" KA PHAL LO" Ziaktu- TBC Numami

Ngaia
Site Admin
Posts: 18313
Joined: April 30th, 2016, 4:07 pm

" KA PHAL LO" Ziaktu- TBC Numami

Unread post by Ngaia » March 14th, 2021, 9:15 pm

hsonvcy1.jpg

" KA PHAL LO"

Ziaktu- TBC Numami
(Competition 2021)

Ouch!! "" Heti hian khawvela pa duhawm ber Ramnunsanga(Kapa) hmu turin ka kal ang maw, a ni thei lo, engtin emaw ka tih a ngai a ni," tiin ka kawr hmaa ice cream rawn tikaitu mipa naupang chu ka en a, pawiti ve hmel tak chuan minlo en ve kal mai a.

" Laltlanpuii ka ni a, kum 17 na ka hmang mek bawk. Kapa nen chauh a khawsa kan ni a, kanu hian ka sentet laiin min boral san tawh a. Kapa hi MCS niin deputy director hna a chelh mek a. Kanu kha ka chhun hle a ka vun hi a ngo em em a, ka liantha in ka rualpui te zing ah ka sang bik thin hle, ka hmeltha in ka khal nalh hle tih kahre bawk."

Vawiin hian pawl sawmpakhat results a chhuak a. Distinction-ah ka pass ve hlauh mai a, ka pa hrilh hlàn ka nghakhlel tawh hle.

" Engtin nge ka tih fai ang aw?" Han intihfaina turin helai hnai ah hmelhriat ka nei miah si lo. Mipa naupang lah chu ka hmuzui leh miah lo a, a hnung a mipa ding kha a pa a ni ngei ang... Hreptak hian!

Thingpui dawr a luh tum a ka bih dak dak lai chuan mipakhat hian min rawn su her sawk mai a, ice cream chu a hma aia nasa zawkin ka kai leh ta! A hmaa mi pawh tih tawh nak alaiin, aw... tuna mi zet chuh! Ka tap lo chauh a ni tawh. Min sutupa chu hauh hrep mai hi ka duh tawh a, mahse ka hma a mipa naupang hlauthawng hmel lutuk ka hmuh chuan, lungawi vaklo chuan ka then sak a.

" Zia lo hle mai..., engtin emaw kan tih a ngai a ni," a pa chuan a rawn ti vawt ruih a, kalo melh rum deuh úl a.

" Ngai e, nichin khan in bo zui daih a, min ngaihsak lo a nih kha, heti chuan khawiah mah ka kalpui thei lo ang, tih dan chu ngaihtuah vat vat teh," ka chhan dan chu a nalh lo hle tih chu ka hria a, mahse, pawi ka ti lo.

A tirah min ngaihsak nghal ni se, heti lutuk a nasa hian ka kai lo tawp ang, kàwng en tha se sut pawh min su kher na'ng.

" Kawr thar kan lei mai dawn em niang?"

" Aih, hei ngei hi ka hak a ngai, bakah ka taksaah hian a kai tlang vek tawh a, insil fai ka mamawh tawh tho tho."

" Helai vel ah hian hmelhriat i nei em?"

" Nei ila chuan nikum khan ka insil tawh ang."

Ka chhandan chuan a nuih a tiza a ni ang, a nui deuh hak a.

" Helai thingpui dawr ah hian lut mai ang, intihfaina tur a awm ang," tih pahin a kut chuan ka banah a rawn kai pek a nih chu!

" Naupang pawh kanih loh hi, bakah mitdel lah ka ni bawk hek lo, i kaih kher kha ka ngai lo," kalo ti hlar.

Chutia chhan kher chu a tul lem lo viau nain, kei fanu duatlai ( duat sual chu ka inti phallo) tan chuan ka boruak tawn chu pawm dam a har ve tlat.


Bathroom chhungah chuan lutin ka insil nghal a, ka kawr lah chu a fai har phian leh nghal." Fimkhur lo lutuk tiin ka phun zui hlak hlak a." Rei ngial ka nuai hnu chuan a fai veta hrám e... Fan han chhem rotir mai ka tum a, current a la awmlo zui! Takzet hian...

Kawr ha lova va chhuah chu miin mak min tih hlau viau mah ila, bathroom chhunga awm reng kha thil dik ber a nih si lo a ka rawmawl chu a hlai tha bawk a, ka hmalam langlo tur chuan ka kawrhnuai bah na ah chuan ka zep tat a, pawisak nei lo hmel takin dawr chhung chu ka pan ta hah hah a. Vanneihthlak tak in dawr neitu nu leh an pafa chauh chu an lo awm a, ka rin ang chiah in mak minlo tih hmel hle mai. Minlo en deuh hú vang chuan zak lo awm deuh hian ka'n nuih vel a.

" Ka inhmeh vetho tiraw?" tih pahin a bul a thutna àwl ah chuan ka thu ve nghal a, nuam lo tih hmel zét hian, " Aw... inhmeh... kha hei coffee in rawh," alo ti bah nuaih a.

" A va lawmawm ve," tih pahin no chu ka la nghal a. Ka kut dinglam phar chhuak in " Apuii," tiin ka nuihsak a.

Inthiam lo hmel deuh a min en chungin a kut a rawn phar chhuak da da a," Sangtea," ti sup in kan inchibai ve ta hram a.



Current- pawh a rawn awm ve chiah a, bathroom ah ka lut vat a, fan chu on in ka chhem rotir nghal a. Ka inha sawk sawk a ka chhuah chuan minlo be vat a, i hmanhmawh chuan ka thlah thei reng che nia, in thlahrung hmel tak chuan alo ti vat a. A fapa chu a mut a chhuak a niang a ham deuh bai bai a.

" Motor chu a awm a mahse i chuang thei a ngem aw?"

"Eng ang mi nge nia min hriat a? Motor-ah chuan vawi tam ka chuang tawh," ka lo ti bak hlar a.

" I chuan thin ka rin vang zawk a nia, ka motor hi a nelawm vak lo a," a ti nuah nuah a.

" Ho lutuk, nang leh kei kan nelawm chuan a tawk mai," kalo ti awlsam et a. A nui deuh vàr var a. I fapa chu kalo pawm dawn mi ka tih chuan, motor-ah i pawm dawn nia alo ti then a.

" Ka rei!" Kan chuanna tur ka va hmu mai chu ka nuih nghek loh nan ka insum fé a ngai!!"

" I chuang thei a ngem aw? Ka motor a nelawm vak lo," a tih chhan pawh ka hrethiam nghal uar mai. Taxi in ka kal zawk mai lo a ka ti rilru zet nain, ka luhna tur kawngka lo hawngtu chu tihthlawn ka hreh em avang leh hlimawm dawn riaua ka hriat avangin vawi khat mah kala chuan ngai miah lohna Tipper ah chuan ka lut ta a.

A hmel enin a la naupan hmel angreng bawk nen, naupang hi a fa anih hmel bawk sia, a hnathawh nen hian nopang hruaina chi niin ka hrebawk silo, ka zawt ta tawp a. A u fa a nia, ice cream a ngen a vang in a leisak hi alo ni a.

A hna chu a inhmeh lo zual sauhin ka hria. Driver a nih chhan chu ka hre châk hle a pehhel deuh hian, " motor i khalhna hi a rei tawh em?" tiin ka zawt a.

" Ka khalh tanna hi chu a reitawh ang reng. Mahse, regular-a ka khalhna hi chu thla nga vel chu ani tawh ang. License ka neihna ala reilo a, bakah, lehkha zir ka ngai bawk si nen. Tun ah pawh chhungte phallo chung ka khalh lui a nih hi."

Ka rindan chiah, mi pangngai tak a nih kha ka ring sa reng a.

" Chuan, tunah zirna lam chu i chawlhsan tawh em ni.?" tia ka zawh chuan...

" Chawlhsan chuang lo e, Hrangbana College-ah 3yr BA ka zir mek a, tihian chhun lamah motor ka khalh a, a remchang riau a sin." A tih chuan ka ngaisang ru riau... Ka phone number min dil chuan lehkha them ah ziak in ka pe ve mai bawk a.

Ka pa office ka thlen chuan inleng a neih leh neih loh ka zawt hmasa te te a, a neilo tih ka hriat chuan thawveng tak a kawngkhar nam hawn pahin, " Hey, Dad, ka tlai lo tiraw?" ka ti lut nghal a. Thutna tur min kawhhmuhah chuan ka thu vat a. " Mate, vawiin i result en chu engnge chanchin?" tiin min zawt a.

" Vawiin chu maw... (Ka nui deuh hak a) A ho lutuk nakinah kala hrilh ang che. Nang ilo buai em?" Ka zawt let khauh a.

Min en deuh vang vang phawt a, chutah, " buai lutuk lo e, i result ka hrechak tawh hle mai a loti sek a, ka result ka hrilh chuan a lawm ve hle mai.

" I mit chhing rawh le" a tih chuan ka chhing nghal vat a. Ka kut ah chuan bawm hi a rawn dah a, ka meng vat a ka hawng nghal sawk sawk a, a chhungah chuan phone ka awh em em mai Redmi note 9 ka hmuh chuan ka zuang tawr tawr a.

" I pass lawm nan eng emaw ei ila," a tih chuan a dawhkan a bell chu ka hmet chik tuar a, a peon lo lut chuan mak tih hmel takin min en deuh hú a.

" Coffee no hnih leh chow plate hnih, I duh leh ei ve rawh," kalo ti zung zung a. Peon pawh a nui chhuak vur vur mai.

Pawl sawmpahnih admission buaipuiin karkhat ngawt ka buai tawh a. St Paul's a luh ka duh teh lul nen, seat a lo full tawh tlat mai a, hmun danga luh kha ka tui lo hle mai. Vanneihthlak takin Mount Carmel- a luh tum, lut leh lo ai ka lut thei hlauh mai a, ka va lawm si em!

Inrinni chuan ka thiannu Teteii nen kan bazar a, chawhmeh leh eng ilo vel kan lei hnu chuan ka Sam tan ka duh a vang in Sam siamna dawr ah kan lut a, kapa hian Sam tawi put a duh loh vangin a hmawr chhe lai ka paihtir mai thin


Pathian ni tuk hi chuan inkhawm hi ka thlahthlam ngailo. Mite ang in chhungkaw inhmuh khawmna hun ah kan hmang ve ngailo a. Kanu leh kapa te hi chhungte phallo chung a Innei an nih a vangin an chhungte ve ve hian an tuithlar a, kan chhungte reng reng tumah hriat ka neilo. Kanu kha la dam chu ni se tu emaw tal chu min hmelhriat tir tho ka ring. Kapa lah hi KTP Leader- a nih vang hian inkhawm pangngai bak ah fellowship leh hla zir tih vel ah hian chhuahna tur apui hi a ngahve thei bawk nen, kan in lianpui ah hian khawhar deuh in ka awm thin. Ni dang zawng aiin Sunday hian a lum duh bik riau emaw leh nghal ni!!

Kar khat lai class han kal tak ah chuan kan school pawh chu nuam ka ti ve tawh khawp mai. Lehkha zir pawh class 11 aia nasa a zir ngawrh leh zual a ngai tawh tih hriain, ka classmate thin Zualteii u hian board exam tur te tan bazar note a siam thin a, chu chu min peve a, ka zir uluk ngang mai.

Zan khat chu tui tak a lehkha ka zir malh malh laiin phone a rawn ri mai chu ka phu nasa teh a sin. Kapa chuan min lo en reng lehnghal.
" Hello, Apui, hei i nutein i pa a be duh a nih hi..."

" Ngawi lawk àw, min hai a niang, ka number chu 93660... a nia."
" Nia, hei a in ziak alawm, Apuii tih pawh a in ziak alawm." I pa chu ko duhlo mai rawh, hei i Nuteii fanu Baby-i birthday kha naktuk hi a nia, rawn chhung phei ula ka duh hle mai. Tlai chaw ei nghal tur in kan lo ring ang che u... Ka tawng ve hma chuan a rawn ti zung zung a.

" Ka hming chu Apuii chu a ni ngei a, mahse... Kanu chu a... boral tawh... a." Min betu chu a ngawi deuh vung vung a, chutah min tiphu zawk khawpa ring hian , " Aw haw, ka va han hai nasa mai mai che ve!" Hman ni a dawr a lo kal kha i ni zawk ti raw? Kan pa u fanu hi Apuii ve tho a nia, i number hi kalo ziak lut mai sia, ka lo hai a nih hi a. A rawn ti lang lang a, a nui har har bawk a.

Chutia kan inbe ta hlut chu kapa chuan mak tih hmel deuh hian min lo en a. Kan inbiak zawh chuan Sangtea nen kan inhriat tandan ka hrilh chuan kapa chu a nui nasa ngang mai.

Kapa chu Nursery KTP tlawh tur in an kal dawn tih ka hriat chuan ka thinrim ang reng hle a, Bial conference ah hi chuan item a tam in thingpui in ho nate an nei leh thin a, dar 10 hma chuan an lo haw lo ang. Nursery chu a hnai hlauh zawk a, lo haw hma tur chuan ka chah mawlh mawlh a.

Study room a ka lut chiah chu ka phone a rawn ri rál ral a. Tak zet hian, hun min paihsak, lungawi lo zét chuan ka chhang a.

" Hello, Apui... Sangtea...," A ngawi leh deuh vang vang phawt a, " ka zin leh deuh thut a vawiin ah kalo haw chiah a,ka phone a chhezui bawk nen ka rawn be theilo reng che a hei ka rawn be nghal vat che a nih hi..., hmuh che ka châk lutuk a, engtin... nge kan... tih ang...?

" Ka hre na'ng, engtika inhmuh nge i duh a?"

" Theih se chuan tunah ka duh a, mahse.... i...."

" Tunah chuan ka thei lo..., naktuk dar sawmpahnih ah... kan insilna thingpui dawr ah khan..." Ka hmanhmawh tawh tlat.

Zanah chuan mut pawh ka hmu mang lo. Ka lehkha zir hian ka rilru a luah hneh lutuk'a, ka mumang ah te kalo zir thin.

Sangtea hmuh chu ka chak teh chiam lo hle. Choka ah ka chhuk thla a, kapa chuan eirawng a lo bawl rak rak a.

" Good morning bik riau le, Dad...?

" Morning le, ka fanu."

Pà vawiin chu ka thian thar kha hmuh ka tum a, ka tih chuan chal chuar nung hian minlo melh ralh a. Mi pawh chhanglo chuan...

" Coffee i duh em,?

" Tehreng mai,"
Tukthuan pawh alo peih fel diam tawh a, kapa hi chu aw... A va han fel chung Chuang tak em!
Class han thulh ngawt lah chu ni theiin ka hre si lo. Kan inhmuhna hmun tur ka panlai te chuan thildang ka ngaihtuah thei hlek lo, ka huphur ru riau a.

Sangtea lo hawi vak vak ka hmuh chuan ka nui sak a, " min lo nghak rei tawh em," ka va tih chuan a lo phuzuk a, alo hawiphawk deuh hru a.

" Rei lo e, i lo kal thei chu ka lawm hle mai. Tirawh, i lut nghal ang," a lo ti vat a. Dawr neitu in minlo hmuh chuan nui chung hian, " insil in duh em ni? a lo ti fiam hlut a.

" Aih, tun tum chu eitur lampang zawk aw," tih pahin dawhkan kan kil nghal a.

Thil ei pah chuan a zinna chanchinte min hrilh ve luam a, ka school luhna chungchang te min zawt ve nghal a, min en deuh vung vung leh nghal a.

" Apui, bialpa I nei em?"

" Eng a? ka ti deuh tuarh a, dawr a lo awm ve ho chuan min rawn en nghal thap a.

" Aih... nei lo... nei ngai lo... kala naupang..."

" A that chu... min... min duh... a ngem?" Ka rin loh deuh min zawh chuan, Eng a? A hma aia ring mah chuan ka lo ti leh nghek a, min rawn en leh ta hu hu mai a.

" Engmah a ni lo e, lo hrethiam hrám rawh u, hei ka nau hi a beng a that vak loh bakah a â deuh hlek a," tiin â deuh sawiin min sawi ta.

" A ti ve mai mai a nih kha, amah hi lawm â deuh chu," ka lo ti vat a.

" Kan pahnih hian kan chiang dun teh chiam lo a, Sangtea'n alo ti vat a dawr chhunga awmho chu an nui dar dar hlawm a.

" Apui, sawi vak dan pawh ka thiam lo, ih... ka duh.,. che... a. Hmannia ka.... sut che kha..., khami ni a tang khan ka... duh... che... ka rilruah... i... awm...

" A sawi zawh hma in ring fein, " Dawt a nih chu," ka lo ti leh piap mai a.
Kan beng a chhet lo ve ve a, tawng rin vak kher kha a tullo hle mai a lo ti hluk a.

" A, Sangte, min duh chuan ka lawm, mahse...

" Engnge mahse,? bialpa i nei a nimaw?

" Nei lo, mahse thil thleng rang lutuk hi chu maw, a tawp lehna pawh a thleng rang thin a sin! Chuvangin ka chhang thei rih lo che... Kapa office-a kal ka ngai a, nangpawh hna I thulh rei lutuk ang," ka kal phawt mai ang.

" Min duh theih nan ka lo tawngtai char char ang e," a rawn ti zui hram a. Nghal reuh lutuk!!!!!

" Kapa office ka thlen chuan kawngka pawh kik lem lo in ka lut nghal a." Hmeichhe pakhat, la upa vaklo nen hian anlo awm a. File anlo en dun mawlh mawlh a. Kapa chuan a mit chuan thu tur in minlo mitmei vat a.
Eng eng emaw an sawi hnu chuan chu nu hmeltha leh nalh tak chuan no tak a ka pa chu melh ralh in, " hei inleng i va nei tha awm ve," tiin kapa chu a nuih deuh sak a.

" Nei tha khawp mai, ka fanu a nia, Apuii a nih hi."

" Apui. Umh... pa hmeltha chuan fa pawh i nei hmeltha khawp mai " a ti zui ham ham a. Ka lo ngei ru khawp mai a, kapa hi a ngaizawng a nih vaih chuan... " Kei aí a kawlh hi an awmlo ang,"

Zanriah ei kham chuan TV- ka en leh zawk a, ka zaithiam duh em em Sailova chu a rawn zai a.

" Sailova hi chu a zaithiam ngawt mai tiraw?" ka tih chuan kapa chuan ner nawk chungin," a zaithiam vanga zai a ni reng alawm ," alo ti mai a. " Aih, zaithiamho zingah pawh hian zaithiam chungchuang bik riau hi an awm ve a lawm . Thiam iti ve lo hi mak ka ti thin ngawt mai, i ngei deuh te hi nilo maw," ka ti vat a.

" Ngei lo e, nangmah ka ngaihtuah vang zawk che nia, tlangval te a la ni bawk sia, ilo atchilh bur ka hlau a lawm..."

" Atchilh mai bik lo e, mahse, a bialnu chu ni ila ka inti thei viau ang, a nupui nih pawh a nuam... a... pa, i tha fé zawk," ka ti leh a, kan nui dun hawk hawk a. Phone a lo ri rál ral a.

Sangtea'n ka rilru ka siam fel tawh leh tawh loh min rawn zawt alo ni a, kala chhan theih loh thu ka hrilh chuan a lungawi loh hmel hle in ka hria.

" Apui, min hmangaih theih nan engnge ka tih ang?"
" Ih maw... Bazar a Lianchhungi book store- ah khan class 12 note bu min rawn lei sak la ka hmangaih viau loh che paw'n ka lawm ngawt ang," kan ti mai chuh! Kapa nuih a za kher mai. Sangtea pawh a thusawi hriat theih chiah si loh hian a phun nuah nuah a.

" Hna mak tak hlawh tha lutuk si lo a nih chu, mahse, ka rawn lei sak ngei ang che."

Kan inbiak zawh chuan kapa chuan nui hawk hawk chung in, " Mate, i fiam na lutuk a ni lo maw, a lungawi chiah lo a nih kha alo ti hluk a. Ka ne ne kual vel ta mai mai a.
A tuk ah chuan kan inhmuhna tur lam pan chuan ka kal sawk sawk a, minlo nghak ran tawh a. Ka ban ka vai khum zauh a, minlo hui zauh a.

" Sangtea chu a nalh kher mai, a la hmeltha em em lehnghal!! Jeans leh t-shirt body fit a ha a, a hmelthat ati zual hle mai. A pian nalh ati lang chiang bawk a, tha tak hi a ni ringawt! A Sam dum hlap leh chhah tak chuan a tilang pain, a mitmeng fiah kak chuan a tizahawm in, a mitmu buang uk deuh raihte chuan a tilang sexy' leh viau lawi si. A palianin a taksa a inphut mâwi tawk hle a, gym-a kal thin ang maiin a taksa pawh hmeichhe hip tur tawk lek chuan a sek vé a lawm. Tunlai tleirawl ho duhzawng takin a la vei nuih zui!

' Ma' rawhchu, mi nazawng hnenah kan in ngaihzawn thu hi hriattir ka duh loh teh lul nen, khawlaia hmeichhiain an lo biakte hian min in hmelhriat tir vat thin a, pawi ka ti thin hle mai. Amah lo beisei tuten a bialnu ka ni tih an hriat kha ka duh vak lo. Vawi khat phei chu ka hau reng a. " I bialnu ka nih thu hi sawi ziah suh, min huat phah ang," ka tih chuan ka bialnu i nih vanga an lo huat ve ringawt na chhan tur ka hrelo, Burma thosilen hnuai ah kan indaisulep lo anga a ni mai alawm, nang hi an huat che chuan keimah min haw tel ve tihna ni mai," a ti ve tlat." Nia, i tidik tho a... Sangte, India thosilen senno kan zar anga a ni mai alawm," tiin kan nuidun leh ta nge nge a.

October thla kan chuan kai meuh chuan Sangtea nen pawh kan hlimdun tawh khawp mai. Duh aiin kan inhmu zing mah mah in ka hria, kan inhmu zo chauh a kan inngai zual sauh zel leh nghal a, kan zirna hian a tuar ang tih leh hun lo deuhah hian sex- ah ka tal buai ang tih ka hlau ru ve thei angreng khawp mai.

Ka pa leh Sangtea hi inhmuhtir ka duh ve thin tho nain, kum sawmpasarih rual lekin bialpa leh pate han inhmelhriattir chu zahthlak katih deuh a vangin a chanchin hrilh chauh bak chu ka huaisenna hian a tlin rih ngang lo a ni.

Tal buai ka hlauh luatah ka fimkhur lutuk nge ni, Sangtea pawh hi a lungawilo lek lek thinin ka hria. Vawikhat phei chu," Apui, min hlau deuh tiraw?" a ti tawl mai a. " Teuh lo lutuk, engvangin nge ka hlauh ngawt ang che ,? tiin lungawilo zawk ni awm fahran chuan ka zawt let hlauh a. " Min hlauh hmel thei riauin ka hria a," min hlaulo tak tak a nih chuan a that chu," tih paha min rawn thut hnaih sauh chuan hreawm zawng ka ti ru leh hle lawi sia.

" Sangte, duh leh min fawp ringawt la, mahse, inkhawih tih angvel hi chu ka duh ve miah lo a nia," ka ti leh sap a. Lungawilo hmel fe hian, " min hlau miahlo tak tak maw?" a ti leh nghat a. " Aih, hlauh lam pawh a ni lo, ka la naupan chu thuhran ni se, inneih hma a sex hman hi ka duhlo hrim hrim, virgin- a pasal neih ngei hi ka tum a ni," ka tih chuan phur hmel tak hian, " wow... Rody Vanlalhriatpuii zu ni reng che a, Rody ka ti ziah tawh ang che aw ," a ti ta hlut a, ka lawm kher a sin aw. " Sailo ti a koh i duh ve dawn phawt chuan ka lo ti let ve vat a."

" Virgin girl- ah rau rau chuan Laltlanpuii hi ka duh ber mai, duhsakna pawh ka hlàn nghal e," tiin a nui ta var var a. " Ka lawm e, min veng uluk hle ang che, chuti lo chu..." ka sawi zawh hma hma chuan, " guard rinawm tak ka ni thei a ngem aw?" a lo ti vat a, hlim tak in kan nuidun ta hawk hawk a.

Kum tawp exam pawh kan tan tawh a, tan kan han la tak tak mai chu, taksa leh rilru a hah duh ngei mai. Mut a kham loh theih thin khawp mai. Exam kan zo tep tih chuan kapa chu committee tur in a chhuak dawn tih min hrilh a, ka ngei lek lek mai. Exam zawh hlàn ka nghakhlel zual sawt mai.

Kapa chhuah fel hnu chuan thaw huai chungin kawngka kava kalh thuai a, mahse, kal pawh ka kalsawn hmain doorbell a rawn ri hlauh mai pek a! Takzet hianin, kawngka chu hawn loh mai ka duh rum rum a, mahse ni theiin ka hre chiah lo a, phur lo zetin ka hawng leh ta nge nge a.

" Apui, i va inkalh hma ve? Chhass a lo leng em ni? ti a nui var var chungin ka thiannu Teteii chu a rawn pen lut nghal a.

" I chhe lutuk' i lokal chu ka van lawm tak,"

" Nia, i pa chhuak tur khan tunlai chu i dawih riau thin niin a rawn sawi a. ' Ka committee a ngai bawk si a, lo han awmpui teh, a khua a har palh ang,' a ti a, ka rawn awmpui dawn che a nih hi, lehkha kan zir dun nghal thei dawn bawk a, a tih chuan ka lawm kher mai.
Zan dar sawm leh a chanve a rik chuan Kapa pawh alo haw ve ta a, Teteii pawh chuan min hawnsan ve ta nghal a. Ka lehkha zir ka by heart' tawh ka rilru a sawi neuh neuh chungin ka mu ta a.

Tuk khat chu Sangtea'n a cousin Mawiteii damlo tlawh turin phone in min rawn sawm a, ka lo aw ve mai a, ngaihtuah miah lo hian " kan inah min rawn lam thla rawh," ka ti liam puat a, nui hak chung hian dar sawmpahnih vel ah aw a tih chuan ka chhan hma in phone a off zui daih a, kan ina rawn kal leh rih ai chuan kawn a lo nghah mai kha ka duh a. Ka phone leh nghal a, a la pick theilo zui... Massage ka hnutchhiah ta tho a.

Tun ah dar sawm a ri vel chiah a, ka inbual leh phawt a, muangchang chuan ka insiam a, kawrfual par ka khup chung vel a chhing ka ha a, sandal var ka bun leh a, ka sam chu a la huh deuh a vang in ka thlah hniang a, kawn lam pan chuan ka chhuak chho ta a. Ka thleng chiah chu ka bul ah a rawn ding dat a, Armada hringduk raih hi a rawn keng a, a tlet nalh dan ah chuan a uluk hle tih ka hria a, a rimtui chem chem leh nghal.!

Mawiteii te in kan thlen chuan luh ka hreh ta riau mai a, motor-ah hian zai kalo ngaithla zawk ang ka tih chuan a phallo nasa mai a, inleng an neih chuan ka lut duhlo ka ti leh tlat a, " I van sual tak," tih pah chuan inleng an neih leh neih loh entur chuan a lut hmasa ta rih a.
Reilo te ah phur hmel taka rawn chhuak leh in, " ka' rawh le tumah an awmlo tih pahin min kaichhuak nghal a. " Tumah an awmloh chuan kan haw nghal thei a nih chu, mi awmlo ina len ka duh hlei nem," ka lo ti fiam zauh a. " I van nghal tak," Mawiteii chauh a awm ka tihna nih chu, mi i hnial peih thei lutuk a tih chuan, " nang tak, kan awmdun hian thil ka sawi ve a piang minlo hnial ziah," kalo ti nghal zat a.

" Inhnialna bu ka nei a, ka chhiar nasa thin a lawm."

" Awih awmlo lutuk," tih pah chuan ka lo ner khum vak a.
" Tak tak a lawm," a ti leh mai a.

" I daw lutuk, Inhnial i hrat bakah i daw heh tel bawk."

" Nang a lawm,.. hmeltha," nui chung hian a lo ti leh daih a."

" I va han tawngthei tak.." hmeltha kan sawiloh kha aw." Kalo ti bak hlar a.

" E, a ni tak, engnge kan sawi? E... Ka hre leh si, i hnial hrat zia min hrilh tak e. " Hnial hrat sabawp chang rawh - a hmul tam lam."

" Hnial hrat sabawp an ti bawk lo, tawngthei sabawp an tia lawm..."

A nih chuan, " tawngthei sabawp chu chang ang che."

" Min pela, chaw ei ah ka sawm nghal ang che."

" Nakinah aw, ka'rawh le lut ang, nachin khan ka lut deuh zuk tawh sia, Mawiteii ngaih a tha lo ang," a tih chuan kan inzui lut ta a.

Rin aiin kan damlo kan pawh chu alo tha tawh a, Sangtea nen chuan eng eng emaw sawiin an ti barh barh a, keichu sawi ve tur ka hriat loh a vang chuan vanglaini chanchinbu chu kalo bih Kual vel mai mai a.

Kum tling lo pawngsual an ziah chuan ka mit leh ka rilru a lak tak em a vangin, uluk leh zual in ka chhiar a, kum tlinglo ah pawh naupang chumchiap lutuk pawngsualtu ka dem thu chu ka sawi chhuak bawrh bawrh a, Mawiteii pawh chuan minlo thlawp ve hle mai a." A hur uchuak thlak lutuk," kalo ti hlar a. " Ho e, a chak ve ni mai lawm," Sangtea'n alo ti àwl sam et a." I zaklo lutuk, duh leh KS te zawng ve mai se," Mawiteii chuan a lo tive hlak hlak a." Ngeiawm zetin min nuih khum a, " Apui, mi nawlpui leh kan Upa ho te hian kan nula te incheina thehlep lutuk hian pawngsual a ti tam an ti ngawt a, pawngsual zaa sawmkua hi chu kum tlinglo naupangte tuar alawm tiraw? Pawngsual tu te lah hi tlangval thalai ai chuan vai emaw, patling nupui neilai ngat hi an ni deuh ziah leh nghal. Mawiteii chuan min rawn melh ralh a. A thusawi chu pawmpui zet hian, kan incheina vang a nih bik loh zia chu uar zet hian ka lo sawi ve bawk a.

Sangtea chuan, " pawngsual tuartu chu kum tlinglo naupang zawng an ni ngei alawm. Nula ho new fashion vang hi a ni ve tlat. A pawngsual tute pawh in sawiho kha anni tho," a tihlai chuan, " engnge kan tel vena?" kalo ti hrám a. " In tel lutuk, dik tak chuan nula leh tlangval han in sual chiam kha harsa ve deuh a sin, in tha zawng zawng a duhtawka in tan phei chuan mipa tan hian hahthlak ve deuh a nia, a zahthlak duh bawk si..." Itawm deuh deuh in in inchei a, mipa kap hi in dap hneh viau a sin, han sual dawn che u sela, mualpho an hlau vé tumhrang tho si, feeling out tawh laklawh kha tihreh nan naupang chumchiap kha hman alo ngai ta thin a, nupui nei tawh pawh an nupui te tawp tak leh invawng fai peihlo deuh an neih chuan midang melh mai kha an ching ve khawp a nia, " hmeichhe ho lah hi in mawl ve bawk sia, fa pahnih khat in nei ve dek dek a, in intinu nghal em em zel a, in pasal te tan chuan hmuh in hreawm duh ve ngawt ang." Sazu pawh hian a kaw ngai reng chu a ning ve tho a sin," a tih chuan Mawiteii nen chuan dik kan ti ve ta viau aniang kanlo bu nghauh nghauh a.
" Apui, inchei uluk viau tawh ang aw, tiraw? Kan inchei duhdah a vanga kum tlinglo in an tawrh zel te chuan a thalo nasa nih chu, bakah pasal kan neih ve hun ah kan inchei hlarh hlarh thin dawnnia, lerh deuh hah reng ila ni mai lawm Mawiteii chuan alo ti leh zat zat a. Sangtea bawk chuan, " Nupui chu chokaah economist ni se la, khumlaizawl-ah nawhchizuar angin, khawlaiah Kristian nula dik tak angin awm ula a tha ber." A ti lo ti leh a.

Eng emaw chen kan thut leh hnu chuan, Sangtea chuan haw a rawt ta a.

December ni 25 zing ka tho chu ka hlim kher mai. Krismas tuk a nih vanga hlim ka ni lo a, Sangtea- birthday a nih vanga hlim ka ni zawk.

Tukthuan ei pahte chuan kan hun hman dan tur vel chu kapa hnenah chuan ka sawi siam siam a. Ka hlim lutuk a vang chuan ka hmel pawh a nung sar thei hial mai... Kapa pawh chuan chhuan hmel tak hian min melh deuh sawr sawr a, min kuah hlu hlu chung chuan," Good Luck, Mate, ka chhuahsan ang che, lo haw har lutuk lo ula," a tih chuan kalo nuih var var a.

Ka inchei lai te chuan duh aiin ka phur mah mah niten ka inhria. Sangtea hi ka duh ve takzet tawh nih hi, chuan, ka hmangaih hle bawk. " Beiseina nena zin kàwng zawh hi tun ram thlen hnu aiin a hlimawm zawk," an tih kha ka hre ve reng a, tun ah pawh tum ram thleng hman lovin zin kàwng nuam chauh ka zawh ang tih ka hlau tlat a ni. Kei chuan beiseina nen zin kàwng zawh phawt a, tum ram thlen hnua hlimna nasa leh zual chan ngei hi ka tum dan leh ngaihdan a ni ve tlat.

Ka insiam zawh chuan inhnuai ah ka chhuk thla a, kapa chuan banga kanu thlalak intar chu alo thlir dauh dauh a, a kal daih tawh emaw ka tia, krismas tuk a nih vang in ka nu chu a ngai hle a nih ka ring.

" Sangtea chu a nalh over hi ni tawp, chancellor kekawr hring duk leh salwar kameez var/cream thawl hnek hnawk a ha a, smart shoe tle zet a bun chuan ati lang lian zual hle a, a sam tle sar te chuan a ti lang naupang sawt a. A mitmu buang uk thak chei nan a mascara a hman te chu a fuh tak zet a ni, a mithmul chhahtak a pawh faite chuan a tilang fai riau leh nghal; Sangtea chu a sexy in a pa em em bawk...!

Kan hun hman dan chu a hlimawm in a nuam dangdai hle mai. Ka rin dan leh ka beisei ang chiah in min ngaihven em em a, tihnat hlau awm fahran hian min kai tlat reng a, ka hlat ah a awmlo reng reng.

A tuk zing hma tak ah chuan ka phone ri chuan min ti harh a, ka en chuan Sangtea lo nia.

" Hello, Arem, Sangtea."

" Hey, van hma ve, engnge ni ta zing zing ah?"

" Nizan khan step ah ka tlu a, ka ngal ruh a tliak pek a, min rawn kan la," a tih chuan ka tho rang teh e...

" Eng... enga ti nge i tluk a,"?

" Step a kal lai khan current a awmlo thut a, ka in chhuih a, ka tlu a lawm mawle, min rawn kan la."
" Vawihnih,"

" Engmaw, vawihnih" a rawn tih chuan," min rawn kan la,' ka lo ti nawn ve ngat a. A nui zui hak hak a.
" Awle, class ban hun ah dar khat velah kalo kal ang," tiin phone chu ka dah ta a.

An in ka kal hmasak khan anu leh pa chuan tha takin minlo dawng sawng a, a nu phei chuan min be siam siam reng a, nel pawh ka nel hman viau.

Sangtea damlo kan tur chuan Ramhlun lam ah chuan phur tak in ka kal ta a.

" Millenium Center- ah ka bazar kawi nghal a, couple T-shirt maroon colour simple zet ka hmuh chuan ka lei nghal a." Chips leh drink nen ka inkhai bawr deuh lak a.

" Doorbell chu ka hmet ri rál ral a, an awmpui ni ngei tur hian, lo lut rawh tih pah chuan kawngka a rawn hawng a."

" Apui, i van fel ve lo thu rawh," a nu chuan a lo ti sawk sawk a. I van in khai bawr ve, kha eitur hlir a ni maw i khai a? A tih zawm zat a.

" Nia, a damlo ve bawk sia,.. ka nui pah hak hak a.

" A room ah a awm kha han chho mai rawh," a nu chuan alo ti leh a.

Sangtea room kawngka chu ka kik karh karh a.

" Aw, lo lut rawh."
" Hey, Sangte, enge ilo an tawh a."

" Ka tha vaklo nih hi," tih pah chuan a ke lam chu a melh zauh a.

A ke chu anlo tuam bur mai a, dimte-in ka khawih sak a, ka khawngaih kher mai." Engtik ah nge a dam ang le,?" ti a nui sang chungin a room chhunga sofa ah chuan ka thu a.

" Kar hnih vel chu a awh ve ang." I van rawn kal har ve, a tih zawm zat a.

" Hman lo 'lawm, period thum ngawt ka nei a, ka rawn bazar nghal bawk sia," ka lo ti zung zung a.

A mit vel bui deuh lak leh a mit sen ram ka hmuh chuan zan lam ah mut a hmu meuh lo a nih ka ring mai, ka khawngaih angreng khawp mai. A tap te pawh a ni mahna.

" Sangte... engnge i an hrim hrim?"

" Ka an pawh ka hrelo, keima thlalak a mi pawh ka ang tawh lo," thu tak hmel deuh chuan a ti sup a.

" Oh, chimawm thiam lutuk mai," thlalak ah chuan i mit a sen ve hlei nem kalo ti hliai a. Kan nuidun ta hawk hawk a.

" Min bual ta che, keimah chuan ka theilo ngei ah..." ngenngawl zet chuan min melh sawr sawr a.

I nu a awmve reng khu, chi loh lutuk, kati deuh hlak hlak a.



Bathroom ah chuan kan in kuah lut dat dat a, a ke tih huh a hlauh a vang chuan thuthleng hniam chu a ke nghah chhan ah ka hmang a. Tuivawt chuan ka theh deuh that a, a rak deuh that a, a vawt ti chu a khur deuh dar dar a. Tui adjust na chu hmet in tuilum nen ka kal kawptir nghal a, tuisa in a taksa ka phuhtir chuan nuam ti tak hian a chhing siar siar a.

" A taksa phiar fat leh thahrui ngah hmel tak chu a lang chiang ngang mai. He mihring hi chu a tha thlawt a ni. A lan dan pá zet chu hria angin a lang duh thak lo.

A rawn meng thut a, chutah muangchang in ka taksa chu a enkual dan dan a, ka ke lér a tang in ka kàwng fek ràt leh ka dul thep zaih te chu a en chho zel a. Nuam ka ti fahran lo kher mai. Ka shirt- hàk mar tang chhan a ka awmbawr kawh lah lo lang chu reifê a thlir a, a tawp ah ka hmai ah a tawp chat a.

Engnge a ngaihtuah tih a mitmeng ah chuan ka hrethei hauh lo, min duhna emaw min itna emaw pawh hmuh tur a awm lo. In thunun theih na riau a neih bik na hi ka ngaisang thin hle.

" Min enreng dawn nge? Bathroom a tang hian ka'n chhuak dawn,? ka àw chu a ri chhuak chang chang chauh ani.

A kut chu rawn phar chhuak vut in a lam ah chuan min pawt hnai hrawk a, kalo ding nghet vak loh a vang chuan ka tlu ta mai... Shower chu a off bawk silo a, tui chuan min phuh huh ta vek mai a. Ka delh na ang tih ka hlau bawk si chu ka tang nasa lutuk a, ka hah vek thei.

" Vanneihthlak tak in a ke chu a huh lo hlauh." Bathrobe chu ka ban vat a ka thawmhnaw huh hnuang chu ka hlip sawk sawk a, ka haw hma in ka tihro hman ngei a ngai, machine ah chuan ka vawm lut nghal a.

Bathroom a tang kan chhuah chuan, khumah ka thuttir a, a lu chu hair dryer chuan ka chhem rotir nghal a.
" Apui, ka ngai lutuk che," tih nghut pah chuan min kuai thlu nghal a, ka bathrobe hak chu kalo suih nghet vaklo nge, a in phelh ta mai, a ni lah kawr a ha bawk silo a. Min bawh ti tih deuh hian a in bengkang deuh ur a. Rawn kun hniam in ka hmui chu a rawn fawp a, ka chip tlat a vang chuan nawr kau tum chuan a bei ve fat fat bawk a.

" Mama, thingpu...i" a nu leh pa chu an rawn lut a. Chutia khuma thawmhnaw pawh inbel mumal bawk silo a kan lo awm chu an hamhaih lutuk nge, room kawngka bulah chuan an ding reng a.

Sangtea chu ka nemtho vat a, towel chuan min rawn khuh sawk sawk a.

" Ka... Nu... Hming, min hmuh ang hi a ni miahlo..." kati bah deuh nawk nawk a. A pa chu alo rum deuh hrawih a.

" Eng'nge inlo tih hi, Mama engnge i sawifiah thei em? Chang fak hian apa chuan arawn ti a, ka zak lutuk' chu ka tap mai dawn in ka hria. Sangtea lah chu a ngawi hmiah tawh mai si.!

" Innei vat ang che u, a rang thei ang ber in," a pa chuan a rawn ti leh a. " Inhnuai ah kanlo nghak ang che u, mama nu chhuk ang."

Ka thawmhnaw a huh vek bawk nen, kawr hâk tur ka duh hle a. T-shirt ka lei kha ka hrechhuak thut a, ngawireng in ka phawrh mawlh mawlh a, pakhat chu a lam ah ka theh phei a, in ha la chhuk ang ka ti nghat a.

" Min hua em?"

" Huat na chhan tur che ka neilo, mahse, kan chesual lo tih i sawifiah thei."
Min rawn kuah leh thlawp a, ka hmangaih che lawm, ka venghim tlat ang che. Mahse, ka thusawi kha an awih i rin chu ka ring bik chiahlo. Min rawn hmuh dan kha a chiang ve bawk em a lawm, a tih chuan, kan chesual chuang hlei nem kalo ti hlar a.
Eng ang pawn insawi fiah mah ila kapa chu i hriat tawh kha, kan inneih vat chu a tha ber...

" Kapa hi ngaihtuah telve ta che, a phal i ring bik a mi?" ka tih chuan, chhuk phawt ang alo ti daih.

Muangchang chuan step ah chuan kan chhuk chhat chhat a, ka zak lutuk' leh thinrim bawk si chu ka insehruh teuh a, ka taksa chu a thlan dap dap mai. Living room ah chuan ngawireng in anlo thu a, anu chu rilru hah hmeltak hian a thaw leh hak thin.

Sofa àwl ah chuan kan thu a, ka hawichhuak ngam tawhlo hrim hrim.

" Apui, I pa ka phone zo chiah a, alo kal mek a, in pahnih chungchang hi sawiho kan duh a." a tih chuan ka ngawireng a. Kapa ka hmu hreh lutuk'chu thih nghal theih chu nise tun ah hian ka thi nghal ang.

Motor ding dat ri ka hriat chuan ka thu chu ka kang deuh uaih a, Sangtea chuan minlo pawtthu nghal vat a.

Kapa chu hmanhmawh tak hian a rawn pen lut nghal pawk pawk a, ka bulah chuan a rawn thu deuh chawrh a.

" Mate, enge thil awmzia hi?" a tih chuan ka ngawireng a, dimte-in ka dar ah chuan a rawn vuan a. Ka tah mai loh nan ka hmui ka pet fan fan a.

" A rang thei ang ber in Innei vat rawh se" Sangtea nu chuan a rawn ti dam dap a. Kan chesual niin an ngai nghet hmiah tawh. Kan chetsual loh thu sawi pawh ka tum buai peih tawh lo, engang pawhin sawi mah ila an awih dawn chuanglo.

Inneih ni a tan chuan February ni 14 an ruat a, ka Birthday ni tak a nia, pasal neih ngei a ngai tih ka hriat chuan ka huphurh tak zet ani.

" Sangtea ke pawh a damfel ta bawk a, bazar ah inneih na a mamawh vel lam khawm turin kan chhuak a, mokawr kan en hmasa phawt a.
Inneih Zungbun entur chuan kan kal leh a, dawr kan thlen chuan a neitunu pi Siamteii chuan minlo welcome tha ngang mai...

Zungbun chu ka enlawr dan dan a, a tamin a nalh hlawm kher mai. Lak tur ber pawh ka hrelo. Sangtea chuan kan pahnih a buntur kha en law law ang alo tih chuan ka then sak a.

Lunghlu Zungbun mit hring nghalh simple nalh zet chuan ka mit a la ta ber a. Thuangthum in a in herh chiat a, mipa bun a tan pawh a iai awm lo khop mai,...

" February ni 14 pawh alo her chhuak vé ta hlawl mai." Tlai lam a Innei/ inkutsuih tur kanni bawk a ka hmanhmawh teh chiam lo. Muangchang chuan ka inbual a.

" Mit tla lo chauh a min thlir tu ka pasal ni maitur Lalrosanga lam pan chuan ka kal hnalh hnalh a. Mo kawr tuxedo var ka pian mil thlap chu ka ha a."

Inneih thutiam kan chham lai te chuan ka taksa chu rawn sa pup pup in, ka khur deuh dar dar a. Ka zam tak zét mai... Sangtea paw'n a chham uluk kher mai.


Chawhnu lama Innei kan ni bawk a hunpawh kan hmang reilo. An in lamah ka thuam chhawm nen ka lawi lut nghal vek a. Zanriah pawh an in lam ah kapa pawn a rawn eive nghal a.
Chhun lamah in thlahdul miah lo in ka awm nilenga, ka chau hnawk mai. Dar sawm a rik chuan inleng te pawh an haw diak tawh a. Room'a ka luh rualin ka thawmhnaw ka phelh sawk sawk a, bathroom ah inbual tur in ka lut nghal a. Tui sa tha ver vawr a ka inbual chuan ka hahdam huai mai. Towel nen chauh ka chhuak a. Darthlalang hma ah chuan ka ding vang vang a.

" Thawmri ka hriat chuan ka lo beisei ruk deuh a nih a vangin ka nui deuh sak a." A rawn hnai zel a chesawn duhlo in ka ding vang vang a. Hnunglam a tangin ka kawng a a kut leh lam rawn rawlh lut in min rawn kuah a. A taksa lum ham ham chu ngheng in ka nui nghawr dat a.

" Min nuih a ni maw,? Lungawilo hmel deuh a rawn ti chhum hmuk tu kut chu ka chulsak niap niap a."
" Monu ka hmuh tawh zawng zawng ah chuan ila hmelltha ber," ti sup tu ka pasal chu kalo nuih seih a.

" Happy Birthday," tih pah in a coat ipte a tang chuan bawm hi a rawn phawrh chhuak a. Ka kut ah chuan a rawn dah a.
Kut khur dar dar in bawm chu ka hawng a, a chhungah chuan Lunghlu hlang a siam couple thi nalh zet ka hmuh chuan lawm lutuk'in ka nui chhuak hliai! La chhuak in ka enkual vel ngial a. " I duhzawng a ni em?" a tih chuan, hawichhuak in ka nuih var var a.
" A lamah chuan min pawt hnai a, a kut in ka hmai chu a chhui kual riak riak a, vawt tih vang nilo hian ka khur deuh der der a."

" Ka hmuiah chuan na zét hian min rawn fawp ta a, a dimlo kher mai. Ka hmui chíp tlat chu nawrkau tum in tan ala ve thung a. Ka kàwng ah nghet tak a chelhin a kut leh lam in ka tukhum a vuan bawk a. Dimna tel hlek lo in min fawp chhunzawm bawrh bawrh a."



" Duhtawk chin neilo lek in min fawp chhunzawm bawrh bawrh a, katan pawh hnar a har viau." Ka thiam dan ang ang chuan ka lo chhang lèt vé tan tan a. Vawihnih chiah kan in fawhna a nih vang in ka zei viau lo.



" Helai hmun chu ni lo e, duhthusam a ni lo," a ti tham tuak a. Min pawm kang nawlh a khumah chuan min nghat dat a.

" Khumah chuan kut insuih in kan thudun a. Pathian hnen ah lawmthu sawiin kan tawngtai dun a."

" Ruak vek a kan taksa a indeh chuan ka la hriat ngailoh phûrna nasa tak hian min rawn fan chiai chiai a. Ka lungphu ri dat dat chu a hrepha hial ang. Tisa chákna chuan min tuam dun a ni ber mai. Ka pasal chétdan chuan nawmna nasa lutuk min pe in, hmangaihna lipui ah chuan kan pildun ta vawng vawng a."
Ka harh chuan ka lu a na ut ut a, ka serh leh tái bawr ana ut ut bawk. Nizan lam thil ka ngaihtuah a, ka then deuh sak a. Nizan khan ka pasal nen hmangaihna kan chendun in ka thianghlimna ka hlàn a nih kha.

Ka sirah ka pasal chu alo mu bam a, tih harh hlau tak in ka tho a, a kut chuan ka kàwng ah nghet tak chuan a rawn vuan a.

" Thawmhnaw inbel ka nei miah lo leh nghal a, ka taksa chu a ngai ngaiin a lang a, rizai chu ka pawt chho a, ka inkhuh nghal vat bawk a." Ka khur deuh dar dar a. A palian nasa mai sia... Boxer aha tih loh chu thawmhnaw inbel a nei bik lo a, a dar ruak kung chu a sek phiar fat a, a kàwng fek ràt lam chu ka melh thla ngam tawhlo. Ka mit ka chhing ta ringawt a.


" Hun chu chelhdin rual ni hek lo le, a kal ngaiin a kal mawp mawp a, kan Nupa pawh harsatna tawk em em lo in kan awm ve zel a, tunah hian thlathum kan Innei veta reng mai. Nupa han nih a rilru a awm hmasa ber chu, fa neih vat a châk awm hle tih hi. Apuii hi ala naupang ve em a, fa neih hi a duh leh duh loh ka hre miah lo a, kei chuan fa neih vat hi ka chak hle a. Nupa ah kan insiam ta sa sa a, indan tih vel kha ka duhdan ani ve vak lo. Mahse, chuti mai a neih theih a ni hauh lo. Pathian thu thu alo ni tih te ka hriat phah bawk a.


Fapa mal kani bawk a, inchhunga Mo awmchhun tur a ni bawk nen kanu leh pa hian an atchilh tawp a, kanu nen phei chuan an in nufa bik em em a, engkim ah hian an in thurual vek a ni ber mai. A mah Apuii hi nu tello a seilian tih tak ah kanu hi a ngaina bik em em a, an pafa khan an zia hi a tha hrim hrim in an zaidam em em bawk.
" Chhun lamah motor ka khalh kual nasa lutuk a vang chuan ka chau lutuk a, ka mutui khawp mai. Apuii lo mut lai pawh chu ka hrelo. Ka harh chuan ni alo tlangsang viau tawh a, Kannu pawh alo tho tawh a niang, a thawhlai pawh ka hrelo. Hmangaih takte nena nunbul han tan chu a hlimawm in nun hi a hlim veng veng ringawt tawh a. Zingthawh pawh kan hrelo tan der chu nih hi.

" Nikhat chu ka nawmsam vak loh a vang chuan ka mu zal mai mai a, Sangtea motor thawm ka hriat chuan tukverh ah ka dak vat a, hmeichhe pakhat nen an lo inbe mek chu ka zuk hmua, min hnungchhawn zawng a an din a vang chuan a hmel ka hmu chiang thei lo a, Sangtea chu kan inlam hawiin a inher rem dawn chuan ka tlum lut vat a, ka thin chu a phu dat dat mai. Ka bih leh dek dek a, anlo kalsawn hman tawh a.

Room'a a rawn luh chuan tukverh bulah kalo la ding reng a, min hmuh chuan a phu deuh zuk leh nghal.
" Tunge i biak kha?"

" Hluteii a nih kha in an sa dawn a, balu leh rawra an duh dawn a, min rawn zawt a nih kha," a ti a, ka ringhlel deuh tlat.

Ka nawmsam vak loh a vang chuan tlai chaw pawh ka ei peihlo a, damdawi te min ngaihtuah sak a, a phibuai nghal char char. Pathian zarah ka hrisel angreng a, ka damlo khat khawp mai. Ka luak a chhuak nghulh reng bawk nen chaw ei chu kachak hlawl lo. Ka nu chuan damdawi min rawn eitur a, ka muhil nghal char char. Ka harh leh chuan zan dar riat alo ri tawh a, ka mutna bul ah chuan Sangtea phone lo awm chu ka enchak tlat a, phone chu ka on a, whatsapp chu ka lut nghal a, group massage leh cement leh balu a pekna tur a an inbiakna chu a lo tlar thla deuh dula, number hlang chauh massage chu ka enchak tlat pek a.

" Nangmah ngeiin balu leh rawra i rawn dah theih dawn a ka lawm kher mai, kan insak chhung zawng min supply char char ang che."

" Bathroom a tang a rawn chhuah dawn chuan phone chu ka dah vat a.

" Apui, a rawn ti sup a."
Ka bulah chuan ngawireng in a thu a, ka harh duhloh tlat a vang chuan a kal sawn ta a. Ka taksa nawm loh na ai chuan ka rilru na chuan min tina ngut ngut zawk. Min phatsan a ngaihzawng dang min neihsan tur anga ka ngaihtuah ringawt pawh in ka na thei a nia. Engmah hrechiang lo a lo thinrim ve ngawt kha a dikin ka hre bawk silo. Mu turchuan a rawn lut leh a. Ka phone chu kalo khawih niap niap a.

" I ril a tam em, I muhil tui sia ka kaiharh duh talo che nih kha."

" Tam lo e, Apple ka ei châk e," ka tih chuan a rawn nui ta hawk hawk a.

Inhnuai ah a chhukthla nghal vat a, Apple pumthum leh chemte a rawn keng chho a.

" I zia deuh tawh em?" tih pah chuan ka bul ah a rawn thu ve nghal a.

" Ka dam tawh e, min ngaihtuah lo la." ka tih chuan ka kàwng ah nghet tak in a rawn kuah a, kan muhil zui nghal a.

Ka phone ri char char chuan min ti harh a, kapa alo nia. " Hello, Mate, vawiin ah lo leng phei ula,"

" Pa, ka ngai... lutuk che nia, kan... lo leng dawn nia." ka tap chhuak nghal hawk a. Ka awmdan hi ka hrethiam hrep lo e.

Ka tho nghal a, bathroom ah ka lut nghal a, ka inbual sawk sawk a. Inhnuai ah ka chhuk thla a, kanu chuan kelsa a lo siam a, a rim ka hriat chuan ka pum chu rawn in lèt but in ka ka luak chhuak lutuk chu bathroom ah ka tlanlut nghal a.

" Pregnancy test ka tih chuan alo possitive kalh mai, lawm tur nge lawm loh tur pawh ka hrelo, kanui deuh hak a, ka mittui a tla par bawk...!


" Apui, damdawi inah kal ang insiam rawh," a tih chuan ka phu deuh zawk a.

" In entirna result chu a man a buaipui vek a, engmah pawh ka zawt lo.."

" Clinic pawn ah chuan ngui nghiai in ka lo thu a, result nghak pawh an awmve nual a, Sangtea chu hlim tih hriat zet hian a rawn chhuak a, min kuah turin a kut chu a rawn phar chhuak thlap a.

" Min pawm kang nawlh a min vir pui ta chiam a, ka chau in ka luak a chhuak bawk nen, ka melhrum thiam tawk chuan kalo melh nghek a.

" Sangte, duhtawk teh ka lu a hai a nia." Ka tih chuan a dingzui vat a. Engnge result chu?

" I rai a ni, duhtak tun ah hian ka Fa thlakhat leh kàrhnih a upa I pai mek ani." Engtinnge hei hi I hriat loh theih." a ti ta chiam chiam a.

" Maw, nau ka... nau kapai maw,? Ka awihlo hial zawk! Engtinmah ka awm ngai tawp silo." Lungngaih tur nge hlim viau tur,“ tih pawh ka hrethiam hrep lo e.

” Apui, ka lawm takzet a ni, engtinnge nau I pai ang tih rinna chang kan hriat loh theih zawk ni?" In entir tur khan hruai lo che ila chuan kan hre dawn miah lo tihna nia, a ti chul a.

" Pathian hnen ah lawmthu awm rawh e." Kapa chuan a rawn ti sup a.
Ka naupai thla hnih a nih chuan, phir kapai tih kan hria a, ka hlim lutuk chu ka au chhuak hliai a.


Ka dul pawh a puar lian ve tawh hle a, Sangtea chuan nau neih hma a balu vel semtur a neih ang ang te chu sem kualin, thahnem a ngai vé khawp mai a. A inti patling thei lutuk hi kanu nen hian kan nuih tawp zel.

Naupuan ka suk fai chu ka thlep tha malh malh a. " Apui, i phone ari char char a nia." Kanu chuan a rawn ti lang lang a. Choka ah phone ka lo dah daih chu niin...

" Nu, minlo pe mai dawn mi," room ah chuan phone keng in a rawn lut a, number hlang chauh a nia tunge mawn'le, tih pah chuan phone chu min pe a. A ring tawp chiah leh nghal. A rawn ri leh nghal zat a.

" Hello, Apuii ka nia, tunge àw..."

" Hei, Sangtea kha Sairang road ah a chesual hlauh mai a, kawngthlang lam ah...

A sawi zawh hma chuan ka phone chu ka thlauh tawp a, chhuat ah chuan ka thuthla tawp a. Kanu chuan Apui, Apui... eng'nge thilawmzia? I tha em... tiin min rawn sawi nawk nawk a. Ka chhang theilo ka kha a chilh tlat a, ka â vek ni maiin ka hria. Phone chu kanu chuan a chhar vat a.

" Hello, Helllo... Eng'nge thilawmzia hi? A au deuh chula, lehlam a mi chu a tawng mawlh mawlh a, kanu chuan phone chu a dah deuh chawrh a. Chutah kanu chu chhuak em em hian a tap chhuak ta rawih rawih mai a. Kapa chu phone in chanchin a hrilh mawlh mawlh a. Durtlang Hospital-ah anlo phurchho tawh a. Kapa a rawn thlen chuan hmanhmawh tak in kan chhuak zuive ta a.

" Durtlang kan panlai te chuan, rilru mumal pawh ka neilo ka chi-ai vek a. Ka khawhmuh te chu a chianglo ruai vek mai. Ka pasal chu damin nge ka hmuh ang thiin? " Aw Lalpa, khawngaih takin tidam leh hrám rawh, tiin ka rilru chuan ka tawngtai mawlh mawlh a. Hospital kan thlen chuan mi anlo awm nuaih nuaih a, kanu min kaih ang ang chuan ka awm tawp a. ICU- ah anlo dah fel diam tawh a, luh an phal hrihloh a vang chuan darthlalang chhan ah chuan ka bih dak dak a. A lu chu an ziat kawlh vek a, a hmai chu avung vek a, oxygen hmang in anlo thawk tir ve tawk tawk tih chu a hriat hle mai.
A chhunga a luh theih vel ah chuan kanu nen kan lut vat a. Ngawireng in a bul ah chuan ka ding a. A hming ka koh dan tur ang a a duhdan ber chuan,

" Papa, Papa... harh hrám rawh." A dar ah chuan dimte-in ka khawih sak a. A hmui khawro rap ah chuan ka fawp vang vang a. Mak deuh maiin a rawn meng siar siar a.

" Mummy, ka hmangaih che," a àw chu a ri chhuak chang chang chauh ani. Ka pum chu a rawn melh vawng vawng a, harsa ti zetin a then deuh sak a. Hahdam hmel tak chuan a chhing ta siai siai a.

Nithum leh zanthum kan awmna a ni tawh a, a tir a harh bak kha ala harh leh miah lo a. Doctor leh Nurse te chuan sawi chhuak lo mahse an hmel ah chuan tih theih an nei vak tawhlo tih a hriat mai. Pathian chauh in a hria ang.

Kan boruak tawn in a zir loh em a vang chuan thil ei chákna pawh kanei lo. Nau ka pai avang chuan kachau hle a, Doctor chuan thisen chaw khai ve mai tur chuan min ti ta a, hmundang a kal sawn ka duh tlat loh a vang chuan ICU- kawt ah chuan thuthleng a awm tho bawk a, tah chuan kan khai ta a. Ka chau ve ngang a niang reilo te ah chuan ka muhil ta vat a.

" Tap ri ka hriat chuan ka harh chiang hle mai. Ka meng nghal vat a, ka hawikual ruai bawk. Kanu pawh ka hmulo a ka bangbo kher mai! " Kapa chuan min rawn pan vat a, Bawihte, chî ai lo la in ti pachang hram hram rawh aw, atih chuan thil awmzia ka hrethiamlo hle. Kanu tap rawih rawih ka hriat chuan ka hlauthawng lutuk chu ka thinphu chu a phu nghal dut dut mai. Ka pasal awmna lam chu ka hawiphei vat a. Oxygen te kha anlo phawi vek tawh a, Doctor leh Nurse te chuan anlo sawngbawl mawlh mawlh a.

" Ka pasal, ka hmangaih ngawih ngawih chuan min kalsan ta." Thawhkan mai tum chuan ka ding uaih a, Kapa in Bawihi i tha em? a tih chu ka hre riai riai, ka khawhmuh chu a thim ruai ruai a, ka pasal hmel dangbai chu mitthla chung in ka áwn riai riai a. Nikhua ka hrezui talo.

" Ka harh leh chuan khumah ka lo mu a, kanu chuan rawmawl huh chuan ka chal alo hru mawlh mawlh a."

" Engtin nge ka awm, Khawnge ka pasal?" ka tih chuan kanu chuan minlo kuah vat a. Zai ri leh khuang vawri tlang tlang ka hriat chuan thil thleng chu ka hrechhuak uaih uaih a.

" Nilo, a bulah khan ka awm a ngai a ni! A ni khan min mamawh a sin..."

Inhnuai ah chuan kanu chuan minkai thla a, mi pawh anlo tam khawp mai, khum ah anlo mut a, nunna nei tawhlo tih hriat tak hian a mit a chhing tlat a. A lu chu lace var hian anlo tuam bar a, ngawireng in a bulah chuan ka mu a, a hmai dang bai chu ka hmai chuan ka siktir a, ka kut leh lam in a pum zawnah chuan ka kuah bawk a.

" Ka pasal boral thut chu ka awihlo lutuk leh mak kati lutuk chu ka tawt up up a, ka bing chuk chuk bawk. Ka tap mai theilo leh nghal."
Ka awmchhung na lutuk a vang chuan ka thaw a chham lek lek hial mai...!

" Nilo, hei chu ka mumang mai mai alo ni mai thei a sin,! Ka thangharh anga damtak in Sangtea pawh alo harh leh ang.

" Mahse... ka mumang mai nilo in, a tak ngei a ni si.!"

" A ni hian he khawvela in hmu leh tawh ngai reng reng lo tur in min kalsan a sin." Aw, Pathian, engvangin nge hmangaih hi min laksak tiin ka tap chhuak ta rawih rawih a.

" Ka hmangaih em em ka pasal nunna reng nei tawh lo chu ka kuah chial a. He khawvel hi i hmachhawn ngamlo a nih chuan kei pawh hian i tello in ka hmachhawn ngamlo a sin!"

" Ka pum chhunga kan in hmangaihna rahchhuah PHIR unau te chuan' KA PHAL LO ' tive awm tak chuan anrawn che ve dat dat a."

" Papa hi mangtha rawh ule," tiin ka pum puar ve tawh tak chu dawm vang vang in ka phun sap sap a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)