KHA HMEICHHIA KHA(Fiction)

[Ngaia]

KHA HMEICHHIA KHA(Fiction)

. Catherine VL Chhanchhuahi

. . Drugs addict a ni a, zu a lem thei a, a taksa a ruihtheih thil lut thei thil hrim hrim lut lo a awm lo. A hnim a, a in a, a chiu a, a ei a...

Engpawh tihtheih apiang a ti a.
. An dem a, an ten a, an hmusit a, an endawng a.. 'Dik lohna a awm lo, a phu ve reng alawm' iti amaw?? Ni e, a phu ve reng alawm.

. Mahse a chhan hriat tumin tumah kan pen chhuak lo a, kan dem luai2 a, a chhan kan zawng si lo!.. . . Zan vak tiin an ko a, an nuihsawh a, an diriam a, fiamthu thawh nan an hmang thin.. Christian(inti) te chuan an ten ngawih2 a, kawm tlakah an ngai lo a, an bula awm tlakah an ngai hek lo.

. Biakin lamah thu an sawi a, khawlai ah mi hmuhah an au a, an inla christian(?) a, mite hmuh ve theihloh chhungril nun bawlhhlawhin pawnlamah an hram a..

. Zak theilo an ti a, zilh loh fa nu leh pate timualpho tu an ti amaw?? .

. Ka thian, heihi i hre lo a ni... Mite nun anga nun a chak a, hlimna neih ve a tum a, kum nopangte a pawngsualna rapthlak tak a tawrh avangin a inten a, mi zinga awm tlak lovah a inngai a.. Zu, drugs leh thildang te chu rual pawl tirtu ah angai a, a kawng zawh tur hrilh turin a nu chuan buai a inti a, a fanu aiin sum a um a, a pa amah kal zirtir thin tu chuan kum 18 em pawh a tlin hma leh than thi a neih hma hauhin a khawih chhia a, pan tur a hre lo a, mite tana hnawksak ah a inngai a, a pi leh pu chuan mi chuang mai mai anih thu an hrilh thin a..

. A thiante ni a, a hriat chuan an endawng a, an hmuhsit thin... . . Kohhran leh khawtlang ah a inhmang ve a, mahni inkiltawihna liantham tak avangin a inla hrang a, fuih tura a duh ngawih2 a thiante leh kohhran mite chuan a hlauhawm tiin an sawi a.

. Hnung lamah an rel a, hmalamah an sel thin.. . . A nun hlim lo leh mal ngawih2na chuan inchhung lam aiin pawnlam nuam a tih tir a, khawvel ah a leng lo niin a inhria a, a thiantha leh a chhungkaw neihchhun chu ruihhlo an nih phah thin.. .

. Puitu a zawng a, a rum a, khawlaiah chuan a vak vel a, mifel inti te bulah chuan a han awm ve a, an fel lutuk(?) na lamah an bula awm tlak lovah a inngai thin... A chhungte amah pui tura a ngaih leh belh te chuan an zinga awm tura duh lovin an theh chhuak a..

. Khawlai mi a nih phah a, khawlai fa a pai a, a bo a, a bo zel a, tanpuitu a au ruai a, tawngkamin an hnem a, thil tihin a zui leh bawk si lo..

. . A lo kal tawhna thinah chuan a let a, alo bo thui tawh lutuk a, amah mai chuan a kal thiam tawh lo a, amaha tho chhuak leh turin a chak tawk bawk si lo!...

A chau zo a, thim thamah a thu a, eng awmna a pawh pha tawh lo a, sualin a zem a, tihtheih reng a nei si lo, amah puitu tur an lo kal anih loh chuan amah mai chuan a kal zo tawh lo a ni ber e... .

. Lalpa a au a, chhanna a dawn nghal mai loh avangin a beidawng a, a tlusawp nuaih reng mai ani e.. .

. Ka thian, i christianna kha eng christianna nge le?? Sunday christian nge ni a, christian dik tak zawk le... In enchiang la, inbih chiang teh le.. Enteh saw i puihna an ngai takzet a ni e... Puitu nei lova an thlarau a boral hma ngei sawn pui rawh le...

Ka thian, mi pakhat tal Pathian hnenah i hruai thei lo em ni?? An mamawh che a, an au ruai hi le...

Nangmah kha i pawimawh ber tih hre reng rawh aw...