FEBIAN By Ella Chawngthu

Ngaia
Site Admin
Posts: 25813
Joined: April 30th, 2016, 4:07 pm

FEBIAN By Ella Chawngthu

Unread post by Ngaia » March 12th, 2021, 11:35 am

FEBIAN By Ella Chawngthu
(Competition 2021)

'Tawn loh na khua reng a rei ta e,
Biahthu min hlan tur a nei ngei ang.
Vawikhat tal a anka ngai turin,
A hnena kal ka va duh em.''

Ka nu leh pa room a ka luh dawn a kawngka kau sa atanga ka nu in a monu thlalak chul chunga a mittui a hru pah lai chu ka en reng a.Kei Nathan.Malsawmsanga meuh pawh ka nupui ngaih vang hian vawi engzat nge aw rawl chhuah meuha ka tah tawh pawh ka chhiar seng lo ..Ka fa phir te kum4 na hmang mek Faith leh Jerome ka en changa nu tello a seilian tur hian ka phal bik lo a sin.

Ka nupui Febian.Lalrinsangin min boral san atangin kum 4 na leh ka fate birthday ni August 29 a ni a.Ka nu a monu duat em em tu leh fanu ang chiaha entu tan chuan kei ang bawkin rin a la harsat em a sin .A fate hi van atangin a lo thlir ve thin a ngem? A faten an tawngtheih tirha a thiam hmasak ber 'A ma' a tih laia mittui nena ka thlir lai te kha .

(Flash back)

Kan hotel ka enkawl a .Mizoram ah chuan a khawsa thei pawl kan ni a hotel lian tak tak 3 ngawt kan nei a fa mal ka ni a ..Mizo mipa ah chuan a lian pawl tak 6 fit chiah chiah ka ni ka palian viau bawk hmeichhe ho in a chhelo a pa an tih thin ang hi ka ni a mahse hmeichhia hi ka nun ah ka nu tih loh lakluh ka tum ngai lo.Mahse mipa puitling tawh ka ni a hmeichhia mamawh hun ka nei a ka pawisa khawhral lo pawn ka duhkhawp hmuhna chu ka nei reng thin .


Tukthuan kan kil laia ka pa thusawi vang chuan ka ding zawk mai keihian nupui ka nei ang mo? chupawh ka hriat ngai loh leh nghal

"Ka nei dawn lo " ka ti deuh hmuk a .
" I nei lo a nih chuan i pa angah min ngai tawh suh ag che" ti ram deuh hmakin a thleng sengin a kham a ka nu pawh chu tho sawk sawk in a insil a room a ka pa lut chu a zui ve nghal a

Zanah chuan ka nu ka room ah a lo lut a sawi duh nei hmel a pu bawk ..Ka nu hi ka zah a ka hmangaih bawk a thu hi ka zawm lo ngai lo bawk
" Nu nge nita? Lo thu la" tihpahin ka khum chu ka beng thek thek a .
" Bawiha Febiani chu i neih a ngai a ni"
"Ngati nge ka hriat ngai loh leh nghal "
" A hmeltha lutuk a sin a fel in
a zaidam in a ngil nei lutuk bawk "
"Chutiang te chu an awm teuh mai"
A ngawi deuh vang vang a chutah lo dak chhuakin he thu hi a sawi ta ni .

"I pa hian sumdawnna a kalpui tirh hian sumdawn pui thin a nei a i pa zin chhuah a ngai a ka damthat loh vangin a thianpa chu a ai a kal ta a ,a lo haw lam ah motor accident a tawk a kâ pawh chhawn lo in a boral a, tah chuan kum7 vel i ni tawh .A thianpa chuan nupui raipuar a nei a mahse a boral san ta a,a pasal thih atanga thla thumna ah naute hmeichhia a hring a chu chu Febian-i hi a ni .I pa in nei la a tih chhan chu i hria em an khawngaihthlak a sin tunah hian nurse hna thawkin a nu a enkawl mek a ." ka nu chu thil ngaihtuah let ni awm tak in a melh ngai a melh ngur bawk .

Ka ngawi ngur a ka nu thilsawi ka ngaituah a ka pa inthiamloh na pawh ka hriatthiam pui khawp mai .

" Ka nei ang"
" i pa kan hrilh nghal a nge" ..Tiin ka nu chu a chhuak nghal a ..

(Big day/ Wedding day)

Ka nupui tur hmeichhe hmeltha tak mai 5'4 fit vela sang ngo veng mai mokawr puk nalh zet nena lo lut chu ka lo thlir renga .Thian 2 ve ve kan hmanga ka thian ka tet te atanga ka kawm tawh te Benjamin leh Lucus ka hmanga a ni chuan a thian te Feli leh Poppy a tih a maw ni a hmang thung .Lucus chuan min nghawk zeuh pahin

" Chilthli i thloh dawn" a rawn tisup a run deuh in ka melh a, a la nui deuh ruh ruh zui

Inneih thutiam kan chham lai chuan a mitmeng lian kelh kawlh chuan min melh deuh kal a ka zam lek lek a ni .
,
Inneih a zo a zan ah after party kan nei leh dawn a
Tlai ah chuan ka inti fai a Febian pawh a inti fai a zan h chuan party chu rei tak pawh awmpui lo in room ah kan chho a ..

Huatna em em ka nei lo a ,a mah hian min hip riau a hriat na ka nei thin ,ka hriatloh lai te hian ka lo thlir leh vung vung zel ,mahse a hmeltha ve em a tin ni.

Kan intih fai zawh chuan kan mu a,leh lam hawi in a mu a ka va kuah a, a phu zawk leh nghal ,ka lam a lo hawi a min melh chho kalh a room a table lamb kan chhit eng deuh ruai hnuai ah chuan a lang sexy takzet ,a hmui sen deuh tarah chuan ka fawp a min chhang mai lo ,

Ka fawp lui zel a min chhang ve ta ,chuta a ai uar in ka fawp leh a Ka chul kual a ,saruak vekin kan awm ta ,a chhungah ka lut riai riai a ,a rawn te that mai rei lo te ka chawl a ,a hnu chuan muangchang in ka che tan a

Hmangaihna duhthawh taka kan chen dun hnu chuan ka awm ah kuah beiin a muhil ta a ,ni e a hmeltha a ,a sual lem lo in ka hre bawk vawi 4 maw vel chiah kan inneih hma khan kan inhmu a, mahse min hip riau a nih kha ,ka awm nghenga muhil thaw sek sek chu ka en a ,a hmeltha tak zet a aia nghetin ka kuah a ka muhil ve ta a .

Zing ka harh chuan ka bulah a lo mu tawh lo , a mutna zawna thil sen val deuh kalh chu enin ka nui deuh suk a .Tho chhuakin ka in phih fai a inhnuai lam ah ka chhuk a .Hmeichhe nui ri ka hriat chuan kitchen lamah ka phei nghala ka nu leh ka nupui chu eirawng bawl pahin an lo nui dun deuh har har a .Khi sukin living room a ka pa chanchin bu chhiara lo thu bulah chuan thuin chanchinbu chu ka chhiar ve nghal a .

Dar 8 vel chuan tukthuan kan kil a ka nu leh ka nupui chu an titi leh barh barh thin a mipa te erawh chu kan ei mawlh mawlh thung .

Kan eikhama ka nupui in tihfel pui a tum chuan ka nu in

"Bawihi lo tihpui duh suh Lily leh Nuni khan lo ti rawh se nizan lam in chau lutuk ang lo han hahchawl ru" a tih chuan ka nupui chu a lai nge maw ni a sen deuh tan mai .

Dar 11 vel chuan a thiante Feli leh Poppy te chu lo kalin kan room ah a thawmhnaw vel chu an rem fela an ri leh hluai zel .Zanriah ei nghal tura kan tih chuan an hnial lem lo a tlai ah Lucus leh Bena te an lo kal a Zanriah an ei ve nghal a Lucus hi police officer niin Bena hi chu Doctor a ni.


Zanriah eikham chuan matei thiante chu ka thianten an thlah kawi pah a ..Kan inneih tuk a tangin ka nupui chu ' mate ' ka ti nghal a, a lai viau lehnghal..

Kan inneih atangin thla 5 a ni ve ta .Ka nupui mizia a dang sawt riau a ei a duh a mut a duh em em bawk kan inneih hnu khan thla 3 vel thleng kha chu hospital a la kal a mahse ka nu leh pa in bang mai tura an tih chuan a bang a .Ka pa in kan hotel pakhat a hmingin a dah nghal bawk ,a duh lo viau mahse an tihluih hnuah a pawm ve hram kha a nia .

Ka nupui ka duhna chu a pung zela ,a thatna ka hmuh belh zela ka nu leh pa a zah thiamin ka nu nen phei chuan nufa ang chiah an nimai, rei lo te pawh inhmu lo se an inzawng a an in ngai em em zel mai a .


Mateii nu hi kan inpiah deuh lawk ah a awm a ,in chhawng hnih luahin a hnuai thawmhnaw dawr ah a hmang a a chung a ni in a luah thung a .

Matei hian a tlawh ve fo a ka nu fanu neilo tihtakah an inzui deuh chawt a ka pa pawh in fanu nei talo chu a duat viau ..

Ka thinchhe zual a ,ka perfume hman thin rim ka ngaithei lo bawk a thil ka eituilo em em bawk keipawn mak ka inti .

Zingkara ka nupui dathroom lama uak tuar tuar ka hriat rual chuan zuang tho zawkin bathroom lam ka pan nghal a kawngkhar chu beng dawt dawt in

" Mate lo hawng teh "
" Nathan"
A uak zui leh nghal Min 5 hnu vel chuan a lo hawng a ,a dang vek in ka hria .

Ka pawm a inhnuai lamah ka chhuk pui a ka nu chuan
" Bawiha ngati nge matei chu "
" Ka thawh hmain a lo luak vak a "
" Vawinah hmeichhe doctor kan hmu dawn nia .Mate i period i awl em" a lo ti nghal a
"Thla hmasa khan ka period miah lo "
"E nge awmzia" ka lo tideuh hu a

" Engmah a nilo insiam la tuk thuan ei a hun dawn " matei chuan a lo ti leh nghala .Engtak chu nimaw.

Tlai dar5 vel ah in lam panin ka haw a inchhung ka lut chiah a

"Hi! Daddy" a lo tih chuan ka phu zawk thei in ka hria .Ka pawm a ka vir pui chiam a ,kan in nuih leh thin ..Ka hlim a ni nasa takin .

Ka pa pawh a nui suk suk reng mai.Keipawh fa ka nei ve dawn tih ka hriat hian ka hlim a ka nupui nen a kan fa a ni tur phei chu ka lawm zual .Tlai ah ka thiante 2 leh matei thiante zanriah min kil pui turin an lo kal a .Kan hlim dar dar viau .

Lucus a lehpek chuan " In hmanhmawh lo ka lo ti reng a " ti pah in min fiam zuk zuk a .

" I ninawm 'Paa' ti tu pawh i la neih ve loh kha" .Matei chuan a lo ti a ..

Kan nui leh dar dar hlawm thin .Benjamin leh Poppy in en dan hi a dik lo tlat in ka hria an in melh a an lai leh thin hian ka hria ..Ka la zawt khawp ang

Dar 9 vel ah an haw hlawm a.Keini pawh kan mu ve nghal mai a .Ka kuah a a pum chu ka chul sak a .

"Mipa nge hmei chhia i duh" a ti sep a

" Engpawh kut ke kima a pian chhuah chuan ka duh vek"ka tih chuan min nuih sen sen in

" Ka hmangaih che ka pasal duhtak " a ti sup a ka rin loh lam a nih vang in ka ngawi daih a.A hnu chuan a muhil a.

Keipawn ka hmangaih in ka hria mahse ka sawi chhuak thei tlat lo ,a chhan pawh ka hre lo min dangtu a awm tlat a ni.

Phir kan nei dawn tih ka hriat chuan ka hlimna a zual a matei pawh ka duat ve viau in ka hria zanlaiah ice cream ei chak tlat te a nei a dar 11 velah dawr a lei tura ka kal chang lah a tam a pangchang a ,a ril a tam reng bawk a mahse phir an nih vang a niang.

Thla 5 a liam ve leh ta kan inneih atangin kum a lo ral ve leh tep tawh kan nupa inkar a tha a kan in duat thiam viau bawk .

Mate in a bazar tur thu a lo sawi a,Mc ah a ti a.kal ve nghal ka tum a, thla leh mai ah nau a nei tawh dawn a.Tun thla ni18 hi kan in neih a tanga kan 1st anniversary a nidawn a, a nau a len tawh vangin in ah thiante ho nena hman kan tum a ..

Mc kal ka tum lai chuan ka phone a lo ri a ka hmeichhe kawp thin Remkimi a ni matei nena kan inneih dawn hnaih a ka kawp kha a ni nghe nghe " Hello"

"Nat Floria Glamour restaurant ah lo kal lawk la thilh hmuh duh che ka nei a "

"Awle" tih in ka chhanga ka off nghal ka kal pah theih tho vang a ni pakhat.

Floria ah chuan ka kal hmasa a Remkimi chuan min lo hui vat .

"E nge nita? " thutthlak pah chuan ka ti nghal a .

" I hnung lam kha hawi la" . hnunglam ka en chu ka phu zawk thei in ka hria .Matei leh mipa 1 hi thil ei dun in an lo nui duna .Ka inhum ruh nghal vak a

" Engtin nge i hriat?" Remkimi melh chung chuan ka zawt a

" In inneih hma tang tawh khan ka hmu dun thina .Mahse an inthen tawh maw ka tia nichin khan ka hmu a ka lo call che"

Ka tho vut a ka kal nghal daih Febiani te lam chu ka en a an hlim viau a niang min hmu velo

Ka chhuak a Hotel lam ka pan leh nghal a ...

Ka thinrim a ka rilru a na bawk unau pa a neilo a thian mipa a kawm ngai lo bawk Feli leh Poppy bak an lo leng ngai lo a ,a bia in akawm ngai lo bawk .

Min bum tihna em ni? Tlai ah chuan rui chungin ka haw a ka suit dah fel a tum lai chuan a kut ka vai thlak sak a .A meng phawk viau mak a ti tih ka hria mahse fel leh min hmangaih ang takin a awm a phatsan tu chauh a ni.

Kan nupa inkar chu a tha thei tawh lo Champhai a kan hotel tlawh turin zin ka ngai dawn a .Febiani pawn tun thla a neih hun tur an ti tawh a ,a dul a len em vangin a che tha thei meuh tawh lo .Remkimi ka kawp zeuh zeuh a mahse ka hlim chuanglo Sex phei chu ka hman pui ngai lo.

Zan tlan ka tum vangin insiam turin inah ka haw a dar 3 vel chiah a la ni ..kan room ka luh dawn ah chuan "Nakin ah ka lo be leh ang che ,Bye ka ngai tawh tawp che lo ho vat vat rawh naute i hmu hman lo palh nge" tih a sawi lai chu ka hre hman ka taksa a tang nghal vek a ka thinrim a ni, ni e ka nupui hi ka hmangaih tawh tlat a tin ni.

Kawngkhar chu ka hawng thuai a Febiani chu a phu zawk nghe nghe .

Ka insiam nghal mawlh mawlh a
" Nathan e nge i awmzia hi ?ka lakah i thinrim reng a e nge tihsual ka neih a tianga min om khum reng" a ti vin hlar a .

"Ngawi rawh" ka ti hmuk ringawt
"Malsawmsang " a rawn au deuh that a .
"Lalrinsang zah lo takin min be tawh suh nang mi hur hreh ,ka fate kha piang se min chhuah san nghal ang che ka mamawh reng reng lo che ka naute te chiah kha ka duh hria ang che ka lo hmangaih che hi ka tihsual lian ber a ni "a au in ka au a ni ber ,a mittui tling piau ka hmu ka thin hi a thip zawk in ka hria .Mahse hre lo derin ka bag ka khai a ka chhuah san nghal a ..

Zanriah pawh ei lo in Champhai lam ka pan nghal a .Champhai ka thlen chuan kan hotel ah ka awm nghal a ,a tlai tawh em a thil pawh ei lo in ka mu nghal a.Ka nupui ka ngai a a bula awm ka thla hlel bawk mahse a ni chuan ngatan mah min ngai ve der silo .

Dar 3 bawr velah ka phone ri in min ti harh a min lo call tu ka en chuan ka nu a ni ka la vat a
" Bawiha mateiin nau a vei a lo haw mai rawh damdawi in kan pan mek " a rawn ti a .
" awle" tiin ka tho a ka inphih faia ka chhuak lehnghal a

Dar11 vel chuan an awmna hospital chu ka thlenga nau neih na ward kawt a ka nu ka hmun chuan ka pan vat .Matei nu ,Feli leh Poppy pawh an lo awm chuan ka thiante 2 pawh ,matei nu bula thu ka hmuh chuan ka sa nghal phat mai a bialpa dawr a mi kha a ni .

Nu Biaktei (matei nu) bulah chuan
" Ka pi hei hi tu nge" ka ti tha ve mai a
" E taka Nathan hei hi mambawihi nau a nih hi a zirna vangin Delhi ah a awm daih a in inneih na ah pawh an test lai a nia a lo kal hman ta lo a thla hmasa khan a lo ho zawk a a kal leh nghal sia hriat pawh in la in hre lo ang .Mahse hei nimin khan a u nau neih a hnaih tawh vangin an inchah ngun sia a lo haw nih hi" a ti ta duah a ,e nge awmzia

" Nau a neih awm ka hre miah lo"
" Nia mambawihi pa min boral san hnu khan. mambawihi kum14 vel a nih hnu ah ka la a lawm .Remsanga a nih hi Bawiha hei hi i u Nathana " a ti nghal zat a kan in chibai a .A nih chuan kei hian ka rinthu vangin kha tiang khan ka lo tawngkhuma ka va a tak em ..

Darkar chanve hnu vel ah nurse pakhat hian naute a lo pawm chhuak a .
" Ka pu fapa in nei e .a la sang meka "
Ka fapa chu ka en a, a te reuh sia ka pawm thiam lo ka nu chuan a pawm vata matei nu nen chuan an en reng mai .

Min 10 hmu vel ah chuan nurse a lo chhuak leh a
" Hei chu hmeichhia a ni e mipa kha kg2 leh gram50 a nia hmeichhia hi kg 2 " nurse chuan a lo ti nghal a.

" Nurse ka nupui a tha em" ka lo ti vat .
Min chhang lo in a lut daih a ka ngaih a tha lo nghal a hnu deuh ah doctor lo chhuakin.
" Ka be lawk duh che u a ,min lo zui ta che u" ka pa nen chuan min ti a .A office lamah kan zui phei a .

Office kan luh hnu chuan Doctor chuan
" Pu Nathan i nupui hian naute thla 4 a nih khan a taksa lamah harsatna a awm vangin ti tla turin kan ti a ,a nunna in a tuar phah theih vang a ni , mahse a ni chuan a phal lo a paitlang a thlang ta zawka .Tunah hian a dinhmun a tha lo hle a tih theih keini chuan kan nei tawh lo a ni .
Thilmak a thleng a nih loh chuan beisei tur a awmlo khawp mai"

Doctor thu sawi vang chuan ka a vek a nimai , room atang chuan ka chhuak vata ka nupui an lo nawr chhuak ve chiah bawk .A dang em em a ka en a ka mittui a hnam sawk mai .

Min kalsan a nih chuan engtin nge ka awm ang ka hmangaih thu pawh ka la hrilh ve hman silo ..ka a vek a ngaihtuah na mumal pawh ka pu thei lo .

Ward ah an sawn tawh a mahse a la harh lo a bulah thuin a kut ka vuan a zawi te te in lo harh turin ka hrilh sep sep a .

Ka inchhir a ni thu dik lo vangin nau a neih zawh a chhuak tur te khan ka lo ti a, a van hreawm tak em .Lo harh thuai se ka ti lutuk hi ka phi sek tawh mai.

Ka nu leh A nu ka thiante leh a thiante kan awm kim vek tu pawh kan tap kei ngei pawh ka insum thei bik lo ..Ka fate chu kan nu ten an buaipui a ,a nu a harh miau loh vangin hnute siam chawp an pe a ..

"Mate lo harh tawh rawh,i fate hi i hmu ve duh lo a mi an hmeltha lutuk a sin" ka phun sep sep a ka be awl lo a mahse, min chhang tur an awm silo ..

Ka nupui ka hmangaih ka fate nu ni bawk chu tlai 3 leh minutes 33 ah ka chan ta .Ni e bio ka hmuh a ka khawih theih tawh loh na ah min kalsan ta ka hrilh ang ngei in ka fate pian hnu ah ka in atang nilo in khawvel atangin a ral tawh .

Ka a vek a ka tap theilo a ,ka mittui erawh a tla reng tho ka nu leh a nu tah hla te chuan min ti na zual a, a thiante tap pawh chu nidanga hnem thin tu khan a hnem thei tawh silo.

Kan tlaivar pui a , ka tawng lo a ruang bulah ka thu a a kut ka vuan a ka a vek mai .

A kuang chhin an tum chuan ka phal tlat lo ka bula mut nuam a tih thu a sawi te i bulah lo chuan ka muhil thei thin lo a tih te kha ka hrechhuak a.

" Ka phalo ka bulah lo chuan a muhil thei hlei nem " tiin ka chelh bet tlat a ka nupui taksa vawt vek tawh chu ka kuah bet tlat a .

Ka pa chuan "Bawiha matei kha chawlh tir tawh rawh khatianga i awm chuan a rilru a na lutuk ang" ti pah in min hruai sawn a ..

Matei chu leihnuai ah tawih ral turin an zalh a mahse ka thihlung ah chuan a thi ve ngai tawh dawn silo.Ka fate pawh ka ngaihtuah thei lo a , a nu phei chu nikhaw hrelo in a tlu hial a .

Matein min kalsan atangin ni 5 a liam tawh a ka fate enkawl dan ka theih tawkin ka zira an ni tan hian a nu in a nunna a hlan a thataka enkawl ka tum tlat a ni .

Vawin chu matei nu leh a nau an lo lenga ka fate hming ah ka nupui in a Dairy a ,a ziah dan angin kan fate chu Jerome .Zothansanga leh Faith.Remruatpuii tih kan phuah a.

Room ah chho in Mateii diary ka chhiar a.A changin ka nui a a changin ka mittui a tla leh thin.A thil ziah thenkhat ah chuan

"Ka pasal neih tur hi ka huphurh a sual a ngem le"

"Ka pasal tur chu a takah ka hmu a ,a hmeltha lutuk mahse ka hlau"

"Nathan chuan min duat a nuam ka ti ka pa leh ka pasal a ni kawp a ka duh hliah hliah tawh"

"Nathan hi ka hmangaih tawh "

" Nu ka ni tawh dawn ka van hlim tak Nathan nu ang a fel hi ka la nive ang "

"Ka awih thei lo zawk nau ka neih hun ah ka hmu ve hman dawn lo maw?..Chhungkua a bazar ho te ,thil ei ho te,mut tlan te, zin ho te ka lo suangtuah ve thin kha ka tawng ve dawn silo"

"Vawin chu ka chau zual a ka natna an hriat ka hlau si lem chan ngai hi a hreawm thin"

"Ka pasal hian min hmangaih ve se la, ka thih hma ngei hian a der pawh nise a ka tanga hriat hi ka van chak ve tak"

"Ka fate hi phir an ni sia ka awm loh chuan an buai ngawt ang .Mahse an pa hian a hmangaih dawn tih ka chiang a ka thlamuang ve deuh"

" Zantin ka pasal mut hnu ah a tan ka tawngtai thina .Ka damtheih nan ka dil ngai tawhlo ka fate hi dam in hrisel se ka duh"

"Dr.Muanpuiin min khawngaih vangin ka fate chu mipa leh hmrichhia an ni dawn tih min hrilh a ka lawm lutuk hi a ni ringawt"

"Ka fate hming ah chuan Jerome .Zothansanga leh Faith.Rrmruatpuii lo ti rawh aw.Nathan"

"Ka pasal awmdan hi ka hrethiam lo min be ngai silo a lawm loh na tur thil tih ka neih ka hre bawk silo a hreawm hi ka ti ngawih ngawih ka dul a lian tawh si ,hun ka nei tlem tawh sia a bula ka hun neih zawng zawng hman ka duh tehreng nen ."

"Kan inhau a min zin san dawn si a ka huphurh a ni ,a lo haw hun thleng ka daih tawh ka ring lo.

Naute chiah a duh tih a sawi a ka neih zawh ah chhuak turin min ti a .Ni e ka chhuah san dawn mahse in atang ni lo in khawvel atang in ka bo tawh dawn .A thusawi tin khan min vit sawk sawk ni berin ka hria .Mahse min hmangaih tih a sawi tel a sin ka lawm a ni kha thu kha a sawi lo ang tih ka hlau .

Ka inkhawngaih ka pasal in min hmangaih thu min hrilh ka lo nghak hlel em em hi mi dang te chu inhmangaih vangin an innei a kei ni chu kan nive lo mahse, ka hmangaih tlat tawh si"

"Nathan ka thih hun ah chuan tap lo la chhel takin awm rawh o.Chuan thil ngen duh che ka nei a ,ka fate hi kei lo nu dang neih tir suh aw .Ka hma ka sial tiraw.Mahse maw midang nena hlim taka in awm ka phal lo a ka faten keilo 'nu' an tih ka phal hek lo .Fate u min ngaidam ru aw, in hmel tal hmuh ve ka chak a vawikhat tal in riltama hnute pek che u ka chak ve a sin.

Nathan min ngaidam rawh o ,kalsan che hi ka duh bik lo a sin. Ka hmangaih che ka pasal duhtak .Ka pum a na tawh lutuk a ka dam rei dawn tawh lo .A hreawm a mahse ka fate tan a ni .Ka hmangaih che Nathan"

Ka mittui a van tla nasa tak em ka tana a ziah vek a ni si a ka lo mawl lutuk kha a mut zin deuh te khan ka lo hrethiam ngai lo a .
Ka nupui ka hmangaih kha ka ngai

(End of Flash back)

Ka nupui thlan ah ka fate 2 nen chuan cake nen kan kal a ka fate kum2 an tlin atanga ka tihdan a ni kan thlenga .Kan fate birthday kan chhungkua in kan lawm a .Ka nupui thlan chu en pahin.
"Duhtak, ka hmangaih che kan ngai lutuk che nia kan haw tawh ag aw ka lo tlawh leh vat ang che"

'A TAWP TA'



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)