ANGEL BY Hmangaihzuali Varte

Ngaia
Site Admin
Posts: 25813
Joined: April 30th, 2016, 4:07 pm

ANGEL BY Hmangaihzuali Varte

Unread post by Ngaia » September 25th, 2022, 9:53 pm

ANGEL
(2022 COMPETITION)



Ding rawh ka tih chuan ka thusawi hrelo ang maiin a kal lui tlat,kha tia i tih khan i chhungte engtin nge an awm ang ka tih chuan a ding ve chawt lo hawi letin “ka awm loh chuan an hlim zawk ngei ang" a ti leh tlan pheiin ka va pawt let pawp thu sawi dun ang ka tih pawn a hawi sawn hmak intih hlum i tum tih hi i chhungten hre tase engtin nge an ngaih ang ka tih chuan a mittui atla zawih zawih a “engmah ka hrethiam tawh lo" a tih chuan i inbun ruah duh chuan ka awm reng nia ka tih chuan a mittui hru hulin“let tawh zawk rawh"a ti leh mah se ka kal san dawn lo engkim i sawi thei nia ka tih leh chuan “i ngaithla duh ang maw"a ti leh a ka lo bu nghat..
“Kan khua chu Lawngtlai a khua pakhat ve mai a ni a zirna pawh pawl nga vel thleng bak ala awm loh avangin hmundangah a bak chu kan kal mai thin,nikum christmas khan ka chhungte ka ngaih em a vang leh thil pakhat vangin ka haw a mah se in ka thleng chu tumah hian lawm hmel pawh an pu lo keichu mihrang ang maihian min lo en a ka pa hnathawk haw chuan min hmuh chuan thinrim em em hian tiang rawn lain min rawn vaw pawp pawp ta mai a keichu ka hamhaih lutuk chuan ka lo dawh tawp ka mittui chu atla nghal zawih zawih a “engtin nge i rawn haw ngam â mi hurna"a tih chuan ka hrethiam ta deuh ka pa chu a chhuak leh ta daih mai a ka nu chuan tap zawih zawih hian “bawihte engvangin nge hetiang i lo tih lehkha zirturin i kal nilawm ni atih chuan"tap zawih zawihin nu chutiang lam anilo inngaih ang kha engmah anilo sin tihin sawi fiah ka tum a mah se ka nu bawk chuan“I nu Siamteiin(ka awmna tein)min rawn phone a zanah tlai tak tak thleng a chhuak a mipa in a chang leh a lo hruai chhuak a,a rawn tia bawihte tiang ti tur hian kan ngai lo che sin mah se a ti chiang turin nau i pai tih kan hre leh si a"atih chuan ka ngawi tawp ka tawng thei tawh lo ka rilru ana em ani..
Ka harh leh chuan khua alo eng der tawh ka lo muhil tlang a ni ngei ang, ka tho a rawng kava bawl a (ka tlu chhe mai tur a nilo nu ka ni tep tawh lawm tihin ka infuih ve sauh sauh).Rawng ka bawl zawh chuan chaw kan ei ni nghal der ka pa chuan “tu nge apa”a tih chuan chil ka lem khawlh kan college ami ania ka tih chuan “a hria em a tih" chuan ka bu nghat a anih engtia awm nge i tum a tihchuan pa u Rinpuia chuan alo kal ve tur thu a sawi a ka tih chuan a nih alo va la kal silo ve a tih chuan sawi tur reng ka hre lo ka pa chu ngawi rengin a tho nghal keipawh chu engmah pawh sawi tawh loin room ah ka va lut a phonein u Rinpuia chu kava phone nghal phone chu ala la thei lo zui bawk sia min phatsan a ni tih te ka ring rum rum a mah se ka ring phal chiah silo a u Rinpuia te chhung hi an khawsak hi a pangai ve apa hi doctor a ni a,a nu erawh chu an mahni dawr a nghak ve thin a uRinpuia te hi unau pahnih niin a nihi upa zawk a ni a tunah PUCah 6 sem a zir mek a nau hmeichhia neiin a nau chu pawl sawmpahnih ala zir a ve mek a ni u Rinpuia nen hian college ka luh tirh hian ka class awmna tur vel ka zawt a min hrilh a ta tang chuan inbe chho tanin tiang hi kan ni chho tan ani mipa rintlak tak anih vangin tiang hi ka ti kha ani mah se tunah chuan ka hlauthawng tak zet ani phone chuan biak ka tum reng thin a mah se switch off a inti tlat bawk sia biak dan dang ka hre bawk silo a, ni kar aliam a tun thlengin u Rinpuia chu alo la kal lo ka rilru chuan min phatsan anihhi ka ti rilru a, mahse ka la ring phal silo a ka pa lah chuan Aizawl lamah ka kal a phal tawh bawk silo a kan in hlim taka kalo awm ve thin na ngeiah chuan rilru nuam lo leh inthlahrung tak chuan ka awm ve ta reng ani..
Thlakhat a liam leh ta uRinpuia hnen atangin engmah alo la thleng lo mah se zan khat chu kan kawngkhar chu kik tu an awm avangin kava hawng vat a ka mi hmuh vang chuan mak tiin ka ding ngawi reng chu tah amah chuan “min kuah dawn lo mi" a tih chuan a awmah beng pah chuan kava kuah a mah se naute pawh thla 5 laia lian anih tawh avangin inkuah pawh a har deuh tawh ka mittui chu atla char char hi nitawh mai engvangin nge i lo kal har em em a ka tihchuan ka pum chu chul pahin a fawp zauh a lut phawt ang a tihchuan ka chhungte ho ka hrechhuak zawk kan luh chuan min lo en thap kan thut fel hnu chuan nu pa hei hi uRinpuia chua nia ka tihchuan ka pa chuan a en vang vang hnuah “engtia awmzel nge intum a inpahnih hian"a tih chuan uRinpuia kalo en vat ka kut lo hum pah chuan “ka pu i fanu hi nupuiah neih ka duh ani" a tihchuan ka pa chuan “i chhungte hoin rem an ti meuh maw" a tihchuan keipawn chu chu hriat ka duh reng a ni thut rem pah chuan uRinpuia chuan “tunah hian ka chhungte remtihna thlapin kalo kal a ni kan insawifiah nghal law law nga khatia Muanpuii rawn haw hnu khan lo kal nghal kha ka duh a mah se kan chhungkuaah buaina neuh neuh alo awm ta sia Bangalore lamah kal thut a ngai a chutah ka phone ka ti chhe palh a ka haw velleh ka kal dawn tho ka ti a mah se ka rei ta phian sia mah se hei Mizoram ka lo thleng tukah ka lo kal leh nghal a ni"a tih chuan ka chhung ril hi a hlim veng veng ani hah pawh sawi loin a rawn tlang nghal chu nisia ka thlang sual lo zia min hriattir avangin Pathian hnenah lawmthu ka sawi mawlh mawlh ani..
U Rinpuia chu Aizawl lamah a let leh tawh a, a tawi zawngin sawi ta mai ila khatia a haw hnu reiloteah khan palai an rawn kal a ka nau pai alen zual leh tak tak hma a inneih antih avangin thlathar March ni 15 ah khan kan ruat a mo kawr en tur a kan kal hma zan chuan ka pa chuan ka kut chelhin“bawihte ka fanu i ni a khatia i chungchang kan hriat khan kan rilru pawh a na em em a mah se ka fanu i ni a kan hmangaih na che hi a dal phah lo mah se kan fanuin khatia ilo ti ta mai kha kan rilru ana takzek ani chuvang chuan ka thinrim em em a mah se maw i pa hian tanpui i neihna laiah chuan ka tanpui hreh lo che nia aw"a tih chuan ka mittui atla zawih zawih ka pa bawk chuan“i pasalin a lo duh lo che a haw tur a a tih che pawn inthlahrung loin lo haw la kei ipa hian i tluk chuan ka kaitho che nga tah i mamawh pawn i pa awm ngheng hian i tap thei reng ania chuvang chuan hlim takin awm tawh rawh aw"a tih leh ngat phei chuan aw rawl chhuah meuhin ka tap ta Lalpa ka lawm e aw min hmangaihtu chhungkua min pek avang hian ka ti hial a.Mahse chunglam khian ka hlim kha alo phal velo a ni ngei ang mo kawr tur en tur a kan kal chu uRinpuia nu chuan min lo call a “Muanpui bawiha" a ti a a tap zawih zawih ka hlauthawng zual nu eng nge thleng ka tih leh chuan “bawiha kha a motorin khamah a tla thla a tunah damdawi inah kan awm mek"a tih chuan amah a tha em ka tih chuan “tunah chuan ala meng hrih lo a hlauhthawn awm maithei doctor ten an ti a" a rawn tih chuan ka rilru chu hmanhmawh nghal lutuk ka bula thu ka thiannu chuan thil awmzia min zawt a ka hrilh chuan “i pa te phone rawh" a tih chuan engmah ka ti thei lo tih a hria niang phone chu lain amah chuan a rawn phone nghal eng nge an sawi pawh chu ka hretheilo kanla tlan rei dawn sia mah se ka rilru chu hah tawh lutuk ka rilru chuan ka tawngtai mawlh mawlh ka thiannuin “i pate chuan kan rawn kal ve nghal ang an ti a",a tih chuan ka umm e liam ve mai mai nihian ka hria driver chu hmanhmawh deuh tur chuan ka tur sek a misang ho pawh chu ka zah buai thei tawh lo kan chawlh chhungte pawh chu a rei ka ti tawh takzek ani..
Tlai dar 6 velah chuan kan thleng ve ta hram a ka thiannu chuan ka nu te a bia a anni pawh chu an lo thleng ve tep tawh thu an sawi,damdawiinah tlang ka dil tlat avang chuan min tlang pui a vengtuin luh a phal lo a mah se kan dil nasat em vangin min luhtir ve hram uRinpuia te awmna kan thlen chuan u Rinpuia nu chu kuah vatin ka tap nghal niber nichin khan alo harh a va lut rawh an tih chuan kava lut nghal,a lu te chu anlo tuam bur a, a kut kava chelh a kava tap leh nghal a lo harh chuan nui hmel put tum hram hramin ilo thlengta maw a rawn ti a kalo but nghat ka kut chu rawn hum ve hram hramin “bawihte Pathian chuan ka tawngtaina a chhang a nihhi tunah chuan ka hmu ta bawk che a hahdam taking ka kal thei tawh dawn a nihhi mah se kan fa lo piang tur ka hmu hman dawn talo a nihhi a" tih chuan nilo ila kal theilo kan innei a nga fa tam tawk kan nei dawn lawm ka ti lawm lawm a mah se a mit chu a chhing diar diar a tunah chuan muhil hlen tawh turin akal ta kava na em kan hlim ve dawn chauh a khatia a kal ta mai kha ka tuar thiam lo em em ani kan inneih pawh ningal(5) chauhin a dal tawh sin..
URinpuia thih atang chuan chaw pawh ka ei theilo a ka cher chak em em ka chhungte pawh an mangang hlawm khawp mai.. Nikhat chu ka rilru na lutuk chu mahni intihhlum ka tum ta a chemte chuan ka kut ka zei ta a mah se chunglam khi ka dem em em nachhan chu maw ka hmangaih kha chu dam la duh hle mah se a nunna kha a lak sak a keichu chu thih ka duh a mah se hei tunah i bulah ngei kala awm a nihhi a tih chuan, ka khawngaih tak zet ani kei lah chuan tih theih ka nei tlem hle si a mah se ama doctor ka nih vang leh a chungchang min hrilh avang te chuan thil eng eng emawni chu ka hrilh ve a Pathianin min hmangaih zia leh damchhan nei kan nih zia techu ka hrilh ve luam a I fa lo piang tur tan pawh i intih chak a ngai nia ka tih chuan a tapchhuak leh hak “engtin nge keimah chiahin he ka naute hi ka enkawl theih ang a" tihchuah Pathian kan lamah a tang alawm ka tihchuan “min hawisan daih tawh hetiang dinhmuna min dah tang khan ka ring thei tawh lo ani" a tih chuan nangmah hmangaih em em turin i chhungte an la awm a chutah i hmangaih em em Rinpuia chhungte nangmah hmangaih turin a pe bawk che a nangmah hmangaih tu pakhat chiah alak sak che chupawh i mal lutuk loh nan a ti ngei ang ka tih chuan mittui tling pamin min rawn en “ka lawm e" a rawn tihchuan ka hre thiam lo hle “hmangaihtu kala nei a ni tih min hriattir avang leh Pathian khian min hawisan emaw ka tih hnua min la hmangaih tih min hriattir avangin"a tih chuan keipawh lawm avangin ka mittui atla ve hial ani..
Muanpuii nen kan inbiak hnu atang thla khat a liam leh ta a, a chanchin ka hre zui talo mah se zankhat Tu emaw hnen atang hian call ka dawng a kan han lak chuan “doctor"arawn tihchuan a aw chu ka hrechiang ani doctor alo tih leh chuan aw ka lo tivat “doctor fanu ka nei ve ta asin ka fanu hmingah chuan maw I hming ang chiahin ANGEL tih ka phuah a nakinah la hmu ve ngei rawh aw"a tih chuan ka lawm em a ka mittui atla lo theilo ani,eng eng emaw kan sawi hnu chuan phone chu kan dah ve ta a.. Tukverah kava dak a thla eng ut leh arsi te chu an mawi takzet van lamah hawi chho chung chuan Lalpa ka hmangaih kha min lo ven sak ve rawh aw tiin ka mittui chu ka hru hul zeuh..
I mangan lai ber pawh khan amah bel tlat la amah ringtute chu a hawisan ve ngai lo nia aw I bula ami te khan eng harsatna nge an tawh tih kha ngaihtuah reng thin ang che..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)