KA DUHLAI _Omomi Hmar

Ngaia
Site Admin
Posts: 16831
Joined: April 30th, 2016, 4:07 pm

KA DUHLAI _Omomi Hmar

Unread post by Ngaia » March 15th, 2021, 7:44 pm

4x01n0ed.jpg
KA DUHLAI
_Omomi Hmar

( COMPETITION 2021 )

Thla a êng nuam hle a, room tukverh ah chuan thuin ,
a khât tawkin thlifimin min rawn chhem leh heuh heuh thin .

Chu diary kum 5 liam tawh ka hmangaih kut ziak ngei chu chul heuh heuh in a tir ațang ka keu leh ta a.

..................~~~~~~~~~................

KA LA HRE RENG

Favang awlen lai a ni a, zing boruak a thiangin a nuam tawk hle ,
ka tih thin angin ka nau nen foothball practice turin kan inzui chhuak leh a.

In ka thlen hnu a ka intifai zawh chuan college lam panin ka chhuak ta a.

Ka luhna college hi kan chenna atanga a hlat lem loh avangin kein ka pan mai thin.
Hmanhmawh lemlo leh muangchang lemlo taka ka kal lai chuan ,
ka hmalama hmeichhe nui ver ver ,
a sam thliin in a chhem len heuh heuh chu he ka chhingmit hian a hawisawn phal ta hauhlo.

Ka thlir reng lai te chuan boruak hi reh dûkin a , a muang ta vek mai hian ka hria .

Min kal pelh dawn te chuan a van rimtui tak em! .....

Vun ngovah mai, Samsei ngil zet leh dum hlap mai ani.
A kimtlang inkhaithli thlarh leh invuah fuh tak te chuan hrilhnawn ngai lovin a fuh ve tawk hle tih ka hria.
Min kal pelh thleng chuan chu tleitiri chu ka thlir zui ta vawng vawng a.

Nitin mai a college lam pana ka kal te hian ka mit ka lên kual ruai a,kha tleitiri kha a zawng vel ruai thin.

In ka thlen chuan ka room ah lutin ka tih thin danin ka nitin hun hmandan chu diary( diary pangngai ah a len loh avangin note pangngai ka hmang mai thin ) ah ka chhinchhiah leh a,

Tum dang anglo takin tun tum erawh a sak hming pawh ka hriatloh tleitiri'n ka ngaihtuahna a luah zui dan erawh ka ziak tel thung.

___________________________________________

Ka thianpa Hruaitea nu leh pa jubilee lawmna a ni a,
mi pawh an thahnem hle, kil khata ka thut ngawih reng lai chuan Hruaitea leh a bulah mi min rawn pantu chu ka en reng a, ka la hre khawp mai,kawrfual sen khup hnuai thleng vel aha a,
A sam sei ngil em em kha awmze nei takin a in herhkual a, ka bul an rawn thlen chuan Hruaitea chuan min in hmelhriattir a.
Hruaitea pa Pu Zuala nau fanu lo ni reng in,
a fanu naupang ber a ni a, hetah B.A (2nd year) a rawn zawm a, a nutei te nupa bulah a awm chak vang a laklawh taka college sawn a ni ngei nghe .
A lai nge ni min en ngam lovin a kum ta tlat a, ☆ Hruaitea'n min rawn nghawk sawk pah hian ,
"Khati'n entlang i tum amaw tih tur khawpin en reng teh suh .
Nautei i ti zak lutuk dawn ", ti a khi suk suk chunga ka beng bula a rawn phun sup chuan mit lasawn lek lovin a lo en reng a ni tih ka hre ta chiah a,
ka inthiamlo leh hnuhnaw.

Khum ah chuan mu in inchung melhin ka chhing leh diar diar a, Rinmalsawmi...a hming ringawt pawh chu a van mawi tak em !
Kiai suk in ka mangram lam ka chêng ta diar diar a.

Chumi ni ațang chuan Arini te in ah chuan ka chuangkai ta zeuh zeuh a, kan lo inhlat lemlo bawk .
Nu Sentei hi ARini nutei a ni a, a pasal hi Lawyer niin phaia a zin lai a ni a, nu Sentei hian nau vawi khat a chhiat tawh a,
tunah a pai leh mek bawk .

Zanah chuan Arini te in ah ka lêng a,
Nu Sentei nen kan ti ti lai chuan Fridge a tui bottle chu la in a in khawlh khawlh a,
ka ep ah chuan rawn thuin kan ti ti chu a lo ngaithla dauh dauh a,
Nu Sentei'n min țin san hnu chuan lehkhazir a nin zia te chu sawiin a ti ti siam siam a,
ka lo thlir reng a, ka nui leh suk thin.,
"Eng nge I nuih? fiamthu ka thawh em ni ? ", hmui pawrh tarha a tih chuan ,

Aww, lehkhazir tlanbosan chak ai chuan hlawhtlin chak a tha daih zawk alawm , tihpahin ka kiai suk a,
"Tu hmuhchhuah nge le? ", a rawn sawi chuan eng chu maw tiin ka mit ko ka san hu a,
Ka mal a min chum tawih pah chuan,
"lehkhazir hi mawle, tu hmuhchhuah nge le?", a tih chuan,
ka nui chhuak ta hak hak a, a rawn nui ve ta vur vur bawk.

Min haw biklo a ni tih ka hriat hian ka lawm a,
A kiangah hi chuan ka famkim a,
A hnenah hi chuan ka hahdam thin.

I WANT YOU BUT I CAN'T REACH YOUR HEART

Hmangaihna ni lo, duhna chauh chuan damchhung a daihlo tih an sawi thin. Duhna chauh chuan damchhung daihlo mah se Hmangaihna ah a in let thei thung. He hmeichhe ka duhna erawh ka thin lunga ka sengluh ni khan Hmangaihna ah a chang nghal daih tawh a lo ni.

Ka rin ai takin Arini nen chuan kan innel hle a,
a college ban hun nghakin kan chhuak dun ta fo bawk.

...........

Zanah ka va len chuan nu Seni chauh ka hmu a, thut pah chuan Arini awm leh awm loh ka zawt a, a room a lehkha a zir thu a sawi chuan inchung kailawn ațang chuan pa pakhat hi a rawn chhuk, room leh lam ah a lutuk a, nu Sentei pasal a ni tih ka a hrethiam nghal mai bawk.

Ka haw hnu chuan ka room ah lutin ka tawngtai leh a, khum ah mu in inchung lam chu ka melh vang vang a, vawiin nilengin a hmel ka hmu lova, ka ngai hle a ni.

Hemi ni ațang chuan Arini min pehhel ta fo a, Tunlai a awm dan hi ka hrethiam lo, ka call a la duh lova, ka message a seen duh heklo. Ka tihngaihtuahna hre lo chu an college gate bulah chuan ka nghak rân a, midang an lo chhuah sap sap hnu pawh chuan a hmel reng hmuh tur a awmlo, ka hawi kual reng lai chuan gate lam panin a lo kal beuh beuh a, Gate bula ka ding engmah sawi lova min kal pelh a tum chu a banrêk ah vuanin ka kuai her lawp a, ka awm a abei thlawp chu a mit ah ka en kal a, min en lêt kiau bawk.

Ngai nge hetiang hian I awm ? Ngai nge min pehhel reng a? Ka ti nghal thawt thawt a.
" Hmuh leh biak leh che hi ka duh tawh lo", min chuanna chu ka na zawk mai !..

Min hnungchhawn a, chhan awm lo in a theih lovang Arin...," ka ti leh țal a.
A pen tur chu tawp chatin ,
"A theih lohna kan in karah engmah a awmlo",
Mahse ka hmangaih che lawm ...

Min chhang lovin min kalsan nal nal a.

Ka dinna ngaiah chuan ka ding reng a, ka phone rawn ri chu ka en a, Arini message a lo ni ka en vat a,

#Hmangaih ka nei, khawngaih in min hmangaih suh ang che# tih te mai hi.
Ka thawhak a, muangchang in kawng chu ka zawh a, ruah a hmi seng seng a,karlo ah a rawn baw ta hawk hawk a.

In ka thleng ka khum bulah chuan ka thingthi a, tawngtai in ka dil leh a.

Ka diary chu la in ka ziak a, ka mittui a rawn far leh fap fap thin a,
Ka hui kiang a, a ngai te bawkin a rawn phe leh ruai thin.
Ka lu nat em avangin khumah chuan ka mu a, mut erawh a chhuak hauhlo,ka harh tulh tulh ni mai hian ka hria.

Muhil si lovin ka let ka let a, chhanna awm lo zawhna tam tak ka inzawt a, hla tak ah I awm a, I nui hmel hmu pha lovin ka awm a, I awm ri pawh ka hriat phak lohna hmun atang hian ka rilru ah I awm reng si a nih hi.

Ni chhuak êng mawi tak, he ka kawng thim tak min ensaktu leh nunna nei a min siamtu ka thawkna chu I ni a, I tellovin ka nung theilo.

☆ He ka thinlung vawt tak hi a nui hmel avangin a tui ral zo thin a,
ka mamawh che a, mahse I thinlung ka thleng thei si lo.
Misual, angel pawisawilo leh thianghlim hmangaihtu tiin min ko rawh u.

___________________________________________

Zan reh tak, thawm reng reng awm tawh loh hnu ah pawh he ka beng ah hian kha I aw ri leh I thusawi ho tak tak te kha an ri nawn fo thin si.

Hun a liana ve zel a, Arini ka Hmangaihna erawh a chuai ta tihna a ni lo, he ka thinlung hmun pawimawh ber hi a chang reng a, a ni chauh hi a ni reng thin bawk ang...

Tlai ka chhuak ruah sure in min nan avangin chuan ka haw Tlai ang reng hle a, kawngpui chu muangchang in ka zawh zel a,
Arini te in zawn ka thlen chuan kawngka bulah chuan a lo thu kun lap a,
va pan hnaiin a bulah chuan ka thu a,
a sawisel lem loh avangin ka thu rem sauh sauh a.
Thla êng tak hnuai ah chuan a hmel chu a dang bel a,
kan ngawih vang vang a, mi dang an awm na nge ?
ti a ka zawh chuan a bu nghauh nghauh a, kan ngawih leh rem rawn hnu chuan
,
"ka tihpalh, min ngaidam thei a ngem", tiin ka mit ah min en ran a
, ka lo en chian loh vang nge a mit chu a bui luk a, a sen ram bawk .
Ngaihdamna tur thil a awm hleinem tiin ka chhang a, lu rawn thing nak nak in ,
" ka pate an ka nu leh pa bula sawi ah min vau a....
a nu leh pa ten an hria a nih chuan hetah ka awm pawh hi an phal tawh lovang.

Ihh...ngaihzawng ka neih hi an la phal lo a ni ber mai ..

UZual. .. nang ka hmangaih loh vang che leh ka duh loh vang che chu a ni bik lo a sin ", tiin a in hnit feih a .

Ka van khawngaih tak em !

Ka bialnu I ni duh em? ka tih chuan engmaw a rawn ti let hu a,
Tunah ka bialnu I ni duh ang em? ka tih leh chuan
Min en vang vang in a kun lap a, "I ti tak tak lo tiraw," ngui lapa a rawn tih chuan...
Khawiah pawh awm in eng pawh ti la, ka rilru leh ka ngaihtuahna hian a zui ve zel che a... chawl datin ka kuai her a.,
Ka nghak reng ang che nga, Ka duh ber I ni reng bawk ang .

Ka hmangaih che
tih ka sawi kha ka tih mai mai lo a sin ... tiin ka kuah hle hle a.

Khum ah chuan mu in ka awm ah a bei hle hle a, kan boruak tih z*ng nan aw thian kharh kharh in
Um,...ka bialnu

☆ umm, ka bialnu hian kan in neih hunah fa engzat nge neih a duh ang aw?
ka tih chuan

"Mipa nge hmeihchhia?", a ti let khauh a, mipa tiin ka chhang a,
" kei chu hmeihchhia ", a tih chuan
Chu ti tunah kan siam nghal mai dawn em ni ka ti chu ,

" Hey ! Khati'n ti reng reng suh aw, ka tlawhthla che a ni mai ", tih panin min nghawk sawk chuan ka nui nghawr dat a.

Tukverh atang van lam chu kan thlir a, a hliahtu tur chhum rang awm hauh lo vangin intithei fahranin thla a lo êng paw heu a,
a bulah hnai a awm te pawh in chu chhawrhthlapui chu zah ni awm fahran in êng that ve ngam lo in an de set set bawk a.

Mipa ka ni a, thisen lum lo ka ni lo.
Kan rilrua hnathawktu thlarau thianghlim avangin chu zan chu thianghlim takin kan mangtha a,
kut insuih in kan tawngtai leh ta a, kan tan khawvel chu a lo parmawi leh zual thin.

College ka graduate atang thla a liam leh ta nual mai.
Arini nen pawh harsatna em em awm lo vin kan in zui ve zel a,

Hna ka hmuh lawk loh avangin mi ai awh in school ah ka thawk leh zeuh thin.

Nupui fanau te chawm thei tur Hna inlutling tlak ka neih hma chu nupui neih ka tum bik hauhlo.

Reilo te ah Arini pawn B.A chu tha takin a zo a, ...
ka lawm pui lutuk ,.....

Mahse, min then hrang tu tura kawl lo êng țan a lo ni reng si a.

Tlai khat ka school bang kan in bula Arini lo vei tawn sek chu ka hmu a,
min hmu chu min rawn pan vat a,
phai lama a chhangte'n zirna chhunzawm tir an tum thu leh naktuk a an chhuk nghal tur thu min hrilh chuan ka rilru a buai ve map mai.
Ka hmuh phak loh leh khawih phakloh vai ram rila kal tur chuan ka phal bik si lo.

Kan in ru mai dawn em ni ,
ni lo biak in hawng ngei kha ka duh ve si a.

A kal dawn ni chuan kan inhmuh na tur ah chuan ka nghak rân tawh a ,
a rawn thleng har phial leh nghal ,
minute 30 dawna rawn tlai hnu chuan a rawn thleng vel ta hram a.
A thawhnaw hak chu a inhmeh leh pek ngei mai.

Khua a vawt deuh vur tawh a, kawrlum hakchhuahna tham em a la ni si lo,
chu hunah chuan tirila khur deuh der der chungin chu ni hnuhnung ber mai chu kut insuih in Chu ni hnuhnung ber chu kut insuih in kan tawngtai dun leh ta a .

Ruah hmi tla seng seng karah chuan mittui nen , hnaptui nen , kan in kuah vawng vawng a.
kan hmalam hun atan eng chen nge kan lo inbuatsaih ve theih tihlam ngaihtuahna ah a lut phak lo.

"UZual. .. min lo nghak reng rawh aw..",. zawi sap hian a ti a,

Kawlah ni in chhuah Zai a rel chhung leh pangparin par a chuah chhung chuan ka hmangaih ang che a,
ka thlah lovang che a, ka kalsan hek lovang che...
tiin a hmui nep thep ah chuan ka fawp vawng vawng a.

"Ka hmangaih che ",
kaipawn ka hmangaih lutuk che tia kut in thlah riai riai in kan in mangtha ta a.

Ni e, .. thihna in ka chhingmit a kharh hma leh
thihna kut vawt in min man hun thleng pawhin ka lo nghak reng ang che ...

Zan reh tawh tak a ni a, pawn lam ah chuan ruah mal a tla fiap fiap ani tih hriat takin
bathlar dithlifarfim atanga tui far thla fiap fiap chu a hriat theih a,
thawm dang hriat tur awm hek lo ka lukham hnuai a diary chu la in ka keu let ka keu let thin
a ni nen a Kan sulhhnu ah a tawp vek mai...

Ka mittui chu rawn far leh thin chuan lehkha chu a rawn far huh leh fep fep thin.
Ka chau bawk nen lukham chu ngheng dawtin
ka biang ding leh vei atanga mittui lo luang nghal chuan kar loh ah ka lukham pawh chu a ti hnawng zo a,

a tana ka tih theih tawk hmang chuan tawngtaiin ka phun leh sep sep a...

Zan a lo ni a, khua a lo thim chiah hian a ni ka ngaih lung len a lo zual thin .

Tu nge lunglen natna tehna tehfung chu nei ang le ?

.........

He khawvel a ka hringnun hman chhung hi tawpin,
ani hian ka tel lovin hringnun kawng chhuk chho hi rawn zawh ta se,
hun kal tawha a tana ka in pekna te,
a mah ka Hmangaihna ka lantir zawng zawng te kha a tan hian a tawk zo chiah ang maw...
Thihna hi ka hlau a ni lo...
ka tel lova Arintei awm turin hi ka ngai ngamlo mai zawk a ni. ..
Min ngaidam rawh aw... ka dam hun chhung a sei dawn lo tih hre reng chunga I lak ah thup a,
ka hmangaih che avangin leh ka in hmangaih tir che avangin ...


......

He ka taksa in khawvel a chhuahsan hun a , min theihnghilh mai tur leh midang ta I ni mai dawn tih ka ngaihtuah chang apiang hian ka hnîm ruai thin.......

.......
Midang tan ka phal theilo che ni... ka DUHLAI


ARIN... KA VAN NGAI TAK CHE EM !
_

____€€€€_______€€€€_______________
Ka keu ka keu leh a, Dt. Aug ni 15 ni thleng bak a awm tawh lo... pen tui a thu ziak thenkhat te chu mittui in a bual



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: No registered users and 2 guests