai thuaise, zawhchian thuai thuai ka chak kher mai, Khatihlai khan Duati kha awmve nilose a hriat ngawt theih ang, Nge keimahni tawk zawnga motor rawn tlanah khan an infiamna hrephak siin Duati chuanna motor a lo ding ve reng zawk ni ang? tihte chu ka ngaihtuah a, ka lo hawi zaulo deuh chu ka inchhir hle. Mahse ka hmuh hreh ber ka hmuh phah dawn a ni lawi bawk si.. Ka nui suk suk a, engtia chhan let chi nge ni ang? han chhan loh ngawt chi lah a ni bawk silo.. Chhan dan tur erawh ka hrechuang bik bawk silo, chutiang vel chu ngaihtuah chuan ka lo buai ve ngat ngat a.. Chung Catering ti zinga hmeichhe thenkhat chuan min rawn melh leh zauh zauh thin a, an inhrilhru a an nui leh tet tet thin bawk a.

Henghi tawnglo ngai ka nilo, Khawi emaw hmuna ka kala, Hmeichhe thenkhat en duh nih hi ka hlawh ve hrim hrim thin.. Mizo tlangval ah chuan Palian ve pawl tak ka nih bakah, ka vun a ngo paw vuk lemlo nangin, ka hmaifang nula duh chi deuh a nih vangte, Tawp leh buaichuar deuha thuahnaw ha ngailo, bal ngaina lo tak ka nih avangte chuan "Pa si, fresh bawk si, cool bawk si" min tih phah fo thina. Min star rutu leh min thlira min sawi sep sep a, min nuih zui ver ver tu hi ka tawng ve deuh reng thin. Duhin lerh deuh ni ila chuan nula zan 2/1 lek lek atana lenpui theih tur leh thil min present thei mai tur hi chu ka van bik hauh lovang. Ka hmelhriat ka atang rengin ka dawng nasa, mahse lerhlo tak Hmeichhe 2 bakin ka rilru la luah chhin eih ngailo ka nih avangin "an ti ve mai mai a nih chu" ka ti liam vel mai mai thin. Ka thianpa, naupang kan nih lai atanga ka kawm ve ber thin, Thanzuala hi keimah ang em em a luck chu nilo mahse, hmeichhe star tu an awm chuan bawhzuih chak tak mai hi a awm a, Ka dinhmun anga ding nise a indaihlo thei viau awm e. Chung nula te pawh chuan keimah chu min sawi tih ka hrethiam reng mahse engahmah ka ngai duhlo ve tlat thung. Chutia ka lo thut paha Sikret ka zuk veng veng lai chuan "Hunserh hman hi thih hlauh hian i hlau a" tiin Teawmi chuan min rawn bia a. "In hmang zo der a mi?" ka lo ti vat a, ka bula chair ah chuan rawn thu ve nghal in "aw, nimai.. Cake an zai dawn a, call ka dawn avangin ka rawn chhuak a, i lo awm si lova, ka rawn zawng che mawle" a ti a, dawhkana Mineral water chu a inthlit zui nghal a.

"Taka, Boss vawiina 'kha kha em ni?' rawn titu kha khawilam mi maw?" ka ti a, "Khawi ami maw?" a ti ha a, ka chhan leh hma chuan "Taia hi chu i luck ve ngawt mai, saw nula ho sawn an rawn melh leh zak zak tawh che saw" nui chung chuan a ti a.. "I ho mai mai e mai, Zarkawta kan din zauh lai ami kha" ka ti a, "aw.. Rinkima a nih kha, ka thiannu Zokimi nau, Zarkawt a awm kha mawle" a ti a, "Oh Rka an tih kha maw?" ka ti a, "aw ni e, enga tinge?" a ti ha a, ka phone ka phawrha, Duati minthawn chu ka entir ta a.. a nui hak hak a "A nula phurh kha tihna ani maw? engemaw Music Video ah Model kha niin ka hria, Mizo nula ah chuan nalh pawl tak chu niin ka hria" a tih zawm zat a.. Ani hi tawngduh leh thil hre thei zet mai ani reuh a, a tunlaia, engkim hi a tuipui thiam em em vek mai bawk, Kawm a nuam a, a zaidamin fiam a dawl em em bawk a, keini ho zingah hian a tal tam hle bawk.. "Engtin nge in inhriat ?" a ti leh a, "Ka Bial chhuahsan tak ami kha ania, Chu loah kan nute School chhuak a ni" ka ti mai a, "Nurse tihna maw?, Model mihausa tlangval bak betha duhlo ho zing ami emaw ka ti mai a sin" a ti deuh kher a.. ka nui hak a "i sual lutuk, chutiang chu an ni kherlo Model ho hi" ka ti a..

"An ni deuh a lawm, Rka te kha engmah thiam neilo, an hausakna hmachhuan tawp, chhungte chawmhlawm a nia, Hausa viau lose kha model khan a duh miah lovang, Kan thianpa Thangzika Pachuau kha i hria em? MPS a in ziak tling, Pehlawn khaw pa kha? Kha khan a sawi a lawm, Aizawl South SDPO a nih lai khan, Mizo model pakhat hi a rim ve a, a karizma bike hlui ve deuh kha a keng a, Amah a thingtlangpa ve bawksi, Nula chuan a lo chu e kha duh vaklo a ni awm e, ahnuah Lammualah engemaw tih ah Dawhsan ah Uniform a hak hnuah an thu dun leh a, Police SI chin vel khan an va Sir deuh fo bawk nen nula chuan "Hmanzana in rawn len khan ka buai lutuka ka be tha hmanlo che u a nih kha, a zialo tak tak" a ti leh vel a ni awm e, aman a sawiphei chuan kan nui nasa a sin" a ti zui barh barh a, "a lo buai tak tak a niang chu?" ka la ti hram a.. "Nia, chu zawng tu hriat va ni suh, An taksa nalhna hmangin Mihausa fapa an buma, Mi hausa monu ah tangin Kolkata velah an bazar al al zel mai mawle, An khawsa nuam phian zel, Mizote chu nula leh tlangval in rimchi kan ni a, kan hmelhriat lemloh pawn min rawn rim mai thin,. Mahse tunlai nula ho chuan hetiang hi an duh derlo, An duhloh zawng leh hausa vaklo chu melh pawh an melh peihlo,.. Hmelah an buai lova, Sum ah an buai zawk a ni ber tawh" a ti ta zek a.. A sawi dik viau chuan ka hria, Mahse Duati erawh chutiang hmeichhia a nih loh zia hrechiangtu leh Model ang tak taka awm a nihloh zia ka hrechiang viau si. A Thinlungah mipakhat a naupan lai deuh atanga a hlan bak tuman hmun an changlo tih thlengin ka hre si a..

Chutiang vel kan sawi lai mek chuan Zanriah ei tur chuan midang pawh an rawn chho ve ta sap sap a, keini pawh kan thianten min rawn fin tak avangin kan ti ti tlakin, fiamthute thawhin kan titi ho ta zawk a. Mahse ka mithla ah Duati leh Rka hmel alanga, Rka chuan Duati chu hneh tumin a la bei zui zel a ni maw? Upa in "Hmeichhia leh Uite a chul nel peih peih" an ti mah thlawn lova, Duati hian duh hun ala nei mai ang a?? tiin ka rilruah a lo lut thuta, ka lum deuh pup thei hial a. Mahse, hmeichhe rilru sakhat tak, Mahni thutiama ding nghet tlat mai, Hnadang thlang lova Nurse hna thlang tlat mai mihring a ni a, chutiang ngawt chuan a thlemtluk ka beisei chiah silo. Mahse Sum leh pai in engkim a lei thei an tih si chuan Duati pawh a lei chhuak thei maithei a sin.. ka tih ngamloh kha Rka hian a ti lui tlata, hnehna a chan vaih chuan ava na dawn ve.. tihte thlengin ka ngaihtuah a, ka thiante titi lam pawh ka ngaihsak ve vak lemlo.. Zanriah te kan eifel hnuah kan thukhawmuang leh hleka, khua a thim tawhin Motor veivak a tam lutuk tawhloh avangin kan haw ve ta bawk a.


A Massage ka chhang lo nangin ka rilruah chuan Duati ringawt a lang leh tawh a, ka nunah a rawn inlar thar leh a ni ber mai.. Ka theihnghilh ta e ka ti a ni lova, ka hre renga, ka buai ngailo. Tunțum erawh chu ka buai tel tlat... A massage ka dawn atanga ni 3-na ah engemaw avangin BN Hospital ah kal ka ngai ta tlat pek a, Ka tumloh daihin Duati nen kan inhmu dawn anih hi, hmuh hreh viau mah i la, a thawhna hmunah chuan kan inhmuh ngei hmel si. Achhan pawh He Hospital hi endik a ngaih vangin kan va kal laia an staff te leh Ward zawng zawng te hmuin kan fang chhuak vek dawn a. Chutiang anih chuan kan inhmu ngei ang le. Phur ru tak leh hreh ru deuh bawk si chuan ka awm a, ka zauthau a ni deuh ber mai. Inspection team hi mi 10 zet kan ni a, Director a awmloh avangin Director ai ka awh dawn zui lehnghal. Hetiang a Private leh Sawrkar Damdawiin endik hna hi kan CM duanchhuah a ni a, Damlo leh mipui tan thatna riau a awm, Damlo an treat dante, an Hospital changtlun dante kan enfiah vek a, Chutianga kan endik vek hnuah an Hospital point hmuhdana zirin License cancel sak theihna hial dan an siam avangin Private Hospital lam pawh an tang hle reng a ni. A endiktu te zingah hian Medical lama tawnhriat nei tawh Pension tawh te kan ruata, Sawrkarin lawmmana siam sak thin a.. Keini lamin an endik kan vil ve thung thin.


Dar 11 ah hrilh lawkna nei lem lovin BN Hospital chu kan va thawng ta thuta, An Director ho chuan an phili buai chang chang hle, Staff room, ward leh Cabin, Casualty duty room thlengin kan fang chhuak vek a, Beisei aiin an changtlun bakah an thianghlima, Thingtlang lam tan Concession an pe tha viau bawk, an bill pawh a sang uchuak lemlo... Recommend pawh kan pe chhe lo tlang hlawm hle,. Hetia kan tih vel lai hian Duati hmel hmuh ka inring hle nangin ka hmu ta mai lova, Mi Zailai an neih avangin inzaina lamah a buai anih ka ring ringawt a, ka lawm za phian. Mahse beisei lo tak maiin Mawimawii nen kan inhmu ta hlawl mai a, VIP Cabin an tih awmna Floor ah a lo duty ve khar a... Kei ka nihna a lo sang tawh nen min hmelhriat loh melh lui deuh tlat a, Zawhna an zawh vel chu fel takin a chhang zaih zaih a, an duhtawk an zawh hnuah "Mawimawii chu i dam maw?" tiin ka chibai a, a nui var var a "Dam țawk țawk e, nang zawk i dam maw?" min ti a, an pute chuan an en hau hlawm a. "anuam bawk maw? in thawh chakna ber Hospital ah in thawk a nia, a nuam bawk ang chu maw?" ka ti a... "nuam khawp mai.." a ti a, Duai awmna han zawh tak ka nap a, Mahse ema ka ti leh deuh a.. Cabin chhung vel en thuak thuak turin kan kal zui ta nghal a. Kan bulah chuan a kal ve dat dat a, an pute nen kan inbiak tak avangin ngawi rengin a lo ding ve reng zel a.. Kan chhuah dawn ah "Lo leng leh tawh u la, I nu a dam zel maw?" ka ti leh hram a, "aw.. Nawrlirh ah a thu ve thei tawh a, A tawng ve sup sup thei tawh bawk e.. kan la rawn leng leh dawn nia.. Ka Thiani hi Zan duty a nei a, a day off anih hi" a ti a.. Kan nuia, kan kalsan ta nghal a. Duati a dutylo tih ka hriat chuan ka thawveng ta huai a. Director room ah BN Hospital hotu thenkhat nen kan ti ti leh hnuah kan haw zui ta nghal a.


Zan dar 10 rik hma hrein Duati Massage ka dawng leh ta nawlh a, Chhuna am Hospital kan tlawh vel thu leh a lo awm lova pawi a tih zia thute, hmuh min chak thu te a rawn sawi a, Kei pawh chuan tha takin ka chhang ve zel a, Engtik nge in inneih hun tur chu, a rawn ti leh hram a, Nupui neih ka tum tawhloh thu ka hrilh ta nge nge a... Kan in biak zawh hnuah ka ngaihtuah zui a, Min hmuh a chak ve tih a sawina chuan min tur ut ut a ni ber mai.. He nula, kei aia kum 10 chuang zeta naupang hian engvanga min hneh em em nge a nih hi ka hrethiam theilo a ni ber mai.. A hmelthatna leh a pian nalhna te chu keimah min hiptu ber an ni hauhlo.. a zia ngaihawm tak mai chuan min hneh a ni berin ka hria a, Mahse chung ringawt chuan amah han vei vawng vawng phahna tur ni phakin ka hre bawk silo..Min ngaina ve reng tih chu ka hria, min biak pawh a duh ve tho maithei, mipa zawkin biak that vak duh tak lohah chuan min be ngamlo mai mai ani maithei bawk.. An u rual daih ka nih bakah, an miss pasal hlui ka ni miau a. Ani Bialpa nei a lo ni bawk nen ka biak zui vakloh chuan min biak zui a duh biklo emaw a inthlahrung ngei ang le.. tih te chu ka ngaihtuah a,. Kei hi ka diklo a ni, ka hma chauh ka sial a, ka duh luat avanga alaka ka phut ang hmu theilo tura ka inrin avang ngawin keimah anga rilru pu velo han biak that duhloh vel ngawt chu mipa tih awm ni pawn ka hre ta lova..ka zak ru chem chem zawk a, Inchhuang te pawh minlo ti rilru reng zawk maithei... Ani chuan ka promotion ah pawh min lawmpui thu min hlan laiin kei erawh chuan, a hna hmuhah lawmpuina thu thawn chu khawi lamah, hna a hmu ta em tih reng ka ngaihven zui ta hauhlo a ni a. Ka vei em em a, ka chan dawna ka hriat avangin ka na em em a, kan inkungkaihna 'Thian leh an u' ka nihna ka chhuchat mai chu ka ti dikl hle tih ka inhrechhuak ta a..

"Naktuk zan i la night dawn em?" tiin Massage ka thawn let a, "Dawnlo, ka day off ang a, zan ka awl bawk ang" a rawn ti a "Floria ah zanriah kil dun ang hmiang?" ka ti a.. a reh vang vang a..."Awle... " a rawn ti ta a.. "Dar 7:00-ah ka lo nghak ang che Lobby ah" ka ti a.. "Ok" tih leh Thums up sign min rawn thawn zui ta bawk a... Naktuk hi kan inneih cham a ni a, Kan nupa khan vawi 1 bak kan lawm dun hman lo. Kan nu boral hnuah keimah chauhin kan inneih chamah Zanriah ka ei chhuak ngei ngei thin. Tunah erawh Khawvela ka thisen zawmpui nilo Hmeichhia ka ngaihven ber dawttu Duati chu he hun hi min hmanpui turin ka duh thung a ni. Ka fapa nen kan 3 a kil ho ka rilruk nghe nghe. chung vel chu ka ngaihtuah a, Nui deuh sak chungin ka muhil zui ta nghal a.


Atuk ka office hnathawk chu ka phur surh mai a, zing ka thawhhlim atang hrim hrimin ka phur, "Enge mawnle, ka nupui nilo tur a nih vang ngawtin ka hmuh chak em em ka hmuhloh reng lem ang le" tiin rilru ka siam a, Keima tawkin ka inchena pawh ka ulukin ka induang ve zaih bawk a, "Sir enge awmzia, i va nalh ve, Khawnge i kal dawn? meeting pawimawh a awm em ni? hmuh tha i hmu chiang? nizan i mumang a fuh a ni maw?" tih vel fiamna ka dawn nasat phah hle.. Rin ai takin kan buai reuh lehnghal, Engtin tin emawni kan nileng ve ta mai a.. In ah hawng leh phawtin a vawi 2-nan ka inbual fai leh te te a, ka thuamhnaw Office kalna a ka hak thin nilo, Tunlai Fashion casual deuh si, chhun lama kan nula ka bazar tir ngei mai chuan ka induanga.. Ka inhmeh tur leh ka duhzawng tur a hre phian..duhtawka ka insiam fel hnuah ka fapa a piin uluk taka a lo siam sa diam chu hruaiin Hotel Floria lam pan chuan kan inkhalh chhuak ta a.. A hmun ka thlen hian Dar 7 minute 15 in la ri lova, Table ka book sa vek tawh a, Duati nghak chuan lobby ah huan kan lo thu ran a, Ka fapa chu Hotel thawk ho chuan an chhawn chhaih a, nuam a tiin a leng halh halh hle.. Mipa naupang chum lam Samsei kir deuh chuat a nih avangin mi lawm a hlawh hle, Ka vun rawng anglo takin a ngo paw vah mai bawk si a. Anu a chhun hle bawk a, mi lawm a hlawh nek a, A tawng fiah lemlo a, biak sawm a nuamin nuihzat thlak deuh deuh zawhna siam leh mi chhan khauh khauh a ching bawk nen, lawm a hlawh hle thin hrim hrim. Hotel a tawkte chuan an fiam a, Reception counter dawhkan ah an thut tira, zawhna an zawta an nui ham ham renga, kei chuan an piah thutna awmah chuan ka lo nghak thunga..


Dar 7:00 a pela, Duati hmel a la rawn lang lova, ka phone ka en a, engmah massage emaw miss call emaw engmah ka dawng bawk silo, ani hi ngawi rengin a rawn țhulh mai em ni ang? nge Rka zawkin a remtilo ni ang?. Kei tehreng pawh lirthei a nei si lova, lova hruai mai tur a nia. Tiin ka ngaihtuah a, ka sana ka bih deuh reng tawh, ka ngaih a tha zan tawhlo. Dar 7:15 a ni a, Kawngka ah chuan a rawn lut ta zan zan a. Jeans Kekawr a piannalhna ti lang tawk tur chauha tight, tight mar pung ni silo, a ha a, hmeichhe pheikhawk flat var sar mai a buna, T-Shirt var sar mai a ha bawk a, Bag lianlo tak a awrh a, a kekawr chuan a ngalrek var haih mai chu a khun phak loh deuh avangin a lang vat hai bawk a, a sam chu pangngai deuh duhdah ang lek leka lang si chuan a țawn bawk a,. Min hmu chu a nui var var a, Chu Lobby chhunga awm hnathawk leh hnamdang mikhual awmte chuan an lo en deuh ha hlawm a, Keimah tiamin hmuhnawm kan ti tlang vek a ni ber mai. Ka bul a rawn thlen rual chuan "Ka tlai hreta min nghak rei tawh awm" a ti a, "Nghak rei love, harsatna i nei ta emaw ka ti hman a" ka ti a, kan han ding duna kan inbe vel chu hnathawk nula awmte chuan min melh hrek hrek a, hmuhnawm min tih hmel hle, "Tea, lokal rawh leh kal ang u" ka ti a, ka fapa chu a rawn tlan tarh tarh a "ava duhawm ve" Duati chuan a lo ti a, a kut ah a dawm a, an inkai nghal thei mai bawk a. Tichuan, kan chaw eina tur Hall lam pan chuan kan inzui ta a.

Ka dawhkan hauh hi kan nupa a kan inneih champha kan lawm hmasa ber leh hnuhnung ber nibawk, a raipuar laia kan kal dunna tawh kha a ni a, a falin a nuam phian. Thian ho, couple leh chhunkua etc niawm tak zanriah kil ho an lo awm nual a, Waiter kawngka bula lo ding chuan kan hming list a en a, "Pu Zoarmyliana maw?" a ti a, "Table 10-na, minlo zui rawh u" tiin a kal a, kan zui nghal a, Kan kalpelh apiang chuan minlo en deuh ha zel nghe nghe. Kan dawhkan awmna ah chuan kan thu thap a, ahma a engkim lo order sa vek tawh ka nih avangin Lo nghak lawk tur a min tih hnuah waiter chu a kalsawn zui leh ta nghala. "Hei enge awmzia? lawm kan nei nge?" zawi sap chuan a ti a, ka hma zawn chiah ah a thu a, Ka bulah ka fapa a thu bawk a. He nula in min hneh leh theihna em em pakhat chu Makeup a hmang tam ngailo hi a ni, a hmelthat vang leh a hmelina zir vang hrim hrim pawh a ni maithei, Siam that chawp ngai a nei tlem vang te pawh a ni mahna.. "Kan Inneih cham a nia" tiin ka zanriah buatsaih chhan chu ka sawi ta a.. "wow anih chu, ka va phulo si ve, Miss Melody chuan hlim takin minlo thlir ve maithei a ni" a ti zawi sap a, "Nia tiraw, He hmunah emaw hmundang hrim hrimah ani emaw hmeichhe 2 chiah special takin zanriah Hotelah ka la eipui" ka ti a, min en kiau chung leh nui sak chung chuan "a 3-na ka ni tihna a ni maw, Miss Melody leh Hmanni a i phur kha a nia, chuan kei" a ti a, a meng de ser ser ni maiin ka hria. "Ni love, Kan nu bakah chuan nang chiah hi an la ni e" ka ti a, ka en ve kar avangin a sen deuh ap ap nghe nghe a, "wow.. Ka va chang sang leh si ve" a ti a, a nuia, "Tea, puar deuhin ei ang aw, Mi special takin a bika a sawm awmchhun kan ni si a" tiin ka fapa thil khal niap niap chu a bia a, a rawn hawi chhuak a, "awle a pi" a ti ta reuh a, "api" a tih avang chuan kan nui dun hak hak a, "Ka lang senior viau a mi, mi khan min en duh riauin ka hria" a ti a, a nui hak hak bawk a, "Ni love, I chhelo em a, miin an enduh mai mai che a nih kha, Ka nu hi anu a ti a, midang a nite nilo chu a pi vek hrim hrim a lawm" ka ti a, "Ka lawm e, Ka bula kal te pafa an chhelo ema, min enduh a ni zawk a niang" a ti a.


Kan eitur chu a rawn thlenga, an menu a manto leh tui ber ber ka chah a ni bawk a, a tam viau bawk, "Kan eizo seng dawnlo ropui si a, i va order hnem em em ve" a ti a, "Hun hlu berah Hmeichhe duhawm tak zanriah ka kilpui dawn a ni a, Hetiang aia țha hi tih theih a sin ka la duh zawk ni" ka ti a, a sen ap ap a, a zak ve hmel hle.. Ka aw atangin chutianga fakna emaw chu a la dawng ngai tlatlo, An miss pasal thin ka ni a, chutianga ka fak vel chu mak pawh a ti hial maithei. Tin, Zaklo pawh minti ru viau thei bawk, mahse ka sawi zo vek tawha, awmzia a awm chuanglo, tin, pawi ka ti em em bawk heklo. "I ti lawmawm hle mai, Thingtlang nula kan ni bawk a, eizo vek i la a ni mai alawm, tiraw Tea" a ti a, chhanna ngai bawk "awle api" a rawn ti leh a, kan nui leh hak hak a, "Ka bulah i thu duh zawk em?" a ti a, "Mmmm.... aih apa bulah a su tuh" a ti reuh a.. "i van fel tak" a ti a, a biangah a tuai zauh a. "Ei ang u" ka ti a, Tea chaw tur chu ka siam saka, fian in ka barh pah a, ka ei pah bawk a, min melh zauh zauh a.. a mittui a parawl niin ka hria, a inhru zauh chu ka hmulo der tlat a.


"Ka van puar em em" a rawn ti a, Kan ei ve nual awm e.. "a lawmawm chu ka ti a, kan chawei min mitmei rengtu waiter te chuan kan ei thleng chu an rawn seng a, Desert an rawn chhawp zui nghal a, "I hna thar chu a nuam bawk maw?" ka ti a, "Nuam e, ka rin aiin Nurse hna hi nuam ka lo ti" a ti a, "Nia, nuam ti awm reng a lawm i nih, i luh chhan te kha ropui ka ti khawp mai" ka ti a, "Engtin nge i hriat?" a ti ha a, " i nu leh pa in min hrilh mawle" ka ti fiama, a nui a "ka awiihlo, chutiang sawina hun in neilo, vawi 1 chiah in inhmu a nia" a ti a, "I awmloh laiin ka leng a lawm, ka rawn chhuk hma zan khan" ka ti a, a meng phawk deuh hra a, "Tak tak maw?" a ti a, ka bu nghat a "I van fel... e fellehlo, nangmah vangin ka rawn haw chho ve hram hram a, engmah sawi lovin min be duh lova, Min chhuk san thut bawk si, ka thinrim zia aw" a ti ta reuh a.. "Eh.. i result nghak mai mai a nih kha aw" ka ti ve ngat a.. Keimah vanga an khua a rawn haw chho anga a insawi chu dawt pawh nise a lawmawm ka ti viau.. "Chutiang a nilo, ka chhungte pawn ka chhoh chhan an hrelo, min zawt thin a, ka ngai che u ka ti mai mai, ka rawn haw thutna chhan ber chu i chhoh tak daih vang kha a nia lawm, Mahse i lung a lenga, i tum bura, min be duh lova, I promotion pawh min hrilh lovin i chhuk daih anih kha, I nau khan a tuk zanah min rawn hrilh ve ringawt leh nghal" a ti a, a thutakin min en kiau mai bawk si a, ka lai lek lek zawk.


"Chutiang a nilo, ka buai em vangin ka be hmanlo thin che a lawm" ka ti deuh ngawt a,..."aniang, kei chuan ka buai em em lai pawn i mi biakna hi chu ka chhang nghal zel che, Nizan te khan Damlo chiuna tur ka siam lai a nia, ka chhang pah zel che" a ti a, a va han duhawmin a va han hmeltha tak em.. a titau ve deuh hmelte chu a duhawmna tizualtu a ni ber mai. "Ka tihpalh a nih chu" ka ti a, " Ka ngaidam ang che, Mahse, Thupha chawi nan i rawn leng tur a ni" a ti deuh hmak a.. "Tunah hian maw?" ka ti a, "aw.. tunah abak chu zan duty ka nei leh nghal dawnin ka hria" a ti a.. "Tea hi?" ka ti a.. "Kan hruai ve zel mai ang chu?" a ti a, a nui a, "Anih loh pawn Inah kan va dah zuai anga?" a ti leh a, "Ngailo, Kan 2 in kan rawn kal mai dawn nia, Pafa a nula rim pawh a khat a lawm, sawive reng reng ah" ka ti a.. Bill vek ka tihfel lai chuan an lo infiam a, an nui hak hak renga,.. Ka bill ka tihfel hnuah ka nu ka bia a, Tea nen kan lenkual lawk dawn thu ka hrilh zui nghal a. Tichuan hlim takin kan inzui chhuak ta dam dam a.


An in luahna an lo sawn tawh a, An In luahna hmasa ai chuan a hmunhma remlo mahse a felfaiin a zau tha viau thung, Chhungkaw pangngai in luah tham zet a ni nghe nghe... Tea chuan nuam a tiin a tlangnel hle a, Duati nau mipa te chuan an chhawn chhaih a, an room ah an hruailut a, an nui leh dar dar thin a. "A duhawm khawp mai, a nu leh pa a chhun kawp che u a" a ti a, "Chuti maw? Kei min chhunlo hi a vanneih thlak khawp mai" ka ti ve mai a, "a chhun che a, a duhawm a lawm" a ti a, ka en vat a, a lo nui seih a, "Ka ti tak tak a lawm. Class 8 kan zir laiin I pa kan khua ah a rawn kal tum khan Pangparthi ka awrh tir che a lawm, Khang hunlai atang daih tawh khan ka hre tawh che mawle" a ti ta reuh a. Ka hria a lawm, College kan kal tirh lai a nia, Ka pa hian a zinna ah min hruai ve vawikhatna a ni nghe nghe. Ka hnathawh dawn pawh khan ka kaltawhna khua a ni tih pawh ka hria, Mahse, Pangparthi min awrhtirtu tih lam chu ka lo la ngaihtuah ngailo hrim hrim... Ka ngaihtuah let chuan khami tuma ka pangparthi awrh lai thlalak pawh kha ka la nei ngeiin ka hria, kan driver khan thla a lo la a, min pek tak kha.... Amah hi maw lo ni, mahse ka zeldin thiam tawh hauhlo thung.. "Ava mak ve, i va sawi chhuak har ve" ka ti a, "Nia... ka sawi zak ve tho a lawm, Hmeltha kha kan ti che a nia aw" a ti a, ka nui a, "ka va awihlo, ka cher bawk si" ka ti a, "Awii kan school hmeichhia zawng zawngin an sawi luai luai che mawle" a la ti ta deuh deuh a, Engemaw sawi tuma a an zuau laiin kawngka kik thawm a rawn awm a, "Lo lut rawh" a ti vat a, Rka a rawn lut ta a, kan 2 chauha in opposite chiah a țhudun min rawn hmu chu a mengtal deuh tap tih ka hmu hman. Mahse a insiam rem leh vat a, "i hawnna a rei tawh em?" a rawn ti a, Duati bulah chuan a țhu zui ta nghal a. "Rei lutuk love, Hei Pu Taia a nih hi, Hei Pu Tai Rka" a ti a, a hmelah danglamna engmah a langlo.

Kan han inchibai tlai khawhnu ve a, Room ah chuan enge an tih ka hrelo kan tleirawl 2 chu an nui leh hawk hawk thin a, "enge maw an tih le?" Nui chung chuan Duati chuan a ti a, rei vaklo hnuah chuan Tea chu a țap ta ra ra a, Duati chu a tho vat a, "Ngati nge?" a ti a, an nui tlak tlak a, Room atang chuan an rawn inpawm chhuak a, "skipping rope ah a zuanga, a tlu anih hi" an ti a, amah pawh chu a nui ve leh tawh a, "Tlangval an țap ngailo" ka ti a, lak ka tuma Duati awmah chuan a bei ta daih a, "kan hawng mai ang a mut a chhuak anih kha" ka ti a, lak ka tum a, a duh bawk silo, Duati chuan "tihian kan pawm rih mai ang e" tiin ka thutna nilo, Rka thutna nilo thutna awl berah chuan a thu ta tharh a.. zawite te chuan eng emaw an sawia, a chhang ve zel a, "Zai rawh" a ti a ni ngei ang "enghla nge i duh?" a ti a, "Hautakna" a tia, "awi ka va hrelo ve?" nui chung chuan a ti a, "A pi phuah a sak sak thin a nia" ka lo ti a, "Han sa chhin la, ka lo zawm ve ang che" a ti a, Api nen an sak dun thin chu a sa ta a, Duati chuan a thiam ve vat a, a sak sak a, a awi pah bawk a, karlo ah chuan a muhil zui ta mai reng a... Chutihlai zawng chuan Rka mitmei ka ven avangin Rka chu ka melh leh zauh zauh thin a, Rka hmelah chuan thikna leh lung nihlohna ka hmu a, Phone a hmet kual nauh nauh reng bawk a. Rei vaklo hnuah a phone chu a rawn ri a, A thova Phone chhang chung chuan pawnah a chhuak ta daih a.. a reh zui ta vang vang bawk a. Duati lah chuan engmah pawisa lo chuan zawite te chuan a zai reng bawk a... A awmdan ah chuan a tap ni maiin ka hmu, Tea a kuah lohna zawk kut chuan a mittui a hru leh zauh thinin ka hria.

"Kan va haw ve tawh dawn a mi?" ka ti a, a rawn dakchhuak mai theilo, a mittui a hru zauh a, "ala mu nghet lovin ka hria" a ti a, "Kawngah a munghet ve mai ang?" ka ti leh a, a rawn hawi chhuak a, a mit a lo sen ram a, a tap chiang tih ka hre thei mai "Engtin nge motorah a chuan theih ang, a khawngaih thlak" a rawn ti a... "A seat ah seat belt in ka hreng bet mai ang, muangchangin kan tlan dawn nia" ka ti a... "a lainat awm, ka thlah mai ang che u, Chuan min thlah let leh mai dawn nia" a ti ta tlat a..."Rka kha?" ka ti a, "a hawng daih tawh ang, a titau a nih kha" a ti sam et a.. Ka hnial ngial pawn a tih luih tlat avangin kan in lam pan chuan ka chhuak ta nge nge a. Motor ah chuan Tea chu tui takin ala muhil sak sak a,

"Hausakna te hi engmah a lo ni love..
Hausakna hian nu min pe thei silo..
Hausakna hian Pa min pe thei silo..
Hausakna, Hausakna eng a lo ni love.. " a va tha tak, a pi phuah maw?" Duati chuan a rawn ti a, Chutiangin ka lo ngaithla chiang ngai lova, Ka phu deuh zawk thei hial a.. "Ka hre nang?? chutiang chuan maw tunah khan insak duna?" ka ti hu a.. "aw.. fiahlo deuhin a sak kha, i hre ve emaw ka tia sin?" a ti a.. Ka ngawi renga, "Ka hnuk a ulh lo thei lo a ni... Hetiang anga naupang tha hi a ni tih rawn hmu vese, Miss Melody khan a chhuang ngawt ang.. a thil neih engpawh a hlut thiam thei bawk si?" a tih zawm sap sap a.. Ka ngaihtuah chiang a, ka nu chuan ka fapa tan a rilru a lo na thei hle a lo nih hi. Hausakna sum leh pai huan leh ram khawvel thil hlu chu engpawh kan nei ve a, mi ngaihah pawh hausa kan ni maithei, Mahse chung zawng zawng chuan 'Thihna' chu an dang thei lova, ka fapa ngei pawh nu a pe thei tawh heklo.. Chumai a la nilo, a pa ngei pawh a nei theilo deuh thaw hman a lo ni si a, Chungte chu an pitu chuan an lo sa dun thin a lo ni awm a.. Ka inngaihtuah a, ka bing deuh mum mum in ka hria, Ka fapa tui taka muhil Duatin duat taka a pawm chu ka en zauh a... Ka lainat kher mai, ka thinlung a keh sawm vek ni maiin ka hria... Zu ka in tawh ngailo ang a, Inkhawm ka bansan tawh ngai hek lovang, Bawihtea ka fapa duata hmangaihtu hmeichhia chu tupawh nirawhse nupui atan ka nei ngei ngei tur a ni" tih chu ka intiam ta bur mai a...


In kan thleng chu kan thawmah ka nu a rawn chhuak vat a, "eee a muhil e law?" nui chung chuan a rawn ti a, "Anih hi, a mutui em em mai lehnghal" Duati chuan a ti a, Inchhungah chuan kan inzui luta, "a mut hi a chhuak hma thei a nia, apa naupan lai ang mai a ni, Zingah hma takah a tho leh mai thin" ka nu chuan a ti a, "Kan room ah kan mut nghal mai dawn a mi?" ka nu chuan a ti a, ka nute room ah chuan an 2 chuan an pawm lut zui ta nghal a.. Ka pa leh ka nau chu an lo la meng bawk a, "Tunge a?" ka nau chuan a lo ti ha a, "I u Melody school naupang hlui a nih kha" ka ti awlsam et a, "Nurse maw?" a ti a, "mmmm" ka ti a.. an rawn chhuak ve mek bawk a.. "A mutui viau emaw kan tia, Khumah a mut dawn chiah a, a duhlo deuh a, lo mu verawh a tia, an han mu dun leh rih a" nui chung chuan ka nu chuan a rawn ti chhuak a.. Duati chu a sen ap ap a, "ava mak ve a ni pawn mutpuiah a sawm ngat ngat a, a bulah a mu duh ngailo a nia" Ka pa chuan a lo tive bawk a.. "Ka va thlah nghal mai dawn che em ni?" ka ti a.. "aw.. thu hahdam ve phawtse mawle" ka nu chuan a lo ti vat a.. "nia.. lo thu la, ka room ah kan chho lawk ang e" ka tive ta a.. Ka room ah chuan kalin bathroom ah ka tlan lut rawk a, Bang nghengin ka va tap ta chiam a..... Ka fapa nu neiloa khawhar taka awm lam ngaihsak miah lovin, Ka khawharna chiah ka lo la vunga, Keimah chauhin tuar nia ka hriat, ka fapa naupang mai lani pawhin kawng hrang hrangin a lo tuar ve hle dawn a ni tih ka hre chhuak ta a, chu chuan min vello theilo a ni.... Ka insum hram hram a.. Room a ka kal chhan pawh engdang vang a nilo reng a ni..

Ka zuk chhuk leh chuan ka nu leh pa chuan Duati chu hnai zeta lo enin an lo nui dar dar a, engtia khutia an nuih chu le? ka ti rilru a, "In va hlim awm ve?" ka ti a, "Nia hei zanin inzanriah ei vel a report a" ka nu chuan a lo ti a, ka nau leh Duati chuan chik zet chuan minlo en a, ka inphih fai viau nangin ka awmdan a lo hrethiam a ni tih ka hre nghal mai a, "Kan kal tawh mai dawn a mi?" Duati chuan a ti nghal vat a, "Nia, i nauten an ngaihtuah ang che" ka ti a... "Lo leng fo rawh aw" ka nu chuan a ti a, kan chhuak zui ta nghal a. Ngawi reng chuan motor ka khalh a, a phone chu a sik niap niap a, An in lam kawnga kal talo chuan Kulikawn lam pan chuan ka tlan ta daih a, "Khawnge kan kal dawn?" a ti a, "Thlangnuam View ah kan kal ang chu" ka ti a.. a nui hak a, "Ka nauten min rawn massage a, Rka a rawn kal leh a ni awm e, a la thu ngul mai anti, Zu rim a nam viau a ni awm e" a ti a.. Motor chu kawngsirah ka park a, "Kan inturn mai dawn a mi?" ka ti a, "Ngailo, a haw hma chu kan rawn haw dawnlo ka ti tawh" a ti a... "A nghak reng ang che?" ka ti a, "Tlangnuam view chu kal ka chak, ka la kal miah lo, kal vat vat ang" a ti ta daih a, ka en renga, Min rawn melh a, a nui seih a.. "Enge?" a ti a.. ka insum zo lo "I hmeltha lutuk a" ka ti ta ngawt a.. Zah hmel deuh chuan a nui sen sen a, "I nupui tur kha a nih kha hmeltha... MCS vetho a ni lehnghal" a ti a.. ka nui hak a... "A dik tiraw?" a ti a... "Nia, ka la hrilh dawn che nia" tiin Kulikawn lam pan chuan ka tlan ta par par a, ka hla chuan "Love of My Love" tih hla chu ka play riai riai bawk a.....

Link:
BBcode:
HTML:
Hide post links
Show post links

Tochhong Ruata
Posts: 53
Joined: October 2nd, 2016, 1:46 pm

Unread post by Tochhong Ruata » February 3rd, 2019, 10:24 pm

DUATI (Part-V)

Tlangnuam view an tih fo hi ka la kal ngai miah lova, An sawi tehchawka kal ve hrim hrim ka chak tlat pek a, A kawnga kan kallai chuan Pavalai rual hi an lo tawngtai mam mam a, kan kal zela, a chhip kan thlen chuan khawthlirna ah chuan kan lawm chhova, Kan thlang deuha Tawngtai tih midang kan hmu lemlo. Mahse Khawthlirna an siam chhip ah chuan nula leh tlangval la naupan ve hmel deuh hi an lo awm a, Khua an lo chuan ve mek a,.. Abak tumah dang an awmlo.. A loawm chhunte lah chu in ngaizawng pawh an anglo, an infiam bawrh bawrh a, 'I bialnu hmelchhiat nen nen" te an inti ta vel mai mai a.. A chhip han thlen takah chuan hawi a nuam vah vah hle mai. May thla chawhnu lam a ni a, Fur ruahtui hmasa a sur zawh hlim a ni bawk nen a thiang vuk mai a, Aizawl tlak lam lang ut mai chu a hmuh a nuam kher mai. Duati chuan a thlir kuala nuam a tiin a hlim hmel hle, Boruak uap lum churh mai hnuaiah kan awm a, he hmunah hian thlifim a lo thawh ta her her mai sia, a nuam em tak reng a ni. Ka rilru pik leh hahdamlo tak te chu a hahdam sawng sawng ni maiin ka hria, "Thiante u Thla minlo lak sak lawk teh u" tiin kan piah lawka ding tleirawl 2 chu ava bia a, "Hey, Pu Tai lokal rawh hetah rawn ding ve rawh" tiin min hui a, Mipa zawk chuan kan thla min laksak tum chuan a rawn insiam rem a, Duati phone camera chuan a hmet ta mawlh mawlh a, "Hmet teuh rawh, duh duh thlanah" a ti mai a, chu Tlangval lah chuan a hmet phur phian a.. Engzat fakau nge a hmeh ni ang, a de zawr zawr ni berin ka hria.. A hmeh zawh chuan "Kapu i phal chuan amah hi thla kan lo lakpui ve, Model Duati kha a ni tiraw?" camera Duati pek pah chuan a ti a.

Camera man ah te chuan țang ve leh ang lawp lawp a... Lawmthu an hrilh hnuah an chhuk nghal nal nal a... " an lawm hle anih dawn kha, an kal nal nal mai a lawm" ka ti a, a nui hak hak a, "Milar bula kal chu kan heti tlat zel, nidangah chuan Camera ka keng lawk tawh ang, Chuan ka khul tir zel ang" ka tia, za deuh chuan a nui a "Ka inchhir a nia aw, Model kha i ni tiraw?" te hi min ti leh ringawt zel.. Kha Music Video lah kha Vulmawi award ah Best Picture a la dawng zui a ni awm e" a ti a,.. a nui hak hak bawk a. "Wow nangmah vang a nih chiah chu" ka ti a... Railing ngheng chuan kan ding dun a, Boruak nuam tak hnuai ah chuan a thaw ham ham a, Light eng deuh reuruau hnuai ah chuan a hmeltha zet mai chu ka en a, "I vannei bik ngawt mai" ka ti a, "Engvang chuan?" a ti ha a, " aw engkim hi a siam uluk sak bik em em mai che a" ka ti a.. "Miss Melody nen kan in ang deuh vang mai mai a nih chu" a ti a, a nui seih a, a inhera, Aizawl khawpui pe ut lam chu a thlir vang vanga.

"Zanin kha chu ka insum zo nang lo a ni e, min hrethiam dawn nia" a rawn ti a, "engkawngah chuan maw?" ka lo ti vat a, ka din ngaiin ka ding renga, "Ka mittui kha ka dang zolo a ni ber mai" a ti leh a.. "Nia, Ka hrethiam a lawm, ka fapa ve mai mai i khawngaih avanga i mittui tla khan ka thinlungah thu tam tak a sawi zawk a sin" ka ti a, a rawn ding ngila, min si deuh thawh chuan a rawn ding a, "Miss Melody boral hma lutuk leh a boral dan kha mak ka tiin kan tuar ve khawp a sin" a ti a, "Nia, Keipawh hian ka tuar thei khawp a sin.. Mahse" ka ti a.. ka sawi tum chu sawiloh mai ka duh zawk a, achhan pawh Rka chan ang lek ka chan ka hlauh vang zawk a ni a, "Enge mahse chu?" a ti a, ka huaisenna zawng zawng sawmkhawm chuan "Nang ka tawn tak atang che khan ka danglam ta daih a.. Melody kha rawn tho lehin nangmah ah hian a rawn changta ni maiin ka hria.. Ka fapa pawh khan hrethiam hauh si lovin a ngainat nghal ringawt che kha... Hindu ho rinna pakhata ka nupui thlarau kha nangmah ah hian a lut niin ka hria" ka ti a... a ngawi reng a, a lawmlo ta em ni dawn ni ka ti hman a... A en ngai a en renga, Ka ngaih thalo chuan inthlahrung takin ka en a, a mittui a biangah a lo luang ngiai ngiai chu niin... "Hei tinge i thinrim a mi?" ka ti a... a inhru zauh a.. "Chutiang chuan min ngaina ve tak tak maw?" a ti țuau a, ka hrethiamlo dawn deuh hman hial... "Aw... Ka hlimna bo tawhhnu kha a rawn nung leh ni maiin ka hria" ka ti a..


Min kuah thuta, chhuak em em chuan a țap ta hawk hawk a... Engvanga țap nge a nih ka hreta hauhlo mai, Ka kut chu la kangin, inthiamlo deuh si chuan a hnung zangah ka beng ta thek thek a, "Enge awmzia, i pawi ka sawi em ni?" ka ti a... a inhru a, "Mawla, tunge an pawisawitute kuah a, Tap ngai.. i va han mawl tak, Pathlawi ve si" țahaw țuau nisi nui deuh chung chuan a ti a... "Lawm a vang zawka țap ka ni e.... Ka sawi lan ngam miahloh ka rilru tawt thei deuh a reh ta daih mai...Miss Melody tana țangkai ka nih hi ka tih laiin" a ti hman chauh a... ka kuah bet a, ka fawp ta țhuai a.... Kan indut rei hle...

A laia țhutna tur an siam kual ah chuan kut insuihin kan thu duna, Tuikhuahtlang leh Kulikawn vel lang ut mai chu kan thlir dun a, " Tinge min huat leh thut thina, min kalsan leh daih zel?" a rawn ti a, ka nui suk a, "Phulo ka inti che mawle" ka ti a, "Ka nat theih zia mai chu, Engmah i sawi duh lova, hlim hmel i pu tawh țhin bawk silo, biak tum chein ka call che lah i chhang duh ngai silo.. ka țap zankhua zak zel... Mahse, Keia cho rual a nilo, kan in upat hleih lutuk reng reng, Keiin ka lo ngaizawng ru ve ringawt zel a, a nin a thinlungah Miss Melody bak a khung silo.. A chanchin sawipui thei awmchhun ka nih vangin min ngaina der mai mai a nih dawn hi" ka ti thin a sin.. Hmanah ka na vak tawh a, Tunhnaiah nangmah vang bawkin ka na leh vak tawh a.. Nat belh ka duh tawhloh avangin ka be chhunzawm duh ta biklo che a ni..." a ti ta siap siap a..

" Hmana i nat chhan chu tunge?" ka ti a.. "I sawi kum naupangte ka nih laia ka thinlung ka pek tawh i tih kha em ni?" ka ti a... "Engmaw?" a ti ha a...Ka mood off tak chhan chu an in kan kal zana a ti ti te nen ka hrilh ta a.. Za em em mai chuan a nui ta hawk hawk a... "Awiii..Patling tihtauhna atan chuan avan ho ber tak... hrechiangla i nuih a za zawk hial ang" a ti ta reuh a... a nui zui hak hak a, "Awww... ka sawi ang khan ka thinlungah hmeichhe 2 chiahin hmun an la khuara, a hmasa zawk chuan he khawvel atangin min ngai lovin min chhuahsan tawh a. Chumi hnu kum fe aliam hnuah, Ka hma ah hmeichhe duhawm zet mai a rawn inlan leh a.. A laka ka luanliam a, tuma tan ka hawn phalloh chu ama tan ka hawn sak a... Chutah a ni chuan mipa dang tan hmun a awm tawhloh thu a sawi chhuak ta mai sia, ka tan chuan Hmeichhe dang tana ka pek phalloh ka pek tum rauh rauhin, chutiang a keimah ang bawka, midang tumah pek a phalloh thu han hriat chiah khan, na lo thei ka ni talo a, ka insum ve theihna ber chu nang hlata awm kha a ni ta mai a ni" ka ti ta duah a.. Kei leh keilo angin ka sawi thui hman ve hle. Ka kut chu a hmer nghet sauh a., ka lam a rawn hawi ha bawk a, kan mitah tak kan in en vang vang a "Kha ka thinlung luahtu kha i hre duh a mi?" a ti bung ta nghat a.


"Ka hrilh tawh che kha, kan khuaa Minister fapa tlangval nitawh Pangparthi ka awrh tir tum khan, ka kutah a lo dawma, ka hik chhuak vek ni maiin ka hria, chutah 'ka lawm e' tiin min la nuih zui lehnghal,.. Chuta tang chuan ka thinlungah a riak ta reng a, Hmuh ka chak a, ka hmu hreh bawk si.. Kan School a hmeichhia zawng zawngin an sawi luai luai a, ka sawi ve miahlo nangin ka thinlung ril berah hmun a luah tlat thung. Kan han nula chho a, Parthi ka awrh tir laia thla an lo lak chu ka khul ve theih hlauha, chu a hmel pawh langlo, Pangparțhi in a hlaih daih chu ka en kham thei lovin ka hmuh phak chhun a ni ta a, ka roh em em bawk. Chuta tang chuan chu Tlangval lakah chuan ka luang liam ta em em a... Nulat kan hre chhova, ka rilru ala ngai reng, amah lah hmuh theih turin a awm ngai tawh silo. Chutah Nurse ka zira, Kan 2 semester zir laiin Miss thar kan nei a, M.Sc Nursing a nia an ti a, A hmelțha in a fel em em mai a, Keinen chuan in anna riau kan nei aniang ka thiante ngei pawn min hrilh fo thin. Ama beng pawh a thlenga thla te kan la duh a, kan in ngaina chho ta viau a..


"Ka thiante chuan an lo hmu fo tawh a niang, Miss Melody Bialpa hmelthat dan leh pa dan chu an ti fo mai a, an sawi ngun viau bawk, Mahse ka la hmu ve ngailo hrim hrim. Miss Melody wardena a rawn awm hnuah zankhat chu Min rawn kova, a room ah ka han kal chu a bialpa an tih ngei mai chu ka han hmuve ta a...Amah nen an inang ka ti em em mai a, ka hmuh hmasak ber lai ai khan a lo chhelo tawh zawk a, ka tih tur ka tih zawhah ka chhuak lehnghal a.. I la hria em? Miss Melody in a rooma min koh luha, 'T-shirt ka leisak che a, i birthday a ni tiraw?' min tih tuma, ka birthday a pelh tawh thu ka hrilha kan nuih vak vak kha, nangpawh nuive.. Mahse min pek tak tho kha... Ka chhuak thuai thuai chak a nia aw" a ti siap siap a... Ka ngaihtuah let a, khami zan kha an hostela ka len hmasak ber țum a ni a, chhunah kan bazar dunah zirlai zing ami 'ka nau chuam, Modeling lama kal zawk awm tak a ni a sin mawni' tia a t-shirt pek tur kan lei ni kha ka hrechhuakin, a theihnghilh a, ka va pek leh zan kha a ni tih ka hre chhuak a. Khatih hunlai khan tumah ka chik ngailo, amah chiah ka duh a, Hmeichhe dang reng reng chu ka phek en vek thin kha ani a.. ka lo hre tawh miahlo a lo ni. "Hria e, mahse tunhnuah khata mi kha i ni ang tih rin ngaihna ka lo hrelo reng reng" ka ti a. "Nia a awm a lawm, In induh em a, ka thik bawksi, ka lawmpui bawksi, ka awmdan chu hrehawm ve tak ani. Tuma bulah ka sawi ngai lova, Mamuani kan khuaa ka thiannu bulah erawh ka sawi, Tichuan, a hmaa hmu ngai hleilo che kha in 2 hian ka hmu thei ta em em mai che u lehnghal, Ka thinlungah paih bo daih che ka duh a, Mahse ka thei silo. In inneihni te khan Mahnitawkin ka lo hrehawmin ka hlim ve em em a, In inneih hma khan Miss Melody khan "Duati Tea hi enge i ngaihdan?" tiin min zawt a, "Miss, zep miahlo ah chuan hei aia mipa hi an awm leh tawh lovang, a engkim mai hi pasal tlak vek a ni, i vannei khawp mai" ka ti nghe nghe.. A lawm hle bawk.


"Mahse, rei in inneih hmain a boral san ta che a nih kha. Rka chauh a nilo, Mipa ngaihzawn duh zawng chi ka ni nge ka hrelo, minlo biak teh, a phone number minlo pe tia ka thiante bula sawi ka tawng ve reng a, Mahse amak lutuk tumah hian ka lung an len ngailo hrim hrim. Ngaihzawng anga han neih ve te pawh ka nei thin a, Mahse ka kut hi chu an khal ve tawh abak chu mipa tuman min kuah emaw min fawp emaw ngailo hrim hrim 'Thingtlang nula a nia, a mawl ru riau, heih a awm, Thamawli a nih saw' te pawh minti thin a ni awm e. Kan Senior te thiante pawn min ngaihzawng thin ka ti theilo... Doctor hial pawn min ngaihzawng thin... In Thianpa Dr. Zothana pawh khan min rawn hel nasa ve lutuk, nangpawn i hriat ka ring, Miss Melody pawn i vanneih phah ngawt ang min ti thin a. Mahse kei chuan 'Mipa 1 chiah ka rilruah a awm a, midang an lenglo ka ti mai thin a, 'Kei pawh i rilru ang tho chu ka pu a lawm, i vannei zawk daih ang' min ti a, Chuta țang chuan mipa lam min sawipui tawh ngailo, 'Vanneia chu a dam em?, in inbe ngai em?' a ti thin a.. engmah a hrelo si a, Vanneia a ti ve ringawt thin.. Dawt ka hrilh chu na ka ti em em a, Mahse ka hrilh chuan nangmah sawilan a ngai dawn si, hre miah lovin a liam ta a ni...." a mittui a tla par tawh a, ka rawmawl ah chu ka pe a, a inhru a... "Chuan, Khami zana kan intawng nawlh kha map ka la ti tawp theilo... Miss Melody in hriase min dem maithei, mahse i lakah hian ka luangliam in, ka hlimna ber i ni char char si..

"Mahse nang lahin keimah lam chu Miss Melody zirtir hlui ka nih avangin min kawm duh ve lek chauhah ka ngai a. Bazarpuia Thingpui dawr ah khan Miss Melody nen kan kal tawh a, In kal tawh chanchin a sawi a, chuvanga khami țum pawh khan kalpui che ka nih kha" a ti a... a darah ka kuah a, ka lamah ka pawt hnai a... "Engkim hi mak takin a thleng a ni ber mai.. Nang nena kan inkarhi sawi fiah thiam chi pawh a ni love.. Ka la hriat ngai miahloh, Ka vawikhat hmuhna che a, i laka ka rilru puthmang danglam ta vek maite kha mak ka ti a sin.... Ka lunglenna te hnawhkianin a awm a, khawhar taka ka awm thinna te kha i rawn chhawk vek bawk a sin.. Mahse, Naupangte ka nih laia ka thinlung ka pek tawh' i tih khan min ti tliak hnawp a.. Midang laka rilru i pu emaw ka lo ti a, Chuvang chuan kian san che ka tum ta a nih kha.. Mahse, ka thei silo," ka ti ve a... a rawn dak a... "Nangmah chanchin ka sawina a nih kha, ka sawi zawh hmain i hmel a danglam em avangin ka sawi ngam ta lova.. Zanin chu ka sawi chhuak ve ta hrim hrim a ni e" a ti a.. Ka kuah a, remlo deuh chuan ka fawp zui ta nghal a."


A la dai ngailoh ramah ka hruai luta, kan kham theilo a ni ber mai, kan nui a, ka inkuah a, Khawvel dang leh tudang mah kan ngai tawhlo a ni ber mai... Chutianga hlim taka kan awm lai chuan a phone chu a rawn ri leh ta ngei a, "Ka naute bawk an nih hi Rka a hawng tawh a niang?" a ti a, Phone chu a chhang a, "Aw... awle.. kan rawn haw nghal dawn nia" a ti a... "Kan haw ve tawh dawn a mi?, Rka pawh a haw ta a ni awm e.. "a ti a.. Khamlo tak leh hlimtaka inkai chung si chuan chu hmun chu kan kalsan zui ta a.. He Hmun hi kan vawi 1 kalna ve ve a ni nangin he hmunah ngei hian kan thinlunga kan up, kan phawrh ngam siloh chu bawm tawt atanga phawrh chhuahin a awm a, Hling tang reng lakchhuah nita ang maiin keipawh ka dam huai huaiin ka hri... Motor khalh chungte chuan kan kut kan inhum sak renga, a tha a khur der der in ka hria "Vawt i ti em ni?" ka ti a, "Aih... amak lutuk, ka zauthau vek ni maiin ka hria, engmah hlauhthawn ka nei der bawk silo, mahse ka tirilah ka khur der der bawk si" a ti a... "Deskboard ah khan ka meizial a awm a, lighter nen, min han țan sak teh" ka ti a, "awi meizial ka la zu ngai miahlo a sin" a ti a, ka sawi ang chuan a la chhuak a "Kha nangman țan mai teh pawi i tih loh chuan" a ti a... Sikret chu ka țan a, "I zu ngai miahlo tih chu ka hria, mahse fawh 2 leh han fawp teh, I zauthauna kha a ti reh vek mai ang" ka ti a, "maw??? ava mak awm ve" tiin ka sawi ang chuan thiamlo zetin a pak khu ve ta tual tual a...vawi 2 a pak hnuah a khuh deuh khak khal a.. Kan nui dun hawk hawk a.. "Thisen chhuah nasat vangte, Zauthauna lak atangte hetiang hian meizial han zuk zauh hian a reh vein min chhawk ve thei deuh tak tak a sin" ka ti a... "ani maithei, keipawh ka ziaawmin ka hria" a tive ta a..

An in kan thlenga, a naute 2 chuan TV an lo la en a, "awww in la meng elaw?" a ti lut a, "I bo ta emaw kan tia, kan ngaih a lo thalo hman a sin?" anau chuan a lo ti a, "I zamlo ve e..." tih pahin a lu a chul sak nawk a, "Lo țhu rawh ka inthlak lawk ang e" a ti a... "Nilo, Naktuk i duty dawn si, Ka haw hma mai ang?" a ti a, "Ngailo, Naktuk ka day off a la ni a lawm, zanah ka duty thung ang" a ti a... Ka țhu ve leh ta nge nge a. "Keini pawh himdam taka i rawn thlen takah chuan kan mu ve tawh mai ang,... Taka, ka nu in a rawn phone a, Naktukah an rawn chhuk dawn a" anau chuan a ti a, "Enge an rawn tih dawn?" a ti a, "Ka hrelo" a ti sam et a, an room ah ve ve chuan an lut hlawm a, keimah chauhin ka lo țhu ta ran a.. Reilo te ah a rawn chhuak a, awmhmun thuam simple deuh a inbel a, engpawh inbel se a inhmeh vek zel a nih hi" ka ti a.. a t-shir hak erawh ka hrechhuak nghal mai a "Marco Polo ngat a nia" ka ti a, a in en a, a nui var var a, ka ha mai mai phal reng renglo" a ti a.. keimah min si rial chuan a rawn thu a, Engmah dang kan sawilo ka lo fawp leh nghal ngawt a.


Kan Inkara thu inthup, tu zawk ve ve pawn kan sawi chhuah ngamloh chu tarlanin a awm ta a, Kan nu chungah ka inthiamlo viau nangin amah hrechiang em em tu a nih avangin Duati chu kan fapa tan țha a tih ve ngei ka ring tlat a ni. Ka fapa nen kan inkar a țha tawh em em a, Midang kan ngailo kan 2 a kan awm tawh chuan kan hlim thei hle. Atirah khan ka fapa reng ka ngaihtuah ngai lova, Pathian ka dem a, Pathian in ka chunga a rorel danah ka lung awilo hle ringawt a...Midang tumah ka tawrh ang tuar velo ang hialin ka ngai a, a tuar ber ang ziazangin hun ka hmang a, ka fapa lam reng reng ka lo hre tawhlo a ni.. Duati avangin Piantharna changlo mah i la, siamtharin ka awm a ni ber mai. Ka fapa nen kan inkar a țhat phah a, kan inchhung boruak a nawm phah a, Ka fapa tana thil tihsak chu nuam ka tiin ka phur thei hle, Chuvang chuan ka nu leh Tea zai dun pawhin "Hausakna Pa min pe theilo" an ti ngai tawhlo a ni... Nu erawh a la pe thei chuang lova, a hringtunu ngat phei chu a pe let tawh dawn reng reng lo a ni.

Duatin ka hnena a sawi Pangparțhi ka awrhlai thlalak kan driver in min laksak chu engtin tin emaw ni album hlui ami ka hai chhuak a, tin, Melody file atangin thlalak hlui ka enkualna lamah Duati uniform nen a awmlai leh kan nute honen an thlalak tam tak ka hmu chhuak bawk a.."Duhtak, Kan chunga Pathian rorel dan hi ava mak em ve le, Nangleh kei min kawihthen dan tur a duan lawksa vek piah lamah, kan inkara fa lo piang tana țha tura a tih ni mai awmin Duati hi tuisik a nih lai atangin kan tan a lo ruat lawk a, I enkawlna leh i zirtirna dawngin, Țhian țha takah a siam dun che u a. Chuti chuan Maktak maiin kei nen min intawn tir lehin Ka khawharna chu min lak kian sak ta a ni a, Hei hi em nidawn Hmangaihna mak an tih țhin chu" tiin ka phun sep sep a,... An hostela an thlalak dun, Mipa thuamhnaw a inthuama an din dunna chu ka en a, an 2 chuan an nui sang bawk a... Ka thusawi chu a pawm hmel hliah hliah in ka hria... "Nang pawn ka tan leh i fapa tan i pawm ve a ni maw?" ka ti zui sap a..

Duati nen chuan hna kan thawhdan a in milloh avangin inhmuna hun ka nei ta meuhlo, Mahse kan inbiak erawh a zing viau thung, zan lama a dutya buaina an tawh vakloh phei chuan kan in be deuh ngat ngat a ni ber mai. Kan inhmuh hnuhnun ber zana thil thleng chuan kan 2 inkarah remna a siam a, tudang kan ngailo, keimahni tawk ah kan hlim dun em em a ni ber mai. Ka chhungte pawn an sawi chhuak leh zauh țhin a, Tea nu nen engemaw taka in anna an nei nia an hriat thute, hmeichhe fel tak a nih an rin thute an sawi ve fova, ka nu tak phei chuan a vawikhat hmuhna ah a ngainat mi a nih thu a sawi hial a ni. Nitin office ah pawh keima tawkah ka phurin rualkawm pawh nuam ka ti ve thei hle, ka hnuaia staff awm ve te pawn "Kan pu hi a zia a dang ve tawh khawp mai" an ti ru ve sap sap țhin.. A tirlamah kha chuan Phak deuh luaia Office kal ka nei zauh țhin bakah ka room ah ka țhu ngut nguta, tumah țul lovah ka be ngailo kha a ni a, Tunah chuan ka ti ti pui ve ta zeuh zeuh hlawm.


Central Sawrkarin Khawvel changkang chho zela Hriselna kawng hrang hranga natna inkaichhawn theih thil chi hrang hrang a duang chhuak a, Chung thil chi hrang hrang chu hlawm hrante te in an thliar lehin Chung natna do runpui chu Kum 10 chhung atan Project lian tak a siam a. Department hran ang deuhthaw a kalpui turin ruahmanna an siam a. Mak deuh maiin Chu Project chu enkawl turin Kei MCS Senior grade kai hlim chauh chu min rawn ruat ta tlat pek a. Mizoram Sawrkar hnuaia awm ni mah i la, Central hmalakna a nih avangin leh Chu hna enkawltu Project Director ni tur chuan State tina I.A.S rual ho an khawm a, Chungte chuan an state chhunga Officer țha nia an thlante an ruat chhuak ta a, Chung zingah chuan kei chu Mizoram State chhunga Health Department hnuai nito si a, chu project enkawltu zinga a lal ber ni turin min rawn appoint hmiah mai a. Mahse hetah hian Chief Minister in a pawmpuina an dah lal sak ve thung. Kan CM hian ka hnathawh kawngah min faka, He project enkawl tur atan pawh hian minlo ring ve hle a ni ngei a niang, alo pawmpui hmak mai a ni. Tichuan, chu ka hnathar tur training tur chuan Thla 2 chhung thang turin Delhi ah ka awmbo a ngai ta rih a. Ka training zawh ah, Department kaihhruaina in Office hran kan nei tawh ang a, Staff pawh Health Department hnuai a mi an pawt mai dawn a ni. Doctor eng emawzah he project ah hian an dah tel bawk a..Mizoram chhunga natna inkaichhawn theih hrang hrang umbo turin kum 10 chhung beihpui kan thlak dawn a, Kan hnathawh dan a zirin Kum 10 hnuah ennawn leh a ni ang a, țha nia hriat emaw kalpui zel tlaka hriat a nih chuan Kum 10 dang kalpui leh zel tur a ni.


Inthlahlel takin kan inthlah a, An hah thei bawk a, a cher deuh hlekin ka hre nghe nghe.. ka kaltur pawh ka fapa leh ka nu leh pa nen Airport ah min rawn thlah thlap nghe nghe. Delhi khawpui lum uap churhah nitin mai chung thil buaipui leh a kalpui dantur zir chuan kan buai ngat ngat țhin a.. Ruahmanna hrang hrang zan lamah kan siam a, Chung ruahmanna kan siamte chu a tukah Power Poing Presentation hmangin kan sawi leh țhin a.. Chung zinga țha an tih ang chu an lo la chhuak a, Ennawn leh atan an ti țhin.. Chungvel avanga kan buai avangin Duati nen pawh kan inbe tam hmanlo khawp mai, Nikhat ah Minute 30 vel inbia ang chauh kan ni awm e. Kan Inbiak ve chhunah chuan kan duhthawh thei țhin hle bawk. A lunglen thu te, Ka nu in hunawl a neih apianga Tea tlawh tura a sawmna a tih hlawhtlin țhin thute, A zirpui țhin țhenkhat ten kan chanchin an hriat thawi avanga an demna thute thlengin min hrilh a.. Hrehawm a tih loh thu leh a rilru chhungril hre vektu Pathianin a dem ve dawnloh zia thute a rawn sawi țhin bawk a. Rka chu a tawp tak hmak thu leh Nupui a neih tak thute engkim min hrilh țhin.. Engkim tuar hram hram tur leh Ka Training zawh a, Kan programme kan țan hnuah Palai ka tir tur thute pawn ka hnem ve țhin... Chung vel chu kan boruak a ni teh nuaih a, kan buai dun bawk nen kan inbe tam thei țhinlo. Ka nu lak ațang pawn Duati chanchin țha lam ka dawng nasa hle bawk.


Kan Training zawh dawn tawh lam, Final Project tur kan duan vel mek laiin thudanglam tak Duati hnen ațangin ka dawng ta tlat mai.. An thawhna Hotel neitupa Fapa Doctor ve thoin a ngaizawng nia a hriat thu leh a țhiannu Mawimawii ngei pawn a sawipui țhin thu min rawn hrilh ta tlat mai a. Chutiang ang thu kan ngaihzawngte mi dangin an lo duhve na thu chu ka bengah ala lut ngailo reng reng a, Duati sawi lai pawn engah vak ka ngai chuanglo.. Mahse a sawi hnuah ka ngaihtuah chiang a, ka rilru a luah ve ta viau mai.. Zawh thuai thuai a, Mizoram lama haw thuai thuai ka chak zek zek tawh.. Ka nu hial pawn Duati chanchin chu a rawn sawi a, amah Duatin a hrilh a ni awm e... A hna thlenga nghawng thei a nih piah lamah Duatin min hrilh duhlo thil dang min hrilha, ka lainatna em em awm chu a zirlaipuiten an dem rawna, Kei chu ngaihzawnga Miss Melody pasal pawmlai chhuhsak ang hialin an chhuah vel thu chu a ni. Ka project tur lamah insawrbing ngai bawk si, ka rilru a buai ve map map khawp mai...

Sunday a ni a, kan chawl ve hlauh mai a, Ka țhianpa Delhi a hnathawka awm IRS chuan Delhi Mizo inkhawmna a inkhawm turin min rawn sawm ve tlat peka, nidang ang chu nise ka pha ngei ang. Mahse ka rilru tawt em vangin ka project thehluh tur buatsaih mek chu kalsanin Inkhawmna lamah ka kal ve ta a.. Hmelhriat hlui leh Hmelhriat tharlam, kan veng naupang țhenkhat ka hmu nual nghe nghe. Inkhawmna ah Mizoram ațangin Zaithiam a rawn tel ve hlauh a, a ni chuan "Isua Hnenah ka buaina ka thlen ang" tih hla a rawn sa a.. a thiamin ka ngaithla fuh kher mai.. A zai hmaa a hla sak tur a sawi pah a a țawngkam pakhat chuan min hneh zual.

"Zirlai, hnathawk, damlo emaw kawng hrang hranga helai hmuna awmten engkawng emaw takah harsatna, buaina kan tawk țhin emaw kan tawk mek emaw pawh a ni thei, Chutiang hunah chuan kan buaina leh harsatna thlenna tur diktak ah thlen vat i la, kan buaina chinfel dan kawng min kawhhmuh mai țhin a ni.. Tuna i harsatna kha Pastor emaw evangelist emaw rawn hmasa lovin Isua hnenah thlen hmasa la, a nin țha a tih angin kawng a siam sak mai dawn che a ni. Pastor a hmang duh a nih chuan Pastor nen in intawn dan tur a ruahman mai ang, Chutiang zelin, i țhian, i nu leh pa, i hmelma te thlengin kan Pathian hian i tana țha turin hmarua a hmang thiama, i manganna a chhawk ngei ang che" a tih chuan min fan chhuak vek a ni ber mai.. Chumi hnuah lungrun em em in a sa zui lehnghal a.. ka țap lo chauh zawk a ni.


Ka nupui boral khan harsatna namenlo ka tawk a. chung ka harsatna leh ka rilru hahna te chu keimah a chinfel tumin ka beia, ka hlawhchham a ni ber.. a thlenna tur diktak Isua hnenah lo thlen hmasa i la, ka buaina kha chinfel a lo ni mai dawn a ni tih ka lo hrelo mai mai a lo ni... Tunah pawh Duati nen kan inkarah harsatna a awm mek a, keimah vangin a țhianten an kian san bakah an sel zuia, ka khawngaih avangin ka buai phah a ni a.. Hei pawh hi Isua hnenah ka thlen ngei ngei tur zawk a lo ni, tih chu ka hrechhuak a... Inkhawm banah Thingpui te kan in zawh ah hna ka ngah em avangin ka haw san a.. Ka thlenna Hotel a ka room chhung ka luh rual rualin ka khum bulah țhingțhi in ka buaina chu Isua hnenah ka thlen ta mawlh mawlh a... Darkar 1 dawn ka țangțaia, ka zang hawk bawk a... Ka inbual faia ka project atan ka inbuatsaih zui thei ta nghal a.. Zan dar 12 vela zo tura ka innngaih chu dar 10 ah revise na nen ka zo fel thlap a.. Power Point turin ka siam fel diam ta a ni.


Kan Training zawh dawn kar ah He Project atana kan ruahmanna thehluh te chu a vaia zirtirna pe turin kei chu min ruat ta mauh mai.. Achhan chu ka project thehluh 89% an pawm vang a lo ni a.. Ka ti tha ber tihna a nih chu.. Chung ka siam bakah midang project siam chu belha compile turin min ti bawk a.. Zan 2 leh ni 2 mu mumal mang lovin Computer engineer 3 leh Account Officer 3 nen kan bei ta ngat ngat a... Kan duhtawka kan remfel hnuah Presentation tur leh kan hmalakna dan tur Computerise theih chi te kan duang leh veka, Sum Involve dan tur nen lam kan fifel ta vek a.. Ka thluak chak zia leh, ka ngaihtuahna chak ziate, advance min tih ziate chung ka Team te chuan an sawi ve laih laih a... Ropui ve em em mai chu, He Project atana kan siam Site visit tute chhiar theih tura ka thuchah an tarlan ve vang chu a ni.. India ramin state tinte leh a rampum huap Programme hrang hrang a nei nual tawh a, Chutiang duangtu zingah chuan Mizo hming a lan ka la hre ngailo.. Thuchah phei chu an tarlan ka la hrelo hrim hrim a hmasa ber ka ni awm e...

Kan Project chu a hming nen lam kan hmalak dantur uluk taka kan compile chu hnehsawh takin India ram President, Prime Minister leh mi pawimawh tak tak awm zingah ka sawifah par par a.. Kut an beng hluah hluah a.. He Project a budget hi State sawrkarin a hranpa a siam lovin Central atangin langtlang takin sum direct funding an rawn nei țhin ang a, India ram Budget ah khungtel thin nise a țhat thute ka sawi a.. Chu chuan State chhunga officer te eiruk tur kawngah a veng nasa dawn hle a.. Auditor pawh Central lam vek an ni dawn a ni.. Khawtin ah hetiang kawnga hmalakna tur hian Damdawiin siam te, hemi programme bik atana Doctor engemaw zat training pek te a tel nuaih a ni... Presentation ka pek hi VVIP Officials ten an hriat ve vek chhan chu House ah an pharh leh dawn vang a ni. House a an pharha, an pawm hnuah chauh Launch theih a ni dawn chauh a ni.. Kan thingpui in chawlh laiin President leh Prime Minister ten min chibai a, kan ti ti a, min fak thute pawh an sawi chhuak a.. Ka pa pawh an lo hre ve hle bawk a ni.. Ka hming awmzia min zawta ka chhanna chu an lawm hle.. min beng thuk thuk a ni.

Training kan zova ka haw tur ni chu ka nghakhlel hle... Lengpui airport ah Duati leh ka chhungten minlo hmuak dawn bawk nen...Ka phur takzet tawh a ni.. Ka fapa tan thil ka hawn bakah Duati tan inhualna Zungbun atana ka tih a hranpa liau liau a ka design tir Lunghlu manto tak ka phum tir chu uluktakin ka tuam bawk a.. Ka phur hle.. Kan thlawk chhuak a, Tluang takin Lengpui Airport ah kan țum a... Terminal Building atanga ka chhuak chiah chu ka fap aw ngei maiin " apa" a lo ti ri tluka mawi a awmlo... Ka nu leh pa leh Ka fapa chu an lo ding țham a..Duati hmel ka hmu ta tlat lova...Mahse khawiah emaw a kal lawk a nih ka ring a, Lawm takin ka fapa nen kan inkuah a... ka mitmeng atangin beisei ka nei tih ka nu chuan a hrethiam a niang.. "Kan kal dawn țep ah khan Chawlh an pek phalloh thu a rawn sawi a" ka nu chuan a ti a.. ka nui mai a.. Mahse boruak tur awm chu ka man thiam nghal mai.... Duati tana kal theihlohna tur an siam a ni tih chu... Kan Inkara rawn tlazep thil tih vek a nih ka ring tlat a ni...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Tochhong Ruata
Posts: 53
Joined: October 2nd, 2016, 1:46 pm

Unread post by Tochhong Ruata » February 4th, 2019, 3:01 pm

DUATI (Part-VI)

Aizawl pana kan tlan lai chuan ka Phone chu ka en a, Duat Message a lo awm reng a, "Min hrethiam rawh, kan puten chawlh min pe thei lova... I chau viau a nih loh chuan Zanah ka lo beisei ang che" tih a lo ni a.. Tawite in "Lengpui atangin kan chhuak leh chiah e" tih ka thawn a.. Ka malchunga țhu ka fapa chu ka chul a, "Chaw i lo ei țha em?" ka ti a.. "aw.. amamin (ka nu) chaw i ei loh chuan Vala (ka nau fapa) i ngam lovang a ti a" fiahlo deuh chuan a ti a.. "nia, chaw ei țeuh țeuh tur" ka ti a.. Ka Driver chuan eng eng emaw a zawt a, kan nui leh hak hak țhin a.. Mahse chuti chung pawh chuan rilruah thi miahlo a awm... Duati sakhmel leh hlim hmel nui lai chu a ni..

Ka Motor leh Ka pa Motorin min rawn hmuaka, Ka motor ah chuan kan Pafa in kan chuang a, Ka pa motor ah ka nu leh pa an chuang thunga, Ka motor khalhtu hi ka nu lama kan nau hla ve deuh tawh tak a mi a ni a. Kapa Motor khalhtu erawh mihrang daih ka pa Minister nih lai atanga inzui tawh an ni thung.. Kei hi Mipa ah chuan Motor lawmlo pawl tak ka ni awm e, ka nu ai pawn ka lawm lova, ka nu leh pa hian an lawm viau... Motor lei an awlsamin Motor thar an hre thei em em a, an duh vakloh chu an hralh a, achhuak thar an lei leh mai țhin.. BDO ka nih hnuah Bolero ka lei ve a, Chubak chu Motor ka la leilo hrim hrim, Ka zirzawh hnuah Royal Enfield Electra ka lei a, Chu chu ka tlangval laia ka neih daih tawh a ni nghe nghe.. Ka nu hian ama pualin Motor 2 a nei ve ran a, 1 zawk chu ka hawlchhuah sak ve zauh zauh țhin a ni a, 1 zawk chu kan khawihpui ngam lo thung.. Ka nu hi Shillong chhuak niin a nu khasi apa Mizo ani a, M.Com ngai a ni nghe nghe, Sumdawnna buaipuiin a hmanhlelh ve hle.. a upa ta deuha, kan te ber kutah a dah deuh ta...Ka pa hi B.A niin ka nute nen Shillong a zirho țhin an ni a, Sekhum khawchhuak a ni..A lehkhazir laiin Rambuai in a rawn nanga, Mizo Army ah lutin Colonel lai a nive hman a.. Mahse Pu Laldenga khan "Zama nangni chu lehkhathiam in ni a, nakinah Education minister turte in ni dawn a, lehka zir zawm leh rawh" tiin Mizo tana lehkhazir zawm lehin a chhuak a... Ka hmingah pawh Zoarmyliana a tih chhan chu a ni.... A tlangval lai atanga motor lawm em em a ni bawk a, ama pualin Motor 5 ngawt a nei a, ka hawlchhuah sak khat viau.. Dil ila chuan a phal reng ang, Mahse ka duhlo "Tlangzama Motor a nih hi, afapa in a khalh" an ti dawn si a...


In kan thlenga, Ka inbualfai a, Ka zin chau deuh bawk nen ka fapa nen roomah kan inkhunga toys ka hawn leh thildang ka hawn sak chu a khal a.. Kei Kan Department hotu te nen kan inbia a, Kan Inbe zo chu Duati Miss call a lo awm a, ka call let a, a la thei lova.. Khumah kan pafa chuan na tlu zal a, Rei vakloah kan muhil ta a... Ka phone riin min ti har zawk a, Banga sana ka en vat a, Dar 5 a pel vung tawh a, Bawiha pawh a lo awm tawhlo, Min tih harh hlau takin a tho ve ngei aniang.. Phone lah chu a rinchur chur mai bawk a. Ka Ena, Duati a lo ni a, Ka la vata, an bang tawh a, In panin a haw mek thu min rawn hrilh a...Zan ka kal peih dawn leh dawnlo min rawn zawt bawk a, "A ngaiah khan Zanriah kil leh ang hmiang?" ka ti a, a lo remti ve mai a,.. Dar 6:30 vela va lam turin kan inthlah ta a.. Inhnuai lamah ka chhuak thla a, eirawng bawlin an lo buai nak nak a, ka nu bulah chuan Duati nen kan Dineout tur thu ka hrilha, "Tea zanin chu lokal ve leh ta che?" ka ti a, a phur kher mai "Au Duati nen maw?" a ti a, kan nui ham ham a.. "Ama haw insiam ang" a ti chunga, a ni (Kan naupangber) chuan "Kal velo mai rawh, A Duati a sual si" a lo ti fiama, "Bleh.. i sual.. A Duati a suallo!" a ti a, "a sual" "a suallo" tiin a pi te room lam pana an kal pah chuan a ni nen an in chhaih zarh zarh a..."Mam Duati hi U Sawmpuia'n a lo hre khawpa, An Bialah khian a lo awm reng tawh a ni awm e Pro in" ka nauchuan a ti a. Sawmpuia chu a țhianpa Pastor Lungleng bial vawng mektu a ni a, "engtin nge a tih?" ka ti a, "Hmm.. hrechak teh hawrh emai a.. Ka hriat sual loh chuan an chhungkaw thlah hrim hrim an sual lova, an taima vek, Chhungkaw hung tak an ni a, Lehkhathiam an awm nual, Mahse Sawrkar hna thawk pawn Zirtirtu lam hna an thawk zel, an sawi dan chuan an pu ber khan 'Sawrkar hna hi engpawh a țha vek a, Rinawm leh dik taka thawh theih vek a ni a, Mahse Zirtirtu hna hi Ram leh hnam tana țangkai tak, Hlemhletna kawngah pawh tluk mai hlauhawm lohna ber a ni.. Kan theih hram chuan Zirtirtu hna leh Damdawi lam hna hi thawh hram hram tum tur" a ti țhin a ni awm e... An chhungkua an hung viau a, Tumah Zu in ngai emaw an awm hauhlo, Kohhran bel tak tak hlir an ni" a ti a.. "Chuan enge Duati chu i ngaih dan?" Ka ti a, a thingpui min thlit chu ka dawt khalh a "Ka beisei aiin a țha, a naupan hmel tehlul nen, a puitling tlat, a lerhlo hle bawk, Ka țhiannu hian a lo hre ve khawp a, Modeling lam ti tura sawmna pawh a dawng nasa viau a niang, Phai lam thlengin Offer pawh a hmu, Miss Mizoram ah pawh tel tura sawmna a dawng a, Mahse a hnar tlat zel, Mipa tu pawh a kawm thiam em em ringawt a, Mahse Bialpa a neih awm an sawi ngailo, a mipa te an beidawng zel an ti" a ti leh a, ka nui hak hak a,... "Zanin ah ka propose dawn a sin?" ka ti a, "I va hmanhmawh ve, U Meloi lung kan la phun si lova.. " a ti a,... ka ngawi vang vang a, kan nu Lung kan la phunlo tih reng ka lo hre tawhlo, ka inthiamlo kher mai.... Ka nu leh Bawihtea an rawn chhuak ve mek a, "awii i van nalh ve" ani chuan a ti a, "I sual" a la ti hram a.. an in chuk nawk nawk a...

"Ka nu, Melody Lung kan la phunlo nangin Propose ringawt chu a pawi dawn a mi?" ka ti a.. a ngawi vang vang a "Pawina tur ka va hrelo ve....pawi lovang" a ti a.. Ka nu berin Pawi lovang a tih takah chuan Phur zetin Insiam turin ka room ah ka kal zui ta nghal a.


Ka Fapa nen chuan In ang deuhin kan inthuam a, Jeans Kekawr tluan pawdal ve ve kan ha a, Kamis kan ha ap bawk a, Casual deuha inthuam nuam timi ka ni a, Smart pant lam hi ka ha tamlo, Office ah erawh ka halo ngailo thung. Duati lam tur chuan kan tlan vang vang a, Tea chu a phur sarh sarh hle bawk, An In kan thleng a, a chhuk thuai thuai a, Step ah chuan a tlan thla dat dat a, Duati nau nen an intawk a "Tea, Khawnge i kal dawn?" a lo ti a, "awm sawn rawh" an tingawt a, kan nui a, " i u a awm maw?" ka ti a, "Awm e, a inchei vul chuk mai khu" nui chung chuan a ti a, ka khi suk a.... Tea chuan kawngka chu an hawng țhuai a.. "Awiii ka naute nalh zia hi, i va mawi ve" Duati aw chuan ka ti a,... Ka zauthaua, ka hmuchak si, mahse engtin nge ka awm ang, ka lai ve lek lek zuk nia.. Inchhung ah chuan ka pen lut ve ta nghal a.

Duati chu ka beisei loh dan daih chuan a lo inchei tak tak a, A inhmeh in a nalh kher mai, a lang tleirawl em em mai lehnghal. Kawrfual par sinte te a par, A khup hnuai hret chauh khuh phak ah a, Pheikhawk keartui sang ve ek ek hi a bun a, a sam chu uluk deuhin a țawn khawm bawk a, a hmui hmai chu nasa lo takin a cheive bawk a,.. engmah ka sawilo, ka nui vur vur ni maiin ka hria.. "Enge Diklo a awm a mi?" a ti a, "Diklo maw??... engmah ka hrelo, I nalh em em tih mailoh chu" ka ti a, "Ka țhiannu Designer in min pek a nia, ka la ha chhin miah lova, Vawiin khan kan inbia a, Ha ngei ngei rawh a tih vangin ka ha a nih hi" a ti niah niah a.. "I nalh lutuk, khawvelah i nalh ber ang" han tih mai ka duh hial.. "a țha khawp mai" tih bak ka sawilo.. A chawn zen zaih maite chu a va nalh tak em, a landan chu Hmanlai film a nula inchei dan hi a ang deuh ber awm e.. Mahse a tunlai em em bawk si... kawnghren sin a kawr pad sep sep zinga color ang chu a hreng bawk a.. Hand bag a keng a,... "a nih chuan kan kal thei a ni lawm ni?" a ti a.. Kan inzui chhuak ta nghal a.


Floria Hotel kan lut chu Lobby a awm te chuan minlo en hehaw hlawm a, Hnamdang pawh an awm nual nghe nghe,.. ka dawhkan book țhin chu ka lo la chang hlauh lehnghal, "Sir, Nidangah i book lawk ziah a, zanin chu i book lawk loh ve teh tlat, Thawktu pakhat chuan a ti a, "Ka zin ka rawn thlenga kan rawt thut a lawm mawle" ka ti ve mai a.. Tichuan Zanriah kilna turlam pan chuan kan kal zui ta nghal a. Mi an lo awm nuala, an lo ri mam mam a, kan lut kan dawhkan tur kan pan mek lai chuan an ngawi deuh țhuap a, Min en hrek hrek hlawm a.. "Hmhnawm an ti hle che nih hi" ka ti sap a, "Nangmah a lawm" a ti a, Kan dawhkan tur ah chuan kan kal hmasak a kan țhut dan lo deuhin kan țhu a, Tea chuan Duati bula țhut a duh tlat pek a, an 2 chuan Midang hnungchhawn zawngin an țhu a, keimah in an hmel hmu thei zawngin ka țhu thung. Menu an rawn dah a, kan eiduh zawng kan thlang fela, Chumi hma a lo ei tur thil kan order a.. Tea chuan a milem ken a khal niap niap a, a hlim tih a hmel atangin a hriat hle...

"Ekhai, Inhmuh lohna ava rei tawh ve?" Mipa khat hian a rawn ti a, ka en a ka lehkhazirpui țhin a lo ni a, kan inchibai lawp lawp a, "Hei hi maw in nu chu, I nupui neih thawm ka lo hria a, a hmelțha hle mai" a rawn ti a, "Nia,... aw... Kan va lawm ve" ka ti a, "I fapa pawn a nu a chhun a nih hi" a ti a, a nam deuh thur thur bawk a, Eng eng emaw sawiin a phul hlut a,... a hming chiah chu ka hre tawh lova, Mi awmthei deuh chu an ni tih ka la hria, "Tunge?" a kal hnu chuan Duati chuan a ti a, "ka hria a, mahse ka chiang tawhlo" ka ti a, a țhutna lam pan chuan a kal phei a, ka en reng a, "a.. saw Mawimawii te ho nen an nih saw" ka ti a... "engmaw?" a ti ha a, "Mawimawii te ho nen an nih saw, Mawimawii leh midang 3 nen" ka ti a, "awi kan thawhpuite an nih chu, Min dem nasa ngawt ang, Pu Mala an tih chu a nih dawn chu, Hospital din a tuma, An nu hi Doctor Agnesi a nia, Nurse a be țha vek an tih kha" a ti a, "Awww.. ka hre leh si, Pu John Khiangte fapa kha anih chu.. High School kan kal ho țhin a lawm..." ka ti a.. "a sawm ve che em?" ka ti a, "Sawm love, Ka țhiante hian min en dan a dang ta daih a, mahse nangmah vanga ka tawrhna a nia nuam ka ti zawk" a ti a, ka nui hak hak a.. a thutak ran bawk a.. Eng eng emaw sawiin ka ti ti a... Chutah ka din hluai a... Ka no chu ka khawngri tleng tleng a, an ti ti zualpui chu a reh a, "Khawngaih takin minlo ngaithlak sak ula, Hei Zanin ah hian ka hma a țhu hmeichhe duhawm tak hi ka nupui ni turin sawm ka duh a, a thutlukna min hriatpuitu tur atan zanin a zanriah kila hd hotela awmte hi ka sawm duh che u a ni" ka tia, Kut an beng dar dar a... "Ka lawm e" ka ti leh te te a, Room chhung chu a reh duk a, Tea chuan minchhoh en ha a, Duati chu ka akut ah dawmin ka kai thoa, tlemin dawhkan sirah chuan ka din chhuah tir a... ahma ah chuan țhingțhi in "Duati, Kum khua a ka nupui ni turin ka duh che a, Hun lo lakal zel tura Min hmangaiha min enkawl tur leh ka fate zawng zawng tana nu nitur ka duh che a, Chu ka duhna che chu min tih hlawhtlin sak a ni tih entirnan he zungbun hi nangmah ka hual lawkna tur atan che min pawm sak thei em?" ka ti a, Hriau pawh tla se a ri ral ral ang tih tur khawpin inchhung chu a reh a,..


Duati chu a sen ap ap a, lawm avangin a biangah mittui a luang a, Ka zungbun keng lai chu lak pah in "Ka pawm e, ka rinawmloh san ngai lovang che!" a ti thawp sat a, a zawi viau nangin ka thinlung ah chuan a ring mah mah țep zawk a ni... Kut an beng dar dar a, "Tea" ka ti a, Tea chu a rawn chhuak a, Zungbun chu ka pe a, "Aduati kutah hian Buntir rawh le" ka ti a, nui var vat chung chuan Duati kutah chuan a buntir ve a... Inchhung thawm chu a țha ham ham kher mai... "In zavai a chungah ka lawm e, Ka nupui hual hmelțha tak chungah nen" ka ti a.. Kan țhutna ngaiah chuan kan țhu leh ta a... "Engtin nge khatiang i tih ngam zawk" Mittui parawl kiang chuan a ti a, Ka tihdan ka thlak thut a nih kha... " ka ti sam et a. Nia, engmah hre lova, kei min kawp avanga an elhsen ve ngawt khan ka rilru a tawkin ka lainata, An hmuh lai ngeia Propose kha ka ti ta thut a ni. ka tumlawk dan chuan an in ah ka sawm ang ka ti a ni a..Mahse boruak a danglam ta a ni.. Kan hlim tlangin, nuam kan ti, kan eitur rawn thleng chu kan ei a, Tea ti ti kan nuih pui a.. Chaw eikham hmasa apiangin min lawmpuina thu an rawn sawi pahin "Nupui Hmeltha leh nalh tak i nei dawn a nih hi" an rawn ti zel a...In upat hleih pawh min ti tawk an awm maithei.. Mahse kan in upat hleih dan hi tawk ka ti chiah zawk..


He zan hi kan theihnghilh tawh awm love, Hotela thawk te pawn min lawmpui thu an sawi a, Min chibai tu zingah chuan Mawimawii te țhianho an tel velo thung, Hmeichhe rilru hi enge ka hrethiamlo, Kan nu pawh kha keimah vanga selna a tawng nasa țhin khawp mai, an mahni aia chanțha an chan hian an sawi zui zel duh țhin. Mak ka tiin ka zia nen inmillo ka ti viau.. Mahse Hmeichhia an ni miau a, an tih awm tawkah ka ngaihsak mai țhin.. Duati chunga an ti erawh ka mipa nihna a langlo țep lek lek a ni. Zanin chu Tea kan dah hmasa a, Kan dah zawhah lengkual lovin an in kan pan ding nghal chat a, a thlak a, Kan 2 chuan insi rialin kan țhu a, kan phun sep sep a, Ka awmloh chhunga a lunglen țhin ziate, A khawhar luat vanga Tea a va hruai leh ringawt țhin thute a sawi a, Chuvang aniang Duati nau nen pawh an innel viau ni. A nu leh pa pawn kan chanchin an hriat tawh thu leh engmah an sawi loh thute min hrilh a. Model tura sawmna hrang hrang a hnawl thute, Thla thar maia Miss Mizoram lo awm tur atana sawmna a dawn thute a sawi a, "I van luck bik em em, tinge i tel lohva" ka ti a, "Ka zak, Mi zawng zawngin ka taksa an hmu vek dawn a sin" a ti sam et a. Nia, tunlai tihdan tiin kan mizo nulate pawh an inpho lang thui ta riau mai a, Ka nupui ni tur atan chuan ka lo duh ngailo hrim hrim, ka rilru ang chiah a lo pu bawk nen, ka lawm za phian a.


Kan Training report Mizoram Sawrkar ah ka thlen a, Reitawk CM, Minister leh Kan Director te nen kan sawi hova, Ka training report ah an lawm hle, Projector hmangin kan ruahmanna siamte kan thlir hova, Ka project a chungnung vangin an lawm hle, "Kan thlang fuh khawp mai, BDO a nih laia a bial ka fan khan hna tak tak thawk duhmi a ni tih ka hriat bakah Vision a nei thui tih ka hre thei nghal mai, A bial chhunga thil thleng engpawh a hre vek nia.. Kan Minister rual ho hi kan fate an nawi thei viau a nia, ani hi chu a dang zar mai" nui chungin a ti a.. Mim chibai sap sap a, "He Project hi a tlang anih chuan kan ram dinhmun a danglam dawrh ngei ang le..." ka ti a....an lawm ve hle... Central lamin an pawm hunah hna țan nghal turin min ti a, Tlang ngei tura ngaih ani zawk mah a, chuvang chuan Office pawh run nghal tur leh, Chutiang ang kawng a thil pawimawh lo ngaihtuah tura tih ka ni a, Doctor 2/3 vel thlanchhuahte nen chu project chu kalpui kan tum dawn a ni..


Sawiselna a dawng nasa viau a ni awm e, Mahse engah mah kan ngailo, Music Video ah a lo lan ve zawk tawh avangin mi hriat a hlawh viau a, Kei lah Minister hlui fapa ka nih avangin hriat ka hlawh viau.. Minister nilo mahse ka nu sumdawnna avanga hriat hlawh chhungkua kan ni hrim hrim ang.. Chutiang vel kan nih avang chuan Kan thla lo la ru a, Social media a thubelhchian dawllo tak tak nena sawi zui ka hlawh viau țhin bawk.. Ka Nupui Lung kan la phun bawk silo, Inneih mai kan la thei si lova, Chutiang tlang sawi chu a ninawm ve duh viau. Ka propose zan a thlalak leh video pawh a lar ngei mai, hetih lai hian min ngaisang dera, min lo fak ve tu pawh an awm ve reng bawk a. A thawhna lamah a tlaktlum phah hlauh thung, achhan pawh Health Department ah Deputy Director ka ni ve miau si a, Chubakah Damdawiin endik tu pawlah Chairman ka ni bawk si a, a thawhna Hospital hotu ten an ngaihsak lo theilo a ni.. Mahse chutiang anih hnuah phei chuan a țhiannu a zirchhuahpui, Phai lam thleng thlenga a awmpui Mawimawii ngei pawh chu a er ru pawl ah a tel tlat mai si a.. Bang mai tura ka tih lahin "ka tuina ber a ni a, ka nulat chhung hi chuan la thawh ve hram hram ka duh" a tih tlat avangin ka sawipui zui duh ta lemlo. Hmeichhe duhawm, Hmangaihna ngah, Nunnem leh Zaidam, Mi huat nei ngailo, Mi rel ngailo a nih avang hian ka duh zual sauh țhin.. Mawimawii ngei pawh a la fak zawk char char țhin.

Kan Office tihfel buai zualpui a zova, Kan engthawl dawn chauh tihah Central Sawrkarin kan Project Launching Programme a hmang dawn a, House ah pass ani tawh a, chumi hun hmang tur chuan kan CM leh Health changtu Minister te nen kal tura sawm kan ni a.. Duati chu hruai ka duhve a, amah lah chuan a hreh phian.. Mahse ka sawm luih tlat avangin a remti ta hram a,.. A thawhna hotel hotute ka biak sak vek a, an lo phalsak hle bawk. Ni 6 zet cham tur kan ni a, Ni 3 chhung keimahni Thil buaipuina hun kan nei thung. Tea kan hruai ve bawk a, Nuam kan ti tlang hle, Lengpui pana kan tlan lai ațang rengin kan hlima, an 2 chuan an inchhaih kawngtluan a ni ber mai. Airport kan thlen chuan CM party leh Minister Party te chu an lo la thleng lova, Kan lo nghak a, rei vak loah an rawn thleng zui ve mai bawk a. CM chuan Duati chu a en vung vung a "In nu tur chu maw?" a ti a, "nih hi" ka ti a, "A hmelțha hle mai, Nupa hlim tak in ni dawn nia" a ti vei sup a, an nupa chuan Duati chu an chibai a.. Mi reng reng chuan Duati chu an enduh thei viau mai.. Jeans kekawr a ha zaih a, Simple deuhin a inchei a, a hmel leh engkim mai chuan mit a la lo thei lo ve bawk a ni..


Delhi ah Five Star Hotel ah kan thleng a, Zan khat a Rs 20,000/- man ah ka thlen puia, Ka senso hi sawrkar min tumsak turin a phak dawn lo nasat avangin keima sum in ka thlenpui ve hrim hrim a ni. Suit a ni a, Bedroom 2 a awm a, Single leh Doulble room a ni a, Inbual thleng lian leh nuam zet mai bakah Tuiluma inchiahna tur khur nuam zet mai a awm.. Tin, Khualțha chhawnna tur thlengin a awm vek bawk, Engkim mai a changkangin a nuam velvek a ni ber mai. Mizo Nula kan Room Maid ah min pe a, Chu nula chu Captain ang niin a hnuaiah nau 6 a nei ve a, House keeping, Room Service te an ni hlawm. Kan Room chhungah chuan kan duh phawt chuan Zanriah leh Breakfast, Lunch pawh kan ei thei vek....

Kan thlen zan ațangin ka țhian leh Project kan siama ka partner te an rawn lang nghal a, Kan hmalak dan tur țha kan tihte, siam țhat ngai nia kan hriatte kan siam țha bawka, Room ah Duati leh Tea an awm a, kan buai zualpui a reh hnuah ka va ko chhuak a, ka thawhpuite nen chuan an inchibai a, "Film Star a mi? Supper model a mi?" tih vel min zawt a, kan nui ham ham a, Duati chu Hindi leh English pawh a lo thiam hle mai a, a buailo nasa mai, Engemaw tih tur an neih avangin an 2 chuan an chhuak a, Dinner ei a la hunlo bawk nen ka țhiante nen chuan kan ti ti a. "In fapa a mi?" tiin Pakhat Kan Computer Engineer chuan a ti a, Ka Past life chu tlanglawn deuhin ka hrilha, Nupui sun tawh ka ni tih an hriat chuan min tuarpui ve liam liam hle.. Duati chu Hmeltha an tih thute, Bollywood star ni mai awma mawi a nih thute an sawi a, kan nui dar dar a.. Dinner a rawn thlenga, Duati te 2 an rawn thleng bawka, Zanriah tuihnai tak chu kan kil ho ta a..


Kan țhiante an haw hnu chuan Tea pawh a muhil tawh a, Kan 2 chauh chuan kan awm dun a, Țhuthleng sei mi 3 țhutna tura siam ah chuan chep zetin kan țhu dun a, Movies kan en dun a, ka awmah chuan a bei thlar a, a sam chu ka chulsak pah bawk a, "I nu leh pa te i be tawh em?" ka ti a, "aw be tawh e" a ti a, "Thla thar khian Lung kan phun ang a, Kumthar Nipui laiin kan innei thei tawh ang" ka ti a, "Ka nu leh pa ten an phal ngawt dawn a mi?" a ti a, kan nui dun hak hak a "an hmaah Bawkkhupa țhingțhi in ka dil mai ang" ka ti a, a nuih a za hle, "Kan Inneih hunah chuan Fa kan nei lawk lovang" a ti a, "Enge awmzia, kei fa neih ka hmanhmawh nen" ka ti a, "Tea a awm thova, Tean nikhua a hriat hma chu kan nei thei lovang, ka chhangchhe dawn lutuk" a ti a.. "Ka nu te an awm a lawm" ka ti a, "Chutak chu a lawm ka duhloh, Nu hmangaihna a dawng lo va, Ka enkawl dawn a lawm, Chhang a neih nghal chuan buaipui ka thei dawn silo" a ti a. A rilru a puitling ka ti hle, "nia, Mahse ka chhungten an hrethiam lo ve thei tlat a sin?" ka ti a, "Nia, Mahse kan 2 a kan duhdan anih chuan an hrethiam ve mai ang, i nu leh pa te hi mi khirh an nilo tih ka chiang, Tea an Class 2 a zir hma chu naupai loh ka pawi tilo... Mahse chumi hma School a kai tawh hnu a nih chuan thuhran nise" a ti a, "anih i thinlung tak takin Tea hi i pawm em?" ka ti a, a che țial țial a, ka malchungah a lu nghatin țhuthlengah chuan a mu a, Min en a, "Engtin nge chutiang chu min zawh theih zawk, Ka fa anihlohna ka hre hleinem.. ka la tawnloh mah nise ka thinlunga a tlak nat dan hi mahni hrin fate pawh nise hei ai hian a tlak nat ka ring chuanglo a sin. Pathian hnena ka țawngțai a piangin a hming ka lam ziah a, nangai mahin ka lam zing zawk a sin" a ti a,... "I rilru ang hi hmeichhiate rilru nivek se he kan hnam ah hian Naupang sual an awm awm lo mange" ka ti a.. A nui seih a, ka kun hniama, duhthawh takin ka fawp lehta a.


Atuk chhun ah CM te nen Lunch kan ei a, chumi hnuah kan Chhungkua chu kan lengkual vel a, nuam kan ti tlang hle.. Central Sawrkar Official kan ni bawk a, Driver leh Motor Scorpio min pe thlap a, Kan driver chuan min zah thiamin kan duhna hmun khawiah pawh min hruai kual pap pap a, Nileng in kan lengkual a ni ber mai....Zanah PM Special Party ah min sawm avangin kan kala, Mi changkang leh hraw tak tak karah kan han telve chu a ropui danglam khawp mai.. Duati leh Tea chu Hotela awm an duh avangin Hotel lamah anlo awm thunga, Central Service lama ka țhiante leh College kan kal laia ka țhiante IAS lo nitawh te an awm nuala, ka chanchin lo hreve te chuan ka nupui boral min tawrhpui thu min hrilh bawk a. PM.Special party a sawm kan ni chungin PM bekbawr phak zingah kan tello chiang khawp thung. Mahse engkim a felfaiin a cool ruih mai a, kan chevel reng reng chu Media lamin an lo chang reng a ni ber mai... India ram sawrkar a mi pawimawh tak tak, Thiamna sang tak tak leh Politician ropui tak tak an nih hlawm avangin an ti ti pawh a central ruih reng a ni. Zan dar 11 ah kan hawng ve thei hram a.. Tea chu a lo mu tawh a, Duati erawh minlo la nghak a.

Chhun lama awmhmun kawr tur tia a lei T-shirt lian țha zet mai, a mal khuh phak khawpa fual, a ha hnalh a, a hnuaiah engmah dang a inbel lo, a sam chu bawrchhawr deuhin chunglamah a țawng khawm a, Make up a hmang miahlo... Makeup hmang miahloa a awm hian a duhawm zual țhin.. A mitmeng buang thak mai fiah kak bawk si chuan min lo en a, ka chau hmel a ti deuh a niang "i va chau hmel ve?" a lo ti vat a, Nia, Coat hakte necktie awrh te hi ka ning țhin hle, ka chau vek zel ni maiin ka hre țhin. "Chau lo ve, I va nalh ve, hetiang hi i lo inhmeh tho a nih hi" ka ti a, Ka pawm nawlh a, ka mutna room lamah ka pawm phei a "Hey, I thiltum a ni em ka hrelo, Mahse Inneih zan atan lo chuan a chi loh" a ti sar sar a, ka ngawi reng a, Khumah ka zalh riai riai a, min en kal a, ka thuamhnaw ka hlip mawlh mawlh a... "Inbual ang?" ka ti a.. a thaw hak a "min tih hlauhthawn hman zia kha" a ti a.... "Ka inbual tawh, ka lo nghak zawk ang che" tiin room chu a chhuahsan ta a.

Nia, min hrilh harh lo se zawng ka insum zo kher lo vang, a nalh chungchuang em a ni, Film a changtunu duhtawka an chei, sexy thei angber tura an duan ni maiawm a mawi a ni. India ram Top class Film star nen awmdun se Duati ka thlang zawk thovang, a tluk tur tumah ka hmulo hrim hrim a ni, Misual ni ila zawng ka chhuau hauh lo vang. Kan nu nen khan Inneih zan hlimawm leh thainghlim tak kan lo hmang dun tawh a, Chuvangin, a hlut zia hrechiang tu ka nih avangin ka insum thei hram hram zawk a ni. Ka inbual laite chuan ka mitthla ah a inthuamna sexy tak leh a mal var haih maite, a ke țhiah nalh zen zaih maite chu a lang uar uar a....Hmeichhe tam tak anga mipa hip nana ha anilo tih min khap vat danah khan a chiang khawp mai, Hmeichhe dang chu nise inneih hmaa sex hman chu pawi an ti vak lo maithei. Tunah pawh țhenkhat chuan an ngaisual ve viau maithei bawk. Heng mi ngaihdan ah hian ka buai ngai lo va, Keimah ka dik a, ka dinhmun ka hriatchhian a, Chunglamin min hriatchian bawk chuan engahmah ka ngai ngailo hrim hrim. Ka mizia hrechiangtu chuan min ringsual ve ngailo reng a ni.


Zanin chu amal nem nel thak mai chungah ka mu ve thunga, Naktuk chiah hunawl kan neih tawh avangin kan chet vel dantur kan sawi dun a, Agra lama kal kan ti tlu a, Driver ka phone a, alo la mu lo hlauh a, kan ruahmanna ka sawi chuan a harsat loh tur thu leh hma deuha chhuah a țhat thute a rawn sawi a, "Sahin, security dil belh rawh" a rawn ti a, a chhan ka zawh chuan Sawrkar Official ka nih chuan a ngai a tih thu a sawi a.. Kan inbiak zawh hnuah min buaipuitu chu ka bia a, Security min pek theih tur thu min hrilh a, kan chhuah duh hunah an in turnup nghal tur thu a sawi a.. Engkim kan ruahman fel hnuah light kan off a, Khawlai eng ut maiin a rawn chhun ek phak ruau avangin a thim lemlo, kan in chul heuh heuh deuh reng bawk a. Zing thawh hma kan ngaih avangin inkhamlo takin kan in mut san lehta a.. Tea hian a bula mut lo chu a duh hauhlo mai chu mak ka tih pakhat a ni.. Ka nu nena kan inbiak pawn ka nu chuan mak a ti hle, "a nu ang tak takin a hmangaih avangin Tea pawn a hrethiam tihna a ni chu.." a ti hial reng a ni.


Atuk zing kan tho chu kan driver leh Security tur mi 2 Hmeichhia leh mipa Civil dress a inthuam hi an lo awm reng tawh a.. Kan inchibai a, Motor 2 kan keng dawn a, Keini motor pakhat ah kan chuang ang a, an ni an motor rawn kenah an chuang dawn thung a ni. Ka ngenna angin civil dress a an inthuam chu ka lawm hle, SI ve ve an nih bakah Special Security training chhuak ve ve an ni. Hmeichhia zawk pawh chuan min chen țhelh a, Duati aiin a sang hret, Mipa chu ka tiat lo hle thung Punjabi pa a ni a, a hmelțha vung vung hle bawk. Hmeichhia zawk chu Gujarati a ni thung, Nula ala ni a, Kum lamah pawh a la naupang hle, a pian chu vai nula pian dik tak, mawng chhing țha lenglawng mai a ni. Tichuan kan tlan ta nal nal a,...Engmah harsatna kan tawk lemlo nangin, kan security te awm vang chuan thla a muang ve em em ringawt thung. Thlate kan la a, kan lengkual zuai zuai a, Kan haw leh nghal nal nal a..kan hlim tlang hle... Kan Thlenga, kan inbuala, Tea pawh a chau ngang a niang a muhil nghal sak sak a, kan zantin awmdan ngai bawkin kan awm leh a, kan inkham theilo ani ber mai...


Delhi a kan programme pawimawh ber chu kan hmang ta a, A tuk lam kan haw hun tur a ni tawh, Zan dar 6 ah India Prime Minister Chenna ah Mi pawimawh tak tak State hrang hrang CM leh minister rual an fuan khawm sup sup a, Kan CM te nen pawh kan inhmu khat bawka kan inchibai nak nak hlawm a. Kan pafa chuan dress inang chiahin kan inthuam a, Duati pawh Mizo Puanchei a bih zaih a, a inhmeh in a hmelțha bawka, thlalakpui atan an rawn sawm leh chat țhin. Kan CM pawn "I nupui hual chu inhruai lo vang tih ava hlauhawm ve, hei kan hman thuam a chawisang hle mai" a ti a, a nui vur vura.. Programme țan a ni a, Kei chu Presentation pe turin min ko chhuak a, Mi kalkhawm, Mipawimawh tak tak te zinga presentation pe tur ka ni bawk a, hundang aiin ka zam ve deuh. Introduction ka pek lai phei chuan ka khur lek lek a ni.. Ka presentation pek zawh ah emaw pek lai a ni emaw Zawhna siam theih a ni dawn lehnghal. He Programme ka duanpuite nen Table khatah kan țhu khawm a, ka bulah Duati leh Tea an țhu ve kak bawk a. Dawhsan a ka lawn hnuah ka zuk en a, Duati chu a țawngțai niin ka hria.

Introduction ka neih zawh ah, kan thupui ah ka lut chho țan a, zawhna ka dawng nghal malh malh a, a țhen chu min chhaih buai duh vang hrim hrim a rawn zawtte an ni hlawm tih hriat takin zawhna an rawn siam a, engahmah ka ngai lemlo, ka tui tulh tulha, zawhna ka chhan hnehsawh țhin em avangin kut benga nuih dar dar chang kan ngah hle bawk. A nih tur angin chu Programme kan duanchhuah chu ka sawi fiah a.. State tin ah Health Department in HIV leh TB programme a kalpui dan ang thoin Health Department ah a bet ang a, State AIDS Control Society anga kalin kawng hrang hranga hmalak chho a, Chung natna inkaichhawn theih veite enkawl dan tur ruahmanna te, Sawrkar atanga Finance danah Langtlang taka sum chevel en theihna turte, Pawisa engkim mai State sawrkar khawih ni lovin, Central Sawrkar atanga budget hranpa a khung a nih tur thute ka sawi a.. Zawhna lut ka chhang nghal zel bawk a, a tawpah chuan " India ram ropui taka mihring chengte hian, Natna tam tak awlsam taka inkaichhawn theih kan vei hian kan pul puk puk țhin hi kan ti tawp thei emaw kan titlem thei anih chuan Ram hrisel leh ram changkang kan nih piah lamah Mi ram te enbik kan ni ngei ang, Chungte a nih theih nan chuan nasa taka kan thawh a, Kan ram tana thawk kan ni tih hre reng chunga hmasawn zel anih theihnan tun kum 10 chhung hian hmasawn hman ngei tumin i bei ang u" ka ti a, an dinga kut an beng hluah hlauh a.. President leh Prime Minister te chuan dawhsana min rawn lawnchilh meuhin chibai min buk ta hial a.. Dinner kan ei a, Party tenau a awm zui a, keini naupang hruai chu kan haw ta daih thung a. Kan awm chhung khan chibai ka dawng nasa in kan nupa a thlalakpuitu an tam ve hle bawk.

Hotel kan thleng a, kan 3 in tuiah kan inchiah tlang a, kan nui deuh reng bawk a.. Tea muhilh hnuah kan 2 chauh chuan kan awm leh tawh a "Dutak, zanin kha ka va chhuang che in ropui ka va ti tak che, Hepa hi planet dang atanga mibik rawnkal ang mai a ni tia comment tu te pawh an awm a sin. Chung aimah a ka chhuanna che chu i hmelțha lutuk leh Pathian nung bia i ni tih hriat taka Zaidam taka zawhna dengkhawng tak tak i chhang țhin kha ani.. "a ti a.. ka kawr a khal niap niap a, kei chu a malchungah thlamuang deuhin ka zal ar ar a, "kei hian a sin chuang che, Mi tupawh khan an melh bik che ni maiin ka hria, i duhawmin min chawimawi takzet a, Chumai nilo kan hnam i chawimawi bawk a ni e" ka ti a.. a rawn kun hniam a, kan in dut zui ta nghal a.

Niruk zet inzui kan ni bawk a, kan driver pawh min nelin kan haw tur min thlahte chu a ti ti nasa ve hle.. mizoram kalve a chak thute a sawi nasa mai a.. Kan va thlen chuan CM party an lo awm țhap tawh a, kan inchibai a, Lawmthu min hrilh mawlh mawlh bawk a "India ram a awm chhung hi chuan inhming a dai tawh lo vang, He Programme hi a hlawhtling anih phei chuan i hming hi miropui zinga ziah a ni ve reng tawh dawn a ni, Nang ang Mizo mipui ten kan nei che hi kan chhuang khawp mai che" a ti hial a, thla te kan la ho va, Thlawhna chhungah kan lut zui ta nghal a. Tichuan Lengpuing Airport ah kan țuma, Sawrkar mipawimawh ruala zin kan ni bawka a thlamua thlak hle.

Ni a liama thla a liama, ka nupui duhtak Hriatrengna lungphun hun kan hmanga, nunhlui ngaih a na duh kher mai, Țhenrual țhate nen Ruai nen ropui taka hun hmangin kan phun a, Vawikhat mah kan nu boral hnua Pathian thu sawiri ngai miahlo in ka sawi ri a, ka chanchin hriate mittui a ko chhuak hial a ni. Hun lunglenthlak tak kan pal zova, ka koa tla liantak pakhat chu kan zove ta der mai, Duati nen kan inneih hun tur thlirin nitin hun ka hmanga, hun remchang kan neih chuan kan bazar duna, Hmun hrang hrang ah kan chhuak dun a, ka nupui tur nia a ngaih Sangzuali pasal neihna ah te kan kal bawk a. Kan Programme kalpui pawh kan tluangin Hna a tam țak țak hle, He kan programme ambassador atan Duati an rawt tlat peka, a hna chu hreh chung chungin a chawlh sana, Kan Programme tih larnan Miss Mizoram nen anzin kual zak zak chang atamin Tv lamah nen a lang zut mai a.. Miin an thil fak turin an sawm ve reng bawka, ka phalna thlap la lovin a ti ngailo thung.. Ka phalna lak kher ngailoin ama thu titlu mai tura ka hrilh pawn "Ka chunga thuneihna neitu tur i ni a, I thu lo a awm ka chin chuan nakinah "Min hlau lo" i ti palh ang" a ti mai țhin.

Krismas an khua ah a hmanglo thei silo, Krismas zawng zawnga khawhar thlak ber a ni hial awm e. A chhungte phalna thlap in Kumthar erawh kan bulah a rawn hmang thung. A țhian elrel tute lahin an inbiak țhat siak a, a nin khang hun kha hrelo ang maiin țha takin a lo be ve mai zel, Mipa ten an thlir rawn, Hmeichhia ten an entawn ani deuh ber mai.. Keini 2 lah kan induh tual tual emaw tih mai tur a ni thung, Mi lar a ni deuh ber tawh a, Fakna hrang hranga a lan tam avangin mi hriat a hlawh viau, Mahse a nunphung pangngai rengin a nung a, a lenchhuah dan țhin leh a khawsak dan țhin chu a ngai pat a, Chawhmeh bazar ah ke a kal lawp lawpte a chin ngai rengin a la ching a, Khawlai a thingpui dawr a chawlh mai te pawh a hreh eih lo, Kan 2 a kan chhuah dun pawn bawr zeta inkhai chang pawh kan ngah viau reng a, a ruka kan thla lo latu ten social media ah an theh lar zui viau țhin bawk.

Kan ruahman lawk ang ngeiin February thla tir ah Palai ka tir ta ngei a, engmah harsatna awm lovin February ni 29 (kan naupan lai chuan Zuan kum kan ti țhin...TR) anih avangin chu hun chu ruat kan ni a, kan inneih kum kan hmang khat deuh dawn tihn a ni mai...Kan hun chep tak karah Mizoram chhungah ngei kan bazar a, Kan Inneih tur thu chuan Zoram a deng chhuak chiang hle, Prime Minister leh President Of India hnen atangin duhsakna thu hial ka dawng tel bawk. Tea ber a phur a, "Aduati chu a nu a ni dawn" a tia, an nui dar dar zela... Amah Duati bulah pawh "Anu i ni dawn tiraw?" a ti mai a ni, an nui duna "aw ni dawn e" a tih chuan "Yessss" tiin a tlan kual chiam mai a ni.. Huphurhawm ber chu Zing dar 10-ah kan inkutsuih ang a, Molawm na hall ah kan nei nghal ang a, Keini chu Chawhnu dar 2-ah Honeymoon hmang turin Shimla lam panin kan thlawk liam nghal nal nal dawn a, Tea hruaive an remti si lo a, chu chu kan huphurh dun ber a ni...

Kan Inneih ni chuan beisei aiin mi an tam, Kan kohhran biak In khat bakah Pawnah an țhu nghuk mai a, Lalfapa nupui neih ni ang mai a ni. Mizoram mi pawimawh tak tak an tel kim hle, ka Farnu țhianpa Pastor in min kutsuih nghe nghe bawk. Hemi ni hian Duati chu Mizo designer lar design mo kawr nalh leh simple deuh mai a inbel a, Muantei'n a din puia, An mahni cheitu lah Mizo zinga top in chei bawk a, ka hrilh lawk ang ngeiin Makeup uchuak taka hmang lovin ,Duati hmelțhat zia lan theihna berin an chei chhuak thei a. Inneih min lawmpuitute pawn nalh an tih thu an sawi ber awm e...Inneih programme hman zawh ah, a lawmna hun hman zui nghal a ni a, Thusawi hrang hrang kan ngaithla a, Ka pa thusawiin lawm a hlawh hle, Kei thusawi turin min ko bakah ka țhianpa Ka nupui neih hmasaka ka best tho ka hmang leh a, Mittui tla pur chungin ka chanchin a sawi chuan min lawmpui tura rawn kalkhawmte a hneh hle.. Duati pa in thu asawi a, "Kan Miss boral ta pasal a nia, a fel lutuk" a ti a, Mahse hei a hetih dawn vang hi a lo nih dawn reng hi" a ti a an nui dur dur a.. a tawp berah kei thusawina ka nei a,.. Tawifel takin Duati nen kan chungchang, Khuanu Samsuih kan nih zia ka sawi a,.. Duati'n min kherh loh zia leh, kei pawn ka kherh bik loh ziate, Mak deuha kan intawn hnuah mak deuhin kan induhna lan chhuah a nih dante ka sawi a... Delhi kan kal țuma kan bawhchhiat teuh ziate chu tlang deuhin ka sawi a... "mitam takin an sawi thawm kan hria, Duati nu leh pa leh a chhungte beng ti thlep thei tur hriat nuam lo tak tak an sawi pawh kan hria.. Kan thiam thu leh kan thiamloh thu lam sawi vak ka tum lo a, Mahse hei chiah hi ka sawi ngam.. Pathian chungnung ber hriatpuina liau liau in ka nupui hmasa Melody tih loh chu hmeichhe dang reng reng ka la mutpui lo a, amah Duati hi Naktuk zan ah emaw zanin ah emaw chuan ka mutpui ve dawn tihna a ni a.. Ka thutiam ka hlen chhuak zo dawn talo a ni. Ka naupan laiin nupui 1 chauh ka nei ang a, Hmeichhe 1 chauh ka mutpui ang ka tih chu Thihna avangin ka tih danglam a lo ngai ta ani.. Ka nupui hlui Melody pawn a zirlai te zinga a duhsak leh a ngainat ber (Hei hi kan nu diary a ka hmuh a ni) mai ka nei tur hi a hlim ve ngei ka beisei tlat a ni.. Hmeichhe rilru țha chuan engkima țha ber an duhsakpui țhin an mi ngainatte tan chuan" ka ti a. a reh țhup a, kut beng in a zui nghal a, a thum hluah hluah mai a ni.


Kan tumlawk angin kan Inneih thuam nen vek Airport ah kan kal a, kan țhian leh chhungkhat ten min thlah a, Delhi kal turin kan thlawk liam nghal nal nal a, Delhi ah țumim Shimla lam panin kan thuam ngai nen kan liam zui leh nghala. Shimla a Hotel Changkang berah kan invawm lut a, Kan chau dun bawk a niang engmah ti lovin kan muhil siai siai a... A tukah Honeymoon hmang țanin kan lengkual a, Kan phone kan keng chhuak lo va, Kan talkual nileng ani ber mai..

Zanah Dinner tuihnai tak kan ei a, Movies kan en dun hnuah Țawngțaina hman a rawt a, Țawngțaina kan hman zawh ah, a inbual a, a inbual zawh ah ka inbual ve a... Delhi kan kal țuma a thuamhnaw inhmeh tak mai sexy taka a lanna chuan a inthuam leh a, Bathroom ațanga ka chhuah chuan minlo nuih varvar a, Ka pan hnai a "Ka va duhtak che em...Ka ta i ni khumkhua tur hi Khawvel mipa ah ka vannei ber ang" ka ti a, "Kei hi a sin hlimna a khat chu, Ka tleirawl tirah ka dream puitling dawn lova ka hriat hnuah Pathianin nang mipe let leh hi vannei ka inti khawp asin.. " a ti a, ka pawm kang nawlh a, ka towel ven chu a tla tap a.. a nui har har a, Khumah dim deuhin ka nghat a, Muangchangin ka kun hniam a.. Mipa in ka tih tur chin ka ti zui nghal ta mawp mawp a... Kan hun tawn a zinga hlimawm ber hmangin Hmangaihna kan chen dun ta veng veng a...

THE END..

Ka Thuziak phelh pheng phung mai min hlut der saka, ngaihnawm ti lemlo pawhin ka phur theih nan min fuiha, min cho chhuak țhin a ka lawm khawp mai.. Kei hi sawi tawh angin In hriatțhin ziatu ang ka ni lova, Ziak mi ka ni heklo, ka hun neih lai leh ka rilrua thu lut aawm ve changa ziak ve leh mai țhin chauh ka ni a.. In mi beiseina ka ti hlawhtling mai thei țhin lova, in mi hriatthiamna ka dil e... He story bak hi chu ka reh leh vang vang Tawh a ni maithei...Chutiang vel chu ka ni bawk.. Ti ti ka thiam lova, ka tak ngul thiam hek lova, ka induh thiam lo hrim hrim bawk a... Keimah a keimah bak hi thildang belhchhah tur engmah ka neilo... Ka nih dan tawp hi ka nih dan a ni mai....

Engpawh nise, He ka thawnthu laimu nita ber chu 'Hmangaihna rinawm taka nunpui hlutna leh Rilru thianghlim tak pu hmeichhiaten mi chanchin an sawi zui duh ngai lova, an chan țhat chan an lawmpui zawk țhin. Mahse tih zui kher an ching velo tihte, Duhawmna hi hmel leh pian ah chiah a awm lova, Hmelțhatna leh Pian țhatna hian Duhawmna keng vek lova, Duhawmna chu chhungril atang chhuak zawk a ni tih lantir ka tumna a ni e...A thu laimu ka sawilan loh chuan ka ziah thiamloh em avangin inlo hre velo palh ang tih ka hlau a ni e.. I ram leh hnam chham him nan Diktak leh țha taka kan tih tur țheuh ti vek ang u...

Ka lawm e...

Kei Tochhawng Lalremruata..
Kan Khua Khawzawl...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)