ZOTHANSANGI DIARY By mpi hmar Godfrey

Ngaia
Site Admin
Posts: 25813
Joined: April 30th, 2016, 4:07 pm

ZOTHANSANGI DIARY By mpi hmar Godfrey

Unread post by Ngaia » August 25th, 2019, 1:36 pm

ZOTHANSANGI DIARY.
(COMPETITION)

By mpi hmar Godfrey.

Banga sana inkhai chu a ri tlek tlek a,dar khat a ri dawn ani tih ka hmu thei mai a,vawiin hi ka tan ni tawp ber,ka nun a sulhnu hlui leh hriatrengna cham bang te ka then fai ni tur ani,rei lo te ah biakin dar ri pawh ka hre thei ta a,ka tan tih theih a awm tawh silo,mipa ka ni a,pa takin ka tuar tlang tur ani dawn lawm ni? mipa luhlul tak,in la pa tak mai ka nihna avang pawhin ka nupui hlui zothansangi sulhnu emaw,a thil engemaw kawl ka la nei anih chuan ka thehchhuah vek ahun ta,ani chu mi nupui ani tawh dawn,chuvangin kan thil dahkhawm eng eng emaw chu ka hailet chiam a,eng thil danglam mah chu ka hmu chuang lem lo,lehkhabu bawm hnawk zet mai chu ka thianfai a,amawng ber ah chuan diary ni awm tak mai hi ka hmu chhuak nawlh mai a,ka mit ala zar mai,diary book chu ka la a,a paw phuk te chu ka han tuai fai thuak thuak a,ka keu ta a,ka nupui hlui zothansangi dairy ngei alo ni!!!!
Engvanga chhiar chak tlat nge maw ka nih le? ka tan engmah anih phah dawn chuang em ni?khumah chuan ka thut hmun kan siam rem te te a,diary chu ka chhiar tan ta a.

Zan dar hnih ahnai ta,ka fanu bula thlamuang tak mai a muthilh ka van chak tak em,mahse ka muhil ngam silo,angai te tawkin a bike thawm chu ka hai lo ,zanin hian eng thil nge kan tawn leh ang?
A ke pen atang chuan arui hle ani tih ka hre thei a,zanrei eng ang pawh nise min kaitho in buaina asiam leh ngei dawn ani,ka van huphurh teh lul em!!!
Ka rin lawk ang ngeiin ka mu lai chu min kai tho a,chawei siam vat turin min vin khur khur a,rang takin ka siam sawk sawk a,ka ngawi reng a,tawngkam khat mah ka chhakchhuak ngam lo,ka tawng chuan a haw leh ngei kha ani anga,chutia ngawirenga ka awm avang chuan a thinrim leh bawk si a,I Pasal hi min va han be peih awm lo ve,biak peih dang I nei em ni? Athleng chu ahnawk rawk mai a,hlau thlabar em em in ka ding ngawi reng a,pa a,chutiang lam ani lo ,emgmah ka sawi zo hman lo,min beng her sawk a,ka lu chu a hai map mai,rang takin ka tho a,a chaw thleng te chu ka seng sawk sawk a,a la lungawi mai lo tlat,bungbel te chu a paih tla rum rum a,kan thawmah chuan ka naute pawh alo harh phah hial a,a hlau lutuk chu a tap na sa kher mai,rang takin Khum lam ka pan vat a,ka naute chu ka paw thuai a,naute vang tal pawh in kut min thlak lo mahna!!!

Mahse beisei na mai ani,room ah chuan a rawn lut a,hmeichhia inih na hi I inhre lo riau mai,hrilh hriat ingai ani tiin ka Sam ah chuan min hnuk leh tak tak a,ka naute hlau thlabar lutuk chu atap chiam mai a,pa a,Bawihtein ahlau ania,khawngaih in duh tawk rawh tiin ka ngen lawm lawm a,ka ngenna chu abeng athleng Zo silo,ka nau puak lai chu min pawh thlak sak a,khumah chuan a theh phei lawp mai a,bawihtei mangang aurawl chuan min au ani,tih theih ka nei silo,a ban pahnih pharin min ban lawp lawp a,kei chu sawisak chhunzawm zel ka ni,ka bek te,ka hmai te chu a ri chawrh chawrh a,ka fanu tap avang chuan na reng reng ka hre lo.

Aduhtawka min sawisak hnu chuan a duh tawk ve tawh ani mahna,kan nufa chuan kan inpawm a,ka naute chu ka awm ah beiin a lung achhe kher mai,a tap hleithei lo a,a insut hlap hlap a,bawihte tap tawh suh ,anu hi ibulah a awm reng dawn alawm,kan nufa chuan kan tap dun nasa hle mai,mut mu pawh hi kan hmutha meuh lo ani...ka fanu chu rei vaklo hnu ah chuan a muhil leh a,khumah pawh mu ngam tawh lo in thutthleng ah chuan kan thu a,khawvar kan nghak ta ringawt mai ani.

Ka lo chhing ve sek ni ngei tur ani,zing khua alo var a,ka harh a,thawh mai ka han tum chu ka sil em em a,ka taksa hi na lo lai reng reng a awm lo,ka intipachang a,ka tho a,ka Hmai vel chu a mar deuh tung vek mai a,kan room ah chuan ka lut a,darthlang ah kan in en chu ,awii lalpa leh ka va han duk nasa kher em ve leh!
Ka chal te chu a pawng thlen thluah mai si a,miin min zawt se engtin nge ka Chhan tak ang? Ka Pasal hian min sawisa fo mahse mi bula achhe zawnga sawi erawh ka duh hauh lo,achhan chu ka Pasal ani miau a,hmangaih taka ka neih kha ani miau si a lawm.

Ka naute pawh alo a harh ve ta,kan nufa chuan thingpui te in dun in boruak arit takzet,ka naute chuan thil hrethiam ve ni awm takin ka chal te chu azut azut a,bawihte kan nufa hmalam hun hi ava han thim tehreng em,I pa hian min sawisa hlum ta se,engtin nge I than len tak anga? Tu nge enkawl ta ang che le?chu thil ka ngaihtuahna chuan ka muttui na sa takin ako chhuak a,ka lung achhe ngang mai,pathian pathian a awm alawm,pathian ah lo in nghahna dang ka nei lo,aman kan hma lam hun tur chu min relsak mai ang,ka ngaihtuahna ata chu ka harh chhuak a,khawsak rel lam te ka tan nghal a,bawihtei pa chu zan lam ah a che na sa bawk a,ala mutuiin a hnar tlak tlak mai a.

Dik tak chuan thenawm khawveng te pawh hian hawsan vang vang rawh min ti fo thin,mahse fahrah fa mai ka ni a,ka naute nen hian khawiah nge maw kan kal anga,Tunge kan belh chuan ang le? Ka naute hi kei ang tho a fahrah fa ni tur hian ka phal lo ani,engkim tithei tu pathian a awm a,a rilru sak tak pawh ala tinem ve mahna tih hi ka innghahna leh ka beisei tawp awm chhun chu ani tawh.

Dar sawm bawr velah chuan ka Pasal chu a rawn tho ve chhap chhap a,zu a ruih loh chuan asualna engmah ka hmu lo,afel em em a,chutia a rawn tho,zan lama min khawi hna vung leh duk cher chur a min han hmuh chuan a inthiamlo in nuamlo atih zia chu ahmel atang chuan ka hre thei,hlim sang in ka lo chhawn a,chawei te ka siam sawk sawk a,kan inbe lo a,a ngawireng a,ka khawngaih letling hial zawk ani.

Zan lam kan muttlem em avangin chhunah chuan ka lo muhil sek a,ka chala khawih tu an awm avang in ka harh zawk a,bawihtei pa chuan vur tuiin ka chal chu alo dep a,ka mit ka meng a,ana hleinem,ka tha mai ang ka ti hram a,ka bulah chuan a rawn mu a,min ngaidam hram rawh aw,zu ka in tawh lo ang arawn ti ve ngial na in,a ngawlvei tawh zia ka lo hre ve tawh a,ka awih lem lo.

Chumi zan erawh chuan aleng chhuak lo a,In ah a awm ve a,a harhfim laiin tiin kan nupa awmdan that loh zia te,kan fanu tan anghawng that loh tur zia te duh thawh takin ka sawi ve a,sawt dawn lo tih hre mah ila,angawi reng a,adik alawm tiin min chhang ve tho a,a sawi zui tam lem lo.

Ni aliam a,angawl vei ni bawk si,thenrual te nen an han inhmuh chuan an hnar tak tak thei silo,angai te bawkin zurui chunga kut tawrh chu ka chan tawk ani leh a,ka mu thei lo a,chaw ka ei thei silo,a ni telin ka cher em em q,Ka naute tan ka intihchak hram angai bawk si a,aw khawvel hi ava han hreawm tehlul em,engatinge maw khuanu pawh hian ka nunna hi alak mai loh le?

Ka nu leh pa tar chak tawhlo tak chuan ka thlavang te hauhin min han Chhan ve bawk thin mahse tih theih an nei tlem tawh si a,tiang hi em ni tette atanga hmangaih taka min dawm a,min enkawl seilian tute kan rulh let Dan leh kan pek ve theih chhun chu le? Ka nu leh pa te hi ka van lainat tak em,an khawvel hun tawp hnaih lam,an nun hahdamna hun ah pawh thaphang leh mangang reng reng in hun an hmang nitin zantin mai si a,lalpa I awm lo em ni? Min pui lul rawh.

Hun leh ni te aliam a,he in ah hian ka ruang chiah achhuak ang tia pachang taka ka lo tuar ve tang tangna leh vawitam sawisak ka nihna hmun,phatsan a hmeichhe tam tak he inchhung a ka aiawh tura rawn hruai haw an nihna in ah hian ka awm thei ta ngang lo ani e,hei hi atawp na Ber ani ta,ka nu leh pa chu an room ah an mu zal a,hreawm ti takin an room lam chu ka pan a,khawvel a ka thil hreh Ber hrilh Turin.

An khumah chuan ka va thu ve a,sawi Ber tur hre lo in ngawirengin in ka thu a,ka nu chuan bawihi enge ni ta? tiin min lo zawt vat a,ka aw te kan thian te te a,ka nu,ka pa ka khawngaih em em che u a,in innghahna leh inthlamuanna ka ni tih pawh ka inhria a,mahse he khawvel a kan awmchhung tawite a hetiang reng reng a hun hman reng hi ka thei tawh lo ani,khawngaih in min ngaidam ang che u aw,ka chhuak tawh dawn a ka ti ta rawih mai a,ka nu leh pa chu an ngawi reng a,an hmela beidawnna leh hre awmna lo lang chhuak pawh ka hmuh hmaih lo.

Ka nu chuan,bawihi itel lo chuan engtin nge kan awm ang? Khawngaih in min kalsan suh ati tham tiak a,ka pa chu ala ngawi reng a,sawi tur ahre reng reng lo,ka nu chu atap pur mai a,rei pawh awm lo in an room chu ka chhuahsan a,rilru avan hreawm kher ve le.

Kan pa zan Len hlanin haw tur chuan kan in buatsaih ta a,Thenzawl lama ka pa u,ka ni te bel phawt in kan nufa in kawng kan dap ve zel ang tiin ka rilru ka siam ve tawp ani ber,zan dar kua bawr velah chuan kan inpeih ta at mai,ka nu leh ka pa chu kan room ah an rawn lut a,bawihi I tello chuan he in hi avan hreawm dawn em,mahse I tawrh hi an sa tawh em a,kan dang ngam lo che ani,khawih pawh awm ula in nufa in hlimin dam reng ang che u aw,kan malsawmna in hnen ah awm zel rawh se,tiin tawngtai na in min thlan a,kan zavaiin kan tap ani Ber.
An tunu duat chu an kuah in an fawp vawng a,kan inthlah ta......!!!

A chhuah hma thlengin aziak ani tih ka hre thei,a chhuah dawn zana thil thleng te chu a lo ziak a,akalsan ani,ka bing mup mai,zu bawiha ka tan avangin hetiang em em hian ka nupui fanau ka nu leh pa te kha ka lo ti hreawm tih pawh kha ka lo hre meuh lo chu ani,inchhir mah ila awmzia reng a awm tawh si lo,ka nupui chhuah atangin kum ruk a vei tawh a,ka fanu pawh alian ve tawh ngawt in ka ring.

Ka nu leh pa boralna pawh kum thum lai aral ta,nupui dang neiin fapa pahnih kan nei leh a,mahse ani pawh chuan min chhuahsan leh a,ka nun hi akhuahar a,insiam that ka duh ani,camping ah te lutin rilru leh taksa ,thlarau damna ka Chang ve hlauh mai le,ka nupui pawh chu hruai leh ngei a,chhungkaw tha tak dinpui ka tum ani.

Zan darkaw bawr vel ani a,vawin hi ka nupui hlui zothansangi Pasal neih ni ani,hlim reng se ka va duh em,ka phone a a number chu kut khur dar dar in ka hmet a,vawi thum vel a in ring hnu chuan kumruk hnua a vawikhat nan zothansangi aw ngei chu ka hre leh ta!

Hello,hello,
I tha em?I hlim em?hlim reng ang che aw.
Bawihtei nen khan hlim reng ang che u aw,ka sawi zawm thei tawh lo,a vawikhat nan ka mit ata muttui alo luang a,khumah chuan ka thu hnawk a,ka indawm vawng vawng a,ka van inchhir teh lul em,engmah reng a sawt tawh silo..

Inchhir mah ila ka nun ti hreawm tu chu ka nu leh pa te rilru na leh hreawm takin mual ka liam tir a,an thlamuanna leh an innghahna tur Ber ka sual lutuk khan vawiin thlengin ka nun hi a ti hreawm takzet,ka fanu fahrah in a awm phah a,min hmangaih tu zawng zawng ten min kalsan Zo ta, khawvel ah hian hlimna zawng zawng thin mah ila isua ah chauh lo chuan hlimna famkim a awm lo ani tih ka hre Chiang ve ta.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)