HRINGNUN LUNGCHHIATTHLAK BY Catherine Quinn Enchantress (Competition)

Ngaia
Site Admin
Posts: 25813
Joined: April 30th, 2016, 4:07 pm

HRINGNUN LUNGCHHIATTHLAK BY Catherine Quinn Enchantress (Competition)

Unread post by Ngaia » August 12th, 2018, 6:15 pm

HRINGNUN LUNGCHHIATTHLAK
(Competition)
.
"Nilo, pa, ka duhlo. Khawngaihin tiang hian awm suh pa" ka tap hawm hawm a,ka harh zawk mai. Mangchhia leh bawk a ni. Engtikah nge heng mangchhia te hian min tlansan ang le? Sana ka en a,zinglam dar3 chauh alo la ni a,mut leh ka tum ngial pawn ka thei tawhlo. Pawna ui û rawng rawng chu ka thawm hriatchhun a ni mai. Thla a lo engg iar a, ka thuchhuak ta nge nge a. Ka nunhlui liam ta te chu ka ngaihtuahna ah an lo lang zut zut a..
.
"Noi, kan bulah chuan lo awm mai rawh,nuam iti viau ang" titu chu tudang ni lovin ka pi, ka pa nu a ni.
Kei hi Lalrinpuii ka ni a, sang lam, sa chhah ve pangai tak, thau nilo a, khal ti a an sawi thin ka ni. Ka chhungte chuan 'nono' min ti mai a, ka thiante erawh chuan 'puipui' min ti thin thung. Ka nu leh pa hi ka tet lai kum 2 mi lek ka nihin an inthen a, ka nu nu leh pa te inlamah kan let leh a ni. Ka pi, ka pa nu hian an bula awm turin min sawm fo a, naupang aa na na na chuan an hauhsak zawk vang leh min duat dawna ka hriat avangin an bulah ka awm ta ngei mai a. Mahse, ka hmakhua chhiat vek phahna tur a ni tih lo hria ila chuan ka awm tawp lovang le.
.
Tichuan, ka pa te inlamah chuan ka awm ve rawih a, anuam ka tiin min duat bawk nen, him hliah hliah ni mai hian ka inhria a ni. Ka pu chu kohhran upa a ni a, pa tawngtlem leh zaidama an sawi thin a ni. Ka pi erawh thinchhe ve tak, mahse min duat ve em em mai hi a ni a.. Ka pa hi ka pi leh pu fa neihchhun a ni a, an duatin a duh apiang an tihsak thin. Ka pa chuan nupui dang a nei tawh a,hang lampang, thinchhe zet leh sual zet mai hi a ni a, mahse engtinmah min ti ngamlo thung. Lehkha thiamlo zawk zawk ka nilo a, school velah pawh ka thiamtheih vangin nuam ka tiin min duhsak hle thin..
.

"Puipui, lo hawng teh" titu chu tudang ni lovin, ka thianpa ka naupan lai atanga ka kawm ngeih em em Richarda a ni. Tun ang zingkara a lo kal anih chuan buaina engemaw a nei a ni leh ngei ang. Muangchangin kawng ka hawnsak a, rang fahrana lo lutin ka khumah a lawn kai nghal zat bawk. "I van ninawm tak" ti hlak hlak chungin a bulah chuan ka va thu ve nghal a, ani lah chuan min lo kuah nghal hmak bawk. "Puipui, Angie khan min lo kawp a, ka man chhuak a a ti zawi sap a, va kuah ve lehin a hnungah ka beng thek thek a, hnem vak ngaihna ka hrelo. Kan titi mawlh mawlh a, a duh ang thlap a sawi hnuah a haw ta chauh.

.
"Tap tawh suh ka ti nilawmni?" tih paha kut min thlaktu chu tudang ni lovin ka pa a ni. "Heng thil thleng te hi i sawichhuak anih chuan ka that ang che. Hre reng rawh" ti leh khur khur pahin min kalsan ta chauh. Ka mittui a luang zawih zawih a, ka biang ka pa min benna chu a na takzet. Ka mittui a tla zawih zawih a, ka tap ring ngam silo. Ni e, kum 10 mi lek, naupang hlauh nei rual, nu leh pain hmangaihna nena an dawm rual lek ka la ni a, mahse, chutiang dawng lovin kei chuan pawngsual ka tawk si.. Engmah ka sawichhuak ngam lova, ka pa ka hmuh changin ka khur thin. Hlauhna in ka khat a, mahse ka tap ngam ngailo thung. Keimahin, kum10 ka nih lai atang tawhin keimahin ka nun ka fight a, mi luhlul takah ka chhuah phah hial a ni.
.
Ka tho a, ka hmai phihfaiin ka wardrobe chu hawngin ka kawrlum ka la chhuak a, ka hak that zawh hnuah thlanmual lampanin ka kal chhet chhet a, thlanmual hi ka hlauh ve lemloh vangin ka kal duh changin keimahin ka kal mai thin. Ka kal duhna hmun ka thleng a, thlanlung chu ka thlir vang vang phawt a. 'BENJAMIN LALRUATSANGA' tih a lo inziak kulh mai. Thlanlung bula thu chungin ka kal khat vangin ngaihdam ka dil mawlh mawlh bawk. Ka harsatna te ka sawi malh malh a, min ngaithla ni mai hian ka hre thin, a dam lai ang chiah khan. Tunah te hian ka la dam sela chuan kan pahnihin nun kan hmang dun anga, kan fate nena inkaiin kan hlim em em tawh awm si a.
.
Kum15 lek ka la ni a, hmeichhe tihmawh leh luhlul tak ka ni. Zu in ka ching ve thin a, chumi ni pawh chuan kan thian ho in kan lo in mek a, ani chu lo kal ve in kan bulah a awm ve reng a, engmah ain lova, kan thianho titi chu a lo nuihpui ve bawk bawk a. Khami ni atang khan kan inkawm ngeih em em a, harsatna ka tawh a ka pun ber a ni thin. Engkimah ka rawn a, ka tahkhum a, chutih hunah chuan min fuihin, thu tha min hrilh thin.
Hun a liam a, ni a liam a, thla a liam a, kum a liam zela, nitinin kan inhmangaihna a sang zela. Kum5 kan inzui meuh chuan inneih hial kan tum ta. Kan inneihni tur an ruat fel a, kan inbuatsaih nak nak chhungin a hun a lo thleng dawn hnai tak tak tawh a,kan phur em em a, kan nghakhlel takzet a ni. Inneihni hma zanah chuan chhungkaw chaw eikhawm kan nei a, Bena pawh an hmuh ve duh vangin a lo tel ve a, chuta a haw lam chu truck nen in su in a hmunah ka pawh chhawn lovin a boral nghal a.Ka nu in min rawn ko lawm lawm a "Noi, bena a accident a, ka pawh chhawn lovin a boral nghal" a rawn ti a, ka lo nui mai a."Infiam hun pawh anih loh hi" tiin ka lo chhang hlar a.
.
Mahse, a hmel a thutak em avang leh a tah chhuah takah chuan engkim a chiang vek ta. Ka hmangaih, ka neihchhun, ka engkim leh khawvela ka kawppui tur awmchhun ni a ka hriat chu a kal tawh. Chhuatah chuan ka thu hnawk a, ka tap theilo a, ka nui heklo. Ka awmah min hnawh a, ka chhungte kan enkual a, an hmela min khawngaihna lo langchhuak te chu ka hmuhhmaih lo.. Ka nu in "Han insiam la, kan phei nghal dawn nia, an postmortem anga inah an lo letpui nghal ang" dam diai hian a rawn ti a, ka che chang theilo. Ka nu chuan min rawn kaitho a, ka rooma min luhpuiin ka thawmhnaw hak tur min laksak a, min khawih ang ang chuan ka awm mawl tawp a ni mai.
An in kan thleng a, zai thawm karah tap vawng vawng thawm a rawn ri tel a, zan lungngaihthlak tak a van ni tehreng em!. Bena nu in min hmuh rual ruala "Bawiha, enteh puipuii pawh a lo thlen hi, naktukah Pathian hmaah thu intiam tawh dawn kha lo tho ta che" tih pahin a tap rawng rawng mai a.. Ka hmangaih, ka neihchhun chu kuangah an lo zalh tawh a, engkim hi mumang ang ruaiin ka hria a, ka hmangaih, hmel dang bei maia lo mu chu ka en reng a, a nui hmel hmuhtur a awm lova, min hmuh ruala min pan vat thin kha a mu tawp a, min chhawn lova, min nuih heklo. Ka pan hnai a, a hmel nunna reng neilo chu ka thlir reng a, a pang kan dek a, lumna reng a neilo. Kan au thin a, min chhang thei silo..
.
Ka mittui a luang zawih zawih a, ka hmangaih chu ka au lawm lawm a, mahse, chhanna reng reng ka dawng silo. Ka tap hawm hawm a, ka nu chuan ka hnunga chul mawlh mawlh pahin "Tap rawh, tap char char raw, insum reng reng suh" mi rawn ti a. A tuk a lo thleng a, mo thuama inthuam tur kha kawrdum nen ka pasal hual kuang chhunga an mut chu ka thlir tlawk tlawk a. Ka ngai a, ka mamawh a ni. A lo tho leh dawn ni a hriatna ka nei a, mahse chu zawng, beiseina beidawnthlak mai a ni si. Ka hmangaih chu a liam ta, kir leh ngai tawhlo tura thlan chhunga phumbo a ni ta.. Mahse he ka thinlungah hian kumkhua in a thi ve tawh ngai lovang.
.
Thlifim a rawn thaw heuh heuh a, ka hmangaih chu ka bula awm ve ang maiin ka hria a,nui sakin thlan lung chu ka chul a, in lamah ka hawsan ta a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)