ISABELLA Ziaktu : Irene H muankimi

Ngaia
Site Admin
Posts: 25813
Joined: April 30th, 2016, 4:07 pm

ISABELLA Ziaktu : Irene H muankimi

Unread post by Ngaia » February 19th, 2021, 10:19 pm

vwlykxoc.jpg

ISABELLA

Ziaktu : Irene H muankimi

(Competition 2021)

Ka hma a hmeichhe tleirawl damdawiin kawr var ha a thu chu lainat tak in ka en a,kha dairy ka chhiar atang phei kha chuan vanduai bik a ka lo in hriat na te chu thawk leh khata chhum zing pik tak thli in a rawn chhem kiang ang hian a reh nghal vek a PATHIAN hnena lawmthu sawi hi ka tih makmawh a ni tih ka hriat thar phah bawk a ni

"Ka lo thu ve thei angem?" Min rawn en in a lu min buk khum zeuh a

"Sawmtei ka nia" ka ban chu alam ah ka phar phei a

"Isabella" ka kut chu rawn vuan in min nuih leh suk

"Chuan Isabella kan in be lawk thei a ngem" min rawn en lo in kan hmalam tlang chu a en reng a

Ka bag atang dairy chu phawrh in amal Chung ah ka va dah a hmuh chuan phawk fe a min rawn en in "Eng tin..."

"Isabella I chunga thil thleng engkim hi hriat vek ka duh chuan engvanga nangma nunna lak tum nge I nih tih pawh hi khawngaihin min hrilh thei angem?" A tawng lai chuan ka lo ti a

"Mahse tuman min awi sak lo ang" amal chunga dairy en Chung hian zawi te in arawn tawng a

"Isabella he lai hmun a ka lo kal chhan chu ka rin vang che leh nangmah pui tur che in a ni ka lo kal" ka thusawi chu ring ngei se ka duh avang in ka thil sawi engkim chu uluk leh fiah tak in ka sawi a

A mittui rawn far zeuh chu hru in "kha thil thlen lai khan kum 7 mi chauh ka la ni asin" hnuk ulh tun hian arawn ti a

"Ka pate a khan infiamna nuam deuh kan ti dun dawn nia tiin ka room ah min hruai lut a,mahse maw kha kan infiam na kha nuam ka ti lo,na ka tih em avang khan tap chungin ka pate a bul ah infiam ka duh tawh loh thu kha ka hrilh a mahse pate a chuan ka ka kha ka au chhuah loh nan min hup sak daih a

Chumi zan chuan pate a min khawihna na te avang in muhil thei lo in ka tap renga,ka room ah chuan ka nu emaw ka pa emaw an rawn kal kha ka ring a,achhan pawh kan class ami Sentei'n na aneih a atah chuan anu in adam leh hma chu a awmpui thin thu min hrilh vang a ni,mahse ka nu te chu zan khua pawn ka bul ah an lo kal ve lo reng reng

Tlai lam a ka chunga thil thleng te ka nu hrilh tum in, zingkar hma tak ah ka nu te room lam ka pan a,mahse an room chhung ah chuan tumah an lo awm lo

Ka tette atang a min awm thin tu Atei chuan " nizan ah hna thil avang in I nu leh pa chu an zin chhuak a nih kha" ka hnung lam atang hian a rawn ti a

Chu thu ka hriat chuan lungawi lo tak in sitting room lam ka pan a "tun tum chu I nu te zin chhung in I pate a alo awm phei dawn a,I khua pawh a har lo sawt mai ang" Atei ti ri ka hriat chuan ka kal lai chu ding chawt in Atei chu ka en a min lo nuih suk

" Pate a maw" chil lem khalh a ka tih chuan min nuih suk in lu min buk khum a

Ka nu leh pa te hi an hna thil a an buai thin em avang in duh ang in min enkawl tha hman lo a chuvang chuan Atei hian ka tette atang min enkawl a ni

Ka nu te chu kar khat chhung an zin a,an zin chhung zawng in pate an ahma a ka duh lo chung min sual luih ang khan ka chung ah a ti ta zia a chuan ka chunga a thil tih chu ka sawi chhuak a nih chuan min thah tur thu min hrilh ziah bawk

Khang thil kha hmeichhe naupang kum 7 mi tan chuan na tak a ni.Ka nu te zin lo haw in ka awh em em thin Bag leh Barbie set chu min rawn hawn a,mahse nidang ang in an zin rawn haw chu ka lo chiau au peih lo

Zanriah kan ei lai chuan ka nu leh pa bul ah chuan ka chunga thil thleng chu tlang tak a sawi ngam chiah silo in pate a sual zia leh kan in a lo kal tur a atan pawh a ka duh tawh loh thu ka hrilh ta tawp a

Mahse ka nu leh pa chuan ka thusawi avang chuan min nuih a,pate a chuan kei aia duat a neih loh thu leh min ngaihsak thu te min hrilh in,pate an min lo hau deuh a ni pawn ka thatna tur a duh vang a ni tih leh thu chi hrang hrang chu min hrilh a

' mahse ' tia an thusawi lo hnial ka tum lai chuan ' atawk Isabella kan zin avang in I pa nen hian kan chauh hle a,nanga thu sawi ho mai mai ngaihthlak nan hun kan nei lo' tiin min hau a,ka pa nen chuan an hna Chungchang sawi in an titi leh a

Atuk Zan ah pate an thil thleng sawi chhuah ka tum tih a hriat avang in ka room ah ka lehkha zir lai in arawn lut a,ka taksa langlo lai tur a kut min thlak pah in nasa tak in min rawn vau a

Chumi zan pawh chuan Zan dang a ka tih thin ang bawk in tap Chung in PATHIAN hnen ah a tanpuina leh awmpuina Sunday school a tawngtai dan min zirtir ang chuan ka tawngtai leh a mahse awmzia a awm lo

Hun te a kal ve zel a,kei pawh a hma ai chuan ka rilru te alo puitling in ka kum te pawh alo upa ve zel a,mahse danglam ve lo chu ka chunga ka pate a khawsak dan chu a ni

Ka pate an ka chunga a thil tih te a chhunzawm zel avang khan kan in a pate a alo kal tawh chuan kha thil kha ka Chunga thleng tur ah ka ngai hmiah tawh a ni

Ka chunga thil thleng te avang in thian ngaina thin tak khan thian kawm na Chang ka hre lo a,reilo te chhung mah nise ka nu te bul a awm thlahlel thin em em khan ka nu leh pa bul a awm chu ka duh ta lo a,achhan pawh Eng tik lai pawh a pate a an fak thin vang a ni

Ka pate a ka lo sawi chhiat apiang in min hau a,pate a chu ngainat tum tur in min hrilh fo a,Chung ka hriat peih loh avang chuan ka room ah ka in khung reng thin

Nikhat chu kan poem zir miss in asawi zau na lam ah 'kan rilru hah na te mi hnen ah Kan sawi chhuak thei lo a nih pawn dairy ah ziak ila kan rilru hahna te min chhawk thei a a tha lutuk' tih hi a sawi a,chuvang chuan kei pawn ka rilru hahna chanve tal a bo theih beisei in he dairy hi ka ziak ta a ni" tih pah in amal chunga dairy chu a chul a,a mittui chu rawn luang in dairy chung ah chuan a far a

Chu tah a mittui chu hru hul leh in boruak chu a han hip vak a rilru na tih hriat tak hian arawn thaw chhuak leh a

"Ka tawngtaina te PATHIAN in min chhang lo a ka hriat na avang te chuan keimah ah PATHIAN dem na nasa tak arawn piang chho tan a,nu leh pa nei reng chunga nu leh pa hmangaihna ka dawng ngai lo te chuan mahni in khawngaihna min neih chho tan tir bawk a

Mahse vanneih thlak deuh in class 9 ka zir kum in ka pate a chuan Delhi lam ah hna thar a neih avang in,Delhi ah a in sawn ta a.Kha thu ka hriat tluk a ka lawm kha ka la hre lo

Mahse maw ka lawm chhung chu rei lo tak a ni,nikhat chu kan class teacher in nupui pasal neih hma a hmeichhiat mipat na hman a that loh zia asawi a,abik tak in hmeichhe tan a mualpho thlak zia chu a sawi nasa bik leh zual

Chu ta kan teacher thu sawi avang chuan ka chunga thil thleng kha apawi zia ka hre chhuak thar leh a,nupa inkar chauh a thleng tur a Pathian in a tih kha ka Chunga a thlen avang in ka thih hun ah pawh vanram chu ka chan ve theih pawh ka ring tawh lo

Nitin mai in ka beidawn na chuan zual lam apan zel a,mahni in sitna nasa tak nen ka nun chu ka hmang chho ve zel a

Thian kawm pawh chu duh in chak thin hle mahila ka chunga thil thlengte an hriat ka hlauh em avang in ka kawm ngam ngai lo

Chutia thian kawm lo a,mahni a awm rengna nana chuan ka rilru ka kawm lo thei ta lo a,ka ngaihtuah na chu thil tha aiin tha lo lam in alo luah khat zawk a,ka hma hun te chu a eng zawng ni lo in a thim zawng hlir in ka ngaihtuah ta thin a

Ka ngaihtuahna ah mahni nunna lak arawn lang a mahse ka chan tur meidil chu ngaihtuah in thih chu ka hlau leh deuh thin bawk si,tiang chuan nitin ka rilru chu insual buai tir in nun ka hmang chho ve zel a

Atawp ah chutia beidawng a in thah ringawt rilru ah a awm tak ah chuan ti hian ka ngaihtuaha ' khawvel ah chuan mi zawng zawng in hreawm kan tuar lo a,kei in hreawm na nasa tak ka tawrh lai in ka kiang lawk ah mi thenkhat chu hlim em em in anrawn nui a hmangaihna ka dawn loh lai in miten hmangaihna an dawnglai ka hmu a,Chung chu meidil ah chuan hmuh tur a awm ve tawh lo anga,meidil ah chuan kan vai in hreawmna inang tuar in ring tak tak in kan au thei a nga,tun a ka awm dan ai chuan hreawm tuar dan rau rau ah chuan a fair zawk'ti chungin in tih hlum chu ka tum ta a" chu thu a sawi lai chuan ka mittui alo tla thei hial

Meidil hreawm tur zia hre reng chung pawh a,ala thlang zawk thei chuan a beidawn zia a ti lang chiang hle in ka hria

"Zan dar 10:00pm vel ah Kan veng kham lam pan chuan ka chhuak a,ka rilru ah ' tlai ngailo PATHIAN ' tih chu a awm reng a,mahse in ti lulul lui in ' nilo I tlai tawh a ni,I chunga rinna ka nghah chhung khan min tanpui tur in vawitam ka ngen che a mahse nangchuan ka tawngtai na chu min ngaihthlak sak duh lo a he dinhmun ah hian min din tir a,I lak ah hian beisei pakhat mah ka nei tawh lo,misual te awmna tur a I siam ah ka awm theih nan pasal ka neih hma in hmeichhe thianghlimlo ah min siam bawk a,chuvang chuan I duh ang ngei in chu hremhmun ah chuan ka kal dawn e' tiin hmalam chu ka pan zel a

' thiannu khawngaihin pawisa min lo puk tir' ' tia ka ban a min rawn chelh ding tu chu ka en a,keimah ang rual vel niin ka hria,a nih loh pawn kei ai a u hret mai thei

Ka ipte a ka ah Rs.500 chu thih ka tum tawh tho avangin ka mamawh tawh dawn tiin ka pe a,mahse ka kal leh tur chu min pawt ding in

'i tap em ni' ka hmel chu arawn bih hnai deuh a

Ka biang ka khawih chuan alo huh deuh a ' lo buai suh ' tiin min vawnna chu tal chhuah ka tum a

' min lo zui rawh' ka ban a min kai Chung chuan kan piaha mipa lo awmna lam chu min pan pui a,chupa bul kan thlen chuan ka pawisa pek kha chupa bul ah chuan a pe nghal a chupa chuan ka bul a ding hnen ah chuan damdawi hi arawn pe ve thung a

Chupa kal San hnu chuan ' Hlutei ka nia,kha hei hi lo Keng lawk rawh ' damdawi mum hi min rawn pe a

Chutah a bag atang tui bottle te rawn phawrh in a kut a damdawi mum a ken chu a ei nghal a,keipawh tui chu min rawn pe in 'kha ei ve rawh,I ei hnu ah chuan I rilru hahna zawng zawngte chu an bo vek mai ang' arawn ti a

Kei pawn chutia ka rilru hahna te abo dawn chuan tiin ka lo ei ve mai bawk a chuan a sawi ang tak tak in ka ei atang a rei lo te ah ka zang vah in ka in hria a,khawi ah nge khang ka rilru hahna zawng zawngte kha an kal tak pawh ka hre lo ka hlim in ka thawveng em em ringawt mai a ni

Kha hun kha ka hriat thei tirh ata ka hahdam ber tum leh ka hlim ber tum a ni,theih chu nise kha tiang ang a awm reng kha ka duh a ni

Hlutei nen chuan kan chanchin te kan in hrilh a,kan dinhmun pawh alo in ang khawp mai.Apa hrawn in kei ang tho in tih luihna hmang in a pawngsual a,chu thil chu anu bul a asawi in anu in an mualpho a hlauh avang mai in a fanu chunga thil thleng chu sawi chhuak lo in a zep pui ta a ni

Keipawh ka ngaihtuah a ka chunga thil thleng kha ka nu te bul ah khan lo sawi ta ila Hlutei nu tih ang hian an ti lo ang tih a sawi theih loh,a chhan chu Eng tik lai mahin hming chhiatna tur thil ti lo tur in min hrilh thin

Hlutei chu kei aiin kum 2 in alo upa a,mahse amah hi lian vak chi a nih loh avangin kan san zawng chu a in ang viau, school a kal tawh lo a,dawr ah te thawk in anu chu a theih ang ang in a pui ve thin,anu chuan bazar ah chawhmeh te a zuar ve thin a apa hrawn chuan eng vak mah a thawk lo,zu ngawlvei niin a zu ruih apiang in anu chu a sawi sa thin niin a sawi

An chhungkaw nun hahthlak lutuk avang in a thian te tih ang a tih duh ngai loh chu hlim ve a duh luat a a ti ve niin a sawi

'Isabella nangpawh zanin chauh hi ei la,nidang ah chuan ei tawh suh,a nih loh chuan a ngawl I vei a nga I nun a ti chhe vek mai ang' tia min hrilh chuan ka lo hnial vat a

' ka tan chuan apawina a awm lo,Hlute damdawi hi nidang ah pawh ka la ei duh,tun a ka awm ang hian nitin awm ka duh' ka tih avang chuan damdawi te chu min sem then ta a

Kha Zan atang khan Hlutei nen chuan kan in kawm chho tan ta a,ka chanchin eng kim hre chung pawh a min hmusit lo a,min hrethiam em em tu thian ka nei ta chu ka hlim in nuam ka ti hle a,nitin ka rilru hahna te ziak a dah tawh lo in ka thian chhar that Hlutei bul ah chuan ka sawi thin tawh zawk a ni

Kan in kawm chin atang chuan kan ruihna damdawi vel lei nan ka pawisa hlir kan hmanga,a tir chuan Hlutei chuan a duh lo viau a mahse an chhungkaw dinhmun ka hria a,a sum thawhchhuah te chu a nu ten an mamawh zawk avang in min hnial ta lo a ni

Ka tan chuan pawisa ah lungngaihna tur a awm ve lo,Nitin in ka hman sen loh pocket money ka nei tlat a,chu thil chu ka tan a ka nu leh pa in an tih that ber a ni ta in ka hria

Damdawi chu ka ti rei tulh tulh a,darkar reilo te chhung pawh a tello in ka awm thei tawh lo,ka zirna ah ka tlakchhiat phah a,class ah lah ka lo muthlu leh thin a zirtirtu te pawn min hauh nasat phah in min hrem phah fo bawk

Zirtirtu te chuan ka zirna a ka tlakhniam avangin ka nu leh pa te an lo hrilh a,ka nu leh pa chuan zanriah kan ei zawh in min hau a mahse pawi ka ti lo,avawikhat nan teh meuh ka tan ka nu leh pa in an hna kalsan in hun an hman phah tlat a ni

A chang chuan an fanu ni lo in an hna hi lo ni zawk ila ka ti thin ,ka tan hun an nei lo lutuk hi an fa ka ni lo amaw ka ti hian thin bawk

Ka tan darkar khat pawh hun an neih loh laiin an hna chu second khat lek pawh an kalsan ngai lo,Eng tik lai pawn an hna chauh an ngaihtuah a ka zirna chanchin sawi aiin an hna chanchin sawi nuam an ti zawk thin

Reilo te ah board exam ka hmachhawn nghal a,ka exam chhung zawk pawn Hlutei chuan min fuih nasa em em a,lehkha thiam thei tak alo nih avang in ka thiam loh ah te a theih tawk in min pui ve thin a,an chhungkaw dinhmun in zir se chuan school ala kal zel tur thu te a sawi ve thin

Hlutei puih na avang liau liau in exam pawh chu ka pass ve a,kan chhung hmun dang ami te sawm khawm in ka pa chuan PATHIAN hnen a lawmthu sawina neih a rawt a,kan chhungte chu lo zin khawm in thil pek pawh min pe teuh mahse Chung thil pek to tak tak ai chuan

Hlutei'n atan thian tha tak ka nih avang leh ka pass min lawmpui nan a min pek apa dik tak in a thih hma a thi apek min pek chhawn leh chu ka tan a hlu zawk fe a ni

Khristian chhungkua tih hi Eng nge a awmzia,a hming in khristian chhungkua chu kan nia mahse ka nun ah PATHIAN in hmun a chang tawh lo,tun a ka pass chhan ah pawh hian PATHIAN an puh daih a,mahse kei chuan Hlutei vang ka ti daih zawk ka exam chhung zawng khan PATHIAN hnen a atanpuina pawh ka dil lo ka thiam vang leh Hlutei min puih vang chauh a pass ka ni

Chuvang chuan kan lawmthu sawina pawh hi PATHIAN hnen ah nilo in Hlutei bul ah tur niin ka hria

Nikhat chu ka room a Hlutei nen kan in kawm laiin Hlutei nu chu motor in a sut avang a Hospital pan pui a nih thu phone hmang in anrawn hrilh a,kan theihtawpa rang in Hospital lam pan ve mahila kan tlai ta tho, Hospital kan thlen meuh chuan Hlutei nu chu mithi alo ni tawh

Hlutei nu thih ni atang chuan Hlutei chu mu leh mal nei lo in a awm a,harfim a hun hman lai a nei lo,kei pawn ka thian tha ber a nihna ang in a bul ah ka awm pui tlat a nitin zantin in kan rui a,chutia mi mitmei pawh veng lo a ruih kan chin tak ah chuan kan nun dan chu kan veng ah chuan a darh chak em em a

Keimah avang in ka nu leh pa pawh an mual pho hle a,ka pa chuan chu tia kan chhungkua ka tih mualpho atang chuan pawn ka chhuah a phal ta lo a,ka room ah min kalh hnan in,ei tur pawh Atei'n ka room ah min rawn pe vek thin

Chu tia ka room ah karhnih chhung min kalh hnan hnu ah vanneih thlak deuh in ka chhuak ru thei hlauh,Hlutei bul ah kal in damdawite chu ka lak belh leh a

'Isabella ti nge khawvel hi a fair loh bik em em mai le,ka nu kha ka chunga thil thleng a zep tlat avang khan ka haw hle a,mahse ka hmangaih loh phah Miah lo' arawn tap chhuak a

' he khawvel ah hian ka nu lo kha chu neih ka nei ngailo asin,chuan nang ilo lang leh a nang chuan min kal san ve suh aw,ti nge neih ka neih tlem teh lul nen ka neih chhun apiang hi min laksak zel mai le' Hlutei nen chuan kan vanduai zia te sawi in kan han tap leh rih a

In chhung ka luh rual chiah in ka biak a ri nghal sawk a ' ka fanu tia koh che pawh hi ka zak zawk' tih pah a min rawn ben leh a tum chuan ka nu in alo dang a

' ka fanu I ni hi ka Zak takzet,tiang leh tur si chu lo piang lo zawk la a tha tur' ka pa min ben pawh a mittui far khat pawh ti tla lo khan ka nu thil sawi avang chuan ka mittui chu dan hman loh in arawn tla a

' keipawh in fanu ni tur kher a ka lo piang hi ka inchhir' ring tak in ka nu chu ka chhang let a

'Isabella' tih pah a ka pa in kut arawn vai leh rual chiah chuan lu hai rum rum in chhuat ah chuan ka thu thla hnawk a

' I Zak em kei ni hi awm lo ila hetiang dinhmun ah hian I ding lo ang,khang I ei,in zawng zawng leh I thawmhnaw,I chenna thleng hian kei leh inu thawhchhuah vek a ni tih hi theihnghilh ngai suh' ka pa chuan rum tak a min en Chung hian a ti vak vak a

Ding chhuak in ' ni e,pa I sawi dik mahse maw pa heng,chenna in,thawmhnaw leh ei tur tui hnai tak tak te leh pawisa te hi ka mamawh lo chu ka ti lo mahse maw pa,in fanu hian heng zawng zawng aia mamawh hi ka nei a sin' ka sawi zawh rual chiah in ka nu chu a rawn nui chhuak a

'chu kan theihtawpa I pa nen I nun nawm nana kan thawhna chu ala tawk zo lo amaw? Eng tin nge tiang mi hi ka fanu a nih theih zawk,I lungawi nan chuan eng tia nasa a kan thawh nge la ngai dawn,sum chu Eng zat a tam nge ila mamawh' ka nu thusawi avang chuan rilru na tak in ka nu chu ka en ngawt ngawt a ' sawi ta che Isabella I lungawi nan chuan sum engzat nge ngai a' tap Chung hian arawn ti a,ka pa chuan rang tak in a awm ah ka nu tap chu a kuah bet nghal a,ka nu lu a chul pah chuan rum tak hian min rawn en a

' nu ifanu hi chu ti khawp a sum duh ah chuan em ni min lo ngaih,pa tun a ka nu lungchhe tak a atap I kuah ang khan kei pawn hmangaih tak a kuah ka thlahlel ve ngawi ngawi asin' ka nu chuan min rawn e a ' ni e,nu ka mamawh chu maw sum ni lo in in mi hmangaihna a ni ka mamawh chu' ka nu mit a en Chung chuan ka ti leh a

'kan hmangaih vang che alawm hna kan thawh,kan hnen ah engmah I sawi ngai silo a.....'

' ni lo nu,ka tum alawm vawi tamtak biak che u ka tum a,mahse Eng tin nge min chhan kha ' Isabella I thusawi ho tak tak ngaihthlak nan hun ka nei lo','bawihte ka buai rih em mai I nu bul ah va hrilh rawh','tun ah chuan ka buai rih lutuk ni dangah kan sawi dawn nia' tiang chuan min lo chhang thin a nih kha' ka nu tawng lai chuan ka lo tih khalh a

'Chuan min hmangaih avang a in thawhrimna ka lo hrelo chu pawi ka ti,mahse maw ka tan a nasa tak a thawk Chung si khan in thawh chhan in fanu hi min theihnghilh leh si a ni,Eng tin nge a nun a hman in ngaihsak tel lo,sum in pe a ti chuan in duh tawk der a' ka mittui lo luang chhuak chu ka hru leh tawk a

'vawikhat tal chu chu ka duh tiin ka ngen tawh che u em,phurrit ang a min ngaihtheihna tur in kan neih bak in lak ah ka ngen tawh che u em,ai ka la ngen Miah lo che u chuti Chung chuan in tan phurrit ka lo ni tho a ang,chuan ka tana in thawhrimna te hrelo a ka lo tih zah thin avang che u in pawi ka ti'

' vawikhat chauh bawihte ka hmangaih che tia min kuah kha ka lo beisei ve em em thin a mahse ka lo beisei sak lutuk a nia nge' ka sawi zawh rual chuan in Chung lam pan in ka kal a

'Isabella' tia ka nu in min lo ko ri pawh chu hre mahila ka ngaihven zui tawh lo

Room ka luh rual chuan Hlutei call alo lut nghal a ka nui sak,ka rilru hah lai ber in min hnem tur in alo lang nghal zia

Mahse phone ka chhan ruala ka thu hriat avang chuan phone chu chhuat ah ka thlauh leh nghal,ai nilo dawt a ni Hlutei'n min kalsan thei lo ai ni lo min rawn fiam mai mai a ni

Ka phone chu chhar leh in in ka luh hma hret a Hlutei massage rawn thleng ka en tak loh kha ka en a ' Isabella he khawvel hreawm tak a nangmah a awm tur a ka kalsan che avang in pawi ka ti' tih chu ka chhiar a,ka chhiar nawn leh thin mahse a danglam thei Chuang lo

Ka bag a damdawi ka ah ho chu la chhuak in avai in tui nen ka ei ta a,keipawh he khawvel ah hian ka awm duh tawh bik lo a ni

Ka lam pan a mi rawn kal leh 'Isabella' tia min ko ri chu ka thil hriat hnuhnung ber a ni" tia sawi tu chu mittui tla zawih zawih in ka en reng a

"I thiannu boral ta chu pawi ka tih pui khawp mai che" a kut chu vawn sak leh in ka chul a

"Ka lawm e" a mittui chu hru hul in min nuih suk a

"Ka lo va lut hmasa a nge" a thut na atang chuan a ding chhuak a

"Awle,atlai tawh alawm va lut rawh" kei pawh chu ka tho ve nghal a,kan in thlah fel hnuh chuan inchhung lam pan in min kalsan ta a

Fahrah in atanga seilian ka nih avang in ka hringnun kawngzawh hi a hahthlak ve thei em em a,vanduai ka in ti thin em em bawk mahse Isabella-i thil tawn lak ah chuan ka thil tawn te chu engmah tham ala ni lo

Isabella-i chunga thil thlengte a nu leh pa in an hriat chuan an fanu an lo ngaihthah lutuk kha an in chhir hle a,apate a pawh an fanu chunga a thil lo tih avang in police an man tir bawk a ni

Isabella-i Chungchang a ka ngaihtuahna a lo awm chu ' nu leh pa kar a fahrah ' an lo sawi thin kha a ni

Khawvel mit hmuh ah chuan kei hi fahrah chu ka ni ngei mahse min enkawltu te chu nu,pa tiin ka ko a,an hmangaihna zawng zawng kha ka dawng bawk mahse nu leh pa nei reng si in Isabella-i kha chuan nu leh pa lak atanga kan dawn tur ang te chu a dawng ngai lo,chuvang chuan fahrah nun nen a nun kha a danglam na ka hre lo

An fanu an hmangaihna avang in nasa tak in an thawk a,mi dang awt reng reng a a nun a hman an phal loh avangin theihtawp in an thawk a mahse chu chuan an fanu nena an inkar ah khi zau tak a siam phah ta a si

Kan nawmsak nan sum ringawt um a kan thawh nasat lutuk avang in mi tamtak chuan an mahni in chhungkhur ngeia thil thleng pawh an hre lo fo a,chuvang chuan chhungkaw tam tak an keh darh phah thin

Isabella-i'n in tih hlum a tum a a rilru a lo awm 'tlai ngailo PATHIAN' tih kha a dik a ni,kan PATHIAN hi a tlai ve ngai lo,kha Zan khan Isabella-i thil tum kha Pathian in Hlutei hmang in alo dang niin ka ngai a mahse Hlutei erawh a harsatna te tuar chhuak lo a aboral erawh pawi ka ti tak zet

Tun ah chuan Isabella-i pawn councelling class te kal in,PATHIAN alo rin dan te chu a dik lo tih hre fiah chho zel in hmalam pan tur in Pathian chakna ring in ke a pen tawh zawk a

Eng tik ni ah emaw chuan he tleirawl hi mi ropui tak ala ni ngei ang

.........A TAWP TA............



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)