ROZAMI THIHNAAH TU NGE MAWH PHUR? BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

ROZAMI THIHNAAH TU NGE MAWH PHUR? BY Tochhong Ruata

Unread post by Ngaia » February 9th, 2019, 6:16 pm

ROZAMI THIHNA AH TUNGE MAWHPHUR??..

"Tukin Dar 5:30 khan Upa Hrangbuaia In hnuaiah an thenawm tleirawl kum 16 mi chu Inawkhluma hmuh a ni... A Inkhai hun tak hi hriatchian a ni lova, a ruang a khawng vek tawh dan atangin Nizan emaw a thil thleng a nih rin a ni" tiin Zinglama puan thin chanchinthar a an rawn puan chu ka en reng a "awww... Tunlai Thalaite hian tinge dam hi an thlakhlelh loh viau hlawm le... An nu leh pate rilru nat dan tur an dawn tak si lova" Ka pa chuan a lo ti chuar chuar a, "He nula hi Pi Sawithuami fanu ani" tiin an veng hmingte nen a rawn tarlan takah chuan kan College Kalpui thin Ronghaka nau anih ka ring ta nghal a, Ronghaka nu kha Sawithuami niin ka hriat avangin ka phone chuan kan thianpa Ronghaka te veng ami chu zawh ka tuma, Chutih lai chuan amah zawk chuan min rawn call nghal chiah bawka...

"Aw... Thianpa rawn biak che ka tum chiah a" ka ti nghal vat a, "Chanchinthar kha i en em?" a rawn ti nghal tawng a.. "aw en e, Ronghaka nau a ni em?" ka ti zui nghal zat a, "aw ni e, chuchu rawn hrilh che ka tuma.. I theih chuan class kan kal tawh chuang lova rawnkal ve la?.. an khawngaih thlak ania" a rawn ti a.. "Awle... ka rawn kal ve dawn nia" tiin kan inbiakna chu kan titawp zui nghal a..

"Nimin khan An School bang kha a rawn ngui haw khawp maia, ka nu chuan 'Zamte i damlo em ni?' tiin a lo zawt a, 'Dam e, ka lu ana deuh mai chauh a ni' tiin room ah a lut daih a.. Nidangah chuan a school bang hi a rawn ri chel chul thina, tuntum a school bang hi chu a dan a dang deuh avangin ka nu ngaih a tha chiah lova, Room ah a zui lut nghal a.. Enge an sawi chu ka hre lo, ka nu rawn chhuak leh chuan 'Damdawi ei la a reh mai ang, chumi hnuah i muzal dawn nia' tiin a rawn chhuak a... Zanriah pawh kan bulah a killo, Kei chu Inkhawm turin ka chhuak zui leh ta daih a...

Ka Inkhawm ban hnuah Kan thiante nen kan lenkual leh avangin ka haw tlang mai lova, ka haw hian ka chhungte an lo mu vek tawh a.. Zingah Kan thenawmpa in min rawn kai thova, Zamtei boral thu hi a rawn sawi ta mai a ni" tiin rilru nat hmel deuhin Ronghaka chuan kan bulah a sawi a.. Ka rilru a khawihin A hmeltha a, a kum phu lovin a lian a, a pian pawh a tha zuah zuah hle, Mahse naupang mai a la nih avangin Inchhungah phei chuan a la naupang chhe awm hle ani awm e...

"Ngaihzawng emaw te a neih ve tawh thu in hria em? ama ka atang emaw a thiante ka atang pawhin" ka ti a, "Engmah chutiang thil an sawi awm ka hre ngailo, Korean Star ho hi an buaipui ve em em ringawt a ni" a ti leh mai a.. Eng eng emaw kan sawi hova, a farnu mizia hlim thei tak leh thian kawm thiam tak a nih thute a sawi a, an unau hi 2 chauh ni mahse Nuhmun Pahrang an ni a.. An Kum pawh a inthlau fe reng a ni.. Ronghaka hi Kum 28 vel mi ani tawh a, Anau Rozamii hi Kum 16 a hmang ve chauh a ni.... Ronghaka Pa hi Sumsuih khuaah a la awm a, A nu nen hian inthenin A nu hian Aizawlah a rawn hmeithai puia, An chhungte In hnuai luah in an awm ve ren rawn a, Chumi hnuah Rozami pa nen hian Innei lehin Tuna an awmna hi Rozami pa inhmun leh ram a ni a... Mahse Rozami kum 10 a tlin hian Zu vangin a boral veleh ta zel a. Tichuan a nu hian Dawrte eichawp dawr siamin a hmeithai pui zui leh ta zel a ni...

"Anih awmlo i ti anih pawn min hrethiam la, Ruang an hmuh hian in la thla nghal ringawt nge? Police in ko phawt" ka ti leh hram a... Ronghaka thianpa an veng ami chuan dilchhut min tih hmel deuh hian min lo melh ralh ralh a.. "Nia, ka nu kha chuan lakthlak mai a rawt a, Mahse keiman Police koh ka rawt tlat a, Police rawn thlen hnuah chauh kan la thla, Hetia Police in an rawn lak hnuah chauh hian midang pawh kan hrilh pung ta chauh reng ani" a ti ve mai a.. Zawhna chu ka nghah nang mai, Mahse dilchhut min tih ka hlauh avangin ka ngawi ta rih a... An awmna veng bialtu Police Station a kal ka rilruk ta ngawt a..

Shillong Hostel kan awmlaia Khasi tleirawl inawkhlum kha ka hrechhuak a, a chhungte chuan Inawkhlum ah an ngai veka, mahse abialpa ngaih a tha thei lova, a chhui zuia, a unaupa thah a lo ni reng sia, chutiang te avang chuan Tleirawl hlim thei leh thiante kawm thiam, Inchhung tinuam tu ber nia an sawi nula hmeltha leh fel hetia ama nunna hial a lak duhna rilru hi engemaw taka tawk emaw, mi kut tuar zawk emaw a nih ka ring rilru tlat a ni... "Vui zawhah Police Station ah min ko a, ka kal dawn a lawm, i duh chuan lokal ve la.. " amah Ronghaka chuan ka rilru hria niawm takin a rawn ti a, "awle.. " ka ti nghal vat a...

Rozami chanchin mi hrang hrangin an sawia, Sunday School a kallai atangin naupang nungchang tha leh thuawih, Thiante ti hlim thiam em em, Thian kawm nuam ti tak, Hlim thei tak leh Lehkha pawh thiam ve pangngai tak a nih thute kan ngaithla a. A nu in tap pur chunga a chanchin a sawi phei chuan rilru a khawih takzet a ni.. Chutianga achanchin an sawi laite chuan ka rilruah 'Engemaw tak harsatna a tawk a ni khawp ang, Ahma zawnga hlim thei tak, nimin tlai a school bang a rawn ngui haw an ti bawksi" tiin ka lo in ngaihtuah ve nasa hle bawk. Tah tu pawh a ngahin Thlalakpui tu pawh angah khawp mai..

Vui zawh ah Kan Thian 4 (Kei, Davida, Ronghaka leh a thianpa Muana) chu Police Station lamah kan inkhalh chhuak ta a... Anihna takah chuan heta kal ve hi a tulna a awm lemlo, College ah kan inkawm thin a ni mai a, chuti teh chiama inkawm kan ni lo lehnghal, Mahse keimah ah engemaw hriat chhuah chakna in min turtlu ngang a niang ka zui ve ta zel mai a ni... Police Station ah chuan kan thlenga, kan kal chhante Ronghakan a inreport hnuah Oc room ah min luh tir ta a..Oc chu pa hmaitluak tha deuh Kum 50 chunglam tawh tur, Chal thui ve lam deuh Kuhva ei sen huam mai hi a ni a.. a tawng bung hmuk hmuk hle bawk.. Ka mitthla ah Vai Film a Police intichamp deuh a rawn lang nghal a...

"In nau kha ka naute Inspection report ah chuan amah leh amah inawkhlum chu a ni ngei anih hmel, Tin, Nizan Dar 12 emaw vela inkhai anih kan ring" a ti hmuk hmuk a, "Chuzawng chu maw?" Ronghaka chuan a ti zuai raih a.. "aw..Mahse kan ngaih ti thalo tu chu a ban ve ve ah khan Duk deuh awm kha a ni.. Mahse engvanga duk nge kan chiang biklo, I nu bulah khan kan naute khan an sawi tho nangin Postmortem loh kha a duh ta zawk a ni....Hetiang duk hi taksa danglam deuhah a awm ve thei maithei bawk" a ti zui leh hmuk hmuk a...

"Anih ka pu thla in la tho niin kan hria a, Kan en thei a ngem?" ka lo ti risk ve tawp a, Min melh run run chung chuan "En theihlohna a awm hlei nem...." tiin a dawhkan a pion bell chu a hmet ri chur chur a... Police Constable 1 zu heh hmel zet hi a rawn tek lut vat a.. "Pa Dinga kha han ko teh, a phone rawn keng bawk se..." a ti zui hmuka... Reivaklo hnuah Padinga a tih niawmtak Bel kai ve tawh hi a rawn lut a, a rawn inkhengkhawng ve auh bawk a... "Pading hei kan tlangvalte hian tukina Nula thlalak kha an en duh a nih hi?" tiin OC chuan a lo hrilh a... A phone a phawrh a, a hai nuap nuap a...

Rozami taksa an endikna vel thlalak chu min hmuh tir a.. a taksa dangah chuan hliam engmah a awmlo, mahse an sawi ang deuh chuan a ban puam lai ve ve ah hian sehna emaw, piaina emaw engtia emaw tih niawm taka duk deuh ang hi fiah vaklo in a awm a, A bak chu a hmel hmuh a nuamlo bawk nen kan en zui ta vak lova... "Ka pu Heng thlalak 2 hi ka inthawn thei a ngem?" ka ti leh hram a.. Ronghaka pawh chuan mak minti deuh aniang min thlek deuh he haw a... "Eng atan nge i tih?" OC chuan a ti hmuka... "Aaa.. Kan nau hi enchian ve leh mai mai ka duh" ka ti a.. "I ti darh ang e?" a ti leh a. "Ka intiam e.. ka phone bak hi a pel lovang.. a hmel lan lohna lai hi a nia ka tih" ka ti nghal vat a.. a ngawi vung vung a.. "La ta che" a ti ta nge nge a..

Zan ka mutna ah te chuan an kawta Rozami thlalak an tar Inkhawm thuam nena a ding zaih mai leh nui var var lai hmel chu a lang uar uar a, Chutah Phone a police thlalak chu ka en a, Tharuma hmerna ang ka ti ta deuh ber a.. Ka phone chuan Ronghaka chu ka text zui ta nghal a... Rozami thian a sikul kaipui te leh an venga a kawm thinte chanchin leh an hming ka zawta tha tak chuan min chhang in min hrilh ve zel mai bawk a.. "Anihna takah chuan i nau hian hetiang tih duhna chhan lian tak a neih ka ring tlata, Engmah awm lovin hetiang nula fel leh rilru thianghlim hi hetiang ngawt hian a tih ka ringlo, i phal chuan umzui ve hrim hrim ka duh" tiin ka tlip a... "Eee i peih phawt te chuan a ni mai a lawm... Puih theihna ka neihna ah chuan min pun hreh reng reng suh, keipawh engemaw takin ka rilruah a awm a lawm" a lo tive mai a.. ka hlim kher mai... Thihna emaw thil bo emaw engmah hnuchhui lam ka la ti ngailo hrim hrim mahse tun tum chu tihve ka chak tlat a ni...

"Ngaihzawng a sawi ngai kan hrelo, Mipa lam pang hi kan sawi ngailo hrim hrim, a u Ronghaka hi kan mipa sawi chu a ni deuh ber mai, Kan thian ho hian a rukin kan star a, a bulah kan sawi thin a, Min nuihzat thei hle..." tiin In lama a kawm thin a thiante chuan min hrilh a... "Kawm a nuama, a rilru a zau a.., Tumah a ti thinrim ngailo, Fiamthu a duh em em bawk, Lam vak vak a ching" tihte an sawi bawk.. "Lehkha zir a peih bik vaklo, mahse Top 5 ah alang leh mai thin.."...tihte "Amah ngaizawngtu hi chu an awm nualin mai, mahse amah hian mipa a ngaihsaklo hrim hrim" tihte in lama a thiante atanga ka dawn a ni... Heng mite lak atang hi chuan han rinhlelh tur awm engmah ka hrelo... Ka bei erawh a dawng chuanglo..

"Vawiin chu ka nu nen an school ah lengturin min sawma kan kal dawn a sin, i lo kal ve duh em?" Ronghakan a rawn tih chuan ka lo phur kher mai...Hma taka an in ka thleng phei a, Ka bike dahin Ronghaka thianpa taxi in an school lam chu kan pan ta a, a chanchin ringawt chu kan sawi a, amah han hriatchianna nei turin a damlai hmel ka hmulo hrim hrim a, chuvang chuan sawitur ka hre ve lemlo ngawi rengin ka lo ngaithla mawp mawp mai a ni...

School kan thlenga, an zirtirtute chu an lo fel khawp mai, Class 11 zirlai a nih avangin an class room ah te kan kal a, a nu chu a tap leh fap fap thin a, A thian kawm ve thinte ka kawm ru zauh zauh bawka, Chungte chuan School ah pawh mipa han kawp emaw, han biak bik a neih an hrelo tlangpui, Hlim thei tak anih thu leh Midangte care thiam tak anih thu chu ka dawn a ni tlangpui, Class 12 lam chenin a zia nelawm tak chu an lo hre deuh vek hlawm a... Hemi ni a pawi ka tih em em chu a thutpui leh Schoola a kawm ber thin Muantei an tih mai School kallo chu ani... A thiante sawi dan chuan Rozami boral atang khan School al kal leh lo char char a, Tun hi Rozami boral atanga Kar 2-na chiah a ni nghe nghe..

Ronghaka te nen an Principal Room ah thingpui kan in a, ka zun chhuah vangin zunin ah ka va zunga, an school zunin hi Mipa leh hmeichhe zunin a hranpa a pindan a ni a, an pindanna erawh Rangva mai mai a ni thung, Ka zung zo ka kut ka sil mek lai chuan Hmeichhe zunna lam ah chuan thawm ka hre ta a.. "Ka ngei a nia, a mitmengte zek zawk hi, a kut a hlei bawk si, Principal bula sawi mai ka chak thin" Hmeichhe pakhat hian a ti bawrh bawrh a, "Ni ngawt mai, Rozami pawh kha a fiam nasa thin a lawm, Rozami khan a ngei si a, Chuvang a niang a subject ah pawh Rozami khan mark a hmu that ngailo, a ngei tih a hre ve reng bawk a.." Pakhat chuan a lo tive a... An zung zoa an chhuak leh ta daih a... Chu an thusawi chuan ka rilru a luh ta ngut ngut a... An Zirtirtu te zing ami Rozami mark hmuh chhiatna bik chu hriat ka duh ta hle mai le....

"Sir, Rozami PR hi kan hmu thei a ngem?" tiin Principal bulah chuan ka zawt ta tawp a, "E thei teh lul mai, Rozami kha Ngaihsak lo hmel deuh khan a lang a, Mahse a thiam thei khawp a sin, Tun test hnuhnung berah phei kha chuan a ti tha khawp lehnghal, Geography Subject hi a ti chhe deuh thin tih mai loh chu" a ti a, Bell a hmet a Peon hnenah chuan Rozami School File bik chu la turin a tir ta a... Kan en thuak thuak a, a kut ziak te chu a nalh nek a, Mark pawh a hmu chhe ngailo.. Mahse Principal Sawi ang chuan Geography subject bikah chuan a pass tawk tawk chauh zel a lo ni a.. Zirchian ka chak hle mai... "In duh leh tikhan hawn rawh u, A zirlaibu riah te a nei em ka hrelo chungte chu in hawn vek dawn nia.. Kan School naupang zinga huhang ngah nungchang tha a ni a, Kan sun khawp mai, an class master Mrs.Kimtei phei chuan a sun leh zual " Principal chuan a tia, Eng eng emaw kan sawiho hnuah Rozami school bungrua neih ang ang nen chuan kan haw zui ta nghal a...

"Nghaka, mak ka tih ve mai mai chu, I nau kha Subject thiamloh bik a neih ka hre miahlo, I hriat angin Geo te chu kan subject a ni a, Hei a chhanna ka en hian engmah tih dikloh a neih awm ka hrelo mahse Mark a score tha thei hauhlo mai a, An Geo Zirtirtu hi kawm mai mai ka chak ngawt mai" ka ti a.. Ronghaka chuan a test paper thenkhat chu an bih vung vunga "Nia, a nih hi mawle... Vawi 2 vel chu ka bulah 'Mama Geography hi ka thlak daih dawn emawn le?" a ti taka sin, engemaw tuilohna riau a nei pawh a ni maithei" a ti ve mai a.. Zunin a ka thu hriat erawh anu kan bula aawm ve reng avangin ka sawi chhuak duh ta lem lova...

A Class mate te hnen atanga ka hriat angin Muantei awmna nia an sawi lam chu ka pan ding nghal char char a, Ka rilruah phurna riau a awm lehnghal. Muantei chu Thingtlang lam mi Aizawla an chhungte bula lehkha zira rawn awm a ni awm a, a awmna veng leh a awmna in niawm chu ka zawng risk ta tawp a, Pa lar tak Khawtlanga mi inhmang tak a lo ni bawka Muantei awmna te in chu ka zawng chhuak vat a. An kawngka lu chungah chuan S.Lalrinawma tih leh YMA Vice President tih leh Mizoram Maxi Cab Owner Association Fin.Secretary tih Designation plate a lo intar bawk a, Kiai suk chungin kawngka chu ka kik ta kauh kauh a..

Kawngka chu nu ka valai deuh mai, hmel pawh chhe lutuk lo hian a rawn hawng a "Ka pi hei hi Pu S.Lalrinawma te in a ni em?" pawna hmingtar hmu tawh reng chung chuan ka ti a, "Ni e, enge i duh tak lo lut rawh" Zangkhai deuh chuan a ti a, "Muantei a awm em le?" Inchhung luh pah chuan ka ti a, Chutih lai chuan Pindan atangin Pa kum la upa em em lo Kum 50 emaw vel tur hi a rawn chhuak chiah a, "Enge nita?" a rawn ti hu a, "Aaa.. Muantei ka rawn hmu lawk duh a?" ka ti ve leh mai a, ngun deuha min en hnu chuan "Khawi a awm nge i nih a?" a ti a, "Lokal rawh lo thurawh" an nu niawm tak chuan a lo ti nghal vat a. Ka insawi a, Muantei biak ka ngaih thute ka sawi hnuah chuan "Temam, i u muantei kha rawn ko rawh, a inbual zo tawh em?" Pa chuan a ti ta a.. Muantei kan nghah chhung chuan eng eng emaw sawiin kan lo ti ti a...an inchhung chu lian hem hum deuh mai, Hnawk deuh rup Naupang harh ve tak tak an kawl anih ngei a rinawm bawk, Bangah chuan Isua leh a zirtirte zanriah hnuhnung an kilna "The Last Supper" lem chu Lianpuiin an tar kung bawk a. Pu S.Lalrinawma chu Pa zaidam hmel tak hi a ni a.. Ka kal hun hi a fuh chiah em ka hrelo, Zanriah ei hun la ni chiah silo, Chhungkaw tlem deuh tan erawh Zanriah ei hun ve tan tawh ang hi a ni...

"Enge nita?" tiin kan hnung lam atang chuan Hmeichhe 1 aw hi ka hria a, "Hei inleng i nei a nih hi, I Thiannu Rozami u a nih hi?" Pa chuan a ti a.. Nula chu ka hmuh theih turah chuan a rawn ding ta a.. Amah chu ka lo hriat tawh hnu a ni, Rozami vui ni khan a tap nasa in a kuang bulah a thu reng nghe nghe bawk... "Eee enge nita?" tiin ka hma zawn thutna awm ah chuan a rawn thu ta a.. Pu S.Lalrinawma chu a kal sawn ta daih a.. a zai rut rut bawk a.. "I awmna te hi i eng turte nge an nih a?" kan ti leh te te a, "Ka putea ania, enge i duh tak a?" aw zangkhai tak chuan a ti a, Hmeichhe hmeltha tak chu nilo mahse a hmelah a fel a ni tih a hriat theih, Tin, Thingtlang nula a ni tih a hriat hle bawk...

"Vawiin khan, In school ah kan rawn kal a, Hmuh che kan duh khawp a, School i lo chawl daih a" tiin bul ka tan a, "Nia, Kan khua ah ka hawng lawk a, Enge in rawn tih a?" a ti ve mai a, "A zirlaibu hnutchhiat leh a sulhnu kan va fang a ni ber mai... School ah hian nanglo thian kawm a nei em?" ka ti leh a, "Neih chu nei nual e.. Mahse kan 2 hian kan inzui chawt ani ber mai, A fela mi a hrethiam em em a, Thingtlang lam mi kan ni bawk nen, School kan luh tirh phat atangin min ti tlangnel tu ber a ni nghal hrim hrim bawk" a ti a.. " Anih Ngaihzawng emaw, mipa han biak emaw a nei thin em?" ka ti leh a, a kun deuh a, "Chutiang engmah a neih ka hre ngailo, mipa hi a sawi ngailo a u Ronghaka hi a chhuang em em a, a sawi tam ber a ni" a ti a.. Ka thianpa Ronghaka chu a farnu hian a chhuang hle a niang, an veng lama a thiante pawn an sawi tawh tlat mai a.. "Nia, An inkawm ngeiha, Unau an nih piah lamah Thian ang maiin an inkawm bawk thin.. " ka ti a.. "Nia, a sawi ngun khawp mai, Ka thiannu chu ka mitthla ah hian a cham reng thin, Ka mumangah te ka hmu a, ka be tawng zo ngailo" a tia a mittui a hru zauh bawk a..

"Ti ta daih i la, In Sir Rinkima subject ah hian mark a score tlem thei khawp maia, I bulah a sawi ngai em? Vawiin hmeichhe 2 ti ti ka hriat ruk dan phei chuan, in Sir Rinkima hian a fiam ve fo anih hmel" tiin thu khuh deuh si chuan kan zawt kual vela, a hmel chu ngun takin ka en bawk a... An Sir Rinkima ka lam rik rual chuan min rawn melh vat a, rang takim a hawi sawn lehnghal a, Mahse a hmelah engemaw ka hmu hman tlat si... "Englo... nia, Sir Rinkima hian a ngaizawng deuh ni chuan ka hria" a ti thawp sat a.. "Anih A thih hma ni khan School ah boruak engemaw a awmin i hria em?? Khami ni khan in inzui em?" ka ti leh a.. a hawi zak zak a.. "Engmah ka hrelo, Kan Inzui vaklo khami ni kha chuan" a ti a, a tawp lam phei chu a riat ral vel mai mai ani ber, a thusawi ngun taka lo ngaithla ka ni bawk a ka hre thei mai.. A hmelah zep a nei tih ka hre thiam mai a.. Heti hi chuan engmah kan inzawt chhuak dawn lovin ka hria a.. "Engemaw thil min hrilh duh i nei anih pawn hei hi ka phone number ania, min rawn be mai thin dawn nia, Phone i nei tiraw?" ka ti a.. Tunlai Thalai Phone neilo an awm ngailo hrim hrim bawk a.. "aw nei e... Engmah hriat chu ka nei chuanglo" a ti a, Hriat a nei tih a hmelah ka chiang si, Sawi chhuah chak sawichhuah duhlo a neih ka ring tlat a ni... Thingpui te ka in zawhah ka hawng zui ta nghal a...

Ka mut hmunah te chuan ka ngaihtuah neuh neuh a, Khatianga Answer paper a chhanna diklo engmah awm si lova mark a hmu tha thei miahlo te, Rinkima hming ka sawi ruala Muantei hmela danglamna lo awmte khan inzawmna thuk tak a neih ka ring tlat ani.. A zirlaipui ten an Zirtirtupa in a chhaih fiam thin a ni tih an hriat ruk danah Rinkima hian Rozami hi a ngaihmelh viau a nih ngei ka rin bakah Rozamin a hnar ngei pawh ka ring ta tlat pek a... Ka sana ka en a, Dar 11 a ri tep tawh, ka muhil mai thei lova, engvanga he thihna hi ngaihven viau nge ka nih a, Mi pawi sawi theihna a ni tih hre reng chunga ka buaipui reng chhan hi ka hrethiam theilo a ni...Keimah ngei pawn mak ka inti ve hle bawk.. Mahse ka thinlungah a riak tlat lawisi, Engemaw inthup haichhuah ngai hi a awm ngei ka ring tlat si..

Ka muhil dawn suar suar tawh tih ah call ka dawng pek a, Muthilh mah harsa a chutia zan rei tawha phone call ka dawng chu mak ka ti rilru hle, Number ka neih ngailoh atangin a ni lehnghal...

"Hello...?" tiin phone chu muchung chuan ka chhanga..

"Muantei ka nia, Video ka rawn thawn che kha lo en teh, Chuan naktukah Rozami te in ah ka rawn kal anga, Thil hrilh tur che u ka nei" a rawn ti a, a aw ri atang chuan midang hriat a hlau hle niin ka hria, a tawng zawiin a phun ser ser ani ber.. "Dar engzat velah nge i lo kal ang?" ka tia, "School kal hun vel ah a niang, School ka tlanbo mai ang" a ti a Phone chu a dah zui ta nghal a... Ka tho vata Whatsapp a muantei no atanga video clip ka dawn chu ka download zui ta nghal a... Chu Video clip chu a fiahlo viau nangin engkim a hmuh theih bakah an tawngte pawh a hriat vek theih... Tichuan inseh ruh teuh chungin ka mu leh ta a... He thil zet hi chuan Kan rilru a luah hneh kher mai, ka inseh ruh teuh a, Ka muhil thei mailo lehnghal.....

Nghaka te in ka va thlen chuan Nghaka chu chhuah tumin a lo insiam mek a, a nu leh mipa pakhat hi an lo ti ti malh malh bawk a, Nghaka chuan mak mi ti hmel deuh hian minlo en a "Enge i rawn tih dawn?? I va hma ve?" a lo ti a, "Nia, Thil pawimawh deuh a awm a, Khawnge kal i tum, i hmanhmawh em?" ka ti a.. "Chhuah lawk ka ngai a, Hmanni ka hna dilah khan interview turin min rawn ko ve hlauh a" a ti a, "chuan i chawl mai dawn tihna ami?" ka ti a.."Ka hrelo ka tling anih te chuan ka bansan mai thei, a la chiang biklo" a ti a.. Final Semester kan ni tawh a, Chutia bansan mai atan chuan ka ui pui hle, Mahse an chhungkaw harsatna ka hmuhin an mamawh ve viau bawk si.. "Dar engzat nge Interview chu in neih dawn?" ka ti a.. "Dar 12 daih chu a nia" a ti ve mai a.. "anih chuan I nau thiannu Muantei an tih kha a rawn kal dawn a" ka ti a.. "Eeee.. engtin nge i hriat" a ti hu a, Choka dawhkan bula thutna ah chuan ka thu a " Nimin khan Ka haw tlang nghal lova, an awmna ka va zawng chhuak a, Muantei kha an khuaah a lo haw daih a, Nimin khan a rawn thleng leh chiah a, ka vannei tak tak a ni" tiin kan inbiak dan leh nizan lama ka thil dawnte chu ka sawi a... Phur hmel deuh chuan a rawn thu a, Video clip ka dawn chu ka en tir zui ta nghal a..

Video la tu hian hlauthawng taka a lak tih a hriat hle, Ventilation kua, atanga alak niin an hmel pawh a hmuh theih nangin a che nasa hle... Rinkima chuan Khumah Rozami bawh betin a hrawm nawk nawk a, a Kekawrte pawh thlak sakin a vo pah mawlh mawlh bawk a, Chutah Rozami na ti rum hak leh Rinkima thawm in a zui nghal a... "I au bengchheng anih vaih chuan ka that ang che... " tih ten a vau a.. Video chu a tawp zui nghal a... Ronghaka chu a ding phat a.. "Hepa hi tunge?" a ti thawp sup a.. "An Geography Subject la tupa anih hi.. " ka ti a... Mahse thudang hriat kan ngaih thute ka hrilh a.. A nu chuan kan awmdan chu ngaihthalo tak chuan a rawn melh zak zak a.. Mahse kan hrilh hre duh rihlo... "OC kha phone i la, hetah rawn kal se ka duh khawp mai" a ti a, "Ka be vek tawh an rawn thleng tep ang, Khi Muantei pawh a rawn kal e" ka ti ta a..

Ronghakate in ah chuan Kei, Ronghaka te nufa, an in leng putar leh Police OC leh Constable 2 bakah Muantei chu kan thu thapa a, Ka thil chhui zui dan leh ka ngaihthatlohna te, Muantei ka va hmuh dante, Zunin a School naupang ti ti ka hriat ruk dan leh Geography Subject ka lak tanga Rozami Answer paper a diklo awm si lova mark a hmuh chhiat bik dante ka sawi hnuah "Muantei hian nizan zanrei tawh takah khan min rawn phone a, chutah chuan Hemi hmuna inhmuh a duh thute a rawn sawia, tichuan nangni ho hi ka ko khawm ta che u a ni" tiin thilawmzia chu kan sawi phawt a.. Chutah OC chuan Muantei melh kur pah chuan "Enge i sawi tur chu han sawi vat la" a ti ta hmuk a..

"Rozamii nen hian kan School ah chuan kan inzui nasa ber awm e, Tlar khatah thuin Subject lak in ang kan ni bawk a, amah kawmnuam leh nunnem tak a lo ni bawk nen kan inkawm ngaih viau a.. Kan harsatna te pawh kan in share tawn thin.. Sir Rinkima sawn Rozami hi a ngaihzawng deuh niin kan hria.. a fiam danah te, mahse Rozami hian engah mah angai ngailo.. Mahse engahmah ngaih loh theih ngawtloh anihna hun a awm ta a, Nikhat chu kan working day ah Class room kan phiat a, Midang chu Pawnah School compound thian faiin an awm a, Chutih lai chuan Sir Rinkima chu a rawn lut a, "Muante office ka meizial han la lawk teh" tiin min tira.. ka han kal hlan chuan Sir Rinkima chuan Zamtei bulah chuan "Ka subject ah mark i hmuh that duh dawn chuan ka thu i awih a ngai, Ka duh che a, Min duhlo niawmin an sawi a, Kei aia tha hi Pasal i nei dawnlo hrim hrim, In rethei tih pawh ka hria, Hmeithai fa i ni tih pawh ka hria, Mahse Kei nen kan inneih dawn chuan I nu chu ka duat ngawit ang" a lo tivel a niang... Ka zuk thlen leh hnuah a chhuak ta mai a.. A kal hnuah Rozami chuan min kuah a atap ta tawp a.. Thil awmzia ka zawta a sawi ta vek a..

Nidangah pawh len pui turte, engemaw hlekah Rozami chu a bekbawr ziah a.. Annual Sport kan neih lai pawn a motora chuang haw turin min sawma kan duh lova, Engtin nge Rozami Phone number a neih kan hrelo Massage te a rawn thawn thina, Mahse a chhang ngailo hrim hrim... Chutiang chuan a buaipui chiam hnuah Rozamin a duhlo tih a hriat chuan "Min duhlo hi i la inchhir ang" a ti ta nge nge a, Tichuan, class test etc ah Rozami nen kan chhan dan inang chiah ah pawh mark a hmu ve mang ngailo, apass tawk tawk chauh zel...Mahse pawi a ti chuanglo... Kan hmuhlaite chu kan Class hmeichhe dang leh Class 12 ami Atei nen an in engemaw vel thina... An sawi dan chuan Atei nen hian Class 11 an nih lai atangin an in ngaizawng a ni awm e...

Rozami Boral hma kar khan Sir Rinkima chuan Rozami chu Office ah a kova... "Ka subject ah i hnufual bika, chuvangin Ka In ah midangte nen Special Tution in rawn kal thin ang, Pawisa chawi angailo" Teachers dangte awmlai chuan a lo ti a.. Han hnial dawn mahse Teachers dang an awm ve si a, Tin Test result atangin Rozami mark an hre ve vek bawksi hnial lemlo chuan a aw liam ve ta mai a.. Mahse kar tluanin a kal duh chuang lova... Sir Rinkima hi Lunglei lam mi Aizawla in luaha awm ani nghe nghe...

Chutianga akal duhlo chu kan class Teacher Miss Kimtei bulah alo sawi bakah Principal bulah pawh alo sawi a.. Miss Kimtei chuan thuawih taka kal turin a tih bakah Principal in a office a koin Special Tution chu kal turin a lo ti ta bawk a.. Hreh deuh chuan a kal ta a.. Hemi ni hian "Lokal ve rawh, i hmanhmawh loh chuan" a ti a.. Mahse Sir Rinkima ka hlauh avangin an In bulah ka lo nghak ang che" ka ti a.. Ka kalpui ta ringawt a.. Rei fe hnuah pawh midang kal awm ka hmuh tak loh avangin ka ngaih tha lo chuan Sir Rinkima in luah chu ka pan ta ngawt a, Mak deuh chu Hetah hian Sir Rinkima emaw ka hlau miahlo.. Kal duhna riau hian min tur tlat anih chu... Tichuan, A in bul step ka kal lai chuan Ka thiannu aw hian "Min thlah rawh, ka au vak mai ang" a tih ri ka hria a, Tichuan step bula lung awmah chuan ding kangin Ventilation atang chuan ka zuk bih nak chuan Sir Rinkima chuan Ka thiannu chu a lo hrawm nawk nawk a, Khumah a bawh bet a, ka thiannu pawh atang nasa mai.. Mahse a che thei silo, avau pah reng bawk a.. Tichuan... ( A tap tuau tawh a, .. a aw pawh a khur dar dar tawh bawk a..Kei chuan hmanhmawh suh.. ka lo ti a... kan nghah deuh det hnuah chuan a sawi zawm leh ta nghal a..)

Tichuan, Engtin nge ka tih ang.. ka zuk pui dawn nge midang ka pun ang tih ka ngaihtuah a, Ka phone ah lai chu ka hrechhuak zawk a, Video chuan thla ka la ta ringawt a. Mahse chutia ka tih ringawt chuan ka thiannu ka chhan thei chuangin ka hre si lova, ka tlan thla a, Kawngka chu ka chum ta dawt dawt a. Sir Rinkima chuan "Tunge?" a rawn ti a, "Zamte... " ka ti a, ka tap pur tawh mai a, Kawngka chu ka chum dawt dawt reng bawk a.. Kawngka chu Sir Rinkima chuan a rawn hawnga, Ka thiannu chu ka au tuar tuar a... Zamtei chu a rawn tlan chhuak a, Kawngpui lamah kan tlan chho a.. Kawngpuiah pawh chuan ding mai lovin kan tlan zela, Stepa kan tlan laite chuan Sir Rinkima chuan min rawn ko tuar tuar a.. Mahse kan tlan zela, Kawngsira Zunin lo awmah chuan kan biru ta ringawta.. Kan Inkuah a kan tap dun ta hawk hawk a...( A thusawi tawp lam phei chu a hriat theih mang tawhlo.. A sawi zo chu Nghaka nu leh Nghaka chu an tapa, Nghaka nu chuan Muantei chu a kuah a, an tap dun ta hawk hawk a..

"Khawnge i Phone a i thlalak chu, evidence atan atangkai ang" OC chuan a rawn ti hmuka, "Nizan ah min rawn thawn tawha" tiin ka phone chu ka pe a, Video chu an en ta thap, Mahse Nghaka nu en ve erawh kan remtilo..."Hetiang a tawh avang hian Kan nau chu a rilru ana em em a, Tlai a school bang pawh nidang anglo takin a rawn nguai haw em em a, Tichuan, A thianghlimna laksak a nih tak avangin dam athlahlel talo ani ber mai, Chuvangin Ka pu he kan nau thihna ah hian an zirtirtupa Rinkima hian mawh a phur chiang a ni.. Tin, Pawngsual case awrh tir ngei kan duh bawk a... Hei FIR tur pawh kan lo ziak fel thlap tawh e" ka ti ve ta khauh khauh a.. OC chuan ka lehkha chu a chhiar nuap nuap a, "Awle... In Zirtirtupa hi tunah khawiah nge a awm ang?" tiin Muantei chu a zawt ta a....

OC te nen School ah kan va kal a, Ronghaka erawh a lo tumlawk tawh Interview tura kal turin ka nawr luih tlat avangin a rawn kal ve ta lova, Police Station a awm hnua hmu ve turin kan ti ta thunga.. A insum zawhloh kan hlau tel bawk... School kan va thleng chu an lo phawk angreng hle hlawm a.. Principal room ah kan luta,.. thilawmzia kan han sawi a, Principal chuan a pawi a ti kher mai, A thinrim hle ani tih pawh a hmel atangin a hriat theih nghal a. Hemi ni hian Rinkima chu engemaw thil pawimawh vangin a haw hma a, a in lamah pan mai turin min ti a, Muantei chu kan hruai veta zel a.. Mahse a hlauthawng hmelin Rinkima hmuh chu a hreh hmel hle.. Mahse ka nawrluih tlat avangin a tawpah chuan minkalpui ta hram a..

Rinkima In awmna chu veng huhlum lo lai anih bakah a in luahna chu ahnuai ber alo la ni leh zel a.. A in kan luh hma chuan Muantein a bih thlakna Ventilation ah chuan kan bih ve kher a, ka tumloh daihin Inchhungah chuan Zirlai uniform ha leh Rinkima chu Inkuah chial hian an lo mu dun a.. Engmah ka sawi lo, "a awm e, a mu mai mai a nih khu" ka ti a.. A in kawngka awmna lam chu kan pan zui ta nghal a..

Kawngka chu kan han kika, "awle.. tunge...?" a rawn ti a, Oc chuan "Kawngka rawn hawng teh u" dam duai hian a ti roh a.. Reivaklo hnuah kawngka chu Rinkima ngei chuan a rawn hawnga, Police hmel a hmuh chuan mak tih hmel deuhin a meng phawl hru a, Kei leh Muantei chu min rawn hmu a, Thinrim hmel deuhin a meng bial nghal kawl kawl a.. Chutah inthup tum tak chuan "Enge in duh taka?" OC en chuan a tita a.. "Inchhungah lut phawt teh ang?" OC chuan a ti bung nghut a, "e lo lut rawh u" a ti a.. Inchhung ah chuan kan inzui lut ta a.. A in luah chu Iian lemlo tak niin Choka, Sittingroom leh Bedroom awmhranpa lemlo hi a ni a, a rawngbawlna ve deuh hmun leh chhuar te chu a awm ve thlap a.. Khum bulah chuan Steel almeirah leh Lehkhabu chhuar a awm ve bawk a.. Tin Choka ah chuan Plastic Dawhkan leh Refrigerator lian vaklo hi a inhunga.. Chu Plastic dawhkan ah chuan ka bihthlak laia kuma a kuah hmeichhia kha Zirlaibu zir niawm takin a lo thu fel ve than tawh a.. Kan hmel a hmuh a, Muantei hmel a hmuh phei chuan chu nula chu a zam ve hmel hle...

"Enge induh a, hei kan zirlai tution ka lo pe mek a" a ti a, "Oc chuan thu zawhfiah tur chein Police Station lamah min rawn zui lawk thei angem?" a ti hmuka, "Engthil ah nge ni a?.. Muantei te chu in rawn hruai lehnghal" nui lui tih hriat tak hian a ti a, a hmel ngun taka ka lo en avang chuan a lai hmel chu ka hmuh hmaihlo.. "Rozamii boral chungchangah a ni ber mai..." OC chuan a ti a.."Nula nangpawh i rawnkal ve dawn nia" OC chuan a ti leh ta zel a.. "Eee ani hi chu ka zirlai ania, enge a rawnkal ve a ngaihna?" Rinkima chuan a ti a.. "A ngai ka tih chuan a ngai a ni mai, in siam la, kal vat ang" a ti hmuk hmuk a.. Engmah zawt buai tawh lovin a insiam ve ta nghal mai a..

Police Station kan han thlen chuan kan beisei loh daihin mi an lo awm ta nual a.. School naupang leh Ronghaka te veng mi leh sa an lo awm a.. Motor atanga Rinkima a chhuk rual chuan tawngkam bawlhlawh leh amah demna rawl a rawn chhuak nghal a.. Zirlai naupang ho pawh chuan an lawmlo hle tih an hmelah a hriat theih bawk a.. Chutah an School kalpui hmeichhe 2 hmel an hmuh phei chuan mak tihnain an khat ani ber mai..Mipui thinrim chu Police lam chuan an khap hram hram a... Rang takin Inchhungah kan inzui lut ta hlawm a.. Inchhungah chuan Ronghaka leh midang 3 vel hi an lo awm bawk a.. Rinkima hmel a hmuh rual chuan Ronghaka chu a ding phat a, mahse midang chuan an lo dang vat a..

"Awle... Hei Rozami i pawngsual a ni tih vangin Rozami u Ronghaka hian FIR a rawn thehlut a, chuvanga helai hmuna hruai che hi kan ni" OC chuan Rinkima bulah chuan a ti a.. Rinkima chu a nui hak hak a "Ka pawngsual tih tunge sawi.. Lalrinmuani hian em ni?.. Ka pawngsual ngei tih a hria ami?" a ti khang khang a.. Muantei chu ka bulah a kimki chai chai a.. "Aaa.... Inzep buai lola, engkim a finfiahna kan nei a nia" Oc chuan a ti leh a.. "Ngawiteh ka pu, thudik tak kan sawi ang e aw?... Khami ni Muantei a rawn hruai ni khan Ka subject ah mark a hmuh that loh thin avangin Tution rawn kal turin ka hrilh a... A rawnkal a.. Ka beisei loh dan daihin hmeichhe sihhnip tak a lo ni reuh a.. Mahse chet pawh kan chet sual hmain He nu hian kawngka a rawn sawi a.. tichuan kei mintih mualpho tum zawk ang hrimin an tlan chhuak ta daih a... Chu zawng chu a ni... A tukah School ah ka ko mai ang tiin ka umzui duh ta lem lova.. Pawngsual ni i la, An 2 khan ka mualpho ai chuan an ka hup dan ka zawng ngei ang.. Mahse ka dik miau avangin ka ngawi ta mai ani.. Mahse kan beisei loh daihin Rozami boral thu kan hre ta ani.. Chubakah he nu hi School a rawn kallo nghal hmak bawk a." tiin Dawt sawi hmel pawh pu hauhlo chuan a sawi ta zat zat a..

"I chiang chiah maw?" ka lo ti khauh a.. "Nanghi tunge maw i nih le" Chaltlai deuh chuan min rawn ti a.. "I hriat angailo" ka tive hmak a. " Muantei sawi dan nen a va inmil talo ve..?" OC chuan a ti a.. "Dawt bak a sawi lovang.. min hmu pawh ni lova, a thiannu phakar vangin tikhan pawngsual angin min sawi ta mai a ni ngei ang.. a dik em Muani?" a ti leh a.. Ka insum zo lo teuh kher mai.. "I tang huai deuh a ni, Zirlai naupang zawng zawngin Rozami i ngaihmelh zia an hria a, An class room chhunga i chhai dan zawng zawng pawh an hre vek a lawm" ka ti a.. a nui hak hak a.."tuman chutiang ang thu sawitur an hre lovang" a ti sam leh et a.. "Anih he nula hi tunge?" ka ti a..A lo awmpui nula lam chu ka hawi a.. " ka student a nih hi, Atei" a ti a.. "Anih vawiin I ina kan rawn kal lai khan Khumah tinge in lo mutdun si?" ka ti ta khauh a.. Nula chu a sen nghal ap ap a. "Eeee dawt chuan min puh miah suh... Ka pu he nau hian dawt ringawt a sawi ania" a ti a. ka phone ka phawrh a a ruka flash awm lova ka thlalak ruk zauh chu OC chu ka en tira.. Rinkima hmel chu ka en a, a phawk hra a.. "I fimkhurlo deuh a ni e... I ventilation ah parda i zar lova" ka ti deuh kher a..

"Awle.. Engkim kan hre vek tawh a.. Hei Video clip pawh kan nei vek a, I duh chuan court ah i thiam thu i la sawi dawn nia.." OC chuan a ti ta nge nge a.. "Engvangin nge min man ringawt ang.. Kha thlalak kha He nau hian a neih vangin Rozami ka pawngsual tihna a awm em ni?" a ti khang khang a.. "Enteh Rinkim, hei hi ka office a nia i aw kha ti ring vaklo la atha ang.. Hei hi en la, kan man chhan che chu i hre mai ang" tiin a phone chu a pe a.. Muantei thla lo lak ruk chu a hmuh ta a... Chutah meuh chuan Rinkima chu a tang thei talo.. "Ka pawngsuallo i ti thei tawhlo i aw ri nen zawng zawng he video clip ah hian a awm vek a sin... Zirtirtu tenawm tak i ni, Nangmah vangin Zirlai duhawm takin ama nunna alak phah bakah a chhungte rilru na leh zak takin an awm phah a.. He nula hi School a kal ngamloh phah bakah I school naupang dang chu I inluah ngeiah i mutpui bawk a nia.. Kan hlap nek lo che hi i vannei hle tih hre rawh.. He tlangval hi fel viau lose chuan nanghi mipui an pawhsawm tir vek thei che a sin.. He Video clip hi thawn darh vaih se i chhe vek ang.. Chung chu thlen tir duh lovin a zualkona tur diktak kan hnenah an rawnkalpui a ni.. Pawna nula tlangval thinrim tak leh i school naupang thinrim takte saw i zah ngawt lawmni" Oc chuan a ti ta zek a.. A naute chu thupe in Cell chhungah an dahlut ta nghal a...

Atei hnen atanga kan hriat dan phei chuan amah leh midang 2 lai Rozami ang chuan a lo khuai khem tawh hial bawk a.. Chungte chu thuhretu ah tangin Zirtirtu naupangte thlamuanpui tur nisi an tana hlauhawm tak nizawk Rinkima chu Thiamloh chan tirin Kum 20 Jail bang zut tura tih a ni ta ani... Ka chungah Zirtirtu leh Ronghaka te nufa chu an lawm hle a.. Ka hmalakna rah liau liau vangin an fanu hmingchhe taka boral ta chu Mi zawng zawng khawngaihna a sawizui a nita ani.. Chubakah naupang dang zel pawh an him phah bawk a ni...

Hetiang hi Zirtirtu zingah sawi tur an awm leh zauh thin.. Chuvangin School naupang te tan thlamuanna aiin an nun kawng tichhetu an nita thin.. Hetiang ang thleng thin hi kan demin kan tarlang zel ngam tur ani.. Hmeichhe tamtak hetiang tawk tawh.. Mahse vaukhanna hmang emaw Sum leh pai hmanga vo beh a awma ngawihbo pui ta mai mai an awm tawh maithei...

He thawnthua hming lang leh thil thleng te hi ka phuahchawp liau liau ani e..... Mahse hetiang tawktawh naupang te kan lo awm anih chuan ke pen chhuaka huaisenna an neih theihna a lo nih tak hlauha rawn ziak mai mai ka ni e...

-Tochhong Ruata...

(Ka wall ah ka post tawh a, Helam hi a dahțhat nan a țha riau a, ka rawn suan lut ta mai)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)