MIZO NUN ZE MAWI

[arama khawlhring]

PASALTHA HMINGLIANA LEH HUAI MI TE IN BEIH NA .
PASALTHA HMINGLIANA.EP.1
Fur boruak hnawng cherh leh Ruah hmi tla seng seng hnuaiah chuan Pisaihnuni chuan nau a vei mek a,Pimanthangi chuan Saihnuni chu buaipuiin a buai hle maia,Saihnuni nauvei natuar thlan tla bat bat chuan a pasal hriliana chu thei leh thei lo hian a va en leh tawk tawk thina,Hriliana chuan a nupui thlansain a bual khat vek leh then leh chak chak thin chu hmuh hreawm a ti kher mai,Pi manthangi chuan Hriliana chu pawna lo va chhuak rih mai tura tiin Hriliana pawh chuan thuawih tak in a chhuah san ve mai bawka,Hriliana'n pawn a chhuak chiah chu thaw hluaiin a pa Dothiauva bulah chuan thut hmun remin a in ngaihtuah muk hle maia,Pa Dothiauva chuan a fapa hnenah chuan in ngaihtuah muk lutuk teh suh khai hmeichhe nauvei hi chu hmuh an hre awm thin a lawm,Saipuii chuan eng em a ti bik nang ngaihthatak khan awm rawh tia lo thlamuan in Hriliana pawh a thlamuan phah reng bawk a,chu tih rual chiah chuan in chhung lam a tang chuan saihnuni rum vawng vawng leh natuar tih hriat tak maia rawn te rawng rawng in naute tap thawm chuan a rawn zui nghala,chutah zet zawng Hriliana leh apa Dothiauva chu an hlim kher mai,Pimanthangi chu kawng ka a rawn dak chhuakin Hrilian tun ah chuan pa i ni ta,i fapa hi rawn pawm ta che rawn tiin Hriliana lawm leh hlim bawk si chuan awm ngaihna reng a hre lo,Chutah Pa Dothiauva chuan khawnge ka tupa chu keiman kan pawm ange tia in chhung luh chu rual nghalin,Hriliana pawh pangai tawh in a pa chu a zui lut ve nghala,Hriliana chuan anupui lam chu pan nghalin,anupui chautak leh dang bei mai chu a kuta chelh in saihnuni beng bulah chuan kalawme an ti sup maia,saihnuni chu rawn meng diar diarin apasal chu an nuih let sak maia,Saihnuni chu a chau in a zawi hle maia,Hriliana chuan a pa kuta a fapa pianghlim chu la in an pawm vang vang a,chutah a mitmeng chu en in Pasaltha rawn nila i chhungte hi min chawi nung ang che tia duhsakna hlan mawlh mawlh in,chu a duh sakna chuan awmzia arawn neiin an khaw daingul a rawn ni dawn tih reng a hre bik lo,hun leh ni te her liam ve zelin,Hriliana pawh a ram vak veleh zeuh zeuh tawh a,vawikhat chu hriliana leh a thianapa Ropuia chu Ramvak dun in sih lian em em mai an tawng fuh hlauh maia,sa hnu te chu a chiar dep dup hlawma,Sa hnu a tang chuan a lun hle tih pawh a hriat,chulai hmun rem lai thingkung zar nei tha deuh ah chuan thangte te dawhin sih hmun chu dai chiar vak lo chuan an thangte dawh ah chuan an thu ta vang maia,Reimawi tawk tak an thut hnu chuan Sakhi patuai mam nalh em em mai chu Rawn chhuak zal zal in a hnar chu a len vut vut maia,hlauhawm leh thawm danglam a hriat tak loh ah chuan sih lam chu pan chhun zawm leh in Sih tui chu a dawt ta khawlh khawlh maia,Hriliana te thian dun pawn an sa beisei anih loh a vangin an thlir liam vel mai mai a,Chu Sakhi pawh chuan Sihtui a dawt zawh chuan kian san ve leh maiin Hriliana te chuan Sakhi chu an thlir liam vauh vauh maia.
Rei tawk tak an han nghah leh vang vang hnuah chuan,an awmna sir pik lam chu rawn ri phei sun sun in thawm pawh a rawn dim vak lo kher mai,chutah Sanghal sum li vel tur awm ang hi rawn chhuak hlawl in Sih lam chu a pan ta theuh theuh mai.chutah Thawm dang a rawn awm leh ta tlat mai mahse chu thawm chuan Hriliana leh Ropuia hrilh an ti hai pha lo, sanghal in nawr te thawm chuan a ti hlim zawk in an phur dun kher mai,nghalrual a ni tih hria in an in siai zeuh zeuh leh thin,chutah chung Sanghal ho chu rawn lang hlawl hlawl hlawmin Hriliana te thiandun chuan an duh anga lian an la hmuh mai loh a vangin an cheng rang chu la hmet per lovin an duh ang taka lian chu a lo chhuah ve mai chu an beisei ve tlat maia.
mahse chung nghalrual ho chuan sih hmun chu chhuah san leh duak in Hriliana te thian dun chu an hrilh hai dun kher mai,mahse hlawh chham an tum lo dun kher mai,chu bakah hlawh chham in tih nan chuan a la hma ve bawk em a tin ni,chu tih rual chuan.Pialthleng kham toh lurh mai luah lum tu Huai ho chuan an ram chhung rawn dai lut tu hringmi an awm tih hria in thinrim tak mai chuan an Lalpa ho chuan an lo in hrosa ve dum dum bawka,Hriliana te thiandun mawng kham tawh zunram thiara an awmna thangte a tanga chhuk an tum mek lai chuan an piah mual a tang chuan Tumpang rawn kiu rawng rawng in,Hriliana te thian dun pawh rang tak maia in siamrem leh nghal in Tumpang chuan Sih a rawn pan ngei dawn tih chu an hai hauh lo,rei pawh thut ngai lo vin piah luang kung chu a rawn che ta laih laih maia,Hriliana leh Ropuia chu an phur tawh kher mai.mahse chu Tumpang pawh chuan Rawn in lan mai a tum bik lo a nia nge thawm chu reh vung vung in thlifim chu a thaw heuh heuh mai leh nghala,chutia thawm ngai chang ve ve,a fing leh khuanu duh sakbik hringmi te chu Tumpang chuan fin khalh bik thei hek lo le muang chang a luang pik kar atang chuan rawn chhuak them them in a aki kual raih leh in kheh tuar kara tang chuan sar a zam ang mai hian Hriliana te thian dun chuan an hmua,a taksa pum a a rawn lan chian chuan le,Hriliana te thian dun rin phak bak a lian niin an ka hau mai,chu tiang em em a Tumpang a len theih pawh an lo ring lo hrim hrim maia,Hriliana chuan kap chak hle mahse a thianpa Ropuia chu siai zeuh in kap tur chuan zai zir hian an hrilha,Ropuia chu a phur kher mai a chengrang chu kauin a tin ta vang maia,Hriliana pawhin a cheng rang chu chawiin a lo in ring ve nghal pân bawka,chutah le Ropuia silai chu a kawhmawr alh phe zuai leh an awmna ruam khawk rum tum khawpa ring chuan an puak dum maia,chu tumpang lian leh hrawl em em mai pawh chu awp hniam nghal rawpin mahse thih mai chu a tum hauh lo Rangtaka rawn ding chhuak leh in chutih rual chiah chuan Hriliana silai chu puak leh thuai in Tumpang chal dàm ah tak chuan a verh ta sawk maia,chu Tumpang chal lian leh hrawl zet pawh chu tlu sawp rawp in a ke chu a leng ta uai uai maia,chutih rual chiah chuan thawm mak tak tak chu ngaw chhung ril a tang chuan rawn chhuak rawng rawng in thli natak mai chu a rawn thaw ta hum hum maia,Hriliana te pahnih chuan mak an tiin an hrilh hai kher mai,chutah pitar nge naupang aw hrit theih siloh hian ngaw chhung ril lam a tang rawn tap chhuak in a rapthlak kher mai,chutah hrilianate thian dun chu in en in an ngaih a tha lo hle maia,chutah ngaih tha vak lo chuan an awm na thangte a tanga chhuk in Tumpang awmna lam chu an pan ding nghala,khua lah chu a thim lek lek tawh a,Tumpang bul an thlen chuan an han bel chiang thuak thuak a,arin leh hmuh dan ai daiha lo lianin a phur dun leh tawh hle mai a,Ropuia chuan thianpa chu enin thianpa nang thal thlah hnuhnung tu i nia a kah ngei a ni e tia hlado chham tura ti ve thungin mahse hriliana chuan ekhai thianpa i thal thlah hmasak a zara tumpanghi tuzal thei chauh kania,chuvang chuan i sa a ni e nang man hlado chu han chham ta che tia a thianpa chu chhangin an in hnawn tawn zak zak maia,a tawp a tawp ah chuan hreh zet hian Ropuia chuan hlado chu a chham ta vang vang maia,chutah hriliana chuan thianpa nang khuaah zualko turin va kal ta che keiin Tumpanghi kalo veng ange tia Ropuia chu hrilhin Ropuia pawh chu phur tak maia meichher te siam nghal zung zung in,a thianpa hian enge a tawh dawn tih a hre hauh lo,Hriliana pawh in enge a tawh dawn eng boruak in nge rawn man dawn tih in hre bik lo le thlamuang tak mai chuan a vaibel chu a pet khu laih laih maia.
a bul tan nan kan post lawk aw ngaihnawm in tih zawng anih chuan min lo hrilh ang che u aw,Ramtea nen an in chhuah chhawk tawh ang
August 8 at 5:48pm ·*************
Chat(27) Friends(2) Menu
Edit · Delete
Arama Khawlhring Ramtea > MIZO PASALȚHA TE ZALENNA LEH MIZO STORY GROUP
PASALTHA HMINGLIANA LEH HUAI MITE IN BEIHNA.EP.2
EP.1.REC....
Hriliana pawh in enge a tawh dawn eng boruak in nge rawn man dawn tih in hre bik lo le thlamuang tak mai chuan a vaibel chu a pet khu laih laih maia.
Chutah Ropuia in siam zo phur serh sawrh tawh chuan a thian pa chu va au vin,hei ka kal nghal mai dawn nia,khua hian tlai lam a pan zel mai bawk si nen khua ka thlen tlai lutuk loh nan kan chhuak nghal a nge tia hrilhin,Hriliana chuan nui sang hian,e khai va kal tawh khai,mahse muang chang lutuk lo la,tia chhangin an in vai liam ta lauh lauh maia,
Chutih rualin an awm mek na Ngaw Huai lalpa chuan A Sa chuam leh duat em em Hringmiin an kap tih a hriat chuan a thin rim khawp maia,in hrosa dum dum in a khawk leh rum rum thin,chutah Pialthleng kham Huaiten an unau Ngawhuai te thinrim in hrosa thawm chu lo hria in an Lalpa ho chuan Ngaw Huai Lalpa nena In thurual tur chuan an lo pan mek bawka,engmah hre loa ngaih thataka awm Hriliana chuan a nupui leh a fapa chu mithla in a nui leh ver ver thina,a rilru chuan thil dang a ngaih tuah thei meuh lo chu a ni,Ropuia chhuak ta pawh chuan A mei chher te chhi kaiin tluang tak chuan a kal zel a,kawng lakah rei lo te chawl in muang chang lo chuan a kal chhun zawm leh a,Hriliana pawh in mei chhem in chu mei eng ah chuan thing a fawm khawm ve mek bawka,a duh ang tawka thing ro a fawm khawm hnu chuan a mei chhem chu vur belh in,a alh eng ta pum mai,thlamuang taka meipui chu hnung puak in a faifuk hlerh hlerh maia,chutah a thut na piah lawk chu rawn ri dawp dawpin an nui ker ker maia,Hriliana chu a phu chiang kher mai,chutah a silai chuh nghalin,a hawi tawn ta zak zak maia,tunge inih i ngam a nih chuan rawn chhuak rawh an ti tuarh maia,mahse chhang tu reng an awm lo,a reh hian a reh vawng vawng maia,chutah thli natak rawn thaw huk in a rim chu a chhe kher mai,chutah reh leh hmak in,Hriliana hnung lam chu a rawn ri leh dup dup maia,Hriliana chu rangtaka in her in a silai chuan a tin kawi zak zak maia,chutih rual chuan thli rawn thaw vuk vuk in,Hriliana chuan ala hriat ngai reng reng loh,aw rapthkak zet chuan Rawn nuih in Hriliana chu a phunasa kher maia,chutah tunge i niha i pawi sawi ka nei emni,eng vanga min rawn tibuai ngawt nge inih ti treng deuh chuai in thawm chu a reh nghal duak maia,Mahse rei a reh lo tlat mai,hmun tin a tanga thawm mak tak tak rawn chhuak in,Thingkung te chu a in sawi zawt zawt maia,chutah Hriliana hmalam thim chin a tang chuan hmeichhia ni awm tak hi rawn chhuak in a kun ngur maia,Hriliana chuan a ruk tak chuan a hlau tawh khawp maia,Patling thankin pawh nise hlauh lohna chi ni tawh hek lo a khur ru ngar ngar tawha.
chutah le Hriliana chuan khur dar dar chungin chu huai a mah rawn pan mek tu chu a Silai a tinin tah khan ding nghal rawh anih loh chuan ka kap ang che an ti teng leh chher chher maia,chu Huai pawh chu ding ve maiin,hringmi te tap ang chiah hian a tap faih faih maia.Hriliana chuan mak a ti kher mai,chutah Hriliana chuan Rawn dak chhuak teh tunge i nih hriat ve reng reng ka va duh ve tia thupe aw tak mai chuan a vin leh tuarh maia,chu huaimi chu muang changa rawn hawi chhuak in Hriliana beisei loh lutuk mai leh rin loh lam tak hmel puiin Hriliana chuan ngaihna hrelo zet hian a en ngawih ngawih maia,Chu huai chuan Hriliana nupui Saihnuni hmel ang puiin Hriliana chu a nuih ta vur vur mai,chutah a lu chu muang changa ti vir in Aw mak tak tak chu a rawn chhuah ta chiam maia,Hriliana chuan tih ngaihna a hre tawh lo a rilru chu hlauhnaa khat zo tawh in a thlansa chu a tla bat bat maia,chutah Hriliana hnung lam a tang chuan thil enge maw hian rawn deng dawp in Hriliana pawh chu hmalam chuan bawk phei thlawp maia,han thawh chhuah leh mai an tuma mahse a thei ta tlat lo mai,kuai zang thal tu awm ang mai hian a tum leh tih nih miah lo hian a in let sawk maia,chuta a thil hmuh te chuan Hriliana chu hlauhna nasatak mai pe in ni khaw hre lo chuan a awm zui nghala,Ropuia khaw lam pan pawh in a thian pan eng nge a tawh mek tih hre lo chuan an khaw kawt chhuah chu a thleng ve ta hlawl maia,a rilru chu a hlim kher mai mahse lung ngaihna chuan a hmuak mek si,saihnuni pawh chuan a pasal te Ram vak rawn haw har lutuk chu a lo ngaih tuah em em tawh maia,rilru buai leh mangang ru taka a awm lai chuan a kawng khar chu rawn in nam tawlh rawk in Ropuia chu a rawn lang ta hlawl mai,chutah a pasaltel ve tura ngaiin a lo chiau au vat a,chutih lai chuan Hmingliana muhil lai chu rawn tap tuarh tuarh in saihnuni chuan a va pawma,chutih chhung chuan Ropuia chuan Saihnuni chu an chan chin te hrilh in Hriliana chu rama a la awm thu te chu a hrilh mawlh mawlh maia,Saihnuni pawh chuan chutia a pasal te chanchin te a hriat tak ah chuan ngaih thataka awmin a fapa tap bang thei lo chu a awi ta darh darh maia,Ropuia pawh chhuak leh nghalin tlangvalte pun tum chuan zawlbuk chu a pan leh ta hnak hnak maia.
Hriliana chu rawn harh leh tan in a taksa chu thil rit tak delh tu an awm ni mai hian a in hria a,chutah a mit chu meng in a meichhem rem tawh lam la eng det det ah chuan a mah delh bet tlat tu chu chiang lo ruai a hmu in a mang ang tawh kher mai,Palianpui mai dum run,mit meng lian leh bial zet mai,sam thur leh balh hmel tak hian lo thut bet in a lo mel tún maia,chutah zau taka ang in a then khum ta chiam maia,Hriliana chuan hlauin tal chhuah tum teh mahse a mahdelhtu hi hringmi a ni lo tlat mai sia,a tan han tan vak theih ni hek lo mangang tak chuan a thianpa lo kir hun chu a nghak ta tawp mai ani,chutah chu Huai mi chuan sawisa chiam in,Hriliana rin phak bak ana chuan huai mi chuan a taksa chu a khawih hmiah hmiah ta maia,Hriliana chuan na ati kher mai,a taksa chu mei kang ang mai hian a hriaa,Ram palaileng ah chuan a au khawk leh rum rum thin,thli lah chu a thaw vuk vuk renga,Huaimi in a khawih a piang lah chuan thawm mak tak tak te chu a ri ring sauh mai thin leh nghala,Hriliana tan chuan ava beidawn thlak em,hneh theih dan kawng khat a nei ve a,mahse chu pawh a huaisen taka bei let ngam te tan chauh a ni bawksi,chutah Hriliana lu chu thil enge maw hian rawn deng dawt in a mitsulh maia,nikhaw hre lo leh a thla an man sak ta,ti chuan Hmingliana taksa chu huai ho chuan kal san in a thla chu an hruai taa.
Saihnuni ve thung chuan a fapa tap bang thei lo chu buai puiin a mangang tawh hle maia,eng vanga rawn tap vak nge a nih tih erawh a hre lo,Hmingliana lah chu a awmna ramngaw hnuai ah tan puitu ngai leh chhantu ngaiin a let reng mai tawh a,mahse tanpuitu tur reng an awm silo. athla lah chu Huai ho chuan nasataka sawisa in tanpui tu a au rawng rawng maia,Huai Lalpa chuan Hriliana chu deuh sawh taka nuih in tanpuitur che tu mah an awm lo te te duhsuh tia vau chhun zawm in Hriliana chuan beisei tur a van ta hle maia.
********""""""""""""*********