CHHUNGKUA BY Ellpee Ralte

Ngaia
Site Admin
Posts: 25813
Joined: April 30th, 2016, 4:07 pm

CHHUNGKUA BY Ellpee Ralte

Unread post by Ngaia » September 30th, 2022, 11:06 pm

Untitled-1.jpg

'CHHUNGKUA'

(Competition 2022)


Ziaktu : Ellpee Ralte




Chhim kalo chak em em ṭhin a pangti te chu rapawm khawpin an vawt tawh a, tawn ka lo chak em em ṭhin a a damlai sakhmel ngainatawm ṭhin tak te chu thihna hmelin thlakin ngainatawmna reng reng a nei ta lo, mit chuan a thil hmuh te chu a tak a nih loh ringin ringhlel ru rum rum mah se a tak ngei a ni tih min chian sak tum niawm zia zangin biang chu mittui in a rawn mawi zui nghal zung zung mai si.





Midang hmai pawh zah hman lo lek chuan ka hma a an zalh ka hmangaih em em a damlai sakhmel leh sakruang ka tawn ve hman tak loh a ruang chu pawmin ka rawl tawpin ka ṭap chhuak ta rawng rawng mai.





Ka ṭap ri pawh a thang khawk zawh hma chuan ṭap ri dangin a rawn zui nghal tliar tliar a, chung te hlei hlei chuan ka hnuk rawn ti ulh zualin insum kar na awm lek lovin ka ṭap chhuak ta a nihkha.





"U Di hei aw au diary leh a thawmhmaw ngainat zual te chu" package pasel lian lem lo tak min pe tu hmel chu ka en thuai a, alo nui saka ka hmangaih hmel a nui hmel ah chuan ka hmuh tel theih tlat avangin a thil min pek chu ban lawk nachang pawh hrelo in ka thlek vawng vawng a.




"Di i duh lo mi" a rawn tih leh meuh chuan suangtuahna a lokal thui hman leh hle tawh "Ohh sorry pekpek ka lawm lutuk e aw" tiin ka ban nghal thuai a, rawlthar zakzum rual lek tih takah laih hmel taka nui sukin a inher vuta a chhuak ta nghal nal nal.





Ka awmna room kawngkhar chu kalh ṭha sauh sauhin a parcel min pek chu ka hawng nghal sawk sawk a, ka hmuh hmasak ber chu diary chhah ve angreng tak hi a ni, tukṭhuan eikhama chhiarah tiin insum tak chung chuan ka keu tawh phek chu ka khup leh ta rih a, kan hak dun hman tak loh couple t-shirt var a hma a D & D tih inziak chu ka awmah kuah betin ka chhing vang vanga, thlir let tur tam lutuk chuan min ti tawt ṭun a, ka tawt na ti reh turin mittui chu ka pun angai leh nge nge ṭhin a nih hi.





"U di tukṭhuan kan peih a ti a nuin" Sentein a rawn tih tak lauh lauh ah chuan ka biang chu tuai sawkin ka chhuak zui ta nghal a.





"Dite vawiin chu hei i vahnu birthday te hi a ni ve sia i u nen kan va chhuah pui ve nge kan tia, nangmaha lo awm i hreh lo ang tiraw ? Daniel-a te inlama va awm nilen leh lringawt ṭhin pawh itan a hahthlak ve dawn emai, hahchawlh pah nan hun ilo hmang dawn ami niang" ka u thusawi chu ka pawmpui zawng ta a ni.





A chhungte hmel hmuh hi ka tan hahdamthlak hle mah se lut chhuak an awmve reng bawk nen kei ang huau huau boruak ngaina lem lo tak tan chuan fianrial hun ka neilo lutuk hi a hreawm ka lo ti ru tawh viau reng a ni.





Ka u te an liam hnu chuan ka room lam panin lukham hnuaia Daniel-a diary ka dah chu ka phawrhchhuak nghal thuaia.





"Dear diary ka thuruk thuk ber thlenga ka hrilh ngam awmchhun i ni a, ka tan i hlutzia hriain ka thil hrilh che te hi min hlut sak ve la, midang hrilh chhawn leh loh ah ti ang aw" tih te chu a phek hmasa berah hian mawi deuhin a loin ziaka chhiar a ti chakawmin a ti phurawm zual sauh mai.




A bulṭanna ni chu '5 November 2018' a ni.




"Hi dear diary Daniel Remsangpuia ka nia, tunah hian Aizawl vaivakawnah awmin GAWC a 5th sem zirlai mek ka ni college zirlai satliah ve mai chhuan tur engmah neih neilo ka ni nilo bialnu chu ka nei ve chubak ka neih ah chhuan tur ka hrelo" chu thu te chuan a ni hmasa ber phek chu a mawi a, kan inngaihzawn hnu tawh a thil thleng a nih avangin a chhuan tur neih awmchhuna a sawi pawh chu ka nih ngei inringin ka nuisak.





Ka keu leh chiah chuan a phek khat tlata thil lo inziak ka hmuh avang chuan mak ka ti chu ka ka ho ringawt.




"E dear diary hmuh theih loh ngaihzawng neih lo rapthlak zia hi ka tem ve turah pawh kalo dah ngailo asin kar hla d nei ka ṭhian te ka lo hmuhsit ṭhinna rah kha ni ta berin ka hria tuna ka dinhmun hi ka va chawh tak, e vawiin pawh maw kan inhmuh huna kan awmdan tur leh kan thil tih dun tur zawng zawng nena suangtuah kim vek ka tumna lamah class ka kal lo ṭhak. Distance relationship huhang han nat zia hi i tem ve tur atan ka duhlo ka kal na apiangah i lokal ve ang nang chu."





Ka thil chhiar avang chuan ka nuichhuak hawk paragraph hran te chuan an ṭhen ve ngei bawk sia.




"Ditei tih hmeichhia hian maw kei val vengva leh chhungte bula awm aia ṭhian te bula khawsak nuam ti zawk mahni tawka man inti ve ṭhin em em mai hi min ti danglam vek thei nia a mak reuh tak tak fiamthu duh tak ni hran lo mah se kan inbiak tawh hi chuan maw mi a ang maiin ka khi hui reng zel ka nuih khat nen tiraw ?"





A tih tawp dan teh hmuk chu ka va han kham lo tak. Phek dawt leh ka melh leh vat.





A ni zat chu a ziah hnunhnun ber ni nen a inhlat tawh dawrh dawrh khawp mai.






"Dear diary ka va chau ve, tu chhungkaw boruak mah hi a nuamin a ṭha reng thei lo tih ka hria mah se hetiang em em a chhungkaw boruak ralmuan thlak loh inchhung luh phat aṭanga boruak ṭang at reng mai chhungkua hi an awm ve pawn ka ring lo, inchhungah hlimna leh ralmuanna a awm loh miau chuan inchhung nuam tih chhan tur a awm lo.





Pawn lamah inchhung khura ka dawn ngai loh boruak nuam dawn tumin ka chhuak chamchi a, mahse maw eng boruak ṭha mah ka dawng lo, ka dawn awmchhun chu maw ka chhuah avanga relna leh hauh na chauh. ka nu leh pa hian maw Inchhunga tawm tam zir turin min tia mah se ka zir lo ang inchhung khur nuam tak siam an zir hmasa phawt te a nih loh chuan.





Ditei call pawh ka chhang peih lo zanin chu ka ruih hi a phallo a, ka ruih leh ruih loh min zawt leh ngei dawn sia dawt hrilh ka duh lo a ni.





A mak ve tiraw ka ruih lai ber pawn...." a thuziak chu chhiar zui tlak a awmlo a hawrawp a chhe turu lutuk a chat thla zui a nih ka ring.





Ka keu thuak thuaka, ''nitin chuan a diary hi ziak lo mah se kartluana ziah loh ang tawp chu a nei bik lo a nih hi" tiin ka chhiar hmabak ah chuan ka bur leh ta ngar ngar a.





"Dear diary hmalak dan tur ka hre tawh lo zu ngawlvei ah ka chhuak mai dawnin ka hria, ditei bulah lah dawt ka sawi zing ta malh malh viau. Mahse tihngaihna lah ka hre tawh silo ka tum ve viau pawh hian chen pui ten an zir miau loh chuan awmzia a nei thei tak tak lo a nih hi.






Za deuha ka nuih ve te hian maw chhungkaw boruak rilruah alo langa, ka nghilh dup ṭhin , ka pa hi pawisa tam tak thawkchhuak ṭhin chu a ni tak meuh alawm, mahse heng a pawisa thawhchhuah nana tha a sen zat vel tal pawh hi chhungkaw boaruak chhe lutuk siamṭhat na a tan a tha han seng ve ṭhin nise chuan tun ang dinhmun ah hian kan ding lo tur.





Mite chuan duh duh nei thei thawk lo pawha damchhung nawmsakna tur khawp chu pa te thawhchhuah aṭang pawha nei thei tawh tur hriatin min hria tih pawh ka hria, mahse maw ka tan kha khan ṭangkaina a neilo khawvel mi hriat nih hian awmzia a neih loh zia chu he chhungkaw dinhmun min hriatchian pui tute hian an hrechiang viau ang .





Ka damlo amaw antia ka dam nan damdawi ṭha tin reng ka dawhkan khatin chhawp ṭun mah se , ka eilo ang a chhan chu ka dampui dawnlo tih ka hriatchiang em a ni. Mahse ka chhungte leh kha doctor kha ka dem lo ka natna tak hi an hrelo miau a, heng damdawi te hi ka damna tur damdawi amaw an tive a nimai. A natna i hriatchian loh damlo hnena a damna tur damdawi chawh dik chat chu nangpawn harsa i tive tho in ka ring."





Ka thu chhiar chuan a ngaihna hrelo ah min chhuah a, 'eng natna tak chu vei ang maw!?' ti rilru neuh neuhin ka keu leh thawk a.




Thlakhat a chawl a, a thla leh ni 3 niah a ziah zawm leh chauh "Hi Dear diary i lo dam em ?kan va inkawm khat ve tiraw ? nizan chu ruilo hai loin ka awmtluan ve zak mai ka ṭhianpa kṭp a inhmang bik lemlo kima te inah khan ka va lenga.





Kima hi kohhrana inhmang vak bik lo ani tih ka hriat avangin va chet pawlrawl viau ka tum kha nia mahse ka tum angin ka awmlo chiang asin !.




Welcome tu ka neih ṭhat lem loh avang chuan ka luh tirh phat aṭang khan an chhungkaw boruak tur ang chu ka ngaihruat thiam nghal vek niin ka hria a, mahse chu pawh ka ti sual.





Pa ber inbual zo rawn chhuak nen chuan kan intawk hlawla ka phu deuh zawk, mahse nelawm taka ka hnunga min beng thukin "e Sangpuia chu i va fel ve i lo len ve teh mial i ṭhianpa kima nen hian in inkawmna a rei ve tawh nen a i vawikhat rawn lenna chauh a ni hial lawng maw ?" ti pahin min beng thuka.





Ka pa ka ngaihtuah chhuak lo thei lo ka pa chuan ka ṭhiante an fel emaw fel lo emaw a fel lo en nghal veka kan in a ka hruai haw ve zauh chang te hian biak chu sawi loh vawikhat pawh a melh ngailo, a inbual zo bathroom aṭanga a rawn chhuak te hi a rim a tui lem lo ṭhin khawp mai, mahse kima pa thung hi chu ka pa ang anilo nasa sahbawn rimtui luah lan thei tur khawpa na rimna rim dang a nam ve tlat lo.






"Lo zu ṭhu chhuk rawh" a tih chuan chhan pawj chhang lem loin sitting room kima nui ṭhaw a min lo melh tu awmna lam chu ka pan ta thuai a.





Kima ṭhutna sofa-ah chuan ṭhut hmun ka rem zui ve nghal a, sofa pakhat chu kima naute pahnih leh kima nu chuan insi rialin an luah khata, a pa tih loh chuan an kim ṭhap mai.




Reiloah a pa pawh chuan ṭhut hmun a rawn rem zui ve ta nghala, min be ve deuh renga, ruilo hailo a awm ṭhang lo tih takah ka zam deuh riau lehnghal a. An movie en chu nuih pui hak hakin an infiam kuala, chhungkua an inpawh dan leh an inbiak dan te chu kan chhungkaw dinhmun nen a tehkhin loh theuh loh a, inteh tlin erawh a har lam mah a ni."





"Kohhranah i inhmang vak bik lo amaw katia inchhungkaw boruak chu a va nuam si ve" ka bula kal ka ṭhianpa chu a nuihaka "ṭhianpa kohhrana inhman hi a ṭhalo chu ka ti miah lo, mahse maw ṭhenkhat hi chu an inhman lutuk na lamah chhungkuaa an duty hlen hman lo lek hian an inhmang ṭhin a, kha an inhman na khan chhungkua ah effect a nei thei ta lo a ni.





Han chik han chik la maw kohhran leh ktp-a inhmang deuh deuh te hi maw an chhungkuaah va chenchilh chiah la, kohhrana an inhman na kha an chhungkuaah an hmang zuiin a lang zui ngai meuh lo nia anni vek chu ka tilo na a.





Ka pa hi kohhran a inhmang lutuk anilo mahse maw kohhran upa ka hriat tam tak te ai hian zah a phu ka ti zawk tlat, a chhan chu maw Pathian mite chu pathiam mi lo te aiin an bula awm a thlamuanthlakin an titi te pawh ngaihthlak a nuam zawk tura ngaih a ni. Mahse kan venga kohhran upa ho ngat phei hi chu chutiang mi chu anni tlat lo milian leh thawh lawm thawh tam thei satliah te tlawnin ka pa ang te hi chu tlawn chu sawi loh lang silo hian an nek an nek a ni ber.






Ka pa te chu chutiang mi nive hek lo a mah aia reithei te hmuhsit chu sawi loh sum leh pai an dinhmunah tumah a teh ve ngailo a, rual pawh pawl ṭha ngamlo khawpa pa chhe ve tê tê te kilkawi hi nuam atia.





Zanin ang kha chu kanni reng bik lo ania, ka pa hi len a cheh ve lutuk mahse ruihhlo tilo leh cheh satliah hi chu alo zia khawp a rawn haw tlai deuh pawn ka nu hian kawng a hawn duhlo ṭhin a, lung lohah pawh la lemloin lungawi takin inhnuaiah a riak mai zel.




Ka nu kha nu an cheh ve tak mai hi ania,pa ṭhenkhat hian an hrawn rei theih ka ring lo mahse ka pa hi chuan nina hauh chu sawi loh "i nu áng hi chu ngai haw duh miah su a inbun thawl ve na nia kawpchhaka ar khuang tluk lekin ngai ru" a ti hial ṭhin a áng ka pa'n a haw lo lutuk te hi a haw letling hlauh zel."





A pa mizia a han sawi tak tak chu maw ka pa mizia nena letling thawk a nih avangin ka awihlo letling hial zawk. Dawtsawi hmel lah chu a pu hauh silo a.





"Ṭhianpa nang chu i vannei khawp mai keichu kan chhungkaw boruak hian a zir lo lutuka in a tawm te hi ka peih hlawl lo, inhau ri leh inkhak ri kan hriat loh leh túm hmel pu bur hi kan hmachhawna renga tu tan mah tawm rei peih na chi ni hek lo ka nau te nen hian kan inchhuah chhawk sek a ni ber."





Ka thusawi chu chik hmel zeta ngaihtuah zui niawm takin a kal lai chu ding meuhin min en vang vang a, "zanin chu lo riak daih mai ta che, let leh ila" a rawn tih chuan che loin ka phu deuh zawk "tih chi nang ! hauh leh hrawk tawrh nasat zualna mai mai min ngaihtuah duh lem suh ngai neih har viau mah se tur ah ka ngai ve tawha riah chhuah pawh hian kawng ro a su lemlo".




Ka darah chuan rawn beng thukin a rawn ṭawng zawm ve leh zata "Daniel ka hrilh ve leh mai mai ang che chhungkaw boruak nuam hi chu a lo pawimawh teh sin shillong ah khan kum thum lai mai ka awm a Aizawl ka rawn haw tirh khan ka ṭhian hlui zawng zawng te khan ṭhian thar lo nei tawhin ka chan a ni ber.





A tir khan hreawm hi kan ti mai mai khawpa inah ka tawm ngut nguta mahse maw a hma aia in kan tawm hnem ta chu kan inchhung nawmzia ka hre thara rual pawl leh pawh huphurhawm hial khawpin kan inchhung nawmna khan min siam a, khatah te khan kan in kha inchhungkhur nuam lo tak nise chuan maw ka depress anga rilru lam natna hrang hrang te veiin at te pawh ka a zui hialin ka ring.





Mahse kan chhungkaw nawmna kha ka tan damdawi ṭha takah a chan phah ta zawka, tun dinhmun hi ka chuan kai theih phah ta zawk a ni. Tunah nangpawh inchhungkhur nuam takah i cheng lo pawh a ni maithei mah se maw hei hi inzir na tan hmang hlauh teh nupui fanau neia chhungkua i din ve hunah chhungkaw nuam tura pa ber pawimawh zia i hre tawh a, i duhthusam ang chhungkua chu i nupui fanau te i dinpui hlauh dawn ania." min rawn nuih sukin a mitko a san ak a, chhan pawh chhang lem loin kalo khik khum ve suk ringawt.





In ka thleng chu maw ka room chhungah ka nu lo ṭhuin min lo melh chho kara "Remsangpui zantin chhuah hi i addict tawh a nih ber hi tiraw kum sawm pawh zir la i graduate thei chuangin ka ring lo semester tinah subject ba i nei thliah thluah in ania ka rin Sangmawia te khi han enteh inchhunga a tawm loh kar khi chu chhungkaw thilah bak a chhuak ngailo entawn tur dik hi entawn ve tum rawh i ṭhian mawl tak tak kha nilo in" alo ti nghal pang pang mai.





Nidangah chuan chhan tinah ka tin ngailo mahse zanin chu ka thil hmuh leh hriat zawh chiahin a zir bawk nen ka insum thei lo a ni "Zantin chhuah hi addict lo tura min duh chuan inchhung tawm nuam ka tihna tur khawpa nuam chhungkua min siamsak ve ula ti nia, nu Sangmawia nen khian mi tehkhin teh sek bawk suh, an inchhung boruak nuam tak ang khi he inchhungah hian tem tur awmve ngat se chuan ani ai khian ka tawm nasa zawk ngei ang."






Chutianga ka hnial piap mai chu mak a ti deuh nge ni min en ma hó ringawt "keini inchhung ve te zawng lehkha zir theih na inchhung pawh nive hek lo ka pa nen in inhauh loh leh ka u zurui a inhrosa kual a, min fakna tur aiin min selna tur kan chet danah in zawng kuala ning tak ka ni ning tak hremhmun tem lawk na a ni ringawt alawm " ka tih khum ve ngat kha.





A tawp dan teh chawt chu a nu chhan dan te ziah tel ve awm ania, avan ziak bung thei tak hepa hi, ka thu chhiar chuan chhungkaw hlutna min hriatfiah tirin kalo ngai neih mai ṭhin ka pa'n hneh taka a uap na kan inchhung chu ka ngai hlu zual sawt.




Ka tui hal hle mah se phek dang chhiar leh phawt chu ka thlang ta zawk rih.





"Dear diary min pui rawh engtinnge he inchhung khur hi ka tih danglam theih ang depression leh anxiety ka nei niin pu.Hrekima khan min hrilh a, ka buaina hi chinfel dan ka ngaihtuah chhuah hma chuan heng natna te hian min zui reng dawn niin a sawi a, hneh turin mkn ti a, ka hneh thei tih min hrilh bawk.





Mahse a hneh dan ka hrelo a ni. Ching fel tura ka fel tawk loh zia pawh ka hai lo, engtinnge bul ka ṭan ang ka diary tereuh te" a rilru hah dan tur chu dawn puiin ka lo hah ve ringawt.





A phek dawt leh chu chhiar ka phur khawp mai a chhan chu ka piancham ni khuangchawi thla ni hmasa ber ni a a ziah a ni tlat.




Hemi ni hian nilengin earphone vuahin kan inbia a, dah ka tum pawn a phal ṭhak lo kha nia "i duh duh min tih san rawh ka awm ve reng tih erawh theihnghilh lo la" a tih takah khan chuti em em a min ngai te chu tiin ka dah duh bik lo kha nia.




A khat tawkin a thawchhuak leh hawk hawk ṭhin a bazar ah te ka vah kual pah avangin ka chiau au ṭha vak hman der silo a "tinge Sangpui khatia i thawk hawk hawk a, i ṭha em ? rilru hahna i nei ami ? ka pui thei maithei che nia" tia ka zawh pawh chuan "Puih ka ngai awzawng lo ka ṭha rilru hah chu sawi loh ka hlim lutuk a rilru mumal pawh ka neiin ka hre lo zawk" fiamthu ti tiha min chhan zel avang chuan ka zawt zui duh ta lo kha nia.



Zan lamah erawh kha chuan biak zui theiha a awm loh avangin ka lungawilo hle a. Ni hnih hnuah chauh mi rawn be leh a, lo lungawi loh khum tum viau pawn a tih hleih theih loh a tawp a tawpah chuan a fiamthu nuihzatthlak loh deuh deuh hi ka nuih pui leh nge nge zel.





1st October 2019
Dear diary vawiin hi ka khawvel leh ka engkim a ka engkim tun thlenga dam ka la chak ve na awmchhun mihring a zawnga ka mihring ngainat ber mai piancham a nia. Hlim taka siam duh mahila ka thei silo, ka bialnu tan hian bialpa nep tak chu ka va ni em tiraw ? ka boruak dawn hrisel lo tak hian min eichhe zo vek tawh ni berin ka hria.





A kut vuanin a hmai hma ngeiah ka hmangaih thu te hrilh a, ka tan a hlut zia thu hrilh ve te hi ka chak asin mahse hetiang dinhmunah chuan hmachhawn ka ngam hlawl bawk silo.




Ka chau a ni. Min pui teh ṭanpui ka ngai takzet keimaha chingfel tur chuan ka chak na neih hi hi an chak tawk tawh lo a ni e."




A thu ziah chuan min ti ṭim sawk thei a chhan chu inhriat ve tho ka ring a ni.




Puih ngailo leh na lo ang maia ka bula insawi khan amah ṭanpui theilo tur chiang sa a diary hnenah ṭanpui a dil chu nia. Kei chu thu hran a chhungte takngial pawh an awmlo em ni le ? ṭanpuina a dil ngam tur ang mihring kha a diary lo hi tu dang mah an awmlo a maw !?.





Ka mittui chu ka khap per saka a natna tawrh
kha a nat dan tur chu feel pui pumhlum thiam lo mahila ka natpui ve lo theilo ka hmangaih ka tana engkim huam ṭhin tu kha a ni miau a.





"Dear diary vawiin nileng leh nimin nileng kha ni khua ka hrelo a, itan thu chah pawh ka rawn nei thei ta lo, ka taksaah hian eng natna mah hmuh chhuah tur doctor te chuan an hrelo ka dem lo ka natna hi mihring mitin a hmuh mai theih tur anga pawnlang a ni tlat lo a tin ni.





Ka rilru hian ka taksa a hrem zawp tial tial mai si a, ka rawp ral hun chuan min ral turin ka ditei kha a lokal ve loh nan theihtawp minlo chhuahpui rawh aw, ka damlai hmel pawn a hmachhawn ngam loh hmel kha ka thih hnu pawn hmachhawn ka duh lo ka zak a ni, a hmangaih chhan sakhmel ang kha ka pu zo tawh silo a."





Ṭap chhuak lo tura insum chu har tak a ni "mawla mimawl pa, chhe bera i inngaih lai pawh khan hmangaih tu che thinlung hi a pangai reng dawn tih i hrelo em'ni ? i hmel vanga hmangaih che ah min ngai ami chapo ma i hmelṭhatna chu i va chhuang ve" ka ṭap chhuak zui rawih rawih a, chhiar zawm leh chakna reng ka nei tawh rih lo.





"Dite vawiin lam enge ilo an a, i lo inngaihtuah lungpuam leh vak em'ni ? kan ṭhenawm nu saw alo hlauthawng nasa ania" inchhung a rawn rah rual chuan ka u chuan a rawn ti nghal lawng lawng a, ka inbual zo bathroom aṭanga ka chhuak chiah hmel min hmuh chuan a thaw deuh hawka "tinge u chutin ngaihtuahawmin ka awm hleinem min en la ka ṭha lutuk." za lo lutuka nui lui sawka ka tih takah chuan a hlauthawng hmel pawh a pe na zia awm sawt viau.





"A ṭhat chu a ṭhat chu kha hei vawksa rep itan liau liau kanlo hawna i duhdan tak khan han siam nghal teh a tlai chhe mai dawn" a sawi zawh rual chuan a nupui beiseii leh a fanu sentei chu anlo inzui lut ve nghal thlak thlak a, "e a ni ditei chu enge alo an a?" ubsi chuan alo ti nghal vara, "ka ṭha mah mah kan sentei chu nuam a ti em ? cake te chu lo en ila " tiin sentei chu ka pawm nawlha, an thil rawn hawn vel te chu enin kan ri chel chul mai.





Zanlam chu Sentei piancham lawm tur ho anlo kal khawm nak naka ka nin hlauvin ubsi chuan "dite anlo thlen kim tak tak hmain lo han inthiarfihlim daih rawh, puih ka ngailo ania, i lo awmve reng khan nuam lo iti dawn a, keipawn nuam ka ti chuang lo" ṭawngkam bah deuh taka a tih hnu chuan a sawi tum hrethiam takin hnial pawh hnial buang bar loin ka diary chhiar lai nen chuan ka inthiarfihlim san hmak.






Thil tam tak a inziaka nuih na tur thil erawh a váng phar tawh.Ka la sawi loh thil kan hrilh lawk ang che u Daniel-a hi drug overdose vanga boral niin an sawia kei chuan ka ring lo hul hual kha a ni a, mahse a chhungte hi a diary a a thai lan loh ang mizia ang hlir pu khan ka chungah an khawsa a, hei tak hi ni mak ka tih em em chu , a chhungte ngei pawhina drug ocerdose vanga thi tih an rinhlelh loh chuan keipawn ring lo tak chungin ka pawm lui ve ta kha a nia.






He a ni tawp ber hian a rawn finfiah ngei ka beisei amaha inti hlum nge midangin an tihlum tih chu.





"Hi Dear diary i lo dam ṭha maw ? Keichu ka dam tawh lo dam lam ka pan ve dawn chauh a, chhungkaw boruak chhia hian min vaw hniam leh ṭhin. Vawiin khan ka hringnun chu ka thlah liam tawh ka nu hnenah puitling takin kan chhungkaw boruak siamṭhat theih dan tur sawipui ka tuma, mahse ka hlawhchham chiang hle, 'he chhungkuaa thu i neih ve hun tur chu maw heng chhungkaw tana thawhchhuah i neih ve hunah chauh aw bawihpui, ruihhlo ei chhiat tawh taksa nen kha chuan thawhchhuah neih chu sawi loh kan sum leh lai i eichhuak hiau hiau zawk chu a nih si hi, i rui phur thu rawt kha nangman lo hlen mai rawh aw' min ti zek zawk.





Ka pa ve thung chuan min titi pui chu sawi loh melh pawh minlo melh ṭha duhlo ka taksa hi drugs ei chhiat amaw anti a nihchu an ei chhiat a ni tih hi hria se, ti em em hian min thlah thlam bik ka ring lo, mahse an hre ngailo ang engtikah mah.





Dam reng chunga thi an tih nun ang te kha chu hman hmanah khan kalo tem tawh tunah hi chuan damlai reng keimahah hian a awmlo a, ka taksa pengtin te hi ka rilru natna na lutuk te hian an alh kang hluah hlua a, an kan ral hun chiah a ni ka nghah tawh ni. Chu hun chu ka tan damna ni a ni zawk tawh ngei ang. Thih hi ka chak lo mahse maw damna ah hian damna ka hmuh ve tawh loh a, thihna ah hian damna hmuh ka inrinna a len zawk em vang hian a nia thih na chu tem ka thlan dawn ni.





Ditei nena chhungkaw nuam leh duhawm tak din ka duhna te kha la thamral miah lo mahse, Ditei'n chhungkaw pa atana a duh tur ang zia leh hmel kha ka puin ka nei tawh silo a, khang suangtuahna te kha chu ui tak chunga ka thlah liam an ngai dawn ta a nih hi.





Ka pa zu ngawl vei khan zu ngawl vei vek fa min hringa, ka ngawl vei na hi a hrin chhuah tih nghilh ṭhak khawpin min deu sawhin min ṭawngkhum a, ka nu leh pa te khan fa sual leh mahni hring tute zahna tlachham chhuahin min chhuah a, an hrin chhuah ka ni tih chu hre mahse, he ka ngawlvei na hi an hrinchhuah tel tih an pawm tel duh tlat silo.





Ka thlan duh ngai loh thihna kha tunah chuan chakin a panin ka pan a ngai ta zawk chu nia.





Kan duhthlan nilo kawng hi kawng dang a pin vek tawh miau chuan kan zawh a ngai nge nge ṭhin chu a nih hi."




A phek tawp na ber chuan ka tah a ti chhuak thei tawh lo ka thin tirim ṭunin a nu leh pa demna hlirin ka khat tawh. An in a va luhchilh a David-a thihna tuar ber leh sun ber awm a awm tute saw amah David-a that tute anni tih tu pawh hriat theih tura va sawi mai chu ka chak rum rum mahse ka insum theih na la neih tlem tè te chuan min la chelh fan fan thei rih a an vannei khawp mai.





"Tuna nuam tur ringawt dàwn lovin nakin hun a in hun hman dan tur thleng dawn phakin nupui pasal hi i nei ngam teh ang u, nupa a insiam hi chu a harsa lo mahse a hrinchhuah chhungkua tur dàwn thleng nachang hrelo khawpa dawn tawi i nih chuan nupui pasal neilo ngam mai rawh.




Fahrah nun te hi fahrah in a awm ho tem tur ngawta i dah a nih chuan i tisual chiang viau ang, i fate kha i uap a, i awp a, i hriatthiam a, i kawm ngai loh chuan fahrah nun i tem tir tir hre rawh, fate chawm nan ka thawk i ti maw ! i thawhchhuah pawisa ai khan i thawhchhuahna taksa a i kuah lum kha an mamawh zawk.




Depression, anxiety leh stress te hi a hluar nasat viau tawh hnu chuan thihna a thlen ṭhin ania, suicide case hian ram a tuamin min tuam hlup hlup tawh a chhan enge ? a seilenna chhungkua in zir hek lo ngaihzawng te nena in break vanga intihlum ni a in puh tam tak te kha maw a nilo, a inmung ṭanna chu chhungkua a ni, chhungkaw nuam leh ṭha tak aṭanga seilian mihring chuan maw intih hlum duhna thinlung a putin a nu a hrilh ṭhin a pa a hrilh ngam ṭhin, an buaina solve sakin kawm melh melh ṭhin ni ula a broke lai bera thih ai khan hrilh che a thlang ang a, a thi lo ang.





Chhungkua hi mitin bulṭanna a ni i bulṭanna in a zir loh viau pawn bul lo ṭan ve tur i fate tan khan bulṭanna ṭhalo chhawpchhuah sak ve lul suh." ka thusawi avang chuan kut an beng dur dura "bulṭanna ṭha a bulṭan pui che ka duh" ka aw hriatchian em em maiin a ka beng bula a rawn ti ri ka hriatchian hawi let lem loin ka nuisaka "i bulah lo bulṭan ka duh hleinem" zawi te chuan ka ti sap a, hawi pawh hawi let ngam lo chuan ka nui seih ringawt.









'A TAWP TA'



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)