VALENTINE'S DAY THILPEK HLU LEH ROPUI CHU BY Remremi Chhakchhuak

Ngaia
Site Admin
Posts: 18313
Joined: April 30th, 2016, 4:07 pm

VALENTINE'S DAY THILPEK HLU LEH ROPUI CHU BY Remremi Chhakchhuak

Unread post by Ngaia » February 28th, 2021, 11:30 am

059morkx.jpg
VALENTINE'S DAY THILPEK HLU LEH ROPUI CHU:
Remremi Chhakchhuak

mi pahnih in ṭhian ṭhatna ata hmangaihna lo piang chu, engtin nge ni zel in hre chak em?kan hrilh ang che u aw..

Vawin chu Valentine's day a nia nimin khan naktuk chu School chawlh a ni dawn an tih kha maw, School kal ni a nilo bawk a tiin roomah naupang test paper chu ka chek mawlh mawlh a,mit a kham duh phian mai,Naupangte enkawl leh an thiamloh te thiam tura zirtir hi nuam ka ti a,naupang rilru thianghlim tak an nih a vangin in sual emaw in hauh chang lo neive thin pawh nise reilo te ah an nui thlang leh barh barh thei a,a chiar niah niah thin te hi hriat nuam ka ti tlat bawk.

An hmuhnawm in zirtir an nuam em a,naupangte e tilo hian thu an awiin zirtirtu zahdan an thiam zek leh nghal,kei naupang ngaina mi tak tan hi chuan zirtirtu hna aia thlan tur hi ka hre meuhlo chu ani.Ka thawhpui dang te nen kan in pawh em em mai bawk a.a nuam hi ani tawp mai,Teacher nihhi ka thil chak ber thin anih vangte pawh ani ngei ang a nuam ka tiin naupang ho karah hian hlimna ka hmu theia, min ti chaktu an ni.

"Bawihi chaw ei ka peih tawh ania i hman tawh chuan ei ang hmiang" tiin kanu chuan minlo au lâng lâng a,la zo fel chiahlo mah ila chhungte ruala ei hman lo khawpa hna khawih thin mi ka nih loh avangin ka chhuak phei ve vat a,ka u leh kapa hna thawka an chhuah daih avangin kanu nen chauh chaw chu kan kil dun a,chaw kan ei laiin "Bawihi Rsa alo chho dawn lo em ni?" A tawp dat a,lainatna mitmeng chuan min melh kar a,Rsa nen kan in kawm ngeih zia hretu ani tlat ani"imm an metting dawn sia alo chho hmanlo",lunghnur ru zet chuan kati letve salh a,ni e mahni in tum tum V day chu ka hman a ngai dawn a ni.

Kum dang ang kha chu nise ka ṭhian tha leh ka engkim ni bawk Rsa nen hian kan hmang dun leh anga, hlimtaka awmin ni kan vui liam leh mai tur ,mahse kumin chu keinah chauvin ka hman angai dawna chu chuan min ti hnual em ani..

"Bawihi tlailam chu ,Rsa nena in chawlh ṭhinah khan valentine's day pual liau liau in Programme a awm dawn asin,Zai te leh Story ngaihnawm tak tak te chhiarna hun an nei dawn a a nuam viau ang",tia min veh thlempah deuh si a a rawn sawi chuan kal ve ngei turin min duh tih ka hailo khawp mai ka nu hian ka hlimna a duhzia leh min hmangaihzia ka hria a hnial pawh ka tum lemlo.Rsa a awm dawn lo nen khawhar taka hman ai chuan anuam zawk mahna!

"Awle,nu chhungkua in kal ila kan chhungkua a kan chhuah ho lohna pawh a rei tawh lawm ka tih chuan "Nia i U pawh a phur teh ania,i peih tih an hriat phei chuan an phur leh zual ngawt ang"tiin phur hmel fe chuan min thawhsan ta daih a,chhungkua a chhuah ho chu ka duhlo tihna ni lovin Rsa tel ve thei lo tur chuan min ti chak hlawl lo ani.

A hna avanga Valentine's day meuh kan hmang dun theilo tur ka ngaihtuah chian phei chuan a hna chu ka haw ru hluah hlauh a,mahse chutiang ngawt ani thei bawk silo.,Rsa chu ka ngai em em a,a ni nen a kan chawlh ṭhinna hmun ngei mai a keimah a ka awm tlawng tur chu ka in khawngaih deuh tlat ani,'Rs ka ngai lutuk che'tiiin ka hriat tham leka ring chuan ka phun chhuak sap a.

Rsa hian naute tih hlirin min koh mai thin a,ka chhungte pawh hian ngaiah an nei tawh ,ka ṭhian ṭha ber ang chauva ka en emaw ka tih laiin hriat loh karah ka lo lut thuk hman tawh em em a,ka in hriat chhuah meuh chuan alo tlai tawh lutuk kan in thian thatna achhiat hlauvin ka thinlung ka control angai a,engtik lai pawha ka in ven reng angai bawk.

Min duatin min care thiam em em a, abialnu ang tak taka min treat ṭhin vang leh mipa dang lakah min hauh natsat em ṭhin vang te pawh ani ngei ang ka hriat loh kar in he ka ṭhianpa ṭhiana zawnga thian fel ber mai hi kalo Hmangaih reng tawh alo ni,ka duh lutuk avanga ka ngaihdan kalsual nge pawh ka chiang ngam lo amah pawh hian min duhve tho chuan ka hria a,mahse a sawi chhuak hmasa tu nih kan hreh tlat hian ka hre ṭhin,keipawh ka báng chuanglo kan in ṭhian ṭhatna hi ka ti chhe vek palh ang tih ka hlau em ani.

~~~~~~~~~~
Kum dang a kan tih dan ṭhin ang bawkin Valentine's day ni chuan Rsa thianpa mapuia te Restaurant ah chuan Rsa nen kan thu leh ran tawh a,ei tur kan lam te alo thlen chuan ka ril lo tam ru ve tawh bawk nen ka ei nghal mawlh mawlh a mahse ka ṭhiana hian ala eive miahlo thil pawimawh tak min hrilh duh nei hmel a pu a,chutih rualin a hreh hmel em em lawi si..,

Boruak chu hip lut kawkin "Naute ka Hmangaih che ka Hmangaih lutuk che chuan nangpawn min Hmangaih tih ka hria..in zep buai tawh lo mai rawh"a rawn ti chhuak pawp a,min ti hamhaih vek thei,eng emaw tal asawi leh dawn emaw tiin ka ngaichanga mahse ngawi ngúlin min thlek reng mai bawk si " ih Rs ka..ka.." Ka tih bah nawk nawk lai chuan min pawt hnai thutin ka hmui chu ahmui sexy zet chuan a rawn kharhnan nghal zat a.

Rei tak ka nghah hnu-ah ka thinlung ang apu ve tih chiang takin ka hria a ka lawmna hian a ler a thleng chiang khawp ma,ka thiam ang tawk chuan ka chhanglet ve a mahse ka zeiloh zia chu pui tak a ni,rei fang kanin fawh vawng vawng hnu chuan Rsa chu a in la hrang dat,"Naute min hrethiam lawk" tiin thawk ala kawk a keipawh ka lungphu chu a rang vet vet khawp mai.ka in sum theihna ka hlauh hman ṭhelh a ni,kan ṭhutna thlemin a kil ve deuh avangin tumah phei chuan min ngaihsak lem lova,

"Naute naktuk mai hian ka zin a ngai dawna hna thil ah kum 1 emaw kum 2 pawh ka awm a ngai maithei a mahse hun ka neih veleh ka lo haw ziah ang chumi chhung chu minlo nghak reng rawh aw,ka awm loh hlana midangin min laksak ka hlauh em vang che leh chan hlen che ka hlauh vangin a nia Ka Hmangaih thu che hi hrilh vat vat che ka duh ni i thei ang tiraw?"a rawn ti zàwi sup a.

Ka hnual nghal rawih rawih thei tunah kanin hmangaih thu kan in hrilh tawn chauhva naktuk ah min kalsan nghal dawn chu a ni sia,a sawi zawng ringawt pawh chuan ka hnual ruiha ka ngai nghal ringawt mai ani.mahse enge tih theih ka neih chuan kallo turin ka ti thei lova keimah avanga ahna bansan turin ka ti ngamlo bawk,a hna hi a tan a pawimawh zia leh nuam atih zia chu kei aia hre chiang tur an awm kher lovang,chuvanga dan tumna rilru pawh pu ngamlo ka ni,

"Naute min nghak thei ang tiraw?tiin beiseina mitmeng ril ruih chuan min lo en renga a hmel a lungngaihna in phumru chu ka hmuh hmaih biklo,"Imm ka thei ang ka thei ngei ang kalo nghak ang che mahse lo haw zeuh zeuhla aw ka ngai dawn emai che" in sehruk teuh chung chuan kati chhuak ve thei hram a,ka kuah nghal tlawp in hnit faih faih chungin nghet thei ang berin kan in kuah a ka ngai dawn lutuk hi tawrh dan ka zir a ngai ngei ang.mahse kan pahnih tan a ni tih ka hai biklo a ka dang duh biklo.

A tawi zawngin ti khan a hna thil a vang chuan Phailam ah chuan a awm ta reng a minlo be áwllo va video call in kanin be reng tho,Valentine'day ni a lo chhoha hman dun ngei kan tum avangin hun a nei silo bawk nen hun in siam chawpin Valentine'day aia ni 2 a hma in alo chho thei hram a, ka ngaih em em na leh Rsa pawn min lo ngaive ṭhin hle tih ka hriatna chuan kan in kar chu a ti par vul chúk thei a kan bul ṭanna Jenet rastaurant ngei mai ah chuan kal kan tum ruh hle bawk.

Valentine's day ni hman dun kan tiam tawh a vangin School pawh ka kal theih rih dawnlo thu ka hrilh a minlo hrethiam leh ngei mai,a hmingin nula te ka ni ve sia..he hee..ei tur tui tak tak kan ei a,tun tum chu kan Bike veve kan lek chhuak tawh bawk a,a nuam viau bawk.kan thil ei zawhin kan ride nghek bawka nuam dangdai tak a ni,a tuk mai a chhuk thla leh tur a nih vang pawhin vawin chu nilenga a kianga awm baka thlakhlelh ka neilo,Tlaini thla tur thlirin in kuah rialin kan thu a,a mawi zia mai chu kan tan bik liau liau hian he ni pawh hian a mawi zia a pholang ni hian ka hria.

Mipa leh Hmeichhia in ngaizawng ni bawk ah chuan in kiss tih vel chu tih ngei ngei tura ngaih a nia,kan in hmangaihzia lantirna atana thil pawimawh tak pawh a ni,Ni e a ai a thui pawh in hiptawn na nasa tak kar ah chuan kal zel te pawh a awlsam a ,mahse maw he ka Bialpa ka hmangaih na leh ka duhna chhan ber 1 chu a in sumtheihna hi a ni,

Kan awmdun changa a in sum nasat zia te pawh hi ka hriatthiam pui a, kei ngei pawh hian insum chu harsa ka ti ṭhin... tlukluh mai chakna a awm leh ṭhina mahse kan hmangaihna chuan a do let ngar ngar a chakna achang ṭhin... In sum harsa khawpa boruak kan tawn apiangin amah zawk hi a in la hrang nghal thei zel a, a in thunun theihna leh ahun hma a ka zahawmna min laksak atum ngailo hi ka hmangaihna ti zual tu ani.

A kal dawn a a thu min hrilh kha kala hre reng mai,a thlen hun nghakin beiseina nen ka thlir reng ani.

*Naute kum 1 chiah min lo nghak lehla kalo haw veleh kan in nei anga i kiangah ka awm reng tawh anga ka kalsan tawh ngailo ang che pumkhat kan ni tawh ang. Ithianghlimna pawh chumi hun a tan ngei chuan tiin kan in thlah liam kha ania,lenna tlang dangin mualza kardan ah leng mah ila kanin hmangaihna hi engmah hian adang zolo.. ka Hmangaih a min Hmangaih chhung chuan engkim kan ti thei a engman min tibuai thei ngai lovang.

_____&______
"Bawihi ila in siam na nge kal a hun tawh a nia,"" tih rí ka hriat chuan ka ngaihtuahna ram atang chuan ka harh chhuak zawk a,phur rulo zetin ka in siam ta nghal a. Rsa kal rual khan School a ka thawhpui Marini bialpa pawh kha a chhuk thla ve a,Marini bialpa kha chu alo haw tur thu kha marin in asawi ngei a, Rsa ka hmangaiha erawh meeting an neih dawn a vangin alo chho ve theih dawnloh thu min hrilh a,Zinga messege a minlo wish bak minlo la be lo bawk,an meeting vang pawh a ni maithei.

Ka Bike R15 chu hrufai hlarin ka start nghal a ,he Bike hi chu ka awh ber thin ani bawk a duat pawh ka duat viau reng ani tuman min khawih pui ka phallo bur bawk.ka u Siamtei chu phurin ka nu te erawh carin a kal ve thunga ka hmangaih nen kan tual chaina hmun lam pan chuan kan tlan liam ta ani.

Restaurant kan thlen chuan ka kà ho nghal thei kum dangah hetiang khawp hian an chei mawi ngai miah silo ti rilru nauh nauhin ka thlir dauh dauh a, ballon chi hrang hrang love sign colourfull sen ngei chu tar tlar dulin leh pangpar chi hrang hrang mawi taktak in Rastaurant chu anlo chei a, a mawi zia chu pui tak a ni ringawt ,kawngkhar chungah,Happy Valentine's Day tih chu lian mangkhengin an tar bawka, chupawh chu thlir reng tham khawpa mawi ani.

Eitur tui tak tak an siam a,in tur pawh a tam narawh e!!,awi! Kka hawi kual a ka awilo hial zawk... School a ka thawhpui te ho chu an lo awmkim vek a nih chuh!! Mak ti ru viau siin mak ti ang taka lan ka tum eihlo thung.. Andinkhawmna lam chu pan phei vutin "" He laia in lo kal duh vang lekhi ani maw chawlh in rawtna chhan keimah chauhvin ka hrelo leh ta"tiin ka in sawh tau nghawng nghawng a.


"Hei Naute lian nangma tan vek a nih hi Surprise " Tih leh Cake chu ka hmaiah rawn tah an rual zat a ka theih ang tawka lo in dang ve in "hei duhtawk teh u min tat pherh vek a nia,"tia ka au chûl takah chuan an duhtawk ve hram a. Lunghnur sa nen mood pawh a chhe vek thei.ka hmai zawngzawngah leh ka sam ah te nen ka pherh nuaih mai a, makeup thlem ka in bel te nen lam a chhe vek,Wash room ah in tifai turin ka kal nghal vata,ka thinrim hlur bawk.

Ka hmai phih mawlh mawlh pahin pawnlam programe a Story an chhiar te chu ka ngaithla a,pakhat tete in anin koh zel a an hmangaih te bula an thusawi duh te mike hmangin an sawi zel a, a then chu anuih zatthlak thei khawp mai..ka thiante ho pawn an sawi liam liam a,an hmangaih te tana thu thawn an chhiar lai te chuan Rsa chu ka ngaihtuahna ah alo lut vat a,ka ngai thar leh zual em em bawk. Min hmangaih thu au chhuah puiturin awm vese,a hma ah ngei ka ngaih thu leh ka hmangaih thu sawive ka van chak tak em,.mahse chu ka beiseina chu beiseina beidawntlak mai a ni tih ka hailo.

Ka lu thingin ka ngaihtuahna vak vel chu tih reh ka duh a,ka hmai ka makeup reh vek khawpa cake amin tahna chu ka chei kual peih tawh lo law law,awm tlawng ila ani mai tumah hmuh tur an awm chuanglo..lipstic chu in hnawih tawpin ka chhuak phei chiah tihin Rsa ang tak mipa in khai thli zaih mai dawr chhunga lut tur chiah chu ka hmu hman zuai a ka um phei nghal vat a, mahse ka hlauh daih a nih chu mi antam bawk nen,hmuh ngaihna a awmlo bawk a ni,

Amah ngei ni khan ka hria a mahse a nilo maithei bawk,awmve se ka tih luatah ka hmu sual mai mai a niang, chu bakah awmse chuan min rawn hrilh hmasa ber ngei ang'tiin ka in hnem chawp leh a,Marini chuan thawk leh khata min pawt phei lawp in a bialpa nen min in chibai tir a,Rsa lo chho ve theilo pawi a tih thu te chu a sawi ve nual a,ka rilru te te chuan 'nang ai mah hian pawi ka ti daih zawk'ka ti ru malwh mawlh a.Thawm bengchheng leh ri nuai nuai chu ka ning takzet mood lo fuhlo deuh bawk nen phei chuan ka luak a ti chhuak hnúr thei,

Marini leh abialpa hnenah chuan in tih thawven ka duhthu sawiin ka kal sawn daih a,mahse rí nuai nuai karah chuan ka nun chu a malin a ruak ngawih ngawih thung si,tu ma min tih buai theihlohna hmuna awm bo daih ka chak em vangin ka bag atang chuan Bike chahbi chu kala chhuak a, ka Bike parkna lam pana ka pen tur chiah chu ka hminga min kohna aw avang chuan ka ding chawt a.

"Naute,ka naute~ chu aw chu! ka hmangaih Rsa aw ngei a ni,ka hawilet vat a, stage angreng taka an siamna dawhsan lam chu ka en a mahse a hmel hmuh tur a awm silo,ka hresual emaw ka ti hial a.. ngati nge heta awmve tur ang tlata ka ngaih tlat le,tiang em em hian kalo ngaiin kalo hmangaih a nih dawn hi.' Ti rilru a kal leh tum a ka in her chiah tih ah mike atang chuan mipa àw hian..

"Tunah chuan Nautei tana Rsa lehkha thawn ve thung; a rawp dat a..

kha thu kha ka hresual leh em?Phawk fe a hawi let vutin mike lo vuantu Hruaia alo nih avang leh min rawn nuih deuh sun sun avang chuan ka hresual tawhlo tih ka hre thei,(hruaia hi Marini bialpa kha aw)min rawn huiin mipui pawh ka lam an rawn hawi zat a, an then thaw leh nghal...

"Naute,Happy valentine's day reitak ka in nghahtir che avangin ka tihpalh,he taksa hian a hlat thin che a,mahse ka thinlung hlatah erawh i awm ngailo asin.. nang chauh hi ini ka rose par mawi em em mai chu... karhlatna hian i tana ka rinawmna min fiah sak a,,nang chu ka lei rohlu ka khawih theiloh,ka lei vantirhkoh mawina zawng zawng kawltu ni awma mawi leh duhawm i ni asin... ka naute ka hmangaih che.

Chu lehkhathawn a chiar zawh rual chuan eng chu a thim thut a,mipui phun mur mur thawm chuan a zawm nghal bawk.Rei lo te hnuah chuan rawn eng lehin ka mi hmuh avang chuan ka thi danglo chauh,!ka hmangaih Rorelsanga ngei mai chu ka hma ah thing thi-in zungbun chu a rawn lek kang vah a,Rsa ka hmu thut chu ka hrilhhaiin rin mai harsa ka ti a,ka mumang emaw tiin ka in sik ru a, ka mit ka nuai deuh thuak thuak bawk.mahse a bo theilo miahlo..


"Felyna zohmangaih ka nupui niturin ka duh che min nei duh ang em?" Tiin a rawn nui sak a,khawvela àw mawi ber ani hial ang ka lawm zia chu ka au chhuaklo chauh a ni,ka nu te ṭhutna lam kava hawi phei a,kanu chuan then thaw a alu lo bu zeuhin,pawm ngei tur chuan min rawn signal nghal a..keipawh thinlung hlim em em a Rsa chu ka kut pe in "" Aw ka nei ang che"ka ti salh a,mipui au thawm ríin azui zat bawk.

Ka kutah a zungbun ken chu rawn rwh lutin a fawp vang vang a"ka hmangaih lutuk che "tiin min rawn kuah nghal thlawp a..keipawn lo kuah let vatin ka hlimna vawrtawp neitu ni hialin k in hria.ka nu chu kan lamah rawn pheiin a rawn nui vur vura"Bawihi hemi vang hian a lawm heta kan hruai che heta awm chin hi chuan kan hrevek a surprise che kan duh vang a nia,engkim hi Rsa leh i thawhpuite ruahmanna vek a ni,"tiin min hrilh a,midang ho pawh anlo bu liam liam nghal.

"Ka hmangaih che Rs i van duhawm tak" tih leh lawma vanga bianga mittui luang chungin Rsa chu ka kuah leh vawng vawng a ,"surprise ropui tak ani"ka ti sap a..ka ngaih em em pa ka kuah a ka dek leh thei hrim hrim chu ka lawm em ani.chutih rualin au thawm pawh a ring ṭha hle a, min lawmpuina thu min hrilh chamchie bawk.

Rsa mitah tak en chungin"ka tan chuan Valentine's day thilpek zawng zawnga hlu ber leh ropui ber.. ka hmangaih ber nena kan in zawmna leh intiamna zungbun ngei hi ka bun reng anga ka phelh leh tawh ngai lovang"tiin ka nuih sun sun a. Rsa pawh chu rawn nui ver verin lungchim takin kan in fawp ta vawng vawng mai ani.

THILPEK A ZAWNGA ROPUI LEH HLU BER CHU.
HMANGAIHNA HI A NI.

The End



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)