I'M MOVING ON (competition)

[Ngaia]

I'M MOVING ON (competition)
www.storyfb.com
Timothy Lalbiakrema Varte
.
.
Hmun danga lehkha zira awm bo thin ka nia,college hi ka chhungte tihluihna vangin Mizoramah ka kal angai dawn a, ka nu in mi ka atangin ka fel viau loh thu leh ho taka ka nun thu a lo hre fuh hlauh mai a, Mizoaramah hian min chah thla tawp mai a ni, a khuah khirh na hnuaia ka fel deuh a beisei a niang chu.
.
.
.

Tichuan kar lovah kan college tan ni tur chu a lo thleng ta reng mai,ka phur loin ka peih lo kher mai,ka thu chu nise Mizoramah hian ka kal lo tawp tur.
.
.
.

College ka han thleng chu ka rinai daih leh ka beisei loh chuan a hmun te chu a lo nuam reuh phiana,mahni class tur awmna zawng buai reng reng chuan an phili buai chung hlawm a,chutia kil khata ka din lai chuan,hmeichhe pakhat chuan ka mit a la ta zar mai,a nuih zawnga a biangsum lang kalh te chuan ati nu hnap mai bawk a,chutia ka en reng lai chuan, hnung lam atang chuan an rawn su thlu pawp maia,kei lah pek chuan ka lo nuih vur vura, an su thlu ni lo in a hmel ka hmuh avanga ka lungawi lutuk chu a nia ka nuih, a zah lutuk vang nge thawh mai nachang lah a hre lo,min rawn melh hrawk pah chuan a kal ta daiha. Ka nuih sawh emaw a ti ngei ang.
.
.
.
Class ka han lut chu, nichin lawka an sut thluk ngei mai kha hlim hmel em em mai hian a lo nui leh var var tawh a,nichin lawk nen kha chuan a danglam leh ta vek mai,a nui hmel mawlh chu hmuh nuam ka ti a ni,mite angin in chei lua lo mahse,a nungchang leh hawiher chu a zahawm hliah hliah a,class luhna chang hre lek lo chuan ka lo thlir renga,class a zirtirtu lut tur chuan min ti harh zawk a,hmanhmawh tak chuan ka lut ta nghal a.
.
.

Ka han lut chiah chu,chunu bulah chuan kan thu ta ngawt peka, a hming chu kan han zawt nghal tawp a, mi hawihawm tak a ni tih a hriat, Vanlalhriatpuii 'Duati' tia an koh thin thu chu min hrilh a,ka rinloh leh beisei loh takin ka college ni hmasa ber chu nuam ka ti phian mai.
.
.

Zan ka mut hmunah pawh chuan duati nui lai mawlh chu ka mitthlaah chuan a cham veng veng mai,"ka la belchiang khawp ang mawle" ti rilru nuah nuah chung chuan ka muhil taa.
.
.

Thian dang kawm tur nei hek lo, a tuk ah pawh chuan a ngaite bawkin Duati te thiandun bulah chuan ka awm ve ta chawta,a bula awm chu a nuamin a hahdam thlak kher mai, Duati chuan min mil tehchiam lo tih pawh ka hai lo mahse a bula awm kha ka thlahlel ni ber hian ka hria,a thiannu chu ka be tha em em a,a number pawh chu ka nei ta thuaia,ka hlim lutuk kha,keimah pawh hian awih har ka ti,heti tak maia,ka hriat ngai loh, ka vawikhat hmuhna atanga ka vei zui em em hi ka tawng ang tih pawh ka ring ngai lo.
.
.

Zanah chuan Duati chu ka be ta nghal a,hmeichhe zahawm tak a ni bawka,a rul tawk te te bakin chhanna ka dawng lo ,mahse ka hlim em em mai te chu kei ngei pawh hian rin har ka ti hial zawk,a tuk atrang chuan ka care sawt ta em em a,mahni in duhtawk ve tak,chhungte pawhin ngeng an tih em em mai ni thin kha duati ka han tawn meuh chuan ka zia te chu a dang zo ta,a duhzawng leh ngainat zawnga awm chu ka tum ber ani ta.
.
.
.

Chutia nitin inhmu reng,inbiak reng bawk chuan,thian ang mai chuan ka en lo tih ka hai lo,hmeichhe laka la tlawm ngai lo leh duhzawng hlah ngai lo kha, Duati lakah hi chuan ka tlawm hneh hle si, ka huaisen na zawng zawng sawm khawm chuan ka duh thu ka hrilh ta, chhan leh na ka dawng dawn lo emaw ka tih hnuah chuan ka beisei ruk,ka beisei ngam si loh chhanna ka dawng ta,ka hlim zia kha,teh theih nise van a tawng hial ta ve ang, Duati ka vawikhat hmuhna a ka thinlung luah tu ngei mai kha tunah chuan ka thian ringawt ni loin ka ngaihzawng a lo ni ta. Khawvela mipa hlim ber ka ni hial ang,ka hlim takzet a ni.
.
.
.
College ah chuan nitin kan inzuia,thil tih na reng rengah,kan inzui awl lova,chutia in zui reng chu kar lovah kan chanchin chu an lo hre ta fur mai,mak tih lah kn hlawh. Ni e hmeichhe tamtak star rawn khan,nula pangngai ve mai ka nihpui kha mak tih tham a tling ve reng a ni, mahse ka Duati thatna leh duhawmna a ropui zia te hi hmu ve se zawng mak an ti hauh lo ang le,mite hmuh ve loh a thatna thuruk ka hmufuh hi ka lawm ru veng veng zawk si a,khawvela mipa vannei ber ka va han ni tehlul em.
.
.
.
Ti chuan kar lovah, Christmas pawh kan thleng dawn ta reng mai, Duati nen chuan hlim takin kn hmang duna,kum dang zawnga ,heheu tak leh len kual nana hmang mai mai thina ,ka inkawm a, ka zai a, ka lam a, ka chhungte mak tih khawp hialin Duati hian ka nun min her danglam sak ani,ka tan chuan 'vantirhkoh',a ni ringawt ka nun min thlak danglam sak vek ani.
.
.

Kumhlui kn thlah dun zana,thlamuang taka ka awm nghenga,a bei lai hmuh tluka nuam kha a awm kher lo ang,a hmui nem thep mai te duhthaw taka ka fawh vawng vawng laia,a thiam ang tawka min chhan let te kha,mi a la fawp tam lo a ni tih ka hriat ringawt te kha ka tan chuan a hlimawm em em ani.
.
.
.
Tichuan kumthar kan chuangkaia ruaitheh zana zu rui chunga an ina ka len tum te khan,engdang sawi lovin Biak inah min hruaia,ka lu chunga kut nghatin min tawngtai sak a, ka zu ruih tawh azawnga ka la in chhir ni ber ani hial ang,ka nun that theih nan a theihtawp a chhuaha,ka nunhlui chu min mangtha tira nun thar min pe a, thianghlim taka in ngaizawng tur leh pathian hmaa'tiam tlat e',kan tih hma loh chu in vawng reng turin kan in tiam a. A ni aia mi fel hi an awm thei lo ang.
.
.
.

Mahse hlimna kan tawn nasat poh leh hreawmna a zual an tih thin kha a dik a ni ngei ang le, ka hmangaih leh ka nun zawng zawng min thlak danglam sak tu chuan,inthen a duh thu min hrilh a, awih harsa tak a ni,ka thinlung chu a na vawng vawng a,duhtawka sawisak ang mai hian a na vawng vawng a,ka call lahin chhan na ka hmu lo. A vawi khat na atan hmeichhia vangin ka biangah chuan ka dan zawh rual loh mittui chu a luanga,kan in tawn hmasak ber ni te kha,mitthlaah a lo lang chuai chuaia,ka na a ni ka na takzet,mahni in duh tawk ve tak ni thin kha amah duh lo a kalsan tu ngaiin ana a,mipa a ni tih hre lo lek khopin a awm mek chu a nisi a, mipa nep tak ka van ni tehlul em,mahse hmangaih na hian mipa leh hmeichhia a thliar si lo, hmangaihna awmzia min hriat tir tu chuan na taka siamin min kalsan a, ka va han tlawm tehlul em,hmangaih te kalsan nih hrehawm zia ka hriat thiam phah hial reng bawka.
.
.

Ka 'vantirhkoh' ti hiala ka lo chhal ve thin chuan min kalsan a, ka nun hlui ah bawk chuan ka let leh a,a chanchin lah hriat zui chak viau mah ila,ka induh tawk ve na chuan a ngaisak lo luia,mahse ka rilru erawh englai pawhin a luah reng si,inah ka awm ngai meuh lova,harhfim a nun hman lah ka zuam hek lo,ka nun chu a hma aia nasa mah chuan ka hlauha,zu ka i nasa em em a,ina awm ai chuan thiante nena len kuala hun hman nuam ka ti zawka,ka nun chuan nawmna reng a neilo,ka ruih lai te chuan a mah ka theihnghil ve mai ka lo ring thin a,mahse a nilo ka ruih ber lai pawh chuan ka thinlungah chuan a cham reng a,ka zu in ka sim theih nana min tawngtai sak lai te chu ka hrechhuak nawn awm awn zawk si,ka nunah 'Vantirhkoh' ang maiin,a lo lut a mahse lainatna nei lek loin min kalsan leh si.
.
.
Duati min kalsan atang chuan ka nun chu a ruak huaia,class kal lah phur na ka nei tawh hek lo,mahse a mah hmuh ka chak thin em avang chauh chuan ka kal leh nge nge thin,mahse kn inthen atanga thlakhat em pawh liam lovah,duati chuan mipa dang a kawp zui nghal tih ka hria chu ka thinrim nge ka zak pawh hi ka hre lo hial zawk,ka sa pup pup ni mai hian ka hria.
.
.
.
Ka hmangaiha na zawng zawng ka hlana,mahse a ni chuan thla pawh ral lovah mi dang min neih san leh si na ka va han ti tak em,ka tlawm zia chu ka hre nawn awn awn bawka,ka thinrim lutuk chu ka puak keh mai dawn ni te hian ka in hria,ka nun chu bawraw tak a ni,harhfim in ka awm ngai meuh lo.
.
.

Nikhat ka thiante nen a kan leng chhuak chu, Duati biala ni a an sawi chu ka thianten min hmuh a, ka sa nghal zak mai. Eng sawi set set lo chuan chu pa chu ka pan hnai a,a awmah tham in ka hnek nghal siah siah a,thisen pawh ka chhuah sak nghe nghe, "nep lutuk mai, ka nula a nih kha, kalsan ang che" ka ti ta hrep a,mahse chupa chuan tawngkam khat pawn min chang lo, min bei let se, kut min thlak let se, in sual pui a thi khawp hiala sawi sak chu ka duh, mahse tawngkam khat te pawh a ka atang chuan a chhuak eih si lo, min en char char ringawt, net lutuk hian. Engtin nge hetiang mi nep lutuk hi kei aia a thlan zawk theih, ka neih loh enge a neih, kei aia a that zawk na ka hre lo, mahse a ni chuan Ka Duati thinlung a hneh bik tlat si.
.
.

Ka duati chu midang ta a ni tawh tih hrereng mahila,ka ngaia ka thlahlel ngawih ngawih a,ka lungleng lutuk chu zah pawh dawn lo chuan ka Duati te inah chuan ka va lenga ,mahse inleng dangte an lo awm nual a,keichu awm ve lo ang mai chuan min ngaia tawngkam khat pawhin min be lo,ka tlawm zia leh ka zah zia chu ka hre nawn awn awn a, zak tak le rilru na tak chuan ka haw ta a.
.
.
.
Hun a liama ka rilru natna leh hmangaih na thinlung te chu hun chuan a liampui ve si lo, mahse Duati nen kn inthen atanga thla sarih naah chuan amah ka theihghilh nan tiin ngaihzawng ka nei ve leha,mahse he ka ngaihzawng hi chu ka tan engmah lo mai a ni,ka rilru pek ka tum nasat pauh leh Duati ka hriat chhuah a tama,a mah ni zawk se tiin ka ngaihtuah zel si,na taka min kalsan hnuah pawh ka la theihnghilh thei si lo,mahse mahni in duh tawk nafam ka ni bawka,duati hmuh tur leh hriat tur chuan ka theih tawpin ka duatin ka ngaihsak na ka ti lang thung,eng tiang pawhin ngaihsak der mahila duati hlim hmel leh a mah zawk chuan hlimna min la pe fan zawk si.
.
.

Hun a kal zela,ka nun pawh a zia chho ve zela,mahse Duati chu college ah chuan hmuh tur a awm tawh ngai lo,ka rilru chuan a ngaihtuah reng a,ka kal na hmun apiangah te chuan a lo awm mial takin tiin ka mit te chu ka len ruaia,mahse hmuh tur reng a awm lo,a chanchin chu hriat ka chak ngawih ngawih a,mahse ka induh tawk ve na chuan a ngaihsak lo luia ka rilru ah erawh a cham reng thung.
.
.
.
Thlahnih chuang college ah chuan hmuh tur a awm tawh ngai meuh lo,a mipa kawp thin nen chuan an in ru niah te ka ngai hman hial a mahse ka phal si lo,ngaihsak lo der chu har ka ti kher mai,ka insum zo ta lo,zah leh tlawm pawh dawn zo lo lek chuan a thian nu bulah chuan a chanchin ka zawt ta tawpa,mahse chhanna ka dawn chhun chu ,engmah a hriat bik loh thu mai a nisi,ka ngai a ni ka ta nilo mahse nitin ka hmuh tal kha chuan a la nuam em em a,mahse thlahnih lai mai kan hmu lo chu awmngaihna reng ka hrelo,ka theihnghil ve tawh emaw ka tih kha,ka lo la theihnghilh loh zia leh ka lo la duha ka lo la hmangaih reng zia chu ka hre nawn a,na taka min siamtu leh zak taka min siamtu chu huat ka duh takzet mahse ka haw thei silo,a ni tel chuan ka ngaizual zawk ni mai hian ka hria.
.
.

Ka bialnu thar nen pawh chuan rei kan daih lo,kan inthen leh thuaia,ka ngaihsak ngai lova,a tan chuan kalsan pawh ka awm reng bawk ani.
.
.
.
Ni a ral a, zan a ral a, mahse ka rilru erawh a la ngai reng thung, Duati thiannu hnen atang chuan call ka dawng a, ka thu hriat chuan min van thawng tak em, ka thin chu na zawk mai, khawvel te chu a ding nimai hian ka hria, ka hamhaih a, awm ngaihna reng ka hre lo, phone tla ri bawl ri chuan min ti harh zawk a, hmanhmawh takin ka chhuak nghal a.
.
.
.

Duati te in ka va thleng chu,ka duati ka hmangaih ngei mai kha, khumah a taksa a lumna reng nei lo chuan a lo mu bam a, zah pawh dawn zo lo chuan ka kuaha ka mittui chu a far zung zung a,ka phal mawlh lo a ni, heti mai chuan a ni thei lo, phuba ka lak ve tak ngial pawh a phal lo a maw. Ka awrawl chhuah meuhin ka tap a.
.
.
Hmangaihna awmzia min hriat tirtu, hlimna tak tak min tem tir tu, phatsan nih hreawm zia min hriat tir tu chu hmangaihte chan nat zia leh hreawm zia min hriat tir leh ta, kumkuaa hmu leh ngai tawhlo turin min liamsan a,ka hrethiam lo a ni,ka phal mawlh lo,a taksa te chu an dang bel a, mahse ka tan chuan khawvel a hmeichhe mawi ber a la ni fan a,ka duati taksa chu ka fawp vawng vawnga,"ka hmangaih che" ti chuan ka phun sapa.
.
.

Ka duati chu a hmel ka hmuh leh ngai tawh loh tur chuan piallei thuahriat hnuaiah chuan an zalh ta,ka nun chuan awmzia reng a nei ta lo,nung reng chung chuan ka thi mek a,hlim na reng hi ka tan a awm tawh lo,nitin mai chuan ka thi mek zel chu a nih hi.
.
.

Ka duati ka hmangaih em em chuan ka tan ka chhiar turin "lehkha" a lo hnutchhiah renga,a nu chuan min pea,huphurh tak leh mittui nen chuan ka chhiar ta a.
.
.

"Duhtak Joe,he ka thuziak hi i chhiar hunah chuan pial lei hnuaiah ka zal tawh ngei a nga,engtia han sawi tur nge pawh ka hrelo,bul tan dan tur lah ka hre hek lo,kan intawn ni hmasa ber kha i la hre ve reng ang tiro,min lo nuih kha ka zah zia te kha ,mahse tunah chuan khang hunlai kha ka ngai a ni. Theih nise chu kohkir a chelhdin reng ka duh takzet a ni. Ka hmuh hmasak ber ni atang che khan ka thinlung i luah a,mahse ka chan phakah ka ngaih loh che vangin ka be tha ngam lo mai che a nih kha,i message ka hmuh hmasak ber zanah ka hlim zia kha,chumai a la nilo,min duhthu i sawi lai te khan maw,ka lawm lutuk kha sawi leh ngaihna ka hrelo hial zawk,min duh ve a ni tih kha rin harsa ka ti asin aw, i message te hi vawitam ka chhiar nawn thin asin,nang mah avang khan ka natna pawh ka theihnghilh phah hial thina,ka tan ka ngaihzawng ka hmangaih mai niloin ,ka hlimna ber pawh i ni asin.
.
.

Mahse hlim viau thin mahila,i lakah ka zep ka natna, tih dam theih loh thisen cance hi engtik niah emaw chuan i la hre dawn tho a,keimah ngei hian vawitam hrilh che ka tum thin asin,mahse min kalsan mai ka hlauh em avangin ka sawi leh thei thin lova,min ngaidam dawn nia,mahni hmasial tak ka va han ni tehlul em. Kha zan, in then ka rawt zan kha i la hria ti raw, kha hun tluk a hrehawm leh nat kha ka nei ngai lova sin,nakina na taka kalsan che ai chuan harsa chung chung pawhin i thatna tur a nih beisein ka kalsan che a nih kha,min ngaidam mawlh mawlh ang che aw,he ka natna ka vei tih ka hriat ai khan nang kalsan che kha na ka tiin hrehawm ka ti zawk asin,mahse rei ka dam dawn tawh lo tih hrereng chung khan ka chelh reng thei si lo che a,i hmahun tur tih chhiat ka phal bik si lo,min ngaidam mawlh mawlh ang che aw.
.
.

Kan ina i lo len zan te kha i la hria ti raw,biak pawh ka lo biak duh loh che kha,biak che chu chak teh maila min kalsan la ka duh vangin ka be lo lui mai zawk che a nih kha,tlawm taka ka siam che khan i ka na ngawih ngawih asin, vawitam Pathian hnenah nangmah a vang chauhin he natna i min lak kian sak turin ka ngen asin, ngaihzawng dang nei angah min ngaila min kalsan la ka tih vangin, bialpa ka nei der ta a nih kha min kalsan phah thei beiseiin,mahse ka bialpa emaw tia i sawisak kha tu dang niloin ka cousin a nih kha, i sawisak ni khan kan inah lo kal in a khawngaih zia che min hrilh a leh thil engkim hrilh mai tur che in min ngen asin, ka chetsual palh a hlauh avangin nitin min veng turin college a lo kal ve ta ziah thin anih kha.Nang kalsan tur chea rilru siam kha a harsa takzet a sin ka na ngawih ngawih a mahse i tan ka tih ngei a tul si.
.
.
.

Nang chuan bialpa dang neih san cheah min ngaiin ngaihzawng dang i neia,bialnu thar i nei tih ka hriat ni khan ka na takzet asin,mahse i hlimna tur zawk a ni tih ka hriatin ka rilruna pawh a zia leh huai thin asin, kha nu duat taka i kuah thin lai te khan ka na vawng vawng zel asin, mahse i nui hmel ka hmuh chuan ka na te chu an reh vek zel si,nitin hian i hnuh phak loh atang khan i chezia leh i awmdan zawng zawng te hi ka lo thlir thin che a,i kiangah awm lo mahila,i hlim hmel te,i nui hmel te khan damna leh chakna thar min pe asin,na taka siam che a ka kalsan che avang khan min ngaidam hram ang che aw..
.
.
.

Ka nat zual chang te hian i thlalak chauh pawh khan min ti dam sawng sawng a sin,i taksa ka bulah awm lo mahse i thlalak chauh pawh khan damna min pe thin asin,na taka ka siam che avang leh zak taka ka siam na zawng zawngah che khan min ngaidam ang che aw, min ngaidam thei lo pawh ni la ka dem lo ang che,mahse ka hmangaihna che tal hi chu min pawm sak hram dawn nia aww.
.
.
.

I chanchin hi ka ngaihsak bang lova,i nun i hlauh leh tih ka hriat phei kha chuan ka na zual asin,ka thiannu'n engkim hrilh che a tum thin a, mahse ka phal lo anih kha,mite anga nupa nih hun tur kan suangtuah dun lai te khan,a rukin vawitam ka tap thin asin,i nupui nih a,i fa hrin sak che tluka chak kha ka nei lo asin mahse chuthil chu ka tan ban phak rual a ni ve si lova, mahse he ka natna avang hian Pathian ka dem lo asin, midang ka tawrh hi tawrh tir zawk ta se la, kei aiin an tuar thiam lo zawk ngei ang, kan tawrh chhuah theih loh leh ka nun chhiat phah rawih theihna tur khawpin Pathian hian kan chungah engmah a thlen tir ngai lo, he natna hi kei chuan chawimawina ropui takah ka ngai asin, a chhan chu maw ka tuar chhuak thei tih hriaiin Pathian hian he natna hi ka neih a phal miau a, mi chak tak ka nih zia ka in hriat phah asin, Pathian hnenah nupui tha tak leh fanau malsawm pe tur che in ka dil thin asin , ka Hmangaih ka Pathian hi min hmangaih pui ve turin ka ngen nghal bawk a che. In thenna leh thihna leh natna te awm tawh lohna hmun pial ralah chuan ka lo hmuak ang che aw.

Ka hmangaih che Joe,ka hmangaih reng ang che..."
.
.
.
Chu lehkha ka duatin,ka tan liau liaua,a ziah ka chhiar zo chu ka va han tap nasa tehreng em,duati keimah vangin i lo van tuar nasa em,min ngaidam zawk mawlh ang che,i hmangaih na dawn hi ka van phu lo tak em ti chuan ka phun sap a ,ka tana a lo tuar nasat zia ka hriat chuan min tina zual a,"ka ngaidam che asin,ka rilru na mahse ka hriat reng sak tawh lo che",ti chuan ka phun sapa,duat i tello hian engtin nge hringnun zinkawng hi ka zawh tak ang,ka chakloh lai bera min fuih tu,ka hlimna ka engkim i ni asin,i tello chuan hringnun hman ka zuam lo ti chung chuan aw rawl chhuah meuh chuan ka trap leh ta a,hriatthiam harsa ka ti kher mai,nilo ka hrethiam lo zawk a ni,ti nge a ni kher?ka phal lo ani,ka phal thei lo ni.
.
.
.
Ka duati thlan ah chuan ka kal a,kan nunhlui te chu ka chhui kira,nupa kan nih hun tur te ,duhthu kan sam thin lai te chu mitthlaah chuan a lang nawn awn awn a,kan suangtuahna te a thamral mai tur chuan min ti na zual a ni,ka hmangaih che,an sawi pialralah chuan min lo hmuak la,in then na awm tawh lohna ramah chuan min lo hmuak dawn nia,chu hun chu beisei na nen ka lo thlir reng ang,i duh dan leh awm tura min duh ang ngei chuan ka awm ngei ang, hmalam ka pan anga, ka tana i tawrhna zawng zawng te kha an thlawn lo ang tih ka tiam a che. Hmalam ka pan zel ang, ka hmangaih che Duat.