FABIAN BY Mimz Pautu Darngawn

Ngaia
Site Admin
Posts: 25813
Joined: April 30th, 2016, 4:07 pm

FABIAN BY Mimz Pautu Darngawn

Unread post by Ngaia » September 1st, 2019, 9:58 am

FABIAN
(Competition 2019 Story Fb)

Thlasik rim a nam ţan deuh a,boruak a nuam in khaw hawi pawh a nuam tawh hle a.. Ka fa te la nau tak tak te chu mut tir in a ngai te bawk in ka rilru chuan hun liam ta te a chhui kir melh melh a..

.Engati nge ka lo hausak deuh loh,engvangin nge zirlai mai chauh ka la nih,??

Ka papuia te inah awm in lehkha ka zir ve a,sport lam hi ka tui avang hian kan zirtirtu te pawh hian min duhsak ve em em a. Lut thar ka nih vang leh thingtlang aţang a khawpui a lehkha zir a awm ka nih avang chuan ka classmate te chuan min hmusit deuh hian ka hre ţhin a,.Mahse Pathian in min tanpui nasa a,ţhian mipa pali lai mai min pe a, Rinenga,Amuana,Puia leh Remsanga te an ni. An ni chu a kum hmasa lam pawh a he sikul a lo lut tawh te an ni a,an kiang a awm chu nuam ka ti in min tihlim thei hle bawk a.

Hmeichhe lam nen erawh kan in melh no thin lo viau thung.. Lehkha lamah ka lo thiamthei ve bawk nen min melh 'sala' nasa thei thin khawp mai. Mahse engah mah ka ti lem lo a. Ka nu min hrilh thin chu "mi tu pawh in hua che in,hmusit hle che mah se la,haw let ve lo la,i nun a nuam a nga,an ni i ti hreawm tel bawk a nga,hei hi hre reng ang che" tiin min hrilh thin...

February thla kan chuangkai a,ka u te ho mipa hlir an ni bawk si,ka nuliani lah inchhung chet vel ka kutah engkim a dah vek thin bawk si nen,lehkha zirna hun pawh ka nei lo thin hle a. Mahse ka zir ve chhunah erawh mak deuh mai hian ka thiam awl hle thung. Inrinni chhun ka insu zo darthlalang vel ka nawhfai lai chuan door bell chu a rawn ri ral ral a,,tun ang hunah tumah inleng kan neih ngai loh avang in pawl thenkhat eng emawni khawn vel an nih ringin kawngka ka va hawng a,mipa URina(papuia fapa) te ang rual vel tur,hmel ngaihno bei vak lo hian chiang fahran hian min lo melh run run a,
"khawnge Rina?"
"A chhuak lawk a,eng nge ni ta?"
"Ka hmu lawk duh,tu nge i nih a?"
"An nau ka nia,lo lut rawh"

A tawng tam loh hmel in a inlak ve hmel hi ka lo ti hluah hluah a,thutna tur lam pawh kawhhmuh hranpa ngai lo chuan tlangnel angreng tak hian sofa ah chuan a va thu fel deuh at a, "lo nghak la,a rei lo ang,kawn lamah a chhuk lawk anih kha" tih pah chuan ka darthlalang hruk lai chu ka chhunzawm mial mial a.

Min be lova,ka be bik bawk hek lo. Mahse ka va mit sir leh zeuh thin a,,a phone ringawt chu a bih ngur ngur lehnghal,a palian in a smart em em tih ka sawi tel hram ang. Chutia ngawireng a kan awm lai chuan ka nuliani phone a rawn ri thut a,a keng emaw ka tih kha a lo keng lo chu niin,ka phu nasa lutuk tukverh ah chuan ka eu thla dawrh a,ka tla tawh dawn emaw ka tih laiin tu emaw hian ka kawr awm ah hian min rawn tham in min pawt chho lawp a,a bul sofa ah chuan na lutuk in min thut tir a ka hlau hman lutuk chu ka thinphu hi a in thum rawn tluk tluk reng a. Ka kutphah chuan ka hmai chu ka hup tlat bawk a,chutah chet hlut in "fimkhur ta che,phone ri vang mai mai a tukverh a invawrhthla rual pawh i nih tawh loh kha" chupa chuan a rawn ti deuh hrawk a..ka hmai chu hup in ka tap khur der der a,ka nu ka ngai hle bawk...chutah "ka tihpalh,,i tla hman dawn emaw ka tia,ka hlauthawng lutuk a,"tih pah chuan a awmah chuan min kuah bei thlap a..ka tap pawh chu ka ziaawm ve deuh hnu chuan a kut chu phelh thawl in min en vung vung a
.."zanah ka lo kal leh ang" tih pah chuan tho vut in a chhuak zui nghal nal nal a...Ka hrilhhai letling phian..

Zan dar 11 vel ah pawh ziah tur ka la ngah em avang chuan ka la mu lo nasa mai a,,uNuna nen room kan intawm avang hian ka inthlahrung lek lek thin.a mu tui tawh nasa mai si a,Mahse a room hi a zau hrim hrim zawk a,ka awm ve vang hian a chep phah chuang miah lo..Pawn lam ri deuh khut khut chu ngawireng chuan ka ngaithla kar a,, U Rina a lo la haw lo tih ka hria a,kawngka pawh ka la kalh lo,uTea erawh papuia te nen inchungah an riak thin a,a te ber anih vang hian an hlat ah an awm tir ngai meuh lo.Vawi leh khatah kawngkhar chu a ri bur a,uRina leh chhun a mi pa kha an rawn tlu lut dun tawl mai anih chu..ka phu nasa bawk si,papuian a hriat ka hlau bawk si...U Nuna chu ka va kaitho a a nin hmel deuh chuan u Rina leh a thianpa chu a en dun a,u Rina zawk chu kuah phei hmasa in a room lamah a luh pui a,keiin a thianpa ka lo din chilh ran thung..

A thu kun ngul a,a phun bual bual bawk sia,hmun fal deuh ah awm ila chuan ka hlau viau ta ve ang.U Nuna chu lo let leh in "Ka drop peih lo,hetah riak ve mai rawh se,an inhmuh chuan an heti dun ziah mai" phun nuah nuah chung chuan u Rina room lamah chuan a kuah phei a,,"Mate,an kawr ve ve kha hlih sak rawh,an dam lo mai ang,an huh vek a nia,nizan ka mengrei sia vawiin ka chau deuh nen ka pui lo mai ang che" tih pah chuan a room min pan san nul nul..ka ngei lek lek,an palian dun si,keimah chauh te chuan ka kuai let thei dawn em ni..??..pawi lo..an chatthla tawh tho..ka duhtawk in ka sawisa thei ang..nge Martial art ka thiam kha.. U Rina kawr chu ka hlih sak a,hmeichhe perfume rim a nam deuh lehnghal emaw ni...a hun deuh hluam tho sia..chutah a thianpa chu a kawr ka hlip leh tur chu a kawrkilh pakhat ka phelh chiah ka kutah rawn man in khum atang chuan min leh thlak pui a,ka au dawn tih a hre lawk nge ka ka min hup sak hmiah bawk,,a chak in a sa huam bawk si..phawk lutuk chuan ka meng kuau a,a la harhfim lo tih hriat deuh chuan meng phi chiai chung hian a rawn nui deuh suk a.."Naute,ka duat chak che" ...hmela mai mai chu..ka tho thut a,kal tum a ka pen chiah chu min pawt leng lawp a,min tih dan chu min tham lo in min hnehsawh lutuk,ka thinrim hi ka so bawrh bawrh mai in ka hria.."Fabian ka nia"

"Ka hre ngai lo che,min thlah vat rawh,heta riah i duh anih chuan min kal tir vat mai teh"

"Shhhhh...au vak vak suh,i chhung te an muhil vek tawh"

"Ka au tho thei reng,ka u te ho hi ka khawih rawn tir dawn che"

"Ka hlau eih lo,i ti dawn lo tih hi kei aiin i hrechiang zawk"

"Min melh kur lo khan i thawmhnaw thlak rawh,min thlah la va mu vat mai teh.Hmelchhe lutuk"

"Oh..ka hmelchhia maw??i ti lo.."

"Ka ti mah mah" tih pah chuan a ngalah ka chhir pawp a,min thlah zeuh lai chuh in room atang chuan rang lutukin ka tlanchhuak nal nal..

Ka thinphu a rang zaih zaih hle..U Nuna chu a lo mutui tawh bawrh bawrh hle a,ka mutna lam pan chuan khumah ka let tawp a..Ka hlauh vang ni miah lo a ka thinphu rang lutuk chu a per chhuak nawlh dawn emaw ka ti hial..Khatiang khawp a hnai khan tu mipa mah ka la thawkkhum ngai lo reng reng..zu rim nam hiam mai a a rawn thawk chhuah zawng khan keimah kha ka kai ve chiai chiai emaw ni...a taksa lum thur thur te,a ban tha chak tak mai te kha...ehee...ni lo...ngaihtuah suh...Julia..muhil ringawt rawh..i zak lo em mai..kum pawh i la tlin loh kha....a taksa lian tha tak mai te...a va mak..muhil daih ang....

Umm..zu rim ka va nam hiam huam ve..zingkar a hip atan chuan a freshhh...hmmm..mipa perfume rim pawh...helamah hian a nam zual anih hi...ka ke chu a va mu nasa chuah chuah ve le... "Cute lutuk" ehe..kha pa kha ka mumangah pawh a awm..min kuah a ni ngei ang,a lum nuam hle mai...mahse ka ke hi a kham lutuk..khawimaw...lawks....eh..oh...oh...ni lo...ni lo...ni lo...Hmel....ka sawi zo hman lo...ka ka a rawn hup leh chat... uNuna room ah lehnghal,parda ka zar naran ringawt khum hliah turin...engtin nge a lo luh theih...no...room ka lock lo...ka tal vak a,,,a malpuiah ka sik hrep..mahse engah mah a ngai miah lo..min lehthal thuai pah chuan hnai deuh ah a rawn kun a,,ka mit atang en thla in ka awm bawr ah a tawp chat...boruak la vawt viau mahse lum ka tih vang ni miah lo in ka sa deuh pup pup..."zingkar a hmuh atan chuan a duhawm mah mah" ti sup chuan ka hmui hupna kut chu a la sawn a,mahse eng nge thleng hi....min fawp...aw...mipa in min fawp ve...mahse hepa kher hi...

Ka harh thut a hmuiah ka seh sak vak, a rawn thi tiam tiam mai..ka inthiam lo miah lo chu a mak hle mai.. "kawlh sen reuh hle mai,i cho chhuah a ni" tih pah chuan a hmui thi ngaihsak miah lo chuan min fawh chhunzawm leh hmiah. Mipa in hmeichhia a fawh dan tur ni a ka lo beisei dan ang takin ngenngawl tak duhthawh deuh leh dam ruih si in min fawp anih chu!..zawi zawi in ka pil riai riai a,ka tuiral mai dawn..!! A kut a ka taksa a chul kual vel na te chuan mak deuh maiin ka hmeichhiatna a tawk che pha tlat..ka kawr chhungah a kut rawn zen lut in,a lei chuan ka ka chhung chu uar zawk hian a rawn hawl a,,,a taksa danglam ve pah reng pawh chu ka feel thei vek..a hnuailam phu euh euh leh sa hiam mai chu ka boxer hak chhan atang pawh chuan a lum ham ham thei...

Thawklehkhatah pawh hran hlawk ang mai hian ka chung atang chuan a let thla tawp a,ka hit nghal sawng sawng mai..kan thil tih dun zawh chiah kha..ka ngaihtuahna nu bulh chu a reh tial tial a,ka zak hlur tawh..eng angin nge min ngaih ang??hmeichhe hur herh leh mipa mamawh ngawih ngawih ka van ang dawn tak em..a fawhna te ka lo dawnsawn that zia lah kha..arapthlak zawk!!.. Pathian in min ngaidam rawh se,ka awmdan mawi lo tak avang khan..A lamah chuan min hnuk hnai a,,,"Naute,,ka bialnu i ni tawh a nia,,tu emaw first kiss ka ru bawk sia,ka bialnu a nih ngei angai tihna"...eng thil nge a sawi hi..a zak ve miah lo...ka la ngawi reng thung.. "mipa dang be hlek suh ang che,warning a nih chu"...ehe..inngaihzawn a hma hauhin min vo lawk chu a ni sia...ni lo..kan inngaizawng thei lo ang.."i zak em??ka fawh hmasak ber i ni lo chiang lutuk" uar fe chuan kan ti ve bawk a,ka inchhir chiang lutuk "okay..ka ni lo.mahse ...umm...Fabian a ni thung" aw...khawvelah a chimawm berrr...tho vat rawh midang an rawn thawh tam hma in..."aw leee,ka bialnu"..."ngawi reng khan kal mai teh" ...a kal dawn chuan na zet in ka hmui ah a rawn fawp leh hram "i lo ngaihtuah dawn nia" ti sup in mit min siai zauh a nih chu,a va hot tak!!..maw??! hot ka ti elo??..aih..ka ti miah lo..amah pawh kha ka duh lo reng reng..

February 14 valentines day a ni a,,tv ah inngaizawng tam tak te biakna hun an nei a,hmuhnawm ti tak chuan ka thlir a,,uTea rawn lut in "Mate,ka chhuak dawn ania, ka rawn haw tlai ang,ka nu te pawh an riak nghal maithei,auRina leh UNuna erawh an rawn let ang " tiin a chhuak nghal a..keimah chauh ka bang ta..Eng thil nge ka lo tih ve ang aw,pawi lo,ka mu nileng mai ang..inchung ka kalh tha a,inhnuai lamah chuan chhuk in ka mutna ah chuan thatchhe zetin a khamphei zawng chuan ka mu duai a.

Rei vak lo ah ka mut chu rawn chhuak in mumang nuam tak mai ah chuan ka cheng a,chocolate farm ah ka lo awm a,pangpar leh kalkawng te thingkung te pawh chocolate hlir, ka duh duh chu ban in ka keih hmawk hmawk a.Chu hmunah chuan awm reng mai ka duh a khat mawi tawkin candy stick a awm zeuh zeuh bawk a,,aw,,engkim hi ka ei tur vek...."Naute,naute..i tha em??" chu hlimthla lian tak mai chu chiang vak lo hian ka hmu a,mahse ka chocolate ei lai chu a tui em vangin ka kalsan thei lo.."Naute,,duati,,,duati...Julia,,harh hram teh"..eng nge maw min koh chhen le.. Naute te min ti...aw..kha Fabian kha..ni dawn tak..eng nge hetah a rawn tih... ka meng nghal kawk,ka thil hmuh vang chuan ka zuang zawk lo chauh,hnai lutuk ah chiang em em hian min lo bih ngur a nih chu!..

"Tho tawh la,mut duh nu"

"uRina awm lo,haw rawh"

"hahhh...i u vangin ka rawn kal lo"

"anih a hnu hetah eng nge i rawn tih"

"ka bialnu lenchhuah pui ah ka rawn sawm.."

"i bialnu an awm lo,hmundangah va zawng rawh"

"Anih chuan romantic deuh a sawm a phut anih hmel..ka chak lutuk alawm"

"Vawikhat kha a tawk,i ngam chuan min fawp leh rawh,ka sawi tawh tak tak ang"

"Aw le,i sawi dawn rau rau chuan hei hi sawi tel rawh aw" min rawn fawp nghal ngawng ngawng anih chu.."i duh duh hun a i fffff" ka ka a rawn chilh nawn leh hmak...ka tha ka thlah tial tial tih a hriat chuan a in la sawn deuh hlek a,,"insiam rawh,," ti hmuk in pawn lam a pan vang vang.Kei hi,,ka dik lo leh hman tawh..Engvangin nge a duh hun hunah min fawh ngawt le. Ka huat zawng tak a awm hi a zir chhuak em ni aw..

U Rina sawi dan in a pa hi sipai a ni a,a nu chu a naupan lai in a boral tawh a,a patea ten a nu boral hlim hian an la a,a pa a tlawh zeuh zeuh tih loh chu an bulah a awm tam lo hle..Tunah Chennai ah awm in a pa chuan cancer natna a vei mek a,nupui dang nei in fa pawh pathum lai mai an nei a ni awm e.Amah Fabian tak erawh chu a landan a nelawm loh in a tawhkhirh em em a,engkim a duh dan a kal pui chi a ni. 5'11ft vel a sang ni in,a vun erawh a ngo lek lek a,ngo vut erawh a ni lo.a smart piah lamah Doctor a la ni zui a,hmeichhe lamah tla na viau mahse a highschool kal lai a a ngaihzawng bak kawp ngheh a nei lem lo a,mahse kar hnih khat han kawp lawp lawp ang kha chu a nei nual a ni awm e....aa a eng a pawh chu ni se,ka lo ngaihtuah ve vak tur a awm lo,ka ngei tho tho..Amuana te ho nen an inang lo em mai,an ni chu ka thu thu in ka dah thei a,a ni ve thung chu a thu thu a ka awm a ngai thung a,ka ti thei lo.Mahse ka ngai tho...oh..ngai ka sawi em..a teuh lo..ka ngaihtuahna mai mai..mahse ka ngai chiang..ni lo'm ni??

Ka thawmhnaw neih that ve ber ka nu in min ţhui sak kawrfual a nghawng chip a tlang lam arh deuh a senno no chek a a pawdang a par chu ka ha chhuak a,,Keima bag(puan them a ka siam)chu khai in ka pheikhawk pum chu ka inthawlh that a,ka hman..ka hmai chu sunscreen hnawih thuak2 in,lipgloss chu kan intat naran ve mai mai a...ka nalh phah em em pawh ka hre chuang lo..ka sam ka kawng thleng a sei chu dul deuh a phiar in hma lamah ka uai tir a...Mahni insit ru deuh chung chuan ka chhuak ve ta zal zal a,,,a ni pawn kamis body fit half neck leh smart pant leh pheikhawk pum pangai a bun a,mahse..a va inhmeh bik tak..

Kawngpui ka thlen chhoh chuan a car ngheng hian phone ah mi a lo be mual mual a,min rawn en zawkin hawi sawn tawh lo chuan a phone hman chu a ti tawp a,ka kutah min kai in "ka bialnu hi a nalh hle mai" tih sup pah chuan car kawngkhar chu min hawn sak a,ka thut luh hnu chuan rawn khar leh thlap in car chu a kal hual a,a rawn thut luh ve hnu chuan car chu ti nung in tlan mai an tum a,chutah thil hre chhuak zawk ang mai hian ka lam ah a rawn awn deuh a "min kiss phawt rawh" ka awih thei lo.."ka tih kher angai em ni?ka chhuahpui duh che hi lawm hle la nih mai chu" tih pah chuan a chal ah chuan ka kutzungchal in ka nawr vak a,rawn awn tha leh ngat in a biang a rawn dawh a,,,huihamm..ka tlawm leh ta...ka kiss zeuh hnu chuan.."khatiang kha ka duh reng dawn a nia,lehpekah chuan hmuiah ngei a ngai tawh ang" tih pah chuan a nui deuh suk suk a. "I mumangah pawh lo hmu suh"

"eee..ka mumangah te phei chuan ka nupui i lo ni a,thawh veleh toottt toott kan ti a,i lo duhthawh thei em em zui a,eitur te min siam sak in,ka kal lam leh haw lam min fawp ziah a,zanah mutna ah tott toottt kan ti leh bawkkkk"

"atawkkk,,,i ngaihtuahna a hur hle mai"

"toottt toott chu i hre ve deuh tawh ami a??"

"hre mai mai lo,ka hre duh bawk lo"

"anih leh engah nge i lo huat ve vak"

"i mumang a hmuh tur pawh ka ni lo"

min chhang tawh lo chuan a ngawi ta daih a,a khat tawk in min en a a nui leh suk thin. A mit ah chuan lungawina leh min duh ngawih ngawihna bak ka hmu lo .A tha thlawt a ni,mahse kan dinhmun a inthlau mah mah. "Zanah party a min kalpui turin ka duh che a,danglamna tlem te siam sak che ka duh deuh a" a rawn ti chhuak a..Hre lo ang hmak in ka awm thung.

Parlour ah min kal pui a,ka vawikhat kalna anih avangin han awmdan tur em em ka hre lo hle.Mahse a thawktu te an fel hlauh a an dawr hming pawh e taka,, Style and Go tih a niin ka hria a neitupa nen chuan an inhmelhriat that hmel hle a "Hey,Bawiha,vawiin chu hmeichhe hmeltha ber hi i themthiamna nen a ai tha awm tawh lo tur a tha in han chhuah teh le" tih pah chuan a dar ah an beng thuk thuk a,kan bul vel a awm ve dang ho chuan min en duh riau hian ka hre pek a. Hlua chuan "Lungngai mah ta che,,Angel te hotu ni awm a chhe lo hi,a mawina kan lo belh hlak a nge,hetiang khawih chak hian ka kut hi nimin atang khan a za tawh " tih pah chuan nelawm deuh hian a mit an siai zauh a,,an customer te hak thin puan nem deuh(bathrobe ang deuh kha😂) min pe in inthlakna tur hmun lam min kawhhmuh a,ka inthlak zawh chuan darthlalang hma ah chuan thu in ka in en vang vang a...ka sam phiar chu an pawtphelh dawn zet a "Lawks...tiktok video a ka upload tur kan shoot phawt aw,a rei lo ang,tih pah chuan hmaizah(Chinese hand fan) chu a pawt parh a an han zap kual vel phawt a,,"umm,a zo e,ka upload tawh ah chuan a hit ber dawn tih hi ka chiang a ni,a bak chu i inpeih hunah" tiin min nuih leh sak a.. a tawngduh a,a bul a awm a nuam in a hahdamthlak a,,a nau te ho in ka ketin leh kuttin an chei bawk a,a then an zawm bawk a,ka sam pawh a hmawr lam zai zai lian pui pui in min tih kir sak a,ka bek sam ve ve la in ka tukhum lamah chuan nalh deuh mai hian an suih par bawk a.Hetiang hian sam hi a tih theih tih ka lo hre ngai miah lo. Ka hmai chu amah Hlua chuan a duh ang ngei in an chei tak tak mai a,,darkar khat dawn min khawih kual vel hnu chuan "Kan zo e,han meng teh le" a ti a,,muangchang chuan kan meng diar diar a...

Lalpa leh!!..darthlalang a ka mi hmuh chu keimah ka ni tih ka inhre lo lek lek..hmaikawr hmeltha deuh hmu ang mai ka ni..Ka mit sen duk deuh mahse tle sep sep tho si a an chei dan te chu ka duh ngawih ngawih.. Ka nu ka rilru ah a lo lang a,,min hmu ve se tihna lian tak ka nei,ka mittui chu a rawn hnam nghal tiam tiam a. "hmm..a pawi lo,,i mittui pawh kha tla mah se i make up kha a reh mai mai lovang,i duhtawkin han sur tir teh" a rawn tih chuan ka tah nuih hawk hawk a,,"ka lawm e aw" ka ti sap a,,lo nui ve suk in "chei loh pawh khan i hmeltha sa hrim hrim tawh a,tlem te tak tak kan tat ve a nih ka...aw lee...boss in a bawm rawn dah saw va en chhin phawt mai teh,pawn lamah a lo nghakhlel tawh ang che,min rawn call reng tawh mai hei. Mahse,video kha before and after video tur a nih vangin i inthlak zawh ah 2mins vel la leh ang aw..please". Ka nui hak hak ringawt a,aw tih nan ka lu ka bu nghauh nghauh bawk a.

Eng thil tak awm ang maw tih pah chuan bawm chu kan keu da da a,awi karei... kawr senduk tle sep sep mai hi a lo awm a,a bulah chuan pheikhawk a lo awm tel bawk..inthlakna lamah chuan Hlua chuan min nawr phei dat dat in ",10mins chiah i neih tawh ka ring ,a nih loh chuan khu i bialpa thinrim thei zet khuan ka dawr hi a kuttum hmang khuan a rawn phin darh palh ang" tih pah chuan kawngka chu min hawn sak a..ka lo ner nawng thung..darthla lang hma ah chuan ka in en a,ka kawrfual hnak mermaid design chu inhmeh ka inti ve hle a,ka awm phei ah hian a kual pawp a,a darbah hrui fim sinte hian a awm bawk a,,,pheikhawk pawh a mawi e.. a man zat tur kan ngaihtuah chhin vang vang a,ka hre thei mai lo.. lawks...engtin nge ka hak tawk chiah chiah theih le...umm..ka ngaihtuah chhungin ka tlai leh takngial dawn..Hlua nen chuan a tik tok video tur te chu kan han shoot leh te ta phawt a, lawmthu te inhrilh luam in ka chhuahsan ta a,min nghaktu hian rei min ti tawh viau in ka ring. Pawnah ka chhuak chiah chu kawngkhar bulah hian mit khap map lo in min lo thlir reng a,ka lai deuh chu ka inchhuih khut a,ka va bawh rawp a,mahse min chelhtu kut chuan tha a ngah tawk bawk a,leiah chuan ka bawk bik em love.

Dinner tui tak min leisak in hotel pakhatah min hruai a,chumi hmunah chuan Vday an hmang mek tih hriat takin music cool raih mai an play bawk a,a nawm hmel takzet... a chhungah chuan lut in kan han thu muang deuh phawt a,in tur ka duh leh duh loh te min zawt in tuisik a awm chuan ka duh thu ka hrilh a."Min lo nghak rawh,ka rei lo ang" tih pah chuan counter lam chu min pan san a,,

Ka bul vel a awm ve ho chuan min en hrek hrek ni mai hian ka hria..Fabian chu rei ka tih em avang chuan a counter lam chu ka va thlek leh thin,mahse ka hmu miah lo..Ka hnung lam a hmeichhe aw thian kharh kharh ri ah chuan ka leh hawi zawk a, Tanpuii leh a cousin te ho an lo awm ve reng a,an nalh hlawm kher bawk. Tanpuii hi ka school a Miss ni lai a ni a,a pian a nalh in a hmeltha a,a vun ngo tak mai avang te hian "Vur vari"tiin a hming lem an vuah sak ţhin,kawrfual sen lar tak dar bah sin te,a malte thleng vel a sir veilam thui ang reng deuh a kak chu a inhmeh ka ti hle a,mahse duh aiin a thehlep mah mah..."oh...hei..heta hi thingtlang nula kha a awm ania" Tanpuii kid Ruati chuan a rawn ti lang lang a,an mitmengah chuan min nuihzat in min hmuhsit hmel hle bawk. "Oh..nang ang te,helaiah engtin nge i lo kal theih zawk,mi awmpui mai mai lehnghal" Tanpuii u Sawmi chuan a rawn ti a,,nalh hlawm viau mahse an kam a hlawk in an rilru a tuiek viau..Ka chhanglet duh lo,miin min en thup a ka nihna pawh an hre vek..Kan retheihna ka zahpui lai ber a la ni ta ve ang. Tanpuii pawh chu rawn tawngchhuak ve in " ehee... i van chhelo sawt ta ve a,,,mi awmpui mai mai pawh a fairy god an tawn meuh chuan Angel ang mai alawm i nih le...I vannei hle mai Cinderella ang chiah khan,,lawksss..zanin atan chauh a ni lawm ni" tih pah chuan min nek deuh salh a..

Ka hnung lam atang a"Naute,rawn ti tu aw an hriat chuan hmuh thiang lo hmu ang mai hian sawi tur an hre lo,a rawn thlen hma chuan Sawmi chuan a lamah chu pan phei pah in"Oh..hey..Honey..hetah ka hmuh che ka lo inring miah lo..party na a kal i hman loh thu i sawi sia,henu hi i rawn thurualpui a ni tih sawi miah suh,an class lo lutuk" tih pah chuan ten hmel fe hian min melh a...Fabian chu inti neitu takin a ban bulah chuan a vuan deuh chawt bawk nen ka tawrh theih chin piah lam a ni ta..Hmanhmawh tak chuan chu lai hremhmun chu ka chhuahsan nal nal a,,,

Gate pawn ka thlen chuan tu emaw hi ka su dawt a,leiah chuan ka thu hnawk bawk a..."nang bawk maw?i kalna tur te en ve ta che" tih pah chuan min pawt tho ve hram a..Hepa hi...hmani lehkhabu ka leina dawr a ka mi sut pa kha a nih hi...Zah pawh dawn lo chuan "min pui rawh,khawngaihin" ka tap ti tih nghal der..a piah lawkah chuan min kai phei a, a bulket bike ah chuan chuangin a seat hnung chu a beng thuk thuk a,"lo thu rawh,invuan nghet ang che" tih pah chuan ka kut chu la in,a kawng ah man tlat tur chuan min ti a.. A tlanchhuak chiah mai chu ka inchhir vawng vawng mai,a chak mah mah.Kha party ka tan a mualphona lam kha ka ngaihtuah let a,khuk ral daih mai ka chak,ka zak ngawih ngawih..

In kan thlen chuan tumah an lo la haw lo a,ka mutna lam chu pan in khumah chuan ka bawk thlawp a,ka tap char char..tunlai khawvel changkang tak ah hian kei mi rethei tan hian nun a va harsa tak em.ka inchei loh in min nuihzat a,ka inche lah in min hmusit bawk si..khang zawng zawng ai chuan Sawmi'n Fabiana kut a a vawn lai leh no tak mai a a melh lai te kha ka mitthla ah a rawn lang uarh uarh a..Ka na a ni..Ni e..ka duh lo ka ti.Mahse he thinlung hi chuan a hnar si lo..ka mittui chu a tla reng a,,,min umzui miah lo te kha..nia,a mak lo.kei aiin an chhe lo a,an zei bawk anga,an duat thiam zawk daih ang chu...

Ka nuliani tawng lang lang thawmah chuan ka harh a,nizan ka muthilh lai reng reng ka hre lo.. ka thawmhnaw ngai ka ha a,mahse ka mu rem vek a,puan ka sin thlap bawk,U Nuna'n min sin tir a ni ngei ang..dar zat ka en chu dar 8 lai mai alo ri tawh.Phak chual chuan ka tho chhuak a,ka thawmhnaw te thlak in ka intihfai zawh hnu chuan inchung lamah ka chho ve a..kawngka ka luh dawn chuan ka nuliani lungawi lo tih hriat zet a ang thawm ka hria a "Tea pawh in a awm turin ka ti che a,,thu i awih loh man i farnu hian a tuar tih i hria em? Hetia mi hmuhsit tuar mai mai tur hian em ni 'a nuta ka ni' in lo intih a?? In farnu thlavang pawh in hauh ngam nange..Rina nangpawh kha lai hmunah khan i awm ve a ni lo'm ni??Tunah a pa a dam lo a,hmanhmawh tak a haw tir a ngai leh a,,,awi..ka fanu hi ka van lainat em.Ka hrin ni lo mahse Ka fanu neihchhun tak tak a ni asin,..Unaupa ni tlak pawh in ni lo a nih hi.Pathian in fanu min pe lo pawh hi in lo hetih dawn vang vek alo nih hi " ka thlavang hauh a ka u te ho a hau tawn tawn ri chuan ka rilru a ti nem a, ka mittui bawk a ko chhuak leh tawh..

Hmm..Chak tak a ka awm a ngai..ka pa a dam lo ati em ni kha..?? Inchhungah chuan rang takin ka lut a,ka nuliani chuan "Mate,Julia,i lo tho peih maw..i chau em?" tiin min lo zawt var a,tlem a ka lu a nat deuh thu leh ka that leh vat tur thu hrilh in za vak lo hian ka nui lui sak a. Ka papuia chuan "Liani,i pa a dam tha vak lo a ni awm a,chaw hi eikham ila,chawlhni ni mahse i uRina hian in khua thleng chu zuk thlah che sela a tha ang,ngaihtuah awm lutuk ni lo mahse i nu a buai dawn si a,nangpawh mangang lutuk lo la" tiin min tawng thlamuan nghal mawlh mawlh a. Mahse ka pa meuh a na anih chuan a nat hle ka ring nghet hmiah.Mipa ah pawh mipa tak mai,hritlang khawsik neuh neuh ah pawh damdawi hmawm mai mai duh ngai lo ka pa kha a ni ve tlat..

Chaw te kan eikham hnu chuan ka mamawh tur zual te in khung in ka papuia te nen chuan kan in vai liam ta a..Rin aiin kan kal tluang ang reng khawp mai a,kawng lakah zunram thiar a vawi 2 kan ding zeuh tih loh chu kan tlan char char a,two wheeler nge nge kawngchhia te chu hel zung zungin kan khua Gosen chu kan thleng ta a..Ka pa pawh ka rin aiin a lo tha a,u Rina pawh a tuk lamah hna a neih avangin tlai chaw pawh ei lovin a haw chho leh nghal a,ka thlen thlak vang nge,ka pa pawh kan thlen hlim ai chuan a hmel a eng ta deuh sawt a ka hriat chu...

Ni a liam a,kar a liam a,thla hial a liam hnu chuan ka pa pawh a tha ve deuh tawh a,chak tak a la ni chuang lo. Fabian erawh a reh hmak a,U Nuna hnen atanga ka hriat dan in min zawng chiam a ni awm e,mahse ka nuliani'n a rem tih loh miau avangin ka awmna erawh an hrilh duh lo a lo nia... Kan vengah free clinic an rawn neih dawn avangin ka pa pawh chu entir ve turin a wheel chair ah chuan thut tir in kan pafa chuan kan innawr chhuak ve a. Ka pa a lo hetih tak vang hian ka nu leh unau te ka ngaihtuah em vangin ka zirlai ka chawlhsan tawp bawk a.Dam te a awm chuan lehkha zirna hun chu ka la ngah lutuk ti a inhnem in ka let duh ta lo kha a nia,mahse Pathian hi kan tan hian a lo tha em a,kan kawmthlang primary sikul ah chuan thawktu an indaih loh avangin thla tin sang li hlawh tur in min chhawr ve a,kan chhungkaw ei ber a ni ta reng bawk a.. kum tawp lamah erawh private a exam ve ngei chu ka tum ruh tlat thung. Min hmusit tu te lak atang a talchhuah theihna awmchhun chu thiamna sang tak neih a,hna nghet neih kha a ni a,ka bei nasa ve hle a ni.

Kawn kan thlen chuan doctor ho chuan an lo en tan mek tawh hlawm a,keini min hmuh ve leh chuan "ee,Julia,in inentir ve dawn a ni maw,kha va in entir hmasa rawh u," tih pah chuan min kian zel a,a hnuhnung ber kha kan inentir hmasa thei dawn a,min duhsak zia leh kan dinhmun min hriatpui hlawm avang chuan ka lawm em em a lawmthu chu ka sawi phei nghal mawlh mawlh bawk a.

Kan inentirna tur a thu chu Dr Lalhmunsanga tih a ni a,ka chhiar liam puat ringawt a. Ka thiannu Eidao-i nen kan inbiak lai chuan ka hnung lam a "Ka pu,i eng nge na le?" tih ri ka hriat chuan ka khawng nghal awt thei.Chu aw chu ka hriat fo tawh,thla hial a vei hnu pawh a ka mang lam chen a ka hmuh fo thin,zan rei tak tak thleng amah ka ngaih vang a ka mut theih loh chhan Fabiana aw ngei mai a ni. Ring ngam chiah chuang lo beisei ru zet si chuan ka hawi let a,kan mit a intawng ta chat, ka pa in a nat dan a sawi mial mial pawh chu ngaithla awm pawn a awm lo,keimah chu thlarau hmu ta ang mai hian min melh ngawt ngawt ringawt... Eidao in ka beng bulah "i chilthli i thlauh dawn,a chhe lo tih kan hre ve vek,khaw nula ho hian an duh teh mai nia" ti a a rawn ohun sar sar rual chuan ka inthing harh vat a,,"ka pu ka pa hi a pum lam hi a sawisel reng a,chaw a ei tam thei bawk si lo,a damdai dik thlap thlap a kan pek pawh in zia lam a pan thei tak tak bawk si lo a,a ngaihna pawh kan hre tawh lo" ka zam na zawng zawng chu ka thunun hram hram a ngai.

Mi an tam avangin in biak kawina hun awm hek lo le,Fabian pawh harhchhuak thut ni awm hian a lu a thing deuh nghut a,ka pa damdawi chu thlak a ngaih thu leh a damdawi pawh an lo ken tel thu min hrilh a,lawmthu te hrilh luam in damdawi lakna lam ah chuan kan phei leh ta zawk a... Khua a lum tawh nen mipui zi nuaih nuaih zing a awm reng kha fuh lo a ka hriat avangin ka pa pawh ka let pui leh thuai a.. Inah chuan ka ngaihtuah char char a.. Pathian in rem a tih a,awmdun tur a a ruat kan nih chuan kan awm dun tur thu ka nu in min hrilh chu hre reng in,beisei tak chungin chu hun lo then hun tur chu ka nghak tang tang a.Tawngtaina nen a ka tan kawp miau avangin ka rilru na te pawh a kiam sawt sawt ni in ka hria a,mahse kiang ve thei lo erawh ka duhnakha a ni.Ka thinlung chuan ka hmangaih tih a pawm a,mahse kei hian ka pawm ve duh lo mai zawk a ni.

Chumi zan chuan ka beisei loh zet in Fabian chu a lo leng a,ka pa chuan an ngaisang vet vet khawp a,khawpuia tleirawl kha thingtlang khaw te ah chuan nula kan ni mai a,inleng pawh ka nei ve zeuh zeuh thin a.Ka chhungte chuan chutia inleng doctor,tlangval lehnghal ka han nei chu min lawmpui em em bawk a,ka nau lah in a thiam loh lai a lo zawt ve thul.Ka chhung te a kawm thiam in kan ze mil tawk a mi biak a thiam em em bawk a. Chumi zan chuan kan inkar fel lo zawng zawng te sawi fel in "rinawm in aw" tiin inhmu leh thuai tur a intiam in kan in mangtha ta a..

Ni rei cham rih la,
Ngaih lai chhingkhual di Valmawi
Mualzapui liam mai lo a
La cham rih la
Hmangaihna in ka lo thleng ang che
Kan runah

Fabian nen kan inkawp na pawh thla li lai a lo ni ve ta reng mai,kan inhau ngai lova,han tihtauh ve deuh chang pawh hian lungawi hma hi chu min thlem ngat ngat peih..sikul ah ka la thawk chhunzawm zel a,chutih rualin ka zirlai pawh keimah in ka theih ang ang in ka in zir ve mawp mawp a.Ka thiam loh leh hriat loh lai te chu message in ka han zawt ta thin a. "Bialnu sikul naupang neih chu a hahthlak hle mai,a nuam phian bawk si" tiin min rawn fiam ve ziah lehnghal a..Ka duh lo nasa thei bawk si..Kan inmil phian a,harsatna em em pawh kan tawk ngai lo..Mahse..

Ka sikul kal tur chu uRina'n min lo call avang in sikul bul thutna an siamah chuan ka thu a,"Mate,,Fabiana'n nupui a nei dawn.Tanpuii u Sawmi doctor ve tho nen khan an innei dawn,a ma duh thu a ni lo,a pa in a nawrlui a,a chhung te zawng zawngin an nawrlui vek,a thiam loh a awm lo a nia. A lo biak che pawhin tha takin chhang ang che" a thu rawn sawi zawng zawng chu ka ngaithla em tih pawh ka hre lo..Ka inngaihtuah leh vak hma in amah chu biak ka tum ta a,vawi 3 lai mai call a chhan loh hnu ah a vawi li na a ring tawp tep tih in hmeichhia hian a lo pick up a, "Hello,Cinderella..." a aw atang chuan tu nge a nih tih ka chiang lutuk tlat.
"Khawnge Fabian? "

"Oh..ka nau..mahni phu tawk hi hriat tur. A chhungte phei chuan an haw lutuk che tih i hria em.Mi hausa leh mi hausa kan innei ang a,mi rethei leh mi rethei chu lo in chul nel ve tawh mai r'u"

Ka ngaithla zo peih lo.Phone ka off hmak.Kan kar a hlat vangin ka inthlahrung thei em em a,chuan tunah nupui neih leh a tum a maw???Ka ngaidam tawh dawn lo reng reng.. Kan retheih vang hian a mah pawh hian min lo hmusit ru ve reng zawk hial lo'ng maw?? Ka phone ri pawh chu ka ngaihsak duh tawh lo..Ka switch off hmak a,phawrh leh tawh loh turin ka thingrem mawngah ka dah hmak..Ka na.. Ni e..atthlak takin kei hian ka lo hmangaih hman a,beidawnthlak takin beisei tur a awm si lo.. Beisei bo beisei a khua tlai ai chuan hma lam ka pan san ve mai tur a ni,hmeichhia zawk ka nih vang hian ka tlu mai bik tur a ni lo...Ka rilru chuan ka infuih mawlh mawlh a,a chang leh ka tawngtai a,a chang leh ka tap thul.Awmngaihna ka hre lo takzet.

Naktukah hian ka hmangaih ber in tang dang bel in 'tiam tlat e' a ti tawh dawn.. Hriatthiam har ka va ti si em.. Mi hausa chhungkua ah lo piang ve ni ila,heti em em hian ka chan a chhe bik lo tur..Sir Hruaia a rawn thleng ve chiah a,pawnah sawn tu emaw in min hmuh duh thu a rawn sawi a,tu chu nge ni ta ang aw?ti a inngaihtuah chungin ka chhuak ta tho a,gate pawn lamah chuan bike hi a lo in hung a,a piah deuh a thutna siamah chuan min hnungchhawn zawng hian tu emaw a thu,ka kal hnai a,a bul ka thleng tep,thli a rawn thawt tak ah chuan a rimtui hman atangin tu nge anih ka hria..tun ang hunah eng thil nge a rawn tih..?? ka aw ka thian kharh a,rawn dingchhuak in hmel pawr fap leh mit hnuai dum kual raih nen,a taksa pawh ka ngaihbel nge a tla ve kuam chuan ka hmuh chu le...Ka tuar lo ka tih chuan dawt lian tak ka sawi tihna a ni ang,ka mittui ka sen zo zai te,tukin ka kal tur thleng pawh a mittui a hul loh zia te..

"Naute,inbia ang,mahse hetah ni lo"

"I sawi duh chu hetah sawi rawh.I hmuh ang hian hna ka thawk mek"

"Min hnial lo teh khawngaih in.Ka chau a nia" a rawn ti chhuak hrawih.Kei ka inkhawngaih aia nasa in a hmel ka hmuh chiah khan ka khawngaihna a nasa zawk tih ka hre chhuak chiah. Ni e, amah pawh hi ka hua alawm.A chhungte pawh..Inhmangaih te inkar ah heti em em a nasa a hem an thlak duh mai hi awih har ka ti. Heti em em hian a lo ni maw mi hausa ho rilru hi a lo chhiat le..Kan inphur chhuak ve ta rawih a,, Kolasib district park Khuangpuilam ah chuan kan chho vang vang a,tlem a hmun fal deuh ah chuan kan thu dun a,,sawi tur ka hre lo a,a ni pawn sawi tur hre bik mai lo anih hmel,a khat tawk in tawt hmel zet hian a huih leh hap thin tih loh chu...Ka tawngchhuak ve ta "I nupui neih turrr" shhhh tih pah chuan a lamah min pawt hnai a,min kuah vang vang a,keimah a chakna awm ve che che hi a mamawh ni berin ka hria,a mizia rorum tak phenah hian mipa nem tak a awm tih ka hre tawh reng a ni. A hmangaih miah loh nei turin an nawr lui a,,A pa nunna hmangin an la vo zui bawk a,amah enkawl seilian tu te an ni bawk nen,a tan duhthlan tur a vang ang tih chu ka hre lutuk,ka dem lo chu ka ti dawt ngam lo.Ka dem deuh tho.mahse a dinhmunah hian keipawh ding ve ta ila,a thuthlukna siam ang tho hi ka siam in ka ring.

"He thil hi ka tih ngai lo se ka ti kher mai.. Kan pahnih hian tlanbo dun daih ang,,,hmangaih loh engtin nge ka neih theih ang"

"I bul a awm reng ka duh a,naktuk a i bul a ding tur nih pawh ka chak..Mahse.." ka mittui bawk..

"Min ngaidam mawlh mawlh rawh aw,natna tam tak ka thlen si che a,inru mai ang"

"Min hmangaih a,ka hmangaih bawk che avang hian Pathian lakah thil sual lian tak tih phah nan a hman che ka duh reng reng lo.Rukruk a bul kan tan in engtin nge Kristian chhungkua kan din theih ang?" a ngai reng a,a rilru a buai ve hle ang tih ka hrethiam.Mipa inla ve tawk tak,thu duh leh chimawm thiam em em kha tun hunah hian a na a ni..Mahse hetiang a a awm hi hmuh hreawm ka ti...Engmah kan sawi belh tawh lo,kan suangtuahna ram ve ve ah chuan cheng in in si rial chuan kan thu ngawi dun reng a..A tu mah mah in tawng bik nih kan chak lo dun a ni..A khat tawk hin min fawp leh zauh thin bawk a,,,

"FABIAN LALHMUNSANG" chu aw lo chhuahna lam ka hawi chu ka tha a khur nghal ti tih.. A nutei leh Sawmi,a nupui tur kan lam panin an lo phei a,,,An mit a min huatna zawng zawng te chu ka theihnghilh tawh ngai lovang...Ka awmhmunah hian min chumchilh nawk nawk duh hmel an pu tlat a lawm... "I phone hman min dil a kan remti a,pawn a chhuah min dil kan remti leh bawk..I zalenna hun hi kha mi hnuaihnung dawithiamnu kiang a i hman tur khan kan thlah zalen reng reng lo che" a rawn ti ta phiar phiar mai.. "Amah saw kutkawl kha bun tir u la,motor ah lo zuk hruai rawh u" ni lo....Police ho hi ka lo hmu tel miah lo."Min thlah r'u..min thlah vat ru" ti chul chung chuan a tal vak vak a....Rapthlak ti lutuk in a nutei chu ka en a,,,mak deuh maiin ka hlau tawh miah lo,ka mittui pawh a tla thei tawh lo..

Misual ber ang mai a ka hmangaih kutkawl an bun tir tur,a nin lo duh bawk si lo tal kual vel chu ka en a,mipa pathum pawhin an duh thal chuan an chelh thei lo. Mi panga vel in an han man tak ah chuan tal vak a sawt dawn lo tih a hre ve pawh a ni mahna,a thingthi hnawk a,,"Ka nute,Julia kha i kut hmawr pawh a i tawk anih chuan,thil thleng tur chu i hriat kha" a rawn ti chhuak hrawih a,chutah chiah chuan ka mittui a tla ve ta..Engvangin nge hetiang thil hi kan chungah a thlen bik.Kawngpui lam pan chuan a hnuh hian an hnuk thla dawt dawt a,ka tah chhuah hawk hawk lohna turin ka in sehruh nasa hle.

"Nang mihurnu,,thingtlang mi e ti lo hian i taksa chu i lo hmang thiam hle mai maw,in duh naah chuan in lo fing thei hle mai.Nang ang class lo lutuk hi kan fapa nupui leh ka mo ni tur hian ka pawm che i ring reng reng em ni?? tunah heti hian mipa i thlem ngam tawh ania,,nula pangai tak i nih hnuah phei chuan engtiang takin nasa ang che maw..mi nupa inkar ah pawh i tlazep hial duh ta ve ang"..ka lu a min kawk sawk sawk pah chuan min ankhum tawn tawn a.. Ka tlawm a...Ka tlawm leh a...Ka tlawm nawn awn awn mai dawn zawng a nih hi...Kan chan a chhe em a..Ka phu loh ka lo buaipui a ni e...Min kalsan vek hnu chuan muangchangin keimah chauh chuan ka let thla hna hna a...Ka kehsawm vek a ni ber..Tah chhhak em em tap thei si lo hian ka awm a...Motor pawh phar tawh chuang lo chuan ke chuan ka kal ve bek bek a,ka lungngaihna leh ka natna te min hriatpui awm takin khua lah chu a dur ruih a...A thim khup khup bawk a,khawpui lah chu a ri ang dur dur a...

Keizawng rai ka rah chuang bik em ni
Ka hmangaih lung di ka luah zo si lo
A ngur nun iang lo kei ariang hian in
Rosum ka ngai mang e
Ka lungdi luah zo ve tur hian

I chun leh zua lungdum ngei chu va pawm nang che
Hawilo par thliah ka nuam e
Nang nghilh zai ka rel ta che

*Julia,,,i ni tiraw?" kan veng ka lut tep tawh..khua pawh a thim lek lek...Amuana a lo nia,,a hmel ka hnu chiah chu ka na zawng zawng kha rawn kir in,pangchanna nen ka kuah thlawp....Ka tah khum hawm hawm a,,Gosen view point an siamah chuan min thut pui a,,,engmah min zawt lo chu ka lawm ru hle...Kan inah min thlah a,ka nawmsam loh thu leh mut nghal ka duh thu ka sawi a,ka nu chuan min hrethiam takin mu hahdam tur chuan min ti a...Muhil ila,tho leh tur hi awm tawh lo ila,a nuam zawk hial ta ve ang..Ka chauh em avang chuan rei vak lo hnuah ka muhil ta bawrh bawrh a..

@@@@@@@@@@@@@@@@@

"Pathlawi nupui a awm em aw??"

"Chimawm viau thin suh,pathlawi ka nei duh che hi lawm hle rawh"

"Ka lawm alawm,Pathlawi nupui"

Ka pasal duhtak Fabian..aw ni e...tunah chuan fa pawh pahnih kan nei tawh a,phir an nia,Nathan leh Jessica te an ni.Nathan hi a upa deuh zawk a,chhungkaw hlim tak kan ni ve ta.Khatih hunlai boruak kha ka la theihnghilh thei meuh lo,mahse ka lanchhuah tir ngai lo thung.Ka pa pawhin thla liam ta khan min boral san a,Fabian pa pawh Sawmi nen an inneih hnu lawk khan a boral a,a ro zawng zawng Fabian kut a a hlan avangin doctor hna bansan in an dawr a enkawl ta zawk a. Tunah hian Kolasib Project vengah keimahni in ngei ah kan awm ve tawh a,ka nu te pawh an khawsak a harsa lutuk tawh bik lo a,ka nau te ho an tlangval ve tawh a,an awm nuam ve tawh viau..A nutei te nen erawh kan la inbe tha thei tak tak chuang lova,mahse ka thlahthlam chuang lo.Fabian zawk hian be chhen lo turin min ti thin a,mahse Bible in thana a sual chu hneh zawk tur a min tih miau avangin ser nasa tak min siam mahse ka be chhe thei lo..

' I hmelma te hmangaih la,nangmah haw tu te chu tawngtai sak rawh ' tih ziak a ni si a.. Fabian pawh Pathian ah inhmuchhuak in ahma ai khan a nelawm leh zual em em a.. A nupui Sawmi'n hnamdang pasal a um san hnu khan zu a in nasa em em a,a tan ka tawngtai reng thinna leh ka tawrhna zawng zawng te Pathian in min hriat sak reng a,ka hmangaih a ni tih hria in ka hnen ah a rawn tir let leh a 'LALPA min pek' ka ti lo thei lo..Khang hun harsa ka tawh zawng zawngah te khan vui lo ka ni lo mahse Pathian tihtauh san tur em chuan ka tawrh kha a tam tawk lo tih ka hria a,a hma aia tam zawk in Pathian ka pawl theih phah a,a rah chu ka damlai ngei maiin min seng tir reng bawk a.

'I remruat a innghat ringtu te nunah hian,
Vuina tur reng hi a lo awm love' Ni e,hei hi a dik a ni.A tak ngeiin ka tawng a,ka hmu bawk...Vuina tur reng hi a lo awm love,hmangaihna a khat Pathian a ni si a.

"Ka naute hian eng thil nge a lo ngaihtuah leh tak vung vung ang aww??" Ka pasal inbual zo hlim tih hriat deuh sam hnawm chhap leh a rimtui inhnawih chu hip in thawk ka la vang vang a... "eng ni lo e"..tih pah chuan ka nui sak a.. Kan fa te leh keimahni inhlanna tawngtai kan neih hnu chuan nupa tan a a siam mamawh chu kan inpe tawn a...Ka hmangaih em asin...

"Toottt toott hi a nuam,nangnen lek phei chuan,a aia nuam a awm tawh lo"

"I rapthlak lutuk,i zo chiah a ni kawm ni"

"A dang pawh ka duh leh"
."I hur em mai"
"I hre duh em ni" tih pah chuan min rawn fawp leh nghal a,,,nupui ka nihna angin ka pasal tih lawm chu ka tihtur ve reng a ni..Phur tak chuan ka chhang let a,.......

Am tak a hmangaihna kan chen dun hnu chuan Ka pasal chu ka en vang vang a...He Fabian Lalhmunsanga hi ka hmangaih a ni...A ta chauh ka ni a,Ka ta chauh a ni bawk a,,,,

"Fabian"

"umm"

"Ka hmangaih che,Fabian"

"Keipawh in ka hmangaih hluah hluah che"
Ka nui sak a,,Ka muhil ve ta a

A Tawp Ta

(Ka thian leh boss te min phurpui avangin ka lawm takzet a,in beisei ka pha lo hle ang tih ring tho mah ila,,hei ka thiam loh ang ang chuan ka rawn chhawpchhuak ve rawih mai ania..Min nuih miah suh u..🙈🙈thiam ka inti lo nasa teh mai nia)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)