VALPUIA by Nghaki Ralte

Ngaia
Site Admin
Posts: 25813
Joined: April 30th, 2016, 4:07 pm

VALPUIA by Nghaki Ralte

Unread post by Ngaia » August 30th, 2019, 12:10 am

VALPUIA
(COMPETITION 2019)

"Hmalam pan tawh rawh,hetia i awm reng chuan a lungawi dawn lo asin" he thu hi vawi tam ka hre tawh a,zawm erawh a har viau si a. Ka hlimna,ka beiseina,ka suangtuahna hlimawm tak te kha boruaka thamral mai tur atan chuan ka ui em a ni.

"Valpui,i hman dawn tawh em?kan tlai dawn nia."ka țhianpa em em chu an inkawt ațangin ka au vak a,
"Aw ka rawn kal,i hmanhmawh lutuk anih kha
"nuisawng chungin ala rawn ti zui,ka beng pawp chak zia chu.
A hnu reiloteah a rawn chhuak nghal a,a Bike duat em em mai chuan college lam chu kan pan zui nghal a. Dan ngaitein kalkawngah chuan kan inhnial leh bap bap a,a tlawm leh nge nge țhin. Hei hi kan nitin dan a ni.

"Puite,Valpuia chu min lo biak ta em?"zawhna ngai bawk maw. Class ka luh rualin ka țhian kawm ve ber Sangtei chuan min lo zawt a. "Biak mai mai lo,bialpa ineih kha" ka tih chuan a nui nghal vak vak mai. Valpuia chu a hmelțha a,lehkha athiam bawk a,an hausa bawk nen a luck viau mai. Ka țhian mahnise keipawn a hmel hi chu țha ka ti ve thlawt,a lerh lo viau bawk,kanțhenawm mai a awm anni bawk nen kan inkawm chawt zel a,kan in ngaina viau.

Banah chuan gate bulah Valpuia chu ka lo nghak a,a hnu reiloteah a țhiante nen an lo chhuak a,"Puite,vawiin chu lo va haw mai la,kan țhianpa damlo tlawh kan tum a" a tih chuan "awle,lo dam zel rawh se aw" tih pahin ka haw nghal a.

Dan ngaitein college lam pan chuan kan inphur leh a. "Puite,bialnu ka neih i phal em?"a tih chuan ka nuih nasa mai,"Phal lutuk e,ka hmu chak che u. Tunge a?"ka tih chuan,"Ala inpeih lo lutuk a,ka la nghak mek"a tia,ka nuih tawp,a zeilo ve e.

Inrinni a ni a,pa Kima(Valpuia pa) birthday anih vangin Valpuia teinah tlai lamah chaw kan eikhawm dawn vangin chawhmeh vel lei turin kan chhuak a,bazar lah chu ala tawt em em zui. Pa Sanga present turin sana ka leisak a,Valpuia chuan țullo hi an ti lehpek khawp a,"Ka birthday ah chuan thil țha deuh ka dil che nga min pek ngei ka beisei bawk ang"titau deuh pah hian atia,nuih hi atiza țhin ania.
Hma deuh ah kan haw a,rawng kan bawl ho vek a,nuam ve tak a ni. Zanlam pawh kan mengrei hlawm phian mai.

Term exam kan țan a,ka thiam viau zel. Ka țang ve viau zel,engdang vang ni lovin Valpuia lehpel ka tum a. Tluang takin exam chu kan zo leh ta phawt a,karleh mai khi Valpuia birthday alo ni reng tawh a,min dil tur lah a sawi duh bawk si lo,"A hunah ka sawi mai ang"zu han ti tlat a. Exam zawh ni chuan kei,Valpuia leh a țhianpa,Sangtei leh a bialpa te nen chuan lenchhuah kan rawt a.Kan khaw pelh țepah hian tlang nuam zet a awm a,chulam ah chuan kal kan rawt thlu ta a. Kan hlim tlang em em a,Sangtei mawlh hi Teacher te hmel awmdan leh kaldan te a zir a,ala thiam em em zui,mittui ta phungin ka nui thei. Khawthim dawn ruaiah kan haw ta hlawm a.

Hun aliam chak em em a,Valpuia birthday kan thleng ta der mai. An inlama kan awmkhawm laih laih lai chuan,"Nu,nute,Puitei nen hian kan chhuak ve lawk dawn"ati a,ka nute pawn an lo'aw' ve mai a. A bike duat em em mai a lakchhuah lai chuan kawtah chuan ka lo nghak a. Khawia min hruai nge a tum pawh a sawi leh duh ta lo fo.Ngawi rengin a bike hnungah chuan ka chuang a,tlang lam pan khan kan tlan tih ka hre mai bawk.

"Puite,bialnu ka neih iphal tiraw"a tih chuan lu ka bu nghat a,"ka bialnu ini thei angem?Țhian ang ringawta en che hi harsa ka ti."a tih chuan mak ti zetin ka en hau mai."Ka nghak rei tawh che,nangpawn min duh ve tho tih ka hria,țhian kan nihna kha chu dahțha rih ila,inkawp ve tawh ang."a ti chiah chu ka zak ve tawp,alo hrethiam țhin reng chu nia. 'Aw' ka pawh takah chuan kan inkawp chu ani ta der a. "Ka kut ivawn chhung chu ka thlah ngai dawn lo che a,nghet takin min chelh la,ka kalsan ngai lovang che."atih chuan,ka hlim lutuk ringawt.Kan lai dun viau mai.
Rei awm lo chuan kan haw vat a,chaw ei lai chuan Valpuia chuan kan inkawp thu a sawichhuak a,ka nu chuan,"rilruna khan siam lo la ni mai"atih chuan kan nui vek tawp,ka nu nge nge,a țha țhin ania. Zan hlimawm tak zawng a ni chiang alawm.

Thlathum lai aliam leh ta,Valpuia nen pawh kan inkawp tluang zela,a thikthuchhe lutuk leh a titau hma thei lutuk hi a ni mai kan buaina chu. Tlangah khan kan kal fo va,hriatreng tur thil tam tak kan hnutchhiah ngei reng bawk. A sawi fo chu,"Ka kalsan ngai dawn lo che a,i bula ka awm hian ka famkim a,engmah dang ka mamawh lo. Khawvel tharah pawh nangmah tho hi ka bula awm turin ka thlang zel ang che,kan lo thi ta anih pawhin vanah kan inhmangaihna hi kan chhawm nung zel dawnnia." ati țhin. Ka hmangaih tluk zetin min hmangaih tih ka hria,a tello va awm turah ka indah chhin ringawt pawh hian țah a chhuak ngawih ngawih.

Thlasik boruak kan thleng a,hunpui atan kan inbuatsaih țan mup mup a,Valpuia nen pawh kan hun hman dan tute kan duanglawk ve nual mai. Kan hmalam hunah eng nge thleng dawn kan hre si lo.

Urlawk ni a ni a,naktuk mai hi Krismas alo ni ta der mai. Valpuia nen tlangah kan leng ve a,midang pawh leng an awm ve nual mai. Inngheng rialia țhu in kan hmaa naupang infiam chu kan thlir reng a,"Fa neih ve a,infiam ho ve ka chak" atih chuan ka lo nui hak a,a tu zui bar mai,a naupangchhia thei ania. Eitur leitura a chhuak kha arawn let har viau a,ka ngaihțha lo deuh chu tlang ațang chuan ka chhuk a,khawchhung panna tur kawng kawiah chuan mi hi an lo awmkhawm țhup a,accident an awm aniang ka ti mai a,mahse mipui dingțhup karah chuan Valpuia chu thisen kaihnuang hian ka va hmu a,mangang zetin ka pan phei rawk rawk a,ambulance a lo thleng chiah bawk nen a ri nuaih nuaih reng a,Valpuia hmel chu a dang bel a,a mit a chhing chial a,ka koh pawhin min chhang lo,ka mangang lutuk hi Pathian ka ko mawlh mawlh ringawt. Damdawiin lam kan pan lai te chuan a kutah ka chelh reng a,min kalsan hi ka phal thei lo. A rawn meng riai riai a,harsat hmel deuh hian ațawng a,ka hriat theih loh vang chuan ka kun hniam a,"Ka hmangaih che,vanah ka lo nghak ang che." a ri chang chang chauh. A rawn thaw kawk a,chumi hnu lawkah a kut chu a rawn zawi nghal hnawk a,Doctor in 'a thi'a tihte chu ka manghriat vek tawh.

Ka harh leh chuan khuangri ka hre hmasa ber a. Lal pianchamah ka hmangaih ka thlah a ngai hi hriatthiam ahar ka ti em a ni. Valpuia bulah chuan ka mu a,amit,a hmui,abiangte chu ka khawih reng a,akut lehlamah nghet takin ka chelh tlat bawk. "Valpui,ikut ka cHelh chhung chu min kalsan dawn lo tih i sawi kha,tho tawh rawh,a rei tawh emai." vuina hun hmanlaite chu ka mang hriat vek tawh.

Thlakhat lai aliam ta,thil ka ei thei lo va,ka mu thei bawk lo a,ka cherin ka dawldang em em a. Tlangah khan ka nuin min hruai a,ka țap char char ringawt,kan sulhnu atam em a ni.

"Van mite u,ka hmangaih Valpuia kha min lo venhimsak ru aw,a tello va nun hman hi a hrehawm emai. Valpui,min lo nghak reng rawh aw,i sawi kha vanah pawh kan awmdun zel ang itih kha,i kut lo chu midang kut vawn ka tum lo va,min lo nghak reng dawn nia. Ka hmangaih cheVALPUI".



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)