KA FANU BY CATHERINE VL CHHANCHHUAHI

Ngaia
Site Admin
Posts: 25813
Joined: April 30th, 2016, 4:07 pm

KA FANU BY CATHERINE VL CHHANCHHUAHI

Unread post by Ngaia » August 25th, 2019, 1:31 pm

b74249c5.jpg
b74249c5.jpg (35.59 KiB) Viewed 7523 times


KA FANU(COMPETITION)
.
CATHERINE VL CHHANCHHUAHI
.
.
Ka fanu thlalak chu ka thlir ngawih ngawih a, ka tap leh thin. Nunhlui te chu ka chhui kir a, ka khua a har em em bawk.

Hmanah chuan: Hmeichhe hlim thei tak ka ni a, mahse ka pa zu a ruih reng avang chuan ka nu nen an inhau fo a, ka ning ru thei hle. Coc lar tirh a ni a, chu game atang chuan hmelhriat thar ka tawng ve a, a hming chu Ruatsanga a ni. Kan inkawm ngeih em em a, hun a kal zel a, kan khua alo in an avangin inhmuh kan rel thlu ve ta rawt a, kan han inhmu chu kan lai dun khawp mai. Chuta tang chuan enge maw ret ret sawifiah thiam siloh hi kan inkarah a awm tan a, a thikthu a chhe em em a, kei ka bang bik heklo. Kei aiin kum nga in a upa a, min duat ve em em thin. Hun alo kal ve zel a, mipa leh hmeichhe awm dun tam na na na chu insum theih loh chin kan nei a, kan chesual ta fo mai. Mahse, pawi tihna ka nei ngailo a, ka nun ah nghawng thui tak a nei dawn tih pawh ka hre ngai heklo. Hun a kal ve zel a, keini pawh kan inhnaih telh telh a, mahse, kan duh anga kan awmdun tam theihloh avangin Aizawl lama kal a, inluah dun kan rel thlu ta a, kan awmdun rei telh telh a, a mizia a lang tan hle bawk. A ruka bialnu neih a ching chho tel a, kan inhau fo a, a phone khawih a phal ngailo. Kut min thlak phah hial thin. Ka na thei em em a, awmdan tur kha ka hre ngailo. Ka tang laklawh a ni ber ang chu. Thla5 kan awmdun hnuah ka rai hlauh mai, a nungchang a thlak ka beisei avangin ka lawm ve hman em em a, ka hrilh chuan ka rinloh lutuk in titla turin min ti ta daih mai. Ka rilru a na a, ka duhloh thu ka sawi a, chuta tang chuan tihtlak a sawi leh tawh ngailo. Mahse, haw a, inneih ka sawi rik apiangin a hel ta tlat zel a, ka mangang chuan a chhungte ka be ta tawp mai a ni...A chhungte nawrna vangin kan khuaah kan haw a, palai te tirin tlan inkoha inko in kan inhruai ta a ni.
.
Inchhung chet ka zeilo em em a, mahse ka theihtawp ka chhuah ve thin. Ka nau pai a hram telh telh a, ka pasalin min hlat tulh tulh a, hmeichhe biakruk a nei tih ka hre thin. Mahse, ka fahrah em avangin ka fa lo piang tur lehzel tih fahrah ka phal silo. Vawikhat a phone ka lo khawih avangin kut min thlak vak tawh a, ka naupai nen ka taksa a sil awng hle a. Mahse, ka chhungte ka hrilh ngailo. Lohtheih lohna vangin ka chhungte beng a thleng a, minlo hruai ta nge nge a ni. Ka naupai vangin ka hrisel lo em em a, damdawiin hial ka luh phah fo a, mahse, chung hunah pawh chuan ka pasala nu leh pa hian min ngaihsak ngailo. Ka chhungte engkim dil an ngai a, engkimah ka chhungte ka pur mai thin. Ka chhungte lakah ka inthlahrung thei em em a, mahse engmah sawisel lovin min buaipui mai thin a...Hetia ka haw ta pawh hi an lawmah a tla zawk a...Inhrang atanga inbuaipui reng ai chuan tiin min buaipui tha thei hle a ni.
.
Chutia ka nu te in lamah ka let takah chuan ka pasal hlui chuan min ko ngam chiah silo in min rawn hel fo a, ka let duh tawhloh vangin minlo luhkhung rawih a, kan inlam ah chuan a fel thei hle a, mahse ka nu te hmuh loh leh awmloh laia kut min thlak zeuh a ching thin. A thiannu aizawl lam mi alo zin tur thu a sawi a, thlenna tur a neih loh vangin kan in ah ka thlentir mai a, ngaihthat lohna pawh ka nei lem lo. Mahse a hnu a ka hriat leh danin a bialnu hlui a lo ni a, chuta karah kan inah ngei chuan sex an lo hmang dun bawk hi alo ni a..Ka na em em a, ka tuar thiamlo hle bawk a ni.
.
Ka pasala chhungte chu an reh hmak a, ka chanchin ngaichanga min biak hi a awm ngailo. December thla tir a ni a, ka nau pai pawh a hram ve tawh hle a, ka neih hun thla a ni ta der mai. Nau ka vei vangin rang takin damdawiin kan pan nghal a, ni thum ka vei naah pawh ka nei thei silo a, ka chau tawh lutuk chu ka doctor mangangin min zai nghal chung chung a ni. December ni 11, chhun dar 12:30 ah chuan fanu duhawm tak Lalpan min pe a, kei erawh min zaina vangin ka la harh lo. Mahse chuti chung pawh chuan ka pasala chhungte chu an rawn lang ngailo a, ka vui ve lek lek thin. A pian atanga ni li na tlai atang chuan ka fanu chu a khua a sik ta tlat mai a, ka mangang em em a, ka men tlaivar pui thak a, mahse vawikhat pawh a tap lo. Ka pai laia ka hrisel loh em avangin hnute tui ka neilo a, nestogen in kan chawm ringawt mai a ni. Zankhua in a khua a sik a, nachhawkna in a chhawk tha thei silo. Khua a lo var a, naupang doctor lo kal chuan SNCU ah dahluh a ngai tih a sawi a, ka fa hmasa ber a ni nen chuan chan ka hlau em em a, ka tap pur reng mai a ni. Mahse, kar hnih kan awm hnuah kan chhuak ve thei ta hlauh a, kan lawm em em bawk...In lama in enkawl turin kan haw ta a.
.
Ka fanu thla thum a ni tawh a, ka pasala chhungte chuan naupang fahrah ngawt ai chuan tiin palai lo tir lehin min hruai leh ta a, ka chhungte'n min nawr nasat em avang leh, fahrah ka lo nih tawhna zawn a fahrah ka siam belh hlau in ka nei leh ta ringawt mai a ni. Kan inhruai tirh chuan tupawh ka chungah an fel em em vek a, min duat em em bawk. Mahse hun alo kal zel a, ka pasal chuan a mizia a thlak leh hret hret a, hmeichhe dang biak a ching chho leh a, ka na thei hle a ni. A phone khawih a phal lo a, ka khawih a hmuh chuan kut min thlak thin. Sawisel tur a hre em em a, a phone a khawih tawh chuan kan fanu pawh a awm peih ngailo. Kut min thlak a ching chho leh a, engemaw zeuh a thlen paw'n kut min thlak ta fo mai. A chhungte min hmuhsitna tawk a tling em em a ni. Kan fanu thla kua anih lai chuan kut min thlak nasat em avang leh rehhlum min tum avangin kan chhuahsan leh ta a ni.
.
Ka fanu kum khat a tlin ni a ni a, ka inhlawhna leh ka pawisa lo khawl ve hmang chuan ka lawmsak ve a, chhungkua in chaw kan eikhawm ve a ni. Ka pa in zu in a chin em avang chuan hna thawhtur ka zawng vat a, hna a vang si a tiin aizawl lamah bawk ka phei leh a, ka fanu chu ka nu kutah a lo awm a, ka ngai thei hle a, mahse ka tawrh hram hram angai tih ka hriat vangin ka theihtawpin ka inhlawh ve thin. Mahse, ka pasal hlui chuan tu kâ emaw atanga lo hria in ka fanu chu min chuh pui ta tlat mai a, ka mangang bawk si. Court a khin ngawt dawnin kan chhungkaw dinhmun khati mai kha alo ni nen hrehawm hi ka ti em em thin.
.
Ka fanu a bula a awm atang chuan ka biak leh hmuh a phal lova, na ka ti thei em em a, ka ngai bawk si nen ka tap ru fo thin. Ka hmuh leh theih hun nghakin, rim takin ka inhlawh ve mek a ni.
.
"Ka fanu, ilo thanglian anga,
Engthu nge ilo thanlen pui dawn ka hrelo,
I nu hi min haw viau maithei a,
Mahse, bawihte, ka hmangaih che a,
Engtik lai mahin i nu hian ka theihnghilh ngai lo che a ni" tih hi min hriatsak rawh aw.
Nangmah hmangaih em em tu,
I nu



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)