LAST KISS (Competition)

Ngaia
Site Admin
Posts: 25813
Joined: April 30th, 2016, 4:07 pm

Re: LAST KISS (Competition)

Unread post by Ngaia » November 12th, 2017, 1:53 pm

LAST KISS 8
CHAPTER-8
By-Peki Ralte


Hmun lian leh zau lutuk tak mai; eng chi hrang hrangin a pawlh, nalh em em maiah chuan min hruai lut a, kan kalsan tak hall zau tak kha he hmuna lian ber turah ka lo ngai a, a ni hauh lo mai, a lo zau fe zawk a.

Ka hawilkual vel a, thil zawrhna hmun ropui tak a ni tih chu ka hria, "Hei hi a ropui lutuk," ka ti sap a.

"Nuam i ti ang tih ka hria alawm, kan fang kual dawn em niang? Hepa rilru zau tak leh dawhthei tak bula awm hi anuam tak zet, ka rilru kil khata Rafe awm ve reng chu paih bo ka duh tak zet bawk.

An thilzawrh engkim mai chu analhin a changkang em em mai a, aman pawh a tlawm lo hle. Bazar velah pawh hmuh tur a awm mai mai lo ang tih ka hria, tlereuh ațanga thawmhnaw changkang tak tak an zuar chikim hle.

"Bridget hei hi en teh, i nalh tih zawng a ni em?" Ka hawi phei chuan lunghlu țhi nalh lutuk tak mai, pawl duk lam locket lian lam mah chu a lo khai va a.

"A nalh tak zet ka vawikhat hmuhna a ni," ka ke kham lutuk te leh ka chau hle tawh tih ka inhriatna te chu a reh sawng sawng hialin ka hria, a nalh kher em a ni.

"A nih chuan ka la ange," tihpah chuan abawm chu lain a ipte-ah chuan a ak nghal a, hepa hian a bialnu tan ala a ni ngei ang, hmeichhe vannei tak zawng a va ni chiang em, a to uchuak hle awm si a.

"Lei duh te i nei ve lo em ni? Nge ni a i duh zawng ila hmu lo zawk? I duh zawng hmu tur chuan ka la enpui zel thei che a nia. Mahse, he hmun hi kan fang chhuak dawn anih chuan kan zanriah tur chu ei tlak a ni tawh lo ang," a nui ver ver a.


"Saw thil saw en teh," kan hmaa kawr pawl fual nalh zet chu ka kawk va a.

"Fuh lutuk," Logan-a chuan a ti chhuak sap a, "I in hmeh tur i hre kher mai," kan pan phei nghal a.

Kawr pawl fual nalh zet chu, room hran hak chhinna tura an siamah chuan ka luh pui nghal a, keimah pawh chuan inhmeh ka inti kher mai, ka kawr chu thlak leh in ka chhuak zui nghal a.

Dawr neitu mitmeng thip ral chuan ka lei loh hlauin alo fak chiam bawk a, "A milpui tur pheikhawk ka duh e," ka tih zawm zat a.

Dawrneitu hmel chu a hlim kher mai, a pheikhawk neih nalh em em te chu min kawh hmuh zung zung bawk a.

"Ka la ang e," phur tak chuan a pack zui nghal a, Logan-a ka va en chuan mit tla lek lo chuan min lo en dauh dauh a, a nui suk bawk.

Hmanhmawh tak chuan kan kal a, ka ril ațam tawh zia chu ka hria, Logan-a pawh chu ațam ve tawh hle ang.

"Keimah avangin a hun loah zanriah i ei phah dawn ta anih hi."

"Nangmah vang a ni hauh lo, keipaw'n lei tur ka neih vang alawm ka hruai che ni, nangmah vanga i ngai anih chuan ka lungawi lo hle ang," min melh ralh a, hmalam chu a en zui lehnghal a.

A room kan thlen chuan "Ka lo lawm a che Bridget," a kuta lut tura min tihna chu hrethiamin ka lut ve nghal a.

A chhung chu anuamin a ropui kher mai, kan in ai pawhin alian zawk, hetiang hi lawng chhungah pawh alo awm ve reng chu niin.

"I lo thlen hnuah i in bual ka la ring miah lo, inti fai hmasa la, zanriah chu kan kil dawn nia," bualin lam chu min kawh hmuh zui a.

In thlahrung hle mahila, inbual harh chu ka duh tak zet, thlawhnaah darkar tam fe ka chuan hnuin vawin nilengin ka tei kual leh bawk si, ka chau tawh tak zet a ni.

"I kawr thar i hak ngei ka beisei, a chhan chu kei hian lamnaah hruai che ka duh a ni." A nui hmel chu ennin a har tak zet.

"Tehreng mai," ka lut zui nghal a.

Ka inbual zawh chuan bathrope chu lain ka ha nghal a; ka thawl hle mai, Logan-a ta a ni ngei tih pawh ka chiang.

Dawhkan nalh zet chung a eitur khat vek chu ka hmu a, pan pheiin ka țhu zui nghal a.

Logan-a chuan ka lam lo pan pheiin, nuihza tih hriat tak chuan a nui huah huah a, "Keimah hi min lo ei hman țep tawh zawk a ang hle mai."

"A țam tawh em atin ni," ka nuih let ve var a.

Ka hma zawnah chuan lo țhuin, "A nih chuan ei nghal ang hmiang," eitur chu a ban nghal bawk a.

Kan thil eilai chuan tih buai ka duh lo tih a hria a ni ngei ang, min be miah lo chuan min en a, a nui leh suk țhin, ka ei rang bawk em atin ni.

Ka puar lutuk chu țhutphahah chuan ka țhu a, kan ei bang awmna lam dawhkan chu ka melh a, ala bang tam hle tih ka hmu, ka pumah chuan la leng se ka ei zo vek duh hial ang.

"Hetiang hlir hi London-ah pawh ei ka duh a ni," Logan-a chu ka melh ralh bawk a.

Za taka nui huah huah chung chuan, "Rafe khan naktipah in haw dawn tih a sawi a."

Ka theihngilh mek laia Rafe-a hming alam ri chu ka lung a awi lo hle, "A dik alawm," ka ti sap a.

"A nih chuan ila ei thei dawn anih chu, min la eipui duh te anih chuan kan pahniha kan la ei leh ka beisei," a sana chu a en zauh a, "Ka in tihfai chhungin lo insiam la, lamna lam chu kan pan thei tawh ang."

"Aw le," ka kal chakna ai chuan Rafe ka hmuh chakna chu a tam zawk tlat, he pa hi engvanga ngaihtuah reng nge ka nih? Ka duh tak zet tih chu phat rual a ni lo tih ka hria.

Rafe chuan min ngaihsak hauh lo tih ka hria, tu emaw tawngin nuam a chen pawh a ni mahna, a hna pawh chu a ti zo fel thei ngei ang.

Room kawngka min kawh hmuhna lamah chuan ka lut nghal a.

Ka phu deuh zawk a, thil chu ka hrethiam lo hle, Logan-a nen chauh kan awm emaw ka tih lai a, hmeichhe dang pahnih lo awm ve chu mak ka ti hle.

"Țhu rawh le ka pi, i duh thusam ngeiin kan chhuah ang che." Hawihhawm tak chuan hmeichhe pakhat chuan min lo bia a.

Engthil nge maw an sawi ni. "In thusawi awmzia hi ka hre hauh lo," ka thle bak a.

"Kan pu chuan a hrilh lo che a ni maw? Nangmah chei tur hian min ruai a ni, mi vannei tak i ni e," pakhat zawk chuan a lo tih zawm zat a.

"In chei maw!? Logan-a ruahmanna chu ka duh rualin, ka nuih pawh a za hle a.

Thuawih tak chuan ka țhu a, chu room eng mawi nuam tak chuan hahdamna min pe hliah hliah a ni.

"Meng tawh rawh le ka pi."

Darthlalang a ka in en chuan ka nui suk a.

"Mi tam tak kan chei tawh, nang anga inchei inhmeh hi ka la hmu hauh lo," sam dum zawk chuan a ti a.

"Tunah chuan i sam chiah angai tawh, duh dan bik te i ei em"? Pakhat zawk chuan a lo ti nghal var a.

"Samkawi lam țep hi ka put dan chu a ni reng mai a, a ngilin ka pu ve dawn em niang?"

Phur fahran chuan ka sam chu an sawngbawl nghal bawk a.

He Logan-a, mipa fel tak hi ka theihnghilh tawh ngai hauh lo ang, Rafe nen ka hriatreng dan tur erawh a danglam mai chauh a ni.

Ka sam ngil tak chuan ka hmel landan chu a ti danglam vek a, ka hmui senno nalh tak leh ka mit dum lutuk si lo, hriat tho si a an hawih te, ka biang ki lutuk si lo a ka vun mil tur taka an hnawih no chek te chu inhmeh ka inti hle a, ka hnar zum vaha eng eng emaw langsar bik riau te chu hrethiam lo mah ila, nalh ka ti tak zet.

Min cheitute pawh chuan min en renga, "I hmelțha tak zet, tunah chuan kan kal tawh ange, i duh thusam a nih ngei kan beisei, hun hman nuam le," an kal zui nghal a.

Ka kawr chu lachhuakin ka inbel nghal a, a milpui tur pheikhawk chu ka bun nghal bawk a. Darthlalangah chuan in enin vawiin tluka ka nalh hi ka la hre hauh lo, ka kawrfual pian mil zet chu ka inhmeh hle tih ka hria.

"Ka lo lut thei tawh ang chu maw?" Kawngka bula ding chu Logan a ni tih ka hria.

"Tehreng mai, i room-ah hian phalna i lak kher a ngai lo ang."

A lo luh chuan a ding dat a, chechang lo chuan min en ta reng ringawt a. "I nalh danglam tak zet a ni Bridget," min la en reng tho a.

"Ka lawm e, mahse heng thil te hi tih angai kher lo asin," ka thle bak a.

"Ka duh dan a ni miau sia lawm," a nui leh sen sen a, coat suit nalh zet a hak chu a inhmeh kher mai, a ipte chu zenin a thil rawn phawrh chu nichin maia a țhi lei kha a ni tih ka hre mai.

Ka hnunglamah chuan dingin, "Khawngaihin ka thil pek tur che hi hnar lo hram ang che," ka nghawngah chuan min awrhtir nghal a.

A ngaihna ka hriat loh em avang chuan ka ding khawng reng ringawt a.

"Ni lo! Ka pawm thei hauh lo ang, hetiang țhi man to zet hi i bialnu pe la a țha zawk in ka hria."

"I tan liau liau a ka lei a ni," a lamah chuan min kuai her a, chiang taka min en chung chuan ka chalah chuan a fawp zauh a.

"Ka tana i lei tur a ni, tih hrelawk ila chuan i lei hauh lo ang," a hmel ka en chuan buaina a nei niin ka hre tlat pek a.

"I pawm lo tih min hrilh tawh hlek suh Bridget, kei hian ka duh tak zet che a ni," a nui leh var var a, a nui hmel mawi tak karah chuan a thutak hmel erawh ka hmu fiah em em thung si.

"Logan..." mak ka ti lutuk chu ka en reng ringawt a.

"Ni lo Bridget," a kut chu ka hmuiah rawn dahin, "I chhanna ka beisei kher lo, ka duh tak zet che tih ka hrilh thei che hi ka duh tawk em em a ni. I la hre chho zel ang. Mahse, tunah chuan kal tawh ang le.

Kal mai nachang hre lo chuan, "Hmeichhe tam tak an awm tih ka hria," kei kher a duhthu min hrilh chu mak ka ti em a ni.

"Ka mitin țha a tih, ka thinlungin a pawn ve si loh te anni mahna, nang chu i danglam tlat, ka vawikhat hmuhnaah che ka thinlung hian a hria a ni, ka duh tak zet che, i in peih hun ka nghak thei ang," ka biangah chuan rawn fawp zeuhin, "Kal ang le," min kai chhuak nghal a.

Rafe hi la tawng lo chu ni ila, ka duh ngei ang, mahse Logan-a chu țhianțha tak ngainatin ka ngaina a, a chungah ka rinna pawh ka nghat hle, Rafe nena ka thinlunga an thawh dan erawh adanglam hle thung.

"Ni li hnuah London-ah chuan hna avang in ka lo kal ve ang," hall lam kan pan mek lai chuan Logan-a chuan a ti a.

"Tak zet maw? Ka lo beisei reng ang che," ka lawm hle a ni tih pawh chu a hrethei ngei ang.

"Min lo beisei lo mah la, hmuh ngei che chu ka tum dan a ni," ka ban chu vuan nghet sauhin min kal chak pui sawt bawk a.

"Rafe nen hian țhian țha ber si-ah chuan mize in ang lo tak in nei a ni." Chu thil sawi ka tum miah loh chu ka sawi chhuak phawng mai a.

Za tak a nui chung chuan, "Rafe nen hian tette ațanga inkawm tih takah kan thilneih te pawh hi a la in ang zel tih mai tur a ni, lehkhabu chhuahna lian zet an neih chu a pain nupui dang a neih hma kha chuan a enkawl țhin. Mahse, tunah chuan a farnu in a enkawl tawh zawk a."

"Nupui dang maw?" Mak ka tih em avang chuan ka ding deuh dat hial a.

"Ni e, kum ruk liam ta khan a nu chu a boral a, kum hnih hnuah Mexican tleirawl chhe lo zet a nei leh ta a, Mexico-ah an awm ta a, a pa an mamawh em em laiin chutia a awm bosan takah chuan tun thleng hian Rafe hian a pa hi ala be leh ta lo."

"Mahse, a pa a ni miau a, a ni reng bawk ang," ka ti sup a.

"Keipawh ka chunga thil thleng ni se, Rafe-a ang hian ka tih ve tho ka ring," a nui leh var var tawh a.

Lamna hmunah chuan mipui an lo tam hle a, kan va thlen chuan mi te mit fûkna ber kan ni tih ka hria. Logan-a, mi ropui tak hmeichhe hruai ka nih miau avangin.

Boruak ri mup mup chu a reh duak a, music pawh chu atawp nghal a, kan kalna tur chu min lo kian sap sap bawk a.

Music chu lo ri lehin, Logan-a chuan "Kan vaiin lam ang u le," a tih chuan kut an beng dar dar a, Logan-a hmeichhe lam pui chu mi te sawi a hlawh hle ang tih pawh ka hria.

"I nalh tak zet a ni," ka kâwnga vuan chung chuan ka beng bulah chuan a rawn ti sap a.

"Nangpawh i lang nalh tak zet Logan," ka nuih let var var a.

"Bridget, engtia rei pawh ni se ka nghak ang che, ka nghak thlawn che anih pawh in a tur ve rengah ka ngai ang, kei ai hmasa a awm tih ka hre si a, mahse duh ber te nghah aia duhawm a awm chuang dawn em ni? A tak ram a thleng thei emaw a thlawn pawh ni se.""

"Logan, kei teh lul..."

"Sawi tawh suh hetiang zawnga i sawi hi ka duh hauh lo, in tur awmna lamah kan kal dawn em niang?"

Ka lu chu ka lo bu nghauh a, kei ai hmasa an awm a tih pawh chu Rafe ngei a sawina a ni tih ka hria.

Intur tam lutuk chu intur ber pawh ka hre lo zawk, "Zawi muangin in la, in tam lutuk suh ang che," Logan chuan a no pakhat zawk chu min pe a, ka in zui nghal bawk a.

Rafe chu ka thinlung kilkhatah a awm reng bawk, zanin hian Logan hi Rafe ni zawk se ka ti hle mai, he pa hi ka duh tak zet tih ka hria, ka hmangaih tel bawk tih pawh chu phat rual a ni lo.

"Hello, lo ngaithla teh u," chu au rinna ațanga lo chhuak ring tak avang chuan thawm pawh chu a reh duak a, an thu rawn puan tur pawh chu kan ngai chang vek bawk a.

"Bridget Mendler tih hming pu in awm em? I bo anih chuan Room No-59 naah kal tur a hriattir i ni e."

Ka phu nasa lutuk chu ka meng bial kawk kawk a, kei hi ka bo hauh lo, he thil tih tirtu hi Rafe a ni tih pawh ka chiang, ka in sehruh hle bawk.

"In beng dai rawh, a ngaihtuah tak zet tawh che a ni, a tlai tawh hle si a," zaidam tak chuan Logan-a chuan a ti a, midangin ka hming an hre lo chu ka vanei hle bawk.

Ka bul a in tur te chu ka ban rawk rawk a, ka in mawlh mawlh bawk a, ka thinrim lutuk chu ka puak keh mai dawnin ka hria.

"Duhtawk teh Bridget," min ngaihtuah hle tih hriat tak chuan Logan chuan ka bân chu a rawn vuan a.

"Ni lo Logan, khawngaihin," hreh zet chuan min vawnna chu ala thla a, Rafe chu ni se ka duhthlanna chu min țawmpui leh hauh lo ang.

"Tunah chuan ka kal a ngai a ni."

"Ka lo thlah ang che, nangmah chauh chuan..."

"Ni lo, keima vanga in inhnial leh chu ka duh hauh lo, min ngaihtuah suh," ka kal zui nghal a, mahni inthunun tum tak chuan ka kal zel a, ka bula vawn tur remchang awm te chu ka vuan pah zel bawk a.

Room zawn ka thlen chuan ka ding deuh dat a, pangai taka lan tum chuan ka lut zui nghal a.

Rafe chu a mu tawh a ni ngei ang, light chu a thim vek a, ka thawveng hawk mai, room pakhat chauh a awm tih ka hmuh chuan panna lam turah chuan ka buai hle bawk.

Thawm dim thei ang ber chuan ka hawng a, ka pen tur chiah chu ka hma zawn khum sir a Rafe țhu ka hmuh chuan ka ding deuh dat a.

"I hmuh hnuhnun apiang kawp thei i ni tih chu ka chiang ta a. Mahse, tu nen nge?" A thinrim aw chu a rapthlak hial zawk.

Nidang chu ni se ka hlau ngei ang. Mahse, ka thil in avang chuan ka zam hran lo ka lawm hle bawk.

"Chutiang mi chu ka ni hauh lo, i ngaihdan dik bera i ngaihna hi bansan tawh teh," khum pahnih lo awm chu ka hmu a, ka lawm hle, a te zawk awmna lam chu ka pan phei a.

"Logan-a nen in awm tih chu min hrilh hauh suh, ka țhianțha ber tan hian nang ang hmeichhia hi ka duh hauh lo," ka thinlung chu a khei zawka ka ding dat a.

"Logan-a nen chuan kan ni alawm, nang ang a ni ve hauh lo, a bula awm anuamin mi hriatthiamna a ngah tak zet," cho zet chuan ka en ha a, a ni pawh chu a lo ding reng tawh zawk a.

Ka lam chu a rawn pan phei chharh chharh a, "Hetah hian nuamchen tur ni lo in hna avanga kal kan ni tih chu Logan-a i hmuh tak ațang khan i theihngilh a ni ngei ang."

A kutzung chal chuan ka bân chu rawn khawih kualin, "I nalh tak zet anih hi," ka țhi awrh lai chu a rawn khawih nghal a, a nui hul hak a, "Hetiang zawng zawng nei tur hian hmangaihna vawi engzat chiah nge i chenpui le?"

Ka thinrim lutuk chu ka puak keh lo chauh, ka mittui chu ka khap per sawk a, ka tha zawi tak avang chuan duh aiin ka che rang thei lo tlat, ka ben tum na kut chu a lo man chat a.

Ka tukhum sam chu man betin min kek dak zawk a, a hmel chu chiangtakin ka hmu thei, bangah chuan min nawr betin, ka hmuiah chuan na zet hian min fawp tawn tawn a.

Ka kut pahnih chuan ka nam ve bawk a, chet pawh a che eih lo, a kut veilam chuan ka kut dinglam chu bangah chuan a nem bet zui nghal a.

"I nalh tak zet," aw thawp sat chuan ka beng bulah chuan a lo ti a, "Ka chunga i thiltih man hi i rulh let ngei angai ang."

Thawk pawh ka thaw țha thei lo hial zawk, ka kawr thar nalh ka tih ve em em mai chu, ka kawrban ațang chuan a phih hlawk a, a ringhal țhawt a, chhuatah chuan a tla nghal hnuk a, a chetdan maksak tak avang chuan ka khur dar dar thei hial a.

A mit chu ti zim sanin, "Min hlauh ka ngai lo vang," ati țial ruai bawk a, a tih dan chu thlakin muang tak leh dim tak chuan min fawp zui lehnghal a, a kut pawh chu ka nghawngah chuan a dah tawh zawk a.

A tihdan a thlak hnu chuan ka hlauhna te chuan ziaawm lam panin ka taksa chuan a lo dawngsawng țhain, ka thinlung chuan a hre hle bawk a, hnar chu ka duh a ni. Mahse, chu chu ka duhdan a ni chiah em? Ka chiang bik hauh lo.

"I thinlunga awm te hi ka hria alawm Bridget, engvanga i thinlung duh dan chu pawm mai lo nge i nih," a kut chu ka hnute lamah chuan a țuan leh tawh zawk a.

Ka taksa a tawhna te chu hnar mai thei lo a, ka taksa leh thinlung danglam ta vek leh tuiral ta vek chu ka inhua a, ka zak hle bawk, a thusawi te chu a dik tih ka chiang hle si a.

Khum zau takah chuan min pawm pheiin dim tak chuan min nghat riai riai a.

"Phur taka ka siam ang che hian Logan-a chuan a siam ve thei che em?" Chhan duh hle mah ila ka țawngchhuak mai thei lo.

Ka han en chian chuan a kawr a phelh lai reng ka hre lo, mahse a lo ha tawh hauh lo, a taksa nalh tak chuan phurna min pe zual sauh a.

"Bridget ka duh tak zet che a ni," nangpaw'n min duh tak zet ang hian asawi zawi hle naa ka bengah chuan a ring hle thung.

"Mipa dang bula i awm hi ka phal hauh lo," chiang tak chuan min en a, Rafe chapona leh mahni induh tawkna tel miah lo a, a vawikhat țawngna a ni ngei ang.

Ka hlim nge ka rilru ana zawk tih pawh ka hre lo, ka mittui chu a tling pam a, sawi tur ber hre lo chuan ka ang ziau a.

Ka hmuiah chuan dim zetin a rawn fawp leh a, "Ka thusawi te kha ka chian tluk zet in ring ngei la ka duh bawk," ka sam chu tuai mamin min melh leh run tawh zawk. Mahse, a hmelah chuan thinrimna emaw hlauhawmna lam reng alang lo.

"Rafe, nang chuan ka taksa mawina chauh...."

Ka hmuiah chuan rawn hup nghalin, "Ni lo, chutiang chuan engvanga min ngai nge i nih? I duh lo chung chu ka tilui ngai lovang che," a tho zui nghal a khum mawngah chuan a țhu bawk a.

Ka thianghlimna chu vawn țhat ala nih avang chuan ka lawm hle rualin min thawhsan daih erawh ka ruak hliah hliah a, ka rilru ana thung si, kan in kar chu zau leh ta hle-ah ka ngai hman hial a ni.

"Zaninah khan ka zawng nasa che asin, Logan-a room thleng paw'n ka lo kal a, mahse hmuh tur in awm si lo."

"Tichuan au rinna hmangin i lo puan tir ta a."

"A dik alawm, ka ngaih ațha thei lo a ni Bridget, thil tihfel tur ka neih te ka tihfel zawhah chuan kan awm dun thei tawh ang," a melh ngai chu a melh renga engtak ngaituah ang maw.?

Ka duhthu pawh engmah ka la sawi lo;va, ka duh ve a ni tih inringtawk taka a sawi chu ka zak hle bawk.

Ka lam chu rawn hawi pheiin, "Tun hi zahna hun a ni hauh lo," a kut chu a rawn phar chhuak nghal a.

Ni e, tun hi zahna hun a ni lo, engkim ka hrilh ang anih loh chuan min kal bosan mai ka hlau a ni.

A ban rawn pharna lamah chuan rang zet in ka vak phei a, a âwmah chuan min lo kuah bei thlawp a.

"Rafe, ka duh che, ka duh lutuk che," ka mu mang mai a ni ang tih ka hlau hle a, ka hnuk a ulh hial zawk, tunah hian Rafe-a awm nghenga awm ka lo thlakhlelh țhin em em chu a takin ka tawng ta a, ka duhthusam ngeiin kan awm tih ka hre bawk.

"Ka hria alawm, engthil pawh thleng se min kalsan lo ang tih sawi la ka duh bawk," min kuai dak a, min fawp vawng vawng a.

"Ka kalsan ngai lovang che Rafe, min kalsan te anih ngawt loh chuan," a ban lian tak chu ka chul heuh heuh a.

A phone chu a rawn ri ral ral a, "A hun lo tak zet," a phun sap a.

Phone la tur chuan a tho chhuak a, kei erawh thawmhnaw inbel tur chu ka lo la chhuak ve mek bawk a.

"Tak tak maw.! Engtik ah?" Rafe hlauhthawn hmel aw zet chu ka en phei nghal a, min lo en zeuhin room lehlamah chuan a kal zui nghal bawk a.

Rafe ka ta ni ngai lo tura ka lo ruat chuan min duh ve tak zet tih a kâ ngei ațanga ka hria chu ka lawm tak zet, ka mittui chu ka hru nghal zat a.

Rafe-a rawn lut leh chu a hlim hmel hmuh tur a awm hauh lo, thinrimna ni lo vin lungngai hmel a pu zawk a.

A ina ka riah zan a, ka kawr hak chu la chhuakin, "I kawl thei tawh ang," ka nuih ver ver a.


A nui ve hauh lo, kha thil kha a pawimawh lo, i duh chuan inlak la i duh loh chuan i paih thei ang," chiang zet chuan min en a, "Tunah chuan rang takin London-ah kan kir angai."

Mak ka tih em avang chuan ka en reng a, a phone chu lachhuak in pilot a bia tih chu ka hria, hmanhmawh turin a ti zui nghal bawk a.

"Tun ațanga darkar khatah kan thlawk chhuak ang," min lo en leh run tawh a, a awmdan chu ka hlau rum rum zawk a.

"Enge thil awmzia tal chu min hrilh ve dawn lawm ni?"

Lo kal hnaiin a âwmah chuan min kuah a, khumah chuan min pawt țhuin, "Bridget, i nu leh pa te chuan Accident an tawk a, damdawiin pan pui an ni, khawiah nge i phone i dah reng reng, an be tlang thei lo che a ni."

Ka thu hriat avang chuan ka zawi hnawk a, "A ni thei lovang, vawiinah pawh ka pa nen kan inbia a, naktukah an haw tur thu min hrilh a ni."

"Pate John-a i nei em? Ani chuan min lo hrilh a ni," min ngaihtuah hle tih hriat chuan min en reng a.

Pate John-a anih chuan thudik a ni ngei ang, ka lu chu a vir muai muai a, Rafe-an min kohna pawh chu ka hre ruai ruai chauh a, ka tlu tur chu nghet takin min kuahbet hman tih chauh chu ka hriat awm chhun a ni. To be cont...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 12th, 2017, 1:53 pm

LAST KISS 9
CHAPTER-9
BY- Peki Ralte


"I lo harh ta maw, i țha em? Nâ te i nei em?"

Rafe a ni, a aw chu ka hai ngai hauh lo tlat. Ka harh chuan ka awmna chu thlawhna chhunga Rafe-a room ngei a ni tih ka hria.

Ka țhu chhuak a, Rafe chuan min lo dawn bawk a, nikhaw hre lovin ka awm tih chu ka hrethiam mai.

"Darkar hnih zet nikhaw hre lo in i awm asin, ka ngaihtuah tak zet che a ni," ka chalah chuan a fawp zauh a, a hmelah chuan min ngaihtuah hle tih chu a hriat a.

"Enge an dinhmun?" Ka mittui chu a rawn tla nghal zawih zawih a, an dinhmun chu hriat ka duh rualin, hriat erawh ka hlau hle thung si.

Rafe chu ka hmaah chuan lo țhuin, ka lu-ah chuan a dawm a, "Bridget lungngai mah ta che, kan thleng anga Doctor țha ber ber kan ruai ang, ațul chuan ramdang pawh kan pan ang," chiang zet chuan min en a, ka mittui te chu a hru bawk a.

A thusawi dan chu ka duh zawng a ni hauh lo, 'an ngaihtuah awm lo e, rei lo teah damdawiin ațang an chhuak thei ang' a tih ka lo beisei si a, a sawidan kal hmangah chuan an ngaihtuahawm hle tih ka hria.

Ring tawka au a, țah vak vak chu ka thil châk ber a ni, Mahse, ka insum hram hram zawk a.

"Tunah chuan thil tlem tal ei la ka duh a ni, Linda-i.."

"Ni lo Rafe, tunah chuan keimah chauh a awm ka duh a ni, khawngaihin" a ngenin ka ngen mah zawk a.

"Nangmaha awm rei chu tum hauh suh ang che, ka lo let leh vat ang," hreh hmel zet chuan a chhuak ve nghal a.

Kei hi fanu sual tak ka ni, ka nu leh pa te zin tur pawh ka thlah duh lo va, an tel lo va nun hmang tur chuan ka ngaihtuah ngam hlawl lo, ka mittui te chu hruin, ka in tih pachan hram hram angai a ni. Thi thei anni lo keimah avang tal pawhin an thi lo ang, ka mittui hruk hul tawhnaah chuan mittui dang chu a lo luang leh țhin a.

Sana chu ka han en a, zanlai dar 12 a lo ri der tawh, a lo berah naktuk zanah bak kan thleng dawn lo tih ka hria, ka lo zin ta kher kher chu ka in chhir em em bawk.

Kawngkhar chu a ri rek a, Rafe chu ka bulah chuan lo kal hnaiin "Bridget tunah chuan eitur ei phawt la ka duh a ni."

"Ni lo, ațam hunah ka ei zawk mai ange."

"A nih chuan atlai tawh hle si a, muthilh tum hram hram ang aw?"

Ka bulah chuan muin, abân chu min kham tir a, a kut lehlam chuan ka bek sam chu a chul heuh heuh bawk a.

"Hahdam takin muthilh tum la, kan thlen hunah chuan engkim a fel vek mai ang," Rafe ka bula a awm avang chuan enge maw ti takin ka thla amuang hliah hliah tih ka hria.

"Muhil tawh rawh, kei chu ka țha alawm," hlim hmel put hram hram ka tum bawk a, muthilh a hreh hle tih ka hria, a muthilh loh ka hlauh em avang chuan chechang lovin ka awm ta reng zawk a.

Ka muhil tawhah angai a ni ngei ang, a kut chu zawitea la thlain, zangthal zawng chuan a mu a, rei lo teah chuan a thaw nghal sûk sûk a.

A hmel ka en chuan rei tak mutmu tuah tawh lo a ang hle a, hna a thawk nasain a chau hle tih ka hria, thawm dim tak chuan ka tho chhuak țhem țhem a, kawngka chu hawngin ka chhuak nghal a.

Ka tei kual vel a, tukverh lam chu thlir thlain thla eng tak avang chuan boruak leh a hnuai vela thil te chu chiang si lo chuan a lang paw phak a.

"Ka pi, ila mu nange? Mamawh te i nei em?" Min khawngaih hmel zet chuan Linda-i chuan min lo en reng a.

"Nei lo e, min ngaihtuah suh, va mu tawh zawk rawh, ka țha alawm han teikual vel ka chak mai ania."

"Ni lo e, ka pu in ila men laia ka mutsan daih che tih a hriat chuan min hau ngei ang, bakah ka muhil hrep tawh alawm," min nuih leh ver ver tawh a.

A pu vang ni lovin a duh thlanna avang zawka min menpui a duh tih chu ka hria, min khawngaih hle si a.

"Țhutphahah hian kan țhu dawn em niang?" Ka tih chuan min lo zui nghalin ka țhutna ep chiahah chuan inhmatawn chuan kan țhu ran a.

"I pu chanchin i hriat ang ang min hrilh thei angem?" rei lo te chauh la inhria nimah ila atam zawk chu ka hre hneh hle tawh tih ka hria, sawi tur avan em avanga sawi chhuak mai chauh ka ni.

A mengbial kawk a, mak tihna leh hlauthawng hmel a pu mah zawk, a hmel landan chu mak ka ti hle a, an pu chanchin chu an sawi chhuah a thiang lo zawk pawh a ni mahna le.

"Tunhma chuan ka pu P.A hi ka ni țhin, Juliet-in min thlak hma kha chuan kei chu hetah hian sawn ka ni ta zawk a ni." A kut zungpui chu a ti che auh auh a.

"A nih chuan a chanchin pawh i hrechiang dawn hle anih chu," nuih luih hram tum chuan ka nui lui suk a.

"A pawi ka tikhawp mai, kan pu chanchin hi kan sawi chhuak ngai lo, hna a thawk rim hle a, mifel tak a ni bawk, a chang chuan a landan ang ngawt hi a ni bik lo, rilru hahna leh buaina tam tak amah ti lungngai em em țhin tu a nei ve a ni," min en kal a.

Rafe te ang mi chak tak leh thil tithei tak chu a lungngai ve țhin a maw? Mak ka ti hle nain ka sawichhuak lem lo, "..Chuan engtin zel?"

"Min hrethiam la, chubak sawi theih ka nei lo, i hnenah pawh ni se hriat ka nei tam lo em a ni."

A hlauhthawn hmel em avang chuan ka zawt lui ta bik lo a, he nu hian tam tak ahria tih chu ka ring nghet tlat bawk. A pu hmeichhe kawp tam tak chu sawichhuah a hlau a ni ngei ang, keimah anga hruai kual pawh a ngah tawh hle awm si a, an pu chu an hlau tak zet anih dawn hi.

"Ka pi pawi ka ti khawp mai. Mahse, kan la in hmu leh ngei ang, chutih hunah chuan zawhna tam tak neiin engkim i hre vek tawh ngei ang a, ka hrilh che ngai lo vin," thutak hmel fe chuan min en a, ka zam hial a ni.

Henu hian kan in hmu leh ang tih chiang takin a sawi chu mak ka ti hle, tumah reng in hma hun kan hre hauh si lo, a thusawi kal hmang lah chu engkim hriat tur chu enge ni ta ang?

Rafe paw'n thuruk a nei ve a maw? Ka pa te'n ka chunga an tih ang bawkin, engvanga ka mi rin awmchhun te chuan ka lakah zep nei zel nge maw an nih le!?

'Kan inhmu leh ang' tih chu engvanga chiang taka sawi thei nge i nih le?"

"Kan inhmuh leh ngei ka beisei tlat a ni," a nui ver ver a, a thu sawi dan ki chu a thlak ta daih a.

Pawnlam chu a eng țan tawh tih ka hria, "Va mu tawh rawh khai, keipawh ka mu ange chuan khawhar takin ka awm loh phah a, ka lawm hle mai," chiang zet chuan ka en bawk a.

"Nangpawh tui takin mu ang che, ka kal ange," a kal zui nghal bawk a.

A kalphei chu ka en reng a, kawngka lian vak lo chu hawngin alut zui a, engthu chiah nge maw a hriat dawn ni? Ka rilru a ti buai zual hle.

Mut chu ka hreh hle a, mut hma chuan chu thlawhna chhungah chuan ka tei kual leh rih a, ka thawm erawh ka dim hle thung, keimah vanga Linda-i lo harh leh tur chu ka duh hauh lo, tukverh lamah chuan ka hawi thla a, thingkung te chu an lang buk luih a, lui lian vak lo te chu a lang chiang tawh hle.

Sana ka en chuan dar nga a lo ni der tawh, thawm dim tak chuan room-ah ka lut a, dim thei ang ber chuan ka mu ve nghal a.

"I mu miah nange," meng chuang miah si lo chuan Rafe chuan alo ti thawp sat a.

"Ka tei harh kual lawk alawm le, tih harh che ka tum miah lo mu leh tawh rawh."

"Nangpawh mu leh tawh rawh," min rawn kuahin a kut chu ka dulchungah chuan adah zui nghal bawk a.

Rafe chu a muhil leh nghal mai a ang hle, kei erawh mit chhing chhung siin ka rilru erawh a harh thung si.

Rafe chuan min rawn fawp zauh a, "I muhil lo tih ka hria, tho teh ang," duat tak chuan ka chalah a rawn zût a, "Pawnlamah ka lo nghak ang che," a kawr chu hain a chhuak zui nghal a.

Rei lo te tal muthilh chu ka mamawh hle tih ka hria. Mahse, ka mu thei hauh si lo, tho chhuakin Rafe awmna lam chu ka pan zui nghal a.

Rafe chuan duat takin min lo kuah a, ka thla a muang hliah hliah, Linda-i chuan eitur tam tak chu a rawn nawr phei bawk a.

"Tui takin ei ang che u"

"Engvangin nge ka bulah i ei ve mai loh ang."

Linda-i chu a meng phawk hle tih ka hmu, Rafe chuan "I ei mai angai dawn anih chu Bridget-i duhdan a ni miau si a."

Hreh tak chung chuan kan bulah chuan a lo țhu ve nghal a, inthlahrung tak chuan a ei tih ka hria. Rafe, mahni inngaihlu tak pawh chuan nuam a ti chiah lo tih chu ka hria.

"I mu tlem hle si a, vawiin lam chu hahdam takin mu ang che," Linda-i thil ei lai chu ka melh ralh a.

"Ka pi, kei aiin i mu tlem zawk hle tih ka hria alawm," anui leh var var tawh a.

"In thusawi hi enge awmzia?" Hrilhhai zet chuan Rafe chuan a rawn ti a.

"Ka pu, nizan khan ka pi hi a mu miah lo a ni."

"Tichuan Linda-i hian min menpui bawk," Ka lo tih zawm zat a.

Rafe chuan in thiamloh hmel takin min melh run a, "I lo menpui avangin ka lawm hle mai," Linda-i chu melh zauhin, a tho thuta a kal ta daih a.

Linda-i chuan hlauhthawn hmel zet chuan, "Ka pu kha ka menpui vang che in..."

"Ni lo, thinrim ni se lawmthu a hrilh hauh lo vang che, i hriatchian kha."

Ka tho nghal vat a, room ka luh rual chuan "Rafe engati teh thut nge?"

"Bridget i tan hian eng chiah nge ka nih? I mangan rilru hah em em lai paw'n min.."

"Ni lo Rafe, hna avangin i buai țhin hle a, tui taka i muhil lai chu tihbuai che a, kaih thawh che ka tum lo bur, ngaihtuahawm ka ni hleinem ka țha alawm."

"Chuan tihbuai tlakah min ngai lo a maw?" Ka lam chu rawn panin min kuah vawng vawng a, "Nizanah i mu hauh lo tih ka hria e, vawin chu i mu ngei ngei tur a ni, i nu leh pa te enkawl tur i nih kha i chau lutuk dawn asin."

Pawnlamah chuan chhuakin, rei lo teah wine nen chuan a lo lut leh nghal a, "Wine hi in la ka duh, hei hian a muttir thei ang che." Rafe chuan a ti nghet chharh a.

Thuawi tak chuan a wine thlit chu ka in ve zel bawk a, rei lo te hnuah chuan ka mut chu chhuak chiai chiaiin khumah chuan ka muhil ve nghal mai niin ka hria.

"Alessia, khawngaihin min ti buai reng lo teh, engkim ka sawi chiang tawk tawhin ka hria, i in peih hun chiah ka nghak tih i hriat kha," banga thil vawm chawrh ri chuan a zui nghal a.

Thil dik lo tak a awm ngei mai, sana chu ka en zauh a dar thum a lo ri der tawh, ka tho chhuak a Rafe awmna lam chu ka pan zui nghal a.

Rafe-a chuan a kut pahnih chu a tukhumah dahin rilru hah ti hriat zet chuan a țhu tih ka hmu a, a piah lawkah chuan Linda-i chu hlauhthawn hmel zetin a lo ding bawk a.

Rafe țhutna piah lawk a phone lo let bal chu kunin ka chhar zui nghal a, "Eng thil nge ni ta?" Rafe hmel chu a thinrim tak zet, tunhma Rafe kha ka hmu leh ta zawk in ka hre hial.

"I lo buaivena tur a awm lo e, engkim ka tih fel hnuah hrilh hriat i ni ang," ka kut a phone chu a phih thla lawp a, room lam chu a pan zui nghal a.

Chutianga Rafe ka hmu chu ka na vawng vawng a, min ngaihsak lohna hmel ka hmuh chuan ka na țhin reng a ni.

"Tunge Alessia chu?" Kan kal lamah thlawhnaah tho thinrim zetin a be tawh a nih kha.

"Ka hre hauh lo mai ka pi," zawh nawn leh hlau tih hriat tak chuan "Min lo hrethiam lawk," a room-ah chuan a lut zui nghal a.

Rafe chu tihbuai chi a ka ngaih loh avang in țhutphahah chuan ka țhu ta zawk a, ka mit chu ka chhing nghal bawk a.

Ka nu leh pate avanga ka na tawrh mek chu inthunun ka tum ve hram hram laiin Rafe chuan ka natna chu a ti zual leh si. Engvanga a buaina chu min hrilh mai lo nge anih? Ani lemin ka mut theih loh avanga ka kai tho lo ringawt pawh ala na hle a ni si a, ka thluak chu abuai nuai a, ka mittui chu ka hru zauh bawk a.

"Ka pi i țha em?" Linda-i chu ka bulah chuan a lo ding reng tawh zawk a.

"Ka țha e," ka mittui tla a lo hmu hman chu pawi ka ti hle bawk, "Ka chhungte ka ngaihtuah deuh alawm le." Ka chhungte chauh lo pawh a hrethiam tih a hmelah chuan a lang reng a.

"Dar nga a ri tawh, zanriah ila ei hauh lo a ni," min khawngaih hmel zet chuan min en a.

"Ka ril a țam lo tlat," Alessia chanchin chu zawt pawh ni ila min hrilh dawn chuang lo tih ka hriat avang chuan ka insum hram hram ta zawk a.

"Wine min laksak thei angem?"

"Tehreng mai, kan thlen hunah chuan damlo enkawl tur i ni si a, mu hahdam la ka duh hle bawk," wine chu a rawn la nghal bawk a.

Rafe chu rilru hah tih hriat tak, khum sira lo in dawm kun renga ka hmuh chuan ka pawh mai ngam lo a.

"Rei lo te hnuah engkim ka ti fel vek ang," meng da lap chung chuan min lo melh a, a sawi awmzia hre lo mahila Rafe chuan abuaina chu a ti fel thei ngei ang tih ka hria a ni.

Rafe engkim titheia ka ngaih, chuti taka a lungngai hmel ka hmuh chuan hrehawm ka ti hle.

"Puih theihna che ka nei em?"

"Nei lo tlat, keima tih fel chi a ni e," lo kal hnaiin min rawn kuah a, "Min kalsan ngai hauh lovang tih i sawi kha, i hriat reng ka beisei."

Chuti taka ka mipa duh leh hmangaih chuan min ngen a ni mah zawk, Rafe ka hriat țhin kha a ni tawh hauh lo, hlauhthawnna ka nei tih chu chiang takin ka hria. Mahse, a chhan sawi tur ka hre chuang si lo.

"Ka kalsan ngai hauh lo ang che Rafe," min fawp vawng vawng a, a thaw leh deuh hak țhin, "Ka thlah loh che chuan damlo enkawl turin tha i nei lo palh ange," a in la hrang nghal a.

Ka wine in lai chu min dawmpuiin, min en reng tih chu ka hria engemaw tak ngaihtuah chu a nei chiang a ni.

Khumah chuan min muttirin, puan chu min sin tir bawk a, naupang chhia ang ta hle a inhriatna ka nei tlat, "Dar sawm velah kan thleng thei ang," ka chalah chuan rawn fawp zeuhin "Muhil phawt teh le."

Ka wine in chu a thawk țha hle tih ka hria, mutchhuak chuan min rawn zem chiai chiai a, ka mit chu ka chhing zui nghal a.

"Tho rawh le, kan thleng dawn hnai e," mitmeng phak tak chuan ka meng chhuak a, ka bulah Rafe chu a mu ve reng a ni tih ka hmuh chuan ka awm a ti nuam sawng sawng hialin ka hria.

Rang tak chuan ka tho chhuak a, ka nu leh pa te ka hmu dawn a ni, mahse ka va huphurh si em!

Ka rilru hria niawm tak chuan Rafe-a chuan min rawn kuah chialin, "Hlauthawng suh, engkim a țha vek ang, tunah chuan chhuak phei tawh ang le," a thawmmhnaw chu a inbel nghal mawlh mawlh a, kei erawh thinphu dep depin ka ding reng thung.

Rafe chuan ka lu chu a darah chuan dah in, min hnem mawlh mawlh a, ani hi awm ta lo se ka hrehawm tawrh te chu a lêtin ka tuar ang tih ka hria.

"Kan chhuak thei tawh ang," a bân chu min pe a, kan dinlai reng ka hre hauh lo.

Kawngka bula lo ding Linda-i chuan, "I nu leh pa te chu an țhat leh vat ka beisei," a thinlung takin a sawi tih chu ka hrethei a ni.

"Ka lawm e," kan chhuk zui nghal a, Rafe-a car nalhzet chuan min lo nghak reng tawh tih chu ka hmu, ka luhna tur chu Rafe chuan lo hawng nghal vatin ka lut zui nghal a, Rafe-a pawh chu ka bulah chuan lo țhu ve nghalin, Driver hnenah chuan thu pein kan tlan chhuak zui nghal bawk a.

Ka pum lam inhnawh up up te chu tilang lo hram turin ka in sum hram hram a, Airport ațanga Hospital chu hla ka ti hle.

Rafe phone ri chuan min ti phu deuh zawk nghe nghe a, la kangin a chhang zui nghal a.

A lo betu chu chhang let miah si lovin ngawi reng chuan a ngaithla rigawt chu mak ka lo ti hle a, "Kan lo thleng țep e," phone chu a ak nghal daih bawk a.

A kut pahnih chuan ka lu-ah dawmin chiang fahran chuan min en a, "Bridget" a awmah chuan min bei tir nghalin, "I tawrh thiam hram hram angai a ni."

A thusawi chuan ka thinlung chu a chhun zawk a, "Enge awmzia? Ka nu leh pa te chanchin an lo hrilh che a ni tiraw?" Ka khur der der bawk a.

"Bridget a pawi ka ti tak zet," a aw chu a zawi hle na a ka engkim mai chu min chhun tlang ni hian ka hria.

"Han sawi țha leh teh, nang hian dawt min hrilh hauh suh," ka in la hrang hret a.

"Doctor te chuan tih theih an nei tawh lo a ni," hreh hmel tak chuan a rawn ti chhuak a.

Ka khawchhunga engkim mai chuan hna an thawk lo a ni ber, ka țawng chhuak thei lo a, ka țap thei lo bawk, ka melh ngai chu melh ngawr ngawrin ka mittui erawh dan sen a ni lo, che tur paw'n chakna ka nei lo.

"I țha em? Engtin nge i awm?" Min rawn kuah bet chial a, min tih ang ang chuan ka awm tawp a, tha reng ka nei si lo.

"Kan thleng e," rang taka chhukin ka chhuahna tur chu a lo hawng bawk a, ka chhuk thlak rual chuan ka kal thei hauh lo, ka tlu mai tur chu min lo manin, ka zak hnuaiah chuan a kut lian zet chu rawlhin Rafe tha hmang chuan ka kal ve țawk țawk a.

Dawmdawi in kan luh chuan nurse pakhat leh Rafe chu inbiain min kalpui leh nghal a. Ka nu leh pa te awmna lamah min hruai a ni ngei ang.

Room pawnah chuan Pate John, Rose leh Kate te chu lo awmin, min hmuh rual chuan an lo tlan phei nghal a.

"Bawihi pawi ka ti tak zet," pate John-a chuan ka kut chu a rawn vuan nghal a.

Rose-i chuan min rawn kuahin a țap hawm hawm bawk, kei erawh ka țap ve hauh lo, Rafe leh pate John-a chu an inbia tih ka hria, mahse enge an sawi ka hre hauh lo thung.

Room-ah chuan min kai lutin, room ka luh chiah chuan ka awm dan chu sawifiah thiam rual a ni lo, ka taksa chu a hit mup mup a, ka thluak te chu an chawl ta a ni ber, ka nu leh pa te nunna nei tawh lo khuma lo mu bam ka hmuh chuan chhuatah ka ri thla nghal chawrh tih ka hria.

Harsa ti zet chuan ka meng chhuak a, ka bân tih chêt ka tum chuan engemaw a awm tlat, "I lo harh tawh maw..," Rafe chuan ka lam chu alo pan nghal a.

"Ka nu leh pa te," thawhchhuah ka tum chu nghet takin min lo chelh a.

"Hahdam rawh, rei tak nikhaw hre lo in i awm si a, tunah chuan vuina hun hman a ni țep tawh kan kal thei tawh ang," Rafe-a chuan ka chalah chuan a fawp zauh bawk a, nurse chuan ka kuta an thil vuah te chu a ti fel nghal a.

"Vuina hun maw?" Ka tho chhuak a ka kal nghal hlawk hlawk a, Rafe chuan ka hnungah min lo zui tih ka hria, car lo awmah chuan lut turin min ti a, ka lut ve nghal bawk a.

Biakin kan thlen chuan mi te pawh an lo țhahnem hle tih ka hmu, ka țhutna ațang chuan leh thlak tawp a, tal vak vak chu ka chak ber a ni, ka mal chu ka mittui chuan a ti huh vek bawk a.

Thlanmual kan thlen chuan ka nu leh pa te chu hmunkhata phum an ni, an mutna kuang an dah thlak dawn chuan ka lo in sum ve hram hramna, ka lo in tih pachan ve hram hramnate chu lak bo an ni, lei ah chuan ka let tawp tawp a, ka aw rawl chuan ka au chhuak hial a.

Kei hi min lo hmangaih miah lo a ni, min hmangaih ni se zawng an tel lo in ka awm thei lo tih hrechiang tu ber an ni, a rualin min kalsan a maw? Rapthlak lutuk, engtin nge ka awm ang min ngaihtuah pui ve hauh lo!

Rose-i chuan min rawn kuahin min țahpui nasa hle a, pate John-a leh Rafe te chu ka bulah chuan ngawi rengin min khawngaih tih hriat tak chuan an ding bawk a.

"Bawihi natna leh hrehawmna awm tawh lohna hmunah an awm asin, lawmpui tur kan ni zawk dawn lawm ni?" Pate John-a chuan ka darah vuanin min hnem a.

"Ka nu leh pa te chuan min kalsan a, kei hi ka hlim ang maw? Anni chu an hlim a ni mahna, kei erawh min ngaihtuah hauh lo," thudang erawh ka sawi chhuak thei tawh lo.

"I ngaihdan mai a ni, an hmangaih zia che leh an ngaihtuah ber chu nang chauh i ni tih i hriat kha, i bulah an awm reng dawn a ni, i mangan niah chuan an rawn pui țhin ngei ang che."

Chu thil ka hriat chuan ka thla a muang deuh tih chu ka hria.

Thlan khur chu leia an vur dawn chuan ka pangpar ken chu thlak thlain, "Nu, Pa ka hmangaih che u, keimah chauhin min awmtir hauh suh ang che u, min lo thlir reng țhin ang che u," ka mangțha ta a.

Rafe car-ah chuan pate John-a leh Kate-i te nen chuan ka nu leh pa te an zalhna chu hnungchhawnin kan tlan liam ta a.

Inchhung kan luh chuan Kate-i ka lam pan a rawn tlan chuan, "Bridget a pawi a ni, chhel takin awm hram hram ang che," min lo kuah bawk a, kan awmpui chauh pawh ni mahse a ui in pawi a ti ve tak zet tih ka hria.

Țhutnaah chuan țhu khawmin, Kate-i chuan coffee leh a hmeh chu a rawn chhawp nghal a.

"Bridget hun enge maw ti chhung chu kan bulah lo awm la kan ti tak zet," pate John-a chuan min melh ralh chung chuan a ti a, "Thisen a inzawmna nei lo mah ila, i pa ka țhian țha bera kal tak avang hian kan inzawmna hi a tawp dawn hauh lo," a ti nghet charh a.

"Ni e Bridget, min hnial lo hram rawh," Rose-i mitmengah chuan hnial a duh lo tak zet tih a lang.

"Ka nu leh pa te an kal liam chiah a, he in hi chhuah san mai ka duh lo a ni, ka harsat mangan hunah chuan nangni bak belh tur ka nei lo tih inhriat kha," pate John-a chu ka en reng a.

A ni reng a ni, Rose-i nen chuan unau ang mai kan ni țhin, tunah chuan anni bakah Rafe chu ka chhungte neih chhun anni tawh si a.

"Anih chuan chawlhkar khat chu ka awmpui thei ang che, min hnial hauh suh Bridget," Rose-i hmelah chuan hnial a duh loh zia alang.

"Rose tihbuai che hi ka duh hauh lo."

"Min tibuai tih tuin nge sawi? Ka unaunu i ni alawm," a hmelah chuan thinrimna alang mah zawk a.

"Ka lawm hle mai Rose, ka bula i awm theih dawn avangin," ka thinlung takin ka lawm a ni, keimah vanga an buai erawh ka duh hauh lo.

Pate John-a chu a ding hluai a, "Ka kal a hun tlat tawh," theihnghilh nei ni awm tak chuan a ngawi vung vung a.

"Mr Rafe, hna avangin in zindun tih ka lo hria a, Bridget-i hi a theih ang a tam chawlh pe tur chein ka ngen duh che a ni," a kekawr ipte zen chuan Rafe chhanna chu a ngaichang bawk a.

"Tehreng mai chulamah chuan i rilru lo tihah duh reng reng suh," Rafe chuan min lo melh zauh bawk a.

"A lawmawm tak zet a ni, Bridget mamawh i neih chuan min lo hrilh nghal ang che," a ding zui a.

"Tehreng mai, in enkawl țha ang che," a chhuak zui nghal bawk a.

Rafe pawh chu ding hluaiin, "Tun ang hunah ka kalsan ngai che hi pawi ka ti lutuk," ka chalah chuan rawn fawpin, "Mahse, ka rei hauh lo ang, ka lo let leh thuai ang," min ngaihtuah tih hriat tak chuan min melh run a.

"Min ngaihtuah ka ngai lovang, Rose-i ka bulah a awm alawm."

"Lo intifai la, hahdam takin lo awm ang che, hna pawimawh tak tihfel ngai ka nei si a," a chhuak zui ve nghal bawk a.

Rafe chhuak ta chu ka ruak nghal rawih rawih a ni ber.

Rose-i chu a chek tlak tlak a, "He thil hi engtik ațanga ințan nge ni? Engvanga min hrilh miah lo nge i nih?" A hmui chu tipawrh tarhin a thinrim der zui nghal bawk a.

"Tunah tak chuan inbual harh kamamawh tak zet, engkim a vaiin ka la hrilh vek ang che.

Ka room awmna lam chu kan pan chho nghal a, room kan luh chuan "Naupang chhia lutuk," Rose-i chu a phun chhuak sap a.

"Bridget engtia rei nge hetiang a awm i tum le? Thil reng reng a awmna tur a dah mai lo va che hnawk nuai țhin ila ni reng a ni maw?"

"Ka zin dawnah khan ka ti fel hman lo atin ni."

"Kate-i pawh a awm tho si a."

"Ka room chu keimah ngeiin tih fel ka duh țhin tih a hre miau alawm," bathroom-ah chuan ka lut nghal a.

Rose-i chuan eng eng emaw ala sawi tih chu ka hria, mahse ka chhang tawh lem lo, bualkuangah chuan tuilum sa ver vawr chu herh hawin ka inchiah nghal a.

Bathroom ațanga ka chhuah chuan Rose-i chuan room chu alo ti fel mawlh mawlh a, dryer chuan ka sam chu ka chhem ro nghal bawk a.

"Bridget ka nghak thei tawh thlawt lo a ni, kha Rafe chhe lo zet nen a in intawn dan chu engtika sawi nge i tum?" A nui var var a.

"Tunah chuan mut hahdam ka duh a ni, rei lo te chu lo nghak hram teh," khumah chuan lawn kaiin ka țhu nghal a.

Frame nalh taka kan chhungkaw thlalak ka mutna dawhkan bula ka hmuh chuan ka inrin hmain ka mittui chu lo tlain ka hru zauh a.

"Chhel taka i awm hram hram angai tih i hriat kha," ka kut chu Rose-i chuan rawn vuanin kan thlalak chu ala kang nghal a, "He thil hi i in peih hma loh chuan en leh tawh rih lo la ka duh a ni." Frame chu ka thawmhnaw baw hnuai ber kilah chuan a dah lut nghal a.

"Hahdam takin mu phawt mai teh," inhnuai lam chu a pan thla nghal a, mi hlim thei tak, țhenruak kawm a thiam em avanga țhian sawi tur pawh ngah tak a ni reng a, abik takin keiphei chu min ngaihtuah hle țhin si a, a nun chu ka awt hial zawk.

Ka harh leh chuan Rose-i chu ka bulah lo țhu rengin, min ngaihtuah tak zet tih chu a hmelah chuan alang, ka chau tawngkhawng a ni ngei ang ka muthilh lai reng ka hre lo.

"Zanriah min kilpui turin tu emaw ka sawm a, tho vat teh a tlai tawh hle a nia."

Zanriah kil chu ka huphurh a ni, ka nu leh pa te a tel ve dawn si lo a, "Rose min hrethiam la ka..."

"Nilo Bridget, Rafe-an zanriah min kilpui dawn a ni, rei tak chhung chu hetah a awm tawh, i muthilh chhung zawng khan ti harh che a duh lo mai a ni."

Rose-i nge nge ka chaw eiloh a hlauh avangin a sawm tih ka hria, Rafe avang tal pawn tlem tal chu a mawiah ka ei ngei chu angai si a.

Rafe ka hmuh chuan ka lung chu a chhe thar a ni ber, pangchang taka awmna ka mawh a ni mahna, a coat suit hak chu lo thlak tawh a, a dum dak hlarh a lo hak chuan ati lang lianin a inhmeh tak zet.

"Bridget i țha em?" A țhutna ațanga lo tho chhuakin min kuah zeuh a.

"Ka țha alawm, i buai hle awm si a." he pa ka hmuh hian ka mipa duh leh hmangaih ber a ni tih ka nu leh pa ten an hre ve hman lo chu ka thinlung a na em a ni, ka mittui tla tur erawh ka dang hram hram a.

"Zanriah peih fel a ni tawh e," Kate-in a rawn tih chuan ka bânah nghet taka min chelhin min kalpui nghal a.

Zanriah kan kil lai chuan, "Bridget enge maw tih duh te i nei em? In tihhlima lam emaw, engthil pawh ni se i nei anih chuan min hrilh ang che," Rafe chuan a ti thum dût a.

"In dawm kun reng hian awmzia a nei hauh lo, ka nu boral laia ka tawrhzia i hriat kha, mahse kan in tih chhel hram hram loh chuan hrehawmna kan in siam mai a ni, kan siam dang lam theih a awm hauh si lo," Rose-i chuan a rawn tih zawm ve bawk a.

"Ka nei anih chuan ka hrilh ngei ang che u," ka thil ei chu a tui hlawl lo.

Tunah chuan Rose leh Rafe-ten zanriah min kilpui a, min kilpui reng thei dawn lo, chutih hunah chuan engtin nge ka awm tak ang? Mahni chauha ka nun ka hmang tawh tur chu hriatthiam har ka tiin, chunglam rorelna chu ka dem țep hial a ni.

Rafe leh Rose te chuan eng engemaw chu an sawi a, ka rilruah chuan engemaw ka hrechhuak thut, chu thil chu ka pate-a ni anga insawi Jace-a lehkha pawimawh sawi kha a ni, chu lehkha chu chhiar kher ngai lovin ka nu leh pa ten hrilh min tum a, mahse min hrilh thei ta si lo, a chhanna chu lehkhaah chuan ka hmu ngei ang.

To be cont......

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 12th, 2017, 1:56 pm

LAST KISS 10

CHAPTER-10

Zanriah chu ka ei lo a ni zawk, a tuina reng ka hre lo.

"Min lo hrethiam lawk teh u, tih tur pawimawh tak ka nei a, ka pa te room-ah ka kal lawk angai ka rei lo ang."

"A țha alawm, i kal chhungin Rose-i hian i room-ah min hruai se ka duh, hmuh ve ngei ka duh si a," Rafe chuan ka kut chu a rawn hum zauh a.

Room lam pan chuan ka chho nghal a, kawngkhar bul ka thlen chuan ka ding dat a, luh chu ka hreh ngawih ngawih a ni, ka thil hriat chak em em mai ka pain min hrilh theih tak loh awmna chu ni lo se ka lut hauh lo ang.

Ka luh ruala ka nu leh pa te khum, an mut leh tawh ngai lohna tur ka hmuh chuan ka țap lo thei lo a ni.

An thawmhnaw chu pawmin an rim a nam tih pawh ka hria, ka țap hawm hawm a, midangin an hriat ka hlauh avang chuan duh angin ka țap chhuak lo zawk a, ka piah lawka ka nu perfume ngainat ber mai ka pain a present laia ahlim zia te, ka mitthlaah a lo lang uar uar a.

Chu room reh țhuap chuan uap lumtu a nei tawh dawn lo tih inhria niawm takin a khua a har ve hle niin ka hre tlat bawk.

"Tawrhdan i thiam hma poh leh i tan nunkhaw chhuah a awlsam ang," Rose-i ka bula lo ding reng chu a lo kal lai reng ka hre miah lo, ka darah vuanin min kuah nghal bawk a.

Ka hawi kual vel chu a hrethiam a ni ngei ang, "Lungngai suh, Rafe chu i room-ah ala awm, i awmdan tur ka hriat lawk avang a lo kal ka ni, tunah chuan kan kal a ngai tawhin ka hria."

"Thil lak tur ka nei a ni Rose."

"A nih chuan la ta che, he room-ah hian i thinlung a inpeih fel hma chu lut tawh lo la ka duh bawk," chahbi inkhaina a room kalhna chu ala zui nghal bawk a.

Ka pa thingrem chu hawngin thirmum chu ka la chhuak nghal a.

"Kha thil kha maw? Enga tan nge i tih a?" Ka a ta emaw a ti hial zawk niin alang.

Ka țhian țha ber pawh ni se a chhunga thu awm ka hriat mai loh avang chuan ka hrilh thei hauh lo.

"Ka kawl duh atin ni," kawngkhar lam chu ka pan nghal a, mak ti tak chuan min en hu a, lo chhuak ve nghalin kawngka chu a kalh zui nghal bawk a.

Ka room a kan luh chuan Rafe-a chu ka khumah chuan a lo țhuthluang ar a, Rose-i pawh chuan chahbi chu ka thawmhnaw dahna kilah chuan kan chhungkaw thlalak adah naah khan a dah zui leh nghal a, keipawhin ka thil ken chu ka khuma ka puansin hnuaiah chuan ka dah ve bawk a.

"Bridget i țap em ni?" Rafe chuan ka kutah rawn vuanin khumah chuan min țhuttir zui a.

"Ka țap hauh lo," dawt chiang taka ka sawi avang chuan Rose-i chuan min lo en hru a, ka in thiam lo hnuhnawh hle.

"I țap tih ka hria a ni, ka lakah hian engmah thup buai tum duh suh," chiang zet chuan min en a.

Ka thinlung zawng zawng hria a, hmutlang țhintu a ni tih ka lo theihngilh hman a ni mahna.

"Hnaah chuan lo buai hauh suh, i inpeih hunah chauh lo kal ang che, i awm loh chhung chu midang ka thawh tir thei alawm, keipawhin nitin ka rawn tlawh ziah ang che."

Mak ka ti hle a, mi buai tak niin meeting pawimawh tak tak neiin, zin te pawh angai leh thut țhin, "Rafe min ngaihtuah suh, ka bulah Rose-i a awm reng alawm, bakah ka țha tawh tak zet tih i hmuh ve reng hi."

"Bridget ka ngaituah zia che hi i hrethiam duh lo zawk em ni? Bakah nang hmu lo che hian ka awm rei thei hauh lo," Rafe-a chu chiang zetin ka en a, tunhma Rafe mi chapo leh mite harsatna hrethiam ngai lo kha ka hmuh tawh ngai loh avang chuan hlimna chhiar sen loh ka nei ni hialin ka hria.

"Kei paw'n Rafe i tel lo chuan harsa ka ti a ni," a âwmah chuan beiin ka thinlung dik tak ka sawi avang chuan ka lawm hle bawk, ka nu leh pa te ka nunah an awm ve tawh dawn si lo, Rafe tal hi chu ka bul hnaiah awm reng se ka duh hliah hliah.

Rose-i ka hre chhuak thut a, ka hawi phei chuan a lo awm tawh hauh lo.

"Bridget a rei tawh lo ang, hun rei lo te hnuah chuan ka bulah ngei i awm tawh ang, zing i thawh ruala i hmuh hmasak ber nih ka duh, zan i mut dawnah pawh."

Tih fel tur a sawi ziah chu zawt mah ila min hrilh dawn lo tih ka hria, he pa thil ti thei tak hian ka tan a ti fel vat ang tih pawh chu ka hria a ni. Chu hun lo nghah tawp chu ka tih tur awm chhun a ni miau si a.

Ka khabe chu dawn kangin, dim te chuan min fawp vawng vawng a, hun rei lo te chhung a ni emaw, rei pawh ni se he pa min fawhna hi chu ka thinlung leh taksa hian a hre em em mai si a, thlah leh chu ka phal tawh lo hial a ni.

"Tuh hi a hun lo Rose-i pawh alo kal țep ang," a nui suk a ka zak hle bawk, engemaw beisei turah min ngai a ni ngei ang, mahse kei chuan ata ka nih hunah chauh chu thil chu puitlin ka duh, a vawikhat fawh ringawtah pawh ka danglam nghal zel chu a ni si a, thei tak ang maw.

A phone ri chu nin hmel zeta la kangin a en rual chuan a mitmeng te chu a danglam nghal vek a, a hmel te chu a lang ruh țul bawk.

An inbiak mek lai chuan Rafe chuan thinrim aw hriam tak chuan, "Min hrilh hmasa lo a engvanga he thil hi ti nge i nih?" A phone chu dah nghalin a thaw kawk a, a sam chu a tuai chho puat a.

"Ka kal angai a ni," min la thlahlel tih hriat tak mitmeng chuan min en a.

"Engkim a țha maw," hlauthawng zet chuan ka lo en ha a.

"A țha e, lo nghak tawp mai rawh," ka hmuiah chuan fawpin a tho chhuak nghal a, kei pawh chu ka tho chhuak ve nghal bawk a.

"Min thlah ka ngai lovang, lo awm hahdam zawk mai rawh," a aw-ah erawh nelawmna reng a awm leh tawh lo, a chhuak zui nghal daih bawk.

Ka la thlahlel hle si a, ka thlah ringawt pawh phal sak ka ni lo chu ka lungawi lo hle, a kal liam chu thlir zuiin ka thinlung chu a kal pui tel ni ta berin ka hre hial a.

Ka puanthuah hnuaia ka thildah chu lachhuakin, drawer-ah chuan ka dah ta zawk a.

"I mamawh ber chu ei tam, mut tam leh a eng zawng a thlir hram hram," Rose-i chu a rawn nui lut var var a, "Chu'ng thil te chu i tan a harsa ber tur anni ang, mahse i thei a ni nangmahah khan theihna a awm a ni, hrereng la ka duh bawk," khumah chuan a rawn mu ve nghal a.

Rose-i ang țhian țha hi chu khawi hmunah pawh an vang viau ang tih chu ka hria, chhungte tel lo va ka zankhatna turah pawh a thluak fim tak hmangin, ka lungngaihnate min pumpelh tir zel tih chu ka hrethiam, a zawng zawngin ni lo mahse.

"I sawi dik alawm Rose, ka tum mek zel a ka thei ngei bawk ang, chu pawh ka bula i awm vang liau liau a ni, ka lawm tak zet."

"Ka hnenah ni lo in Rafe hnenah lawmthu chu sawi zawk rawh," light chu off nghal in, "Heng thil te hi i tan liau liau a atih a ni si a."

"A mawi tak zet," ka ti chhuak sup a, ka ceiling rawng lar nalh tak ka pa'n ațha ber leh nalh ber ka tana a thlanah chuan Arsi eng em em mai tle sep sep chu a lo khat vek a, Thla (moon) lian nalh zet tle sep sep chu a lo awm bawk, van a Arsi te leh Thla nen khian danglamna an nei hauh lo, ka room ațang Arsi leh Thla zantin ka hmu thei tawh dawn tih ka hriat chuan ka lawm zia chu hrilhfiah thiam rual a ni lo.

Rose-i chu ka bulah lo mu ve nghalin, "Hetiang mipa i tawng hi i vannei tak zet."

Rose-i hian ka nu leh pa te chu a ngai ve tak zet ang tih ka hria, mahse an chanchin lam hawi zawngin engmah min sawipui dawn lo tih ka chian tluk zetin a sawi ngai hauh lo. Ka rilru hlimna tur leh thawvenna tur lam hlir a sawi țhin avang chuan vannei ka inti hle bawk.

Ka harh meuh chuan Rose-i chu ka bulah a awm tawh hauh lo, sana ka en chuan atlai hle tawh tih ka hria.

Nizan lamah Rose-i a muthilh tak hnuin ka nu leh pa te ngaiin ka țap tlaivar a nih kha, ka men dan chhah luk avang chuan ka mit abui ngei ang tih pawh ka hria.

Kate-i rawn lut chuan "I thawh har em avangin Rose-i'n lo ngaihven tur chein min ti a."

"Amah chu khawiah nge?" Ka hawi deuh hu a.

"A hnathawhna lam ațangin an lo bia a, a kal ngei angai tih asawi a, alo let nghal vat ang tih asawi bawk."

"Aw le, ka lo chhuk ang." A chhuak zui leh nghal a.

Tho chhuak zui nghalin inhnuai lam chu ka pan a, Rose-i a awm lo bawk a, chaw ei ka tum lo zet chu tlem tal ka ei angai tih ka hria, keimahin bul ka țan mek a ni si a, țam hnem tur tawk vel ka ei hnu chuan ka in tifai nghal a, tunah chuan lehkha pawimawh tak chhiar turin ka in peih ta.

Drawer chu hawngin ka la chhuak a, ka hawng mai thei lo, a chhin chu a tuiek tawh tih ka hmu a, oil te hnawiha ka herh ka herh tak hnu chuan ka hawng ta hlawl a.

"Bridget ka fanu." Ka nu kut ziak ngei ka hmuh chuan ka țap lo thei lo a ni.

"He lehkha hi i chhiar anih chuan kan awm ve ta lo a ni ngei ang, he thil hi kan dam ve chhung chuan i hriat kan rem ti hauh si lo a, i pa hian unaupa neiin chu chu Jace-a a ni." Ka lehkha chu ka keng khur hlawk hlawk.

Ka mit ka chhing vang vang a, Jace chu ka pate-a dik tak lo ni reng chuan.

"I pa nen erawh an inkarah ser nasa tak a awm thung a ni, he thu hi sawi har ka va ti em, "Bawihte, Jace hi i pa a ni."

Lehkha chu ka theh lawp a, pawnah ka tlan chhuak nghal a, ka thluak â mai tur chu ka thunun angai tih ka hria, pawnah chuan ka tei kual ta vak vak a, ka țap lo va ka rilru pawhin engmah angaihtuah thiam hek lo, ka thluak chawmawlh vek chu ka hmang thiam hauh lo.

Ka lehkha theh thlak chu chharin, ka chhiar zawm nghal a.

"Ka fanu, i pa nen hian fa kan neih theih loh avangin fa lâk kan tum ta a, tichuan Jace-a chuan ruahmanna fel tak hmangin nang hi min lo lak tir a ni."

Lehkha chu ka hum khawr vawng vawng a, ka mittui chu a tla zawih zawih bawk.

"Kum sawm pahnih i nih khan Jace-a chu lo kal in, a fa i ni tih a rawn sawi chauh asin, engkim dang zawng aiin kan hmangaih che tih i hriat kha Bridget, chu chu remchangah hmangin, kan in chu a hminga kan dah lo a nih chuan engkim sawi chhuahah min vau ta a, tichuan nang la let leh tur hian a bei dawn tih a sawi bawk."

Ka mitthlaah chuan ka nu leh pa te chu an lo lang vawng vawng a, an rilru hah tur zia ka hre bawk.

"I pa nen chuan kan tlawm ta a ni, engti kawngmahin nang hi kan lak ata chhuah che kan tum hauh lo, kan thil neih engkim aiin nang chu i hlu fe si a, tichuan pasal i neih hunah, chu a in chu a duh dan ngeiin a thuhnuaia awm turin kan inremsiam ta a ni, i pasal neih hun chauh a nghak a ni."

Ka khur hlawk hlawk a, he kan in kan chhungkua a hlim taka kan awmna "Tenawm lutuk," ka ti chhuak sap a, Jace chu ka pa a ni ngai lo vang, ka nu leh pa a tihnat avang hian ka rul let ngei ang.

"I tana kan tih theih awmchhun chu i pa account awmna i hriat kha, Bawihte hmalam pan ang che, chu thil chu i nu leh pa te hian kan duh ber tih hria ang che, kan hmangaih tak zet che a ni."

Mak ka ti hle engvanga he sakhawlh Jace hian a fanu chu a unaupa hnenah a ruka pe nge a nih? Tenawm lutuk mihring pawh a ni hrep lo ve, he ka in neih chhun ka tih pawh chu a ta a lo ni rengin, a unaupa in a fanu ngei an hmangaihna chu remchang ah lain, In chu a chhuk sak ta a..

Lehkha chu ka pawtsawm vek a, chhuat ah chuan ka paih darh bawk a, ka taksa chu ka thunun thei hauh lo, engvanga hetiang tuar bik hi nge ka nih?

Ka aw rawl chuan ka auva, ka bul a dawhkan leh drawer ka hmuh hmuh chu ka paih let thla tawp tawp a.

Ka hming lam țhawt thawm chu ka hria a, hawi tur in chakna ka nei lo ka bulah chuan Rafe leh Rose te chu an lo awm reng tawh zawk a.

"Enge i chungah thleng?" Ka taksa lumna reng nei lo chu Rafe chuan a rawn kuah nghal a.

Rose-i chuan chhuata ka thil paih chu chhar khawmin, "Heng hi engthil nge ni Bridget," mak ti tak a min en chung chuan a thle bak a.

Lehkha chu zawm khawm tum pawh ni se an thei hauh lo ang tih ka hria.

Rafe chuan dim tein min muttir a, ka muhil tur chu ka au chhuak leh thut țhin.

Ka harh chuan Rafe chu ka bulah lo țhuin ka kut chu a lo hum reng a.

"Bridget," a hmel chu a hlim hle tih a hriat.

"Hetiang ang hian awm tawh ngai hauh suh," ka chal chu rawn chulin mi rawn fawp nghal zauh a, ka bula Doctor lo ding reng ka hmuh chuan mak ka ti hle a.

Ka bânah chuan eng engemaw vit lutin, damdawi min pe tih ka hria.

"Tunah chuan zawi zawiin ațha tawh ang, hahdam taka awm tum ang che, i taksa hi a chak lo tak zet a ni," Doctor chuan ka pang chu rawn dek nghalin, "Khawsik pawh a awm tawh lo e, damdawi kha țha takin lo eitir ula a țha vat mai ang."

"Kan lawm e Doctor," Rafe chuan keimah chu min en daih thung.

Doctor kal hnu chuan Rafe chu ka khumah chuan lo lawn kaiin, ka bul ah chuan a lo mu ve nghal a.

"Chhel takin awm hram teh, i taksa pawn a tuar nasat em hi, i theihna kha lantir ta che Bridget," ka samah chuan duat takin a chul heuh heuh a.

"Nang chauh hi nu leh pa nei lo ini lo, Home-ah mi tam tak an awm, kei ngei pawhin ka nei tawh lo asin." A aw chu a dam mah mah.

"Nang chuan pa tal ila nei alawm."

"Min ngaihsak miah lo tu chu mitthi nen danglamna a awm chuang em ni?" Rafe chu a rilru a hrehawm ve hle tih ka hria.

A mi fuihna chu a dik hle bawk, in tih chak ka ngai a ni, tun ațang chuan ka chak tawh dawn, ka infuih sauh sauh a.

Rose-i leh Kate-i te chuan ei tur chu rawn keng lutin, "Tun ațang chuan ei tur te hi i ei zel angai tawh ang, Bridget nangmah leh nangmah hi in ti hrehawm reng lo teh," Rose chuan min en reng bawk a.

Ka țhu chhuak a, "Tun ațang chuan ka ei zel tawh ang," mak ti tak chuan an in en hu tih ka hria, mahse ka thinlung zawng zawngin hmalam pan ka tum tlat a ni.

Ka thil ei chu a tuina hre miah lo mah ila, ka taksain a mamawh tih ka hriat avangin tui nen chuan ka lem hram hram zel a.

"Kate," ka bulah chuan lo ding vatin min ngaihtuah tih hriat tak chuan mi en kar a.

"Tun ațang chuan he inah hian i awm reng hi duh hle mah ila, min kalsan hun a ni tawhin ka hria."

A phawk deuh hru a, "Bridget pawisa vang em ni, chulamah chuan lungngai hauh suh, kei hian tun thla chu man nei miah lo va awmpui che ka tum a ni."

"Bridget pawisa vang anih chuan a let hnih pawh kei hian ka pe ang," Rafe chuan mak ti takin min en bawk a.

Jace-a chuan ka nu leh pa te an awm tawh lo tih a hre ngei ang, a in nei turin a lo kal vat dawn tih ka hre si a.

"Ni lo Kate, pawisa vang a ni miah lo, keimah chauh ka ni tawh a, engkim ka ti thei alawm, bakah i hun hlu tak awmze nei lo a tih chingpen ka duh hauh lo."

"Mahse nangmah chauh chuan a la rei lo hle si a," min ngaituah zet chuan Rose-i chuan alo ti ve bawk a.

Hemi te hi ka hnial thei dawna ka hriat loh avang chuan, "Rose he in hi ka hralh dawn a ni, a hralhna tur pawh ka hmu tawh."

Mak ti lutuk chuan an phawk hraw hlawm a, Rose-i chuan lungawi lo tih hriat tak chuan, "Bridget hetiang thil hi i ti thei hauh lo ang, engtin nge ngaihtuah pawh i ngaihtuah theih zawk?" Thinrim tak chuan a chhuak daih a, Kate-i thinrim ka vawikhat hmuhna a ni.

"Khawngaihin ka duhdan chuan min tih tir rawh u, Kate ka ngai țhin ngawt ang che."

"A nih chuan Bridget a rang lama kal mai ka ngai anih chu naktukah ka kal nghal mai ang," min rawn kuah vawng vawng a, ka mittui tla lo tur chuan ka lo inveng ve bawk a.

"In enkawl țha la chak takin awm ang che, kan inhmuh leh ngei hi ka ring tlat a ni."

"Nang pawh le Kate ka ngai țhin ngawt ang che." A chhuak zui ve nghal a.

"Bridget heng thil te hi engvanga ti nge i nih le? Pawisa i mamawh vangin i nu leh pa te nena in lo chen tawhna chu tihral i tum a maw?" Rapthlak tih hmel zet chuan Rafe chuan min en a.

"Ni lo Rafe, dawt ka sawi avangin pawi ka ti hle, engkim ila hrethiam ve mai ang."

"Bridget engpawh mamawh i nei anih chuan min hrilh ag che, i in hi hralh ngai bawk lo la, i duh chuan i duhthusam ngei ka lei sak ang che."

"Ka mamawh hauh lo, min ngaihtuah suh." Ka rilru chhunga thilawm chu a hmu ve der si lo, hrilh tur nge ni a hrilh loh tur ka buai hle mai, bathroom-ah chuan ka lut zui nghal a.

"Alessia khawngaihin hriatthiam tum teh, thawkna hun tal te chu min pe ve ta che, ka lo hmuak ang che," ka insil zo bathroom ațanga ka lo chhuah chuan Rafe chuan a mi biak lai pawh chu a ti tawp nghal a, a hmel landan chu a nelawm loh leh hle tawh a.

"Bridget engpawh min mamawhna i nei a nih chuan min hrilh nghal ang che, i rilru tih buai avanga i damlo leh anih chuan ka ngaidam hauh lovang che, tunah chuan ka kal angai ka lo let leh thuai ang," a taksa khauh zetah chuan min kuah beiin, duhthawh tak chuan min fawpin a kal zui nghal a.

"Alessia," ka phun sap a, he nu hi tu chiah nge maw a nih le? Ka hriatchhuah ngei angai a ni.

Ka khumah chuan țhuin ka thiltawn dan te chu ka chhut let neuh neuh a.

Ni rei lo te hnuah Rose-i pawh chu an in lamah a haw angai tawh tih ka hria, ka lungngai lawk hle a, ka hrehawm hlau tak leh ka lungngaih a hlauh em avanga chuan mahni a inngaihtuahna hun tak ngial pawh min pe lo țhin zawk a, ka nu leh pate ngaihtuaha mahni chauha awm ka chak lai pawha min thlahthlam loh em avang chuan ka lungawi lo zawk hial a, mahse hetiang hian min enkawl lo se zawng tun ka dinhmun ang hi ka pha lo hle ang tih ka hre bawk.

"Bridget tu emaw in a be duh che a, in hnuaiah a nghak che a ni," hmanhmawh zet chuan Rose-i chuan min lo ko a.

Kei min hmu tur awm ang ka hriat loh em avang chuan a ngaihna ka hre lo letling a.

Step-a ka chhuk lai chuan ka ding deuh dawt a, ka thinlung chu a rawn nghawr a ni berin ka hria, inhnuaia min lo nghaktu chu ka pa emaw ka ti hial a, an mit te an hnar te leh an sam te chu ka pa aiin a lang naupang deuh zawk tih mai loh chu.

"Hello Bridget, ka tawrhpui tak zet che," a bân chu lo phar chhuakin nelawm zet chuan a awm bawk a.

Mak ti tak chuan ka en renga, "Ka lawm e," ka kut chu pe nghalin, "Tunge i nih le?"

"Jace, i pate Jace-a." A țhen suk a.

Ka chibaina kut chu la thlain, ka inhumruh hle a, ka khur dar dar tih chu a hmuhhmaih hauh bik lo tawp ang, a hmaia ben hrep hnu a, tuiso a leih chu ka chak tak zet, insum theihna chhe te ka la neih avang chauh chuan ka ti lo mai zawk a ni.

"I ina thuneihna hmang turin i lo kal ta a," ka melhrum ngang mai.

"Ka in chu a ni alawm, mahse thuneihna hman kher chu ka tum a ni hauh lo," ka mitah chuan chiang takin min en a, ka pa nen chuan an inang tak zet.

"Thuneihna i hman chu a ngai kher reng nang, ni hnih hun min pe la, he in hi ka chhuahsan nghal ang..." țap lo tur chuan ka insum nasa lutuk mah mah.

"Bridget engkim i hre tawh a ang hle mai, mahse kei hian he in hi neih ka tum hauh lo."

Ka thinrim bawk si, dawt chiang taka a sawi avang chuan ka nui vak vak a, "A lo ni maw Mr Jace, kei erawh chuan midang in a awm hi ka lo tum miah hleinem, ni hnih hnuah chuan ka chhuak fel tawh ang, i kal thei tawh e."

In chunglam pan tur chuan ka inher nghal a, ka mittui khap tlak sawk chu hruin min hmuh ka hlau hle bawk.

"Bridget engthil chiah nge i hriat chu ka hre lo naa, thudik chu ka hrilh thei che alawm, John-a ka unaupa nen khan...."

"Ngawi hmak rawh, kha i ka bawlhhlawh zet khan ka pa hming hi lam ri leh tawh ngai suh, unaupa te i tia law? Nang hian unau awmzia i hre nek lo ve, ka pa chungchang sawi i tum leh anih chuan ka that duh hial ang che."

Ka khur hlawk hlawk a, ka mittui chu hrukfai pawh ka tum chuang lo, ka insum theihna zawng zawng chu a puakkeh a ni ber.

"Aw le Bridget, ka hnen ațang i hre duh lo anih pawn i pate John-a chuan a hrilh thei ngei ang che," thinrimna tel miah lo chuan min en a.

"Nang hian ka nu leh pa te chu i bum nasa tawh mah mah, i fanu chu hmang țangkai in i unaupa neih chhun in chu i chhuhsak bawk a, nang biak reng che hi ka duh lo mi tenawm tak i ni," țap chung chuan ka room lamah chuan ka tlan chho nghal a.

Pate John-a hnen ațang i hrethei ang, enge thil awmzia ni ta? Pate John-a chuan eng chiah nge a hriat chu ni ang? In bumna bawk a ni leh mai lo ang maw.?

"Bridget enge thil awmzia hi? Rose chuan mak a ti tak zet chu ka hria, "Kha pa nen a in thusawi kha enge awmzia ka tih chu?" A vin lam țep zawk a.

"Rose i pa i zawt thei ang, kei paw'n hriat chian ka duh hle, kei hi ka nu leh pa te fa ni lo in, kha pa mi tenawm tak fa kha ka ni tih leh he in pawh hi ama ta a ni tawh tih chiah hriat ka nei," ka țap hawm hawm a.

Rose-i chuan sawi tur pawh hre lo chuan min en reng ringawt a, ka bulah chuan lo kal hnaiin, khawngaih tih hriat tak chuan min kuah vawng vawng a, "I tawrh hi a nasa tawh mah mah a ni, tunah chuan ka pa bulah kan kal a ngai niin a lang."

Ngawi reng chuan ka țhu a, Rose chuan ka thawmhnaw tlem chu bag-ah chuan a khung mek a, rei lo te chhung chu an inah min awm tir dawn tih chu ka hria.

"Tihfel tur ka nei a ni," ka nu leh pa te room lam chu ka pan nghal a, an bungrua te chu ka theih ang ang chuan ka pack fel zel a, ka nu leh pa te thil tam tak an ngainat em em mai ka khoih lai chuan ka țap chhuak hawm hawm a, ka pa bank account chu la in ka hum vawng vawng a, Rose-i chuan min hrethiam takin min pack pui ve bawk a.

Chung ka nu leh pa te bungrua chu hmunkhatah ka dah khawm a, ka room lama ka thil neih te chu kan pack fel leh vek bawk a, hmunkhatah bawk dahkhawmin ka hakthlak tur chauh chu ka keng thung.

Taxi a koh lai te chuan mi â ang maiin ka lo ding ngawi reng a, taxi kan chuan hnu pawh chuan Rose-i pawh a țawng bik hauh lo, mak a tiin a ngaihtuahna a seng nasa hle tih ka hria...

To be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 12th, 2017, 1:59 pm

LAST KISS 10

CHAPTER-10

Zanriah chu ka ei lo a ni zawk, a tuina reng ka hre lo.

"Min lo hrethiam lawk teh u, tih tur pawimawh tak ka nei a, ka pa te room-ah ka kal lawk angai ka rei lo ang."

"A țha alawm, i kal chhungin Rose-i hian i room-ah min hruai se ka duh, hmuh ve ngei ka duh si a," Rafe chuan ka kut chu a rawn hum zauh a.

Room lam pan chuan ka chho nghal a, kawngkhar bul ka thlen chuan ka ding dat a, luh chu ka hreh ngawih ngawih a ni, ka thil hriat chak em em mai ka pain min hrilh theih tak loh awmna chu ni lo se ka lut hauh lo ang.

Ka luh ruala ka nu leh pa te khum, an mut leh tawh ngai lohna tur ka hmuh chuan ka țap lo thei lo a ni.

An thawmhnaw chu pawmin an rim a nam tih pawh ka hria, ka țap hawm hawm a, midangin an hriat ka hlauh avang chuan duh angin ka țap chhuak lo zawk a, ka piah lawka ka nu perfume ngainat ber mai ka pain a present laia ahlim zia te, ka mitthlaah a lo lang uar uar a.

Chu room reh țhuap chuan uap lumtu a nei tawh dawn lo tih inhria niawm takin a khua a har ve hle niin ka hre tlat bawk.

"Tawrhdan i thiam hma poh leh i tan nunkhaw chhuah a awlsam ang," Rose-i ka bula lo ding reng chu a lo kal lai reng ka hre miah lo, ka darah vuanin min kuah nghal bawk a.

Ka hawi kual vel chu a hrethiam a ni ngei ang, "Lungngai suh, Rafe chu i room-ah ala awm, i awmdan tur ka hriat lawk avang a lo kal ka ni, tunah chuan kan kal a ngai tawhin ka hria."

"Thil lak tur ka nei a ni Rose."

"A nih chuan la ta che, he room-ah hian i thinlung a inpeih fel hma chu lut tawh lo la ka duh bawk," chahbi inkhaina a room kalhna chu ala zui nghal bawk a.

Ka pa thingrem chu hawngin thirmum chu ka la chhuak nghal a.

"Kha thil kha maw? Enga tan nge i tih a?" Ka a ta emaw a ti hial zawk niin alang.

Ka țhian țha ber pawh ni se a chhunga thu awm ka hriat mai loh avang chuan ka hrilh thei hauh lo.

"Ka kawl duh atin ni," kawngkhar lam chu ka pan nghal a, mak ti tak chuan min en hu a, lo chhuak ve nghalin kawngka chu a kalh zui nghal bawk a.

Ka room a kan luh chuan Rafe-a chu ka khumah chuan a lo țhuthluang ar a, Rose-i pawh chuan chahbi chu ka thawmhnaw dahna kilah chuan kan chhungkaw thlalak adah naah khan a dah zui leh nghal a, keipawhin ka thil ken chu ka khuma ka puansin hnuaiah chuan ka dah ve bawk a.

"Bridget i țap em ni?" Rafe chuan ka kutah rawn vuanin khumah chuan min țhuttir zui a.

"Ka țap hauh lo," dawt chiang taka ka sawi avang chuan Rose-i chuan min lo en hru a, ka in thiam lo hnuhnawh hle.

"I țap tih ka hria a ni, ka lakah hian engmah thup buai tum duh suh," chiang zet chuan min en a.

Ka thinlung zawng zawng hria a, hmutlang țhintu a ni tih ka lo theihngilh hman a ni mahna.

"Hnaah chuan lo buai hauh suh, i inpeih hunah chauh lo kal ang che, i awm loh chhung chu midang ka thawh tir thei alawm, keipawhin nitin ka rawn tlawh ziah ang che."

Mak ka ti hle a, mi buai tak niin meeting pawimawh tak tak neiin, zin te pawh angai leh thut țhin, "Rafe min ngaihtuah suh, ka bulah Rose-i a awm reng alawm, bakah ka țha tawh tak zet tih i hmuh ve reng hi."

"Bridget ka ngaituah zia che hi i hrethiam duh lo zawk em ni? Bakah nang hmu lo che hian ka awm rei thei hauh lo," Rafe-a chu chiang zetin ka en a, tunhma Rafe mi chapo leh mite harsatna hrethiam ngai lo kha ka hmuh tawh ngai loh avang chuan hlimna chhiar sen loh ka nei ni hialin ka hria.

"Kei paw'n Rafe i tel lo chuan harsa ka ti a ni," a âwmah chuan beiin ka thinlung dik tak ka sawi avang chuan ka lawm hle bawk, ka nu leh pa te ka nunah an awm ve tawh dawn si lo, Rafe tal hi chu ka bul hnaiah awm reng se ka duh hliah hliah.

Rose-i ka hre chhuak thut a, ka hawi phei chuan a lo awm tawh hauh lo.

"Bridget a rei tawh lo ang, hun rei lo te hnuah chuan ka bulah ngei i awm tawh ang, zing i thawh ruala i hmuh hmasak ber nih ka duh, zan i mut dawnah pawh."

Tih fel tur a sawi ziah chu zawt mah ila min hrilh dawn lo tih ka hria, he pa thil ti thei tak hian ka tan a ti fel vat ang tih pawh chu ka hria a ni. Chu hun lo nghah tawp chu ka tih tur awm chhun a ni miau si a.

Ka khabe chu dawn kangin, dim te chuan min fawp vawng vawng a, hun rei lo te chhung a ni emaw, rei pawh ni se he pa min fawhna hi chu ka thinlung leh taksa hian a hre em em mai si a, thlah leh chu ka phal tawh lo hial a ni.

"Tuh hi a hun lo Rose-i pawh alo kal țep ang," a nui suk a ka zak hle bawk, engemaw beisei turah min ngai a ni ngei ang, mahse kei chuan ata ka nih hunah chauh chu thil chu puitlin ka duh, a vawikhat fawh ringawtah pawh ka danglam nghal zel chu a ni si a, thei tak ang maw.

A phone ri chu nin hmel zeta la kangin a en rual chuan a mitmeng te chu a danglam nghal vek a, a hmel te chu a lang ruh țul bawk.

An inbiak mek lai chuan Rafe chuan thinrim aw hriam tak chuan, "Min hrilh hmasa lo a engvanga he thil hi ti nge i nih?" A phone chu dah nghalin a thaw kawk a, a sam chu a tuai chho puat a.

"Ka kal angai a ni," min la thlahlel tih hriat tak mitmeng chuan min en a.

"Engkim a țha maw," hlauthawng zet chuan ka lo en ha a.

"A țha e, lo nghak tawp mai rawh," ka hmuiah chuan fawpin a tho chhuak nghal a, kei pawh chu ka tho chhuak ve nghal bawk a.

"Min thlah ka ngai lovang, lo awm hahdam zawk mai rawh," a aw-ah erawh nelawmna reng a awm leh tawh lo, a chhuak zui nghal daih bawk.

Ka la thlahlel hle si a, ka thlah ringawt pawh phal sak ka ni lo chu ka lungawi lo hle, a kal liam chu thlir zuiin ka thinlung chu a kal pui tel ni ta berin ka hre hial a.

Ka puanthuah hnuaia ka thildah chu lachhuakin, drawer-ah chuan ka dah ta zawk a.

"I mamawh ber chu ei tam, mut tam leh a eng zawng a thlir hram hram," Rose-i chu a rawn nui lut var var a, "Chu'ng thil te chu i tan a harsa ber tur anni ang, mahse i thei a ni nangmahah khan theihna a awm a ni, hrereng la ka duh bawk," khumah chuan a rawn mu ve nghal a.

Rose-i ang țhian țha hi chu khawi hmunah pawh an vang viau ang tih chu ka hria, chhungte tel lo va ka zankhatna turah pawh a thluak fim tak hmangin, ka lungngaihnate min pumpelh tir zel tih chu ka hrethiam, a zawng zawngin ni lo mahse.

"I sawi dik alawm Rose, ka tum mek zel a ka thei ngei bawk ang, chu pawh ka bula i awm vang liau liau a ni, ka lawm tak zet."

"Ka hnenah ni lo in Rafe hnenah lawmthu chu sawi zawk rawh," light chu off nghal in, "Heng thil te hi i tan liau liau a atih a ni si a."

"A mawi tak zet," ka ti chhuak sup a, ka ceiling rawng lar nalh tak ka pa'n ațha ber leh nalh ber ka tana a thlanah chuan Arsi eng em em mai tle sep sep chu a lo khat vek a, Thla (moon) lian nalh zet tle sep sep chu a lo awm bawk, van a Arsi te leh Thla nen khian danglamna an nei hauh lo, ka room ațang Arsi leh Thla zantin ka hmu thei tawh dawn tih ka hriat chuan ka lawm zia chu hrilhfiah thiam rual a ni lo.

Rose-i chu ka bulah lo mu ve nghalin, "Hetiang mipa i tawng hi i vannei tak zet."

Rose-i hian ka nu leh pa te chu a ngai ve tak zet ang tih ka hria, mahse an chanchin lam hawi zawngin engmah min sawipui dawn lo tih ka chian tluk zetin a sawi ngai hauh lo. Ka rilru hlimna tur leh thawvenna tur lam hlir a sawi țhin avang chuan vannei ka inti hle bawk.

Ka harh meuh chuan Rose-i chu ka bulah a awm tawh hauh lo, sana ka en chuan atlai hle tawh tih ka hria.

Nizan lamah Rose-i a muthilh tak hnuin ka nu leh pa te ngaiin ka țap tlaivar a nih kha, ka men dan chhah luk avang chuan ka mit abui ngei ang tih pawh ka hria.

Kate-i rawn lut chuan "I thawh har em avangin Rose-i'n lo ngaihven tur chein min ti a."

"Amah chu khawiah nge?" Ka hawi deuh hu a.

"A hnathawhna lam ațangin an lo bia a, a kal ngei angai tih asawi a, alo let nghal vat ang tih asawi bawk."

"Aw le, ka lo chhuk ang." A chhuak zui leh nghal a.

Tho chhuak zui nghalin inhnuai lam chu ka pan a, Rose-i a awm lo bawk a, chaw ei ka tum lo zet chu tlem tal ka ei angai tih ka hria, keimahin bul ka țan mek a ni si a, țam hnem tur tawk vel ka ei hnu chuan ka in tifai nghal a, tunah chuan lehkha pawimawh tak chhiar turin ka in peih ta.

Drawer chu hawngin ka la chhuak a, ka hawng mai thei lo, a chhin chu a tuiek tawh tih ka hmu a, oil te hnawiha ka herh ka herh tak hnu chuan ka hawng ta hlawl a.

"Bridget ka fanu." Ka nu kut ziak ngei ka hmuh chuan ka țap lo thei lo a ni.

"He lehkha hi i chhiar anih chuan kan awm ve ta lo a ni ngei ang, he thil hi kan dam ve chhung chuan i hriat kan rem ti hauh si lo a, i pa hian unaupa neiin chu chu Jace-a a ni." Ka lehkha chu ka keng khur hlawk hlawk.

Ka mit ka chhing vang vang a, Jace chu ka pate-a dik tak lo ni reng chuan.

"I pa nen erawh an inkarah ser nasa tak a awm thung a ni, he thu hi sawi har ka va ti em, "Bawihte, Jace hi i pa a ni."

Lehkha chu ka theh lawp a, pawnah ka tlan chhuak nghal a, ka thluak â mai tur chu ka thunun angai tih ka hria, pawnah chuan ka tei kual ta vak vak a, ka țap lo va ka rilru pawhin engmah angaihtuah thiam hek lo, ka thluak chawmawlh vek chu ka hmang thiam hauh lo.

Ka lehkha theh thlak chu chharin, ka chhiar zawm nghal a.

"Ka fanu, i pa nen hian fa kan neih theih loh avangin fa lâk kan tum ta a, tichuan Jace-a chuan ruahmanna fel tak hmangin nang hi min lo lak tir a ni."

Lehkha chu ka hum khawr vawng vawng a, ka mittui chu a tla zawih zawih bawk.

"Kum sawm pahnih i nih khan Jace-a chu lo kal in, a fa i ni tih a rawn sawi chauh asin, engkim dang zawng aiin kan hmangaih che tih i hriat kha Bridget, chu chu remchangah hmangin, kan in chu a hminga kan dah lo a nih chuan engkim sawi chhuahah min vau ta a, tichuan nang la let leh tur hian a bei dawn tih a sawi bawk."

Ka mitthlaah chuan ka nu leh pa te chu an lo lang vawng vawng a, an rilru hah tur zia ka hre bawk.

"I pa nen chuan kan tlawm ta a ni, engti kawngmahin nang hi kan lak ata chhuah che kan tum hauh lo, kan thil neih engkim aiin nang chu i hlu fe si a, tichuan pasal i neih hunah, chu a in chu a duh dan ngeiin a thuhnuaia awm turin kan inremsiam ta a ni, i pasal neih hun chauh a nghak a ni."

Ka khur hlawk hlawk a, he kan in kan chhungkua a hlim taka kan awmna "Tenawm lutuk," ka ti chhuak sap a, Jace chu ka pa a ni ngai lo vang, ka nu leh pa a tihnat avang hian ka rul let ngei ang.

"I tana kan tih theih awmchhun chu i pa account awmna i hriat kha, Bawihte hmalam pan ang che, chu thil chu i nu leh pa te hian kan duh ber tih hria ang che, kan hmangaih tak zet che a ni."

Mak ka ti hle engvanga he sakhawlh Jace hian a fanu chu a unaupa hnenah a ruka pe nge a nih? Tenawm lutuk mihring pawh a ni hrep lo ve, he ka in neih chhun ka tih pawh chu a ta a lo ni rengin, a unaupa in a fanu ngei an hmangaihna chu remchang ah lain, In chu a chhuk sak ta a..

Lehkha chu ka pawtsawm vek a, chhuat ah chuan ka paih darh bawk a, ka taksa chu ka thunun thei hauh lo, engvanga hetiang tuar bik hi nge ka nih?

Ka aw rawl chuan ka auva, ka bul a dawhkan leh drawer ka hmuh hmuh chu ka paih let thla tawp tawp a.

Ka hming lam țhawt thawm chu ka hria a, hawi tur in chakna ka nei lo ka bulah chuan Rafe leh Rose te chu an lo awm reng tawh zawk a.

"Enge i chungah thleng?" Ka taksa lumna reng nei lo chu Rafe chuan a rawn kuah nghal a.

Rose-i chuan chhuata ka thil paih chu chhar khawmin, "Heng hi engthil nge ni Bridget," mak ti tak a min en chung chuan a thle bak a.

Lehkha chu zawm khawm tum pawh ni se an thei hauh lo ang tih ka hria.

Rafe chuan dim tein min muttir a, ka muhil tur chu ka au chhuak leh thut țhin.

Ka harh chuan Rafe chu ka bulah lo țhuin ka kut chu a lo hum reng a.

"Bridget," a hmel chu a hlim hle tih a hriat.

"Hetiang ang hian awm tawh ngai hauh suh," ka chal chu rawn chulin mi rawn fawp nghal zauh a, ka bula Doctor lo ding reng ka hmuh chuan mak ka ti hle a.

Ka bânah chuan eng engemaw vit lutin, damdawi min pe tih ka hria.

"Tunah chuan zawi zawiin ațha tawh ang, hahdam taka awm tum ang che, i taksa hi a chak lo tak zet a ni," Doctor chuan ka pang chu rawn dek nghalin, "Khawsik pawh a awm tawh lo e, damdawi kha țha takin lo eitir ula a țha vat mai ang."

"Kan lawm e Doctor," Rafe chuan keimah chu min en daih thung.

Doctor kal hnu chuan Rafe chu ka khumah chuan lo lawn kaiin, ka bul ah chuan a lo mu ve nghal a.

"Chhel takin awm hram teh, i taksa pawn a tuar nasat em hi, i theihna kha lantir ta che Bridget," ka samah chuan duat takin a chul heuh heuh a.

"Nang chauh hi nu leh pa nei lo ini lo, Home-ah mi tam tak an awm, kei ngei pawhin ka nei tawh lo asin." A aw chu a dam mah mah.

"Nang chuan pa tal ila nei alawm."

"Min ngaihsak miah lo tu chu mitthi nen danglamna a awm chuang em ni?" Rafe chu a rilru a hrehawm ve hle tih ka hria.

A mi fuihna chu a dik hle bawk, in tih chak ka ngai a ni, tun ațang chuan ka chak tawh dawn, ka infuih sauh sauh a.

Rose-i leh Kate-i te chuan ei tur chu rawn keng lutin, "Tun ațang chuan ei tur te hi i ei zel angai tawh ang, Bridget nangmah leh nangmah hi in ti hrehawm reng lo teh," Rose chuan min en reng bawk a.

Ka țhu chhuak a, "Tun ațang chuan ka ei zel tawh ang," mak ti tak chuan an in en hu tih ka hria, mahse ka thinlung zawng zawngin hmalam pan ka tum tlat a ni.

Ka thil ei chu a tuina hre miah lo mah ila, ka taksain a mamawh tih ka hriat avangin tui nen chuan ka lem hram hram zel a.

"Kate," ka bulah chuan lo ding vatin min ngaihtuah tih hriat tak chuan mi en kar a.

"Tun ațang chuan he inah hian i awm reng hi duh hle mah ila, min kalsan hun a ni tawhin ka hria."

A phawk deuh hru a, "Bridget pawisa vang em ni, chulamah chuan lungngai hauh suh, kei hian tun thla chu man nei miah lo va awmpui che ka tum a ni."

"Bridget pawisa vang anih chuan a let hnih pawh kei hian ka pe ang," Rafe chuan mak ti takin min en bawk a.

Jace-a chuan ka nu leh pa te an awm tawh lo tih a hre ngei ang, a in nei turin a lo kal vat dawn tih ka hre si a.

"Ni lo Kate, pawisa vang a ni miah lo, keimah chauh ka ni tawh a, engkim ka ti thei alawm, bakah i hun hlu tak awmze nei lo a tih chingpen ka duh hauh lo."

"Mahse nangmah chauh chuan a la rei lo hle si a," min ngaituah zet chuan Rose-i chuan alo ti ve bawk a.

Hemi te hi ka hnial thei dawna ka hriat loh avang chuan, "Rose he in hi ka hralh dawn a ni, a hralhna tur pawh ka hmu tawh."

Mak ti lutuk chuan an phawk hraw hlawm a, Rose-i chuan lungawi lo tih hriat tak chuan, "Bridget hetiang thil hi i ti thei hauh lo ang, engtin nge ngaihtuah pawh i ngaihtuah theih zawk?" Thinrim tak chuan a chhuak daih a, Kate-i thinrim ka vawikhat hmuhna a ni.

"Khawngaihin ka duhdan chuan min tih tir rawh u, Kate ka ngai țhin ngawt ang che."

"A nih chuan Bridget a rang lama kal mai ka ngai anih chu naktukah ka kal nghal mai ang," min rawn kuah vawng vawng a, ka mittui tla lo tur chuan ka lo inveng ve bawk a.

"In enkawl țha la chak takin awm ang che, kan inhmuh leh ngei hi ka ring tlat a ni."

"Nang pawh le Kate ka ngai țhin ngawt ang che." A chhuak zui ve nghal a.

"Bridget heng thil te hi engvanga ti nge i nih le? Pawisa i mamawh vangin i nu leh pa te nena in lo chen tawhna chu tihral i tum a maw?" Rapthlak tih hmel zet chuan Rafe chuan min en a.

"Ni lo Rafe, dawt ka sawi avangin pawi ka ti hle, engkim ila hrethiam ve mai ang."

"Bridget engpawh mamawh i nei anih chuan min hrilh ag che, i in hi hralh ngai bawk lo la, i duh chuan i duhthusam ngei ka lei sak ang che."

"Ka mamawh hauh lo, min ngaihtuah suh." Ka rilru chhunga thilawm chu a hmu ve der si lo, hrilh tur nge ni a hrilh loh tur ka buai hle mai, bathroom-ah chuan ka lut zui nghal a.

"Alessia khawngaihin hriatthiam tum teh, thawkna hun tal te chu min pe ve ta che, ka lo hmuak ang che," ka insil zo bathroom ațanga ka lo chhuah chuan Rafe chuan a mi biak lai pawh chu a ti tawp nghal a, a hmel landan chu a nelawm loh leh hle tawh a.

"Bridget engpawh min mamawhna i nei a nih chuan min hrilh nghal ang che, i rilru tih buai avanga i damlo leh anih chuan ka ngaidam hauh lovang che, tunah chuan ka kal angai ka lo let leh thuai ang," a taksa khauh zetah chuan min kuah beiin, duhthawh tak chuan min fawpin a kal zui nghal a.

"Alessia," ka phun sap a, he nu hi tu chiah nge maw a nih le? Ka hriatchhuah ngei angai a ni.

Ka khumah chuan țhuin ka thiltawn dan te chu ka chhut let neuh neuh a.

Ni rei lo te hnuah Rose-i pawh chu an in lamah a haw angai tawh tih ka hria, ka lungngai lawk hle a, ka hrehawm hlau tak leh ka lungngaih a hlauh em avanga chuan mahni a inngaihtuahna hun tak ngial pawh min pe lo țhin zawk a, ka nu leh pate ngaihtuaha mahni chauha awm ka chak lai pawha min thlahthlam loh em avang chuan ka lungawi lo zawk hial a, mahse hetiang hian min enkawl lo se zawng tun ka dinhmun ang hi ka pha lo hle ang tih ka hre bawk.

"Bridget tu emaw in a be duh che a, in hnuaiah a nghak che a ni," hmanhmawh zet chuan Rose-i chuan min lo ko a.

Kei min hmu tur awm ang ka hriat loh em avang chuan a ngaihna ka hre lo letling a.

Step-a ka chhuk lai chuan ka ding deuh dawt a, ka thinlung chu a rawn nghawr a ni berin ka hria, inhnuaia min lo nghaktu chu ka pa emaw ka ti hial a, an mit te an hnar te leh an sam te chu ka pa aiin a lang naupang deuh zawk tih mai loh chu.

"Hello Bridget, ka tawrhpui tak zet che," a bân chu lo phar chhuakin nelawm zet chuan a awm bawk a.

Mak ti tak chuan ka en renga, "Ka lawm e," ka kut chu pe nghalin, "Tunge i nih le?"

"Jace, i pate Jace-a." A țhen suk a.

Ka chibaina kut chu la thlain, ka inhumruh hle a, ka khur dar dar tih chu a hmuhhmaih hauh bik lo tawp ang, a hmaia ben hrep hnu a, tuiso a leih chu ka chak tak zet, insum theihna chhe te ka la neih avang chauh chuan ka ti lo mai zawk a ni.

"I ina thuneihna hmang turin i lo kal ta a," ka melhrum ngang mai.

"Ka in chu a ni alawm, mahse thuneihna hman kher chu ka tum a ni hauh lo," ka mitah chuan chiang takin min en a, ka pa nen chuan an inang tak zet.

"Thuneihna i hman chu a ngai kher reng nang, ni hnih hun min pe la, he in hi ka chhuahsan nghal ang..." țap lo tur chuan ka insum nasa lutuk mah mah.

"Bridget engkim i hre tawh a ang hle mai, mahse kei hian he in hi neih ka tum hauh lo."

Ka thinrim bawk si, dawt chiang taka a sawi avang chuan ka nui vak vak a, "A lo ni maw Mr Jace, kei erawh chuan midang in a awm hi ka lo tum miah hleinem, ni hnih hnuah chuan ka chhuak fel tawh ang, i kal thei tawh e."

In chunglam pan tur chuan ka inher nghal a, ka mittui khap tlak sawk chu hruin min hmuh ka hlau hle bawk.

"Bridget engthil chiah nge i hriat chu ka hre lo naa, thudik chu ka hrilh thei che alawm, John-a ka unaupa nen khan...."

"Ngawi hmak rawh, kha i ka bawlhhlawh zet khan ka pa hming hi lam ri leh tawh ngai suh, unaupa te i tia law? Nang hian unau awmzia i hre nek lo ve, ka pa chungchang sawi i tum leh anih chuan ka that duh hial ang che."

Ka khur hlawk hlawk a, ka mittui chu hrukfai pawh ka tum chuang lo, ka insum theihna zawng zawng chu a puakkeh a ni ber.

"Aw le Bridget, ka hnen ațang i hre duh lo anih pawn i pate John-a chuan a hrilh thei ngei ang che," thinrimna tel miah lo chuan min en a.

"Nang hian ka nu leh pa te chu i bum nasa tawh mah mah, i fanu chu hmang țangkai in i unaupa neih chhun in chu i chhuhsak bawk a, nang biak reng che hi ka duh lo mi tenawm tak i ni," țap chung chuan ka room lamah chuan ka tlan chho nghal a.

Pate John-a hnen ațang i hrethei ang, enge thil awmzia ni ta? Pate John-a chuan eng chiah nge a hriat chu ni ang? In bumna bawk a ni leh mai lo ang maw.?

"Bridget enge thil awmzia hi? Rose chuan mak a ti tak zet chu ka hria, "Kha pa nen a in thusawi kha enge awmzia ka tih chu?" A vin lam țep zawk a.

"Rose i pa i zawt thei ang, kei paw'n hriat chian ka duh hle, kei hi ka nu leh pa te fa ni lo in, kha pa mi tenawm tak fa kha ka ni tih leh he in pawh hi ama ta a ni tawh tih chiah hriat ka nei," ka țap hawm hawm a.

Rose-i chuan sawi tur pawh hre lo chuan min en reng ringawt a, ka bulah chuan lo kal hnaiin, khawngaih tih hriat tak chuan min kuah vawng vawng a, "I tawrh hi a nasa tawh mah mah a ni, tunah chuan ka pa bulah kan kal a ngai niin a lang."

Ngawi reng chuan ka țhu a, Rose chuan ka thawmhnaw tlem chu bag-ah chuan a khung mek a, rei lo te chhung chu an inah min awm tir dawn tih chu ka hria.

"Tihfel tur ka nei a ni," ka nu leh pa te room lam chu ka pan nghal a, an bungrua te chu ka theih ang ang chuan ka pack fel zel a, ka nu leh pa te thil tam tak an ngainat em em mai ka khoih lai chuan ka țap chhuak hawm hawm a, ka pa bank account chu la in ka hum vawng vawng a, Rose-i chuan min hrethiam takin min pack pui ve bawk a.

Chung ka nu leh pa te bungrua chu hmunkhatah ka dah khawm a, ka room lama ka thil neih te chu kan pack fel leh vek bawk a, hmunkhatah bawk dahkhawmin ka hakthlak tur chauh chu ka keng thung.

Taxi a koh lai te chuan mi â ang maiin ka lo ding ngawi reng a, taxi kan chuan hnu pawh chuan Rose-i pawh a țawng bik hauh lo, mak a tiin a ngaihtuahna a seng nasa hle tih ka hria...

To be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 12th, 2017, 2:02 pm

LAST KISS 11


CHAPTER-11


Rose-i te in kan luh dawn chuan eng emaw ti tak zam bawk si, thinrim țeuh chuan ka awm a, inchhunga kan luh hnu chuan tumah an lo awm lo, hmuh tur beisei nei tak a ka hawikual lai chuan "Ka pa chu hna ațanga ban ala hun lo a, Juliet-i erawh Ram dangah a zin thung," a sawi mek lai chuan a unaunu chu angai hle tih ka hria, unau inhmangaih leh inthlahlel tak anni țhin reng si a.

A room-ah chuan min luh puiin ka bag chu a nghat bawk a, dawhkana kan naupanlai thlalak ka hmuh chu pan pheiin ka en ngawih ngawih a, kawr var ka ha a, Rose erawh chuan a sen a ha thung, hemi ni hi Rose-i nu Caroline-i piancham niin Rose-i te inah kan chhungkuain chaw kan ei a nih kha.

Tlai ni tla tur eng sen phut chu enin Rose-in coffee min pek chu ka in mek bawk a, chu inchung sangah chuan thlifim a thaw heuh heuh a, ka nu leh pa te chuan an fanu hi min hmu reng niin ka hre bawk.

'Nu, Pa min pui hram teh u, ka dinhmun hi in hmu a ni lo'm ni.' Ka nu leh pa te chu awm se hetiang dinhmun harsaah hian ka ding ngai lovang tih ka hria, an hmel chu ka mitthlaah a lo lang uar uar a, ka mittui chu ka hru mawlh mawlh bawk a.

"Bridget khua athim mai dawn, ka pa pawh a lo haw tawh asin, chhuk tawh ang le," Rose-i hmela min khawngaihna tam tak ka hmuh hian hrehawm ka ti zual hle țhin si a.

"Bawihte, i lo kal a ni maw? Ka hna avangin ka lo haw hma thei si lo a, hetah awmrih chu i rilruk deuh ta em ni?" Pate John-a chuan ka lam lo pan chung chuan a ti a.

"Ka pa, Jace-a nen khan engtia inhria nge in nih? Vawiinah a lo kal a, Bridget-i nen hian thu chiang tak kan hre duh bawk a ni," Rose-i hmel chu a rum hle a.

John-a chu a meng zau deuh kawk a, "Jace maw? A lo kal ta a ni maw?" A hmel chu a ngui nghal rawk rawk ni berin ka hria.

He thilah hian Pate John-a pawh a in rawlh ve ngei ang, ka pa chuan unau ang maiin a en anih kha, ani pawn unau hming pu-in a lo bum ve lek si a, ka nu leh pa chu ka khawngaih tak zet.

"Tunah chuan zanriah kil phawt ila, kan sawi țha dawn nia," ka lam chu rawn hawiin "Bridget i hriat duh zawng zawng chu ka hrilh ang che, mahse in tih chak i ngaih kha, zanriah chu i ei hmasak phawt angai a ni."

'Kei hi min bum hauh lo ang,' sawi chhuak si lo chuan ka inseh ruh nasa hle.

Zanriahah chuan ka rilru ka pe thei hauh lo, thochhuakin room lam chu ka pan ta zawk a.

"Bridget ka pa chuan a room-ah kal turin a duh che a ni," Rose chuan meng da lapin min hruai zui nghal a.

"Rose, nang chu lo va chhuak rih la ka duh," a pa chuan chiang zet chuan a ti a, Rose-i pawh chu ngaihngam lo zet chuan a chhuak ve nghal mai a.

"Bridget heng thu zawng zawng te hi ka hrilh loh avang che khan min ngaidam ang che, John-a leh Alissa te khan an dam chhung chuan hre lo tur chein an duh a ni. Mahse, Jace-a khan a lo be hman tawh si che a, chuvang chuan i nu leh pa te paw'n thudik hrilh tum ta che an nih kha, mahse hrilh thei lo chein an awm leh ta si a."

A hmel chu a dul ruih a, hrehawm tihna a khat chuan min en a ni ber, ka thuhriat tur chu enge a nih hre lo mah ila, hlauhna chuan ka tiril chu a fan mek si.

John-a chu a thaw kawk a, a ipte chu a kut pahnih chuan a zen bawk, ngil tak a dingin chunglam chu hah hmel tak chuan a en chho vung vung a.

"Bridget, he thu i hre tur hi pawi ka ti a ni, i nu leh pa te duhdan pawh a ni hauh lo ang le, nangma duhdan ngei anih pawh ka ring chuang lo, mahse thudik a ni miau si a."

A thusawi avang chuan ka ding ngil thei lo a ni ber, țhutphahah chuan ka țhu a, zam tak anga lan ka duh loh avang chuan ka inthunun hram thei bawk.

"I pa te hi tunhma chuan khawsa thei tak niin, England-ah kan in țhenawm țhin, tette ațanga in kawm chho kan ni bawk a, i pa leh a unaupa Jace chu unau inhmangaih leh inkawmngeih tak anni țhin, i pa kum sawmhnih pathum a tlin hma kha chuan,"

"Kum sawmhnih pathum maw?" mak ka ti hle a, Pate John-a chu mitkhap miah lo chuan ka en a, ani pawh chu zam hmel a pu hliah hliah bawk a.

"I pa kum sawmhnih pathum anih khan i pu Nicholas Mendler chu a boral ta a, a nupui erawh a boralna a rei tawh, a fapa te pahnih tan chuan a ro chu a sem ta a ni."

A kut pahnih chu a kekawr ipte ațanga la chhuakin, khumah chuan ațhu nghal bawk a, a khum bul a wine bottle nalh zet chu la in, no-ah thli chhuakin a lem khawlh a, a kun bar bawk.

"Jace-a tan chuan Mendler greylan Manor industry chu a pe a, chu chu Hotel lian tak a ni, John-a tan chuan Mendler textile industry chu a pe bawk a, chu pawh chu lian tak a ni, England-ah chuan hre lo reng an awm lo ang."

"Tichuan engtin zel," hriat belh ka chak rualin ka huphurh hle bawk.

"An pa ber a awm tak lo vah chuan sumdawnna lam chu an enkawl ta a, John-a chuan hmeichhe pakhat Emmy chu a tawng ta a, a hmangaihin a duh hle bawk, kum khat leh a chanve dawn lai chu an inzui hman a."

Ka lo thaw kawk a, ka pa chuan ka nu lo hmangaih dang a neih ka lo ring ngai hauh si lo va.

"Emmy-i chu zanlam intihhlimna velah lam a eizawng țhin a ni, Jace-a te Hotel bul lawkah chuan a thawk nghe nghe a, Jace-a intihhlim ngaina ve tak chuan kartawp chawlh apiangin akal țhin a, Emma-i nen chuan an inhmelhriat chho ve ta bawk a."

John-a thusawi dan leh awmdan chu a thusawi lai hunah chuan a cheng leh a ang ber zawk.

"Tichuan, an unau chuan an hriat miah lo in an mi hmangaih chu mi pakhat a lo ni ta anih chu."

Ka phu zawk a, ka pa hmel ka mitthlaah lo langin ka khawngaih vawng vawng a ni.

"Emmy-i pawh chuan Jace chu a hmangaih ta hle a, John nilo in Jace zawk anih chu a hmangaih tak chu, a mipa zui te chu unau anni tih reng a hre bik lo," a thaw leh kawk a, wine chu a thlit chhunzawm leh a.

"Reilo te hnuah chuan unau te chuan an hmangaih chu mi pakhat Emmy-i a ni tih chu an hre chhuak ve ta a, John chuan Jace chu a ngenin a ngen ta hial a nih kha, Emmy kalsan turin."

Sawi ve tur reng ka hre lo, mak ka ti lutuk chu ka taksa tak ngial pawh chetsawnna chang ka hre lo.

"Mahse, Emmy-i hmangaih chu John ni lo vin Jace zawk chu a ni miau si a, a unaupa avanga kalsan chu a tum ve ngei alawm. mahse a thei hauh bik lo, Emmy-i chu a nunna ai paw'n a hmangaih em em si a, Emmy-i lah chuan Jace chu kalsanin John-a bulah chuan a awm thei bik si lo a ni."

Kei pawn Rafe-a chu ka nunna ai paw'n ka hmangaih a, min kalsan a nih ngawt loh chuan ka kalsan thei bik lo vang tih ka hria.

"John chuan an inhmangaih zia chu hriain, a thinrim ta em em a, a hmangaih ber mai in a sum avang chauha kawp a ni tih pawh a in hre ta a, sum tamtham tak a khawhral reng a ni, Jace-a Industry pawh chu engtin tin emaw a chhuhsak ta a."

Ka țhutna ațang chuan ka kang zawk a, ka pa chutianga a sawi chu ka awih hauh lo mai, "Duhtawk teh John, ka pa chanchin chutiangin sawi suh," ka thinrim zia chu a hmu ngei ang.

"Bridget naupang chhia i ni tawh lo, engkim hrethiam rual i ni tawh asin, i duh chuan ka tawp san thei a lawm. Mahse, thudik chu i hriat ve ngei a ngai si a ni." Min melh kal a.

Hrehawm ti zet chuan ka țhutnaah ka țhut leh hnu chuan ka rilru chuan ka pa chu ka lam mawlh mawlh a.

"Jace-a chuan John-a lungawina anih arin avang chuan engmah sawi buai lovin Emmy-i nen chuan Ram dangah kal bo chu an tum ta a, mahse Emmy-i nu a boral avangin Emmy chu thingtlangah chuan a haw leh ta rih zawk a."

Ka bula tui chu ka in khawlh khawlh a, ka thu ngaihthlak te chuan ka kawchhung chu an ti lum em em si a.

"Emmy-i chu chhungkaw chawmtu niin, sum pawh a mamawh hle țhin, Jace nen an inhriat hma khan John kha hmangaih si lovin alo kawp ve reng tawh zawk a, i pa pawh chuan a hmangaih anga hmangaih let ve angah a inngai hial anih kha."

Mak ka van ti em! Ka pa tana hrehawm dan tur chu Emmy-i chu hmu lo mah ila ka hua a ni.

"I pa chuan Emmy-in a hmangaih lo tih a hriat chuan a kal bo ta a, a kal bo dawnah chuan atthlak takin Jace-a Hotel, i puin a pek chu a tiriral ta a, a ma Industry ngei pawh chu a ti riral ta a ni."

Hmangaihna vangin atthlak takin a che pawh a ni mahna le. Mahse, awih tur nge ni a awih loh tur? Ka hrethiam mai lo tlat.

"I pa kalna reng chu tumahin kan hre hauh lo, a kal dawna min lo tlawh paw'n a sawi duh si lo a, tichuan thla hnih hnuah chuan London-ah Alissa chu tawngin an innei ta a ni, chutih hun chuan amah ngeiin phone in min lo hrilh a."

"Ka pa chuan a hmangaih dawn em ni?" Mak ka ti em a ni, ka hriat a chinah an inhauh lai reng pawh ka hmu ngai si lo a.

"Nupui a nei tih min lo hrilh chuan kei paw'n mak ka ti hle reng a ni, Emmy-i a hmangaihna a nasa lutuk chu a âtpui ni hialin ka hria, nupui neiin a theihngilh aring a ni mahna."

"Jace pawh chuan Australia-ah sumdawnna dang dap turin a kal zui a, a tih fel hunah Emmy chu lo hruaiin chuta nun bulțan chu an tum ta a ni."

"Eng tin tin emaw i pa chuan Emmy-in nau a pai tih chu a lo hria a, rang takin England-ah lo kirin a fa ngei anih a ring tlat a ni. Emmy a hmangaihna chu a lo la tawp hauh lo a nupui neih hnu pawh chuan," hrehawm tih hmel tak chuan a meng dul em em a.

Chuthu ka hriat chuan ka awih thei lo, ka nu leh pa te inhmangaih zia chu ka hre si a.

"Jace-a awm loh lai a lo ni bawk nen, Emmy-i leh a fa lo piang mai tur chu neih let dan a dap kual nasa hle a, chutih lai chuan Alissa chuan London-ah a pasal chu a lo nghak reng bawk a."

Ka awm dan chu ka mit deuh sulh sulh a, ka mittui chu a rawn far nghal bawk.

"Emmy-i chuan chiang takin Jace-a fa a nih thu a sawi chuan i pa chu a kehsawm vek a ni ber, Emmy-i chuan nau a nei ta a," a lu chu a dawm vawng vawng a ka lam lo hawi chuan min rawn melh a.

"Bridget tichuan nang chu i lo piang ta a ni," ka thaw țha thei lo hial zawk, ka thlanfim chuan min bualin ka lum pup pup a, in tih thawven ka ngai a ni.

"Bridget i țha em?" Min lo kai tho a, "Boruak hip i mamawh a ni," pawn lamah chuan min kaichhuak nghal a.

An compound zau nalh zeta țhutna awmah chuan min țhutpui a, ka nun hman mek dan chu thla eng tak avang chuan hrehawm ka ti zual hle, kan hnungah chuan ngawi rengin Rose-i pawh a lo kal tih ka hria.

"Rose ka sawi tur ka la sawi zo lo tlat," rei a ni tawh lovang.

"Ka pa Bridget-i khan a nu leh pa vangin hrehawm a tuar mek a ni si a, hun rei lo te chu innghak mai thei lo em ni he thu sawi nan hian," min khawngaihna mitmeng chuan min lo en reng bawk a.

"Rose engkim i hriat kha, saw in saw ka ta a ni lo, ka nu leh pa fa ka ni lo, engkim a rang lama hriat ka duh a ni." Inchhung lamah chuan alut zui ta a.

John chuan ka kut chu rawn vuanin, "Engkim hma chhawn rual i ni tawh, i hriat hma hi i tan a țha ber zawk a ni, in ti pachang hram ang che."

Ka lu ka lo bu nghauh a, dik tak chuan John pawh chu ka hua a ni, ka la tilang lo mai chauh a ni e.

"I lo piang chu i pa chu a hlim ngei mai, a fa angah a ngai tlat si che a, Emmy-in Jace-a fa tih chiang taka a hrilh hnu pawh chuan...." a ngawi dat a, min rawn melhin, "I pa chuan Emmy a hmangaihna kawngah chuan mi â ang maiin a che a ni."

Ngaihtuah dan pawh ka thiam lo a, ka thinlunga lo dawnsawn dan pawh ka thiam bawk hek lo, a sawi ang ang chu ka beng chuan a hria a ni ve tawp mah zawk.

"Emmy chu i lo pian chuan a thisen chu a sang thut a, darkar khat em pawh ral lovah chuan a chhatthla zui ta a, i pa chuan a tuar tak zet a sin, nang chu i nu hnute pawh hne hman lovin i awm si a, tichuan Jace-a lo haw hma chuan a fa ngei i nih a rinna chu a bo thei lova, London-ah a hawn ta che a ni."

Rapthlak tih hmel zet chuan ka en a, țah erawh ka tum hauh lo.

"Chutih lai chuan ka pa London-a awm reng chu kan fin a lo ngaih tak si-ah chuan kan chhungkuain London lam kan pan ve bawk a, kan thlen hnu chuan i pa pawh chu a nupui nen chuan an lo kal asin."

Ka lungphu dup dup ri chu ka hrethei a ni, John-a pawh hian a hre ve hial ang.

"Alissa chuan naute alo pawm luh chu nangmah ngei i ni tih ka hria, i pa chuan D.N.A a test tur thu chu min hrilh a, mahse a nupui hnenah erawh fa an la neih mai theih loh avangin England-ah chuan an unaupa Jace-an a țhiante fa enkawltu nei lo chu kawhhmuh angin a insawi thung.

Bridget i tan a harsa ang tih chu ka hria, mahse he thu hi engtikah emaw chuan ila hre dawn tho a, thudik hi zep hlen theih a ni ngai lo ang bawkin, i duh chuan naktuk lamah kan chhunzawm thei ang." Ka rilru na lutuk tur chu hah chawlh tir a duh a ni ber.

"Ni lo e, engkim ka hre duh a ni." cho zet chuan ka en zawk mah a.

"D.N.A a test hnu chuan a fa i ni lo ta ngei a, i pa rilru hrehawm leh na lutuk chuan zu chu a in ta reng mai a ni, chutiang chuan kum 9 i nih thleng khan a awm a sin," chiang zet chuan min en a, a hmelah chuan lungngaihna nasa tak a lang bawk.

Chutah zet zawng ka dawh theihna in atlin ta bik lo, "John i duh duh chu i sawi thei alawm, Jace nen hian eng ang in laichinna nge inneih erawh ka hre lo, mahse ka pa kha a neih chhun it tur khawpin i rethei tawk lo tih ka hria."

A hmaah chuan ka ding khur hlak hlak a, ka țawngkam mawi lo tak avang chuan ka inthiamlohna ka nei chuang lo.

"Ka pa kha ka hrechiang asin, ka hriat ve theih chinah zu a in ngai hauh lo," demna mit meng chuan ka en a, ka na ngawih ngawih si a.

Thinrimna tel miah lo chuan min en a, "Bridget ka hrethiam che alawm. Mahse, thudik hi i pawm thiam hma leh i tan a awlsam a ni mai, thudik chu engmahin a thlak danglam phah chuang si lo a."

"John chhungte ka nei tawh lo a, nang chauh hi ka chhungkaw neih chhun i ni asin, ka pa khan unaupa ang takin a en bawk che a, engvanga dawta puh nge i nih le, Jace nen chuan saw in hralha pawisa in sem chu in tum em ni?" ka ti phiar phiar a.

Rose-i pawh chu rang tak a lo tlanin, ka bulah chuan a lo ding ve reng bawk a, ka awmdan chu min khap bik hauh lo.

"Tunah chuan mut hahdam i mamawh a ni, i in peih hunah chauh kan sawi chhunzawm tawh ang," aw dam diai leh hmel ngui ruih chuan a ti a.

"Bridget," Rose-i chuan min lo kuahin "Inchhung lamah lut ang hmiang."

"Tunah chuan kha Jace kha ka hmuh a ngai a ni, a awmna i hre ngei ang min hrilh ta che," John-a chu ka melh nghek bawk a, ka mittui chu a luang nasa hle.

"Aw le, in inthunun hram teh, Jace i hmu duh a nih chuan i hmuh hmain thudik chu i hrevek hmasa phawt tur a ni."

Thudik a sawi hi ka tan chuan a dik ve lo, kha ramhuai pa Jace ka hmuh theihna a nih dawn phawt chuan peih lo hle mah ila, ka ngaithla leh poh aniang chu.

John-a chuan Rose-i chu kalsawn turin ati tawh bik lo va, a thusawi tur chu ngaihtuah ni awm takin țhuțphahah chuan țhuin a kut pahnih chu a mal chungah a dah bawk a.

"Alissa khan a fa ang taka enkawl chein, tumah rengin a fa i ni lo tih an hre hauh lo, a hmangaih em em tawh si che a, chu chu i pa paw'n a hria a ni, i pa chu atthlak taka a khawsak chhunzawm reng avang chuan a pawisa neih te chu khawral zelin pawisa khelhnaah te chuan a kal ta reng țhin a, i nu pawh a rilru a hah țhin hle a sin," thimlam chu a en vang vang a.

"Chiang takin ka la hria a ni," a ti sap bawk.

"Chutih lai chuan i pa Jace-a chuan a nupui nimai tur boral ta chu a tuar hle a, a fa chu a zawng mek bawk a, hmuntinah a zawng a ni ber a, zawn theih tawhna chinah phawt chuan."

Rose chuan ka kut chu a rawn hmer sauh a, pachang turin min duh tak zet tih ka hria.

"Jace chuan min lo be pawpin, i awmna chu ka hrilh ta a ni, an unau inkar chu siamțhat leh rual a nih loh avangin buaina tam zawk a chhuah ka hlau hle bawk a," a kun leh ngal tawh a.

"Tichuan Jace chu London-ah lo kalin kan bulah chuan ni thum vel chu a lo awm bawk a, chutah chuan nang chu kum sawm pahnih i ni Jace" ati sap a, a hmelah chuan tawrhna nasa tak a lang tawh zawk a, ațap dawn emaw ka ti hial.

"Jace chuan a fanu chu pawmin a kuah chak em em țhin a, John leh Alissa te chuan an phal sak ngai lo, Alissa chuan Jace-a fanu i ni tih a hriat chhuah chuan mak tiin a na hle bawk a, Mahse, i pa chuan engtin tak nge a nupui hnenah chuan a sawi fel dan ka hriatpui hauh lo."

A hmel chu alang ruh hle a, mahse, tawrhna nasa tak nei ang maiin a mitmeng erawh a dul ruih si.

"Jace chuan a fanu chu a ngaihtuah tak zet a, ralkhat ațangin nitinin a thlir țhin, laklet kha a duhdan ni mahse nang erawh kum sawpahnih i nih tawh avangin i nu leh pa te i hmangaih zia hmuin tihnat che kha a duh loh ber a ni asin," Rei tawk fang chu a ngawi leh daih a.

"A unaupa John-a nundan a hmuh chuan a fanu chu ati na mai ang tih a hlau hle a, ralkhat ațangin a veng a ni ber mai, tichuan chu In John-a In chu a hminga dah turin a ti ta a ni, a nih loh chuan nang lak let leh che a tum thu a sawi bawk.

A neih zawng zawng chhuhsak anih hnuah a fa leh zel pawh a enkawl thei lo chu a ni si a," Rose-i chu melhin intur laksak tur chuan ati zui nghal bawk a.

"Jace chuan a In neihchhun chu a fanu ai chuan a ngaihlut zawk ngei ringin a fanu chu peklet leh a inbeisei vang a ni.

Mahse, chu thu an hriat chuan John an a fanu a hmangaihna pawh chu a lo thuk tawh hle zawk a, pe let thei lovin an In chu Jace hming in an dah ta zawk a.

Jace-a chuan mak a ti hle asin, a unaupa te nupa chuan a fanu chu an hmangaih hle tih a hrethiamin, John-a pawh chuan a zu in țhin leh pawisa khelh țhin te chu reilo te hnuah a bansan ve zui bawk a."

Rose-i thil rawn lak chu thawkkhat pawpin, a chal a chuar tap a.

"Jace pawh chu ngaihngam takin a fanu rilruna leh buai tur chu a duh bik hauh lo va, ralkhat ațanga lo thlir chu a duhtawk ve ta a."

"A nih engvangin nge Jace khan min lo biak leh si," awih loh hmel zet chuan ka ti ram hmak a.

"Bridget, kum 18 i nih khan Jace chuan thudik hre ve tawh turin a duh che a sin, a fanu a hmangaih leh a thlak hlelh ngawih ngawih chuan a pa dik tak hria se a duh em em a ni, a dik lohna a awm em ni?

Mahse, chungthil ti lo tur chuan i nu leh pa te leh keimah ngeiin kan ngen asin, tichuan a pa ang ni lo va a pate-a ang tal a i hriat kha a duh a ni, in inkar zau lutuk tih hnaih nan.

I pa kha dem ngawt chi a ni bik lo, hmangaihna avangin a tal buai a, atthlak tak takin a che țhin a, mahse a duh reng vanga kha thil kha thleng a ni bik si lo.

Jace-a khan London-ah in a lei a, chutah chuan awmin, nitin mai hian ralkhat ațang a thlir țhin che a ni, Bridget thu dik te hi i pawm thiam hunah min hrilh ang che.

Tunah chuan Jace-a chu 15 Captown appartment-ah a awm ang."

Hrehawm ti ngawih ngawih hmel pu chung chuan inchhunglam a pan zui nghal a. Rose nen chuan sawi tur pawh hre lo in kan țhudun thung.

Jace hmu tura kal mai ka tumna chu ka țhulh leh ta zawk a.

Kha vang kha em ni ka nuin Jace-an ruahmanna fel tak hmangin a fanu chu min lak tir a tih ni, ka nu chu bumin a lo awm char char zawk a maw? Ka van khawngaih tak em.

Rose-i tui taka mu chu ka en dauh dauh a, ka pa min hmangaih em em tu, alak ah hian vuina tur pawh ka hriat ngai hauh loh, a chanchin an sawi chu mak ka ti tawp thei lo, ka nu ka an em em mi zawng zawng paw'n in ang min ti țhin si a, engtin nge ka nu a nih loh theih?


Ka thinlung chhung chu a rum a, ka chau in ka dawl dang em em tih ka hria, tlem tal mut ka mamawh hle. Mahse, ka thei hauh si lo, Jace chu ka pa angin ka pawm thei lovang tih pawh ka hria, kan chhungkaw hmelma angin ka la ngai zawk reng si a.

Tunah tak chuan Rafe chu ka bulah awm se ka va ti tak em, ka thlamuanpui ber a ni si a.

"Bridget tho teh, inhnuaiah Rafe-an a nghak che a sin," Rose chu hlim hmel tak chuan enge maw sawiin a phun sap a, a thusawi erawh ka hre lo.

Engtin nge ka awmna a hriat zawk chu ni? Peih lo zet chuan ka tho chhuak a, ka in tih fai hnu chuan ka chhuak zui ve nghal a.

Rafe hmel ka hmuh chuan ka hlim kher mai, a coat suit rawng lai tak hak chu a in hmehin, a lang ropui mah mah zawk, uluk zet chuan min lo en reng a.

"Rafe engtin nge ka awmna i hriat zawk?"

"Chu chu a pawimawh ber lo tlat, ka hmangaih leh duh ber awmna hriat chu a harsa hauh lo," a hmui chu a ti sawi leh zeuh a.

"Tunah chuan meeting pawimawh tak ka neih dawn avangin ka awm rei hman lo. Mahse, zanin dar sarihah ka lo lam ang che, Rose-i telin," lo kal hnaiin ka hmuiah chuan a fawp a.

Chu a fawhna ka lo thlak hlelh tawh em em chu rei lo ka ti hle, "I thusawi awmzia chu min hrilh chiang thei em?"

"Bridget, ka la hrilh chiang ang che, tunah ni lo in," ka biang chu a rawn chul leh thuak a, a chhuak zui nghal daih lehnghal, a motor ri chu ka hre thei, a tlanliam thleng chuan ka dinna ngaiah ka ding reng a.

Ka thlahlelin ka mamawh hle si a, chutia akal leh mai chu țah vak vak ka chak hle mai.

"Bridget engthil pawh ni se kan kal chu angai ang. Mahse nangmah chauha kal i duh anih paw'n ka hnial lo che," Rose chuan ka hnunga ben thek thek pahin, "Tunah chuan ka ril ațam tawh hle mai, ka nghak rei hle tawh si che a."

"Min nghak a maw? A ngai lo asin, i lo ei daih tawh ang chu ka tia..." ka zui ve nghal a.

"Ka pa chuan a ei daih tawh alawm, hnalama a kal angai si a, enkawl țha hle tur chein min chah bawk a, nangmah chauha awmtir lo turin min hrilh zing hle bawk asin."

Ka nui lui sak a, "Naupang chhia ang maiin min la en anih hi," ka thinlung erawh Rafe hnenah chuan a awm daih thung.

Tukțhuan kan ei kham meuh chuan dar 11:30 a lo ri der tawh a, ka ngaihtuahnaah chuan hna lam chu ka țan vat ngai niin ka hria, ka rilru buai lutuk te hi a ziaawm mahna, bakah ka hmangaih ber Rafe chu ka hmu reng thei dawn sia.

Ka inbual a, Rose-i room a thil tih fel tur te chu tifelin thlalak te chu ka ennawn leh țhin, Rose chuan hlim hmel pu reng chungin min be zel bawk a, ka ning mah țhin. Mahnia inngaihtuaha rilru kawm ve te ka duh ngawih ngawih si a.


Zanriah ka kil lai chuan Pate John-a chuan, "Bridget zanin chu Rafe-a inah in kal dawn tih ka lo hria a, hun hlimawm tak hmang ang che u," hlimse min duh tak zet tih chu ka hria.

"Engtin nge kan kal dawn tih i hriat," mak ti zet chuan ka thil ei lai tawp meuh in ka en hu a.

"Rafe khan i awmna chin a hriat loh avangin nizan ka muthnu khan min lo bia alawm, a duh tak zet che niin ka hria."

Mak tak a ni, chutiang leh zel engtin nge a hriat pawh ka ngaihtuah pha hrep lo ve, ka hawihai lutuk hmel chu a hmu a ni ngei ang. "Hmangaihna tel lo se ani hian a zawngin a buaipui peih hauh lo ang che," min melh ralh a, a nui suk bawk a...
To be cont..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 12th, 2017, 2:03 pm

LAST KISS 12
CHAPTER-12
By-Peki Ralte



Ka ngaihtuahna buai nuai kara Rafe in a kan kal tur chuan ka ngaihtuahna a ti buai zual hle a.

Rose-i chuan a phone ri chu rang taka la in thinrim zet chuan "Tunah kher hian maw?" A ti chuai raih a.

Ka lam chu lo hawiin, "Bridget pawi ka ti hle mai, "Hna lamah ka kal angai a ni, a pawimawh hle si a."

"Tun ang zanah hian maw!?" Mak ti zet chuan ka lo ti let hu a.

"Kan pu nupui a lo thleng a, Farm-House chungchang a ni ngei ang, hmeichhe khirh lutuk" lungawi lo tak chuan a ti zui sap a.

"In siam ang le, Rafe pawh alo kal țep tawh ang," inchung lamah chuan ka zui chho ve nghal a, Rose-i lo tel ve thei lo tur chu ka lungngai hle.

"Nalh i tih ngei ka beisei," Rose-i kawr ken lai chu senno tak niin a nalh hle tih chu ka hria.

"Rose inchei angai kher em ni? Rilru buai lai lai a, inchei lam ka ngaihtuahnaah chuan alut hauh lo.

"Bridget ti teh, Rafe hmu tur i nih hi," a kawr chu ka kutah chuan a rawn hmeh bel chawt zui a.

Rafe chuan ka mut lai te, ka zing tho hlim te min hmu chiang vek tawh, lan nalh tumna ka nei lo hle, bakah rilru buai takin ka awm mek si a.

"Hlim tum teh, hlim lo taka i awm khan enge rah chhuah a pek che ni? Tunah chuan ha tawh teh khai Bridget," darthlalang hmaah chuan a ding zui nghal a.

Phur fahran lo chuan ka ha ta nge nge a, ka khup a khuh vel chiah a ni, 'pawnlam chu a vawt hle awm si a' ka ti rilru nauh nauh bawk a.

"Lo kal teh," ka bânah chuan min rawn kai chhun zawmin make-up chu min hnawih nghal mawlh mawlh a.

Ka rilruah erawh chuan ka kawr hak leh make up chu ka ngaihven lo hle, ka nu leh pa te chu ka mitthlaah an lo lang leh țhin a, ka thu hriat mak tak tak te chuan ka thinlung chu an deng na em atin ni.

"I nalh tak zet," Rose-i chuan uluk zet chuan min en a, "Tunah chuan Rafe pawh a lo kal țep tawh ang," min nuih var var chung chuan ka pheikhawk bun tur chu min pe nghal a.

Kan chhukthlak hnu chuan Rose-i chuan a motor chahbi chu lain, "Bridget hun nuam tak hmang ang che, i rilru buaina te hi paih bo vek rawh, ka kal a nge" tiin a chhuak zui nghal a.

Pawnah chuan chhuakin pawnlam ațang chuan Rafe chu ka lo nghak ta zawk a.

Rei lo teah Car dum tliang nalh zetin ka hma ah lo ding in a khalhtu chu Rafe-a nilo in, a Driver Hudson-a kha a ni tih ka hria.

"Ka pu chuan a lo lam hman ta silo che a, min rawn tir ta a nih hi," hawihhawm tak chuan ka luhna tur chu a hawng zui nghal a.

"A buai hle a nih dawn chu," a mawiah chuan ka lo ti ve bawk a, Rafe chu ka hmu chak tawh hle si a, ka lungni lo hle.

Motor ka chuan lai chuan ka nu le pa te bak engdangmah ka rilruah a awm thei lo, ka mit chu chhing vang vangin hun liam tawh chu ka mitthlaah an lo lang uai uai a.

Rei lo teah Car chu a ding tih ka hria, Hudson-a chuan ka chhuahna tur kawngka chu alo hawng leh nghal bawk a, ka rilruah chuan 'hetia tih zel kher hi angai lo asin mawle' ka ti nap nap a.

Kan chhuah chiah chuan tualzawlah chuan Rafe, palian zet chu ka lam panin a lo kal hnai tih ka hria.

"I lo thleng ta maw?" Rafe chuan min rawn fawp zeuh a, "I țha em? Na te i nei lo maw?" Min ngaihtuah zia a hmelah chuan alang, "Bridget i va dawldang em em ve," ka kut chu lain a hmer vawng vawng a.

"Ka țha alawm," ngai tih hriat tak chuan ka en vawng vawng a, Rafe ka hmuh leh chuan ka thlaphanna te chuan ziaawm lam an pan tih pawh ka hria.

"Rose-i hmel hmuh ka lo beisei asin."

"Hna pawimawh takah a kal thut angai atin ni."

"Keimah ngeiin ka lo lam tak loh avang chein thupha ka chawi e," ka kawngah chuan vuanin min kal pui nghal a.

In chhunglam kan thlen chuan tumah an awm lo chu mak ka ti hle a. Eng emaw thil tih awm dawn avanga a In a min hruaiah ka lo ngai si a.

"Hello Bridget."

Ka meng phawk hraw a, "Logan" ka ti sap a.

Logan-a chu lo kal hnaiin min rawn kuah bawk a, a kut lehlam chuan a thil ken chu min pe zui nghal a.

"Phone maw? Hei hi engtin?" a ngaihna hre lo tak chuan Logan chu ka en reng a.

"Hei hi Lawngah khan i theihngilh a ni, a tuka rawn pek che ka tum khan, in lo haw hman tawh si a," a hmelah chuan lungawi lohna a lang a.

Ni dawn tak e, ka phone awmna ka hriat loh avangin ka nu leh pa chanchin pawh Rafe hnen rawn thlen an nih tak kha.

"Ka tihpalh lutuk Logan, ka hrilh hman ta si lo che a, pawi ka ti hle mai," in thiam loh tak chuan ka melh let ve bawk a.

"Logan hi nizanah a lo thleng a, a hmu chak tawh hle bawk che a ni," Rafe chu lo kal pheiin a thawmhnaw inbel chu a lo in thlak tawh a, a awmhmun thuam inbel chu a inhmeh em em lehnghal.

"Ka lo zawng ngei ang che ka tih kha, mahse zawn ngai lova kan in hmu thei hi ka lawm takzet," Logan chuan min nuih var var a, a nui hmel mawi tak pawh kha ala ngai rengin, kei hian ka lo ngaihtuah chhuak tawh lo zawk mai a ni.

Rafe chu ka bulah chuan lo țhuin "Bridget," a hmel chu a thutak hle a, a kut pahnih chuan ka lu-ah dawmin "Pawi ka ti hle mai, naktuka zin tur ka ni a, mahse zaninah ka kal a ngai dawn ta si a, chuvang chuan ka Driver-in a lo lam ta zawk che anih kha."

Zaninah maw! A zin tur thu a sawi chuan ka țah a ti chhuak hial zawk a, ka mamawh em em lai a ni asin, ani leh zel a awm loh chuan ka rilru chu a baihvai hle bawk.

Jace-a chuan kan boruak chu hrethiam ni awm takin a inthiarfihlim tih pawh ka hria.

"Bridget," ka biang bulah chuan a thaw lum ham ham a, "I țha tak zet tiraw? Nizanah khan i awm si lo va ka lo kal asin, ka mangang hman hle a ni, i Pate John-a ka lo biak hma kha chuan zawn chhunzawm zel che ka tum a ni."

"Rafe zanin teh thuta kal chu engthil nge ni reng reng?" ka zawhna chuan a ti lungawi vak lo nge, a in la hrang hret a, a hmel chu duh aiin a rum lam țep.

"Bridget ka lo let leh hunah chuan engkim ka hrilh thei tawh ang che, engkim ti fel tura kal ka ni," chiang zetin min en a, min fawp zui nghal a.

A thil tih fel tur chu Italy-ah daih maw? Mak ka ti hle a.

Duhthawh tak chuan min fawp zui zelin, ka ngaihtuahna fim pawh chu a nu leh bulh tawh a, "Ka lo kir leh hunah chuan nang nen hian kan awmdun thei tawh ang," ka beng bulah chuan a ti sap a.

Chu thu tluka ka tana mawi a awm lo, ka van hlim tak em, he pa bula ka damchhung hun hman chu ka thlakhlelh ber a ni si a, lo let vat se ka ti hle bawk.

"Tunkar tawp zirtawpni-ah hian ka lo haw ang, chak takin lo awm ang che, i damlo hmel ka hmu duh tawh hauh lo tih hria la."

A mi fawhna chu ka lo dawngsawng țha hle a, ka lo thlahlel ngawih ngawih tawh si a.

A kut lian zet chuan ka taksa te chu a zut leh heuh heuh tawh a, ka harsat manganna zawng zawng chu lak bo ang mai an ni.

Ka kawr hak lai dar lehlam chu a nuai thla puat a, "Jace" ka ti sap a.

"Hlauthawng suh a lo kal lo ang, tih pah chuan min pawm kang lawp a, a room-ah chuan min hruai lutin khumah chuan min nghat zui nghal a.

"Bridget ka ngai tawh tak zet che a ni," zawi muang chuan ka taksa bung hrang hrang chu a fawp zel a.

"Kei paw'n Rafe," ka lo ti ve sap a.

"Ka ngaihtuah zia che hi i hria em? Nizan avanga ka hlauhthawn hman zia te kha, min kalbo san ta emaw ka ti a sin." Ka pum vel chu a chul ruai bawk a.

"Rafe i hriat kha ka kalsan ngai lovang che ka hmangaih lutuk che," ka aw pawh chu a țial ruai a, ka zak deuh bawk.

"Bridget kei paw'n ka hmangaih zia che hi ka hria a ni," ka kawr chu a phelh vek tawh zawk a.

Rafe-a chetzia leh mitmengah chuan kan thil tih mek lai chu puitlin vat a duh tih ka hria, kei erawh ka chiang hauh lo, mahse ka hmangaih tak zet a, alawmna tur a nih phawt chuan ka pasal la ni lo mahse hnialna ka nei hran tawh lo tih chu ka chiang thung.

Ka hmui te chu na si lovin a seh ner ner a, a kutin ka hnute a tawh lai te chuan ka lo thaw leh hak țhin, a mipatna chuan ka mal velah chuan a lo do leh run țhin tih chu ka hre bawk.

A kawr chu phelh ve nghalin ka beng bulah chuan "I duhthlanna tel lo chuan ka che hauh lovang."

Chu aw chuan ka hmeichhe nihna a zah hlein ka duhthlanna a ngai pawimawh hle tih hre mah ila eng emaw ti takin ka thin a rim țep thung.

A phone chu alo ri ral ral a, "Ri mai mai rawh se," a ti bung nghut a.

"Rafe nupa kar lovah chuan ka duhdan a ni ngai lo țhin a lawm, mahse tunah chuan i thu thu a ni e, keipaw'n ka mamawh che a ni," zak hle mahila ka thinlung chhung chu ka sawi lang a ka lawm tho.

A khi suk a, "Bridget ila chiang chiah lo a ang mah zawk, mahse duhthlan nan chuan a tlai tawh mah mah."

Phone chu a vawi thum nan chuan a ri nawn leh a.

"Hrep tak chuan, tu phiangsen chu nge le?" Thinrim hmel ruh țul chuan a ban zui nghal a.

Meng phawk deuh hruin, a hmel chu ngui na chuan a thlak danglam nghal, "Ka lo chhuak nghal dawn e," phone chu a dah zui nghal a

"Ka kal a ngai tawh a ni," duhthawh tak chuan min lo fawp leh vawng vawng a, "Zirtawpniah ka lo haw ang."

Hmanhmawh tak chuan a inha nghal mawlh mawlh a, mak ti zetin ka lo en reng thung.

"Ka awm loh chhung chu Logan-a hi ka in ah a awm ang, a hnathawhna leh a in chu a in hlat hle si a."

Logan-a chuan London-ah sumdawnna a nei tih chu ka hria, In a nei tih erawh min hrilh hauh lo a nih kha.

"Bridget, I duh hunah ka Driver-in a thlah ang che, hun tlem te chauh ka nei tawh, ka kal angai" a bag chu lain chhuah a tum nghal mai chu rawn let leh in ka bulah chuan a ding a.

"Ka hmangaih che, hlim takin min thlah teh khai, kei paw'n kalsan che hi ka duh hauh lo, kan pahniha kan awmdun theih nan ka kal angai si a ni," ka chalah chuan a rawn fawp zauh a.

"Ka hmangaih che Rafe, dam takin lo kir leh ang che," ka nui lui hram a, Rafe pawh chu a chhuak zui ve nghal a.

A chhuak chiah chu ka mittui chu a tla nghal zawih zawih a, in hmu leh tawh lo mai tur leh rei tak zin bo tur ang mai chuan ka ngai tlat a ni, chhuata ka thawmhnaw tla chu ka en reng a.

'Logan,' ka ngaihtuah chhuak thutin, ka thawmhnaw chu inbelin ka chhuak zui ve nghal bawk a, room ațanga step ka pan thlak lai chuan inhnuai țhutna a țhu Logan chu ka hmu thei a, ka zam hle bawk.

"Bridget zahna tur a awm hleinem," aw dam tak chuan Logan chuan min lo bia a.

Logan bawk chuan, "A hma khan thudik tak min lo hrilh la țha tur," demna mitmeng chuan min melh ram a.

"Ni lo Logan, engtin nge ka hrilhfiah ang che, khatih hunlai khan engmah a awm hauh lo, a lo thleng chawpchilh mai a ni," ka ti bah deuh nawk nawk a.

Logan-a chu dingin, "Inthiam lohna tur a awm hleinem, thiam lohna i nei lo, pawnlamah kan țhu dawn em niang?" Min melh leh zauh a.

Pawnlamah chuan ka zui chhuak ve nghal bawk a, țhutna nuam zetah chuan țhuin, zan boruak chu nidang aiin a vawt lo hle a, a nuam hle bawk.

"Bridget, Rafe hi engtiang chiahin nge i hmangaih?" Chiang lutuk a min enin a thutak hle bawk a, a zawhna avang chuan ka hamhaih hle bawk.

"Ihh, ihh, englooo..."

"Bridget ka duh che tih i hriat kha, mahse chu chu inthlahrun nan hmang suh, i țhianțha tak ang khan min en leh ta che." A thusawi dan chu mak ka ti hle a, ka hmangaih zia chu engvanga hre duh kher nge maw a nih le?

"Logan, Rafe hi ka nunna ai pawhin ka hmangaih a ni," ka sawi reng lai pawh chuan Rafe-a chu ka mitthlaah lo langin ka ngai hliah hliah a.

Logan-a mitmeng chu a danglam nghal vek a, min duh hle tih ka hria, a mi duh tak
in mipa dang a hmangaih tih a hriat avang a, lungngai a ang lo hle thung.

Logan-a chu pa țha tak a ni si a, a țhianțha ber bialnu chu a duh ber hmeichhia pawh chu ni se, alawm pui ang tih ka chiang a ni.

"Ka lawmpui tak zet che u, chutih rual chuan Rafe-an nang ang hmeichhia atawng hi ka lawmpui zual bawk," a hmelah erawh thildang daih ngaihtuah a ang hle thung si.

"Bridget harsatna emaw, min mamawhna i nei anih phawt chuan min hrilh hreh suh ang che, i tan ka awm reng tih hria la, țhianțha tak angin min en chhunzawm zel bawk la ka duh a ni.

In haw tak hnu khan nikhat lek nang nen hun kan hmang tih ka hria, mahse mak tak maiin ka thinlungah i thi ngai hauh lo, ka vawikhat hmuhnaah che khan, ka duh hle che tih ka hria, mahse i awm loh tak hnu ațang khan ka hmangaih che tih ka hre bawk.

Keipawh hian mak ka ti hle a sin, hetiang thil hi ka la tawng ngai hauh lo, mahse nang chuan i nunna ai pawh a hmangaih i nei tawh si a, ka lawmpui che a ni."

Mak ka tih em avang chuan ngawi reng chuan ka en tawp a, kei pawn rei lo te chhungin Rafe ka hmangaih lai reng ka hre hman lo anih kha.

"Logan, a pawi ka ti kei hian.."

"Bridget, i chhanna ka duh ngai lo tih i hriat kha, min chhang tur pawn ka duh hek lo che, i hmangaih chu ka hre tawh alawm, mahse nang hian tu emaw hmangaih em em tu che hi an awm reng a ni tih hria la ka duh tawk a ni mai."

Logan hi mak ka ti zual tulh tulh, a hmangaih ber hnen ațang hmangaihna phut let ve hauh lo in, a hmangaih a ni tih hrereng se chu chu a duh tawk a, ka khawngaih hle zawk mai.

"I tan ka awm reng tih hria ang che, engtik hunah pawh țanpui i ngai a nih chuan min hrilh hreh suh, ka hmangaih che tih ka sawi avang hian i țhianțha ka nihna hi dah bo lovin nem nghet zawk ang che." Chiang zet chuan min enin a nui suk a.

Logan-a ang pa fel leh rilru zau lutukin kei kher min lo duh ve hi pawi ka ti hle, kei ni lo hmeichhe dang nen in hmangaih takin awm se chu chu a phu hliah hliah bawk.

"Tunah chuan London-ah ka awm a ngai rih a, ka unaupa a damloh avangin kan company chu ka enkawl angai a ni."

"Hetah i awm rih dawn tih hriat chu a nuam tak zet e," ka lawm hle tak tak bawk, a bul a awm hi a hahdam thlak reng țhin si a.

"A tlai mah mah tawh tlat, ka haw angai tawhin ka hria."

"Ka thlah ang che, mahse i haw hmain i sam vel kha tuai mam phawt la," min en chung chuan a nui vur vur a.

Ka zak hle mai, Rafe nen khan hmangaihna chendunah min ngai a ni ngei ang, phone-a be tu kha awm lo se zawng kan chendun ngei bawkin ka ring.

"Driver-in min thlah thei alawm, tihbuai kher che hi ka duh lo."

"Mahse, ka thlah duh che alawm," min kai zui nghal a.

"Bridget engtikah emaw, ka inah zanriah min kilpui duh ang em?" Motor kan chuan lai chuan Logan chuan mi zawt a.

"Tehreng mai, ka chak lutuk alawm," Logan mifel tak chaw eipui leh chu ka thinlung pawh chuan a hnial hran lo hle.

Eng engemaw chu a sawi hlut a, ngawi reng chuan ka lo ngaithla a, ka țawmpui tihlan nan chuan ka lu ka lo bu leh nghauh țhin, mahse ka thinlungah erawh Rafe chu awm rengin, ka mamawh em em laiin min kalsan si a.

Pate John-a te in kan thlen chuan a tlai tawh hle tih ka hria, ka chhuak nghal a.

"Bridget in enkawl țha ang che, kan inhmu leh thuai dawn nia muttui aw," tih pah chuan min kuah zauh a.

"Muttui le Logan," ka inher a kawngka lam chu ka pan zui nghal a, ka chhungte chu an mu vek tawh a nih ringin room lam chu ka pan chho ve nghal bawk a.

"Bawihte, i va rei ve Jace-an a nghak rei tawh lutuk che asin," Pate John-a chuan room ka luh hma chuan min lo bia a.

"Jace maw?" hmu tur chuan ka la inpeih lo hle tih pawh ka hria, Rose-i erawh a mu tawh a ni ngei ang.

"Chokaah a nghak reng tawh che a ni, jace chu i pa a ni a, i pa ang a i en thei lo anih pawhin, a tawrhna tal chu hriatthiam sak ve ang che," John chuan min lainat hmel tak chuan min en a, a room-ah chuan a lut zui nghal daih a.

Hreh zet chuan choka lam chu ka pan a, ka lungphu chu a rang em em bawk, ka hma a ngaihtuah muk tak nei tih hriat tak a, pawn lam lo en vang vang ka hmuh chuan ka ding deuh dawt a.

"Bridget, ka lo nghak reng tawh che asin, min hmu duh lo anih paw'n ka thusawi tal chu ngaithla la ka duh a ni." ka lam chu lo hawiin, inthiam lo tak leh hrehawm tih hmel tak chuan min en a.

"Engtin nge ka awmna i hriat theih, nang hmu tur che hian ka la in peih tawk lo a ni," ka zam hle a, mahse zam ang a awm ka tum hauh lo, ka kut chu ka hum ruh a.

"I in ah khan ka lo kal alawm, mahse ilo awm si lova, John-a hnenah i awm ngei ringin ka lo kal ta a, i lo awm ta reng bawk a nih hi," a hmel chuan ka pa min hriatchhuah tirin, an in ang kher em a ni.

"I in iti elaw, nangma in niin ka lo hria a," elhsen zet chuan ka ti a.

"Bridget, thutam sawi tum a lo kal ka ni lo, John-a hnen ațangin engkim i hre tawh tih ka hria, ka sawi duh zawk chu kha'ng thudik te kha i pawm thiam hun ka lo nghak reng a ni." A hmel chu a lungngai hle a.

"Ka nu leh pa te ber an awm tak loh avang in, in thusawi zawng zawng te hi thudik a ni vek kher hleinem," awih lo tih hriat zet chuan ka en chho va a.

Chiang taka min enin, "Bridget, ka hrethiam che, i chungah hian thil zawng zawng hi a thleng rang teh thut em a ni."

"Mahse, nang chuan ka nu leh pa te boral ta chu i lawm viau ang chu, ka tawrhna te enchhin tum hauh suh."

"Ni lo, ka unaupa nen hian kan inkar a țha lo hle tih chu ka hria, mahse boral mai tur atan chuan ka phal bik lo asin," a kut chuan a hmai chu zawi muanga tuai thla in, a thaw deuh halh a.

"A nih chuan an boral khan i awm lo a ni lawm ni, London-a awm ve reng chung siin," za lo tak chuan ka nuilui sak a.

"Ka awm alawm, biakinah leh tlanmualah khan.. Mahse, a ruk thei ang berin."

"I unaupa leh a nupui chu an boral a, a ruk thei ang berin i lo awm a maw?" ka melh nghek bawk a.

"I hmel kha ka hmu thei lo a ni, i bul hnaia ka awm chuan hun lo takah mi zawng zawng hian kan in laichinna hi an hriat ka hlau a ni," țhuhphahah chuan zawimuang in a țhu nghal a.

"Jace ka rilru ka thlak anih chuan ka lo hrilh ngei ang che, mahse in thusawi zawng zawng te hi awih tur a ni nge ni lo, ka chian ve phawt angai a ni, ni lawm ni?"

"Chuan he thu hi ka hrilh duh bawk che, saw in saw ka in nilo in, nangma in ngei a ni e, John-a te bul a i awm hi angai kher lo, let leh la ka duh hle bawk," a ngen a min ngen a ang mah zawk a.

"Ka in ni lovah ngaihngam takin ka awm thei lovang," ka luhlulna chu ka chhuah lui tlat a.

"Bridget, i tetlai zawng khan ka pawm chak che a, infiampui te ka chak em em țhin bawk che a, kal zirtir te kha chak ve țhin asin, zan mut dawna i chal a fawh hnu a mut te kha ka chak ber ber te anni țhin asin, mahse chutiang zawng zawng chu ka tan a rem ve lo a nih kha." A sawi zâwng pawh chuan a tuar hle tih alang.

Ka rilru pawh chu a hnehin, ka pa ngei anih chuan ka pa chu ka khawngaih ve hle a ni ang, ngawi reng chuan ka en ringawt a.

"Engkim kha hrilh che a, neih let che kha ka duhber ni mahse i natna tur anih tawh tlat avangin ka thei lo a ni, kum i tlin hun, rilru puitling i neih hun chu ka lo nghak ta char char zawk asin." A hmel chu a nguai hle a, a khawngaih thlak hle bawk.

A thusawi te chuan ka mittui a ko chhuak tih ka hria, mahse a tla tur a ni lo ka duh hauh lo.

"Jace min kalsan tawh rawh, tunah chuan ka nu leh pa te ka sun chiah a ni a, tin heng thu mak tak tak te hi hre leh in min țhawng hle si a, mahni a inngaihtuah ka duh a ni," ka luhlulna leh chapona te chu a zawr vek tawh tih ka hria, ka buai tak zet a ni.

"Bridget naktukah chuan i In ngeiah haw la ka duh a ni, kei min pawm thei lo anih paw'n, saw In tal saw chu i nu leh pa te nen in awmna a ni tih hrereng la, keimah vang chuan hnuchhawn reng reng suh," lo kal hnaiin chiang tak chuan min en a, a fanu chu kuah vawng vawng a chak tih chiang takin ka hria.

"Ka lo ngaihtuah ang, John-a pawh ka sawi pui angai alawm."

"Ka kal tawh ange," hreh hmel tak chuan chhuak nghalin, a lo hawi let tawh miah lo bawk.

Rilru buai tak chuan ka mu a, Rose-i muhil tui tak chu ka awt hle.

Engvangin nge a fanu nghak rengtu chu ka huat tlat ni, a fanu chu pawm a kuah te a thlahlel ve ngawih ngawih si a, hun kha leh chen kha a lo nghak tawh a, keiin ka lo hnar leh si ang maw? Jace-a hmel lungngai tak leh hrehawm hmel chu ka mitthlaah a lo lang leh uar uar a.

Min tihnat duh emaw, ka pa In chu neih tum ni se zawng let leh turin min ti hauh lovang, bakah a mit ngei ațang khan thudik a ni tih chu ka thinlung hian a hre tlat a ni.

Ka nu chu bum a lo ni reng a, kei pawh chutiang bawkin, thudik ka hriat hnuah erawh ka pa chu ka huat phah hauh lo, ka hmangaihna chu a ngai reng tih ka hria...
to be cont...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)