LUNGLAI LUNGRIL LUAHTU

[Ngaia]

LUNGLAI LUNGRIL LUAHTU

Lalruatpuii C


chung chhawrthlapui leh si-ar eng hnuaiah te chuan khang
nunhlui liamta te kha dawn kirin thlifim rawn thaw heuh heuh te
chuan min rawn chhemin suihlung mu hnu chu a rawn leng thar
leh a..
kumpui linglet a vei ta mahse nimin leka thleng ang maia
chiang ani si,khuareiin a hnem an ti thin a khuarei lo thleng tur
chu ka nghak nitin a mahse ala rei tawk lo aniange.Ka lak ata
hla taka kal liam tura i ke i pen ni atanga vawiin thleng hian ka
thinlung hian a pawm dam thei ngailo chu anih hi.
kan hmachhuan thin kan inhmangaih tawn thinna kha thamral
mai atan ka phal ngai lova mahse tunah zawng mumang lamah
pawh tawn tur a awm ta silo,theih chu nise hun liam ta zawng
zawng kha kohkira chelh dingin ka kiangah hian ka awmtir reng
ngei angche.Ka hringnuna lo lut turin ka sawm ngailo che a,i
duhthu a lo lutin ka thinlungah hmun i khuar a,ka tana mi
pawimawh tak ni tur erawh chuan ka sawm ngei che anihkha
mahse hmun i khuar nghet hnuah i duhthlanna hmangin
hnutiang chhawnin min liamsan leh si.
Min kalsan turin phalna ka pe ngailo che a mahse i thinlung
luhlulna avangin i liam lui a, hmangaihna hi i tan engchiah nge
anih tih ka rawn hre silo. Engtikniah emaw chuan ka
hmangaihna che hi i hrethiam ve mahna tiin ka inhnem chawp
ve thin.
Ka duhthusam thamral ta te zawng zawng kha a thamral tirtu
chu nang ngei hi i ni si,theihnghilh che a ka thinlung atanga
paih chhuah che hi ka tum nitin a mahse ka hlawhchham nitin
ve thung a. Hmalam pan tuma ka ke ka pen dawn apianga min
lo dangchat thin tu chu khang hlimthla leh nunhlui min
hnutchhiah ho te kha an ni si.
Ngaihven loh ka tum ka ngaihven loh theih siloh,bansan ka tum
mahse ka theih siloh engtiklaipawha ka thinlung luah reng
thintu chu nangchauh hi ini a,hmangaihna hi ka duhthlanna
hmanga bansan thei ni ila chuan ka thinlung hian hmangaih
dang a tawng ve leh thei tur hi ania. I lakah nep tak leh duap
taka anga langin chakna pakhatmah ka nei zo silo...
Lokir tawh ngailo nunhlui te kha hun hian herchhuahpui leh tura
ngaihna liantak neiin chu hun lo thleng tur chu ka nghak ngat
ngat a,mahse thleng tikni reng a nei ngai silo. Khang hun
zawng zawng kha nunhlui changa thamral mai atan ka phal
ngai lova mahse tunah zawng mang lamah takngial pawh tawn
tur a awm ta silo. Nitin ilo kir leh theihnan ka dil a,a rem ve leh
thei mahna tiin mahse vawiin thleng hian a rem thei tawh silo.
I hlimna duh ber tu hi i tello chuan a hlim thei silo,i tellova
hlim theilova mamawh em em tu che tello hian nang erawh
chu i hlimin i tlei thung si. Hei hi hringnun zia reng chu ani si..
Mahse hei erawh chu ka chah nawn leh angche.."i tello chuan
ka hlim lova ka ngai takzet che ani tih hi ka ti tak tak a ila hre
chhawm zel mai ang", ka tih thin kha tun thleng hian khatiang
tho kha ka la ni a,ka hmangaih che a,ka hmangaih reng angche
ka tih thin nen khan. Ka hmangaihna che hi ala danglam lo
a,ala ngai reng mai nilovin nitin in a pung thin.
I hlim a i lawm chuan mamawh in ngai em em che mah ila i
hlimna tluka duh ka nei ngai lo tih i hriat reng ka duh
a..amaherawhchu min nghilh bik mai suh angche tih hi ka chah
duh fo che a...min hrereng ngailo anihpawn min han hrechhuak
ve fo thin dawn nia...
Nangnen rem tawh ngai dawn lo mahse ka thinlung luahtu,ka
hmangaih ber ka lunglai lungril luahtu chu nang ngei i ni si a