JOANNA LALNUNHLUI By Martina Khiangte

Ngaia
Site Admin
Posts: 25813
Joined: April 30th, 2016, 4:07 pm

JOANNA LALNUNHLUI By Martina Khiangte

Unread post by Ngaia » August 30th, 2019, 7:30 pm

gs018hne.jpg
gs018hne.jpg (17.42 KiB) Viewed 7083 times

JOANNA LALNUNHLUI (COMPETITION 2019)

Kan kawmthlanga naupang ifiam en in ka lo nui leh ver ver thin,,,ka phone rawn ri thut chuan mang thuk tak atanga kaihthawh ang maiin min ti harh zawk mai,ka phone chu la kangin a screen ka en a,, Faith-i hming alo lang kalh a,, ka lak vat loh avangin hauh ka tuar leh ngei ang lee. Ka la chiah chu arawn au vaka ka phuzawk thei,kan result chhuakah 2nd ah kan pass ve ve tih thu arawn sawi chuan keipawh ka au ve nghal chul mai,class xii ka pass ve ta. Thil tamtak sawiin zan lama in be leh turin phone kan dah thei hram,ani nen kan inbiak tawh hi chuan sawi tur hi atam thei ania, kan inbiak zawh chuan ka awm hmunah chuan thingthi in PATHIAN hnenah lawmthu sawiin ka tawngtai nghal a,lehkha thianthei em em ka nilo bawk nen mitan chuan hniam deuh mahse ka tan chuan ka thawhrim rah ve liau liau anih avangin ka mittui pawh atla hial. Ka tawngtai zawh chuan ka nu leh pa leh ka chhung dangte hrilhin kei ang bawkin an lawm in an hlim em em vek,achhan chu an fanu hian ka theihtawp chhuahin harsa takin tun dinhmun hi ka thleng tih anhre ve vek.

Joanna Lalnunhlui ka ni a,kum 18 ka ni ve tawh Aizawl a awm kan ni,unau 4 zinga a upa ber ka ni,, class x thleng Aizawlah kal in 11 leh 12 chu ka ni te bulah awmin shillong ah ka kal thung. Nulian tak tia sawi tur chu ka nilo nain keimahni kum rualpui ah chuan alian pawl niin ka thau lo a ka cher chhe lo bawk ka pian pawh a pangngai viau,sam sei ngaina ka nih avangin ka sam pawh ka kawng thlenglo vel deuh hian ka zuah a,angil in ka sam bu pawh atha khawp mai, ka hmaifang alo dik bawk nen hmeltha leh nu tih ka hlawh ve fo. Bialpa pawh ka neive ngei a,shillong football club pakhat ah contract sign in akhel mek,footballer anih chu, Aizawl khua ve tho niin kei aiin kum 3 in a upa zawk,a hming chu Lalhminghlua a ni,Hminga tiin ka ko mai thin anin JO tiin minko ve thung a,kum 1 leh a chanve vel kan inkawp ve tawh,asang tha in apian analh em em a footballer tih takah, Pathian tih mitak,inkhawm ngaina mi ani bawk,akum phulo in apuitlinga a innghahna tlak hliah hliah,min duat thiam in fuih ka ngaihna ah min fuih a,min zilh hau fo bawk,ka tana tha tur hi angaihtuah in,ka zirlai tibuai turin engmah ati ngailo bawk. Ka pass a ni tih a hriat pawh khan kei aiin alawm hial zawkin ka hria.

Kan result chhuah ni atang khan ka zir leh tur buaipuiin ka chhungte nen ka inrawn khawm renga thuthlukna siam ahar khawp mai athenin college kal tura min duh laiin athenin nurse zir turin min duh bawk si,mahse Meghalaya lam result a chhuah har avangin Mizoram a college ho chuan admission anlo tifel vek tawh a, college ka kal dawn anih chuan hmun danga awm ka duh lo bur bawk si atawpah chuan Nurse zir tur chuan thuthlukna kan siam fel ta a, Andhra Pradesh visakhapatnam-a Nursing School pakhat ah seat ka hmu ve a,christian school ani nghe nghe, ka phur na leh huphurh na chu a in zat khawp mai chhungte bula awm a college kal ka lo suangtuah ve nasat tawh nak alaiin a aia hla a awm turin kan tifel leh diam tawh chu a ni sia,thla leh maiah kan tan dawn lehnghal. Shillong lama college kal leh mai ka duh rum rum, ka chhungte bula ka awm dawnlo anih pawn Hminga hnaihah awm tal ila te ka ti leh hnuhnawh a,mahse hlawhtlin duh chuan hreawm tawrh angai miau si a.Hminga pawh ka hrilh tawh a,a huphurh ve hle,mahse min ti hnual turin egmah a sawilo a,min fuih in ka thei ani tih min hrilh zui mawlh mawlh a, nurse tha tak ka la ni ngei dawn tih a hriat lawk thu te,ka inrin tawkna beitham ve tak hi aleh tamtak a min tih pun sak tu a ni fo.

Shillong-ah Migration vel buaipui angaih avangin ka kalpui turte aiin ka kal hma a,Hminga nen MBOSE-ah kan kal a,kan buaipui zawh hnuin PB velah kan kal dun leh a,thil kan eipuar hnuah kan haw ta nghal a. Kan inthleng min thla a gate ka pawt hawng ka lut tur chu ka banah arawn vuan thut a,rang takin ka hawi let vat a, "Thil pek tur che ka nei a,i pawm ngei angai ang" keimah avanga sum a sen ral mai mai ka remtih loh thin avangin pawm turin min hrilh nghal ringawt. "Tun tum chu ka pawm mai ang" tih pahin a kuta athil ken chu ka la ve vat a, "In iluh hunah i hawng dawn nia,khawi ikut kha minlo pe lawk" athusawi chu a in perhsan lutuk vang chuan ka nui chhuak hak a,ka pe ve mai a,"Zungbun maw?" Ka kut ah chuan silver zungbun a design ka duh ang chiah chiah chu a rawn rawlh lut a,"Ka nupui hual ini tawh a mipa dang melh hlek pawh a thianglo ania,itan liau liau a ka siam tir anih kha,i duh zawng a ni tih ka chiang" ti fuh inti tawk in a rawn nui deuh suk a,"Ka duh zawng hrilhlo che ila ihre bik awmlo emai" ka la ti hram. "Tha takin zuk zir la,midangte tan entawntlak nih tum la,Pathian neitu inihna hi midang hmuhah lan tir fo la,ka tawngtaina in a umzui reng dawn che a,i mallo anitih in hria la,itan ka rinawm reng ani tih theihnghilh lo bawk angche,kan inhlat dawn avangin i rilru ti hah lo la,min ring tawp rawh" athusawi avang chuan ka hahdam sawng sawng a,ka chhungril takin ka hlim veng veng bawk.

Zanriah kan eikhama,Thalai inkhawm zan anih avangin ka u nen chuan inkhawm turin kan inzui chhuak a,Madanrting Baptist kohhran a lawi kan ni. Kan President-in thu asawi a, " Ringtu tak tak inihchuan harsatna,hreawmna,buaina,lungngaihna,natna leh beidawnna i tawh apiangin i rinna azual ang,heng zawng zawng i tawrh nachhan chu Pathian i mamawh zia,atelloa engmah inihloh zia tichiangtu leh ahnen thleng tura i zinkawng huaitaka hmachhawn tir thei tur che a chakna apek ve na che a ni,heng zawng zawng i tawrh hian I ding leh veiah chelhin,I hnung dawlin ihma a hruaizel a ni tih hrereng rawh" heng asawi lai te hian ka tan hian asawi nimai in ka hria,ka hlawkin ka hahdam phah hlemai,Pathian fak leh chawimawi tura Biakin pan hi chu a inchhir awmloh thin reng a ni. Banah chuan ka member puite chuan duhsakna te minhlan mawlh mawlh a,Hminga lo len atum avangin kan haw vat a,inthlak sawk sawkin tlaia a present min pek kha ka hawng a,achhunga awm chu ka rinloh lam daih,jersey 2 hi alo awma,pakhat zawk chu ama ta nalh ka tih ber mai kha ania,chuan pakhat zawk chu aman ka tana alo siamtir ahma lamah kan chhungkaw thuvawn ka hrilhfo SAM 37:5-na hi a print a,ahnunglamah 1Korinth 13:4-7 thu hi alo print bawk a,ka tan hi chuan ahluin innghahna tlak a ni takzet,ama jersey zawk chu hachuakin sitting room lamah chuan ka thu phei ve nghal a,kawngka rawn kik ri ah chuan ka tho nghal vat a,ka nghah ngei ani."I van chelo" athusawi hmasak ber chuan min ti lai nghal ringawt,ala nui vur vur zui,"ka hria" tih pahin ka thutna ngaiah ka thutsan leh daih,alian deuh bawk ani ka tan chuan,ka nite nen chuan an titi mawlh mawlh a,kan inkar thu anhriat ve vek avangin ahma pawn alo leng fo a an innel vetawh hle,"Mate thingpui va lum la,Hminga pawn a induh ang" ka ni in arawn tih avang chuan kitchen lam ka pan nghal a,"ka va lumpui ange" Hmingan atih ri chu ka hre hman,ka hnungah min rawn zui ve a, ka chhuang zo a chair alo thutna bulah chuan ka thu ve nghal a,atih thin danin vawina a hun hmandan te min hrilh leh a,ka lo enchiang miahlo akawr hak hi,ka jersey ang chiah nilo min pek ang chiah kha aha anih chu"kha kha ka ta angchiah" ama min pek anireng sia," inei ve amaw" achimawm thin ania ahrereng sia," ummmmm ka vantirhkohin min pe a,ka ta amawi zawk" anui suk chuan ka nuih let ve ringawt. Thingpui a so a,ka siama ka nite nen anin zawh hnu chuan ka sengfel zung zung a,room-ah lutin ka jersey ka va thlak a, varanda lamah kan thu phei a thla te kan la dun a,ani aia ka inhmeh zawk thu a sawi a,ka nui leh ver ver ka lawmna hi atling tawk em em thin,kan ngawi deuh vang vang a a thu rawn sawi leh chu,"ka ngai ngawt ang che" a tawng ri atang chuan a ti takzet tih a hriat theih,"keipawn a let tam takin ka ngai angche" ka ngai nghal in ka hria, "zanin ang hun hi engtikah nge a thlen leh angle,ibulah hian awm reng thei ila,ka nupui inih hun tur ka nghakhlel tawh e,izawh veleh ka nei nghal mai angche ka chawm zo dawn lutuk che,i zir hlanin i nu leh pa ka lo dil ang" anui bawk silo a atitak ngur bawk sia," keipawn ibulah awm reng thei ila ka ti lutuk kan tan theihtawp ka zuk chhuah anga,i sawi angin nurse tha tak ka ni bawk ang" tinge ka lunghi a rawn len thut le. Zan arei lam tawh avangin zing thawh hma kan ngaih ve ve avang chuan haw mai atuma,match pawimawh tak khelh tur anneih avangin min thlah theilo tur chu hreawm ati em em a,"A pawilo ka lo hawleh vat anga kan inhmu leh vat dawn alawm,chuan tha deuhin i khel anga,ka best player inih kha hrereng ang che,ka ngai dawn lutuk che" atawp lam chu ka sawi zo theilo tep ka mittui arawn hnam leh ringawt tawh,tinge ka tahbelh em em leee," JO tap suh i tah chuan ka hreawm vek zel ania aw,i puitling tawh tih kha theihnghilh ngai suh,min ngai ngawih ngawih rawh mahse min ngaih avangin taplo la,chhel zir nan hmang zawk ang che,Ka hmangaih che tih hi theihnghilh ngai bawk suh aw" min kuah a,a awmah chuan ka bei hle hle a,ka hahdamna avan ni chiang tak,zanin hi ral theilo se ka van ti tak em. "I tha tiraw,va lut tawh la i chhungten an ngaihtuah angche min thlah rei tawh sia,ka ru daih che ah an ngai anga athalo" arawn tih chuan ka nui chhuak hak min tih nuih dan lah hi athiam sia,"Ka hmangaih che,ka tan chuan ka bialpa hmasa ber ini a natna min thlen ngailo a,i kiangah chuan hlimna zawng zawng neitu ah ka in ngai thin, hmun hranah kan awm dawn a, min tihnat ngailoh avangin eng emaw thleng se ka tuar thiam ngai dawnlo anitih theihnghilh lo la,ka ringtawk che a,min tihnat ka ringlo bawk,chutiang bawkin keipawh itan ka rinawm reng ang,ka lo hawleh vat ang" ka thawl hawk mai ka sawi zo thei hram e, " ka tiam a che itan chiah ka rinawm ang" min kuah leh vang vang a,inla hrang hlekin ka hmuiah chuan a rawn fawp vawng vawng a. Inthlah hi a har ani. Atawp atawpah chuan kan inthlah fel thei hram,akal liam chiah chu ka ruak nghal huai hian ka hria,chhel taka awm turin ka infuih nghal mawlh mawlh a.ka hma huna thil thleng tur hre lawk ila chuan ka umzui ngei ang.

Thla khat lai aral veleh tawh kan zirna hmun chu anuam em em a,a compound a zautha in afai em em a,thingkung lian tak tak a ding fur a,Tengtere kung pawh a awm nual alian hlawm em em lehnghal a. Room-hi mi 3 leh 4 awm theih na a ni a,mizo hi 7 kan awmve a,abak chu Arunachal,Orissa leh telegu vek a ni. Awmawmi leh VB-i ka roommate te an ni a,kan room dawtchiah ah mi pali awm theihna ah Tete-i,Lynda,Sarah leh Kimkimi te an awm a,mizo kan tamlo bawk nen kan inpawhin kan innel nghal em em a,zirlai pawh kan tan chho nghal a, Hminga leh ka chhungte nen pawh kan inbe reng a,kan hun neih atlemin routine neia awm kan nih avangin zanlam dar 10 thleng hi chu awl kan neilo ti ila ka sawisual tam lovang.

Friday zan hi chuan dar 8 velah hian kan awl thei a,ka chhungte ka biak zawhin Hminga nen kan inbia a, " contract sign tur thar ka hmu a,mahse Mumbai ah ka awm angai dawn a,ka thiante hi kalsan ka hreh a,heta ka hlawh atha tho sia,bakah ilo haw hunah shillonga lo nghah che a haw dun ka duh sia ka hnar ta mai" a rawn ti nghal hluai " Mahse hlawh atam zawk te chuan atha zawklo ami,i lo suangtuah thin pawh kha aia zau zawka khelh anihkha" ka ti nghal ringawt zeplo chuan ka uipui ve deuh "Mahse ka thianten anhmu ve silo a,ka kalsan daih chuan ka inthiamlo dawn sia, aruala kan hmuh hunah a huhoin kan kal thei alawm" achhungte,athiante leh kei ngei pawh atana mi pawimawh te a dahsan zia ka hrechiang a sawi zuipui vak pawh ka tum ta lo a,a hun hman dante leh an match dawt leh ami tur an inpuah chah thu te min hrilh a, christmas hmang tura ka haw hunah minlo nghah kan haw dun tur velte arawn sawi luam bawk,kan inbiak zawh chuan ka inbuala ka muzui ve nghal a.

THLA KHAT HNUAH

October thla ni 6-na kan thleng leh der tawh,vawin chu zingkar atangkhan ka awm anuamlo in eng enawni hian min mawlh tlata,hlauhthawnna rukna ka nei tlat ka chhungte ka bia a, ka zia deuh mahse a reh chuanglo, Hminga chu an Practise lai anih avangin Lunch break kan neih hunah ka be mai ang ka tia,class kan neih avangin college lam kan pan a,, class kan lak chhungzawng pawn ka tawt deuh up up a, ka sawithiam siloh eng enawni hian min tuam mup mup hian ka hria,class pawh ka ngaihtuah tha theilo lunch kan eizawh chuan Hminga nen kan inbia a, ka awmdan vel chu ka hrilh a, "I damlo dawn anilo maw,chawte i eitha em,zan imu tlem aniang" ngaihtha lo tih hriat zet hian arawn tawng a, "Zan chu ka mutha lutuk,chaw pawh ka eitha,nidangah ka ni ngailo tukin ka thawh atang khan ka awm deuh thut,damloh na engmah ka neilo" kan kal hnu khan check up pawn kan kal a engmah harsatna ka neilo a,chutianga damlohna ni pawn ka hrelo, " A nihchuan min ngai lutuk anih dawn chu,ka hrethei mai" Confi thei sia, thil tamtak sawiin Bobby a an practice naa a chetchhiat dante sawiin min ti nui leh ta nge nge darkar 1 lai kan inbia a,ka thawl deuh huai in ka hria ,zinglam a tawt lutuk angkha chuan ka awm tawh lo,zan lama minlo biak tur thu sawiin phone kan dah a,chawhnu class kan neih avangin college kan pan leh tawh,chawhma lam aichuan ka zia tawh a class-ah pawh ka mumal veleh deuh tawh. Evening prayer ka kal bak room ka chhuahsan lo a,zing lama ka nawmsam loh avangin senior te pawn ka damlo ah an ngaia engmah ansawi lo a,Hminga nen kan inbe char char a," Enge i an tawh,chawte i ei em?" Mi hi angaihtuah thei sia ka lo hrilh kher kher a ka ti rilru leh a, "Aw,ka tha tawh lutuk tunah chuan,ka ngaih lutuk vang che aniang" a rawn nui deuh hawk a, " Ka tih reng kha ka ngaih aiche a tam takin min ngai ziah alawm chuvang anih kha,ka hmangaih che em em nu" a tawngkam a vang chuan ka nui chhuak hawk a, " ka hmangaih che a,ka lo nghak reng dawn che i zirlai chiahkha ngaihtuah rawh nurse tha tak ini theilo palh ang" a thusawi avang chuan ka hlim in vanneih ka inti ngawih ngawih, rei tak kan inbiak hnu chuan athianpa an inah chaw ei athlah lawk tur thu asawi a,a haw a minlo hrilh leh turin leh fimkhur turin ka chah a phone chu a off zui nghal,shillong atanga ka kal dawn zana arawn leng a haw hnua ka awm angchiah khan ka awm leh tawh ka ruak huai a,engmah ka ngaihtuah theilo, ka tawt deuh up up ani ber, ka phone chu charge in Hminga lo call leh hma tiin room dangah ka kal ta ringawt a, rei pawh awmlo chuan ka let leh nghal a, ka phone chu enin call ala awmloh avang chuan khumah chuan ka bawk thla thlawp a,ka chhing vang vang a,ka mutthilh kai ka lo hrereng reng lo dar 10 alo pel tawh a,phone chu ka la vat mahse Hminga call ala awmchuanglo, amut nghal ka ring bawk silo,whatsapp ah chuan ka lut a a message pawh a awmlo, kan kohhran thalai group ah chuan " Ava pawi ve,khawi damdawiin ah nge an dah" tihhi alo awm a, tinge pawh ka hrelo ka thate a rawn khur ringawt,ka lut a post dang ka chhiar chiah chu ka mittui atla nghal zawih zawih, " Kan member Lalhminghlua chu zanin dar 9:30 vel khan fire brigade-ah car nen insu in nikhaw hrelo in a awm a tunah damdawin panpui mek a ni,amah hian bike a khalh" thalai secretary in group-a a post. Zing atanga ka awmdan zawng zawng ka ngaihtuah a hethil thleng tur vang hi ani ngei ang,ka ring theilo,kan inbiak zawhna dar kar 2 empawh ala rallo, ka tap nghal hlawp hlawp a,ka thianten min rawn pan nghal a,ka phone la in thil awmzia an hriat hnu chuan antheih ang tawkin min thlem a,mahse ka awm zawn hi na ka ti lutuk,ka ngaihtuahna afim theilo,dar 12 ari tep tawh, Bobby an a rawn call hlauh,rang takin ka chhanga mahse ka tawng tha theilo, " Joan, Hminga kha kan thianpa athlah lo haw lam,car nen an insu a,tunah Bethesda hospital-ah ICU ah a awm mek, Doctor chuan a chhungte aranglama rawn kal turin hrilh rawh u,beisei a awm tawhlo ventilator hian kan chelh tawh aniber atia, a ke veilam ruh atliak a,alu asawh bawk a, a chhungten shillong anrawn pan mek," ka phone ka thlauh a ka thingthi nghal hnawk,ka khawvel nitura ka lo suangtuah thin ka mipa hmangaih,ka chakna nithin chu tunah beisei awm anih tawhloh thu min hrilh ania,ka awm ngaiin ka awm reng a ka tap theilo,kan hun lo hman duh tawh zawng zawng ka ngaihtuahna ka mitthla ah a rawn lang nghal zut zut a,anui hmel,min hmangaiha minlo nghah tur thu asawi laite,ka tap nghal ta hawm hawm a,ka awm chhung ana vawng vawng,ka tah nasat lutuk avangin zing atangin thil ka ei manglo nen nikhaw hrelo in ka awm a,,ka lo muhil tlang nghal aniang ka harh chuan khua alo var tawh a,phone chu ka ban nghal vat a,engmah chanchin thar hriat tur ala awm lehlo,nizana Bobby-a min rawn hrilh bak. Tawngtaina room-ah lutin thingthi in ka tawngtai a" Lalpa khawngaih takin anunna min zuahsak rawh, min laksak suh" a aia thui sawi turin chakna ka neilo ka mittui ka biangah a rawn lum thla zawih zawih, ka thianten min rawn hruaia room-ah min luh pui a,ka phone rawn ri chu kan melh nghal thap a,ka lak ngamloh avangin Awmawmin min laksak a," Awle ka hrethiam e" awmin a sawi chu atlem viau mahse amit atangin Hminga a awm tawhlo tih min hrilh nghal vek, ka na ngawih ngawih,ka ring phallo, vawikhat mah he leiah hian ka hnu tawh ngai dawnlo,engkim atawp vek tawh, atawp nan tak ngial pawh ka thlah theilo engvangin nge helai hmunah hian ka kal,chuan ngati nge Mumbai ah khan akal mailoh tianghi athleng awm silo a,ka hmangaih kha a awm tawhlo ka tap theilo,ka thaw tha theilo, natna min thlenloh tur thu min hrilh a,mahse khawvela na ber min tawh tir leh si,ka ngaihtuahna a fimlo a,ka mit a vai a,ka khawhmuh afiahlo,ka awm riai riai thleng chiah ka hria. Ka harh leh chuan damdawiin ah ka lo awm tawh Oxygen mask ka vuah a, Thisen chaw ankhai bawk, ka thawk ala pangngai chiahlo avangin mask ka la vuah Hminga bawk ka mitthlaah a cham leh nghal,ka thianten ka buai leh mai anhlauh avangin engmah ngaihtuahlo turin minti a mahse a sawtlo,,ka ngaihtuahna chhungril ber thlengin aluahkhat vek. Mutthilhna in min chiu leh ta ringawt anihkha.

Hminga a thih atangin thla 1 aliam leh tawh,nimin mai kha niin ka hria,ka tuar em em a, ka taksa pawhin a haw hle ka chaklo em em a,thla 1 lai thil ka ei mumal tawhlo bawk nen,hmuh theih khawpin ka cher bawk. Christmas hmang turin Mizoram lamah kan haw a, Hminga kha la dam se chuan shillog atangin kan haw rual ngei awm sia. Hunpui azo a,kan zirna lamah kan kal leh tawh a, ka zirlai ka hlamchhiah ringawt thei silo,Hminga ka sunna a reh thei silo, kum chu ka hmang chho ve naw naw a, Duty te kan nei a,ka pangngai chho ve tan a.

1st year exam kan zo ve ta der mai,Hminga ka chan atang kum khat aliam ve ta,exam chawlh kar 2 vel kan nei a, kan chhungte ka pa ni fapa Umarema Navy ani a, july vel khan anrawn transfer-a,nupui nei tawhin fa 1 an nei tawh a,an inah chuan kan awm a, VMA( Visakhapatnam Mizo Association) day kan hmang dawn a,an phur hlawm hle mai,, keini lam atang pawn item nei turin min ti a, hla te kan zir a, hall hi kan hawh a,hnatlangin kan tifaiin kan chei bawk a,vizag(visakhapatnam sawina) a awmte hi Navy leh hotela thawk hi anni deuh tlangpui,zirlai an awm lo keini nurse zir tihloh chu. Day ni chu nuam kan ti em em a,keipawh hun reitak hnuah pangngai taka hun ka hman leh vawikhatna ani,ka umarema leh anuphi pawh chu anlawn hle tih min endanah ka hrethei,tlaiah Biryani ruai kan theh a,kan puar hlawm hle, rei vaklo kan inkawm khawm leh hnu chuan kan haw darh ta a.

Chawlh azo tep tawh,umarema chuan min biak lawk duh thu asawi a, room-ah chuan kan thu lut a,Navy ve tho a junior ami (Malsawmtluanga MS-A) in minlo ngaihven thu leh,ka chanchin engkim ahrilh hnu pawh a min nghah theih thu te a sawi a,hun kal tawh theihnghilh a,hmalam pan tura min duh thu te asawi luam a, day kan hman bawr vel pawh khan chupa chu ka hnaihah a awmtamin minbe peih em em a,afelin abula awm anuam em em bawk,mahse ka la inpeihloh avangin tianglam zawng hian ka ngaihtuah ngailo a, ka u in asawi pawh chuan amah kha ani tih ka hrenghal mai. Ka lo inngaihtuah tur thu ka hrilh ve mai a,achhanchu ka awmdan engkin anhriaa,min tawrhpuiin min lainat em em a,keimah vangin an rilru pawh ahah thei hle,tih hah belh ka duhloh vang ani,biak leh bultan vel chu ka rilru ah a awm hrilhlo bur.

Ni 2 chiah chawlh kan nei tawh Sunday ani a,tlai lamah Mizo service a awm thina inkhawm kan ban chuan Usiamin(amah hi HDFC Bank-a manager hna thawk ani) dinner a tum dawn thu sawiin a inlamah kan kal tlang nghal diak a,Ms-a nenpawh kan inkawm vereng a ka u in ka no a lo pe a,call te pawn minlo be ve zeuh zeuh.

Hostel kan lut a class kal leh duty in kan buai hlemai,ka chhungte pawn zingtin leh zantin minrawn be ziah a,Ms-a nen pawh kan inbe ve reng a, " I duh phawt chuan Hminga chanchin sawiin min tahkhum bawrh bawrh thei ania inthlahrung suh, engtia rei pawh ngaise ka nghak angche,inthiamlo lo la,i dam fel thleng ka nghak angche" tih a sawi tum phei kha chuan ka tahkhum nasat zia kha, kan inpawhin kan in ngaina a,mahse Hminga kha ka lo hmangaih em a,midang hmun pek a har em ani.

KUM KHAT HNUAH CHUAN

Christmas chawlh kar hnih chiah kan neih avangin Mizoram lama haw lo in vizag-ah ka u te bulah chuan kan hmang ve ta zawk a,kan hlim ve hle mai kan thahnemlo na in, Ms-a nen pawh kan inpawh tawh hle a,kawng tamtak ah Hminga nen in anna annei a,min ngaihsakin ka nat ahlau a,min tilui ngailo a,adawhthei em em a,min tih nui a thiam em em bawk. Urlawk ni a ni a,Ms-a chuan khawiah emaw min kalpui a duh thu asawi a,tlai lamah minlo lam tur thu asawi bawk,ka ute hrilh in ka lo in peih sa thlap a, minlo lam a kan chhuak leh nghala, lawngchawlhna lam min panpui a, lawng pakhat lian vaklo,fai em em mai,mawi dangdai reuh em em leh nghal, Ms-a chu a lut a kawngka ah chuan min hmachhawn zawngin a rawn ding a, " Joan khawngaihin ka lawngchuanna ah hian ka rualin he zinkawng hi min zawh dunpui thei angem"tiin a kut arawn lek chhuak a,ka Ngaihtuahnaah Hminga bawk a rawn lang nghal,nizan ka mumangah ka hmua hmun nuam takah a awm tih leh hlim taka awm turin leh hmalam pan turin min tia,hlim hmel pu takin kut vaiin a kal liam anih kha, heihi phalna min rawn pe ani mai angem,Ms-a pawm tura minhrilhna anithei angem,ka ngaihtuah nasa hman lutuk, Ms-a bawk a rawn tawng leh " Hminga kha theihnghilh kher turin ka tilo che,i hma huna ithil tawn ania vawng reng la ka duh, ka pawm vek i hmangaih tih pawh,mahse i hun lo kal tur atan hian vawi khat chian hun minpe ve rawh" a rawn tih nawn leh ah chuan, zawi muanga van lam hawiin "Hminga min remtih pui tiraw,nizanah khan hmalam pan tura min tihkha hei hi ani ang tiraw,mahse ka hmangaih reng angche" ka phun sep sep a, Ms-a ka en chuan minlo enreng a,ka kut chu lek kangin a kutah chuan ka nghat a,, achhing vang vang a,zawi muanga rawn mengin vanlam a hawichho a, " Hminga i JO hi he lei a ala awmchhung hian keiin ka lo enkawl sak che anga ihnenah vanram kan rawn thlen ve hunah i kutah ngei ka hlan kirleh angche" Ms-an atih zawh chuan inkuahin vanlam kan thlir duna,ka hmaa thil lo thleng tur enge ka hrelo mahse Hmingan hlim tura min duh angin ka tun hunah hian hlim taka awma, ahma anga nuih leh kha ka tuma,tuna ka bula ding lumna ring hian nunbul ka tan tha leh dawn a ni.

❤A TAWP TA❤



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)