~PURPOSE~ Ziaktu-Ruati Chenkual

Ngaia
Site Admin
Posts: 25813
Joined: April 30th, 2016, 4:07 pm

~PURPOSE~ Ziaktu-Ruati Chenkual

Unread post by Ngaia » February 17th, 2021, 1:07 am

wm4eptc2.jpg

~PURPOSE~
Ziaktu-Ruati Chenkual
(Competition 2021)
MARIA’S POV
“Ka nu, duhtawk rawh!!!” Ka unaunu Lily rawn te tuar ah chuan ka nu in ka sam a thlah nawk a, a lamah a tlan phei nghal.
“Ka fanu duat, engtik laiin nge ilo kal a? Khawnge i pasal?” A ti nghal duai duai. Ka u chuan ka nu chu kalpelin ka bulah a rawn phei a, chhuata thur bama ka thusawp niaih chu min kaitho a.
Min tuai mam nghal sawk sawk. “Eng nge thleng ka nu? Hetiangin i sawisa tawhlo ang tih mintiam ani lawm ni?” Tur zetin ka nu chu a melh a. Kalo ding ngawi reng..ka hnungzang na thum leh ka kamsir thip zet pawh ka hrelo der tawp.
“Lo inrawlh suh duhtak. Kha mi phiangsen Maria khan a phutawk a hmu anihkha.” Ka nu chuan thinrim zetin min kawk sawk sawk.
Ka tap lo a, nâ ti angin ka awm heklo. Hetiang te zawng ka tuar thang lutuk. “Nia, Lily ka tha alawm. Ka thiamloh vek ani.” Zawi tê in ka ti sap.
Lily chu thaw la in a ngawi vang vang. “I room ah ka hruai ang che.” A ti dam diai a. Mahse ka chesawn ngamlo. “Hlau suh, ka awm hi.” Min nuih seih a, mahse ka nu hmel enin ka che theilo. Min sawisak ala duhtawklo tih ka hria. A duhtawk hmaa ka tlanchhiat chuan thil thleng tur ka hrechiang hle bawk.
Mahse engtinmah min dan chuangloh avangin Lily chuan ka room lam min panpui a. Ka taksa na thum avang chuan ka ke pen pawh a sak talh mai.
Khumah ka thu fel chiah tih ah ka nu a rawn lut ve nghal a, ka hlau lutuk chu kalo phu dawrh. Mahse a kuta first aid box ka hmuh chuan ka thaw deuh huai. Room kan luh hmain Lily’n a lam tak kha. Ka u chuan alo phihthla sawk a. Ka nu pawh engmah sawiloin a chhuak veleh mai.
“Eng nge thilthleng sawi tawh rawh le?” ka kamsir thi hrufaiin damdawi a hnawih nghal a. A kut a dam in a mita min hmangaihna langchhuak hi ani lak atang chauha ka hmuh thin ani. Ka hnuk a ulh tlat pek. Mahse tah ka duhlo.
Ka nu chuan tah hi mi chaklo tan ani tih a sawi a, a fanu duatlai chu a tap tur anilo tih min hrilh thin, ka nu fanu duat nihchu ka duh ani. Tah loh hi ka nu hmangaihna ka dawn theihna tur kawng tlemte zinga mi a nihchuan eng thil pawh tawk ila ka tap ngailo ang.
“I tah duh chuan tap rawh Maria. Kan pahnih chauhin kan awm hi.” Dim deuhin ka biang a khawih a. Ngawi rengin ka en tawp. “I rilru natna te pai reng zel suh. Ti kha chuan i puakkeh mai ang.” Ni e, ka puak lek lek thin reng alawm.
“Vawiinah result a chhuak a” ka chawl dat a. Ka u chuan dawhthei takin min en ran. “Pahnihna ka nia.” Ka ti ri chang chang.
“Pakhatna i nihloh vangin tikhan a sawisa che a maw?” ka u chu ding hluaiin a kawng a dawm at. “Hetiang hi ti tawhlo turin ka hrilh sia. Ka nu chu kan sawipui a nge.” Tihleh chhuah a tum ta mai.
A rang a rangin ka vuanbet nghal. “Aih aih, Lily , engmah sawi suh. Ka thiamloh a ni ka tih tawh kha.” Ka ti zung zung.
“Pakhatna a nih reng theihloh tih te chu a hreve ang chu. Sawtiang School lian a pahnihna nih harsat zia pawh hi a hre lo em ni?”
“Khawngaih takin Lily engmah sawi suh. Khawngaihin...” ka kutsuih meuhin ka ngen lawm lawm. Ka u hian ka nu bulah engemaw a sawi anih vaih chuan ka u haw huna ka chan tur a rapthlak dawn lutuk.
“Aw..anih. Ka sawilo ang. Mahse hetianga i chunga a tileh anihchuan minlo call thin ang che.” A thaw hak a.
Ka lu kalo bu lauh lauh. ‘Aw’ ti a ka chhang anihchuan dawt sawi ka ni dawn sia. Engmah sawiloh hi a tha zawk.
.........................
Kei, ka nu leh ka pa, zanriah kil in kan thu ngawi thap. Ka pa soup hawp ri kurh kurh bak hriat tur a awmlo. Ka u haw atang darkar chanve a liam tawh a. A haw hma in ka nu in ka chungah engpawh a tileh anihchuan amah hrilh turin min chah lawm lawm anihkha.
Lily hi hmeichhe vannei tak ani ka tilo theilo. A hmeltha a, a pian a nalh a, pasal tha tak neiin chhungkaw hausa takah a lawi lut bawk a. Chuan amah ka awhna em em, ka dawnve ngailoh a dawng bawk – ka nu leh pa hmangaihna. Tichung hian kei, engmah nilo hi min ngaihtuahin min duat em em tho.
Ka pa pension hlawh ringin kan khawsa a, zirtirtu ani thin. Tunah chuan eng hna mah a thawk tawhlo. High school zirlai ka nia, ka school ban ah a zawn in cafe pahnih ah part time in ka thawk a, ka hlawh erawh ka nu thil thar leina tur zel ani.
Ka scholarship dawn te pawh thawmhnaw thar emaw tlereuh thar lei nan a hmang zel.
“Ka nu.” Ti deuh dekin ka ti a. Min en nghal vut, min melh no tehchiam lo hle. Mahse heichu a tihdan than ani. “Ka part time hna pakhat hi ka bang thei angem? Lehkha zirna hun ka neih belh zawk thei ang a.”
A hmel rawn thim nghal khup khup vang chuan ka thilsawi kha ka inchhir rum rum.
“Khatiang sawi kha i zak em? I banin engtin nge kan khawsak ang a?” a nui hul hak. “Term hmasa pawhin zana i hnathawh kan ban tir che a. Eng nge thleng hi? I tlahniam zawk ani lawm ni? Ka thianten min nuihzat dan tur te hi ngaihtuah ve ta che.” Mintih khum nghek.
“Term hmasa kha chu school thar a ka vawikhat exam na ania, kalhmang kala hre vaklo alawm.” Khawilama huaisenna nge ka neih pawh ka hrelo e.
“Pawisa i ui viau te chuan tinge maw school luhman to lutuk ah i sawn kher ni?” Ka pa in muang ban chap in a rawn ti ve a.
“Ila hre ve na nge.” Ka nu bawk, a teng tha teh e. “Kumtina awm thin eng competitive exam nge kha—”
“Archemedes” kalo ti vat.
“Aw aw...kha kha. Archemedes competitive exam a pakhatna la tu te hi saw Hiram High School ami zel saw an nia lawm.” A chawl dat a. “A chak huna kan sum hmuh tur kha ngaihtuah ve ta che. $50, 000 . Tunah inseng deuh pawh ni ila, a let tam takin a pung dawn alawm.”
“Chutih laiin—” a fian ken laiin ka lu ah a rawn vawm pawp a, kalo inrinlawk loh lutuk vakin ka te deuh that. “He mi zaktheilo hian part time hna ban then te a sawi ngam anihchu. I tana kan insenna zawng zawng hi ngaihtuah la tha tak khan thawk mai rawh. Zanah zirna hun i ngah lutuk.”
Ka pa pawh a tihdan thin ang bawkin a ngawi leh vung vung tawh. Kut min thlak ve ngailo a, ka nu in min sawisak pawhin a dang chuang heklo. Min enliam tawp.
Ni e, school kal ka chak ve em em laia phal ngai miahlo khan a thiante atang Archemedes Competitive Exam hi a hria a, school ka luh a phal ve ta chauh kha ania. Mathematics tuilo chungin ka zir hnem ber angai ta bawk.
He exam tun kuma ka hmachhawn tur hi ka damchhan anihber chu. School ka luhtirh atang pakhatna ka ni char char thin. Mahse Hiram High School hi a hriatchhuah vangin ka final year turah school min sawnsak a, ka kal hmasak na nen chuan inang lo tak ani. Exam hmasa berah pawh mark 2 chauhin pakhatna, Carson, ka bialpa ni bawk , ka tluklo ani.
“Thil ngaihtuah vung vunglo khan hmun tifel vat la, lehkha zir nghal ang che.” Ka nu rawn ti ri ah chuan ka ngaihtuahna atang ka harhchhuak thut. Ka lu tur ut ut pawh ka hre nghal. A na em em lehnghal.
................
Ka lehkha zirna dawhkanah ka thu leh ran tawh. Mathematics ka thiamloh ber nibawk si, ka thiam tul ber ni bawk si hi. Tuition ka kal an phal bawk silo. Ka phone a rawn ri a, Carson, ka la a.
“Hello”
“Aw, Maria, eng nge itih?” Carson hi mipa hmeltha tak niin , a thiamthei a, an hausa bawk, chuan a fel em em bawk. Kan school a hmeichhe tamtak in an duh rawn luai luai laia kei berkher min duh hi ka hrethiam theilo. Ani chu kum 18 a pum tawh a, kei aiin kum khatin a upa.
“Lehkha ka zir dawn chiah a.” Ka ti sup.
“Eee..ka nu in ka thiante nen chaw eikhawm turin mintia, lo tel ve la, kalo lam ang che.” Tunge a thiante pawh ka hreleh tawhlo. Hmelhriat vakloh bula awm hi nuam ka tilo hrim hrim bawk.
“Engatan maw chaw in eikhawm dawn?”
“Aaa..aw..ka pakhatna nihna lawmna aniang chu.” A tih chuan ka sa zawk. Min nuihsawh turin em ni min sawm ve. Ka tluklo tih min hriatnawn tir nan a lawmna ah min sawm vel a maw?
“Aih. Khalai hmuna rawn mualpho ai chuan lehkha ka zir zawk ange. Ka dah.” Ka sawizawh rualin ka off nghal. A rawn call leh pawhin ka la duhtawhlo.
“Maria!!” ka nu’n teng zeta a tihchuan ka phu chiang teh e. Lungphuthalo te hi ka neih vat ka ring. Min ko thut thut zel.
“Eng nge?” ring zetin ka au a.
“Ka lengchhuak dawn. Kawngka hi pawn lamah ka kalh ania.” A tihchuan ka thaw huai. Ina keimaha awm te chu nuam ka ti lutuk alawm.
“Awle”
Ka nu leh pa hi ka chungah tha lemlo mahse an mi hmangaihna hi ka thil thlakhlelh ber ani. Pakhatna ka nih apianga ka nu hlim hmel leh min chhuang taka a thiante bula min sawilai te, engmah min tihsak lo mahse an nui hmel hi min tichak tu ani thin.
Ka u Lily hian pasal a neih hma chuan ti em em hian ka nu hi ka chungah a che ngailo. A chhan chu an fanu duat in min chhan thin tlat alawm. A chang chuan an fanu diktak ka nive lo emaw te ka tihial thin. Mahse nilo ila, ka tlinglo hle chung hian min enkawl reng peih lo ang. Chuvang chuan an fanu duat ka nihve theih nan tha taka lehkha zir leh tha taka hnathawh ka ngai ani.
......................................
DONNA’S POV (Maria nu)
Ka hmaa nu ngo ving veng thu chu keh thluk tawp mai ka duh. Nu ho dang lahin a bawh ang hiau hiau a. A fapa pakhatna a nih vang maiin tikhawp hian an tlawn ania. Ka fanu laktlakloh zet kha pakhatna lo ni se chu heti em em hian ka zak lo tur.
“Awii..Fiona, i fapa hi chu ava han thiamthei tak. I lehkha zirtir dan thuruk te min hrilh ve la.” A veilama thu chuan nuiluiin a ti hluai a. Midang pawn anlo ‘nia’ sup sup.
“Donna, i fanu kha pahnihna a ni tiraw? Alo va thiamthei em em ve.” Fiona chuan ngainatawm zetin min nuih sen sen. An zawhna te kha chhan a tumlo emaw ni. Nuihmel lem bak va ni suh. “Tu bulah nge tuition a lak thin?”
“Tuition a kal ngailo.” Ka hawi vah. Heng nu ho hian an fate manto tak takin tuition an kaltir thin tih ka hria. Kei erawh chutiang thil tulloah sum sen ka tumlo bur. School mamawh neuh neuh pawh tih nak laiin.
“A bawn tak anihchu.” Tina samkiri ka timai. Heipawh hian a hmelhmai ah ringawt pawh sum engzat tak seng tawh ang maw.
Ka nuisuk ringawt.
“Keichuan subject zawng zawng ah tuition ka kaltir vek alawm.” Fiona chuan minla nuih sen sen. Saw hmel chapo lutuk saw. “I fanu chu keichuan ka ngaisang takzet Donna.”
Zalo zetin ka nui lui ve a. Helai hmunah hian alo kal ve dawn tih hria ila ka kal tawp lo ang.
Lauren, kan zinga ka kawmngeih ve ber chu a vawikhatnan a rawn tawngchhuak a. “Keichu rilru chakna an tih mai damdawi ka pe a, a tha phian asin. Ka fanu upa ber Ellie pass ngai reng renglo pawh top 10 ah a rawn lang ve a.” Ani hi chuan fa pali neiin zirna lamah chuan an beidawnthlak ve thlawt. Mahse an hausa thung. Helaia hmeichhe awmho ang hi chuan hausa ve ila chu ka fate zirna tihvel mai maiah ka buai peih teuhlo.
“Ani maw? Eng damdawi nge ka van duh ve?” an zawt nghal liam liam. Keipawhin chutiang damdawi chu hriatve ka duh. Kan naui hi tunlai phei chu zan pawh mengrei theiloin alo muhil daih zel. Ka haw huna alo muhil anihchuan mintih zah manah a chaklo ngawt ang.
“Dexedrine ni ta in ka hria. Bourbon Street mawng lama damdawi dawrah khan an zuar a. A dawr hming pawh ka theihnghilh tawh.” Intithei zetin a nui vur vur. Ni e, midang ngaihven hlawh nihte chu kan chak vek alawm
“Keichu damdawi lam hi ka tha ka ti vaklo. Side effect te awm ta se. Kan fate an ngaihtuahawm dawn asin.” Fiona chuan alo ti ve a. Boss ber tih takah midang ho pawhin an thlawp leh thap tawh. Kei tihloh. Chu damdawi hming chu ka phone ah ka type zeuh a. Haw pahin ka lei ang.
•••••••
“Maria!! Maria!!” a muthlu leh tawh ani ngei ang. Dar 11 chiah ala nisia.
A room kawngkhar ka hawng a, ka rin ang chiah. A lehkha zirna dawhkan bawhin alo mu hnar bawrh bawrh. Pakhatna anilo tih hrechung hian engtin nge a mutthilh ngam zawk.
A sam ah ka tham sawk. A te that. “Inti harh la, lehkha zir lehnghal ang che. Min tih zah zia hi i hria em?”
Min chhanglo a. Hrehawm ti ang pawhin a awmlo. Thuawih deuhin bathroom lam a pan mai. Ka thu a hnial ngailo hi a tha phian. Min hnial thin phei se chu ka sawisa na thei khawp ang. Mahse a tap duh thaklo hian min runlui a ang ka ti thin.
“Dawhkanah hian i damdawi tur ka dah a. Ei ang che. Rilru chakna anihhi.” Dexedrine strip chu ka dah a. Dawr nghaktu khan side effect a awm thei tih min hrilh kha ania, mahse ka ngaipawimawhlo, eitir reng ka tumlo hrim hrim. A to ropui si. “I tana ka insen hnem zia hi ngaihtuah la zir tha hle ang che.”
Ka chhuah paha “Awle” a ti sup ri ka hre hman.
.........................................
MARIA’S POV
Ka nu damdawi min pek ka ei atanga reilote ah chuan harhvang tha tak ka ni ringawt. Hetiang em em a lehkha zir nuam ka tihhi ala awm ngailo. Ka mut a chhuak miahlo bawk.
Zing dar 3 a rik chuan ka thin a rawn na ngut ngut a. Ka tetlaiin hepatitis C ka nei thin a, chuvang chuan tun thleng hian ka thin hi a na leh thut thut zel. Mahse chutianga ngaihtuahawm a ni chuanglo.
Ka school kal chu ka zawi ngiai mai. Ka mu tlem bawk a.
“Maria” ka hnung lama min ko tu an awm chuan ka ding dat. Ka hmaah a rawn ding a. “Tinge nizan khan ka call i lakduh loh a.” A hmel faisar hi hmuh a nuam thei takzet. Lehkha thiamthei tak anih avang hian ka nu in he school a ka luhtirh atang kawm turin mintia. Mahse kan inngaizawng ta daih sia , thilmak ve tak chu ani.
Min ngaihtuah thei em em a, min duh tak tak tih ka hria. Mahse keimah zawk hian rilru ka pe hman meuhlo.
“Tivakmah” ti hmukin kalpel ka tum a, ka banah a rawn vawn chuan ka ding leh.
“Tinge i thinrim ami? Tihsual ka nei anihchuan siamthat ka tum ang.” A mitmeng ngeilneihnaa khat te hian min nuihsawh tlatin ka hre thin. “Min hrilh la.”
‘Pakhatna nilo la’ tih khum mai ka duh. Ka el em em lai hian ani chuan chutiang rilru chu a pulo ve chiang tih ka hria. Hringnun hi a fair thlawtlo ani. A duh duh a nei thei a, a nu leh pa ten an hmangaih em em bawk. Chutiang neivek siin tinge pakhatna a nih kher? Tinge kei, mamawh em em tu hi minpek mailoh.
“Chutiang engmah a awmlo. Ka mut a chhuak lutuk a, ka hrelo aniang.” Ka ti ta zawk a.
“Lehkha i zir dawn tih i sawi anihkha.” A tihleh chuan ka inkhawng chawrh lo chauh. Ka sawitur hi ka va han ngaihtuah chianglo thei tak.
“Nimaw? Hehe...aaa.. Engpawh nise thinrimna ka neilo. Tha em?” ka nuilui sang a. Chian chiahloh hmel takin min nuihlet ve suktho. A biangsum mawi zia hi.
Carson-a nu hi ka nu hmeichhe thik em em ani tihpawh ka hria. Mrs. Donna erawh in chutiangin a en velo. Carson nu hi a felin a zaidam em em a. An fapa an hmuh apianga an mita hmangaihna langchhuak thin hi ka thil awh ve em em thin chu ani. Keipawh vawi 3 vel an inah ka kal tawh a, min duat thei lutuk. Carson erawh kan inah vawikhat alo kalve tawh a, ka nu in alo melhno techiamloh avangin lokal nuam a ti ta vaklo.
“Lehkha thiamthei nupa kha..rawn lut tawh ru.” Ellie rawn au lung lung lam chu kan hawirual a. Miin min en deuh thap. Va han zahthlak thei tak. Ellie hi fail ziah thin niin tun tum exam erawh top 10 ah a rawn lang hlawl. Engtin tak ti nimaw? Carson chuan ka zak chung chung min kailut a, kan inngaizawng tih class pumin hre mahse hetianga awm hi ka zak deuh tlat thin.
••••••••••
Vawiin Sunday, Carson’n lenchhuahpuiah min sawm a, date animai ang chu. Minzawh laikhan engmah ngaihtuah loin kalo aw ve ringawt , ka nu ka dil ngam pawh ka ringlo. Dawt sawi mai ka ngaih hmel.
“Nu, study session Ellie te inah kan nei dawn a, kal i phal em?” kawngka pui bulah ka ding ran.
Ka room atang a rawn kal thla hlawk hlawk chu ka hrethei. Ka bul a rawn thlen rualin ka hmaiah a beng sawk. Mak ti zetin ka en ha ringawt.
“Damdawi hi a thlawna ka lei emaw i ti em ni? I duh duh huna i ei a i eiloh tur anihloh hi. Engvangin nge nimin leh nimin piahah i eiloh.” A ti nghal tawn tawn.
“Nu, ka eiin ka thin a na zel a, ka chawl rih anihkha.” Zawitein ka chhang a. Kut min thlak leh inring ranin ka awm.
“Chhuanlam siam suh. I lehkha zir peihloh vang anihkha.” Choka lamah kalin tui bottle a rawn la a. Damdawi strip ami mum hnih phawrh sawk sawk in ka ka ah a rawn nemchilh nghal nawk nawk. “Kha, nihnih i eiloh ai hi ei ang che. Vawiin ami tur zanah han eilo leh na teh.” Tui bottle min pe a. Ka ei nghal sawk sawk.
“I awmthat duhloh vanga i result a chheleh anih vaih chuan, i chunga ka tihtur ka sawilawk theilo ang. Khawiah maw i kal dawn?” a ti zawm zat.
“Study session Ellie te inah kan nei dawn.” Hnuailam ka en reng. Ka biang lah a sa hut hut bawk si.
“Anihchu. Eirawng bawl hmanin rawn haw ang che.” A tih chuan lawm vangin ka zuar tawr tawr lo chauh. A kalsawn lehnghal daih.
“Awle” ti supin chhuah tumin kawngkhar ka hawng a. Carson mak tihhmel taka lo ding reng ka hmuh chuan ka meng kawk. Engkim kha alo hrevek ang a.
“Carson... Ka—”
A hmel rawn danglam daih in engmah thlenglo ang maiin a awm a. A hria tih ka chiang, mahse engmah min zawtlo se ka ti takzet.
••••
Ka beisei ang chiahin engmah min zawtbuailo. Engmah hrelo ang hmakin a awm.
Ka thin na leh zawk thin chu ka nem vang vang a. Carson’n an in kawta bike a tihdin chuan hrethiamlo zetin ka en tawp.
“Thil kan eichhuak dawn emaw ka tia.” Ka tisup.
“Aw nia. Mahse ka nu’n a hmuhchak thu che a sawi char char a. Ka nu eisiam tui itih tho kha.” Nui sen sen a atih chuan ka lu ka bu nghut.
“Ka fapa duat..” kan luhrualin Mrs. Cohen chuan alo ti nghal zung zung. “Maria duhtak, ka hmu che chu ka van lawm tak. Kan inhmu khat lutuk a, ka ngai che alawm.” Min kuah a, a lum nuam ani, ka him ngawih ngawih hian ka inhria.
“Aw, i mak chung chung thei emai nu, ka ril atam tawh ania.” Carson thil rawn sawi vang chuan Pi Cohen chuan min thlah a, a nui hak hak.
“Hepa dawhtheilo lutuk hi chu.” Carson biangah a piai vak a, duhlo lutuk in alo ner vak. An nufa awmdan chu hmuhnawm tak ani. “Huana ka pangpar khawi thar ho kha lo va en dun rawh u. In chhun eitur kan peihfel ang e.”
Huan lamah min hruai nghal a. An ina ka kal apiangin pangpar thar alo nei ve ziah. Nuam ka tih em em na pakhat ani bawk.
Ka hmaa trumpet creeper chu ka thlir dauh dauh a. Pangpar mawiber chu nilo mahse ka pangpar ngainat ber ani.
“Duhthusam i nei em?” ka bula ding ngawive reng chu ka zawt a. Ka zawhna chu mak a ti deuh nge min en nghal vut.
A ngawih vang vang hnuah, “Nei ve bawk e.” A ti sup.
“Eng?”
“Hna tha tak neih a. Chhungkaw tha tak din.”
“Chhungkaw tha tak i nei sa a, in hausa sa bawk a. Chutiang i duhthusam a ni amaw?” ka tih chuan a ner nung.
“Ka chhung te sum hi ka pawisa a ni ve hleinem. Mi hian ka nu leh pa hausak vang chauha min hriat ka duhlo a, keimah , ka hausakna , ka nihna diktak vanga min hriat ka duh alawm.” Chhuang zetin ka en ringawt. Fapa tha tak anihhi. A nupui tur chu a vannei ngawt ang. “Anih nang ve?”
“Ka duhthusam maw?” A lo bu lauh lauh. “A ho iti ang, ka sawive lo mai ang.”
“I phakar emai. Keipawn ka sawitawh kha. Sawive rawh.”
“Mmm.. Anih.” Ka thaw hak a. Pangpar chu ka khawih neuh neuh. “Hmangaih taka kuah nih ka duh a..duat taka khawvela fanu tha ber ka ni tih hrilh nih ka duh. Tu fa mah ka tluk ngailo se, ka nihna ang anga hlimna petu nih ka duh.” Zalo deuhin ka nuilui suk. Chungte chu ka nu leh pa atang dawn ka duh tih erawh ka sawilang kherlo. A hriatthiam tho erawh ka ring. “A ho tiraw?”
Ngainatawm zetin a nui a. A lu a thing zeuh. Kan ngawi deuh vang vang.
“I damdawi ei thin chu Ellie damdawi ei thin Dexedrine ani em lo ang chu tiraw?” a rawn tih chuan ka phu deuh dawrh. Engtin nge a hriat?
“Teuhlo lutuk. Chutiang ka eilo.” Ka pha ve vat a. Hetiang rilru chakna tihvel damdawi ka ei tih a hriat chuan min nuihzat ka hlau.
“Anihloh chuan a thatchu. Side effect a tam lutuk vangin Ellie pawh khan a ei tawhlo a, i eiveloh ka beisei.” Nghet deuh charh a a rawn tih chuan a mitah pawh ka en ngamlo.
“Ka eilo ka tihchu.” Ka ti hluai a. Ka luhsan daih. A nu in eitur a lo peihfel chiah bawk avangin kan eiho a. Minbe hliam hliam reng a, nuam ka ti takzet.
•••••
Kan in thlen hma lawkah chuan bike ka tihdin tir a. In thleng min thlah chuan ka nu alo lawm vaklo ang.
“Ka kal nghal mai ang. Lily’n alo call sia. Call let vat ka ngai.” Ti zung zungin helmet ka pe a.
“Awle awle. I u chu minlo biak dawnnia.”
Lily hian Carson hi a ngaina em em a. Carson pawhin chuti tho. Kan awmho phei chuan kan ri hluai zel.
“Awle. Vawiin avang khan ka lawm e.” In lam panin ka tlan nghal a, inchhung luh thleng min en char char tih ka hrethei.
•••••••
Message tone ri tlengah ka phone ka en a, ka student loan alo lut tawh maw? Van tihzia tak. School bag thar ka mamawh bawk a, ka nu in pawisa a lut tih a hriat hmain leinan hmang ila a tha ang.
2nd term result vawiinah a chhuak dawn a. Ka titha ve viau chuan ka hria,ka nu damdawi minpek vang liau liau ani. Zan ka mu ngailo tluk ti ila ka sawisual lo ang. Ka thin na pawh ka tuar ve thei zel mai. Lehkha ka zir that vangin ka nun min sawisa ngai tawhlo a, a nui hmel ka hmu zeuh zeuh bawk. Nuam tak ani.
Result intarna board chu ka en a, pangana a Carson hming ka hmuh chuan mak ka ti deuh.
A chung bera ka hming ka hmuh chuan awmdan tur pawh ka hrelo. Ka mitthlaah ka nu hmel alo lang hmasa ber. A lawm ngawt ang. Tlan haw nghal ka tum a.
Ka hmaah Carson a rawn lang thut. “Kalo thlah ang che.” A nui vur vur.
“Mmm” ka nuihlet ve a. A bike ah inphurin kan in lam kan pan nghal.
“Maria, ka lawmpui lutuk che ania.” Inchhung ka lut tur chu a rawn ti lang lang. A hmelah a ti tak tak tih a hriat. Engtin nge tikhawpa a tlahniam chung khan hlimhmel ala put theih le.
“Ka lawm e.” Tisupin ka lut a. Pakhatna a nih tuma lawmpui nachang hrelo a kalo thik zawk kha ka inchhir rum rum.
“Nu, nu!!” ring deuh deuhin ka au a, mahse tumah inah an awmlo. Ka phur ve tehreng nen, khawiah nge an awm le.
. . ....
Tlai chawei hun velah ka nu leh pa an rawn thleng chiah.
“I awh thu sawi sawileh tur te chu lak mai tur che ania.” Ka nu zawkin a rawn tilut lang lang.
Ka pa’n dam dupin, “Khatiang a to emai. Pawisa a uiawm.”
“Vawikhat pian mana sana $100 man neihve te chu a tha ve reng reng alawm.”
An rawn inkhai bawr lut nasa mai. An bazar ani ngei ang. Nimin lawk khan pawisa kan neihloh thu a sawi emaw ka tia.
“Chaw ei siam nghal teh Maria.” A tih zawm zat a. Engmah min zawhloh avangin ka sawibik lemlo.
Zanriah kilin kan thu ngawileh ta thap mai.
“Vawiin ah in result a chhuak ani lawm ni?” ka pa’n a rawn tihchuan ka nu thil hriatchhuah zawk nei ang maiin a rawn meng kawk.
“Nidawn tak. Sawi rawh, pakhatna inilo anihchuan tawngchhuaklo law law rawh.” Ka nu’n a tihchuan pakhatna ka ni kha ka lawm thar leh hnuhnawh.
“Pakhatna ka ni ka nu.” Ka nui sen sen a.
“A thatchu.” A ti hmuk ringawt. “Pahnihna nen engzatin nge in inthlauh?”
Ka hlauh ber mai min zawt ta. Ka chil ka lem khawlh. “Mark 1 in.”
“Chuti chung chuan i nui ngam a maw?” rum lutukin min en a. Min sawisak hrep a chak hmel takzet.
“Ka tihpalh.” Ka kun ngul. Pakhatna nih ringawt pawh hi alo tawklo anihhi.
“I lawr lak angai tih hre ta che. Engtin nge khatiangin Competitive exam ah pakhatna i nih theih ang.”
“Awle”
“Final exam zawh kar leh ah exam i nei nghal dawn sia. Inbuatsaih i ngai. I part time hna pawh bang ve ve mai rawh.” Vawiina ka thu hriatah chuan ala mawi ber ang. “Thla thum chiah a awm tawh lehnghal. Zir nasa leh zual ang che.”
“Awle.”
“E!!! Donna fapa kha em ni pahnihna chu?” Min en kar a, hetia min en hi chuan ka te rawih rawih hian ka hre thin.
“Aih. Carson chu pangana ania.”
“Awiii!!! Ka hlim ber awm e. Kha Fiona mi zaktheilo khan min nuihsawh thei tawhlo ang.” Carson-a nu hi a sawichhe reng zel, mahse a sawi ang hi anilo tih ka chiang hle bawk si. Pakhatna ka nihna niloin Carson tlakhniamna vangin a lawm zawk ania. “Zanah Lily pawh a rawn leng dawn. Hmun tifel vat ang che.”
Ka u alo kal dawn maw? Ka hmu chak tawh lutuk, ka ngaih tawh zia hi.
••••••
“London ah ka pasal hna vangin kan pem dawn a. Ka pasal chu kar hmasa khan a kal tawh. Naktuk hian ka kalve ang.” Lily thilsawi vang chuan ka ding vut.
“Lily!!!”
“Tihpalh Maria. Ka pasal bulah ka—” a thilsawi ngaihthlak chhunzawm duhloin ka room ah ka tlanchho daih.
Minute 10 hnu velah ka room kawngkhar a rawn inkik ri karh karh, khumah thu in tukverh lam ka melh ngar ngar.
“Maria bawihte??” engtin nge tun angah te ala fiamthu theih.
“Tipawh khan min au suh.” Ka ti hmuk.
“Sorry, Maria. Duhthlang thei dinhmunah ka dinglo atinni.” Inhlat lutuk a kan awm tur ka ngaihtuah ringawt pawh hian ka ngai nghal ngawih ngawih. Pasal a nei pawh tih tawh tehreng nen.
“Mahse London em em te chu. A hla em alawm.”
“Ka theih chang changin ka rawn zin thin ang. Nitin kalo call bawk ang che. Promise.” Min nuih sen sen a. Kala tum bur.
“Lo kalteh.” Tipahin min kuah a. Ka thlakhlelh em em thin, hmangaih taka kuah. A nuam ani.
“Nitin minlo call loh vaih chuan aw, i chaklo ngawt ang.” Ka ti ve ta hram.
“Tehrengs, ninawm khawpin kalo call thin ang.” A nui hak hak a, keipawh ka nui ve tho. “Zanin chu ka naute bulah hian ka riah mai a ngaih hmel.” A tih chuan ka te chul. Kan riahdun lohna chin pawh ka hre tawhlo. Ka u a awm chuan ka nu in lehkha min zirtir dawnlo tihna.
............
“Maria, tinge ti chen chen i men a?” ka u in khum atanga che tuah tuah paha a rawn tihchuan a lam ka hawi vut. Zing dar 2 a ri tawh. Ka nu in lehkha min zirtir lo ang ka ti tak nang a, keimah zawk hian zirloh kha dikin ka hre tlatlo.
“Ka mut a chhuaklo a, mu leh rawh Lily.” Ka ti tak tak. Ka tihthan vang pawh ani maithei. Zan mut hi ka harsat lutuk.
Ka lehkhabu a rawn khup daih. “Lo mu rawh. Chintawk a awm ve.” Tiin khumah min kailut a. A thu awihin ka mu ve mai.
Mahse ka muhil theilo. Ka bula hnar ri bawrh bawrh chu ka enleh ringawt thin. Min ngaihtuah ber tu leh min duat bertu hian hmun hla takah min kalsan dawn ani sia. Hrehawm ka tih changin tunge minti nui ta ang.
“Ka ngai dawn lutuk che Lily.” Ka tisup.
A rawn nui vur vur. A harh emaw ka ti hman a. Mahse ala muhil bawrh bawrh tho bawk si.
•••
Ka u airport ah kan thlah zo chiah a, ka tah a chhuak takzet, mahse ka nu ka bulah a awm avangin ka tap ngamlo. Ani erawh a tap hlawp hlawp thung.
Taxi a kan haw laiin kalna tur a neih thu a sawi a, kawng lakah min chhuktir daih. Pawi ka ti lemlo, keipawh bank ah kal ka ngai.
“Engmah a awmlo maw?” Mak ti zetin ka hmaa bank hnathawk thu chu ka en ha.
“Aw, miss, nimin khan i bank account a pawisa awm zawng zawng chu a inlachhuak vek tawh.” Polite deuhin min chhang a, biak hrehawm tak ani lo hlauh chu tihzia tak ani.
Bank hnathawk tamzawk biak har thei lutuk hi hrehawm ka ti thin. Mihring kan inang lo a, mi mawl ve tak tak te pawh kan awm, chutiang engmah chinchang hrelo ten bank an dawr changa, hnathawk ten anlo vin deuh thin hi chu ka ngeithei thaklo.
Eng nge awmzia ni ta ang? Ka nu hian ala chhuak mile? Mahse engtin nge student loan alo lut tih pawh a hriat.
“Aa..awle ka lawm e.” Hrilhhai zetin ka chhuak ringawt. Ka nu in a lachhuak anih ring phawt mai ang.
“Maria” Carson aw ang deuh ka hriatna lam ka hawi vut. Ani hi a rawn lang hlawl hlawl zel. Bike nen bank kawtah alo ding a, hoodie dum leh torn jeans dum ha in, Nike sneaker a bun a. A inchei dan holam hmel viau mahse a to leh hlawm ngawt ang. Engpawh nise, a thil hak apiang hi a inhmeh em em mai zel anihhi.
“Carson, engtin?” a bulah ka phei a.
“Ka nu a thiante nen an inhmukhawm dawn a, ka va thlah lawk a. I nu pawh ka hmu asin.” Tih pahin helmet minpe nghal. Ka la ve mai bawk.
Ka nu khan kalna tur a neih thu a sawi tak kha.
“I ril a tam tiraw?” A biangsum langa a rawn nuih seih chuan a banah nalo tê in ka chum taih.
“Nang nge nge. Ka tamchhawl lo chauh.” Ka lawnkai a. Ka pawisa mawlhin ka rilru ala luah.
.............................................................
DONNA’S POV
Nu ho inhmuhkhawmna tur restaurant ah chuan ka pen lut hah hah a.
An lo thu thap ka hmuh chuan phur zetin ka phei nghal.
“Awi!! Donna ilo va thleng har ve, kanlo nghak thap tawh che alawm.” Minlo au nghal duai duai a.
“Ava inthlahrunawm ve.” Nui hak hakin ka thu fel a, midang pawh anlo nui uar uar.
“Inthlahrun na tur a awm hleinem. I fanu pakhatna ani bawk a, nangchu a nuam awm bik e, ka fapa tlaktlailo zet ve chu a fail leh tawh.” Tina chuan nui huah huah chungin alo ti a, engtin nge a fapa fail laiin a nuih theih pawh ka hrelo e.
“Fiona, Carson chu pangana ani tih kalo hria a. I lungawilo hle ang a?” Ka zawh chak em em ka zawt ta. A zak hmel hi ka hmuchak tawh lutuk. Khawngaih hmel takte chuan kan meng vel a.
Mahse ka rinloh deuhin a nuisuk. “I ti anglo emai Donna. Ka fapa chu engzatna pawh nise pawi ka tilo. A theihtawp a chhuah tih ka hria a, ka lawm em em tho.” A tihchuan ka rum nghut.
Midang ho chuan an fak leh liam liam tawh. A hausak vang hian an tlawn vel mai mai ani. Maria hi Competitive exam a pakhatna a nih hunah chuan hengho hian keichiah min tlawn tawh ang.
“Nia, keipawh fa te nawr chiam chiam hi ka tilem lo. Chuvang ania tuition pawh ka kaltir loh. Ka nawr lutuk hi ka hlau a.” Ka ti ve a. Ka thilsawi chu keimah ngei pawh hian ka awihlo.
“Maria chu hmeichhe fel tak ania lawm. Ani ang fanu neihve hi ka chak takzet.” Fiona bawkin a rawn tihleh chuan ka sa zak. Kan mi zaktheilo Maria nen chuan anlo innel hman viau animaw.
“I fapa nen khan sawirem ula animai alawm. Donna hetah a awm bawk a, a remchang viau ang chu.” Nui huah huahin Lauren in a rawn tihchuan ka nuih a za ve vaklo. Cohen chhungkua hi hausa hle mahse inzawmna neih ka duh teuhlo mai. Maria leh Carson an inngaizawng tih pawh ka hria. Mahse a mipa rilru a lak pen theih ringin ka enliam ve mai chauh ani.
“Nia tiraw, keichuan ka remti nghal ania Donna.” Zalo zetin ka nui hul hak. Chhân pawh ka chhang peihlo e.
“Vawiin kan lunch chu Donna hian a tum ngei angai ang.” Tina chuan a ti hluai a.
“Tehreng mai. Ka tih tur reng alawm. Han order ta che u thiante u.” Ka pawisa neihlai tak ani hlauh chu a tihzia lehzel e.
.....
Ka nuihluih na lamah ka biang hi a kham thum mai. Zawi zetin inah ka lut a.
“Maria, Maria!” Khawnge maw a awm le? “Maria Ann Ross!!”
“Kalo kal.” A room atang a rawn tlan thla dat dat ri ka hre thei. Alo muthlu leh tawh ani ngei ang. Damdawi kha han eilo leh na teh se, a chaklo khawp ang.
“Tui min rawn pe rawh. Dang charin ka thi mai dawn” a rawn thlen thlak rualin kalo ti nghal vat.
Ngawirengin choka lam a pan a, tui bottle vawt min rawn pe nghal. Ka duhzawng hi chu a hre chat chat ania.
“Ka nu” zawi tein a ti sup. Engtiklai mai pawh hian a ti dek mai a.
“Ka pawisa i lachhuak em?”
Ka tui bottle kenlaiin ka vawm pawp, a lu ah tak ala fu zui. Chawh lutuk. “I zak em? I pawisa maw? I pawisa tih ngam tur i nei em ni?” a hmaah kawng dawmin ka ding ran. Ka keh thluk tawploh nan ka insum ve tho.
“Tihpalh, student loan ka tihna. Vawiinah bank ah ka kal a, engmah alo awm lo a.”
Eng ang pawn khawih ila a la tap duh ngai thaklo lehnghal.
“Vawi tamtak ka hrilh tawh che a, ka sawinawn a ngaihloh ka beisei.” A chalah ka nem sawk sawk. Zahna chang hi a hre hlawllo. “Kum 10 inih lai khan nangmah vang hian vawi tamtak chaw kan nghei a, nang naupang chaklo lutuk, thin thalo nei vang khan sum tamtak kan seng asin. Chiang takin ngaithla rawh.”
Min en ngam tawhloin hnuailam a melh ngur ngur. “Min en rawh!” rang zetin a rawn hawichhuak a, tahchhuak hmel chu a pu hauhlo. Mahse a mitmeng atang chuan a hlau ve hle tih a hriat.
“Khang hun kha theihnghilh suh ang che. Nangmah vanga kan tawrh nasat thinzia leh kan insen nasat zia kha. Chu chu i hria em?” ka ti nghek.
“Aw” ti dekin min chhang a.
“Chuvang chuan i student loan te, i scholarship te hi chu kan laka i ba rulhna ah ngai mai rawh. I tihtur ve reng ani. Nimin khan khawia pawisa in nge maw bazar se mintih reng reng ni.”
“Chuan, engvangin nge ilo mutthluk leh a, lehkha zir ta che. Zelthel mai mai hman ini tawhlo ka ti ani lawm ni?” Ka tihchuan a meng phar awk. A muthlu tih ka hriatloh a ring emaw ni? A chilthli tlakna pawh a paw phuk alawm. “Damdawi kha i eilo leh tawh animaw?”
“Aih aih. Ka ei alawm.” Min chhan ran danah ka awih ve mai. Mahse enfiah hrim hrim ka duh.
A roomah ka chho a, dawhkana damdawi let reng chu ka la kang nghal. A ei dik thlap bawk si.
“Eiloin i peih thin ami?” damdawi strip chu ka lek kang va.
“Aih, ka ti tak tak nu, ka ei ziah. Mahse, a thawk reilo lutuk a.”
“Anihchuan ni khatah vawi hnih ei tawh ang che. Inphih fai la, eileh la, lehkha zir rawh. Zanriah kil tura ka koh hma che chu rawn chhuk suh ang che. Ka hmupeih lo che ania.”
“Awle” thu a awih lutuk hian minti thinrim lek lek zawk thin.
Kut han thlak chiamna tur tha pawh ka neilo. Ka fanu Lily kan thlahfel thiante nen hun kan hmang lehnghal bawk nen, ka chau.
••••••••••••••••••••
MARIA’S POV
Ka taksa hi a zawi ngiai reng mai. Dexedrine ka eiloh phei chuan tha pawh ka nei mang ngailo. Ka nu in he damdawi minlo pe hi chu ka lawm ve thlawt. Ka thin na lutuk thin erawh a hrehawm ve deuh, mahse nat chhung ai nawm chhung a rei zawk bawk a, ka tuar ve thei zel mai.
“Khawnge damdawi hi?” hawi kual vutin ka ti sup. Ka ei a hun leh tawh asin le. Bawlhhlawh bawm a damdawi kawr ruak ka hmuh chuan ka hre chiah. Nizan khan ka ei zo.
Ka nu hnenah ka dil leh vat a ngai ani. Pawisa kawl ka nei bawk silo. Inhnuai lamah ka chhuk a, “Nu? Nu?” a awmlo mile?
Sofa a ka pa chanchinbu chhiar chu ka hmu a. Ka tlan vang nge ni, ka tui a hal huam huam mai. “Pa, khawnge ka nu hi?”
Min en lemlo in min chhang a, “A thiante nen an inhmukhawm dawn.”
“Ee...” alo haw hunah ka dil mai ang. Result chhuah ni ah chiah an inhmukhawm thin in ka hresia,thla hmasa mai khan an inhmu tawh tho sia. Bakah tinge zanah kher an tih le,hetiangin anla ti ngai miahlo. Ka lu hiat nauh nauhin choka lamah ka phei a, tui bottle hnih ka inzo vek, ka tui ala hal tho thei nia. Zung tura thawh sek ka peih thinloh avangin ka insum ta mai.
.............. ...
Kawngkhar inkhar ri bur ka hriat rualin ka tho zawt. Kalo muhil animaw? Dar 8 chiah ala ri lehnghal.
“Saw Fiona phiangsen-i saw pawhdarh vek mai ka duh.” Ka nu au tawn tawn ka hriat rualin ka tlanthla nghal.
Min hmuh rualin min kawk sawk, “Nangkha, lo kal teh.”
Zawimuangin ka phei a.
“Hmanhmawh ta che!!” a rawn tih tuar chuan a bul ka thleng chawpchilh nghal.
“Engvangin nge 1st term kha pakhatna ilo nihloh kher kher a?” thinrim zeta minzawh chuan ka hrilhhai ngei mai.
“Maw?” ka ti hu.
“Nangmah vanga ka thianten min hmuhsit zia hi i hria em?” a insehruh tung a, a puah mai a hlauhawm takzet. “A hmasaber hi a pawimawh vangin saw uicho Fiona fapa sawn competitive exam lawmman a lak an ring vek asin. Tinge 1st term ah khan pakhatna ilo nihloh kher kher.”
“2nd term ah chauh pakhatna ini a, chupawh mark 1 lekin pahnihna nen in inthlau zui. Chuvang chuan tuman min ring velo.” A ti teng chhuai chhuai a. Ka beng a kiu vawng vawng thei.
“Tihpalh, ka nu.”
“Tihpalh tih khan a siamtha thei ami?” ka lu ah min beng thle lawl mai. “Lawmman i lak ngei theihnan engpawh ti ang che. School ka kaltir chhan che leh kan laka i ba ve reng ani tih hre reng rawh.”
“Mm—”
“A tul leh a fapa saw lehkha a zir theihloh nan tibuai la, duhleh in rai tir mai rawh. Engpawh ti rawh, eng nge i chungah thleng ka pawisa lo. Lawmman chu la la a tawk animai.” Ka meng deuh kawk, chutiang em em chu ka chungah a thlen a duh ka ringbiklo. A fanu ka nia, chutiang thil ka chunga a thlen a phallo ang.
“Awle, nu.” Ka tiveleh ta tho.
A bag a hai rawk rawk a, damdawi a rawn phawrh chuan ka nui vur vur. “Kha, kha chiah kha anlo nei tawh a. A dawtleh ah chuan dawr dangah en a ngai tawh ang. Min tihbuai zia hi.” Minpe a, kalo ban vat.
“Ka lawm e.” Inher vutin ka room lamah ka tlanchho nal nal. A rualin pahnih ka ei nghal pawp. Tikhan ka mut pawh a chhuak renglo deuh ang.
••••
“Tinge Maria?” Carson zawhna vang chuan amah ka en hu. An in lam panin kan kal hnak hnak a, chawhnu kan chawlh avangin leng turin min sawm tlat, a nu ka hmuh chak vangin ka hnial lemlo.
“Engmaw?”
“Tunlai hi i mak.” Deuh teh tawp a.
“Eng nge ka makna.” Mahni bialnu te ‘i mak’ han intih tawp chuh. An in kan thleng a, mahse an kawngka alo inkhar thap. Tumah an awmlo ani ngei ang. An doorlock chu password hmang anih vangin chahbi a ngai lemlo, a hawng ve nghal mai bawk a.
“Thil hi i ngaihtuah leh vung vung zel, chuan ka biak che hriatloh chang lah i ngah.” Inchhungah kan lut a, a reh duk mai.
“Chutianga ka awm pawh kalo hre hleinem.” A room ah min kailut a.
“In lamah harsatna a awm ami?” ka ding dat. A hmaa ka nu min hauh kha ala hria ani ngei ang.
“Aih. Chutiang engmah a awmlo. Mut ka khamloh vang mai mai aniang.” Ka ti ta ringawt.
“Animaw?” min rawn pan hnai a, kalo melh kar.
“Mmm...” ka hmuibul cheta a rawn kunhniam chuan chil ka lem khawlh.
Ka hmuia a rawn fawh hmaa a nui nghawr dat chu ka hre hman. Ava han pa tak.
Duhthawh zetin kan infawp tawn tawn , sex pawh kan hmang dun ve fo tawh. Tunah pawh tuzawk mah insum kan tumlo.
Khumah min bawhbet run a, ka hmui thlah chuang miahloin ka awmbawr a tham tawn tawn. Inla hrangin a ipte a zen a, condom a rawn phawrh chuan thla hmasa a ka nu thusawi kha ka hrechhuak zawk.
“Vawiin chu hmang lo la.” Tham tiaka ka tih chuan mak a tihhmel hle.
“Timaw?”
“Hmanglo a tih ka duh alawm.” A mitah tak ka en kar a.
“A chi hleinem Maria.” Inthiamloh hmel zetin min chhang.
“Engvangin maw?” ka ti hmuk.
“Lo rai palh ta la, a chi dawnloh asin.” A tih chuan ka thu mar at. Ka chakna pawh a reh nghal vek.
“Anihchuan i fa ka pai ilo hlau hle animaw?” Ka tih khum sak.
“Aih, chutiangin ngaikawi suh.” Min ban uak a, a kut kalo beng sawn hmak.
“Anih eng nge? I fa ka pai i hlau a, kan inneih a ngaih phah i hlau ani lawm ni?” Thinrim zetin ka ti piap piap.
“Chutiang anilo ka tihchu, ala hunlo ka tihna mai alawm.” A thaw hak.
“Anih tak chu.” Tiin ka tho nalh a. Ka inha tha mawlh mawlh. “Ka thinrim zual i duhloh chuan min rawn zui suh.” Ti hmakin ka chhuahsan. A hrilhhai hmel zet pawh ka chhuah hmain ka hmu hman hram.
Minzui lo hlauh e. Inngaihtuah fim ka ngai ani. Mahse ka thluak hi a bing mup mup mai. Damdawi ei ka ngai ani, ka zia mai ang.
Diktak chuan Carson chungah hian ka sual mah mah chu ka tive thin tho. Min duh takzet tih ka hria, keipawn ka duh. Mahse ka pha lo, ka thik ani. Nitin maia a thawveng hah thin te, a nu in duat taka a kuah thin te, hausa tak chunga a thiamthei em em maite avang hian ka thik takzet.
Ani chauh hi ka thu awih thei leh min ngaithla tu ka neihchhun ani. Ka thuawih thin awmchhun anibawk. Ka nihna ang anga ka lan ngamna awmchhun ani a, ka thinrim khum ngam leh ka nuihpui bawk bawk ngam ani. Chuvang pawh chu ania nge, ka lungawilohna te hi a lakah kalo hrithla leh ringawt zel. Mahse dawhthei takin min en thin.
“Tinge i va rawn haw hma ve? School i tlanbo animaw?” ka nu chuan alo ti hlar. Ka chauh tehreng nen, a chheber hian min ngaihtuah nghal ringawt zel.
“Nilo e, kan zirtirtu in nupui a nei dawn a, kan bang hma alawm.” ka room lam panin stepah zawi zetin ka chho hnak hnak.
“Thatchhe zet khan kal suh!” A rawn tih thut chuan ka phu chiang lutuk. Ka awmzawn ka dawm vang vang. “Kal ngil ta che hmeli. Hmuh khamawm zawng hian awm ziah suh.”
Ka room ah ka tlan lut a. Ka luhrual deuhthaw in damdawi ka ei nghal. Thla leh lawk final exam alo nileh ta der mai. Mahse lehkha ka zir tha thei bawk a, tun tum chu ka inringtawk . Kan maths bu ringawt pawh vawi 10 ai tam ka chawk chhuak tawh.
•••••••
“Nu!! Nu????!!!!” rang lutukin choka ah ka tlan lut. Ka inpalthlu tep lehnghal.
“Eng nge?? Minti phu alawm Zawngi.” Min melh rum teh e. Mahse chutiang hlau hman ka nilo.
“Damdawi, damdawi ka hmulo ania, ilo hmu em?” ka ti zung zung. Ka tuihal lutuk vangin fridge ka hawng a, ka in nghal khawlh khawlh.
“Aw, tukin ah i pa’n nachhawkna emaw a tia a rawn lachhuak ringawt. Center Table a bawm ah sawn ka dah.” A tihchuan sitting room ah ka phei nghal.
Bawm chu ka hmu a, mahse thil alo awm teuh. Ka hai zung zung a, ka che bawrh bawrh aniber. Sofa a thu ka pa chuan mak ti takin min enreng tih ka hria. Mahse damdawi ei vat ka ngai.
“Ka hmu e!!!” room lamah ka chho lehnghal nal nal.
°°°°°°°°°°°°°°°°°°°°°°°
Vawiin kan exam zawh ni. Ka la ti tha hlawm bawk a, nuam ka ti takzet. Carson nen pawn kan inngeih leh tawh. Engtin nge kan inngeih loh theih ang, ngaihdam dilin nilengin minzui kual char char. Keipawh ka thiambik lemloh avangin kan inngaidam tawn a, a tihzia viau.
A laka ka awmdan vang khan ka inthiamloh vangin ka lehkha zirlai pawh kalo ngaihsak lo leh thin anihkha. Ka rilru lapeng thei thil chu tihfel vat mai kha a tha reng ani.
“Nilo nilo...” khawnge ka damdawi hi? A telloin ka in exam theilo. Ka duh theilo. Dawhkan hnuaia damdawi kawr ruak let reng chu ka la kang a. Engtin nge ka tih ang? Ka nu leh pa te zingkar khan ka pi te tlawh turin an chhuak bawk si.
Ka pawisa neihchhun lah lunch man tur chiah, a daihlo hrim hrim bawk. Bike horn ri tuar ka hriat rualin Carson a ni tih ka hria. Ka nu leh pa te an awmloh avangin kalrual a duhthu a sawi a. Mahse ka damdawi telloin engtin nge ka exam ang?
“Carson, pawisa minlo puktir?” kan tlanchhuah hnu chuan ka zawt a. Zah pawh ka dawnzo tawhlo.
“Hmm.. Puktir tihkher a ngai ami? Ka pawisa te chu i pawisa ani mai alawm.” A tihchuan ka nuisuk.
“Bourbon street lamah khan peng lawk teh aw.” Ka tileh ta zel a. Inthlahrunawm duh mang e.
“okay boss.”
............
“Eng a?!!” dawr nghaktu chu ka en ha.
“Dexedrine chu kan neihlohna a reileh tawh. A rawn la thleng thar leh lo a,” Ka va han vanduai tak.
“Maria, kan tlai dawn ania.” Carson’n minlo au lauh lauh. Minute 10 chiah alo awm tawh anihhi. Aw, engpawh ni rawh se. Ka thiamsa te chu ka theihnghilh awm biklo emai.
“Aw, kalo kal.” Beidawng zetin ka chhuak ringawt.
“Eng nge tun ang hunah damdawi dawr te?” bike tinungin kan tlanchhuak nghal a.
“Ka nu in damdawi min chah a, ka theinghilh ka hlau mawle.” Thudik ka hrilh ngam teuhlo.
“Thadeuh in aw..” school kan thleng tawh, a kutzungpui tipir vahin min nuih sen sen.
Zalo zetin ka nuihlet ve suk tho. “Nangpawh.” Ka zam ani.
.. ....
....
Tiang hian exam laiin ka awm ngailo asin. Pen pawh ka hum nghet theilo. Chumai anilo, ka inhiat neuh neuh reng a, ka taksa thaklai ber ka hrebawk silo. Ka thluak hi a chawl dup animai. Zawhna te chu tawnghriatloh ang vekin ka hmu a, engmah ka hrethiamlo.
Hun a tawp dawn, engtham mah kala chhanglo. Ka rilru a buai vek tawh. Last minute ah chuan ka duh duh ka thai pawp pawp.
Eng nge thilthleng pawh kha ka hre hrep lo e.
“Exam zawh lawm nan ka treat ang che. I titha dawn sa a, i titha em tihpawh ka zawtbuai lo mai ang che.” Thawveng zetin Carson ka bulah alo kal a. Zalo tein kalo nuihsuk. Ka tihthatloh rapthlak zia chu hria se, a nuih a za zawk ang. Mahse ka sawipeih lo, exam tihbaiawm tak anihkha. “Ohh..tinge? I mit chu ava sen ve?” ngaihtuah hmel zetin min en hnai nghal vat.
“Nimaw? Nizan ka mut tlem vang aniang.” Ka mit chu ka nuai a.
“Het! I mit nuai suh.” Ka kut a rawn vuan a, ka tawp ve mai bawk.
Vawiin tlai ka nu rawn haw velah damdawi ka dil nghal a ngai ani. Karleh, thlathar ni bawk ah ka nuna exam pawimawh ber ka nei bawk si,ni e, ka damchhan ani mai ang chu.
•••••••••••••••••••
A tawp a tawpah ka zo ve ta!!
Ka titha thawkhat viauin ka hria, ka thiamvek avangin ka inringtawk ve bawk. Keiai titha an awmloh beisei phawt ang. Ka rilru ah Carson a rawn lang nghal zat. Hall atang ka chhuak chiah Carson’n minlo nghak a,ngaihtuah lai takin a rawn lang hlawl mai, ava’n zo hma awm bik em em, a thiam hle ani ngei ang.
“I va zo hma awm ve.”
“Aaa...ka exam hleinem.” Mak ti lutukin ka en ha.
“Ti.. Timaw?”
A nuisuk a, “I tan a pawimawh zia ka hria alawm. I hlimna daltu nih ka duhlo. Bakah tel pawh ni ila ka tluk dawnlo che tih ka chiang, i hmel ah i thiamzia a lang vek.” Ka chalah na lo tein a rawn nawr zeuh. Keimah vangin a exam lo amaw? Ka inthlahrung letling zawk, mahse ka lawm tho bawk si.
Tikhan, kar hnih hnuah school exam result a chhuak ang a, a tuk tukleh ah tuna ka exam result a chhuak leh ang. Huiham, ka nun hi lehkha zir, exam leh result chhuak nghah tih reng rengin a khat mai anihhi.
...
“Nu, ka damdawi a zo tawh a, leina tur minlo pe.” Inthlahrung deuh takin ka nu nail polish hnawih lai chu ka dil a, phuzawkin a thil hnawihlai ala pherh zui.
“Hmelchhenu!! Nangmah vangin a pherh vek hi.” Rum lutukin min melh nghal. Hnuailam ka en vat.
“Tihpalh”
“Buaina siamlo hian i awm thei thlawtlo em ni? Damdawi man turte chu minla dilleh ta nghal a. Drugs addict ami inih a? I in exam zo tawh a, i mamawh tawh lo. Sum hekna mai mai. Thlawk bo teh.” A ti deuh duah. ‘Ka pe dawnlo che’ tih that ve mai awm. A thinrim zuala kut min thlak ka hlauh avangin ka kalsawn a.
Engtin nge damdawi ka neih ang? Ka nu sawi ang khan ka addict tawh tak tak emaw ni le? Huh! Awihawm loh lutuk, awmanglo emai. Engpawh nise, ngaiah kalo nei hman te pawh ania nge, damdawi eitur a awmlo bawk a, zanin chu ka muhil thei ve em ang chu maw. Ka chau hluah hluah hi nitawp.
Zing dar 3:30 a ni tawh, kala chhing eihlo. Mutthilh ka tum pawhin awmzia a awmlo. Damdawi ka eiin ka mu theilo a, ka eilohin ka mu thei bawk silo . Engtikawng zawng pawn naktukah neih dan ka ngaihtuah ang.
.........
Nizan ka mut mialoh avangin ka mit a bui luk a, ka zawi hneh hle. Ka taksa hi a za cheng tawh, ka tui a hal reng a, mamawh ngawih ngawih nei ang hian ka inhre tlat.
“Maria, rawn phei teh” ka nu aw ka hriatna lamah ka kal a. “Tinge mi â ang maia i hawiruai a, chianlohna i nei zawk emaw ni. Thil ka sawi laiin che sek suh!”
Chutiangin ka awm tih pawh ka hremiah lo.
“Tihpalh” ka kut ka suih tawp.
“I pa nen karhnih chhung cham turin London ah kan kal dawn, Lily ka hmuchak lutuk. I exam zo tawh bawk a, buaipui ngai ini tawhlo. Inah hian tha takin lo awm ang che.”
“Kalo kal ve duh nu.” Awi!! Khawi lama huaisenna nge?
“A sawi pawhkha i zak zawk lo mile? Chhunah kan chhuak dawn, inah hian lo awm la i tan a tha animai.” A tihleh chuan ka hnial ngam tawhlo. Ka u ka hmu ve chak asin le.
“Awle”
•••••••
An kal liam chiah tihah ka nu pawisa min pek kengin bourbon street lam pan turin taxi ka la nghal, damdawi dawrah khan ka kal ang a, ka duh an neih loh pawhin mutthilhna ka lei mai ang, ka mamawh tho.
Vanneihthlak lutukin Dexedrine anlo nei tawh a, mutthilhna damdawi pawh ka leitel ta tho. Ka nu pawisa min dah chanve a zo der. Pawilo, ka mamawh ber ka neitawh tho.
°°°°°°°°°°
Ka ni nghahhleh loh ber mai a lo thleng ta.
Kan school exam result chhuah ni, ka nu te lo haw ni nibawk, anlo haw mek tawh nghe nghe. Ka phur tehchiam lo hle, a tawp ber ni kha ka tichhe turu em ani.
Karhnih chhung khan ka mu tha thei bawk a, ka zang vah reng mai. Mahse Carson chuan ka mizia a dang tih min hrilh fo thung, a dang te pawh ani mahna. Hetiangin nuam kala ti ngai hleinem. Ka pawisa neihin min daih loh avangin an in lamah chaw ka ei fo bawk. A nu a fel bawk a, ka inthlahrung hranlo.
Result board chu ka en a, Carson hming pakhatna ah a lang kiau. Ka en thla zel a, sawmhnihna maw ka nih?
Ka nu chuan min that duh hrim hrim ang. Engtin nge ka tih tak ang? Ka haw tawhlo mai dawn em ni?
Naktuk tukleh ah competitive result a chhuak dawn tho a, ka inringtawk bawk a, tuna ka result hi ka hrilhlo mai ang, kan result a chhuak dawn tihpawh a hre tawp nang. A ngaihpawimawh ber chu naktuk tukleh a mi hi a nitho. Aw, chutiang chuan timai ang.
Ka rilru hah lutuk tihzia nan ka damdawi ei ka tum a, alo zo leh tawh. Tinge maw a zawh zung zung mai le? Va han ninawm tak! Ka eichak tawh asin le. Ka thin a rawn na ngut ngut bawk, ka thin zawn dawm vang vangin tui in tura chhuk ka tum a.
“MARIA! MARIA!” Ka nu aw ka hre thut. Ka mengphar nghal kawk. “RAWN THLAWK THLA NGHAL RAWH!”
A rang a rangin ka tlanthla a. Ka nu chu thinrim tih hriat takin a mit a sen vek, ka pa erawh sofa ah a thu fel nghal than. An rawn thleng deuh chiah a ang.
“Nang fanu laktlakloh!” ti tuarin ka samah a rawn kek pawp a, bang lamah min hnukin bangah min tauh tir chawrh. Ka lu a hai nghal muai muai a, mahse din ngil ka tum fan.
“Tikhawpa minti mualpho tur hian em ni kan enkawl che. Tina in i result min hrilh laia min nuihsawh hmel te kha!. Sawmhnihna ni chungin engtin nge i la dam ngam zawk? Tlaktlailo nu!” ka hmaiah a beng sawk sawk a, a kar laklawhah min kek deuh reng bawk. Min kehthluk tawp chuan ka taksa zawi sa nen ka tho thei tawh thaklo.
In nem kan ka tum pawhin ka tlu leh zel.
“Tho rawh!!Ka tham thawh hma che in tho rawh!” a ti tuar tuar a, mahse tha ka neilo.
Mak ta ber chu, a thusawi te hian engmah keimahah nghawng a neilo, inthiamlohna ka nei heklo, ka ngaihtuahna luahkhattu chu-ka nu alo let tawh a, damdawi man tur minpek duh beisei ang.
“Nu, pawisa minlo pe” ri chang changin ka melh chho ha a.
“Hmeli!” Min beng hawi leh sawk, ka kamsir lum pap ah chuan a thi tih ka hrethei. Mahse amah bawk chu pawisa minpek beiseiin ka enleh tho. “Engtin nge i nuih ngam zawk?” mak tihhmel takin min en a, ka nui tih pawh ka inhre reng reng hleinem.
Ka pa zawkin ka hmaia a rawn ben chawrh chuan mak ti zetin ka en ha a.
“Exam naah engzatna nge inih ka pawisa lo. Mahse miin ka fanu hi damdawi rui thin ini tih an sawi hi ka hre kham tawh.” engtin nge damdawi man tur ka dil tih a hriat zawk le? Nge mi hian chutiang chuan minlo sawi thin zawk.
“Ka awih theilo!” ka nu bawk alo thaw leh hak. “Hetiang tur hian em ni kanlo enkawl seilen che? Tiang hian em ni i nu leh pa te hi min rulh let dawn a?”
An pahnihin min dinchilh run. Ka nuih a za tlat pek, ka nui hak hak a, mak ti zetin min en dun tawp.
“Engtin nge in fanu hian in mi enkawlna man ka bat theih?” ka ti sup. “In fanu ka nihhi, in fanu, ka nu” amah ka en a, “Ka pa” ka pa ka en leh. “In hnathawk em ni ka nih? In tana thawk tur hian em ni minlo neih? Nu leh pa ten chutiangin an fate chungah an titur ani em ni? Hmangaih taka in enkawl hi ka phu velo em ni? Tinge ka nun pum hian in laka ka ba ka rulh a ngaih a? Thiante nena infiama nuih te ka chak ve asin. Thlamuang taka thawk lak ve teh ka duh asin.”
Ka mittui far khat pawh a far eihlo. Khawi lama huaisenna nge ka neih lah ka hre heklo. Mahse ka nun puma kalo sawi chak tawh ka sawichhuah avangin ka thawl huaiin ka hria.
“Mi tlaktlailo ka atang chuan thu tlaktlailo bak a chhuaklo anihhi. Nang ang fanu hi lo neilo tawp ila.” Tihleh ka nu’n min ben a rual nghal. Min khawih chet ang angin ka awm tawp.
Tu emaw in min rawn pawh tho nawlh chuan ka hawichhuak a, Carson maw? Engtik laiin?
Engmah sawiloin min hruaichhuak a, ka nu leh pate pawn an dang chuang miahlo.
“Fanu awmtha duhlo kha rawn dahlet tawh suh ang che.” Ka nu tih ri chu ka hre pha.
•••••••••••••
“Maria, eng nge maw itih le?”
“Ka haw angai Carson.” Thei leh theiloin ka kal chhat chhat a. Nizan hetah ka riak ringawt lehnghal. An kawngkhar ka thleng tep tawh. Ka banah a rawn vuan a.
“Let ila duh cheu a maw?”
“Aw, ka nu in minlo ngaihtuah lutuk ang.” Awihloh hmel lutukin a nui hak.
“An fanu hmangaihna chang pawh hrelo te inah sawn letna chhan tur pakhatmah i neilo.” A tihchuan ka sa zak mai.
“Ngawi hmak rawh! Ka nu leh pa te sawn min hmangaih tih ka hria.” Keimah ngei pawhin ka thilsawi chu ka ringhlel.
“I inbum mai mai ani.”
“Anilo aw!! Min hmangaih tih ka hria. Ka chungah thalo thin mahse min hmangaih tho.” Ka tileh a, keimah leh keimah in awihtir tum ka ang mah zawk.
“Hmangaihna i duh anih chuan i duh ang chu ka pe ang che. Ka kuah che anga, an tan fanu tha ber ni theilo mahla, ka tan hmeichhe tha ber ini. Khawngaihin let tawh suh.” A thilsawi chuan ka hnuk a ti ulh tlat lehnghal.
“Aih, aih, ka tap tur anilo. Ka nu in fanu tap thin a duhlo.” Ka lu thing nak nakin ka phun mawlh mawlh. Carson lahin mak tihhmel takin min en bawk.
“Anih” Min thlah a. “I kal hma, i u be lawk ang. I harh huna call turin mintia.” Dam zawkin a ti a. Ka tha khur nasa lutuk hi ka kham hluah hluah.
“Ka u maw?” ka nui nghal ver ver. Min thutpui a.
••••••
“Ka u?” phone alak rualin ka ti nghal chul.
“Bawihte? I tha em? Eng nge i an?” Carson an engkim alo hrilh vek ani ngei ang. Rum zetin ka melh nghal, a hawisawn hmak zui.
“Ka tha lutuk, engtinmah ka awmlo.”
“Maria, ka bulah i awm duh em ?” a tichuan ka thlawkchhuak lo chauh.
“I ti tak tak em ka u?”
“Aw, ti tak tak e, flight kalo book sak che anga, ilo thlen hunah ka nu te chu ka hrilhfiah mai ang. Naktukah Carson kha Airport ah i inthlah tir dawn ania aw.” Ka nui ver ver.
Darzat te sawifel zawh hnuin call ka dah a. Ka va han phur tawh tak em. Ka u ka hmu thei dawn!!!!
Ka thawmhnaw vel pack ka ngaih avangin haw chu ka ngai ta tho a. Carson pawn min dang chuanglo. Inah ka chungah engpawh thleng dawn se, ka tuar thei em em ang. Vawiin chiah.
••••••••
CARSON’S POV
Zing dar 10:30 a ri tawh a, Maria alo la kallo, an ina ka va lam a ngam chiahloh avangin kan inah kalo nghak a, kan in atang Airport a hnaih zawk avangin a awlsam zawk. Tinge alo la kalloh le?, airport thlen nan minute 20 vel kan hmang ngei awmsia, a flight lah 11:00 ah a ni bawk si.
Kan tlai ai chuan an inah kava lam mai ang. Lily’n a nu te chu alo hrilhfiah tur thu a sawi tak kha.
An in ka thleng a, kawngka alo inhawn huau avangin a nu leh pa sofa a lo thu pawh ka hmu nghal.
“Pi Ross, Maria a awm em?” an rawn hawiphei a, an la hlim hmel em em lehnghal. Maria a kalbo dawn tih an hria anga, an lawm ani ngei ang.
“Aw, a room ah a awm. Hei Competitive result kha a chhuak a, pakhatna a nih ve hi. Kanlo hre deuh chiah a, amah pawh kanla hrilhlo.” A ti zung zung, a nui var var reng bawk. “Paa, engtikah nge pawisa hi kan hmuh ang le, khawiah nge ni ang? Awii!! Thawmhnaw leithar tur ka ngah lutuk. Ava nuam tak em!” an pa pawh a khi ve suk.
Maria chu a lawm ngawt ang. A nu te pawhin an tibuai reng tawhlo bawk ang a.
“Han chho rawh. I duhleh result chu hrilh ve nghal la.” Ngaihsam zeta a tihleh chuan ka tlanchho nghal a.
Room kawngkhar ka hawng chu alo reh duk. Khum ruak hnawk niaih ka hmu hmasa ber a, a sira dawhkan bawh a Maria mu chu ka mu nghal bawk.
A chhan ka hrelo, hlauhna hian min man nghal er er.
“Maria?” A bulah ka phei a, a hmai dang belin amah a vawt vek. Nunna nei hmel pawh a pulo.
Damdawi bur a hum chu ka en a, sleeping pills maw? A ruak vek bawk. NILO, NILO, NILO, ka thil ngaihtuah hi ni lul suh se.
“Maria?” ring deuh zawk ti lehin ka sawi deuh nawk nawk a, mahse a zawi vek. A thaw pawh ka en ngamlo. Ka hlauthawng ani.
“Eng nge thleng?” Pi Ross i rawn lut ve in a fanu hmaiah chuan a rawn dawm a. “Maria? Maria?” a tider nge pawh ka hrelo, a hlauhthawn ve hmel tak tak.
911 ka call nghal a, ka dah rualin Lily’n alo call ve chiah bawk. Kan dinhmun te ka hrilh chuan a hlauhthawn hmel hle a. Alo kal nghal tur thu a sawi.
Ambulance rawn thlengin damdawiin lam kan pan nghal a, Maria nu lah a tap deuh tuau reng tawh.
Defibrillator an hmanlai leh doctor ten Maria , nunna neitawhlo tih hriatzet tihdam leh tuma theihtawp an chhuahlai te chu glass kawngkhar phen atang kan en thap a. Ka chhehvel hi a muang ruih maiin ka hria.
Khawl kiu ri vawng vawng chuan kan dinhmun a rawn ti chiang ta . Maria nu chu a pasal awmah beiin a tap hlawp hlawp a, keipawh thu hnawkin ka hawi â vek aniber. Ka nu lo thlen lai pawh ka hrelo, min kuah a, ani pawh a tap ve tho.
Doctor a rawn chhuak a, ani pawhin hrehawm a tihhmel takzet.
“Pawi ka ti khawp mai, kan chhan thei talo ani.” A thlan a hru zeuh a. “Mutthilhna damdawi a OD kha chu thuhran nise, a stimulant ei thinin a thin a khawih chhe hneh lutuk a, engmah tihtheih kan nei tawhlo atinni.”
Maria khum bulah chuan zawimuangin ka phei a, a hmeltha tak thin dang bel chu ka khawih a, lungngaihna hlira khat a hmel hi, a nuihmel ka hmuh hnuhnun ber pawh ka mitthlaah a la chiang lutuk. Ka mihring hriat tawha nui tlem ber mai leh lungngai em em reng thin.
“I hlim ve dawn chauh a, i nun i hmang ve dawn chauh a, tinge hetiangin i awm? Maria, khawngaihin i mit meng rawh.” A hmaiah vuanin ka tap hlawp hlawp. Mipa ni mah ila, a na em ani.
••••••••
A vuina kan nei zo a, mi pawh an kiam tan tawh. Ngawirengin a roomah ka chho a. Nimin a kava hmuh lai ang chiah chiah khan engkim alo la awm vek.
Mahni inthat duhtur khawpin a chungah eng nge a chhungten anlo tih ka hrelo, engemaw tak chu an ti ani ngei ang. Chuti nilo se hetia tihna chhan tur a neilo. Kan in atanga a let pawh khan a phur hle anihkha.
A lehkha zirna dawhkan hmaa a nu leh pa thlalak intar chu ka en a, thlalak kila tereuh te a love sign a ziah ka hmu bawk. A nun ti hrehawm tu te hi a hmangaih ve em em kha ania.
Dawhkana lehkhabu awm chhun chu ka keu a, phek tir atang thu alo inziak teuh, mahse thu ngai hlir ani.
‘Mutthilh ka duh’ tih te mai hi. A mittui far na niawm tak a lang kulh kulh bawk. Tui nise a val lo ang. Vawikhat te mah a tap kala hmu ngailo, a hun hnuhnungah chuan a inhungna kehchhiain a tap ani ngei ang.
Thilthleng tur ka hrethiam nghal uar uar. A damdawi ei thin vangin a mu theilo anga, mutthilh duh bawk siin sleeping pills hi a ei ta vak ani ngei ang.
Kan in atang khan lo haw tir lo ila, lo dang tlat ila hetiang hi a thleng awm silo a. Ka thiamloh vek ani.
Inhnuai lama ka chhuk leh chuan Lily ka hmu hmasa ber, mi panga paruk vel bak anlo awm tawhlo. Kan tunlai boruak vangin mi tamtak kan kalkhawmlo hrim hrim bawk.
Lily chu a dang bel a, chauh hmel zetin thutthlengah a thu a, a bulah a pasal a awm ve bawk.
“I thiamloh vek ani.” Tih supna lam kan hawi deuh thap. Boruak reh tlawk tlawk karah chuan a ri ring bawk em ani. Maria pa chuan a nupui alo melh sen run.
“Eng a?” Pi Ross chuan a en ha a.
“Kan fanu hi i that ani. Nangmah ngeiin kan fanu hi kha damdawi hmang khan i that ani.” A tihleh chuan Pi Ross pawh a lungawi hmel vakloh.
“Anih ka pa, pa inihna angin ka nu kha i dang ngai em? I fanu kha hmangaih takin i enkawl bik em?” Lily rawn tawngchhuakin a nu leh pa chu a melh tawn a.
“Damdawi vang khan thilo pawh nise,in enkawl dan vang khan a thi tho ang.” A mittui a far zawih zawih a. “In hmangaihna dawn duhin a damchhung hun kha a hmang ve asin. Ka naute khan thiante nena inkawmhlim nawmna pawh hre lekloin in tan a nung thin asin.Tinge khatiang khan a chungah in awm? Amah in enkawlna leh a tetlaia a damloh vang khan in lakah ba a nei a maw?”
“Tu nu leh pa in nge chutiang chuan ti ngai? Ka nu, i sawisak laia a tah ngai miahloh vang khan i thin a rim zual thin tiraw? Mahse a tah ngailoh chhan i hria em?” Pi Ross chu a mittui phenah a en kar a, “A damloh thin laikhan a tahloh nan fanu tahbelh i duhloh thu i sawi kha. Khavang khan eng ang pawn na se, a tap ngailo asin. I tana fanu tha nihloh aia hlauh a nei hleinem. Chuti chung chuan vawikhat pawh i hmangaih thu i hrilh tawh em?”
Pi Ross chu a tap ri hawk a. A pasal zawk pawn a mittui a hru ve tho.
“A damchhan ni a in hriatnawn tir fo thin a ba rulin a liam ta bawk a, in lawm tawh em? In fanu laktlakloh zet chu a awmtawhlo bawk a in hlim tawh em?” a ti tuar tuar a, a thu thla hnawk. A pasalin dawmin inchung lamah a chhohpui ta daih a.
“Ka fanu, min ngaidam rawh....i nu hi kalo thiamlo ani. Kalo sual em ani. Thi ve daih tlak ka nihhi.” Amah leh amah a inchum pawp pawp a. Inherin kawngkhar lam ka pan a, ka chhuah hmain Maria pa in Pi Ross-i kut a manbet chu ka hmu hman.
Hawilet tawhloin ka hmeichhe hmangaih awmna thin in chu ka chhuahsan nal nal a.
“Ni e, in duham luatah in fanu in that ani.” Ka ti sap.
An ni ang mihring hmangaihna thlahlel khan a damchhung hun hrehawm takin a hmang a. Maria tan chuan thlamuang taka thâwk theihloh aiin thâwk loh tawp hi a hahdam thlak zawk ngei ang.
Mangtha Maria.
•••THE END•••



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)