LAST KISS (Competition)

[Ngaia]

LAST KISS
( Chhiar a awlsam nan zantin hetah hian kalo dah belh thin ang)

(Competition)

Thuhma tlem.
Story hi ka vawikhat ziah na tur tak meuh meuh ani a, chhiar tu te tan a ngaihnawm loh hle ang tih pawh ka hria. Mahse he thil hi mi pakhat nun a pawimawh tak anih avang in ka theihtawp ka chhuah ve a.. Ka rawn ti ve hrim hrim pawh hi ka lawm tawk emem ani. Tih danglam erawh ani nual thung, min lo chhiar sak ve hram tur in ka ngen tak meuh che u.

CHAPTER ONE
Thlasik khawvawt tak hnuai ah chuan, lung hnur tak leh thinrim teu in ka kal zel a. Ka kal dawn a ka nu in inthuam lum tha hle rwh, pawnlam chu a vawt ania atih chu ka hre chhuak rum rum a.

Chu London khawpui vawt tak chuan, ka taksa te chu a hmet na thum a...thli thaw vuk vuk te vang chuan ka hnar pawh chu a ser hlar tawh tih ka hre mai. Engvang teh hrep a hun khawh ral a kal nge maw ka nih le, ka thin a rim hle a ka lunghnur hle bawk, in thlen hlan nghak hlel tak chuan ka kal chak zual sauh a.

In a ka luh rual chuan, ka nu ka chhun em em mai, sam buang thak mit meng pawl in khaithli thlerhthlawrh chuan ka hmel ah chuan a hre thiam mai a. A kawr par fual hak pawh chuan ati lang naupang in a in hmeh tak zet.

"Bawihte, itan hun tha ala in her chhuak emem ang lungngai mah ta che," ka chal ah a rwn fawp zauh a, ka nu in duat tak a min han fawp vel chuan ka rilru ati na thar a, ka in sum hram hram zawk ani.

"Nu hna zawng in ka buai reng a, vawi li lai mai interview ka hma chhawn tawh mahse,hnawl ka ni zel, mite hian eng ang thiam na emem nge maw an neih bik le?"

"Bawihte kum 18 ini ve tawh, puitling inih ve tawh hi i rilru no tak hi, paihbo tum tawh teh."

Ni e, a dik pianpui neilo keimah chauh ka nih avang in ka rilru ana hma in, ka mittui pawh a apawn lang emem reng a, ka nu emaw pa emaw tello chuan engmah ka hmachhawn ngai hauh lo. Chu chu mi tam tak min sawi dawn pawh ni reng a, pian nalh tak leh hmeltha tak a min sawina te chuan ka nun chhung ril khawhar na te chu a hliah khuh zo der silo.


"Nu, a vawt takzet ani ka dam lo mai dawn in ka hria, ka mut lum phawt angai zanriah ei dawn ah minlo kai tho mai ta che," tih pah chuan in chung a ka room lam pan chuan ka chho gal a, ka lu na ut ut te chu dawm pah in ka puan lum nuam tak chu ka sin nghal bawk a. Ka muthilh lai reng ka hrelo.


"Bawihte tho rawh le, zanriah peih fel ani twh," ka ril pawh a tam tawh takzet ani, in hnuai lam chu ka pan thla nghal a, ka nu le pa te chuan dawhkan ah chuan minlo nghak reng tawh zawk a.


"Bridget vawin i thil tih na a, i tluang lo tih inu in minlo hrilh zo chiah a, engvang a ka hnathawh na ah chuan sawipui mai che chu duh lo tlat nge maw inih le?"


"Kapa, kum 18 ka ni tawh mi zawng zawng in a an sawi, rilru no tak leh nu leh pa tello a engmah ti thei lo nih ka tum tawh lo. Ka hna tur chu kei mah ngei in ka hmu ang."


Ka pa chu anui suk a, "Chutiang rilru i pu chu i puitling ve tawh takzet anih chu, Bridget bawihte i beidawng te anih chuan min hrilh nghal dawn nia."


"Chutiang chu a thlen loh hram ka beisei ka ti let ve nghal a.


"Naktuk ah, BRANDROOT company in P.A tur lak an tum tak kha enge i ngaihdan le?"


Chu zawh na chuan min tih hlim rual in ka huphurh hle bawk,BRANDROOT ka hriat ringawt pawh chuan ka zam ani. "Pa hetiang company lian lutuk ah te chuan, ka tling lul lovang, company te tham tak tak te pawn min hnar reng lai a,"


kanu chuan "Bawihte itan hun tha a in her chhuah ni pawh ani mai thei asin," a rawn tih zawm nghal bawk a, ka fanu hi a hmel tha emem a a nalh emem bawk si,kei chuan a tih theih ngei ka ring tlat ani, a nu chhun tak a aluh lul zia te hi an hre ve lo mai mai ani ka pa chuan a rawn ti veleh nghal a.


Ka thil ei pawh chu ka puar nge puar lo pawh ka hrelo, ka thawhsan a ka nu leh pa te chuan, enge an sawi pawh hre tawh lem lo in pawnlam ah ka chhuak a,thutna ah chuan pawn thli thaw heuh heuh chu ka dawng a,ka rilru a buai tak zet ani. Naktuk ah chuan ka kal angem kal lo angem? Chu zawhna chuan min ti buai hle a, hnawl ka ni leh dawn tih in hre tho mah ila beiseina tlem te chu ka nei ve ani.


"Bridget ka fanu, hlauthawng mah ta che, i tling lo anih pawh in a pawina a awm chuang hleinem," kapa chuan ka lu a dawm pah chuan, "I duh phawt anih chuan, kan company ah chuan ka sawipui thei reng che ania," i thawh thiam tur zawng pawh atam khawp ang ati a.


"Ka pa, i puihna tel lova mahni a in hai kuak hi ka duh ve tawh ani,ka beidawng anih chuan ka hrilh ang che, Naktuk chu a tawp nan ka bei leh tur ani."


Ka chhan na chuan ka pa hmeltha tak leh palian tak,zaidam tak a fanu tan a engpawh huam chu ati nui suk a, a mit lian lutuk lo leh a kamis hring hak chuan a ti naupang zual sauh in ka hria, alan dan chu tlangval thalai tak ala ang ani.


Kei chuan, "Ka fanu hi a tlin ka ring tlat ani," tih pah chuan ka chal ah a rawn fawp a, '
"Mu lum tawh rawh pawnlam vawt tak hian, a ti damlo hlauh palh ang che," atih zawm zat a.

Kapa chu ka zui lut ve nghal bawk a,ka nu ka mangtha hnu chuan room lam ka pan ding nghal a. Naktuk lam a ka thil tih tur te ngaihtuah ran chung chuan ka in let ka in let leh thin a,ka huphurh em ani. Rei tawk fang ka rilru kap tu chu ka muthilh san ve thei hram a.


"Morning bawihte, tho rawh le,nizan lam i mu tha vak lo aningei ang. Tukthuan ka peih tawh ania hna ka tlai dawn ipa pawh nangpawn tih tur i neih kha"


ka in perh tho nghal a, "Nu nga tinge min kaih thawh hma deuh loh, tih tur ka nei tih i hriat reng te chuan,"

Nuisang chung chuan, min puh leh ringawt thin teh suh, ka vawi hnih kaih thawh na che ani tawh alawm,i mut duh lutuk hi chu a reh theilo anih hi, lo in tifai la lo chhuk ang che." khawngkhar ri chuan a zui nghal a.

Ka in ti fai zung zung a, choka ka thlen meuh chuan, ka pa pawh chu hmanhmawh em avang chuan alo kham tawh zawk a.

"Ka tlai dawn bawihte, vawin ni hman nuam le,dar 11 anih kha aw itlai ange," tih pah chuan a chhuak nghal a. Ka nu pawh chuan, "zamlo la i thei ani tih pah chuan a chhuak ve nghal a, kan eina te chu ka ti fel a...zinglam ah hi chuan ka tih dan pangai ani reng bawk thin.

Room lam chu ka pan ding nghal a, ka phurna chu ka zamna chuan a delh rit zawk mah, hun ka nei tam tawh lo enge ka hak ang.. Nalh ka tum thar thut chu mak ka ti hle zawk,interview ka hmachhawn apiang in ka in chei ngai hauh lo.a awm loh na a awm hran lo company lian leh hmingthang tak a interview tur ka ni miau a,ka awmhmun nen chauh chuan interview pawh hmachhawn lo in ka tla hial thei ana tih ka hre tkat.

Ka hmai chu uluk tak a ka chei hnu chuan,ka birth day a ka pa min pek kawfual wine senduk rawng chu ka ha a,ka sam buang thak chu ka thlah a a kawi lam tep ani. Darthlalang hma a ka din chuan ka pian chu duh ai in a lang chiang mah mah tihloh ah chuan, ka birthday ni a ka hak pawh khan hetiang reng hian ka in hmu nalh bik hauh lo anih kha.


Ka sana ka en zauh a, ka phu zuk thei hial ani. Ka tlan chhuak nghal a taxi chu ka phar ding nghal bawk a.

" BRANDROOT company ah aw, hmanhmawh la khawngaih in ka tih zawm nghal a."

Driver pa te lam hmuipan tak chuan, "I nalh hle mai, ni pawimawh tak ani tih i hmel ah a lang vek alom," a khi suk a.

Mahni lo mah a rilru hah buai nak lai a,min be tam ang tih ka hlauh em avang chuan, "Ani alawm" tih bak in ka chhang lo,min biak zawm tawh loh avang chuan ka lawm hle bawk.


Thli chu a thaw heuh heuh a,ka kawr hak chu a fuh chiah lo engvang a in thuam lum na chang hrelo nge maw ka nih le? Thlasik ani tih ka hre reng si a,vawt ka ti tan riau leh ngal. Sana chu ka en zauh a "Pawi lutuk" ka ti sap a.


Ka thu sawi chu a hria ani ngei ang, Driver chuan "Lungngai suh, kan thleng tep alawm," tih pah chuan a khalh chak zual sauh bawk a,kan thlen meuh chuan dar 11:25 a ri der tawh.


Pawisa chu ka pe a hmanhmawh tak in ka chhuak nghal a,nilo ka tlai takzet ani engtin nge ka tih tak ang,ka rilru buai ltk chu in thunun ka tum hram bawk. Ka hma a building lian lutuk mai chu ka en reng a,lian tak a BRANDROOT tih in ziak chuan ka tha te chu a ti khur a ka tiril ah min man tlat ,ka tlai tawh hle bawk nen. To be cont....

CHAPTER 2

Hmanhmawh tak in ka hma a khawngkhar lianpui ah chuan ka lut a, hmeichhe pakhat chuan...

"Nula puih theih na che ka nei em?"

"Tehreng mai, P.A hna interview tur in ka lo kal a," a nui suk a. "Chhawng li na ah aw."

Hmanhmawh tak in ka kal hlawk hlawk a,ka thlen chuan hmeichhe pakhat rai puar dul lian tak fa hring tep tawh hmel pu chuan , min melh ralh a, "Enge mamawh i neih le?"


"P.A hna interview tur a lo kal ka nia," a then sak a, a hmui a ti pawrh tarh a.


"Interview hun chu a tawp twh. Hun pawh vawng dik theilo chuan hna thawh i tum chu ani sia," tawngkam nel awm loh tak chu ka hai der lui ve tlat bawk a.


"Hetiang company lian tak ah te chuan, interview tam tak an awm kalo ring a..inla zawh mai pawh kalo ring hleinem," ka ti let ve sak bawk a.


Ka rilru chu abuai takzet, ka in chei uluk tehreng nen, vawi li lai mai interview hmachhawn a hnawl ka nih hnu ah, a vawinga na ah pawh interview hman lo in hnawl ka ni leh nghal ang maw? Thlasik lai mah nise ka sa hut hut a, ka kut thlan chu ka nuai reng bawk a.

"Ka pi, he hna hi ka mamawh takzet ani. Khawngaih in," ka tih pawh chuan, min ngai pawimawh vak lo hle tih a hriat theih.

"Nula, interview hun chu a tawp tawh. Haw leh tawh zawk mai rawh ka hun min khawhral tir lo teh. Kan pu hian hun vawng dik lo hi a ngaina miah lo, meeting pawimawh tak anei dawn a, tih buai tum kher duh suh."

Nilo! Haw mai thei ka ni hauh lo, ka huaisen na zawng zawng sawm khawm in, "Ka pi ka haw theilo ani. Khawngaih in?" ka luhlul na chu ka chhuah lui ve tlat bawk a.

Min ning hmel zet chuan ngawi reng in min en kar a, apu room niawm tak ah chuan a lut zui nghal a, ngawi reng in kalo nghak a ngaihtuah ber pawh ka nei hleithei lo,ka zam takzet ani.

"I lut thei ang," ka bul ah chuan alo ding reng tawh zawk a,ka lawm lutuk chu au chiam mai ka duh hial,ka hlim hmel a hmuh chuan a khi ve suk reng ani.

Diktak chuan,ka tling dawn emaw tling lo dawn emaw pawh nise,interview hmachhawn lo a haw leh mai chu ka tum lo bur.. Ka luh chuan anpu chu ka hmu mai lo, dinglam ah ka kual leh hnu chuan room zau tak mai, dawhkan nalh tak hma a lo thu thluang ar chu ka hmu ciah a. Ka zam lutuk chu ka ding ngawi reng a,ka kut dah dan mai tur pawh ka hrelo hial ani, luhlul chhuah a kalo lut ta kha ka in chhir rum rum mai, engvang a ka pa in hna min hmuh sak theih reng lai a,kawng harsa zawk thlang tlat nge maw ka nih le? Ka in haw rilru hle bawk.

'Tunge i hming'?

"Bringet mendler ka pu."

"Interview hun ani tawh lo tih i hre reng si a, aw thum tak chuan min zawt nilo in min be zawk ani. A thu ngil nghal a. Chhan tum a ka ang zuau lai chuan, "P.a hna hi ithawk tawh ngai reng reng em?"

"La thawk ngai miah lo, ka pu."

"Anih leh enghna te nge i thawh tawh thin?"

"Eng hna mah ka la thawk ngai hauh lo mai."

Ka chhan na chuan, a ti lungawi lo tih a hmel ah chuan alang reng a, a mit chu a ti zim san a, "Hnathawh tawh engmah inei ngai lo a, interview hun ah pawh i rawn tlai bawk." Min en chik em avang chuan ka zam zual hle a, ka khawchhung chu a khur thei hial a.

"Ka pu, khawngaih in he hna hi ka mamawh takzet ani. Bul tan nan," ka aw khur tur chu ka veng hram hram a, ahma a lehkha chu min kawh hmuh ve bawk a.

"I number ziak la, i tling anih chuan naktuk ah an lo hrilh ang che."

Dik tak chuan, min hrilh dawn lo tih hre mah ila ka ziah ve tho chu angai si a. Kei hi ka buai tak zet ani, engtik ah mah ka tan hun tha a in hawng ve dawn lo anih hi. Ka haw hun ah ka pa hnen ah an company a min sawipui tur chuan ka ti tawh ngei ang.

"I ziah zawh tawh chuan, kal ila hun hi ka nei tam vak lo ania." Ka bul ah chuan alo ding der tawh lehnghal,a thut lai a a lan dan ngawt chu anilo, a lian hle a.. A sam kir tep dum hlap tle sar chu a in hmeh hle bawk,a mit mu uk kharh chuan ka ke atang a chhip thleng chuan, chiangzet in min en a,a chhuak zui nghal mai bawk a.

A hnung ah chuan muangchang in ka zui chhuak ve nghal a,hmuh tur reng a awm tawh lo. Ka thaw hawk a,ka zam lutuk vang a ka taksa tang teu leh sa pup pup te chuan, ziaawm lam an pan ve mek bawk.

"Alice ka nia, p.a hna celh mek tu , nau ka neih dawn avang in he hna hi ka chhunzawm thei tawh dawn lo a," nui sang chuan minlo bia a. "Enge i interview chu a an le?" A tih zawm zat a.

Za lo tak a nui lui chung chuan, "Ka tlin chu ka ring lemlo khawp mai,ka kal mai ange," tih pah chuan step awmna lam chu ka pan thla nghal a.

Pawn ka thlen chuan, taxi chu phar ding in, ka awmna sawi lam chu pan in kan tlan chhuak nghal a. Thli thaw in min chhem chuan pawn khawvawt tak chu ka hre chhuak leh chauh,kha hmun uap zet leh min ti zam emem tu,kha building kha chhuah san ka chak tawh takzet bawk nen,ka thawveng huai reng ani.

In ka thlen chuan, ka nu le pa te pawh an hnathawh na tang a an ban ala hun lo bawk nen, muangchang in ka in thlak a, inbualna kuang ah chuan tuilum chu herh haw in ka in chiah nghal a. Ka chau bawk nen ka chhing diar a, tun hnai mai a ka hun tawn te chuan min ti chau ani. Naupang te ka nih lai ka hriat theih atang a, ka nu leh pa te in hmangaih tak, in hauh chang chu an nei ve ngei ang mahse, ka hriat ah an la in hau ngailo, an thlazar hnuai a hmangaih tak, duat tak leh keh thei dawm a min dawn thin, kei an fanu hi hnawl ka la ni zel hi na ka ti ani.


Vawin a interview ka neih zawh tak ah pawh khan, hnawl ka ni dawn tih chiang tak in ka hre bawk nen, khang zawhna te kha a mawi ah min zawt ve mai ani.

Bualkuang atang chuan chhuak in, ka thawmhnaw te chu ka in bel nghal a, pawn a kan pangpar mawi tak tak te chu ka tifai ta zawk a. Kanu chu alo haw hun a nih tep tawh avang chuan inchhung ah lut in thingpui chu ka lum leh ta zawk a. Ka pa erawh alo haw tlai thung thin.

Reilo te ah khawngkhar chu ri in, "Bawihte ilo haw tawh ani mo? Vawin lam chu i rawn tlai ka rin tehreng nen," ka nu chuan a rawn ti lut nghal a.

"Thingpui kalo lum a in rawh, vawin lam chu min zawt buai duh suh." Ka chhan na chuan, ka nu ka chhun em em chuan, chiang tak in min en a,min khawngaihna a mit a tang a lo lang chuan,khawngaih thlak awm ka nih zia min hriat chhuah tir a ka duh lo takzet.

"Ka room tihfai angai," tih pah chuan room lam chu ka pan ding a,awmpui kan neih loh avangin ka tih dan thin a ni reng bawk. Ngui bur leh tha tho lo zet chuan ka ti fai a, ka rilru erawh ka thil tih tluang ve thei miah lo chuan a luah khat hle thung si,ka phone ri chuan min ti harh zawk nghe nghe ani.

"Hello, Rose tun ang ah te min lo call ka lo beisei hleinem."

"Bridget, ka lung iti awi lo takzet, naktuk hi ka birth day ani tih i hre tawh lo ani ngei ang, naktuk zan dar 7 ah birth day party, ilo kal lo anih chuan ka lawm lo hle ang, biak kual tur ka ngah lutuk," tih pah chuan phone chu a dah daih lehnghal.

Rose, hlim thei tak leh zangkhai vah reng kha ala ni,tih chu a aw atang chuan ka hre thei ani. Tet te a tang a ka thian tha ber mai, ka buai em vang in a birth day pawh chu ka lo theih ngilh tawh zawk a,ka in thiam loh hnu hnawh hle bawk. A kum 19 na pian chiam ani bawk, ka kal ngei ang ka hun tawn hlimawm loh zet kar ah hian,in tihhlim pawh ka mamawh alawm,ka kal lo anih chuan a thinrim hmel tur ka mitthla ah alo lang a,ka hmachhawn ngam dawn lo ani.

Ka nu leh pa te, hlim tak a lo in kawm chuan,min hmuh chuan "Bridget ka fanu,hetah lo kal teh vawin lam chu enge a an?" Ka pa chuan min lo ti a.

Ka hmui ka ti pawrh tarh a, "Kapa naktuk chu, in company ah chuan hna chu min lo dil sak mai dawn nia."

Chu ka chhan na chuan,ka vawin hun lam chu zawh buai kher ka ngailo tih a hrethiam ve mai a. "Ni e, kan pafa in nitin kan kal thei anga, nileng a ka bul hnai a i awm hi ka duh ber pawh ani. Ka fanu hmel tha leh nalh tak hi, tu emaw hian an tih nat mai ka hlau em em si a," a tih zawm zat a.

Diktak chuan,kapa te company a thawh chu ka phur lem lo, plastic lam siam chhuah na company lian tak mai 'SPLENCER', company ani a,ka tui ve vak lo ani.

"Ka pa, naktuk hi Rose birth day ania,kal ve ngei ka tum a sin,"

"Bawihte kum 18 i ni ve tawh a, puitling ini tawh i duh duh chu iti ve thei tawh alawm, zalenna i nei ve tawh e." A then suk bawk a.

Ka nu chuan, " Bridget ikal hun ah chuan, Rose chu remchang hmasa ber ah zan riah kil tur in lo sawm ang che. Ka ngai ve tawh takzet si a," a mit meng chu a chauh hmel hle bawk.

"Ka lo sawm ngei ang," ti in ka chhang ve bawk a. Zanriah eikham ah chuan ka pa hna duh tak mai, in lam ah pawh hna thawk reng thin chu zan in chuan a thawk tlat lo, hna a neilo a nei ngei ang.

"Kanu chuan, in pafa a hna in thawh dawn chuan, awmpui kan lak mai a ngai tawh dawn anih chu.."


"Duhtak, kan pafa in hna kan thawk tawh dawn a, nang te chu hah dam tak in in lam ah lo awm tawh mai ta che. Nitin mai a, naupang zirtir chu a hahthlak hle awm si a," ka pa chhan na chuan ati lung awi vak lo, kanu naupang ngaina tak chuan, a hna chu bansan atum mai lo tih a mitmeng ah chuan alang chiang hle.

A mit meng pangchang tak chuan a en hu a, "Jack bansan mai kala tumlo a ti hriam hraih bawk,"

"I fanu nen a in luh lul zia leh, in pangchang hmel te hi, hmuh a nuam thin alawm," ka pa chuan khi suk chung chuan a ti ve bawk a. Kan nui dar dar a, tun kar kal ta vel atang khan ka vawikhat nuih leh na ani hial ang, nuih dan erawh ka la hraia ani.

"Bridget bawihte, va mu tawh rawh, a tlai hle tawh ania, i nu nen hian sawi dun tur kan la nei, kan lo mu ve nghal ang," tih pah chuan ka chal ah a rawn fawp a. Ka nu leh pa te ka mangtha hnu chuan ka room lam pan chuan ka chho nghal bawk a.

Ka mut hnu chuan ka thil tawn te ka ngaihtuah a,hna lam ah ka rilru ka seng nasa a,ka thin a rim hle a,ka taksa pawn a tuar tih ka hria,hna chu hmu theilo mah ila,ka pa vang tal pawn hna thar ka thawk dawn tho a,a tha tho e.

Ka phone ri nawn chhen chuan min ti harh a, tun ang hun ah te tunge mawle? Sana chu ka bih thuak a, dar 6 ciah ala ni lehnghal,ka tan chuan ala hma em a tin ni.
"HELLO."
"Hello, Bridget ini em?"
"Aw ni e, enge nita?"
"BRANDROOT company atang ania, vawin dar 10 ah company ilo thlen angai..i P.a hna dil kha i hmu anih chu."

Chu aw ka lo hriat tawh, Alice ngei mai chuan, aw zangkhai vah chuan minlo hrilh a. Mak ka ti lutuk chu chhan mai ngaihna pawh ka hrelo, ka harh chhuah chuan phone chu alo dah daih tawh ni in,ka au chhuak hial ani.

Choka lam pan in ka tlan thla a,ka nu chuan, "Bawihte i va tho hma em em ve, thil diklo a awm em ni?"

"Nu, a dik lutuk zawk tihpah chuan, ka pawm chuk chuk a, ka nu mit meng a lawmna leh hrilhhaina, lo lang chuan min ti lawm leh zual sauh bawk. "Nu ka tling min lo call a,ka tling ania."

"Ka fanu hmeltha tak hian ati thei ngei ang tih ka hria alawm." Room lehlam a tang a ka pa lo kal phei chuan a rawn ti lut nghal a, min rawn kuah nghal a, min lawmpui takzet tih a hmel ah chuan a lang ani.

Tukthuan chu hma tak ah kan ei a, kan ei fel hnu chuan ka pa chuan, "Tai lam a tang chuan, awmpui kan nei tawh dawn a, in lam in buaipui angai tawh lo ang." Mak ti tak in ka en hu a.

"Mak ti mah ta che bawihte, nizan i mut hnu khan a be fel vek tawh alawm," ka nu chuan alo ti a, "han in siam tawh rawh ni hman nuam le."Tih pah chuan an in chhuak zui nghal a.

Ka tlai tur anilo, hmanhmawh tak in ka hmai chu ka chei a, ka kawr ngainat emem mai, ka khup kuh chang chang hring duk hlarh chu ha in,coat fual dum ka nu in min lei khup khuh chu ka ha bawk a. Pheikhawk sang hring chu bun in ka tlan chhuak nghal a,taxi chu phar ding in,ka kalna tur lam chu sawi in min panpui nghal bawk a, Hmanhmawh tur chuan ka tur leh sek thin.


Ka phur na chu, ka huphurhna chuan a delh rit mah zawk a, ka hna thar tur a vang chuan ka rilru ka sawr bing in, ka zam hle bawk, keimah ngei in ka hna tur ka hmu ve thei chu ka lawm em em a, ka rilru chu a kal ding emem si a, pawn boruak chu a vawt nge a lum tih pawh ka hre lo hial ani.

" Miss, kan thleng tawh e," ka phu deuh zawk a, ka chhuak nghal bawk a, ka hma a khawngkhar lian tak ah chuan lut in, chhawng li na lam chu ka pan chho nghal a, hmanhmawh tak a kal ka nih avang chuan ka thaw hlawp hlawp a,thlasik khawvawt tak chu ka tan chuan a vawt lem lo khawp mai.

'Morning, vawin chu i hlim tih i hmel ah a lang alawm, ilo tlai leh ka rin tehreng nen," nui sang chuan, Alice chuan minlo bia a.

"Ka hlim rual in ka huphurh hle bawk, tunge mah ni hna tan ni ah tlai duh teh lul ang ni," zangkhai tak chuan ka ti let ve nghal a.

"I hming min la hrilh ve miah lo?"

"Nidawn tak,Bridget mendler ka ni e," vawin chu, nimin lam ai in alang fai daih zawk lehnghal, nge keimah ka hlim avang zawk hian, ka hmu tha zawk ni.

"Awle, Bridget hun ka nei tam tawh lo, i hriattur pawimawh te ka hrilh ang che nga, ka kal a hun tep tawh ani," min melh ran a... Ka lu ka lo bu ve nghat a. Rei fe min hrilh hnu chuan, henu hian a hna hi a tlin takzet tih ka hre mai, a duh khirh zia leh a tawngkam chhuak atang chuan, a pu tan hian hlu tak tur ah ka ring nghal ringawt a.

" Bridget, atawp nan ka pu hian coffee tlum a in ngai lo tih i hre bawk dawn nia," a thusawi te chu naupang thu awih tak ang mai in, ka lu ka bu nghut nghut zel,chu chuan ati lawm ani ngei ang, a khi leh suk thin.

"Minlo zui lut rawh le." Room kan luh dawn chuan,kawngka chung a, liantak mai a, RAFE CHARLWOOD tih in ziak chu ka hmu a, nimin lam ah kha chuan ka hmu hauh silo,ka buai vang leh ka zam em vang te pawh kha ani ta ve ang.

Ka pu thar tur chuan coffee chu alo in mek a, a suit vut buak rawng a hak chuan ati lang lian em em leh nghal a.

Alice chuan, "Ka pu a hriat tur ang zawng zawng chu ka hrilh tawh a, kal mai ka lo tum tawh asin," ahan tih chuan, apu mitmeng chu a dul rawih nghal thei hial a.

"Alice i hna i tlin emem a, ka ui takzet che ani. A ui tih chu a hmel ah pawh chiang tak in alang, naute i neih hun ah min lo hrilh ve ngei ka beisei, hna zawm leh i duh anih pawh in minlo hrilh nghal dawn nia," a tih zawm nghal a.

A hna a tlin tih chu kei pawn ka hria, Alice ai awh tu tur ka nih na hian ka phur rual in,min ti hlauthawng thei hial zawk tlat, Alice ang hian ka tlin ve a ngem? Chu zawhna chu ka lo in zawt mawlh mawlh a, ka rilru ka kawm nasat avang chuan enge an sawi pawh ka hrelo hial ani.

Alice chhuak tur kawngka a ding chu ka va hmu a, rawn hawi let in, "Duhsakna ka hlan ache Bridget,"

"Nangpawh le Alice, ka tih rual chuan a chhuak zui nghal a.

Ka pu thar lam ka en chuan, a hmel ah chuan a ui takzet tih alang, kawngka lam chu a thlir reng a, a kut lian tawk chu dawhkan ah chuan a dah run bawk a.

" Ka pu, he hna ah hian theih tawp ka chhuah ang," hnem deuh nan a ka tih chuan, nui sak chung chuan a rawn ding a.. Alian takzet ani.

"I theih kher ka ring lo Bridget, he hna thawk tu tur hi ka la fel tawh mahse, apa a damloh thut avang in nizan khan an ram Italy ah an haw angai ta si ani." Chiang zet leh uluk tak a min en chung chuan min ti a.

Ka rin dan chiah ani, enge maw thil awmlo se, kei hi min lak ngawt na chhan tur a awm lo reng reng, a eng a pawh chu nise, he hna chelh tu ka ni tho a ,ka lawm tawk emem tho, chhan ngaihna ka hriat loh em avang chuan, ka din mawl tawp a.

"Coffee i duh leh em?" ka ti ngawt a, nui lui tih hria tak chuan a ai a chiang leh zual in min melh chhuk run a, a hlauhawm mah zawk ani.

"Ka duh tawk tawh phawt mai ange, i hna va thawk tawh rawh, tul lova hun khawhral hi ka ti lem lo ania, bak ah i hna thawhna ah hian mimal nun lo keng lut hlek suh ang che."

Ngawi reng in ka hna thawh tur lam chu ka pan a, ka pu thar tur chu a nelawm chiah lo kher mai, Alice khan alo tuar reng thei chu ani sia, kei pawn ka tawrh chu angai ve ngei dawn ani. Ka tih tur te chu ka ti ve zung zung bawk a, he building hian engvang a boruak uap tak keng tel tlat nge maw anih le. Meeting nei tur anih avang chuan, hrilh tur a ka lut chu alo awm tawh hauh lo mai, a chhuah lai reng ka hre silo,a meeting neih tur hrilh hriat a nih loh chuan a lung awilo hle ang,bathroom a ka luh hlan khan a chhuak ani ngei ang le,biak pawh na mai tur lah ka hre der silo.

Rang tak in ka chhuak a, in hnuai lam ah chuan ka tlan thla ngal a, he company a thawk,mi tam tak te chu an buai tih hriat tak in an phe suau suau a, biak ber tur pawh ka hre lo hial reng ani.

"Mn lo hrethiam lawk teh, Mr,Rafe hi biak pawh mai ngaihna ka hre silo a,min pui thei em?" Pa cher sang lam chu ka zawt ta tawp a.

Mak tih hmel tak in min en hu a, "Tu nge i nih a?" Alan dan chu hmuh thianglo hmu te pawh a ang mah zawk.

"Bridget a P.a thar ka nia, meeting a nei tep tawh si a," chupa mit bial tak chu anui huk a, a mit bul chu a chuar nung bawk.

"Bridget kei ni hian, kan pu hi enge a tih a, khawi ah nge a kal hrilh hriat kan ni ngai hauh lo mai, a P.a inih chuan, chung te chu hre tur ini asin, i hna i thawk thiam lo zawk em ni? Ban mai inih loh nan thupha chawi dan tur va ngaihtuah zawk teh khai."

Chupa teh hrep ka zawt chu ka in chhir hnuhnawh hle mai, chhang let tur chuan ka rilru a hah mah mah, ngawi reng chuan ka awm na lam pan chuan ka cho a, ka pu thar thinrim tur zia ka ngaih tuah a, eng ang tak a meeting pawimawh nge anih ka hre der silo, mahse thiamloh na ka nei lo, a kal dawn te chuan min hrilh hre ve tur alawm, ka in hnem chawp mai ani, ka thla a muang phah hauh lo, rei tawk fang ka hna ka chhun zawm leh hnu pawh chuan ka rilru a nuam thei chuang lo, alo haw hun ah engtin nge ka hmachhawn ang.

Sana chu ka en zauh a, dar 4 ani der twh, kei hi ban leh nghal mai tur ka ni chiang khawp ang le. A room ah chuan, a cell phone emaw, amah biak theih na tur a hnutchhiah mai thei asin, ka lut a ka dap rawk rawk a. Ka rilru buai lutuk chu ka kut te pawh a khur nasa hle ani, a dawhkan a lehkha pawimawh tih hriat ngawih ngawih te chu,ka dap bawk a,ka thaw leh hak thin..ka kawchhungte chu a sa hal ani ber mai.

"Nangkha engthil nge itih?"
Chu aw teng chhuai, thinrim tih hriat ngawi ngawih chuan min ti phu nasa lutuk chu ka per sawn dawrh thei hial ani.

"He tah hian P.a hna thawk tur nilo in, rukruk lam hna thawk tur a lo kal em ni inih?" Ka hma ah tak chuan a ding a, kan in hmachhawn chiang kher mai, alian emem mai si, a dar pharh hlai tak leh a kut hrawl tak te chuan, min ti hlau emem a..ka khur chu in thunun ka tum a, ka thei ngang lo ani.

"Nang hi hetah hian i hlawk na tur engthil mah i hmu lo ang," an chhia a phuh chhuak sap a, ka hlau lutuk chu ka ding khur tawp a.. chhan ngaihna reng ka hrelo.

A ai a ring chuan, "Min chhang ta che? Zawhna ka zawt che anih chuan, min chhan na chang hria ang che." Ka phu nasa lutuk chu, a thut phah ban chu awmlo se ka tlu chiang khawp ang.

"Ka pu, meeting i neih tur kha, hrilh che tum in ka lo lut a, i awm silo a, biak theihna tur che ka hmuh tak in ka tia, ka zawng ta anih hi, ka tih bah nuai a, ka tap tep bawk, ka aw te chu a lawi vek tih kei pawn ka hria, ka nu leh pa te pawn min la hrawk ngai silo a, ka hlau takzet. Rukruk tum ah minla puh leh nghal.

A kha be tuai puat pah chuan, a nui ri huk a, min tih elhsen a nui tih pawh chiang tak in a lang, "Nang hi ka thu lo a, ka room a i lut leh i nih chuan, i lak ah tubuai ka siam ngei ang, nanglo hi he hnathawk tur thiam tak tak leh thawh chak tak an tam tih i hria ang chu. Rukru tur chuan ila naupang mah mah, a thutphah ah chuan chauh hmel tak in a thu nghal a.

Ka lu a hai muai muai a, ka nghet lo tak zet abul tak a ding ka ni bawk si, thawk lak pawh a harsa takzet ani. chet sawn mai harsa ka ti, ka mualpho ka hlau lutuk tlat,zawimuang chuan engmah sawilo a kal mai ka tum a.

"Ka thu an hmuh hma loh chuan, an kal ngai lo asin." Ati hriam hraih a, "Bak ah kan la sawi fel hleinem, ni lawm ni."

[Ngaia]

LAST KISS 3
(Competition)

CHAPTER 3


Ka pên lai chu ka ding chawt a, hepa hian min banna thu a sawi ngei dawn anih hi, meeting neih tur hrilh hriat a ni lo a, a room-ah ruk ru ang maiin min hmu bawk si, ka tha te chu a zawi vek ni hian ka hria.

"Meeting neih tur hi a dawn țepah chawpchilh takin an in hrilh ngai em ni? Hetiang te chuan min ti tlai reng mai dawn asin" a phun sap a. A hmai chu a kut hrawl tak chuan a tuai thla puat a. Heng thil teh hrep hi! A thleng leh anih chuan ban i ni ang.

Ban na thu a sawi loh avang chuan ka lawm hle a, "A thleng leh tawh ngai lovang ka pu." Ka ke ler ațang chuan ka chhip thlengin min en chik em em mai lehnghal! Min pawh sawm duh hmel hliah hliah bawk. A thinrim tak zet a ni tih chu hai rual a ni lo, a kut lian tak chuan file chhahpui chu a keu thuak thuak a.

"Hna pawimawh tak thawh zawh ngei ngei ngai a awm, kan tih fel nghal vat a țha ang" a hma aia nelawm deuh zawk chuan min ti a.

Tun ang ban hun tawhah eng hna pawimawh nge maw ni hrep le? Ka chau tak zet tawh a ni. Ina mut hahdam ka thla hlel ngawih ngawih tawh, ka hna țan niah leh nghal, hepa bula rei tak awm chu ka zo hlawl lo a ni.

"A țha alawm."

"Țha lo pawh ti la i tih ngei chu a ngai sia lawm," hneh sawh zet chuan min melh kar chung chuan min chhang leh nghal a.

"Zanriahah chuan buai duh suh hetah ei nghal a ni ang." A phone chu lain tu emaw a be nghal a, zanriah a order tih chu ka hre mai, hepa hi mi mak tak a ni. Ka ei duh zawng pawh min zawt miah lo lehnghal.

Phone-ah tu emaw be reng chung chuan, dawhkana lehkha chu min kawh hmuh zeuh a, lehkha chu lain ka hna tur chu ka ti zui nghal mawlh mawlh a, pheikhawk sang ka lo bun ta chu ka inchhir hle bawk.

Ka ke te chu ana țhum a, ka thil tawn dik lo kual tak vang leh he room ina boruak rit tak a ken tel avang chuan ka coat dum chu phelhin a hnuaia ka kawr hâk chu duh aiin ka thawl lo mah mah, a uap hle si a. Rafe pawh chuan a hna chu ngawi rengin a thawk a, kan in be miah tawh lo.

Kawngkhar chu an lo kit dawt dawt a, ka va hawn chuan pa thau tawi lam chuan ei tur a rawn nawr lut a. Rafe chuan a awmna piaha kawngkhar chu hawngin a chhunga dawhkan mawi takah chuan ei tur te chu dah turin a ti zui ve bawk a, mak dangdai tak a ni. A room chuan pindan tepen hran nuam tak neiin, khum zau tak pawh a awm tel tih chu ka hmu ve ciah.

"I kal thei tawh ang," thu pe aw zet chuan a ti a. Chu pa thau lam chuan, "Tui taka in ei ka beisei," tiin a chhuak zui nghal bawk a.

Ka phone ri chu ka pa a nih ngei ka ring, min ngaituah hle tawh awm si a.

"Hello bawihte, i hna thar chu nuam i ti hle a niang maw?" Ka hne zia leh hrehawm ka tih zia chu hria se, min lo hruai nghal duh ngei ang.

"Pa, hna laklawh tak tih zawh ngei ngai a awm a tin ni," ka zawh veleh ka lo haw nghal ang.."

"Bawihte, i hna thar avang chuan i țhian țha ber birth day-ah pawh i kal thei dawn ta lo a ni maw?"

Khai aw! "Engtin nge ka tih tak ang, min lo hrilh sak mai thei ang em?" A nui huk a, "A lung ni lo viau bawk ang," a tih zawm zat a, pawi ka ti tak zet he hna thawh loh hlau a, ka buaipui hian min ti buai tak zet zawk a ni.

Ka pa nen kan in biak lai chuan phone a țang chuan ka nu aw chuan, "Jace ni lo, kal tawh zawk rawh. He hmun hi i lo kalna tur a ni lo asin," a tih ri chu ka hre thei.

"Engthil nge ni, dik lo a awm em ni?"

"Engmah a ni lo e, lo haw vat i tum dawn nia, i hna i zawh fel hma phei chuan Rose te in lamah chuan kal ngei thei la ka duh a ni."

"Awle, ka pa," phone chu a dah zui nghal a.

"Zanriah peih fel a ni tawh e, i duh loh chuan a pawi chuang lo," chu aw lo chhuahna room lam chu ka pan nghal a, ka nu thu sawi kha engnge awmzia ni ta ang? Jace chu tunge niang? Ka lakah hian zep ruk chu a awm chiang a ni. Ka rilțam tawh zia ka hre chhuak uar uar mai, a bul a țhut ngei ngai chu hrehawm ka ti tak zet, ka taksa in ngai a la awh hauh lo lehngal, ei tur te chu a khu vut vut a, tui hmel tak a ni.

Ka phone bawk chu ri leh in ka pa bawk a nih ka beisei.

"Office-ah hian mimal nun keng lut lo tur chein ka ti sia," he pa inlâk len zia em em hi, ka chhung te biak pawh min khap dawn a ang hle mai. A thu sawi chu ngai pawimawh lo tak chuan ka phone chu ka chhang a.

"Hello," Rose aw chu a hriam hraih mai "Ka lung i ti awi lo takzet a ni Bridget."

"Rose, ka tih palh tak zet a ni, hna pawimawh tak thawh zawh ngei ngei ngai a awm si a ni." Chhânna chu a awm mai lo, phone chu a dah daih tawh chu lo niin, ka in thiam lo tak zet.

"Happy birth day Rose," zawi sap chuan ka ti a, ka cell phone chu ka bag-ah chuan ka dah nghal a.

Rafe chuan min lo en reng chu niin, a coat hak chu khum zau takah chuan a lo dah fel tawh a, a kamis uk hak chu a bân a lo thlep chho bawk. "I kal châk zia i hmelah alang, hna leh mimal nun kai kawp hauh suh ka tih kha," a thil eilai chu a ei mawlh mawlh bawk a.

"I duh ang ngei chuan ka kal dawn ta lo a nih hi, ka țhian tha ber a ni asin," ãnkhum hrep mai chu ka duh, ka insum hram hram zawk a ni. Ka thil eilai pawh chu ka tum ang aiin a tuina ka hre hauh lo, ka bawp sei tak chu a melh tih ka hria, min melh chho zelin ka mit takah chuan enin, a mit meng uk kharh chuan min en chiang hle a.

"Chutiang taka kal i chak te chuan hna thawk lovin zan lam intihhlimnaah zan tin kal zawk ta che" ka nui lui ve sak a, "Zana intihhlimna leh țhian te Birth day party chu tehkhin chi pawh a ni hrep lo e," ka thil ei lai chu ka thawhsan nghal a.

Hrep tak a! "Kei chuan a danglamna ka hre hauh lo," ka bulah chuan alo ding reng tawh zawk, "He i thluak tlem te hi min hnial na'n hmang tawh lo mai teh, naupang chhia ang maia party lawm leh a neitu hriat loh a room-a luh ching ruk ru hi ka ngaina hlawl lo a nia," min en chhuk run bawk a.

Kan in hnaih lutuk vang a ni ang, sawifiah thiam rual si loh chuan ka kawchhung chu engtin amaw ni hian a awm, ka hlauh vang nge ni a, ka thinrim em vang zawk? "Nang hian i hnuaia thawk te hi rukruah i puh țhin em ni?" ka hmai te chu a sen țawn țawnin ka ring, min dahhniam lutuk hi ka ngai thei thlawt lo.

"Ka room-a ka thil an khawih chingpen lai te hmuh an nih loh chuan ka puh ngai hauh lo," he pa hi chhâng tur hian chakna ka nei tawh thlawt lo a ni.

"I zo fel țep tawh em?" min la en reng chung chuan a ti a, "Zo fel vat rawh, haw san i duh loh chuan," a ti thum dut a.

"Nghah ka ngai hauh lo, i haw thei ang Taxi a tam alawm," za lo tih hriat tak chuan a nui hul huk a. "Zana mahnia haw chu i tih țhan dan em ni?" A mit a zim san a, a kut a kuangkuah nghal bawk a.

"I duh duh sawiin, i duh ang anga min puh ngawt theihna dan i nei miah lo," ka thinrim em avang chuan ka melh let ve nghek a.

"Min hnial tam lo khan zo vat la a ni mai, ka hun min khawhral tir tam tawk tawh," ka chhanna chu a pawi sa lo hle tih a lang a, a ner sawk bawk a. A țhutna lam chu pan pheiin, a țhuthluang ar a, a kut pahnih chu a tukhumah dahin, a mit a chhing daih bawk. A chau hle tih a hriat a, engtia rei nge hna nitin maia alo thawh tawh ang, kei nikhat lek thawk pawh ka chau em em mai si a.

Ka hna ka zawh takah chuan ka thawveng huai mai, a muhil ni awma ka hriat avang chuan kaihthawh chu ka hreh hle a, diktak chuan haw san daih ka duh a ni. Tuna a hmel landan chu midang daih tihnat awl tak hmel a pu leh daih tawh, chapo tak leh mi te thuhnuai țhin tih a lang miah lo.

"Khatia min en reng lo khan, i hna kha zo fel vat zawk teh," mak hle mai engtin nge ka en tih a hriat theih zawk, hepa hian ka rilru ngaihtuahna thlengin a hre zawk emaw ni le?

"Ka zo tawh a, Taxi ka la mai ang," ani nena motor-a chuan dun chu ka peih hauh lo, peih loh hmel zet chuan a lo meng a, a sana lawk tak mai man to hmel zet chu a en thuak a.

"Taxi la turin ka nghak reng hleinem che, i thiannu birth day-ah chuan i kal angai a ni lawm ni?"

"A tlai tawh, ina haw ka duh zawk tlat mai," demna mit meng chuan ka melh ran a.

"I kal ngei chu angai ang, i kal theih loh chhana mawh min phurh tir tur hi ka duh lo bawk."

Hepa hrep hi, ka kal duh leh duh loh chu ka thu, ani lo sawi ve tur a awm hauh lo. Tu chungah pawh thu neih a tum rigawt mai hi mak ka tih zawng tak a ni. Ka pain Rose chu tlawh hram turin min duh a nih kha, kei paw'n kal ngei chu ka duh alawm. Mahse, hepa nen khera kal aichuan kal loh pawh ka thlang zawk a ni.

"I ding reng dawn nge, kan kal dawn? Nge ni a, he lai ka khum zau takah hian riah i duh zawk," a hmela thu neitu nihna leh chungnung lutuk nihna lo lang chu ka haw hle a ni. "I khuma riah ai chuan zankhua a hna thawh pawh ka thlang zawk tlat mai," ka chhuak zui nghal a.

Pawn ka thlen chuan boruak chu a danglam zar mai, ka thaw leh kawk thin, kha room-ah khan thaw lak tur kham khawp ka hmu lo a ni ngei ang. Ka taksa sil, na țhem țhum te chu a dam sawng sawngin ka hria, ka hnungah chuan thu pe aw zet hian "Hetah hian lo ding ang che," sawi lo pawh ni se ka ding awm tho si a.

Reilo te-ah chuan Car dum tliang nalh zet chu a lo ding nghal a, luh mai ka tum chu, "Khatah ni lo helamah zawk," ka duh naah pawh ka țhu thei lo chu a ni sia leh!

Ka țhut fel hnu chuan, "I țhiannu te awmna chu i sawi dawn nge, ti hian ngawi rengin kan țhu reng zawk dawn?" dawhtheihna tlem te pawh hi a pianpui ve miah lo a ni ngei ang.

"28 hill, Harley street," motor chu a ri vut vut a, kan tlan chhuak chawpchilh nghal bawk a, ngawi reng chuan kan țhu a, khawpui mawi tak chu a reh lo kher mai, zan intihhlimna te pawh an thawm ala țha hle a, kawtthler zau tak tak kan tlan pelh lai te chuan vei vak leh motor pawh a tam in mahni buai buaiin kan buai țheuh niin ka hria. He khawpui chhunga thil thleng engkim mai chu a dik vel vek niin a lang, diklo awm chhun chu keimah hi ka ni.

Ka zam ni berin ka hria, nge ni a ka thinrim kha ala reh lo zawk? Car chhunga rimtui a dah leh ama rim pa tak chuan ka hnar a verhin, ka thluak a fan hle tih pawh ka hria a ni.

Khawpui lun lai kan tlan pel a, hmun fal lam kan tlan lai te chuan thla eng chuan kawngpui te chu a chhun paw phak a, a mawi danglam riau; kawng sira thingkung te pawh chu an nalh hle bawk. Mahse, keimahah hian enge maw min tur tu dik lo a awm tlat, ka hlauhna nge sawifiah thiam chiah si loh hi, hlauhna chu a awm chiang mai hepa hi ka hlau tlat a ni.

"Min hlauh ka ngai lovang Bridget," hmalam en run paha motor thunun chung chuan min lo ti a.

"Ka hlau che tih tuin nge sawi reng reng?" A țhen sak a, a lang pa hliah hlaih a ni.

"Hmeichhe kidnap-tu ka ni lo, ka ti lui ngai lo bawk bakah, rukru ngat phei chu ka la duh lo leh zual."

In sum tak chung siin ka mittui chu a tling pam a, rukruk tuma puh ka nih chu ka hrethiam thei lo a ni. Thla eng tak avang chuan ka mittui tling chu a hmuh ka duh lo tak zet, tukverh lam chu ka hawi nghal hmak a.

"I ngaih dan danin ngai mai rawh," a nui huk a, a hmui a pet sawi bar bawk.

"Mahni nihna hi zawng lâknat a awl bik reng asin," chhan ka tum tawh hauh lo, ka țawng leh chuan ka țap mai dawn tih ka hria, ka chauh em vang chuan ka mut a chhuak hle a, ngawi reng in ka țhu hle hle ringawt a ni ber.

"Tho ta che, em em che hian remchang a piangah i mu thei nghal zel em ni?" Chu aw thum zet chuan min ti harh kawk a, ka meng chhuak nghal a, ka hmaa hmanhmawh tak a lo tlan phei chu ka hmuh rual chuan ka khi ve suk a.

"Kan thleng tawh a ni maw?"

"Hmeichhe kaih thawh harsa tak chu i ni e"

"Bridget" tiin ka chhuahna tur chu hawngin min kuah nghal chuk chuk a, "I pa khan hna thil avanga i lo kal theih loh tur thu min lo hrilh asin," Rose hmel chu a eng sar a, a kawr senno hak chuan a ti lang nu hliah hliah bawk, "Hei hi tu nge?" ka beng bulah chuan a rawn sap bawk a.

"I duh na hmun chu kan thleng tawh bawk a, hlim taka inhman ka beisei," a mit a zim san a, Car ngheng chuan a ding kawi sawi hle bawk, "Nang anga hman ka nih loh avangin ka let leh tawh mai ange..." Min melh chhuk run a, a țawngkam chu a nelawm tawh mah mah zawk.

"Ni lo e, he lai hmun i lo thlen tawh te chuan i let leh mai kan rem ti hauh lo," Rose kawnga kuah tupa chuan "Ni lawm ni? Rose" a lo ti a.

Rose bengvar tak leh mi kawm thiam em em țhin chuan chuti maiin a kaltir lo tawp ang tih pawh ka hria a ni.

"Oh, Bridget Hei hi Michael a nih hi, i țhian pa chu min hmel hriat tir ve dawn lawm ni?" Michael lam hawi chung chuan a nui ver ver a, a țhianpa mai ni lovin a bialpa tih chu chiang takin kan hre thiam vek tho ang. A hmuiah chuan a fawp zeuh bawk a.

Ni dawn tak, "Rafe Charlwood a nih hi," dik tak chuan ka țhian pawh a ni hrep lo. Ka hmelma a ni mah zawk, a hmel ka en chuan chiang zet hian min lo melh run a.

"Mr Charlwood, ni lo Rafe zawk, zanin chu i haw mai ka phal tlat lo, ka pian cham hi min hman pui ngei ka besei tlat a ni," a ngen a ngen a ang mah zawk, "I hnaah i buai pawh a ni mahna, mahse zan khat lek avang chuan i Company chu a tlak chhiat phah hauh lo ang," a tih zawm zat a.

Rose hian Rafe hi a hria a maw? Engtin nge a hriat zawk le? Thil thlen dan hi a mak riau, ka pa nen kan inbiak laia ka nu in Jace a tih kha ka hre chhuak uar uar a.

"Mr Rafe, khawngaihin min zui ta che, a bânah chuan vuan nghalin a kai nghal mai bawk a, Rose sawmna chu hnar mai chi a ni lo tih a hre ve ni ngei tur a ni, a zui ve nghal mai bawk. To be cont...

[Ngaia]

LAST KISS 4
(Competition)

Chapter 4

Tual zau tak chu a eng em em mai a, dawhkan nalh tak taka in tur te chu a tui hnai hle ang, a țhen an lâm a, a țhenin an in bawk a, a țhenin eng engemaw sawiin an ti ti bawk. Ka rin ai daiha Party lian ani, a tih țhan dan a ni reng bawk a. Rafe hmel hmuh tur chu a awm tawh miah lo.

"I lo kal thei chu ka lawm tak zet Bridget bawihte," chu aw chu pate John a ni. Thisena inzawmna nei lo mah ila ka pa țhian țha tak chhungkhat ang a awm kan ni. Min rawn kuah zauh a, a nupui Caroline chu kum 6 ka nih laiin a mu hlum anih kha, media lam chuan mahni inthat ang maiin an chhuah a, a tuar hle. Tun thlengin nupui dang ala nei ta miah lo, "I nu leh pa te an țha maw?"

"An țha a lawm," John mit menga fanu ang tak maia hlim sarh chuan min en a, ka hmuh hnuhnun ber kha chuan a cher țep anih kha, tunah erawh ngai a awh leh tawh tih ka hria, a sa inphut mawi tak mai chu a coat hak nalh tak nen chuan a inhmeh hle a ni.

"I rawn tlai deuh na a, hlim taka i hman ka besei, kan ngai tawh tak zet si che a, pawi i tih loh chuan zanin chu hetah riak nghal la ka duh bawk, i hawna tur a hla hle si a." Ka chhân hma chuan tu emaw chuan a rawn biak tak avangin, "Ka lo hmu leh ang che," tiin min kalsan nghal daih a.

He hmun boruak hi a nuam tak zet mai, duhaiin ka chau deuh tih mai loh chu. Wine chu ka ban a, ka in ve thei tawh in ka hria, kum sawm pariat ka ni ve tawh alawm. Ka in khawlh a, tui erawh ka ti lem lo. Mahse, ka taksain a mamawh tlat, engzat chiah nge ka in ka hre mai tawh lo, ka lu chu a vir muai muai a, ka piah lawk a thim lam chu ka pan chawp chilh ngal ruak a.

Music, muang fan raiha ri chu hla tak a ri ang maiin ka hria a, tu te emaw țawng thawm pawh chu chiang lo ruaiin ka hrethei. Ka luak a chhuak tak zet tih chu ka hriat chiang awm chhun a ni. Hna ka thawh nasat vanga ka taksa chau tak leh zanriah ka ei tlem em vang chu a ni ngei ang, ka wine in chuan min hneh mah mah a ni.

Ka harh deuh a; a thim ruih a, engmah hmu chiang lo chuan ka chhing leh nghal a, ka luna lutuk chu ka dawm vawng vawng a, ka âwmah hian thil rit tak a awm tlat, engthil chiah nge le?

"Mahni taksa zawh tawk pawh i hre lo chu a ni sia, in dân i zir phawt a ngai a nih kha," aw thawp sat chuan a rawn ti a.

Ka phu nasa lutuk chu khum ațang chuan ka in perh tho nghak vat a, karei..! Saruak in maw ka awm a!!?

"Engthil teh hrep nge i tih hi, nang hian min kidnap a maw?" Ka ding khur hlawk hlawk a, ka aw te chu a khur tih kei paw'n ka hria, ka sa pup pup a, ka thinrim lutuk chu ka puakdarh mai dawnin ka hria a ni.

"Kei hian ka kidnap che a maw?" Nui lui tih hriat tak chuan a rawn tho a, light chu a on chhunzawm zat bawk. Thinrim tih hriat takin a in seh ruh a, a hmel lan dan chu a rapawm hial zawk a.

"Anih hei hi eng thil nge?" Ka lu chu dawm in nizan lam chu ka hre chhuak uar uar a, Rose piancham party a huaihawtah kan kal a nih kha. Wine ka in leh a, chu bak hriat ka nei hauh lo. "Nang hian hmeichhe che thei lo chu remchangah ila a maw?" Ka khur zual sauh bawk.

Ka hmaah tak chuan a rawn ding luah mai a, a âwm phiar fat leh a dar pharh hlai tak te chu, en loh hram ka tum a, a rim pa tak chuan ka hnar chu a verh hle bawk. A sam chu tuai chho puatin, a mit mu uk kharh chuan chiang takin min en a.

"Hmeichhe lakah remchang ka la ngai hauh lo," a ti nghet charh a, ka sam chu zawi muanga rawn zutin, "Nang hian zan khuain, min hrem a sin. Tunah chuan ka hrem ve tawh zawk ang che."

Zawi muanga lo kun hniam in, ka hmuiah chuan dim takin a rawn fawp a, dang tur ka ni tih ka hria, mahse ka thei hauh lo. Ka taksa chu a hit mur mur a, eng emaw sawi fiah thiam si loh hian min tuam nghal chiai a, in la hrang nghal daihin min elhsen tih hriat tak chuan a nui lui sak a.

"Tun maiah khan i thin a rim hlein ka hre sia," khumah chuan duh dah taka țhuin, min en chik em em mai leh nghal!

Ka thinrim lutuk chuan "Engthil pawh thleng se, khawnge ka thawmhnaw, engvang a phelh nge i nih? Nizanah enge ka chungah i tih?" Ka ti phiar phiar mai a, insum thei ka ni hauh lo. Min fawp a, hnar tur ka nih laiin ka hnar mai thei si lo, ka saruakna a hmu bawk, hepa hian engthil nge ka chungah a tih?

Min hmusit tih hriat tak chuan a nui huk a, ten hmel zeta min melh chung chuan, "I thawmhnaw te chu nizan khan Clare-i ka paih tir daih tawh," a ban avai thla thuak a. Lungkham neih loh hmel zet chuan khumah chuan a mu nghal daih lehnghal!

"Engvanga paih tir nge i nih? Mr Rafe, i lakah hian thubuai ka siam thei tih i hria ang chu maw?"

Engahmah ngai lo tih hriat tak chuan, "Ka fawh leh kha i beisei tih min hrilh miah suh," a aia rum zawk chuan min rawn melh a, "Nge, ka khum hi min țawmpui zawk dawn?"

Ka thinrim lutuk chu ka mittui chu ka khap per sawk a, "Nang hi engtiang tak a, tenawm nge maw i nih ciah le? I hnuaia thawk te lakah hian remchang ila țhin a maw?"

"Ngawi hmak rawh Bridget, ka thinrimna hi cho chhuah tum kher suh, ka hnenah hian lawmthu sawi tur zawk a sin i nih, i duh chuan thu buai chu siam ta che, i thawmhnaw lak tlak loh zet, luak tam tak kai, rim chhe zet kha an paihnaah ka hai let leh a ngai dawn a nih chu. Ka thawmhnaw pawh telin." A thinrim zia chu a mit mengah chuan a lang a, a meng de sar sar bawk.

Kei hi ka luak a; ani hian min buaipui a, ka luak avangin a thawmhnaw te pawh paih tel a ni a maw? A zahthlak hle mai "Min buaipui angai kher hleinem, Rose bulah khan min hnutchhiah thei alawm, him pawh ka him zawk ang."

"Chuan, kei hian hmeichhe luak avang a rimchhe tak chu a chungah thil țha lo ka ti-ah i ngai amaw?" A thinrim insum tih hriat tak chuan a ner nawk a.

Ka thil in avanga buaipui ngai chu min buaipui a, keimah vangin a kawr man to tak te pawh paih a ni tel bawk. Ka chungah eng thil țha lo mah a ti lo tih a sawi chian takah chuan ka thawveng hawk mai, kei hian lawmthu sawi tur ka nih mai laia engvanga ka kâ chu khuahkhirh ang maia chip tlat nge maw ka nih chiah le?

"Haw ka duh a ni, ka haw angai ka nu leh pa te...."

" I pa chuan a rawn phone che a, ka sawi fel vek tawh, tunah hian dar engzat nge i hria em?"

A khum bul a sana chu ka en zauh a, "Dar 2," ka phun sap a, ka ngaihtuahna chu a buai tak zet, ka ding reng rigawt mai a ni.

"Nangmah vanga tlaivar chu ka tum lo bur, i duh leh tikhan ding reng rawh, i duh chuan ka khum hi min țawmpui thei ang," a țhen saka leh lam hawi chuan a muhil ngal emaw tih mai tur chuan a thaw ri suk suk a.

A bula mut ai chuan bathroom a riah pawh ka duh fe zawk, hepa kher hian min buaipui chu a ni si, ka saruakna zawng zawng pawh a hmu chiang hle awm si a.

"Ti teh; zak thar vel duh suh, chiang takin ka hmu vek alawm, kha tah khan i ding tlaivar dawn em ni? Hmeichhe saruak ka vawi khat hmuhna pawh a ni lo" ka lam hawi chuan hnehsawh tih hriat tak chuan a hmui a pet sawi kual vel a.

A muhil tawh emaw ka tih vang chuan ka phu deuh zuk leh nghal, "I bula mut ai chuan hetah hian ka lo ding zawk mai ange," boruak chu a uap em em mai a, ka saruakna chu khuh ka mamawh tak zet a ni.

Khum ațang chuan inthazo fahran chuan a ding nawlh a. A pian nalh tak leh a bawp sei tak, thahrui ngah hmel tak chu hmuh hmaih a har ngei mai, chu'ngte chuan min ti hlau ni berin ka hria, ka hmai chu ka hup ta hmiah bawk a.

Min khawih mai tum hmel chuan min melh run a, ka hlau lutuk! Ka țe chhuah hma chuan min kuah bet chawt a, min kuai vir mawpin a âwma min pawm beh pah chuan ka kâ chu a hup bet ta hmiah bawk a.

Ka tal nasa mai a, ka thawchham chu ka meng pawng nasa hle bawk. A chak kher asin. Nidanga a lan dan ringawt chu a ni hauh lo, a chê lah chu a rang nasa em em mai si a, ka ke chu a rawn kherh thlu a, bang nghengin min nem țhu zui hnawk a, ka hmui la hup reng chung chuan a lo thu hniam ve nghal a.

"Ngawi hmak rawh," a ti leh sup a.

Boruak hip tur ka mamawh zia hriain a kut chu ala sawn a, ka thaw hawk hawk thei hial a ni. A kut chu ka hmui zawnah dahin a kutzungchal chu a rawn dah leh nghal zat a, ka bawp sei thlarh leh ka âwm vel chu a en chik em em zui, ka theih ang ang chuan ka lo inhliahkhuh ve țawk țawk bawk a.

Rang tak chuan a in la hrang nghal vat a, thawmhnaw dahna lian tak ding ur mai chu hawngin, "Hak tur i mamawh anih kha, naktukah chuan saruaka haw chu i duhin ka ring chiah lo. A nui hul hak a, khumah chuan lawnkaiin a thawm pawh chu a reh zui nghal bawk a.

Zawimuang chuan ka ding khur hlawk hlawk a, 'hepa thil hi engmah ka mamawh lo,' mahse tunah tak chuan ka saruakna khuh tur engpawh ka mamawh si a.

Thawmhnaw awmna lam chu ka pan a, mak ka ti lutuk chu ka meng phawk hraw mai..! Hmeichhe thawmhnaw nalh tak tâk man to tih hriat hliah hliah chu a lo inkhai țeuh chu niin, engvanga ka rilru chu na ta tlat nge maw a nih le? He pa hian hmeichhe chenpui a nei tih chu a chiang a, mahse khawiah nge chu hmeichhia chu a awm ang?

Kawrfual var chu ka phih thla hlawp a, ka tan chuan a chhing lam deuh a ni. Ke rêk thleng tur a nih hmel si a, ka chawnpuar a khuh țep chauh a ni.

Ka țhu kawm ngal a, bang chu ka ngheng bawk. Duh aiin a vawt mah mah ka khur ti tih hial a, ka ni hman nuam lo tak leh rapthlak tak te avang chuan ka chau tak zet, ka damlo mai dawnin ka hria.

Ni chhuak eng phut chuan ka hmai chu rawn ênin ka mit ka han men chuan khum dup nuam takah ka lo mu chu niin. Zan lama thil thleng te chu chiang takin ka hre chhuak uar uar a, zahna leh mak tihna chuan min rawn tuam a, ka taksa erawh a dik hauh lo mai.

"I lo harh ta maw? Dar engzat nge anih tawh i hria em?" Kawngkhar chu nghengin a ding sawi hle a. A inbual zo chiah tih hriat takin a sam pawh chu ala hnawng chap a, kekawr bul var leh tawnzau dum a hak chu a inhmeh tak zet a ni.

Khum bula sana chu ka melh zeuh a, dar 11 alo ri der tawh, "Engtin nge kei hi khumah! Hnaah pawh kan kal lo." ka ti bah nuai a.

Muangchangin alo pen lut a, "Hmeichhe rukru leh rui buai avangin vawiin chu hna lam kan kal thei lo anih hi," a hmel landan erawh a dam thlup thung. "Clare-in ei tur alo dah ang," tih pah chuan ka hmuiah chuan a rawn fawp zeuh a, "Inbual nghal bawk ang che, hmeichhe rimchhe tak hi ka duh hauh lo." A chhuak nghal daih a.

Clare tih hming chu ka rilru chuan alam nawn sek a, ni tak e nizan a ka thawmhnaw paihtu kha, Rafe thawmhnaw pawh telin.

Hmeichhe pakhat, kawr par buai ha chu kawngkaah chuan lo dingin min lo nuih ver ver a, clare-i chu a ni ngei ang le. A eitur ken chu min pek pah chuan, "Tui taka i ei ka beisei," min melh dan chu a pu hmeiah min ngai a ni ngei ang.

Ei lo thei lova min siam takah chuan ka rilțam tawh zia pawh ka hria, ka ei zui nghal mawlh mawlh a, ka phone ri chuan ka thil ei lai chu min ti hak țhelh a ni. Ka pa a ni ngei ang.

"Hello"

"Hello Bridget i țha maw?" a aw chu a thum dût a.

"Jace, ipate Jace-a," a nui ri chu a tilui a ang mah zawk.

"Jace," ka ti sap a, chu hming chu ka hre tawh. Ka pa nen phone-a kan inbiak lai khan ka nuin a bia a nih kha.

"Bridget ngun takin lo ngaithla teh. I pa thingrem chhungah khan thirmum lian vak lo a awm a, chu tah chuan lehkha pawimawh tak a awm a, chu thil chu i tana pawimawh tak a ni. I nu leh pate erawh in i hriat an duh hauh lo ang, ka thusawi chu i hriatthiam ka ring." A aia ring chuan a nui zual sauh a, ka rap hial zawk!

"Kei hian pate-a ka nei lo, min lo tibuai leh anih chuan Police ka hrilh ang," phone chu ka dah nghal hmak a.

Ka thil eilai pawh chu a ti tui lo zo vek, chu pa teh hrep chu engthil chiah nge maw a duh le?

Țhian țhate leh țhenawmte chuan weekend-ah te chhungkuain hmukhawm in chawte an kil ho țhin a, chhung leh khat chu sawi loh chaw eipui kan neih ve ngai loh avanga mak ka tih thu ka pa hnenah ka thlen ta anih kha.

"Chhung leh khat sawi tur kan nei ve tawh lo, i pi leh pute chu thlawhna accident-ah an boral tawh a, ka unaupa neih chhun a boral tawh bawk, i nu te lam lah ni se, a laizawnnu te inneihna hmangin tuipui zau taka an zinkualnaah an lawng chu a pil a, i nu chauh a dam chhuak ta si a ni." A tih te chu kei hian ka la theihnghilh hauh lo.

"He hmun nuam takah hian awmhlen dan i ngaihtuah tih a hriat reng alawm."

Ka suangtuahna ațang chuan ka harh chhuak zawk a, a hmel landan chu a dam diai a, "I la inbual nange? Ei tawk hria la, Ei tawk i hriat loh avanga buai leh ka duh hauh lo," ka hmaah tak dingin min chhuk melh run a.

"Chutiang ka ngaihtuah hauh lo mai, nizan avang khan ka lawm a, vawiin lam avang pawhin," châk lo hle mah ila lawmthu sawi chu a ngai ve tlat si a.

"Nizanah kha chuan keite ang mai i nih kha mawle, lawmthu sawi kual leh hnuhnawh kha a ngai lovang," a nui sak a, a khabe chu a dawm vang vang a.

"Ka haw angai tawh tak zet ani, ka nu leh pate...."

"Nizanah i pa chuan a lo bia che alawm, ka sawi fel vek tawh," mit la sawn miah lo chuan min en run a, hepa hian engtin tak sawi ang maw..!? Inhnial nan hun ka nei lo tlat ka haw vat vat a ngai a ni ka ti rilru mawlh mawlh bawk a.

"Inbual fai la lo chhuk ang che," nghet charh chuan a ti a," a chhuak zui nghal a.

Engvanga thu min pe țhin nge maw anih le? Eng angah nge maw a in ngaih chiah ni? Hepa hian tu te pawh hi a hnuaichhiah vek a ang tlat. Kal luih pawh tum ila, ka in bual hma loh chuan min kal tir dawn chuang lo tih ka hria. Hepa nena kan buaina hi tawp vat tur chuan a thu pakhat lek ka zawm chu ala ngai fan chu a ni si a.

Ka hmanhmawh em avang chuan bualkûangah pawh inchiah rei lem lovin ka chhuak nghal a, a towel chuan intuamin a rim pa tak chuan ka hnar a verh em em zui, nizan lama ka hak kawr var bawk chu ka ha leh nghal tawp a.

Room ațang ringawta alan dan chu a ni hauh lo, in chu a lian tak zet a ni. Step-ah chuan ka chhuk thla a, Rafe chuan min lo nghak reng tawh chu niin, a coat senduk hâk chu a inhmeh tak zet, a hak tur tak a siam a ni ngei ang.

A țhen suk a, "Min zui rawh," ka hmaah chuan a kal nghal a, a car dum tliang nalh fahranah chuan ka luhna tur chu a lo hawng bawk a, a țhen leh sawk țhin bawk.

Kan tlan chhuak tan dêr a, "I address i sawi loh chuan panna lam tur ka hre hauh lo a nia, kidnaptu-ah min puh leh tur lah ka duh bawk hek lo," nuihza tih hriat tak chuan a nui hawk a, chutianga a nui hmel chu ka la hmu hauh lo.

"Mahanatan street, near palman place." Min rawn en a, a țhen leh sak a, a aia chak deuh chuan min tlanpui zui nghal a.

Nizan lam kan boruak vang te pawh a ni ang, ka mut chhuak lutuk chu ka insum thei thlawt lo, ka lu lah chu a na em em mai lehnghal.

'Tunah chuan buaina ka hmachhawn tawh dawn lo' tiin thawveng tak chuan ka mit chu ka chhing bawk a, biak tumna pawh ka nei lem lo, ka be chak vak lo bawk nen, ka kawr haklai erawh ka pe let leh ngei dawn tih ka chiang. To be cont...

[Ngaia]

LAST KISS 5


Chapter-5


"Tho rawh, ka Car hi khum emaw i ti em ni?"

Aw thum, hriam hruihin min rawn tih takah chuan ka harh kawk a, ka men chuan hnai taka min lo en avangin rang taka țhut ngil ka tum chu ka chal chuan a chalah tak chuan ka tauh chawrh a!

A hmui chu a pet sawi zeuh a, min ei lo hle tih hriat tak chuan a țhu ngil nghal bawk a, kei erawh na ka tih em avang chuan ka chal chu ka dawm vawng vawng thung.

"Mr Rafe, ka lawm e" tih pah chuan Car kawngkhar chu hawngin kal mai ka tum a, kal vat vat ka duh tak zet tih ka hria, a bula ka awm reng hian ka boruak hip a fuh thei tlat lo.

"Nangmah buaipui hrep tu che chu, hetiang hian em ni i inah ilo lawm dawn?" Ka chhanna pawh ngaichang lo chuan ka ai hmaah chuan a kal zui nghal zat a. Zakthei lo ve tak chu a ni!

Engvanga kan kawngkhar chu in kalh lo nge a nih? Ka nu hna ban a hun țep tih chu ka hria. Mahse, a la hma deuh tlat.

"Bawihte, ka ngaihtuah lutuk tawh che asin," inchhung kan luh rual chuan ka nu chuan min lo kuah nghal chung chung a, a piah chiaha lo ding samkir samuk lam chu tunge ni ta ang?

"Bridget, hei hi em ni i pu thar chu?" Ka nu chuan a kut la chhuakin a chibai nghal a.

Ka chhan hma chuan Rafe-a chuan a tih țhin dan pangai chuan ka chhanna pawh nghak lo chuan, "Rafe-a ka ni e, Bridget-i pu thar chu." A nui sang a, a hmel landan chu a nelawm hle.

"Bridget, i nu nen hian kan lo nghakhlel tawh lutuk che u asin," step-a lo chhuk mek ka pa chu ka en hu a, pa nelawm tak zawng a ni. A hmel chu a hahdam thlak em em mai si a.

"Nang pawh maw ka pa? Ka nu nen hian tinge in hnaah?

"Chulam chu nakinah kan la sawi dawn nia." Mr Rafe, kan inhmu chu ka lawm tak zet e, a kut chu a phar chhuak nghal a.

"Mr Mendler nang pawh le, in bulah hian thusawi duh ka nei a ni." Rafe-a chuan a ti nghet charh zui a. In hre tawh an ang hle a ni. An hming nen lam an in ko thei si a, nizan lam min lo call avang kha a ni ngei ang.

Ka pa chuan țhu tura sawm chung chuan an țhu zui nghal bawk a.

"Ka sawi duh chu naktuk hian weekend hman pahin hna tih fel tur ka nei a, Bridget-i hi ka P.A anih angin Australia-ah hruai ve ka duh a ni. A inringtawk hle tih pawh a lang.

Mak ka ti lutuk chu ka meng zau kawk kawk a, ka ding ngawi reng ringawt. He pa hian a duh duh a sawi a, ka hnenah pawh a sawi thei reng si a, ka pa hnenah tunah lem a sawi leh hlawl bawk si, ka kal lo khawp ang, a bula hun hman ka tum hauh lo mai.

"Enge i in duh ang Mr Rafe?"

"A theih chuan coffee ni mai se."

"Kate, Mr Rafe tan hian coffee rawn laksak ta che." Chu nu chu kan awmpui tur ka pa in ka la fel tawh a tih kha a ni tih ka hrethiam ve nghal mai a, intifai tur chuan ka room lam chu ka pan chho nghal daih a.

Ka inthlak fel a, ka thawmhnaw chu suk turin ka dah a, bualkuangah chuan rei lo te ka in chiah hnu chuan ka rilru te sawi ve turin inhnuai lam chu ka pan ve nghal bawk a.

Rafe chu alo ding hluai tawh zawk a, "Bridget naktuk dar 11-ah kan kal ang," a chhuak zui nghal a, ka thinrim lutuk chu ka ke chu ka per deuh sawk a, he pa hian eng angah nge min ngaih? Eng angah nge a in ngaih? Ka thu lo chuan tuma'n min kal luih tir hek lo ang.

Ka pa chuan pawn thleng a thlah dawn tih hriat tak chuan a zui chhuak nghal a.

"Bawihte, hetah hian lo țhu teh, thil pawimawh tak hrilh tur che kan nei a nia," ka bula ka nu lo țhu reng pawh chu ka hmu miah lo chu niin, ka nu hmelah chuan rilru hahna tak a nei tih chu ka hrethiam mai. Mahse, engvang nge ni ang?

Ka pa pawh chu lo lutin, min lo zawm ve nghal a. Nizan ka hun hman dan chu engtin nge ka sawi ang? Mipa khumah ka riak tih leh chu chu ka pu thar a ni tih chu. Ka rilru a buai tak zet.

"Nizan khan ka lo call che a, Rose-i piancham lawmna a in kalhnuah, in company a thawk te nen in tihhlimna innei a, in riak nghal tih lo call lo che ila inu nen hian ka'n hre dawn miah hleinem." Ka pa chuan nui sen sen chung chuan min melh kar bawk a.

Chu thil chu Rafe-a sawidan a ni ngei mai, engvanga dawt sawi nge maw a nih le? Dawt sawi pawh a lo thiam tel tho mai, tenawm hian! Mahse, kei pawh chuan thudik sawi dawn ila engtin nge ka sawi tehlul ang.

"Ni e, a dik alawm," dawt ka sawi avang chuan in thiam lo takin ka meng khup lap a. "Naktukah chuan ka kal hauh lo ang, ka tel lo paw'n a ti thei tih ka hria," ka thinrimna chu ka mitmengah pawh alang ngei ang le.

"Bawihte, hna tam tak zawngin i hlawhchham a, tuna i hna hi ban mai i duh te a nih loh chuan i kal ngei chu a ngai ang, bakah naktukah hian i pa nen England-ah kan kal a ngai thut a, chuvang ania vawiin pawh hnaah kal loin thil pawimawh kan ti vel ta zawk a ni.

"Eng maw...!? Engthil pawimawh nge ni a?"

"I lo kal ve na chi a ni lo, chuvang chuan nang pawn Rafe-a chu i zui mai a ngai ang, i tana hna zawn a har zia kha theihngilh ngai suh," ka pa chuan a kut chu dawhkanah dahin a ti phu ut ut bawk a.

"Engvanga kal tum thut nge in nih tih tal te chu min hrilh ve dawn lo em ni?" Mak ka tihna leh ka buaina chuan min belh zual sauh a, Rafe-a bula ka kal mai ngai te chuan min ti thinur em em bawk si.

Aw dam takin ka pa chuan, "Heng thil te hi a hun takah kan la hrilh ang che, tunah chuan min ring tawp mai rawh, i tan a țha lo tur engmah kan la ti ngai lo tih i hriat kha, min ngaipawimawh hle tih hriat tak chuan min en reng a.

"Bawihte, ni thum vel chu kan cham ang a, kan lo let leh nghal ang, i hna chauh ngaituah la, keini leh midang ngaituah hauh suh ang che," ka nu chuan ka thinrimna te chu min hnem tum takin min nuih seih bawk a.

Khumah chuan ka inlet ka inlet a, ka nu leh pate an zin thut dawn a, Rafe-a'n weekend hman pahin hna tih tur a neih a vanga hruai tel ve min tum bawk a, ka lung chu a awi lo tak zet. Ka lakah hian enge maw tak thup chu a awm a ni. Kei hi tu te mai pawh hian naute lem ang lekah min ngai a ni ngei mai, ka pa chu zawt mah ila hun a tih lohah chuan min hrilh dawn chuang lo tih ka hriat avangin ka zawt buai duh ta lo anih kha.

Jace..! Chu hming chu ka hrechhuak thut a, ka țhu ngil nghal awt a, ka pa te room-ah ka luh ngei a ngai, a ruk thei ang berin ka hriat an duh loh thil chu enge ni ang? Jace-a thusawi chu ngai thutak lo viau mah ila thudik alo sawi reng pawh a ni thei asin. Naktukah hun ka nei lo tlat tunah ka en ngei a ngai.

Dim te chuan ka lut a, dim light eng avang chuan ka tim deuh tlat, ka pa thingrem chu thawm nei lo tur ber chuan ka hawng bawk a. Ka hmuh mai loh avang chuan ka hai kual nasa a, thirmum ni awm tak chu ka khawih ngei e.

"Bridget eng thil nge i tih hi?" ka pa aw chang tak leh thinrim tih hriat tak chu ka hai mawlh lo, chutiang aw ki a min biak chu ka la tawng ngai lo hial zawk a ni.

"Jace....."

"Ka hria e, i pate Jace-a maw? A lo be tawh che anih ngei dawn chu heng thil hi a thlen ka ring reng a ni. I duh chuan keimah min zawt thei alawm, a ruka thil tih hi a ngai hauh lo." A hmelah chuan enge lang ka hrethiam hauh lo, a buai nuai ni berin ka hria.

"Pa, pute-a ka nei a maw? Nang hian dawt min lo hrilh char char a, chuan i fanu hi min ring ve ngai hauh lo tih ka hria, he lehkhaah hian enge inziak chu ka hre lo na a, ka lakah hian thil thup tam tak in nei a ni. Ka pute-a pawh inthup ang hian ka mittui chu ka dang thei hauh lo.

"Bawihte lo țhu teh," aw dam tak chuan ka pa chuan ka kutah rawn vuanin khumah chuan min țhut tir a. Ka nu chu a harh tih ka hria. Mahse, lehlam a hawi tlat a, engmah a sawi ve miah lo chu mak ka ti a ni.

"Bridget, puitling i ni tawh tih chu ka hria alawm, mahse i pa hian ka hrechiang em che a ni, tlema i puitlin leh deuh hun kan nghak mai chauh a ni. Hriatthiam tum teh khai, he lehkha i zawn mek hi i nu ziah ngei hi a ni e. Mahse, he lehkha i chhiar kher ngai lo hian țawngkam ngeia hrilh che kan tum a ni. A hun chu lo nghak tawp mai rawh, i tana țha lo tur engmah kan ti ngai lo tih i hriat kha."

"Mahse, ka pa heng thil te hi ka hrethiam lo tak zet, engthil chiah chu nge ni a? Puitling ka ni tawh tih i sawi zawh chiah kha mawle," ka mittui chu ka hru mawlh mawlh a, ka nu chu a țap a ni tih ka hre thei, chu chuan min ti hlauthawng leh zual a, au vak vak mai chu ka duh tak zet.

"Puitling chu i ni tawh alawm. Mahse, rei lo te nghah mai chauh a ngai a ni. I nu hian tuma'n hma hun ka hrelo atih avangin lehkha hi kum 6 kal taah khan a lo ziak daih tawh zawk a sin." A thaw hawk a, a rilru a buai hle tih chu a hriat tak zet. "Bawihte ka tiam a che, rei lo te chauh lo nghak rawh, i pa hian engkim a ti fel vek ang." Ka kutah chuan a rawn vuan a, ka chalah chuan a rawn fawp nghal bawk a.

Ka thin a rim nge, ka rilru a na zawk nge, ka hlau zawk? Engthil mah hi ka hrethiam lo, ka pa chungah pawh ka lungawi loh em avangin engmah sawi zui lo in room ka chhuahsan a nih kha, muthilh ka duh tak zet a, ka thei si lo.

Lehkha bu ka chhiar tawh ho intiang ur chu ka melh hrek a. lehkhabu ka chhiar nasat țhin em avangin thawh ka hai ziah țhin tih pawh chu ka hun tawn mak tak tak te chuan min theihngilh tir zo tawh a lo ni.

Lehkhabu pakhat chu lain ka chhiar ta zawk a, ka rilru hrehawm tak chu theihngilh ka duh tak zet a ni.

Kawngkhar kik ri chuan min ti harh hlawl a, nizan lam ka mut tlem em avang chuan ka lu a rit luk a, ka mit a kham em em bawk. Muthilh leh ka mamawh tak zet.

"Bawihte, kan kal tawh dawn a nia, lo tho teh min thlah dawn lo em ni?" Ka pa aw chu nidang aiin ka ngai vawng vawng mai, ka kawngka ep chiaha awm ni mahse, ka ngai tlat a ni.

Ka chunga thil thleng avang te chuan ka lung a awi hlawl lo, ka luhlulna chuan min delh rit em a, thlah erawh ka tum hauh lo. Keimah ngei pawh chuan hrehawm ka ti tak zet. Mahse, ka thinrim zia hi an hre ve tur a ni.

Kawngka kik ri chu a tawp a, "Bawihte, tluang takin i kal dawn nia, kan lo let leh vat ang, in enkawl țha hle ang che."

Pen thawm chu a ri zui nghal a, ka mittui chu a tla nghal zawih zawih bawk. Ka nu leh pate ka thlah lo chu hrehawm ka ti a, ka ngai tak zet bawk. Ka in thiam lo hle bawk a ni. Ka pa kut vuan chunga thlah chu ka duh dan a ni tih ka hria. Ka nu aiin ka pa chu ka tet te ațangin ka ngaina zawk tih chu tu te pawn an hre ngei ang.

Choka lam ka thlen chuan Kate-i chuan "I va tho hma ve, i pa te i thlah si lo a," mak tih hmel tak chuan min en chho hu a, "Tukțhuan tui taka i ei ka beisei," tih pah chuan a lo dah nghal zung zung a. A ngainat awm hle bawk.

Tifel tur ngai te chu ka ti ve zung zung a, "Heng te hi i tih a ngai hauh lo," ka bula ding chu Kate-i a ni.

"Ohh..! Ni lo, hengte chu ka tih țhan ve dan alawm engahmah ngai suh."

"Bridget, heng te chu ka hna a ni, ka hnaah chuan midang puihna ka duh hauh lo," a hmel chu a thu tak em em mai a, puih a duh lo tak zet tih a lang, "Vawinah in zin dawn kha, i insiam angai tawh zawkin ka hria." A thiltih lai chu a ti zui nghal mawlh mawlh a.

Zin tur ka ni tih hriatchhuah tir ka nih avang chuan ka lawm vak lo hle mai, sana chu ka en zauha 10 alo ni der tawh a, Rafe-a pawh a lo kal țep tawh ang, a duh hun hunah lo kal mai mai ang hmiang.

"Bridget, i puin inhnuaiah a nghak che a nia, i hman țep tawh em? Hmanhmawh turin a ti bawk che."

"Ka hman țep e," a duh ang chuan ka hmanhmawh hauh lo ang, kha Rafe chapo tak khan athu hnuaiah min dah reng bik lo ang, ka che muanglui tlat bawk a, thawmhnaw pawh ka bag-ah chuan 2 bak ka keng lo, he pa bula kal hi ka phur loh em vang a ni zawk mah.

"I lo chhuak dawn nge, ka lo lut dawn? Engtia rei nge khatah khan awm i tum? Nangmah vanga tlai hi ka tum hauh lo ania," ka phu nasa lutuk chu ka ding khawng chiang kher mai.

"Ka inah te chuan thuneihna ka nei ve alawm."

"I thuneihna kha paih bo rawh, a nih loh chuan ka thuneihna ka hman mai a ngai dawn a ni."

"Ka duhthlanna pawh min zawt lovin min hruai luih i tum a ni lawm ni? Nang ang mihring hi ka la hre ngai hauh lo, inhnuaiah khan min lo nghak thei ang." Ka ti let ve hmiah a, ka thinrim em vang chuan ka in seh ruh nasa hle bawk.

"Hmeichhe inchei rei lutuk hi ka duh hauh lo, ka lakah lan țhat i tum kher angai hleinem, tun ațanga minute 5 ah i lo chhuk lo anih chuan ka thu neihna ka hmang ang." A pen thawmin a zui nghal a.

Engangin nge a thu neihna chu hman a tum chiah le? Kan inah leh nghal ka hmu chhin chak hle mai. Mahse, he pa pawisak nei lo zet hian ka kawngkhar pawh a ti chhe duh hial ang tih ka hriat avang chuan ka chhuk zui ve nghal a.

Ka chhuk thla chu min lo en reng tih ka hria, hre lo ang leh ngaipawimawh lo ang taka lan ka duh avang chuan ka hawi sang vah a, ka kekawr tlawn dum hak leh ka jacket senno lam chuan min ti lang nalh hle tih ka hai bik lo, ka make-up tlem te hman nen chuan.

"I nalh tak zet a ni," a mit ala sawn dawn tawh lo emaw ka ti hial zawk. Nang hian hun tam tak i khawhral luih avangin hremna chu ka la pe ngei ang che, tunah chuan hmanhmawh taka kan kal angai tawh tlat."

A bul ka thlen chuan a rimpa tak chu ka hrethei a, a coat suit hak chu nidang zawng aiin a inhmeh tih ka hre bawk, "I thuvek alawm," elhsen tak chuan ka ti let vat a, amah pawh nghak lem lo chuan ka chhuak zui nghal zat a... to be cont...


Show post links
Top

[Ngaia]

LAST KISS
(Competition)
CHAPTER-6


CHAPTER-6


Airport kan thlen chuan thlawhna lian tak tak te chu kan kal pel zel a, a khawi ber hi nge kan chuanna tur chu ni ta ang? Rafe-a kal lai chu ka ngaichang deuh bawk a, thlawhna awm zawng zawng chu kan kalpel vek tawh si a, mak ka ti tak zet.

Kan hma a private Jet tih hriat tak var tle surah chuan a lut nghal a, kawngka bulah chuan dingin a kut chu a rawn phar chhuak bawk a, hreh tak chung chuan ka kut chu pein, "Ka thlawhnaah hian ka lo lawm a che Bridget," he thlawhna chu ama ta lek chu lo niin, a hmelah erawh chapona a lang hauh lo thung. Mahse, ka ngei tho tho.

A chhung chu ka rin ai daihin a pui leh nghal, țhutna te chu a bik taka siam tih a hriat hliah hliah a, hreh tak chung chuan ka țhu a, ka huphurh ber zawk chu thlawhna ka la chuang ngai hauh si lo zawk chu a ni, ka hlau em em zawk si a.

Rafe-a chu ka bulah chuan a lo țhu ve nghal bawk a, țhutna dang a awm reng lai a, ka bul khera rawn țhu chuan ka awm a ti nuam lo kher mai, thlawhna ka la chuang ngai lo tih a hriat ka duh hauh lo, min hmuhsitna tur a tam mai mai dawn tlat.

Captain hnen-ah chuan thu a pe nghal zat a, kei erawh hlauh avangin ka lo in hum ruh em em thung.

Reilo teah thlawhna chu a ri vut vut a, a rawn nghawr nghal zat bawk a. Ka kawchhung chu sawifiah thiam si loh hian a ni bulh a, ka lu chhunglam pawh chu a ni muai muai nghal a, ka hlau lutuk chu ka țe țhawt lai ka hre hman hauh lo, ding si lo țhu si lo in ka awm tih erawh ka chiang thung.

"Thlawhna ila chuang ngai lo tih te chu a hma daih khan min hrilh tur che alawm," ka beng bulah chuan a rawn ti thawp sat a, ka kawngah nghet takin min lo kuah reng tawh zawk chu niin, a mi kuahna chuan ka awm a ti nuam lo leh zual tak zet.

"Țhu rawh kan thlawk kang tawh alawm, hahdam tak khan awm ang che, kan thlawk rei dawn a nia, naktukah chauh kan thleng ang, alo berah darkar 22 kan thlawk dawn a ni."

A țawngkam te chu amah a ang lo hial zawk, Rafe ka hriat țhin kha chu mahni induh tawk tak leh chapo tak kha a ni țhin si a, tunah erawh min ngaihtuah hmel tak zet thung si, ka taksa țang țeuh pawh chu ka in thlah dul ve nghal a.

"A lo berah darkar 22 maw?" huphurh hmel zet chuan ka en hu a, a rei dawn em a tin ni. Ka huphurh ngawih ngawih si a.

Chiang taka min en chung chuan "Hahdam taka i awm anih chuan rei lo te angin i ngai mai ang, tunah chuan ka ril ațam tlat mai," hepa hi a mak tak zet mize pahnih a nei tlat, thatchhiat hmel zet chuan a țhu thluang a, a bawp a khawkherh bawk.

Nula chhe lo zet mai chu lo kal in kan hma dawhkanah chuan in tur leh ei tur tuihnai tak chu alo dah a, "Tui taka in ei ka beisei," a nui ver ver a, a hmel landan chuan min ti hahdam hliah hliah a ni.

"Tunah hian wine in dan zir i duh em?" Ka mitah tak chuan enin "I duh loh chuan a pawi chuang lo," a hmel landan chu a thu tak hle tih a hriat, a sana lian zet chu enin a hma a ei tur awm chu ban in a ei zui nghal a.

Ka pum dik lo chu thlawhna ka chuan vang tih ka hria, chutiang lam chu ka pum a lakluh ka mamawh lo tih ka hre bawk, "Ka duh lo mai ange," ani kherin min zirtir tur chu țul ka ti lo bawk.

Min en chung chuan a khi suk a, a lang pa hliah hliah "Australia-ah chuan buipui ngai in awm hauh suh ang che, anih loh chuan ka hnutchhiah che anga ka haw san ang che."

He pa nen a inhnial reng hi ka ning tak zet, ka nu leh pa te ka thlah tak loh avanga rilru nuam lo leh rilru hah takin ka awm tih reng a hrethiam pha ve si lo. Ani hnial hi ka kham tak zet a ni.

Ei tur chu banin ka ei zui ve nghal a, ka thil ei chu a tui leh tui loh lam pawh hre lo in ka lem duak duak tih erawh ka hria, ka rilruah chuan thildang daih ka vei thung si, he pa hian min be buai tawh lo se, ka awm anuam deuh mahna. Thei tui chu ka in zawm nghal zat a, ka pumpai pawh atih nawm deuh ngei ka ring tlat.

Rafe-a chuan a mit a chhing tlat a, ngaithuah muk tak a nei tih pawh a hriat hliah hliah, engtak chu ngaihtuah ang maw? A hmel lan dan chu a chauh hmel hle bawk a, a kut chu kuangkuah thanin a bawp sei tak pawh a thluang ar a, naupang rilru no tak tih nat awl tak a ang hle mai.

Nizan lam ka mut țhat loh em vang leh rilru buai taka ka awm vang a ni ngei ang, mut chhuak chuan min rawn zem chiai chiai a, ka chhing zui ve nghal bawk a.

Ka harh chuan, puan lum nuam tak ka lo sin reng tawh zawk, ka hawi kual a Rafe-a chu ka hmu mai lo tlat, ka bula a awmin ka awm anuam thei lo a, a awm loh lahin nuam ka ti chuang hauh lo. Khawnge a awm tak ang? Pawnlam chu a thim țan tih ka hmu a, ka mu rei hle tih pawh a hriat.

"I mu rei hle mai maw? Hmeichhe mu rei thei tak i ni tih chu ka hre tawh. Mahse, i hnâr tel kher țhin tih ka lo la hre hleinem," Rafe-a chu ka bulah a lo țhu ve nghal a.

Ka bul hnaia a lo țhu ringawt pawh chu ka boruak hip a danglam nghal thei hial a ni.

"Ka hnar ngai miah lo."

"I duh chuan Linda-i pawh i zawt thei ang," chu nu chu Air Hostess kha a ni ngei ang, midang chuang an awm ve si lo, Captain tih loh chu. Ka mut țhat loh avang leh ka mut dan a rem loh em vangte pawh chu a ni ta ve ang.

Chhan mai ngaihna ka hriat loh avang chuan ka ngawi ta ringawt a, ka va melh chuan nuihza tih hriat tak chuan a lo nui bawk a, ka ngei kher mai.

Ei tur lo nawrtu chu Linda-i chu a ni ngei mai, kan hmaa dawhkanah bawk chuan lo dahin, "Ka pi tui takin ei ang che," engvanga ka pi min ti nge maw anih le, a ai in ka naupang zawk tih pawh a chiang reng si a.

"Tui takin eila, duh leh mamawh i neih chuan, ani hnenah khan i hrilh zel thei ang," ei tur chu a ei leh nghal mawlh mawlh tawh a. Ani pawh chu a lo muhil ve tho a ni tih a hmelah chuan a hriat.

Rafe-a chu thoin hmalamah chuan a kal zui nghal a, thil pawimawh a ti dawn a ni ngei ang, kei erawh ka ei tur ei zovin ka puar hle bawk, puar taka ka ei lohna pawh a rei tawh hle a ni. Ka hma a wine chuan ka mit a la hle mai. Mahse, hetah chuan ni lo.

Darkar tam fe kan thlawk tawh tih chu ka hria, ka ching leh diar diar tawh a.

"I duh chuan i mu thei ang, hetah ni lo," Rafe-a chu ka hmaah a lo ding leh reng tawh zawk.

"Linda," chu hmeichhe hmelțha zet chu rang takin a lo kal a, "A mutna turah va hruai rawh." Thu pe aw zet chuan a ti zui nghal bawk a.

"Ka pi, min lo zui rawh le," ka pi min ti fo mai chu nuam ka ti chiah lo, thuawih tak ang chuan ka zui ve nghal a, hnial buai ka peih loh vang a ni mah zawk, bakah rem lo taka ka mut leh chuan ka hnâr leh ngei ang le, a thu sawi te kha a dik anih si chuan.

Thlawhna hnunglamah chuan ka zui a, kawngkhar pahnih lo awm kan thlen chuan chu nu chu a ding deuh a, ngaihtuah a nei tih hriat tak chuan a melh tawn sek a. Pakhat zawk chu a hawng zui nghal a.

"Tui tak in mu ang che ka pi." A nui leh sen sen a, "Duh leh mamawh i neih chuan min hrilh zel ang che." A hlim hmel chu ka ngaina riau.

"Awle, tehreng mai," ka nuih let ve var a, a kal zui nghal bawk a.

Khum zau takah chuan muin, ka hahdam sawng sawng mai, ka hawi kual vel a, engkim mamawh tur a awm ni mai hian ka hria. Ka ham zui nghal bai bai a, la rei lo hle mahse, chhungte tel lo a ka vawikhat awm hranna anih avang chuan ka lung a leng nghal riau a, ka nu leh pa te ngaihtuah chuan ka muhil zui nghal a.

"Marcus, chu ka ngai tak zet tih i hriat kha, Lisa pawh telin Alessia ka thinrimna hi cho chhuak reng lo teh," chu aw thinrimna a khat chu Rafe-a aw ngei a ni, ka room ep chiahah a awm tih pawh ka hria, engtia rei nge ka mut tih lam pawh ka hre lo.

Marcus..., Lisa..., Alessia tute nge maw ni dawn ni? Ka mut chhuak lutuk chu thil dang pawh ngaihtuah thei lo chuan ka chhing lehnghal a.

"Kan thleng țep tawh ania," chu aw chu Rafe-a a ni, ka harh chuan a ke chuan min lo khan a, a kut chu ka awm bawrah a dah bawk.

"Ni lo!!" In perh thawh ka tum nghal a, rang zetin min kuah bet a.

"Engvanga ka pasal ang maia ka mutna a lo mu ve nge i nih? I chet dan hi ka lungawi lo tak zet," ka ti hriam hrawih a.

Min kuah reng chung chuan a nui hawk a, "Ka mutna i ti em ni? Ka mutna zawk tih hrilh nawn kher ngai suh, engvanga ka mutna a lo mu zawk nge i nih? Min beisei vang tih chu ka hria alawm."

"Zak thei lo lutuk, Linda-i hnenah ka mutna tur min kawh hmuh tir a ni lawm ni? Ka muthilh lai chu remchangah lain nang hian i tum reng vangin ilo mu zawk a ni."

Ka ban bul chu a hmer sawk a, ka lo țhen tlawk tlawk bawk, "Nang hi i bula ka lo mut beiseiin, ka khumah i lo mu tih hi zep buai duh suh, room pahnih a awm a, pakhat zawk saw i mutna tur chu a ni," thinrim hmel zet chuan a ti hrawih a.

Ka hrethiam kuar e, Linda-in ka pi min tihna chhan te, room kan thlen hnua ngaituah nei taka a ding dat te kei hi a pu hmei emaw min tih vang a lo ni reng zawk a nih chu hrep tak chuan.


"Linda-in min kawh hmuhnaah ka mu mai a ni e," thinrim tih hriat tak chuan tal chhuah ka tum a, ka hlawh chham chiang hle bawk.

"Tun hi inhnialna hun a ni hauh lo, kan thleng țep tawh tih ka hrilh che kha, hmangaihna chen dun i duh tih ka hria alawm," min kuai her a, ka hmuiah chuan dim tein a rawn fawp nghal vawng vawng a.

Ka rilru chu a buai zo, hnar ka duh. Mahse, ka thinlung chuan a duh hauh si lo, a ai a uar chuan min fawp leh tawn tawn a, chutah zet chuan chhang lo thei ka ni lo. Mipa ka vawikhat fawhna ni mahse ka thiam ang tawk chuan ka chhang let ve nghal a.

A kut chu ka hnute lamah țuanin, ka hnute chu a khawih nghal bawk a, ka vawikhat tawnna a nih vangin engtia tih tur nge tih pawh hre lo chuan ka awm mawl tawp a, ka taksa vel chu chulin, a duh dan tak chuan min khawih nasa hle bawk.

Ka thluak chu a nu bulh bulh ni hian ka hria, ngaihtuahna fim hman zawng har tak a ni. A mipatna chuan ka mal ah a do run tih pawh ka hria, ka thil tawn chu ka vawikhatna nimahse, ka awm dan erawh ka chiang thung si, sawifiah thiam rual loh chuan ka taksa chu nawmna in a tuam tih ka hai mawlh lo.

Ka chungah chuan lawn kaiin, kawr pawh ka lo ha tawh lo zawk! A tak ram min thlenpui dawn tih hriat tak chuan duh thawh takin min fawp leh a, min chul kual leh nghal zat a, a thaw ri kawk kawk a.

"Ni lo!!" Ka in bengkang a, puan chu ka ban nghal rawk rawk a, hepa hi ka la hrechiang tawk lo tlat. Ka hriat chian loh hnenah ka thianghlimna ka hlan thei lo ang, a mi tawhna te chu hnar har tak ni mahse, ka in chhirlohna tur thil ka tih ngei a ngai tih ka hria.

In la hrang vatin, khumah chuan a țhu a a nui hul hak bawk, "Hmeichhe duh lo chung ka ti lui ngai lo, min hlauh ka ngai lovang. Ka tawhna che erawh i dawngsawng țha hle tih nang pawn i hriat kha," hnehtu chan chang inti fahran chuan a nui lui leh hawk a, a thawmhnaw chu a inbel nghal mawlh mawlh a, ten hmel tak chuan min melh zui râm a.

"Lo chhuak vat ang che, kan țum dawn hnai tawh," dawhtheihna a nei leh ta lo hle bawk, a chhuak zui nghal a.

Engvanga hnar harsa ti viau nge maw ka nih le? A hmela min hmuhsitna lang kha na ka ti tlat, ka hnar ta tho anih kha harsa viau mahse ka in chhir mawlh lo, ka thawmhnaw chu inbelin ka chhuak zui ve nghal a.

Duhdah tak chuan alo țhu a, a bul hnai ka thlen pawh chuan engmah thleng lo ang mai chuan melh pawh min melh chhin eih lo, a piah zawka țhutna awmah chuan ka țhu ta zawk a.

"Min hlat luih hi tum kher mah la, i thinlung chuan min hnaih tih ka hria alawm," a in ring tawk mah mah a hmelah chuan elsenna tih alang chiang hle bawk.

"Ka thinlung chu nang ni lo in keimah zawkin ka hria, i duh ang ang chuan lo ngai mai teh, ka buaina a awm lo ve," diktak chuan a sawi dik tlat a ni. Mahse, chu thil erawh puitlin ka tum hauh lo.

Captain chuan eng eng emaw chu rawn sawi a, rang takin a tlan phei nghal a, a rim pa tak chu ka hre thei bawk. He pa hi ka duh lo, mahse ka thinlungah erawh a awm reng tih ka hria, paih bo tum teh mahila ka thei hauh lo ang tih pawh chiang takin ka hre bawk.

"Kan țum dawn e, i duh chuan han hawi kual ta che," a nelawm leh mah mah tawh zawk.

Ka țhutna țang chuan ka hawi thla a, lui lian lutuk mai a tawp chin pawh hriat loh chu mawi ka ti ngei mai, "Ropui lutuk" ka phun sap a.

"Heng thil te hi i vawikhat tawnna tih ka hria lawm," ka bulah chuan rawn dingin hmuhnawm tih hmel fe chuan a thlir ve bawk a.

"Țhu rawh le, kan țum dawn ania," min nem țhu a ni mah zawk, a țhu zui ve nghal bawk a.

Thlawhna chu a nghawr leh dawt dawt a, reilo teah chuan kan ding tih chu ka hrethiam mai, Rafe-a chu a tho nghal bawk a.

Ka kut rawn vuanin, "I tho thei tawh ang, min chhuk melh run bawk a.

Thlawhna kawngka bulah chuan Linda-i chu lo dingin, "Hun nuam tak inhman ka beisei," a nui leh var var tawh a, zam tak chung chuan ka chhuk thla ve nghal bawk a.

Kan țumna chu Airport a ni hauh lo mai, a piah lam chu lui nalh tak kha a ni tih ka hria, a boruak chu a dang zar mai, ka thaw kawk kawk a, kan hmaah chuan motor chu a rawn ding nghal bawk a. Rafe-a chuan kawngka chu hawngin ka lut zui a, ani pawh chu a rawn lut zui ve nghal bawk.

Kan kalna tur pawh hrilh hriat ka ni lo a, ka chuang mawl ve tawp bawk. Reilo teah chuan Lui zau nalh tle sar sar lam chu kan thleng hlawl mai a, ka phur ru viau bawk, motor ațang chuan kan chhuk a, kein kan kal zui nghal a.

Kan hna tih tur leh chawlh hun hmanna tur chu rawngvar leh dar tle sar maia inpawlh a ni a, lawng chawlh hmuna a ding ringawt pawh chu a nalh tawk hle a ni.

"Scarlet Destiny kha tun thlaruk kal ta chhung khan hralh a tla em kher a ni." Min lo hruaitu putar thau zet, fin hmel tak chuan a ti nghawl bawrh bawrh a, eng chungchang nge an sawi ka hre hauh lo thung.

Nawm chenna lawng nalh zet lam pan chuan kan kal zel a, ni chu alum nuamin a chheh vela thil hmuh tur nalh tak tak te chu hmuhnawm thlirin ka thlir pah zel a.

Mr Rafe tan erawh thil danglam teh chiam tur a ni lo tih ka hre thei, in hmuh khawmna hun an nei țhin ang tih pawh a chiang reng mai, computer siamtu, endiktu leh an hralhchhuahna te, mi chi hrang hrang a hmu deuh sek ang tih pawh a hriat.

Lawng bathlar kan thlen chuan min lawm nan chibai min lo buk sap sap hlawm a, computer lama eizawngtu ho an ni ngei ang le.

Min lo hruaitu chuan in hmelhriatna a neih chhung zawng chuan Rafe-a chu alo nui sang a. Chutiang thil chu a tawk ngun tawh ang a, hriat zui zel tumna erawh a neih ka ring lem lo.

"Ka zinnaa ka kawppui Bridget Mendler anih hi," mikhual hnuhnung ber a chibai lai chuan Rafe-a chuan a lo ti a.

"A hming a va mawi ve, a hming a mawi ang bawkin a hmel pawh a țha a lawm, zinpui i thlang thiam hle mai." Chu palian hmelțha tak mit buang tak chuan a ti zui nghal a.

"Hei hi ka țhian țha ber Logan Seymour anih hi," Rafe-a chuan min hmelhriat tir zawm zat a.

"Ka hmu che chu ka lawm hle mai Mr Seymour."

"Ni lo, Logan zawk le," a khi suk a, an țhiandun chu in ngai tawh tak ang mai an ni. An lan dan chu mize in ang tak pawh an nei ngei ang.

Ka mipa hmuh tawhah chuan a nalhin ala hmelțha ber hial ang, Rafe-a tih lohah chuan a thawmhnaw man to tih hriat zet chu a ha mar zualin a nalh pui hle lehnghal, a hmelțha tak leh rum lam mah chu hmuh a nuam hle a ni. To be cont...

[Ngaia]

LAST KISS
CHAPTER-7
By-Peki Ralte



Rafe-a kut hrawl tak leh sei tak chu rawn vuanin, "Ka hmu che chu ka lawm tak zet.." a lawm hle a ni tih chu a hmelah chuan a lang reng mai.

"Kei deuh hi asin lawm ni, i lawng nuam zeta leng lut tura min sawm avang pawh hian," Rafe-a chuan hlim sar hmel pu chuan a chhang let ve bawk a.

"Bridget nuam taka i hman ka beisei," ka lam lo hawi chuan nelawm zet chuan alo ti a. Ka chhip ațanga ka ke ler thleng chuan min en chik hle a, ka zam hial a ni.

"Logan, Bridget-i hi London-ah ka hnuaiah thawkin khawvel hmun țhenkhat ka rawn fan pui anih hi," Logan-a bânah chuan a beng thak thak a.

"Bridget-i enkawltu ang mai i ni alawm Mr Rafe," a nui sak a, Logan-a chu a nui mawi kher mai.

Rafe chu a lung ni vak lo tih hriat tak chuan a ner nawk a, "Chuti maw? Chutiang chu anih ka ring chiah lo," a nui huk a.

"Chuti chu han fankual pui ila ațhat dawn chu, i rem ti chiah ang maw?" Logan-a chuan nelawm tak chuan a ti a, a nui hmel mawi tak chu hmuh hmaih a hlauhawm hial zawk a ni.

"Tehreng mai rei lutuk lo ula," a ban a vai thuak a, a kal zui nghal a.

Rafe kal ta chu lawm zawk awm tak ka nih laiin, ka nun chu a ruak huaiin ka hria, he lawng mawi zet min fankual puitu chu Rafe ni zawk se, a mawina chu belhchhah a ni ngei ang.

Logan-a chuan hawihhawm tak chuan, a ban chu min rawn pein, "Kan kal dawn em mi niang?" Ka kut chu a ban a rawlh hnu chuan min kalpui nghal a.

"I lawng hi mawi ka ti lutuk tlat Logan."

"Tak zet maw?" A hmelah chuan a lawm tih pawh a hriat hle.

"Rafe hi pa zahawm tak a ni a sin," ngaisang tih hriat zet chuan a ti a, a lu chu a thlebak a, "Kawng hrang hrangah tuina neiin thiam pawh a thiam zel bawk."

"A ni ngei ang," ka ti sap a, a dik ngei ang tih pawh ka thinlung chuan a hria a ni. Ka hawikual vela lawng chu a nuamin a mawi kher em a ni. Hetiang mipa hmelțha leh hawihhawm tak zahawm bawk si chu mi vannei tak zawng a ni.

"Lehkhabu chhut lam pang te, computer siamchhuahna ka nei bawk, chung te chu Rafe-a'n a hrilh tawh ngei che ka ring. Mahni insawi erawh nuam ka tih zawng a ni lem lo."

"Oh! Ni e, min hrilh alawm," min la hrilh hauh lo țhianțha ber ti ve si-ah chuan, mak tak a ni. Ka hriat a țul a ti lo te pawh a ni ange.

A hnuailam ațang chuan lawng khawl chu alo nung țan a, a chuang hote hlim tak a kut benga an lo au dar dar lai chuan lawng chu lawngkai ațang chuan a tawlh chhuak zal zal a.

Ka vawikhat chuanna anih avang chuan ka lo awn deuh luih a, nghet tak chuan ka hnunglam ațang chuan min lo chelh nghal vat a, Rafe mi tawhna ang chuan ka taksaah danglamna a nei hauh lo.

"Fimkhur rawh Bridget, i tluk sual hlauh chuan Rafe-a ka ngam lo ang," a lam hawi chuan min kuai her a, a nui ver ver bawk a, Rafe nen chuan mize danglam tak an nei a ni.

"Ka lawm e Logan, ka vawikhat chuanna a nih vang a ni ange."

Tuipui boruak chu a thiang hle a, khua a nuamin thlifim a tleh heuh heuh a, a hnuailama tuipui dumpawl ruih chu ka thlir thla a, vawt ka ti nghal sung sung thei hial a, lawng bathlar hungna chu ka bawh vang vang a.

"In tur ka va la ange," Logan-a chu a kal nghal a.

Thil tam tak ka ngaihtuah a, ka nu leh pa te chu tel ve se ka ti ngei mai, ka phone ri chu la kangin ka pa tih ka hria, ka be lo thei tawh thlawt lo a ni.

"Hello ka pa."

"Bawihte, kan ngai tak zet tawh che a ni, enge i an le? I hun hman dan chu a nuam bawk em?"

Ka pa aw dam diai ka hriat leh chuan ka lungleng lutuk chu ka hnuk a ulh mai dawnin ka hria, ka insum hram hram a, "Nuam tak a ni, tel ve thei ula ka ti hle mai."

"I thin a rim tawh lo tih ka hria e, naktukah kan haw nghal theih dawn avangin haw kan tum a, i nu nen kan lo sawi fel tawh a, engkim hrilh che kan duh tawh a ni." A aw erawh a hlim loh hmel kher mai.

"Tak tak maw?" Chu thil ka rilru ti buai em em tu chu hre turin ka inpeih tawk em? Mahse, hrilh hriat ka ni dawn a, a lo berah hlim tur ka ni.

"Ni e, kan rilru kan thlak leh alawm, i nu pawn nakinah lo biak che a tum ang, ala buai em a tin ni."

"Aw le ka pa, kan lo haw thuai dawn tih i hriat kha, ka hmangaih che."

"Keini paw'n kan hmangaih che." Phone chu a dah zui nghal a, ka nui sak bawk a.

"I hlimna chhan te chu min hrilh ve phal em?" Logan-a chuan ka lam a lo pan a, no pakhat zawk chu min pein, a kut lehlam a a no kenna chu khai kangin "cheers," a ti sap a, ka bânah chuan nghet taka vuanin min kalpui nghal bawk a.

Chu lawng lian leh ropui zetah chuan hmun tin maiah eitur leh in tur chu a awm fur a, a hmuhnawm hial zawk, Logan-a chuan a hmun pawimawh bik te leh dangdai bik te chu min hrilhfiah zel bawk a.

Hall lian pui leh thil ropui danglam tak tak kan kal pel lai chuan, "Nuam ka ti tak zet," awm lo a awm lo hial zawk ang.

"Nuam i ti chu ka lawm tak zet Bridget, tunah chuan ei tur lam kan ei a hun tawh in ka hria," kan hmazawna eitur siamnaah chuan min hruai lut nghal a.

"Heta awm eitur an neih tuiber hi ei ila a țha in ka hria," a nui huah huah zui a, a nelawmin a bula awm chu a hahdam thlak hliah hliah.

An eitur siamtu chuan a zah hle tih ahriat a, Logan-a thil lam chu rang takin alo dah nghal thuai a, "In duhthusam ngei anih ka beisei ka pu," a lu a bu zauh a, a kal zui nghal bawk a.

"Tui i tih ngei ka beisei," ka kut vuanin a nui leh suk a.

"A tui hle ang tih ka hria a ni Mr Logan," ka nuih let ve sak a, eitur te chu kan ei zui nghal a, ka rin ang ngei chuan atui tak zet a ni, in tur kan hmeh tel avang te pawh chu a ni ang ka puar hma hle.

Logan-a chuan a lawng chanchin ngaihnawm tak mai chu min hrilh pah zel a, ngaihnawm ti tak chuan ka lo bu nghauh nghauh bawk a, in tur tui ber ber chi te chu alam chhunzawm nghal a, ka tan liau liau a, a țha ber ber a tih te chu kei hian ka hnar nachhan tur a awm hauh lo, bakah hetiang hun hi ka tawng leh ang tih tuin nge sawi thei?

"Bridget i țha meuh maw?" Min ngaihtuah tih hriat tak chuan min en a, Logan-a hmel chu ka melh peih țawk țawk a ni.

"Ka țha alawm, he hmun hi anuam tak zet, Rafe a tel ve lo a nuam ka tih a zual tlat," ka thinlungin Rafe-a awm ve lo chu hrehawm ka tih em avanga, sawichhuak ka ni mah zawkin ka hria, ka nui vak vak a dawhkan chu ka bawh thlawp a.

"Hetiang te chu i hriatthiam ve mai ka lo ring a sin, Logan," thinrim tih hriat zet chuan a ti a.

"A la in țhang lo tih ka hriat loh vang a ni," in thlahrung aw zet chuan a chhang let bawk a.

Chu mite pahnih inbia chu Rafe leh Logan-a anni ngei mai, chu pawh ka mutna room lehlam chiahah leh nghal.

Ka meng chuan ka awmna chu room zau nuam tak tih ka hria, kei hi room hran pek ka ni lo anih dawn hi, Rafe-a nen a room ințawm leh chu ka duh hauh lo.

"Mr Rafe, i thu thu a min dah i tumna hi bansan tawh rawh, Logan-a hian thiam lohna a nei hauh lo, enge ka tih ang a, engthil nge ka tih ang tih chu keimah chiahin ka rel ang," ka en chho hu a, ka thinrim zia pawh ka hmelah alang ngei ang.

"Tunah hian roomah lut la, va mu leh nghal rawh," Rafe-a chuan thinrim tak, hmai ruh țeuh chuan min ti a.

"Teuh lo mai, ka duh dan ang chiahin ka awm ang, ka thu ngeiin," cho zet chuan a hmel chu enin ka hawi chho leh nghal va a.

"Bridget, ngai ila awh lo niin a lang, va mu leh zawk tawh rawh," Logan-a chuan dam diaiin a lo ti ve bawk a.

"Lut rawh ka ti a ni lawm ni," a kut chuan room lam kawh pah chuan Rafe-a chuan a ti chher chhuai a.

"Nangni pahnih thu hian ka awm hauh lo ang," ka mittui tla tur chu ka khap let hram hram a, rang zetin room chu ka chhuah san nghal a.

"Zanin hian hna kan nei tih theihngilh hauh suh," Rafe-a'n a tih chu ka hre vuai vuai a, ding leh ka tum hauh lo, duh leh amahin ti mai ang hmiang, min ban pawh ni se ka hlau ther te lo.

Engtik ațangin nge he pa hi ka rilruah a awm reng ni? Min ngaihsak lohna a hmela ka hmuh te hian ka thinlung chu a na vawng vawng a, a awm nghenga țah hawm hawm chu ka chak ber a ni.

Engtia thui nge ka kal pawh ka hre tawh lo, lawng vawnban chu chelhin ka mittui chu ka hru mawlh mawlh a.

"I va inngaihtuah nasa awm ve," ka hawi let chuan Logan-a chu hlim hmel pu sarh chuan in tur keng chuan a hawi kual a, midang an awm hnai lo tih pawh a hre ngei ang.

"Engtin nge ka awmna i hriat theih zawk?" Logan-a chu Rafe ni zawk se ka ti ngei mai, mahse ani chuan min zawng hauh lo ang.

"Ka zawng nasa che alawm, hmeichhe rilru na taka an kal hian ka awm anuam thei lo a ni," ka rilru chu a na thar thut a, chhang lem lo chuan ka ngawi ta reng zawk a.

"I va ngawi thei ve Bridget, nang ang nula hmelțha leh nalh te chu hlim taka nun chen tur i ni asin."

"Ngawih theih hi ka hna alawm, țang reng in phun nawi reng ila, Rafe-a nen hian kan thawkdun thei hauh lo ang, mahse chutiang mi nih chu ka duh chuang hauh lo."

"Chuti chu Rafe-a mizia i hai lo hle mai," a nui sak a. "I duh danin i nung thei alawm," min hnem nge ni a min fuih pawh ka hre lo, min khawngaih ve hle tih chu ka hria.

"Tunah tak chuan thawveng taka awm ka mamawh a ni."

"A nih te chuan lo kal ta che," ka banah kaiin min kalpui nghal a.

Hall zau ropui zet kan thlen chuan a kawp te te chuan an lo lãm mup mup a, a țhenin no dawm pah chuan țhutphah nalh zeta țhuin an lo ti ti bawk a.

"Lam i duh em em?" Logan-a chuan a tih țhan dan bawk chuan hawihhawm tak chuan a kut chu min lo pe a.

"Tehreng mai," kan lam dun ta rial rial a.

"Rafe nen hian in in ngaizawng em ni?"

A zawhna avang chuan ka phu deuh zawk hial a, aw ti a chhan chu ka duhthusam nimahse, "Kan in karah engmah a awm lo," chu chu anih dan a ni reng bawk, ka taksa mawina bak duh a nei lo tih ka hrechiang em em si a.

"Mahse, i thinlungah chuan awm hauh lo chu anih loh kha mawle," Logan-a chuan a mit min siai zauh pah chuan "Ni lawm ni?" A nui leh ver ver a.

"Ni lo, i ngaidan mai a nih chu kan țhu dawn em ni? Ka chau deuh tlat mai," kan thusawi lai chu pawhchah vat ka duh vang a ni zawk mah.

"I chauh hi tuin nge phal tehlul ang ni," țhutna awmna lam chu min pan phei pui nghal a.

Mi pawimawh leh hausa tak tak tih hriat te chuan lo biain an lo chibai nak nak bawk a, min lo en a min lo nuih leh zauh țhin bawk. Sumdawn thiam tak leh hawihhawm tak a ni tih a hriat em em bak a.

"Bridget a tlai hle tawh a ni, Rafe-a'n a lo nghak reng tawh ang che," ka bula lo țhuin a sana chu a melh zeuh bawk a.

"A duh danin a awm thei alawm, keipawh chutiang ang bawkin," Logan-a chuan chiang zetin min en a.

"Chu chu i rilru diktak anih ka ring hauh lo."

"Logan, tih tur i neih chuan min kalsan thei ang, i neih lem loh chuan zanriah min kilpui duh angem?" Rafe-a bul a rilru hah reng renga awm ai chuan ka duh zawk tlat.

"I ti tak zet maw Bridget?" Mak tih hmel fe chuan min en a, "Kal zawk la ațhain ka hria, Rafe khan zanah..."

"Ni lo Logan, heta awm hi ka duh thlanna a ni, he hmun nuam tak hi ka la kham lo tak zet," za lo tak chuan ka nui hul hak a.

Logan-a chuan min en chik hle tih ka hria, ka thusawi te chu a awih lo tih pawh a mitmengah chuan alang.

"A nih chuan zanriah chu ka room-ah i ei duh angem? I hmuh ve pawh ka phut tlat si a," a hmelah chuan nelawmna hlir alang leh tawh zawk a.

"Tehreng mai, ka hmu chak hle bawk."

"A nih chuan min zui ta che," a hmaa kan thil einaah chuan a lut a, a thusawi te chu hrepha lo mahila, zanriah tura order tih chu ka hrethiam mai.

Ka lam rawn pan chuan, "Zanriah ei anih hmain, hmun pakhatah hruai che ka duh a ni, nuam i ti pawh ka ring tlat, chhunlam khan kan kal hman ta si lo va."

"Hmun nuam te chu, ka ngainat zawng tak alawm," ka bânah kaiin min hruai nghal a. To be cont...