MALSAWMPEKA By Esther khawlhring

Ngaia
Site Admin
Posts: 25813
Joined: April 30th, 2016, 4:07 pm

MALSAWMPEKA By Esther khawlhring

Unread post by Ngaia » September 27th, 2022, 1:59 am

sezqz0dp.jpg


MALSAWMPEKA
By-
Esther khawlhring

(COMPETITION 2022)
Post September 4th, 2022, 10:26 pm


Ka nu leh pa inhau thawm avangin ka mangram chu ka thangharh san a,an inhau thawm chu ka nitin hriat thin a ni bawk. High school ka kal lai vel kha chuan chhungkaw hlim thei tak kan ni thin mahse higher ka rah atanga reilote hnuah ka nu leh pa inkar chu a fuhlo chho tan ta a. Nupa tam tak inkara thleng thin inrinawm loh sanna chuan kan chhungkua min luhchilh in chhungkaw nun hlimna chu min sawithiat sak zova. Thiante zinga awm ve ka inthlahrung phah a, miin ka pa khawsak dan tawp tak kha min sawichhuah khum ka hlau thin em vang a ni. Ka mize tam tak ka thlauhthlak phah a. Vawi tam mahni intihhlum ka tum thin mahse ka nu lungngai hmel tur ka ngaihtuah chhuah leh thin avangin thihna chu ka pumpelh phah fo.

Ka pa hi ka hua a mahse ka pa a nihna a bo phah chuang silo. Ka nu a uire san ni khan ka nu chu mi à ang mai a awmin a pasal lepler zet thil tih khan a thawng a ni. Ka pa ngaihdam kha harsa ati mahse kei a fanu hi fahrah ka nih mai a hlauh bakah dangtu enge maw tak kha a nei a ni. Chhungkua tia belh tur a neih miau loh avangin kha a nun ang kha ka tem ve a phal ngailo chu chuan natna tamtak thlentu lak atangin kal hrang thei lovin a chelhbet a, a tir kha chuan ka pa pawh a insiam tha hman hle mahse a reilo! Thla hnih hnuah hmeichhe dang a kawp leh tan a, Pa thiltithei tak a ni bawk a,nula sum duh te chu a duh duh a thing thei a ni ber. Ka hmuha a hreawmna leh natna lanchhuah tir duh ngai hauhlo tu ka nu a ruka tap fo chu ka hmuh hmaihlo. Ka pa ka huatna hian ka thinlung chu a tuam hneh a, ka pa ang mipa tawng ve ai chuan lentar ka thlang zawk bawk.

Tunah chuan college kal lai ka ni ve tawh a, thian tia sawi tur ka nei hranlo, keimah a awm a mahni rilru kawm leh hla ngaihthlak chu ka thlang zawk miau a.

Ka thawm hriat avang chuan ka khum thawhsanin sitting room lam pan a ka kal ka thil va hmuh chuan min thawng a, ka pa huatna leh tenna chuan ka chhungril chu an sawp kual nawk nawk a ni ber. Nula tenawm tak a sum chauh duh tur hmel pu chuan ka pa ban chu vawnsakin ka pa chuan ka nu chu chhuak turin alo ti a nih chu! Ka nu hmel a natna leh hrilhhaina langchhuak chuan ka insum theihna min hlauh tir chiang hle.

"Nang mi hurnu, mi pasal ngaihzawn tur zawngkual,khawlai mi lutuk khan ka nu hi luahlan i tum maw?" Tih leh a sam a va keh chu ka rual ta nghal a.

"UJohn, ana lutuk, ka sam... " No teng chhe zet chuan an au tuar tuar a, ka tukhum sam lo tham hrawktu an awm rual chuan ka khaw hmuh ti thim mup khawpa na in ka biang a ri ta chawrh a, chhuatah ka let thla zui hnawk,ka luhai leh luna chuan ka tha a tikhur lek lek.

"Mami pa..a tawk! ka chhuak ang,ka fanu hi khawih tawh suh" Ka nu mangan tap lawm lawm ri chu ka bengah ri ruai ruai a, ka thil hmuh chu a thim mup a, ka nu'n minlo kuah bet nghal bawk.

"Lalrinzual, engtin nge kut i thlak ngam zawk a, in nufa a ka vuak hlum hma che u in chhuak nghal rawh u. He in hi vawikhat pawh inlo rap tawh tur a nilo." Ka chhungril chu natna rapthlak tak chuan a tham kual nawk nawk a, min hringtupa ngei kà atanga chhuak a tan chuan na ka ti takzet. Tawng leh tur ka awm tawhlo a, ka àw ri chu kei ngei pawhin ka hre phalo, ka mittui tla chu duhlo viau mah ila ka dang zo lova, ka taksa natna aiin ka rilru natna chuan min fan hneh zawk.

***
Ka pa'n sum tam tak kawl ten tun mahse ban buai ka duh miau loh avangin college pawh ka chhunzawm thei ta lova, ka nu erawhin kal turin min tur nitin thin mahse ka chhungkua ka chawm a ngaih miau avangin chhuanlam hrang hrang siamin a rilru hmin ka tum thin. In zim leh hlui ve tak luah tur kan hmu hlauh a, belh tur dang kan neihloh avangin kan insuan lut ta nghal a. A rem remah hna ka thawk kual a, ka nu kum upa lam a nih tawh bakah a hrisello leh zel bawk nen hna a thawh ve ka phalsak ta lova.Ka nu hriselna chu a tla hniam chak em em a.

Tlaikhat ka hna bang restaurant atanga ka haw chuan ka nu pumna chu alo vial ngawng ngawng mai a. Damdawi nen tangkawpin ka thiam ang tawkin kan buaipui a.

"Mambawih, lo thi ta ila engtin nge i awm tak ang le? " Ka nu natna tuar chunga harsa taka tawngchhuak thusawi chuan ka thinlung chu chemte zum takin a chhun tlang ang mai hian chu thu chuan min tina a.

"Nu, i thi dawn lo!! Khawvelah nanglo chhungkua ka neilo tih i hriat kha, chutiang sawi suh ihhh damdawiin ah ka hruai ang che" Tap hlawp hlawp chunga ka tih chuan ka nu hmela damthlak hlehna langchhuak chu ka hmuh hmaih hauhlo.

" Mambawih ka pumna hi motor chuan pui ka ngam rihlo, zia deuh se kan kal dawn nia.Engpawh thleng se ka hmangaih che tih hi hre reng rawh aw." Harsa taka a tawng chhuah chuan mittui kar atang chuan ka thlir tlawk tlawk.

"Nu, nang chauhin min hmangaih tih ka hriat vang a lawm min kalsan ka phalloh."

Damdawiin lampan chuan kan inkhalh chhuak ta a, a pumna a reh theih meuh loh avangin ICU ah an nawr lut ta nghal a. A tul ang ang an tih zawh meuh chuan khuain min thim hnan a, ka nu dinhmun a thatloh em avangin doctor pawh chuan a vil uluk hle, a room ah min koh lut a, ka nu damna bak duh ka neih miau loh avangin a tul ang ang chu tizel se, sum chu ka dam chuan ka thawk chhuak thei em em ang.

Doctor tlangval senior lam nen inhma tawn rana kan thut chuan hlauhthawnna mak tak mai chuan minlo luhchilh ni ber hian ka hria. Thu thinthawng tak hre tura inrinna chuan ka tha a tikhur zova.

"Mami, chhungkua engzah nge innih? " Doctor zawhna chuan minti hrilhhai lek lek hman.

"Kei leh ka nu. A bak chhungkua ka neilo" Doctor hmela hreawm tihna langchhuak chu ka hmuh hmaihlo.

"Doctor, ka nu hi a dam leh dawn tiraw? Pawisa chu ka thawk chhuak leh mai ang. Min tih dam sak ngei ngei rawh aw" Naupangin anu hnena barbie leisak tura a ngem lawm lawm ang mai hian ka ngen chiam a ni ber. A thusawi tur chuan hlauhthawnna min thlen nasat em avangin min tihdam sak turin ka ngem chiam a ni.

"Mami, mihring hi chu thi vek tur kan ni a, a tlai leh a hmat a nimai a"

"Doctor!! Eng thu nge sawi i tum? "

"I nu hi ril cancer a ni a, a stage a san tawh em avangin chemo lakin awmzia a nei thui tawh dawn lova, hetia a kal hun nghah hi kan tihtheih awm chhun leh a natna chhuah huna nachhawkna a chiau bak tih theih mihring atang chuan a tlem khawp mai. A pawi ka tihpui tak zet che." Chem zum tha lutuk in ka thinlung chu a chhun tlang zawk zawk ang mai chuan ana vawng vawng a, ka tap chhuak thei lova ka mittui a far theilo bawk. Doctor chu ka en leh thin. 'Ka fiamthu a nih kha' a tih ka beisei a ni. Mahse a hmel ka en chian pauh leh a fiamthu loh zia a lang chiang tawlh tawlh si. Ka awm chhung inhnawh tawt mup mup chu vawi leh khatah a puakkeh ta a, dangtu awm hauh lovin ka tap chhuak ta hawm hawm a, ani kha ka neih chhun tak meuh meuh a nia sin. Ka nu tellohna khawvel chu chennan ka awt lova, tun thlenga ka la dam ve tawk tawk chhan hi ka nu vang chauh a sin.

"Doctor, engtia rei nge ala dam dawn? " Chu zawhna ka zawh ngai ta chuan min tina vawng vawng a. Doctor chhanna nghak chuan ka mittui kara atang chuan a hmel ka en lui hram hram a.Thawk anla deuh vang vang a.
"A rei berah thla thum bak a nih a rinawm tawh loh.Mahse Pathian nung ringtu kan ni a, i nu hi a ti dam leh thei a nia." Pathian maw!!!! Haaaa!!! Duhsak bik nei Pathian, mi hausa te vur belh thur thur a, chanhai leh fahrahte neihchhun laksak zel hreh miahlo Pathian hi ka Pathian a ni ang maw!! Hnai love.

"Pathian hian duhsak bik a neilo a nih chuan ka nu hi a tidam ang, a hnung ka zui ve duh mahna." Ka chhanna pek chu ana tawklo ka ti mahse tawng zel turin ka hrawk chhung na chuan tawng hleithei lovin min siam a.
Ka nu oxygen vuah chunga mu zawi bal ka hmuh chuan ka na a ni. Khawvel mihringin rilru natna a tuar nat ber leh ka natna tawrh mek hi an thlau bikin ka ringlo. Tiang tur te chuan pianglo law law ila, engvang nge an Pathian sawi hian hreawm tuar tur a khawvel hi min hmuh tir bik.
Kar khat dawn damdawiin ah kan awm tawh a,kan inluah pawh chu kan luah lum hman meuhlo.Ka nu pawh oxygen tel lovin a awm ve thei tawh a, ward pangngai a sawnchhuah a ni tawh bawk.Sum ngaihtuahtu ber ka nih avangin a kiangah ka awm reng thei lova, sum thawkchhuak turin chhunlamah ka chhuak thin. Ka nu natna a chhuah tawh chuan natchhawkna sang ber chiin an chiau a, a tal buai nasat thin em avangin a chhawk hma chu ven chawt a ngai thin. A nachhawkna ringawt pawh a to em avangin ka restaurant thawhna hlawh ringawt hi chuan kan ba leh inluahna man a rul zo seng dawn silo. Hna hrang hrang ka zawng kuala ka sum mamawh min phuhrukna tur ka hmu zolo a ni ber.
Zan lam ka nu natna a chhuah leh avangin kan inveng tleivar titi a, ka lo chhing ve sek bawk. Ka phone ri chuan min tiharh a, men mai ka tum chuan a harsa lam hret. Ka lu hai muai muai chu ka mut tlem vang a nih ka ring thiam bawk. Phone chu kan pick a.

"Zual, hna ilo kal ang tiraw? " Unutei'n alo tih chuan ka kal tur thu ka hrilh a.

"Lo kal ngei ngei rawh hnathawh tur tha deuh offer tur che ka nei a nia. I inchhir ka ringlo" A tih chuan a hlawh a that leh thatloh ka lo zawt vat bawk. Unutei hi restaurant a ka thawhpui a ni a , ka sum mamawhna a sang tih a hriat bakah hna ka zawn kual mek thu pawh a hre tel bawk. Kei ai a u deih a, chutia sum hmuhna tha zawk alo hriat avang chuan phurna thar ka neih ve phah.

Hnathawk tura ka chhuah dawn chuan khum a mu vunin ruh a tuam mawi chawp hmel dawl dang tak ka nu chu kalsan ka hreh a ni.Ka kal hlanin a chungah thil tha lo a thlen ka hlau a chutiang bawkin a kal lai thlah hmanlo a ka awm a nih ngai chuan ka damchhung inchhirna tur a ni dawn si. Hna ka thawh loh chuan kan chhungkaw tan he khawvel ah hian dam khawchhuah ve ngaihna a awm silo. Ka nu chal chu ka fawp vang vang a, a muthilh laia kal chu tha zawka ka hriat avangin ka chhuahsan ta nghal a.

Taxi in ka thawhna lampan chuan kan kal a, unutei thu sawi kha hriatchian chakna in ka khat a ni ber. Ka thlen rualin hna alo tam avangin han inbiak fàlna hun kan nei thei meuhlo. Tlai banah min hrilh tur thu a sawi chuan ka lo 'AW' ve mai bawk a. Tlai kan ban chuan ke in haw a rawt avangin hun thawl zawk nia ngaiin ka pawm ve ta bawk.

"Zuali, sum mamawhna hian thil alo van ti thei tak em! I ti ve em? " A zawhna avang chuan ka bo deuh hu a.

"Aa, i sawi awmzia ka hrelo" Ka tih chuan an then suk a.

"I hria em? Mi tam tak an sum mamawhna a sang em avangin mahni taksa ngei an hralh phal a. A chang hi chuan Pathian hi a fair lo ka ti mi rethei te tan dam khawchhuah ngaihna awmlo khawpin mi hausa te a vur belh a, dam khawchhuah kan duh ve si chuan sum kan mamawh a. Chhungkaw leiba te, buaina tam tak kan sual chhuah ve theihna tur hna lian ber sualah a ngai leh si. Tiang kawng zawh tam tak hi kei chuan ka demlo, sualah ka ngailo bawk." A thusawi chu ngun takin ka ngaithla a. A thu tak viau bawk.

"Enghna nge kawhhmuh min tum? " Ka tawngkam a nem hranlo.

"I nu tiang dinhmunah a ding a, ka tuarpui tak zet che. I dinhmun ang hi ka lo tawng ve tawh a, keini ang hmeichhe awmnem tan chuan bill zawng zawng rul zo tur sum neih ngaihna a awm lo. Damchhung leiba neih bak kan hmabak si lova. Chuvangin mahni inzawrh hi..... "
"A tawk!!!! Khatiang hna tenawm leh tawp lutuk kha min kawhhmuh tum buai duh suh. Ka duh ngailo bawk ang."Ka vin deuh thawt avangin kan kiang vela kal ve te mit chu kan la nasa ngang mai. A pawi ka tilo, ka dinhmun khirh zia ka hria mahse he kawng erawh hi chu ka zawh theilo. Ka Pa nun tawp tak ang kha neih ve ka duh tlatlo.

*****
Thla nga zen zawn damdawiin ah kan awm tawh a, bill pawh a ni telin a sang chho va, ka hnathawh hlawh lah chuan kan inluahna leh ka nu damdawi tlemte man bak a thawk chhuak zo silo. Ka nu hian damdawiin bill man leh a damdawi man tur engkim a chhutthiam ve bawk avangin 'thi tur tho tho chu min chhuahpui mai rawh' tih fo a ching a mahse eng anga tam pawh nise a fanu ka damchhung chuan he damdawiin hi a chhuahsan ka phal ngai lovang.

Doctor Msa min kohna avang chuan a room lam chu ka pan vat a. Khawngkhar ka kik ri dat dat a, ka lut tlang ta nghal a. Hmel nelawm takin minlo nuihsang bawk.

"Zualte, lo thu rawh" Thutna min kawhhmuh lam pan chuan ka kal vat a. Kan bill sang tawh zia ka hria a, bill chungchang min sawipui ngei ka ring bawk.

"Ka beisei ai a reimah i nu hian min dampui ta a, Pathian hian thil ropui tak a thlen tir thei ka tih kha ila hria em? I nu dinhmun ka en hlim khan beiseina ka nei tlem em em a, i hnena a dam hun chhung tur sawi mai kha ka harsat tlat avangin ka belh ta ringawt a nih kha. Mahse i nu atang hian Pathian thil tih ropui tak ka hmu chiang hle mai. " Dr Msa thusawi chuan min thawng lek lek. Ka nu dam hun chhung tur khan thla alo daih tàwk tihna maw? An Pathian sawi thin chuan khawngaihna tlem a zawng a nei ve a nih dawn chu!

"Doctor ka lawm takzet, nangni awmlo ula ka nu hi ka chan tawh ngei ang. Ka chunga inthatna leh inngilneihna hi ka hre reng tawh ang. Tunah mai chuan bill pawh rul theilo mah ila ka ba ral miah lovang" Ka thaw chhuak halh a, ka mittui lo far chu ka khap let hman meuhlo. Ka lawm a ni ani ang doctor fel ka tawng hi. Dr Msa hi kan chhungkaw tan hian a hluin ka zah ruk phah hle bawk.
"Zualte, i naupangin i thil tawn hi pawi ka tihpui takzet che. I tuarchhel zia ka hmu nawn mawlh mawlh bawk. Beidawn san mai lo la, Pathian hian i kawng ala ruatsak zel ang che. Chuan bill chungchang kha ka koh chhan ber che pawh a ni a, i rilru tihah nan hmang lo la ka duh. Hahdam takin awm la, i thawk nitin tih ka hailo chuvangin bill chu a tam emaw a tlem emaw i hriselna dah pawimawh hmasa ber la, Pathianin i bill rulhdan tur pawh rem a ruat sak ang che. " A thusawi chuan ka rilru chhungril tak atang mahni inkhawngaihna min neih thar tirin ka tum reng vang nilovin ka tap chhuak ta hlawp hlawp a. Tinge maw tiang dinhmun khirh hi ka tawn bik le? Pathian pawi hi ka sawi bik em ni? Ka pa kut tuar meuha kan nufa a hnawhchhuah kan nih hnuah ka neihchhun ka nu hetiang dinhmunah a dintir leh a. Ba tam tak rulh turin min tlakbuak leh bawk a. Kei kum 21 mi tan chuan ka buaina hi a tamin ka tluk hlenpui mai ka hlau a ni.

Dr Msa chu a thutna tang lo tho chhuakin min kuah bet a, a palen em avangin min uap hneh hle bawk. Tiang taka lungrun hian engtianga rei nge ka tah tawhloh. Nitin sum hmuhna zawngin ka phi kual a,mahni inngaihtuahna hun leh ka dinhmun retheih thlak zia ngaituahna hun tak ngial pawh ka nei hman ngailo. Restaurant a ka thawh zawhin zanlamah thlengsilin ka inhlawh leh lawp lawp thin.Pangchangna hmun tur ka neih tawhloh avangin hmeichhe awmnem ka nihna ka theihnghilh hman lek lek mahse Dr Msa kianga ka awm chiah hian hmeichhe awmnem leh pangchanna hmun mamawh ka nih zia ka inhrechhuak thar a. Duh tawka ka tah hnu chuan ka tha neih ve te chuan min thlawh bosan vek emaw tih turin ka zawi nghulh a, min kuah bettu Palian zet awm ah chuan ka bei ta hle hle a. Pa in a fa tap thlema a kawnga a beng thek thek ang mai hian min kuah reng chung chuan a kut chu a chet reng a, ka tan chuan a hlu zual tak zet.

Dr Msa a room atanga ka chhuah hnu chuan ka nu khum sira khum awmah chuan ka mu a, Dr Msa'n drip khai min tum viau naa ka duh tlat siloh avangin naktuk lamah a khai ngei ngei tur thu a sawi bawk a nih kha. Kan tan hian a van hlu tak em! Ani hi awmlo se chu damdawiin ah hian ka awm nawmloh phahin inthlahrung reng rengin hun ka hmang ngei ngei ang. Ka mu chu ka lo muttui em avangin ka alarm ri chuan min lo kaitho zo meuh lova, ka thawh meuh chuan ni pawh a tlangsang viau tawh bawk. Ka nu lam ka va en vat a, ka muhil minlo en char char a nih hmel, khawvel a hmangaihna awm zawng zawng hen zo khawp a min hmangaihna chu a mitmeng ah chuan ka hmu thei.

"Ka fanu duat, iva muttui ve. " Nui sang chung chuan alo tawng chhuak a. Hetia a hlim hmel leh min hmangaihna hi ka damchhung zawng a hmuh reng ka duh.

"Nu, tinge minlo kaihthawh loh? " Zi mar talh talh pah chuan ka ham zui a.

"Timaw ka kaihthawh ang che? Zingtin hma takah i tho a, zanlamah chau thin viau mahla kei min enkawl nan i hun pum hnathawh nan i hman a ngai bawk si. Sunday lehzel ah chuan i duh chen chen i mu ang chu... Bawihte, dam that a, duat taka enkawl leh che ka va han chak tak em! Ka vanga i thil tawn zozai hian min tina takzet." Ka nu mittui tla ka hmuh chuan ka tho vat a.

"Nu, hei leh chen min enkawl tawh a, ka enkawl let ve hun che a ni tawh tihna a nimai... Chuan i dam leh dawn a lawm, i chawhmeh siam te pawh ka la ei dawn chauh" Ka nui lui sang a, ka nu tap khur der der chu nghet takin ka kuah a. Hetiang rilru hi pu turin ka duh lo tak zet.

"Bawihte, thu hrilh tur che ka nei a, he thu hi ka sawiloh chuan ka inthiam ngai dawn silo, min haw lovang tiraw?" Ka nu thu lo sawi avang chuan ka kuahna chu ka phel thawl a. Chiang takin a mitah ka en bawk.

"Aw, sawi rawh" A kuttang cher tak chu ka humsak a. Sawi harsa a tih hmelin inthiamlohna mitmeng ka hmu tel thei bawk.

"I pa nen kan inneih khan fa ka pai lawk thei lova, doctor hnenah vawitam kan kal dun a, harsatna erawh kan neilo ve ve" A tan tawng a harsat avangin an chawl leh det a, hriatchian chakna chuan ka khat a ni.

"Tichuan kum thum chuang kan inneih hnu pawhin ka la rai chuanglo. Tumkhat chu i pa thianpa hi alo zin a, i pa nen naupan lai thian tha anlo ni thin. Kan innel in kan inkawm ve nghal bawrh bawrh a. Nikhat chu a hna avangin i pa chuan riahchhuah a ngaih phah a tichuan i pa thianpa nen chuah chuan inah kan awm ta a. Kha zan khan ruah a sur nasat avangin current a thim nghe nghe. Tek leh ruah ka hlauhzia i hriat kha. Chuvangin i pa thianpa chu kan room a mu ve turin ka sawm ta ringawt a, alo mu ve mai bawk. Mahse kha zan khan .... " Sawi zawm har tih hmel takin chunglam melhin a mittui alo luang chhuak a,chu chuan hlauhthawnna nasa tak min siam a, a sawi leh tur nghak chuan ka melh tlawk tlawk.
"Kha zan khan ka damchhunga ka tih ngai hauhloh tur i pa thianpa nen khan kan ti dun ta a, ihhh...i pa fa nilovin i pa thianpa fa zawk....."

"A tawk" Ka ngaithla zo theilo, ka khaw hmuh chu a thim mup mup a, ka thil lo tawn tawh zawng zawng a ka natna te kha he thu lakah hi chuan a lo nep lutuk takzet.Ka thinglung leh ka thisen zam kal chho vel te chu zai chah leh chhun tlang sawk sawk ang mai hian ana vawng vawng a, ka thaw hleithei lova, ka awm bawr leh hrawk kal chho vel chu thil eng emaw hian a hnawh khawm tup tup a. Ana lutuk! Kei hi tufa maw ka nih? Ka pa kha ka lo dem em em thin mahse ka nu hian engthil sual leh tenawm nge alo khawih hmasak!!

"Engvangin nge chutiang thil chu i tih? Kei hi tufa maw ka ka" Ka sawi zo thei lo, ka àw ri pawh a chhuak che che.
"Bawihte, ka tihpalh aw. Kha thil kha ka tihloh tawp tur a ni, a tisualtu in uire sanna ka tuar let kha ka pawm thlap asin mahse ka fanu leh zelin heng harsatna zozai i tuar ve erawh hi chu ka inthiam thei tawh ngai lovang." A mittui tla pawh hruk a tum tawh biklo.

Ka nu chu ka melh tlawk tlawk a, rilru fim ka pu hlei theilo. Hetiang nun nei tur te chuan khawvelah hian lo piang lo law law ila, Pathian ropui leh thil tithei nia an chhal hian ka nun hi a duh duhin a lep se a, ani ai lal an awm a nih ngai chuan ka tawrh let za ai tam a tawrh tir ngei theih nan ka dil ang.

"Nu, ka pa hian chu thu chu a hria em? " He thu hi hriat ka duh takzet. Min hringtu nia ka ngaih leh ka pa a thisen kai nia ka lo inngaih ve thin kha ka pa alo ni reng reng lova.

"Aw... Higher i kal hma deuha accident i tawh tum khan a hrechhuak a, Bawihi i pa rilru na kha en har ka ti a sin! Thisen pek mamawh takin i awm a, mahse i pa thisen nen alo inmilh silo,chu thu doctor hnen atanga a hriat khan a kehchhe hmel khan ka thinlung hi a chhun vawng vawng a, ilo pian hlima a hlim hmel kha ka damchhung zawng hian ka theihnghilh tawh ngai lovang" Ka nu hmel chu en harsa ka ti takzet mahse zawhna ka la nei.
"Ka pa diktak khawnge a awm? "

"I blood group milh kha kan hmuh zawh loh avangin i pa mangang khan tunge i pa tiin min zawt a, sawilo theilo dinhmuna ka din miau avangin ka hrilh ta kha a nia,thudik khan a thawngin na ati mahse i damna tur a duh si avangin a be ta a. Thisen pe tur chuan alo kal ngei a mahse a haw lamah an chuanna motor chu chesualin a boral zui ve nghal a,Bawihte engkim kha ka thiamloh vek, a bul tantu pawh keimah,min ngaidam hramla ka va ti em!!..."

"Ka thisen zawmpui ka pa pawh a boral tawh tihna maw? " Ka mittui luang thla chu dan buai ka tumlo, ka nu huatna chuan min tuam mup mup a. A hmel a inthiamlohna leh natna ka hmuh tekhian khi ai naa natna pek Belhchhah chakna min siam a ni.

"Nu, thi ila ka nun hi a nuam zawk ang tiraw? Ka dam chhan ber kha i ni thin mahse ka nun min tihchhiat saktu lek ilo nia" Mittui kar atanga ka nu en lui chung chuan kan nui lui hak a. Vawi khat pawh hawi let tawh lovin room chu ka chhuahsan zui nghal. Min kohna aw ri pawh chu ngaihthlak sak tumna ka nei tawhlo.
Chak takin ka pen hmawk hmawk a,ka awm chhung na lutuk chuan thawk chhuah harsa khawpin min hnawh tawt a,nurse pathum thusawi avang chuan ka ding chawt , ka awm a ni tih erawh an hrelo.

"In hria em? Sawlai hmeithai nufa saw, kan hospital ah hian ba an ngah tawh zia mai chu. Bill pek lah an tum derlo, tikhi chuan hotu lam hian an hnawkchhuak thuai mai ang" Hmeichhe sang lampang thusawi chuan ka beng a verh zar mai.

"Khawngaih tlaka nun hmang tur ngawih ngawih hi an nia, chhuah tir vang vang teh se, nizan ka duty a ka thil va hmuh phei kha chu e, kan rangkachak doctor hmaah alo tap kual vel a nih chu! Awii!! Khawngaihna chanchhuah a an bill zozai hi ngaihdam tir tumin tan ala ni hian ka hria. A zaklo ngawt mai" Pakhat zawk chuan alo ti ve bawk.

Hospital chhuahna lampan chuan chak takin ka pen hlawk hlawk a, uire fanu chu mifel takah a chhuak thei nang mawle! Taxi phar ka tum lai chuan ka ban a lo pawt hrawktu avang in min pawttu awmah kan tauh phei ta rawk rawk a, ka hawichhoh ruala ka mi hmuh avang chuan ka che phut mahse tha kan ngah hleih em avangin ka tal chhuak zo mai lo.

"Enge tun ang hunah i tih dawn? Drip khai i ngaih kha" Dr Msa chu ka melh chho ngar a, hnaih loh hi ka tan a finthlak ta ber. Tlawn ang a midang mit hmuh a kan lan zel dawn ai chuan.

"Kalna tur ka nei a nimai" A ner deuh sak ka hmuh chuan ka ban ka thing sawk a, a thip tha kher mai. Thlah a tum eihlo.

"Enge thleng?" Tu khawngaihna mah ka mamawhlo.

"Ka nu kha minlo enkawl sak dawn nia" Hospital kawngkhar atang chuan nurse pakhat Oh! Nichin a ka chanchin uar fahrana sawitu ngei mai kha.

"Doctor, Hmeithai damlo kha a zual deuh a, lo kal vat rawh" Tunge a sawi ka hailo nasa, let tumna ka nei eihlo.

"I nu a nih chu, lut ang" Ka ban chu nghet leh zualin a hum a.
"Va kal rawh, tih tur ka nei" Ka chhanna avang chuan a lawm loh hmel kher bawk. A kohtu nurse chuan eilo hmel lutuk a min enin a nghak tlat bawk a, kal vat se ka duh.

"Nih chuan ka lo call ang che" Tih leh hmanhmawh taka hospital lama tlan chu a rual a.

"Taxi" Ka chuang luh rual chuan ka kal duhna ka hrilh a, ka phone ka phawrh chhuak nghal bawk, number ka hmeh chhuah chu ka call zui nghal zat.

"Hello,Zual" Unutei'n alo chhan rual chuan a awmna a ka kal tur thu hrilh zuiin Phone ka dah zui a. Uire fanu hian midang khawngaih hlawh theih nan thil a ti ngai lova, chutiang ngaituahna tenawm tak pu tute chu bill ka rulh theih zia ka hmuh tir bawk ang. Ka sum neihna a pawimawh hranlo. Midang pawisa ka banloh phawt chuan t(r)awp taka ka lakluh pawh nise ka duh zawk tho.

Mit chhingin ka hun tawn mek chu kan ngaihtuah let a,ka hringnun buai tak leh hahthlak tak hi tufa mah hian tawng velo se ka ti.

Ka thlen rual chuan minlo hmuak thlap a, ka kal chhan hria niawm takin alo nuisang bawk. Chaw ka ei tlang nghal a, plan fel tak kan neih hnuin zan lama min dawr tu tur lo kal hun nghak chuan ka awm ran tawh a. Ka la virgin avangin ka man pawh a tlawmlo viau. Damdawiin bill rulh zawhna tur ka tuak zawh hunah ka nunna titawp in he khawvel nunrawng hi ka chhuahsan ang.
Dr. Msa'n minlo call tluk tluk a, text message in ka awmna vawi tam minlo zawt bawk. Reply tumna leh a call lak tumna ka nei heklo. Damdawiin lamah ka kal lo tawp anga, ka pawisa duh ka hmuh kim hnuah pawisa pe turin ka kir leh ang.

Zan alo nih chuan kawr fual sen malpui khuh pha cheng cheng, bra tel lova hak chi niawm taka lang chu alo la chhuak a. Pheikhawk sen sangtha zet nen.

"Hei inbel rawh le, i man hi a tlawm theilo hrim hrim. Pawisa laksak che ka tumlo, i nu damdawiin bill atan i pe vek thei ang. Kan chhiar man aia to hian ka dàwn dawn a, vai hausa tak a ni bawk a. A harsa lovang" In rin zawh hmel tak chuan a tawng chhuak piap piap a.

"Dar 8:00pm ah maw hotel ah chuan alo awm dawn? " Ka zawhna chu chhangin a bu nghauh a. Kawr leh pheikhawk ka in bel zawhin Make up tlem min hman tira, ka hmui erawh a sen tha viau. Bra ka hak loh miau avangin ka landan chu a sexy takzet. Ka vun nen ka kawr hak rawng chu an chawih viau bawk.

"I mawi tak zet" Unutei min fakna chu a hmelah dawt a sawiloh zia a hmuh theih hial.

Min lo lam turin kan vai hausapa chuan a driver chu bolero kalh turin alo tir a, kan chuang lut a. Driver in min en dan chu ka ngai thei derlo.

"I mit kha i chan duh a nihloh chuan la sawn nghal rawh" Ka thu tak zia a hria a ni chek ang chu vawikhat pawh alo hawi leh tawhlo.

Kan thlen chuan 7:55pm alo ni tawh a, kan vai hausapa awmna lampan chuan ka kal tlang nghal bawk, room pawh nam hawn mai theihin alo dah thlap, ka va luh chuan khum tlang nghengin alo thu ar a. Ka ke hmawr atanga chhip ler thlengin a mit meng hur tak chuan min en chhuak vek a, a mit chu ka kawr hmaah chuan a fu ta chat. A wine chu la kangin alo tho chhuak a, ka bul alo thlen chuan ka nghawng chu a hmuiin alo nul thuak thuak a. Kawngkar lam a pan chuan a thawm chu ka ngaithla ru reng bawk,kawngkar lock ri khep thawm ka hriat chuan hlauhna chuan minlo tham er er a, ka hmul thi a ding nghal sang sang. Nilo! Sum ka mamawh a, chuan ka duh ka hmuh zawh hunah khawvel ka chhuahsan dawn kha. Ka tuar tlang ang.

A no ken chu an tlak pawp a, a no chu dahin ka kawngah a kut pahnih chuan min kuah bet nghal hmiah. Ka nghawng vel te chu a hmui chuan a nul kual thuak thuak reng a. Mipa ka la hnaih ngailoh avangin chhungril tak atang chuan hlauhna leh tihna chuan min tuam chhuak up up a. Khum lamah min kai phei a, khuma min nem thluk rual deuh thawin min bawm bet zui nghal a. Ka hmui kiss a tum chuan ka lo inveng deuh tlat avangin ka nghawngah bawk a hmai a phum leh a. Ka inrin hma hauhin ka kawr hmaah a zen lut ta mai! Ka hn*te a tham vak rualin chuan ka mittui a hnàm sawk thei.Rum tuah tuah chung chuan ka kawr hak chu awlsam lutuk tak maiin a pawtthler zui ta nghal a. Ka panty nen chauh a awm tawh ka nih avangin hlauhna avangin thlantui chuan min bual huh dup tawh a, kan vai hausapa chuan a kawr leh kekawr chu hlihkhalh hlau ni awm taka hmanhmawh chuan an hlip thla zung zung a. Saruak tawpin ka hmaah a ding run a, ka awmbawr chu a melh run bawk. Minlo bawhrual deuh thawin light a thim zui nghal a chumi rual chuan pawnlamah thawm a awm zui nghal bawk. Kawngkhar chu na tak a tlawhtu awm ni awm takin a ri bur bur a, vai-a erawh a chet lak a thulh eihlo, kei erawh tal chhuah tumin ka ke ka leng vak vak a mahse a chak lutuk tlat. Sex erawh ka tal nasat avangin min hmanpui theilo.

Kawngkhar lock na a tlak rual deuh thawin kawngkhar chuan bang a deng ri chawrh a, vai-a nen chuan kan hawichhuak rang ngang mai. Mihring ding chu kan awmna room a thim em avangin a hmel ka hmu theilo mahse a pumrua atang sawn tunge a nih ka hai hauhlo. Dr. Msa ngei mai chuan minlo pan hnaih rawk rawk a, ka chunga bawk a hnek thal tawp rual chuan ana ti chu a rum zui nghal tuah tuah. Thil thleng engkim kha a ran em avangin chet mai ngaihna ka hrelo. Vai-a na ti chu a vial ngawng ngawng a, Dr Msa chuan dimna tel hauh lovin a hnek ta chawrh chawrh a, ka thlir mawl tawp. A ding chhuah rual chuan vai-a dulah chuan zahngaihna tel hauh lovin a pet zui ta nghek a. Chil a chhak zui nghal bawk, vai-a chu a thi emaw ka ti hial. Vai-a hnuaia thawk vai-a lo puih tum tute lo luh an tum chuan
"He room hi inlo rah rualin in thi dawn" Thupek àw tak leh changfak a tih rual chuan an tawlhhnung ta za za a. A hmel en ngam ve lo chuan khum bul chhuatah chuan ka khup a ka ban pahnih suihin ka hmai ka phum ta deih a.

Ke pen chuan minlo hnaih zel a, ka hlau a ni. Hetiang dinhmun a ka nu doctor hmuh ai chuan thih ka thlang zawk mahse tih theih ka nei tawhlo. Enge maw hian minlo khuh a,thu pe àw zeta "Ding rawh" a tih chuan a àw atang a thinrimna chu nasa takin thup a tum tih ka hre thei.

"Engmah ka ha lo" Ka chhang rang mah mah.
"I ha ka tilo,ka kawr ka hak tir dawn che" A thinrimna chu ka chunga a bun mai ka hlau rilru takzet a.A sawi zawh rual chuan a kawr ka hak theih nan ka ding vat a, a thim em avangin min hmu chiang thei biklo. Min chawi lawp a, ka hmai chu a awmah ka phum nghal hmiah. Vai-a na tuar buaipui tur chuan a hote tlan lut thawm chuan a zui nghal a. Pawn kan thleng tawh vang nge vawt chuan minlo tuam mer mer a. Kawngkhar a pawt hawng pawp a, min dah thlak rual chuan dimlo lutukin kawngkhar chu a khar ri ta bur. Ka phu nasa lutuk chu ka thinphu a thlawk chhuaklo chauh. Alo thut luh ve rual chuan chak lutuk tak maiin a phit chhuak nghal a. Vawn chhan chu nghet lutuk tak maiin ka hum nghal vat , a tlan chak em avangin mit ka chhing ta tawp a. Rei fe kan tlan hnuin motor chu ati ding thut a, ka per chhuak deih dawn emaw ka tih laiin a ban tha chak lutuk tak mai chuan minlo man ta hrawk a. Engkim hi a mak a ni tawp mai. Ka zing thawh hlim atang pangai takin thawk ka la la meuhlo.
Kan hawi kual a, khaw pawnah kan lo awm reng a, thla eng tihloh chu eng dang reng reng a awmlo. Ka bula thu tawng hun nghak chuan ka thu ngawi ran a. Ka tan mi tha tak a ni a, tianga min hmu mai hi hreawm tihna leh zahna in ka khat a ni ber.

"I thil tih kha i hria em? " A tawng ring lo mahse a fiah tha viau thung. Thinrim inthunun tih hai rual a nilo bawk. Chhang mai lo chuan ka lu kan bu ta ringawt a. Alo ngaithei der lo chu niin. Motor steering a chum bur rual chuan ka phu nasa lutuk chu seat ngheng chhan ka ngheng phei ta rawk rawk a.

"Min chhang rawh!!! I thil tih tum pawi zia kha i hria em? Engvanga tinge i nih? " A au hian a au a ni ber. Awm ngaihna reng reng ka hrelo. Dr. Msa thimrim sosang lai ka hmachhawn ta mai chu sawi tur hrelo chuan amah chu ka en tlawk tlawk a.
Ka chhang mai loh avang chuan min thing zui nawk nawk a.

"Min chhang rawh" Ka hmai zawnah a au ta vak a. A kut chu thinper tumin kan vai vak,a sawtlo lutuk tak zet.

"Ka tih chhan i hriat a tullo, ka nu kha tha takin min enkawl sak la chubak kan chhungkua ah inrawlhna tur i neilo" Ka theih anga ringin ka au let tawn tawn a.

"Damdawiin bill tur tiraw thawh chhuah i tum? "

"I hriat a tulna a awmlo"

"Sawi rawh, ka hrilh che em? Damdawiin bill chu buaipui suh ka ti che em?" Kan thawm a zawilo dun viau.

"Ka nu damdawiin bill ka buaipui loh in tu in nge buaipui se i tih, midang sum ringa nun hmang thin,mahni ai sum ngah tlawn kual ching ka ni tlatlo" Ka tawngkam hman khan a eng pawi nge ka sawi ni. A bula turverh darthlalang chu a hnek keh zui ta pawp a. Chiai anga lan buai ka tum tawh eihlo.

"Ka sum i rin tur thu ka sawi em? Chu thu chu engvanga sawi nge i nih? " A mitmeng a sen rum a.

"Engmah ka sawi peih tawhlo ka nu bulah ka kal duh" ka tih chuan a lung ala awi derlo. "I kal dawnlo, kha thil tenawm leh tawp lutuk kha engvanga tinge i nih? " Chu zawhna chu ka chhan kher a ngaihna ka hrelo.
Kawrkhar hawng a chhuah ka tum rual chuan a taksa si dawt khawpin min pawt phei ta dawr a. A taksa chu ka nghen phei rawk rawk a ni ber.

"Khawnge kal i tum"

"Ka nu bulah" Ka tih chuan thawk anla vak a.

"Bawihi, khawngaih takin ka zawhna kha min chhang rawh. Engvanga kha thil kha tinge i nih? " Min koh dan chuan min thawng em avangin a hmel chu chiang takin kan en a, a hmel a hlauhthawnna leh min ngaihtuah ngawih ngawihna lang chhuak chuan ka chhungril rilru khauh chu a ti tuiral tial tial a. Rilru fim ka pu chho tan a, vaipa ka hlauhna chuan zawi muangin ka rilru ngaihtuahna chu a luah khat a. Dr. Msa nghawngah chuan ka ban ka suih lut a, ka hmai chu a nghawngah ka phum tlat bawk. Ka tha a khur a, nghet takin min kuah let a, tiang chuan rei fe kan awm hnuin,
"Bawihi, engvanga tiang rilru kha pu nge i nih? Min hrilh tawh rawh le" Ka hnung a duat taka chul chung chuan chu zawhna bawk chu min zawt nawn leh a.

"Tinge khawvel ah hian Pathian hian min pian tir le?

Tianga nun hmang tur te chuan min siam lo law law se, ka nu leh pa te thil tihsual rah seng turin khawvel eng min hmuh tir a, a fair hlawllo ka chunga a rorel dan hi." Ka tap chhuak ta hlawp hlawp a,heng bak hian ka nat belh leh theih pawh ka inring tawhlo. "Ih maw doctor thih deih a nawm zawk ka ring" In sut hlawp hlawp chunga ka tih chuan a thaw chhuak ham ham a, ka lu a hmui a fawp vang vang chung chuan min kuahna pawh a ti nghet zual sauh a.

"Bawihi, i tawrh ang hi i kum rualpui tawrh a tan chuan a tam em a ni. I tawrh ai hian tuar thei ila ka ti" Ka lu atanga a hmui la sawn silo chuan zawi takin a phun sup a. Ka tap bang hleithei lova. Nghet takin ka tah chhung min kuah bet a.

"Khatiang thil kha tih tum nawn tawh suh aw"

"Ka tum dan chuan damdawiin bill rulhna tur ka thawk chhuak anga chuan ka nunna lak ka tum" Chu thu ka sawi zawh rual chuan a thaw chhuak hrawk a, a taksa atanga laksawn min tum chuan a hma ai nghetin ka kut ka suihzawm nghal hmiah.

"Bawihi, i tello in i nu engtin nge a awm ang?"

"Ka nu hi ka hmangaih tak zet, vawi tam ka nunna lak ka tum thin mahse ka nu ka ngaihtuah chhuah leh thin avangin ka thulh phah fo. Mahse maw keimah ka inhmangaih ai nasa a ka hmangaih ka nu hian hetiang dinhmuna ding tur hian min siam a sin." Ka mittui lo luang chu ka hua a ni. Ka hmangaih ka nu khan engvanga kha thil kha tinge a nih? Kha zan khan hun lo hmang dun lo se ka pianglo nimai tur.

"Bawihi, i nu khan dai sual lo se khawvel eng hi i hmuh ka ring hauhlo. Tupawh dai sual thei vek kan ni a sin. In ngaihdam tawnna hi a pawimawh lai ber zawk chu a ni."

"Ih... Engkim i hria? A dik em? " Ka tal ta vak vak a. Nghet leh zualin min kuah bet hmiah bawk.

"Bawihi, i nu i kalsan khan a rilru hah zia i hria em? Zawng tur che a lo kal hial a tum a sin. I thusawi vang khan rilru nuamin a awm lova, tiang khan i nu hmaah awm tawhlo la ka duh" Ka nu min zawng turin lo kal a tum maw!

"Kal tawh chu kal tawh a ni a, i nu kha a thil tih sualah khan a inthiamloh zia i hria. Siam that theih nise siam that hial a duh ang. Mahse siam that theih thil a ni tawhlo chuvangin ngaihdam sak mai kha kan tih theih awm chhun a ni. I thei ang tiraw" Doctor-a thusawi engkim chuan min hneh tak zet a, ka tihsual lo nasat zia ka hre nawn mawlh mawlh a. Engtin nge ka nu kalsan ka tum theih le?
"Bawihi, min en rawh le " Ka lu a deh rual chuan a hmel en thei turin ka insiam rem ve nghal a.

"Ka duh che, ngaihzawng ang chauh nilovin ka nupui ni turin mahse i inpeih hun ka nghak thei che" Dr Msa
thusawi avang chuan chet mai tumna neilo chuan a hmel chu ka en tlawk tlawk, kei kum 21 kal lai, zirnaah pawh higher bak zir chhuaklo leh vanduaina hlira khat hringnun neitu ka ni a.Chhuan tur pakhat mah ka nei lova, ani erawh chu Doctor thiam tak leh damlote hahdampui vawng vawng theih tur khawpa thlamuan thlak doctor a ni thung. Kumah pawh kum35 kal lai vel a ni tawh a, a chhelo in a palian em em bawk, hmeichhe chhelo leh lehkhathiam tak tak thing thei tur khawp a Pa leh innghahna tlak a ni. Chutiang mipa tan chuan kei chu duh ena en chi ka nilo.

"Ihh,, Doctor, keilo hmeichhe dang zawng rawh, keiai tha an tam lutuk" Ka phuloh em avang hian sawi ber tur ka hrelo.

"Hmeichhe dang ka duhlo" A hmel en reng ka ni bawk a. A thu tak zia chu tu tan pawh hai rual ani lovang. dang ka duhlo" A hmel en reng ka ni bawk a. A thu tak zia chu tu tan pawh hai rual ani lovang.

Lo kun hniamin a hmuiin ka hmui a deh rual chuan ka khawng deuh at a, zawi muangin a hmui a chet a, a lei chuan ka ka chhung a hawl kual ruai a, chhanlet ve ngaihna ka hriatloh avangin ka dawh mawl ve tawp. Rei fe min fawh hnu chuan zawi muangin an la hrang a. Ka mit meng ngam lova ka chhingluih tlat avangin a nui deuh suk bawk.

"I duhawm takzet" Ka chal fawpin ati thum sup a. Dam thlakhlelna reng reng nei tawhlo kha a kianga damchhung hun hman chakna chuan dam thlakhlelhna nasa tak min pe.

MSA POV
Bawihi mittui nena hospital chhuahsan tum ka hmuh khan ka chhunglam chuan umzui turin min tur ut ut a. Engtik karin nge a bul ka thlen hman ka hrelo. Ka zawhna chhanna min pek loh khan ka thin a tirim a mahse chhunglam atanga Bawihi nu zual thu ka hriat khan an nufa inkarah engemaw a thleng anih ka ring thiam nghal bawk. Lungtlu lo zetin Bawihi kal tur chu ka thlir liam a. Bawihi nu lo harha a thusawi leh a fanu tawngkam a sawi chuan Bawihi'n intihhlum a hreh ka ring hauhlo. A kum rual tawn a tan chuan a thil tawn zozai hi a tam a, heng buaina te hian a buanthluk mai hlauh chang lah ka ngah.
Hospital a anu damlo lo zuitu, tleirawl duhawm tak hmela hlauhthawnna leh manganna hmel kha ka mitthla ah a cham reng thin. Anu damlo pumna kha tidam turin min ngem lawm lawm a nih kha. Kha ni atang khan ka ngaihtuahna a luah khat hnehin a zun chuan min phuar hneh em em a. Hospital a Bawihi hmel hmuh mai tur a awmloh chang te khan ka zawng ru fo thin. Ka room chhunga a tah tum a,a tap ri lungkuai zet khan ka chhungril hi a fan rawih rawih a, ka taksa a bei chunga a tah hawm hawm khan ka chhungril a ruak awm zawng zawng chu a hnawhkhat vek.

Ka hna kalsanin nilengin ka zawng a. Beidawng taka hotel regency pan chhohna kawng penga ka din lai chuan bolero var tlan chho chuan ka mit ala ta chat a, Bawihi erawh ka hmu hauhlo mahse a chhan ka hriat si loh chuan zui turin chhunglam atang chuan min tur a. Motor tinungin a tlan pilna lam pan chuan ka inkhalh chhuak ve nghal a. Rei pawh rial lovin bolero dinna chu ka va nangching a. Mahse bolero chhung erawh alo ruak vek tawh. Hotel ah lut tlangin pin dan hrang hrang chu ka dap kual a, Bawihi hmel hmuh ka in beisei phalo mahse rei fe ka zawn hnua room pakhata ka thil hmuh chuan sakawlh ang maiin min siam a, ka hmeichhia vai h*r zetin a bawh ka hmuh chuan engtik laiin nge an kiang ka thlen a ka sawisak hman ka hrelo. Bawihi ka ten na chu nasa tak a ni, ka beisei loh leh ka rin phak bak thil a ti chuan min thawng a, kalsan mai duhna chuan ka rilru chu a insual mup mup mahse ka chhung a mi hian a kalsan thei lo. He hmeichhia thla nga chauh ka la hriat , hmeichhe dang aia that fal bikna sawi tur nei hauhlo hian a zunah min phuar bet a, dinhmun chhe bera a dinlai meuh pawhin ka kalsan theilo chu a nih hi.

A chan ka en hian khawngaihna ka chhunglamah a piang a, a chanchin ka hriat thar a piang chuan min thawng em em vek. Mahse pianglo tur tawp chetsualna avanga piang hringnunah hian Pathian hian tum ropui tak a neih ka ring tlat a. Mahse a hun tawn hian a zirloh em avangin Pathian huatna in a khat a, a tana ka tih theih tawk tawngtaina a puih a, a chakloh ni a tungding turin a kianga ka awm a ngai.

LALRINZUALI POV
Rei fe nghet taka ka kuah hnuah ka che deuh tial tial a, a tlai deuh tawh avangin hospital lama let leh ai chuan kan ina zan riah tlang law law chu ka thlang ta zawk a. Thla eng chu chhum chhah tak chuan rei lovah hliah bo in ruah hmi chu alo far ta khep khep a. Dr. Msa'n hospital lam chanchin zawtin engkim athat vek thu a anlo chhan takah chuan kan inluahna lampan chuan kan inkhalh chhuak a.

Ruah chu a buak hian baw hawk hawk a ni ber. Kal kawngah tuihawk chu tlan tlang harsa lek lek khawpin a luang bawk. Kawlphe chuan kan hmalam chu a chhun en zuai zuai a, tek tlain a zui nghal bawk. Ka nu ka ngaihtuah chhuak a, tek tla leh kawlphe a hlauh thin em avangin ka ngaihtuah tak zet,damdawiin lam pan leh turin a tlai tawh si a. Rilru nuamlo tak chuan kan inluahah chuan kan lut ta nghal a.

Current a awmlo leh zel bawk nen tiang chuan keimahin ka riak ngamlo. Candle chu kan chhi eng vat a, inbual turin Dr. Msa chu ka luhsan a. Ka inbual zo ka chhuah chuan kan inchhung ah kawl lo eng chuaiin a tek zui ta vak a.Dr. Msa chu ka lampan a lo pen hlawk hlawkin ka ding khawng reng chu minlo kuah bet a, ka tha khur chu rapthlak tak a ni.

"Doctor min hawsan suh aw.. Ih.. Riak ve mai rawh" A kawr awma tham chung chuan ngenngawl takin ka dil a ni ber. Ka hlau tak zet.

"Hlau suh, i bulah ka awm tlat dawn a lawm" A ti thum sup a, chu chuan min thlamuan takzet.

Ka bula mu tura ka sawm tlat avangin ataksa lum si chet in thlamuang takin ka maimit chhing siai siai a, a ban lian tha zet chu ka kham tel bawk. Ruah sur vak vak karah chuan a lungphu ri ngaithla chuan ka khap fak fak a, nghet takin ka taksa a kuah tlat bawk. Ka nu doctor tianga ka awmpui hi ka ring pha ngailo mahse a zun hian min phuar bet hnehin ka thlamuan pui tak zet.

Hun leh nite chu an liam a, Msa nen kan inzuina pawh thla tam a liam ve tawh, mak takin ka nu pawh zual lam pan lovin chemo te kan la a,a pumna pawh a chhuak zen zen ta lova. Thawmhnaw dawrah thawkin thla khat ah ₹9000 dawn ka hlawh chho ve a. Ka nun chuan awmzia nei chho vein nun hlutna leh dam hlutna nitin hian ka hre thar thin. Msa ka tawn hnu atangin ka nun thlak danglam sak ka ni a. Ka tan tawngtai a thulh ngailo, ka beidawn changin ka tan a awm reng a, a tlanchhe ngailo.
Pathian hi a awm tih ka hria mahse ka nun min suasam sak nia ka ngaihna leh ka hun tawn zozai khan a lakah min hel tir a ni ber. Msa ka tawn atang Pathian hian vanduai bika min siam loh zia leh ka tan mitha min pek dawn vang a ni tih ka hriatchhuah phah bawk. Ka pa pawh a thil tihsual ah a inchhir zia ka hria a, a nupui anga a hruai luh nen khan inthenin kan nufa in ngaihdam min dil a,a ngaihdam dilna chu kan pawm thlap bawk. Msa min hrilh fo thin tisual thei vek kan ni a, tun hun hi a pawimawh ber vang a ni. Nitin ka nu tlawhin damdawiin-ah ka pa alo kal ve thin. Ka nu bill pawh ka pa in a tlak vek tawh nghe nghe. Ka hlawh chu ka inluah man leh keima mamawh lei nan bak hmanna tur dang ka neilo.
Ka pa hrawn ni mahse ka nausen tet ata hmangaih taka min enkawltu a ni a, ka thlauhthla ngawt thei lova, fa dang a neih bik loh avangin a fanu a hrin ang tak takin min hmangaih reng a. Ka hun tam zawk pawh ka pa inah hmangin ka riak phei thin. A kianga awm turin min sawm fo thin mahse mahni puitlin zirna atana awm hran chu ka duhthlanna a nih miau avangin ka thuthlukna pawh chu ka nu nen min zahsakin ka inhluiah chuan ka cheng ta zawk a.
***
MSA POV
Monu pa in alo kaihluh hmeichhia chu thlir nin har khawp a duhawm leh mawi a ni. Pathian hmaah thu tiamin Pathian leh Kohhran mi te hmaah pumkhat kan lo ni ta a. He hmeichhia zûn hian min phuar hnehin a Ni telin amah thlakhlehna chu a zual tulh tulh thin.
Kum 21 mi chauh a ni a mahse hmeichhe tam tak paltlang theihloh tur paltlangin chhel takin nun a hmang thin. Ft5'1 vel chauh a sang a ni nangin a pian erawh a taksa phutawk in a khal ru tat a, vun ngo leh mam tak neiin mitmeng mawi tak mipa tamtak a zûna uai tir theihna tur mitmeng lian tak a nei tel bawk.Bawihi hmel hi ka hmeichhe hmel duh chi tak anih avangin ka hmuh vawikhatna atang ka mit ala nghal hle bawk a nih kha. Rilru ngil tak leh mize nû tak a neih tel leh zelna hian a zun uai a tina zual tak zet.

***
Bawihi hmui nem thep chu duhthawh lutuk a fawpin a kawr chhungah chuan ka zen lut a, alo tim ru chawi chu hriain ka kut chu ka chet nghal zat bawk. Tlema inla hrangin Bawihi hmel ka en chuan a mitmeng a vam ham a, a biang a tai tek bawk. Chu chuan phurna nasa tak min pe a, ka nupui ka hmangaih leh ka thinlung neitu chu khawvela hlimna awm zawng zawng pek ka duh a ni. A thaw lum ham ham reng a, zamna nasa tak a hmelah alang chhuak tel bawk . He hmeichhia hrechiangtu mipa tawh phawt chuan an duatlo phal lovang a, khawvel hlimna zawng zawng hi pek vek an duh bawk ang.

***
KUM KHAT HNUAH

"Bawihi, Theo papu kha minlo pe la" A fapa awi mut tumtu in alo tih chuan phur takin a bawnghnute chu ka ve pe a. Papu a hnek tir pah chuan a fapa chu an awi hliau hliau a, amah a palen em avangin a fapa chu apa taksa ah chuan alang te zual em em bawk. A pa thlazarna hnuaiah a him zia hria niawm takin a beikhiau reuh a.
A hna atanga alo haw rualin a fapa chu a zawng hmasa ber ziah a, a hnathawhna hmun atang pawhin vawi3 tal alo video call ngei ngei thin. Theo kan neih hnu phei chuan kan nupa inkar pawh a hma ai mahin a nghet zual sauh a, hetiang pasal ka nei hi khawvel a hmeichhe vannei ber ka ni ka tilo theilo.
Ka nu'n min boral san tawh a, a tupa erawh hmu hmanin a hmingah Theo Lalrinawma a sa a. Ka ngai em em thin,ka nu anga chhungkua leh fate tan a inpe zo nih chu ka thil tum ber a ni bawk. Ka pa pawh Theo hmu turin karkhat ah vawi thum tal alo kal ngei ngei thin. Theo pawh thla 6 chauha upa ni mahse apu chu a ngaina in a hre hle bawk. Chhungkaw duhawm tak min pek avangin Pathian hnenah lawmthu sawisen loh ka ba tak zet zet.

***
Awm bawr lian leh hlai hlup taksa ah chuan thlamuang takin ka bawk a, ka fapa pawh apa taksa chungah tui takin a muhil bawk. An pafa muhil chu ka thlir reng a, he mite pahnih hi ka damchhan te anni tih chu ka thinlung hian a hrechiang em em a. Msa muhil chu lo harhin a fapa nena a taksa ngheng a kan mu a hmuh chuan minlo enin a mit vun chuar lang tur chuan an nui suk a, "ka nun min thlak thleng saktu" tia innem kang deuhin a hmui lum ham ham chu duhthawh takin kan fawp zui vang vang a.
A tawp ta.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)