NU!..

[Ngaia]

NU!.. .

Catherine JoCa Ralte . .

A theih loh, ka nu ber kher chu a thi thei lo ka au tuar tuar a ni ber e, ni e, ka nu hi ka neihchhun tak meuh a ni..
Nu hmangaihna dawng fumfe lo mah ila ka nu hi ka hmangaih em asin.. Nu, lo tho rawhh, nu ka hmangaih thu che pawh ka la hrilh loh che hi ka nu chuan min chhang tawh lo..

A ngawi tlat a, a taksa lum vur vur thin kha a vawt vek!.. Puan lo la rawh u, anu hian vawt a ti ania, a taksa a vawt vek..

Ni e, ka nu khan vawt a ti thei lutuk, tui lum lo in a inbual thei lo..

Ni lo, a theih loh.. Bawihte, zing ni chhuak te, zing boruak thianghlim tak te hi hmuh hman loh a hlauhawm, tho tawh rawh tia min hrilh tu kha a tho duh si lo..

Nu, tho rawh, ni a chhuak tawh a nia... Nu harh rawh.. Ka tap a, ka aw rawl tawpin ka au a, ka nu chuan min chhang duh lo!..

Nu, tinge tiang tur chuan min kalsan a? Ka hmangaih thu che pawh ka hrilh hman loh che hi.. Nu, i fate hi min en tehh..

. Kan naupang ber kum 5 mi lek chu a ngaihna hriat loh hmel takin anu chu a en ngawt ngawt a, aw Lalpa!..tinge kan chungah tiang hi a thlen bik le?? Ka vui a, ka vui reng bawk ang.. Ka nu neih chhun, mite zinga ka chhuan em em mai kha a tho thei tawh si lo!...

Nu, min fiam tawh suh.. A tawk tawhh, tho rawh a tlai tawh a nia.. Room chhung chu tap riin a luah a, ka la awih thei lo, kan in chu an singsa mek a, nu, enteh heng ho mawl zia hi, in te an thiat vel ania.. Lo tho la, i muhil der tih hrilh rawhhh... Ka awih thei lo, ka awih duh hek lo...

Nilo, anu chu kuangah an dah a, a kuang an chhin a, ka tap lawm lawm chung pawhin tuman min hawnsak duh lo... A theih loh ka phal lo..

Nu, i awm loh chuan tunge thu tha min hrilh anga, tunge min zilh hau ta ang??.. Dawt vek anih hi a lem vek a ni tiin ka tap vak vak a, a sawt lo, a sawt mawlh lo... Ka nu an zalhna kuang chu an zawn a, mithi te an zalhna thin mual chu an pan pui ta.. A thlan chu piallei thuah riat hnuaiah an zalh ta..

A ni thei loo...

Ka tap ta vak vak a.. .

Min ko mawlh mawlh tu an awm avang chuan ka meng kawk a, ka mumang lek a lo ni.. Ka nu chuan min lo sawi mawlh mawlh alo ni!.. Ka nu chu ka kuah thlawp a.

. 'Nu, ka hmangaih che' ka ti thei ta.. Ka va lawm em!..

Mangchhia mai alo ni!...

. Nu nei tawh lo leh nu la nei te, nute hmangaihna hi a hlu em a, in tan ka hlan e...