GRACE By Jona Fanai Zawlbuk Tlangval

Ngaia
Site Admin
Posts: 25813
Joined: April 30th, 2016, 4:07 pm

GRACE By Jona Fanai Zawlbuk Tlangval

Unread post by Ngaia » December 4th, 2016, 12:17 pm

GRACE By Jona Fanai Zawlbuk Tlangval
……………

A cell phone chu a lo ring char char a, tu dang ni lovin Tommy-a a ni tih a hre nghal. Mi rilru hmanhmawh, phe vat vat reng a nih avangin anthian ho khalh khawm tu ber a ni. 'Boiha lo hmanhmawh rawh, nangmah chiah kan nghak che' a ti a. Insiam buai hran lovin electric guiter chu a la chhuak a, bike chahbi a la bawk a, 'nu, bie'. "Mama, eng nge intih leh dawn?" 'kan jam dawn' a ti a. A bike leithar, R15 v-2 var chu a ti nung a, Freddy-a te in lam panin a tlan nghal nal nal a.

@ INTAWNNA

J-a leh Freddy-a te intawn dan hi sawi hmasa ang. Sunday tlaiah dan pangngaiin J-a chuan a thuam famkima inthuamin a racing Jacket a ha bawk a. A bike neih hmasa zawk KTM Duke chu ahma niah a servicing tir tawh bawka a fit tha hle turah a ngai. A inpeih fel hnu chuan inkhawm lovin Lengpui road lam a pan thla nghal a, kal kawngah chuan Jacky-a leh Rda chuan anlo nghak reng tawh a, anthian dang te pawh kal anawm nual mai. Phunchawngah an innghak khawm vek a, nidanga an racing na a tel ngai lo pakhat a lo tel ve a, chu pa chu Zarkawt tlangval freddy-a hi a ni.

Freddy-a chu mithar a nih a vangin J-a chuan a inthlahrun a hlau ru hle a, thian dangte nghahna ni fawmin Kawngpui bulah chuan Vodka pack khat theuhin an pack a, chu chuan an racing-na turah a ti confidence dawn a ni. Kai pawh an kai hran lo bawk a. Jerry-a te thian ho an lo thlenga anni pawh chuan tlem an pack a, tichuan an in ready nghal. Jerry-a leh J-a chu a hmasa a ding tur anni a, mahse, J-a chuan a aiah Freddy-a chu a din tir ta zawk a. Vawi hnih anchawl ang a, chuan, Lengpui 0 point thleng antlan ang. A chak zawk teamin an pawisa bet ₹20000 an dawng dawn a ni. No.3 ah andah a, full ress-in a hma a kang lawp a, an ving chhuak nghal a. A lap khatnaah Jerrya'n hma a hruai a, Lap 2 naah J-a a chungnung ve thung. Corner lapping a lak thiam ém vangin kawng kual tamnaah chuan midangin anpha ngai lo réng bawk a. Vawihnih anchawl tawh a, a final-na chu 0 point ah a result a hriat ang. Final lap antlan chuan kawng chhuk hlek leh zawl a tam a R15 leh KTM pawh a phit dan a in ang deuh reng a, Jerry-a aiin J-an a pickup a siam nasat tawh a vangin a horse power inang reng mahse plain-ah na na chuan J-a bike a chak zawk. Last lapah chuan Jerry-a a chhuak timing zawk tlat mai! J-a chuan a um nghal char char a, corner-ah pawh a dan zel vangin a pel thei tlat lo a. Jerry-an J-a adan karah chuan Fredy-a chu a lo dawk chhuak zawk a, a pel ta fua a. Tuma'n an pel hman tawh lo a, Freddy-a vangin anchak ta. J-a chu a lawm hle mai a, chuta tang chuan anin ngaina chho tan a, aninkawp chho ta chat kha a ni a. Tin, Jacky-a nen hian Melriat kawnga an Ar inbetna a tanga inchhar an ni a, hemi tumah hian darkar 4 ngawt anin fight a, a tawpah Jacky-a Ar sual huai a chak lo a, ₹50000 an bet a, chumi thla chhunga bet sang ber an ni. J-an a chang ta zawk a. Chuta tang chuan an inbe chho tana a hnuah phei chuan J-a Ar chu ₹40000 in a lei sak nghe nghe a. Mahse, J-a chuan a aia tha tur a pa dawp khan sang leh siak tha zet, fight tha bawk si thlakna a nei tawh a, pawi a ti hran lo. Rda leh Tommy nen erawh hi chuan antleirawl chhuah hlim a tanga inkawm, higher pawh kal dun zel an ni a,Freddy-a leh Jecky-a antawn a tang hian thian dang kawp vak lovin an inkawp chho ta kha a ni a. Chu chu anthian ho intawn dan tlangpui a ni.

J-an Temple bul a thlen chuan a hnung lamah chuan thil ri chawrh a hria a, au tuarh tuarhin a zui bawk a. A ding dawt a, a lehhawi chuan Vaivakawn lam a tanga Bike lo kal leh Skuty insu chu a hmu nghal a. A bike chu park na tur a zawng vat a, Temple bawrah hian park-na mai tur a vang duh phian thin a, Vaivakawn lam kal bus stand bulah chuan a park ta ringawt a.

Chetsualna bul a thlen chuan mipui anlo pung khawn tup tup tawh a. Bike khalh tu zawk chu "nang hi, zu i rui lehnghal, khatianga chak khan helai hmun chepah khalh tawh reng reng suh" anti bawrh bawrh a. Hmeichhia zawk chuan a tlukna lamah a skuty-in a ke a delh a, a ulh tih a hriat mai, na tiin a then chak chak a. J-a chuan nula chu a va pan a, midangin anbawr laih laihna karah chuan a inzep lut a, chu hmeichhe hmel a hmuh chuan Grace-i a ni tih a hre nghal. Grace-i hi college-a a star a ni a, hrilh chu a la hrilh duh hran lo nain a starna chu a rei tawh angreng hle a ni. Grace-i chu a pan hnai a, a ke chu a thiam ang tawk tawkin a hmeh sak a, chutianga a hmelhriat buaipuitu a nei chu a thla a muang sawt a, tlangval hmeltha lutuk leh a lo star ruk ve thovin a ke a hmeh sak chu hrehawm a ti hran lo. J-a chuan a thiam ang tawka a hmeh sak hnu chuan 'Grace, i skuty hi park tha i la damdawiinah ka hruai ang che' a ti a, Grace-i pawh chuan a hnial hran lo a. Grace-i Skuty chu a rang nual a, a hmalama a ln sut thawi a vangin a chhe nasa lutuk lova. Zurui pa Bike pawh a chhe nasa hran lo, a win shield leh a side cover lehlam erawh thlak a ngai ve ngei ang. A sutna aimahin a tluk zawnga khawvel a nawrnaah a shock-na zawk hial ang.


G - 2

Hospital an thlen chuan Grace-i chhung te chu an phone nghal a. Casualty-a mutna ah chuan an mut tir nghal a. Grace-in accident a tawk tih anhriat ve leh chuan a chhungte chu Hospital lam pan chuan antlan nghal a. A chhungte lo thlen hma zawng chu J-a chuan a lo awmpui a, Grace-i chuan J-a a awm ve vang chuan a ke na ankhawih sak laite chuan na ti hle mahse a insum hram hram a, rak chhuah loh a tum tlat a, mahse, a ruka tuar reng takah chuan a tah chhuah vang pawh ni miah lovin a mittui a tling piau a, J-a hmuh hlau tak chungin a hru zeuh zeuh a. A nu te anlo thlen chuan Grace-i chu a insum thei tawh lo. Mahni nu te bulah hi chuan insum a har thin bawk réng a, thiam lo duh suh, anfanu neih chhun a ni a a rilru pawh a no em a ni. A ke an x-ray result-ah chuan a na lutuk lova, a keruh pelh chu ansiam rem a. J-a chuan a chhungte an lo thleng ta bawk a, a thian ten anlo call reng tawh a vangin 'Grace, tih tur ka nei tlat ka kal san phawt ang che u. Ka lo kan zawk dawn che nia, i dam vat mai ang' a ti a. Grace-i leh a nu chuan lawmthu anhrilh mawlh mawlh a. A chhuah dawn chuan Grace-i chuan 'J, min lo kan ngei ngei rawh aw' a ti leh hram a. J-a paw'n 'teh reng. Gulabjamul lo ken ang che' a ti a, a nui sak a, Grace-i chuan a fiamthu tih a hrethiam nghal, a nuih let sak a. An mit leh mit intawng chu anla sawn dun rang kher mai.

@ HMUI ZAWKIN

J-a chu hmanhmawh takin Freddy-a te in lam panin a tlan nghal nal nal a. A tlan lai te chuan Grace-i chu a mitthlaah a cham reng a, a nui hmel te kha a mawi a ti takzet a,a hma zawng aiin tha a ti thar sawt a. Grace-i pawhin a ngaihtuah zui veng veng tho, J-a hmel pa leh ngaihnobei tak, mitmeng nalh zet kha nidangah khatiang khawp khan a mawi tih a hre ngai bik lo. J-a buaipui ngai kher khera a awm chu nuam chu a ti chiah lo a, a la tap zui bawk si nen, engtinnge a ngaih ang aw a ti rilru neuh neuh a. Mahse, tanpui a ngaih hun taka J-a kher a lo lang kha mak a ti a, a lawm hle bawk. A ke na deuh chauh a nih a vangin inlama enkawl turin casualty chu anchhuahsan ve nghal a.

J-a a va thlen phei chuan dan pangngaiin anlo ri leh bur bur tawh a. Mahse, cement a nih bakah sound proof andah vangin a pawn lam a tang chuan ri a hriat vak chuang lo a. J-a a tlai, hrem a ngai! Jam room chhung a luh chiah chuan anthawm a reh hmak. Andin hual nghal a, 'one,two' anti rual thawt a, 'ngawirawh lawks, tun tum chu ka tlai hrim hrim vang a ni lo a nia' tiin J-a chuan chhuanlam a siam nghal. Grace-in accident a tawh dan leh a buaipui dan a sawi zo chiah Rda chuan 'bem ngam mang si lo, a ke hmeh bak inchhuanna tur i neih loh chu, tlingtla vat maiteh' a ti a, Tommy-a pawh chuan 'dik chiah ngaihdamna a awm thei lo' a lo ti bawk a. Hah pawh sawi thei lovin bang kil lamah chuan J-a chu a phei a, a beng pawtin vawi 20 a su a, a thian te chuan anlo nuih tiah tiah a.

Freddy-a hi tette a tanga music-a tui a nih a vangin a pain aninchungah jam room zau tak a siam sak a, tunah chuan hmanrua pawh a nei kim tawh khawp mai. Kar hmasa lawk a mixture turu zet mai apa'n a lei sak hnu phei chuan a famkim leh zual. DJ han hung thei ngat phei se chuan sumdawn na'na hmang ho jam room aiin a changtlung ngei ang. Mahse, a tha tawk tho e, Mizoram chhungah hi chuan jam room leh recording studio ah pawh DJ nei hi anla awm vak lo hrim hrim a. Sound thuah lah MC a an mahni zawrh Delta sound chhuak thar ber a nuin a pe hlauh bawk si. Effect duh ang tawkin a hman theih tawh a, Freddy-a hi chu anduat ve chiang a lawm.

An band hi college ankal ho hnu, aninkawm a tang chiaha andin a ni a, mipui hmaa zai tura inpho chhuah lam ai chuan college fest a beat group competition a perform antum vang zawk a ni a. Nikum lamah Combination fuh tawk loh vangin pathumnaah anawm a, kuminah chuan tih sual antum tawh lo, best performance nih antum tlat a ni.

Tom-a hi anbasis a ni a, Fred-an Drums a chang thung a. A vaw thang bawka drums roll leh bit buai miah lova vuak bai a thiam em em a, chu chuan an arrange a ti mawi thei khawp mai. Jerry-an rhythm a perh a, Rda'n keyboard a tuma, J-a hi an vocal leh lead changtu a ni. A aw a sang tha a, a clear that bakah flat leh sharp a nei ngai lo. A aw hi a pâ bakah a control thiam hle a. Anmahni ho hrim hrim hi rock ngaina ber mahse hla dang pawh anngaithla kual nasa a, pop rock leh hard rock anluh chilh ber a, genre dang blues, jaz, rege pawh exercise nan anplay zeuh zeuh tho a, mahse, rock ang em em chuan anngaina lo.

Tun tumah hian english leh mizo hla pakhat ve vein an intihsiak dawn a. Hla thlanah pawh anuluk khawp mai. Student ho lam tir mup mup anduh a, mahse, tlema oldies deuh sak anduh thung. Tom-a ber chuan dangdai tawkin 70's chho a mi sak a rawt mauh pek. Ni e, Rock rules ah nana na chuan 70'chho tluk a vul hunlai a awm lo, tun thlengin anhla pawh a la chuai thei lo hlawm a nih hi. A nih chuan eng hla ber nge ni ang? Ronnie James Dio, Black Sabbath-a a luh laia 'heaven and hell' album a 'children of the sea', Tony lommi nen ansiam kha anzir phawt a.


G-3

Mizo hlaah erawh sak mai tur anla thlang thei lo. Lam suau suau theihna tur anduh ber Dream hunter emaw Zorock-a hla emaw sak theih turin anzir ve ve a, a nih loh chuan anthian ho hla phuah an sa thung ang. Tun competition-a an elpui tur hi an bon dawn hle a, nikum lama pakhatna hmeichhe band lar Apples leh pahnihna sweet combination anawm. Se7 star leh boom jr pawh anla awm cheu. Group dang ho pawh anchhe dawn lo.

Anhan play tan a, J-a chuan a ti fuh thei tlat lo. A mood-ah a cheng thei hlawl lo. A guitar play laite chuan Grace-i mawlh chu a rilruah a awm a, chuti khawp a Grace-in a thinlung a luah ta chu mak pawh a inti hial zawk. Nidangah pawh claz an kal ho a, anin fiam bawrh bawrh a, star ru tho mahse a rilruah a dah lian lutuk lem lo kha a nia, tunah chuan engkim a danglam vek. A rilru mai nilovin a thinlung pindan ril ber thlengin a luah khat vek tawh a ni. Tommy-a hian a thian te hi a dim vak duh lo, heih jissh a ni nghal mai.

Zan lamah chuan J-a chuan Grace-i chu kan ngei a duh a, aninah hian a la leng ngai lova, eng ang chhungkua nge tih pawh a la hre bik lo. Mahse, annei ve tawk tih chu amah chauh ni lovin mi pangngai chin chuan anhre vek ang. Show room hmun hniha anneih bakah Mizoram a Hotel lian leh changkang bera anngaih, tourist leh mihausa ho thlen khawmna neitu anni tlat. Kapsanga leh saikia te pawisa anpuk ai a tam mah sawrkarin a puk vang ringawt pawhin mi hriat hlawh chhungkua an ni.

A maha kal ai chuan a thian te ho nena kal a fuh a ring a. Midang ho zawng anhman laiin Lal Tom-miharh a hman leh pek lo. A lu len hi a hmang thiam ve a, a chhass pa nen chess inkhelah anin cho tawh laklawh, a chak lo zawkin swimming suit anla chawi dawn zui. A chak loh chuan lâp nai nimai.

J-a chuan Grace-i chu a phone lawk tawh a, J-a te len tur thu a hriat chuan Grace-i chu a phur tawh khawp mai. Zanah chuan J-a te inah chuan anin nghak khawm a, ankim hnuin anthian ho chuan Chandmari lam chu anpan ho ta a. Grace-i te inkawt anthlen chuan ankawt zawl zau leh fai takah chuan an Bike an park-a, kawt vel a pangpar chi hrang hrang awm chu uluk taka enkawl tih a hriat hliah hliah a, tho pawhin a thlawh hlen lovang tih hriat khawpin a fai hlarh mai. Door bell hnu reiloteah chuan anawmpui ni awm takin kawngka a lo hawn a, J-a te thian lo leng chu anlo lawm thiam hle mai. Anfanu a lo buaipui a vang chuan lawmthu anlo hrilh mawlh mawlh a.

Grace-i pawh chu bai saih saih chungin zak dawh tiang nen a lo inhawl chhuak chhat chhat a, na a nei tih pawh hriat loh khawpin a lo nui chhuak sâng a, a casual dress simple angreng tak pawh chu a mawi pui khawp mai. Inhmelhriat sa an ni bawk a innel takin an inkawm ho bawrh bawrh a. A nu leh pa pawh mifel leh rilru zau anni bawk a J-a te tan pawha inthlahrunna tur awm loin ankawm nghal bawrh bawrh a. Apa hi a fel khawp mai, minister a ni na vang vangin thenrual kawm a peih fû a, J-a te thian ho pawh chu anhming a zawt a, mawl biak lovin anhmingin a ko nghal chat chat thei. Apa thian leng te anlo kal a vangin Grace-i te chu Room dangah aninsawn a.

Grace-i hi mizo nulaah chuan pumraw lian pawl tak a ni. 5.7ft vel a ni a, a pumrua a inkhaithli nalh a,


G-4
Sam sei lam leh sam bu tha zet, mit meng lian lam, hmai bial lam lek lek, hnar ngul sang lam leh biangsum khuar kalh nei a ni a, a hmu sexy tak leh a ha zum rual tak te chuan a nui a ti mawi zual a. A vun a ngoin a no sang a, hrisel tha tih hriat takin ti sen sawk nei, ria chum bat kan tih ang hi a ni. A hmelthatna ti zual tu chu inchei a thiam a, a taksa fit tawk dress a thlang thiam. A thuamhnaw hi a pute-a fapa designer lar Jonas-a antih mai, Mumbai-ah pawh awm hrep tawhin a thlan sak thin a, Korean leh Bangkok a tanga anchah a ni deuh ber.
An zan khat lénna a ni bawk a, anleng rei vak lo. An haw dawn chuan Grace-i chuan bai saih saih chungin a thlah a, kawngka bulah chuan a zak dawh tiang chu a tawlh hlek a, a ke na chu a rap hlek a aiah tuarh pahin a bula awm J-a chu a bawh rawp a, J-a lo inring tawh si lo chu a bawh thlu rawp a. Freddy-a leh Rda chuan ankai tho vat a. Grace-i zak lutuk chu a sen ap ap a, antlan liam dawn chuan a bye liam a, a room-ah a lut nghal a, a zak lutuk chu khumah a bawk thlawp a, amah leh amah chu a insik nawk nawk a.
J-a te haw chu a la hma bawk a, Cyber-ah anlut leh rih a, fifa 2012 chhuah tirh a ni a, game dang khel lova khelh antum a ni. A hma ankhelh ah J-a'n spain team hmangin a champion a. Ankhelh hmain relax pahin anpack leh hlek a, rui khawp erawhin an pack ngai lo. Drugs anti ngai lova, Zu leh bear erawh anin fo a, sual na'n anhmang lova, sualah anngai hek lo. Friendship leh enjoyment a tan chauha hman chuan sualah anngai lo hrim hrim. Zu chhia anin ngai lo a, zu class hniam ho chu a ruihah pawh a class a hniam a, a class sang a piang a thawh dan class pawh a sang tih hrethiam pha chin an ni.
Cyber-ah anlut a, fifa ankhel a, Freddy-a leh Rda'n ankhel hmasa anga, a chak zawk zawk J-an finalah a tum ang. An bet chu a tuk lunch break a Jay Jay kictchen-a Tandoori leh jay jay foods anvai a tana show a ni ang. Tu emaw chuan ATM a tang a drow ve leh ngei emaw nu te pocket money dik tam ve deuh ngei chu a ngai leh dawn a ni. Team an select a, game formation an set vel mawlh mawlh lai chuan Tom Luliana'n a lo phone a, anawmna anhrilh chuan a lo kal ve nghal a. Rda te inkhel chu bet a sang bawk a antang nasa mai, an au vak vak a, centre- ah andah tam dun a, 4-5-1 formation ve ve anhmang a, attacking na lutuk lovin short game in anplay ve ve, chak loh anhlau ve ve a ni. An game a tang bawka midang awm ho pawh chuan an en thup hlawm a.
An khelh mawlh mawlh lai chuan Tommy-a chu a lo nui lut thaw a, a awmdan a tang chuan a bialnu pa lak a tangin hnehna a chang tih a hriat mai. Zawh kher ngai lovin a thian te chuan a awm dan a tangin anlo hrethiam vek tawh a. Rda leh Freddy-a inkhel chu a en ve nghal, a rak ring ringah a tang leh nghal a, a thaw veng ve thei a nia Tom Luruhringa hi chu. A chak thu leh a lawm na'n a chhass Cathy-i a chuks thu bak sawi tur a hre leh pek lo. J-a chuan a khelh a la hun lo bawka a tuka tandoori hmeh tur soju leitur in bet-ah a cho a. Tom-a lah chuan J-an chess a khel thin tih a hre si lo a, a cho nasa mai a, a cho satliah pawh a ni lo a nuih sawh lek lek zawk. Chess-ah na na na chuan anthian hoah tuman anhneh a ring lo. M.Z.U inter college sports a champion leh Mizoram open chess Tournament a semi-finalists a ni ve tlat. A lu len a chhawr ve na awm chhun a ni e Rda-an a ti. An hnehsawh thei a nia hepa hi chu.
J-a leh Tommy chuan Computer an on a, game mode set that vak angai lo. Tom-a hi chess a khelh chuan tawng duh miah lo, ngaihtuah muk em em thin a ni tih J-a chuan a hre vek tawh, a thluak kal pen tir nan a be buai lui char char a, angaihtuah tha thei dér lo. Sa an in ei sak nual tawh a, J-an pawn paruk, knight pakhat leh Bishop pahnih a chan tawh a, Tommy-a paw'n pawn pali, Bishop 2 leh knight pakhat a chan tawh. J-an i chak lo a ti a, Toman ka sa a tha zawk a ti thung a. J-a chuan Rook in a check a, Tom-an Quen in a lo ei sak a, J-an Queen in Knight ei pahin a check leh a, Toman Queen in Rook a ei sak leh a, J-an Rook in Rook a ei sak leh a. Tom-a tan chet ngaihna a awm tawh lo. A thinrim kher mai. A tukhum thak lo pui chu a hiat nauh nauh a. A chawi leh ta. Gambling-ah Casino talin kan khel leh ang a la ti hram a.
Game a tang, J-a a champion, Rda'n a chawi, Tommy-an a chawi bawk. Zan dar 12:00 a ri tawh. A tuka class kal turin anin thlah dial a. J-an in a thlen chuan a laptop chu a on a, notification a then zawh chuan Grace-i status a lo lang kalh a, 'zanin chu ka hlim takzet, mahse, ka che hit viau lo , amah vang vek. . .' tiin. J-a chuan comment pahin a nui sak a. Thil awmdan chu a kal tluang tih a hrethiam mai.

G- 5
Grace-in a lo comment ve nghal a vang chuan a la mu lo tih a hria a, 'Grace, i mu hil thei nange? I ke chu a na viau em?' tiin a inbox nghal a. Rei tak aninbia a. Grace-i chuan a haw bik lo tih a hria chiang tawh. Mahse, a tu ve ve mahin anla sawi chhuak ngam lo ve ve a. A tukah chuan anthian ho chu college kawtah chuan aninnghak khawm a, college hmeichhe ho chuan an enduh hlawm hle mai. Ni e, anni thian ho hi chu anchhe lo hlawm a, star rawn anhlawh chiang a lawm. Chawhma claz ankal a, lunch break ah chuan jay jay kitchen lamah anliam phei a. An bet anchawi a, an ei zawk chuan Grace-i sawmna angin J-a chu college a kal ve tawh lovin Grace-i te inah chuan a kal ta zawk a.
Grace-i te in a thlen chuan anawmpuite chuan T.v anlo en a. A nu leh pa chu anhna thilah anchhuak ve ve a. Grace-i chu a khua a sik reng vangin a tho chhuak peih lova a room lama kal mai turin a ti a, anawmpui pakhat chuan a hruai a. Grace-i room chu a changkangin a nuam hle mai, a zau thain a fai bawk a, a.c dah vek a nih vangin boruak pawh a nuam hle a ni. J-a chu Grace-i khum bul wheel chair-ah chuan a thu a. 'Grace, eng nge i an tawh? I ke kha i tih nat belh em?' a ti a. Grace-i chu a chet chhiat em vang khan a nui awr awr'J, nizan kha ka tihpalh lutuk aw. Tlemin a nat belh leh a' a ti a. J-a chuan khawimaw ka lo enchhin tiin Grace-i ke tuam luk chu a phelh a, a lo la vung nasa hle a. Dim takin a thiam ang tawk tawkin a zut sak a. J-a kutin a khawihna chin chu a hik chiai chiai ni berin a hria a, a zut zawh chuan uluk takin a tuam sak leh a. J-a chu Grace-i khumah chuan a thu nghal a, a chal chu a khawih sak a, a lo la lum ther ther a. A chal a khawih laite chuan Grace-i chuan awmngaihna a hre tawh lo. A taksa pum chuan fan chhuak vek niin a hria. J-a chuan 'Grace...', 'eng nge J', J a chu a ngawi daîh a. A lei chuan sawi chhuah chak mahse a kain a chip hnan si, a chil a lem khalh a,'ih. .ih. .', Grace-i chuan J-a sawi tum chu a hria thiam mai, sawi chhuak thuai thuai se tiin a lo nghakhlel hle tawh a. J-a chuan a sawi chhuak ngam mai bik lo, Grace-i kut tang sei sel leh nalh tak chu a hum sak a, Grace-i pawh chuan a paîh sawn sak phal bik lo. J-a chu Grace-i hmui lamah chuan a kun hnai a, chulai boruak chu Grace-i pawhin a hrethiam, a thaw dep dep a, a meng â riai a. A hmui nalh leh thianghlim takah chuan J-a chuan a fawh sak ta vawng vawng a. Grace-i pawh chuan a hnial phal bik lo, duhthawh takin a lo chhang let ve a. Rei tak an up beh tawh ankara hmangaihna chu anhmui chuan a puan chhuah sak ta zawk a.
J-a chuan a hman chang a piangin a kan a, dip dal tu awm miah lovin anin kawm thei a, anhlim duh thin hle mai. Grace-i ke lo na kher kher chu ankar a hmangaihna pian tir tu a lo ni ta zawk a. Rei tak lo instar ve ve tawh annih vangin anin duh tawn a, anin hmangaihna chu a par vul a, a nghet tial tial a. Mahse, anhlim reng angem? Thil buaithlak tamtak a awm mai thei! J-a chu an miss Lucy-in reitak a lo ngaihzawng tawh a. Anu pawhin a duh pui khawp mai. A mah lah nula chhe lo leh hna sang tak nei a lo ni tawh bawk nen. Tin, a hma kha chuan Lucy-in a kherh hneh em vangin a duh ve deuh a, vawikhat chu an c.k dun hial tawh nghe nghe a. Mahse, Grace-i a thinglunga a luh a tang chiahin Lucy-i chu a duh tak tak lo a, a hmangaih hek lo tih a hria, a ngaihsak tak loh em a vangin ani nula fing chin chuan a nu a be tha hlauh a, anu nen chuan Grace-i pawh then dan chu anngaihtuah reng. Grace-i pawh a buaithlak ve tho mai, Jerry-an hun rei tak a tangin a lo ngaizawnp tawh a. A nu leh pa paw'n anduh pui a, an ina anlèn a inrual chang paw'n Jerry-a chu anbe tha thei bik viau mai. Grace-i hnenah pawh duh zawk turin anthlem fo mai. Chung thil te chuan aninkar hmangaihna a tih chhiat phah mai a ngem?
J-a te thian ho chu college kawtah anti ti siam siam lai chuan Grace-i te ho pawh anlo hman tawh a. Lammual lam pan chuan an inzui phei nghal a. A hmun anthlen chuan mipui anlo khat hmur tawh a, ticket pawh a zo hneh hle mai. Shillong Lajong leh Mizoram eleven khel tur chuan mipui a hip hle a ni. Gallery ah chuan midang karah anding a. Ruah a lo sur bawk nen khua a vawt nghal vur a, November thla a ruah a sur hi chuan November rain mawlh hi rilruah a thar thin. J-a chuan Grace-i chu a pawm chial a. Midang anawm ve tih anhre chang lo hial a.
M.z.u sports a lo hun a, items neiin an concentrate tawh hle a, fans lam pawh slogan zirin anphur thei hle mai. J-a te college phei chu nikum lama over all a an champion a vangin anphur zual a. He hun hi chu students te nghahhlelh, college life a anawm hun lai a ni miau a. Mahse, Indoor leh outdoo thenkhat bak Aizawlah anti dawn lo va, football chu Lungleiah Thuamluaia mualah ankhel thung ang. A chhan pawh football ah hian big-3 te anin tibuai ziah a, fans tam zawk kal theih lohna turin Aizawl pawn lama khelh tha antih tawh zawk vang a ni.

G-6
J-a te thian ho pawh basket ball star an ni leh ngei a. Zarkawtah ankhel a, final-ah M.z.u nen a khel tur anni a. M.z.u hian Mizoram player pahnih Michael-a leh Zorama ankawl a. Ankhel tan a, Jerry-a a che chukchu hle. He pa hi a rilru a lo hmul takzet a ni. J-a te thian ho chu eng anga rem pawh nise a pass duh ngai lo a, selfish taka amaha score tumin a try hmiah zel. Grace-i te thian hovin an en a vang chuan che tha zawk nih a duh vang a ni. Combination a tha lo bawk a last Quarter-ah chuan M.z.u lamin 152-130 zetin ansawp a. He ta tang hian vawikhat mah J-a te thian ho leh Jerry-a te thian ho hi anin be tha leh tawh ngai lo.
November thla a lo her a, khua pawh a vawt tan khawp mai. J-a te thian ho pawh chuan thla leh mai a college week khar paha fest anhman turah pawh anin sawrbing tawh viau a. College kawt a antiti ho lai chuan Grace-i te thian ho chu anlo kal ve chiah bawk a. Grace-i leh J-a ding dun a hmuh chuan Miss Lucy-i chu a ner nawk a, inher deuh hmak chungin 'inhlim reng bik lovang' a ti sap a. An tan hun a hnaih tawh vangin Lammual lam anpan ho ta nghal a. A hmun anva thlen chuan mipui anlo khat vek tawh a, ticket pawh a zo hneh khawp mai. Shillong club Lajong leh Mizoram eleven inkhel tur chuan boruak a siam nasa a, Mizoram titi lian ber chu hmaih phal chi a ni tlat lo. Mi tawt tak karah chuan aninzep lui a, Gallery ah chuan chep takin aninhnawh a. Ruah a lo la sur zui a, hetiang huna ruah a sur hi chuan rilruah November rain a lo thar leh thin. J-a chuan Grace-i chu a pawm chial a, mipui chep leh ruahsur te chuan anpahnih hlimna chu anbawh buai lo a, anhlimna ti chhe thei tur thil anhmu pha hek lo.
Class picnic ni a ni a, J-a te leh Grace-i te thian ho chuan hman nawm antum deuh avangin eitur leh intur lam chu ankeng tam hle a. Holly day palace anthlen chuan relax nan tlem anlem phawt a, hmeichhe ho erawhin Bear anin thung a. J-a leh Grace-i chu huanah chuan antei kual dun a, midang ho erawhin tui ancheng thung a.
'Grace, ka tan i rinawm reng ang tiraw? Min hmangaih tak tak em?'
'Tehreng mai J, chhass chu ka nei ve tawh a, mahse, nang anga hmangaih leh ka thinlunga mi danglam hi anla awm ngai lo a sin'
'Grace, ka lawm e, khuanu samsuih ni hlauh i la aw...'
'Kan ni maithei a sin J. .'
Mi hmuh phak loh chinah chuan anin kuah a, anin chuks vawng vawng a.
'Grace, kan inhmangaih a kan inhriat reng nan leh kan inhmangaihna kan sut tawh loh a kan nem ngheh nan Thri in-change ang' a ti a. An Rangkachak thi chu anin change a, anin pawm leh vawng vawng a. J-a chuan Grace-i kut chu a khal niap niap a. 'Grace, engagement ring pe che i la min pawm sak duh a ngem?' a ti a, Grace-i chuan nui seih chungin 'lawm takin ka pawm ang' a ti a. 'ka pek hma che ka ta ini tih chhinchhiah na'n love bites. . ' a sawi zawh hmain Grace-i chu a pawmna a tang chuan a tlan chhuak a, nui dun awq awr chungin thing leh thei kung thelh nuam tak karah chuan anin um kual zak zak a.
Hmun danga awm bo reng chu a mawi loh a vangin anthiante chu anfin ve leh ta a. Anni ho lah chu a nuam tawka anlo pack tawh hlawm vangin anlo bengchheng leh hle tawh a. Anfin hnu chuan Rda'n playing card a lo phawrh chhuak a. Anin dose a, Grace-i te thian ho chuan anlo en thap a. A game a piang thuamhnaw pakhat te te a hlih chu anin hremna a ni. Freddy-an card khelh a lo thiam vak lo a, a game reng mai. A kawr a phelh a, a game leh a Kekawr a phel a, a game leh a Boxer a phelh leh, an ti leh a Kekawrte phelh leh a ngai. Hmeichhe ho lah chu an lo nui uarh uarh tawh si. A phelh ngam ta loa a tlan chhe ta ringawt a. Anhlim tlang picnic nuam tak anhmang a ni.
J-a leh Grace-i chu an inzui chawt reng a, anthian te ho lah aninkawm thei vek bawk si a, an college life leh aninngaihzawnna boruak chu a tha takzet a. Fest chiah anhmachhawn tawh a, an jam tluk tluk a, Grace-i te thian ho pawhin antawiawm ve fo a. Grace-i chuan J-a zai chu thiam a ti thei hle a, a ngaithla kham thei lo a ni ber. A aw pâ leh nalh zet chuan a fan chhuak a, a ngaihsan phah sawt a.
@ GRACE-I PA A BO
A tuk mai a an perform tawh dawn a vang chuan zan lamah chuan anri leh tluk tluk tawh a. Zan dar 10:00 velah chuan J-a phone chu a lo ring char char a. Grace-i phone a lo ni a, a pick a
'Hallo Grace'
Tap aw tuau chungin, 'J, tunah hmanhmawh takin kan inah lo kal teh'
'Ngatinge? Buaina i tawk a mi, Grace, ngatinge i tah?'
'Lo hmanhmawh rawh, Daddy a bo, misualin an kidnap'.
'Engtin maw! I pa misualin an kidnap maw??'
'Aw, lo hmanhmawh rawh, kan hlau, kan buai vek. . Lo tlan rawh hmanhmawhin. I lo thlen hunah thil awmdan ka hrilh tha ang che'.
'Awle, ka lo tlan nghal e'.

G-7
J-a chuan a thian te hnenah chuan thil awm dan chu a hrilh nghal zung zung a, hmanhmawh takin Grace-i te in lam chu a pan nghal a. Grace-i te in a thlen chuan mangang takin a nu nen chuan an lo tap pur tawh a, anawmpui te ho pawh chu an lo thlabar hmel hlawm hle mai. Grace-i chuan J-a a hmu chuan a pawm thlawp a, a insut fep fep a.
Grace-i pa chu a office lama kal lovin andriver nen Durtlang Hospital-ah a thianpa kanin tukthuan ei khamah ankal a. Sawrkar motor pawh hmang lovin a private Car-in ankal a. Durtlang Hospital a tanga anchhuak, a thlang lawk kawng reh deuh lai a Home peng bulah Burma hel pawl ten anlo chang a, ankidnap ta nghal a. An kidnap na chhan pawh thla ral ta a Burma ram a tanga Bangladesh a antawlh ruk tur silai chi hrang hrang vawihnih ngawt anman sak vangin a department chan a nih vangin phuba anla a ni. Thah antum vang nilovin ansum lost tawh hmuh lèt leh tumin sum a tlan tir anduh vang a ni.
Grace-i pa chu a lo haw lawk loh vangin phone antum a, a phone chu a in swich off tlat mai a. Chaw ei hun thleng pawha a lo haw loh vangin anbuai ru hle tawh a. Mahse, mi pawimawh leh engemaw buai thut thut thin annih a vangin emergency engemaw anei a nih anring ta ngawt a. Zan dar 9:40 velah chuan Grace-i pa phone a tang chuan a nu chuan phone call a dawng nawlh a, misual ho chuan 'inpa hi inla duh a nih chuan Maktaduai khatin zaninah lo tlan ang che u. Police inhrilh emaw sum min pe lo a nih chuan kan that nghal ang' tiin anlo phone a. 'khawiah nge kan lo dah ang?' ti a anzawh chuan a hmun chu kan lo hrilh leh ang che u' an ti a. Chu chu anthu hriat hnuhnun ber a ni.
Grace-i leh a nu chu an buai hle mai, an pa chu an that mai ang tih an hlau si, an sum ngiat lah chu a tam hle bawk si a. An kawl zawng zawng pawh Maktaduai chanve chauh a ni si, chupawh department pawisa sunction awm sa pek chhuah mai tur a ni si a. Phone call a lo kal leh a, Grace-i nu chuan a pick vat a, 'sum chu min pe dawn nge inpa kan that dawn?' an lo ti nghal a. J-a chu a lo bu nghat a, 'maktaduai chanve ah inrem mai ang u, a dang ngaîtuahna hman a awm tawh si lo, zan a ni si a draw theih a ni tawh si lo' a ti a. 'i neih ang ang chu lo keng la, ngaizel kham hnuaiah lo kal ang che, police i lo hruai chuan inpa hian a tuar nghal ang, i hrethiam em?' a lo ti leh a.
J-a chuan Grace-i leh a nu chu Grace-i pa Car chuan a hruai a, Ngaizel kham anthlen chuan anhan phone dawn a, a in off tlat. Rei vak lo ah chuan no.dang a tangin an lo phone leh a. Aw chuan 'tunah khan nangmahin lo kal la, pawisa chu lo keng ang che. Kawngpuiah lo phei zel la, kan lo chang ang che' a ti leh a. Grace-i nu chu hlauthawng ru tak chungin a kal ta a. J-a leh Grace-i chuan Motorah an lo nghak a. Grace-i hlau chu a khur ru dar dar a, J-a chuan a kuah a, a awmah chuan a bei hle hle a. A tha khur pawh a zia deuh hlek a.
Grace-i nu chu hmaituam pakhat hian a lo chang a, kawng pengah a pen pui a, thui vak lo ankal chuan midang ho chu an lo awm thap a, anpa erawh a hmu lo. An boss ber chuan 'sum i lo ken daih loh a vangin inpa chu kan la kawl ang a, indriver erawh a chhuak thei ang. Naktuk zanah a kimin min lo pe ang che u' a ti a. Driver chu anchhuah ta phawt a.
Apa anngaihtuah vangin Grace-i leh a nu chu anmuhil miah lo a, J-a chuan a awm pui reng bawk a. Misual lam chuan thil chhut sual annei tlat! An driver chhuah tak kha sawi chhuak lo tura an vo vang khan a sawi ngam anring lova, mahse, police hnenah a hrilh nghal a. Police ho chuan rang takin anzawng ta nghal a. Driver khan anawmna a lo hriat tawh vangin world bank road ah antlan a, salem veng huam chinah kawngthlang hla tak a pu Rosiama (jerry-a pa) huan chu anpan nghal a. Thlam chu anhual a, anin kap ta chiam a, hmanrua anlo neih that em vangin anin bei rei hle mai. A tawpah chuan aninpe ta nge nge a. He inkahnaah hian misual lam pali anthi a, pahnih anhliam a, pathum erawhin hliam antuar lo thung. Police ten thu anzawh fiah chuan anrin ang ngeiin puitu tha tak annei a, chumite chu Pu Rosiama leh Lucy-i anni tlat mai. Silai neitu ber pawh anni.
Pu Rosiama man tura police ankal chuan a lo awm hauh lo mai a, thil pawimawh ti a a chhuah thu leh a kalna anhriat pui loh thu an lo sawi a. Lucy-i pawh aninah a lo awm chuang lo. Thil awmdan ngaihtuahin anawm tlang a nih a rinawm. Phone antum lahin an swich off ve ve. Anchhungte anbiak hnuhnun berna anhan chhui chiang a, anawmna bawr vel ch Chandmari velah anchhui a, a location a tang chuan Hotel changkang tak hmunah anchhui lut chiah. Police ten Hotel anthlen phei chuan manager hnenah chuan hming lisw en an dil nghal a, special room no 5 ah chuan anawm tih anhre thei ta. No.5 anthlen chuan kawngka inkalh chu anchhir hawng rawp a, Lucy-i leh Pu Rosiama chu ruak ngal ngatin khumah chuan anlo mu dun a, room chhung chu cigarette leh zu rim a nam vung vung a. Hel pawl anman te nen chuan Central Jail lamah chuan kum 10 theuh lungin turin

GRACE- 7
Central Jail-ah an thawn thla nghal a. Grace-i pa pawh doctor te check up result ah engmah harsatna a nei hran lo a.
@ GRACE-I A BO. JAIL TANG AN TLAN CHHUAK
Thla 4 zet a liam leh ta, Grace-i leh J-a te christmas leh 31st hman dan vel chu tarlang tawh lovang. Grace-i leh J-a chu anbazar dun a. Show room leh m.c vel a thuamhnaw an en hnu chuan Goldsmith ah zungbun inang anorder bawk a. Cave a kal pahin Crown restaurant ah an chawl a, tlai lam dar 3 velah chuan an inthlah ta rih a.
Zan lamah chuan MTLR ho Lammuala concert en dun turin an intiam a, mahse, J-an thil pawimawh tih tur a neih a vangin a nghahhlelh em em chu a en ve thei tlat lo. A nu damdawiinah unconscious a a awm thut vangin awmpui a ngai leh thut si a. Grace-i chu a thiante ho nena kal mai turin a hrilh a. Grace-i pawh chu a thian te ho nen ankal ta ngawt a. J-a a tel loh vangin nuam a ti chiah lo hle mai.
Zing lam dar 8 velah chuan a phone ri chuan J-a chu a ti harh zawk a, Grace-i nu phone call a lo ni a, mak a ti angreng viau a, nidangah a phone ngai si lo. Grace-i nu chuan 'J-a, nizanah a lo haw lo a, a awmna chin kan hre lo a i bulah a awm mial em?' hlauthawng aw takin a lo ti a. Chuta tang chiah chuan Grace-i a bo tih an hre chiah. Anin phone zo chiah chu Jacky-an a lo phone ve nghal 'bawiha, nizan jail tang tlan chhuak antih kha i lo hre tawh em?' J-a chuan 'hre miah lo. Tute maw tlan chhuak a!?' 'Pu Rosiama leh Lucy-i leh Burma ho anman panga te kha anvaiin an tlan chhuak vek'.
Pu Rosiama te hi an man chiah khan sawrkar a buai hle a. Thil a sawi chhuah vaih chuan politics thuk tak a inrawlh vangin an buai hle dawn tlat. Drugs mai bakah ralthuam tawlh rukah hian minister thenkhat an inrawlh a, share pawh an nei nual. Chuvang chuan Pu Rosiama leh a thu rual pui te chu tanpui a chhuah tir theih dan an ngaihtuah a, Jail warder thenkhat thamin hmanrua anpe ru a, chhuah tir an tum a ni.
Zan dar 11 velah mipa cell a awm ho chuan jail warder te inring lo lai chu hnim hlum nen an bei thut a. Tin, hmeichhe cell a awm Lucy-i chu vengtu an tham tawh vangin warder chuan a chhuah ruk tir a. An thu rual pui ten Jail kawtah an lo nghak a, tichuan an tlan chhuak ta a ni. Mahse, he an tlan chhuah danah hian minister thenkhat an inrawlh tih tumahin an hre lo.
Jail vengtu an lo harh chhuah leh meuh chuan zing lam dar 4 a lo ni daih tawh a. Darkar 5 zet engmah hre lovin an awm a ni. Headquarter lam an phone vat a, misual chu khawilamah nge an tlan ang? Police ho chu an buai hle mai. Police station zawng zawng leh ramri a out post zawng zawng chu an hrilh nghal vek a.
J-a te thian ho pawh an inhmu khawm nghal chuk chuk a. Grace-i a bo, Jerry-a an inah nizan a tangin a haw lo bawk. Ngaihthah chi a ni tlat lo. Jerry-a chuan apa te leh midang rualin a hruai bo ve a ni ngei ang.
Zana Grace-i concert en haw lam kha Jerry-an a zui zel a. Thian te ho nen an ni hlawm a, skuty ankeng vek hlawm a. Grace-i chu a awmna a hlat ber vangin an inmangtha hnuah amahin an in lam a pan ta kha a ni a. Zan a rei fuh tawh a vangin mihring anreh ruih tawh a. Jerry-a leh a thiante chuan umin hmun fal deuh laiah an um pha a. Dimna tel map lovin an motorah chuan an nam lut nghal rawk rawk a.
@ HEL NEN A INKAHNA
J-a te thian ho pawh Grace-i zawng turin an inpuah chah nghal a. Ralthuam an mamawh tur ang ang Pistol chenin an keng vek a. An rindan chuan Burma ram lam an pan an ring ber, chu baka tlan chhiatna hnai a awm lo a ni. Chhun laiah chuan Grace-i zawng tur chuan an thian hovin an chhuak ta a. Zemabawk lamah tlanin Seling a tangin Champhai Road-ah an tlan char char a. Khawzawl an thlen dawn chuan a tlai tawh hle a, khua a thim lek lek tawh. J-a chuan ngaihdan dang a nei ta tlat mai. A ngaihtuah vang vangin Zokhawthar lam a tanga an luh chhoh ngam a ring tlat lo. Khawzawl a tangin Biate lamah an kual a ring tlat. Tichuan police check awm miah lovin E' Lungdar lamah phei zelin N' Vanlaiphai tlangdungah an kal a ring a. A chhan pawh mi tam zawkin chu lam chu an pan an ring dawn lo a ni. Khawzawl thlen hma 3km velah chuan Gypsy var kawng sira lo ding reng an hmu a. Antlanchhiatna Motor ngei kha niin J-a chuan a hre tlat. Motor a tang chuan a chhuk a, a han enchiang a, a lo ni chiah mai. Police ho sawi hmang nen a inmil chiah. A nih chuan khawnge Grace-i chu an kal pui tak zel ang?

GRACE-8
Jail tang tlan chhuak te pawh hi Khawzawl an thlen hmain motor dangin a lo nghak a. Tahchuan an thuamhnaw te thlakin an inchei danglam vek a, tichuan an mahni tih hriat tawh miah lovin motor dangin an tlan leh ta ani. Khawhai tlanpel Sialhawk an pel phei zel a, Biate. . E' Lungdar (a inkar khua zawng2 tarlang lo ila) an thleng hla telh telh a, hnuhma an hnut chhiah tan tlat. Bawktlangah hmeithai an pawngsual hnuah an that a, N' Vanlaiphai an thlen dawnah Police-in an lo chang tih an hre ta tlat mai. Anmotor chu an dah a, Vanlaiphai chu a khua hélin mi rin lohna lamah S' Chawngtuiah an lut phei a, Khawhri-ah an chhuak phei a. Khua an hélna lamah nu pahnih thingphur an hmu fuh a, an pawngsual hnuah an that leh nghal bawk. Chu thu an hriat chuan a umzuitu police bakah Hnahthial police ten Khawhri an pan nghal a, helai tlang dung ho chu an buai hle a, ram chhuak ngam pawh an awm tawh lo. Khawtinah Police bakah Y.M.A duty ten an chang vek bawk a. Khawhri thlawhhmaah kal zelin Thingsai ramah an chhuak a, Chuta tang chuan Bualpui H' ah pheiin chu mi ram tawp chu Burma ram a lo ni tawh ang.
J-a chuan hmanhmawh taka an tlan chuan Burma ram an thlen hma a an umphak hman a ring tlat. Ankalna a um zel lovin N' Vanlaiphai a tang chuan Lungkawlh lamah an kual a, Cherhlun an tlan pél a Thingsai an pawh phei a, Bualpui an thlen hnuin chanchin an zawt kual a, engmah hriat thar an nei lo. Hmanhmawh takin Tiau kawngah an tlan zel a, kawng lah chu a lo chhe nasa mai a. Tiau an thlen chuan chulai hmun chu ramri a ni a, Bungkhaw kai a ni bawk a, chulai hmunah chuan an lo chhuah an ring a ni. Tiauah chuan Vawkkuang lawnga mi thiar kai thin an lo awm a. Chumite chu chanchin an zawt a, an sawi tha duh lo hle mai lehnghal a. J-a chuan a bag a tang chuan ₹ 10000 a han phawrh a, 'min hrilh ula ka pe ang che u' a tih takah chuan pawisa duh réng réng an nih vangin anzép rei thei bik ta lo a. Jail tang tlan chhuak te kha chu an lo la thleng lo a, mahse, Burma ram an kai veleh a an ration tur an thian ten an lo chhawp lawk vek a lo ni a. An ration awmna hmun a chan chu a fuh ber an rin vangin Tiau chu an kân a, Bungkhaw kawngah chuan thui vak lo an kal a, kawng pengah an peng a, hla vak loah chuan Thlam biru tak a lo awm a, chulai hmun chu an ration dahna hmun chu a ni. Lawng puin a hruai thlen hnu chuan ahrilh a ni tih sawi lo tura an intiam hnu chuan a lét san ta a.
An Silaite enfel pah a an tan hmun tur an siam fel lai chuan J-a rilru chu a buai ru hle mai a. Grace-i mawlh chu a ngaihtuah a, an that tawh ang nge a la dam ang? La dam pawh nise pawisak nei lo ho chuan an lo ti chhe vek tawh ngei ang. Ramhnuai pilril leh kawng pawh awm lohnaah Grace-i thlabar taka a kal vel tur a ngaihtuah chuan a thinrim lutuk leh a khawngaih bawk si chu a puakkeh lo chauh a ni.
Khua a tlai lam tawh a, ral lehlamah chuan motor thawm an hre ta tlat mai. Jacky-a chu en chiang turin Thinglérah a han lawn a, Police Motor pahnih a hmu nghal. Police ho pawh an tuan a rang hle mai. Khua a thim a, an awmna ngaiah chuan inring rengin an awm rân a, phurna leh hlauhthawnna vangin tumah an muthlu lo chiang hle mai. Zan a rei telh telh a thawm mak pui pui karah Thlam chu a reh tlawk tlawk a.
Khua a var tan iar iar tihin thawm a lo awm tan ta. A lo hnai zel a, an hmel pawh a hmuh theih tan a, mahse, Grace-i hmel a lang tlat lo mai! Hel pawl vek ho kha an ni tlat. Police ho an kal pel theih dânah kaiah kai lovin hmun dang a tangin an kai a ni ngei ang. Chu chu J-a lo rin lawk ang ngei pawh a ni.
Thlam chhungah chuan thawm dim angreng takin anlut a, an vaiin paruk an ni a. An ril a tam bawka eitur awm ang chu an ei nghal bawrh bawrh a, Burma Rum an dah te chu an in nghal bawrh bawrh a, an rui tan a, an ram chin an thleng ta bawk a, zalen khatah an inngai tawh. J-a te chuan Thlam chu an pan hnai hret hret a, hnai tawktak a tang chuan an kap ta thuai thuai a, silai a puak nghal zawt zawt. Misual pali an kap thi nghal a, pahnih chu an zuang chhuak a, pakhat chu J-an a um nghal a, pakhat dang pawh a thianten an ûm nghal bawk.
A thiante um pa chu ankap pawp pawp a, an kap thlu nghal a. J-a ûm pa chu thing hmunah a tlan lut a, hrui a pal palh a, a tlu thlawrh a, a tho leh tlan a tum lai chu J-a chuan flying side kick-in a zuan phei nghal a, a let tawp. A tho leh tur chu flying back kick in a bekah a kick a, a let nghal tawp. A tlu chu a bawh zui a, a thut bet ta ràn mai. 'Zawnga, khawnge Grace-i'ti pahin a rek nawk nawk a. Misual pa chuan a sawi tha duh lo khanglang a J-a chuan a khingkhangruhah chuan Karate chop-in a sat ri thuai a, a tliak chiang hle mai. A then sak sak a, engkim tha takin a sawi ta a.
Jail a tanga an tlan chhuah khan in pakhatah anlût ho vek a, chutah chuan Jerry-a leh nula pakhat an phuar beh tlat pawh an awm a. Chuta tang chuan keini thian ho hi kan kal hrang nghal a, tuna kan kalna lamah hian kal a, hnu tamtak hnutchhiah turin min ti a. Chu chuan police kan bum dawn a ni.

G-9
'Khawnge Grace-i anhruai?' J-a chuan a ti tuarh a. Harsa ti tak chungin 'an ni chu Burma ramah an awm tawh ang. Kei ni'n Police leh mipui bumin hnuhma kan nei zel a, mi rin loh lamah an ni chu him takin an kal thei dawn a ni' a ti a. J-a pawh chuan ram pum min bum chiang hle mai a ti rilru a. 'Grace-i chu khawnge hruai zel an tum?' a tih chuan 'Pu Rosiaman Yagon-ah in tha tak a nei a, chumi hmun chu an pan ang' a ti a. Chutihlai chuan Police ho leh a thian te chu an rawn thleng a. Police ho kutah chuan a hlan ta a.
J-a chu a thu hnawk a, a chek tlak tlak a. Pawi ti tih hriat takin a lu a dawm vawng vawng a. Grace-i chu Burma ramah a awm tawh a nih si chuan a va buaithlak dawn ta èm. Engtinnge hma a lak zel tak ang. Burma ram an thleng hman tawh a nih chuan Grace-i chu a chân hlen tawh dawn tihna a ni ber mai. Mahse, beidawn a tum lo, khawi hmun pawh ni se zawn zel a tum tlat, a rilruin a infuih mawlh mawlh a.
@ GRACE-I ZAWNGIN BURMA-AH
Jerry-an Grace-i a kidnap zan khan an thurualpui Pu Biaka inah an inhmu khawm vek a, chuta tang chuan midang ho kha chu an chhuak nghal a, Pu Rosiama, Lucy-i, Jerry-a leh Grace-i chu an thukru ta rih a. Grace-i chu che thei lova an phuar bakah a au chhuah theih loh na'n a ka an charphui tlat bawk a. Misual ho hlir an buaipui lai khan inchei danglamin, Lucy-i pawh mipa ang a cheiin Rihdil tlawh tur angin an kal ta a. Burma ram chinah chuan Motor dangin lo nghakin harsatna tawk miah lovin an kal ta a ni.
J-a te thian ho pawh hmanhmawh takin an tlan haw nghal a, tlai ni tlak dawnah Aizawl an lut phei a. J-a rilru chu a buai hle mai. Grace-i a zawn dawn chuan hmanhmawh thei ang ber a chet a ngai tih a hria. Chaw ei lai chuan Grace-i zawn chhunzawm a duh thu a nu leh pa bulah chuan a sawi a, mahse, apa chuan rem a ti lo nasa mai a, Grace-i chu ngaihtuahuawh lo zawk mai rawh a ti hial a. Mahse, an fapa thinlung sak tak chu anhneh thei chuang lo tih anhria, dan ngaihna pawh an hre tawh lo a ni ber.
Zing takah J-a chu a tho a, an Car chu a ti nung vut vut a, thuamhnaw leh a mamawh tur ang te a rem zung zung a Champhai lamah chuan a tlan ving nghal nal nal a. Kalkawngah te chuan Grace-i mawlh chu a ngaihtuah a, a speed a san phah hle mai. Tlai lam dar 2 velah Champhai a thleng a, Hotel a book mek lai chuan chu Hotel a thleng Burma sumdawng pa chu a haw dawn mek tih a hria a, kal ve nghal mai a remchan vangin a car chu Hotel neitu te hnenah chuan a dah a, sumdawng pa rual chuan Kawlphai chu a pan ve ta phawt a.
Kawlphai chu zing lamah an thleng chho a, sumdawngpa ina a inbual harh hnuin Yagon lam Sumo service-ah chuan a kal leh ta nghal a. Yagon chu zanah anthleng thei tawk a. Thlenna turah chuan a buai ru hle mai. Hotel changkang tak tak chu a awmnual tih a hria, Asia plaza, Sedona leh Trader Hotel te a awm. Hmun laili leh mipui che vel hmuh theihna a duh a vangin Asia Plaza ah chuan a innghat ta a.
A tukah chuan Car rental-ah kalin Foreign car nalh zet Patjero a hawh phawt a, tichuan kawtthler hrang hrang- Chimitta street ah tlanin Hmawbi ah a kual a, Dipha Aye 46block N. Dagon, 25 Kayaungyi, 2nd street, Shwe Dagon, 6th street pale, myothit Mingaladon, Tamarah(sule) ah a lut leh a. Kawtthler hrang hranga pawh a kal nual a, a ni khatnaah engmah hmasawnna a nei lo. Kawtthler tinah chuan nithum ngawt a zawng tawh a, ni li naah chuan Tuifinriat kama intihhlimna hmun te, Zoo leh park awm kawpna Hlawga te, Pandoola(Miniking)park leh Tagintagejua park te a fang kual leh a, zan lamah Cinema hall ah te a zawng kual reng bawk a. A la hlawhchham zel mai.
Kawl ho mizia tlém tarlang ve lawk ang. Kawl nula leh tlangval ho hi an in rim ngai lova, inrim hi thiang lo nilovin an ti ngai lo a ni tawp mai. India nula te ang lo takin khawlaiah an nun a zalén em em a, park leh intihhlimna hmunah chuan khawlai pawh nise an infawp bawrh bawrh mai. Hnampui an nih vangin an zau hle a, a hosa leh changkang tawh vek vek chu ropui ve tak an ni. Korean film a lar hle a, an en nasat ber a ni bawk.
J-a pawh ni 6 zet Grace-i zawngin a awm tawh a, hmuh tur a vang em em mai si a. Ni ruk zanah chiah chuan Cinema hall a tanga a haw lamah chuan Bar pakhatah hian Jerry-a ang deuh a hmu ta tlat mai le! A han en chianga a lo ni tak tak, an thian ho nen an ni a, an rui kher lehnghal a. J-a chuan a chang ta rân a. Zan rei fè tawhah chuan rui takin an lo chhuak a, Motor-ah lutin an tlan ta nghal a. J-a chuan an hnung lamah a zui zel a 25 Kaya 12 Road, Mingaladon-ah an tlan lut a, in lian tak kawtah anding ta a. J-a chuan a enthla reng a, Motor chu a park hnuin Jerry-a chu chu inah chuan a lut ta a. Pu Rosiama in ngei a ni tih a hre ta. In bul vel chu uluk taka a chhinchhiah hnuin a haw san ta rih a.
Zanah chuan Burma rum in pahin a tuka chet a lak dan tur chu a ngaihtuah neuh neuh a. Engtia tih nge tha ber ang? A ngaihtuahna a kal kual nasa hle mai a, a tawpah chuan ngaihdan pakhat a nei ta. (yagon source- Duha Mth Yagon)

GRACE-10
A tukah chuan J-a chu designer pakhat hnenah kalin a inchei danglam tir ta a. Tunah chuan putar sâr veh vawh, zahawm tak ang a lo ni ta. Pu Rosiama te in lam chu a pan ta nghal a, Mizoram a tanga a thurualpui te palai ang a kalin Grace-i hmuh theih dan a ngaihtuah dawn a ni.
Pu Rosiama in kawt a thlen chuan Jerry-a chu a chhuak ve chiah a, doorbell a hmeh zawh a lut tura an lo welcome hnu chuan a lut ta a. Inchhung chu a lo pui khawp mai a, sitting room ah chuan Pu Rosiama leh Lucy-i an lo thu a, choka lamah chuan Grace-i chuan engemaw a lo ti mawlh mawlh bawk tih a hmu nghal. Grace-i hmel chu a lo chèr deuh hlek a, a hmel thatna erawh a ti kiam chuang reng reng lo.
Lucy-i chanchin hi thui tak sawi tur awm mahse tlem te tarlang tel lawk ang. A pa hi 1st class contractor a ni a, mahse, zu a in nasat vangin pum tha lo vangin a boral tawh a. College chu Mumbai lamah a kal a, chutah chuan an lecturer nen an inngaizawng ta a, fa a pai a, mahse, a mipa chuan a neih duh loh vangin a ti tla ta a. Chumi hnu chuan Nigerian lam mi Josh-a nen an intawng leh ta a, he pa hi smugglers ho zinga lar tak mai, Golden triangle leh Cambodia ram te paw'n agent a an hman a ni a. Chupa hmei ang chuan awmin an khawsa dun leh reng a. Computer thiam tak a nih vangin M.A leh NET certificate lem pawh original ang chiahin a siam sak a. Mahse, Josh-a chu an hriat chhuah tak a vangin Lucy-i chu a lo tlan chhe ta a. A pain a boral hmain hmelhriat tha a ngah bawk a college lecturer-ah a tling chho ta a. Chuta tang chuan Pu Rosiama nen pawh inhre chhoin drugs leh ralthuam antawlh ta a ni.
J-a chuan Pu Rosiama chu hma an lak zel dan tûr leh idea thar an neîh thu te, police hovin an chhui reng avang a inbiak a harstat vanga lo tir an nih thu te awihawm takin a sawi chho ta a, Pu Rosiama paw'n a ring khawp mai. J-a chuan tuiin chhuanlamin choka lamah chuan a va kal a, Grace-i chu 'Grace, J-a ka ni a ka lo chhan chhuak dawn che a ni. Ruahmanna lo siam ang che' tiin lehkha tè a pe zeuh a, an rinhlelh lo nan a chhuak leh vat a. Grace-i chuan mak a ti hle mai! A lawm bawk si. Lehkha chu a chhiar vat a, a ringhlel rum rum zawk a. Tichuan, lehkha a ziak ve nghal mawlh mawlh a, thingpui pe pahin midang hmuh loh laiin J-a chu lehkha a pe zeuh a. J-a paw'n a tuk lama inkawm tha leh turin Pu Rosiama in chu a chhuah san ta rih a.
Asia plaza Hotel-a a ro6 a luh ve leh J-a chuan Grace-i lehkha chu a chhiar vat a, 'zan reiah engtik hunah pawh chhuak thei turin gate bulah min lo chang rawh' tih a lo inziak a. J-a chu a lawm kher mai, tin, a beidawn tawh hnuah J-an a lo lam leh chu Grace-i chu a lawm hle mai a, a beiseina beidawng tawh chu tih tharin a lo awm leh ta. A thil tih pawh a zàng vah a, an hrechhuak ang tih pawh a hlau hial zawk a.
J-a chuan apa thianpa Pu Hmingliana, Myanmar Mizo zinga sumdawng hausa ber zing a mi chu a va tlawh chhuak vat a, a kal chhan tlangpui leh a thil ruahman dan te, zan lama zoram lam pan nghal tur motor a mamawh thu te a hrilh tlang ta vek a. Pu Hminga pawh chuan a thianpa fapa a ni tih a hriat chuan tanpui a lo inhuam hle mai a, a driver leh a motor pakhatin hruai turin ruahmanna an siam dun ta nghal a.
Zan dar 11 a tang chuan J-a leh a hruaitu tur chu inpeih thlapin Pu Rosiama te in a tanga kawi khatnaah chuan an awm rân tawh a, zan dar 12 rik dawn ah chuan Jerry-a rui tak chunga a haw lai pawh anhmu reng mai. J-a chuan khawih chak hle mahse Myanmar ram a nih a vangin engmah tih ngam a ni si lo a. Dar 1 velah chuan pu Rosiama te Kawngka chu dim takin a lo inhawng riai riai a, hlauthawng tih hriat takin Grace-i chu a lo chhuak them them a, Grace-i a ni tih anhriat ve leh Motor chu driver chuan a start a Gate bulah chuan kawngka hawn sain an ding a Grace-i a lo luh chiah chuan ramhuai speed-in an dawk chhuak nghal zawk a. J-a leh Grace-i chu an inpawm nghal thlawp a, engmah ansawi thei lo, Grace-i chu lawm a vangin J-a awmah chuan a hmai a phum a a tap hlawp hlawp a. J-a chuan duat takin a lo chul heuh heuh a. Khawi hmunah mah pèng buai tawh lovin Mizoram lam chu chak takin an pan ta nghal vang vang a.
Kalkawngah chuan J-a leh Grace-i chu an inkuah chial reng a, an inthlah phal mawlh lo a ni ber mai. Sawi tur tamtak nei mahse sawi tur an vân angreng hle a, an in en a, an nui leh tawp a, an infawp vawng vawng a, ka ngai lutuk che tih bak ansawi thei lo. Grace-i phei chu a lawm a vangin a mittui a luang reng a ni ber mai.
An tlan chak bawk a zan khua an tlan hnuin a tuk tlai lamah chuan Tiau an thleng ta a, Zokhawthar ankai chiah chu an thaw a veng huai mai. An chuanna motor chu Burma ram motor a nih vangin lùt tlang zel thei a ni tawh lo a a lèt san ta a. An ni chuan Motor dang hmangin champhai chu an lùt ta nghal a.
@ UNAU MAW??
Tunah chuan Mizoram an thleng tawh a, an him thawkhat ta. Hotel an thlen chuan khua a thim tawh a. An inbual sar sar a, an hahdam deuh hnu ah chaw an ei a ta nghal a.

GRACE-11
Chaw an ei kham chuan J-a chuan a tuk zing taka an chhuah dawn a vangin Hotel manager hnenah chuan an bill chu a pe fel nghal ve a. An room a a luh leh chuan room chhungah chuan Grace-i lo awm lo a. Gallery panna kawngka erawh a lo inhawng hiau a. A va chhuah chuan Grace-i tap fep fep chu a va hmu a, a kianga a va kal chuan Grace-i chuan inngaihtuah mûk hmel takin ral hla tak chu a en reng a. Thla chu a eng no nghulh a, Champhai Khawpui chu a chhun èng ruih a.
J-a chuan 'Grace, ngatinge i tah, ka bulah hian i hlim lo a mi?' tiin a dârah chuan a kuah a. Grace-i chu lungchhe taka inhnitin J-a awmah chuan a bei thlawp a, 'J, i tân hian ka tling tawh lo a ni, ka hlutna zawng zawng tihchhiatin a awm tawh' a ti a, a tap tlawk tlawk a. J-a chuan, 'Grace, ka tan hian i tling tawk a, i thianghlim a sin. Eng ang pawh lo tawk mahla ka hmangaih tawh che a, ka hmangaih reng ang che' a ti a. Grace-i chuan, 'ka va'n lawm tak em. Nang ka lo tawng hi chu mi vannei chung chuang ka lo ni e' a ti a. J-a chuan a mittui chu a hruk sak a, a hmui thianghlim takah chuan a fawh sak vawng vawng a.
Thla eng no ruih karah chuan thlifim a thaw heuh heuh a. An dinna bula thutnaah chuan an thu dun a, an inpawm chial a. J-an a chanchin kimchang a hriat duh vangin Grace-i chuan ti hian a sawi ta a- 'Jerry-an min kidnap hnu khân room pakhatah min khung a, min phuar tlat bawk a. Nikhat leh chawhma kan awm hnu chuan Jerry-a leh mipahnih an lo lut a, min jection a, engmah ka hre lo zui a ni ang ka harh chhuah leh chuan Burma ramah kan lo awm reng tawh a lo ni a. Jerry-a te inah chuan room-ah min khung a, zan lamah chuan Jerry-a chuan min mut pui a tum a, ka theih tawpa ka tan vangin a hlawhchham a. Room a tang chuan a chhuak a a hnuah mi pahnih a lo hruai lut a, eng damdawi emawin min jection-a engmah ka hre zui ta lo. Zinga ka harh chuan Jerry-a chu ka bulah a lo muhil bawrh bawrh a, tihchhiat ka ni ta tih ka hrethiam ta a. Ka tap vak vak a engmah awmzia a awm tawh si lo. Jerry-a chuan a duh hun hunah min pawng sual a, min vo a, in ka chhuah san anphal lova min veng tlat a, Jail tang ang mai ka ni ta a ni' a ti a, J-a chuan uluk takin a lo ngaithla a. A thinrim lutuk chu a inhum ruh a, phuba ka la la mawlh ang a ti chhuak hial a.
Zan pawh a lo rei ta, in chhungah an inzui lût dun a. Grace-i chhung te an phone a, an lo lawm kher mai, Grace-i chu rei tak anbia a, a tuk a haw antum dan leh a chanchin tlang pui, J-an a chhanchhuah dan te chu a sawi vek hnu chuan J-a chuan a chhung te a be ve thung a. An chanchin tlangpui a sawi zung zung a, a pa hnenah chuan 'Grace-i nen hian inthen thei kan ni tawh lo, kan lo haw ve leh kan inneîh min phal sak ang che aw' tiin a dil a. A pa chuan 'Bawiha, Grace-i nen hian in innei thei lovang' a ti chuai raih a. J-a thinrim chuan 'hrep tak chuan, kan innei dawn khawp' tiin phone chu a dah hlum hmak a.
Khumah chuan an titi dun melh melh a, Grace-i chuan 'aw. . Ka van lawm tak em, ka lawm zia hi sawi ngaihna pawh ka hre lo' tiin J-a chu a kuah vawng vawng a. Duhthawh takin an infawp a, Blanket chu invurin âm takin chu zan chu anhmang dun ta a.
Zing takah an tho a, an inbual a, chhuak tur chuan an inpeih ta at mai. J-a chuan a Car chu a ti nung a, Aizawl lam panin an inkhalh chhuak ta a. Kal kawngah chuan Grace-i chuan thlahlel takin a kuah reng a, a thlah phal tawh mawlh lo, hlim takin an ti ti dûn mawlh mawlh a. Kal kawngah chaw ei a an din bak chu tluang takin an tlân zar zar a, Tuirialah J-a thiante chuan an lo hmuak a, an inhmuh chuan hlim takin an in hi5 a. Grace-i te inah chuan an fâte lo haw hmuakin J-a nu leh pa pawh an awm tawh a. An fate dinhmun chu uluk takin an sawi a, an rilru a buai kher mai. Grace-i te in an thlen chuan him taka an lo thlen lawm nan Grace-i pa chuan lawmthu sawi tawngtaina a nei a, thingpui an in ho nghal a.
Room-ah chuan an thu thap a, J-a pa chuan 'tluang takin in lo thlenga a lawmawm hle mai. Tunah hian thil sawi chhuah hrehawm tak, kan sawi chhuah duh ngai loh chu kan hun tawnin a zir miau si loh a vangin ka sawi chhuah a ngai ta a, in lo ngaithiam hrâm hram dawn nia. Nangni pahnih hi unau in ni a, in innei thei lovang. Tuna tang chuan unau hmangaiha in inhmangaih a ngai tawh zawk dawn a ni' a ti chuan J-a leh Grace-i mak ti lutuk chuan 'unau a' an ti rual thawt a. 'Ni e, kimchang takin ka sawi law law mai ang a, keini nupa leh Grace-i pa te nupa hian vanduaithlak takin fa kan nei thei lo ve ve a. Fa lâk mai kan duh ta a, tichuan, Grace Home-ah kalin naute phir thla 3 mi ve ve chu kan la ta che u a, nu leh pa hre rual in la ni lo bawk a kan faah kan pawm tlei ta che u a ni' a tîh lai chuan Grace-i mak ti lutuk chu a thi dang ta hial a. Anbuaipui laih laih a. J-a pawh chuan sawi tur reng reng a hre lo. Khawvela a hmangaih ber leh a hma zan lawka khum khata a lo mutpui nu kha a unau nu maw lo ni?

GRACE- 12
J-a mak ti lutuk chuan awmngaihna a hre hlawl lo, a zak bawk si a. A pa bawk chuan 'Bawiha, tawrh dan thiam hram ang che aw, a tir a Grace-i i zawn kan phal loh chhan pawh kha hei vang hi a ni a, mahse, i unaunu a nih vangin kan khap bur ngam si lo che a ni, tin, kan hrilh loh vang che u hian min dem maithei a, lo hrilh ta che u ila min chhuah san mai ang tih kan hlau ém a ni' a ti a, a fapa chu a hnem mawlh mawlh a.
J-a te chuan Grace-i te in chu chhuah sanin a room-ah chuan a thian te ho nen chuan an awm thap a. A rilru na leh hrehawm ti lutuk chuan zu a in nghek nghek a, a thian te ho pawh chuan hrethiamin an khap duh lova. A taksa chau leh rui bawk si chu a muhil nghal bawrh bawrh a.
J-a chuan Grace-i chu a be ngam tawh lova, hmuh pawh a hmu ngam tawh rih lo. Mahni unaunu te hmangaih a mutpui chu a zak ngawih ngawih a, a rilru na chuan zu a in ta nghek nghek a. Grace-i pawh chu ti tho, a thil tawn chu mak a ti a, a hrethiam thei lo a ni. Chaw pawh ei thei lovin khumah chuan a mu zawi ngawih ngawih a.
Kar khat a liam a, J-a pawh tlemin a inngaihtuah harh thei tawh a. Grace-i nen chuan unau tak tak an nih theih a ring hlawl lo. Thisena inzawm chu nise inhriat theihna a awm a ring tlat a. Motor la chhuakin Grace-i te in lam chu a pan nghal a, Grace-i lo mu zawi ngiai pawh J-a hmel a hmuh chuan a harh sawt a. J-a chuan 'Grace, insiam la Hospital-ah kal ang' tiin Grace-i mu lai chu a tung tho lawp a, hrethiam lo tak chungin Grace-i chuan 'eng nge?' a ti hû a. J-a lah chuan 'hmanhmawh la a ni mai, i la hre mai ang' a ti ringawt a.
Grace-i inpeih hnu chuan Durtlang Hospital lam chu anpan nghal nal nal a, Doctor Hmingchungnunga hnenah chuan an DNA an test tir ta nghal a. DNA test na khawl thar Mizoramah a lo thlen ve tawh a vangin phai lama thawn kher ngai lovin result anhre nghal thei tawh a. DNA result ah chuan an thisen chu a lo inmil hauh lo mai! Chu chu J-a rin dan chiah a ni. Mahse, phir unau an nih si chuan eng nge a awmzia ni ta ang le? J-a rilru chu a buai hle mai. DNA result chuan beiseina thar siam mahse engmah a la finfiah tak tak chuang si lo. Mahse, Grace-i chu a unaunu leh a phir pui a ni lo tih chu a hrechiang thawkhat ta.
Thil hrechiang tur chuan Grace Home ah kal a, thil hriat belh tur tamtak annei. Grace Home lam chu beiseina tlemte nen an pan ta nghal a. Home an va thlen chuan an Director chu anhmu phawt a, an han insawi chuan Director chuan mak a lo ti hle mai a, hetiang khawp a nula leh tlangval hmeltha hi an ni ang tih a ring pha ngai lo hrim hrim. Thingpui te in in rei tak an titi ho a. Director sawi dan chuan- J-a te unau chu an nu leh Nurse senior Pi Zâmin an lo hruai a, chutihlai chuan chawlhkar hnih chauha upa an ni nghe nghe a. An nu chuan a enkawl theih tak loh vangin Home a enkawl turin a dah ta tawp mai a, vawikhat mah a lo kan leh ta lo a. An nu chanchin pawh engmah anhriatpui zui ta lo a ni.
A nih si chuan Home director ber pawhin andah hlim hriain unau an ni ngei a ti si a, a va buaithlak leh si em! DNA erawh a inmil si lo. Beidawn nan tal tiin directorin a Pi Zami address a hrilh angin Durtlang Hospital-ah bawk an kir leh a, Lawmna ward duty te ho chu an han zawt chiang a, Pi Zami chu Lunglei Civil Hospital lamah a lo insawn daih tawh mai a. A va buaithlak zo ta em.
@ CHHUM DUM KAR A HLIMNA
Pu Rosiama te chanchinah lut leh lawk ang. Jail a tanga an tlan chhuah khân an in pawh tlawh lovin a nupui pawh a kal san a Lucy-i nen an inkawp ta kha a ni a, police lamin chhui an tum lahin block tu tha tak an awm zel mai si a, case chu pending a ni ta reng a. Mahse, Jerry-a nu in FIR a theh luh bakah Grace-i pa meuhin a theh luh ve takah chuan dan zel ngaîhna a awm ta lo a. Police leh sawrkar lam chuan Burma sawrkar biain Burma police te chuan Pu Rosiama te pafa leh Lucy-i te chu manin Mizoram sawrkarah an lo hlàn a. Anni ber man an nih leh takah chuan an thurualpui ministe pathum pawh man ve nghal an ni bawk a. Mipui te chuan sawrkar chu demin kawng anzawh mup mup reng a, minister te chu ban nghalin central Jail-ah dah luh vek an ni ta a ni.
J-a chu beidawng thawkhat viau mahse a tawp na'n tal Pi Zâmi chu zawn chhuah leh hrâm tumin a tukah chuan Lunglei lam chu a pan ta nghal a, Thenzawl a chaw a ei bak chu muangchang lovin a tlang par par a, dar 1 rik hmain a thleng phei a, Venglaiah a nu unaute inah chuan a innghat phawt a. A inbual fai hnu chuan Pi Zami chenna Zotlâng lam chu a pan ta nghal a. Pi Zami te in chu a zawt zèla a thlen dawn chuan mi an lo awm khawm teuh a, flag dum inzar a hmuh a tang chuan mitthi an awm tih a hrethiam nghal mai a, a va pan hnai a, midang awm ho hnenah chuan chanchin a han zawt chiang a nupakhat, Aids vei a thi a, chhungkhat hnai a neih loh a vangin Pi Zamin an in a a ruang a lak luh tak ngawt thu an lo hrilh a. J-a chuan Pi zami chu hmuh ngei a duh si a vangin koh chhuah sak lawk turin a ngen a, pa pakhat chuan a koh chhuah sak ta ngawt a.

G-13
Pi zami chu a tahna vanga mit sen rûm chungin a lo chhuak a, J-a chuan mi awm lohna lamah chuan kal puiin a chanchin tlangpui leh home a awm naupang kha a nih thu a sawi tlang nghal vek a. pi Zami chu a chek tlat tlat a, chutiang khawpa fahrah ve mai a lo puitling thei chu a awih lo hial zawk a. Pi Zami chuan, 'J-a, tunah hian i nu hun hnuhnung hmu tur a i lo kal hi pathian remruat a ni ngei ang. Lo lût phawt la chanchin kimchang inhrilh nan khua a tlai lo ve. Tun a ruang kan vui mek hi nangmah hring tu; i nu ngei a ni a sin' a ti a, insum zo lovin a tap ta hawm hawm a, J-a chuan a ngaihna a hre lo kher mai. A nu ruang a tih kil tur chuan an inzui lut nghal a.
A thlahna hnuhnungah chuan Pi Zami chuan ti hian thu a sawi a- 'tun a kan thlah mek Pi Lalremruati hi hun rei tak ka hmelhriat leh a chanchim min hrilh vek tu a ni a. Thingtlang hmunah chhungkuain an awm thin a, apa hi zu ngawlvei, chhungte pawh ngaihtuah thei lo khawpa zu buaipui a lo nih tak a vangin anu leh pa chu inthenin a nu chuan Aizawl lamah a lo pem luh pui ta a. Chutihlai chuan Hriatpuii hi kum 9 chauh a la ni a. A nu chuan thlai hnah te khar chhawnga an hmeithai ve rek rek hnuah pasal a nei ve leh ta a. A vanduai a siamin a pasal chuan an inneih hnu chuan a mizia chhuahin zu bawk a lo buaipui leh ta a.
Hriatpuii nu chu a hrisel lo ta hle mai a, cancer natnain a tlak buak a kum 5 zet an inneih hnu chuan a boral ta a ni. Hriatpuii chu a rethei ta hle mai a, apa lahin zu hlir a la buaipui bawk si nen. Kum 14 a lo ni ve tawh a, a pumrua pawh a lian zuah tawh a, zan khat chu apa zurui chuan a sual ta a, tang viau mahse tlawmin a lo awm ta. Apahrawn chuan a sual fo a, a ti rethei em em a, atawpah chuan apa chu a tlan bo san ta tawp mai a ni.
Hriatpuii chuan belh tur dang a hriat tak loh a vangin loh theih lohin K.S ah a tan a ngai ta a. Tichuan Volcom ah awmin a ei hmuh nan a taksa mawi na chu a zuar ta thin a. Chutihlai chuan mak tak maiin amah kawm tu te zinga tlangval pakhat chu a hmangaih ta tlat mai a. Chupa nen chuan rei tak an inkawl ve ren rawn a, fa hial a lo pai ta a. Mahse, fa anneih hma chuan a pasal(ti tawh mai ang) chuan midang a kawp sana a hnawtchhuak leh ta si a. A nau chu a hrâm tawh nasa mai a, nau nei turin Durtlang Hospital-ah pawisa pawh nei lovin a lo lum lut rawih a, chuta tang chuan kan inhriat phah ta a ni.
Tichuan lawmna ward-ah chuan fapa duhawm tak a hring a, chu naupang chu tuna ruang kil tu tlangval (J-a chu a kawk a) hi a ni. A inhliam nasat vangin kan pute hnenah ka dil saka kar hnih zet Hospital-ah chuan a awm a, pawisa a neih loh a vang leh chenna in takngial pawh a neih loh a vangin atan fa sèn pawm theih a ni ta si lova remruat dunin Grace Home ah kan dah ta a ni. Chuta tang chuan ka hmu leh ta ngai lo a.
Nimin zing ka duty laiin Hriatpuii hi nikhaw hre lovin anlo hruai lût nawlh mai a. A tirah chuan tunge tih ka hre lawk lova, kum a vei tam tawh mai bakah amah a lo cher chhe tawh em mai bawk nen. Theihtawpa kan enkawl hnuin tlemin a lo zia ta deuh a, amah chuan min lo hre hlauh a, a chanchin te a sawi hnuin amah ngei a ni tih ka hre ta a ni. A boral hma khan a chanchin min hrilh hman hlau a.
Khatia Home a tanga kan haw hnu khan engemaw chen inzuarin hun a hmang a. Chumi hnuin Lunglei lamah hian a phei ta a, Hotel pakhat (a hming a sawi lang lo) ah chuan thawkin zan lamah Hotel-ah bawk chuan an customer te hnenah a inzuar ve leh thung a, a taksa pawh a hriselin pan tu pawh a ngah viau thin a ni awm e, Hotel pawh a lun phah viau thin.
Khua a lo rei a, a ni pawh a lo upa ve tial tial bawk a, chutihlai chuan natna khirh tak mai AIDS a vei ta tlat mai a, Aids natna a vei tih a hriat hnu chuan inzuar duh tawh lovin Hotel-ah chuan a thiam ang tawk tawk a thawk ta zel a, mahse, a taksa chu a ni telin a hniam zel a Hotel nei tute chuan Aids a vei tih anhrechhuak ta tlat mai a. An Hotel a tang chuan nizan hmasaah khan anhnawtchhuak nghal a, kal na tur dang a hriat chuan loh a vangin mi kawmkarah a riak ta ngawt a, a khua te lo sikin chulai hmunah chuan ni khaw hre lovin a awm ta reng a. Zing tho hmasa ten an lo hmu fuh hlauh a, Damdawiin an lo pan pui ta a ni. Tichuan, theîhtawpa kan enkawl laiin tukin dar 8 velah khan a vahvaihna khawvel chu a lo chhuahsan ta a ni' tiin a sawi dap dap a. Mipui chu anngawi thap a, khawngaih lo reng an awm lo. J-a pawh chuan a nu vahvaih nasat zia a hriat meuh chuan a khawngaih em em a, a mittui pawh a dang thei bik lo. A nu hun hnuhnung chu Thlanmualah chuan a thlah liam ta vawng vawng a.
Tlai ruang thlak zawhah chuan Pi Zami leh J-a chu room chhungah chuan an inkawm dun a. Pi Zami chuan 'I nu khan a neih dawn che khan amah ang tho a K.s naupai nen an lo kal a, nau chu an vei rual viau a i nuin a hrin hnu che darkar chanve velah chuan i nu thian nu pawh chuan nau a nei ve ta nghal a, hmeichhe duhawm tak a ni nghe nghe a. Vanduai thlak takin chu nu chu nau chungah a boral ta nghal tlat mai a. I nu chuan a khawngaih em em a, a thiannu fa chu a fa anga register mai turin min

G-14
ti ta a. Inpian hun a inthlau lovin inhmel lah chu a in angin inhmel tha dun em em a. Naupiang ka hmuh tawhah chuan inla tha ber ngei ang. Kan thawh pui dang paw'n an en sup sup che u a, anlainat thu che u leh in hmelthat thu bak sawi tur an hre lo a ni ber mai. Tichuan inu fa phir ang chuan kan register ta a. Hmeichhe nu erawh chu riangvaite thlanmualah vui liam a ni ta a ni' tiin a sawi a.
J-a chu a thaw hawk a, Grace-i nu leh a nu chan chu nà a ti a, hriatthiam har a ti a ni. Lawm tur nge lawm loh tur tih pawh a hrethiam tawh lo, Grace-i nen an inkarah erawh thu dik a hriat tawh a vangin a lawm hle a, an nu te dinhmun erawh chuan a lung a ti awi thei lova, a khawngaih ngawih ngawih a.
Zan lamah chuan Grace-i chu a va phone a, thil awmzia zawng zawng a hrilh ta vek a, Grace-i lawm bawk si lungchhe bawk si chu a tap pur a, engmah sawi dan pawh a thiam lo. Grace-i a phone zawh chuan a chhung te chu a be nghal a, a thil hriat zawng zawng kimchang taka a hrilh hnu chuan a nu ruang chu nang hman tawh lo mahse a tukah a nu thlan tlawh tura an lo phei nghal tur thu anhrilh nghal a.
A tukah chuan J-a nu leh pa leh Grace-i te chhung leh J-a thiante ho chuan Lunglei lam chu an pan ta nghal a. Grace-in J-a a hmuh veleh chuan a pawm thlawp a, lungngaihna chhum zing karah chuan hlim takin an nui dun a, an inkuah vawng vawng a. J-a thiante chuan lawmpui na'n kut an lo beng a, anfâte inhmangaihna ropui tak lawmin J-a nu leh pa leh Grace-i nu leh pa pawh chu an inchibai lawp lawp a.
@THU BELH
Pu Rosiama leh a thurualpui ho te chu Central Jail-ah special takin an tâng ta kha a ni a. Life imprisonment chu an ngaingam ngang lo a ni ang pawn lam a tanga an thurualpui te hnen a tang chuan TÛR (poison) chak tak an la lût a. Chu tur chu inin Jail chhungah chuan an thi ta a. Jerry-a pawh chuan dam reng thlahlel bik lovin a inawkhlum ve ta bawk a. Tin, Lucy-i chuan vanneih thlak takin nun thar a chang ta hlauh a, a sualna chu khawvel mite ngaihdam theih loh khawpa nasa ni tawh mahse, ngaidam thei tu Pathian chuan ngaidamin mihring thar a lo ni ta a ni.
J-a leh Grace-i te chu andam chhunga inthen tawh lo turin an innei ta a, hlim takin an awm dun ta a ni.
@STORY BEHCHHAN THENKHAT
¤ Zoram politics ah hian thil bawlhhlawh tam tak a awm.
¤ Ram chhunga sualna lian tak tak hi a ram mite inrawlh vang a ni tlangpui.
¤ Sualna lian tham hi thenawm state a tanga lo lût a ni deuh ber.
¤ Chhungkaw kehchhia hian mihring nun a ti chhe nasa thei hle.
¤ Hmangaihna dik chu a rinawm a, a tlo a, engkim a huam thin. Adt. .
…*THE END*…



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)