THIM NUN

[Ngaia]

HIM NUN .
Catherine JoCa Ralte .

Based from Kween B Fanai song THIM NUN

Beidawng leh lungngai takin ka van ruai a, ka beiseina neih ve chhun chu tlem te chauh an ni ta! Min tanpuitu tur lo lan hun nghakin ka awm mek a, ka tan hian hlimna ni reng a inher chhuak thei si lo!.. Min hruaichhuak hram rawh ka saltanna thim nun atang hian..

Ka nun chu ka han in enlet a, ka thil lo tihsual tawh te avangin thil tha lo te chuan an lamah min pawt mek a, mi fel leh tha ni a inngai te chu inla hrangin an awmkhawm a, min tanpui a hnekin min nek chep telh telh si!. Ka nun hian tanpuitu a mamawh takzet a, sualna ka in bawhbeh tir avangin ka nun zalen lo tak mai hi ka hne takzet a ni. Ka zalenna ka hman thiam loh luatah khuarkhurum thuk takah ka inbarh lut a, ka tang mek a ni.. He hmun atang hian min tanpui tu tur ka au ruai a. Kohhran a inhmang tak tak leh pastor leh upa te u, min pui thei lo em ni? Mahni chauh chuan ka tal chhuak zo lo anih hi.. Pathian hnaih ka tum poh leh sualin min bawh zel a, ani tel in ka hlat zel anih hi..

Min hmangaihtu ni a ka hriat ten min tlan bosan a, min pui tu tur bera ka rin ka chhungte lah chuan hnung min chhawn a, ka nun chu lungngaihna tawpkhawk in a tuam ta.. Chhandam ka nih theihna atana min puitu reng ka hmu lo a, ka thian min dem nghal bik mai lo teh, mahni chuan a harsa ve em atin ni!.. Mahse, ka biak-a, ka auh thin ngei mai ka Pathian chuan ka thilsual tih avanga min thungrul mai lovin ka tan a thatzia min hmuhtir a, tan ka la sauh a, beidawng in ka in dawm kun mai ang maw? A teuh lo lutuk ka sual chhuak ngei dawn a ni..

I natna zawng zawng te chu kal bo tir la, nangmah ti lungngai thei tu chu tir bo rawh.. Ka inhnemna adik loh avangin hun reilote atan chauh ka thla a muang a, Lalpa, ka tana a tuarna chu ka sual vang a ni tih min hrilh fo ang che aw, he mi chak lo tak hian a theihnghilh mai thin si a.. Ka chak lohna lai hria in mi te chuan min bei a, min pawt thlu leh thin..ka chau zo ta vek mai.. Hlauin ka khur hlawk hlawk a, mahse tun hun erawh hi chu thimna te ka tihkian hun a ni.. Ka hmalam hun ngaihtuah nachang hre lek lovin ka tanna ngaia tang nawn lehin ka nun ka ti chhe leh ta.. Engmah hi a fel thei lo a, ka nun chu ka tichhe zel a, min puitu tur ka van mamawh tak em!.. Mi thenkhat chuan ruihhlo an ngai a, kei chuan fuih fo ka mamawh thung.. Zam hauh lovin ka kal zel anga, hlau lovin thim lal chu ka hneh ngei anga, ka nun atang ka tiboral dawn a ni. Ka tanna hmun thim tak atanga ka chhuah hun in la hmu anga, chutih hunah chuan min dotu zawng zawng leh ka hmelma ho te chuan ka beih natsat zia an la hmu ang..

Ka nun hi ka thu ngeia hman ka duh ve tawh asin, khawngaih takin ka sal tanna hmun atang hian min la chhuak hram teh. Nun thar a ka nun theih nan leh hun thara nun ka mamawh takzet a ni. He thim lal min bawih tu hi a thuneihna atanga paihthlak ka duh a ni.. Ka tanna hmun thim tak atang hian min hruaichhuak rawh.. Khawngaih takin min tanpui teh, he mi rapthlak tak hi ka lak kian theihna turin.

Ka tanna sual atang hian kawng dik lam ka hmu thei lo, ka mit te chu tihdel sakin ka awm si a.. Ka enna lo ni la, Lalpa, i kianga awma kawng dik zawh ka chak takzet a ni.. Ka thil sual tih thin te chu ka hla thu hmangin ka chhak chhuak a, ka nun dan kawng hriatna a ni si a. Ka sual man ka pek angai a, ka thil sual tih tawh te chuan atirah nawmna min pe mahse, tunah erawh chuan ka sual man chu ka pek angai a ni..

Ka awmna apiang te chu thisen in a bual khat a, he nun hian beiseibo leh beidawn thlak tak hi ka chhawm tel zel angai si!.. Zahna bak neih leh tawn ka nei hek lo.. Lalpa, khawngaihin min tanpui teh, thinlung leh tihtak zetin ka ngen che a ni!:.