I CHÂMRENG MAI... BY Lalremruati Nunui Hnialum

Ngaia
Site Admin
Posts: 18313
Joined: April 30th, 2016, 4:07 pm

I CHÂMRENG MAI... BY Lalremruati Nunui Hnialum

Unread post by Ngaia » March 1st, 2021, 8:24 pm

kbvr1pux.jpg
(Competition 2021)

I CHÂMRENG MAI...

Nui ri hak hak ka hriat chuan ka mut hmun aṭang ka thinrim hlar ringawt,ka nau Ruth-i leh naupang ho an ṭawng leh nak nak tih ka hrethiam nghal mai,naupang tih tak ah thawhtlai palh châng nei ve ṭhin mahse an tho hma em em reng mai zel zing 5:00 am arik tawh hi chuan an in perh tho nghal at thei zel....

Ka khum aṭang an ṭawng ri ngaithla in ka muhil thei tawh silo leh la tho peih bawk si lo chu mitchhing in ka harh kar mai ka chau em em lehnghal ka room kawngkhar in hawng ri rak in ka nu alo lut a "Mate tho tawh ta che inkhawm angai ania"tiin ka puansin alo hawng dek dek ka nuih var var.

"Nu vawiin kha Baptisma channi ani lawm ni Mama kha achang ve dawn nghe nghe in ka hria"tiin tho ta mai lo chuan ka zawt ve nghal zat, "aw chang dawn anu in a sawi tak kha mawle"tiin minlo chhang vat ka va peihlo si ve.

Khum aṭanga tho chhuak in ka in tifai nghal zat,ka lu lah chu ana et et leh nghal nizan damlo kan tlaivarpui vang ani pakhat,inkhawm loh ka tum viau na in vawiin Baptisma channi alo ni kher nen ka nau( cousin)a tel ve dawn si a.

Unau pianghmun nilo mah ila kan in ngaina in naupang zâwk e tilo hian mi hi an ngaina der em em a,farnu anneihloh vang te pawh ani mahna,min ngaina tu na na na huat thu awm bik suh keipawn ka theih ang tâwk chuan ka duat in ka enkawl ve bawk.

Chaw kan ei na vel ti fel vat vat in inkhawm tur in ka in buatsaih nghal zat, ṬKP ah ahming in Treasurer nihna ka chelh ve mêk a,mihring indaihloh vang nge ni Junior department ah zirtirtu ka la chelh ve fan bawk.Ka lawm em em rual hian a in thlahrunawm duh ṭhin mange ka ti rauh rauh ṭhin.

Ti chuan inkhawm bân ah Baptisma chang tur te chu hun an hmanpui a hetiang anih vang hian Sunday Sikul pawh a awmlo,Pathian zar ah dam han hauh phawt ila karleh lam ah ani mai aniang chu.

Atuk Thawhṭan ni alo her chhuak leh a,angai te bawk in ka nitin hna lam ah kal tur in ka in buatsaih leh,Private school ah ka thawk ve a awm mai mai ai chuan inchhungkhur azawng aza tum thei dawnlo mah ila tlemtal ka lo phuhrûk ve theih tâk mial in tih thil ah ka kal ve ani.

aharsa em em hranlo a,hna nise atam em em ngailo nen anuam angreng phian ṭhin.A awmna hmun hrim hrim hi a thlang deuh anih avang erawh chuan kal leh haw hi motor neive ta lo chu a hrehawm lek lek ṭhin mahse taksa sawizawi pah animai tiin ka ṭhiannu tetei nen kan kal ve ṭaûh ṭaûh ṭhin

Zan dar 7 : 30 vel arik chuan ka bialpa Bz-a pawh alo leng ve leh abuai thei si a ka khawngaih ṭhin,Computer instructor niin amah in Institute anei thei bawk.

hausa lua nilo mahse ama thawh chhuah ngei hmanga chhungkua a chawm thei te hi ka hlim ve em em zel,kum hnih(2) lai kan in zui ve tawh a afel in azaidam em em bawk,zan lam ah lo hi chuan in hmuh akhât thei si a keimahni buai buai in chhunlam ah kan buai ve zel bawk nen kan in hmuhtawh hi chuan kan in ngai thei teh e.

Ka nu leh nau te ho an mut hnu chuan eng emaw thilfûn dum hi lo lek chhuak in "vawiin ah bazar ka kal pelh dawn laiin hei hi anlo zuara ka lo leisak che a" tiin sarang dum chu min pe a ka en nâk chuan kawr kobah ni chiah silo ban bul deuh te mawi fahran lo hi alo ni a, ka nuih aza angreng viau mai inti thinrim der in "engah nge hetiang kawr ṭhing lutuk te ilo lei rêng reng hak pawh ka ha duhlo" tiin ka ner nasa mai ani lah chuan "azuar tunu in hetiang hi hmeichhia chuan an mamawh alawm,kawr hnuai ah an hak thuah duh ṭhin a" i mamawh ka lo ring asin ala ti ta deuh deuh a.

Senior lam ah tiang te chu a tiin lawmthu ka hrilh ve nghalzat, athlawn liau liau leh min duhsak vanga minlo lei ve ṭâwk ṭâwk ania, mawi ti lo viau mah ila aleitu hmai pawh azahawm alawm mawle.Thingpui te lumsak in abul ah ka ṭhu thla ve nghal zat,ani pawn ka kut lo vuan ve vat in a chûl hliau hliau a amit meng te chu damlo ang mai niin ka hria a nguai deuh tlat a bakah ameng dûl deuh bawk nen a palian ve si a ka en chho hâ mai.

"Naktuk chu Aizawl ah ka kal dawn a" tiin ka zawhtur hria niawm hrim in minlo hrilh vat, "enge itih dawn tihtur pawimawh inei emni"tiin ka lo chhâwn vat, "aw office thil pawimawh ah ania" tiin minlo chhang ve nghal zat,ka lung aleng sa tlat.

Hmun hla deuh a min kalsan tur anga hriatna ka nei .Akhai nula ah pawh nula tuaitir pawh ni tawhlo lehnghal bakah Aizawl ah chauh alawm akal dawn tiin ka ngaihtuah na chu tihbo tum in ka lu ka thing nar nar, "enge i ngaihtuah leh tâk a,i bul ah ka ṭhut reng lai pawn i ngaihtuah na chu i thlawh bo tir daih a" tiin anûr nasa mai.

Nui var var in "enge minlo hawn ang Aizawl aṭang chuan?"tiin zawhna ka zawt daih,ka lunglen thu erawh ka sawilang duh biklo, "enge hawnsak tur che a min duh keimah hi atawk mai angem" nui chunga a tih chuan ka nui ve tawp "

Apawilo ka duhber chu namgmah ini alawm" tiin ka lo chhang let ve vat, ka kut la kâng in a hmui ah chuktuah in afawp vang vang "ka ngai dawn hle mai che" tiin ril ruih hian min en a "keipawn ka ngai dawn lutuk che lo haw leh vat rawh aw" ka ti sap.

Aizawl akal na pawh ni thum lai ani ta, phone call leh message chuan kan in be âwllo a,ka ngai takzet tunṭum azin chu keimah zawk hi ka diklo tlat,zan ah mut hmun ah kan in be leh char char chhun lam ah ahna thil vang in abuai ṭhin êm avang in kan in be hman ngailo zan erawh a hman har ngai hranlo a kan in be reng reng ṭhin.

"ka lo haw hun chu chaw lo ei rawh aw" tiin kan ti ti lai chuan alo sawi a. "Aa...ka ei reng reng ṭhin tho a a zahthlak" ti a ka lo chhan chuan "ilo ei ngei angai ang ilo eikhat tlat tunlai chu" tiin minlo chhang thung.

Damtak in alo thleng a,chaw pawh ka ei ta ngei e, ka eiloh ahlauh êm avang in alo thlen tlai chuan hah pawh sawilo in minlo hruai vang vang a ka lawm rual in ka zak deuh tlat senior ve fû tawhmah ila ngaia neih erawh ala har ṭalh mai.

Kan in ngaihzawn thu hi kan chhungte ve ve pawh in min hriatpui vek a "enge i zah kan in inneih hun chuan chhungpuinu ber ini dawn asin zah tih kha chu paihbo daih rawh" tiin nui suk suk chuan min en chhuk rûn mai, "lâi zet in chutiang lo sawisuh ka ti vak ringawt" nui hmel pu hû in in chhung kan lut.

Kan in zuilût chu anu Masiami leh nula tleirawl te anlo awm a, tiila an pathum bâk hi an awm chuanglo.

Bz-a hian unau pianpui pathum neiin amah hi a upa ber a nau pahnih mipa ala nei bawk anu hian dâwr té neiin a nghak ve ṭhin keimah ang bawk in apa in a boral san ve tawh a anu leh anau te hi chawm in a enkawl ani ber a chhungkaw khaipa ber chan achang ta ani.

Anau te pahnih erawh khawtlâng tan a mi hnawksak kan tih mai ruihhlo leh akaihhnawih hming lam tawh a an hming tel ngei ngei te anni a,an bul ah pawh an awmthei meuhlo achang leh jail ah an lut a,achang leh ruihhlo vei te enkawl na ah achang leh camping ah an lut thul chhungte tan chuan hrehawm duh dawn tak ani.

Bz-a pawh hian an in thlahrun phah ve fo ṭhin engtin nge hetiang em em hian unau hi alo in anloh theih tiin ka ngaihtuah ve rauh rauh ṭhin.

Rei ṭhulo in an nula hruaii nen chuan chaw ri kan siam nghal zung zung a,chaw ei kham ah thingpui hâng hruai'n lumsak tuma a tho tharh chu "keiman ka lo ti ange i buai bawk si thlengsil pui ka tum che lah in i phal silo a" tiin ka chet khalh a kan in luhpawh ngun ve tawh bawk a ka bangbo lutuk bik lo.

Thingpui an in zawh hnu ah "i tlai lutuk ange Akim ka thlah phawt ang che chu" tiin Bz-a pawh chu a tho nghal a kut inkai rial in kan kal dûn a a nuam ka ti tleirawl in ngaizawng hlim te pawh kan ang alawm mawle.

Akim "kumthar lam chu inneih lam te hi kan hawi ve tawh dawn em ni?" tiin min en chhuk rûn a ka hau in ka lo en thung "tunkum chu alak lawh êm a hei kum atawp mai dawn sia hetia inzui reng ringawt chu inneih ka duhtawh ani" atih zawm leh nghal a.

Ka duh lutuk anupui nih bâk châk ka nei reng reng hleinem mahse ka nu leh ka nau hi ka ngaihtuah ani,ka nau hi tlem in han puitling ve deuh se College tal hi han kal ve phawt se ka ti ani.

Ka ngaihtuah na hria ni awm hrim in "lungngai mah ta che inu leh inau chu ka thlahthlam hauh lo ang ka mawhphurh na leh ka chhhungkua ah ka la lut vek tawh asin"tiin dam thluam hian min en a.

Chutiang ringawt ani thei hleinem pasal neihtawh chuan chhungte tlawh reng te ka nu hian aremti hauhlo ang kan tleirawl chhuah tirh in ka nu hian athiam dan in min hrilh fo ṭhin.

Rilru put dan hi har ka ti anupui nih a ka pasal anih tluka duh ka nei lo mahse sawi leh sawihnu ka chhungkua ka ngaihtuah ve tumhrang si a,min nghak leh rihrawh tih pawh ava in thlahrun awm duh tawh ve min hmangaih tih chu hre tho mah ila ka hmaizah ve ani.

"Awle ka nu te pawh ka lo hrilh anga aw" tiin ka chhang ta zawk a ahlim hmel kher asin ṭawngka in tlak duah ṭhin mi anilo na hian amitmeng leh a chetzia hian a hrilhfiah em em thung.

"Awle in i thlen hun ahrilh nghal rawh aw nupui neih vat vat ka chak tawh nghahrei pawh ka duh tawhlo"alo ti vat vat a a phur lutuk leh hlim hmel te chu hmuh hrehawm ava nilo chiang êm!, ahlim hmel te chuan minti phur in ka chhungril tak in ka hlim veng veng mai.

In kan thlen dawn chuan min pawm vawng vawng pah in "ka bula i awmreng chung pawh hian ka ngai che" ati sup nui hak hak pah in "keipawn ka ngai em em reng che"ka lo ti ve zat "ka chal ah fawp vang vang in lut tawh rawh le i hritlâng palh ang" tiin min thlah in mangṭha in keipawh ka in chhung ka lutzui mai bawk.

In chhung ka luh chuan ka nu leh ka nau in TV anlo en dûn a "ipuar bawk maw iva lo haw hma zawk ve" tiin ka nu in minlo zawt vat "ka puar lutuk in eikham na arei tawh em?" tiin ka lo zawt let thung "reilo e lo ṭhu hahdam ve rih ta che"atih chuan ka ṭhu thla ve nghal zat.

Bz-a'n inneih a duhthu vel te chu ka hrilh a."Ni e a âwm ve tawhreng mai Bza pawh khan inneih a duh tawhthu min hrilh tawh a" tia minlo chhan chuan phawk zet hian ka en "engtik ah maw a hrilh che?" ka tih chuan "sawi dawt ṭhinlo mahse asawi thawi thuak ṭhin alawm hriatthiam theih tur hian"alo ti leh mai a.

"Nu enge i ngaihdan inneih chu i phal tawh mai em ni palai chu lo tir mai rawh ka ti dawn em ni?" ka tih chuan "ka phallo ngai reng reng hleinem" alo tivat.

" A...Mate thla thar hian i putea te an rawn thleng dawn tak asin an châmrei dawn a chu mi hun thleng chu nghak hrâm ta mai che u keimah chauh a lo hmachhawn ai chian Mipa nge nge chuan min uap ve a " atih chuan dik ka ti riau mai " ṭha itih dan kha nimai Nu kan in zui rei ve tawh a thlakhat chhunglek chu kan nghak thei lutuk ang" tiin ka lo chhanglet vat.

" Ni e nghak leh hrâm mai rawh u aw hmeichhia ringawt a lo hmachhawn chu itan pawh ahmaiuan thlakloh emmai " tiin min nuih ver ver hetiang taka nu ṭha ka pianna Nu ngei ka damchhung leh thihhnu piahlam thleng a ka nu ni thei a Pathian in min pe hi ka lawm tak zet zet ani.

"A....i phûr emmai ka pawm leh lo mai ang" ti a ka nu in minlo fiam chuan ka zak angreng viau mai .Nu ka ti chiam ringawt.

Zan mut hmun ah Bz-a ka hrilh chuan alawm ngang mai " naktuk zan ah rawntirh mai ka tum tawh asin mahse thlakhat chauh chu ka in sum hram hram mai aniang chu " ati dam thluam mai kei ka lo nui kar kar thung, "min hrethiam zel mai aniang chu ka nu chauh chuan amah a lo hmachhawn kha azâm ve pawh ani mahna le hmeichhe âwmnem zawk tanafam chu" tia ka chhan chuan "ka hrethiam lutuk che u mahse rilru hah phah nan te khan in lo hman phah ang tih ka hlau khawp mai " alo ti leh khauh.

"kan veng ho chu an phu zawk maithei ani " atih leh chuan mak ti tak hian " enga ti maw ?" ka lo ti he haw a " engdang ni lo e mi hi an ngam leh lutuk a ka senior vang vek, tunkum aliam leh chuan Val upa tak tak ini tawhdawn " ti a mi chhaih zuk zuk hi an ching a "ka neih duhtawh che hi chu thuhran ka tlâwm la ve deuh tawh tlat" ala ti deuh deuh phei chu pum na ûrh in ka nuih sak.

" Kan inneih tûk ah kan awhfîk dawn nia" ka tih chuan anui ve hawk hawk mai...

Rei fe kan in biak hnu ah kan dah chauh atuk ka thawhtlai phah nghe nghe.Zing ka tho ka nu in " Bz-a'n engtin nge alo chhan che a thin arim em?" tiin minlo zawt ve vat kan in biak na te ka hrilh chuan "alawmawm chu nangpawh irilru siamfel rawh aw chuan tunhma aia i hah pawh angai dawn ani mawihnai taka thlah che ka duh dawn si a"ati siam siam a.

Ni thum lai aliam tawh Bz-a nen kan in be khat hlemai ka inpuahchah atalâng in ka lo ngaihven hman em em lo,zan ah minlo text chuan chhanglet vat in "minva be khat em em ve" ka ti tawl ka thinrim pah deuh tlat mi biak nachang hrelo reng reng mai.

"Aizawl ah ka zin leh a ka buai deuh a ka lo hrilh hman ta lo che ani" atih chuan mak ti zet in ka phone chu ka en "office thil ah em ni ikal?" ka tih chuan "ni deuh tho nilo deuh tho, thlaleh lawk aṭang chuan nupui nei ka ni tawh dawn sia ka tia inlak fit nan Gym ah ka kal tlut tlut mai " nui ti tih pah a atih chuan ka zak ram ram mai ka ngei tho bawk si.

"Tunkar ilo haw dawn em?" ti a ka zawh chuan "ka hrelo le naktuk Damdawiin ah ka kal phawt anga achiang ang" tiin minlo chhan zui.

Ka call nghak zat ani hi adamlo emaw ni a chhang thei reng reng lo lehnghal mai mai a ka thinrim ati zual ka call nawn tlut tlut pawn a la chhang thei chuanglo,whatsApp a lut in biak kan tum leh online a in ti kuau si emoji thinrim hmaisen ṭeuh ka thawn ta ringawt a seen nghal reng sia hepa hi mintih thinrim atum chiang ani.

"Ka awmna lai hi signal a chhe lutuk a tihpalh aw signal ṭhat na deuh ah ka lo be ṭhin ang che min ngaihtuah suh aw ka buai sia keiman ka biak hun che minlo nghak mai rawh" tiin minlo chhanglet ve nghal adamṭhat leh ṭhatloh ka zawh lah in adamthu alo sawimai si awm anuam zânlo..

Zân ka mu ka mumang chu ka duhlo kher mai khawilai nge tihpawh ka hriatloh ram ah keimah chauh in ka lo vakrawlâi a leivung thar sen vur mai ka hmu nasa mai si a,mut pawh achhuak thei tawhlo ka tiril akhur ru der der Bz-a damdawiin kal tum kha ka mang phan anih ka ring ta deuh ringawt.

Vawiin chhun ah ka putea te thingtlang aṭang in anlo thleng a kan chungchang engkim an hrevek tawh a chumi denchhen deuh a lo kal anni bawk,an chhauhdeuh avang in tlai chaw eikham ah pawh ti ti reilo in an mu hahdam vat ka nu in " in chamrei dawn tho a mu hma mai rawh u naktuk lam ah kan ti ti dawn nia " tiin amangṭha vat keipawh ka mu ve nghal daih naktuk vel hi chuan Bza te zin pawh anlo thleng thei tawh anga.

"Mate tho vat teh" tiin ka muhil tuilai chu ka nu in min lo sawih dawt dawt "enge ni ta" tiin phak zet in ka tho ka nu hmel ka hmu chu ka meng kâwk amittui aparawl kuang mai "mate Bz-a a awm tawhlo tun mai khan aboral thu anlo sawi" atih chuan mak ti zet in "engmaw eng....enge i sawi awmzia" ka ti bah nawk nawk..

"Mate khawsikpui ania athluak ah alut hman ani awm e reipawh an in enkawl hmanlo akal ani nghal mai" atih leh lek phei chuan awm ngaihna ka hrelo ka â chhuih ringngam silo ring deuh tho siin "Nu tak tak em ni? ava mak âwm ve nizan ah pawh kan in be reng asin" ka ti ṭiau,sawitur avang tak zet.

"Ruang phur tur in an in buaipui mêk in siam rawh kan kal ang" atih leh chuan sawitur ka hrelo ka vâi riai mai ka ṭap theilo ka thin erawh ana ngut ngut.

Chawhnu dar 1:00 pm arik meuh chuan ka hmangaih ka in nghah na leh ka lo chhuan ruk em em chu damtaka Lunglei chhuahsan si kha ruang nen alo haw thleng ta ava mak ve ahmel dâng bel mai nunna nei tawhlo tih hriat lutuk chu ka chûl a,anu Masiami nen in kuah in kan ṭap hawm hawm mai..

Mama tho ta che Akimi i ngaihthu i sawi chamchi ani lawm ni, in inneihna tur buaipui in i phûr em em si a minva ti hrilh hai ve mawle.! i hmangaihte i bul ah kan awm ania ti nge min chhan duhloh tiin aṭap rawng rawng sawitur ka hrelo ka na ka na vawng vawng nupa ṭâng ṭhen chu dar lehlam sahthlak ang ani an ti ṭhin,ka lo ngaithla liam puat ṭhin a tun ah erawh anat tur dan ka ngaihruat thiam, atawng tawh te tan lo chuan sawi mai hian anat zia aphawk chhuak zolo.

Thlan mual an panpui a aliam tak tak dawn ta.!!

Aliam ta,ani chu aliam tak tak dawn ta!! he minung khawvel ah hian engtik ah mah ahmel ka hmu tawh ngai dawnlo chu mai nilo ka koh châng in duat in min chhang tawh ngailo anga, min hmelma en ta emaw tihmai tur in areh vung vung tawh mai dawn si.Chung khuanu hian ka tan aruat emaw ka lo ti a mahse reilo te chhung atana hlimna min thensak tu leh damchhung daih a ka thinlung a chamreng tur a athlan alo anih dawn hi..

Kum ruk(6) lai aliam ta he khawvek aṭanga an lak bo aṭang pawn nimahse nimin ang maiin kan hlim dun laite chiang em em in mitthla ah afiah lawi si,ka ngaih zia leh thlakhlelh na erawh azual tulh tulh emaw tih mai tur ani.Nitin deuhthaw athlan tlawh in ka kal fo ṭhin min kalsan aṭang in ka ṭawng tlem em em a ka thil ngaihnat ngailoh mihring ṭawngtlem em em ka nih phah bawk.

Ngaihzawng neihleh a hmangaih neihleh hi ka hlau tawh bakah Bz-a anga ka hmangaih leh min hmangaihtu hi ka tawn tawh kher ka ringlo.kan chanchin lo hre ve viai hre chianglo leh nu kamtam deuh chuan ati em em e nupa pawh anni êm hleinem ngaihzawng neileh se a ṭhatpui ka ring atar tak tak dawn tih ṭawngkam an chhuah pawh ka hre fo mai.

Min duhsak tu leh ka laina te pawn ngaihzawng neileh a pasal neitur ten minti fo mai,mahse engtin nge ka thinlung a chamreng ka ngaihtuah na zawngzawng kawltu nilo mipa dang engtin nge ka neih theih tehlul ang nei ta tehreng pawh ni ila ahlim hauhlo ang chutiang in keipawh..

Amah avanga nula senior nih ka zak lo a,amah avanga lentar lah ka pawiti heklo ka hmangaih khan van ram ah minlo nghak ang tih ka hretlat a ka ring bawk,chumi rinna nen chuan ani nitin ka hringnun ka hman chhoh ve ni.

Tun ah chuan ka ṭap tawh ngailo a hlimlo hmel ka pu tawh ngai hek lo a chhan chu nitin in ka hmangaih van khawpuia chêng bul a thleng tur hian nitin ka hnaih deuh deuh zel a a hnen ka thleng dawntawh ani tih ka hriatna hian ka hlimloh na atibo a ka phûr in ka nghakhlel em em zawk ani tu mihring in nge hmangaih te bula awm chaklo awm tehlul ang ni kei ngei pawh ka bâng chuang si lo a



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)