THE MAB BY Tochhong Ruata (Completed)

Tochhong Ruata
Posts: 53
Joined: October 2nd, 2016, 1:46 pm

THE MAB BY Tochhong Ruata (Completed)

Unread post by Tochhong Ruata » March 18th, 2019, 10:52 pm

5k1y24i3.jpg
5k1y24i3.jpg (15.08 KiB) Viewed 31117 times

Chapter 1..


"Zoram, I tling ve hlauh a nih chu, Thingtlang ah i awm dawn lehnghal" tiin ka țhianpa chuan min rawn bia a, a nui huah huah bawk a. Mitthi In ah ka tlaivar avangin, Thlan lai lovin ka lo muhil sek a, Ka phone riin min rawn ti harh zawk a, chu a thu rawn sawi chuan min ti meng kawk a, "i fiamthu lo maw?" ka ti zui hram a, "News en ta che, an tarlan chuai chuai kha, khawnge i awm, Mizoram ah i awm lo em ni, Mawlsek" a rawn ti zek a, Ka nui suk a, "Nizan kan mithi nei ka tlaivar ve e ka tia, Thlan pawh lai lovin ka lo muhil pek a, nang enge i an?" ka ti a, a nui huk huk a, "Ka tling ve zo lo, hmelhriat ka neilo te kha i ti vel a, i lo nei ru reng si" nui chung chuan a rawn ti a, "Mawlsek, nang kha i tling awm e mai a" ka ti a, a nui huk huk a, "ka rawn forward ang che" a ti a, kan inbiakna chu kan titawp zui ta nghal a.


Geography ah Master Degree nei hlim ve hlawl ka ni a, Chutih lai chuan RMSA hnuaiah Sawrkarin High School mai nilo Secondary School atan Zirtiru a lak belh nual a, Kan țhian dunin Bena nen kan exam ve a. Hmelhriat han sawipui tu tur emaw, Minister hmelhriat emaw pawh kan nei chuanglo, Eng party ah mah kan in ziaklut bawk heklo, tlin pawh kan inring chiahlo nangin beiseiloh deuhin kan vannei ve hlauh a lo ni awm a. Ka tum ber zawk a chu Central Service emaw ka theihloh chuan Mizoram ah Civil Service lam emaw exam pek ve ka rilruk ber a ni a. Chuvangin chhungte ti hautaklo thei tur angberin Mahni Inchawm chungin Online Coaching Class manto zet mai kal ka tum avangin he hna pawh hi dil ve mai mai ka ni nghe nghe. Ka awmna tur hmun hi Khawchhak lam khaw lian pangngai ve tak a ni nghe nghe a, Kalkawng pawh a nuam pangngai ve viau bawk, Aizawl khawpui ațangin Km 190 vel zeta hla a ni nghe nghe. Bena erawh khawthlang lam Tripura ramti depah a awm dawn thung.


Aizawl chhungkaw hlun pangngai, Aizawl a piang leh seilian ka ni a, Ka pu hi Pastor Pension niin ka pa hi Engineer niin Department pakhat ah E-in-C ni mek a ni a, Ka nu pawh hi Doctor (Dentist) a ni bawk a, Aizawl Civil Hospital a thawk mek, Zofa Dental Clinic a nei bawk, Kan upa ber hian Damdawi dawr ka nu clinic ah chuan a siam nghal bawk a, Ka u chiah hmeichhia hi Law Collage ah Lecture a niin Ka chhang chiah hi M.A (English) 4th Sem zir mek a ni bawk. Kan nu leh pa ațangin kan mamawh keimahni in ngaihtuah chawp hi min zirtir ngun bawka kan unau hian kan nu leh pate kan tibuai lemlo khawp mai. Kan lehkhazir lai pawn kan theih ang angin kan pocket money tur kan tuak hram hram țhin. Unau Mipa 2 hmeichhe 2 kan ni a, Kan upa berin Nupui fanau neiin Kan Inhnuai ah an indang ve tawh a, abak zawng chu hmun khatah kan la khawsa ho vek thung. Ka hna dil ve pawh hi ka hrilh lem lo, ka tlin ka ring em em chuang lo a, Țhenkhat chuan kapa ațang pawn hmelhriat ka nei țha turah an ngai a, mahse a ni der silo. Kan chhungkaw zia ah hrim hrim hian midang puihna hmanga thil neih tum ang chi te, Midang han sawipui chiam ang chite kan ti ngailo. Tin, țhian kan kawm tlemin, rual kan pawl em em lo a, Mi inah kan lenglut tam lo a, kan inah mi an lenglut tam chuang heklo, Vai zia ang deuh kan nei a ni ber mai.


Zanriah ei laiin ka pa chuan "Tuaia (min koh dan a nia, Tuai tih hi Rawtuai kan tih anga lam rik tur a ni.) RMSA hnuaia Secondary zirtirtu hna kha i lo dil ve a ni maw?" a rawn ti chuar chuar a, ka chhan hma chuan "Nia, keipawh ka țhianten min rawn hrilh a, ka bangbo khawp a," ka bul chiah a țhu ka nu chuan a rawn tive nghal a, "Nia..Online Coaching class tih ka duh si a, Inhlawhna atan ka ti deuh a, ka lo tlingve tak tak anih hmel" ka ti a, Ka nu leh pa hi țawngtam lo leh țawngkam bungraw ngahlo ve tak an ni a, "A țha ve tho mai, Mahse thingtlang ah i awm dawn a ni a, Thingtlang nunphung i hriat ve a ngai a nia.." kapa chuan a ti a, "Nia, kan thiam ve mai turah ngai ang" ka ti a.. Thingtlang lam khawsak dan te chu an hriat ang angte min hrilh a, kan ti ti luam a. Kan unau hi Naupan tet ațanga Mizorama awm ngailo kan ni a, sawitawh angin Țhian kan kawp tam vaklo avangin Mizo zia kan hre tamlo hle , Thingtlang ah phei chuan kan zin ngailo hrim hrim. Aizawl leh Delhi tlang inkar hi kan kartawn bak hmundang kan chuangkai tamlo hle. Hengte avang hian ka nu leh pa pawhin min ngaihtuah rilru ve hle in ka ring.


Ka awmna tur hmun panin, Kan driver pakhat nen Gipsy upa ve tawh lam chuan kan tlan ve nal nal a, Kan tum dan chuan ka pate department officer pakhat ka awmna tur khua awm han belh phawt a, Joining report te ka pek fel hnuah In luah tur ngaihtuah fela, Bungraw dang nen a chhoh leh tum ka ni nghe nghe. Tlai dar 4 vel ah kan thleng a, an hotupa ber fapa ka nih vang a ni chek a niang min lo dawng sawng țha hle, Room nuam tak min pe a, Kan Driver tan room an pe bawk a, min chiau au țha khawp mai. Ka thlen zan chuan Ka thawhna tur chumi khaw Secondary school Principal te in ah min lenpui thlap bawk a, In luah tur ka duh dawn tih pawh ka pa in a lo hrilh a ni chek a niang an office clark pakhat inhnuai remchang leh ka tana luah tawk tak hi minlo hmuh sak thlap tawh bawk a. Chungte chu kan en fel nghal vek bawk a, Engkim ka tan buaina em em awm lovin a fel deuh nghal thluam a ni ber mai. A tukah School ah Joining report ka pe a, Chawhnu lamah Aizawl panin kan haw leh ta vang vang a, Chumi hnua ka kal leh ațang chuan ka bungrua ve tur ang angte nen ka duhlo chung ka nu in min thlah ve thung a. Ka inluah turah rawngbawl in zanriah kan kil ho a, Țawngțaina min neihpui thlap a, A tukah Driver nen an haw leh nghal vang vang a, Keimah a In luahin ka awm ve ta khar a. Ka thawhpui te nen kar loah kan inhmel hriat chhoin kan in pawh ve ta viau a, Ka beisei ai takin nuam ka ti ta phian nghe nghe.


Ka hnathar ka zawm ațangin Nitin school ah kalin class ka la ve a, School ban hnuah In ka thlen chinah ka tuallim tawh ngailo, Ka inkhung chawt a, Ka In luahna te hian BSNL Broadband connection an lo nei ve hlauh mai a, Chu chu keiin ka pawt chhawng a, Online coaching class chu ka zawm zui ta țhin a. Engemaw changa ka thawhpui ten min rawn lenchilh a nih loh chuan ka chhuak ngai zen zen lo. Kan School kalna leh ka in luahna chu Minute 10 emaw vel kal bak a nih loh avangin engmah lirthei ka kawl lo a, Ke in school ka kal mai țhin, Ka teihawi tam loh avangin ka tan lir neih a țul em em lem lo. Ka In luahna veng hi ka awmna khua a veng hulum leh Bazar awmna veng ve ber a nih avangin ka mamawh ei tur eng i lo lakkhawm pawh a awlsam phian a, Buhfai 50kg bag ka lei mai a, ka ring rei țhin viau. Chutiang chuan Thla 6 zet hun ka hmang ve ta reng mai, Ka țhianpa Reubena pawh a awmna khaw lamah nuam a tih thu min rawn hrilh chamchi țhin a "Țhiante kawm la, lengchhuak ve țhin rawh" min ti ziah țhin. Mahse țhian kawm thiamlo tak ka ni tih hrechiangtu ber a ni lawi si. Reubena nen hian Delhi a Inchhar Hostel pakhata awm ho kan ni a, Chuta țang chuan kan inkawm ta ngar ngar a, Ka cousin te an nih loh chuan ka thisen zawmpui nilo ka kawm awmchhun a ni hial awm e. Aizawl Dawrkai hausa fapa niin an Building neihsa luahman ringawt pawh ei tling ni a ni a, Mahse chapo lo leh zo zia ngaisang tak mai, Țhian kawm zau em em a ni thung. Amah vang hian mi hrang hrang hmelhriat ka neih phah ve fo bawk. Ngaihzawng pawh amah vang hian 2 chu ka nei ve tawh a, Keimah min ngaizawng hmasatu ve ve an ni lehnghal. Mahse ka rilru pe tak an nih lemloh avangin rei kan inzui ngailo, Kei ka zeiloh bakah ka hmel duh zawng an nihloh vang te pawh a ni mahna, Rei kan inkawp ngai meuhlo. Ka ze mak tak, țawng tlem, Nui khat, Serious ngul reng mai ka nihna chu Hmeichhe lawm zawng a nilo a ni maithei. Ka ngaihsak zui thiam lo a, ka be reng peih hek lo a, chhuah vah pui ka tum chuang lo a, Ka awmna a min rawn tlawh a nih ngawt loh chuan an mahni ka pan ngai heklo, Chungte avang pawh chuan min ngaina theilo a ni maithei. Ka zirlai ka zir tluk tluk bakah Lehkhabu chhiar a ni mai a, Ka intih thawven deuh duh changin Music keima hriat tawk lekin ka play keuh keuh țhin. Abak engmah han tih ka nei lemlo, Infiamna lamah Kan High School kal laiin Judo kan zir țhin a, Inter School Open velah ka tel ve a, Medal te hial la ve mah i la, ka Khel chhunzawm ta lemlo. Mahse Tuktin keima tawkin ka taksa ka sawizawi reng avang erawh chuan ka taksa lam a inphut viau thung. Min hrechianglo chuan Football emaw Volleyball emaw khel thiam viau ah min ngai țhin a, Mahse chung game chihnih chu TV ah takngial pawh ka en ngailo hrim hrim thung. World cup pawh vawi 1 chiah ka en ve a, Chupawh Reubena rawt tlat vangin kan en a, Mahse ka mutthluk sana a tawp lai ka hre miahlo lehnghal. Mahse Knowledge atan a țhat avangin chanchinbu lamah erawh ka hmaih ngai hauhlo thung.


Thla 6 ka awmna chiah a ni a, Term exam kan neih zawh ni chiah a ni bawk a, Kan Principal te In ah Staff ho in Zanriah eikhawm ve an rawt a, Ka bang thei bik lo, School ațangin Principal te In kan pan ding nghal a. Kan School ah hian Staff 15 zet kan awm ve a, a nuam ve laih laih țhin viau, Hmeichhia hi 6 an awm a, Mipa 9 kan ni a, Mipa 2 hi Office clark 1 leh 4 grade an ni thung. Kan Principal hi pa nei nung tak mai, Hemi khaw hlun hi a ni a, In leh lo pawh a nei nuam viau nghe nghe, M.A (Eco) M.Ed ngat a ni a, Pa invawng fel tak mai, Kohhran Upa nibawk a ni, An chhungkua pawh chhungkaw pangngai tak mai an ni a, Fa 2 mipa leh Hmeichhia a nei a, An kum phu loin fa an nei naupang nghe nghe, a fapa hi kan School ah a kal a, a U zawk hmeichhia erawh hi chu Aizawl lama Collage kal a ni thung. Ka la hmu ngai miahlo a, Hemi ni hian an chawlh lai a nih avangin a rawn haw ve tih thu erawh ka hria.


Kan thawhpui te nen zanriah ei hma kan inkawm khawm a, Kan Principal te in hmun rem zet mai kawt ah chuan kan țhu bial laih a, kan English Teacher țawng duh deuh mai chuan fiamthu a thawh a kan nui ham ham hlawm a, Ka thawhpuite hi kei aia upa an ni deuh țhum hlawm nangin an upa chhe lutuk hlawm lo, Inkawm rual tawk kan ni fur a, Hmeichhe lam hi nu 2 an awm a, abak chu nula vek an la ni a, Aizawl 3 an awm nghe nghe., Chutianga kan țhiante a fiam a kan nuih ho ham ham lai chuan ka hriat phak china ka mit la sawn theilo khawpa ka en ngung awmchhun Hmeichhia ka hmu ta tlat mai le. Ka țhutna hi Kawngpui lam hawi a ni a, chutia kan țhianpa fiamthu kan nuih pui dar dar lai chuan kan Principal te in gate chhung ah chuan Scooty khalh mipa leh hmeichhia hi an rawn tlan lut hlawl mai a. Mipa zawk chu kan Principal fapa kan school a class 12 zirlai a ni a, a phurh hmeichhia erawh chu ka vawikhat hmuhna a ni thung. A hmel ka hmuh phat ațang chuan ka mit a la nghal hliah hliah a, khawdang ka hawi theilo a ni ber mai.

Ka hawi zim vangnge ka hrelo, he khua ah hian hmeichhe hmel fai tak ka la hmu pawn ka hre lo a, Mahse chu hmeichhia erawh chu a dang zar mai. A paw phak mai a, a sam chu a sen buang lam lek lek niin, a dar khuh phak tawk vel chiah a sei a ni a, a sam bu chu a țha viau bawk, a ngil siau lo a, a kawi uchuak heklo. A hnar invuah chu a fuh em em a, Vai hnar anga zum vurh chu nilo mahse mizo nula tamzawk hnar anga phek thlur chu a ni leh chuang silo. A mitmeng chu ka hmu chiang phak chiahlo nangin mi hip theihna riau nei ni mai awm hian, meng thip lam rawngkai lek lek ni maiin ka hria, a heh sen dan ah chuan Lipstick uchuak taka hmang ni silo in a hmui ti hmuhnawm tur tawk lekin a intat tih a hriat hle. Kawrfual hnalh mai, a taksa lang nalh tur tawk chiaha a taksa nena in rem zaih mai hi a ha hnalh bawk a, vawthlep uk fai sar mai a buna, a ke țhiah var sar mai nen a inchawih em em bawk. Scooty chu a dinga inzo tih hriat takin chhuk thar a, Hmeichhe lian tak chu a ni hauhlo nangin a te chhe miahlo bawk, a pian chu a nalh over lo nangin a pian nalh dan chu a tawk cheih chawih hle thung. A sam scooty a chuan vanga thli in a chhem pawr deuh phangte chu a mawipui zawk emaw tih tur hi a ni a... "Veni" tiin ka bul chiah a țhu kan Sir pakhat chuan a hming ni ngei tur chuan a ko a, chu nula chu a inher vat a, a rawn hawi phei a, Ka lo en reng tih min rawn hmu chiang hle, ka țek deuh chuai ni berin ka hria. a nui var var a, a nuih zawnga a ha var leh rual țhat mai lo lang, thianghlim hmel em em maite chuan min rawn hmusit hliah hliah ni maiin ka hria, ka lo phuloh en ngawt ngawt a ni ber mai. "Enge Sir?" tiin kan awmna lam chu a rawn pan phei a, "Engtik ah nge i lo haw a?" ka bul a mi chuan a ti a, ka bul chu a rawn thleng a ni der mai, Ka thin a phu dut dut in ka hria.


"Vawiin ah, ka rawn thleng deuh chiah a ni e, Hei Duhtea hian min rawn lam a" a ti a, an inchibai a, "Collage te chu a nuam bawk maw?" Sir chuan a ti a, ka en ngam tawhlo mahse a rimtui inhnawih rim chuan ka hnar a verh in a zunah ka uai veng veng ni maiin ka hria "Nuam a ni mai, Inlo dam maw Sir?" a ti a, Midang ho te chu a chibai kual dan dan a, "Hei kan Sir thar pawh hi chibai rawh" tiin an lo hrilh a, Lai deuh chuan min rawn chibai a, kan kut a insik rual chuan ka in dek țek zawk a ni ber mai kan la sawn rang dun kher mai a, "Oh.. " a ti sap a, mahse min chibai zui leh nghal vat a. Chumi chhung second lek chu hmaichhan ah chiang zetin kan in en a, a mitmeng thip lam lek lek fiah kalh mai chuan min hmu tlang vek ni berin ka hria..Eng emaw a sawi sap a, "Sir Inchhungah ka va pui nghal ang e" tiin a kal sawn zui ta nghal a.

"Venkimi te hi chu a fel reuh a nia, a hmelte hi a țha a nia, Kan khaw nula ah chuan a chhuanawm pawl tak a ni" Sir Zara chuan a ti zui a, "Principal fanu chu em ni?" ka lo ti ve sup a, "Ni lo e, Principal farnu fa a nih kha, I awmna vengah a lawm an awm, Biak In thlang lawkah khan" a ti a, "Nikumah kan School ațangin 12 a pass chhuak chiah a, Distinction ah ngat a pass lehnghal, kan chhuang ve a nia, PUC ah a zirzawm a nih kha" a ti zui a, Venkimi PUC ah 1st Sem B.A zirlai tih chu ka thinlung phek ah a inziak bet nghal thlap a ni ber mai. "Eng subject nge a lak a?" ka ti leh hram a, "Economics" a ti a, A inhmeh dawn hle mai, Engtin nge khatiang hmeichhia kha helai hmunah hian a lo lan nawlh theih zawk le?? Khawpui nula leh tleirawl niawm tak a ni a, Khawpuiah awm pawh nise a langsar viau ngei ang mawle.. Tiin ka rilru ka kawm zui mawlh mawlh a, ka thawhpuite ti ti lam reng ka bengah a lut tawhlo, ka mitthla ah kha tleirawl hmel ringawt kha a cham tlat tawh.


Zanriah ei an peih a, Buffet a ei tur a ni a, Dawhkan ah Chawhmeh an chawp dul a, Mahni in kan insuah diat diat hlawm a, Principal Fanu leh Veni an tih chuan dawhkan bulah an lo vil khar a, Teacher dangte chu anlo fiam pah zauh zauh bawk a, Inthlahrung takin a hnung lamah Principal nen kan dawh ve ta hram a, Chaw ka suak a "I va suak tlem ve, i kham dawn a mi?" Principal chuan min ti sup a, "Kham mai ang" ka ti a, "i rawn dawh nawn leh anga a ni mai a lawm" Principal fanu chuan minlo ti a, "Nia, kan ei phawt ang a, a țul dan a zir aniang chu" tiin ka dak chhuak a, a lo nui a, a bula ding Veni mit leh ka mit chu a intawksir deuh chuai niin ka hria, sen ap ap chung chuan a lo nui a, keipawh ka lai chhe ve deuh ringawtin ka hria, "Aw.. kha Arsa te kha suak ve la, Chi nen ringawt chuan a tui lo ang?" Principal fanu in a rawn tih leh chuan, Ka lai lutukin sa ka lo suak miahlo chu niin Disposable cup a anțam tuihang an chhawp ka la a, Chi ka suak leh tawp a lo ni a. Ka che lai takzet a ni, "Oh... ka suak tawh emaw ka tia" tiin an chawhmeh siamte chu ka suak zui ve leh ta tho a.. Mahse ka lum deuh hup hup in ka hria "A zak ve a nih kha, i ti khawngaih thlak" Veni'n a ti sap chu ka hre zui nangin rang takin chulai hmun chu chhuahsan ka tum ta zawk a.


Ka dawhnawn tawhlo chiang hle, "Sir chu i va ei tlem awm ve" Pi Ziki (Education Teacher) in min ti a, "ka ei țeuh mai" ka ti sup a, ka insil faia, Pawn chhuah nghal mai ka tum a, "Kha Sertui i induh ve em?" tiin Veni chuan Tray ah Sertui a rawn chawi a, ka țhen sak a "a va tui dawn ve" tiin ka la a, "a tui reuh khawp" a ti sap a, a kal sawn zui leh nghal a. Veranda ah chuan ka țhu a, Ka rilru te te in "Khawpui tlangval a nia" min ti ve ngei dawn si a, ka che lai țut mai chu ka inhua in ka zak deuh chem chem a ni ber mai. Engvanga kha nula vanga ka chet pelh ve rum chu le ka ti a. A khat tawkin a dinna lam chu ka va hawi leh zauh țhin a, a che vel reng reng chu a hmuhnawm vel vek ni maiin ka hria. Mahse ka en rei ngam hauhlo thung, Reilo te ka en chhung ringawt pawn min rawn en lai nen vawi 2 lai kan mit a intawng siah lehnghal. Zahthlak duh tak a ni, Mi en dauh dauh hi ka ching ngai der silo, He nula zet hi zawng ka mit a pawt kawi zing tawh malh malh hle thung. Hmuh ngailoh vawikhat hmuhna hmuhnawm ti zet a en leh hu hu țhin ka inchan bera ka zak ru chem chem hle, Haw thuai thuai ka chak viau nangin, hmuhlo a awm ka hre viau lawi bawksi, ka ni deuh run a ni ber mai.


"Sir Zoram, hei kan nau hi in veng a haw tur tho a lawm, in haw dun dawn nia, hman hmawh duh suh" tiin kan principal chuan ka ding deuh hluai chu min ti a, "Nia, Ka awmna venga haw ve tur tho maw a nih a?" ka ti a, Ahma khan min hrilh tawh tih pawh ka hre reng mahse ka hamhaih a ni chek a niang "ni e mawle, I inluahna bul lawkah khan a lawm an awm" a ti leh a, han hnial deuh țun ka hreh deuh si a, ka țhu ve leh ta a. Teacher dang hmanhmawh fal deuh chu an haw tawh hlawm a, a tlawngawl deuh ho erawh eng emaw sawiin kan la țhu fual tlang hlawm a. Kan Principal hi pa ze mak deuh mai a ni a, a zahawm khup rual hian staff ho nena han inkawm khawm changte hian a meizang hlaptu ber hi a ni zel zawk a, tiin a thiamin sawi tur a hre phian bawk a, kan nui leh ham ham țhin. A fanu in thingpuite a rawn sem a, Veni hmel ka hmu mailo, "Bawihi Ventei kha hei Sir Zorama nen hian an haw rual dawn a nia, Ngawi rengin a lo haw ngawt a nge" tiin Principal chuan a fanu bulah chuan a lo sawi a " awle, Thleng a la sil a, a sil zo țep tawh ang" a ti ve mai a. Keini ho pawh chu kan ti ti leh nak nak hlawm a, Chutia ka hmeichhe hmelțha tih em em mai nen kan haw rual tur chu ka eng emawti phur viau lawi a. Nidang emaw midang emaw chu nise ka hnial țun ang a, Ke in ka haw nul nul tawh maithei, tunțum erawh chu ka hnial lemlo ngawi rengin ka lo nghak ve tawp mai a ni.


"Pu ka haw tawh mai dawn a sin?" Veni chuan Principal ti ti lai chuan a rawn ti a, "e awle, Hei Sir Zorama hi phur haw la ka duh a, ka lo nghah tir ngawt che a sin" Principal chuan a ti a, Ka lo beisei dan deuh chuan Ke in kan hawng dun turah ka lo ngai ngawt a, Mahse a lo ni hauhlo mai "Ke in kan haw dawn emaw ka ti a" ka lo ti vat a, "Ke a i haw ngai lovin Ventei nen hian inphur haw ula ka tih vang a lawm" Principal chuan a ti a. Veni hmel chu ka en a, a lo sen deuh ap ap a, "I tluk pui em lo ang chu maw?" Sir pakhat chuan a lo ti fiam a, an fiam zui nak nak a, "Kan tlu dun nawk nawk anga ani mai a lawm" fiamthu chuan a tive a, ka dinga "Chuti chu kan tluk chhung nen kan thleng har lutuk ang, kan kal mai dawn a mi?" ka ti a, "awle, thil kan la leh lawk a nge" tiin inchhung lamah chuan a lut leh lawk a. A rawn chhuak leh vat a, ka hmuh hmasakna bera a rawn chuanna kha a scooty a lo ni a. "Nangman khalh zawk la?" min en deuh ha chung chuan a ti a, "Ka khalh thiam lo reng reng" ka tive tlat a "Ka awihlo" sen deuh ap ap chung chuan a ti a, "A nia lawm, Ka khalh thiam loh vang a lawm ke a ka kal pur pur zel" ka ti a...Zalo deuh chuan a nui put put a, "anih ka khalhthiam lutuk biklo a nia, Mi ka la phur manglo lehnghal" a ti ta reuh a. Midang chuan min rawn chhaih fiam nak nak lehnghal, a zak hmelin a lai hmel reuh hle, Scooty a ti nunga a țhu than tawh a, lawn tuma ka kar dawn chiah chuan "I khalh thiamlo tak tak maw?" a rawn ti leh hehaw a, "Mmm... thiamlo" ka ti a "ka van huphurh, i pa lian roh si" tiin a nui seih a " Ava duhawm tak em" ka rilru chuan ka ti a. Ka thiam renga thiamlo anga lan ka duh ve hrim hrim, In phurh tir ka chak ve tlat.


"Khawiah nge Collage i kal a?" A scooty khalh hnunga țhu kuk chung chuan ka ti a, "PUC ah" a ti a, a confi hmello in a khalh thiamna a la reilo tih a tlan vel dan a țang chuan ka hrethiam mai, "Hostel ah em ni i awm?" ka ti a, "Mmm... Aih.. aw.. Ka awm țan ah luh leh a țangin" a ti a, a kawi leh zak zak țhin a. Kan tluk mai ka hlau viau nangin, hlau angin ka awm duhlo lui tlat a "Ka la khalh thiam chiang vak lo a" a rawn ti a. Thli in a chhem len a sam chuan min rawn zar leh nak nak țhin a, Zan ni mahse a sam chhawl leng hnuaia a nghawng no var chek mai chu ka hmuh hmaihlo khawp mai, a sampoo hman rimtui chak mai chuan ka hnar a verh var mai a, a pang nem thap mai nen chuan kan insi leh ral țhin bawk a. Motor han tawh tur a pui lah chu an tam viau lehnghal, "awi motor hi an va rawn tlan ngun em em" a ti ringawt a, "Nia, Mahse i khalh thiam khawp hi" ka ti a, a nui hak a, "I sual, i khalh thiam reng si" a rawn ti a, "Ka thiamloh vang a lawm" ka ti hman chauh a, Chak zeta Bike rawn tlan hian min rawn tlan pel fua a, "awi..." a ti a, a kawi nawk nawk a, tuikawrh ah chuan kan tlan lut ta nawk nawk a, ka inven rilruk deuh avangin, ka kun hniam a, a handle chu ka venpui vat a, Brake ka hmet tlum a, kan tlu hman chiah lo, mahse kopang ah kan kut kan hrut hman ve ve tho a... "Awi..." a ti ringawt a, Bike min tlanpel tute chu an rawn let leh a...


"In na em?, kan tih palh, Damdawiin kal kan tuma kan hmanhmawh lutuk a" nui țhaw chung chuan an rawn ti a, Zan thim ni mahse mi an rawn pung nghal țak țak a, "In tlanchak ve hrim hrim, Tlem a tlemah pawi in khawih țep a nih kha" Pakhat hian a rawn ti a. Engmah ka sawilo, a ban chu ka en sak vat a "i na em?" ka ti a, a lo pilh nian a, "na love" a ti sap a, Scooty chu ka chawi chhuak nawlh a, Ka hun fel hnuah "Keimahni maw tlan chak?" ka ti a, "Ni love, Bike khalhte hi mawle" a lo ti vat a, "Mi lehpelh dawn chuan Horn pek emaw, Light hmangin emaw signal inpek tur a nia" chang fak hian ka ti a, Keimah ang rual vel hi an ni nghe nghe a, Zu rim an nam vat vat a "Kan tih palh kan tih chu mawle, i thin a rim em ni?" Pakhat zawk chuan a rawn ti a, Midang lo awm ve ho chuan "Thimrima sawi pawh a nih loh kha, in rawn tlan chak hrim hrim a lawm, he tiang kawng chep ah lehnghal" an rawn ti ve nghal nak nak a. Veni bawk chu ka en leh a, a lo sen ap ap a, "A hrim hrimin Khalh thiam manglo chuan khalh ve kher tum loh mai tur, Kawngpui dung hi khalh zirna tur hmun pawh a nilo" a pawr zawk chuan a rawn ti leh hram a. Mikhual ka ni tih a hriat vang a niang min melh ram ram bawk a, "Engmaw i sawi a, He nula hian kawngpuia Lirthei khalh theihlohna dan a nei bik i tihna em ni?" ka ti chang leh fak a, Ka thinrim ve lek lek tawh a, "Mikhual te te lehnghal, i va chapo hmel ve" a rawn ti a, "Sir, kal ang" Veni chuan a rawn ti a, "Mikhual a nilo, Kan Higher Zirtirtu a nih kha, Zu in rui lehnghal a ni maw?" Patling deuh tawh hian torch light eng zeta rawn chhun pah chuan a ti a, an inhnial rap rap hlawm a, "Kan tihpalh a ni e, Intihbuai a ngai lo e" ka ti a, "Khawi keiman kan khalh mai ang e" ka ti a..Ngawi rengin kan tlan sawn ta daih a..

"I kut chu enge a an?" ka ti a, "a na lo ve, a thip ve deuh tih a ni mai, I khalh thiam reng si" a ti niah niah a, "I phurh a chuan ve hrim hrim kha ka chak a lawm, Anti Septic ka nei a lawm kan hnawih dawn nia" ka ti a. "Khawi lai nge in In ni reng reng?" ka ti a, "Biak In piah lawkah sawn" a ti a, "Keini pawn kan nei ve tho ang" a ti nangin Ka In luahna aiin an in a la hlat zawk avangin ka inluah kawt ah chuan ka ding a, "Ka ta a țha daih zawk ang, Kan hnawih zawh ah, ka thlah phei dawn che nia" ka ti a, "aaa ngailo... englo" a ti hman chauh a, "Lokal rawh min hlau suh" ka ti a, a nui var var a, " hlauh vang pawh a nilo, Ka" a ti a, Min zui ve ta tho a...

Ka In luah ve chu zim viau mahse mahni chauha awm tih takah ka dawhkan velah chuan Laptop leh Lehkhabu nen ka inchap hnawk nuaih mai a, ka khum awmna (Pindan) lam phei chu ka hawng zau ngamlo.. Tin, ka bungbel neih ang ang chu ka sil leh sil hman takloh a awm hnawk deuh nuaih bawk a, inthiamlo tak chung chuan "Parawl chu ka hnawk nuai zel a nia" ka ti ringawt a, țhutna ka neih ve chhun a thil awm hnawk chu ka dahfel sawk sawk a, "Tah khan lo țhu rawh" ka ti a, Pindanah ka lut nghal a, After safe lotion Zero One chu kengin ka chhuak leh a, Lapua ka keng chhuak bawk a, "I ban chu khawi maw?" ka ti a, "a ngailo, ana lo, a dam ve mai ang" a ti deuh tlat a, ka en sak lui a, a lo bal nian bawk a "Sil fai a ngai a nih hi" ka ti a, "a ngailo, ka hawng vat zawk ang" a ti ngial a, Lapua ka ti huh a, "a septic ang.. khawi" tiin Lapua chuan ka hruk sak a, a phu zak zak a, "a na a mi?" ka ti a, kan inhnim hnai hle, a sen ap ap a "na ve țep" nui chung chuan a ti a, ka hrukfai sak hnuah ka aftersafe lotion bur chu ka hawng a "a thip maithei" ka ti a, "Enge?? a hnawih chi a mi?" a ti a, a en ha ha a.. "Ka hman ber a lawm, a țha ber" ka ti a.. "I inring maw?" tih pahin a ban pilh deuh nian ah chuan ka leih sak a, "aiha... a va thip reuh ve" a ti țhat a, ka chhem sak nghal vat a.. "a thip ve duh zek a sin" ka ti a, "a rimtui em em mai lehnghal" a ti a. "Kal rawh ka va thlah ang che" ka ti a.. "Thlah ka ngai " a ti zet nangin a ngawi leh ta daih a, Kan inzui chhuak leh ta nghal a.


An In kawtah kan ding a, "Ka lawm lutuk" a ti sap a, "Kei deuh, keimah vangin i inhliam phah lehnghal" ka ti a, "Nangmah vang pawh a nih loh kha, ka khalh thiamloh vang a lawm" a ti a, "Nilo In phurh tir ve hrim hrim che ka duh vangin ka khalh sak duhlo che a" ka ti a, nui hak hak chung chuan "I sual ve ngawt mai" a ti ringawt a, "anih leh le, In Innei nuam hmel hle mai" ka ti a, "eh.. a nuamlo lutuk, i lo leng ve dawnlo a mi? lo lut ve hrim hrim la" a ti sawi sap a, "Eh.. min sawm dawnlo emaw ka ti hman a" ka ti a, a nui hak hak a "Lenna tur dang i nei zawk a mi?" a ti a a nui var var a, Chutih lai chuan an in ațang chuan mi an rawn chhuak a "Lokal rawh rawn leng ve hrim hrim rawh" a ti a.. Ka hnial bik ta lo a, kan inzui lut ta nge nge a.


An In awmna hi Kawngpui an ni chiah lo, Kawngpui a țanga tlema kang sang deut tlangbawk rawt hniam tih hriat tak hi a ni a, Motor luh theihna a siam kawng Lungphek phah vek a awm a, an kawt ah chuan zawl zau lutuk lo a awm a, a bul ah chuan An motor dahna in niawm tak a awm a, Pangpar an veranda velah chuan an khawi nual a.. An In chu leichhuat a ni nghe nghe bawk. In lian ve pangngai tak a ni a, Hrelo tan chuan Pastor Quarter emaw tih mai tur hi a ni nghe nghe. Inchhung kan lut chu TV en in a nu leh pa niawm tak hi an lo awm a, Mipa naupang 2 kum 12 leh kum 14 awm vel bawr 2 hi duhdah deuhin an lo țhu bawk a, pakhat zawk chuan Phone a lo khal a, 1 zawk chuan TV remote a keng thunga, "I va rawn haw hma ve, e i lo lengve teh tlat e law?? lo țhu rawh" nu zawk chuan a lo ti nghal sawt sawt a. En mai pawn Veni nu leh pa an ni tih a hriat hle, an pahnih chuan engemaw takin a ang kawp ve ve a "Nia, hei kan rawn hawng dun a, ka rawn zui haw ve tawp a nih hi, lenna tur dang hre talo chu" ka ti a, Țhutna awl la awm ah chuan ka țhu a, "U Sangpuia leh U Zuala zu rui an tlan chak lutuk a, Tuikawrh ah Sir Zorama hi ka tlanluhpui a lawm" nui hak hak chung chuana a ti a, "Scooty a chhia em?" mipa naupang kum 14 mi awm hmelpu zawk chuan a ti vat a, "Chhe lo e" a ti a, "Sawng ho lah saw, Khawchhung ah hian chak tak tak hian an tlan a" a pa chuan a lo ti hluk a "Damdawiin ah kal kan tuma, kan hmanhmawh chu an tih kha" ka lo ti sup a, "An hmanhmawh reng a lawm, In na em?? I confi ve tawh viau khan ka hre si a" a pa chuan nui deuh vun vun chung chuan a ti a, "Na lo e, ka ban hi tlem a pilh deuh a ni mai" Veni chuan a ti a, an sawi sa zuia kan nui ham ham a.


A nu leh pa te nen kan ti ti a, Ka Inkhawm min hmuh ve țhin thute min hrih a, An ina leng fo turten min ti bawk a "I In ang chiah in rawn ngai rawh, eng phei chu kan nei lo a" a pa chuan a ti a. A nu leh pa chu Kum 40 aia u awrh emaw an nih a rinawm, Kan Upa ber te nen a inrual khat vel an nih ka ring. Chhungkaw in enkawlna felfai tak an nih a rinawm, an inchhung chu a felfai thlup a, choka, Țhutkhawmna Pindan, TV enna tih vel an nei hran thliah thliah bakah an fate 3 mutna niawm tak pawh an nei tel bawk. Engeng emaw kan sawi hnuah "Tea, Lehkha zir a hun e, Phone dah ula" a pa chuan a ti a, an 2 chuan an tho tharh a, Room ah an lut zui nghal a, "Leng reng rawh, Keini pawh Kan țhenawmte an chhungte boral an awm an ti a, kan va dak ve lawk a nge, Thingpuite kha lo lum tirla" tiin an nupa chuan min chhuahsan ta daih a.. Kan 2 chuah In hlat deuh chuan Țhuthleng hran ve ve ah țhu in kan awm ta ran a.


"Engtik ah nge i chhuk leh dawn?" sawi tur avang duh kher mai, "Ka hrelo, kar leh tawp lamah a nih ka ring" a ti a, TV chu kan en leh deuh ngar ngar a.. Kei sawitur hrelo, a ni lah sawi tur hre bawk silo, Kan TV en chu kan nui leh hak țhin a, "Crazy Rich Asians" tih film Mizo țawnga lehlin kan en a, a aw thawhtu ten an thiam bawka kan nui leh hak hak țhin a. "Thingpui kan lum ang aw" rei fe kan ngawi hnuah a rawn ti chhuak boh a, "I thu thu" ka ti a, a tho tharh a thingpui lum tur chuan choka lamah chuan a phei ta a, A chezia vel chu ka en reng a, ka duh ang chi hlir hi a ni niberin ka hria, ka mit a la ngawih ngawih a, A pian nalh over ni der si lo nalh ve tak si, Cher tih dawna cher chhia ni silo, Khal tih dawna khal over ni hauh silo phe vel chu mit tlallo lekin ka thlir a. He nula hi tinge hetia ka lo thlir leh vung vung țhin le? Hmeichhia hi ka ngaina lo viau emaw ka lo tih țhinna, ka lo chapo ruk ve viauna kha he nula te hi ka hmuh takah chuan ka chapo rukna kha paih tlak vek a ni ta a ni ber mai. Amah lah chuan ka rilru engmah a hre awm der silo....

A thingpui lum lah chu an tui special em em khawp a, Bena famthu ka hrechhuak zawk a "Kan star ruk deuhte in ah kan han leng a, Min lo duh ve deuh emaw min iai biklo a ni tih hriatna chu an thingpui lumah hian a nia, Min duhve tu deuh chuan Thingpui special deuh min han lum ngei zel a, Dal deuh bawng zun ang maia ti deuh rum mai min chhawp sak hi chuan min chuekha vak lo tihna a nia, Len zui duh tawh miah loh tur. Miin "a chhelo" an tih pawn "Thingpui lum a thiamlo e mai" tih daih tur" a ti fiam a, kan nui ham ham nghe nghe. Veni Thingpui lum hmel leh a tui dan hriat chuan Bena thusawi kha tak tak nise ka ti rum rum hial a. "Thingpui lum hi ka thiam vaklo a, a tui lo maithei" nui deuh saih chung chuan a ti a, " a tui khawp mai" ka ti a, han sawi zui dan vak ka thiam lo. He nula hi engtin nge ka huang ah ka khalh luh theih ang? mi țanpuina han dila han sawi vel lah ka tihchi a ni der silo, Mahse keimah mimal teh tawp hi chuan ka huang ah ka khalh luh ka ring hauh thung silo.

"Nutei a rawn haw ve tawh em?" a ti a, ka bo leh hu pek a "Tu Nutei maw?" ka ti a, "Aw i inchung a mi kha, an nula kha" a ti a. Kan Inchungte hian nula țantir B.A 1st Year zirlai an kawl ve tak tih reng ka lo hre tawh lo pek a, A felin vawi 2 lai ka buh min țhap sak tawh nghe nghe, Aizawl lamah a awm bo daih avangin ka awm tirh ni reilote chhung bak kan inhmu hman talo kha a ni a, "Eh.. Nitak, ka hmu ngai miahlo, a rawn haw tawh em le?" ka ti a, "Vawiin hian rawn haw chu a tumin ka hria" a ti a, "In inhria em ni?" ka ti ngawt pek a. A hriat vanga min zawt na reng reng a "Hria e, Naupangtet ațangin kan inkawm a lawm, Hostel ah kan lut rual dawn lehnghal" a ti zui a, "anih chu mawle, Ala rawn hawlo a niang kan inhmu lo e mai" ka ti hram pek a, a sawi vek tawh reng si a. He nula bulah hian ka hamhaih reng mai zawng a nih hi "Nia..Ka la be miahlo" a ti sap a, Mawl min tih ka hlau viau, Sawi zui tur lah ka hrelo viau bawk. Thingpui ka inzawh ah rei vaklo ka țhu leh a, ka Nu phone call ka dawnga ka chhang mai duh lo a, "Ka hawng ve tawh a nge, I nu te rawn haw hma a ka hawn loh chuan zak theilo min ti lutuk palh ang" ka ti fiamthu ve luam a, "A la hma a lawm, tih tur i nei chuang a mi?" nui chung chuan a ti a, ka mawng kan ut tawh chu ka nghat leh ruai ruai țhelh a, "Nei hran lo e, hun dangah ka la rawn leng leh zawk dawn nia" ka ti ta ngawt a, "Nia, ka awmloh hunah pawh i lo leng ziah dawn nia" a ti a, Hawng tura ka thawh tak avangin an veranda thleng chu min thlah ta nge nge a. Ka hawn kawngah te chuan ka ngaihtuah zui a, kha hmeichhia pawnlam lan dan maia thlira thianghlim vel vek kha ka nel mah mah ang nge, Ka nel sual ang tih te ka ngaihtuah zui a. Keimah mimal irawm chhuak a Nula ka rim vawi 1-na changtu a nive tlat bawk. Engemaw takin ka hlimru viau a, ka kalte pawh chu ka kal phur vawk vawk viau, In ka thlenga ka nu ka call let vat a, reitawk kan inbiak hnuah Lehkha chhiar turin ka inbuatsaih a, Zan dang anglo takin ka chhiar tui thei hauhlo lehnghal, ka tumloh deuhin ka lo ngaihtuah veng veng a, a chetla vel lai ka mitthla ah a lang zut zut a, keimah chauha awm e tilo chuan ka khi deuh vun vun reng bawk a "Ka va duh reuh tak, Bena chuan hriase min nuihzat viau ang" ka ti sup a "Lasi te Lalnu" ni main ka hria, Ka mit a a țhat uchuak dan kha...



Link:
BBcode:
HTML:
Hide post links
Show post links

Tochhong Ruata
Posts: 53
Joined: October 2nd, 2016, 1:46 pm

Unread post by Tochhong Ruata » March 18th, 2019, 10:53 pm

Chapter 2

"U Zoram, i awm em?" tiin ka kawngka chu an rawn kick karh karh a, Inrinni chawhnu lam a ni a, Ka in hnawk ka thian fai e ka ti ve a, ka buai nak nak khawp mai, Buhthlei ka ngai leh tawh bawk si, Kan Inchung nula Nutei zingah ka han sawm a, KȚP hnatlanga thawh a lo tum bawk si, engtin nge ka tih ang, buhfai țha a nia, thlei lohin ka ei mai ang chu ka ti rilru a. Kawngka ka hawng a Nutei leh Veni an lo ni a, "U Zoram ka nu in Buhthlei a ngai a ti a" Nutei chuan a rawn ti a, Veni chu a hnungah ngawi rengin a lo ding a, "Nia.. Mahse KȚP ah in hnatlang dawn khan ka hria a" ka ti a, "Kan bang tawh a, Biak In ah Pangpar hmun kan ti fai a" a ti a, ka lo indah hnawk nasa mai si a "Anih chu, Lo țhu hahdam phawt ula, hei hmun te hi kan phiat fai lawk a nge" ka ti a, an nui deuh pat pat a "Khawi ka lo phiat ang" tiin hmunphiah chu a chuh tharh a. Veni hi nimin tlai nen ka in ah vawi 2 a rawn kalna a nive der tawh a, Mahse a hnawk em em lai zel a rawn hmu a, "A ngailo, ka phiat ve thiam a lawm" ka ti nangin Nutei chuan hmun chu a hawl nghal rak rak a.

Ka bungraw hnawk chu ka dahfel mawlh mawlh a, Insuk ngai ka nei nual bawk a, ka Insu zui nghal a, Veni leh Nutei chuan Buh an țhap a, zawite te in an ti ti pah a, Nutein buh a thlei a, Veni'n A hum a lo hai thung a. Engemaw ti takin ka phur riau, dar 3 a ri hnai dawn tawh a "In fel bawk a, ei tur kan lei a nge?" ka ti a, "Ngailo, Hnatlanna ah kan ei tawh" an ti tlat nangin engemaw tal ei tur lei tumin ka chhuak ta tho a. Veni rawn lang tel ve hlawl chuan min ti zauthau deuh niberin ka hria, Kekawr tluan puan nem deuh ang chi par dal deuh riai a ha a, T-Shir Senno a ha bawk a, a inhmeh nang mai. Thingpui ka lum a, an bul hnaia ka awm chuan an ngawi ngal a, an nui leh hak țhin a "Enge min nuih zat a ni maw?" ka ti a, "Veni hian a khawngaih che a" nui chung chuan Nutei chuan a ti a, "Dawt sawi suh" Veni chuan a lo ti vat a, an nui dun hawk hawk a, "Nia, Ka khawngaih thlak a lawm" ka ti sam et a. Ka che vel ka zeilo ve hrim hrim bakah Bungrua ka nei tam em em lo a, Lehkhabu ka ngah hlur hrim hrim a, en mai chuan ka retheih hmel ve bawk em a ni.


Thingpui ka lum zawh chuan an ni pawn ka buhfai neihsa chu an țhap zo vek tawh a, Thingpui in chuan kan țhu țhap a, "Chaw ei ve ula" ka ti a, an nui hak hak a "Veni hian ei ve rawhse" Nutei chuan a ti a, ka va en a asen ap ap a, "I van zaklo tak, Nangman ei rawh" a ti a, "In 2 in ei ve ula, Tukin ah Nutei pa in Vawksa min lei kep țeuh a lawm" ka ti a, "Tak takah a ngailo, Kei chu chaw pawh ka ei peih ka ringlo" Nutei chuan a ti a, "Kei pawh, ka ei peih bik lo ang, Zan inkhawm i tum em?" Veni chuan a ti a, "Keimah maw?" ka ti hu a, "Aw..aih.. Nutei nia ka tih" a ti bah nak a, "Inkhawm dawn e, U Zorama chu a inkhawm ve ngailo, Lehkha a zir reng ringawt mai a ni" Nutei chuan a ti a, "Ka inkhawm ve țhin reng, i awm laiin ka inkhawmlo mai mai a lawm" ka ti vat a, Kan ti ti nak nak a. An ni 2 pawh an tlangnel tawhin an țawng duh ve tawh hle, Eng eng emaw an sawi a, An class kal chung changte an collage chung changte an sawi a, ngawi rengin Lehkhabu bih chungin ka lo ngaithla a. A khat tawkin Veni chu ka melh leh zauh țhin a, a ti ti, a nui engkim mai chu ka en kham theilo a ni ber mai. Nutei hi Sațha lam pang, hmaitlak chhe vaklo ngo lam a ni a, hmeichhe duhawm tak chu a ni ve hrim hrim tho, Mahse Veni lakah chuan chhe tak a ni thung. Chutia an ti ti lai chuan Veni phone chu a rawn ri a, a chhungten an rawn bia a ni ngei a niang "Nute hawn ka ngai, eirawngbawl ka ngai a, Zan chu inkhawm ang u aw" mei nei deuha min rawn melh zauh pah chuan a ti a, "Nia, U Zorama pawh hi kan hruai lui dawn nia, Hawh ka thlah ang che" tiin an ding ta hluai a, "Nia, Ka lo tum ve dawn nia, Țhian kawmtur ka neih loh vangin ka inkhawm lo mai mai a lawm" ka ti a, "Nia, kan inkhawm ho dawn nia" an ti a an haw ta a.

An chhuah hnuah chuan Veni chezia vel chu ka ngaihtuah let neuh neuh a, Min haw bik lo nia hriatnaa te kan neih leh rih a, Ka ngaizawng nge ka hrethiamlo ka en kham thei lo a, ka rilru leh mitthla ah amah lo chu tumah an lenglo a ni deuh ber tawh mai. Ei ka rel a, Mahni a awm tih takah ei rel chhung a rei lemlo, Chumi pah chuan Lehkhabu ka chhiar pah a, Mahse rilru ah a lut thei meuhlo "Nutei bulah ka sawi ang, Bialpa a lo nei reng maithei thung, Khatiang ang a hmelțha kha ngaizawngtu an tam ngei ang, Nutei ka zawt ang, Ngaihzawng a nei a lo tih vaih chuan a zahthlak duh dawn viau. Ka zawt leh lo mai ang" tih vel chuan ka rilru a inhnial bab bab reng a, Ka lehkhabu chhiar pawh rilru ah a lut thei meuhlo. Sap hoin The Mib an tih mai, Khuavang Lalnu (Lasi Lalnu) ni maia mawi a ni, Ka chhuah tur a ni lo, Engpawh nise min haw biklo tih ka hria, ka huangah ka khalh lut ngei ngei tur a ni. Kar leh tawp lamah a chhuk leh dawn a, Chumi hma chuan engkim ka chian hman vek tawh tur a ni" tiin rilru ka siam fel a, Zan inkhawm chu ka tum ta viau bawk, Phur deuhin Inbual turin Bathroom ah la lut zui ta nghal a.


"U Zoram i hman tawh em?" ka insiam mawlh mawlh lai chuan Nutei chuan step tawp ațang chuan min rawn ko lang lang a, Ka insiam zo a ni deuh der tawh a ka chhang duh mai lo a. Kawngka a rawn ri rak a "I la hmanlo a mi?" Nutei bawk chuan a rawn ti a, "Hman e, hman e, ka rawn kal nghal" tiin ka room ve ațang chuan ka chhuak nghal sawk sawk a, "I va inchei rei ve, Veni'n Biak In kawtah min nghak reng tawh a nia" a ti a, a nui var var a, "Awle, Tala kha lo la rawh" tiin Ka Bible leh hla bu chu ka zawng nawk nawk a, Ka dawhkan a ka dah mai țhin kha a ni si a, Chhun lama ka inrem fel khan ka lo dah țha a niang ka hmu ta mai lo a, Kan hai ngial hnuah ka hmu ta hram a "Ka indah fel lutukin ka bible leh hlabu ka dahna ka hre mai lo a" tiin kan inzui chhuak a, "i van tlaw tak" a ti a, Kawngka kalhin kan chhuak chho zui ta nghal a.

"Nizan ah Veni nen Tuikawrh ah in tlan lut a ni maw?" Nutei chuan nui chung chuan a ti a, "Nia, a zialo tak tak a ni, ka khalh thiamlo der pek a" ka ti a, "Nia a sawi a, a zah thu hlir a sawi" a ti a, ka kiai suk a "a hrim hrimin Veni hian a star deuh che niin ka hria, a sawi reng che" a ti a, "Engmaw ka awihlo Vawi 1 bak kan la inhmu reng renglo, chutiang turin engmah a hre lovang" ka ti a. "I hmuh hmain a hmu daih tawh che a lawm, I rawn awm tirh vel khan, Collage țan hma khan mawle" a ti a, "Enga?? Ka awm tirh khan hetah a awm tawh a maw?" ka ti hu a, "awm e, Sunday i inkhawm hmasakna berah khan 'Tunge?' a ti che a, Ka pa nen Inkhawm tura inrawn kal khan" a ti a, ka lum deuh pup a "Engtin nge i tih?" ka ti vata, "Kan Awmpui Burma thingzai ka ti che" nui chung chuan a ti a, Kan nui dun hak hak a "I duh em?" a ti ta reuh a, Ka phu deuh zawk a "Tu chu maw?" ka ti deuh kher a "aw.. Amah Veni" a ti a. "Duh e" ka tih nghal ngawt chuan lerh min tih ka hlau si, "Akhai, Mi bialnu duh lo tih ve ngawt chi a ni nang, a hmel chu a țha ve reuh khawp mai" ka ti a.. "A lawm ngawt ang, A Pa, a cool, ka duh chi" hi a tive ziah che a, Ka țhiannu hi a luck a nia, Mahse Mipa hi 'ka duh chi' tia a sawi ka la hrelo hrim hrim, SDO Fapa pawh khan a ngaizawng nasa thei lutuk" a ti ta reuh a.. "I hrilh mai mai a nge, Chu mi bial nu leh nghal" ka ti a, "Khi a rawn hawi dauh dauh khi" a ti a. Biak In kan thleng dawn hnai a, Biak In Step tawp ah Veni lo ding chu ka han hmu a, Zan ni mahse Biak In kawt vela light eng chuan a chhun thei a, a pian dik zaih mai, Puan bih hnalh mai chu ka han hmu phak a, a nu hmel zemzawm hle.

"In va tlai em em? Minute 5 chiah a awm tawh a nia, an lut zo vek tawh" Veni chuan a lo ti a, "A insiam rei em a lawm, nalh loh a hlau lutuk a" Nutei chuan a ti a, ka nui ringawt a. Veni chu a inthuamna chu a inhmeh kher mai, Engtia inchei pawh a mawipui zel a nih dawn hi, A uchuak silo, Mizo nula ten intih nalh nan Pheikhawk ke artui sang zet mai an bun a, an kal bu tloh tloh ang hi a ni lo, sang ve tho uchuak hauh silo a bun a, a kal zaih zaih mai bawk a, Khawpui nula zingah pawh awmse "Hei chuh" kan tih tur zing a mi ani chiang khawp mai. Biak In chhungah kan țhu ho thei chuanglo, Kei chu Țhalai Mipa țhutna tlar hnung lamah ka țhu a, an ni erawh a chhungril lam an pan thung. Inkhawm ve ta chenge tilo chuan ka rilruah Veni bak a awmlo, A tukhum che miahlo a țhu ngar mai chu ka thlir vung vung a, rawn hawise lo nuih vur vur i la tih te chu ka rilruah a awm daih thung. Inkhawm chhung zawngin a che sawn miahlo, Din hunah a ding a, Bible chang chhiar en huna bible a bih tih hriat takin a kun deuh a chubak engmah a che sawnlo, a muthlu heklo, Chik zetin ka lo en bawk a, ka hmu chiang hle. Inkhawm hruaitu kan hmaa țhu chuan minlo chik ve chiah se chuan Inkhawm lam ka rilruah a awm lo a, Țhalai țhutna Hmeichhe tlar lam ka en ngat ngat tih a hrethiam ngei ang le.


Inkhawm ban ah Biak In step tawp ah ka lo ding a, Inkhawm an țhahnem phian a, Hetiang thingtlang khaw lian a veng pakhat kohhran inkhawm hetiang zat zat an nih ka ringlo, Chupawh Inrinni zan mai a ni si a. "I va chhuak rang awm ve" Nutei chuan a rawn ti a, "ka țhu hnung em a lawm" ka lo ti ringawt a, Step ah chuan kan chhuk a, Nutei a laih a kala, kan 2 in a sir ve ve ah kan kal thung "U Zoram, Veni te in ah kawi zawk ang aw" Nutei chuan a ti a, "I tih dan dan a ni mai" ka ti a, Ka rilru chuan ka phur nghal hle mai "I lawm khawp kha" a ti a, kan nui hak a, "Enge kan tih dawn?" ka ti vat a, "Aw.. Duhsaki Birthday kan lawm dawn?" a ti sam et a, Duhsaki pawh chu ka hre chuang hlei lo a, han zawh mai ka hreh ve khanglang lehnghal. An In kan thlenga, Nutei leh a chhungte chu an infiam nak nak a, Kei pawh min be zawk nangin min be thui lemlo, Rei pawh kan țhut hma chuan Veni chu a inthlak zo a. Vai kawr fual engdal lam deuh a ha a, Vai kekawr lian hnulh țial parsen duk aha bawk a, a inhmeh kher mai, a vun nalh tak nen chuan a in kap eng tawn phat a ni ber mai "Mambawih lo haw harlo la" a nu chuan a ti a, "Ka bulah a riak dawn" Nautei chuan a ti awlsam et a, "akhai, lehngawt chuan" a nu chuan a ti a, "Naktuk zan ka rawn riah hun a lawm" Nutei chuan a ti awlsam leh et bawk a, Kan chhuak zui nghal a.

"U Zoram i In ah Duhsaki Birthday lawm i la?" Nutei chuan kal pah chuan a ti a, ka hawi ho mai a "Eh.. ka hre nang?" ka ti a, "Hmm lehkha i zir leh duh pek a mi?, Zirtirtu nih hnua lehkhazir reng te chu a" a ti zui zat a, "Zir dawn lo e, Weekend te hi chuan ka chawl ve a lawm" ka ti a "in duh phawt chuan a ni mai" ka tih zawm zat a, "Anih chuan le, Bawihi Duhsaki chu Phone rawh, kan In ah lo phei ve mai rawhse" Nutei chuan a ti nghal zung zung a.. Veni chuan Phone chu a sik niap niap a, "Hello, Duh.. Nutei nen in be teh u" tiin Nutei chu Phone a pe ta daih a, "Aw.. Duh kan in ah ti mai i la, I uten naute an neih bawk si chuan" Nutei chuan a ti a, "Awle.. Keini pawh kan haw mek e, Lo phei vat ang che u" a ti zung zung a, An inbiak zawh rual chuan "U Zoram, I inah chuan kan ti dawn tak tak a nia aw" nui chung chuan a ti a, "In thu thu a ni mai a lawm, In tam dawn em?" ka ti a, "Tam lovang, mi 6 kan ni ang" a ti a, " awle" ka ti ve mai a.

In ka thleng a, Ka dawhkana Laptop leh lehkhabu ka dah te chu ka room chhungah ka dah lut vat a, A bak hnawk ka nei tawh bik rihlo, Ka inthlak fel a, Rei pawh ka awm hmain an rawn ri țak țak a, Nutei, Veni leh Duhsaki an tih chu an rawn lang a, "Lo țhu rawh u, Engtia lawm nge in tum?" ka ti a, "Engtin vak chuang mah, Duhsaki hi a Bialpa in Cake a leisak a chu zawng chu a ni mai" Nutei chuan a ti sam et a, an nui ham ham a,.. "In tih dan dan khan in awm dawn nia" ka ti a, lo awm ve kha nuam ka tih chiah loh avangin Room ah ka lut leh a. An ti ti barh barh a, Veni chu an ti ti a ngaithla a ni ber mai, Nutei chu a țawngduh viau emaw ka ti a, Duhsaki an tih bulah chuan a ngawichawi hmel hle thung, an țhiannu ti ti chu an ngaithla a, an nui hak hak hlawm a. Duhsaki pawh hi hmelchhia a ni lemlo, a sang thlarh a, a pian a nalh em em bawk, Mahse Veni tluk chu ka ti hauhlo thung. Khuma muzal chungin an ti ti chu ka lo ngaithla reng a, ka lo khi suk suk a, Duhsaki an tih chuan a Chetchhiat dan, a bialpa nen an chanchin tih vel a sawi a, an nui leh hak hak țhin a. A khat tawkin an phone chuan an bialpa te ni awm tak chu an bia a "In va muang ve, kan hawnsan daih ang che u.. Rawn kal san ula a ni mai a lawm" tih velin an han inbe leh ang bawrh bawrh țhin bawk a, an thawm ah ka lo khi ve suk suk reng a, Lehkhabu ka bih pah reng bawk a.


"U Zorama kha khawnge?" Veni aw chuan a ti a, "Ka hrelo, A chhuak a niang, kan In ah a chho nge mawle?" Nutei chuan a ti liam puat a, "Ven, a chhelo ka ti, I star chhan pawh ka hre mai" Duhsaki chuan a ti a, "a.. ka awihlo, Enge ka star chhan chu?" Veni chuan nui hak hak chung chuan a ti a, Ka beng ka dawh rang hle " Aw, i duh zawng type a nia, a palian a, a ngo puak bawk lo a, a cool ruih bawk si a," Duhsaki chuan a ti a, an nui hak hak a, "Hmm... U Zorama pawn a star ve tho a lawm" Nutei chuan a lo ti vat a, "A țhat nasat chu, James ai chuan a țha zawk hrim hrim" Duhsaki chuan a ti a. Tunge James a chu nita ang?? chu hming chuan ka beng a verh zawr mai le. "sawi ve ziah suh, kha pa kha, a ring sei sei nen" Veni chuan a ti a, an nui hawk hawk a, "a tirah chuan i duh ve tho kha, a la rawn ho lo a mi? ka hmu khat tawp" Nutei chuana ti a "Haw lo a niang, An department thil ah Delhi an kal an tiin ka hria, Mama khan" Duhsaki chuan a ti a, "Ninawm, ka kham, in sawi ve ziah, Nangman duh rawh Officer te chu i ti vel a nih kha" Veni chuan a ti a, "aww a tirah kha chuan a fel hmel em a lawm" Nutei chuan a ti a, an nui a, Chutih lai tak chuan ka in kawngka chu tuemaw hian a rawn kik a, "Hmel ho lo lut nghal rawh u" Nutei chuan a ti a, Mipa aw a rawn ri a "KHUMA hi a lawm, muang țeih țuih lutuk mai" Pakhat chuan a ti a, "Nangmah ni a nih kha, In zu la in rei lutuk a" Pakhat chuan a ti ve bawk a, "Zu in a chi miahlo a nia aw, Kan School a thawk Geography teacher thar a nia, In luahtu hi" Veni chuan thutak deuh chuan a ti a, "Zu kan la awkawng lo, Hmuak eka hian dawt a sawi a nih kha, Khawnge cake kha?" pakhat chuan a ti a, "Eh.. Motorah "an ti a, "In va nawi tak, han la vat rawh u" an ti a, an nui ham ham a.

Zu leh Cake lamin ka rilru a luahlo, Ka lawm vangin ka khi vur vur a, Veni chuan minlo star ve maw?? Engkim hi ava tluang dawn perh purh ve mawle... Mahse tunge James a chu? Officer an tih bawk chu?" chu chuan ka rilru a luah ta thung. Veni nen chuan engemaw thil thleng an nei ve tawh ngei a niang a? an chesual tawh a ngem? a fawp tawh a ngem? ka rilru chu a kal kual pup pup a, Kil tin a dap a, Thikna a lo chhuak nghal a, ka lum pup pup niin ka hria, A tu chunge ni ang le?? A hmel hmuh ka chak kher mai bawk. An ri nak nak a, an nui ham ham a, ka awm tih hre heklo an infiam nak nak a, an in ngamtlak hle a ni tih an ti ti ah chuan a hriat theih. Ka va chhuah chuan an zak dawn bawk si, room a zang lo chuan chhuahna a awm bawk silo, a buaithlak ang reng hle, a khat tawkin "Khawnge a kal daih le?" an han ti leh rih țhin a, "In ah pawh a awm lo?" Nutei chuan a rawn ti a, "Phone la," Veni chuan a ti a, "Hmm
a number ka nei hleinem? balance pawh ka neilo hrim hrim" Nutei chuan a ti hlak a, Chhuah tumin ka tho uk hman tawh a "Ka phone hi hmang mai rawh" Venin a tih rih ah chuan ka mu zui lehnghal a, "a phone number i nei hman a maw?" Nutei chuan a ti a, an nui ham ham a, "i che rang hle mai" an ti a, "Nei lo e, Mahse vawiin khan dawhkan ah kan a lehkhabu ah khan a number inbel ka hmu a" Veni chuan a ti a, "Hmm... A number inbelna lehkhabu pawh a awm chuan loh hi?" a ti hlak a. Ka lehkhabu roh deuh ah hian "He Lehkhabu neitu hi ka ni a, I lo chhar palh a nih chuan he number ah hian min rawn hrilh dawn nia, ka lawm khawp ang" tih hi ka bel vek țhin. chu chu Veni khan a lo hmu hman pek a niang, "aw.. Kha Side table a, Lehkhabu ah khan a awm ang chu" Veni chuan a ti a, "I number kawl i chak vang a niang" Nutei chuan a ti fiamthu a, "Chutiang a i ngaih chuan be lo mai rawh" Veni chuan a ti let a, "Min rawn call ngei se, Veni number dil buai ka ngailo a ni mai" ka ti rilru ta zawk a. "an ti tau deuh a, khawi" a ti a. Rei veklo hnuah ka phone chu a rawn ri ta cher cher a, "Room ah phone a dah" an ti a, Mahse ka tho a, ka chhang lui ta tho a, "I va ngeiawm tak, i muhil a mi?" Nutei chuan a ti a, ka muthilh der a ngai tih ka hrechhuak zawk a, "aw ka lo chhing sek a, enge nita?" ka ti a, "Lo chhuak rawh" Nutei chuan a ti a. Ka hriat tham loh chuan eng emaw an sawi a, an nui a,.. Tho phang hmel deuh chuan Room ațang chuan ka chhuak ta a.

An zak hmel viau mai a, Mipa lo awm vete chu an mahni rualpui vel vek an ni a, an awmdan velah chuan tleirawl harh ve tak an ni tih a hriat hle, ka awm tih an hriat hma a an boruak a zan hlawm nen ka hmel an hmuh takah chuan an hawiher a danglam tlang ta hlawm hle, zangkhai bera lang Nutei pawh a nui put put ringawt tawh mai a ni, "Enge in ei dawn a? Duhi Birthday chu engtin nge in lawm dawn" ka ti a, an inthlahrun loh nan ka ti a ni ber mai. "Hei Frozen Food an rawn keng ve a, Cake kan zai bawk ang a, chu chu a ni mai" Nutei chuan a lo ti a, "A țhat chu, Frozen Food siam specialist a lawm ka nih, keipawn Drum stick chu ka la neih ve kha" ka ti a, ka refrigerator lian lo ve tak chu ka hawng a, ka dah chhuak a, "Kan lei țeuh a lawm a ngailo" Mipa pakhat chuan a ti a, "Khai min hisap tel ve lo ang" ka ti a, "kan hisap sa vek che a lawm"an ti nangin an leisa te nen chuan ka dah khawm a, "Ti ti leh bawrh bawrh rawh u" tiin ka bula ding Veni frozen food pack hawng mawlh mawlh lai chu ka melh ru zauh a, a nui a, a țhiante a chhiatkhum lai chu ka hmu ru reng a.. "U Zoram khawi keimah nin kan lo ti ang" Nutei chuan nui hawk hawk pah chuan a ti a, "Ngailo in siam thiam lovang, keiman kan siam a nge, lo ti ti leh rawh u" ka ti leh kher a, Za em em in an nui chhuak ta ham ham hlawm a.


Nutei, Kei leh Veni te chuan ei tur kan siam a, Midang ho chu an ti ti a, A țhenin an phone an bih bawk a, chutah "enge in tur kan lei dawn?? ka theihnghilh daih" Mipa pakhat chuan a rawn ti a, Nutei chuan "Cock lei mai ang u" a ti vat a, "Kan va lei a nge, tikhan lo siam ula" Duhsaki chuan a ti a, "In lei thiam lo ang, ka kal ve duh" Nutei chuan a ti a, engmah kan sawi hma chuan an vai chuan an chhuak ta diak a, Veni nen chauh kan awm ta a. "an va sual tak" Veni chuan ati sap a, "ti maw?" ka ti a, "an kal vek a" a ti a, "Kal vek se ka lo ti zawk a sin" ka ti a, ka melh zauh a, Sauces chan malh malh chung chuan a nui pet pet a "Rei deuh kal se tih naklai a" ka ti leh a, "eng vang chuan?" a ti a, min rawn en a, Engmah ti lovin ka lo en reng tih a hmu a, a sen ap ap a "Aw.. kan 2 chauhin kan awm hi" ka ti a, a kun vat a "I sual" a ti ringawt a.


"Enge ka sual na?" ka ti a, "I hre vek" a ti leh ringawt a "Engmaw?" ka ti a, "i hriat vek kha" a ti leh mai a, "A eng chu maw ka hriat a?" ka ti leh a, "Kan sawi kha, an daw mai mai a nih kha" a ti a.. "Ka muhil daih a in thusawi ka hrelo hrim hrim, enge in sawi a, Min rel a ni maw?" ka ti a, "Na... I van sual thiam tak" a ti a. A awmdan ah chuan min haw tak taklo, sualpawh min ti tak taklo tih ka hrethiam nghal a, Mahse han tih kual vel ka chak ve hrim hrim bawk a. "Ania lawm, engtin nge min rel reng reng a?" ka ti leh ngat a, "I hrelo tak tak maw, I muhil tak tak a mi?" thutak deuh chuan a rawn ti a, Kan in dinchilh a, kan in en vang mai bawk a. A hmel duhawm leh mitmeng fiah thip khai mai, Mahse nunnem tih hriat tak ni bawk si chuan min en a, a engkim mai chu fuh vel vek ni berin ka hria. Sawiselna tur engmah ka hmulo, "aw.. țhen khat ka hria a, țhenkhat ka hrelo" ka ti a, Ka nuihza insum chu a hrethiam a niang "I hre vek, i hre chiang" a ti a, a sen ap ap a, "Duhsaki Bialpa Jeans kekawr lei sual kha ka hria" ka ti a, a nui hak a "S-a hi chu a chhaw chhah ve a nia" a ti a, a nui hak hak a, kan boruak thlak a tum ve hle. Keiin chutia lai hmel deuh hlauthawng taka a awm vel hmel chu hmuhnawm ka ti ropui si a, "Chuan a dang tlem Mipa ho rawn thlen hma deuh a mi kha ka hre bawk" ka ti a, Tui suak turin ka kal kiang nghal a.


"Hey, i van sual, a englai kha?" a ti a, Tui chu ka suaka, "Tunge I bialpa ve deuh kha? englo Sap hming nei ve kha" ka ti a, ka thutak deuh hmel a hmuh chuan a sen ap ap a, "Ka bialpa a ni bawklo" a ti hlak a, "Englo... tunge kha aw??.. E Jamesa tih niin ka hria, Officer ani ti raw?, Bialpa i nei țha hle mai" ka ti zui leh kher a, "Naaa ka Bialpa a ni lo aw, ka duhlo hrim hrim" a ti a, țawng sual a inti a niang a nui suk a, "mahse Nutei sawi hmang khan i duh ve deuh a nih hmel" ka ti leh kher a, "Na... Teuhlo, Amah Nutein Duh rawh" a tia nih kha" a ti ta reuh a.. Kan ding dun a, kan thil kanna tur tel kan chhuang a, Dawhkan chu hnung lamah țhut chiah ni silo in kan ngheng a, kan dar a insi rial a, amah si deuh a ka ding lui chu a haw lemlo. Kei pawn an thusawi ka hriat tawh sa vangin ka inthlahrung em em bik lemlo. He Nula hian thil tam tak ah min ti danglam a ni ber mai, Ka tih ngai reng reng loh a chetla ka thlir vung vung fo a, an in ah ka zui haw a, Phur takin Saturday Zan ah ka inkhawm phah a, Ka lehkhazir lai aiin ka rilru a luah tam zawk mah tawh a, Tunah a mah si chetin ka ding ve ngat bawk a.

"Chuan i duh ve ta deuh tihna a mi?" ka ti a, ka en pah nghal a, "aih, Duhsaki u te Office a an pu a nia, Pathlawi a ni lehnghal, Min ngaizawng a, Nutei duh rawh a ti a, mahse ka ti theilo hrim hrim, A kut hmawr pawn min la si lo" a ti sap sap a, a phone chu țul hlei loah a hmet eng ringawt a, "Tuna kan din dun ang pawh hian maw?" ka ti a, dak chuanglo chuan "aw" a ti sap a, "Nimin kan chaw eikhawmna a ka hmu thut che khan Sap thawnthu a Lasi Lalnu an sawi kha hmu ta niin ka inhre hma a" ka ti a, a nui hak a min rawn en ha a, Ka lo thutak viau tih a hmu a, mit la sawn miahlo chuan min en a, "Veni, Kum lamah i la naupang viau tih chu ka hria, Mahse ka duh lutuk che hi mak ka inti zawk a sin, Nang hi ka hmeichhe duh ber leh ka duh la awmchhun i ni nghe nghe bawk" ka ti ta tawl mai a.. Min en kal reuh a, a zak hmel ka hmu miahlo, a hua niin ka hre bawk silo "Ka awihlo" a ti ta daih a.

"Engvang chuan maw i awihloh, ka duh zia che hi i awih lo maw?" ka ti a, "Aih.. A awmchhun ka nih ka ringlo, Aizawlah Ngaihzawng i nei awm e mai" a ti a, Chhan tuma ka ang zuau hman tih ah, a țhiante step a rawn chhuk țawng ri nak nak thawm kan hre ta a, Ka Tel chhuanna lam ka hawi vat a, a ni pawn dawhkan a hruifai vek tawh chu pawchhia la awm chuan a hru ve nghal zaih bawk a. "In duh aiin kan rawn haw hma em?" Duhsaki chuan a rawn ti lut nghal tawng a, Kan nui a, an nui bawk bawk bawk a, "Inla kang hmin nange?" Nutei a rawn ti bawk a, "Aw.. Tel a la hmui loh hi" ka lo ti ve mai a, "Nuam in va ti dawn tak, ka țhianu hi a hmel a nung sar mai" Nutei chuan midang hriat ve phak siloh hian zawite in a rawn ti a.. Kan in ena kan nui ringawt a.

An thil ei tur kan siam zawh ah, Cake zai an rawt a, Keiin ka SLR Camera ka la chhuak a, thla la lo lak sak a, an hlim dar dar hle, a țhiante rik nak nakna karah chuan kan mit a intawng leh sak țhin a, In hrethiam tawn takin kan nui leh ver ver țhin bawk a,.. Cake an zai zawhah kan duhlo chung Veni nen min inbarh tir a, kan nui bawk bawk hlawm a, Nuam kan ti tlang ve phian.. Engmah sawi fak tur awm chiahlo mahse kan inhrethiam tawn tawhin, kan boruak a in man chho tawh viau... A țhianten an fiam zauh pawn a nui a, engmah sawi lovin kan in en leh ringawt țhin. Eitur kan ei zo vek hnuah rei veklo kan ti ti khawm a. An ti ti ka ngaithla a ni ber zawk, Veni nen ka țhuthleng sei ve 1 ah kan țhu dun a, Midang zawng țhuthleng dangah an țhu a, Engemaw takin chu zan chu nuam ka tiin ka phur ru ve em em ringawt, Sana ka en a, A ban a vai kual chak ka ti rilru hle bawk a. Dar 11 rik dawn țepah haw an rawt a, Kei pawn ka thlah a, Midang zawng hnungah kan kal a, "In i thlen hunah min rawn be rawh aw" ka ti a, "Mm" a ti sap a, Thim chinah kan kut a inkai a, Mahse kan inkai reilo hle.. Duhsaki leh Veni chu Biak In piah lama awm an nih vangin motor chuan an va thlah a.. an tlanliam thleng ka thlir zui a "In sawifel hman maw?" Nutei chuan an in luh hma chuan a rawn ti a, ka nui a... "Mangțha aw" tiin Step ah ka chhuk san zui ta nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 8th, 2019, 8:36 pm

Chapter 3.

"Ka thleng" tih zawng Whatsapp Message ka dawng a, Ka nui var var a, chhan let dan tur mai ka hrelo, ka type a ka thai chhia a, ka type a, ka duh leh lo a, Mipa zei tak hi chu ka nilo chiang a lawm, vawi 4 zet ka tih țhat hnuah "I mu nghal a mi?" ka ti a.. "I type rei nen" tih leh imoji nui lai a rawn thawn a, "nia, Ka type chak vak lo a" ka ti a... Nui lai a rawn thawn leh a, "James a kha ka bialpa a nilo a nia aw." a rawn ti leh a, ka nui a "a lawmawm hle mai, Ka thusawi kha tak tak a nia aw" ka ti a, a reh vang vang a "Mahse dawt a tel" a rawn ti a. "Eng chu maw?" ka ti a, "E.. A hmasaber i tih kha" a rawn ti a, "tak tak a lawm, tumah nang anga ka vawi 1 hmuhna a ka duh nghal ngawih ngawih an la awm lo, I hmuhnawm, ka tan chuan Lasi Lalnun i ni ber mai" ka ti a.. Nui lai a rawn thawn leh a "i awihlo tlat a" ka ti a, "ka awih a lawm" a tive ta nge nge a.

Eng eng emaw sawiin kan inbe reng a, Dar 12 rik dawn thleng kan inbia a, "tinge lehkha i zir reng a?" a rawn ti a, ka tumloh daih zawhna min rawn zawt chu ka hamhaih lek lek zawk a "Tuna ka hna hi chu a nghet lo a, hna dang ka exam leh ang ka ti deuh a" ka ti a, "Anih chu, Ka ti buai rei tawh che emai, Mangțha phawt aw" tih a rawn thawn a. Ka la khamlo hle, Mahse sana ka en a, Dar a lo kal duai tawh chu niin, hreh tak chung chuan "awle, Mangțha le" ka ti a. a reh vang vang a "Mumangah inhmu ang aw, Gud Nite" a rawn ti a, ka nui hawk a. Ava naupang chhia tak, ka rilru chuan ka ti a, He nula hi ka duh satliah mai pawh nilo, ka duh tak zet niin ka hria. Kan inbiakna kan tih tawp hnuah pawh amah ka ngaituah a talang chuan ka muhil mai theilo lehnghal, ka let ka let a. A chezia vel ațang chuan min duh ve niin ka hriat avang chuan ka hlim ru veng veng bawk a. Mahse Kar leh lawkah an chhuk leh mai dawn tih ka ngaihtuah chhuah chuan, Aizawl lama awm leh mai ka chak ta rum rum a.

Ka men rei deuh vang nge sunday tukah thawh ka hai heu mai a, Veni nen kan inhmelhriat ațanga ni 3-na chiah a ni a, Sawitlang dawt si lo in kan inkar boruak a țha hle niin ka hri a, Chu chuan ka awm a tinuam hle. "Hmeichhia kan duh deuh pawh hi duh huam huam anga lan hi mipa chuan tih hauh loh tur, Mahse a ruka ngaihsak tlat thung tur" tia Bena fiamthu ka hre chhuak a. "Kei pui hi ka duh thute kha ka sawi nghal pung pung a, mi hi a bechhe lo ringawt ang a, Mi a star ve satliah ringawt ang a, a țhiante bulah a lo insawithei viau mai ang a?" tih te chu ka ngaihtuahna ah a lut zut zut a. Ka inkhawm thuam ka nawt sawk sawk a, Zan lamah ka chawhmeh siam awlsam tak kan ei zawh avangin chawhmeh han siam na hman ni heklo, Artui ka kang a, Thingpui nen ka hmeh a, Inkhawm dar a ri bal bal a,ka dam hi chuan Sunday chawhma hi inkhawm ka țhulh ngai lemlo.

Inkhawm banah Veni ka hmuh mai loh avangin ding takin ka haw nal nal a, Lunch atan tiin Chawhmeh ka siam a, Lehkha ka zir bawk a, ka pa phone call ka dawng a "Enge i tih a, call i lak theih loh a?" a rawn ti nghal tawng a. Ka inkhawmna ah hian phone ka keng ve ngailoh avangin tunah pawh ka inkhawm sana, Ei ka siam zui leh avangin call ka dawn leh dawn loh pawh en nachang ka hre lo a, "Ka inkhawm ve a, kan bang chiah" ka ti a. "Hei i pu hi ațha lo khawp mai, I hming a lam a lam mai a, i rawn hawng mai dawn em niang?" a rawn ti ta mai a. Ka pu hian min ngai em em țhin a, Ka patea bulah Inpui ah a awm a, Ka naupan lai pawn a bulah ka riak nasa țhin viau a, Min ngaihven hle bawk. Ka hna tur ka zawm tirh pawn Chhungkaw chaw eikhawm min buatsaih tak ve hial a. Ka hlawh lak hmasa berah coat suit ka leisak nghe nghe bawk. Ashma nei a nih avangin han damloh thut thut hi a ching ve hrim hrim a, Mahse ka pa țawngkam ațang chuan a na viau a nih ka ring. "Awle, Mahse Motor hman mai tur hi a vang viau lo maw?" ka ti a, "Ka lo ngaihtuah ang" a ti bung nghut a, "awle" ka ti a. A hmanhmawh danah a țhalo viau niin ka ring, Ka chawhmeh siam chu a hmin har hmel bawk lo nen ka insiam nghal hmawk hmawk a. Rei vaklo hnuah ka pa bawk chuan min rawn be leh a, ka chhoh tirah min dawngsawngtu motor khan min dah thlak tur thu a rawn sawi a "an rawn kal nghal dawn a, Lo inpeih ang che, muang chan chi a nilo a nia aw" a ti a.

Chaw ka bar mawlh mawlh laiin ka kawngka chu an rawn kik a, lut tura ka tih hnuah a rawn lut a, Veni pa a lo ni a, "E chaw i ei chauh e law? I la insiam peih nange?" nui var var chung chuan a rawn ti a. Phawk zet chuan "Enge nita, Nang i rawn lan teh daih a?" ka ti hu a, "Kan Pu khan Aizawl ah i pu damlohna vangin zuk thlah tur chein min ti a lawm" nui var var chung chuan a ti a "I thawk ve tihna a mi?" ka ti a, "Nia, thawk ve a nih hi" a ti a. Veni pa berkher nen a han zin chu engemaw ti kawng takin ka zauthau phah deuh niin ka hria, "Zing chaw ka ei hmanlo pek a, Ka inkhawm duh vangin, ka kham a ni mai, lo țhu rawh" ka ti a. "Motor i khalh thiam tho ang chu tiraw?" a ti a, "Thiam ve sawih sawih e" ka ti mai a, "a țhat hlauh chu, Long run hi ka thei vak tawh lo a, Kan Pu Driver pangngai kha an khua ah a hawng zawk a, Vawiin hian a fanu an baptist dawn a nih hmel" a ti a. Chaw ka ei sawk sawk a, Insiam sa vek ka nih tawh vangin thleng ka tihfai zawh rual chuan ka hman a ni nghal mai a.

"Tinge engmah i sawi loh a?, Kan lo hre reng reng hleinem, a zialo hle mai, Puia kha nangmah em ni zuk kal dawn?" Kan inchung pa chuan a rawn ti lut nghal bawrh bawrh a, an nu nen an rawn lut a, "Nia, Engmah pawh sawina hman a awmlo, kapa in min rawn phone a, ka insiam a ni nghal deuh mai" ka ti a, "Tluang takin in kal dawn nia, eng na nge ni reng reng a, I Pu hi kan kohhran ah hian thu a rawn sawi fo tawh a sin, Moderator a nih lai te khan" Inchungpa chuan a ti a, "Ashma a nei ve pek a, a ziaawm viau turah ka ngai mawle, Hmanni lawk pawh khan kan inbia a" ka ti a, "Nia, Ashma hi chu an ti thut thut zel a nia, eng em a tilo turah ngai ang, Kohhran zing țawngțai inkhawmna ah te ka lo thawh dawn nia" Inchung pa chuan a ti leh a, Ka insiam peih tak avangin kan chhuak zui ta nghal a. Kan Principal te in ah kan kawi zawk a, Chawlh ka ngaih thu ka hrilh a, Exam chawlh kan neih vak dawnloh avang leh Paper check te kan ngaih avangin School chawlh neihloh mai kan tum avangin chawlh dil ka ni.

Khua a dur khup khup a, Ruah mal lian pui pui a tla phuk phuk bawk a, "Hman hmawh duh reng reng suh, eng em a ti hman lo ang" ka ti a, Veni pa chu a nui vur vur a, "Kan inkhalh chhawk dawn nia, Zaipui ka tawh ațang khan longrun hi ka zo vak lo a" a ti a. Ka phone ka la chhuak a, Veni chu message ka thawn a "Hei Aizawl ka haw thut mai" ka ti a. "Nia, Apa khan a sawi a, Ruah lah hi sur a tum lehnghal" a rawn ti nghal zat a, "Nia, Mahse a sur reilo turah ngai ang" ka ti a. Fur pui a zo dawn hnai tawh a, Mahse Ruahthimpui a la haw leh thut ve țhin tho a. Kawng a țha a, Motor tan chuan Ruahsur hi a țha mah mah zawk awm e. "Engtikah nge i lo haw leh ang?" a rawn ti a "Ka hrelo, kan boruak a zir a ni mai, I rawn chhuk hman hial maithei" ka ti a, "Tluang takin in kal dawn nia" a rawn tia, Chhan ka tuma Signal a bo ta daih a, Mahse ka thawn chhuak ta tho a.


Ruah a rawn sur buan buan a, Țek a tla de zawr zawr bawk a, Kawngpuiah tuihawk a luang dul dul a, kan dai per sawk sawk bawk a,. Veni pa chu a țawng duh ve viau mai, eng eng emaw a sawi duah a, Ka pa fel a tih thute, Sum leh pai a duham loh zia te, Mizoram Sawrkarin Engineer eiru lo leh hnathawk țha ber a an thlang chu awm a tih thute. Ka pa hma chiaha E-In-C duham ziate, Amah pawh ka pa hnuah Regular thei chiah a nih thute a sawi a. A ti ti chu ka ngaithla reng nangin ka ngaihtuahna erawh ka kalsan tak, a fanu duat tak Venkimi lamah daih a awm thung tih a hre der silo. Engmah harsatna nei lemlo chuan tluang takin kan tlan par par a, Signal awmna hlekah chuan Message ka dawng mawlh mawlh reng bawk a, Veni bakah ka nau hnen ațangten a ni ber mai. Ka nauin ka pu chanchin a rawn sawi a, Damdawiin ah an luh pui thute, ICU ah Ventilator hmanga an enkawl thute a rawn sawi a. Veni lahin kan thlen chin min zawh bakah, min ngaihtuah thu te a rawn sawi a, Keiin ka pu chanchin ka nau hnen ațanga ka hriat ka hrilh ve bawk a. Chawhnu Inkhawm lai awm velah pawh min rawn biak reng avangin a inkhawmlo a nih ka ring. Min ngaihtuah ve tak tak nge ni ang, apa vang chauh zawk ni ang?" tihte chu ka ngaihtuah pah bawk a. Chutiang vel ka ngaihtuah mek lai chuan ruah sur bawknen ka mut chhuak chuan min rawn zem chiai chiai a,..


Motor brake ri țawk leh Veni pa in "Zoram Zoram, zuang chhuak rawh" a tih ri ah chuan ka harh zawk a, ka men rual chuan kan hma zawna Tanklorry rawn in her kawi ngut mai leh kan motor a rawn su bur lai chu ka hmu hman a, a ri rawp a, ka mal ana zawka, ka vir nawk ni maiin ka hria, Chutah ri rum rum leh phe zawk zawk kar ah ka luhai vang nge ka hrelo ka vir mawp mawp chu ka hria a. A ri buka a thim mup a, engmah ka hre lo zui ta nghal a. Veni pa emaw engmah ka hmuh awm ka hre bawklo...


Ka meng diar diar a, eng deuh pup ka hmu a, ka taksa chet ka tuma ka che thei miahlo, ka lu a na ngut ngut a, Ka mit a vai rum rum bawk a, Fiah vaklo chuan ka meng a, "Pu Pui" ka ti tham țuak a.. Mahse ka awmna chu inchhung niin ka hria, thil ri seng seng leh bib sound ri chu ka hria a, "Tuaia" ka nu aw in a tih ri chu ka hria a. Ka awmna chu Damdawiin a ni tih ka hre nghal, ka chunga Tube light eng ațang chuan ka awmna awm chu ka ngaihruat thiam a, Thawh tumin ka han che a, ka ke chu a che thei hauhlo mai, "Tuaia.. Bawihte.. i harh em?" ka nu in a tih ri chu ka hria a, aw rikna lam chu ka hawi a, Ka nu hmel leh a bula ka u leh ka nau țhu chu ka hmu nghal a. "Khawnge ka awm? Damdawiin ah a mi? khawnge Pu Puia kha?" ka ti chhuak țuak a.

"Room hranah a awm e, a ngaihtuah awm loh e" ka nu chuan a lo ti vat a, "Ka pu khawiah nge?" ka ti a, an meng hnuai raih a, "A kal tawh, mu hahdam rawh, Doctor ten țawng țawng an phallo" ka nu chuan a ti a. Ka hre thiam nghal mai a, ka pu chuan min nghak chhuak zo talo a ni ngei mai, enge ka chungah thleng ta, Ka muhil lai Veni pa in min kai tho lai leh Tank Lorry in kan motor a rawn su lai kha chu ka hmu hman a, Engtin nge kan awm tak zel ka hrelo.. Ka Pu chu ka hmu tawh ngai dawnlo a ni, "Engtia rei nge ka awm tawh?" ka ti a, "Ni 3-na chiah a ni e" ka nu chuan a lo ti vat a, ka ke ka zuk en a, an lo cher bur mai a, ka mit sulh a, a thim hmuka..


Ka harh leh chu ka harh chiang ta kawk mai, mahse ka taksa chu a kham țhum a, ka ril a țam huam huam a, ka thlanin min bual huh hlup a, Eng awmdan ațang chuan zan chu a nilo tih ka hrethim mai, ti ti sep sep ri ka hri a, ka lu chu ka thle a, Ka nu leh Ka ni lo țhu dun chu ka va hmu a. Ka awmna room chu Cabin a ni tih pawh ka hre thei tawk, Banga Sanapui an tar chu ka han melh a Dar 7:40 a lo kawk mek a, "Bawihte i lo harh leh tawh e law?" Ka Ni chuan a rawn ti a, "Ka ril a țam lutuk" ka ti a,. Eitur a buatsaih nghal sawk sawk a, "Kha hei Soup hi hawp rawh" Ka ni chuan a ti a, ka kut chet ka tuma ka thei hauhlo.. "Enge ka awm zia hi?" ka ti a, "I kut leh i malpui i hliam a, Mahse Doctor ten an zai a, a țha vek, enkawl uluk deuh a la ngai tih mai loh chu" ka nu chuan a ti a, "Pu Puia chu?" ka ti a.. An in en ringawt a, "Engtin nge a awm?" ka ti a, Ka ni chuan "Soup hi hawp phawt rawh, Chumi hnuah chaw i ei dawn nia" a ti a, Soup chu thirfiante in min hawp tir a, "Pu Puia chu engtin nge a awm?" ka ti leh a, " A hliam kha a na deuh a, Nizan khan a boral ta a nih kha" Ka nu chuan a ti chuai raih a. Min deng na kher mai, Veni ka rilru ah a lang nghal zawk a, Engtin nge a ngaih ang? Keimah vangin a pa a boral phah a ni si a, Min va haw dawn tehlul em?.. A hmel ka hmu ngam leh tawh dawn em ni le?, A va pawi tak em, engtia chesual nge kan nih le? zawhna hlir in ka khat a ni ber mai.


Ka menga, fiahlo ruaiin ka muhil leh a, Ka harh chang a piangin Venite chhungkua ka hrechhuak a, ka rilru a na ngawih ngawih a, Engtin nge an awm ang? min haw viau a ngem? tunah khawnge an awm ang? tihte ka ngaihtuah țhin a. Ka hriat dan chuan Ka harh chhuah hmasak ber khan Ni 3 nikhaw hre lovin ka awm a, Kha mi ni ațanga ka chhut let khan Ni 7 zet chu Damdawiin ah ka awm leh tawh, Veni Pa boral ka hriat ațangin ni 3 a liam leh tawh, an vui liam vek tawh ang a, Khawhar takin a nu hoin an awm ngei ang. Ka dam chhungin ka inthiam thei tawh ngai lo ang. Keimah vangin a boral chiang a ni, Lirthei khalh a zuam tawhloh zia ka bulah a sawi mawlh mawlh a, tinge khalh chhawk lo a ka muthilh san, khawi hmunah nge kan chet sual, Ka harh laia kan thlen chin kha Kawng chanve vel zet kan tlan lai kha a ni a. Khami hnu khan engchen nge ka mutthluk san ka hre tawh silo, Kan chet sual dan hre ber a ni a, a boral daih bawk si. Hrehawm ka van ti tak em.. Ka duh ngawih ngawih, ka hmangaih nia ka hriat, ka thlakhleh em em Veni pa chu keimah vangin a boral si a.

"A sawi dan chuan Tuirini chhak ah Tank Lorry Brake fail chak taka rawn tlanin kawng sira in lo side lai arawn su che u ani awm e. A duh chuan a zuang chhuak hman a, Mahse i muthilh a vangin a kaitho leh rih che a, Chumi chhung chuan Motor lian chuan a rawn hnawl ta che u a ni. Tank Lorry nen in vaiin kawng thlang Meter 300 vel zet ah in lum thla a, Tank Lorry Driver leh Handel Man a hmunah an boral nghal a. Pu Puia chuan a bawihsawm che a, Kawngpuiah a vak chhuak a, Chawlhni a nih avangin Motor a vang viau a, Signal awmna ah kalin an pu a bia a, Amah chu a lu a thi a, Hmun 12 ah an chilh sak a. A hliam ringawt turah an ngai a, Mahse Ni 3 Damdawiin a an awm zan ah a luna a chhuak a, A boral ta mai a ni awm e. Postmortem result ah a lu ruh a lo khi a, Chu chuan khawsik a siam a, a boral phah ta niin Doctor ten an sawi" tiin Bena chuan min hrilh mawlh mawlh a. "Tank Lorry chu Mizo nge Vai?" ka ti a, "Mizo, Zuangtui a mi ve ve, a neitupa in a khalh nghe nghe, Mechanic ten an en fiah a, A brake fail niin an sawi" a ti a.. Ka ngawi renga, ka mitthla ah Pu Puia nui var var hmel chu a lang uar uar a, Min ko lawm lawm ri te chu ka bengah a rawn ri nawn leh a, Ka inthiam thei nanglo a ni..

"Veni chu tunge?" Bena chuan a rawn ti a, ka en vat a, nuihza hmel a pu a, "Engtin nge i hriat?" ka ti a "I lam zing em a lawm, I nu leh I ni pawn an hria, Nizan phei chu i ko mawlh mawlh mai mawle" nui sung chung chuan a ti a.. Lehlam ka hawi a, Chu hming chu ka hriat chak, mahse ka hriatchhuah rual rual a, a lakah ka tlawm zia leh ka inthiam loh zia a lang nghal uarh uarh a. A hmelțha lutuk leh mitmeng nalh lutuk te chu ka mitthla ah a lang uar uar bawk a. "I awmna khua ah chuan Bial nu i han nei a ni chiang mai, Mahse i bial nu ve chuan a ngaihsak hauhlo che a nia, Vawi 1 pawh a rawn lang lo" a ti leh a, "Bena, min hmu duh hauhlo ang, Kei pawn hmuh ka chak bik hauhlo mai" ka ti a, ka mitmeng a takna chu a hmu a ni chek a niang thutak zet chuan " engvang chuan maw?" a ti a.. "Apa keimah vangin a boral tlat sia lawm" ka ti ta a, a chek tlak a, "Lehzel chuan, Driver kha i veni pa chu maw ni a, Țhianpa ava pawi ve aw?" a ti chuai ve raih a.


Veni chanchin chu ka hrilh a, Kan intawn dan te, kan inhuat tawn tak loh ziate, Mahse vawi 1 mah fawh pawh ka fawh loh thute, Emergency a Aizawl ka chhuk dawn vanga, Zaipui tawk tawh, Motor khalh țha thei tawhlo keimah ni chhugkua vangin a boral tak thute,. A laka ka zah ziah leh a hmel ka hmuh ngam tawh dawnloh thute zawng zawng ka hrilh ta vek a. Chubakah a duh chuan him taka awm thei reng, Ka mutthlu min kaihthawh vanga himdam ta lo a, Boral zui ta hial a nih ziate ka sawi a, Pawi min tihpui ve hmel hle. "Țhianpa, Ka mihriat chian i ni a, A vawikhatnana, nangmah ngeiin i duhthu ngei a i ngaihzawn ve nen in boruak chu hriatthiam har ka ti kher mai" a ti a. "Khi khua ah khian let leh chakna reng ka nei ta hauhlo mai" ka ti a.. "I pa in a hrethiam a niang tih tur khawpin, I hna ațanga banna a thehluh sak vek tawh che bakah nimin khan I bungrua la turin I nu leh I nite an han kal a. Vawiin ah an rawn haw dawn, Tin Veni pa i tih pawh chu an han ral nghal dawn bawk" a ti a. ka ngawi renga, Veni hmel han hmuh tawh loh tawp tur leh ka pawisa hlawh chhuah ve theihna ka chan mai tur chu ka ui ve kher mai. Mahse chutiang chu thlenglo tase, Hawn leh hun ka nei ngei ang a, Veni nu leh Kan Principal thlengin hmuh an hrehawm duh dawn hle si. Enge țha ang a, enge țhalo zawk ang? Ka pa thu a ni bawk si ka hnial ngam der silo... Ka rilru a buai kher mai.


Kar 3 zet Greenwood Hospital ah ka awm hnuah Kan In lama inenkawl turin kan chhuak ve ta nge nge a. Ka damdawiin awm chhung zawngin Veni hmel hmuh chu khawi lamah, A mi biak tumna Misscall emaw Message emaw takngial pawh engmah ka hmulo. Min haw viau a ni ngei a niang, Aizawl a rawn chhuk a hun leh daih tawh a, Kei min hmuh a tumlo bur tihna a ni ngei mai. Ka rilru a na ngawih ngawih a, Veni chu huat a hnekin min kek nawk nawk emaw min be duh tawhlo kumkhua mahse ka thiam ngawih ngawih tho. Keimah vanga Hmeithai chhungkua an nih phah avangin ka lainat a, ka inthiamlo hul hual a. Zan ka mu thei mang lo a, engmah ka ei a tui thei heklo, Ka țawngvai na lamah a hming ka lam zing viau lehnghal a ni awm e. "Veni hi kan ko mai dawn em ni? Khawia awm nge?" ka nu in a tih phah hial a.. "A ngai lo e" tih zawngin ka chhang a. Damdawiin a țanga ka chhuah hnuah ka duhdan angin ka pu room ah kar khat min dah phawt a, Khawhar takin ka awm a, Kar khat zet ka awm hnuah Wheel chair ah ka țhu thei a, kan in lamah sawn phei ka ni a. Ka pu thlan ka tlawh bak khawlai vawi 1 mah ka chhuak lo, Veni leh ka zirlai bak ka ngaihtuah ngailo, Nileng zankhua in ka room ah ka tawm ngat ngat a, ka hmul ka met ngailo a, ka sam ka tan ngai heklo, Ka nu leh pa bulah Veni te chhungkaw chan chin, ka nu ten an han rala an awmdan emaw pawh ka zawt ngai heklo, Ka phone ka dahbo hmak a, mi â ang maiin ka țawng tlem em em a, Keimah chauha hun hman ka duh reng bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 8th, 2019, 8:36 pm

Chapter 4

"Ruah a sur duh em mai a, Tuihawk a tam bawk si, Chutah ka zun chhuah vangin kawngsir remchang deuh ah ka zung lawk a, Zorama lah a muhil tui nasa mai si a, Ka khawngaih deuh a, ka kai tho duh lemlo. Ka Zung zo Motorah ka lut leh chiah tih ah Kan hmalam awih tlan deuhah ațang chuan Tank Lorry motor hi chak deuh maiin a rawn tlan chhuk a, a awm danah chuan eng emaw diko awm niin ka hria, Horn an rawn pe tuar tuar a, kan motor lam a rawn nger ta chhur chhur a, A driver pawn herh kual a tum tih ka hre mai, mahse a thunun zo lo a ni chek a niang, min rawn su ngei dawn tih ka hria. Motor ațanga chhuk ka tum uk a, Zorama muhil chu ka hmu leh si a, ka sawi nawk nawk a, Zuang chhuak turin ka ti a, Mahse a tlai zo ta a Tank lorry chuan min rawn hnawl ta bur mai a, Motor nen chuan kawng thlang ah min nawr liam ta a, Kawngka ka hawn deuh hman avangin kei chu ka lum thui vaklo, Mahse Zoram leh Tank Lorry a chuangte kha bawih sawm turin ka tlan thla vat a. Driver leh Handle Man chu an mar ka hmu tawh lo a, Zoram chu a Malpui a tliak tih hriat takin a lo awm nuaih a, Keimah chuah chuan ka buaipui thei dawnlo tih ka hria. Ka phone chu ka lo la ak hlauh a, Ka lu ațang chuan thisen a chhuak reng bawk a, Kawngpui ah ka vak chhuak leh thei hram a. Signal awmna ka zawnga ka hmuh velah Kan Pu ka phone a, Motor tlakna zawn ka va thlen chuan Tank Lorry 2 hi an lo ding ve tawh a, Min bawihsawm a, Vai motor rawn tlanah min hlang a, Selling lamah min phur chho ta nghal a ni." tiin Veni pa in kan chet sual dan chu fel takin a lo report hman vek a. Luhruh keh khawpa accident chunga a zualko thei chu ka fak khawp mai, Pa Tuarchhel tak a ni ngei ang.


Kan Chetsual ațangin thla 4 zet a liam tawh hnuah Keipawh Wheel Chair nen ka teikual thei tawh a, Ka sam leh ka hmul vel mehloh avang chuan ka buk chhur mai a, Ka room ah tawmin Lehkhabu ka chhiar tluk tluk a, Chaw ei lai leh Chhung Inkhawm kan hman lai bak ka chhuak ngailo. Veni chu biak ka hreh ngawih ngawih a, Hmuh lek phei chu ka hreh. Ka thawhpui hluite min biak tum pawn Phone ațangin min rawn be pawp theilo, Ka Phone ka dahbo daih avangin, "Hetiang ngawt tur a nilo, Miin i chanchin an hre duh thei a, biak theih loha awm ngawt tur a nilo" Bena pawn a ti hial a. Kan chet sual a hriat velleh a rawn tlanchho nghal a, Damdawiin ah min buaipui char char a, Mahse awm reng thei a nih loh avangin a chhuk leh tawh a, A khat tawkin ka nu phone ah min rawn be mai țhin. A sawi chu dik pawh ka ti viau, Mahse midang chimbuai emaw ka chanchin sawi fo emaw chu ka duhlo, ka rilru ah thi thei miahlo, Veni pa kha sawilan ziah a ngai dawn si. Min ngaihven deuh ka thawhpui hluite Aizawl rawn kal chuan min rawn tlawh zel thung. Kan Principal ngei pawh vawi 3 zet a rawn lang tawh a, ka bang mai min ui thu te pawh a rawn sawi nghe nghe bawk. Mahse keima tih pawh a ni lo a, Ka nu leh pa tih a nih avangin ka hnial duhlo zawk a ni.


"Tuaia, Inleng i nei, I In luahna te nula a ni awm e, Nutei a inti" Kan awmpui nula chuan a rawn ti a, Kan 2 chauh hian chhun lamah hi chuan kan awm dun mai țhin. Midang zawng an chhuah bo vek zel avangin, "Amah in nge midang nen?" ka lo ti a, "Vawiim chu amah chauhin" a ti a, Veni chuan min hmu duhlo a niang maw? Pawilo zawk, kei pawn ka hmu ngam der silo. "Lo luh tir mai la, ka chhuak peihlo tlat" ka ti a, "Awle, mahse i room hi a hnawk e, Nula rawn luh nan chuan" a ti a, a thianfia nghal mawlh mawlh a,. "Kalsan mai mai rawh, a lo hawihai lutuk ang, Nidangah a lo kal tawh țhin a mi?" ka ti a, "Kal ngun e, Damdawiin ah pawh nikhua i hriat loh lai khan a rawn kal ziah a lawm, Hetah pawh vawi 5 vel chu a rawn kal tawh, I lo muhil zel si a" a ti a, a chhuak zui nghal a. Rei vaklo ah chuan Nutei chu Jeans Kekawr tluan ha in a rawn lut a.

"Eee i va mak chher chhur ve, ka rawn kal hian i Muthilh lai a ni ziah a, Ka rawn tlawh duhlo ah che i ngaih ka hlau a, week lai a nia, class kal lo in ka rawn kal a nih hi" nui var var chung chuan a rawn ti nghal bawrh bawrh a. ka nui a " i van fel em em ve, hetianga i rawn kal vang vang a" ka ti a, "I thinrim ka hlau a lawm, ka nuten zuk tlawh ziah rawh, an ti bawk si a, i lo tum bur ka ring a nia" a ti a, a nui hak hak a, a ze ngai reng kha a la ni. Veni chanchin zawh ka duh viau mahse ka zawt hreh si, Nautei hmel ka hmuh rual chuan veni k mitthla ah a lang nghal uar uar a, Kan Ina Duhsaki piancham ka lawm țuma a inthuamna te kha ka mitthla ah a la lang chiang hle. "Ka rawn kal apiangin i muhil ve ziah lehnghal" a ti a, ka bula țhutna ah chuan a țhu a, a bag a zen rak rak a, "Min kaitho mai lo a nih chu" ka ti a, "I chau a nih kan ring a" a ti a, Frooty leh Eitur dang a rawn phawrh a, "Hei ka rawn ken che" nui hak hak chung chuan a ti a. "Tute nen nge in rawn kal țhin a, kan te i tih? ka van lawm, eitur min pe tu awmchhun i ni" ka ti a, a nui hak hak a, "pawisa ka neilo lutuk a" a ti a, kan nui a "Veni nen mawle, a hmu chak thei lutuk che a" a ti a, ka phu zawk a "Veni a?" ka ti a, "aw, Apa Ruang kan hmuahna lamah a phone a tibo daih a, Phone thar a la nei leh bawk silo, rawn biak che pawh a duh viau a, I number kan hre tawh bawk silo" a ti ta zel a, ka lum up up in ka hria, mahse ka zauthau a, ka lawm nge ka mangang tih pawh ka hrethiam lo.


"Veni chuan min la be duh ve a maw?" ka ti hu a, Makti hmel deuh chuan min en a, "Enge i sawi awmzia, engvangin nge a biak duhloh ngawt ang che, I damlo kan tum che in vawi 3 a rawn kal thlawn tawh a nia. Vawiin chu Week a nih vangin a hman ve lo a, Chinese Checker khel turin an tive khanglang a" a ti a. A hmel a țang chuan mak min ti hmel hle tih ka hria, Keiin min biak duh tawhloh ka lo ring ve ngawt a, Apa keimah vangin a boral a ni si a. "A pa boral chhan kha keimah vang a ni bawk si a" ka ti zuai raih a, "I van ho mai mai tak, An khawngaih naklai che a, Apa pawh khan a ngaihtuah zawk daih che a lawm, A nu pawn Aizawl kal hun hun ah ka tlawh ang, a ti zawk a sin. A hrim hrim ah nangmah vanga boral ani chuang hleinem, tawhsual in tawk a ni ve mai a" a ti a. Ka hnuk a ulh țeuh a, ka lawm vangnge, Veni ka khawngaih vang nizawk pawh ka hrethiam lo. "ka ngaihdan ah chuan, Keimah vangin Khawchhe hnuaiah Chawlhni ah lehnghal zin a ngai a, Chutah a duh chuan tlanchhe thei reng a ni a, Mahse ka mutthluk avangin a vanduai ve phah a, kei ka dam laiin a ni a boral ta daih bawk si, Min haw viau turah ka ngai" ka ti a.. Hrethiam hmel deuhin min thlek ha a "Nia, i rilru tur chu ka hrethiam mai, Mahse i duh vanga awm a ni biklo tih an hrethiam vek a lawm. In chetsual zan phei kha chuan a muhil reng reng lo, A nu leh Principal te kha Aizawl an rawn thlan thla nghal bawk si a, Min rawn phone a, a țap pur mai a, Duhsaki nen kan riahpui ringawt a lawm. Mahse kan tlaivar deuhthawh, Dar 3 velah kan mu ve chauh a lawm. A pa kha a na vaklo ni khan an sawi a, Nang i hliam na ropui si, i biak theih bawk silo tih kha kan hre bawk si a, kan mangang lutuk a." a ti a.. Ka ngawi reng a, Keimah vangin nge ni ang a pa vangin, Keimah vangin lo ni pawh nise, a hnuah a pa a boral leh daih bawk si a, a tuarna dawnin, a rilru a mangang khawp ang...


"Ka va Khawngaih ve mawle, Keimah vanga chutiangte a a lo awm mai mai ni" ka ti a, "I awihlo maithei, Mahse tak tak a nia, Veni hi a luck lutuk, Ngaizawngtu pawh a ngah mai, Electric SDO Pu James apawn a ngaizawng lutuk mahse a duhlo, Mipa hi han duh a nei ngailo hrim hrim. Mahse Nangmah hi chu kan in ațangin a hmu che a, a star thu che a sawi a, A duh ta em em che a, Mak kan ti reng a lawm. Miin an ngaihzawn a piang hian a ten tlat zel, Mipa hi han duh emaw țha han tih em em a nei ngailo, a lerhlo bawk si, Nangmah chiah hi a duh awmchhun i la ni" a ti ta zat zat a. Awih chi nge awihloh chi, a hmel lah a thutak bawk si, Awihlo phal chi a nilo mahse awih harsa tak a ni lawi si. "Kan In ang chiah a nih chu" ka ti sup a, "Hei hi a rawn thawn ve che a nih hi" tiin Coca Cola burte chu min hmuh a, ka nui a "A va lawmawm em em" ka ti a.. "Pawisa kan neilo rapthlak, Scholarship kan la la bawk silo, Pawisa nei i la chuan a aia tui kan rawn lei ang mawle" a ti a, kan nui dun hawk hawk a. Kan chetsual hnua ka nuih nasat ber a la ni hial awm e. Ka thu hriat avang chuan ka harh sawng sawngin ka hria, Engvangin nge min biak duhloh ngawt tura ka lo ngaih ni? A phone bo vang lek a lo ni si a, Ka rinloh dan daih thu ka dawn avang chuan ka hlim kher mai... "Enteh, Ka drawer saw va hawng teh, Ka phone a awm ang, Chuan Plastic bawm hring kha i rawn la tel dawn nia, Ka Phone tura ka chah, Kan Chetsual hma ni chiah a hetah hian a rawn thleng a lo ni a, hmanni khan ka nu in min pe chauh a, Veni chu i hawn dawn nia" ka ti ta sauh sauh a.. Ka mood off em em țhin kha, Thlarau lamah Siamtharna chang ang maiin ka phur tawh nasa mai. Ka Sawi ang chuan a ti a, bawm leh ka Phone chu min rawn pe a, Bawm chu ka hawng a, Phone țha Rs singhnih chuang man ka lei chu ka phawrh a,.


"Ka Number ka thlak daih ang ka ti a, Mahse ka thlak lehlo mai ang, Sim hi kan vuah sak bawk dawn nia" ka ti a.. "Naaa ka duh ve, A van dawng țha dawn bik em em, Keimah hi intan ka țangkai tehlul nen min pe zawk lo a" Nui chung chuan a ti a, "aw i duh leh i phone kha hman tirla, kha kha hmang thungla a ni mai a lawm" ka ti a, Nui hak hak pah chuan "Ka fiamthu a nih kha, a lawm ngawt ang, Mahse ka hawnsak dawn teuhlo, Sunday ah rawn kal leh kan thum tho a, I lo pe thut dawn nia" ati a. "tunah Thawhleh chauh a ni a, Ka belo reng dawn tihna em ni?" ka ti a, "Ahma pawn biak i tum chuang hlei nem?" a ti awlsam et a, "A phone a bo i tih kha?" ka ti a, "Hmmm.. Ka sawi vanga hre chauh a lawm i nih, biak i tum thu i sawilo hrim hrim, i thih phah lo vang" a ti sam leh et a, Kan nui dun hawk hawk a.


"U Tuai" a ti reuh a, "Hei engtin nge i hriat?" ka ti a, a nui hak hak a, "I nu in a sawi dan che a lawm" a ti a, "Min koh leh vaih chuan inchak lo ang?" ka ti a, a nui a.. "Veni hi a luck teh a nia aw, I changlo mai ang, tihtauh san emaw, duhlo angin awm tawh reng reng suh, Tunah hian amah hian engmah a hrelo hlauh zawk a nia " a ti a, A thutak ran bawk a. "Chutiang khawp a luck chuan kei hi engtin nge minduh zawk a?" ka ti a. "I luck ve tho a lawm, Miin an star nasat hman zia che chu aw, Kan khua a i awm chhung reilo te ah pawh khan" a ti a, "Ka van awihlo tak, min hria pawh an awm mang lo ang, ka chhuak ngai silo" ka ti a, "Hmmm... i chhuah ngai leh ngailoh lam a nilo, i school kal te pawh an hmu fo che a lawm" a ti a.. Kan nui a, kan ti ti a, Ka boruak lunghnur leh hrehawm ti em em a, awm reng tawh hnu chu min rawn kaih thawh saka, nunthar min rawn pe a ni ber mai. Kan nula in eitur a rawn chhawp kan ei dun a, Veni chanchin, Apa boral vanga an tuar zia leh keimah min khawngaih zia te chu a sawi siam siam a. Veni te chhungkua chu ka thinlung zawng zawngin ka lainat a, hrehawm ka tiin an hmel hmuh ka chakna leh ka hrehna a inzat hial awm e.


Nutei haw hnu chuan ka khua a har ve ruai thei, Ka chetsual hnuah khatiang ang reng reng a, ka nuih nasat leh ka ti ti nasat kha ka la hre ngailo. Min tlawhtu tam zawkin min kawm hlim an tuma, a lang chuan nui ve mah i la, ka chhungrilah hrehawm tihna leh nun chaklohna a lian em em a, Keimah a awm ka chak ngawih ngawih țhin a. Khawhar lam a langlo hrim hrim zawk, engkim mai ka nimg hluah hluah a, ka awmdan a piang chu hrehawm ka ti viau, Nidanga zirlai tui taka zir țhin kha phurna reng reng ka nei tawhlo, ka bing mup mup a, ka zirlai in min ti phur phak lo. Mahse tunah zet chuan darkar reilote chhungin ka awmdan a inthlak thawk a, Piangthar an tih ang maiin ka awm a ni ber tawh.


"Ka nu ka ril avan țam tawh ve? Chaw ei kan hman tawh em?" Ka nu TV en a țhu chu Room ațanga ka tawlh chhuah pah chuan ka ti a, Ka aw a zangkhai a, ka awmdan a hmuh in ka danglam tih a hre bawk a, Mak min tih hmel hlein ka hria, "Eeee i ril a țam maw, Zuii Chaw ei kan hman dawn tawh em?" tv off nghal sawk sawk pah chuan a rawn ti a, "Ka peih țep, ka pu a la inbual bawk a, Puii a la rawn hawlo bawk" a ni pawh chuan a ti a, "Bawihte, Inbual phawt la, ka bual ang che aw?" ka nu chuan nui chung chuan a ti a.. Ka kawr ka hnim a, "Ka balh hmel viau a mi?" ka ti a, ka nui a. Ka nui hmel an hmuh lohna a rei tawh bawk a niang ka nu hmelah pawh hlimna a hmuh theih nghal a. "I bal ka ti pawh a nilo, Inbual i mamawh hmel ka ti a" nui chung chuan a ti a, "Anih, min bual turin rawn kal ang che, Ka rimchhia i tia chaw min eipui i hreh chuan" ka ti a, nui chungin ka room lamah ka wheel chair chuan ka tawlh lut leh ta a. "Zuii, Vawiin ah tunge lo leng a, Tuaia kha a va hlim hmel ve?" ka room luh rual chiah a ka nu in kan nula a zawt lai chu ka hri a. "Hmanni a nula 2 rawn kal te a, a thau zawk kha" Kan nula chuan a ti a, "Eee a inluahna nula te kha maw? Veni a tih fo chu em ni le?" a ti a. Ka room kawngka ațang chuan ka ngaithla ru a, ka kiai suk a.


"Bawiha, vawiin chu i hrisel hmel sawtin, i hmel a hlim hle mai" min bual lai chuan ka nu chuan a ti a. "Nia, Hetia awm reng hian damna min pe chuanglo tih ka hmuchhuak thar a" ka ti a, "A dik a lawm, Damlohna avang hian indawm kun reng tur kan ni lo a, Kan natna hi hneh tumin kan rilru kan ti paukhauh sawt zawk tur a lawm" a ti a, ka nui a, "Veni i tih ziah hi tunge?, i țawngvaih apiang khan i lam ziah a" ka nu chuan ati a, ka nui a, "Fiamthu ka thawh lo a nia?" a tia, ka nuih a za zual sauh a "Tlangval Master Degree zir zo tawh, Central Service exam tum ve ut ut, Nute bual ka la han ngai a nia" ka ti daih a, "Nia, Mahse Naktuk ah Doctor ah kan kal leh ang a, hma i sawn dan a zirin nangmah in i inbual leh thei tawh mai ang" a ti a,.. Kan ti ti bawrh bawrh a, Ka rilru siama, ka exam pek tur lam ngaihsak deuh turin min fuih malh malh bawk a.


Zanriah kan ei laite chuan ka phul hlut a, Engtik laimah a țawng duh em em ngailo, Fiamthu pawh thawh khat tak, ka damloh hnuah phei chuan chhungte bula dawhkan kil ngai manglo, chutia nikhat thil thua ka awmta hlut chu mak minti deuh a niang, ka ti ti an ngaithla a, an nui leh ham ham țhin a. Zanriah eikham ah pawh mu bik mai lovin kan țhu khawm a, Tv kan en a, kan ti ti laih laih a, Ka pa takngial pawh a hlimin a țawng duh ve hle bawk. An fapa naupang zawk, an in lehlo mai nilo, an mahni enkawl chhunzawm tu tur, engkim ka kuta an dah tur ka ni a. Mi anglo ang maia țawng duhlo, room a inkhung chawt chawt mai ka boruak dang ta daih chu an lawm ve hle niin ka hria. Ka U te chhungkua an ko chho bawk a, naupang ho nen kan ri ham ham reng a, nuam kan ti tlang hle. Kan Inchhung ah hian ka hriat phak chinah hetiang renga kan nuih tlan hnem hi ka la hre ngailo. Natna khuma mu hlim taka ka awm leh ta chu an lawm ve nang a niang.


"Tuaia, tunge Veni i tih ve ziah kha, i upa ve tawhin tlangval senior i ni ve țep tawh a, i ti ti ah emaw i țhiante ka ațangin emaw pawh Hmeichhia i sawi emaw an chhaih che emaw pawh kan la hre ngai miah lo a. Tun țum i damlo chu i țawngfaina lamah Veni hming i lam nasa mai a, tunge maw a nih reng reng le?" ka nu bawk chuan a ti leh a. Kan bengchheng zual a zo tawh a, Ka u Fate 2 pawh thuthleng ah leh a pu malchungah an muhil bam tawh a. "Nia, Ka ni pawh khan 'tunge maw ni a nih a dam țhat hunah ka zawt chhuak hrim hrim ang" a tih nasat kha" Ka u chuan a lo ti ve bawk a. "Nia, amak khawp mai, Hmeichhia hi hmuhnawm tih emaw, han hmel duh ngawih ngawih emaw, han sawi zui chiam tur hi ka nei ngailo, Dr.Johna fanu leh Pu B.Tawna fanu te saw Bena zarah ka hmelhriat leh min duh der vetu ka hmuhte leh hmeichhia ka belhbluh hnaih ve awmchhunte an ni mai a. Mahse Ka pa vaklo a niang kan in kawp reilo thei khawp mai. Keiin engah ka ngai lo a, ka len chhuah pui peih lo a, min biak loh chuan ka be hmasa ngai lo a, chungte vang chuan a niang kan inzui reilo ve ve viau.

Mahse, Ka hna han tawhna khua ah khan kan chetsual hma chiah Zirtawp tlaiah Principal te In a chaw kan eikhawm țumin Lasi Lalnu ka hmu ta pek a, Chu chu Veni chu a ni.. Ka duhthu a thawiin ka hrilh ve hman nghe nghe a, ani pawn ka hriat ve hmain minlo hre tawh a, Ka in luahna te nula nen an inkawm țhin a, chuta țanga min hria chu a ni awm e. Amah lah chu a naupang khawp a, Nikum lawka ka thawhna school ațanga chhuak ve chauh a ni lehnghal. Chu nula chu Motora min rawn phur thlatu, Pu Puia Ka pare Department Driver Boralta Fa upa ber a ni bawk. Ka țawngvaiin a hming ka lam chu mak ka ti khawp mai, In ngaihzawng anga awmna kan la nei lo hrim hrim bawk si" tiin an zawhna Veni chanchin chu ka hrilh ta vek a, an ngawi țhap a. "Chuan amah chuan min haw viau turah ka ngaih bakah, A pa boralna ah mawh ka phur viau niin ka inhria a, Amah chu ka hnaih ngam talo hrim hrim a, Chan mai tura ka in ngaihtuah in ka rilru te hial ana em em țhin a, Chuvang chuan mahni chauha awm ka duh ra reng a ni" tiin ka sawi zawm leh a. Chhuna Nutei rawn kalin ka lo rindan zawng zawng a lo nihloh zia min hrilh te, Veni leh a chhungten kei min ngaihven a, min țawngțaipui țhin zawk thute ka hriat thu leh a pa boralna avanga engmah keimah min mawhphurh loh zia thu ka hriat tak dante ka hrilh ta vek a. ka sawi zawh ah chuan ka pa chuan "Lasi Lalnu tih hiala nang meuhin i koh chu hmuh ka van chak ve em em ve" nui deuh put chung chuan a rawn ti a, Kan nui ta ham ham a.

"Amah chu a niang a, Nutei i tih khan a rawn kalpui țhin kha?, Zuii lah chuan 'a hmelțha em mai" a tih ziah kha" ka nu chuan a ti a, "Ka muthilh hlanin Vawi 3 emawni chu an rawn kal tawh, Mahse min kaitho duhlo țhin a. Min kaitho țhin ni ula chuan Ka tlan par par thei tawh ang mawle" Fiamthu chuan ka ti a, "I van zamlo tak" ka u chiah hmeichhia chuan a lo ti a, ka pa ka melh zauh a, kan ti ti ngaithla lo awm taka tv en chung chuan a lo nui put put a. "Sunday ah a lo kal dawn a lawm, Mahse hre awmin lo awm miah suh u" ka ti a, ka nu nupui U Mary chuan "Ka mopui nu tur a lo kal dawn chuan zanriah ka chawi a ngai ngei dawn a nih chu" a lo ti ve bawk a. Ka U nupui U Mary hi Nursing School ah Lecture in a thawk a, "Eh ava țha dawn ve, Mo enchhinna tur a ni mai a lawm" Ka U chuan a ti a, kan nui a. Eng eng emaw kan sawi zawh ah Ka Pa in țawngțaina a hmang a, Kan mu ta dial a.


Doctor hnenah ka incheck up leh a, ka result pawh a țha, City Scan kan nei a, ka taksa fello lai nia an hriatte pawh a normal țan tawh viau, Ka bawksawp rei duh avangin exercise la nasa tur leh Therapy la turin min rawn a, Ka Ni fanu Therapist chu kan In ah tuk tin a rawn kal ziah a, Ni 3 chhung lekin hma ka sawn chak viau. Ka zirna lamah ka rilru ka pe thei ta deuh a, Calendar ka en sek a, Sana ka en sek bawk a, Sunday thleng thuai thuai se ka duh viau. He tiang em em hian ni a rei tih reng hi ka hrelo, Ni khatah Darkar 24 a awm an tih hi dawt niin ka hria. Nikhar ah Darkar 50 vel awm ni maiin ka hria, Sana Ban te chu nidang aiin a kal muang ni maiin ka hre bawk. Ka Sam leh hmul vel chu ka la met duh chuang lo a, Mosolman ni mai awma mawi ka ni, Hmul ngah leh hmul bit tak ka ni bawk nen ka buk chhup mai a ni, Naupang dangte phei chuan min en duh dauh dauh thei viau bawk.


Sunday Chawhnu Inkhawm laiin Nutei leh Veni chu an rawn thleng a, Kei leh kan nula chauh kan lo awm a, An rawn thlen laiin Room ah ka lo awm a, Online Coaching ka lo join mek a "U Tuai, an lo thleng, room ah ka rawn luh tir mai dawn a mi?" a rawn ti a, "tute maw lo thleng?" ka ti a, "awww an mahni" nui chungin a ti a, "tu an mahni maw?" ka ti hu a, "An mahni kha, Tlaia chaw rawn ei turte kha" a ti a.. Ka hrechhuak zawk a, chutianga a tih ka rin loh vangin ka bo hu pek a, amah lah chu a nuih a za em em mai lehnghal "rawn luh tir vat rawh" ka ti ta a.

Veni chuan kawrfual fual hnulh ni silo, a senno veins anga in ziak deuh sep sep, hi a ha hnalh a, a sam chu a thlah bawk a, Vans senno a bun bawk a, a vun rawng nen a inhmeh in a inchawih kher mai, a hmel chu tlemin a tla deuh nangin a hmelțhat dan chu ahma aiin a zual ni maiin ka hria. Kan han inhmu thut chu kan lai deuh ve ve a niang kan nui ringawt a, amah Nutei chu awmlo ngat se zawng kan hawihai dun viau ang a, țawng hmasa zawk tur kan awmlo maithei. "I la in met fai nange? Osama Bin Laden i ang a lawm, kan rawn kal har i ti em?" a rawn ti nghal sat sat a, "Ti lo e, ka inzuah buk ve lak lawh a, ka met ui ve tho a lawm mawle" ka ti ve vat a, Ka khum bula Sofa ah chuan an țhu a, "In va rawn kal har ve?" ka ti a, "Nia, He nu hi a inchei rei lutuk a, heta alo kal dawn hi chuan a insiam rei thei a nia" Veni melh pah chuan a ti a, Veni chu zalo deuhin a nui a, "I va daw peih tak, Nangmah a nih kha rei, I inbual har si, Card in deng rei em a nih kha" a ti ve a,. Ka dam sawng sawngin ka hria, kha chen a aw hre tawhlo kha ka han hre leh thei chu ka tan damdawi a ni ringawt mai. "Card in deng țhin a maw?" ka ti ve vat a, "Deng țhin e, kan indawl chuh țhin, Tuna Taxi kan hman man pawh hi kan man khawl sa ngat mawle" Nutei chuan a ti a, kan nui a. "A deng ve duh lo a, tihian ka man khawlsa hi min hmanpui leh reuh țhin a, a zaklo a nia" a ti zui hlak a, "A țha card den chu a ho e mai" ka lo ti a, "eee min țan rawn dawn a ni maw? Hostelah ka puang vek ang mawle" a ti a, "I van zamlo tak, engtin mah ka tih veloh che kha" Veni chuan a lo ti vat a, "Hekna tur a awm em ni?" ka lo ti a, "Awm e, ka" a ti hman chauh a, "Zonunmawi, ngawi mai mai rawh" sem deuh ap ap chung chuan Veni chuan a lo ti vat a. Keiin ka pump a, Venin a lo hnial a, "Ninawm, lo fuihpawrh suh, a sual a nia" ati a, kan nui a. Chutih lai tak chuan ka nu chu room ah a rawn lut a, "Eee Nute, in rawn leng elaw? inva fel ve" a rawn ti a, an inkhawm bang kan nui thawm hria a rawn peng a nih hmel.

"Nia, kan hmanlo thei lutuk a, hei Damdawi ka rawn ken sak a, a țha chak hmel khawp mai" Nutei chuan a ti a, ka nu chuan "Eng damdawi maw?..." a ti a, a hrechhuak leh zawk a niang "awww Veni maw i nih a?" tiin a chibai zui a, "aw ni e" a hmai chu a sen hlar a, zah vang a ni chiang hle. ka nu chuan inher pah in "Zanriah te ei ve nghal ang che u aw" a ti a, Veni chuan min rawn en a, zak hmel taka meng thip ram chung chuan min chhiatkhum zauh a. Ka lo nuih a, Nutei chuan "Aa ei lo ang," a tive ngial a, "enge chaw ei chhuah an phallo a mi?" ka nu chuan a ti a, "phal loh pawh a awm chuanglo" a ti leh mai a, "Anih chuan in ei thei a nih chu, Tikhan lo inkawm u la, kan inthlak a nge, Zuiin eitur a lo pe tawh che u em?" ka nu chuan a ti a, "Pe lo, Theitui kha rawn chhawp rawh se" ka lo ti vat a, a chhuak zui ta nghal a.

"Zonunmawii hi chu aw" Veni chuan a ti ringawt a, an inchhaih a, kan nui bawk bawk a, Eng eng emaw kan sawi ho a, Veni nen chuan Sofa ah kan țhu dun a, Kan in ngheng chial a, a kut ka kalh sak nap nap a, Nutei ti ti kan ngaithla pah bawk a.. Zuii theitui rawn chawi luh chu kan in a, kan in ruahna no chu khawm pah in "Ka va seng phei lawk a nge" tiin a chhuak ta daih a. kan ngawi reng a, Pa deuhin ka awm tawh ang, ka ngawi kur tawh bik lo ang ka lo tih tawh avangin țawng bul ka țan hmasa vat a. "I nalh khawp mai, In week chu nuam i ti em?" ka ti a, "tive tho, mahse rilru tak tak in ka week ve lo a" a ti a,. A sawi awmzia chu ka hrethiam mai, A pa boral vangin a la hlim em em theilo a nih ka ring. "Nia a zialo khawp mai, I pa kha Keimah vangin a boral ta mai si a" ka ti a. min rawn en ha a, a mittui a tling pam a "Nangmah vang a ni hleinem... Nuteiin min hrilh a, I lo inthiamlo viau a ni maw?, I thiamloh a awm reng renglo" a ti a.. A mittui tla chu ka hruk sak a, "Ka ngai thei lutuk che a sin, Ka khua a har thei lutuk a" ka ti sap a, "I thi tiin an sawi a, ka țap nasa lutuk, mahse i thi leh lo am ti a ka lawm em em a, Mahse ka pa a boral tasi.. Nangpawh i boral ve mai ka hlau lutuk a, Zan ah Biak In ah te ka nu nen kan han țawngțai leh ringawt țhin a. Kei pawn ka ngai thei lutuk che, Aizawl chhuk thut i ngai tih ka hriat khan ka lung a leng nghal em em ringawt a, Ngaihțhat lohna ka nei ru riau bawk a, In chetsual dawn vang kha a niang" a ti a, Kan in hnaih tial tial a, kan in fawp ta nge nge a. kan vawi 1 infawhna a ni bawk a, kan duhthawh ngat ngat viau.


A hmui strawberry ang maia sen nalh, tuihnai em em mai nelh thap mai chu ka kham theilo a ni ber mai, min dipdal tu an awmlo bawk a, kan inthlah phallo a ni ber mai.. "U Zoram min thih san ve miah suh aw., ka pa ka chan pawh hrehawm ka tih tawh nak laiin nang ka chan leh che chuan ka dam zo tawh lovang" a ti sap sap a, "ee ka kalsan phal lo reng reng che, Chan tur che leh midang kuta awm tura ka suangtuahna ringawt pawn min vaw chau vek thei a nia, I tello chuan Vanram pawh nuam ka tih ka ringlo, Paradise an tih pawh hi a khawhar thlak ngawt ang" ka ti a, kan infawp zui leh nghal a. Ka kawngka chu a ri rak a, kan inthlah vat a, Nutei leh U Mary an rawn inzui lut a, kan awm dan chu rawn hmu hmanlo mahse kan che lai lutuk chuan am hriatthiam phah ngei ang. Mahse kan chanchin hrechiang ve ve tu an ni bawk a, an zahawm em em lemloh. U Mary hian Nau en pawn min en meuhlo, Fapa en in min en ni maiin ka hre țhin, " Veni maw i nih, kan inchhung ah hi chuan inlar teh a nia, an sawi dan aiin i hmelțha daih zawk a lawm" tiin chibai a inbuk a. "awi ka van lawm em em, Nangmah a lawm hmelțha" Veni chuan sen am am chung chuan a ti let ve a, "Vawiin chu Tuaia dam lawmna ni pah fawmin Chhungkaw chaw ei khawm in pual in kan siam dawn a nia aw, In Warden khu ka țhiannu a nia, ka phone vek tawh bawk a nia, Zanin chu chaw in ei ve dawn nia" a ti a. An pha ngial nangin a sawmtu in a sawm thiam bawk a, an amen thei ta hram a.


Kan chhungkua leh ka U te chhungkua chauh emaw chaw ei tur kan tih laiin ka ni te nupa leh ka patea te nupa, Bakah ka nu laizawn neihchhun ka Nu Sangbawihi te nen lam an lo tel ve vek hi a lo ni a. Ka Nu hi Lunglei lam chhuak a nih vangin a unau dangte chu Lunglei ah vek an awm a, an ni 2 chiah hi Aizawla awm an ni. "Kan mo nu hual chu a hmelțha hle mai" an ti sek leh nghal, Veni lah a zak thei ngang mai bawk si, A khat tawkin Nutein a sawisa ve bawk nen kan hlim dar dar viau mai a. "Damdawi mum lian a lokal meuh chuan Tuaia pawh a dam chak hmel hle mai" an ti fiam chul bawk a. Zanriah kan ei hma in ka pa a rawn hawng a, Veni nen Țhuthlenga kan țhu dun chu a rawn hmu a, "Ekhai nang hi a ni maw Tuaian 'The Mab' a tih ziah chu" tiin a chibai a, Midang fiamna aiin a zah hmel zawk. A hmelțhatna chu thuhran nise a ze zawi raih mai chuan ka chhungte a hneh hmel hle in ka hria. Ka ni phei chuan a lo en leh dauh dauh țhin a, Ka lawm hle, achhan chu ka chhungkua ten an ei zawng a lo nih loh palh ka hlau em a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 8th, 2019, 8:37 pm

Chapter 5.

"Hei Zanin ah Kan Fapa tlum ber mai, chesualin thi thei dinhmuna ding chungin hun a hmang a, Mahse Pathian hruaina kan chang a, Kan fapa nunna min zuah saka, kan lawm em em a. Chutih rualin kan lawm erawh a kim rual chiahlo thung, kan nau kan thawhpui tlawmngai em em mai Puia Veni pa hi kan zingah a awm ve talo erawh hrehawm kan tiin sawt tawhlo mahse hrehawm kan ti hle ani. Kan thinlung zawng zawngin kan tawrhpui tak zet a ni, Veni nu leh a chhungte lah kan chungah an țha em em mai bawk a, an pa ber kha kan chhungkua pawh hian kan sun tak meuh meuh a ni. Chuvang chuan Veni te chhungkua hian keini chhung hi min hlat zawnga awmlo hram turin ka duh a, kei nin pawn nangni chhungkua hi kan chhungkua ah kan pawm tlat che u a nia" ka pa chuan Zanriah ei hmain a sawi dap dap a, Țawngțainate neiin Zanriah kan kil ho ta a.


Zanriah kan kil ho hnuah Veni te thleng seng vela an buai lai chuan Ka ni chu ka bulah a rawn țhu a, Jelly Pudding kan hawp a "Tuaia, Veni nen hian engtia rei ngei in inhriat tawh?" midang hriat tham ve manglo chuan a ti su su a. Ka Ni hi ka pate Farnu neihchhun a ni a, a hunlai chuan Synod Choir Member te pawh ni ve, Nula fel nia an sawi țhin a ni bawk a, College Lecture niin Aizawl College ah a thawk nghe nghe. "Ni, kan accident hma zirtawp ni ah kan inhria" ka ti a, a nui huk a, "awi i va vei em em si ve, a hmelțha chu ka ti a, a mitmeng hi a thip mah mah em ka ti deuh" a ti a. "saw tak saw a lawm min ti â tu chu" ka ti a, min nghawk zoh pah chuan "i zamlo lutuk, Hmeichhia reng reng chu belh chian viau tur a nia, an hmelțhatna hi an hmang thiam duh zek a nia, Ka țawng Pathian huat thu suh ah, I nu leh pa zarah in khawsak a nuam a, Tin, lehkhathiam anga ngaihna lai in awm ve bawk nen, Chutiang hre ran chung pawh chuan a lo nelawm ve thei viau a nia. A hmel saw chu a țha thlawt a lawm" a ti a, ka nui a "Nia, a dik a lawm, Mahse a ni chu Officer ngaizawngtu pawh a nei ve nual a ni awm e, Mahse a kalsan zel, Kei erawh chu min hmuh tirh phat, ka background a hriat hma hauhin min duh der ve a nih hmel, Nia.. Chutia Nupui atan han tih deuh bur a la awm chuang hleinem, Kan inbel chiang zel dawn a lawm" ka ti a, nui vur vur chung chuan "Nang hi hmeichhe lamah i buai lo viau emaw ka ti a, I lo buai ru ve viau a nih dawn hi, Engting nge haw an tum reng reng a" a ti ta daih a, "U Mary khan an Warden chu a biak sak tawh ngei mai a, Mama'n a zuk thlah mai ang chu ka lo tive ringawt" ka ti a, "anih chuan a țhat chu, I U Mary ang hi neih tum ang che, Inchhung enkawltu tur i nih kha hre reng la" a ti a. Thudang ah kan pakai zel a, Veni te pawn an inseng fel vek tawh a, Ka nite ho pawh an haw ve tawh bawk a. Ka nu leh pa te ka unaute ho an inkhawm tawh bawk a, "Engmah hlauthawng suh u, In Warden bulah ka sawi vek tawh a, Kan Inkhawm banah kan zuk thlah dawn che u nia" U Mary a ti bawk a. Inkhawm chhung chu kan la inkawm hlim thei dawn tihna a ni a, ka phur in ka hlim hle.

Kan Veranda ah kan țhu a, Nutei leh Kan nula in Tv en pahin an ti ti bawk a, Kei Wheel Chair ah ka țhu a, a ni ka bul chiah ah țhuthleng ah a țhu thung a, Thla de țan tir a rawn lang nul nul a, a eng no nghulh mai bawk a. Bar thla de tir a ni bawk a, a mawi danglam chiang kher mai "Engtik nge in chawlh dawn a?" ka ti a, "Kar 2 vel hi chu class kan la kal dawn a nih hmel, Krismas rawn hmang chho daih la" a ti reuh a. Ka nui a, "Nangman hetah hmang zawk la, Ka ngai dawn che e mai" ka ti a, "Ka pa boral kum Krismas a nia, ka hmang sawn thei lo ang" a ti a. Ka harh zawk a, nia a pa boral kum krismas a ni tah e, "Hetiang bur hi nilo i la chuan ka rawn chho nal nal ang mawle" ka ti ta zawk a. "Kei hian a sin ngai dawn che ni, Ka pa nen ka ngai kawp ngawt ang che u, ka khua a har dawn em a sin." a ti a, a hnuk a ulh niin ka hria, ka thlek vat a, a mit tui a lo tling pam a, Aizawl khawpui pe un mai chu a thlir vauh vauh a.

Nja, Krismas hlim taka an hman ho țhin kha, Tunah chuan Chhungkaw kim lovin an hmang ho tawh dawn a ni a, Engtikah mah a pa hoin Krismas hi an hmang tawh ngai dawnlo tawp tihna a nia, Ka hriatthiam pui viau. Kei lah hmanpui turin ka awmdanin a zir loh bakah Ka Pu boral kum a lo ni ve chiah bawk si nen, han hmanpui tum țalh i la chuan ka theihlohna tur ka hrelo, Thla 1 dawn a la awm a, Krismas hmain, ka recover chak dan ngaihtuah chuan Wheel chair ah nilo, Tiang hawl chungin ka kal sawih sawih thei tawh ngei ang. Mahse ka chhungten ka pu boral kuma Krismas hmun danga hman an remtih ka ring hauh silo. "In Chetsualna zawn kan tlan tlang a piang hian ka rilrua a thara, ka insum zolo ngei ngei țhin. In chetsual hlima in awm dantur te ka ngaihtuah a, ka pa mangang lutuk turte, i na tuar hmel turte ka suangtuah a, ka țap lo thei țhinlo a ni" a ti siap siap a. Ka lainat hle, a kut ka hum sak a, a khur der der niin ka hria, "a vawt i ti deuh em ni?" ka ti a, "Vawt tilo e" a ti bawk si, "sawi tawhlo ang, ka insum zo dawnlo tlat" tiin a mittui a hru zauh a, a darah ka kuah a, remchanglo deuh chuan ka awmah a bei hnap a "Kum naupangte ni chunga i chunga ka rilru put dan hi mak ka ti tlat. Ka chan loh turah che ka dah țhin a, țah vak vak ka chak thei lutuk, Ka dam zovin ka ringlo hial țhin. Nutei'n ka sawi ang a tih pawh kha, I thi a nih vaih chuan ka nunna ka la ve ang' ka tih vang a nia, min chhaih nan tak a hman phah lehnghal" țahnuih ti tih hian a ti a. "I a mai mai lutuk, Ka kalbo zan dawn lo che a, Ka laka i rinawm phawt chuan kei chu i lakah ka rinawm tlat ang. Min phatsan daih a nih thung erawh chuan ka â thei hial maithei" ka ti a. a rawn tle chho ha a, kan hmui a sin deuh tho nghal a, ka kun hniam deuh a, kan infawp a ni zui nghal a.


Kan Inhriatna la rei em em lo mahse kan inkar ah induhna leh in hriatthiamna thuk tak a awm der tawh, Ka lainat ngawih ngawih a, ka kalsan phal ka ringlo hrim hrim. Amah ka changlo a nih pawn kei chuan midang lakah ka kian san ka ring lemlo. Chutiang khawp chuan ka thinlung min hneh a, Hun tam tak leh hmun tam takah awmdunin hmangdunlo mah i la, kan awmdun chhung reilo te ah hian a zia zawi nem raih mai, a mitmeng thip ram mai phena nunnem tak chuan min hneh em em a, ka kham theilo ni berin ka hria. Inkhawm an rawn bang a, Hawng tura an inbuatsaih laite chuan kalbo vang vang tur ang maiin ka hria, ka khua a har lawk ngawih ngawih a ni ber mai. U Mary chuan "I lokal ve dawn nge dawnlo?" a rawn ti a, ka chhan hma hma chuan "Kal ve dawn" Veni chuan a lo ti vat a, "Eh.. In lo sawi lawk sa a ni maw?, Kal thei pawh a nih loh hi kallo mai rawh se" a ti a, kan nui ham ham a. Kal chu ka duh viau a, mahse ka pa chuan "Zan te a ni si, i taksa ala chaklo e mai, kal velo mai rawh" a tih vangin ka kal ta lo a. "Hei, kan theihnghilh dawn" ka ti a, "Engmaw?" an ti a, min en țhap a, Veni chu ka en a "Ka room ah min hruai lawk teh" ka ti a, Phawk leh lai deuh chuan mi n en a, "Enge?" a ti a. "Aw hruai mai la" Nutei chuan a lo ti a, Ka room ah chuan min nawr lut "i ti zahthlak thei e, enge?" nui chung chuan a ti a. Kawngka a khar zui a, "Min en țhup mai" a ti a, kan nui a "Ka drawer saw va hawng teh, Bawm a lo awm ang, in room i thlen hma chu hawng miah suh" ka ti a, Ka sawi ang chuan a ti a, "Engtak chu ni ang maw?" nui chung chuan a ti a, a lek vat vat a. Kan va chhuak leh chu an lo hawi țhap a, a kut a a thil ken chu an hmu a "Hmmm.. Kan hmuh laia inpek ve mai awm" an lo ti a, "A ngaichuang hleinem" ka ti a an nui dar dar a. Khamlo zet chuan kan In mangțha ta nge nge a.


Ka room te chu ruak deuh huai hian ka hria, An awmchhung kha relo hle mahse Kum tam tak cheng dun tawh, Min kalbo san ta thut angah ka inchan deuh ber. Ka lehkhabu leh laptop bih ka tum ngial a, ka thei derlo, a rimtui in kah chu ka hnarah a cham a, a rim chu ka room chhungah a cham vek ni maiin ka hria, ka hawi kual a, Kan țhutdunna lai te chu ka en a, kan țhut chuar deuh te chu ka en vung vung a, "Tinge he nula naupang tak, Puitlin lam pan ve mek chauh mai hi ka duh em em le? Engtia a zunina min phuar tlat nge maw a nih le. Hmanlai Mizo Pasalțha thawn thu leh Hnam dang Pasalțha te thawn thu a Lasi zawl an sawi ang mai kha niin ka inchan deuh ber. Tuipuia zinvak mi ten Tuipui Lasi an zawl a, Livir lamah a hruai lut ta țhin ang te em kha chu a ni turah ka ngailo. "Lasi Lalnu an tih hi a ni tak tak a niang a?" te kan ti rilru leh renrawn a. Ka thil pek kha a hmuh hunah engtin nge a hmel a awm ang? A lawm ang nge? Țullo a ti ang? tihte chu ka ngaihtuah a, a lawm a nih chuan a lawm hmel tur leh hlim hmel turte chu ka mitthla ah a lang a, keimah pawh chu ka lawm vei vur vur hle.


"Hey, Ka lawm lutuk a nia aw... Ka lawm bawk sia, ka inthlahrung bawk si, Ka Phone awh em em mai, Ka lei ngam siloh a ni lehnghal, engtin nge ka duh tih i hriat theih zawk a" a rawn ti nghal bawrh bawrh a, a awki ațang chuan a lawm a ni tih a hriat hle, "aw Lasi ka zawl a, Ka lasi Lalnu thil duhzawngte chu ka hriat loh ve bawkin" ka ti a, a nui hak hak a, "I hmelțha, i fel, i duhawm vel vek mai" Midang hriat hlau hmel deuh chuan a rawn ti sar sar a, "em em a che, Ka khua a har a nia aw" ka ti ve khut a, "Kei tak, Motor ah kan chuangte kha ka ngawi renga, I u khan 'kan hruai ve si lo a, i lungawilo em ni?" a ti a, ka zak tak tak, ka haw hreh a nia aw" a ti a. "Nge i riah ve nghal mai loh" ka ti a, nui hak hak chung chuan "a chiloh em a lawm, Rawn riak ve ngawt i la khawiah nge ka mut chuan ang?" a ti a. "Aw ka khumah kan mu dun ang a, Kan Inkuah tlaivar zak ang mawle" ka ti a, a nui hak hak a, "Ka duh teuhlo, i hur" a ti ringawt a, za em em chuan kan nui dun a, "Hur lam a nih loh chu, Kan mu dun ang a, Ka kut i kham ang a, i sam ka chul sak hliau hliau ang che" ka ti a, "naaa sawi suh, ka țah i ti chhuak" a ti a..



Ni a liam a, kar a liama, Krismas thla a ni der tawh, Keipawh Mak tak maiin Tiang hawl chungin ka teivak thei tawh a. Zingah hma takah thoin Ka uipa (Dalmatian) Mizo Novelist a ka ngaihsan em em mai hming chawia a hming ka phuah 'Saiawia' ka kai a, Kan veng chhung ah kan lengkual dun țhin a,. Ka nun chu a hlim veng veng a ni ber mai, Veni nen pawh nitin vawi 5, vawi 6 te kan in be țhin a, Sawitur kan nei ve duah zel, a zirlai te, a nu chanchinte kan sawi a, kan nui a, kan lunghnur a, kan huphurh a. Chutiang vel chu kan ni țhin. A khat tawkin Chhun class an neih loh țumin a rawn leng leh hlawl țhin a, ka room ah kan inkalh khuma, tuma dipdal lohvin ka khumah kan mu dun a, Sex lam kan ngaihtuah ngailo hrim hrim. Inkhamlo takin kan inthlah leh a, Ka hlim em em a, Mahse awmdun lo ta chu kan ințhen hun a awm leh lo thei țhin lo. Motor ka khalh theih tawh avangin a chang leh Hmun hla deuh ah kan inphur chhuak leh ringawt țhin bawk a.


"Vawiin enge i tih dawn? Hostel ațangin kan chhuak tawh a nia" Text message a rawn thawn a, ka call nghal vat a, "Tinge hostel in chhuah tur i sawi loh, ka rawm lam tur che a nia" Ka ti vat a, "Ngai hleinem" a ti sam et a, "Enge tih tur i nei a mi?" ka ti a, "Nei lo e, Bazar i la, ka nu thuamhnaw tur ka lei duh a" a ti a, "awle, Ka rawn sawm ang che" ka ti a. A ni te in ah a awm a, a ni hi a pa farnu niin Aizawla Pasal nei a ni a, A ni pawh hi amah ang maia hmelțha a ni nghe nghe. Tichuan, ka insiam a, A ni te in lama aw chu hruai turin ka tlan vang vang a. Kekawr tluan zuih deuh zaih mai, a buang lam lek lek a ha a, Pheikhawk flat a bun a, a sam a țawn țawn leh tawp a, Make Up a hmang vaklo, a nalh em em ringawt mai a ni, Bag lian ve lam deuh a ak a, Bazar vela kalpuia inzui ka chak zek zek tawh a ni.


Solomon Cave ah kan kal hmasa ber a, Dawr 1 ah a nu kawr tur a en lai chu ngawi rengin pawn ah ka lo nghak a, Chutia ka lo din lai chuan mipakhat hian ka hnung lam ațang chuan min rawn kheuh zauh a, Ka hawi vat a, Ka Hmeichhe țhian nei ve chhun Merlini a lo ni a, Kum 5 vel kan inhmu tawhlo "Teh hlawl che chuan" ka ti a, a nui var var a, "Tinge tiang nen i inhawl a?" makti hmel deuh chuan a ti a, "Ka hawl ve mai mai a nih hi, Engtik nge i rawn haw a?" ka ti a, A ni hi sap ram lamah engemaw thawkin a awm bo ve daih a, "Kar 3 zet chu ka awm tawh, Mizoram ah i awm ka ring lo a, Inhmuh a khat hle mai" a tih mek lai chuan Veni chu a rawn chhuak a, ka bula din pah chuan "Hmun dang en leh teh ang, ka duh ang ka la hmulo" a rawn ti a, "Awle.. Hei ka țhiannu Merlin a nih hi, Hei hi ka.... Veni a nih hi" ka tih bah nuaih a. Ka bial nu han tih mai ka tum a, ka duh leh ta lo a, "I țha maw?" tiin Merlin chuan chibai a buka a, "Ka țha a lawm" Veni chuan a lo tive mai a, "Khawnge in la kal dawn?" ka lo ti vat a, "Kan teikual mai mai a, Millennium lamah te kan phei dawn emawni ka lo ti a, Mizoram hi kan changkang leh lutuk a, Sap ram ang mai a lawm, kan naupan laia Bazar puia kan bazar nuaih nuaih lai kha a nuam daih zawk" Merlin chuan a ti a, kan nui dun hawk hawk a, "Hetah hian kan en leh lawk"tiin Veni chu a kal sawn a, "Țhianpa, I bial nu tiraw? ava duhawm em em ve, Engtin nge nang zeilo lutukin i chhai thluk theih?" nui chung chuan a ti a, "Ka zei a lawm mawle" ka ti a "Tak tak, a duhawm hle mai, Mizo nula hi kan lo duhawm a nih hi" a ti zui a, "Nang tiam lohin" ka lo ti vat a, kan nui a "Hman kuma Delhi a ka hmuh kha engtin nge ni ta?" a ti a, Veni a rawn thleng ve chiah a, kan sawi zui ta lo a.


"Ka ril ațam, enge kan ei ang?" ka ti a, "ka hrelo i tih tih a ni mai" a ti a, Cave chhunga Thingpuidawr awmah chuan kan inzui lut a. (Mizoțawngah 'Thingpuidawr' tih kan nei reng a, Ziaktu țhenkhat ten 'Restaurant-ah' an ti kher ang chi hi ka ti ve ngailo. Kan hnam țawng hi boral tur zinga chhiar tel a ni an ti țhin. Hei hi boral lo tura humhalh tlat hi ziaktu ten kan tih tur niin ka hria.. Kan Hnam țawnga kan neih ve reng hi chu Mizoțawng a ziak hram hram hi a changkang kan tih tlat chuan kan hnamah kan chiang hle ah ka ngai. Kan Hnam Incheidan nen a Inchei vul chuk chunga Chapchar Kut ah 'Ice Cream' leh Egg Roll Restaurant ah ei turin chawl ang hmiang' han tih daihte hi a changkanglo...TR)..

"Tunge Delhi a mi chu?" a thil ei lai chawl meuh chuan a rawn ti a, ka phuh huk lo chauh a ni, "I lo hre hman e law?" ka ti a, a tak ran a, a mitmeng chang fiah kak mai chuan min en a, "Hria.. hria hria.." a ti deuh hmak a, Ngun takin ka en a, a mitmeng thip ram mai phenah chuan nuihza tlem insum ka hmu tel a "Hmanah Bena hmelhriat min kawp tir ve a nia, Thla 3 kan inzui ve hman, zeilo min ti lutuka min ban" ka ti a.. A thil ei lai chu a chhunzawm a, "I awihlo a mi?" ka ti a "awih e, Mahse Zeilo an tih che chu ka awihlo" a ti a, nui hmel a pu deuh tawh a. "Nia ttiraw ka zei tehlul nen" ka ti a, a nui hak a, "Tak tak a ni em?" a ti a, "Eng chu maw?" ka ti vat a, "Delhi a mi kha?" a ti a, "Ni e, A nilo pawh midang 1, hman deuh khan min kawhhmuh leh a, a ni pawh a beidawng leh țhak mawle, Nang chiah hi ka nu leh farnute tih loh Hmeichhe dang Thingpui dawrh leh Bazar vela ka zui awmchhun i la ni" ka ti a, a ner nang nang a.. "Ka vannei hle mai" a ti ta ringawt a.


"Kei hi a lawm vannei" ka ti a, a nui seih a, Mi an rawn lut zel a, țhut reng nuam heklo kan eizo ta bawk a, bai suih suih chung chuan kan inzui chhuak leh a,. 5"11 zet ka ni a, Ka damloh vangin excercise ka la țha bawk silo, Ka sam a sei deuh chhup a, ka țawn deuh nuaih bawk a, Ka khabe hmul leh ka bek hmul a ințo zawm chhup a, ka hmuihmul a bul chhup bawk a, Ka ke a la bai zui. A ni lah a nu hnap a, a incheidan uchuaklo tak simple deuh a ni thung, Pafa ang mai niin kan lang awm e. A hmel a cute in a lang naupang bawk si, dawr țhenkhat a kan luhna ah phei chuan minlo en duh țhin viau. Dawr pakhat kan chhuahsanna ah phei chuan "Nupa nge an nih le? Pafa" an ti zui ri chu kan hria a, kan nui tawp nghe nghe.


Millennium Centre ah kan lut leh a, a duh zawng kan zawngkual leh a, kan nui deuh reng bawk a, achhan chu zawhna min zawt nawlh nawlh tu kan tawng leh țhin. "Tu hak tur nge in zawn a?" an lo ti a, "Ka nu hak tur a nia" Venin a ti a, "Ka Pu In nu hak tur chu nangman nalh i tih ber thlan sak rawh" lo ti tawk an awm țhin a. Achang leh "Fanu i nei hmelțha hle mai" lo ti nawlh nawlh tawk anlo awm bawk a, Hmelhriat țhenkhat kan hmuh ten "Tu fa ber kha nge a nih? I u mama fanu em ni?" tih te minlo zawt nawlh nawlh țhin a. "Naktuk ah Sam met la a țha ang" a ti hial a, kan nui kan nui a. Kan hlim dun phian, Mahse hmeichhe chhuahpui chu an duh thlan chhung nghah peih a ngai ngang mai, Mipa tam takin an chhuahpui peih reng chu ka hrethiam ve hauhlo. Veni nilose ka chhuahpui peih lo emaw a ni ngei ang, Mahse amah Veni a ni miau si a, Chhuahpui ka chak zek zek thung, ka dawhthei hle bawk.


"I hman tawh em?" a rawn ti a, "Engti turin maw?" ka ti a, "aw nimina ka sawi kha?" a rawn ti a, "Eng chu maw?" ka lo ti hu a, a nui a "Sam meh vel kha" a rawn ti ta reuh a.. Ka nui hak a "i ngaimawh viau a mi?" ka ti leh a, "aw... Miin an hmu putar lutuk che, ka duhlo" a ti a, a nui zui bawk a "Nangberin intih te chuan" ka ti a. Ka insiam a, "Tuaia khawnge i chhuah dawn?" kan nula chuan a ti a, "Kan bazar ve mai mai a nge" ka ti a, a nui vur vur a "Engtak chu lei ve ang che maw?" a ti a. In nghahna tura kan ruatah chuan a lo awm vang tawh a, Mipa Lu mehna dawr lam kan pan dawn emawni ka ti a, Hmeichhe sam tanna hmunah min hruai ta daih a "Enge hetah kan tih dawn?" ka ti a, "Duhsaki kha a thawk a lawm, College a bang a hetah hian a zir daih a lawm" a ti a. "Chupawh nise mipa ka nia, Hmeichhe sam tanna ah kal daihte chu" ka ti bui bui a, "Mipa sam pawh an khawih vek a lawm, an thiam lutuk, Milar mipa ho pawn an pan vek a lawm, Mipa Lu mehna dawr nen rate a in ang reng a lawm" a ti siam siam a.

Dawr chhung kan lut chu a sawi ang chuan mipa pawh an lo awm nual hlawm a, ka tumloh daihin ka țhianpa Bena pawh a lo awm a, "tehdaih che chuan, tinge i rawn haw i sawi loh a?" ka ti a, "Nimin ah ka rawn haw a, Zuii bulah ka sawi kha, ka be tlang thei bawk silo che" Veni en deuh ha ha chung chuan a ti a, "Ven, in rawn thleng maw? lo nghak deuh lawk ru aw, khawih lai ka nei a" Duhsaki chuan hmel hlim deuh chuan a rawn ti a, Kan inchibai a "I va dam tawh ve, In mehfai chu i ngai ve nasa hle a nih tak kha, Lo țhu rawh u" a ti nghal bawrh bawrh a. Bena bul ah chuan kan țhu a. Min rawn nghawk zauh a "Tunge?" a ti sup a, "Ekhai.. Veni hei hi ka sawi țhin ka țhianpa Reubena chu a nih hi, Bena hei hi Veni" ka ti a, Bena chuan "Eee Veni maw i nih, Veni tih te chu Khawvel dang daiha awm lai pawn kan sawi mawlh mawlh reng mai mawle" a ti a, a nui huk huk a "Enge i sawi awmzia?" Veni chuan nui chung chuan a ti a. "Damdawiin a ka riahpui zan khan Veni tih hi ka hre zing khawp mai, amah lah a harh der silo" a ti a, kan nui ham ham a.


Eng eng emaw sawia kan phul hlut lai chuan Duhsaki chuan "U Zoram ka hman e lo kal rawh" a ti a, Duhsaki awmna lam chu ka pan nghal a, Veni'n min rawn zui vat a, Puan leh thil dang min hak tir mawlh mawlh lai chuan "I lang putar vek tak tak a nih hi, Nizan ah nimin in bazar vel chanchin kan ngaithla a lawm, Nutei pawh a rawn kal dawn kha" Duhsaki chuan a ti siam siam a. "Engtia meh nge i duh a?" a ti zui nghal a "Ka hre nang" ka ti a, "A hairstyle ngai khan mehsak la, a hmuihmul vel kha paih vek lovin meh sak rawh" Veni chuan a lo ti a, "I duhdan zawk a ni maw kan meh dan tur" Duhsaki chuan a ti a, kan nui dar dar a. Ka bul chiah a țhutna ah chuan Bena chu a rawn țhu ve a, Dawt phuahchawp deuhin ka chanchin chu a sawi a, Dawra awm chu an nui leh ham ham țhin a, Veni hmel darthlalang ațangin ka va en a, a lo sen ap ap țhin a. "Khatia a natzual lai phei kha chuan a țawngvai nasa bawk a niang "Veni, Veni..." tih ringawt khan a rum a, Nurse ho zingah khan Veni ve tho kha Hmelțha em em lo kha a lo awm ve bawk si a, "Eih mai rawh" kan ti a, Veni a tih leh a piang khan 'Eih heta hi ka awm" a lo ti ziah a, a țawngvai pawh a tawp ta nge nge a lawm" a ti a, kan nui ham ham a, "I van daw peih tak e aw?" ka ti a, chutiang deuh chuan a pawt char char a. Dawr neitunu nen an in hmelhriat sa bawk nen a ngampa ham ham hle.


"In Inhmeh dun hle mai, Tikhachuan an hai tawh lo ang che u" Dawr neitutnu chuan a rawn ti a, kan nui a, Duhsakin a lo hrilh ni ngei tur a ni. Ka inmetfaia, Min han tuaihnum deuh takah chuan ka lang naupang leh ta deuh bawk a, Min en duh ha ha hlawm hle, Nutei a rawn thlenga rei pawh awm lovin, Bena tenen kan 4 chuan Bazar kual turin kan chhuak ta a. "U Zoram hei hi ha chhin teh, Scholarship kan la a, ka present ve hrim hrim ang che" a ti a, T-Shirt min en tir a, ka ha chhin a, Ka hak ang chiah chu a ni pawn a rawn ha chhuak a, ka tawk chiah bakah ka kawrhma ah chuan Lian zet hian V a inziak a, A kawr hak ah chuan Z a inziak thung "Hmmm Couple shirt an lo order vela, min intihtheih khum an duh vangin hetah min hruai bawk a, Nutei a dang kan order ve tawp mai dawn a mi?" Bena chuan nui țhu chung chuan a ti a, "Nia, pawi reng renglo" Nutei chuan a lo ti ve bawk a, kan nui ham ham a. Bena chuan Kawrdang a thlang a, Nutei nen t-shirt in ang chu a lei ve ngat a "Tikha chuan kan in ang tlangta. Tihtur dang in neih lem loh chuan Zanin chu Durtlang Mela ah kal ang u hmiang" Bena chuan a ti a, kan han sawi ho a, kan remti tlang ta a. Eng eng emaw kan tih zawh hnuah Veni chu a ni te in thleng ka thlah a, zan lama inhmu leh turin kan inthlah zui ta nghal a.


Zanah Bena'n a motorin min rawn sawm a, Nutei kan lam kual a, Kal pahin Veni kan lam leh a, Bena leh Nutei Front Seat ah an țhu a, Keni a hnungah kan țhu dun a, kan inkuah chial a, Durtlang lam kawng chu a lun laih laih khawp mai. He mela hi Mizorama an rawn luh vawikhatna a ni a, Russian lam ațanga rawnkal daih an ni lehnghal. Item a tamin Intihhlimna tur pawh a tam viau bawk. Mizote hi kan duhna ah chuan sum kan renlo ve tawh hle, he Mela pawh hi a luh man ringawt pawh Rs 1000 a ni a, Mahse a chhunga lut tawh tan Coke, Cofee leh Tui te chu a free a ni vek tawh thung. Item 100 zet an nei a, Chuan chi Ropui tak tak 10 zet a awm bawk a. Mary Go Round phei chu a aia lian ka la hmulo hial awm e, A virkual lai a, a sanglai ber a awm chuan Aizawl a lang pe ut mai a, a hlauhawm tham lek lek a ni. Mi kal pawh chhungkua, Couple leh țhianho an ni tlangpui a, Krismas hunlai pawha hawng tlang tura tih an ni nghe nghe, Mizoram sum an rut thla hnem ngawt ang le.

Air Rifle Rs 200 man Vawi 3 kah a target kah fuh chuan Teddy Bear lian zet mai hlawh theihna a awm a, "Nute, Teddy bear i duh em?" an ti fiam a, Rs 200 pe in Silai mu 3 an rawm pe a, Tuai vir tur a awm a, an tuai vir a, a virlai tak chuan Teddy Bear lem rawn lang chu lo kah fuh tur a ni. Vawi 3 a zawna kah fuh chuan Teddy bear lian chu hlawh tur a ni a, Vawi 1 lek khafuh chuan engmah an dawng lo a, vawi 2 kah fuh chuan Joker lem chhe zet an dawng thung. Kan hma a kap te reng reng chuan an fuhlo tlangpui kut bengin an kalsawn tlangpui, lun pawh a lun viau, Mahni fate, nupui, ngaihzawngte tan emaw kahfuh tum an ni vek hlawm a, Bena ni a thleng a, Inti thei deuhin "Sava thlawk lai kap fuh chat chat kha ka ni ve a lawm" a ti a, a țhen țha bawk a. An tuai vira a kap ta ngei a, a fuh nghal sak a, kut kan beng dar dar a, "Kha bak kha chu a fuh tawh lo ang" ka lo ti a, "Inchawi ang hmiang?" a ti a, kan nui a... An tuaivira a tin leh vang vang a, a kap leh a, a țhelh ta hlauh mai, "Teddy Bear chu i chan ta phawt" ka ti a, a nui a "Joker tal" a ti sup a, a kap leh a, a țhelh ta tho a.. kan nui ham ham a, "Min nuihzat suh aw, i kah fuh ka ring biklo" a ti a, pawisa ka pe a, "Ven, Nutei pawm tir ve miah suh a, Keimah angah i chan ang a, Urlawk zanah i lo kuah veng veng dawn nia" ka ti a. "Khaih khaih khaih Vawi 1 pawh i kap fuh lo ang" Bena chuan a lo ti a.


Nia, Infiamna lam hi engmah theih ka neilo, Tin, Silai phei chu ka kap ngai tih a hrelo hrim hrim ang. Mahse Sihhmui lama kan huanah Air Rifle leh Rifle pangngai kan unauin kan inkahsiak nasa tih reng a hrelo thung. Ka hun a ințan a, an han tuai vir par par a, Teddy bear chu ka kap fuh ta sak a, "Pakhat" kan ti a, "Keipawh vawi 1 na chu ka awlsam em kha" a lo ti a, Ka tin leh vang vang a, an tuai vira ka kap fuh leh ta sak a, "Joker chu a chiang ta" ka ti leh a, "Tifuh hle mai" Bena chuan nuihza vaklo chuan a ti hmuk a. "Kan la vannei zel rih e" Veni en pah chuan ka ti a, a nui var var a. An tuai vir leh pap pap a, ka kap leh a a fuh leh ta sak a "Pathum" ka ti a, Veni leh Nutei chu an khek tuar tuar a, an hlim ngei mai. A nghaktupa chuan Teddy Bear Var thianghlim em em mai Pawm zet a lian chu a rawn la chhuak a, Veni chu a pe a, "Nice Shot" a ti a.. Bena tlawmngai chuan Rs 600 zet chawiin Joker a hlawh ta hram a, kan nui nasa kher mai.


Hmun hran hran ah kan kal kual a, kan chuang a, kan ei a, Kan infiam a, a nuam hle, Thla a eng ruih mai bawk si..Kan duhtawka hun kan hman zawh hnuah chawlhna hmun atana an siam tui chik chhuak mawi deuh mai awmna ah chuan kan chawl ta rih a. Veni nen chuan in ngheng rialin kan țhu a, kan thlang deuhah chuan Bena leh Nutei chu an infiam bawrh bawrh a, Bena chuan fiamthu a thawh a, an nui hak hak reng a. Thla eng chuan a rawn chhun paw phut mai bawk a "U Zoram, ka ngai dawn che e, kan khua ah lo zin ve mai rawh" a ti sar sar a, "Kei hian a lawm ngai dawn che, Hmeichhia nang ang renga ka vei hi an la awmlo, Haw tawhlo tawp tura chelh mai che ka duh rum rum a sin" ka ti a. "Pasal nei thei ka la ni silo a lawm, ka nu khua ahar dawn lutuk, Tin, ka naute an la naupang si" a ti a, "Ka pa kha la dam se chuan Aizawl ah hian ka cham thei mai ang mawle" a ti leh niah niah a, a aw ki ațang chuan a țap țep niin ka hria. Ka dara a lu nghata thle bam mai a ni a, ka en a, a mittui a lo tling pam a, "Nia, tiraw a pawi tak tak a ni, khami ni khan kei khan motor lo khalh ni i la emaw? Muhil kherlo i la chuan, khatiang khan kan awm hauhlo ang mawle, I pa pawh a la dam ngei ngei ang" ka ti a. A teddy bear chu a pawm a, "Nilo, nangmah chu thiamlohna engmah ka neilo, Mahse tinge a lak bik kher le, In 2 a dam ve ve kha ka dil nasa a sin.." țahaw țiau chuan a ti a. "Ven, thudang sawi ang" ka ti a, a bu nghat a, kan ngawi vang vang a, a mittui a hru zauh a. "Naupang te ka nisi heti em em a ka duh che a, ka vei mai che hi mak ka inti țhin" fiah deuh zawk chuan a rawn ti a. "Pathian remruat dan hi a mak ngawt mai" ka lo ti ve ngawt a, "Nia, Ka pa min laksak hnuah nang min pe leh nghal zat a nia.. I damloh chhunga biak theh i ni silo, I awmdan ka zawt tlang hreh bawk si, Nutei lah a zawhtlak bawk siloh. In inah kan rawn kal a, i lo muhil zel bawk si, hrehawm ka tihzia kha. A tira kan hriat dan phei chuan Spinal Cord a sawh chhia a, a mu reng tawh ang an ti a. ka hriat zan chuan ka țap tlaivar zak mawle" a ti a. ka nui a "keimah vangin rilru hah reng rengin hun i lo hmang a ni maw?" ka ti a, a bu nghata a, "Ka dam chho ve zel ang a, IAS emaw exam te kan pe ve ang a, ka hlawhtling talo emaw ka hlawhtling ta emaw anih pawn awmdun reng tura inneih mai ka duh dawn a ni, i in peih tawh a ngem?" ka ti a. A insiam rema, min en ha pah chuan "I nupui niturin min duh tak tak ang maw?" a ti a, a thutak ran mai bawk a. Chu zan thla eng leh Mela vela Light eng an fuah inkap tawn vel hnuaiah chuan a mitmeng thip ram mai leh a heh sen vam ham mai chu ka lam a rawn hawi vang mai a.


"Nanglo hi nupui dang reng reng neih ka tum hauh hleinem" ka ti a..Ka jacket ipte chhunglam chu ka zen rak rak a, Kan 2 tana ka chah a ruka a kut ka teh sak mil chiah a ka chher tir, a chhunglamah Kumtluang atan tih ka ker tir Rangkachak azungbun nalh zet mai chu ka phawrh a "I remtih chuan keima tan chauh rinawm taka awm tur leh ka nupui i nih ngei theihna turin He Zungbun hi kan inneih țhat hma zawng chu min bun sak ta che" ka ti a.. Zungbun chu a en reng a, a nui sak a, min en a, a mittui a tling pam a, "I pawm theilo a mi?" ka ti a, țahaw țuau chuan "Ka sawi theilo, engvangin nge ka hnawl tehlul ang" țap pur chung chuan a ti a. A ta zawk tur chu ka bun tira, min kuah hnawpa, a țap hak hak a, Bena leh Nutei an rawn hawi phawk viau nghe nghe a. "Ka van lawm tak" tiin ka hmui a rawn chuktauh a, kan awmdan an hmuh chuan ngaihțhatlohna tur a awmlo tih an hria a niang an in saseng ta zawk a. Ka ta tur zawk chu kut khur dat dat chuan min bun tir a "ka zam deuh" a ti sap a, kan nui dun hawk hawk a, kan piah lawka midang awm chu kan pawisa lo kher mai, kan infawp ta ngawr ngawr a.


Kan hlima, nuam kan ti a, kan khamlo, chu zan chu ral tawhlo maise ka ti em em a, atuk mai ah an khaw lam panin a haw vang vang tawh dawn si. Krismas zawh hnuah daih kan inhmu leh tawh dawn si,.. Hreh tak te in chu hun thleng tur chu ka hreh a, hawnglo maise tih ngawt theih a ni bik silo, An khua ah kal dawn ngawt i la kal thei ka ni bik silo. Thina vanga kan khawhar tur chu ka lungawilo lek lek țhin. Mahse kan thu a ni der silo, Keiin ka pu ka chan a, a niin a Pa a chan thung, Loh theih loha kan awmhran a, Krismas kan hman hran a ngai si. Chu hun chu atuk mai hi a ni tawh bawk si, Chu zan chu am takin hmang mah i la, kan kham thei tak tak chunglo, a lo thlen ngei a ngai bawk si. Leitan ah kan ding a, Nutei leh Bena nen kan 4 chuan Car bula dingin Aizawl kan thlir țhap a, Kan boruak chu min hriatthiampui tih hriat takin an thutak ve ran bawk a, Keini pahnih lah engmah sawi lovin kan inpawm veng veng ringawt a. Minute 10 vel zet ngawi renga kan din hnuah "Hawng tawh mai ang u, engmah a danglam phah dawn silo" a ti a, kan hawng ta nge nge a.

"Țhianpa, Kha nu kha engtia chhar nge i nih, i vannei hle mai, Khatiang anga hmeichhe duhawm kha engtin nge i chhar theih zawk, I damlo in a hming i lam chhen pawh kha ka thiam khawp mai che" Bena chuan min thlahna kawngah chuan motor khalh pah chuan a ti a, "Leaving on a jet plane" tih hla kan ngaithla riai riai bawk a, "Lasi Lalnu anih kha" ka ti ringawt a. Chantal Kreviazuk lungrun deuha a zai chu kan ngaithla zui ta zawk a

"All my bags are packed, I'm ready to go
I'm standin' here outside your door
I hate to wake you up to say goodbye

But the dawn is breakin', it's early morn
The taxi's waitin', he's blowin' his horn
Already I'm so lonesome I could die

So kiss me and smile for me
Tell me that you'll wait for me
Hold me like you'll never let me go

'Cause I'm leaving on a jet plane
I don't know when I'll be back again
Oh, babe, I hate to go.....


(Ka buai em avangin Ni 2 dan ah sei deuh hleka chhunzawm zel tum zawk mai ang aw...)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 8th, 2019, 8:37 pm

Chapter 6.

"Ka Lung a leng hle mai ka bial nu ka ngai" an tih te, "D zun ngaih lunglen" an tih te, Kan High School kal laia Lalzoa lunglen hla kan zirte kha ka lo hrethiam phak ngai lo a. "Hmeichhia vang mai mai a, Lunglen" te ka ti a. Vairam ah Hostelah kan awm a, kan țhiante lungleng țingțang nen an zai tlang tlang a, an bulah ngawi renga lo țhut emaw, room ațanga lo ngaihthlak mai mai bak a awmzia ka hre ngai miahlo. Krismas boruak a danglam deuh a, Mahni awmna khua hawn an chak a, an nghakhlel em em țhinte thlengin ka suangtuahna ah a lang phak ve ngailo. Mahse, tunah zawng ka hreve chiang ta kher mai, Venkimi hming ka hriat ațanga ka rilru a riak reng chu engmahin a hnawt bo thei ngailo, a zunah ka uai a, ka uai nawl nawl ni maiin ka hria. Krismas a rawn thleng a, Urlawk zanah "I tawm churuk reng bik mai" tiin Bena'n zanriah ei turin an in ah min rawn hruai chhuak a, "Zanin chu ka surprise dawn che a ni. In chei nalh viau bawk ang che" min ti a. Engtak chu ni ang maw? ti rilru chungin a sawi ang chuan ka tive mai a, kan in kan chhuahsan dawn chuan ka nu bulah "Ka nu lo ngaihtuah lo u la, Naktuk ah Inkhawm turin ka rawn thlah leh mai dawn nia" a ti a, kan chhuak zui nghal a.


Luangmual lamah min phur kual a, Ni a tla țan suar suar tawh a, A bialnu kumhlun Zampuii te kawtah kan ding a, "Zanin chu kan awhfik ve dawn che, țhian kawp tur takngial pawh ka neih tir dawnlo che" a ti sauh sauh a, Zampuii chu inchei lutuklo inchei ve deuh siin a rawn chhuak a, Engmah sawilo chuan kan tlan chhuak zui lehnghal a. An In lam pan talo chuan World Bank road lamah min kualpui a, Zemabawk ah kan chhuak a, "Khawnge maw min kalpui in tum le?" ka ti a, Zemabawk ah kan ding a, Phone a hmang a, Rei vaklo ah Mipakhat hi a rawn kal a, Khua a thim thut thut tawh nghe nghe. Jk-a Bena țhianpa ve tho, Bena vanga ka hmelhriat ni bawk, Keimah ang maia Palian hi a rawn kal a, "In va tlai ve, kan thleng tlai lutuk anga sin" a rawn ti a. "Front Seat ah țhu rawh, India ram pum Mountain track Rally a Champion vawi 2 ni thei bulah hian țhu teh" min ti a, ngawi rengin ka insawn ve mai bawk a.


Bena motor hi Scorpio Model thar ber kha a ni a, Engtik laiin nge hetiang motor manto hi a neih hman ka hrelo, Mihausa fapa motor lawm tih takah motor thar hi a nei mawlh mawlh a ni ber mai. Zemabawk ațang chuan Aizawl lama kir talo chuan Tuirial lam panin kan la chhuak ta deuh deuh a, Bena leh Zampuii chu seat hnungah an țhu dun a, Car tape play chu an zawm dun rat rat a, a khat tawkin Jka chu a ti ti zauh zauh a, karlo ah Tuirial kan thleng ta der mai, Krismas urlawk zan tih takah Tuirial khawlai pawh a lun ve nak nak hle, Fu zuar nula inchei parh tak tak te pawh Aizawl lam tleirawl rual teihawi in an bawr lat lat hlawm a "Heng nula ho hi an pachang a nia, Sum tuakna a nih chuan zan khaw vawt an sawilo, tin lerh hmel deuh hian an langa an lerhlo phian a nia, An customer te dawr chakawmna turin an intuaifai peih nek bawk." Jka chuan a ti a, "Khawiah nge kan kal dawn?" ka lo tive vat a, "Ngawi mai mai teh, i duh leh muthlu rawh" Bena chuan a ti sam et a, Tichuan Futui bottle 1 kan lei hnuah Aizawl lama let lo zawng bawk chuan kan tlan chhuak leh a "Veni Krismas urlawk zan kan hmanpui dawn mawle" Bena chuan a ti ta roh a.


"Engmaw?" ka ti a, mak tihna in ka khat, Zanin ah Phone battery ral țhak khawpa kan inbiak chuan a tawk mai" kan ti kha a ni a, A beisei loh lutuk leh kei pawn tih chhin chi ah pawh ka ruat loh ka hma ngai em em tu Ka țhianpa chuan ruahhmanna a lo siam vek chu niin. "I ti tak tak em ni?" ka ti a, "Ti tak tak e, Mahse Veni hrilh lawk hauh suh" a ti a, "Ka hnek hrep dawn che emawn le" nui chung chuan ka ti a. Kan vai chuan kan nui ta hawk hawk a, Ka hlim a ni, ka hlim... "Bena" ka ti a, "Enge?" a lo ti bul hmuka, "I chhe lutuk" ka ti a, a nui huk huk a, "Jka kan let leh zawk mai dawn a mi?" a ti a, kan nui dar dar a. Engtin nge min hmuh hunah Veni chu a awm ang?" Mak a ti ve ngawt ang, Ka awihlo mah mah zawk kei pawn. Ka țhianpa chu kuah nawk nawk mai ka duh hial a, Zampuii nen chuan an inkuah chial a, Krismas hla leh hla lo kan zai tir chu ring deuh deuhin an sak pui a. Kei a hmaa țhu ngawi ngul mai kha, Ka lo zai ve rut rut bawk a. Seling te chu kan thleng rang kher mai, Jka motor khalh chu smooth deuh siin chak deuhin a tlan pur pur a, kan thleng zung zung ni maiin ka hria. Seling ah Hotel 1 ah Vai khual zin tan ei an lo siam ve hlauh mai a, Chaw kan ei a, chawl khawmuang lovin kan tlan zui leh ta nghal char char a. Thinlung tak tak in ka hlima, ka lawm a ni ber mai. Engkim mai hi a nuam vek ni maiin ka hre bawk, ka nu leh pa hriat puina loin khawi hmunah mah Krismas urlawk zan hi ka hmang ngailo, Mahse tunah zet zawng Bena bula awm tur anga insawiin Veni te khua Darkar 5 vel zet tlan ngai awmna lam kan pan ding ta vang vang chu a ni a. Ka va sual sawt tak, ka rilru chuan ka ti a, ka nu leh pa in hria se an phawk awm mange?" ka ti rilru a, ka nui leh suk țhin. Jka motor khalh thiam lutukin light eng țha tak hnuaiah chak tak maia motor a lim tir pur pur bawk a, a ti ti pah mawlh mawlh bawk a. Kei ka suangtuahna khawvelah ka cheng veng veng a, Bena leh Zampuii erawh chuan chu zan chu am taka hmang dun tum tih hriat takin an inkuah a, JKa ti ti an zawm ve bauh bauh bawk a.


Khua kan tlan pelh a piang ah Kriamas boruak in a chiahhneh hle tih hriat takin Khawlai leh kawn pawimawh ve deuh chu an lo chei eng chuai zel hlawm a, Khaw țhankhat ah phei chuan Bawngin lem niawm tak buhpawl hmanga siam te pawh a lo awm ve a. Tin, khawlai ah lo zi nak nak tawk hmuh tur an awm zel bawk, Țhenkhat ring tawk a zai lo play an awm bawk a, Krismas hla ni miahlo, Mahse maktak maia Mizo ten Krismas apianga kan tuipui thut țhin Bony M hla 'Rivers Of Babylon' tih hla lo lampui lawp lawp tawk an awm bawk a. Keini pawh chuan Krismas hla Khawthlang mingo leh ngolo ten an sak "White Christmas" "Feliz Navida" tih te "Please Come Home for Christmas" tihte leh hla dang kan ngaithla pah ve bawk a. Kum kha leh chen kha Krismas hla hi Krismas laia titaka ka ngaihthlak pawh ka la hriat ngailoh kha tunah chuan Krismas hla nen kan inawi ta dap dap mai a ni a, Veni vanga ka thil thar tawn leh bawk a ni ber mai. Engkim mai chu a thar vuk a, Khawi hmun mai pawh chu hmuhnawm ka tiin ka hlim pui em em vek a ni ber mai, Veni hmel tur awm te ka hisap a, kan inhmuh huna a hmel awm dan turte, hlim taka kan hun hman dan tur awmte ka ngaihtuah a, Hoodglass ațang chuan Bena te 2, Muthlu bam mai chu ka en a, ka lawm veng veng a ni ber mai. Bena hi engemaw takah ka la thungrul ngei ang, ka tana a inpekna ropui zia hi ka ngaihtuahin a chungah ka lawm em em mai a ni.


Khaw dai kan lut a, "Zung lawk i la, Inphih harh te pawh a țha a lawm, Tin, biak pawh biak tawh a țha ang" Jka chuan a ti a, "Nia, In surprise chu a nive tawh reng a lawm tiraw" ka ti a, kan nui a, Bena te pahnih pawh an zi țalh țalh a, "Phone la, an awihlo ngawt ang" a rawn ti a, Kan zi mara, Meite an zu hlat hlat a, In tur an ken te chu an han indun a, Keiin Veni biak tumin ka phone ka kheuh malh malh bawk a. "Not Reachable" a ti zel mai a, "a tlang theilo, Nutei kan try leh ang e" ka ti a, Nutei number ka dial leh a, a tlang nghal mai a, "I rawn phone duhlo a, a haw chiah a nih kha, I induh hle mai" a rawn ti nghal nawk nawk a, ka nui hak a, "In Inkhawm ka ring a" ka ti a, "Nia Inkhawm e, kan banna a rei tawh a lawm, Dar 9:30 a rik țep tawh hi" a rawn ti a, "Anih khawnge in awm?" ka ti a, "aw In ah kan la awm" a ti a, "amah pawh a awm ve a maw?" ka ti a, "awm tawhlo, an inah kan hmang dawn a, kan inkhawm bang kan inah kan kawi a, a nu in a rawn be reng bawk si a, a haw lova haw a, hei keini pawh phei kan tum chiah e" a ti a, "Nang khawnge i hman" a rawn ti zui zat a, "Tunah tak hi chuan In khaw dai Țawngțaina ah khan kan zung mek" ka ti a, "Engmaw?... Dawt i sawi, awihawm loh lutuk" a ti hlur a, kan nui dun hak hak a, "An In i thlen hunah minlo call dawn nia, ka be tlang theilo a" ka ti a.. "awle" a ti a, kan inbiakna kan ti tawp zui nghal a. "a awih vak nange?" Bena chuan a lo ti a, aw, Nutei a nia, a awihlo nasa mai" ka ti a, "Inphih harh chu in duh em?" ka ti a, "Duh hranlo kan kal tawh mai dawn em ni?" an ti a, kan lut leh sang sang a.


Principal te awmna veng kan thleng a, Kawn chu an lo chei nasa hle mai, Khawlai ah nula tlangval, tleirawl rual an lo awm nak nak hlawm a, țhenkhat bike a chak tak tak tlan an awm bawk a, Kawn lai takah chuan VDP duty office tih hriat tak kawtah Patling rualin Mei an lo kil bial laih a, Police Motor a ding bawk a, "Kan thleng dawn tawh em?" Bena chuan a rawn ti a, "Sawlai kawngchho ah sawn pen chhoh tur, a hla vak tawh lo" ka ti a, Kan tlan zel a, ka phone chu a rawn ti ta ral ral a, "Hello" ka ti a, "Nutein min biak i duh thu a sawi a" a rawn ti a, a aw chu a zangkhai teh chiamlo, "Nia, I phone ka be tlang thei lo a," ka ti a, "maw?? tinge?." a ti hu a, "Ka hre bik nang, call che ka tuma ka thei si lo a, Hei kan rawn chho tawp mai" ka ti a.. "Ka awihlo e.. I leng kual vel a nih kha, Tape pawh in play" a ti hman chauh a, an kawt lamah kan kual chho a, Veranda ah a ding kan han hmu nghal a, "Julieti pawh a lo phawk nasa mai" Bena chuan a ti a, "Venkimi," Zampuii chuan a ti a, "I hria em ni?" Bena chuan a ti hu a, "Kan college ah a lar ber ang chu" a ti a. An kawt ah kan ding nghal a... Mak ti hmel deuh chuan a lo en reng a, ka che theilo, Motor light in a chhun na zawn ah tak chuan Nutei Phone eng va va keng chungin a rawn en reng a,.. a inthuam dan chu a simple hle, mahse a inhmehin a nalhpui viau lawi bawk si, a makti hmel hlei hlei chu a hmuhnawm, Bena chu a chhuk a, "Hey, Lasi Lalnu Mak i va ti awm ve, Putar lah chet nachang hre bawk silo" tiin Veni lam a pan phei a, Nutei, Duhsaki leh Veni nu kawngka ah an rawn dak chhuak vek tawh a. Mak an ti tih a hriat chian hle, Nutei a nui vak vak a, Bena chu a chum nawk nawk a, Keipawh motor a țang chuan ka chhuk a, Jka pawn Motor a hung rema.


"I fiamthu mai mai emaw ka tia, I van ngeiawm tak" Nutei chuan a lo ti a, Veni chu a hmelah a hlim a ni tih a hriat Zampuii te nen chuan an inchibai nawk nawk a, "Enge in rawn tih dawn?" Veni nu chuan a lo ti a, "Aw.. Urlawk zan kan rawn hmang dawn" tiin ka țhiante chu ka hmelhriat tir hlawm a, Inchhungah chuan Principal te nupa leh an fate an lo awm a, Midang ka hmelhriat an hming ka hriat chiah siloh an lo awm bawk a, Kan Inchung te nupa pawh an lo awm a, Kan inchibai sap sap a, Jka chuan Polythine bag ah ei tur a rawn khai lut țeuh mai a, ka hriatpui miah lohin chutiang chu Bena chuan a lo ruahman vek chu niin, Ka va en a, a nui vur vur a, "Frozen Food kan rawn keng ve mai mai a nih kha, Duat, Cake kha?" Zampuii bulah chuan a la ti tak deuh deuh a, "Nui min va lakpui rawh" tiin an chhuak a, Cake uluk taka Parcel a dah hi an rawn chawi lut a, kan ri chelchul mai a, Veni pawh a hlim tih hriat takin a nui hak hak renga, "Damdawi mum a lo thlen chuan Kan nui ve vur vur ta mai a lawm" Principal chuan a ti a, kan nui ham ham a, a sen deuh ap ap bawk a. Engtin nge Principal te hian kan inkar an hriat chhan ni le?.. Ka rilru in ka ti a, ka zak ve deuh det a.


Zampui leh Veni te chu an lo in hria a, College khat a kal an ni a, Zampuii chu Final Semester a ni tawh a, Veni te tan chuan an senior Most an ni tihna a ni. An in ah chuan an chhungkhat laina te an lo lengkhawm ve chu niin, an khawhar tur an lenpui ve a, Kan han lut chu a ngaihna hrelo fe fe an awm laiin kan boruak hre tawhsa te chuan thil awmzia an man viau maithei. Tin, Kan chetsual hnua he khua a ka lawiluh lehna hmasa ber a ni bawk nen, Chibai tu ka nek nual bawk a, țhenkhat hemi venga awmlo min hmelhriat lemlo ten zawhna an lo zawt ve mek bawk a. Ka inchan ber chu reitak bo tawh hnu, hawng leh ta ka inchan ber. Kan thlen ațanga rei veklo hnuah chhungkhat laina nilo chu an haw țan pheuh pheuh a, keini pawh kan thlen tirh ai chuan kan tlangnel ta deuh bawk a. Veni pawh a lai em em tawh biklo, choka dawhdan kil in Jka nen kan țhu a, Ar kan tura an lo puah sa vek tawh chu kan sawngbawl a, Veni leh Duhsaki ten Eng eng emaw an siam rak rak bawk a, Nutei leh Zampuii an ti ti siam siam a, an bulah Bena chu a lo țhu ngawi kura an ti ti a lo zawm boh boh bawk a. Nu leh pa an ti ti a, an haw zeuh zeuh bawk a, Principal te chhungkua leh Veni nutei te chhungkua chauh an awm tawh a. Bena chu a tho nulh a, Veni nu chu a bekbawr sur sur an nui dun hak hak a, Chutah an tho a, pawnah an chhuak a, engtak chu sawi ang maw ka ti a, Nutei nen an 3 chuan an lut chhuak zut a, Khawnvartui te an lak chhuah takah chuan Pawnah Mei an chhem a nih ka ring ta ngawt a, Rei vaklo ah chuan a car tape chu a play ta dup dup roh a, kan arsa kan tura kan chan mek chu a rawn chawi chhuak nawlh a, "Pawnah awm ang u, a boring dawn tlat, mi faten min hman nawm khalh palh ang" a ti a,.. Kan nui tawp a "Barbeque (Barbecue) a keng rup a lawm" JKa chuan a tia, "Ava thawk rip ve" ka ti a, Veni nen kan 3 chuan kan zui chhuak ve ta a.


Kawtah chuan Barbeque ah meihawl an lo dah vam huam a, arsa leh Frozen Food a ken chhoh ho chu a lo hem dulh dulh a, Tape a lo play a naupang zual deuh nen chuan an lo nui ham ham reng a, keini chu Motor bul țhutna an dah ah chuan kan țhu a, Veni nen chuan kan kut a inkhal nap nap a, ka zungbun pek pawh chu a bun ve vang bawk a, "I la phelh miahlo em?" ka ti a, "Phel phal lo hrim hrim" a ti a, kan nui a "Engtia rawn kal thut nge in nih a?" a ti a, min en a "Keipawn ka hre biklo, an ina chaw ei turin min rawn sawm chhuak a, Zampuii kan sawm a, Jka kan sawm leh a, kan rawn tlan nghal vang vang mai mawle" ka ti a, "U Bena'n maw?" a ti a, "aw ni e, Kum dangah kan la hmang dun ngailo hrim hrim, kan inkawm nasa viau nangin kan duh zawng a in anglo a, kan hmang dun ngailo, Mahse hei enge a hriat ka hrelo ka beisei ngamloh a rawn ti tlat mai" ka ti a.. "I rawn phone khan i ti fiam ah ka ngai a, Nutein 'Min rawn tihder vel a' a ti bawk a, mahse in rawn lang thut kha chu ka mumang emaw ka ti hial a lawm" a ti a. "Nia, Țawngțaina kan rawn thlen khan ka be thei silo che a, ka rawn phone a, Țawngțaina ah kan awm ka ti a, a awihlo nasa mai" ka ti a. Chutihlai chuan Duhsaki Bialpa te țhian ho bawk kha an rawn kal leh a, min hmu chu "Sir chu i rawn zin elaw?" an ti a, min chibai sap sap a, ka chanchin an hriata pawi an tih thute, ka dam țha leh an lawmthu te an sawi ve nak nak a. Nia, Sir min ti nangin ka zirtir tumah an awmlo, an zirchhuah hnua thawk chauh ka nih bakah țhenkhat phei chu school kal tawhlo hrim hrim an ni bawk. Mahse an mahni tawkah an felin an phur ve thei viau mai, Rei pawh an awm hmain Bena leh Jka chu an kawm thei nghal mai a, Jka phei chu chanchinbu lam leh Social Media lamah an lo hre nasa mai a, an ngaisang bawk a niang thla an lakpui sek mai a, Vannei an inti hle bawk.


A khat tawkin Coke leh an sahem hmin chu an rawn sem a, kan lo ei zel bawk a, "English Medium ah țhenkhat ho nen hian kan lut ho a, kan inkawm chho ta char char a, kan hmeichhe kawm a, an nin min mipa kawm thung. Duhsaki bialpa hi keimahni vanga hre ve chawp an ni a, an kawp thei mai bawk, an fel lutuk, zu in ve zauh zauh an ching thung" Veni chuan a țhiante chetla vel en pah chuan a ti a, "Nia, keipawn ka ngainat zawng tak an ni" ka lo tive vat a, "An sawi nasa che a lawm, Guitar perh a thiam lutuk, kawm a nuam si, a cool bawk si" an ti che mawle, Kan khawhar chhung khan an riak rei ber a lawm" a ti a,. a țhiante chetla chu kan en dun reng a, a sana chu a bih leh zauh țhin a "tinge i mut a chhuak tawh a mi?" ka ti a, "Chhuak lo e, ka duh aiin Sana hi a kal chak a" a ti a, min en a, a nui var var a. Kan 2 a kan țhut dunna lai chu a thim deuh chin a ni a, kan inkuah chial a, "I nu leh i chhung dangte i hrilh em ni?" ka ti a, min en ha a "Ka nu ka hrilh, ka Nutei te kha ka nu in a hrilh leh chhawng a niang" a ti a. "Engtik ah nge i hrilh a?" ka ti a, "aw in chetsual tirh khan, ka sawi tlang vek mai, Ka nu chuan Apa nikhaw hriat lai pawh khan a hrilh hman niin a sawi" a ti ta zel a, Ka zak ru ang reng viau "an ngai kawi lemlo maw?" ka ti a, a nui hak a, "Ngaikawi lo e, Ka nu chuan 'Mipa hi an sual duh khawp a, in thianghlimna an tichhia ang a, an kalsan leh daih ang che u tih a hlauhawm a, chuvangin an nel lutuk turin awm suh u" min ti a" a tia, ka nui a " Mahse nang chu chutiang chu i nih ka ringlo" a ti leh sap a. "Ka lo ni maithei a sin?" ka ti a, "Nilo tih a chiang, taka engtik nge in haw leh ang?" a ti a, "Ka hrelo, Bena tih hun hun a ni mai, Mahse nuam a la tih hmel khawp saw" ka ti a, a nui a "a fel e, rawn kallo ula chuan ka khua a har ngawt ang, ka nu leh ka unaute pawh" a ti a, "Inchung ah kan chho daih dawn a mi?" a tih zawm a.


An In hi RCC building a ni a, mahse a chhuat hi lei laihzawla rem taka siam a ni thung, Tin an Inchung pawh hi a țhen Slab chhun kual niin an chhunkual bak a lai ah chuan Rangva chung an hmang thung, Ngawi rengin Inchung lamah ka inzui chho a, an kawt vel lan theihna ah chuan țhutna an lo awm a, kan țhu dun a, Kan inkuah a, engmah sawi lovin kan in keih nghal mawlh mawlh a, kan thaw a chham hma zawng kan inkeih a. "Ka tum anga ka awm chuan Nakum ah college chawlh san ka tum a, ka pate office ah i pa in hna min pek a tum a, Muster Roll in min thun dawn a nih hmel, Engkim an tifel vek tawh nghe nghe" a ti a. "Engmaw? Kapa chuan engmah min hrilh loh a?" ka ti hu a, "nia, Hrilh duh rih suh, nakin ah ala hre ve mai ang" a ti a, lawmthu pawh i chungah ka sawi mai rihlo a nih kha" a ti a. "Anih chu, Mahse College han bansan kher chu, ava uihawm duh dawn ve?" ka ti a. Ralkhat hla tak chu a thlir dauh dauh a, "Nia, Mahse ka nu hi office vela han thawk turin a hrisel tawk si lo a, kei chu hmeichhia ka ni a, Lehkhazir san vak a ngai chuan hleinem" a ti a. "Ka naute 2 erawh an theih chhung an zir ve thung ang, keiin an tan ka lo thawk thung ang a" ati sap sap a, a kut chu ka humsak nap nap a, "Chuan Ka chhungte bulah pawh ka sawilan miahloh chu i pa khan 'Tuaia nen hian inkawp lutuk lo ula, Exam neih ala tum bawk si a, A exam a hlawhchham phah hlauh a nge" a ti bawk a. Mahse chuti maiin ka kawplo thei silo che a nih hi" a ti leh ta pek a. ka lum nghal pup mai, engtia chutiang ka pa in a lo sawi thlen vek le, ka exam min tibuai tih ka sawi ngai lo a, Veni vangin ka zirlai ka inbuatsaihna ka țhhuanawp hek lo,. Tin, ka exam pek tur pawh ama min tirh ka ni lo a, ka țhahnem ngaihna vang chauh a exam tum ka ni si a. Eng rilru nge maw a put le???. ka awm a nuam ta hauhlo "Engmah a hrethiamlo a nih chu, ka kianga i awm a, nang ka hriatchhuah che hian ka zirna kawngah țan min pe sauh țhin zawk a sin" ka ti a, a țap niin ka hria, ka kuah vat a, "Kan inkar hi a zau em a ni, Kei chu I pa tan chuan an department a MR 1 ve mai ka ni dawn a, a fapa rangkachak tan chuan min iai deuhte pawh a niang. Mahse nangin min kalsan hmasa a nih loh chuan engpawh huamin kei chu i tan ka awm reng tho ang" a ti a.


Ka harh zawk mai, Ka pa in am department ah a thun dawn anih chuan kei nena kan inkawp anih bawk si chuan miin "a fapa bial nu a nia, a thun a lawm" an tih a hlau a ni ngei a niang, Mi hi kan sual si a , Mi hlawhtlinna inlawmpui aiin engemaw te kan sawi punlun duh zawk tlat zel si a. Ka sa vek tawh in ka hria, ka lam hawi turin ka kuai her a. Kirsmas urlawk zan boruk vawt nuam tak hnuaiah, Khawlai eng chhit in a chhun en deuh ruau hnuai a a hmel lungchhia tih hriat tak men deuh par mai leh, a mimeng fiah kak maia mittui tling pam mai chu ka hmuh hmaih loh chiang khawp mai, a heh sennno chek mai chu fawh rem takin a awm a, "Engtik lai mahin, engtik hunah pawh, eng vang pawhin nang hi ka kalsan ngai dawnlo che a, Nangmah vang hian he khawvela ka thil tih tur hi ka beidawn san ngai dawn lo a, Kan 2 atan zawk ka theih anga sang ban ka tum zawk dawn a ni. Chuvangin nang pawh ka tan i awmna hmunah rinawm takin lo awm zel phawt la, Eng pawh nise ka awka i hria a nih loh chuan kan inkara thu engpawh lo awih hauh suh ang che aw.. Ka hmangaih tak zet che a nia. Ka chan che a nih chuan ka dam zo hauh lo ang" ka ti a, a bu nghat a, ka kuai dak leh a ka fawp ta vawng vawng a.


Inchung zawlah kan awm tih an hriat bakah min rawn hmu phak vek bawk a, tuman min rawn ngaihsak em em lo a, kan dinhmun an hria a, Helai thleng thleng han pan ta vang vang chu min hrethiam tlang a ni ngei a niang, keini 2 lah in kan hun tlemte neih chu am takin kan hmang a, a pawichin leh duhawmlo chin engmah kan tilo, kan in ngai em em a, Puan kan inzawn a, kan inkuah hle hle a, eng eng emaw kan sawi a, kan nui leh hak hak țhin bawk a. A khat tawkin Bena'n min rawn au a, Tu emaw ber kan ei tur a sa hemhmin min rawn pek tir a, Kan Principal fanu leh a țhiante an awm ve bawk a, kan ri laih laih reng a, Karlo ah Dar 2 a lo ri ta reng mai a, "Ka nu bulah khan Inkhawm hmanin a rawn haw ang ka ti si a, kan haw mai dawn em ni?" Bena chuan a rawn ti a, kan huphurh dun hle, Inthlahlel taka kan hun hman chu a tawp dawn ta chu a ni der mai, duhthawh takin kan infawp a, kan kuah kuah a, inthlahlel tak chungin Inhnuai lamah kan chhuk thla leh ta a... Kan thil kente an ti fai a, Thingpui kan in a, Principal in țawngțaina a hmang a, Muangchang lovin kan hawna tur lam kan pan ta nge nge a. "Hmela, ka dam chhungin i thil tih hi ka theihnghilh tawh ngai lo ang, Nang ang țhian ka nei hi ka lawm takzet a nia, ka fawp chawk dawn che a mawnle" ka ti a, a motor khalh lai chu a nui huk huk a "min fawhna tur hmui a lawi pawh i nei tawh lo ang, ka rawn hawi chhoh apiang khan inlo in hmuam hman ziah lehnghal" a ti a kan nui ham ham a.

"Venkimi chu a chhelo thei a sin, kan College ah chuan a lar vet vet a sin aw, TT a thiam zek a, Badminton a thiam bawk a, A hmelțha a, a nu hnap bawk si, Week ah pawh Best Female Talented award a dawn kha, Miss PUC anih kan ring vek a, mahse a tel duh lo tlat a, kan House an nia, kan chhuang a nia" Zampuii chuan a ti a, "I ven ngun viau loh chuan i changlo mai ang, an star luai luai a nia aw" nui chung chuan a tih zawm zat a, ka nui suk a "nang i awm a lawm, lo veng la a țhat chu" ka ti fiamthu ve bawk a, kan nui hak hak a, "tak tak a nia, Pu Hmingthanga tupa pawh in a veng a ni ber mai, a zui duan duan reng a nia, Mahse Veni hian a ning thei lutuk an tih kha, CM tupa meuh in a buaipui a nia aw" a ti a.. Ka rilru te te chuan "Ka tan rinawm a intiam a, engmah chutiang lam chu ka ringhlel lo, Mahse ka pa țawngkam zawk kha a ni ka hlauhthawn zawk chu" ka ti a, mahse ka sawi chhuak lemlo... Jka chu a muhil thlurh thlurh a, kan 3 chuan kan ti ti malh malh hlawm a... Krismas chawlh an hmang hlawm bawk a niang motor veivak a awmlo bawk a, kan tlan chak par par viau. A khat tawkin signal awmna chinah Veni message ka dawng leh nawlh țhin a, Zampuii chu a ti ti siam siam a, kal lamah an muhil nasa bawk a, an harh țha dun viau mai. Zun pawh zung lovin chak taka tlan kan ni bawk a, Dar 7 ah Aizawl kan lut ta der mai a, Jka a kan dah a, min thlah kual dan dan hnuah Krismas hlim taka hmang turin kan in thlahliam ve ta a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)