NEEDLE IN A HAYSTACK.. BY Tochhong Ruata

Ngaia
Site Admin
Posts: 25813
Joined: April 30th, 2016, 4:07 pm

NEEDLE IN A HAYSTACK.. BY Tochhong Ruata

Unread post by Ngaia » February 21st, 2019, 7:02 pm

NEEDLE IN A HAYSTACK..
(Fiction)
-tochhong ruata (19 October 2015)

April thla ni 15 chawhhnu boruak chu a lum uap churh mai a, thli a thaw mang bawk lova, ni a sa vawl vawl bawk a, Chutiang boruak lum uap churh hnuaiah chuan Kulikawn Outpost a police duty S.I Remsanga ( Officer In-Charge) leh A.S.I Zopuii te chuan khun khan deuhin Chess an khel a, an bulah chuan Hav.Kapa, Mamawia leh Johna Constable ve ve te chuan che manglo in an lo thlir thap bawk a, An piah deuhah chuan Driver Zika leh Constable Zuala te chuan Zan lama BPL ( Barclay Premier League) Super Sunday match Chelsea leh Manchester United inkhel replay chu uluk zet in an lo thlir dun thung a... Duty khum ah chuan pa upa lam pension hnaih ve tawh hmel deuh mai Lu a kel sam to ve phauh phauh tawh hi bang kil lam hawiin tui deuhin a muhil suk suk a, a tep leh chuap chuap thin a.. Chu chu Holder Kapzawna an tih chu a ni... He Holder Kapzawna hi a kum diktak ah chuan Nikum kha pension tawh tur a ni a, Mahse an sawrkar hna thawh hunlai a Mizopa rilru 'Service rei duh chuan kum inziah naupan ngei ngei tur' tih ngaihdan lian tak mai vang chuan ani pawh kumthar August ni 30 ah chauh a pension ve dawn a ni. Jail chhung ah chuan Burma mi pakhat leh Vai ILP case vanga man 2 hi an awm a, Burma pa chu puanhlap bal hmel zetah chuan a muhil bawrh bawrh a, Vai 2 erawh an hawi tang hra thung.... Chutia Chess khel an bial taih lai chuan Outpost emergency phone boot chu a rawn ri ta ral ral a... Const.Zuala chuan phone chu a chhang a....

"Sir, ITI Mualpui ah engemaw thil fel hlel deuh a awm a nih hmel, ITI VCP in min rawn phone a, In pakhat Pi Sawmi in luah lai In kalh tlat si atangin thil rimchhe deuh an hria a, kan tello a hmalak an zuamlo a nih hmel" Zuala chuan a ti a, Chutihlai tak chuan Aizawl South SDPO Romawia chu a rawn lut ve chiah a, "Eng thil maw Zuala?" a rawn ti lut nghal zat a, Chess khel lai an tho sang sang a, TV en pawh an titawp nghal a, Zuala chuan a phone call dawn chu a sawi nawn leh par par a, SDPO Romawia chuan " Pu Remsang, Zopuii, Zuala, Johna leh Pu Zawna te nen kan zuk kal dawn em ni?" ati nghal zung zung a, A.S.I Zopuii chu writing board leh paper nen a in ralring nghal ap a, An tho sang sang a, Pu Zawna muhil tui em em nia an hriat pawh rang zetin a tho a, a zi tuah tuah a.... "Pu Zawna hi Office lo nghak mai se atha ang a" SDPO chuan a tifiam a, " Khaih, ka tello chuan in zuk buai leh vek ang" Pu Zawna chuan a ti a, Driver Zika chuan motor a tih nun tak avangin an inzuichhuak ta dam dam a.... " Engthil nge ni ang? thil rimchhia mai mai buaipui turin Patling heti zat kan zuk liam thla dawn a ni a, Zawhte sazu tur ei thi tawih mai mai te a lo nih phei chuan ka nuih a za lo khawp ang" Pu Zawna chuan Police Sumo hnunga thu sawi lak lak pah chuan a ti a, an nui hak hak hlawm a..."hman ah pawh Vaivakawn ah Mibo an awm tumin Edenthar ah khuan Kawrhte atangin mithi uih rim nam an hriat an bawhzui a, tun angin Motor la tam heklo, Thlansa phul in Bawngkawn atangin kan zuk kal a, Vai truck ah kan bet thla a, kawrte ah chuan tlangval 2 nen kan chhuk thla a, kan thil zuk hmuh chuan thin a tirim duh khawp mai, Tupa vawk thisawn paih nge mawini hi a lo ni a, a zahve zet mai titek tawh hi a ni a, kan uak chhuak tuar tuar mai a... An mibo rinber lah chu a hnu lawkah Mi thlamah an zuk hmu a, 'Ka feh a lawm' a po ti then mai si a, ngeiawm duh tak tak a ni" an ti leh a an nui ham ham a... " Chung vang chuan a lawm, kan kalna tur hi a holam viau ve thei a nia" a ti liam leh puat a...

ITI mualpui road vawk talhna thlen hma, Tuibur thlawrna kawrte kam a In dingfal deuh pakhat kawt ah hian mi an lo zi nuk nuk a, an hnar an hup far hlawm a... MAP police uniform ha an lo awm phauh phauh bawk a... Chutia Police an thlen takah chuan VC leh khawtlang hruaitu dangte nen chuan an inbek bawr nghal vat a....
"Enge thil awmzia ni a?" SDPO chuan a ti a, " He In hi Pi Sawmi hmeithai Fapa pakhat chauh nei luah a ni a, Pi Sawmi hi Ngopa khawchhuak khi a ni a, a nutapa cancer kan in kar 3 zet a thangbo tawh a, a fapa Rorela hi Tunlai ve deuh, Ruih hlo khawih ve nasa tak a ni a, Thla khat liamta khan Jail ah a tang tawh nghe nghe... Kan hriat dan chuan an In ah hian tumah awm an awmlo... Vawiin Dar 1 vel kha a ni awm e, Helai a kal tlang Tuibur thlawr thin Pu Chaka fanute 2 Te-i leh Chhuani te chuan Thil uih huk huk an hria a, ngaihthat lohna em em pawh an neilo, an haw leh lamah pawh an hre leh a, Kawrh lam atanga rawn nam ni maiin an hriat avangin an ngaihsak lemlo... A hnuah Kan veng kawn a Dawrte nei Lalthani kan tih mai fapa kum 13 leh a thianpa amahbang rual vel tur hian Thirsakawr khalh in an kal a, hemi kawt ah hian an thu chawl a... An ni pawh chuan thil rimchhe deuh chu an hria a... Mahse naupang ta chuan " vawk note thi an paih a niang" an ti satliah mai a...

An rawn haw leh hnuah kei an dawr kawta ka kal lai chuan a nu chuan minlo ko a, Tei te unau leh a fapa te thil rimchhia hriat chu min lo hrilh a, ' an vawk naute thi an paih a niang' an ti mai a, zuk enfiah teh u, a zahthlak emai, Inkhel en tur kalvel an tam thin si a, a zathlak a lawmle' a ti a, khawtlang hruaitu nih manah min hrilh ve bawk si a, kan ziaktulian hi ka bia a, a ni hi Pi Sawmi nutapa tho a ni a, a ni pawh kar hmasa a, Damlo kana han zin nizan a rawn thleng leh chauh ani nangin ka tur luih avangin a kan va kal dun a, Kawrte ah tlangval kan luh tir a, Vawk vulh ho pawh kan zawt bawk a, Chutiang engmah an paih ngailoh thu min hrilh a, Tlangval ho pawn engmah an zuk haichhuak chuang silo a, An In kawtah pawh awm theihlo khawpin kawrh lam atang chuan thli in a rawn beng chhoh leh huk thin bawk si a, An hmuh hmaih a nih ringin kan vaiin kan zuk kal leh ngial pawn chutiang engmah kan zuk hmu bik silo... Kan haw chho leh lam chu Pi Sawmi in sir ah hian kan chho a, An kawt kan kai chho dawn chiah tih ah kan tlangval hruai ve pakhat Nuna chuan 'Nu Sawmi inchhung atanga rawn chhuak niin ka hria" a tih tak avangin kan han belchiang a, a ni ngei niin kan hre ta a.. a neitute awm heklo, Tala kan chhu thla ngam mai bawk silo a, Kan rawn be tawp mai che u a nih hi" a ti dap dap a...

SDPO chuan S.I Remsanga hnenah chuan " Bakcheh lian kah kan keng tiraw, Witness ah VCP leh VC Secretary hi ni mai rawh se" a ti a, S.I Remsanga chuan "Johna Bakcheh lian kha va la rawh" a tive nghal zat a...Tichuan hnar tuamna hreng tap chung chuan Police ho chuan Tala lian tha nelnawl tak mai chu an chep bung hmaawk a, Inchhung ah chuan an lut ta nghal a... Hold.Kapzawna chu a lut hmasa ber a ni bawk a, a uak deuh uk uk a, a hnungah Johna leh Driver Zika ten an zui a, an 3 chuan an uak deuh ak ak hlawm a... Assam Type a sak, In Lian ve thawkhat, Bedroom 2 leh Sitting room bakah Choka hrang deuha awm a ni a, A skarting chu brick rem a ni a, A ban leh beam pawh Cement concrete vek a ni bawk... A bang chu tail niin a chung erawh Rangva a ni thung.. a sakna la rei lo tih hriat tak a ni a, Electric wiring pawh la tihloh inzam deuh nuaih a ni bawk a.. Inchung rangva chu Celling siam loh a ni bawk nen Nipui nisa uap churh mai in a chhun vangin a rawn lum pha hial a, Chukai bakah Tukverh leh ventilation engmah hawn a nih bawkloh avangin boruak rimchhia chuan Inchhung a luah khat hneh hle mai bawk a... Bual in lam chu an han bih a, dawhkan hnuai te an bih a, engmah an hmulo, Bed Room 2 zinga pakhat zawk chu an en leh a, engmah an hmu chuang lo " hetah hian a nih hi, hei a rim a original bik tlat" Pu Kapzawna chuan a ti a, Kawngka chu hawn mai tumin a pawt a, a chhung lamah a lo inkalh tlat a... " Hei hi Rorela room a ni a, tinge achhung ah a inkalh tlat le" tiin VC Secretary in neitunu unaupa nibawk chuan a ti nang nang a, " Kan tihchhiat a ngai mai dawn a nih hi, a pawi em?" SDPO chuan a ti a, "a tul miau te chuan" a lo tive mai a..Tichuan, Johna leh Zika chuan theihtawp in an han pawt sawk sawk a, a inkalh na kua chu a peh hawk a, kawngka a inhawn rual chuan uih mangkheng hian a rawn uih chhuak nghal ta huk a...

Room chhung ah chuan Converse dum a lo let bal a, Stool pakhat a lo thal bal bawk a, chhuat ah chuan Ruangtawih tlantu a lung an lo vak nauh nauh a, Chhuat ah chuan mithi tawih tui dum a far val kulh bawk a, Chung thil lung awmna zawn ah chuan Tlangval nge a nih hriat loh jeans kekawr tluan pawdal ha, Tawnzau dum nge a pawl tih hriat loh khawpa mawm dum zul tawh ha, sam buk lam deuh a hmel hmai vel titek vek tawh chu a lo inkhai ta reng a... A pheikhawk khing a lo la bun bawk a, a pheikhawk bun suihna kar atang te chuan ruang tawih tlantu lung an rawn chhuak tuam tuam bawk a, a hnar leh ka atangin an rawn chhuak tuam tuam a, an far leh kauh thin a... A va hmutu te ho chu uak tuar tuar chungin an chhuak lehta vat a..."tunge ni ang? Inawkhlum a ni ngei mai" an ti sap sap a...Chutah an va en leh thin a, VC leh khawtlang hruaitu thenkhat te chuan tunge a nih an hre mai thei silo a, an buai rilru ta khawp mai, SDPO chuan " Heti hian ti ang u, Helaia mipui awm te hi a en duh apiang entir i la, lo hre mial an awm takin" a ti a...VCP chu a langsar lai deuh ah chuan a ding kang a, "Awle hei kan thil zuk hmuh hi mihring Inkhai a ni tlat mai a, A ruang hi kan lathla phawt ang a, a hmel hmuh tlak loh khawpa chhia a nih tawh vangin tunge a nih kan hre mai theilo a, a mah ka en ve duh hrim hrim e ti chuan in en thei ang a, tunge a nih hria chuan kan sawi mai dawn nia" a ti lauh lauh a... Pu Kapzawna, Johna leh Zika bakah YMA hruaitu thenkhat chuan ruang chu an la thla a, a inkhaina hrui chu TV Cable hrui a ni a, a insuihnghet em avangin an chhat phawt a, Ruang chu a inkhaina zawn chhuat ah chuan thelret puan phahin an mut ta a.... OC Remsanga hi a fel riau a, a naute ruang sawngbawl turten an khawih bawrh bawrh theih nan Zu a lo pai ruk chu No 2 theuh a tulh te te a, chumi hnua ruang sawisa chu an ni bawk a, an hnar a chawmawl deuh tawh bawk nen an khawih thei fu hlawm a..

Ruang entu zinga ruang hria nia insawi zawng Mi 4 chu a bul hnaia In ah chuan an hruai hrang hlawm a, A malte te in an zawt lehta diat diat a. "Ka hming chu Rosiama a ni a, Ruang hi Nu Sawmi fapa Rorela a ni ngeiin ka hria.." pakhat chuan a ti a, Pakhat chuan " Rorela ngei a ni, A hair style atang khan" a ti a, "Ka chiang chiahlo nangin a pian ah khan Rorela pian ngei a niin ka hria" Pakhat chuan a ti a, Saia leh Puia hriat dan chu risk deuh mai mai niin an hria a... A hnung berah Pakhat chuan " Rorela ngei a ni" a ti chat a... " Engtin nge i hriat theih a?" an tih chuan " keilo thian dang a kawm ngailo hrim hrim" a ti leh hmak a, " I thianpa chu Jail ah atang daih a ni lawm ni?" an tih leh chuan " tanglo, a rawn chhuak tawh a lawm, Kar hmasa kha niin ka hria" a ti a... " i chiang maw?" an tih pawn " ka chiang khawp mai, a rawn chhuah tlaiah a kekawr haklai hi kan 2 in bazar ah kan lei dun nghe nghe bawk" a ti leh a.... " a nih i hriatchian hmel bawk a, engtik hunlai vela inkhai nge a nih ang" an ti leh a... a ngawi vang vang a... " amah intihlum a nihlo ang ka pu, kar hmasa Thawhtan zan kha niin ka ring" a ti a..... SDPO chuan " Kan lawm e, a ruang chhiat tawh dan enin a ni thei dawn em mawn le, Zopuii Jail chu in be pawh tawh em?" a ti a...a meng buai nak bawk a... " aw... a sawi ang chiah kha a ni, Kar hmasa thawhtan khan Hmeichhe pakhat in a rawn lachhuak, a hming ziakah chuan a Nu a ni awm e" a lo ti a.... VC Secretary Kapliana chuan " ka awihlo ka u chu chumi hma kar nilai ni khan Kan khua ah a chho daih tawh a lawm" a lo tive vat a...... "Muanawma khan a hresual a niang, a rui chhawr reng bawk si a" a ti barh barh a, a hmel chu a dur khaih mai bawk a, Muanawma chu a ngawi reng a... " Hetihian ti ang, Ruang kha Posmortem turin thawn i la, Chumi hnuah test kan neih fel vek hnuah YMA ten in phum nghal mai dawn nia" SDPO chuan a rawn ti a... " Ka pu hei ka u chuan Ka bail chhuak lo hrim hrim a rawn ti" Kapliana chuan a rawn ti a.. Phone chu SDPO chu a pe a, an inbiak deuh hnuah chuan Phone chu a hlan let leh a, " Ka sawi ang chuan kan ti dawn nia,,,, A nu chuan vui leh vui lohah chuan a putea thu thu a ni mai a ti a nih chu" a ti a.. "Muanawm, kan ruakin Station ah i rawn kal ve dawn nia" a ti nghal zung zung a... Pawnah chuan a chhuak zui nghal a...

Zan dar 11 a ri tawh a, Rorela ruang an phum tawh a, Muanawma an zawh duh an zawt fel lehta bawk a.... Postmortem result ah chuan mi kut tuara boral niin an hria a, a chhan chu, Inawkhlum a nih chuan a serah a tawm ang a, a chi a tla bawk ngei ang, Mahse a ni hauhlo, chutiang engmah an hmulo....A DNA test result ah Rorela ngei a ni tihx finfiah a ni tawh a, Chumai bakah Muanawma nu leh pa ten Muanawma sawi a tang chhuah tlaiah zanriah ei turin an ti a, Mahse a hmel a rawn lang miahlo an tih chuan a nemnghet chiang viau bawk... An mamawh ber nita chu Frorensic lam report chu a ni tawh mai... SDPO chu revolving chair ah chuan a thu awn duai a, Meizial a zu khu vat vat a, " Zopuii, Enquiry report kha han la teh" tiin a thu tha sawt sawt a...Zopuii chuan File a rawn keng lut a, a pharh a an bih dun ta nghal a.... " Chhuar hnuaiah hreite leh tuboh in pawlh thisen kai hmuh a ni a, Thleng silo loh khir deuh, Artui heng leh Artui kan eiban nibawk chu an hmu tel a, a landan chuan Rorela hian athianpa Muanawma te in ah chaw ei talo chuan amahin ei a inbawl ve niin a hriat a, Tin, Inleng a nei a ni maithei, Meizial bung ashtrey ah khan hmuh a ni a, Meizial bung kha 4 a awm a, Pakhat chiah a danglam a, chu chu Goldflake a ni nghe nghe... Chuti a nih chuan, Rorela in leng hi tlangval changkang intive tawk taka Goldflake zu a ni maithei... A wallet ah Rs 1500/- bakah a driving license leh ATM card bakah khami ni chawh hnu dar 2 a bank atanga a pawisa lakchhuahna reciept a ak tel bawk a, A kekawr ipte hmalam ah a meizial zuk Capsatan meizial tlawn 3 zuk phai tawh leh Zippo lighter a ak a... A khum lu ah Zir Zir Baby Store polythine a awm bawkba, Mahse achhung ah engmah a awmlo thung...

Kawngka pawn lamah a inkalh thlap a, Mahse a ipte ah an In chabi spare a nu in emergency atana a dah thuhruk ( lenchhuahna a tihbo palh awm thut pawh a, an buai lohnan pawn a an pangpar khawina pot bur hnuaiah a spare an dah tha) a ak a...A room kawngka chhunglamah a kalh thlap bawk a, a thattu hi a fimkhur viau nangin a tihfuh loh pakhat awm chu, Rorela room tukverh Theihai buk atanga pakai mai theihna chu a nemkalh leh hramlo chu a ni..." a ti dap dap a... "He tualthah thu hi thil awlsam thei tak mahse harsa ve fat thei bawk a ni.... Taka sir, a khum rizai hnuaiah Mobile phone Nokia 1100 a dum a awm bawk tak e.. A Putea khan 'Ka ta a ruk ani ngei ngei ang" a ti..mahse sim card erawh a awmlo thung.....Mak deuh mai chu, Pu Kapa hian a tupa Jail tang chhuak a hriat siloh, khami tlai a a phone bo a tupa kutah a awm keh daih si kha a ni" ASI Zopuii chuan a ti a, a nur nang nang bawk a....

"Nia, Sap in Needle in the haysatck an tih te pawh a nih hmel rum rum mai, Hetiang case hi a common lutuk lemlo... Hmeithai pakhat zinbo hlanin a fapa tunlai ve tak jail tang ama hminga bail chhuah, a awmloh lai bawk a a ina thia chhar leh tak daih a ni tlat hi a ni.... a thianpa Muanawma sawi hmang khan, Thawhleh ni a Ngopa ah chhoh a tum ve thu leh chumi a ken tur No.4 Rs 10,000/- man lakna tur pawisa a saving an lakchhuah thu a sawi a, He Naupang hian khawia pawisa nge a neih a, sual viau nisi saving lo neithei tlat si kha a ni... amak riau a lawm" SDPO chuan a ti a, an muk dun ram reng a.... "Engpawh nise, kan mut ve ngei a ngai si a, mu turin kan hawng ve tawh mai dawn em ni?" SDPO chuan a ti a... ASI Zopuii chuan "Ka Night zan a nia, Pu Kapzawna leh Johna nen" a lo ti a... An Inmangtha hnuah Zopuii chuan Pu Kapzawna leh Johna TV enna lam chu a pan ve ta nghal a...
**************

Rorela ruang an chhar atanga ni 3 lek ah ngawrh taka an chhuih zawn ngat ngatna ah Khami tlai thim hlim a World Bank Road Zu dawr a Rorela in tihbuaipui Malsawma chu an thlur bing a, A ni hi Pick-Up nei niin Zokhaw lamah Vawkte phurin a lo kal daih hlan a ni nghe nghe... Muanawm leh an zu Inna Nu Nuchimi sawi hmangin Pawisa vangin an inhnial a, an khap hial a, Mahse Malsawma zawk chu a diau duh bik silo a, A tawpah an inbakkaih ta reng a, mahse kut an inthlak na hmanlo hluah thung... Chu an inboh nachhan nia an sawi chu Malsawma pawisa hi Rs 5000/- Rorela hian No.4 lei nan a puk sak a, chu chu pe lo angin a dil leh a, Rorela leh Muanawma chuan a pek tawh thu an sawi a..a tirah chuan a diklo zawk deuh niin Malsawma chuan ngaihdam a dil a.. Zu an khilai ve nghe nghe.. Chumi hnuah Malsawma chuan Rorela thil kawl chu a dil ve a, chutianga sum lova pek a phal bikloh thu leh Muanawma ngei pawh a khilai phal bikloh thute a sawi hnuah a ngaiah bawo lut lehin Pawisa ba an indil leh a, hetah hian an inhau na ta deuh a, Insual hial an tum phah a..Inleng dangte nen an thelh hnuah Malsawma chu haw turin a chhuak a, Motor pawh a ti nung vut vut tawh a... Chutah Rerela te thiandun haw tur chhuak chu Thingfak in a lo hlap a, Rorela zawk hlap talo chuan an ruala chhuak ve Salem veng tlangval chu a hlap fuh ta zawk a, a kut in a indan hman bakah a vuakna thing chu thingchhia mawih tawh lehnghal a lo ni hlauh a, Chutah chuan Rorela nen chuan an inbakkaih chat a, an inbawhbet deuh rak rak hman.. Mahse an kaitho leh vat a... Heta Malsawma haw hi a lungawilo hle nitur a ni..Zan ah Salem veng leh Mualpui insuih finna kawn a Dawrte nghaktu Mapuii bulah 'Zanin ah ka khawih leh hrim hrim dawn' a lo ti pung pung a... Hria hi mi 4 lai an awm bawk nen thlur bing loh theihloh a ni bawk a ni....Rorela ruang an hmuh lai hian Vawkte phurin zokhua ah a kal daih a, a Lo haw hnuah vawi 3 zet an ko tawh a, a thusawi a danglam deuh zel a.... A nilo mai awm mange an tih hnuah, Rorela boral hnu lawk ah Malsawma hian Rorela a dahthat vat tur thu nui sung chungin a sawi tih an hre leh a, Chumi denchhen chuan an ko leh ta ngei a.... hemi tum hian an zawt uluk in an zim kual nasa bawk a, a tawp a tawp ah chuan a inpuang ta hlawl a....

"Khami zan khan ka lenghaw chu an In ah a lut tur chu ka zuk hmu a, ka ding a, ngaihdamte ka dil hnuah leng lut turin min sawm a, kan inkawm a, zu ka pai chu pek ka tuma a duhlo tlat a, Chuvangin ka thinrim sa tawh bawk nen zung tura ka kalna lamah an chem dahna a hreite tuboh awm chu ka hmu a, Thuthlenga a thu lai chu a tukhumah ka chhu ta chawrh a... a thi nghal mailo, ka mangang leh si a, Hrui ka zawng a, Ka motor a Cable hrui ka phurh chu ka va la a, a room ah Inawkhlum anga lang turin ka khai ta a ni....Tichuan Pawn lamah Kawngka ka kalh thlap a, tukverhah ka lut leh a, chutah bawk chuan ka chuak leh ta mai a ni" a ti a..... " Dar engzat vel nge nia i hriat" an tih chuan " Sana ka bun lo a, mahse ka rin danin zan dar 12 vel a nih ka ring" a ti a... Tichuan, Mipui thinrim hriat hmain Central Jail lamah zan ah la la an phur thla ta nghal a ni.... SDPO Romawia leh a hote chu an hmingtha hle a, fak an hlawhin chutiang thil harsa tur deuha tlang ngaih an chingfel vat mai chu chanchibu ah nen lam an tarlang chei chuai ta mai a... An mahni pawh Outpost dangte ai chuan an hawi sang deuh vah niin a hriat... Pu Kapzawna phei chu a uang leh zual a, " ka idea vek a ni a, Pension mai tur nilo i la chu keimah chauhin ka chhui mai tur a nia, Mahse Pute hming thatna tur atan chuan tiin ka hrilh mai mai che u a nih kha" a ti vel ham ham reng a... Nuam a ti hle.....
*****************

June Ni 10 a ni a, Khua a chhe nileng a ni ber, Zirtawp ni a ni tawh bawk a, Tupawh an zang deuh vah vek niberin a hriat, Aizawl South SDPO leh a naute erawh Outpost ah room heater hnuaiah file ching letin an buai map map thung a... SDPO Romawia hmel a dur khaih a, S.I Remsanga a tum hmak bawk a, Constable ho leh Holder Kapzawna pawh an kut chilo hawi ve vual vual ringawt a, an pute hmel ah fiamthu thawhna chi ni heklo, an mamawh huna kal nghal phat thei turin an ready hle a ni tawp mai..... " Amak ka tih em em chu, engtin nge khatiang a a tih ni miah silo a, a tih niawm taka a sawi theih zawk le" ASI Zopuii chuan a ti bai bai a, " A dawihzep khawp mawle, Pu Kapzawna tiang lek a hmuh khan a mitmeng kha a buai nghal nuaih a... Hlap khat bak kan hlap hman meuhloh kha" S.I Remsanga chuan a lo ti a, An ngawi thap a, SDPO ber chuan an file close tawhsa chu a bih nuap nuap a, Rorela thihna a an chetlak dan record chu chipchiar deuhin a chhui kual leh a... Hetia an buai a, an tum bur nachhan chu Rorela that tu nia Inpuang Thla 1 chuang hret Central Jail a awm tawh, Malsawma chu Court in " Criminal a nih theih dan a awmlo, a thusawi pakhat mah in ang leh dik a awm lo..... Rorela a khaina nia a sawi cable a tih leh Rorela inkhaina cable kha a inanglo hrim hrim... Rorela Inkhaina Cable kha TV Cable a nih laiin, Malsawma sawi cable erawh Motor Brake Cable a ni... Tin, Chabi kha vawmbo ang ten a insawi a, a nih engvanga tukverh a lut leh kher nge i nih an tih in ka phone ka theihnghilh, Ka kawr ka theihnghilh etc a ti kual a... Tin, Wallet kha ama sawi dan chuan laksak angin a insawi bawk.. achang leh a laksak loh thu a sawi bawk..." tihte a ni hlawm a... Chuvang in he Rorela Murder Case hi chhui that leh tur a ni e..." tiin order an chhuah a, Malsawma pawh an chhuah zalen tak daih vang a ni..

"Pu Remsang, Muanawma kha kan umzui deuh a ngai dawnin ka hria, amah ber kha Rorela nena inzawmna nei a ni a, A statement ah hian " Zanriah ei tura an sawmna chiah a sawi a, Mahse an 2 hian World Bank road ah Malsawma nen an buai khan a tel ve leh tho bawk si a, Zanriah ei turin a nghak leh thei bawk si a, amak ka ti deuh ta riau mai... Muanawma hian a thianpa thil neih kha hre ran chungin leh Malsawma nena Inbakkaih lai remchangah hmanga Malsawma talawh tir a tum niin ka hre tlat mai..." SDPO chuan a ti charh charh a, " Nia, Muanawma chu kan thlithlai zui deuh a ngai ang" OC chuan a lo ti vat a, " Darkar 24 kan enzui zel a ngai ang... Chu chu Nikhat ah Darkar 24 ka tihna a nih chu, Chumi hnuah kan theih ang in evidence awmthei kan zawng bawk dawn nia.. He tual thattu hi a fin ve em em na chu kha Tuboh hreite ah khan kut zia lang maplo kha a ni, Silvai leh thlap nise, Tuboh a thisen kai kha a reh vek awm si a, Tuboh a thisen kai leh Rorela tisen kha a inmil thlap mai bawk si a, Chuvangin amah leh amah inchhu tlu phawt in , A inawkhlum thei hauhlo ang.... Tin, Naktukah In ah khan zuk kal leh ula, Pi Sawmi phalna thlap in Rorela room chhung kha zuk dap leh ang che u" SDPO chuan a ti a, an ngawi thap a. Zopuii chuan lehkhathem pakhat hi a rawn la chhuak a, "hei hi bihchian ve deuh thain i hrelo maw?" tiin SDPO dawhkan a dah pah chuan a ti a, " Hepa hi ka number two ah ka lo dah deuh a, thlunzawm theihdan kawng erawh ka nei lutuk lemlo" SDPO chuan kuhva siam nuap nuap pah chuan a ti a, " Nia, ka lo bihchian deuh chu Mobile chung chang kha a nia, mak ka tih deuh chu A tupa khan a phone ru angin a sawi a, Mahse, Jail tang a chhuah thu a hre lehlo si kha a ni... A mobile bo hunlai ka zawh khan Rorela boral zan kha niin a sawi a, Tlaiah chuan la hmang angin a sawi bawk si a, ka hrethiamlo viau... Tin, Sim Card ngai reng a la hmang tho niin ka hre bawk....... Mahse amah chuan a tuk ah Airtle dawrah a dil tha leh niin a sawi a, Ngopa ah zin nia an sawi lai kha a ni bawk si a, chu tak chu inkawkalh lai nia ka hriat aa ni" Zopuii chuan a ti nauh nauh a... Mak an tih dang an chhawp chhuak sap sap reng a, "Tunge Rorela hi kut thlaka nghaisa chiam tu hi ni ang?" tih chu an rilru tibuai a, ngaihtuahna an sen nasat lehna tur ber chu a ni...

Zing dar 8:30 a ni a, Zuala leh Johna chiah Outpostah an awm a, Thawm engmah tharlam a awm lemlo... Mahse Aizawl khawpui ah erawh thu a lengvak a, Thla khat lek liamta a an fak chiam Aizawl South SDPO leh a naute thil chhui chhuah belhchian dawllo a nih thu chuan zingkar boruak a luahkhat a ni ber mai. Morning Post, Zing Daifim etc ah headline ah an dah keu kuau hlawm a, Mi maktih a nih rualin, Malsawma chu "Engvang a Inpuang ve ngawt nge a nih hria reng an awmlo..mchu chu ti ti tham a ni ve reng reng..... A.S.I Zopuii a rawn thleng chiah a, a phone a ri ral ral a, a en vat a, " awle... awleee... kan rawn kal nghal ang" a ti nghal zung zung a, " John, tunen nge in awm? Rang takin Zika rawn kal nghal rawhse, Kan mi chhui mek Muanawma ruang an chhar leh tlat mai" tiin Johna leh Zuala Chess khellai chu a hrilh zung zung a, Midang an rawn thleng ve tak tak bawk a, Chu thu chuan an beng a verh zar hlawm a, " Zuala nizan i duty a ni lawm ni?" Zopuii chuan a ti hlak a, Zuala chuan "Nilo, Pu Kapa hun a nia, kei chu zanin chiah tur hi a lawm" a lo ti vat a, " A ni maw, Pu Kapzawnan OC a rawn phone a, Muanawma ruang chu an In atanga Meter 200 vela hla Pu Chhuana Motor Silna hnuaiah Inawkhluma hmuh a ni awm e," a tih zawm zat a... Zika a rawn thleng a Zuala leh Johna tihloh chu Zopuii ho chuan an inzui chhuak ta dam dam a..

A hmun an zuk thlen chuan mi an lo awm laih laih tawh a, Pu Kapzawna leh MAP police 3 hian an lo veng a, Zopuii chuan Muanawma ruang awmna nia an sawi lam chu a pan nghal vat a, " Hei a hmun hi a remchang reuh riau a nih hi mawle, Kalka lah chu a remchang phian a" tiin a ri nghal barh barh a, Muanawma chu thu deuh si hian a lo awm a, " Naupang motor sil in an hmu" an ti mai a, Amah lah chu a huh hnuang mai bawk a, Thla an lak fel a, an duhtawka an enfiah hnuah a ruang chu an la thla a, A taksa chu an enkual leh thuak thuak a, Mipui awm luai luai karah chuan Damdawiin lama Posmortem turin an phur sawn ta nghal a.... " A chhungte hi an awm hnai em?" Zopuii chuan Pu Kapzawna chu a zawt a, " an awm reng kha mawle" a ti awlsam et a, " tun lawk khan an in lamah an haw phei ta a nih kha" Mipakhat chuan a lo ti a,. An In awmna lam pan chuan an phei zui ve nghal vat a. Pu Kapzawna chuan a nu leh pa chu a zuk ko chhuak a, an thenawm In ah chuan an lut ho ta nghal a.

"Ka Pu hei thu zawhfiah lawk che kan duh a, in fapa Muanawma chanchin hi min hrilh thei em? tunlai a boruak leh a mizia ah danglam a awm em?" Zopuii chuan tuisik in pah chuan a ti a, Muanawma pa chu kum 60 mi awm vel tawh hi a ni a, Mahse hrisel hmel tak a ni thung... " Tunlai hi a zia a danglam deuh chuan ka hria, A thianpa ber a boral takah leh In koh zeuh zeuh vangte kha niin kan hria, a tualleng vak manglo... In ah a awm a, a room ah a inkhung a, Zing ah hma deuhah thoin a nu vawkchaw vel a buaipui thin a.. Nidangah a tih ngailoh a ti a ti thin a...Mak kan tih thu pawh kan sawi dun fo thin a nu nen hian" a ti dam thlap a. " Anih zan ah mut theihloh a nei ngai em?" Zopuii chuan a ti leh a, "Neilo, Zan ah TV kan en ho a, Thutleng seiah a mu zal a, a chang chuan a muhil a, a muhil tlang zak mai thin.. Tin, Kan fa tlum ber, kan bula awmchhun a nih vang hian kan chik ngun lo theilo a, len hrat zet mai hetia a lenglam vak talo hi mak kan ti bak danglamna a neih kan hre lemlo.." a ti leh a, " Zepthu a awmlo, In thusawi chu kan pawm khawp, a thianpa boral chungchang ah kan umzui ber a ni a, Nizan khan Pu Kapzawna hian a enthlithlai a, Zan dar 11 thleng a en thlithlai nghe nghe... In sawi ang khan zan ah a chhuak ngailo tih kan hria... Nizan pawh khan a chhuak miahlo niin kan hria a, Pu Kapzawna pawh hian a tin san ta reng a, Mahse zing ah hetiang hian a lo awm leh hlauh si a, In mut hnuah a chhuak leh tihna em ni?" tiin a zawt leh a, "Nizan tak kha ka meng theihlo khawp a, Dar 9 vel em ni ka mut kha?" tiin an nu chu a va rawn a " niin ka hria" a lo ti ve charh a, " a nu nen hian Fiamthu an en a, an nui an nui a, ka mut san ta daih nghe nghe a.." a ti leh a, a nu lam chu an en thap a " nia, Dar 11 velah kan mu tur chu phone call a dawng a, pawn ah an inbia a, rei vaklo hnuah a rawn lut a, a room ah lut tlangin a rawn inha up a, " Zotei te in ah ka kal lawk dawn" tiin a chuak leh ta mai a.. Ka chhan hma hma in a kal ta nal nal a... Ka mut san a, a room hi kan room awmna atanga a hlat deuh vangin a rawn haw turah ka ngai a, Zingah ka thawh in kawngka a lo inkalh lo a, tukdang ang bawkin Inhnuai lamah a awm leh a nih ka ring a, ka zuk en a, ka hmu mai bik silo a... A leng a nih ringin ka ngaih ka ti tha ve ngawt a... Tichuan tun hi kan thleng leh ta si a nih hi, Mamte, eng i awmzia le, i nu hi minva ti hrilhhai em em ve" a ti a, a insut hraih hraih a... "Tunge Zotei chu?" Zikpuii chuan a ti a, " Zotei hi Mamtea Bial nu ve a ni a, Pawl 3 an nih atang khan an 3 hian an inkawm thin a" a pa chuan a tih mek lai chuan " Tute 3 maw?" Zopuii chuan a lo ti vat a, " Mamtea, Zotei leh Rorela mawle, Sikul khatah an lut ho a, an inkawm chho zel a, Engkimah an in lungrual chho viau. Mahse Zotei chu Hostelah a awm tak daih a vangin an thian dun chuan an inkawm ta zel a, An duh zawng, engkim a in ang vek a ni ber.. Unau angin an in en a, engkim an intawm a ni ber... Sual kawng an zawh dun nasa ve viau nangin chhungte tan hnawksak in an awm ngailo hrim hrim a... Tlemlai deuh a Rorela Jail tan chhan pawh kha, a sual viau nangin a nu thiamlilohna pawh awm ve niin ka hria... An duhzawng tihna tur an mamawh a, an la chhawng a, an zuar leh a, Chu chu a nu khan a hek pek a lawm le..." a ti a... " Zotei hi nula fel tak mai, kan veng nula fel nichho mek a ni a, Lehkhathiam a lo ni bawk nen keini pawn kan duhpui em em a, Mahse Zotei nu leh pa an hel khawp mai, a awm vetho, kan fapa ah innghah ngamna an hmulo em bawk a ni..." a ti chuai deuhx raih a, a tawng tawp lam phei chu a riat ral niberin a hriat. An duhtawk an inzawh hnuah Posmortem result lo thlen an nghak leh a, Ruang a rawn thleng a, An tap laih laih a... Unau Mipa 3 leh Hmeichhe 4 an ni a, Muanawma chu Piang tawhlo tura an ngaih hnua piang leh a ni awm e... A pa hi Sipai Pension a lo ni nghe nghe...
*************

" Awle, Zote, engmah i tan harsatna kan siam dawnlo ania, hei i thianpa Muanawma boral hian a thawng viau turah che ka ngai a, Keini pawh min thawng khawp mai, Tlang rin danah chuan Mahni Intihlum niin an sawi a, A rinawm viau nghe nghe... Chumi ti fiah tur ting chuan a wallet ah lekhathem kan hmu a, chu chu hei hi a nih hi" tiin SDPO chuan lehkhathem pentui luang pherh deuh niaih tawh hi a rawn lek chhuak a, " Hetah hian ' Rorel, min ngaidam ang che,... Kei Lalmuanawma hian ka thianpa Rorelliana chu ka that a, a ruang chu khaiin ka kalsan leh a, Ka inpuanna hi in hmuh meuh chuan kan thiandun in khawvel kan chhuahsan tawh ngei ang" tih a inziak a, Han en la" tiin SDPO chuan lehkha chu a entir ve te te a. Zotei chuan mitmeng sen ram leh tap nasat luat vanga meng bui lak chung chuan lehkha chu a en vang vang a.... " Ka pu, hei hi Lalmuanawma kut ziak a ni lo hrim hrim" a ti thawp sep a, " A nilo tih engtin nge i hriat" SDPO chuan a lo ti a, " K small letter leh T small letter a ziah dan hi a nilo, hei hi en la?" tiin a bag a zen rak rak a, envelope hlui ve deuh tawh hi a phawrh a, SDPO chu a pe a, Remsanga, Zopuii te nen chuan an in enchhawk lat lat a, " Anih nizan a In ina a rawn kal chhan kha engvang nge?" Zopuii chuan a rawn ti a, " chu chu a lawm, ka hriat loh, Nizan ah kan Inbe lo hrim hrim" a ti ta si a, an hawi hai hle mai..." Nizan khan Muanawma kha kohchhuah a ni a, Posmortem result ah a lan dan chuan A nak thawlah hmun 2 ah chemte a vih a ni a, pakhat zawk zawk pawh thihpuina tham a ni hrim hrim... Chumi hnuah athianpa Rorela ang bawka mahni intihlum anga lan tir a ni ve leh a, hei hi a nu leh pa, midang tumah kan la hrilh duhlo, Tuman hreve se kan duhlo bawk, achhan chu he tualthihna hmanga i thiante 2 thattu hi mi 1 a nih kan ring tlat a ni...." Zopuii chuan a ti a, Mak tihmel zet chuan "Awii ka ring theilo" Zotei chuan a ti a, a tap nghal hawk hawk a...

" Anih Zote, Rorela kha engvanga zuk bail chhuak nge in nih" Zopuii chuan a ti a, Zotei chuan a rawmawl a inhru malh malh chung chuan Lalmuanan min hruai ve tlat si a ka zuk kalpui ve mai mai dawn emaw ka ti a, Mahse a nau angin ka kal ta zawk a... Chubak engmah ka hrelo" a ti a... " a nih Muanawma khan a lehkhaziak ang hian a thianpa hi a that duh tak tak angem?" Zopuii chuan a ti a, " Aih...atheihloh hrim hrim, Hemite thiandun hi an inhmangaih lutuk, tumah mah an intina phallo ang, a theihloh, an 2 in hmelma an nei a ni mai" Zotei chuan a ti mawlh mawlh a... SDPO chuan " awle... nia.. kan zawhna min chhan that avangin kan lawm e, anihna takah chuan I thianpa Rorela thattu ah khan I Bialpa Muanawma kan rin ber zing ami a ni a, Mahse, Kan rin mek laiin tun hi kan thleng lehta si a, Chutah Muanawma hi mi kut tuara boral a ni tih kan hriat leh hnu ah phei chuan kan hnuchhui mek hi kan hlat leh ta daih niin kan hria a, Chuvangin nang pawh hetia ko ta mai che kan nih hi" a ti a, thilawmzia a sawi hnuah Zotei leh a rawn kalpuitu apa chu an haw ve lehta mai a..
************

Bar thla a de chho tan mek tawh a, Favang ni tla tur pawh a nalh leh sut sut tawh khawp mai, Chhung tin an buai chho tan a, Kumpui lingleta kan nghah Krismas atan an inbuatsaih chho tan hlawm tawh a... Thalaite nun a zalen chho a, Boruak a nuam chho tan mek zel a.. Chutih laiin Mipuite sahimna leh nuam taka an awm theih nana thawktu Police lam erawh Rukru, Pawngsual, Nupa kut inthlak, ramri buai, Motor in tai palh, leh thildang dangah an buai chamchi reng thung a. Aizawl bialtu SDPO Romawia te pawl pawh an dan pangngaiin an buai ve leh map map viau. Case tenau te te an buaipui chamchi a, Rorela leh a thianpa Muanawma boral hnuah crime lian tham khawih tur awmlo mahse luhaina tawk tur case an ziak lut malh malh reng thung... Kha Tual thihna thleng chhui bing tura ruat A.S.I Zopuii pawh a buai ngauh ngauh khawp mai, a thil chhui lai buaipui ta reng reng chuan In ah pawh a awm hman meuhlo... Mahse beidawng duh ta biklo chu a theihtawp in a bei tauh tauh reng a, hma pawh a sawn hret hret zel a, an hmabak erawh a la thui vengvawng hle thung... SDPO room ah S.I Remsanga leh ASI Zopuii te chu khun khan takin an ti ti a....

" Zopuii enge i an tawh, PHQ lamin zawhna min zawt zing ta malh malh khawp mai, kan buaipui rei an ti deuh tawh a nih hmel, Hunpui boruak thlen tak tak hmain hna zo thei turin min duh niin ka hria" SDPO chuan a ti a, Zopuii chuan " Sir, nia ka theihtawp chu ka chhuah ve reng a, ka bo nasa em em tawh biklo, ka thu hriat hi a dik a nih chuan case hi ka final thei thuak tawhin ka ring..." a ti ve bal bal a, " Engtia chutia duh duh huna man chhuak tura in ngaih ngawt ,kan pute pawh hi an timah mah niin ka hria" S.I Remsanga chuan a lo ti ve bawk a... " Nia, an ni pawhin a harsat zia chu an hre ve vek tho a, Mahse Minister lamah Muamawma chhungte hian an nawr nasa deuh a nih hmel..." tiin SDPO chuan a chhang a... Zopuii Phone chu a rawn ri det a, a en vat a, " hmmm... ka rin rilruk ang chiah a ni, ka hling fuh a nih chuan kan close thei mai dawn e, Ni 2 khat bak a ngai tawhlo ang" hlim hmel deuh chuan a ti a... " Enge i hmalak dan chu" SDPO chuan a lo ti nghal vat a...

Zotei kan kawm hnu khan Case ka kutah hlan a nih kha, Ka hna hmasa ber ah Zotei chu ka nei phawt a, kar 2 zet ka zirbing chiam pawn awmzia awm thei chuanglo... Chutah ahma a ka lo sawi zauh tawh Rorelliana Pu Kapliana kha ka en bing leh ta deuh a... Zotei chu ka be zauh zauh bawk a, A ni pawhin min tanpui a hrehlo tih ka hriat hnuah ka bultanna turin Rorela leh a Pu Kapa inkar ka zawt ta a... Chutianga boruak an neih pawh a hriat tak siloh ah chuan ka beidawng rilru ta viau a... Nikhat chu ka thian nu Mobile dawrah ka leng lut a, an Logbook en ka dil mai mai a, Kan Case nena inzawmna neih ka rin vang pawh a ni lo... An Mobile hralh chhuah hlawkna zirchian ka duh vang deuh mai mai a ni a... Chu Logbook ah chuan Mobile handset an hralh chhuah dan detailed takin an lo tarlang thlap mai a.. Ka keu kual vel zelna lamah Rorelliana ITI tih hming inziak ka hmu a, Ka en chiang leh ngat a, Kha mi ni Rorela Jail tang chhuah ni, Bank a pawisa a draw ni kha a lo ni a, Smart Phone Micromax Canvas S211 black color a lei thih ka hmu a, Reciept ka en sak leh a, a lo inziak kiau a, Chu bakah Energy bank Rs 1090 man a lei tel bawk tih thlengin ka hre leh ta a... Tichuan, Chu Mobile chungchang chu ka chhu zui ta zel a, Zotei puihna zar ah Hruaizela, Kapliana fapain a hmang tih ka hrechhuak thei ta a ni... Ka case khawih chhung hian thil pakhat hriatchhuah ka nei leh a, Chu chu tuna ka Message dawn kha a ni nghe nghe... Vawiin chhun hian hetah mi ka koh chu a rawn thleng ang a, Tanchuan a hmawr kan bawk thei maiin ka ring" a ti ta dap dap a..a hmel a nung deuh sar sar ni maiin a hriat Thla 7 teh meuh hnuah chu case chu a finfiahna nen a nei thei mai dawn nia a hriat vang pawh a ni mahna.. "a lawmawm hle mai, duhsakna kan hlan a che, he case hi i hlawhtlinpui a nih chuan i tan leh kan tan mai bakah Mizoram Police tan a that phah ngei ang" SDPO chuan a ti a... an hlim hmel viau nangin an confi vaklo tih erawh a hriat theih thung.

Chhun thingpui in chungin Chess khel an thlir mek lai chuan Zika chuan Hmeichhe pakhat Raipuar hi a rawn chhawm kut hnak hnak a, Chu raipuar chu a hmel en reng rengin a naupang tih a hriat theih viau.. Kum 17 aiin a upa vaklo maithei, a rai chuam deuh bawk nen a hmelthain a hleitling vei phian bawk a... " Ka pi hei an hmu duhche a nih hi mawle?" a rawn ti a, Zotei chu an hnung ah chuan a rawn lut tel ve mek bawk a... " a nih tak chu , thutna kha lo laksak teh u" Zopuii chuan a ti nghal sawt sawt a... An thut fel hnu chuan Raipuar chu en chungin " Zonunsangi Nanu-i maw i nih a?" Zopuii chuan a ti phawt a.. "Aw ni e, enge hetia min koh chhan hi ni a?" phawk hra a hawi chung chuan a ti a, Zopuii chuan " engemaw han zawh lawk che kan duh a, Sir, hei hi Rorelian fa paitu Kapliana fanu neihchhun a nih hi" a ti ta a.. "Nia, thu tlemnzawh ka duh avangin ka ko a nih hi... Pu Kapliana chu ITI VC Secretary kha a ni a, Rorelliana Putea a ni bawk." a ti leh te te a, "Nanu, engmah zep loin I pa leh i u Rorela inkar boruak min han hrilh te" Zopuii chuan a ti a, Nanui chu a kun lap a, a hnuk a ulh niin a hriat, Zotei chuan a lo kuah vat a. An reh thap hlawm a, Zopuii chuan writing board leh paper a in ring nghal a...

" U Rorela hi naupang te ka nih laiin Ka ngaizawng thin a, mahse amah chuan min duh ve ngailo hrim hrim a... Kei lahin ka duh tulh tulh a, Ka ni bula awm ka dil phah fo thin. Ka ni lahin a hrethiam silo a, An buai deuh chang phei chuan min ko chho mai thin.. Chutiang a ka tih ngat ngat takah chuan min duh veta em em a, Unau nisi kan Inngaizawng ta a nih chu, U Muanawma pawhin min hau min hau thin a.. Kan kal thui ve tawh si a, kan kir leh thei tawhlo... Kumin Krismas lai khan Ka Pa u damloh vangin Ngopa ah ka pa leh ka ni Krismas hmangin an zin chho a, Chutah chuan Ka ni awmloh remchang ah lain ka riak thin a... Ka ruak talo a... May thla thlenga thi ka neihloh takah chuan ka nu in min manchhuak ta a.. Ka sawi ta vek a, Ka pa kan hrilh ngam lawk lova. a ruka titla turin ka nu chuan min tur thin a.. Mahse U Rorela chuan a phal silo.. Chutah U Rorela an man zui lehnghal a.. Hrehawm ka ti chu ka tap ka tap thin a. U Zotei hi ka hrilh a, tih vak dan a hre bawk silo.. Chutihlaiin ka nu in minlo tur ve chhen mai a.. Sunday tlai ah ka pa a lengbo emawtiin ka nuin atuka titla turin min nawr chu kan inhial a.. Ka pa in a hriat phah ta a.. Min hau hrep a, kut em chu min thlaklo, Chutah U Rorela chu lakchuah a, kan 2 chuan min hmin an tum ta a.. U Muanawma chu ka pa in pawisa a pe a, Bail turin a ti leh a, Ka Ni hminga bail turin a ti nghe nghe a. Mahse U Muanawma leh U Rorela chuan ka pa chu an hmu duh talo hrim hrim a, Bazar a PCO atangin min rawn bia a, Zan dar 1 ah Min rawn lakchhuah an tum thu an rawn sawi a..Ngopa a chho tur anga sawiin U Rorela patea te khua Bilkhawthlirah kal turin kan inti a...Ka pa chuan U Muanawma biak a tum thin a, a be tlang thei silo a, a thinrim khawp nghe nghe.. Zan dar 9 velah Msg ka dawng leh a, U Rorela number thar in a ni nghe nghe.. Tichuan, chhuna min hrilh dan ang tho kha a ni nghe nghe...

Ka muthilh hlanin ka pa chuan ka phone a en em ka hrelo... Zing dar 1 velah pawh thawm an rawn neih tak siloh ah chuan ka buai ru viau tawh a.. Mahse ka pa Zungin min rawn hmu a, min hau hrep a, kawngka a kalh ta hmak a... A tuk ah ka pa zin turin min rawn phone a, I U Roela chu hei Ngopa ah ka rualin a chho dawn a nih hi" a ti ta mai a.. U Muanawma ka be vat a, a ni pawhin zan ah msg min rawn thawn a, Ngopa ah ka chho phawt ang a, Ka rawn chhuk hunah ka nu nen kan ti fel dawn annih chu" a ti e a ti a, ngaihtha deuhin ka awm a, Mahse kar a liam hnu pawn a rawn lang thei mai silo... Ka pa a rawn haw in ka zawt ngam bawk silo a.. ka rilru a ha em em a, Ka nu leh pa lahin titla mai turin min nawr chhen mai bawk si..Chutianga kan nghah reng lai chuan hetiang hi kan thleng ta a ni" a ti a... a tap par tawh a....reife hnuah chuan "kan lawm e aw, Nau chu paitlang i duh ta zawk tihna a ni maw? I nu leh pa ten an tur lui tawh biklo che tihna em ni?" SDPO chuan a ti a..." Aw... Ka nu in U Rorela boral hnuah phei chuan min khawngaih tawh zawk a.. Ka u mama hriat ah ka pa nen an inhau phah nghe nghe a.. Ka u Mama chu a thinrim lutuk a.. Mahse tunah chuan an dam vek tawh niin ka hria" a ti a.... " Naute pa ah tunge puh tur chein an tih" Zopuii chuan a lo ti a, " Engmah an sawilo.. Mahse nakinah keiman ka la tifel mai ang" ka pa in a ti" a ti a... "Kha zawng kha kan hriat duh a ni a, I U Rorela khan khatianga a tihsan mai che kha mak i ti em? " Zopuii chuan a ti a.... " aw..tun thlengin ka la hrethiamlo... Ka nu pawhin mak a tih thu a sawi thin..." tiin a tap hak hak a....a tap ban hnuah Zotei nen chuan an haw tir leh ta a... " I che nalh viau mai, Mahse, Tunge i puh tak ber chu?" SI Remsanga chuan a ti a, "Ngaituah la Sir, Pu Kapa khan a fanu hnenah msg a thawn khan a tupa chu Ngopa ah a ruala chho turin a ti a ni a... A ruang kan hmuh khan Jail tang lai angin a sawi leh daih a nih kha" Zopuii chuan a ti a.. an ngawi thap a, " Sir, hei aia mak hi ka la nei mawle, Muanawma that tu kha ka nei thei tawh, Warrant min pe la, ka hruai thei kan ring" a ti zui zat a, SDPO chuan "awle" tiin a tul ang chu a buaipui zui nghal char char a.

Zan dar 8 a ni tawh a, South Outpost ah Officer 3 leh an naute chu an awm kim thap a, an zingah chuan Pu Kapa leh a fapa Thantea an tih bakah ITI VCP leh YMA President leh Secretary an awm tel bawk a... Pu Kapa chuan " kan rawn kal chhan chu enge niba, Thantea hi enge tihsualna nei em ni?" tiin a hawi valh valh a.. SDPO chuan "Nia, engemaw zawhfiah kan duh mai mai mawle, Pu Kap i kuhva chu minlo theh ve teh khai" aw zang vah chuan a ti a, Pu Kapa chuan kuhva chu a phawrh nuap nuap a, a khur deuh dut dut a, " i kuhva ei i rui a nih kha, Tuisik in pawp la, i ziaawm mai ang" SDPO chuan a ti a... " Nia, tunlai kuhva hi ruih ka ching riau" a lo tive mai bawk a. chutah Zopuii chuan " Thante, kan thil chhuina lamah Muanawma phone ah Muanawma i call na Muanawma thih hma zan khan kan hmu a, engvanga ko nge i nih?" a ti a... "Ka biak ka van hrelo" a ti ban charh a..." Hei Dar 11:23 ah i call a lawm kan hmu a," zopuii chuan a ti awlsam et a, "Han ngaihtuah chiang leh deuh te" a ti leh hram a... " Nia, Ka phone ngei a lawm, Zu khilainka duh vanga phone ka ni a, Mahse a duhloh thu a sawi a..Chubak engmah ka hrelo" a ti ta a...." Ka belo hrim hrim i ti bawk si a?" SDPO chuan a lo ti boh a.." Ka theihnghilh a" a ti a " a nih World Bank Road ah MZ-O4 2301 Santro Car a zu in tura in kal ho pawh kha i theihnghilh tawh a ni maw?" Zopuii chuan a lo ti khauh a... Chutah zet chuan a hawi tang hru ta mai a... Zopuii bawk chuan " Engkim i theihnghilh tak tak pawn ka hrelo, han sawi tlang law law teh" a ti leh a, " chutiang ka tel velo, ka relo hrim hrim bawk" Thante a chuan a ti deuh nuaih a... "Zuala han ko teh" a ti a, an ngawi thap a, Cell hawng ri a ri rawk rawk a... a hnuah Tlangval satha lam hmel fai fuk mai hi kawl bun tir chungin an rawn hruai lut ta a... Thantea hmel chu a dang sawp sawp a... " Le hei i thianpa Williama hian khami zan kha chu a theihnghilh velo turah ngai ang" Zopuii chuan a lo ti khauh a... Thante a chu a kun lap a, khuh chhuaklo pui chu a khuh luih khuk khuk a... " Kan nghakreng che a ni a, I Pate hawna an tlai mai mai" SDPO chuan a lo ti khur khur a... " Lalthanpui sawi ta che" Pu Kapa chuan a lo ti ve vat a...

" Nia, Ka Nu leh Pa In hau thawmah ka nau Nanuin nupui sawn a pai tih an sawi ka hria a, Ka zawt a, a sawnpaina chu tudang nilo in" a ngawi a, a pa chu a va en a, " sawi vek rawh" SDPO chuan a lo ti a, "Ka unaupa Rorela a lo ni a, Chutah Muanawma pawn a hriat ka ring ta a..... Ka thinrim bawk si, Rorela ber a boral tawh bawk si, Muanawma chu zawhfiah ka tum ta a... Tichuan, Zan ah ka thianpa Williama ka phone a, a ni hi Ngopa khua a ni a, Aizawlah a rawn zinlai a ni nghe nghe a. World Bank ah zu kan in a, ka lungawilo sa a in ka ni bawk a, Ka hrilh ta vek a, Amah hian Ka nau Nanui hi a lo star ve tih a hre leh ta zel a, a lo lungawilo ve bawk nen kan insawi thinrim chuan Muanawma chu koh chhuah a, ti ti pui kantum ta a, a lo du ve mai bawk nen kan va lam vang vang a.. Kan han sawiho chu a thianpa a tan ta tlat mai a, Kan Inhnial deuh hnuah chuan " I pa remruatna veka Ka thianpa kha lachhuak kan ni" a ti ta a..." a ti a.. " Pu Kapa chuan engmaw?" a lo ti vat a, " Lo ngawi la, Pu Kap" SDPO chuan a lo ti a... " Sawi zawm rawh" a ti nghal nghut a..

" Kan inhnial chho ta zel a, Ka nau fa paina chu sawi lo turin ka ti a, a niin ka zepna tur ka hrelo, in unaupa a ni a, enge in zeppui ve ngawt ang" a ti zel a, Kan Zu inna ten bengchheng min tih vangin min hnawt chhuak a. Motor bulah kan inchhang lawk deuh a, kan in sual a ni ber mai, Williama chuan min thelh a, Muanawma a man beh lai chuan ka thawk lawk a, Williama chemte pai, Motor kawngka a a dah chu ka va phawi a, Williama nen an lo in dawm bet lai chu ka va vit ta zawt zawt a" VC leh YMA hruaitute chu an lo chek tlak tlak a... "Tichuan, engtin nge Motor silna hnuaiah khan in va dah leh daih dan?" SDPO chuan a lo ti leh a, " Chutia kan buai takah chuan Williama chuan Motor ah phurh a Damdawiin kalpui a rawt a, keiin ka duhlo thung... chutia kan awmlai chuan a lo thi fel hman der tawh lehnghal... Motorah kan hlang a, Chite lamah kan phur thla a, a ruang chu paih mai kan tum a, Mahse paih mai chu kan duh bik silo a, Kan zu Inna te kan kan inzui a kan Inhnial tih an hre bawk si, chutah Williama hian mahni inthat anga lantir a rawt ta a... Motor silna hnuaia kan dah chuan tui a luang reng a, chu chuan a thisen a tlengfai reng thei dawn a ni tih a sawi a.. Tin, A thisen tihtawp nan Tlangsam kan nuai vak a, kan tuam bet tel bawk a, Kan veng ah kan rawn phur phei ta a ni" a ti ta a... Outpost chhung chu a reh duk a, Cielling van vir ri hlap hlap bak thawm a awm lo.....

"A nih Motor ah chuan thisen a baw lo em ni?" Kawngpui ah te pawh" Zopuii chuan a ti a, "bua e, Kan zu Inna te kha an mu tawh a, an kawta Tuizem tui chuan kan leih vai vek a, Williama motora silpouline in a ruang chu kan tuam vek a, Motor silna ah kan paih leh daih bawk..m Motorah thisen a kai awm ka hrelo" a ti a... " William a tukah motor ah thisen kai i hmu em?" Zopuii chuan a ti a, " Tlem chu a kai a mahse a tukah ka silfai lehnghal" Williama chuan a lo ti a....Pu Romawia chuan " Inchhirna pakhat al in nei ve em?" a lo ti a, " Kar 2 chhung chu pawnah ka chhuak ngamlo a, Ka muhil thei bawk loa, Ka nu leh pa bulah damlo angin ka insawi a, ka chhuak ngailo hrim hrim" Thantea chuan a ti a... a reh leh duk a, Pu Kapa chuan " Lalthanpuii minva tizak em em ve" tiin thawk lawk a, a beng ta zawt zawt a, an dawm bet laih laih a...."inbeng dai rawh" an ti a..." Ka zak lutuk, khawtlang hruaitu kan ni a, kan fapa ngeiin tual a that a ni a, zanthlak lutuk, ka tuithlar nghal che Lalthanpuii, ka pa pawh min ti tawhlo la, keipawn ka fapa ka ti tawhlo ang che" Pu Kapliana chuan a ti bawrh bawrh a.. Pu Romawia SDPO chuan " Ngawiteh, Police Outpost ah chutiang sawi tur i nilo, Nangpawh i fihlim bik miahlo a nia, Pu Kaplian" Chang felfawl tak chuan a rawn ti a....Thehhemh ang maiin a reh nghal duk a, Zuala leh Johna chuan a kut an dawm sak a, an thut tir zui nghal bawk a.. Pu Kapliana chuan " Engmaw i sawi, kei hi Lalmuanawma thihna ah ka fihlim lo maw? in hresual a nih ngei dawn chu" a ti bai bai a, Johna chuan vin thak hian " Ngawi mai mai rawh, Kan hria a lawm" a lo ti a... a phun nang nang a.... "I phone kha min rawn pe teh Pu Kap" Zopuii chuan a lo ti vawt raih a, "enge chu chu a tangkaina" a ti hlur a, VCP chuan " pe mai la" a lo tih takah chuan a kekawr ipte atang chuan a phawrhchhuak ta nuap nuap a... Zopuii chuan a la a, SDPO chu fimkhur hmel zet chuan a hlan a...

" I Phone a bo tih kan hria a, I tupa khum ah kan hmu a, a ruk a nih i rin thu i sawi a, anih a ruk theih dan engtin nge ni reng reng... Kan bulah Jail tang mek ang khan i sawi bawk si" Zopuii chuan a ti khar khar a.. " Malsawma inpuan pawh khan kan awihlo mahse amah berin 'ka ni e' a tih vang maiin kan thawn liam a nih kha. Kan enthla zui reng tho a, Kan rinruk ang ngeiin Malsawma chu thlakhat hnu lekah an rawn chhuah ta mai a nih kha... Chutah Muanawma kan chhui mek laiin thi in kan chhar a, Lehkhathem an ah tir bawk a... Mipui hriat ah leh a nu leh pa hriat ah takngial pawh kan thil hmuh chemte hnuhma chu kan zep ta tlat a... an thian dun thihna ah inhnamhnawih an awm tih kan hria, chu chu tunge ni ang kan hrelo... Kan chhui zui zelna ah Muanawma leh I fapa Lalthanpuia an inbia tih kan hriat takah chuan kan chhui zui ta zel a, a hnuah Muanawma lehkha ah ziaktu ngei chu i fapa a ni tih kan hre leh a, Tichuan, Muanawma len vena thin leh a zu in thinna kan chhui ru a, a kal thinna chuan a boral hma zan khan a kalloh thu an lo sawi deuh zel a, World Bank kawnga Bar neitute erawh chuan chumi zan ah chuan Thanpuia leh Muanawma bakah tlangval lian hmelchhe vaklo an kal thu an lo sawi a. an inhnail vak thu nen... An motor number an lo hre thei hlauh a... Kan chhui zui zel a, Ngopa ah daih he motor hi kan chhui lut ta a. Tichuan, kan mite tirin kan han la ta vang vang a... Vawiin khan an rawn thlenpui a, an thil tih a nih thu leh Muanawma thah anih kawnga Thantea chet dante chu a sawi ta vek a, Hetah hian Thantea nen an thusawi a in mil em tih kan hriat duh vangin kan record vek nghe nghe... Kan beisei ang takin a inmil thlap a nih kha..." tiin Zopuii chuan a sawi ta zar zar a.. ""Chutah chuan enge ka inhnamhnawihna awm?" Pu Kapa chuan a lo ti vat a, " Lo ngawi la, Tichuan kan rinhlelh ber mai a boral leh takah chuan a rukin kan chhui ta char char a...

Kan lamah Pathian a tang tih a hriat mai, tuna I phone kan lak mek hi, I lei a ni lo a, I U Fapa Muanawma bail i zuk bail chhuah tir tak Rorelliana phone lei ngei a ni tih kan hre lehtazel a... Chu chu thu tling a la nih loh avangin Kan zirchiang leh zel a... I Phone bo i tih kha Simcard awmlo a ni a, I Phone a bo chuan I number a bo tel ngei tur a ni a.. Mahse a bo tello tlat si a ni... Tichuan, kan rinhlelh i kai ta ber a, Zotei tanpuina zarah I fanu fapaina chu I tupa Rorelliana a ni tih kan hre leh ta zel a... I zin dawn zan ah Dar 9 rik dawn ah VCP nen a inhmu tur angin i chhuak tih i nupui hnen atangin kan hre leh ta zel a... Muanawma te in a zanriah ei tum kha, Malsawma nen an intihbuai deuh avanga lung nilo in a ei leh lo tih kan hre lehta zel a.. Muanawma nen an inthen hian Zan dar 9 vel a ni bawk. Tichuan, VCP kan zawt a, In inkawm awm a hriat loh thu leh I zin dawn vang a i mut hma a rin thu a sawi takah chuan kan ring ta viau che a...Tichuan, He I tupa hi nangmah ngeiin i tukzal phawt a, I khai leh tih chu kan hreta a ni, kan thusawi ah chuan diklo awm a awm em?... I tupa Jail tang chhuak i hriat loh laiin , i tupa nen Ngopa ah in chhoh tur thu i fanu i hrilh leh si tihte kan hria a... Tin, I fanu leh I tupa inruk an tuma I dan beh dan te, a phone i enruk sak dante pawh kan hre vek, Pu Kaplian i tupa kut i thlak ngei a ni tih pawh kha tuboh ah khan kan hrechhuak tawh bawk a sin" Zopuii chuan a ti khai khai a... VCP chuan mak ti hmel zet chuan a en ha a, "Khatia Kapa nena kan inhmuh leh hmuhloh min rawn zawh tum khan, ka hrethiamlo reng a ni..." a lo ti chuar chuar a... YMA Secretary chuan " Veng mipui thin a ur dawn hle mai Pu Kap" chek tlak tlak pah chuan a ti bawk a... A kun ngul a, chhuak lo zetin a khuh vei khurh khurh bawk a.

" Ka fanu in ka tupa fa a pai tih ka hriat khan ka tinrim kher mai, Ka u Sawmi ka hrilh mai dawn em ni aw ka ti zet a, Mahse ka hmin theih a nih hlauh chuan kan chhungkua bak hria kan awm dawnlo bawk a.. a fel mai ka ring rilru a, Mahse, ka tum ang a ni ta hauhlo, Rorela chuan min be duh ta tlatlo a, Tichuan, ka thinur chu zawng turin ka kal a, An in zawn ka thlen lai in In ah a awm tih ka hreta a... Ka lut a, Artui a lo kang a, Chaw a lo chhum mek bawk a, Kan ti ti dun a, Mahse min hnial ta tlat mai a, a nu bulah sawi a tumthu te min hrilh a, Ka beidawng haw tum chuan An chhuar chunga an dah tuboh hreiite ang chi kha ka hmu ta hlauh a, a vawnfung chu romawlin ka tuam a, a chaw ei kham kamthuah lai tak chu ka thinrim chuan ka chhu tlu ta tawp a... Ka rinaiin ka lo chhu na deuh a niang, a let tawp a a thaw bawrh bawrh a, a thi zui ta mai a. Kawngka ka kalh a, haw san mai ka tum deuh nangin thain ka hre lehlo a, Ka lut leh a, A ruang chu ka pawm phei a, Inawkhlum anga lantir turin ka buatsaih ta a ni... Engkim ka tihfel vek hnuah a phone lei thar chu ka la a, ka sim ka thun a, ka phone zawk chu ka theihnghilh tih reng ka hrelo..... A ruang hmuh a nih hi khan ka hreve leh chauh a ni...ka tum dan chuan, Ngopa ah ka zin zawk ang a, a rimchhiat hmain ka phum bo daih ang ka ti rilru a.. Mahse ka tum anglo daihin thil a kal ta a.. ka duh hunah ka haw thei ta mai lova, a nih nih kan ni mai ang, ka ti a... Chhuat a thisen bua zawng zawnh chu ka hrufai vek a, Tuboh erawh ka lo hmaih palh a nih kha" a ti ta a.. "I va rapthlak ve mawle Kaplian, ka ring em em che a, ka tuarpui em em che a, Kan Minister hnenah ralna sum ka sawichhuah sak i vanasa ve mawle"VCP chuan a ti bawrh bawrh a... A fapa Thantea chuan " Ka pa nangmahin i tupa ngei i tihlum thei a, chutah kei min tizak i ti leh si a maw? i sawi ang khan 'Ka Pa' ka ti tawh ngailo ang che... " tap tuau chung chuan a ti a... Abak thawm dang a awm lo... In sut ri hraih hraih ri leh VCP in VC member dangte a be thawm bak thawm dang a awm mai lo...
"Awle. An Pafa khan Cell hran ve ve ah va dah rawh u," Remsanga chuan a ti a.. " Ngawiteh Mipui in min rawn chim huk thei tlat, Zanin La la hian Zopuii nen zuk dah thla ula ava tha awm ve" SDPO chuan a ti a, S.I Remsanga chuan " a ni khawp mai, Zopuii zawng kan awl ve tawh ang e, a hah ngat ngat tawh emai.... Medical tifel i la, Central Jail ah kan zuk dah dawn nia... Zopuii I chunga thawk theia ka awm hi ka inchhuang leh sawt dawn a nih hi..." Nui vur vur chung chuan a ti a... Pu Kapzawna pek chuan " Hei hi a lawm Pasal a hmuh mai loh chhan, a pasal lenna chin a chhui chhuak chak dawn lutuka tuman an nei duhlo a nih hi..." a lo ti chuar chuar a.. Kaplianate pafa taphnapa kawl bun chunga cell chhunga an indawm kun laiin, Outpost a duty Police ho chu an nui ham ham thung a.... An tlanliam hnuah SDPO chuan " Ka chhuang khawp mai che... Kan Outpost a mualpho hnuah min khaichhuak lehta a nih hi.." a ti a..... Kil khata kimki taka lo ding Zopuii bialpa Dr.Zohruaia chu a lo khi vun vun a....

(A chhunga lang... Mihring hming, Veng hming, Sawrkar hmun hming engkim lang ve dek dek tawh phawt khi chu ka phuahchawp liau liau a ni tih min hriat sak u la, Tumah In ngaihbel tura ti ka ni heklo tih minlo pawmpui bawk dawn nia.... Ka tihtur hrelo thil tih ve mai mai lek chauh a ni e... A phuai luai viau maithei bawk...- Tochhong Ruata... Satel Veng...) Note ; He Fiction hi kum 2015 a ka ziah daih tawh kha a ni a...he tah hian kan dahtha leh lawk ang e..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)